{ "ဘားတော့ဘရက် ၏ ကဗျာများကို ဖတ်ကြည့်ရသောအခါ စစ်မောင်းသံကို ကြားလိုက်ရဘိ သကဲ့သို့ ကြက်သီးမွေးညင်း ထလာပါသည်။ ဆံပင်မွေးထောင်လာပါသည်။ ကဗျာများ၏ အသံ မှာ ဟိန်းလှပါသည်။ ကဗျာတေးသံမှ ဟုတ်ရဲ့လား။ ကျည်ဆံတွေများလား။ ဤသို့ ခံစားမိပါသည်...... " - တင်မိုး။
၁၇၊ ၇၊ ၁၉၇၀ မှာ ဘားတော့ဘရက် ရဲ့ ကဗျာတွေကို တင်မောင်အေး က ဘာသာပြန်ပြီး "အနာဂတ်အတွက်ကဗျာ" လို့ စာအုပ်ထုတ်ဝေရာမှာ ကဗျာဆရာ တင်မိုးက အမှာစာကို ဒီလို ရေးထားပါတယ်။}
အဆီယစ်နေသူများ
ပြည်သူ့ချွေးနှီးစာ အခွန်ဘဏ္ဍာတော်ကို
အလွဲသုံးစားလုပ်နေသူတွေက
နဲနဲနဲ့ ရောင့်ရဲကြပါလို့
ဆုံးမနေပါလားဟေ့။
ဗိုက်အပြည့် စားသောက်နေရတဲ့သူတွေက
လူငတ်တွေကို
အနစ်နာခံကြစမ်းပါတဲ့။
တိုင်းပြည်ကြီးကို ဂျောက်ထဲ ဆွဲခေါ်ချမဲ့လူတွေက
တိုင်းပြည်ကြီး သာယာဝပြောမယ့်အချိန်
နီးလာပြီတဲ့လေ။
တိုင်းပြည်အုပ်ချုပ်ရေးဆိုတာ
သာမန်ပြည်သူပြည်သားတွေ နားလည်ဘို့
အင်မတန် ခက်ပါတယ် ဆိုပါလားဟေ့။ ။
ဘားတော့ဘရက်။
[ဘားတော့ဘရက် ရဲ့ ကဗျာတွေကို တင်မောင်အေးက ဘာသာပြန်ပြီး သမဂ္ဂစာပေက ထုတ်ဝေတဲ့ 'အနာဂတ်အတွက်ကဗျာ' စာအုပ်မှ ကူးယူဖော်ပြပါတယ်။ မာယာ ၂၀၀၂ ဇူလိုင်။]
No comments:
Post a Comment