Wednesday, March 13, 2013

မှောင်နဲ့မည်းမည်းထဲကတဲကလေး ရေးသူ - ဖိုးသံ (လူထု)



(ကျွန်တော်မေ့မရသောအဆောက်အဦများ)

မှောင်နဲ့မည်းမည်းထဲကတဲကလေး


            ကျွန်တော်တို့ အက်စ်အက်စ်ပီပီ (ရှမ်းပြည်တိုးတက်ရေးပါတီ) ဌာနချုပ်က ထွက်လာပြီးနောက် လမ်း လျှောက်နေတာဟာ ၅ရက် ၆ရက်လောက် ရှိသွားပါပြီ။ မနက်ကနေ နေ၀င်အထိ လျှောက်ကြတာ ဖြစ်ပါတယ်။ တခါတလေများဆိုရင် (ဥပမာ မိုင်းရယ် မော်တော်ကားလမ်းကို ဖြတ်တုန်းက) ကားလမ်းနဲ့ မလှမ်းမကမ်း တနေရာမှာ ၀ပ်နေပြီး ညကျမှ ကားလမ်းကို သုတ်သုတ် ဖြတ်ကြရပါတယ်။ များသောအားဖြင့်တော့ မနက်အစောကြီးထ၊ ချက်ပြုတ်စားပြီး တနေကုန်လောက် လမ်းလျှောက်ကြတာပါ။ တောင်စောင်းမှာ၊ ပြန့်မှာ၊ တခါတလေ ချောင်းရိုးအတိုင်း ရေထဲမှာ လျှောက်ရတာလည်း ရှိပါတယ်။

ဒီလိုနဲ့ပဲ သံလွင်မြစ်ကြီးနဲ့ နီးသထက် နီးလာခဲ့ပါတယ်။

            ဒီ မြစ်ကြီးရဲ့ တဘက်မှာက ရန်သူ လုံးဝမရှိဘူး။ ကိုယ့်လူတွေချည့်ဖြစ်တယ်။ လွတ်လွတ်လပ်လပ် သွားနိုင်၊ လာနိုင်၊ ပြောနိုင် ဆိုနိုင်တယ်။ ကိုယ်လေးစားတဲ့ ခေါင်းဆောင်တွေနဲ့ တွေ့နိုင်တယ်။ ကိုယ့်အရင် သွားနှင့်ကြတဲ့ မန္တလေး ပလိုင်းရပ်က ကိုသန်းမောင် (ကိုကိုးကျွန်းပြန်)လို၊ ဦးလေးဗိုလ်ချုပ်ကျော်ဇော ရဲ့သား ကိုကျော်ဇောဦးလို ကိုယ်သိတဲ့ လူတွေနဲ့ တွေ့နိုင်တယ် စတဲ့ အသိတွေနဲ့ လူဟာ သိတ်တက်ကြွ လန်းဆန်းပြီး ခြေလှမ်းတွေ သွက်နေတာပါ။

            ဒါပေမဲ့ သံလွင်မြစ်ကြီးကို ဖြတ်ရတာ အန္တရာယ် သိပ်ရှိပါတယ်။ အဲဒီ ဒေသ (သံလွင်မြစ် အနောက် ဘက်) ဟာ အက်စ်အက်စ်ပီပီအဖွဲ့က လွှမ်းမိုးတဲ့ ဒေသမို့ သူတို့က လိုက်ပို့၊ သူတို့က ကူးတို့သမားစီစဉ်၊ သူတို့က ကူးတို့ဆိပ်ရွေး စတာတွေ လုပ်ပေးပါတယ်။ ကျွန်တော်တို့ကတော့ သူတို့ စီစဉ်သမျှကို လိုက်နာရုံပါပဲ။ ဒီလိုနဲ့ ကူးတို့နဲ့ မလှမ်းမကမ်း နေရာတခုမှာ ကျွန်တော်တို့က နေ၀င်အောင်၊ မှောင်အောင် စောင့်ကြပါတယ်။ ည ခွန်နှစ်နာရီ၊ ရှစ်နာရီလောက်ကျမှ လူတယောက်က သွားလို့ရပြီဆိုတဲ့ သဘောနဲ့ လာခေါ်ပါတယ်။ သူတို့ချင်း ရှမ်းလို ပြောကြတာပါ။ ကျွန်တော်က သူတို့ အမူအရာကို မှန်းပြီး နားလည်ယူတာပါ။ ဒါနဲ့ အဲဒီနေရာက ထလာပြီး တောင်ကုန်း (တောင်ရိုး?) ကို ကျော်လိုက်တယ်ဆိုတာနဲ့ သံလွင်မြစ်က ရေသံတွေ တဝေါဝေါ ကြားရပါတော့တယ်။ တကယ့်ကို အားတက်စရာကြီးပါ။ ဒါပေမဲ့ ဒီနေရာဟာ အန္တရာယ်ရှိတဲ့ နေရာဆိုတာ သိနေတော့ ဘယ်သူမှ စကားတခွန်းမပြော၊ လက်နှိပ်ဓာတ်မီး တချက်မထိုးပဲ လျှောက်ခဲ့ကြပါတယ်။ ခဏနေတော့ တောင်နှစ်ခု အကြားမှာ တသွင်သွင် စီးဆင်းနေတဲ့ သံလွင်မြစ်ကြီးရဲ့ တပိုင်းတစကို မြင်ရပါတယ်။ ညဆိုတော့ မသဲမကွဲပဲပေါ့။ ဒါပေမဲ့ ကျက်သရေ ရှိလိုက်တာ။

            မြစ်ကမ်းကို ရောက်တော့ လှေငယ်တစ်စီးနဲ့ လူတယောက် အသင့်စောင့်နေတာ တွေ့ရပါတယ်။ ကြို စီစဉ်ထားတဲ့ အဓိပ္ပာယ်ပါ။ လရောင်ကို သတိမထားမိပါဘူး။ ဒါပေမဲ့ ကြယ်ရောင်တွေ အောက်မှာကိုပဲ သံလွင်မြစ်ကြီးဟာ တင့်တယ်ချင်တိုင်း တင့်တယ်နေပါတယ်။ ကျွန်တော်တို့ အားလုံးပဲ အချိန်မဖြုန်းးပဲ လှေပေါ်ကို အမြန် တက်လိုက်ကြပါတယ်။ ပြီးတော့ လှေက ချက်ခြင်းပဲ ထွက်ပါတယ်။ လွတ်မြောက်ဒေသ၊ ၀နယ်ကို ရောက်တော့မယ်။

            ရေလယ်နား ရောက်တာနဲ့ပဲ ကျွန်တော်က ရေတလက်ခုပ် ခပ်ပြီးမျက်နှာ သစ်လိုက်ပါတယ်။ သံလွင် မြစ်ကြီးကို နမ်းရှုတ်တဲ့ သဘောပေါ့။ မကြာပါဘူး။ ၁၀မိနစ် လောက်ပဲရှိမယ် ထင်ပါတယ်၊ တဘက်ကမ်းကို ရောက်သွားပါတယ်။ အဲဒီ တဘက်ကမ်းကို ခြေချလိုက်တယ် ဆိုတာနဲ့ စိတ်တက်ကြွနေတဲ့ လူငယ်တယောက်ရဲ့ စိတ်ထဲ၊ ခေါင်းထဲမှာ ဘယ်လို ခံစားမှုတွေ ပေါ်လာမယ်ဆိုတာ အလွယ် စဉ်းစားနိုင်ပါတယ်။ ဒါပေမဲ့ စိတ်ကူးယဉ် မနေနိုင်ပါဘူး။ တဘက်ကမ်းက နေလှမ်းပစ်လို့ ရနေသေးတာမို့ မှုံရေးရေး လူသွား လမ်းကလေးအတိုင်း ခပ်သုတ်သုတ်ပဲ တောင်စောင်းကို တက်ကြပါတယ်။ ဒီလိုနဲ့ အတော်လေးတက်လိုက်တော့ အမှောင်ထဲမှာ မှောင်မှောင်မည်းမည်း တည်ရှိနေတဲ့ တဲကုပ်လေးတလုံးကို တွေ့တယ်။ အလျားနဲ့ အနံက အလွန် ၁၀ ပေ - ၁၂ ပေ စီလောက် ရှိပါလိမ့်မယ်။

            ဒါဟာ ကင်းစောင့်တဲ့ တဲပဲလို့ အတူသွားသူတွေက ပြောပြပါတယ်။ သံလွင်မြစ်ဆိုတာက ဖြတ်ကူးနိုင်တဲ့ နေရာတွေက မများ၊ ဖြတ်ကူးပြီးတော့လည်း တောင်စောင်းကို တက်လို့ရတဲ့ လမ်းကတခု၊ နှစ်ခုပဲ ရှိတာ။ ဒီတော့ ဒီလိုနေရာမှာ ကင်းထိုး ထားလိုက်ရင် ဒီတက် လမ်းကို စိုးမိုးလို့ ရပြီပေါ့။

            တဲအလယ်မှာ မီးဖိုထားတဲ့ နေရာတကွက် တွေ့ပါတယ်။ လောင်ပြီးသား ထင်းတို ထင်းစနဲ့ ပြာတွေကို တွေ့လို့ ပြောတာပါ။ နောက်ပြီး ခေါင်းအထက်က သက်ကယ်မိုးမှာလည်း ကြပ်ခိုးစွဲနေတာ တွေ့ရပါတယ် (နောက် မနက်မိုးလင်းမှ သတိထားမိတာပါ)။ ကျွန်တော့်တို့ရဲ့ ၀နယ်ရောက် ပထမဆုံးညကို ဒီတဲကလေးမှာပဲ အိပ်လိုက်ကြပါတယ်။ လွတ်မြောက်နယ်မြေမှာ ပထမဆုံး အိပ်စက်ခြင်း။ ပန်ဆန်းအထိ သွားကြမှာဆိုတော့ နောက်ထပ် ၄ရက်လောက် ဆက်လျှောက်ရဦးမှာလေ။ ဒါပေမဲ့ စိုးတထိတ်ထိတ် ရက်များကတော့ အဆုံးသတ်သွားပါပြီ။

            အိပ်ကာနီးကျတော့ ”ဒီနေရာမှာ ဒီလို စိတ်ချလက်ချ အိပ်လို့ရအောင် ရဲဘော်တွေရဲ့ အသက် သွေးတွေ ဘယ်လောက်များ ပေးခဲ့ကြသလဲ” ဆိုပြီး တောင်တောင်အီအီ စဉ်းစားမိနေပါတယ်။

ဖိုးသံ(လူထု)

Sunday, March 10, 2013

မသိတဲ့အိမ်တအိမ် - ရေးသူ - ဖိုးသံ (လူထု)



(ကျွန်တော်မမေ့နိုင်သောအဆောက်အဦများ)
မသိတဲ့အိမ်တအိမ်


            ကျွန်တော် အိမ်ကထွက်ပြေးလာပြီးနောက် တနှစ်လောက်အကြာ၊ တနေ့မှာ ကျွန်တော်တို့ အောင်းနေတဲ့နေရာကို မြေအောက်တာဝန်ယူထားတဲ့ ရဲဘော်တယောက် ရောက်လာပြီး ကျနော်တို့ကို ခေါ်သွားတော့မယ့် အကြောင်း ပြောပါတယ်။
 
            ဒီအခါမှာ ကျွန်တော်တို့လည်း အမေက အိမ်ကိုပြန်ခဲ့လို့ ခေါ်လိုက်တာကိုကြားလိုက်ရတာလို ရှိသမျှပစ္စည်းလေး တွေကို လွယ်အိတ်ထဲသွတ်ထည့်၊ ကန်တော့ထိုက်သူကို ကန်တော့၊ နှုတ်ဆက်တန်သူကို နှုတ်ဆက်ပြီး ထွက်လာခဲ့ပါတယ်။ ရွာပြင်ကိုထွက်တော့ မိုးကလေးတဖွဲဖွဲထဲ လျှောက်ရင်း အိမ်တအိမ်က ကလေး ၃ယောက်က လက်ပြနှုတ်ဆက်နေလို့ လက်ပြန်ပြ နှုတ်ဆက်ရင်း စိတ်မကောင်းဖြစ်မိတာကို မှတ်မိနေပါတယ်။ ကျနော်ရယ်၊ ကိုတော်ဝင်းရယ်၊ မြေအောက်က ရဲဘော်ရယ်၊ ကားမောင်းသူရယ်။ ဒတ်ဆန်းကား နောက်ပွင့်လေးနဲ့ပါ။

            ဦးတည်ချက်က ဗမာပြည်ကွန်မြူနစ်ပါတီရဲ့ ၁၀၈ စစ်ဒေသ။ စခန်းထောက်က ဗထူးမြို့နဲ့ ကျောက်ဂူ။ သူတို့ နှစ် ယောက်က ကားရှေ့ခန်းထဲမှာထိုင်၊ ကျနော်တို့နှစ်ယောက်က ကားနောက်ပိုင်းမှာထိုင်။ ဘယ်သူ့ ဘယ်သူမှ စကား မပြောကြပါဘူး။ ကားအပြင်ရှုခင်းက ခြောက်သယောင်းလှတယ်။

            တနာရီကျော်လောက် မောင်းမိတော့ သာစည်ရွှေညောင် မီးရထားလမ်းအကူးမှာ မီးရထားလာကာနီးလို့ မောင်းတံကြီး ချပိတ်ထားတာ တွေ့ရပါတယ်။ နောက်ပြီး အဲဒီအနားမှာ ကိုယ့်အရင် ရောက်နှင့်နေသူတွေ စောင့်နေကြတာကိုလည်းတွေ့ရ ပါတယ်။ သူတို့ အနားနီးတော့မှ သတိပြုမိတယ်၊ ဆင်အက အဖွဲ့တဖွဲ့။ ဆင်ရုပ်ကြီး ကျောပေါ်က နာမည်ကိုကြည့်လိုက်တော့ ရတနာမင်းတဲ့။ အဲဒါမှဒုက္ခ။ ရတနာမင်းဆိုတာက မန္တလေး တမာကုန်းက၊ နောက်ပြီး ကျနော့်မိဘများဆီ မကြာခဏ ၀င်ထွက်သွားလာနေကြသူတွေ။ အဲဒီ အရင်တနှစ်တုန်းကပဲ ဒီအဖွဲ့ အကြောင်း ကျနော့်မိဘတွေက ဦးနေ၀င်းကို ပြောပြတော့ သူက ကြည့်ချင်တယ်ဆိုလို့ ပုဂံသီရိပစ္စယာမှာ သွားဖျော်ဖြေနိုင်အောင် စီစဉ်ပေးခဲ့ရသေးတယ်။ ကိုယ့်ကို မှတ်မိတဲ့လူများ ပါနေရင် ဒုက္ခပဲ။ ကိုတော်ဝင်းကလည်း တမာကုန်းအရပ်ထဲမှာ အသိမိတ်ဆွေတွေပေါသမို့ နှစ်ယောက်စလုံး မီရထားဂိတ်မှာ ခေါင်းတွေ ငုံ့နေကြရပါတယ်။

            ဗထူးမြို့ကို ရောက်တော့ နေအတော် စောင်းနေပါပြီ။ ကျနော်တို့ကတော့ ထားရာနေ၊ ကျွေးတာစား၊ ခင်ပေးရာအိပ် လိုက်ကြပါတယ်။ နောက်တနေ့က ကျောက်ဂူဈေးပါ။ ကျနော်တို့က ဈေးကားနဲ့ ကျောက်ဂူကို လိုက်သွားပြီး ဟိုက လာကြိုတဲ့ လူနဲ့အတူ သူတို့ ဈေးပြန်တွေအထဲ ရောပြီး လိုက်သွားကြပါတယ်။ တောဈေးဆိုတော့ ဈေးသယ်တွေဈေးဝယ် တွေဟာ အစောကြီးလာ၊ အစောကြီး ပြန်ကြပါတယ်။ ဒါကြောင့် ဗထူးမြို့ကနေ စောစောထပြီး သုံးတန်ကားကြီးတစင်းပေါ်မှာ လူ ၄-၅၀နဲ့ ရောပြီးလိုက်သွားကြတာပါ။

            ကျောက်ဂူ ဈေးကွဲချိန်ကျတော့ ဈေးပြန် ဒေသခံတွေနဲ့ ရောပြီး လှည်းပေါ်ထိုင်လိုက်သွားကြပါတယ်။ အင်ပင်ကြီးတွေ၊ ကျွန်းပင်ကြီးတွေ ထီးထီးမားမား အပြိုင်းအရိုင်းနဲ့၊ ချိုးသံ၊ ငှက်တော်သံ၊ ယောက်ဖခွေးခေါ်သံတွေနဲ့။ သာယာချင်တိုင်း သာယာနေတဲ့ တောကြီးပါ။ ကျနော်သာ အဖြစ်ရှိရင် တောလား လှလှတပုဒ်တောင် ရေးထွက် လာနိုင်လောက်ပါတယ်။ လှည်းပေါ်မှာတော့ သူတို့ချင်းပြောနေတဲ့ ဓနုစကား၊ ရှမ်းစကားကိုလည်း ကျနော်တို့က နားမလည်၊ ကိုယ်က ပြောရင်လည်း ဗမာမှန်း ပေါ်သွားမှာမို့ တောအလှ၊ ငှက်ဂီတကို ခံစားရင်းသာ လိုက်သွားခဲ့ပါတယ်။ ဒီလိုနဲ့ ညနေ သုံး-လေးနာရီလောက်မှာ ရွာတရွာကို ရောက်လို့ ကျနော်တို့ ဆင်းလိုက်ကြပါတယ်။ ရေးမထားတဲ့ စည်းကမ်းအတိုင်း ရွာနာမည်ကို ကျနော်စနည်း မနာမိပါ။ လိုက်ပို့တဲ့လူ၊ လာကြိုတဲ့ လူတွေရဲ့ နာမည်ဆိုတာတော့ ဝေလာဝေး။ ပြောမထွက်တဲ့ ကျေးဇူးတင်စကားတွေကို မျက်လုံးက ပြောရင်းသာ နှုတ်ဆက်ခွဲခွာ ရတာချည်းပါပဲ။

            ကျနော်တို့ ရွာထဲက အိမ်တစ်အိမ်မှာ ထိုင်စောင့်ကြပါတယ်။ အဲဒီက အိမ်တွေဟာ ဗမာပြည် ကျေးလက် အနှံ့အပြားက အိမ်တွေလိုပါပဲ၊ ခြေတံရှည်၊ ၀ါးကပ်ကာ အိမ်တွေပါ။ ပျဉ်ထောင်အိမ်လည်း ရှိသလောက်ရှိပါတယ်။ နာမည်မသိတဲ့ရွာက နာမည်မသိတဲ့ အိမ်ရှင်ရဲ့ အိမ်တစ်အိမ်လို့ပဲ ဆိုကြပါစို့။ ညနေစောင်းတော့ အိမ့်ရှင်များနဲ့အတူ ထမင်းစားရပါတယ်။ အဲဒီ နောက် အခန်းအလယ်က မီးဖိုဘေးမှာထိုင် စကားစမြည် ပြောကြပါတယ်။ ပြောတယ်ဆိုတာ သူတို့ချင်းပါ။ ရွာထဲက တခြား အိမ်တွေက လူတွေ ထင်ပါတယ်။ လူကြီးလူငယ်  ၇ယောက် ၈ယောက်လောက် တက်လာပြီး ၀ိုင်းဖွဲ့စကား ပြောကြပါတယ်။ သူတို့ အစဉ်အလာအတိုင်း ဖြစ်ပါလိမ့်မယ်။ ကျနော်တို့ကိုတော့ ဘယ်သူကမှ မမေးပါဘူး။ နောက်နားမှာ ထရံမှီပြီး တေမိ ဇာတ်ခင်းနေသူ နှစ်ယောက်အကြောင်းကို သူတို့က မစပ်စုပါဘူး။ သူတို့အဖို့ ရိုးနေပြီဆိုတဲ့ သဘောများလားမသိပါ။

            ဒီလိုနဲ့ ညဘက် ကူးလာပါတယ်။ အခန်းထဲမှာ ဘာမှ အပြောင်းအလဲ မရှိပါ။ စကားဝိုင်းကတော့ လူတိုးလိုက်၊ လျော့ လိုက်နဲ့ပါပဲ။ ကျနော့်အထင် ည၈နာရီ-၉နာရီလောက် ဖြစ်ပါမယ်။ သေနတ်ထမ်းထားတဲ့ လူငယ်နှစ်ယောက် အိမ်ပေါ်ကို တက်လာပြီး စကားဝိုင်းထဲ ၀င်ထိုင်လိုက်ပါတယ်။ အိမ်ရှင်နဲ့ သူတို့ ချင်းတီးတိုးပြောပြီး အိမ်ရှင်က ကျနော်တို့ ဘက်ကို မေးထိုးပြ လိုက်ပါတယ်။ နောက်ပြီး ကျနော်တို့ကိုလည်း တချက်ကြည့်ပြီး  သူတို့ပဲဆိုတဲ့ အဓိပ္ပာယ်နဲ့ ခေါင်းငြိတ်ပြပါတယ်၊ ကျနော်တို့ကလည်း ထိုင်ရာကနေ ငေါက်ကနဲ ထလိုက်ပါတယ်ဲ။ နောက်ပြီး အားလုံးကို လေးစား ကျေးဇူးတင်တဲ့သဘောနဲ့ ခါးညွှတ်ပြုံးပြပြီး ရှေ့က လူနှစ်ယောက်- အော် ရဲဘော်နှစ်ယောက်ရဲ့ နောက်ကနေ ကောက်ကောက်ပါ လိုက်သွားခဲ့ကြ ပါတယ်။

            အပြင်မှာ လသာနေပါတယ်။ ထိန်ထိန်လင်းနေတာ မဟုတ်ပေမဲ့ ညီအစ်ကို သဲသဲကွဲကွဲ မြင် နိုင်တဲ့ အလင်းရောင်မျိုး ဖြစ်ပါတယ်။ ကျနော်တို့ စကားတခွန်းမှ မပြောပဲ သုတ်သုတ်လျှောက်ကြပါတယ်။ ဒီလိုနဲ့ ရွာက ထွက်တယ် ဆိုတာနဲ့ တောတန်းထဲကို တန်းဝင်တာပါပဲ။ တောလမ်းလေးတခုအတိုင်း ခပ်ပြေပြေ တက်ခဲ့ကြပါတယ်။ လမ်းကလေး ဖုံဖုံက လရောင် အောက်မှာ ကိုယ့်ကို ခေါ်သွားပါတယ်။ နာရီဝက်လောက် လျှောက်မိတော့ လမ်းအတိုင်း ထိုင်စောင့်နေကြတဲ့ သေနတ်ကိုင် ရဲဘော် ၇ယေက် ၈ယောက်ကို ဘွားကနဲ တွေ့ရပါတယ်။ ၀တ္ထုတွေ၊ ရုပ်ရှင်တွေထဲကလို အချက်ပေးသံတို့ ဘာတို့  ဘာမှ သတိမထားမိပါဘူး။ ကျနော်တို့ အဲဒီ နေရာမှာပဲ ထိုင်ချလိုက်ပြီး လက်ဆွဲနှုတ်ဆက်ကြ၊ မိတ်ဆက်ကြပါတယ်။ ကျနော့်ကို လာကြိုတဲ့အဖွဲ့ကို ခေါင်းဆောင်လာသူက ၁၀၈ စစ်ဒေသကော်မတီ ရဲဘော်(ဦး)သောင်းတင် ဖြစ်ပါတယ်။ အဲဒီအချိန်က အသက် ၅၀ကျော်ပြီ ဖြစ်တဲ့သူ့ကို အများက ဦးလေးသောင်းလို့ ခေါ်ကြပါတယ်။ ကျနော်တို့ကို ရွာမှာလာကြိုတဲ့ ရဲဘော်နှစ်ယောက်ရဲ့ နာမည်တွေက ရဲဘော်ဝင်းအောင်နဲ့ ရဲဘော်လှတင့်တို့ ဖြစ်ပါတယ်။ သူတို့နဲ့ အဲဒီလို စကားပြော နေကြတုန်းမှာ ကျနော့် မျက်စိတွေက သူတို့ ဦးထုပ်ပေါ်က ကြယ်နီနဲ့ သူတို့လက်ထဲက သေနတ်တွေဆီကိုပဲ ရောက်နေပါတယ်။ ဒါကို သတိထားမိတဲ့ ဦးလေးသောင်းက ပြုံးပြီး သူ့ရဲ့ ဦးထုပ်ကို ချွတ်ပေး၊ ရဲဘော်တယောက်ဆီက အမ်-၂၃ သေနတ်တလက်ကို ယူပေးပါတယ်။ လရောင်လေး မှိန်မှိန်အောက်မှာပေမဲ့ ကြယ်နီရော သေနတ်ရောပါ တလက်လက် တောက်နေတယ်ထင် ရပါတယ်။ အင်မတန် ထူးခြားတဲ့  ခံစားမှုတခု ပေါ်လာပါတယ်။

            ကျနော် ဘ၀တခုပြောင်းတဲ့ ညရယ်ပါ။
ဖိုးသံ(လူထု)