Tuesday, April 27, 2010

သားတို့သမီးတို့စာဖတ်ကြ
ရေးသူ- လူထုဒေါ်အမာ



လူငယ်တွေကို အမေပြောချင်တဲ့စကားက-
မင်းတို့ စာဖတ်ကြ ဆိုတာပါပဲ။
လူမှန်ရင် စာမဖတ်လို့ မဖြစ်ပါဘူး။ တကယ်ပါပဲ။
စာမဖတ်တဲ့လူဟာ လူပီပီ မဖြစ်ပါဘူး။

စာဖတ်မှ အဆင့်မီမီ တွေးခေါ်တတ်တယ်။
မှန်ကန်အောင် ဆုံးဖြတ်တတ်တယ်။

ဘာစာဖတ်ရမှာလဲလို့မေးရင်-
ပထမတော့ ဘာစာမဆို ဖတ်ပါ။
ဖတ်ရင်းဖတ်ရင်း၊ ဘယ်စာကအကောင်း၊ ဘယ်စာကအညံ့ဆိုတာ မင်းတို့ သိလာလိမ့် မယ်။ အဲဒီတော့ ရွေးပြီး ဖတ်တတ်ပြီပေါ့။


၁၉၇၂ ခုနှစ်က ကမ္ဘာကုလသမဂ္ဂက ဒီနှစ်ကို နိုင်ငံတကာ စာအုပ်နှစ်လို့ သတ်မှတ် လိုက်တယ်။ ဒါကြောင့် အမေတို့ မန္တလေးက အဲဒီနှစ်က မန္တလေးမှာ စာအုပ်ပြပွဲတခု မြို့တော်ခန်းမမှာ ပြုလုပ်ခဲ့တယ်။ ပြပွဲက ဒီဇင်ဘာလ (၆)ရက် က (၉)ရက် အထိပြဘို့ စီစဉ်တာ။ လူစည်အားကြီးလို့ (၂)ရက် တိုးပြရသေးတယ်။ ပြပွဲ (၆)ရက်မှာ ရဟန်းရှင်လူ ပရိသတ်ပေါင်း ၁၂၀,၀၀၀ ကျော် လေ့လာကြည့်ရှုကြတယ်။
ပြီးတော့ နိုင်ငံတကာ စာအုပ်နှစ် အထိမ်းအမှတ် စာတမ်းဖတ်ပွဲကိုလည်း အနောက်ကျုံးလမ်း ဓမ္မဗိမာန်မှာ ဒီဇင်ဘာ (၆)ရပ် ညကစပြီး (၁၀)ရက်အထိ၊ (၅)ညတိတိ စာတမ်းတွေ တင်ကြတယ်။ အဲဒီ စာတမ်းတွေကို "လူ့မိတ်ဆွေ စာအုပ်" ဆိုပြီး အမေတို့က စာအုပ် ရိုက်ခဲ့ကြတယ်။
တင်ကြတဲ့ စာတမ်းတွေကတော့-

၁။ ဆရာတော် ရွှေကိုင်းသားက အာကာသ ဖတ်စာအုပ်ကြီးထဲက သေးသေးတင် တလုံးလို့ ခေါ်ရမယ့် ဥက္ကာခေါ်တဲ့ ကြယ်ပျံများ။
၂။ လူထုဒေါ်အမာက ကမ္ဘာ့အကြီးဆုံး စာအုပ်ကြီး။
၃။ မောင်စွမ်းရည်၊ မောင်သာနိုးတို့က ကနေ့မြန်မာစာပေရှုခင်း။
၎။ ဦးမောင်မောင်က စာကြည့်တိုက်များ ပြည်သူကို အကျိုးပြုပုံ။
၅။ လူထုဦးလှက လူ့မိတ်ဆွေစာအုပ်။
၆။ တိုးလှက ကုန်းဘောင်ခေတ် ပိဋိကတ်တိုက်များ
၇။ ဒေါက်တာသန်းထွန်းက ဖတ်စာအုပ်သမိုင်း။
၈။ ကျော်မင်းကျော်၊ မောင်သစ်လွင်(လူထု)တို့က စစ်ပြီးခေတ်စာအုပ်လောက။
၉။ ဦးချမ်းမြက မြန်မာစာနယ်ဇင်းသမိုင်း။
၁၀။ ဦးတင်လွင်က ပါဠိ-မြန်မာနိဿယကျမ်းများ။
၁၁။ သန်းထွန်းက နိုင်ငံတကာစာအုပ်နှစ်ပြပွဲမှတ်တမ်း။
၁၂။ လူထုဦးလှက ဆရာဦးဖေမောင်တင်။
၁၃။ လူထုဒေါ်အမာက ကျောက်စာဝန်ဟောင်းဦးမြ တို့ ဖြစ်ကြတယ်။
ဦးဖေမောင်တင်ရဲ့ အမှာစကား၊ ဆရာကြီးရွှေဥဒေါင်းက ကျွန်ပ်ရဲ့ တသက်တာမှတ်တမ်း အကြောင်း ပြောကြားချက်တွေကိုလည်း ဒီစာအုပ်မှာ ပါဝင်တယ်။
အမေက ကမ္ဘာ့အကြီးဆုံးစာအုပ်ကြီးဆိုပြီး အခါအခွင့်သင့်တဲ့အခါ အမေတို့ဆီမှာ တကယ်ရှိတဲ့ မင်းတုန်းမင်းကြီး ပိဋိကတ်သုံးပုံကို ကျောက်ထက်အက္ခရာတင်ထားတဲ့ ကျောက်စာ (၇၃၀)ချပ် အကြောင်းကို ရေးသားတင်သွင်းပြီး ကမ္ဘာသိကြွားလိုက်တာပါ။
ဒီစိတ်ကူးကို ပျံလွန်တော်မူတဲ့ ဆရာတော် ရွှေကိုင်းသားက ပေးရှာတာပါ။
ကဲ..... သားတို့ သမီးတို့ လူဖြစ်အောင် စာဖတ်ကြ။

လူထုဒေါ်အမာ
{ဗြူတီမဂ္ဂဇင်း၊ စက်တင်ဘာ၊ ၂၀၀၀ မှ ကူးယူဖော်ပြပါတယ်။}

ပြည်တော်သာ၏ နေ့တနေ့
ရေးသူ- ဗန်းမော်တင်အောင်



(၁)

မှန်သေတ္တာ အတွင်းက စိန်ပွင့်တွေ အကြားမှာ နှင်းဆီက ပွင့်နေသလား။
အမေရိကန် ပညာတော်သင်ပြန် ခင်မမကြီးက နှင်းဆီပန်းကို လှမ်းယူကာ ဟန်လုပ်၍ မွှေးရင်း ဘေးတွင် ရပ်လျက် တဘက်စားပွဲ၌ လှပစွာ ခင်းကျင်းပြသထားသော ဗမာလုပ် ယွန်းထည်များကို၊ အထင်သေး ရှုတ်ချသော မျက်လုံးပြာနှမ်းနှမ်းဖြင့် မသိမသာ ကြည့်ရှု နေသော အမေရိကန် သံရုံးအရာရှိကို အနီဆိုးထားသော နှုတ်ခမ်းအား လှပသည် ထင်ရ အောင် ချွန်ချွန်ကလေး စူ၍ မော့ ကြည့်လိုက်သည်။




မောင်တော်က နှမတော်၏ ဟန်ရေးပြ အလှကို မြင်မိဟန်မတူ။ မြန်မာရာဇဝင်၌ ကျော်ကြား ထင်ရှားလှသော ရာမဇာတ်တော်ကြီးအား ရွှေမင်ဖြင့် အသေးစိတ်ရုပ်လုံး ဖော်ထား သော ယွန်းအုပ်ကြီးကို အသိမိုက်မဲသော မျောက်က ပဋ္ဌာန်းကျမ်းကြီးအား ကြည့်သလို ကြည့်နေသဖြင့်၊ ခင်မမကြီးက မောင်တော်၏ ချွေးစော်နံလှသော ချိုင်းကို သူမ၏ ဦးခေါင်း နွဲ့မူ ဟန်နှင့် မနံမစော် တိုးဝှေ့ လိုက်လေသည်။
"အိုး...ဘေဘီ...ကျွန်ပ်ဝမ်းနည်းပါတယ်..."
မိန်းမမြင်တိုင်း 'ဘေဘီ'ဟု တွင်တွင်ကျယ်ကျယ်ကြီး ခေါ်တတ်သော၊ အမေရိကန် လူယဉ်ကျေးက ခင်မမကြီးအား ဘေဘီဟူ၍ပင် အမြတ်တနိုး ခေါ်ဝေါ်ကာ တောင်းပန်ဟန်ြပ၏။
"ကိစ္စမရှိပါဘူး၊ ဒါထက်ရှင်ဘယ်တော့ ကယားပြည်ကို သွားဦးမှာလဲဟင်... ရှင်သွား နေတုန်း၊ ကျမတော့ အများကြီး ပျင်းကျန်နေရစ်မှာပဲ၊ သြော်..... ဒါထက်....ရှင် ယိုးဒယား ဘက်က ဇင်းမယ်များ၊ ခုတခေါက် ရောက်ဦးမယ်ဆိုရင် ဇင်းမယ်လုံချည် တထည်လောက် ဝယ်ခဲ့ပေးပါလားဟင်" လက်ဦးလင်ကြီးနှင့် မကွာရှင်းရမီပင် နောက်တလင်နှင့် ဗိုက်ကြီးခဲ့ ရသော အမေရိကန်ပြည် ဟောလီးဝုဒ်မြို့တော်မှ ကမ္ဘာကျော်ရုပ်ရှင်မင်းသမီး အင်းဂရစ်ဘဂ်မင် ၏ အမူအရာကို အတုခိုးကာ အလွမ်းသယ်ရင်း ခင်မမကြီးက မှာပုံတော်ကို သီဆိုလိုက်၏။
"ဘန်ကောက်က ကျွန်ုပ် ဟိုတလောက ယူလာတဲ့ လုံချည်တွေ ရှိသေးတယ် မဟုတ်လား" ဘန်ကောက်နှင့် ရန်ကုန် အကူးအသန်း လုပ်နေသော မောင်တော်က မေးလေ သည်။
"ဇင်းမယ်လုံချည်က ရန်ကုန်မှာ ကောင်းကောင်းမရဘူး"
"ဇင်းမယ်ရောက်မယ် မရောက်ဘူးဆိုတာ၊ အခု အသေအချာ မပြောနိုင်ဘူး ကယား ပြည် သွားဖို့ကတော့ ကျွန်ုပ်တို့မှာ အင်မတန် တာဝန်ရှိတယ်၊ ဟိုမှာ အခု ရောက်ရှိနေတဲ့ ကျွန်ုပ်တို့ စစ်တပ်တွေကို ကြည့်ရှုစစ်ဆေးဖို့ အလုပ်တွေ များတယ်၊ ဒါပေမယ့် ဟိုကပြန်ရင် ဘေဘီ့အတွက် လက်ဆောင်တခုခု ယူလာပါမယ် ဆိုတာတော့ ကတိပေးမယ်"
"အို....ရှင်ဟာ ကြင်နာတတ်တဲ့ လူတယောက် ပါပဲ"
အီးစီအေရဲ့ ဂုဏ်ကျေးဇူးသည် အနန္တငါးပါး၊ ဂုဏ်ကျေးဇူးထက်ပင် ထူးကဲလှပါပေ သည်ဟု သတင်းစာများက ရေးသားချီးကျူး၍၊ အစိုးရကလည်း လက်ခံထားသော တိုင်းပြည်၌ ခင်မမကြီးက သည်လိုပြောလိုက်ခြင်းမှာ မလွန်ပါ။
ငွေစီးကရက်ဘူးကိုဖွင့်၍ စီးကရက်တလိပ်ကို မီးညှိရင်း ခင်မမကြီးရဲ့ ကြင်နာတတ် သူက ပြုံးလေသည်။ သူက ခင်မမကြီးရဲ့ တင်ရှိ နေရစ်သေးသော ကိုယ်အလုံးအထည်ကို ပြင်သစ်ဆန်ဆန် စီးကရက်မီးခိုးများ အကြားမှ ခပ်မှေးမှေး ကြည့်နေလေသည်။
ခင်မမကြီးသည် နှင်းဆီပန်းကို ဟန်လုပ်၍ မွှေးနေပြန်၏။
"ကနေ့ည....လသာသာ အင်းယားမှာ ရေသွားကူးရင် မကောင်းဘူးလား"
ကြင်နာတတ်သူက စေတနာ ရေစီးကမ်းပြိုမတတ် ဖိတ်ကြားလေသည်။
"အကောင်းဆုံး စိတ်ကူးပဲ၊ ရှင်ဘယ်အချိန် လာခေါ်မှာလဲဟင်"
လှယဉ်ကျေးက သွက်လက်လှ၏။
"ကိုးနာရီလောက် ကားနဲ့ လာခေါ်မယ်လေ၊ ဒါထက်မင်းတို့ ဗမာပြည်ရဲ့ ရာသီဥတု သိပ် ရွံစရာကောင်းတာပဲ"
ကြင်နာသူက ယွန်းအုပ်ကို မဲ့ရွဲ့ကာ ကြည့်ရင်း သူ့ဘာသူ လာနေသော ဗမာပြည်ရဲ့ ရာသီဥတုကိုပင် ကျိန်ဆဲနေ လိုက်သည်။
"ရွံစရာကောင်းတဲ့အထဲမှာ ခင်မမကြီးတယောက်တော့ မပါပါဘူးနော်"
"အိုး မင်းကတော့ ချွင်းချက်ပဲ"
"ဟုတ်တယ် ကျမလဲ ဗမာပြည်မှာ မွေးပေမယ့် ဗမာပြည်ကို သိပ်မုန်းတာပဲရှင်"
"မင်းတို့ဗမာပြည်မှာ ဘယ်ဟာတခုမှ ငါတော့မကြိုက်ဘူး"
"ကျမတယောက်တော့ ချွင်းချက်ပါပဲနော်"
စကော့ဈေးအတွင်း ဗမာ့ယွန်းထည်နှင့် ကျောက်မျက်ရတနာများ ရောင်းချနေသော ကုန်တိုက်ကြီးအတွင်းမှ တယောက်နှင့်တယောက် လင်မယား ဆန်ဆန် ပူးပူးကပ်ကပ်နှင့် ထွက်လာကြပြီးနောက် ဈေးရှေ့ပလက်ဖောင်းဘေးတွင် ရပ်ထားသော ကားသစ်ကြီးတစီး ပေါ်သို့ ရီကာမောကာနှင့် စုံတွဲတက်ထိုင်ကာ ငြိမ့်ကနဲထွက်သွားကြသော ကြင်နာသူ အမေရိကန်လူယဉ်ကျေးနှင့် ဗမာ့ရာသီကို မုန်းသည်ဆိုသော ဗမာ့သမီးတို့အား ကျွန်တော် သည် ပလက်ဖောင်းဘေးမှ အငေးသားရပ်ကြည့်ခိုက်......
"အဖေတို့ အမေတို့ဟာ တောက ပြေးလာရတဲ့ ဒုက္ခသည်တွေပါ သားရယ်၊ တပဲစ တမူးစကလေးများ လှူနိုင်ရင် လှူပါလားကွယ်"
ကျွန်တော်သည် ထိတ်လန့်စွာ ကြည့်မိ၏။
သက်ရွယ်အိုမင်းလှပြီဖြစ်သော အလွန်တရာချည့်နဲ့နေသည့် အဘိုးအို၊ အမယ်အို၊ လင်မယား နှစ်ယောက်သည် အစုတ်စုတ် အပြတ်ပြတ်နှင့် ခွက်ကို ဆွဲ၍ ကျွန်တော့်ထံမှာ တပဲစ တမူးစကို အသနားခံနေကြသည်။ (၄) နှစ်ကျော်ကျော်မျှ ဖြစ်ပွားနေခဲ့သော ပြည်တွင်းစစ်၏ ဒဏ်ကို အလူးအလဲ ခံနေရသော တောမှ ဆင်းရဲသားများသည် သူတို့၏ ဘဝလုံခြုံရေးအတွက်၊ ကြောက်အားလန့်အားဖြင့် ပြေးမိပြေးရာပြေးရင်း၊ အစိုးရ ရုံးစိုက်ရာ မြို့တော်ကြီးဖြစ်သော ရန်ကုန်သို့၊ မျက်စိလည် လမ်းမှားကာ ရောက်လာရှာကြခြင်း ဖြစ်ဟန်တူ ၏။ တောကို မသိသော ရန်ကုန်က သူတို့ကို ဂရုစိုက် အရေးယူ မှာတဲ့လား၊ ရန်ကုန်က နေသာပါ၏။ တောမှာ ဘာပဲဖြစ်ဖြစ် ဘယ်သူပဲ သေသေ။
"တောမှာ လုပ်ကိုင်စားလို့ကလဲ မဖြစ်၊ ရွာကလဲ မီးလောင်၊ လဲဗြီးတွေကလဲ နှိပ်စက်နဲ့၊ ဘယ်လိုမှ မနေသာ၊ မတတ်သာလွန်းလို့ ရန်ကုန်မြို့ကြီးကို ပြေးလာမိတာပါ မောင်ရယ်၊ ဒီ ရောက်တော့လဲ ဘာမှလဲ လုပ်စရာ ကိုင်စရာကမရှိ၊ နေစရာ ထိုင်စရာကလဲ မရှိ၊ စားစရာ ကလဲ နတ္ထိနဲ့မို့ အသက်ကလေးတချောင်း ရှင်နေပါမယ့်အရေး လမ်းပေါ်မှာ လိုက်တောင်းစား ရတာ ပါကွယ်"
ဘုရားဟော ပဋာစာရီဇာတ်ထက် ကြေကွဲ ရင်နာဖွယ်ရာ ပုံဝတ္ထုကို ကျွန်တော်သည် မချမ်းမသာ ကြားနေရပေသည်။ သည့်အခိုက်တွင် ကျောင်းနေရမည့် အရွယ်ဖြစ်သော အသက် (၁ဝ) နှစ်ခန့် သူငယ်ကလေးတယောက်သည် သံပုံးတခုကိုလွယ်ကာ ထီးမပါ၊ ဖိနပ်မပါ၊ နေပူကြဲထဲက လျှောက်လာရာမှ ကျွန်တော်၏ အနီးက ဖြတ်၍သွားရင်း အော်လံကြီးကို ပါးစပ်တွင်တပ်ကာ "လွတ်လပ်ရေး မြေပဲဆားလှော်" ဟု အသက်မွေးဝမ်းကြောင်း အတွက် ရုတ်တရက် အော်သွားသဖြင့် ကျွန်တော်သည် လန့်ဖျပ်၍ တွန့်ဆုတ်သွားမိပါ၏။
ကျွန်တော်ပင်၊ မနက်စာကို မစားခဲ့ရသေး။ အရေးရယ် အကြောင်းရယ် ဖြစ်လာလျှင် ခြေစောင့် လက်စောင့်အဖြစ် လိမ်ပိန်ကုတ်ကပ်၍ ထားခဲ့သော အိတ်ကပ်အတွင်းမှ မတ်စေ့ ကလေးတစေ့ အကြောင်းကို ငိုင်၍ တွေးတော စဉ်းစားနေစဉ် ဘဝ၏ လုံခြုံမှုအတွက် တောမှ ရန်ကုန်သို့ ခိုဝင် ပြေးလွှားလာကြရင်း အသက်ကလေးတချောင်း ရှင်နေနိုင်ရေးအတွက် နေပူ ခြစ်ခြစ်ထဲ၌ လိုက်လံတောင်းခံနေရသော အဖေနှင့်အမေတို့သည် စလေဆရာ၏ အလိုအားဖြင့် "ဆန်ဖြူဖြူတခွက်" ပင် မဟုတ်သေးဘဲ ဆန်တစေ့မျှပင် ထွက်နိုင်ပုံ မပေါ်သော ကျွန်တော့် ထံပါး မှ ထွက်ခွာသွားရှာကြလေပြီ။

(၂)

စကော့ဈေးရှေ့မှ ကျွန်တော်သည် လေးကန်ထိုင်းမှိုင်းစွာ ထွက်လာသော အခါ၌ နာရီပြန် နှစ်ချက်ပင်တီးနေပေပြီ။ ကျွန်တော်သည် အလွန်တရာ ထမင်း ဆာလောင်လျက် ရှိနေပါ၏။ သို့ရာတွင် လွန်ခဲ့သော (၁ဝ) မီနစ်ခန့်အတွင်းက ရန်ကုန်၏ အလှအပများ၊ ဇိမ်ခံပစ္စည်းများ ရောင်းချရာ စကော့ဈေးကြီးရှေ့တွင် တွေ့မြင်ခဲ့ရသော အဖြစ်အပျက် အကြောင်းအရာများသည် ထမင်းဆာလောင်နေခြင်းကို မေ့လျော့စေပါ၏။
ဗမာပြည်၏ ရာသီဥတုကို မုန်းနေရုံမျှနှင့် မကသေး၊ ဗမာပြည်သို့ လာရောက်နေထိုင် ကာ ဗမာပြည်မှ ဘာတခုမျှလဲ မကြိုက်ဘူးလို့ ပြောနိုင်ဆိုနိုင်လိုက်သော ခင်မမကြီးရဲ့ ကြင်နာတတ်သူကြီး၊ ဗမာရဲ့ သမီးစင်စစ်က "ဗမာ ရာသီဥတုကို သိပ်မုန်းတာပဲရှင့်" ဆိုသော ဘေဘီတို့၏ အကြောင်းအရာများနှင့် ကျောင်းမနေရဘဲ ဈေးရောင်း၍ အသက်မွေးဝမ်း ကျောင်းနေရသော ကလေး၊ တောမှပြေးလာသော ဒုက္ခိတ အမေနှင့်အဖေတို့၏ အကြောင်း အရာများကို ဆက်စပ်၍ စဉ်းစားကြည့်နေမိသည်။
ဤ တခန်းရပ် စကော့ဈေးရှေ့ ပြဇာတ်တိုကလေး အတွင်း၌ ပွဲကြည့်ပရိသတ် လိုဖြစ်နေသော အလုပ်လက်မဲ့ဖြစ်သူ၊ ကျွန်တော်၏ အကြောင်းကိုကား ကျွန်တော်သည် စဉ်းစားရန် မေ့သွား၏။ ထမင်းဆာနေခြင်းကိုမှပင် သတိမရမိတော့။ တနပ်သောထမင်းကို အဘယ်မှာ လိုက်လံရှာဖွေရမည်ဆိုသော အသံသည်လည်း ပျောက်ကွယ်နေ၏။
ဘေဘီ၏ ကြင်နာတတ်သူကြီးကို ကျွန်တော်မသိ၊ ဝေါလမ်းမကြီး၏ သူလျှို ဖြစ်ကောင်း ဖြစ်လိမ့်မည်။ အမေရိကန်သမ္မတ ထရူးမင်း၏ အမ်အက်(စ်)အေ ရန်ပုံငွေ ဒေါ်လာ သန်းတစ်ရာ ထဲမှ လခကောင်းကောင်း ထုတ်ချင်လည်း ထုတ်နေရမည်။ အမှန်ကိုတော့မသိ၊ သို့သော် ဖြစ်နိုင်၏။ ဖြစ်နိုင်သောအချက်မှာ သူ အင်မတန်မုန်း၍ မကြိုက်သောဒေသမှာ သူက ဘာကြောင့်လာနေရသလဲ။
ကျွန်တော်သည် ခင်မမကြီး၏ အကြောင်းကို စဉ်းစားကြည့်သည်။
ခင်မမကြီးကို ကျွန်တော်က သိပေသည်။ အလတ်တန်းစား အစိုးရအရာရှိ တယောက်၏ သမီးဖြစ်၍ ကွန်ဗင့်ကျောင်းမှ တက္ကသိုလ်ကို ရောက်လာသူ ဖြစ်၏။ တက္ကသိုလ်တွင် သူမကိုယ်ကို ကုန်ပစ္စည်းအဖြစ် ကြော်ငြာသည်ကို ကျွန်တော်က မမေ့ပါ။ ပွဲတိုင်း လမ်းတိုင်းတွင် ကျော်နေသော ခင်မမကြီးကို ခပ်ပျော်ပျော်နှင့် ပေါ့ပေါ့နေတတ်သော ကျောင်းသားတိုင်းသိကြ၏။ ကျွန်တော်ကသာ မိဘဆင်းရဲ၍ ကျောင်းတွင် ကုပ်ကုပ်ကပ်ကပ် နှင့် စာကြိုးစားနေရသောကြောင့် လူချင်းမသိခဲ့ရခြင်းသာ ဖြစ်ပေသည်။ အမှန်တော့ မိန်းကလေးတဦးတယောက်၊ အသက်မွေးဝမ်းကျောင်းအလုပ်မှာ လင်ကောင်းတယောက် ကို မရအရဖမ်း၍၊ ပညာတတ်တယောက်၏ အသက်မွေးဝမ်းကျောင်းမှာ အစိုးရလခစား ဖြစ်စေ၊ တပါးသူ၏ လခစား ဖြစ်စေ၊ ဝင်ရောက်လုပ်ကိုင်နိုင်ရန် ကြိုးစားနေရသော ခေတ်ကာလ အတွင်း၌ ကျွန်တော်၏ ကြိုးစားနေရခြင်းနှင့် ခင်မမကြီး၏ ကြော်ငြာတို့မှာ အပြစ်တင်စရာတော့ မဟုတ်ဟု ထင်မိသည်။ ထို့ကြောင့် ကျွန်တော်သည် ခင်မမကြီးကို ထို့ထက် ပို၍တော့ မသိခဲ့ရပေ။
ကျွန်တော့် --------ကျောင်းမှ တပိုင်းတန်းလန်းနှင့် ထွက်လာခဲ့ရပြီး နောက် ကျွန်တော်သည် ---------ကျောင်းအကြောင်းကို ဘာမှ မသိခဲ့ သော------။ အမိမုဆိုးမကြီးနှင့် လူလား မမြောက်သေးသော ညီငယ်နှမငယ်ကလေးများအား ကျွေးမွေးဖို့ရန် အလုပ်ရှာ ခဲ့ရပေသည်။ ပညာတတ်တွေများ၍ နီးစပ်ရာကို အလုပ်ခန့်နေသောခေတ်၌ အောက်တန်း စာရေး အလုပ်ကလေးကိုပင် ကျွန်တော်သည် ၆-လကျော်မျှ ရှာဖွေကာ ရရှိခဲ့ပြီးနောက် တောမှ မိဘနှင့်ကလေးများကို ရန်ကုန်သို့ခေါ်လာရသည်။
တကယ်ဆိုသောအခါ၌ တလလျှင် တရာ့အစိတ်သုံးဆယ်မျှသော လခကလေးဖြင့် ကျွန်တော်က အမေနှင့် ကလေးများကို ဘယ်လိုများ နပ်စေ့အောင် ကျွေးနိုင်ပါမည်လဲ၊ အသွေးအသား မဖြစ်နိုင်သော ထမင်းဟင်းကလေးများဖြင့် ကျွန်တော်တို့ အိမ်သားများ အသက်ရှင် နေရသည့်အခိုက် ၁၉၄၉-ခုနှစ်တွင် အစိုးရက လူလျှော့၊ ရှားပါးစားရိတ်ဖြတ်နှင့် ရက်ရက်စက်စက်ကြီး လုပ်လိုက်သောအခါ၊ မဝဘဲ စားနေရသော အဟာရမရှိသည့် ထမင်းနှင့် ဟင်းကလေးများထဲမှ လုယူခြင်းဖြစ်၍ ကျွန်တော်သည် ဘဝတူ စာရေးများနှင့် သပိတ်မှောက် အရေးဆိုမိသောကြောင့် ကျွန်တော်တို့ ရုံးစာရေး အမှုထမ်းများ၊ သမဂ္ဂ၏ ဥက္ကဋ္ဌကြီး ဦးထွန်းအောင်ကျော် နှင့်အတူ စာရေးအများအပြားပင် မတရားညှဉ်းဆဲ အဖမ်းအဆီး ခံခဲ့ကြရပေသည်။ ရန်ကုန်ထောင်ကြီးထဲသို့ ကျွန်တော့်အား မပို့မီ ဘားလမ်းအချုပ်ထောင်ထဲ၌ ချုပ်ထားစဉ် ရဲဘော်စာရေးတယောက်က လာပေးသော သတင်းစာတစောင်တွင် ခင်မမကြီးသည် အမေရိကန်ပြည်သို့ ပညာတော်သင်အဖြစ် ရွေးချယ်စေလွှတ်သော သတင်းကို ကျွန်တော်က ဖတ်လိုက်ရပေသည်။ ကျွန်တော်သည် စိတ်ဝင်စားခြင်း မရှိမိ၊ အပြင်ဘက်တွင် မလုပ်တတ် မကိုင်တတ်ဖြစ်ကာ ဒုက္ခကြီးစွာ ရောက်နေရတော့မည် ဖြစ်သော အမေနှင့်ကလေးများအကြောင်းကိုသာလျှင် ပူပန်နေရပေသည်။
ရန်ကုန်ထောင်ကြီးထဲတွင် (၉)လနီးပါး မတရား ဖမ်းဆီးချုပ်နှောင်ခြင်းကို ခံခဲ့ရပြီး နောက် ထောင်အပြင်သို့ ထွက်လာရသောအခါ၌ အမေက မြေပဲလှော်၍ ကလေးများက မြေပဲလှော်လိုက်ရောင်းနေရသော အဖြစ်ကို ကျွန်တော်က တွေ့ရပေသည်။ သူတို့သည်လည်း ထမင်းရှာဖွေပေးမည့်သူကို အစိုးရက ဖမ်းဆီးထား၍ ရတတ်သလို သူတို့စုံမက်သော အသက်ကလေးများကို မွေးနေရခြင်းပင် ဖြစ်ကြပေသည်။
ထောင်မှ ထွက်လာရပြီးနောက် ကျွန်တော်သည် အစိုးရ၏ လူဆိုးစာရင်းတွင် ပါဝင်သွား ပြီဖြစ်၍ မည်သည့်ရုံးကမှ အလိုမရှိသော လူဆိုးကြီးတယောက် ဖြစ်သွားရသည်။ အစိုးရလက်အောက်ခံ ရုံးများမှာ ကျွန်တော့်အတွက် တံခါးပိတ် ထားပြီဖြစ်ရကာ အခြား ကုန်တိုက်များတွင် လိုက်လံတိုးဝှေ့၍ အလုပ်ရှာသော အခါ၌လည်း အရောင်းအဝယ် ပျက်ပြား ၍ လူများကိုပင် လျှော့ပေါ့ ထုတ်ပစ် နေရကြောင်းများ ပြော၍ ပြော၍ လွှတ်ကြပါ၏။
ထိုအချိန်မှစ၍ ကျွန်တော်သည် အလုပ်လက်မဲ့တယောက် ဖြစ်လာရကာ လမ်းမပေါ်၌ ဇွဲကောင်းကောင်းနှင့် အလုပ်ရှာနေခဲ့ရခြင်း ဖြစ်ပေသည်။
လွန်ခဲ့သော (၁ဝ) မိနစ်ခန့်က ခင်မမကြီးကို ကျွန်တော်က စကော့ဈေးထဲတွင် မြင်ခဲ့ရခြင်းသည်.....ကျွန်တော် ကျောင်းမှ ထွက်လာခဲ့ရ ပြီးနောက် ပထမဆုံးအကြိမ် မြင်ဖူးခြင်းဖြစ်ပါ၏။ ခင်မမကြီးသည် အမေရိကန်မှပင် ပြန်လာခဲ့ပေပြီ။ ပြန်လာခဲ့ခြင်းနှင့် အတူ ဗမာ့ အမျိုးသားယဉ်ကျေးမှုကို အထင်သေးသော အမေရိကန်ယဉ်ကျေးမှုကိုလည်း ယူဆောင် လာခဲ့ဟန် တူပေသည်။
ကျန်သေးသော ကျောင်းမနေရဘဲ လွတ်လပ်ရေး မြေပဲဆားလှော် ရောင်းရသည့် ကလေးနှင့် အဖေတို့ အမေတို့မှာ ရန်ကုန်မြို့၏ လမ်းမပေါ်တိုင်း၌ နေ့စဉ်နှင့် အမျှ တွေ့နေရသော အကြောင်းအရာများ ဖြစ်နေ၍ ကျွန်တော်သည် နက်နက်နဲနဲ စဉ်းစားစရာ မရှိတော့ပေ။
နိုင်ငံတော်၌ သူတောင်းစားမရှိရဟု သမ္မတကြီးတင်မက၊ မိုးပေါ်က သိကြားမင်းပင် ဆင်း၍ အမိန့်ထုတ်ပြန် ထုတ်ပြန်၊ သူတောင်းစား ဖြစ်လာရသော အကြောင်းရင်းခံ ပဒေသရာဇ် မြေပိုင်ရှင် စီးပွားရေးစနစ်ကို မဖျက်သိမ်းနိုင်၍ ပြည်သူပိုင်လယ်မြေစနစ်ကို မပြုလုပ်နိုင်မချင်း သူတောင်းစား ပြဿနာကား ရှိနေမည်သာ ဖြစ်လေသည်။ ကလေးသူငယ်များကား အဘယ်သို့ပင် ပညာမသင်မနေရ ဥပဒေလုပ်လုပ်-ထိုကလေးများ၊ နောက်ပိုင်းစားရေး သောက်ရေး ကို သက်သာကောင်းမွန်အောင် မပြုလုပ်မပေးနိုင်မချင်း မည်သည့်ကျောင်းသို့မှ ကလေးများသည် ကခုန်ရယ်မောကာ ပညာလာသင်မည် မဟုတ်ဘဲ ပညာရေးထက် လောလောဆယ် အရေးကြီးနေသော ထမင်းစားရေး ပြဿနာအတွက် ဖြစ်သလို ဖြေရှင်း နေကြမည်သာ ဖြစ်ပေသည်။
ဆူးလေဘုရား အဝိုင်းကြီးပေါ်ဝယ် ကျွန်တော်သည် ရပ်လိုက်သောအခါ၌ ရန်ကုန်မြိုလယ်တွင် နေ့ခင်း ကြောင်တောင်တောင်ပင် မှောင်ချကာ ဖုတ် သူရဲ တစ္ဆေများနှင့် ချောက်၍၊ ခြောက်လုံးပြူး (၂) လက်ကိုင် လူဆိုးကြီးများကလည်း သူရဲကောင်းကြီးများအဖြစ် ပြသနေကြသော ဆူးလေဘုရားလမ်း ရုပ်ရှင်ရုံများမှ ဧရာမ လူအုပ်ကြီး ထိတ်လန့်တကြား အန်ထွက်လာသည်ကို မြင်ရပါ၏။

(၃)

မော်တော်ကားများသည် ကြောက်မက်ဖွယ်ပင် သူ့ထက်ငါ အလုအယက် ပြေးလွှား နေကြပါ၏။ တစီးနှင့်တစီး ပွတ်ကာသီကာ ပြေးလွှား မောင်းနှင်နေ ကြပုံမှာ ဘေးမှ ကြည့်နေရာ သူတယောက်အဖို့တွင် အသဲယားစရာပင် ဖြစ်ပေသည်။
စပယ်ယာကလေးများသည် ကားနောက်မြီးမှ ခရီးသည်များကို အော်ခေါ်ကာ သူ့ထက်ငါ အလုအယက် တင်နေကြသည်မှာလည်း ကြည့်ရသူအတွက် မသက်သာလှ။ ရန်ကုန်မြို့မှ ဘတ်စ်ကားများသည် လူစီးရန်မဟုတ်ဘဲ ပိုက်ဆံရှာရန်သာ အဓိက ယာဉ်တမျိုး ဖြစ်နေပါ၏။ ထို့ကြောင့်ပင် ကားတိုက်မှုများ ကြောက်မက်ဖွယ် များပြားနေရခြင်း ဖြစ်ဟန် တူလေသည်။
ကျွန်တော်သည် ရည်ရွယ်ချက်ကင်းမဲ့၍ မရေမရာရှိလှသော လမ်းလျှောက်ခြင်းမျိုးဖြင့် ဆူးလေဘုရား လမ်းမကြီးအတိုင်း ပလက်ဖောင်းပေါ်တွင် အမောပြေ ခေတ္တရပ်လိုက်မိပါ၏။ အမေရိကန် ရုပ်ရှင်မင်းသမီး ဒေါရ(စ်)ဒေး၏ ဆေးရောင်ခြယ် ဓာတ်ပုံကိုမှ နှမြောရမှန်း မသိသလို ပိုက်ဆံငါးမူးမျှပင် ပေးဝယ်၍ ထွက်လာခဲ့သော အသက် အစိတ်သာသာခန့် လူရွယ်တယောက်သည် သူ့လက်ထဲမှ ဓာတ်ပုံကလေးကို ပီတိဖြစ်ကြည်နူးလာရင်း၊ ကျွန်တော့် အားဝင်၍ ဆောင့်သွားလိုက်သဖြင့် ကျွန်တော်သည် အငေးသားကြည့်ရင်း ခံလိုက်ရသည်။ သူကပဲ ဝင်၍ တိုက်သွားပြီး ကျွန်တော့်အားပင် အပြစ်တင် မာန်မဲချင်သော အကြည့်ဖြင့် ကြည့်ကာ ထွက်သွားသော လူရွယ်ကို ကျွန်တော်က အဘယ်သို့ သဘောထားရပါမည်လဲ။
ကြာကြာနေ၍တော့မဖြစ်၊ ကျွန်တော်သည် ဂလုပ်ရုံရှေ့မှ ထွက်လာခဲ့ရလေသည်။ ပလက်ဖောင်းပေါ်တွင် ကားမစီးနိုင်သူများကလည်း ထမင်းစားရေးသောက်ရေး ကြပ်တည်း ခက်ခဲနေသူများအတွက် ဖြစ်သလို ရှာဖွေစားသောက် နေရသော ကွမ်းရာသည်၊ ထီအုပ်၊ စားသောက်ဆိုင်နှင့် သရေစာဆိုင်များကလည်း ရှုပ်ရှက်ခတ်နေသဖြင့် မနည်းပင် ရှောင်ကွင်း သတိထား၍ သွားရပေသည်။
ရန်ကုန်မြို့တော် သန့်ရှင်းရေးကို တာဝန်ရှိသည်ဆိုသော မြူနီစပါယ်ရုံးကြီး ရှေ့တွင် ကျွန်တော်သည် ခေတ္တမျှ ငိုင်၍ ရပ်နေမိရင်း၊ ကျွန်တော်တို့ ကွက်သစ်မှ မြောင်းပုပ်နှင့် အမှိုက်ပုံကြီးများကို ပြန်၍သတိရမိပါ၏။ မြို့တော်ဝန်ကိုယ်တိုင် တံမြက်စည်းလှည်း နေပါသည်ဟု ဖြစ်နေရသောခေတ်၌ ကျွန်တော်သည်လည်း မြောင်းပုပ်နံ့ကို ခံနိုင်ရမည်ဟု ဆိုချင်တာများလားဟု ကျွန်တော်က တွေးကြည့် မိပါသည်။
ဝမ်းထဲ၌ အစာခံမရှိ၍ တော်တော်ကလေး အနေရ အခံရခက်သဖြင့် ကျွန်တော်သည် ရှေ့တွင် အရိပ်ခိုနားနေရန်ကောင်းလှသော ဆူးလေစေတီတော်ကို လှမ်းကြည့်သည်။ ရွှေကတော့ ဝင်း၍ အိနေသည်။ ပြီးတော့ ဖြူဖြူဖွေးဖွေးနှင့် ခပ်လှမ်းလှမ်းမှ စိုက်ထူထားသော လွတ်လပ်ရေး ကျောက်တိုင်ကြီးနှင့်လည်း ပဏာရပေသည်။ သို့ရာတွင် ပြည်သူပြည်သားများ အား ငှက်ကလေး ကြက်ကလေးများ ဖမ်းဆီးသလို ဖမ်းပြီး ထောင်များထဲ၌ ရက်လနှစ် အကန့်အသတ်မရှိ ချုပ်နှောင်ထားခြင်းအား ရေငုံနှုတ်ပိတ် နေနိုင်သော တရားရုံးတော်၏ နာရီ ကြီးက (၂) ချက်ပင် ခွဲနေပါပကော..... ။
ကျွန်တော်သည် ဆူးလေကုန်းတော်ပေါ်သို့ တက်မိလျှင် ပထမဦးစွာ ပန်း ရောင်းသူများ ၏ အသိအမှတ်ပြုခြင်းကို ခံယူရပါ၏။ သို့ရာတွင် နောင်တမလွန်ဘဝထက် လောလောဆယ် ဘဝတွင်ပင် အေးချမ်းမှု ရပုံမရှိသေးသော ကျွန်တော်၏ လှုပ်ရှားပုံကို အကဲခတ်မိကြသလို သူတို့သည် ငြိမ်သက်သွားကြလေသည်။
ရင်ပြင်ပေါ်သို့ ရောက်သောအခါ၌ ကွမ်းဝါးနေသော ဗေဒင်ဆရာက အဆိုးအကောင်း ကလေးများ စစ်ဆေးဖို့ အကြံပေးခြင်းကိုလည်း ခံလိုက်ရသေး၏။ လောကဓာတ်ပညာ မပေါ်ထွန်းမီက ဘုရင့် ဟူးရားများအဖြစ် ဟန်ကျခဲ့ဖူးသော ဗေဒင်ဆရာများကလည်း အဏုမြူဓာတ်အားကို လူတို့ခွဲစိတ်နေနိုင်သော ခေတ်၌ပင် လဟာပြင်မှဂြိုဟ်နက္ခတ်များဖြင့် အသက်မွေးဝမ်းကျောင်း ပြုနေရှာကြခြင်းကို ကျွန်တော်က စာနာမိပေသည်။ အလုပ်လက်မဲ့ ဘဝ၌ စားသာသလို ရှာကြံစားခြင်းအတွက် ဗေဒင်ဆရာကို အပြစ်တင်ရမှာလား။
ကျွန်တော်က ကြင်နာစွာ ခေါင်းခါပြလိုက်ရပေသည်။

(၄)

အလှူရှင်များ၊ ဘုရားဖူးနိုင်ကြသူများ များပြားလှသဖြင့် ကျွန်တော်သည် လူအနည်းငယ် ရှင်းသော အနောက်တောင် စနေထောင့်ဘက်ရှိ ဇရပ်တခုတွင် တယောက်ထဲဝင်၍ ထိုင်လိုက် ရပေသည်။ တကယ်ဆိုတော့ အလုပ်ကလဲမရှိ၊ ရဖို့ရာလဲ လမ်းမမြင်၊ အိမ်၌လဲ နပ်မမှန်၊ လောလောဆယ်အားဖြင့်လည်း ထမင်းဆာနေရသောဘဝ၌ ကျွန်တော်သည် သက်သာမှုကို ဖြစ်တတ်သလို ရှာကြံခြင်း ဖြစ်ပေသည်။
တယောက်တည်း ကျွန်တော်သည် ဇရပ်နံရံကို မှီ၍ထိုင်ကာ သက်သာနားနေခြင်းကို ပြုနေစဉ် ဇရပ်တွင်းမှ လူတယောက်သည် ကျွန်တော့်အား လာ၍ မိတ်ဖွဲ့လေသည်။
"ကျနော်တို့က ဘီအိုအေဒီ အလုပ်သမားတွေလေ.....ဒါက ကျနော်တို့ရဲ့ သပိတ်စခန်း ပေါ့..." ဟု ထိုလူကပြောတော့မှ ယခုထက်တိုင် အများက မသိရှာကြရသေးသော ဆူးလေကုန်းတော်ပေါ်ရှိ ဘီအိုအေဒီ သပိတ်စခန်းကို ကျွန်တော်က လန့်ဖျပ်သိရှိ လာရပါ၏။ ကျွန်တော်သည် (၁၉၄၉) ခု သပိတ်ကြီးကိုလည်း ပြေး၍ အမှတ်ရမိပါ၏။ အဆုံးမှာတော့ ဘဝတူချင်း တွေ့နေရ ခြင်း ဖြစ်ပေသည်။
ကျနော်သည် ထိုသပိတ်မှောက် အလုပ်သမား ရဲဘော်အား ထမင်းဆာသော်လည်း စိတ်ဝင်စားမိပေသည်။ ကျွန်တော်ကဲ့သို့ပင် ရှပ်နီတပ်သားများ၏ လက်ချက်ကြောင့် နာကျင် နေရရှာသူဖြစ်ပေသည်။ ကျွန်တော်၏ နာကျင်ခြင်းမှာ (၂) နှစ်ကျော်ခဲ့ပြီဖြစ်၍ သူ၏နာကျင်ခြင်း မှာ အခါလည် သာသာမျှသာ ရှိသေးသောကြောင့် သူ၏ နာကျင်ခြင်းများသည် လတ်ဆတ် လျက် ရှိနေပေလိမ့်မည်။
ထိုအလုပ်သမားရဲဘော်သည် သူတို့သပိတ်မှောက်စဉ်က အဘယ်သို့အရိုက် အနှက်ခံ ခဲ့ရပုံ။ အဘယ်ကဲ့သို့ ညှဉ်းပမ်းခြိမ်းခြောက်ခဲ့ပုံများအား လည်ပင်းမှ အကြောများ ထကြွလာသည်အထိ တက်တက်ကြွကြွ ပြောဆိုလျက်ရှိပါ၏။ သို့ရာတွင်အလုပ်သမားရဲဘော်၌ လေးမြတ်စရာ ကောင်းသောအချက်တချက် သည်ကား သူတို့၏ "အရေးတော်ပုံ အောင်ရမည်" ဟူသော ယုံကြည်တက်ကြွချက်ပင်ဖြစ်သည်။ သည့်တနေရာ သည့်တချက်၌လည်း ကျွန်တော်တို့ ပညာတတ် လူလတ်တန်းစားများထက် အလုပ်သမားတို့သည် များစွာမြင့်မား သာလွန် လှပေသည်။
ကျွန်တော်က သူ့အား စိတ်ပါဝင်စားခြင်းကို အကဲခတ်မိပုံရသော အလုပ်သမား ရဲဘော်က (၁၃ဝဝ) ပြည့် အရေးတော်ပုံ မှစ၍ ဗမာပြည်အလုပ်သမားတို့ အရေးတော်ပုံ သမိုင်းကို ကျွန်တော်အား ဆရာက ကျောင်းသားငယ်အား သင်ကြားပို့ချသလို ရှင်းလင်းပြောပြ လာပေသည်။ ကျွန်တော်သည် ထမင်းဆာလောင်ခြင်းကို မေ့လျော့ကာ သူနှင့် တွေ့ဆုံသိကျွမ်း ရခြင်း၌ သာယာမှုကို ရရှိလာရာ၊ သူပြောသမျှ နားထောင်နေခြင်းဖြင့် နေဝင်၍ သွားလိုက်သည် ကိုမှ သတိမရတော့ဘဲ ဘုရားရင်ပြင်၌ မီးများ လင်းလာတော့မှ အချိန်၏ ကုန်လွန်ခြင်းကို သတိရလာပါ၏။
ဘုရားပေါ်မှ ဆင်းလာသောအခါ ထို အလုပ်သမားရဲဘော်သည် ကျွန်တော်အား လက်ဖက်ရည်ဆိုင်တဆိုင်သို့ ဇွတ်အတင်းခေါ်သွားကာ သူ၌ ရှိတတ်သေးသော တစ်ကျပ်တန် ငွေစက္ကူဖြင့် လက်ဖက်ရည်နှင့် မုန့်များ ကျွေးမွေးလေသည်။ သည်တော့မှပင် ကျွန်တော်သည် လည်း တနေ့လုံး ဆာလာသမျှ အမောပြေရ၏။

(၅)

နေ့နှင့်မခြားလှသော ရန်ကုန်မြို့၏ ညလယ် လမ်းမကြီးများအတိုင်း ကျွန်တော်သည် အိမ်သို့ပြန်လာ ရသောအခါ ရယ်မောနေသောရန်ကုန်မြို့ကိုပင် တွေ့မြဲ တွေ့ရပါသေးသည်။ တစ်သောင်းကျော်ကျော် ပေးရသော ကားသစ်ကြီးများသည် မီးရောင်များ အောက်ဝယ် တအိအိလှိမ့်ကာ တငြိမ့်ငြိမ့်ပြေးလွှား နေကြသည်။ ကားထဲမှ ရေဒီယိုကလဲ 'ဘေးမသန်းဘဲ အေးချမ်းသော မြနဒီသို့ လှေကလေးကို လှော်ပေးနေ၏။' ဘယ်လောက်များ သာယာချမ်းမြေ့ နေကြပါသလဲ။
ဆူးလေဘုရားလမ်း၊ ကုန်တိုက်ကြီးများကလည်း မှန်သေတ္တာအတွင်း၌ အလှကုန်များ ကို မီးမောင်းကြီးများဖြင့် ထိုး၍ ထိုး၍၊ ခင်ကျင်းပြသ နေကြပေသည်။ စားရမဲ့ သောက်ရမဲ့ များအား ပြောင်လှောင်နေသည်နှင့် ဘယ်လောက် တူလိုက်ပါသလဲ။
ကျွန်တော်သည် အလံပြဘုရားလမ်းအတိုင်း တဖြည်းဖြည်းလျှောက်လာစဉ် မော်တော်ကား အသစ်များ လှောင်ထားသော တိုက်ကြီးတတိုက်ကို သတိပြုမိသည်။ ထိုတိုက်နှင့် မျက်စောင်းထိုး ခပ်လှမ်းလှမ်းတွင် တကြိမ်သော ကာလက မြန်မာပြည်ဘုရင်ခံ သည် သံအမတ်အနည်းငယ်ဖြင့် ပြောင်းရွှေ့နေထိုင်သော ဧရာမတိုက်ကြီးဖြစ်လေသည်။
ကျွန်တော်သည် စစ်ရုံးကြီးအနီးမှ ကွေ့၍ အမေနှင့် ကလေးများရှိရာ ဖဆပလ ကွက်သစ်ဘက်သို့ ဆက်လက် လျှောက်လာရသည်။
ဖင်မလှဲ့သာ ခေါင်းမဝင်သာသော တင်းကုတ်ရှေ့သို့ရောက်သောအခါ ကျွန်တော်သည် ပင်ပန်းလှစွာ ညအချိန်၌ပင် ထင်းခွဲနေသောအမေကို အငေးသား ကြည့်နေမိသည်။ ကလေး များကတော့ မရှိကြ၊ ပဲလှော်ရောင်းသူကရောင်း၊ မုန့်ဖက်ထုပ် ရောင်းသူကရောင်းနှင့် လမ်းအကြိုအကြားများ၌ ရှိနေကြလိမ့်မည်။
"အမေ....." ကျွန်တော်က အမေ့ကို မြင်ရခြင်း၌ မသက်သာ၍ ခေါ်လိုက်မိသည်။
"ဘာတုံးသား၊ သြော် မင်းက ပြန်ရောက်လာပလား၊ အလုပ်ကလေး ဘာကလေးကော ဟန်မယ့်ပုံ ပေါ်ရဲ့လားကွယ်" အမေက နဖူးမှ ပင်ပန်းလှ၍ ယိုစီး သော ချွေးများကိုသုတ်ရင်း၊ ကျွန်တော့်အား မကြည့်ဘဲမေးနေလေသည်။
"အမေ ထင်းခွဲတာကလဲ၊ ညကြီးအချိန် မတော်ဗျာ၊ တော်တော်ကြာ ချော်ချက်ထိနေ ပါ့မယ် အမေရယ်" အမေ၏ အမေးကိုမဖြေဘဲ ကျွန်တော်၏ ပူပန်ခြင်းကိုသာ ပြန်ပြောလိုက်မိ သည်။
အမေကလည်း အလုပ်အတွက် မဟုတ်သေးမှန်းသိ၍ "မနက်မြေပဲလှော် ရအောင် အခုကတည်းက လုပ်ထားမှပေါ့ကွယ်၊ မင်းကော ထမင်းဆာပလား၊ ရေချိုးပြီးစားမလား" ဟု အလိုက်သင့်စွာ ပြန်၍ပြောရင်း ကျွန်တော့်အား မေးနေရှာလေသည်။
"ကျနော် စားခဲ့ပြီအမေ၊ သူငယ်ချင်းတယောက်က ကျွေးလိုက်လို့" အမေနှင့် ကလေးများ ရှာဖွေနေရသော ထမင်းကို မျို၍ မကျနိုင်သော ကျွန်တော်က မနေ့ညကလိုပင် လိမ်ပြော လိုက်ရပေသည်။
သည်အခိုက်မှာပင် ကျွန်တော့်နှမအကြီး သန်းခင်က ပဲလှော်များ ရောင်း၍ ကုန်သဖြင့် အားရဝမ်းသာနှင့် အပြေးအလွှားရောက်လာသဖြင့် "ဟဲ့ သန်းခင်၊ ညည်းအစ်ကို ထမင်းစားခဲ့ပြီတဲ့ အေ.... ဒါပေမယ့် ညည်းအစ်ကို ရေချိုးဖို့ ဆင်ချေးတုံးဆပ်ပြာနဲ့ ရေလဲတို့ မျက်နှာသုတ်ပုဝါတို့ ယူပေးလိုက်ပါဦးလားကွယ်" ဟု အမေက သန်းခင်အား ခရီးရောက် မဆိုက် ခိုင်းလိုက်လေသည်။
ကျွန်တော်သည် ရေဘုံဘိုင်၌ တယောက်ထဲ ရေချိုးနေရစဉ် တောင်တွေး မြောက်တွေးနှင့် နေ့ခင်းက ဇိမ်ခံပစ္စည်းနှင့် အလှကုန်များ စုပုံရောင်းချရာ စကော့ဈေးတွင် ကြည့်ရှုခဲ့ရသော တခန်းရပ်ပြဇာတ်ကလေးထဲမှ "မင်းတို့ဗမာ ပြည်မှ ဘယ်ဟာတခုမှ ငါတော့ မကြိုက်ဘူး" ဟု ဆိုခဲ့သော ကြင်နာတတ်သူကြီးနှင့် ဗမာ့ရာသီဥတုကို သိပ်မုန်းသည်ဆိုသော ဗမာ့သမီးတို့အား ပြန်လည် သတိရမိကာ "လသာသာ အင်းလျားမှာ ရေသွားကူးရင် မကောင်းဘူးလား တဲ့"
"အကောင်းဆုံး စိတ်ကူးပဲတဲ့ဗျာ၊ မမချောက။ အင်း ပြီးတော့ ဘယ်အချိန် လာခေါ်မှာတဲ့လဲ" တဲ့လေ။
"ကိုးနာရီလောက် ကားနဲ့ လာခေါ်မယ်" တဲ့လေဗျာ။ ဘကြီးသား ကြင်နာ တတ်သူကြီးက......။
ကျွန်တော်သည် မြို့တော်ဝန်မင်း ကိုယ်တိုင် တံမြက်စည်းလှည်းနေရသော မြူနီစပါယ် အဖွဲ့ကြီးက အထူးစီစဉ်ပေးနေသော ရေဘုံဘိုင်မှရေကို ပိတ်လုလုဆဲတွင် ဆပ်ပြာများ ကုန်စင်အောင် ခပ်သွက်သွက်ကလေး ပွတ်တိုက် ရေချိုး နေရစဉ်........။ ဘကြီးသားနှင့် မချောတို့သည် လသာသော အင်းလျားရေပြင်ဝယ် ရေပေါပေါနှင့် မြူးတူးကူးယက်နေကြရင်း ပြည်တော်သာသို့ ရောက်ရှိလာလုလုဆဲဖြစ်သော "ကိုကာကိုလာ" အကြောင်းကို လွမ်းလွမ်း ဆွေးဆွေးနှင့် ဖွဲ့ဖွဲ့နွဲ့ နွဲ့ ပြောကြားနေကြလိမ့်မည်ဟု ခန့်မှန်းရမိပါသတည်း။

ဗန်းမော်တင်အောင်
သွေးသောက်မဂ္ဂဇင်း

အင်းကိုပစ်၍မြစ်ကိုရှာ(ဒုတိယပိုင်း)
ရေးသူ- ဗန်းမော်တင်အောင်




(၃)

ပြူစောထီးဗိုလ်ကြီးကျော်ဒင်အား ကြိုးးပေးသတ်ဖြတ်ခြင်းမပြုမီ နောက်ဆုံး ညက နရသိမ်ထောင်ကြီးသည် အခါတိုင်းညများထက် ထူးခြားကာ တိတ်ဆိတ် ငြိမ်သက်လျက် ရှိလေသည်။ တနေ့တာလုံး ပင်ပင်ပန်းပန်း လုပ်ကိုင်ခဲ့ကြရပြီးနောက် ညအိပ်တန်းတက်၍ အိပ်ရာမဝင်မီ အချိန်ကလေးများအတွင်း စကားပြောသူကပြော၍ တေးညည်းသူက ညည်းလေ့ ညည်းထရှိသော နရသိမ်ထောင် အကျဉ်းသားများသည် ကျော်ဒင်ကို ကြိုးပေး သတ်ဖြတ်ခြင်း မပြုမီ ညကမူ အထူးပင် စိတ်မကောင်းဖြစ်နေကြသည့်အလား မည်သူတဦး တယောက်မျှ စကားပြောဆိုခြင်းနှင့် တေးညည်းခြင်းများကို မပြုလုပ်ကြဘဲ မိမိတို့ အိပ်ရာ ကလေးများထဲတွင် လှဲလျောင်း၍ ခွေနေကြသည်။


ကျော်ဒင်သည် ပြူစောထီးဗိုလ်ကြီးဘဝနှင့် ပြင်သာနယ်တဝိုက်တွင် ဖိန့်ဖိန့် တုန်အောင် မည်ကဲ့သို့ပင် ဆိုးသွမ်း သောင်းကျန်းစေခဲ့ကာမူလည်း ဘဝတူ အကျဉ်းသားတယောက်အား သတ်ဖြတ်ကြတော့မည် ဆိုသောကာလ၌ အကျဉ်းသားများသည် ဝမ်းနည်းတတ်ကြသည် သာဖြစ်သည်။ ကိုယ်ချင်းစာနာ၍ စိတ်မချမ်းမသာဖြစ်ကြရသည် သာဖြစ်သည်။ နရသိမ် ထောင်ကြီးအတွင်း၌ ကျော်ဒင်မိုးကောင်းစဉ်က နှိပ်စက်ညှဉ်းပန်းခြင်းကို နာနာကျင်ကျင် ခံလာခဲ့ကြသော အကျဉ်းသားလေးငါးဦးမျှရှိသည်။ ထိုသူများသည် ကျော်ဒင် နရသိမ်ထောင် အတွင်းသို့ သားကောင်အဖြစ် မကျရောက်လာမီက ၎င်းတို့ထောင်မှ လွတ်သောတနေ့တွင် ကျော်ဒင်အား တနည်းမဟုတ်လျှင် တနည်းဖြင့် ချောင်းမြောင်းသတ်ဖြတ်ရန် ဆုံးဖြတ်ထားခဲ့ကြ သူများဖြစ်လေသည်။ သို့ရာတွင် နရသိမ်ထောင်အတွင်းသို့ ကျော်ဒင်သည် ၎င်းတို့နှင့် ဘဝတူအကျဉ်းသားအဖြစ် ကျရောက်လာသောအခါ ထိုသူများသည် ကျော်ဒင်အပေါ်၌ ဖွဲ့ထား တေးထားခဲ့သော ရန်ငြှိုးများကို တခါတည်း မေ့လျော့သွားကြသည်။ လူသားသည် မိမိ၏ ဘဝတူလူသားအပေါ်၌ ကြင်နာတတ်သောစိတ်ကြောင့် ယခင်က နာနာကြည်းကြည်းခံလာခဲ့ ကြရသူများသည် ကျော်ဒင်အပေါ်၌ ယခုကဲ့သို့ လွယ်လင့်တကူ ခွင့်လွှတ်မေ့ပျောက်နိုင်ခြင်း ဖြစ်တန်ရာသည်။ ထိုသူများ သည် ကျော်ဒင်၏အပေါ်၌ အဘယ်မျှ ကြင်နာကြောင်းဖော်ပြရပါမူ ကြိုးမိန့်ကျ၍ ကျော်ဒင်အား ကြိုးတိုက်ထဲတွင် ပြောင်းရွှေ့ချုပ်နှောင်ထားလိုက်သော အချိန် ကာလမှစ၍ ၎င်းတို့၌ စားကောင်းသောက်ဖွယ်ကလေးများ ရှိလာသောအခါတိုင်း ကြိုးသမား ကျော်ဒင်အား သွားရောက် ပေးပို့ ဝေမျှ စားသောက်ကြသည်အထိ ဖြစ်သည်။ နောက်ဆုံး ကျော်ဒင်၏အသနားခံစာကို နိုင်ငံတော်သမ္မတကြီးက ငြင်းဆန်လိုက်သောအခါ ထိုသူများ သည် ကျော်ဒင်အား ခဲခဲယဉ်းယဉ်း သွားရောက်တွေ့ဆုံကာ ၎င်း၏ မိခင်ကြီးအတွက် တတ်နိုင်သမျှ ကူညီစောင့် ရှောက်ပါမည်ဟု အားပေးစကားပြောဆို၍ ကတိပေးခဲ့ကြသည် အထိ ဖြစ်သည်။
ပြင်သာနယ်တဝိုက်ရှိ ပြည်သူလူထုအပေါ်၌ ၎င်းမိုးကောင်းစဉ်ကာလက အဘယ်မျှ ဆိုးသွမ်း သောင်းကျန်းစေခဲ့ကာမူလည်း ယခုကဲ့သို့ ကျော်ဒင်အား မနက်ဖြန် နေမထွက်မီ ကြိုးးစင်သို့ တင်၍ သတ်ဖြတ်ကြမည်ဆိုသောအခါ၌ နရသိမ်အကျဉ်းသားများအားလုံးသည် ဝမ်းနည်းလျက်ရှိကြသည်။ ဘာသာရေး အစွဲအလမ်းကြီးလွန်းသော အကျဉ်းသားတချို့ကမူ လူသတ်သမားကြီး ကျော်ဒင်ကို ကောင်းရာသုဂတိ လားစေဖို့ ဆုမွန်များ တောင်းလျက်ပင် ရှိကြသည်။ မေတ္တာပို့ကာ အမျှအတန်း ပေးဝေလျက်ရှိကြသည်။
တနေ့တာလုံး ပင်ပန်းကြီးစွာ လုပ်ကိုင်လာခဲ့ကြရသဖြင့် အခါတိုင်းညများတွင် ကိုးနာရီနှင့် ဆယ်နာရီအတွင်း တခေါခေါနှင့် အိပ်စက်တတ်သော အကျဉ်းသားများသည် ထိုညကမူ ညသန်းခေါင်ကျော်သည်အထိ အိပ်စက်၍ မရကြပေ။ ကျော်ဒင်ကြီး ကြိုးပေးခံ ရတော့မည် အကြောင်းကိုသာ တဦးနှင့်တဦး တိုးတိုးတိတ်တိတ် ပြောဆိုရင်း စိတ်မကောင်း ဖြစ်နေကြလေသည်။
ဤကဲ့သို့ နရသိမ်ထောင်ကြီး တထောင်လုံး မအိပ်စက်နိုင်ကြဘဲ စိတ်မကောင်းဖြစ် နေကြသည့်အခိုက် ကြိုးတိုက်အတွင်း၌ကား ကြောက်မက်ဖွယ်ရာပင် တိတ်ဆိတ်ငြိမ်သက် လျက်ရှိသည်။ သို့ရာတွင် ကြိုးသမားနှစ်ယောက် ရှိသည့်အနက် နှစ်ယောက်စလုံး အိပ်စက် ခြင်း မရှိကြပေ။ နံနက် နေကို မမြင်ရမီ သေဆုံးရတော့မည့် ကြိုးသမားကျော်ဒင်သည် မည်သို့မျှ အိပ်၍မပျော် နိုင်တော့သည့်နည်းတူ ကျော်ဒင်နှင့် မျက်နှာချင်းဆိုင် အခန်းကလေး အတွင်း၌ တရားလွှတ်တော်ချုပ်မှ အဆုံးအဖြတ်ကို နာခံစောင့်ဆိုင်းလျက် ရှိနေရှာသော လက်သမားဆရာ ဦးဘိုးမင်းသည်လည်း အိပ်စက်၍ မရပေ။ နှစ်ဦးစလုံး အိပ်စက်၍ မရနိုင်ကြ သော်လည်း တဦးနှင့်တဦး စကားပြောဆိုနိုင်ခြင်း မရှိဘဲ အတွေးကိုယ်စီနှင့် ငြိမ်သက်လျက် ရှိလေသည်။
အသက်ရှင် နေထိုင်ခွင့်အတွက် နည်းလမ်းကုန်ဆုံးသွားပြီဖြစ်သော ကျော်ဒင်သည် သေခြင်းကို ရဲရဲဝံ့ဝံ့ ရင်ဆိုင်တွေ့ဆုံခြင်း ပြုရန် ၎င်းကိုယ်ကို အားပေးလျက်ရှိသည်။ သို့ရာတွင် ကျော်ဒင်၏ အလုပ်မှာ လွယ်ကူသောအလုပ်ကား မဟုတ်ပေ။ မိမိကိုယ်ကို ရဲရဲဝံ့ဝံ့သေဖို့ အားပေးရသော အလုပ်သည် အဘယ်အာဇာနည်သူရဲကောင်းတဦး အတွက်ကော လွယ်ကူ နိုင်ပါမည်နည်း။ ကျော်ဒင်သည် မျက်လုံးသူငယ်နှင့် အပြောကျယ်သော ဤကမ္ဘာမြေပြင်၌ ကျန်ရစ်ခဲ့တော့မည်ဖြစ်သော ၎င်း၏မုဆိုးမမိခင်ကြီးအတွက် စိတ်မကောင်းဖြစ်မိသည်။ အဘယ်သားသည် မိခင်ကို နောက်ဆံမတင်းဘဲ ရှိအံ့နည်း။ ကုန်လွန်ခဲ့သော ညချမ်းက သားလုပ်သူအား မသေမီ တွေ့လို မြင်လိုရှာသော ကျော်ဒင်၏ မိခင်သည် သားလုပ်သူအား ကြိုးတိုက်အတွင်းသို့ ဝင်ရောက် တွေ့ဆုံခြင်းပြုရန် ကြိုးပမ်းလာရောက်ရှာသေးသည်။ သို့ရာတွင် ကျော်ဒင်သည် ထောင်အာဏာပိုင်များအား ၎င်းမိခင်ကို ကြိုးတိုက်အတွင်းသို့ ခေါ်ဆောင်လာခြင်းမပြုရန် ကန့်ကွက်ပိတ်ပင်လိုက်သည်။ သေရတော့အံ့ဆဲဆဲ သားလုပ်သူကို လာရောက်တွေ့ဆုံ၍ အချည်းနှီးငိုကြွေးခြင်းဖြင့် ၎င်းအတွက် စိတ်မကောင်းရုံသာ ရှိလိမ့်မည် ဖြစ်သကဲ့သို့ ထိုအဖွားအိုအတွက် ပင်ပန်းနွမ်းနယ်ရုံသာ ရှိတော့မည် မဟုတ်လော။ ကြိုးဒဏ် ခံရအံ့ဆဲဆဲ အကျဉ်းသားတဦး၏ လိုအင်ဆန္ဒကို အစွမ်းကုန်နှင့် အတတ်နိုင်ဆုံးလိုက်လျောရန် တာဝန်ရှိသော အာဏာပါးကွက်သားများသည် ကျော်ဒင်၏ အလိုဆန္ဒအတိုင်း ၎င်း၏ မိခင်အိုကြီးအား ကြိုးတိုက် အတွင်းသို့ ဝင်ရောက်ခွင့်မပြုဘဲ၊ ထောင်ဘူးဝမှပင် နှစ်သိမ့်ပြောဆို ၍ ချော့မော့ကာ ပြန်လွှတ်လိုက်ကြသည်။
ကျော်ဒင်သည် ၎င်းသေဆုံးရမည့် အရေးထက်၊ ကျန်ရစ်ခဲ့သော ၎င်းမိခင်အိုကြီး၏ အရေးအတွက် အသတ်ခံရမည့် နာရီနှင့် နီးကပ်လာသောအခါမှပင် မိုက်မိုက်မဲမဲ စဉ်းစားမိသည်။ သူသည် ယခင်အချိန်ကာလများကသာ ယခု အချိန်တွင် နက်နက်နဲနဲ စဉ်းစားခြင်းပြုသလိုသာ ပြုတတ်ခဲ့လျှင် သူတို့ သားအမိ၏ ကံကြမ္မာသည် ဤကဲ့သို့ ဆိုက်ရောက်လာရန် အကြောင်းမရှိပေ။ ကျော်ဒင်၏ နောင်တရခြင်းသည် များစွာ နှောင်းခဲ့လေ ပြီ။
သံချောင်း သုံးချက်ခေါက်သံကို ကြားလိုက်ရသောအခါ၊ ကျော်ဒင်သည် တုန်လှုပ်၍ သွားသည်။ အဘယ့်ကြောင့်ဆိုသော် သူ့အား ကြိုးစင်ထက်တွင် သတ်ဖြတ်ခြင်းပြုရန် (၂) နာရီလောက်သာ ကျန်ရှိနေသောကြောင့်တည်း။ သူ့ အတွက် လူသတ္တဝါတကောင်အဖြစ် အသက်ရှင်နေထိုင်ခွင့်သည် အချိန်ကာလအားဖြင့် (၂) နာရီမျှသာ ကျန်ရှိတော့မည့် အကြောင်း ကို မေ့လျော့ထားချင်သည်။ သူသည် သူ၏ မုဆိုးမ မိခင်အို၏ အကြောင်းကိုလည်း မစဉ်းစား နိုင်တော့၊ အခြားစဉ်းစားရန် အကြောင်းကိုသည်လည်း ဘာမျှရှာဖွေ၍ မတွေ့မိ။ (၂) နာရီမျှ လောက်သာအချိန်သာ ကျန်ရှိနေတော့သည့် သူ၏ ဘဝသက်တမ်းအတွင်း သူ၏ ပစ္စုပ္ပန်နှင့် အနာဂတ်ဘဝကို မေ့ပျောက်ထားနိုင်ရန် ကျော်ဒင်သည် ဘာလုပ်မည်နည်း။ ကျော်ဒင်သည် အကြောင်းကို ရှာကြည့်သည်။ သူသည် အခြားအကြောင်းကိုကား မတွေ့ပေ။ သူသည် အကြောင်းတခုကိုတော့ တွေ့လေသည်။ ထိုတခုမှာ အခြားတော့ကား မဟုတ်၊ သူ၏ အတိတ်ဘဝအကြောင်းပင် ဖြစ်သည်။ ထိုအတိတ်ဘဝ၏ အကြောင်းကို သူသည် တယောက်တည်း စဉ်းစားခြင်းပြုရန် သူ၌ အားခွန်မရှိပေ။ ထို့ကြောင့် သူနှင့် ဘဝတူ ကြိုးသမားဖြစ်သော လက်သမားဆရာ ဦးဘိုးမင်းနှင့် နှစ်ယောက်အတူ ကျယ်ကျယ် လောင်လောင်ကလေး စဉ်းစားခြင်းပြုရန် အကြံရလာသတည်း။

(၄)

"ဗျိုး.... ဦးဘိုးမင်း အိပ်ပျော်နေသလား" ဟု ကျော်ဒင်က အသံပြုလိုက် သောအခါ၊ ကျော်ဒင့်နည်းတူ အိပ်၍မရနိုင်ရှာသော လက်သမားဆရာကြီးကလည်း "အိပ်မရပါဘူး ဗိုလ်ကျော်ဒင်ရာ" ဟု ပြန်၍ ဖြေကြားလိုက်သည်။
"ကျနော့်ကို ခုလို ကြိုးပေးသတ်ဖြတ်ကြတော့မယ့် ကိစ္စနဲ့ပတ်သက်ပြီး တရားခံအစစ်ကို ကျနော်စဉ်းစားမိလာတယ်ဗျ"
"ဆိုစမ်းပါဦး"
"ဒီလူသတ်မှုတွေ၊ ဓားပြမှုတွေနဲ့ တခြားရာဇဝတ်မှုတွေ ကျူးလွန်နေကြတဲ့ အတွက်နဲ့ ပတ်သက်ပြီး အစိုးရရော၊ တရားရုံးတော်တွေကပါ တကယ့်တရားခံ စစ်စစ်ကြီးကိုတော့ မျက်ချေပြတ်နေကြပြီး ဒီတရားခံရဲ့ ကိုင်းဖျားကိုင်းနားကလေးတွေဖြစ်တဲ့ ကျနော်တို့လို လူတွေ ကို တကယ့်တရားခံလုပ်, လုပ်ပြီး အပြစ်ပေး ပေးနေတာဟာ မှားနေပြီဗျ"
"ဘယ်လိုများလဲဗျ ဗိုလ်ကျော်ဒင်၊ ခင်ဗျားခု ပြောလိုက်တာကို ကျုပ်တော့ ကောင်းကောင်း နားမလည်လိုက်ဘူးဗျာ"
"ကျနော်ရှင်းပြမယ် ဦးဘိုးမင်း"
"ရှင်းစမ်းပါဦးဗျာ"
"ရှင်းစမ်းပါဆိုရင်တော့ ကျနော့်အကြောင်းကိုပဲ ရှင်းရမှာပဲဗျ"
"ရှင်းမှာသာရှင်းပေါ့ဗျာ"
"အခု ကျနော့်ကို အစိုးရနဲ့ တရားရုံးတော်တွေက ကြိုးဒဏ်ချမှတ်လိုက်တဲ့ ကိစ္စနဲ့ ပတ်သက်ပြီး သူတို့မစဉ်းစားမိကြတဲ့ အချက်တချက်ကို ကျနော် စဉ်းစားမိတယ်ဗျ"
"ဘယ်လိုအချက်များလဲဗျ၊ ဗိုလ်ကျော်ဒင်"
"ကျနော့်ကို လူသတ်မှုတို့ ဓားပြမှုတို့ ကျူးလွန်တယ်ဆိုပြီး ကြိုးမိန့်ပေးကြတယ်။ ဒါပေမယ့် ဒီလို ရာဇဝတ်မှုကြီးတွေကို မိုက်မိုက်ကန်းကန်းနဲ့ ရက်ရက်စက် စက်ကျူးလွန်နိုင် အောင်၊ ကျူးလွန်ဝံ့အောင် ကျနော့်ကို ဘယ်သူတွေက တန်ခိုး အာဏာပေးသလဲ၊ ဘယ်သူတွေက လက်နက်တွေ ထုတ်ပေးသလဲဆိုတာ ဦးဘိုးမင်း စဉ်းစားမိဖူးသလား"
"အင်း.....ဗျို့၊ ဗိုလ်ကျော်ဒင် ခင်ဗျား ခုလိုပြောလိုက်တော့မှ ကျုပ်လဲ ခပ်ရေးရေး စဉ်းစား လာမိတယ်"
"ကျနော်တို့ ပြူစောထီးတွေကို အင်မတန်ဆိုးတယ်၊ အင်မတန် ရက်စက်တယ်ဆိုပြီး သတင်းစာတွေ အားလုံးလိုလိုက နေ့စဉ်နဲ့အမျှ ဝိုင်းပြီးရေးနေကြတယ်။ ပြူစောထီးဆိုရင် တကယ့်သူခိုးကြီး၊ ဓားပြကြီးတွေ ဖြစ်အောင်လဲ ဝါဒ ဖြန့်ကြတယ်။ ဒါပေမယ့် ဒီပြူစောထီးတွေ အကြောင်းလောက်ကိုသာ ရစရာ မရှိအောင်၊ မကောင်းအောင်ရေးကြပြီး ပြူစောထီးတွေ ဘာဖြစ်လို့ ပေါ်ပေါက် လာရတယ်ဆိုတဲ့..... အကြောင်းကိုတော့ မရေးကြဘူး။ ပေါ်ပေါက် လာရတဲ့ အကြောင်းရင်းကို သုတ်သင်ရှင်းလင်းပေးဖို့လဲ ဘယ်သူတွေကမှ တိုက်တွန်းရ စကောင်းမှန်း မသိကြရော့သလား မပြောတတ်ပါဘူးဗျာ"
"ဟုတ်တယ်ဗျို့ ဗိုလ်ကျော်ဒင်၊ ကျုပ်လဲ ခင်ဗျားခုလို ရှင်းပြတော့မှပဲ စဉ်းစားလာမိ တယ်ဗျ"
"ကျနော်ခုလို ပြူစောထီးဖြစ်လာရတာရော၊ တန်ခိုးအာဏာနဲ့ လက်နက် တွေရပြီး ခုလို ရာဇဝတ်မှုတွေ ကျူးလွန်လာရတာဟာ ကျနော့်ဘာသာ ကျနော် ဖြစ်ချင်လို့ ဖြစ်လာရတာ မဟုတ်ဘူးဗျ"
"ဘာပြုလို့လဲ ဗိုလ်ကျော်ဒင်"
"အစိုးရက သူပုန်တွေကို အပြုတ်တိုက်ဖို့အတွက် ကျနော်တို့လို ပညာမဲ့ လူတန်းစား တွေကို အသုံးပြုလို့ပေါ့ဗျ။ ဦးဘိုးမင်း ခင်ဗျားလဲ စဉ်းစားနိုင်တဲ့ လူတယောက်မဟုတ်လား"
"ခင်ဗျားပြောတာဟုတ်တယ်ဗျို့ ဗိုလ်ကျော်ဒင်"
"တကယ့် ပညာတတ်တွေနဲ့ ဖွဲ့စည်းပြီး စည်းကမ်းစနစ်နဲ့ အုပ်ချုပ်ထားတဲ့ လက်နက်ကိုင်တပ်တွေတောင် မှားတဲ့အခါ မှားကြသေးရင် ဘာပညာမှ အခြေခံမရှိတဲ့ ကျနော်တို့လို လယ်သမား သားသမီးတွေနဲ့ အရေးပေါ်ဖွဲ့စည်းပြီး ဘာစည်းကမ်းနဲ့မှ မအုပ်ချုပ်တဲ့ ပြူစောထီးတပ်တွေ ခုလိုအမှားမှားအယွင်းယွင်းဖြစ်တာဟာ တကယ်ဆိုတော့ ကျနော်တို့ အပြစ်ချည့် မဟုတ်ဘူးလို့ ဆိုချင်တာပဲ"
"သဘာဝကျပါတယ်"
"ဒီလိုဆိုလိုက်တဲ့အတွက် ကျနော်ဟာ ကြိုးစင်တက်ရခါနီးမှ ကျနော့်ကို ထမင်းကျွေး ထားခဲ့တဲ့ နိုင်ငံတော်အစိုးရအဖွဲ့ကို အပြစ်တင်ချင်လို့ ကျေးဇူးကန်းစကား ပြောတယ်လို့ မအောက်မေ့ စေချင်ဘူးဗျ"
"ရှင်းစမ်းပါဦး"
"အစိုးရရဲ့ သစ္စာတော်ကို စောင့်သိထမ်းဆောင်တဲ့ ပြူစောထီးတို့၊ ဗထူးတို့၊ ကာကွယ် ရေးတို့ဆိုတာတွေကို ကျနော် မလုပ်ခင် အရင်က သူပုန်လဲလုပ်ခဲ့ဖူးသေးတယ် ဦးဘိုးမင်း"
"သြော် ဒီလိုလား"
"သူပုန်လုပ်ခဲ့ဖူးတယ်ဆိုလို့ ကျနော့်ကို သိပ်လဲ အထင်မကြီးသွားနဲ့ဦးနော်"
"သူပုန်လုပ်တယ်ဆိုတာ တော်ရုံတန်ရုံ သတ္တိမျိုးနဲ့ လုပ်နိုင်တာမှ မဟုတ်တာ ဗိုလ်ကျော်ဒင်ရ"
"ကျနော်တို့တိုင်းပြည်မှာ ပြည်တွင်းစစ် မဖြစ်ခင်က ကျနော်က လယ်ကူလီ စာရင်းငှား လုပ်ပြီး ကျနော့်အမေကို လုပ်ကျွေးနေခဲ့တဲ့ လယ်သမား သားသမီး တယောက်ပါဗျာ...... ဦးဘိုးမင်း..... နိုင်ငံရေးဆိုလို့ ဘာတလုံးမှလဲ မသိခဲ့ပါဘူး။ လက်နက်ဆိုလို့လဲ လောက်လေး လောက်သာပဲ ကိုင်ဖူးခဲ့ပါတယ်"
"ဆိုစမ်းပါဦးဗျ"
"ဒီလို ကျနော်တို့ရွာမှာ လယ်ကူလီစာရင်းငှားဘဝနဲ့ အမေ့ကို လုပ်ကိုင် ကျွေးမွေးနေ တုန်း၊ ပထမကွန်မြူနစ်တွေ တောခိုလာကြတယ်၊ သူပုန် စထတယ် ဆိုကြပါစို့ဗျာ"
"ဒီတော့ ကွန်မြူနစ်တွေအထဲကို ဝင်ပြီး ခင်ဗျားက သူပုန်လုပ်လိုက်ရော လားဗျ"
"ခင်ဗျားပြောသလောက် မလွယ်သေးဘူးဗျ၊ အဲဒီကွန်မြူနစ်တွေက ကျနော်တို့ ရွာကို အုပ်ချုပ်ပြီး လယ်မြေဝေခြမ်းရေး စလုပ်ကြတယ်။ ဒီလယ်မြေဝေခြမ်းရေးကြောင့် ကျနော့်အဖေ လက်ထက်က မြေရှင်ဦးဟန်ပ မတရားသိမ်းယူသွားတဲ့ ကျနော်တို့ တတုန်းမောင်း လယ် ကလေးကို ပြန်ရတာကိုး၊ အဲဒီလယ်ပြန်အရမှာ ကျနော်ဟာ ကွန်မြူနစ်တွေကို ဆရာသမား မိဘတွေလောက် ကြည်ညိုလေးစားပြီး သူတို့ရဲ့ လက်နက်ကိုင်ပြည်သူ့တပ်မတော် ထဲကိုဝင်၊ သူတို့ပေးတဲ့ နိုင်ငံရေးသင်တန်းတွေကိုလဲ တက်ခဲ့ဖူးတယ်ဗျ"
"ခင်ဗျားဘဝက တော်တော်စုံခဲ့တာပဲဗျ"
"အဲဒီလို ကွန်မြူနစ်တွေအထဲဝင်ပြီး လေးငါးလလောက်အကြာမှာ အစိုးရက ကျနော်တို့ ရွာကို အင်အားကြီးကြီးနဲ့ ဝင်တိုက်တော့ ကွန်မြူနစ်တွေ အားလုံးရော၊ ကျနော်တို့ လက်နက် ကိုင်တပ်တွေပါ ရိုးပေါ်ကို တက်ပြေးခဲ့ရတာကိုးဗျ ဦးဘိုးမင်းရဲ့"
"အဲသလို ကျနော်လက်နက်ကိုင်တယောက်ဖြစ်လာရတာဟာ ကျနော့် ဘာသာ ကျနော်ဖြစ်ချင်လို့ ဖြစ်လာရတာမဟုတ်ဘူးလို့ ဆိုနိုင်ပါ့မလားဗျ ဦးဘိုးမင်း"
“ခင်ဗျား အဆိုးမှမဟုတ်ဘဲဗျæ ဗိုလ်ကျော်ဒင်ရဲ့"
"ကျနော့်အဆိုး မဟုတ်ဘူးဆိုရင် ပထမ အစဦးဆုံး ကျနော့်ကို လက်နက် ကိုင်တတ် အောင် သင်ကြားပြသပေးကြတဲ့ ကွန်မြူနစ်သူပုန်တွေရဲ့ အပြစ်လို့ ကော ဆိုနိုင်ပါ့မလား"
"ဒီလိုဆိုလို့လဲ မဖြစ်သေးဘူးပေါ့ဗျာ"
"သူပုန်တွေရဲ့ အပြစ်မဟုတ်ဘူးဆိုရင်ကော အစိုးရဘက်က နိုင်ငံရေးခေါင်း ဆောင်တွေရဲ့ အပြစ်လို့ ဆိုနိုင်ပါဦးမလား"
"ဒီလိုဆိုလို့လဲ မမှန်သေးဘူးထင်တယ်"
"ခင်ဗျားပြောတာမှန်တယ်ဗျæ ဦးဘိုးမင်း၊ ကျနော့်လို ပညာမဲ့ သားသမီး တယောက်ကို လက်နက်ကိုင်နည်းသင်ပေးပြီး လက်နက်ပေးအပ်ခဲ့ကြတဲ့ သူပုန် တွေမှာရော အစိုးရမှာရော အပြစ်မရှိသလို ကျနော့်မှာလဲ အပြစ်မရှိဘူးလို့ ကျနော် ပြောထားခဲ့ချင်တယ်။ ဘာပြုလို့လဲ ဆိုတော့ အစိုးရနဲ့သူပုန်တွေသာ ခုလို စစ်ဖြစ်မနေခဲ့ကြရင် ကျနော့်လို နောက်ပိတ်ခွေး လယ်ကူလီ စာရင်းငှား တယောက်ကို ဘယ်သူတွေကမှ လက်နက်ကိုင်တွယ် ပစ်ခတ်နည်းကို သင်ကြားပြသပေးဖို့ အကြောင်းမရှိသလို၊ လက်နက်ကိုလဲ ပေးအပ်ထားကြဖို့ အကြောင်းလဲ မရှိဘူးပေါ့ဗျာ...... ဟုတ်ရဲ့လား ဦးဘိုးမင်း"
"မှန်ပါတယ်...... ဗိုလ်ကျော်ဒင်"
"အခုတော့ တကယ့်တရားခံ စစ်စစ်ကြီးကိုတော့ ရအောင် မဖမ်းဆီးကြဘဲ ဒီတရားခံကြီးက ပေါက်ဖွားလာရတဲ့ ကျနော်တို့လို အဆွယ်ကလေး အပွား ကလေးတွေသာ တကယ့် တရားခံကြီးတွေ လုပ်,လုပ်ပြီး အပြစ်ပေးနေလိုက်ကြတာ ဟုတ်များကော ဟုတ်နိုင်ကြပါဦးမလားဗျာ......" ကြိုးပေးခံရအံ့ဆဲဆဲ တရားခံ၏စကားမှာ တရားခံ၏စကားနှင့် မတူတော့ဘဲ စွဲချက်တင်လျက်ရှိသော ပညာရှိဝတ်လုံတော်ရ၏ စကားနှင့် တူလေသည်။
"အေးဗျာ...... ကျုပ်တို့ တိုင်းပြည်မှာသာ အစိုးရနဲ့ သူပုန်တွေ ခုလို စစ်မဖြစ် နေခဲ့ကြဖူး ဆိုရင် ခုလို နေ့စဉ်နဲ့အမျှ စိတ်မချမ်းမြေ›စရာကိစ္စတွေဟာ ဘယ်လိုမှ ပေါ်ပေါက်လာစရာ အကြောင်းမရှိပေဘူးပေါ့....."
"သတင်းစာတွေက ကျနော်တို့ပြူစောထီးတွေကို ဆိုးသွမ်းသောင်းကျန်းတယ်ဆိုပြီး အပြစ်တင် ရေးသားကြတယ်။ တိုင်းပြည်ကလဲ ရွံကြမုန်းကြတယ်။ ဒါတင်မကသေးဘူး၊ နေ့တိုင်း ကျိန်ဆဲကြသေးတယ်"
"ဒါကတော့ အမှန်ပဲဗျ"
"နောက်ပြီးတော့ သူပုန်တွေက ဟိုမြို›ဝင်စီး ဒီမြို›ဝင်စီးပြီး မီးရထားလမ်းတွေ၊ တံတား တွေဖျက်တာ အပြစ်တင်ရေးကြတယ်၊ ပြောကြတယ်"
"အဲဒါလဲ အမှန်ပဲဗျ"
"ဒါပေမယ့် ပြူစောထီးတွေ မပေါ်ပေါက်သင့်ဘဲ ပေါ်ပေါက်လာအောင် ဖန်တီး ပေးနေတဲ့ တကယ့်တရားခံ စစ်စစ်ကြီးကိုတော့ မျက်ခြည်ပြတ်နေကြတယ်ဗျ"
"ခင်ဗျားပြောတာ ဟုတ်တယ်ဗျို့ ဗိုလ်ကျော်ဒင်"
"နောက်ပြီးတော့ သူပုန်တွေက မြို့ဝင်စီးပြီး ရထားလမ်းတွေဖျက်၊ တံတားပျက်အောင် ဖန်တီးနေရတဲ့ တကယ့် တရားခံစစ်စစ်ကြီးကိုလဲ ခင်ဗျားတို့ ကျနော်တို့က မေ့ထားလို့ မဖြစ် သေးဘူးဗျ"
"အေးဗျာ.... ခင်ဗျား ခုပြောပြတော့မှပဲ ကျုပ်လဲ ရှင်းရှင်းလင်းလင်း မြင်လာတယ်ဗျ"
"အဲဒီတော့ ပြူစောထီးတွေ ပေါ်ပေါက်လာရပြီး ပြည်သူတွေကို ဒုက္ခပေး နေတာရော၊ သူပုန်တွေ တံတားဖျက်နေတာပါ ပြည်တွင်းစစ်ကြီးကြောင့်ပဲ မဟုတ်လားဗျ ဦးဘိုးမင်း"
"အစစ်ပေါ့ ဗိုလ်ကျော်ဒင်"
"နောက်ဆုံး ကျနော် မသေရမီကလေး ပြောခွင့်ရလို့ ဦးဘိုးမင်းကို ပြောခဲ့ချင် တာကတော့ ဤကဲ့သို့ ၎င်းနောက်ဆုံး မှာကြားပြောဆိုထားခဲ့လိုသော စကားကို ပြူစောထီး ဗိုလ်ကျော်ဒင်သည် အဆုံးသတ်ပြောဆိုခြင်း မပြုရသေးမီ ကြိုးတိုက်တံခါးဖွင့်သံကို ကြားလိုက် ရပြီးနောက် ကြိုးတိုက်အတွင်းသို့ ဝင်လာကြသော အာဏာပါးကွက်သားများနှင့် ဒေါက်ဖြုတ် တို့၏ ခြေသံများကို ကြားလိုက်ရသည်။ ၎င်း၏ နောက်ဆုံးနာရီသည်လည်း စေ့သွားပြီဖြစ်၍ ပြူစောထီး ဗိုလ်ကျော်ဒင် ၎င်းနောက်ဆုံးပြောဆိုထားခဲ့လိုသော စကားကိုပင် အဆုံးသတ် ပြောဆိုခြင်း မပြုနိုင်ရှာတော့ပေ။ သူ၏ ဦးခေါင်းသည် မူးဝေလျက် မျက်လုံးများလည်း ပြာသွားခဲ့လေပြီ။
အကျဉ်းသားများအား အိပ်တန်းမှ အဆင်းခိုင်းသော နံနက်ခရာသံသည် နရသိမ် ထောင်ကြီးအတွင်းမှ ထွက်ပေါ်လာသော အချိန်တွင် ပြင်သာနယ် တဝိုက်၌ ဖိန့်ဖိန့်တုန်အောင် ကျော်ကြားလာခဲ့သော ပြူစောထီးဗိုလ်ကြီး ဗိုလ်ကျော်ဒင်၏ အလောင်းကို ကြိုးစင်မှ ထောင်အုတ်ရိုးအပြင်ဘက်သို့ ထုတ်ယူ ပြီးသွားခဲ့လေပြီ ဖြစ်ပေသတည်း။

ဗန်းမော်တင်အောင်
ရှုမဝမဂ္ဂဇင်း

အင်းကိုပစ်၍မြစ်ကိုရှာ(ပထမပိုင်း)
ရေးသူ- ဗန်းမော်တင်အောင်




လူ့သွေးများဖြင့် ပေရေလိမ်းကျံလျက် ကြက်သရေမင်္ဂလာ ကင်းမဲ့လှသော နရသိမ် ထောင်ကြီးအတွင်း၌ နံနက်လင်းကတည်းက ထောင်မှူး၊ ထောင်ပိုင်နှင့်ထောင်ကြပ်၊ ဒေါက်ဖြုတ်æ စသော ပါးကွက်အာဏာသား ကြီးငယ်များသည် တလှုပ်လှုပ် တရွရွနှင့် အလုပ် ရှုပ်လျက်ရှိကြသည်။ နိုင်ငံတော် အစိုးရမင်းများက ဝဏ္ဏကျော်ထင်ဘွဲ့ကို သူကောင်းပြု ချီးမြ‡င့်ခြင်း ပြုထားရသော ထောင်ပိုင်ကြီး ဦးဆင်သည် အလွန်တရာကြီးလေးသော တာဝန်ကြီး တရပ်ကို ထမ်းဆောင်ရန် အရေးတကြီး ဖြစ်နေပုံရသည်။ ခါတိုင်းဆိုလျှင် ဝဏ္ဏကျော်ထင် ဦးဆင်သည် နရသိမ်ထောင်ကြီးအတွင်းသို့ နံနက်ပိုင်းလောက်တွင် နာရီဝက်ခန့် ဝင်ရောက် ကြည့်ရှုစစ်ဆေးပြီးနောက် ၎င်း၏ ရုံးခန်း၌သာ အချိန်ကုန်လွန်လေ့ရှိသော်လည်း၊ ဤတခေါက် တွင်ကား ထောင်ကြီးအတွင်း၌ ထွက်လိုက်ဝင်လိုက် ဖြစ်နေသည်။ ၎င်း၏ သွားလာပုံနှင့် အမိန့် ပေးစေခိုင်းနေပုံများသည် အခါတိုင်းနှင့် မတူဘဲ ပျာယိပျာယာဖြစ်နေပုံရသည်။



ဝဏ္ဏကျော်ထင်ကြီးသာလျှင် မဟုတ်သေး၊ ၎င်း၏ လက်ထောက် အမှုထမ်းများဖြစ်ကြ သော ထောင်ပိုင်ကလေးနှင့်တကွ ထောင်မှူးကြီးငယ် တို့အားလုံးပါ ရုတ်ရက်ခတ်နေသည်ကို တွေ့ရသည်။ နရသိမ်ထောင်အမှုထမ်းများ လှုပ်လှုပ်ရွရွနှင့် အလုပ်ရှုပ်နေကြသောကိစ္စနှင့် ပတ်သက်၍ အကြောင်းရင်းကို သိရှိထားကြပြီးဖြစ်သော နရသိမ်ထောင် အကျဉ်းသားများ သည် စိတ်မကောင်း ဖြစ်နေကြသည့်အလား ငြိမ်သက်လျက် ရှိကြသည်။ ရွှင်ပြခြင်းကို မတွေ့ရ၊ ခါတိုင်းကြားနေရတတ်သော တေးညည်းသံများကိုပင် မကြားရ၊ အကျဉ်းသားတို့၏ မျက်နှာများ ၌ ညိုးငယ်သောအမူအရာနှင့် မချမ်းမြေ›သော မျက်နှာထားကိုသာ တွေ့မြင်ရသည်။
နရသိမ်ထောင် အမှုထမ်းကြီးငယ်များ အလုပ်ရှုပ်နေကြသော နေရာမှာ နရသိမ် ထောင်ကြီးအတွင်း၌ သီးသန့်ဆောက်လုပ်ထားရှိသော ကြိုးတိုက်ဖက်တွင် ဖြစ်သည်။ အကျဉ်းထောင်၏ ဘာသာဝေါဟာရ အခေါ်အဝေါ်အားဖြင့် ကြိုးတိုက်ဆိုသည်မှာ ကြိုးမိန့်ကျ၍ ကြိုးပေးသတ်ဖြတ်ခြင်းခံရမည့် အကျဉ်းသားများကို သီးသန့် ချုပ်နှောင်ထားရှိသော အလုံထောင် တထောင်ဖြစ်သည်။ ကြိုးတိုက်အတွင်းသို့ အခြားအကျဉ်းသားများ ဝင်ထွက် သွားလာခွင့် မရှိပေ။ အကြပ်နှစ်ဦးက အထူးစောင့်ကြပ်သည်။ အကယ်၍ သာမန်အကျဉ်းသား တဦးတယောက်သည် ကြိုးတိုက်ဖက်သို့ တာဝန်မဲ့ သွားလာဝင်ထွက်ခြင်းကို အမှုထမ်းများက တွေ့မြင်သွားလျှင် ထိုအကျဉ်းသားအား တိုက်ပိတ်နိုင်ခွင့်ရှိသည်။ တိုက်ပိတ်သည်ဆိုသည်မှာ ထောင်ကြီးထဲ၌ ထောင်ပြန်ချခြင်းဖြစ်သည်။
နရသိမ်ထောင်၏ ကြိုးတိုက်ဖက်၌ ဝဏ္ဏကျော်ထင်ကြီးနှင့်တကွ အမှုထမ်း အရာထမ်း များ အလုပ်ရှုပ်နေကြသောကိစ္စမှာ အခြားတော့မဟုတ်၊ ကြိုးစင်ကို ပြင်ဆင်နေကြရခြင်း ဖြစ်သည်။
ကြိုးသမားတယောက်ကို ကြိုးးပေးသတ်ဖြတ်ခြင်း မပြုမီ ကြိုးစင်ကို စိတ်ချလက်ချ ဖြစ်အောင် ပြင်ဆင်ရခြင်းသည် အမှုထမ်းများ၏ ကြီးလေးလှသော တာဝန်ဖြစ်သည်။ ထို့ကြောင့် ကြိုးစင်ကို ခိုင်မခိုင်စမ်းသပ်လျက် လိုအပ်သမျှကို ပြင်ဆင်ပြုလုပ်ရသည်။ ဝက်အူကို ကြပ်တန်တာ ကြပ်၍၊ ဆီထည့်သင့်တာကို ထည့်ရသည်။ ဤကဲ့သို့ ကြိုးစင်ကို စိတ်ချ ခိုင်ခံ့အောင် ပြင်ဆင်ပြုလုပ်ပြီးနောက် ကြိုးသမား၏ ကိုယ်အလေးချိန်နှင့် အတိုင်းအထွာကို ချိန်တွယ်ရခြင်းမှာ ကြိုးပေးသောအခါ၌ လွယ်လွယ်ကူကူနှင့် အသက်ထွက်သွားနိုင်အောင် ပြုလုပ်နိုင်သမျှ ပြုလုပ်နိုင်စေရန်အတွက် ဖြစ်သည်။ ကြိုးစင်ပြင်ဆင်လျက် ကြိုးသမား၏ ကိုယ် အလေးချိန်နှင့် အတိုင်းအထွာများကို ချိန်တွယ်ရယူပြီးနောက် ကြိုးပေးရန် အတွက် မနီလာ ကြိုးကို ဆန့်ရ ပြင်ရပြန်သည်။
ကြိုးပေးသတ်ဖြတ်ရန်အတွက် ကြိုးစင်ကို ပြင်ဆင်ပြီးစီးသောအခါ၌၊ ကြိုးသမားကို ဒေါက်ဖြုတ်၍ သတ်ဖြတ်ခြင်းပြုရသော တာဝန်မှာ ထောင်မှူးကြီး လုပ်သူ၏ အဓိကတာဝန် ဖြစ်သည်။ ထိုသို့ ကြိုးသမားများကို ဒေါက်ဖြုတ်၍ သတ်ဖြတ်ရသောအလုပ်ကို လုပ်ရခြင်း ကြောင့်၊ ထောင်မှူးကြီးများအား အကျဉ်းသမားများက ဒေါက်ဖြုတ်ဟု ခေါ်ဝေါ်တတ် ကြခြင်း ဖြစ်သည်။ သို့ရာတွင် ထောင်မှူးကြီးများသည် ထိုသို့ ဒေါက်ဖြုတ်သတ်ဖြတ်ကြရသော လူသတ် သမားအလုပ်ကို မိုက်မိုက်ကန်းကန်း အကျဉ်းသမားများကို အရက်တိုက်၍ မုန့်ဖိုးပဲဖိုး ငါးကျပ် တဆယ်ပေးကာ ဒေါက်ဖြတ်ခိုင်းလေ့ခိုင်းထရှိသည်။
ထောင်ပိုင်ကြီး ဝဏ္ဏကျော်ထင်ဦးဆင်နှင့်တကွ ၎င်း၏ လက်အောက်ငယ်သား အကျဉ်းထောင်အမှုထမ်းများသည် ကြိုးစင်ကို ပြင်ဆင်လျက်ရှိစဉ် နရသိမ်ထောင်ကြီး၏ ကြိုးတိုက်အတွင်း၌ ကြိုးသမားနှစ်ဦးရှိပေသည်။ ဤ ကြိုးသမားနှစ်ဦးရှိသည့် အနက် ကြိုးသမားတဦးသည် ၎င်း၏မယား လင်ငယ်နေသည်ကို ပက်ပင်းတိုးမိသဖြင့် မယားလုပ်သူကို ရော၊ ၎င်း၏လင်ငယ်ကိုပါ ရဲဒင်းနှင့် ရက်ရက်စက်စက် ခုတ်ထစ်သတ်ဖြတ်လိုက်သော လက်သမားဆရာ ဦးဘိုးမင်းဆိုသူ ဖြစ်သော်လည်း၊ ၎င်း၏ ရှေ့›နေက တရားလွှတ်တော်သို့ အယူခံထားသဖြင့်၊ ၎င်း၏အမှုမှာ မပြီးပြတ်သေးပေ။ ထို့ကြောင့် နရသိမ်ထောင် ပါးကွက် အာဏာသားများ ပြင်ဆင်နေသော ကြိုးစင်မှာ ၎င်းအားသတ်ဖြတ်ရန် မဟုတ်သေးသည်ကို စိတ်ချနိုင်ပေသည်။
ကြိုးတိုက်အတွင်း၌ ကြိုးသမားနှစ်ဦးမျှသာ ရှိသည့်အနက် တဦးကို သတ်ဖြတ်ခြင်း ပြုရန်အတွက် မဟုတ်ခဲ့လျှင်၊ ကျန်ကြိုးသမားတဦးကို သတ်ဖြတ်ခြင်း ပြုရန်အတွက်သာလျှင် ဖြစ်ပေတော့မည်။ ထိုသို့မှမဟုတ်လျှင် ဝဏ္ဏကြီးနှင့် တကွ ဒေါက်ဖြုတ်တို့သည် အလုပ်မရှိ၍ အားအားယားယားနှင့် ကြိုးစင်ကို အပင်ပန်းခံကာ ပြင်ဆင်နေကြရန်တော့ အကြောင်းမရှိပေ။
ကြိုးတိုက်အတွင်း၌ ကြိုးသမား ဦးဘိုးမင်းအပြင် ကျန်နေသေးသော အခြား ကြိုးသမားတဦးမှာ နိုင်ငံတော်သမ္မတကြီးထံကပင် အသနားခံလျှောက်လွှာကို လက်ခံစဉ်းစား ခြင်းပြုရန် ငြင်းဆန်လိုက်သော အကျဉ်းသားတဦးဖြစ်သည်။ မည်သည့် ရာဇဝတ်ပြစ်မှုများ အတွက်မဆို နိုင်ငံတော်သမ္မတကြီးသည် နောက်ဆုံး အသနားခံရာ၊ အယူခံရာ တရားအာဏာ ပိုင် ပုဂ္ဂိုလ်ကြီးဖြစ်ရကား၊ နိုင်ငံတော်သမ္မတကြီးက ရာဇဝတ်သားတဦးဦး၏ အသနားခံ လျှောက်လွှာကို ဖြစ်စေ၊ အယူခံလျှောက်လွှာကိုဖြစ်စေ ငြင်းဆန်လိုက်သောအခါ၌ ထိုရာဇဝတ် သားအတွက် လမ်းဆုံးသို့ ရောက်ရှိရလေသည်။ ထိုရာဇဝတ်သားအတွက် အခြားနည်းလမ်း သည် မကျန်ရှိတော့ပေ။ တရားရုံးတော် အဆင့်ဆင့်မှ ချမှတ်လိုက်သော အပြစ်ဒဏ်ကို ထို ရာဇဝတ်သားသည် ခံယူရတော့မည် ဖြစ်ပေသည်။
လက်သမားဆရာကြီး ဦးဘိုးမင်းအပြင် နရသိမ်ထောင်ကြီး၏ ကြိုးတိုက်အတွင်း၌ ရှိနေသေးသော အခြားကြိုးသမားတဦးသည် နှယ်နှယ်ရရထဲကတော့ မဟုတ်ပေ။ ထို ကြိုးသမားသည် ပြည်ထောင်စုအစိုးရဘက်မှ နေ၍ ရင်ကို မြေကတုတ်ပြုလုပ်ကာ သူပုန်များကို အပြတ်တိုက်ခိုက်ချေမှုန်းရန် လွန်ခဲ့သော (၃) နှစ်သာသာခန့်လောက်က ဖွဲ့စည်းတည်ထောင် ထားခဲ့သော "ပြူစောထီး" တပ်ဖွဲ့တဖွဲ့၏ ဗိုလ်ကြီးဖြစ်သူ ဗိုလ်ကျော်ဒင်ဆိုသူဖြစ်ပေသည်။
ဗိုလ်ကျော်ဒင်သည် အသက် (၃ဝ) သာသာခန့် လူရွယ်တဦးဖြစ်သည်။ သို့ရာတွင် ယခုအခါ၌ လူ့သက်တမ်း၏ ထက်ဝက်ခန့်မျှသာ လူလုပ်ရသေးသော ပြူစောထီးဗိုလ်ကြီး ကျော်ဒင်အား မသေမချင်း ကြိုးပေးသတ်ရန်အတွက် နရသိမ်ထောင်ပိုင် ဝဏ္ဏကြီးနှင့်တကွ သော အကျဉ်းထောင် အမှုထမ်းအရာထမ်းများသည် နရသိမ်ထောင်ကြီးအတွင်း၌ ကြိုးစင်ကို ပြင်ဆင်လျက် ရှိကြလေပြီတကား။
(၂)

ရာဇဝတ်မှုခင်းကြီးများ ဖြစ်ကြသော လူသတ်မှု၊ ဓါးပြမှု၊ ပြန်ပေးဆွဲမှုနှင့် မုဒိမ်းမှုပေါင်း မြောက်မြားစွာတို့ကို ကျူးလွန်လာခဲ့သော ပြူစောထီး ဗိုလ်ကြီးကျော်ဒင်အား ပြင်သာမြို့ စက်ရှင်တရားရုံးတော်မှ ဥာဏ်ပညာနှင့် ပြည့်စုံသော တရားမင်းက လည်ပင်း၌ ကြိုးကွင်းစွပ်၍ မသေမချင်း သတ်ဖြတ်စေရန် တရားစီရင်ချက်ချ မှတ်လိုက်သောအခါ ပြင်သာတနယ်လုံး တမြို့လုံးသာမက ပြင်သာတခရိုင်လုံး၌ မည်သူတဦးတယောက်မျှ ဝမ်းနည်းမိကြသူ၊ ကရုဏာသက်မိကြသူဟူ၍ မရှိခဲ့ပေ။ ဗိုလ်ကျော်ဒင် ဗိုလ်လုပ်အုပ်ချုပ်သော ပြင်သာနယ် တဝိုက်မှ အများပြည်သူတို့က တရားမင်းကိုပင် ကောင်းချီးသြဘာ ပေးခဲ့ကြသည်။ သာဓု အနုမောဒနာ ခေါ်ခဲ့ကြသည်။ သို့ရာတွင် ကျော်ဒင်အား ကြိုးပေးသတ်ဖြတ်တော့မည်ဆိုသည့် အတွက် ပြင်သာတနယ်လုံး၌ ဝမ်းနည်းရသူ၊ မျက်ရည်ကျရသူကား ၎င်းအား ဝမ်းဗိုက်တွင် ကိုးလလွယ်၍ ဆယ်လတွင် သက်စွန့်ဆံဖျား မွေးထုတ်ခဲ့ရသော ၎င်း၏ မုဆိုးမမိခင်ကြီး ပင်ဖြစ်သည်။
အဘယ်မိခင်သည်ပင်မဆို၊ သားဆိုးသားမိုက်ကိုပို၍ ချစ်ကြ၊ သနားတတ် ကြသည် မဟုတ်လော။ တလောကလုံးက စက်ဆုပ်မုန်းတီးနေသော လူတယောက်ကိုလည်း မိခင် လုပ်သူကတော့ ချစ်နေ၊ သနားနေမည်သာဖြစ်သည်။ ထို့ကြောင့် မိခင်၏ မေတ္တာလောက် ကြီးမားသော မေတ္တာသည် ဤလောက၌ မရှိဟူ၍ ရှေးလူဟောင်းနှင့် သုခမိန်ကြီးများက နှုတ်ချွေ မိန့်မြွက်ခဲ့ကြခြင်း ဖြစ်တန်ရာသည်။
ကျော်ဒင်သည် ၎င်း၏လက်ဝယ်၌ ရရှိထားခဲ့သော အခွင့်အာဏာနှင့် လက်နက်ကို အလွဲသုံးစားပြုကာ ပြင်သာနယ်၌ ရှင်ဘုရင်တပါးပမာ မင်းမူခဲ့သည်။ ပြည်သူလူထုအပေါ်၌ အမျိုးမျိုးအဖုံဖုံ ညှဉ်းပန်းနှိပ်စက်ခဲ့သည်။ သတ်ဖြတ်ခဲ့သည်။ လုယက်တိုက်ခိုက်ခဲ့သည်။ သူတပါး၏ သမီးပျိုများကိုလည်းကောင်း၊ လင်ရှိမယားများကိုပင်လျှင်လည်းကောင်း၊ အမျိုးမျိုး အဖုံဖုံ စော်ကားခဲ့သည်။
ဤကဲ့သို့ ပြည်သူလူထုအပေါ်၌ အာဏာအားကိုး၊ လက်နက်အားကိုးနှင့် နိုင်ထက်စီးနင်း နှိပ်စက်ညှဉ်းပန်းလာခဲ့သဖြင့် ကျော်ဒင်အား၊ ယောက်ျား၊ မိန်းမ၊ ကလေး၊ လူကြီးကအစ ဘုန်းတော်ကြီးများက ပါမကျန် ရွှံရှာမုန်းတီး လျက်ရှိခဲ့ကြသည်။ လူတိုင်း၏ ကျိန်ဆဲခြင်းကို လည်းခံခဲ့ရသည်။ ပြည်သူလူထု၏ ကျိန်စာသင့်၍ ကျော်ဒင်အား ပြင်သာပုလိပ်အဖွဲ့နှင့် စစ်တပ်များက ပူးပေါင်း ဖမ်းဆီးလိုက်သောအခါ "ကျော်ဒင်ကို ဖမ်းမိလိုက်ပြီတဲ့ဟေ့၊ ခွေးမသား သေပါစေကွာ၊ ဒီလို အကောင်တကောင် မြန်မြန်သေသွားရင် မြန်မြန်အေးတာပဲ" ဟု ပြင်သာ နယ်သူနယ်သားများသည် မိမိတို့အချင်းချင်း သူတပေါက် ငါတပေါက် ဝမ်းသာအားရ ပြောဆို ခဲ့ကြသည်။
သူပုန်များကို အပြုတ်တိုက် ချေမှုန်းရန်အတွက် ရမိရရာလူများကို လက်နက် ပေးအပ်၍ ပြူစောထီးတပ်များကို ဒရောသောပါးဖွဲ့စည်းခဲ့သော နိုင်ငံတော် အစိုးရမင်းများသည်လည်း၊ ၎င်းတို့ဖွဲ့စည်းထားခဲ့သော ပြူစောထီးတပ်ဖွဲ့မှ ဗိုလ်လုပ်သော ဗိုလ်ကျော်ဒင်သည် သူပုန်များကို အပြုတ်မတိုက်ဘဲ၊ ပြည်သူလူထုကို စစ်ဆင်နည်းအမျိုးမျိုးဖြင့် အပြုတ်တိုက်ပြီးရင်း တိုက်ခိုက် နေသည်ကိုသာ နေ့စဉ်နှင့်အမျှ တွေ့မြင်ကြားသိ လာရသောအခါ ၎င်းတို့၏ လူပေါင်း မှားလာ သောကိစ္စကို တစထက်တစ ရိပ်မိသိရှိလာဟန်တူသည်။ နိုင်ငံတော် အစိုးရမင်းများက လက်နက်ပေးအပ်၍ သူကောင်းပြုထားကြသူများသည် သူပုန်များကိုကား ဘာမျှထိထိ ရောက်ရောက် နှိမ်နင်း တိုက်ခိုက်ခြင်း မပြုဝံ့ဘဲ၊ အကာအကွယ်ကင်းမဲ့နေသော ပြည်သူလူထု ကိုသာ အမျိုးမျိုး တိုက်ခိုက်နှိမ်နင်းရင်း အမြတ်ထုတ်နေကြသော အလုပ်ကို ဘာမျှထိထိ ရောက်ရောက် အရေးမယူခဲ့ပါက ကာလရှည်လျားလာခဲ့သော် အနှိပ်စက်ခံနေကြရသော ပြည်သူလူထုသည် နိုင်ငံတော် အစိုးရမင်းများအား အထင်အမြင်လွဲမှားသည်ထက် လွဲမှားကာ၊ အကြည်ညို ပျက်သထက်ပျက် လာစရာရှိသည်။ ဤ နိုင်ငံရေးအကွက်နှင့် ချောက်ကျမည့် အရေးကို လိမ္မာပါးနပ်စွာ သိမြင်လာကြသော အာဏာရ နိုင်ငံရေးသမား အချို့က လက်ပိုက်၍ ကြည့်မနေနိုင်ကြတော့သည့် အဆုံး ပြင်သာနယ် ပြူစောထီးဗိုလ်ကြီးကျော်ဒင်ကို စစ်တပ်နှင့် ပုလိပ်အဖွဲ့အား ပူးပေါင်းစေပြီးလျှင် ဖမ်းဆီးခိုင်းလိုက်ရခြင်းဖြစ်သည်။
ပုလိပ်နှင့် စစ်တပ် နှစ်ဖွဲ့ပေါင်း၍ ဗိုလ်ကျော်ဒင်အား လာရောက်ဖမ်းဆီး ကြသောအခါ ကျော်ဒင်သည် ၎င်း၏လက်နက်နှင့် တပ်ဖွဲ့အားကိုးဖြင့် ခုခံရန် စိတ်ကူးလိုက်သေးသည်။ သို့ရာတွင် ၎င်းအား ကျွေးမွေးသုတ်သင်၍ ပြူစောထီး ဗိုလ်ကြီးဖြစ်သည်အထိ မွေးမြူလာခဲ့ သော အာဏာရ နိုင်ငံရေးခေါင်းဆောင်ကြီးတဦးက ရဲရဲသာအဖမ်းခံလိုက်ပါ၊ မကြာမီလွတ် အောင် ငါလုပ်ပေးပါ့မည်ဟု လက်သိပ်ထိုး၍ ကတိပေးသည့် အတွက်ကြောင့်သာ ကျော်ဒင်သည် အေးအေးချမ်းချမ်း အဖမ်းခံလိုက်ခြင်းဖြစ်လေသည်။ ၎င်း၏ နိုင်ငံရေးအာစရိက လွတ်အောင် ပြုလုပ်ပေးလိမ့်မည်ဟူသော ယုံကြည် မျှော်လင့်ချက်ဖြင့် ၎င်းအား စစ်တပ်နှင့် ပုလိပ်အဖွဲ့များဖမ်းဆီးပြီးစက တက်မတတ် ငိုယိုနေခဲ့သော မိခင်လုပ်သူအား "ငိုမနေပါနဲ့ အမေရယ်" ဟု ပေါ့ပေါ့တန်တန် ဆိုထားခဲ့ခြင်းလည်း ဖြစ်ပေသည်။
သို့ရာတွင် ကျော်ဒင်မျှော်လင့်ထင်ထားသကဲ့သို့ ၎င်း၏အမှုသည် လွယ်ကူသေးငယ် သော အမှုကား မဟုတ်ခဲ့ပေ။ ကျော်ဒင်အား ရုံးတင်တရားစွဲဆိုသောအခါ၊ လူသတ်မှုနှစ်မှု၊ ဓါးပြမှုသုံးမှု၊ ပြန်ပေးမှုနှစ်မှုနှင့် မုဒိမ်းမှုသုံးမှုအထိ ပါဝင်ခဲ့လေသည်။ စုစုပေါင်း ဆယ်မှုမျှပင် ဖြစ်သည်။ စင်စစ်ကျော်ဒင်ကျူးလွန်ခဲ့သော ရာဇဝတ်မှုကြီးများသည် ထို့ထက်ပင် များပြားခဲ့ပေသည်။ သို့ရာတွင် ဘေးရန် အမျိုးမျိုး စိုးရိမ်ကြောက်ရွံ့၍ တရားလို လုပ်ဝံ့သူ မရှိသော အမှုက မရှိ၊ သက်သေ လိုက်ဝံ့သူ မရှိသောအမှုက မရှိဖြစ်နေသောကြောင့်သာ ဤအမှုအခင်းကြီး များလောက်ကိုသာ တရားစွဲဆိုနိုင်ခြင်းဖြစ်သည်။
ကျော်ဒင်အား ရုံးတင်တရားစွဲဆိုသောအခါ၊ ၎င်း၏ နိုင်ငံရေးအာစရိသည် ကျော်ဒင်၏ အမှုအတွက် တတ်နိုင်သလောက်တော့ လိုက်ရှာသည်။ ထိုနိုင်ငံရေးသမားသည် ရန်ကုန်မြို့ ဌာနချုပ် ခေါင်းဆောင်ကြီးများဆီသို့ပင် လာရောက်၍ ၎င်း၏ လူအတွက် စဉ်းစားခြင်းပြုရန် တောင်းပန်ခြင်းပြုခဲ့ရှာသည်။ နောက် တပတ်ရွေးကောက်ပွဲ၌ ကျော်ဒင်ကို အဓိက အားကိုး အားထား ပြုရမည်ဖြစ်ကြောင်းဖြင့်လည်း အညှာကိုကိုင်၍ ပြောဆိုကြည့်သေးသည်။ သို့ရာတွင် ရန်ကုန်မြို့ရှိ ဌာနချုပ်ခေါင်းဆောင်ကြီးများသည် ၎င်းတို့အချင်းချင်းလည်း စိတ်ဝမ်းကွဲပြား နေကြ၍ သူ့ငါမယုံ၊ ငါ့သူမယုံ ဖြစ်နေသည်ကတကြောင်းကြောင့် ကျော်ဒင်၏ကိစ္စကို မကိုင်တွယ်ဝံ့ကြပေ။ ၎င်းတို့အတွက် စိတ်ချလောက်သော မဲအရေအတွက်သာ ပြုလုပ်ပေးနိုင်မည်ဆိုခဲ့လျှင် ဘာပဲလုပ်ရလုပ်ရ ဝန်မလေးခဲ့သော နိုင်ငံရေးခေါင်းဆောင်ကြီး များသည် ရွေးကောက်ပွဲနှင့် တော်တော်ကလေး အလှမ်းဝေးနေသေးသောကြောင့် ကျော်ဒင်၏ အမှုကို စိတ်ဝင်စားလှပုံ မရပေ။ ဤအကြောင်းအချက်များအပြင် ၎င်းတို့ အကြောက်ရွံ့ ဆုံးသောကိစ္စမှာ ပြင်သာနယ်လူထုကြီးပင်ဖြစ်သည်။ ပြင်သာနယ်လူထုကြီးကို အမျိုးမျိုး ညှဉ်းပန်းနှိပ်စက်ခဲ့သော ကျော်ဒင်ကဲ့သို့ လူထုရန်သူတယောက်ကို ၎င်းတို့က ခပ်ပြောင်ပြောင် ဝင်ရောက်ကာကွယ် ပေးလိုက်လျှင် ၎င်းတို့အား ပြင်သာနယ်လူထုကြီးက အဘယ်သို့အထင်ရှိ မည်နည်း။ အဘယ်မျှလောက်ပင် မိုက်ရူးရဲ ဖြစ်စေကာမူ၊ နိုင်ငံရေးသမားမှန်သမျှသည် ပြည်သူလူထုကို တနည်းမဟုတ်လျှင် တနည်းနည်းဖြင့် ကြောက်ရွံ့ရိုသေခြင်း ရှိကြရသည်သာ ဖြစ်လေသည်။ အဘယ်ကြောင့်ဆိုသော် ပြည်သူလူထုကို မလေးမခန့် ပြုမူခဲ့ကြသော နိုင်ငံ ရေးသမားများသည် ကြိုးစင်မှတဆင့် သင်္ချိုင်းကုန်းသို့ သွားကြရသော နိုင်ငံရေးလမ်းစဉ်ကို နိုင်ငံရေးသမား မှန်သမျှ နားလည်ထားကြသောကြောင့် ပေတည်း။
ရာဇဝတ်မှုခင်းကြီး (၁ဝ) မှုအတွက် ကြိုးနှစ်ကြိုး၊ ထောင်ဒဏ် အနှစ် ခြောက်ဆယ်နှင့် ကြိမ်ဒဏ် အချက် (၁၂ဝ) ကို ပြင်သာစက်ရှင်တရားသူကြီးရုံးတော်မှ စီရင်ချမှတ်လိုက် သောအခါ၊ ကျော်ဒင်သည် တော်တော်ကလေး အားငယ်သွားမိသည်။ မျက်နှာလည်း ပျက်သွားသည်။ သို့ရာတွင် ဒေသန္တရ ရွေးကောက်ပွဲကိစ္စ၊ ပြည်သူ့လွှတ်တော်နှင့် လူမျိုးစုလွှတ်တော် ရွေးကောက်ပွဲများကိစ္စတုန်းက ၎င်းလုပ်ကိုင်ဆောင်ရွက်ပေးခဲ့သော ဆောင်ရွက်ချက်များကို လည်းကောင်း၊ ၎င်းရှာဖွေစုဆောင်းပေးခဲ့သော ပါတီရန်ပုံငွေ ကိစ္စများကိုလည်းကောင်း၊ ထောက်ထားငဲ့ညှာ၍ တနည်းမဟုတ်လျှင် တနည်းနည်းဖြင့် ၎င်းအား သက်သာခွင့်ပေးကြလိမ့်မည်ဟု ကျော်ဒင်သည် မျှော်လင့်အားခဲထားတုန်းကားဖြစ် ပေသည်။
၎င်းအား ကြိုးမိန့်ချမှတ်လိုက်ပြီးနောက်၊ နောက်တနေ့ ကြိုးတိုက်အတွင်းသို့ မျက်ရည်စက်လက်နှင့် လာရောက်၍ ထောင်ဝင်စာလာတွေ့ရှာသော မိခင်လုပ် သူကိုပင် "စိုးရိမ်မနေစမ်းပါနဲ့ အမေရယ်æ နောက်ဆုံး တနေ့ကျရင် သူတို့ ကျနော့်ကို လွှတ်ပစ်ကြရမှာ ပါဗျာ" ဟု ခပ်အေးအေး ခပ်ပေ့ါပေါ့ ပြောဆိုလိုက်သေးသည်။
သို့ရာတွင် တရားလွှတ်တော်နှင့် တရားလွှတ်တော်ချုပ်များက ၎င်း၏အယူခံကို ပယ်ချ လိုက်ပြီးလျှင်၊ အောက်ရုံးအမိန့်အတိုင်း အတည်ပြုလိုက်ကြသောအခါ ပြူစောထီး ဗိုလ်ကြီး သည် အတော်ကလေး တုန်လှုပ်ချောက်ချားသွားလေသည်။ အဘယ်ကြောင့်ဆိုသော် တရား ဥပဒေအရ ၎င်း၏အမှုသည် လမ်းဆုံးနေပြီ ဖြစ်သောကြောင့်တည်း။ သို့ရာတွင် နိုင်ငံတော် သမ္မတကြီးထံ၌ အသနားခံ ဝင်နိုင်သေးသော အခွင့်အလမ်းတခုကား ကျန်ရှိနေ၍ တော်သေး သည်။
တရားလွှတ်တော်များက ၎င်းအယူခံကို ပယ်ချလိုက်ပြီးနောက် တနင်္ဂနွေ တပတ်ခန့် ကြာသောအခါ သားကိုတွေ့ရန်မိခင်လုပ်သူသည် ကြိုးတိုက်အတွင်း သို့လာပြန်၏။ ဤ တခေါက်၌ ကျော်ဒင်သည် မိခင်လုပ်သူအား ပေါ့ပေါ့တန်တန် မပြောဝံ့၊ မပြောရဲတော့ပေ။
"ငါ့သားအမှုက အခုပုံအတိုင်းဆိုရင် ဘယ်လိုမျိုးများလဲကွယ်" ဟု မိခင်လုပ်သူက တုန်တုန်ရီရီနှင့် မေးမြန်းသောအခါ "သမ္မတကြီးဆီကိုတော့ အသနားခံဝင်နိုင်သေးတယ် တဲ့အမေ" ဟုသာ ကျော်ဒင်သည် မတိုးမကျယ် ပြောနိုင်ရှာသည်။
၎င်းမိခင် ရွာသို့ပြန်သွားပြီးနောက် ကျော်ဒင်သည် ၎င်း၏ နိုင်ငံရေးခေါင်း ဆောင်များထံသို့ ၎င်း၏ အမှုကိစ္စနှင့်ပတ်သက်၍ အသနားခံစာရေးသည်။ ၎င်း၏ အမှုကိစ္စများ အတွက် အခြားပြစ်မှုများမှ မလွတ်နိုင်သည့်တိုင်အောင် ကြိုးဒဏ်မှလွတ်အောင် တတ်နိုင်သမျှ ဆောင်ရွက်ပေးကြဖို့ ဖွဲ့ဖွဲ့နွဲ့နွဲ့ ရေးသားတောင်းပန်လိုက်သည်။ နိုင်ငံတော်အစိုးရအား လက်နက် ကိုင်ဆွဲ၍ တော်လှန်ပုန်ကန်ခဲ့ကြသူများကိုပင် "မသေစေရပါဘူး" ဟု အာမခံခဲ့လျှင်၊ နိုင်ငံတော် အစိုးရဘက်သားတဦးအား အနည်းဆုံးအနေနှင့် ကြိုးဒဏ်မှ လွတ်ငြိမ်းချမ်းသာ ခွင့်ပြုအပ် ပြုထိုက်သည့်အကြောင်းကို ကျော်ဒင်သည် နိုင်ငံတော်ဝန်ကြီးချုပ်ဦးနု၏ မိန့်ခွန်းကိုပင် တတ်သမျှမှတ်သမျှ ကိုးကား၍ ရေးရှာသည်။ သို့ရာတွင် ကျော်ဒင်ကို ၎င်းတို့၏ အကျိုးစီးပွား အတွက် သုံး၍ကောင်းစဉ်က ရက်ရက်စက်စက်နှင့် မညှာမတာ အသုံးပြုခဲ့ကြသော နိုင်ငံရေးသမားများသည် ယခု အခါတွင် ကြိုးတိုက်ထဲမှနေ၍ အသနားခံလျက်ရှိသော ၎င်းတို့၏ လက်ကိုင်တုတ်ကောင်းဖြစ်ခဲ့သော ကျော်ဒင်၏ တောင်းပန်ချက်ကို လျစ်လျူရှုကြလေပြီ။ ကျော်ဒင်အတွက် နာမည်ပျက်ခံ၍ လည်းကောင်း၊ အငြိုငြင်ခံ၍လည်းကောင်း လိုက်လံဆောင် ရွက်နေကြမည့်အစား ကျော်ဒင်ကဲ့သို့ အလားတူ သတ္တဝါတကောင်ကို ရှာဖွေမွေးမြူနိုင်သည် မဟုတ်လော။
နိုင်ငံတော် သမ္မတကြီးထံသို့ ကျော်ဒင်သည် ၎င်းဘာသာ ၎င်းပင် အသနားခံရတော့ သည်။ ထိုအသနားခံလျှောက်လွှာ၌ ၎င်းသည် နိုင်ငံတော်အစိုးရအတွက် အဘယ်မျှ သက်စွန့် ကြိုးပမ်းဆောင်ရွက်ခဲ့သည် ဆိုသောနောက်ကြောင်း ရာဇဝင်များကို ဖွဲ့ဖွဲ့နွဲနွဲ့ရေးသား အစီရင်ခံ လိုက်သည်။ ထိုကဲ့သို့ နိုင်ငံတော်အစိုးရဘက်မှ သက်စွန့်ကြိုးပမ်းအမှုတော်ကို ထမ်းရွက်လာခဲ့ သော ဘက်တော်သားတဦးအား မှားမိယွင်းမိသည်များကို ခွင့်လွတ်၍ ကြိုးဒဏ်မှ ချမ်းသာခွင့် ပြုပါရန်အကြောင်းကို အသနားခံလိုက်သည်။
နိုင်ငံရေးခေါင်းဆာင်များနှင့် အစိုးရအဖွဲ့ခေါင်းဆောင်များက ၎င်းအား စွန့်ပယ်ထားကြ သည့်တိုင်အောင် နိုင်ငံတော်ဖခင်ကြီးသဖွယ်ဖြစ်သော နိုင်ငံတော် သမ္မတကြီးကမူကား ၎င်းအား မည်သည့်နည်းနှင့်မဆို လျစ်လျူရှု၍ ကျောခိုင်းနေလိမ့်မည် မဟုတ်ဟု ကျော်ဒင်က မျှော်လင့်ယုံကြည်လျက်ရှိသည်။ သို့ရာတွင် ပြင်သာနယ်တဝိုက်၌ ၎င်းသည် အဘယ်မျှ ဆိုးသွမ်း ရက်စက်ခဲ့သည်ဆိုသော အချက်ကိုကား သနားဖွယ်ရာပင်၊ ကျော်ဒင်တယောက် သည် မေ့လျော့နေဟန်ရှိသည်။ သူတပါး သမီးပျိုများကို လည်းကောင်း၊ ကာမပိုင် လင်ရှိသားမယားကို လည်းကောင်း၊ ၎င်းကိုယ်တိုင် အဘယ်မျှ စော်ကားဖျက်ဆီးခဲ့သည် ဆိုသော ပြစ်ချက်များကို မေ့လျော့နေစေဦးတော့၊ သူပုန်များကို ထမင်းကျွေးမိသည်ဆိုသော တောင်ခြေရွာတရွာမှ မိသားစုတစုကို မောင်းပြန်သေနတ်ဖြင့် ရက်ရက်စက်စက်ကြီး ပစ်ခတ် သတ်ဖြတ်လိုက်သော ၎င်း၏ပြစ်မှုကြီးကိုကား ကျော်ဒင်သည် မေ့လျော့ဖို့ မသင့်ပေ။ ကျော်ဒင်သည် သတ်ရဲသော်လည်း သေရဲသော ယောက်ျားတဦး တယောက်ကား မဟုတ် ရှာပေ။ အနိုင်ရသောကာလက လက်နက်အားကိုးဖြင့် လူတဖက်သားကို ရက်ရက်စက်စက် ပြုလုပ်တတ်သူများသည် ရှုံးနိမ့်၍ မိမိတို့ခံနေရသော ကာလ၌ အလွန်တရာ သူရဲဘောနည်း တတ်ကြသည်သာ ဖြစ်လေသည်။ ထိုလူစားများသည် မိန်းမသားများထက်ပင် အသည်းငယ် ကာ ရှိုက်ကြီးတငင် ငိုယိုတတ်ကြသည်။
ကြီးမားများပြားလှသော ရာဇဝတ်မှုခင်းကြီးများကို ရက်ရက်စက်စက် ကျူးလွန်လာခဲ့ သော ပြူစောထီးဗိုလ်ကျော်ဒင်၏ အသနားခံလွှာကို နိုင်ငံတော် သမ္မတကြီးကလည်း လက်ခံ စဉ်းစားခြင်းမပြုရန် မျက်နှာလွှဲလိုက်သောအခါ၊ နရသိမ်ထောင်ပိုင် ဝဏ္ဏကြီးသည် ကြိုးတိုက် အတွင်းသို့ ဝင်ရောက်လာပြီးလျှင် ထိုအမင်္ဂလာသတင်းကို ကြိုးတိုက်အတွင်း၌ ညစာထမင်း အငတ်ခံကာ ဥပုသ်ရက်ရှည်စောင့်နေသည်ဆိုသော ပြူစောထီးဗိုလ်ကြီးအား စိတ်လက်မချမ်း သာသော အမူအရာဖြင့် ဝတ္တရားအတိုင်း အကြောင်းကြားပြောဆိုလေသည်။ နိုင်ငံတော် သမ္မတကြီးက ၎င်း၏ အသနားခံလွှာကို ပယ်ချလိုက်သည်ဟု ကြားလိုက်ရသော အခါ ဗိုလ်ကြီးကျော်ဒင်၏ လက်မှ စိပ်ပုတီးသည် ရုတ်တရက် လွှတ်ကျသွားလေသည်။ ထိုသို့ စိပ်ပုတီးလွတ်ကျသွားခဲ့သော အချိန်မှစ၍ နောက်ထပ် ဗိုလ်ကျော်ဒင်သည် စိပ်ပုတီးကို ပြန်မကိုင်တော့ပေ။ သူသည် ယခင်က ညစာကိုသာ အငတ်ခံသော်လည်း ယခုအခါ နံနက်စာကိုလည်း မစားတော့ပေ။ အဘယ့်ကြောင့်ဆိုသော် ပြူစောထီးဗိုလ်ကြီးသည် မိမိသေရ မည့်နေ့ရက်နှင့် အချိန်အပိုင်းအခြားကို သိရှိနေပြီဖြစ်သောကြောင့်တည်း။
သေရမည့်အရေးကို မေ့လျော့နေသော အချိန်ကာလတလျှောက်လုံး၌ လူသတ္တဝါသည် ပျော်ရွှင်လာနိုင်သော်လည်း၊ သေရမည့်အရေးကို သတိရ စဉ်းစားမိသောတချိန်၌ ပျော်ရွှင်ခြင်း သည် ထိုသတ္တဝါ၏ထံပါးမှ ထွက်ခွာသွားတတ်သည်ပင် မဟုတ်လော။ ဘာမျှ မသိသော ကာလ၌ လူတို့သည် ပျော်မွေ့ကြသည်ဆိုသော အနောက်တိုင်း စကားပုံတခုသည် ဤအချက် ကို သူ့အတွေးအခေါ်နှင့် သူ ရည်ညွှန်းဖော်ပြလိုဟန်ရှိသည်။ ထို့ကြောင့်ပင် သဘာဝသည် ၎င်း၏ လျှို့ဝှက်ချက်အများအပြားကို လူသားတို့အား တမျိုးပြီးတမျိုး၊ တခုပြီးတခု ဖွင့်လှစ်ပြသ လျက်ရှိသော်လည်း အကြင်လူသားတဦး မည်သည့်နေ့ရက်နှင့် ကာလအပိုင်းအခြားတွင် သေဆုံးရမည်ဆိုသော လျှို့ဝှက်ချက်ကိုကား ယနေ့ထက်တိုင် ထိန်ချန် ထားမြဲထားဟန် တူသည်။ မိမိသေဆုံးရမည့်နေ့ရက်နှင့် နာရီကို တပ်အပ်သေချာ သိရှိထားပြီးဖြစ်သော အကြင်သူတဦးတယောက်သည် အဘယ်သို့ ပျော်မွေ့ချမ်းသာခြင်း ရှိနိုင်ပါမည်နည်း။ သို့ရာတွင် ကြိုးသမားများကား မိမိတို့သေဆုံးရမည့် နေ့ရက်အပိုင်းအခြားကို တပ်အပ် သေချာစွာ သိရှိထားကြရသူများသာ ဖြစ်သည်။ ထိုသို့သိရှိထားခြင်းသည် ၎င်းတို့အတွက် အကြီးဆုံးသော ဒုက္ခဆင်းရဲခြင်းပင်ဖြစ်လေသည်။ ယခုအခါတွင် ပြင်သာနယ်တဝိုက်၌ ဖိန့်ဖိန့်တုန်အောင် ကျော်ကြားလာခဲ့သော ပြူစောထီး ဗိုလ်ကြီးကျော်ဒင်သည် ထိုဆင်းရဲဒုက္ခကို နရသိမ်ထောင်ကြိုးတိုက်အတွင်း၌ မအိပ်နိုင် မစားနိုင် ခံစားနေရရှာပေသတည်း။

ဒုတိပိုင်းဆက်ဖတ်ပါရန်။

Friday, April 16, 2010

သမိုင်းလှလွန်းသည့်စာတပိုဒ်
ရေးသူ- တက္ကသိုလ်ဘုန်းနိုင်



(၁)
ဦးပေါ်ဦးကို မြန်မာ့သမိုင်း၌ အလွန်ထင်ရှားသော ပညာရှိအမတ်ကြီးအဖြစ် မြန်မာတိုင်းလိုလို သိကြသည်။ ကဗျာစာဆိုကြီးအဖြစ် သိသူကား နည်းပါးသည်။ သိသူများပင်လျှင် ဦးပေါ်၏စာကို နှုတ်တက်ရွရွ ရွတ်ဆိုပြပါဟု ဆိုလျှင် န၀ဒေးတို့၊ နတ်သျှင်နောင်တို့၊ လက်ဝဲသုန္ဒရတို့၏ စာတွေကို ရွတ်ဆို ပြနိုင်သကဲ့သို့ လွယ်လွယ်ကူကူ ရွတ်ဆိုမပြ နိုင်ကြ။
ဦးပေါ်ဦး၏စာက ရိုမင်းတစ် စာမျိုးမဟုတ်။ ခံစားမှုမပါမဟုတ် ပါသော်လည်း လက်ဝဲသုန္ဒရ၏ ခံစားမှုမျိုးပင်မဟုတ်။ သူ့စာက ပုဂ္ဂလိက အဇ္ဈတ္တ ခံစားမှုကို ဖော်သည့် လိုင်းရစ် ကဗျာမျိုး မဟုတ်သောကြာင့် သာမန်လူတို့အတွက် ရင်ခုန်ဖွယ် မတွေ့။ သည်တော့..... အသည်းမစွဲ...... ။
၁၉၇၉ ခုနှစ်မှစကာ စာဆိုတော် ဟောပြောပွဲများတွင် 'သွေးငင်ကြမ္မာ၊ ၀ါသနာကြောင့်' ဟူသော ခေါင်းစဉ်ဖြင့် ကျွန်တော် ဟောပြောခဲ့သည်။


ဝါသနာဆိုသော စကားကိုလည်း လူအများက ပေါ့ပေါ့ဆဆ နားလည်ထားကြသည်။ အရှင်မဟာရဌသာရ ဆိုလိုသည့် နက်နဲသော အဓိပ္ပါယ်ကို မသိကြ။
ပါဠိပညာရှင်ကြီး ချီး(လ်)ဒါး(စ်) [Childers] က ၀ါသနာကို-
Vasana- Impression remaining on the mind from past good or evil actions and producing pleasure or pain.
ဝါသနာဟူသည် [ပစ္စုပ္ပန်ဘ၀] စိတ်၌ အတိတ်ဘ၀မှ ကုသိုလ်၊ အကုသိုလ်ကံတို့၏ အာနိသင်ကြောင့် ရှိနေသော အကျိုးတရားဖြစ်သည်။ သုခဝေဒနာကိုလည်းကောင်း၊ ဒုက္ခဝေဒနာကိုလည်းကောင်း ပေါ်စေတတ်သည်- ဟု အဓိပ္ပါယ် ဖွင့်ဆိုသည်။
စာဆိုတို့၌ ဤသို့လျှင် လေးနက်သော ၀ါသနာမျိုး ရှိကြသည်။
မြင့်မြတ်ကြီးကျယ်သော စာဆိုကြီးများ၌ မြင့်မြတ်ကြီးကျယ်သော ၀ါသနာ ရှိကြသည်။ အမှန်တရားကို တွေ့လျှင် သုခဝေဒနာ ပေါ်ပြီး၊ အမှားကို တွေ့လျှင် ဒုက္ခဝေဒနာပေါ်ကာ... ချီးမွမ်းသင့်သည်ကို ချီးမွမ်း၍ ကဲ့ရဲ့သင့်သည်ကို ကဲရဲ့လျက် စာရေးဖွဲ့တတ်ကြသည်။ ဤ၀ါသနာသဘောကား အလွန်တွန်းအားကြီးသည်။ ကိုယ်ကျိုးကိုပင် စွန့်လွှတ်ရဲစေတတ်သည်။
ဤကဲ့သို့ စာဆိုကြီးများ၏ ၀ါသနာအကြောင်း ဟောပြောတိုင်း ဦးပေါ်ဦး၏ အဖြစ်နှင့် သူ့စာနှစ်ပိုဒ်ကို ရွတ်ပြလျက် ကျွန်တော် ဟောပြောလေ့ရှိပါသည်။
စာတပိုဒ်က သူ့ ရတု၏ အစပိုဒ်မှ အဖွင့်စကား။

"တင့်တိုးကျက်သရေ၊ မြင့်ဖြိုးဝေသား၊ စက်နေပမာ၊ ချက်မြေချာဝယ်၊ တေဇာကွန့်မြူး၊ ကြယ်သောက်ရှူးနှင့်၊ ပျံ့လူးဥက္ကာ၊ ကဲ့ပမာသို့......."

ဤအပိုဒ်က 'အကျိုး' ကို ရည်ညွှန်းသည်။
နောက်တပိုဒ်က.. သူ့ရတု၏ အဆုံးပိုဒ်မှ နိဂုံးကောက်ချက်စကား။

"ကျင့်မျိုးခက်ဝေ၊ မြင့်တိုးစေသား၊ မိုးမြေတုတ်ခွန်၊ ယုတ်မလွန်အောင်၊ အမွန်ရှည်ကြာ၊ တည်စိမ့်ငှာဟု"

ဤအပိုဒ်က 'အကြောင်း' ကို ပြသည်။
အမျိုးဘာသာ သာသနာနှင့် မြန်မာ့လူ့ဘောင်အကျိုး ချစ်မြတ်နှိုးသည့် မေတ္တာ၊ စေတနာ၊ ၀ါသနာ တို့မှ ပေါက်ဖွား ပေါ်ထွန်းလာသည့် ကဗျာ.......။

(၂)
ကျွန်တော်တို့ မြန်မာတိုင်းရင်းသားတို့သည် အဆင့်မြင့်သော ယဉ်ကျေးမှုဖြင့် အချုပ်အခြာ အာဏာပိုင်စိုး ၍ ကမ္ဘာပေါ်တွင် နေလာခဲ့ကြသည်မှာ ကြာခဲ့ပြီ။ ကျွန်တော်တို့၏ ယဉ်ကျေးမှုသက်သည် ယနေ့ ဥရောပသားအများ၏ ယဉ်ကျေးမှုသက်ထက် ပိုကြီးသည်။
ကိုယ်ပိုင်ယဉ်ကျေးမှု၊ ကိုယ်ပိုင်အမျိုးသားသွင်ပြင်လက္ခဏာ၊ ကိုယ့်ထီး၊ ကိုယ့်နန်း၊ ကိုယ့်ကျငှန်းဟု ခေါ်သော အချုပ်အခြာ အာဏာပိုင်မှုတို့ဖြင့် နှစ်ပေါင်းထောင်ကျော် ကမ္ဘာမြေပေါ်၌ ရပ်တည်နိုင်ခဲ့ကြသည်မှာ အကြောင်းမဲ့မဟုတ်။ အကျိုးမှန်သမျှ၌ အကြောင်းရှိသည်သာတည်း။
ဂျီအိုပေါ်လစ်တစ် [Geopolitic] ခေါ် ပထ၀ီနိုင်ငံရေးပညာအရဆိုလျှင် အင်္ဂလိပ်လို စတိတ်[State] ခေါမလို ပေါ်လီတီးယား[Politeir]၊ မြန်မာလို နိုင်ငံဟုခေါ်သော လူ့အဖွဲ့အစည်း အမြင့်စားတခု ပေါ်ပေါက်လာရန် ပထ၀ီဒေသတခုအတွင်း အတူနေကြသူ လူတို့အားလုံး၏ စိတ်အတွင်း၌ စတိတ်အိုင်ဒီယာ [State idea] ဟုခေါ်သည့် နိုင်ငံသဘော ပေါ်လာရသည်။ နိုင်ငံသဘော ဆိုသည်မှာလည်း လူ၏ အသိဥာဏ်တမျိုး ဖြစ်လေ သည်။ အားလုံးအကျိုးအတွက် အားလုံးစောင့်ရှောက် လိုက်နာကြရမည့် စည်းကမ်းစနစ် လိုအပ်သည်ဟု နားလည်လာသော အသိဥာဏ်ဖြစ်သည်။ ထိုအသိဥာဏ်သည်လည်း လူတို့၏ တူညီသော ရည်ရွယ်ချက်များကို သဘောတူ ဖော်ပြခြင်း [statement of purpose] မှ ထင်ရှား ပေါ်လာရသည်။
စည်းကမ်းစနစ်များ ချမှတ်ခြင်း၊ ထိုချမှတ်ထားသော စည်းကမ်းစနစ်များကို အကောင်အထည်ဖော်ရန်၊ ထိန်းသိမ်းကာကွယ်စာင်ရှောက်ရန် ထက်မျက်သောအဖွဲ့အစည်း၊ ထိရောက်သော စီမံခန့်ခွဲမှု စသည်တို့ တည်ထောင်ခြင်းသည် နိုင်ငံတခု၏ ရည်ရွယ်ချက်များပင် ဖြစ်လေသည်။ ထိုရည်ရွယ်ချက်များကိုပင် အင်္ဂလိပ်လို ဗိုင်းအေးဗလစ်တီအော့(ဖ်)စတိတ် [viability of state] ဟု ခေါ်သည်။ မြန်မာလိုတော့.... နိုင်ငံ၏ အမြစ်ခိုင်ရှင်သန်ကြီးပွါးခြင်း၏ အကြောင်းခံတရား ဟု ခေါ်သည်။
ရှေးပဝေသဏီတည်းက မြန်မာတို့၌ နိုင်ငံသဘောခေါ် အသိဥာဏ်ရှိသည်။ နိုင်ငံ၏ အမြစ်ခိုင်ရှင်သန်ကြီး ပွါးခြင်း၏ အကြောင်းခံတရားတွေ ရှိပြီး... ထိုအကြောင်းခံတရားတွေကို ကောင်းစွာ စောင့်ရှေက်သည်။
ဦးပေါ်ဦး၏ စာသည် ထိုသို့သော အကြောင်းခံတရားတွေကို ထိန်းသိမ်းစောင့်ရှောက်မှုနှင့် ပတ်သက်နေ သည်။

(၃)
ဘိုးတော်မင်းတြားကား မြန်မာ့သမိုင်းမှ မင်းကောင်းမင်းမြတ်တပါး ဖြစ်လေသည်။
သို့ရာတွင်... ပုထုဇဉ်ဖြစ်သောကြောင့် မှားနိုင်သည်။ တခါတွင် ဘိုးတော် မင်းတြားသည် 'ပညာရှိ သတိဖြစ်ခဲ' အမိန့်တခု ချမှတ်ခဲ့လေသည်။
မြစ်တော်လေး ညောင်ရမ်းမင်းအတွက် မြဧယဉ်ပြုလုပ်ရန် သဿမေဓဆိုင်ရာမှ ငွေတော် ရှစ်သိန်း ရွှေတိုက်မှ ထုတ်ယူစေဟု မင်းကြီးတို့အား အမိန့်တော် ထုတ်ပြန်သည်။ ဤသည်ကို အမတ်ကြီး ဦးပေါ်ဦး ကြားသောအခါ-
"မင်းကြီးများ၏ ရှင်ဘုရင်သည် ရှင်ဘုရင်ပါးမ၀သေးပါဘူး" ဟု ဆိုလေသည်။
[မြန်မာစာညွန့်ပေါင်းကျမ်း။ စတုတ္ထတွဲ။ စာမျက်နှာ ၂၂၉]
ဘိုးတော်မင်းတြား မျက်တော်မူသောကြောင့် ရာထူးအဆောင်အယောင်တို့ကို နှုတ်ပြီး ဦးပေါ်ဦးအား သိန္နီမြို့နယ်သို့ အကျဉ်းနှင့် ပို့စေသည်။
အမှန်ကား... ဦးပေါ်ဦးပြောပုံမှာ နင့်သီးလွန်းသောကြောင့် ရုတ်တရက်သော် မင်းတြားကြီးကို အပြစ်မဆိုသာ။ လောက၀တ်၊ ရာဇ၀တ်၊ ဓမ္မ၀တ်ဟူ၍ မြန်မာ့ယဉ်ကျေးမှု ထုံးတမ်းစဉ်လာတွေ ရှိသည်။ ဤသည်တို့ကို ဦးပေါ်ဦး သိသည်။ သိလျက်နှင့် ဘာကြောင့် နင့်နင့်သီးသီး ဆိုခဲ့သနည်း.....။
ငယ်ကျွန်ယုံဖြစ်သောကြောင့် သခင့်အပေါ် ဂရုဏာဒေါသောနှင့် ပြောမိဟန်လည်း တူသည်။ ထို့ထက်... သမိုင်းရှေ့ရေးတွေးမျှော်ပြီး "လေးနက်ရန် သွေးထွက်ခံပြီး" ပြောသည်ဟု ယူဆရသည်။
နင့်သီးသော်လည်း ဦးပေါ်ဦး၏ စကား၌ ပညာပါနေသည်။ နှုတ်မထိန်းနိုင်၍ လွှတ်ခနဲ ထွက်သောစကားမျိုး မဟုတ်။
ရှင်ဘုရင်ဆိုသည်မှာ... ဘာနည်း။ ရှင်ဘုရင်ပါးဝသည် ဆိုသည်မှာ ဘာနည်း။ ကဗျာသတ္တိ အနက် ကိန်းဝင်နေသော စကားဖြစ်လေသည်။ နောင်လာနောက်သားတို့ စကားတလုံး တင်ကျန်ရစ်အောင် ပြောခြင်း လည်း ဖြစ်နိုင်သည်။
သိန္နီရောက်မှ ဦးပေါ်ဦးသည် ရတု ၆ ပိုဒ်ရေးပြီး ဘုရင့်ထံပို့၍ သူ့စေတနာကို ရှင်းပြသည်။
သူ့စေတနာကို မရှင်းပြမီ... ရှေးအစဉ်အလာကို လိမ္မာပါးနပ်စွာ ဖော်ပြသည်။
"... ညဥ့်ရောင်ဆည်းဈာ၊ နေ့ညီလာ၌၊ ရွှေဗျာလှစ်ကြူ၊ မိန့်တော်မူလျက်၊ ယူလျှင်ယူသင့်၊ မယူသင့်ဖြင့်၊ ရှင်ပင့်မေးတော်၊ အရေးပေါ်လျှင်၊ တွေးမြှော်မဆိုင်း၊ ဥာဏ်ချင့်နှိုင်း၍၊ ဟုတ်တိုင်းထင်ထင်၊ တင်လျှောက်အင်ကို၊ နေ့စဉ်မသွေ၊ မှတ်ရချေ၍...."
ဘုရင်သည် ကိစ္စပြဿနာများ၌ အတ္တနောမတိ မလုပ်တတ်။ သင့်၏ မသင့်၏ မှန်၏ မမှန်၏ကို ညညီလာ၊ နေ့ညီလာများ၌ မှူးမတ်များနှင့် ပွင့်ပွင့်လင်းလင်း ဆွေးနွေးတတ်သည်။ ဦးပေါ်ဦးကဲ့သို့ တာဝန်သိသော မှူးမတ်များကလည်း တွေးခေါ်စဉ်းစားပြီး ဟုတ်တိုင်းမှန်ရာ ဖြောင့်ဖြောင့်တင်ကြသည်။
လောကဓမ္မတာ နန်းတွင်း၌ ဖြစ်တတ်ကြသည့် သဘာဝကိုလည်း -
"သံကျူးသံသာ၊ သံချိုဝါနှင့်၊ သာယာသမှု၊ နန်းရတုကို၊ နန်းမှုကုန်အောင်၊ နန်းဘုံဆောင်၌၊ နန်းယောင်မတ်များ၊ သိနိုးနာနှင့်၊ စကားပြေစွာ၊ မရေရာပင်......" ဟု ဝေဖန်ပြသည်။
ဘုရင့်အကြိုက် နောကျေအောင်လေ့လာပြီး အပြောကောင်း အပြောလှတွေနှင့် လိမ်ညာစားနေသူ မှူးမတ်များလည်း ရှိကြသည်။ သူတို့သည် တကယ်တမ်း ဘာမျှ ဟုတ်ဟုတ်ပတ်ပတ် မသိကြ။ အကြိုက်လိုက်ပြောတတ်ကြသည်သာ ဖြစ်သည်။
မိမိကတော့ ထိုသူမျိုးတွေထဲ မပါ။ မိမိစကားသည်.. နင့်သီးကောင်း နင့်သီးမည်ဖြစ်သော်လည်း... မိမိ၏ စေတနာကား -
"ကျင့်မျိုးခက်ဝေ၊ မြင့်တိုးစေ" ရန်ဖြစ်သည်။
သူ့စာမှ 'ဥာဏ်ခလုပ်ကို နှိပ်ပြသော' စကားနှစ်လုံးကား...
'ကျင့်မျိုး' နှင့် 'မြင့်တိုး' ဟူသော စကားနှစ်လုံး ဖြစ်လေသည်။
ကျင့်မျိုးဆိုသည်မှာ.. အကျင့်ကောင်း အကျင့်မြတ်မျိုးတွေ ဖြစ်လေသည်။ ထုံးစံကောင်း ထုံးစံမြတ်၊ စည်းကမ်းကောင်း စည်းကမ်းမြတ်တွေကား.. ကျင့်မျိုးတွေ ဖြစ်လေသည်။ သစ်ပင်ကြီး တပင်၌ အကိုင်းအခက် အရွက်တွေ ဝေဖြာနေမှ ရှင်သန်ပွါးစည်နေသော သစ်ပင်ဟု ခေါ်ရသည်။ နိုင်ငံတခုတွင်လည်း အကျင့်မြတ် အကျင့်ကောင်းတွေသည် ဝေဖြာနေရမည်။ ဦးပေါ်ဦးက [viability of state] ခေါ် နိုင်ငံ၏ အမြစ်ခိုင် ရှင်သန်ကြီးပွါးခြင်း၏ အကြောင်းခံတရားကို မြန်မာလို ပြောခြင်းဖြစ်သည်။ "မြင့်တိုးစေ" ဟူသောစကားက အနာဂတ်ကို ညွှန်သည်။ ကျငိ့မျိုးတွေသည် ပစ္စုပ္ပန်တွင်မက အနာဂတ်အဆင့်ထိ ဆင့်ပွါးတိုးတက် မြင့်မားသွားရမည်။ သို့မှသာ... ရှေးစကားနှင့် ဆိုလျှင် သားတော်စဉ် မြေးတော်ဆက် ထီးသက်နန်းသက် ရှည်မည်။ ယခု ခေတ်စကားနှင့်ဆိုလျှင် နိုင်ငံတော် တည်တံ့ခိုင်မြဲ ကြီးပွါးမည်။ ဘုရင်နှင့် မှူးမတ်များတွင် ဤပစ္စုပ္ပန်တာဝန်နှင့် အနာဂတ်တာဝန်တွေ ရှိသည်။ ရှေ့ဆောင်နွားလား ဖြောင့်သွားရမည်။ မသွားသော် နောက်နွားတွေ လမ်းကြောင်းကောက်၍ လမ်းပျောက်သွားနိုင်သည်။
ယခု ဘိုးတော်မင်းတြားသည် 'သတိမမူသဖြင့်၊ ဂူမမြင် ဖြစ်ခဲ့ရသည်၊' အနီးရှိ မှူးမတ်များကလည်း 'ဥဏ်ချင့်ချိန်၍၊ ဟုတ်တိုင်းထင်ထင်' မတင်လျှောက်ကြ။ မှူးမတ်တွေ တာဝန်ပျက်လေသည်။
ယခု မြဧယဉ်အတွက် ငွေတော် ရှစ်သိန်းကိစ္စမှာ နိုင်ငံတော် အရေးမဟုတ်။ ဘုရင်၏ ကိုယ်ရေးကိုယ်တာအရေး ဖြစ်လေသည်။
ဤကိစ္စမျိုးတွေနှင့် ပတ်သက်သည့် စည်းကမ်းဘောင် စည်းကမ်းမြတ်တွေကို-
"ကမ္ဘာဦးနတ်၊ သူ့ဥက္ကဌ်တို့၊ ပညတ်တော်မှန်၊ ဝေဖန်ဟန်ကား..." - အစချီလျက် ဦးပေါ်ဦးက လျှောက်လဲ လေတော့သည်။
ကမ္ဘာဦးနတ်ဆိုသည်မှာ ကမ္ဘာဦးက ဘုရားအလောင်းတော် မဟာသမ္မတ မင်းကြီး ဖြစ်လေသည်။ လူအပေါင်းနှင့် နောက်မင်းအားလုံး၏ ဥက္ကဌကြီး ဖြစ်လေသည်။ ထိုမင်းမြတ်ကြီးက မည်သို့ စည်းကမ်းသတ်မှတ်ခဲ့ ပါသနည်း။
"ကမ္ဘာဦးနတ်၊ သူ့ဥက္ကဌ်တို့၊ ပညတ်တော်မှန်၊ ဝေဖန်ဟန်ကား၊ လေးတန်ဓမ္မ၊ သင်္ဂဟတွင်၊ သဿမေဓေါ်၊ ခွန်သီးတော်မူ၊ စစ်သူရိက္ခာ၊ ဖြစ်စေရာ၏။ '
သဿမေဓမှ... သဿ ဟူသောစကားက ကောက်၊ ကောက်စပါးဟု အဓိပ္ပါယ်ရှိသည်။ ကိုယ်ပိုင်လယ်ယာလုပ်သူ ပြည်သူတွေထံမှ ကောက်ယူခွင့်ရှိသော အခွန်ငွေဖြစ်လေသည်။ ရှေးခေတ်ကဆိုလျှင် ထိုအခွန်မျိုးကား.. နိုင်ငံတော်၏ အများဆုံးဝင်ငွေ ဖြစ်လေသည်။ ထိုငွေတွေကို ဘုရင့်ကိုယ်ရေးအတွက် သော်လည်းကောင်း၊ အခြား ဘာရေးအတွက် သော်လည်းကောင်း မသုံးရ။ ထိုငွေတွေကို စစ်သူရိက္ခာ အတွက်သာ သုံးရမည်။ ယခုခေတ်စကားနှင့် ဆိုလျှင်.. ကာကွယ်ရေးအသုံးစရိတ်၊ အလွန်အရေးကြီးသမျှ၊ စည်းကမ်းကြီးလှသော အသုံးစရိတ်၊ နိုင်ငံ့အတွက် သေရေးရှင်ရေး ဘဏ္ဍာတော်...။
ဘုရင့် ကိုယ်ရေးကိုယ်တာအတွက် လုံးဝသုံးခွင့်မရှိသော အခွန်တော်ငွေတွေကိုလည်း ဦးပေါ်ဦးက ရေတွက်ပြသည်။
မြို့ပေါ်ရှိ အိမ်များ၊ ဈေးများ၊ ကုန်သွယ်မှုများ၊ သူကြွယ်သူဌေးများထံမှ ကောက်ခံရသော အခွန်ကို အသည်ဝန်သို့ အပ်ရသည်။ သူက "လမ်းရေးသာယာ၊ မြို့တန်ဆာဖြင့်၊ ပြင်ရာနေရာချွန်" တို့အတွက် သုံးရသည်။ စည်ပင်သာယာရေးအတွက် ဘဏ္ဍာတော်...။
ဘုရားကျောင်းကန်စသော မြေတို့မှ ရရှိသည့် အခွန်ကို ဦးပေါ်ဦးက '၀တ္ထုဂါမ်ထွက်၊ ခွန်ဆီနက်' ဟု ခေါ်သည်။ ထိုငွေဖြင့်
"ဘုရားဂူဟောင်း၊ တန်ဆောင်းပြဿဒ်၊ စရပ်ကျောင်းဘုံ၊ ထူပါရုံကို၊ ကုံလုံမကျန်၊ ပြင်ဆင်ရန်..." သုံးရသည်။ သာသနာ့ အဆောက်အအုံများအတွက် ဘဏ္ဍာတော်တည်း။
နောက်ပိတ်ဆုံး -
"မြေသုဿန်မှ၊ စဏ္ဍာလတွင်၊ ရသည့်ခိုင်ခွန်၊ အရွတ်ဝန်က၊ ကြေပွန်အောင်သာ...." ဟု သုဿန်မြေမှ ရသော အခွန်ကို အရွတ်ဝန်က တာဝန်ယူပြီး သူ့ကိစ္စနှင့်သူ သုံးစွဲရသည်။
သည်အတိုင်းဆိုလျှင်တော့... ရှင်ဘုရင်တွင် ကိုယ်ရေးကိုယ်တာအတွက် ဘယ်ကငွေကို သုံးစွဲရမည် နည်း။
"ပဏ္ဏာတော်ပန်း၊ မြို့တနန်းက၊ ပို့မြန်းဆက်လှာ၊ ဂါရိကာနှင့်၊ လယ်ရာမြေဟု၊ အခြေပြုလျက်၊ ပြည်သူ့ခြားပိုင်း၊ တရားတိုင်းဖြင့်၊ လမိုင်းဆိုင်ရာ၊ ထိုသည့်တာကို၊ ဘဏ္ဍာတော်မြတ်၊ မင်းသုံးမှတ်လော့..." - ဟု ဦးပေါ်ဦးက ရှင်းပြသည်။
အခြားမင်းများက ပဏ္ဏာဆက်သည့်ငွေများ၊ တရားဥပဒေအရ ဘုရင်၏ကိုယ်ပိုင်ဟု သတ်မှတ်ပေးထား သော လမိုင်းလယ်ယာမှ ရသော ငွေများကိုသာ ဘုရင်သည် ကိုယ်ရေးကိုယ်တာအတွက် သုံးစွဲခွင့်ရှိသည်။
ယခု.. ဤစည်းကမ်းကို ချိုးဖောက်ပြီး... ဘိုးတော်မင်းတြားက သဿမေဓငွေတော်ကို ကိုယ်ရေးကိုယ် တာ အတွက် သုံးသည်။ နိုင်ငံတော်၏ အရေးတကာအနက် ကာကွယ်ရေးထက် အရေးပိုကြီးသော အရာမရှိ။ ထီးသက်နန်းသက်ရှည်ရေး[အချုပ်အချာအာဏာတည်မြဲရေး]၊ နိုင်ငံတော်မပြိုကွဲရေး၊ နိုင်ငံတော်အေးချမ်းသာယာ ရေး၊ တရားဥပဒေစိုးမိုးရေးတို့အတွက် ကာကွယ်ရေး တောင့်တင်းခိုင်မာမှုသည် အဓိကအကျဆုံး ကိစ္စဖြစ်သည်။ ရှင်ဘုရင်လုပ်သူအတွက် သည့်ထက်အရေးကြီးသောကိစ္စ ဘာရှိသနည်း။ ဤကိစ္စ၌ပင် ဂရုမထားခဲ့သော် အခြားကိစ္စတွေ၌ ဘာဖြစ်ကုန်မည်နည်း။ တဖန် ဤမသင့်သောအမှုသည် အစဉ်အလာဖြစ်သွား၍ သားတော်စဉ် မြေးတော်ဆက် အတုခိုးမှားခဲ့သော် နိုင်ငံတော်၏အနာဂတ်သည် ရင်လေးဖွယ် ကောင်းလေစွ။
ထို့ကြောင့် လေးနက်ရန် သွေးထွက်ခံပြီး 'ရှင်ဘုရင်ပါး မ၀သေးပါဘူး' ဟူသော စကားကို ဦးပေါ်ဦး ဆိုသည်။ အခြားစကားမရှိ။
ဘိုးတော်မင်းတြားသည်လည်း အံ့ဖွယ်ကောင်းလှသည်။
ဤ ရတု(၆)ပိုဒ်ကို ဖတ်ရသည်တွင် သတိပညာဝင်လာပြီး ဦးပေါ်ဦးကို ပြန်ခေါ်တော်မူ၍ ချီးမြှောက်တော် မူမြဲ၊ ချီးမြှောက်တော်မူလေသည်။
ရှင်ဘုရင်ဟူသည် မာန်ကြီးမြဲ ဖြစ်လေသည်။ အမှန်တရားနှင့် နိုင်ငံအကျိုးအတွက် မင်းမာန်ကို နှိမ့်ချကာ အမှားကို ပြင်ရဲသော မင်းတြားကြီး၏ သတ္တိကို ချီးမွမ်းရမည်သာ ဖြစ်လေသည်။
စာဆိုလည်း တင့်တယ်သည်။ မင်းလည်း တင့်တယ်သည်။ သြော်... သမိုင်းလည်း တင့်တယ်သည်။
ကျွန်တော်တို့ တက္ကသိုလ်ကျောင်းသားဘ၀က တတိယနှစ်တွင် နိုင်ငံအုပ်ချုပ်မှုသဘောတရား၊ စီမံခန့်ခွဲမှု ပညာ၊ စည်းကမ်းဥပဒေအမျိုးမျိုး ပါဝင်သည့် နိုင်ငံရေးသိပ္ပံ [political science] ကို သင်ယူခဲ့ရသည်။ သင်ကြားခဲ့ရ သည်မှာလည်း ခေါမခေတ်မှ ယနေ့မော်ဒန်ခေတ်အထိ သူရို့ ဥရောပမှ နိုင်ငံရေးသိပ္ပံတွေသာ ဖြစ်လေသည်။ မြန်မာအပါအ၀င် အာရှတိုက်မှ နိုင်ငံရေးသိပ္ပံတွေ မပါ။ ကျွန်တော်တို့ မြန်မာနှင့် အာရှ ယဉ်ကျေးမှုကြီး များတွင် နိုင်ငံရေးသိပ္ပံ မရှိသယောင်ယောင်။ မြင့်မြတ်သော စည်းကမ်း၊ ဥပဒေတွေနှင့် သဘောတရားတွေ မရှိလေဟန်...။
သူရို့ဆီမှ ဥပဒေဘောင်တွင်းမှ ဘုရင်စနစ်ကို ပုံကြီးချဲ့ပြကြသည်။ မြန်မာနှင့် အရှေ့တိုင်းယဉ်ကျေးမှု တို့မှ ဘုရင်များကို သက်ဦးဆံပိုင်တွေအဖြစ် တဘက်သတ် မြင်စေခဲ့သည်။
ပဒေသရာဇ်၊ ဧကရာဇ်ခေတ်ကား သူ့ခေတ်နှင့် သူသာတည်း။ သို့ရာတွင် မြန်မာမင်းတို့ကို ထိန်းကွပ် ထားသော တရားဓမ္မတွေ၊ သဘောတရားတွေ၊ ထုံးတမ်းစဉ်လာတွေ၊ ဥပဒေစည်းကမ်းတွေ များစွာရှိလေသည်။
သမိုင်း၌ သမနိရှည်သော မြန်မာတွေတွင်.. နိုင်ငံ၏ အမြစ်ခိုင်ရှင်သန်ကြီးပွါးခြင်း၏ အကြောင်းခံတရား တွေ ရှိသည်။ ထို အကြောင်းခံတရားတွေကို ထိန်းသိမ်းစောင့်ရှာက်တတ်သော ပညာ၊ သတိ၊ သတ္တိ နှင့် အစဉ်အလာကောင်းတွေလည်း ရှိခဲ့သည်။ ထို့ကြောင့်လည်း ကမ္ဘာ့နိုင်ငံတကာနည်းတူ လောကဓံတရားတွေ ကြုံသည့်အခါ ကြုံခဲ့ရသော်လည်း-
"တင့်တိုးကြက်သရေ၊ မြင့်ဖြိုးဝေသား၊ စက်နေပမာ၊ ချက်မြေချာဝယ်၊ တေဇာကွန့်မြူး၊ ကြယ်သောက်ရှူးနှင့်၊ ပျံ့လူးဥက္ကာ၊ ကဲ့ပမာသို့....."
မြန်မာဟူသည် ကမ္ဘာပေါ်၌ ကျက်သရေရှိရှိ တည်ရှိနေနိုင်စွမ်းသည်။
ဦးပေါ်ဦးနှင့် ဘိုးတော်မင်းတြားတို့၏ သမိုင်းစစ် ဇာတ်မှန်ကို သတိရမိတိုင်း... အထက်၌ ရေးခဲ့သကဲ့သို့..
စာဆိုလည်း တင့်တယ်သည်။ မင်းလည်း တင့်တယ်သည်။ သြော်... သမိုင်းလည်း တင့်တယ်သည်....
ဟု ကျွန်တော် ဂုဏ်ယူမိပါကြောင်း....။

တက္ကသိုလ်ဘုန်းနိုင်။
[တက္ကသိုလ်ဘုန်းနိုင်- အမြင့်သို့ အာရုံညွန့်တက်ခြင်း(သို့မဟုတ်)ကဗျာ - ပထမနှိပ်ခြင်း၊ ၂၀၀၂ ဇူလိုင် မှ ကူးယူဖော်ပြပါတယ်။]







Monday, April 12, 2010

လျှပ်နွယ်တရစ်
ရေးသူ-အုန်းမြင့်လှိုင်






ဆရာကြီးနေခဲ့တဲ့ အိမ်ကလေးကို ကန်ထရိုက်တိုက် ဆောက်လိုက်တယ်လို့ ကြားလို့ စိတ်မကောင်းဖြစ်ပြီး မာယာမှာ ဖော်ပြဖူးတဲ့ ကိုအုန်းမြင့်လှိုင် ဆောင်းပါးကို ပြန်တင်လိုက်ပါတယ်။

[၁၃၆၂ ခု၊ တပေါင်းလကွယ်နေ့၊ ၂၀၀၁ မတ်လ ၂၃ မာယာ မဂ္ဂဇင်း]
လွန်ခဲ့သော နှစ်ပေါင်း (၃၀) က၊ မိမိနေထိုင်ခဲ့သော နေရာ(အိမ်)ကို တိုက်ဆိုင်ခိုက် ကြည့်ငေး မိသည်။ ကျွန်တော် နေထိုင်ခဲ့သော သုံးခန်းတွဲအိမ်ကလေး မရှိတော့။ ယင်းနေရာတွင် တိုက်ကြီးကို ထည်ဝါစွာ တွေ့ရသည်။ စမ်းချောင်း၊ ချမ်းသာလမ်း၊ အမှတ် ၈။
ကျွန်တော့်အား အိမ်လိပ်စာ မေးသူရှိလျှင် သို့မဟုတ် စကားစပ်မိလျှင်၊ ' အမှတ်(၈)၊ ချမ်းသာ လမ်း၊ စမ်းချောင်း၊ ဘကြီးမှိုင်းအိမ်နှင့် မျက်နှာချင်းဆိုင်' ဟု ဖြေတတ်၊ ပြောတတ်သည်။ ဘကြီးမှိုင်းအိမ် က အမှတ်(၅)။



အမှန်မှာ ကျွန်တော့်အိမ်နှင့် မျက်နှာချင်းဆိုင်ဟု ဆိုရသော်လည်း၊ မျက်နှာချင်းဆိုင် တည့်တည့် ကား မဟုတ်ချေ။ မျက်စောင်းခပ်ရွဲ့ရွဲ့ကလေး ထိုးသည်။ သို့သော် ကျွန်တော်သည် မျက်စောင်းထိုးဟု မပြောလို၊ မပြော။ မျက်နှာချင်းဆိုင် ဟုသာ ပြောသည်။ ဘကြီးမှိုင်းအိမ်နှင့် မျက်နှာချင်းဆိုင်ပဲ ဖြစ်ချင် သည်။
အနှစ် (၃၀) ကြာပြီ။
အမှတ် (၅)၊ ချမ်းသာလမ်း၊ စမ်းချောင်းအိမ်ပေါ်သို့ တခေါက်ရောက်ရသည်။ ကဗျာဆရာ ညွန့်သစ်က 'ကိုတင်အောင်ဆီ သွားရအောင်' ဟု စကားစပ်သဖြင့် ရောက်ရခြင်းပင်။ ဘကြီးမှိုင်းအိမ်။
ကျွန်တော်တို့ လူငယ်ကျောင်းသား ဘ၀က 'ဘကြီးမှိုင်း' ဟုခေါ်သည်။ ခေါ်ကြသည်။ ယခု လူငယ်များက 'သခင်ကိုယ်တော်မှိုင်း' ဟု ခေါ်နေကြသည်။ ကျွန်တော်လည်း သူတို့လိုပင် လိုက်ခေါ်ရင်း နှုတ်ကျိုးလာပြီ။
ကိုတင်အောင် အိပ်ရာက မထသေး။ အားနာစွာနှိုးရသည်။ သူက လှိုက်လှိုက်လှဲလှဲ။ သူနှင့် မတွေ့ရသည်မှာလည်း အနှစ် (၃၀)ဟု နှစ်များကို အားနာမိသည်။
ငြိမ်းချမ်း ရသ။
'ဘကြီးမှိုင်း၏အိမ်ကလေး' မှာ ရှေးကလိုပင် မည်းမည်းကြုပ်ကြုပ် ကုပ်ကုပ်ရိုးရိုးကလေးပင်။
'ချမ်းသာလမ်းဆိုပေမယ့် ပဲပြုတ်သည်နဲ့ဆိုက်ကားသမား ချည်းပါကွာ'
ညွန့်သစ်က ဘကြီးမှိုင်းပြောဖူးသည်ကို ညွှန်းသည်။
'ခုတော့ မဟုတ်သေးဘူးဗျ နော၊ တိုက်တွေ အိမ်ကောင်းတွေ'
ကျွန်တော့်စကား အဆုံးမသတ်။ ညွန့်သစ်က ဆက်သည်။
'ဒီအိမ်ပဲ..ရှေးမူမပျက်..'
'ဟုတ်တယ်..ဒါတောင်ပျက်နေပြီဗျ' ကိုတင်အောင်က ကြားဖြတ်သည်။
'ဟိုဖက်ခြမ်း ဖဲ့ရောင်းလိုက်ရတယ်'
သူ့အသံက ညို့ဆိုင်းဆိုင်း။
ကျွန်တော့် နှလုံးသား ကျွံကျသွားသည်။
မိုးသည်းထန်းသည်။
ပူဖောင်းကလေးများ
မျောပါသွားကြ
တခဏမှာ ပေါက်ကွဲကုန်ကြ
အသံကားမထွက်။

xxxx xxxx xxxx

"ကိုတင်အောင်မှာ ညီမလေး ရှိပါတယ်"
"အင်း..ဟုတ်တယ်..မြအေးရေ၊ ဟေ့ မြအေး"
သူက အိမ်တွင်းသို့ အသံပို့သည်။
မမြအေး အပြေးထွက်လာသည်။ ကျွန်တော့်ကို ရုတ်တရက် မမှတ်မိ။
ကျွန်တော်သိသော ဘကြီးမှိုင်း၏မြေး၊ အိမ်နီးချင်း။
ထိုစဉ်က သူမအသက် ၂၀ ခန့်၊ ကျွန်တော်က မြင်နေကျ၊ တွေ့နေကျ၊ မရင်းနှီး၊ အကျွမ်းတ၀င် မရှိ။ ကိုတင်အောင်နှင့်ကလည်း မတွဲဖြစ်။ သူ့အပေါင်းအသင်း စမ်းချောင်းကဗျာအုပ်စု နှင့်တော့ ကျွန်တော်က ပေါင်းဖြစ်သည်။
သို့သော် နှလုံးသားချင်း တံတားခင်းကြသည်။

xxxx xxxx xxxx

"ကျွန်တော် ကြည့်ဦးမယ်နော်" ဟုပြောကာ ဘကြီးမှိုင်းလဲလျောင်း နေတတ်သည့် အိမ်ဦးခန်း ကလေးကို ကြည့်သည်။
နံရံတွင်ချိတ်ဆွဲထားသော သူ့ပုံတူများ၊ ဓါတ်ပုံများကို ကြည့်သည်။
ငယ်စဉ် ဆယ်နှစ်၊ ဆယ့်နှစ်နှစ်အရွယ်က မန္တလေးမြို့ နန်းဦးဇေယျာ မင်္ဂလာရာမတိုက်၊ ရန်မျိုးလုံ ဇရပ်တွင် ချိတ်ဆွဲထားသော ဦးစောမောင်၏ ဝေဿန္တရာ ဇာတ်တော် ပန်းချီကားများကို ကြည့်ခဲ့ဖူးသည်။ ကြုံတိုင်း ကြည့်မ၀ခဲ့။ ရသဆယ်ပါး ခံစားရသည်။
ယခု ရသဆယ်ပါးမှ ကပါလေစ။
ရောင်စဉ်များ၊ ရနံ့များ၊ သံစုံ သမိုင်းတေးသွား။
"ဟိုအလယ်ပုံက ပြင်သစ်က ဆရာမကြီးတယောက် ဆွဲတာ၊ အနောက်တိုင်းနည်းမှာ မြန်မာ ကောက်ကြောင်းသဘော ထည့်ဆွဲထားတယ်"
ကိုတင်အောင်က ရှင်းပြသဖြင့် ယင်းပုံကို ထပ်မံအကဲခတ်ရသည်။
ဒူးတဖက်ထောင်က ခပ်ပြေပြေ စောင်းထိုင်နေသည်။ ညာခြေဦးဖက်တွင် ကွမ်းအစ်။ လက်ရာက တမူတော့ ကွဲသည်။
ကွမ်းအစ်တလုံး
သျှောင်တထုံးနှင့်
နောက် ပန်းချီမောင်ငွေထွန်း၏ နာမည်ကျော် ကောက်ကြောင်း ပုံတူ။ ထိုကာလက ရန်ကုန် တက္ကသိုလ်တွင် ဘကြီးမှိုင်း၏ ပုံတူပို့စကဒ်ကလေးများ အခါအားလျှော်စွာ ထွက်သည်။ မြတ်မြတ်နိုးနိုး လက်ဆောင်ပေးကြသည်။ အထက်အညာမှ ပေါ်ဦးသက်၏ ဘကြီးမှိုင်းပုံတူ ပိုစ့်ကဒ်များ။
"အာရှနေ၀န်း" ကဗျာစာအုပ် မျက်နှာဖုံး ပေါ်ဦးသက်၏ သခင်ကိုယ်တော်မှိုင်း ပုံတူမှာ ကောက် ကြောင်းဆွဲ၊ ကြမ်းကြမ်းနှင့် အားပါလှသည်။
မမြအေးက ကော်ဖီနှင့်မုန့် တည်ခင်းသဖြင့် ကုလားထိုင်မှာ ပြန်ထိုင်ဖြစ်သည်။ ငယ်စဉ်က အေးပုံအေးလက် မမြအေးသည် ယခုသွက်လက်ပြီး အာဝဇ္ဇာန်း ရွှင်သည့် အမျိုးသမီးကြီး ဖြစ်နေသည်။ သူ့မှာ ပြောစရာတွေ များပြားဟန်တူသည်။ အနှစ် ၃၀ ကို ပြန်လည်တူးဖော် ရွှင်ပြနေသည်။
" ဘကြီးမှိုင်း စာအုပ်တွေကောဗျ ကိုတင်အောင်"
"စာကြည့်တိုက်ကို လှူထားတယ်၊ အိမ်မှာတော့ အမှတ်တရ နည်းနည်းပဲ ထားတယ်"
" ဒါနဲ့ စကား မစပ် နိုင်ငံခြားဧည့်သည်ကော ဘာကော မလာကြဘူးလား"
" မလာဘူးဗျ- အဲ ဂျပန်လူငယ်တယောက်တော့ လာဖူးတယ်၊ သူ့ အဖိုးက မင်း ဗမာပြည် ရောက်ရင် သခင်ကိုယ်တော်မှိုင်းအိမ် ရောက်အောင် ၀င်ခဲ့လို့ မှာသတဲ့။ မနည်းမေးမြန်း လာခဲ့ရဆိုပဲ၊ ဒီရောက်တော့ သူထင်သလို မဟုတ်ပဲ ခု ခင်ဗျားတို့ မြင်တဲ့အတိုင်းပါပဲလေ"
ရှိတ်စပီးယား၊ ပုသျှကင်၊ လီနင်။
သူတို့၏ အိမ်များ၊ ပြတိုက်များ။
အမောတကော ပြေးလွှား မြင်ယောင်ဝိုးဝါး။
ဗန်းမော်တင်အောင်များ ရှိပါသေးက
"သြော် ဒေါက်တာသခင်ကိုယ်တော်မှိုင်းကလေးရယ်" ဟု
ညီးတွား လိမ့်လေမလား။
မိမိကိုယ်ကို ငုံ့ကြည့်မိသည်။
ကိုတင်အောင်တို့ မောင်နှမကို ကြည့်မိသည်။
သူတို့ မျက်နှာများတွင် ဆရာဇေယျကို ရှာဖွေတွေ့ ရှိနိုင်သည်။
ကိုတင်အောင်က ကျန်းမာပုံ သိပ်မရ။ ဂရုစိုက်နေရသည်ဟု ဆို၏။
ကျွန်တော်တို့သည် ယခုမှ တတိယအရွယ်သို့ လှမ်းဝင်စ ရှိသေးသော်လည်း အစစ ပြိုချင်၊ ယိုင်ချင်နေကြပြီ။
ဆရာကြီး သခင်ကိုယ်တော်မှိုင်းသည် အသက် ၈၈ အရွယ်(Octogenarian) ထိ၊ မမောမပန်း အသက်ထက်ဆုံး နယ်ချဲ့ဆန့်ကျင်ရေး၊ ပြည်တွင်းငြိမ်းချမ်းရေး၊ ကမ္ဘာ့ငြိမ်းချမ်းရေး၊ အဖိနှိပ်ခံပြည်သူများ လွတ်မြောက်ရေးအတွက် ကြိုးပမ်းဆောင်ရွက်ခဲ့သူ ဖြစ်သည်။
"အိုမင်းမစွမ်း" ဆိုတဲ့အတိုင်း တခါတရံ စိတ်သွားတိုင်း ကိုယ်မပါလေ သောအခါ အားမလိုအားမရ ပြောတတ်၊ ရေးစပ်တတ်သည်။
"ရှက်ကြီးရှက်ဖွယ်
ခက်လဲ ခက်တယ်နှင့်
သက်ကြီးအရွယ် ရွံစဘွယ်နဲ့
အလွန်မငယ်တဲ့ (၇၇) အတွင်းတွင်မှ
ကျွန်နယ် ခေတ်စာရင်းတဖန်
ပြန်ကာ ရောက်ချည်မလားရယ်လို့
နောက်တီးနောက်ချာ၊ မခံ့စွာစိတ်ကယ်နှင့်
ကြောက်လည်း ကြောက်ကာ
လန့်ကာ ထိတ်မိတဲ့အပြင်
သြော် အိုကြီးအိုမှ ဟိုသမယကဲ့သို့
ကိုယ်က ဆရာ မစွမ်းမူ၍
အင်း မသာ ကမဌာန်းနှင့်၊ မရဏ မြန်းရတော့မည်
ဇရာ တန်းပေမို့နှော
သာခန်း သမတ ကိန်းတွေနှင့်
ကမ္ဘာ့ငြိမ်းချမ်းရေးကြီး အစစ်အမှန်
ဧကန် ဖြစ်စေကြောင်းရယ်နှင့်
ကုသလဓမ္မာ ကုသလဓမ္မာ
ဆုပတ္တနာလို့ တောင်းလိုက်ပါရဲ့
အမယ်မင်း သောင်းမြန်မာ့ အရှေ့ပရမေ ထီးတွင်ဖြင့်
သြ အလောင်းဘုရား ပြကတေ့နှင့်
တကောင်းအစ ပဌမကဲ့သို့
အို ကျောင်းအမရဲ့
ဒေါင်းက၍ တွန်စေသတည်း"

xxxx xxxx xxxx

"ဟိုနေ့ကျ လာခဲ့ကြဦးနော်"
မမြမြအေး စကားကို ကျွန်တော်တို့ ချက်ချင်း သဘောမပေါက်။
ညွန့်သစ်က "ဘကြီးမှိုင်း နေ့လေ၊ ဇူလိုင် ၂၃၊ သဘက်ခါ" ဟု ပြောသည်။

အုန်းမြင့်လှိုင်
၁၉၉၆ ခု၊ စာပေဂျနယ်၊ ဆရာကြီးသခင်ကိုယ်တော်မှိုင်း၊ အနှစ် ၁၂၀ ပြည့် အထိမ်းအမှတ်၊ စာအုပ်မှ ကူးယူဖော်ပြသည်။

သေမင်းကို ရွေးချယ်ခွင့်ရှိခဲ့လျှင်
ရေးသူ- ဂျူး




ကျွန်မ သေဖို့အတွက် ကိုယ့်သေမင်းကို ရွေးချယ်ခွင့် ရှိလို့ ရွေးစမ်းဆိုလျှင်တောင် ဘာကို ရွေးရမလဲဟု စဉ်းစားရ တော်တော်ခက်သည်။ သေမင်းအားလုံးသည် သူ့နည်းနှင့်သူ ကြောက်စရာကောင်းသည်ချည်း ဖြစ်သည်။ သေချာတာကတော့ ကင်ဆာရောဂါကိုတော့ မရွေးချင်ပါ။ သို့သော် မရွေးချင်ဘူးဆိုလို့ကော ရမတဲ့လား။ ကျွန်မမှာက ကင်ဆာမျိုးရိုး ရှိသည်။



ကျွန်မ မေမေက အဆုပ်ကင်ဆာရောဂါဖြင့် ဝေဒနာ ခံစားပြီး သေဆုံးသွားခဲ့သည်။ ကျွန်မအဖွား မေမေ့အမေက သားအိမ်ကင်ဆာဟု ကျွန်မ အသက်ကြီးလာမှ ခန့်မှန်းမိသော စတုတ္ထတန်းအရွယ် အဲဒီတုန်းက ဘာမှန်းမသိခဲ့ရသော မိန်းမရောဂါဖြင့် သေဆုံးသွားခဲ့သည်။ ကျွန်မ အဖေဘက်ကို ကြည့်ပြန်တော့ ကျွန်မ မမီလိုက်သော ဖေဖေ့အမေက သားမြတ်ကင်ဆာရောဂါဖြင့် သေဆုံးသွားခဲ့သည်။ ဆိုတော့ ကျွန်မတို့ မောင်နှမငါးယောက်တွင် ကင်ဆာရောဂါက ကံဆိုးသူ တယောက်ယောက်အပေါ် ကျရောက်လာနိုင်သည် မဟုတ်လား။ ကျွန်မတို့ မောင်နှမတွင် တဦးတည်းသော ယောက်ျားလေးဖြစ်သည့် အစ်ကိုက လွန်ခဲ့သည့် သုံးနှစ်ခန့်က ကွယ်လွန်သွားခဲ့ပြီ။ အစ်ကိုက ကင်ဆာရောဂါ မဟုတ်ခဲ့။ ကင်ဆာရောဂါ မဟုတ်လို့ အစ်ကို ကံကောင်းသည်ဟု ပြောလို့မရပါ။ ကင်ဆာမဟုတ်သော အခြားရောဂါတွေသည်လည်း ဆိုးရွားလှပါလားဆိုတာ ဆရာဝန်ဖြစ်လျက်နှင့် အမှုမဲ့ အမှတ်မဲ့ပဲ နေခဲ့မိသည်။
ငယ်စဉ်တုန်းက မှတ်မှတ်ရရ ကိုးတန်းအရွယ်မှာ သူငယ်ချင်းတယောက်၏ အဘိုးတော်စပ်သူ သတိလစ် မေ့မျောနေတာကို လူမမာမေးသွားတော့ လိုက်သွားခဲ့ဖူးသည်။ အဲဒီတုန်းက ကျွန်မဘ၀တွင် ပထမဦးဆုံးသော သတိလစ်မေ့မျောသည့် ကိုမာ ဝေဒနာရှင်ကို မြင်ဖူးခြင်း ဖြစ်သည်။ ဦးဏှောက်က သေသွားပြီတဲ့။ နှလုံးနှင့် အဆုပ်က အလုပ်လုပ်နေဆဲဟု သူငယ်ချင်း၏ မိဘဆွေမျိုး တယောက်ယောက်က ကျွန်မတို့ ကလေးတွေကို စကားသံ တိုးတိုးဖြင့် ရှင်းပြခဲ့သည်။ အဖိုးကြီးသည် ခပ်၀၀ ဖိုင့်ဖိုင့်ပါပဲ။ ခုတင်ပေါ်တွင် ပက်လက်လဲလျောင်းနေပြီး ပြင်းထန်သော အသက်ရှူသံဖြင့် အိပ်ပျော်နေသည်။ မလှုပ်မယှက်။ မျက်လုံးလည်း မပွင့်။ အဲဒီပုံစံအတိုင်း ဘယ်နှရက် ရှိပြီဆိုလား။ ကျွန်မ ထိုအဖိုးကြီးကို ငေးနေရင်း သူနာတာကို သိမလားဟု စပ်စုမိသည်။ နာကျင်တာကို မသိတော့ဘူးတဲ့။ ခေါ်တာကိုလဲ မကြားတော့ဘူးတဲ့။ အို ကောင်းလိုက်တာနော်။ ကလေးအတွေး ဖြင့် အားကျခဲ့ဖူးသည်။
တကယ်တော့လည်း ထိုရောဂါဖြင့် မေ့မျောနေသူသည် ကိုယ်ပေါ်က နာကျင်မှု ထိမှုကိုသာ မသိလျှင် ရှိမည်။ အသက်ရှူမ၀ခြင်း၊ မောခြင်း၊ နှလုံးတုန်ခြင်း ကြောက်လန့်ခြင်း စသည်တို့ကိုတော့ မခံစားရဘဲ ဘယ်နေပါ့မလဲ။ နောက်ပြီး ခေါ်တာကို မသိဘူးဟု ဘယ်လိုလုပ် သေချာပေါက် ပြောလို့ရမလဲ။ တုန့်ပြန်မှု မရှိတော့လောက်အောင် သူ့ကိုယ်က မလှုပ်မယှက် ဖြစ်နေပေမယ့် သူ့အာရုံက ပါးလျားနေတုန်းပဲ မဖြစ်နိုင်ဘူးလား။ မကြားနိုင်ဘူးလား။ မျက်လုံးဖွင့်မကြည့်နိုင်လို့ ပါးစပ်မလှုပ်နိုင်လို့ သူ မသိဘူးဟု ပြောလို့မရပါ။ သူမျောနေရင်း တချက်တချက်တွင် ဖျတ်ခနဲ သိသွားတာမျိုး မရှိနိုင်ဘူးလား။ ဒါတွေကို ကျွန်မ ထည့်စဉ်းစားမိ သည်က နှစ်ပေါင်းများစွာ ကြာလာပြီး ဦးနှောက်သေသည့်ရောဂါ Cerebral infect ရောဂါဖြင့် အစ်ကို ဆေးရုံတက်နေရသည့် ကာလတွေကျမှ ဖြစ်သည်။ အစ်ကိုဆုံးခါနီး အချိန်ကာလမှာဖြင့် ကျွန်မ အကို့ အနားမှာတောင် မနေနိုင်တော့ဘဲ အိမ်သို့ ပြန်ပြေးခါ ပုန်းအောင်းနေမိသည်။ ဦးဏှောက်သေသည့်လူ ဝေဒနာ မခံစားရဘူးလို့ ဘာဖြစ်လို့များ ထင်မိကြတာလဲ။
ဟင့်အင်း ကျွန်မ လေဖြတ်သည့်ရောဂါ ဦးဏှောက်သေသည့်ရောဂါ တွေကိုလည်း သေမင်းအဖြစ် မရွေးချယ်လိုပါ။ ဒါဖြင့် အဲသည်လို မဖြစ်ရအောင် ကျွန်မ ကိုယ့်ကိုယ်ကို ဘယ်လောက်များ ကာကွယ်ပြီးလို့လဲ။ ပြန်စဉ်းစားကြည့်သည်။
သွေးတိုးရောဂါဆိုတာကို ခပ်ငယ်ငယ်ကတော့ ကိုယ်နှင့် ဘယ်လိုမှ မသက်ဆိုင်သော ရောဂါဟု ထင်မိခဲ့သည်။ ကျွန်မက သွေးဖိအား သိပ်နည်းတတ်သူမို့ပါ။ နှလုံးညှစ်စဉ်ဖိအား (အပေါ်သွေး) က ကိုးဆယ်၊ နှလုံးပြန်လျော့စဉ် ဖိအား (အောက်သွေး) က ခြောက်ဆယ်။ အဲသည်ဖိအားအတိုင်း တလျှောက်လုံး နေလာခဲ့တာ။ အသက်နည်းနည်းကြီးလာတော့ တရာ နှင့် ခြောက်ဆယ်။ တရာ နှင့် ခုနှစ်ဆယ်။ အင်း အခုမှ ပုံမှန်ဖြစ်လာပြီပေါ့။ သို့သော် မှတ်မှတ်ရရ အစ်ကိုဆေးရုံပေါ်မှာ အခြေအနေ ဆိုးနေသည့် ရက်တရက် ကျွန်မ အစ်ကိုဆေးရုံခန်းလေးမှ ပြန်လာပြီး အိမ်ပေါ်ပြန်ရောက်လာချိန်တွင် နှလုံးက ဒိုင်းခနဲ ဒိုင်းခနဲ ပြင်းထန်စွာ မြန်ဆန်စွာ ခုန်လေသည်။ သွေးဖိအားကို တိုင်းကြည့်တော့ ကိုယ့်ကိုယ်ကို တအား အံ့သြထိတ်လန့်သွားမိသည်။ တရာ့လေးဆယ် ကိုးဆယ်။ သွားပြီ။ အဲသည်အချိန်မှ စပြီး ကျွန်မ ကိုယ်က သွေးတိုးရောဂါဘက်သို့ ယိမ်းသွားခဲ့တာပါပဲ။
ပြီးခဲ့သည့် နှစ်နှစ်အထိ ခိုလက်စထရော မများခဲ့ပေမယ့် သည်နှစ်မှာတော့ ခိုလက်စထရောလည်း များလာပြီ။ ဆေးသောက်ဖို့ လိုနေပြီလား။ ဘ၀တာ တလျှောက်လုံး သောက်ရမည်မို့ အစားအသောက်ဖြင့် အရင် ထိန်းချုပ်ကြည့်ချင်သေးသည်။ ကျွန်မအလွန်ကြိုက်သော ချိစ်ကို ကျွန်မ လုံးဝ ဖြတ်တောက်ခဲ့တာ နှစ်နှစ်ရှိပါပြီ။ ချိစ်ကိတ်မုံ့ကိုတောင် ကျွန်မ မစားတော့တာ။ နောက်ပြီး ကျွန်မအလွန်နှစ်သက်သော အာလူး အချောင်းကြော်ကို လုံးဝ မစားမိအောင် ဇွတ်အတင်းထိန်းချုပ်ရတာ ပင်ပန်းလှသော်လည်း ကျွန်မ အောင်မြင်လုနီးပါး ဖြစ်သည်။ သူငယ်ချင်းတွေနှင့် အတူ စားသောက်ဖြစ်သည့်အခါ သူတို့နှင့်ရောပြီး တချောင်းစ နှစ်ချောင်းစ စားမိတာက လွဲလို့ပေါ့။ ကြက်ဥ အွန်းမ်လိပ်ကို ချိစ်မထည့်ဘဲ ကြော်ပြီး အဆီလျှော့ချသော အဆင့်မှ ကြက်ဥအနှစ်ကိုပါ လျှော့သည့်အဆင့်ထိ ရောက်ခဲ့ပါသည်။ ကြက်ဥ အွန်းမ်လိပ်ထဲ ချိစ်ထည့်တာကလည်း အိမ်မှာတော့ လုပ်လေ့လုပ်ထ မရှိပါ။
နိုင်ငံခြားက ဟိုတယ်တွေမှာ နံနက်စာ စားလျှင်သာ စားဖိုမှူးတွေ၏ ကြော်ဟန်က ဆွဲဆောင်မှု များလွန်းလို့ ထည့်ဖြစ်တာ။ ကျွန်မ လုံးဝ ဖြတ်လို့မရသေးတာက အိမ်မှာ လက်ဘက်နှင့် အကြော်စုံ စားသည့်အကျင့်။ ကျွန်မတို့ အခုစားနေသည့် နှစ်ပြန်ကြော်ဆိုသည့် ပဲကြော်တွေကို ဘယ်သူကများ စတင် တီထွင်လိုက်ပါလိမ့်နော်။ ထိုပဲကြော်တွေမှာ ပြည့်ဝဆီတွေ အများကြီးပေါ့။ ကျွန်မတို့ နိုင်ငံမှာ ဘယ်နေရာမှာ ၀ယ်လျှင် စိတ်ချရသည့် နှမ်းဆီ ပဲဆီ စစ်စစ်ကို ရနိုင်မလဲ။ ပြည့်ဝဆီ လုံးဝ မရောသည့် သီးနှံဆီ စစ်စစ်ကို ဘယ်လို ရနိုင်မလဲ။ တခါတခါများ ခိုလက်စထရောကို ကြောက်လွန်းလို့ နှလုံးရောဂါနှင့် သွေးတိုး လေဖြတ်ရောဂါတွေကို ကြောက်လွန်းလို့ ငယ်ငယ်က ကုန်းစောင်းမှာ ကျွန်မတို့ ထိုင်စီးခဲ့ရသော နွားဖြင့်လှည့်သည့် ဆီဆုံကြီးကို လွမ်းမိ တမ်းတမိသည်။
အဲဒီ ဆီဆုံကြီးပိုင်ရှင်က ကျွန်မတို့ ခပ်နေကျ ရေတွင်းကို အများပြည်သူ သုံးစွဲဖို့ သန့်စင်သည့်ရေ ယူဖို့ လှူဒါန်းထားခဲ့သည်မို့ ကျွန်မတို့ ရေခပ်သွားတိုင်း ဆီဆုံကြီးကို ၀င်းထရံကြားမှ လှမ်းမြင်နေကျ ဖြစ်၏။ ၀င်းထရံ ခပ်ထားသော ထိုရေတွင်း ဘေးမှာ လုံးဝ ရေမချိုးရ။ ထိုရေတွင်းသည် သောက်ရေ သုံးရေ သက်သက်သာဖြစ်၏။ ချိုးလိုလျှင် သူတို့ခြံဝိုင်းထဲမှာ ချိုး။ သူတို့ခြံနှင့် ရေတွင်းကြားက ခြံစည်းရိုး အဟကြားမှာ သွပ်ရေတံလျောက်လေး လုပ်ထားပေး၏။ ရေတွင်းမှ ငင်ယူလိုက်သော ရေကို ခြံစည်းရိုးတဘက်က ကန်လေးထဲသို့ အလွယ်တကူ လောင်းထည့်လို့ ရသည်။ ကိုယ်ငင်သည့်ရေ လုံလောက်ပြီဆိုလျှင် အဲသည်ကန်ကလေးမှာ သွားချိုးရုံပဲ။
သူတို့ ခြံဝိုင်းထဲမှာ ရေသွားချိုးတော့ အမြဲတမ်း လည်နေသော ဆီဆုံကြီးနှင့် ပိုနီးရသည်။ သူတို့ ကိုယ်တိုင်က ဆီကုန်သည် ဖြစ်သလို အငှားလည်း ကြိတ်ပေးသည်။ နှမ်းဆီစစ်စစ်၏ ရနံ့က မွှေးပျံ့နေသည်။ နှမ်းကြိတ်ဖတ်က ထွက်သည့် ဆီထွေးကို ကျမတို့ ထန်းလျက်နဲ့ နယ်စားဖို့ လက်ဆောင်ရတတ်သေးသည်။ ထိုနှမ်းဆီ စစ်စစ်ကို ကျွန်မ လွမ်းမိသည်။ နှမ်းဆီက မိုနိုမပြည့်ဝဆီ mono unsaturated oil မို့ ကျန်းမာရေးနှင့် အလွန်ညီညွတ်သည်။ ပဲဆီကလည်း စစ်စစ်ဆိုလျှင် နှမ်းလိုပဲ မိုနိုမပြည့်ဝဆီပဲ။ စားအုန်းဆီ ရောလျှင်တော့ မကောင်းပါ။ ဆီအုန်းသည် အုန်းအမျိုးအစားထဲမှာ ပါတာမို့ သီးနှံကရသည့် အဆီဖြစ်ပေမယ့် ပြည့်ဝဆီ ဖြစ်နေသည်။ ကျန်းမာရေး ထိခိုက်စေသည်။
တကယ်တော့ လူတယောက်၏ ကျန်းမာရေးသည် သူ နေထိုင်စားသောက်သည့် ဘ၀နေမှုဟန်ပန်နှင့် တော်တော်များများကို ဆက်နွှယ်နေပါသည်။
ဒါ့ကြောင့်လည်း ၁၉၉၇ ခုနှစ်ထုတ် ကျန်းမာရေးနှင့် သဘာဝပတ်ဝန်းကျင် စာစောင်တခုထဲမှာ ကင်ဆာရောဂါကင်းဝေးဖို့ ကျန်းမာစွာနေထိုင်နည်းဟု ဖော်ပြထားသည့် အထဲတွင် အစားအသောက် အနေအထိုင်ကို ဂရုစိုက်ကျင့်ယူဖို့ ရေးထားခဲ့သည်။

၁။ ဆေးလိပ်သောက်ခြင်းနှင့် ဆေးရွက်ကြီးကို အခြားနည်းဖြင့် သုံးစွဲခြင်းများကို ဖြတ်တောက်ပါ။
ကျွန်မ မေမေသည် ဆေးလိပ်ကို အသက်ဆယ့်သုံးနှစ် သမီးကတည်းက သောက်လာတာတဲ့။ မေမေ အဆုပ်ကင်ဆာဖြင့် ဆုံးတော့ အသက် ၆၁ နှစ် ဖြစ်သည်။ ဆေးလိပ်သည် ကင်ဆာသာမက ဦးဏှောက်ကိုလည်း ထိခိုက်စေတာပါပဲ။ အစ်ကို လေတခါ ဖြတ်ပြီးနောက် ကျွန်မကိုယ်တိုင် မကုပေးနိုင်ဘဲ ကျွန်မ၏ဆရာမ မမကို သွားပြပေးတော့ မမက အရက်ကိုတော့ တတ်နိုင်သလောက် လျှော့သောက်ပါ။ ဆေးလိပ်ကိုတော့ လုံးဝဖြတ်ပါဟု တားမြစ်လိုက်ပါသည်။ အစ်ကိုဆေးရုံတက်စဉ် ဦးဏှောက်ကို ဓာတ်မှန် CT Scan ရိုက်ပြီး စစ်ဆေးကြည့်တော့ ဦေးဏှာက်ထဲက ဒဏ်ရာဟောင်းတွေကို ဆရာက ကျွန်မအား ရှင်းပြပေးသည်။ အစ်ကိုသည် အရက်ရော ဆေးလိပ်ရော သောက်ခဲ့သူ ဖြစ်သည်။

၂။ အရက်အလွန်သောက်ခြင်းကို ရှောင်ကျဉ်ပါ။
ယနေ့ခေတ်သည် အရက်ကို ကြိုက်လို့ဆိုတာထက် လူမှုရေးအရပါ သောက်ကြသည့်ခေတ် ဖြစ်သည်ထင်၏။ အရက်ဆိုင်တို့သည် အဆင့်အမျိုးမျိုးဖြင့် သောက်သုံးသူကို မြူဆွယ်နေကြသည်။ သို့မဟုတ် သောက်သုံးလိုသူ၏ ဆန္ဒကို ဖြည့်စွမ်းပေးနေကြသည်။ ဆင်းရဲသား များသည့် ရပ်ကွက်ထဲမှ အရက်ဆိုင်တွေ ကလည်း အရက်ဖြူဆိုင်တွေပေါ့။ သည့်ထက်နည်းနည်း ပို သုံးဖြုန်းနိုင်သူတွေအတွက်တော့ ဘီယာနှင့် အကင်တွဲပြီး ရောင်းသည့် ဆိုင်တွေပေါ့။ သည့်ထက် ပိုပြီး သုံးဖြုန်းနိုင်သူတွေအတွက် အရက်သည် ပိုပြီး ဇိမ်ခံစရာ ဖြစ်လာသည်။ အရက်နှင့် တွဲပြီး အခြားအရသာ၊ မြင်ကွင်း၊ ရနံ့၊ အထိအတွေ့ စသည့် ကာမဂုဏ်တို့ကို ရောစပ်ဇိမ်ခံနိုင်သည့် နေရာတွေ။ ဆက်စပ်သလား မဆက်စပ်ဘူးလား အတိအကျ မပြောနိုင်ပေမယ့် သွေးတိုးရောဂါတွေနှင့် လေဖြတ်ရောဂါတွေ ယနေ့ခေတ် မြန်မာနိုင်ငံမှာ ပိုများနေတာတော့ မြင်နေရပါသည်။

၃။ အဆီနည်းသော အစားအစာသာ စားသုံးခြင်းအလေ့အား မွေးယူပါ။ ထို့ပြင် ဗီတာမင် အေ၊ စီ နှင့် အီး ပါသော အစားအစာများကို စားသောက်ပါ။ ဘရိုကိုလီ (ပန်းပွင့်အစိမ်း)၊ ပန်းပွင့်ခေါ် ပန်းမုံလာ၊ ဂေါ်ဖီထုတ်၊ ပဲပင်ပေါက်တို့ကို စားပါ။
ကျွန်မတို့ မြန်မာလူမျိုးတို့သည် ဆီပြန်ဟင်းကို စားကြသည်။ အဲဒါ အရေးကြီးသလား။ ဆီသည် မိုနိုမပြည့်ဝဆီဆိုလျှင်တော့ အရေးမကြီးပါ။ ဆီသည် ပြည့်ဝဆီဆိုလျှင်တော့ အရေးကြီးပါသည်။ ပြည့်ဝဆီသည် သွေးတိုး နှလုံးရောဂါတို့ကို ဖြစ်ပွါးဖို့ အားပေးနေသည်။ ကျွန်မတို့ ငယ်ငယ်က ကုန်းစောင်းတွင် နံနက်အိပ်ရာထ မုံ့ပျားသလက် စားသည့်အကျင့် ရှိသည်။ ကုန်းစောင်း မုံ့ပျားသလက်ကလည်း ကောင်းမှကောင်း။ ပြားပြား ကြွပ်ကြွပ်။ အလယ်တွင် မုန့်နှစ်တွေအိုင်ပြီး ပျော့စိပျော့ဖတ် မုန့်ပျားသလက်ထက် တော်တော်ပိုကောင်းသည်။ အဲဒီမုံ့ပျားသလက်ကို ဆီဖြင့်ဆမ်းပြီး စားကြသည်။ ကျွန်မတို့က ဆီပန်းကန်လေးကို အလယ်မှာ ချပြီး မုန့်ပျားသလက်တဖဲ့ကို ဆီထဲနှစ် ထို မုန့်ပဲ့လေးဖြင့် ကျန်သည့် မုန့်ပျားသလက်များကို လိုက်ဖိပွတ်သည့်အခါ ဆီက မုန့်တွေပေါ်မှာ အညီအမျှ ဆမ်းပြီးသား ဖြစ်သွားသည်။ ထို ဆီခပ်ရွှဲရွှဲမုန့်ကို အဘိုးတွေ အဘွားတွေ စားကြ၏။ သူတို့ ဘာရောဂါမှ မဖြစ်ခဲ့ပါ။ ဆီက နှမ်းဆီ စစ်စစ်ကိုး။ မွှေးပျံ့ပြီး အရသာက နှမ်း၏ ခါးသက်သက်ဆိမ့်ဆိမ့် အရသာ။ အို ဘာပြောကောင်းမလဲ။ စားလို့ သိတ်ကောင်းခဲ့တာပေါ့။ အဲသည် မုန့်ပျားသလက်ကိုပင်ကျွန်မတို့ အိမ်နီးချင်း အပျိုကြီင်္း ညီအစ်မနှစ်ယောက်က ဆီပန်းကန်ပြားထဲသို့ မုန့်တခုလုံး နှစ်ပြီးစားသည်ဟု မေမေက ပြောပြဖူးသည်။ သူတို့က ဆီကို အလျှံပယ်သုံးနိုင်အောင် ကြွယ်ဝသူတွေမို့ ဖြစ်မည်။ နောက်ပြီး နှမ်းဆီရွှဲသော မုန့်ပျားသလက်၏ အရသာကို ပိုကြိုက်လို့ ဖြစ်မည်။ ဘာပဲဖြစ်ဖြစ် သူတို့ ညီအစ်မ အသက်ရှည်ကြပါသည်။ ဒီခေတ်ကတော့ ဆီကို ကျွန်မတို့ သံသယဖြင့် ကြည့်နေရသည့် ခေတ်ဖြစ်သည်မို့ ဆီကို ရှောင်ကြဉ်လေ ကောင်းလေပါပဲ။ ဆီသိတ်မလိုသော ဟင်းတွေကို စားဖို့ ကောင်းသည်။ ကင်ပြီးစာမည်ဆိုပြန်တော့ ကင်ထားသည့် အစားအစာ၏ ကျွမ်းနေသော ကာဗွန်ဓာတ်က ကျန်းမာရေးကို ထိခိုက်စေပြန်သည်။

၎။ ဖိုင်ဘာဓာတ်များသော အစားအစာ။
ဥပမာ ဖြူဖွေးအောင် ကြိတ်ဖွတ်မထားသော သီးနှံဖြင့် ပြုလုပ်ထားသည့် အစားအစာတို့ကို စားပါ။ ပေါင်မုန့်ဆိုလျှင် ဖြူဖွေးသော ပေါင်မုန့်ကိုရှောင်ပြီး ပေါင်မုန့်ညိုကို စားပါ။ ဆန်ဆိုလျှင် ဖြူဖွေးသော ဆန်ထက် ပိုပြီး အကုန်အစင် မချွတ်ရသေးသော ဆန်ဖြင့်လုပ်ထားသည့် အစားကို စားပါ။
ကျွန်မတို့ လူမျိုး အများစုက ပေါင်မုန့်ဆိုလျှင်လည်း ဖြူဖွေးပြီး နူးညံ့သောပေါင်မုန့်မှ ကြိုက်သည်။ သကြားဓာတ်များသော ပေါင်မုန့်ကို ကြိုက်သည်။ ဘားဂက်တ်ဟုခေါ်သော ခပ်မာမာ ပေါင်မုန့်ရှည် ကြမ်းကြမ်းကို မကြိုက်ကြ။ ကျွန်မအိမ်က မိသားစုကိုပဲကြည့်။ ထိုပေါင်မုန့်ကို စားဖို့ ကိုယ့်ကိုယ်ကို အားတင်းပြီး ကျွန်မ၀ယ်လာလျှင် ကျွန်မတယောက်တည်းပဲ စားရသည်။ သူတို့က နူးညံ့သော ပေါင်မုန့်မဟုတ်လို့ မစားချင်ဟု ဆိုပါသည်။ ကင်ဆာကို ရှောင်ဖို့၊ နှလုံးရောဂါကို ရှောင်ဖို့၊ သွေးတိုးရောဂါကို ရှောင်ဖို့ စားချင်သည့် အစာကို ရှောင်ပြီး၊ မစားချင်ပေမယ့် တည့်သည့်အစာကို စားသည့်အကျင့်ကို မွေးယူဖို့ ကြိုးစားသင့်ပါသည်။

၅။ အစားအစာတွင် အဆီကို ယေဘူယျ လျှော့နိုင်သမျှ လျှော့ပါ။
လျှော့ရမှာပေါ့လေ။ အဆီသည် ကောင်းကျိုးပေးတာက နည်းနည်း မကောင်းကျိုး ပေးတာက များများ မဟုတ်လား။ အခုဆိုလျှင် ကျွန်မ ကြက်သားကိုတောင် မစားဖြစ်အောင် ကြိုးစားနေပါသည်။ လူမှုရေးအရ ဆိုင်ထိုင်ရတာတွေ ရှိလျှင်လည်း အစားရွေးလို့ ကောင်းသည့် အုပ်စုထဲမှာဆိုလျှင် ကျွန်မ ကြက်ကို မစားဖို့ ရွေးချယ်ပါသည်။ ဒိုးနတ်ကို မစားရ။ ကျွန်မအလွန် နှစ်သက်သော ခရိုဆွန်ဟု ခေါ်သည့် ခရွားဆွန့်ကို ကျွန်မ မစားရ။ ကြက်ကြော်ဆိုင်တွေမှာ သူငယ်ချင်းတွေနှင့် အတူထိုင်ဖြစ်လျှင်လည်း ကြက်ကြော်ကို လုံးဝမစားရ။ ပီဇာ ကောင်းကောင်းဆိုလျှင် ကျွန်မကြိုက်၏။ သို့သော် ပီဇာ မှန်သမျှက သက်သတ်လွတ်ဆိုလျှင်တောင် ချိစ် ဒိန်ခဲနှင့် မကင်းသောကြောင့် အခုအခါ ပီဇာလည်း ကျွန်မမစားရ။ အင်း ကျွန်မ ဘယ်လိုမှ မနေနိုင်ဘဲ စားဖြစ်နေသည့် အဆီတွေ ရှိသေးသည်။ လဘက်နှင့် စားသော ပဲကြော်၊ ကြက်သွန်ဖြူကြော်တွေပေါ့။ မြေပဲဆားလှော်ကတော့ မိုနိုမပြည့်ဝဆီမို့ တည့်မည်ဟု မျှော်လင့်ကာ ကျွန်မ အရေအတွက်လျှော့ပြီး စားနေဆဲ ဖြစ်သည်။

၆။ မီးကင်ထားသော၊ မီးခိုးငွေ့ပေးထားသော၊ ဆားနယ်ထားသော အစားအစာကို စားခြင်းမှ ရှောင်ကြဉ်ပါ။
အဲဒါလည်း တကယ်မလွယ်တဲ့ ကိစ္စပါပဲ။ ကျွန်မတို့ လူမျိုးတွေက အကင်ယဉ်ကျေးမှုနှင့် နေသားကျနေ သည်မှာ ဆယ်စုနှစ် တခုစာ မကတော့ပါ။ ကျွန်ကိုယ်တိုင်ကလည်း အကင်နှင့်အတူ တွဲစားလေ့ရှိသော မာလာဟင်းကို နှစ်သက်နေပြီမို့ အကင်ဆိုင်မှာ နှစ်လတခါလောက်တော့ အုပ်စုနှင့် ထိုင်ဖြစ်နေသည်။ အဓိက ကျွန်မတို့ စားတာက ငါးကင်ပေါ့။ မီးကျွမ်းသည့် အရေခွံတွေကို ဘယ်လိုပဲ ရှောင်ရှောင် ကာဗွန်ကတော့ ဗိုက်ထဲ ရောက်တာပါပဲ။ ပြောင်းဖူးကို ပြုတ်တာထက် ကင်တာကို ပိုကြိုက်လို့ ပြောင်းဖူးကင် အမြဲမှာမိသည်။ ကျွန်မတို့ အုပ်စု အကင်ဆိုင်ထိုင်လျှင် စွဲလန်းနေကျ အစားအသောက်တွေကို တယောက်နှင့်တယောက် သိနေကြပြီမို့ အကင်တွေဆီ သွားကြည့်စရာမလို။ တယောက်ယောက်က နောက်ကျလျှင်လည်း ထိုတယောက်စားနေကျ အစားက ဘာလဲဟု ကျန်လူတွေက သိပြီးသားမို့ သူ့အတွက် မှာထားပေးလို့ ရသည်။ ကျွန်မနှင့် နီနီခက် နှစ်ယောက်စလုံးပါလျှင် မာလာဟင်းနှင့် ငါးကင်ကိုသာ မှာပေးထားပေတော့။ ကိုပီတာ မလာသေးလျှင်လည်း သူက ၀က်လျှာတို့ ၀က်သားပြားတို့ ကြိုက်တာမို့ သူ့အတွက် ကြိုမှာပေးထားပေတော့။ အာလူးကင်ပါမည်။ ရုံးပတီကင်ပါမည်။ ပြောင်းဖူးကင်ပါမည်။ ငါးဖယ်ဆုပ်ပြားကင် ပါမည်။ ဒါတွေပါပဲ။ တခါတခါ ထမင်းမစားလိုလျှင် ခေါပုတ်ကင် မှာမည်။ ဒီလောက် နေသားကျနေသည့် အကင်တွေကို မစားရဘူးဆိုလျှင်တော့ မလွယ်လှပေ။ သို့သော် ကျွန်မတို့ ကင်ဆာကို သေမင်းအဖြစ် မရွေးလိုဘူးဆိုလျှင် ဒီလောက်တော့ ကိုယ့်ကိုယ်ကို ချုပ်တည်းရပေမည်။

၇။ ၀ဖြိုးခြင်းကို အစားအသောက် ရှောင်ကြဉ်ခြင်း၊ လေ့ကျင့်ခန်း လုပ်ခြင်းတို့ဖြင့် လျှော့ချပါ။ ကိုယ် လုံးကို မိမိအရပ်နှင့် လိုက်လျောညီထွေဖြစ်သည့် အလေးချိန်ထက် မပိုပါစေနှင့်။
ကဲ ကြည့်ရအောင်။ ကျွန်မက အရပ်ပုသည်။ ငါးပေတောင် မပြည့်သည့် အရပ်။ အတိအကျ ပြောရလျှင် လေးပေနှင့် ဆယ့်တစ်လက်မပဲ ရှိသည်။ ကျွန်မကိုယ်အလေးချိန်က ပေါင် ၁၀၀ နှင့် ၁၀၅ ပေါင်ကြားမှာ ပြေးနေသည်။ အရပ်လေးပေ ဆယ့်တလက်မ ရှိသူအတွက် ကိုယ်အလေးချိန်က ၉၄ ပေါင်နှင့် ၁၁၄ ပေါင် ကြားမှာ ရှိရမည်တဲ့။ သည်တော့ ကျန်းမာရေးနှင့် ညီညွတ်သည့် ကိုယ်အလေးချိန် အကန့်အသတ်ထဲမှာပဲ ရှိနေသည်။ မဆိုးလှပါပေါ့။ သို့သော် ကျွန်မကိုယ် ကျွန်မ ၀နေသည်ဟု ခံစားရသည်။ ဘာဖြစ်လိုလဲဆိုတော့ ငယ်စဉ်က ကျွန်မက ကိုယ့်အရပ်နှင့် ကိုက်ညီသည့် ကိုယ်အလေးချိန် သတ်မှတ်ချက် အနည်းဆုံး အဆင့်အနေနှင့် ၉၆ ပေါင် ဖြစ်ခဲ့သည်။ ယခုအခါ ပိုပိုပြီး ၀လာသည်မို့ ပေါင်ချိန် မလွန်သေးပေမယ့် သိပ်မကောင်းပါ။ သည်တော့ အစားအသောက် ရှောင်ကြဉ်ခြင်း ပြုလုပ်ရမည်။ လေ့ကျင့်ခန်း လုပ်ရမည်။
လေ့ကျင့်ခန်း လုပ်ဖို့ဆိုတာ ပြောတော့ လွယ်ပေမယ့် တကယ်မှန်မှန် စနစ်ကျကျ လုပ်ဖို့ မလွယ်ပါ။ အထူးသဖြင့် အားကစားလေ့ကျင့်သည့် ဌာနတွေသို့ မသွားပဲ ကိုယ့်အိမ်မှာ ကိုယ်လုပ်လို့ကတော့ ပျက်တရက် လုပ်တရက်ပါပဲ။ ကျွန်မ လေ့ကျင့်ခန်းလုပ်သည်ဟု ပြောလို့ရသော်လည်း ကိုယ်အလေးချိန် လျှော့ချဖို့အတွက် တကယ်မလုပ်ဖြစ်သေးပါ။ ကျွန်မနေ့စဉ်လုပ်သည့် လေ့ကျင့်ခန်းက အရိုးကျီးပေါင်းတက်ရောဂါကို ကာကွယ်ကုသသည့် လေ့ကျင့်ခန်းမျိုးသာ ဖြစ်နေသေးသည်။ အဓိကကတော့ ဇက်လေ့ကျင့်ခန်း၊ လည်ပင်း လေ့ကျင့်ခန်းပေါ့။ ဒါကလည်း နေမထိ ထိုင်မသာ နောက်ကျောတက်လာသည့်အခါမှာ ကျွန်မဆရာမ မမတူးကို သွားတိုင်ပင်တော့ မမက ဘာဆေးမှ မပေးပဲ လေ့ကျင့်ခန်းလုပ်ခိုင်းရာက စခဲ့၏။ နံနက်တိုင်း မှန်မှန် လေ့ကျင့်ခန်းလုပ်လို့ နေထိုင်ကောင်းလာသည့်အရသာကို ကျွန်မ သဘောကျသွားပြီး ဆက်လက် လှုပ်ရှားနေမိတာ ဖြစ်သည်။ ကိုယ်အလေးချိန်ချဖို့ လေ့ကျင့်ခန်းကို အခုထိ မလုပ်ဖြစ်သေးပါ။ စလုပ်ဖို့ကို နေ့ရွှေ့ ညရွှေ့ ရွှေ့နေဆဲ။
လေ့ကျင့်ခန်းတွေမှာ ကျွန်မတို့အတွက် အခြေခံ လိုအပ်သည့် နှလုံးနှင့် အဆုပ်တို့ကို သန်စွမ်းစေသည့် လေ့ကျင့်ခန်းတွေကိုပဲ ရွေးပါဦးတော့။ ကိုယ်၏ ကြွက်သား အကြီးစားများ ပါဝင်စေသည့် လေ့ကျင့်ခန်းမျိုးတွေပေါ့။ ပြေးခြင်း၊ စက်ဘီးစီးခြင်း၊ ရေကူးခြင်း၊ လှေလှော်ခြင်း၊ စကီးစီးခြင်း၊ လက်ဝှေ့ထိုးခြင်း၊ ကြိုးခုန်ခြင်း တဲ့။ ဘောလီဘောကစားခြင်း၊ ဘတ်စကက်ဘောကစားခြင်း၊ ကြက်တောင်ရိုက်ခြင်း။
အလိုလေး။ အဲဒီ အမျိုးအစားတွေမှာ ကျွန်မလုပ်နိုင်တာက ဘယ်နှမျိုးပါလိမ့်။ စက်ဘီးလုံးဝ မစီးတတ်သည့် ကျွန်မအတွက် တကယ်ကို နစ်နာပါလား။ စက်ဘီးစီး လေ့ကျင့်ခန်းကို တကယ့်လမ်းပေါ်မှာ၊ ကန်စောင်းမှာ လေကိုပြင်းပြင်းရှုရင်း မပြုလုပ်နိုင်တော့ဘူးပေါ့။ ကျွန်မ ကိုးတန်းနှစ်က အစ်ကို သင်ပေးလို့ စက်ဘီးစီး သင်ခဲ့ဖူးပါ၏။ ကျွန်မက နာကျင်မှာကို အလွန်ကြောက်တတ်လို့ ကစားတာတောင် ပြေးလွှားပြီးကစားသည့် နည်းကို ရှောင်ခဲ့သူ။ ဘယ်တတ်မလဲ။ လုံးဝကို မတတ်ခဲ့ပါ။ ညီမတွေ တတ်သွားသော်လည်း ကျွန်မ မတတ်ခဲ့ပါ။ အခု အသက်ကြီးတော့မှ တခါတခါ သူများတွေကို အားကျပြီး စက်ဘီးစီးချင်စိတ် ပေါ်လာသည်။ ကိုယ်စီးလျှင် မလဲမည့် စက်ဘီးမျိုးဖြင့် သင်ယူချင်သည်။ ကိုယ့်အရပ်နှင့် လိုက်လျောညီထွေ ဖြစ်မည့်၊ မလဲအောင်လည်း ဘေးက နေ ဘီးသေးသေးလေးတွေဖြင့် ထပ်ဆင့်ကာကွယ် ထောက်ပင့်ပေးထားမည့် (အဲဒါမျိုး ရှိ မရှိတော့ မသိပါ) စက်ဘီးမျိုးဖြင့် သင်ယူချင်သည်။ အဲဒီလို စက်ဘီးမျိုး ရှိခဲ့လျှင် တစီးလောက် ၀ယ်နိုင်အောင်တော့ ကျွန်မ ငွေကြေးနိုင်နင်းပါပြီ။ သို့သော် မတော်တဆ လဲပြုသွားလျှင် အရိုးကျိုးဖို့ ရာနှုန်းက တော်တော်များနေသည့် အသက်အရွယ်။ အရိုးပွသည့် ဒီဂရီက များနေခဲ့မလားဟု သွေးစစ်ကြည့်တော့ ပုံမှန်ပဲ။ ငါ စက်ဘီးစီးလို့ ရသေးတယ်ထင်ပါရဲ့။ သို့သော် မတော်တဆ ချွတ်ခနဲ အရိုးကျိုးသွားလျှင် ကျော်မကောင်း ကြားမကောင်း။ မဖြစ်သေးပါဘူး။ ဒီခေတ်မှာ တကယ်မစီးဘဲ စက်ဘီးစီး လေ့ကျင့်ခန်းလုပ်ဖို့ ကရိယာတွေ တီထွင်ထားတာပဲ။ စိတ်ဓါတ်ကျစရာမလို။ ဈေးတော့ ပိုကြီးမလား။ မထူးပါဘူး။ တကယ့်စက်ဘီးလဲ အကောင်းစားဆိုလျှင် သိန်းဂဏန်း တော်တော်ကျော်အောင် ပေးရတာပဲ။ စက်ကိုပဲ ၀ယ်တော့မှာပေါ့။ စက်ဘီးစီး သည့် စက်က ဘယ်လောက်လဲ ကျွန်မ မသိဘူးနော်။
ကဲ ထပ်ရှာပါဦး။ ကျွန်မ လုပ်နိုင်သည့် လေ့ကျင့်ခန်း ဘာရှိသေးလဲ။ ရေကူးခြင်း။ လုံးဝ မဖြစ်နိုင်တော့တာ မဟုတ်။ ကျွန်မသည် ရေပေါ်ပေါ်အောင် ခြေကို ခပ်တတ်ပါ၏။ ဖော့ပြားကလေးသာ လက်က ပိုက်ထားခွင့် ရမည်ဆိုလျှင် ရေကူးကန်ထဲမှာ နာရီပိုင်မျှ ကြာအောင် ကူးနိုင်ပါ၏။ ကျွန်မက ရေကူးရင်းမှ အသက်မရှူတတ်ပဲ။ ဖော့ပြားနှင့်မှ အသက်ရှူဖို့ ရေပေါ် ပေါ်မှာပေါ့။ ဘာပဲဖြစ်ဖြစ် တ၀က်တော့ ကူးတတ်သည်ဟု ကိုယ့်ကိုယ်ကို သာသာထိုးထိုး တွေးသည်။ အဲ နေဦး။ ရေကူးလေ့ကျင့်ခန်းက ဖော့တုံးပါလျှင် တ၀က်ပဲရမည်။ ဖော့တုံးကို လက်က ဆန့်လျက်သား ကိုင်ထားတာမို့ လက်လေ့ကျင့်ခန်း မပါသလောက်ပဲ။ ခြေထောက်ချည်းပဲ လှုပ်ခတ်နေရတာ။ ဒါဆိုလျှင် အကျိုးကျေးဇူးလည်း တ၀က်လောက်ပဲ ရမှာ။ အဖြစ်သေးပါဘူး။
ထပ်ရှာကြည့်တော့ ပြေးခြင်းတဲ့။ အဲဒါ အကောင်းဆုံးပါပဲ။ ကျွန်မအတွက် အသင့်တော်ဆုံးပါပဲ။ ကျွန်မ ပြေးနိုင်သည်။ လွတ်လွတ်လပ်လပ် ပြေးနိုင်သည်။ သင်ယူနေစရာ မလို။ မွေးကတည်းက ပြေးလာခဲ့တာ။ ခြေလက်အကောင်းကြီးတွေ ရှိနေတုန်းကို ပြေးမှ။
နှလုံးကြွက်သားနှင့် အသက်ရှူကြွက်သားတွေ ကောင်းအောင်လေ့ကျင့်ခန်း လုပ်ရမည်။ လမ်းလျှောက်ရမည်။ ပြေးရမည်။ အင်း ကြိုးလဲ ခုန်နိုင်သေးတာပဲ။
အားမလျှော့ပါဘူး။ သေမင်းကို မရွေးကောင်းပေမယ့် ရွေးလို့လည်း မရပေမယ့် ကိုယ်မရွေးချင်သည့် သေမင်းတွေနဲ့ ဝေးဖိုတော့ ကျွန်မ အင်အားစိုက်ထုတ် အပင်ပန်းခံ သင့်တာပေါ့နော်။

ဂျူး
{ကလျာမဂ္ဂဇင်း၊ ၂၀၀၉ ဒီဇင်ဘာ}