Thursday, July 31, 2008

ကောင်မလေးနှယ် ရိုးပုံနှင့်လှသူရဲ့
ရေးသူ- ၀ိဓူရသခင်ချစ်မောင်

(နေ့စွဲ ၂၄-၆-၅၃)
ဘူဒါပက်(စ)မြို့ကြီးမှ ထွက်ခွါ ခုတ်မောင်းလာသော ရထားကြီးသည် တောတွေ၊ တောင်တွေ၊ ကွင်းပြင်၊ လယ်ယာတွေ၊ မြစ်ချောင်း ရေယဉ်တွေ၊ မြို့တွေ၊ ပြတွေ၊ ရွာတွေ၊ စသည်ဖြင့် ကြည့်ပြီး၊ မငြီး ရှုမငြီးသော ရှုခင်းများကို ဖြတ်သန်းမောင်းနှင်လျက်ပင် ရှိပါသည်။
ဆရာကြီးမှာ အလွန်သာယာချိုအေးသော လေပြေလေညှင်း ရှုခင်းပုံပြင်တို့နှင့် တွေ့ထိနေရကား၊ စကားများများပင်ပြောဆို ဆွေးနွေးခွင့်မရတော့ အိစက်ညက်ညောသော ဆိုဖာထိုင်ခင်းပေါ်တွင် တငြိမ့်ငြိမ့်နှင့် တသိမ့်သိမ့် အိပ်ပျော်နေသည်ကိုသာ တွေ့နေရ ပေတော့သည်။
ကျွန်တော်တို့ ရထားကြီးမှာ မနေ့ကမနက် ဟန်ဂေရီနိုင်ငံနှင့် ဆိုဗီယက်ယူနီယံနယ်ခြား 'အချော့' မြို့ကြီးသို့ ဆိုက်ရောက်ပြီးနောက် တဖန်ပြောင်း၍ စီးလာရသော ဆိုဗီယက် ရထားကြီးဖြစ်ပါသည်။ နယ်ခြားဘူတာမှသည် ယခုအခါ ယူကရိန်းပြည်နယ်ခြားမှ ဆိုဗီယက် ယူနီယံပြည်မကြီး၏ နယ်စပ်နားသို့ပင် ရောက်၍လာပါပြီ။ မနက်ဖြန်ညနေ ၂ နာရီတွင် မူကား မော်စကိုမြို့တော်ကြီးသို့ပင် ဆိုက်ရောက်ပေတော့သည်။




ယနေ့ ညနေစောင်းတွင်မူ ဆရာကြီးသည် အတော်အိပ်ရေးဝ၍ ရွှင်လန်း ကြည်လင်ပုံရ လာရာကား၊ ဆိုဗီယက်ကျေးလက်၏ နွေရာသီရှုခင်းများ စိမ်းလန်းနေပုံများကို ထိုင်၍ကြည့် ရှုလိုက်ပါနေပါသည်။
မကြာမီပင် ဆရာကြီးသည် ကျွန်တော့်ဘက်သို့လှည့်၍...........
"ဟေ့......... သခင်ချစ်မောင်...... မင်းတို့ အရင်တခါ လာတုန်းက ဒီနေရာတွေကို ကြည့်ရတာ တော်တော်ဘဲ ဒီလို သာသာယာယာ ရှိသလားကွ......"
"ကျွန်တော်တို့ လာတုန်းက ဆောင်းတွင်း ရေခဲရာသီ ဆရာကြီးရဲ့...... ဒီလိုနွေရာသီ မဟုတ်ဘူး...... မြင်မြင်သမျှ ရေခဲတွေ ဖုံးလွှမ်းပြီး ဖွေးဖွေးရိုက်နေတဲ့ ရှုခင်းကြီးပေါ့ ဆရာကြီးရဲ့...."
"ဟေ...... သစ်ပင်တွေ ဘာတွေကရော......"
"ကျွန်တော်တို့ ဗမာနိုင်ငံမှာ နွေရာသီသစ်ရွက်တွေ ဟောင်းနွမ်း ကြွေကျပြီး ခြောက်ကပ်ကပ်ကြီး ဖြစ်နေသလို ဒီနေရာမှာလဲ ဆောင်းတွင်းမှာ သစ်ပင်တွေက အကုန်လုံး အရွက်တွေ ကြွေပြီး အကိုင်းအရိုး ငေါက်တက်တက် ကြဲတဲတဲ ဖြစ်ပြီး....."
"ဒါပေါ့ကွာ..... သီတ တေဇော..... ဆိုတဲ့ အအေးလွန်ကဲ လွန်းတော့လဲ ပူပြင်းခြောက် သွေ့သွားတဲ့ ဓါတ်သဘောတွေပေါ့ကွာ"
"ဒါပေမဲ့.... ဆရာကြီးရဲ့..... ဆောင်းတွင်း ရှုကွင်း ကြပြန်တော့လဲ ရေခဲဆီးနှင်းတွေဟာ အဲဟိုလို သစ်ကိုင်း သစ်ခက်တွေပေါ်မှာ တွဲရရွဲ စီရရီဆိုသလို ဖုံးလွှမ်း ကပ်တွယ်ပုံမြင်ရတော့လဲ အဆုပ်အဆုပ် အခိုင်အခိုင် အဖြူဆိုင် အဖြူခဲတွေဟာ ပန်းဖြူကြီးတွေ ပွင့်နေကြသလို တမျိုးတော့ ကြည့်လို့ ကောင်းတယ်...."
"ကောင်းပေမဲ့လဲကွာ..... ဒီလောက် ရေခဲကုန်းပြင်ကြီးဖြစ်ပြီး အေးစက်နေလွန်းတော့လဲ မင်းသားကျင်ခဲလို....အိပ်ရာထဲက တကတဲမှ မ,ထချင်ပါ.... မကြွချင်ပါ...... ဆိုဒါလို ဖြစ်နေမှာ ပေါ့ကွာ..."
ဤသို့ပြော၍ ဆရာကြီးသည် ရှုခင်းများကို ကြည့်ရင်း ခပ်ပြုံးပြုံးကြီး လုပ်နေပါသည်။
သို့ဖြင့် ရောက်တတ်ရာရာ ပြောရင်းက ဆရာကြီးသည် သူရိယသတင်းစာတိုက်တွင် ဝင်ရောက် အလုပ်လုပ်ခဲ့စဉ်က သူ့ဘဝ အကြောင်းအရာများကို ရောက်သွားပါသည်။ ထိုစဉ်က သူရိယတိုက်မှာ အလုပ်လုပ်သည်ဆိုသော်လည်း တနေ့မှ ၂-နာရီလောက်သာ အလုပ်လုပ်ရ ကြောင်း၊ အခြားအချိန်ရှိသမျှ ဘားနဒ် ကင်းဝန်စသည့် စာကြည့်တိုက်များ ဘုန်းကြီးကျောင်း များတွင်သာ လှည့်လည်၍ စာပေဗဟုသုတများကို ရသမျှ သူတောင်းစားလွယ်အိပ်ပမာ ရှာဖွေဆည်းပူးခဲ့နိုင်ကြောင်း။ ဦးဘဖေမှာ ထိုသို့ ဆရာ့အား ကြိုက်သလိုနေ၊ ကြိုက်သလိုလုပ် ခွင့် ပေးခဲ့ဘူးခြင်းများအတွက် ကျေးဇူးရှိဘူးကြောင်း၊ အခါတပါး၌ ဦးဘဖေက နတ်ကြီး အခန်းမှနေ၍ ဘုန်းကြီးပျံလုပ်ပုံ ငြွေဖုံးပုံတွေကို ကလော်တုပ်ခဲ့သဖြင့် ဘုန်းကြီးထုကြီးနှင့် အချင်းများခဲ့ရာ ကံကောင်းလို့ တိုက်မပျက်ခဲ့ရကြောင်း၊ ထိုစဉ်က ဆရာ ဦးဘဖေကို ဘုန်းကြီးပျံ ကလော်ပွဲတွင် နောက်ကွယ်မှ ကူညီ၍ အစွမ်းကုန်ပါဝင် ဆင်နွဲခဲ့ရကြောင်း၊ ထိုကလော်ပွဲကြီး မှာ မန်လည်ဆရာနှင့် ပဒုမဆရာတို့ ပွဲလောက် စကားလုံးပြောင်ပြောင် ကဲခဲ့ ရကြောင်းနှင့် အားရပါးရ ပြောဆိုပြီးနောက် ဆရာကြီးသည် မန်လည်ဆရာတော်ကြီး၏ ပါရမီ ထက်မျက်စူးရှပုံများကို ဆက်လက်ပြောဆိုနေပါသည်။ ဆရာတော်ကြီးမှာ ရှမ်းပြည်သို့တက်၍ စာသင်ခဲ့ရကြောင်း၊ မန္တလေးတွင် စာသင်ခဲ့ရသည် ဆိုသည်မှာ စာကူးရန်လာရင်း စာသင်ရခြင်း သာဖြစ်၍ အချိန်ကြာမြင့်စွာ သင်ကြားခွင့် မရရှိခဲ့ဘူးကြောင်း၊ သို့ပေမင့် ပါရမီ ဥာဏ်ထက်သန် လွန်ကဲသော ပုဂ္ဂိုလ်ထူးကြီးဖြစ်၍ အံ့သြလောက်ဘွယ် ပဋိကတ်ဥာဏ် ထက်သန် စူးရှကြောင်းများကို ပြောပြန်ပါသည်။
ထို့နောက် ဆရာကြီးသည် ဗန်းမော်ဆရာတော်ကြီးနှင့် မန်လည်ဆရာတော်ကြီးတို့၏ သူနိုင် ငါနိုင် ပညာရည်၊ စကားရည်လုပွဲများတွင် သုံးနှုန်းသော စကားလုံး၊ စကားချိပ်၊ စကားထေ့၊ စကားဝှေ့တို့သည် အလွန်ချက်ကျ ပိုင်နိုင်လှကြောင်းများကိုပြော၍ စပ်မိစပ်ရာ မှတ်မိမှတ်ရာများကို အပြင်ရှုခင်း သာယာများ၏ ရိုက်ခတ်လှုံ့ဆော်မှုဖြင့် တဟဲ..... ဟဲ...... ရီမောခါ ရွတ်ဆိုပြပါတော့သည်။
တရံရောအခါ မင်းတုန်းမင်းကြီးအား မဖွယ်မရာ ပစ်စာပစ်မှုနှင့် ပတ်သက်၍ ဗန်းမော်ဆရာတော်ကြီးအား စွပ်စွဲခြင်းခံရလေသည်။ ထိုအခါ ဆရာတော်ကြီးက.....
"တိုင်းလုံးငယ်ကျော်၊ ဗန်းမော်ကိုဖမ်းလို့စစ်တယ်၊ သည်ခေတ်ဝယ် ကမ္ဘာဆုံးစေတော့၊ စီကုံးသူ ပစ်စာရင်းကို မင်းတို့သိဘူး"
သို့ဖြင့် ဗန်းမော်သို့ နယ်နှင်ခံရသောအခါ ဆရာတော်ကြီးသည် မခံသာ စောင်းရမ်း၍ ရေရွတ် ဆဲရေးလိုဟန် ပြုလိုရာကား......
"ငါ့ကံနှယ်ဆိုးပါဘိ၊ သင်း အမေ(ရိုး)မဲ့ ကံရယ်။ ငါ့လဆီး ငါ့ချည်းသွားရမယ်"
၎င်းနောက် ဗန်းမော်မှ ပြန်ပင့်အလာ စစ်ကိုင်းဘက်တွင် သီတင်းသုံး နေရပြန်ရာကား မခံသာသည့် စိတ်တို့သည် မကုန်ခန်းတော့ ငေါ့လိုက်ချင်သေး ဟန်ပြုလိုရာကား.....
"ဇေယျတိုင်း၊ စစ်ကိုင်းမှာတဲ့ပျော်။ ဗန်းမော်ကိုသေပြီမှတ်လို့၊ ညာလက်ခတ်တီး။ အစေ့ကိုလှန်၊ အဆံကိုတူနဲ့ထုဟဲ့၊ ဘာစောက်မှုလဆီး"
ထို့နောက် ပညာတတ်သီလရင် မယ်ကင်းနှင့် အချင်းဖြစ်ကြပြန်ရာ မယ်ကင်းက...
"အဖျားရယ်ပေ၊ အနားခွေ မခိုင်ပြတ်ခါမှ၊ မြိုင်ရပ်ကိုမှီး၊ စိတ်ပုတီးနှင့် ယပ်ကြီးကို ထမ်းကိုင်၊ မဂ်လမ်း ဘယ်လိုဆိုင်ပမယ်၊ ဝတ်သင်းပိုင် မုန်ရည်ကွက်ကယ်နှင့် တောထွက် ခင်ကြီး"
ထိုအခါ ပညာရည်တွင် ဆိတ်ဆိတ်ထိမခံလိုသော ဗန်းမော်ဆရာတော်ကြီးသည်....
"နှုတ်သီးရယ်စွာ၊ ပုတ်ကြီးကာတာတာနှင့် ဖါမယ်သီလ။ အကျင့်ငယ်တန်၊ မသင့်တာ အမြင်သန်လို့၊ နင်အကြံဝသီဆိုးတယ်၊ ရိုး-လိုက်ချင်လှ"
၎င်းနောက် ဆရာကြီးသည် မန်လည်ဆရာတော်ကြီး၏ ဥာဏ်ရည် စကားရည်လှည့်ပုံ ကို ပြောဆိုပြလိုရာကား၊ ဆရာတော်ကြီးနှင့် ဦးပဒုမ ဆရာတော်တို့ စကားရည်လုခန်းတွင်.....
"သူ မ,တို့လေမှ၊ သူတို့လျှင် တကယ်မြည်တဲ့၊ မြို့ရွှေလည် ရွှေစည်ကြီးပါကွဲ့၊ တီးသမျှဖိန့်ဖိန့်တုန်။ သူမာလျှင် မာစိန် စောင်းပါဘဲ၊ သူပြောင်းလျင် အရေဖြစ်နိုင်ငဲ့၊ မယုံလျှင် မအေနှင့် စစ်လာတော့၊ သနစ်ကို ကုန်မလင်းသော်လဲ၊ အဖြစ်ဆို ဂုဏ်သတင်းကိုလ၊ လေညှင်းလာ သင်းကာပျံ့ ပန်းရနံ့ပုံ..."
"ပဒုမ၊ တုပခါနင်မယောင်နှင့်၊ ဆင်ပြောင် ခြင်ကောင်ဝါးသည့်နှယ်၊ ယားရုံမျှ ဥပမာ၊ ဥာဏ်အနက်ကိုလှ၊ စံဘက်ပေါ် နင်မလျှော်ဘု၊ နင့်မယ်တော် ရှင်ဇလာနှင့် ခင်ဆရာ အိမ်ထောင်ကျလျှင် ပဒုဆို မောင်ရွှေမမှာ၊ သားငယ်မျှသာ...."
"နှစ်ဘက်ကန်း၊ မျက်ခန်းနေကိုပြိုင်သို့၊ ခွင့်လုံးပိုင် မင်းစာမှားပြီမို့၊ အလားငယ် ပယ်မကျစေ နှင့်၊ သားအရာခွင့်ကျေကြအောင်ပ၊ ငါဆရာမင်းဖေဘကို၊ ဦးချလှည့်အုံး....."
"ပြိုင်လိုလျှင် ပြိုင်လာတော့၊ ဆိုင်လာလျှင် ကြာမနှေးနှင့်၊ ရှုံးသူဟာ နှမပေးပါလို့၊ လိုသေးလျှင် ကိုယ်ပိုင်ယူမှ နိုင်တဲ့သူ ယောက်ဖကြီးပါဘဲ၊ ဇက်ပေါ်မှာဒေါက်ခွ စီးတဲ့ပြင် (ရီး)စုတ်ကြတမ်း"
ဤသို့ဆရာကြီးသည် ရွတ်ဆိုပြရင်း တဟဲဟဲရယ်မောနေပါတော့သည်။ ဤလိုစာချိုး စာချိပ်များကို မှတ်မိသေးသည်ကိုလည်း သူ့ဟာသူ အပြစ်တင်ချင်သလိုလို ရယ်မောခါ
"အသက်ကြီးပေမဲ့...... အဲဒီလို ညစ်ညစ်ပတ်ပတ် စာချိုးတွေကျတော့..... မှတ်မိ နေသဟေ့...... ပုထုဇဉ်စိတ်များ တယ်ဆိုးသကွာ" ဟုပြောဆို ရယ်မောနေပြန်လေသည်။
"ပြီးတော့..... မင်း.... မန်လည်ဆရာတော်က သူ့တူအရင်း ကသာ အင်္ဂလိပ်ကျောင်း သွားနေလို့ ဖာကျိုး သေဒါ၊ မသာပို့မဲ့လူ မရှိဖြစ်နေတာနဲ့ မသာဖိတ်စာ ရေးလိုက်ပုံကို ရော မင်းကြားပလား......"
"မကြားဘူးသေးပါဘူး..... ဆရာကြီးရဲ့ ....."
"ဟေ..... ဒီလိုတဲ့ကွ....."
"သေရိုးတဲ့မသေ၊
ကသာမှာ လူပျိုလုပ်တယ်၊
(ရီး)ပုတ်လို့သေ။ ။
သေသာသေ၊ သေပေ့စေငပြုံး၊
သည်မသာ လနာပုတ်ကို တူးမြှုပ်ကြအုံး"
သို့ဖြင့် ဆရာတပည့်နှစ်ဦးမှာ တရိပ်ရိပ်ပြေးလွှားနေသော ရထားပေါ်မှာ သာယာသော ရှုခင်း ပုံပြင်များကို တဘက်တွင် ရှုစားရင်း ရီစရာ မောစရာ မှတ်စရာ စာမျိုးများကို ရွတ်ဆို ပွဲကျ၍ နေပါတော့သည်။
ဆရာကြီးသည် ဤသို့သာ ဗန်းမော်ဆရာတော် မန်လည်ဆရာတော်တို့ စာချိုး ထိလှမိလှသည်များကို ရွတ်ဆိုပြခဲ့ရာ ဆရာကြီးကိုယ်တိုင် စာချိုးကောင်းခဲ့ပုံများကိုကား ဆိတ်ဆိတ်ပင် နေခဲ့ပါသည်။
ကျွန်တော် လေ့လာရသည့် ဆရာကြီး၏ စာချိုးများတွင် ကျွန်တော် အနှစ်သက်ဆုံး ဖြစ်ခဲ့သော စာချိုးကြီးတပုဒ်မှာ ကြာဋီကာဆောင်းပါးကြီးတွင် 'မယ်တင့်' နှင့် 'ဆရာမှိုင်း' တို့ တဦးနှင့်တဦး ပြိုင်ပြိုင်ဆိုင်ဆိုင် အလဲထိုးခဲ့ကြသော စာချိုးများ ဖြစ်ကြပါသည်။ ၎င်းတို့အနက် စာချိုးတပုဒ်မှာ.....
"ကောင်မလေးနှယ် - ရိုးပုံနှင့် လှသူရဲ့၊ တတောင်က မဝေးသဟယ်- တမျိုးတဖုံ ထပြန် ပေါ့၊ ဆိုးဂုဏ်မပြချင်နှင့် (တင်) ၏ သဘွယ် (မယ်တင့်ရယ်) ဟောသည် ပုဆိုးခပုံ မ,ပါလို့ ပြင်မိတယ်။
။ရန်မဖြစ်ချင်ဘုကွယ်တို့ရယ်၊ (သြော်) တရန်ဖြစ်ရပြန်ပေါ့၊ မာရ်စစ်သည် ဗိုလ်သေနင် တို့နှင့် ဗဟိုရ်မြေ ပလ္လင်ကို တိုက်စရာခဲသလိုပ၊ ကိုရွှေတင် ကြိုက်ရာက နွဲခဲ့ပေတော့၊ ပွဲမျာ့အလယ်မှာနော်ကွယ်၊ ရဲစ တကယ်။
။မင်းတို့ ဥာဏ်အမြင် တမိုက်တထွာမျှရယ်နှင့်၊ ငြင်းဘို့သန်လျှင် မိုက်ရာကျပါလိမ့်၊ စရိုက် သဘာဝရယ်တဲ့ ကျမ်းဂန်နယ်၊ အို...... မန်းသံထယ်ထယ်နှင့် မာနတက်စရာများ၊ (တင်တင်ရယ်) အရမ်းတယ် မဟယ်ဖြင့် ဗာလလက္ခဏာတပါး။
။မှိုင်းတဲ့နှော်၊ တိုင်းနဲ့ပြည်ကျော်ဘို့၊ ဖြေမနော် အဖက်ဖက်က စမ်းကြပါတော့၊ မပြေသော် တသက်နှင့် -နှစ်သက်တမ်းပါဘဲ၊ ထက်မန်းမဏ္ဍလာဘုံက၊ ဟံသာဒဂုန် အောက်နယ် တကြောတွင်မှ၊ ဓမ္မခန္ဓာအစုံကြောက်ဖွယ် သဘောတွေနှင့် ဥဏ်ဝစနာ အပုံမောက်မယ်လို့ ပြောကြပါစို့၊ (အမယ်မင်း) ဓမ္မောသထသူ့ အခြေရတနာတပါးပေမို့၊ ဟောရလိမ့် မကွဲ့- သုတေသနာ အများတို့ရဲ့ (အိုမယ်တင့်ရဲ့) စောဒကတို့ရဲ့ ထုချေလွှာတွေ သနားလှချည့်ရဲ့၊ သဘောမကျရှာတဲ့ ဥပဒေ ဘာဝနာသမားတွေနဲ့ (တင့်တင့်ကိုကွယ်) (Law) လောပြလို့ ယခု ဖြေစရာတွေ အများ....."

ဝိဓူရသခင်ချစ်မောင်-မှတ်တမ်းတင်သည်။
၂၄/၆/၅၃


[ဝိဓူရသခင်ချစ်မောင် ရေးသည့် 'ကမ္ဘာလှည့်သခင်ကိုယ်တော်မှိုင်း' စာအုပ်၊ ဒုတိယ နှိပ်ခြင်း၊ ၁၉၆၄-ခု စက်တင်ဘာမှ ကူးယူဖော်ပြသည်။]

Monday, July 28, 2008

ငတက်ပြားမဖတ်ရ
ရေးသူ- မိုးချိုသင်း


မိုးချိုသင်းမှတ်တမ်း ဘလော့ဂ်စာမျက်နှာကို ကြိုဆိုသောအားဖြင့် မာယာစာအုပ် အတွက် ရိုက်ထားသော စာမူကို အင်တာနက်မာယာက ထုတ်လွှင့်လိုက်ပါတယ်။


သူခိုးတယောက်နှင့် ပက်ပင်းတိုးဘူးပါသလား။ ရင်ဆိုင်ဘူးပါသလား။
ရင်ဆိုင်တိုးမိဘူးပါတယ်ဆိုလျှင် သူခိုးနှင့် တွေ့လျှင်တွေ့ခြင်း ဖြစ်ပေါ်လာသော ခံစားမှု နှင့် အဖြစ်အပျက်များကို နားထောင်ချင်ပါသေးသည်။ အဘယ့်ကြောင့်ဆိုသော် အခုတလော ကျွန်မတယောက် သူခိုးကြီး၊ သူခိုးလေးများကို စိတ်ဝင်စားမိသောကြောင့် ဖြစ်ပါသည်။
သူခိုးဆိုသည်မှာ သူတပါးပစ္စည်းကို မသိအောင်ခိုးသူဟု ကျွန်မ ငယ်စဉ်က ထင်မိ၏။ ယခု အသက်ကလေး မရတရ အရွယ်ရောက်လာတော့ ကျွန်မသိဘူးသော သူခိုးအဓိပ္ပါယ် သည် မပြည့်စုံမှန်း သိလာရပေသည်။ မသိအောင်ယူရုံလေးနှင့် သူခိုးဟု သတ်မှတ်ခြင်းသည် အသေးအဖွဲ ဖြစ်လာသည်နှင့်အမျှ သူခိုးအနက်အဓိပ္ပါယ် ခွဲခြားမတတ်တော့ပါ။


ထို့ပြင် သူခိုးကို စိတ်ထဲ၌ နှစ်မျိုးနှစ်စား ခွဲခြားထားပါသည်။ သူခိုးကြီးနှင့် သူခိုးလေး၊ သူခိုးလေးဆို၍ ချစ်စနိုး ခေါ်သည်ဟု မထင်ပါနှင့်။ အသက်ငယ်၍ ခေါ်သည်ဟု မထင်ပါနှင့်။ ကျွန်မ ဘယ်သူခိုးကိုမဆို မုန်းပါသည်။ အကောင်အထည်ကြီးကြီးသာ ယူလေ့ရှိသူများကို သူခိုးကြီးဟု သတ်မှတ်၍၊ အကောင်အထည်သေးသေးကိုသာ ယူလေ့ရှိသူများကို သူခိုးလေး ဟု ခေါ်ခြင်းဖြစ်ပါသည်။ ဒီနာမည်များမှာ ကျွန်မစိတ်ထဲတွင် ပေးထားသော နာမည်များသာ ဖြစ်ပါသည်။
သူခိုးများသည် ချိုပေါက်မနေကြပါ။ အမြီး တပ်မထားကြပါ။ ထို့ကြောင့် ဘယ်သူ သူခိုးမှန်း ကျွန်မ မသိပါ။ ယခု ဆိုလိုချင်သည်မှာ စာသူခိုး၊ ငွေသူခိုး၊ ပစ္စည်းသူခိုးဟူ၍ အမျိုးမျိုး ရှိသည့်အနက် စာသူခိုးကို မဆိုလိုပါ။ ငွေသူခိုး၊ ပစ္စည်းသူခိုး တို့ကိုသာ ရည်ရွယ်ပါ၏။
သူခိုးအကြောင်း စဉ်းစားမိလျှင် ငယ်ငယ်က တက္ကသိုလ်ထဲရှိ ပုဂံခြံဝင်းအတွင်း နေခဲ့စဉ် က သူခိုး ဖမ်းပုံကို ပြန်ပြီး အမှတ်ရ နေတတ်၏။
ပုဂံခြံဝင်းသည် တက္ကသိုလ်မှ ဆရာ၊ ဆရာမများ စုဝေးနေသော ခြံဝင်းကြီးဖြစ်ပါသည်။ ကျွန်မလဲ သည်မှာပဲ မွေးပြီး သည်ပုဂံခြံဝင်းမှာပဲ ချက်မြှုပ်ခဲ့တာဖြစ်၏။ ကျွန်မ၏ မွေးရပ်မြေ ပေါ့။ ထိုခြံဝင်းထဲမှ ဆရာ၊ ဆရာမများသည် ချစ်ချစ်ခင်ခင်ရှိလှ၏။ သိုက်သိုက်ဝန်းဝန်း အတူ ဝိုင်းဝန်းကူညီသော ဓလေ့ရှိကြသည်။ ချစ်စရာကောင်းလှသော ခြံဝင်းလေးပဲ ဖြစ်သည်။
တညမှာပေါ့။
လီလီဆိုသော ကောင်မလေးတယောက် သူခိုးကို စည်းဝိုင်းနားမှာ ကပ်နေတာ မြင်သွားခဲ့၏။ သူ့အကိုများ ဖြစ်သည့် ကိုရောဘတ်၊ ကိုသား တို့ကို နှိုးလိုက်ပြီး သူခိုး-သူခိုး ဟုဆိုကာ ဝိုင်းအော်ကြ၏။ ခြံဝင်းတခုလုံး တိတ်ဆိတ်နေသော ညမှာ လှုပ်ရှားလူးလွန့်လာ၏။ တုတ်တွေကိုင်ကာ အိမ်မှ အသီးသီးထွက်လာကြ၏။ ပွဲကြီးပွဲကောင်းပေါ့လေ။
ကလေးတွေကလည်း တက်တက်ကြွကြွနိုး နေကြ၏။ မိန်းမတွေကလည်း အားတက် သလိုလို၊ ကြောက်သလိုလို။ ယောက်ျားများကတော့ အလှုပ်ရှားဆုံးပါပဲ။ အိမ်အောက်တွေမှာ လည်း ရှာကြသည်။ စည်းဝိုင်း အနောက်မှာလည်း ကြည့်ကြ၏။ သစ်ပင်ကြီးကြီးမားမားကို လည်း ပတ်ကြည့်ကြ၏။
'ဘယ်မှာလဲကွသူခိုး'
ဟုလည်း ခပ်ကျယ်ကျယ် အသံပေးကြ၏။ တွေ့ပါပြီ။ အိမ်အောက်က မှောင်မှောင် မည်းမည်းထဲမှာပေါ့။ သူခိုးက ပုဆိုးကြီးခြုံကာ လူစုကို ကျောခိုင်းနေသည်။ သူခိုးကိုတွေ့ပြီဆို တော့ လူစုက စိတ်လှုပ်ရှားမှု အထွတ်အထိပ် တက်၏။ ဆရာမဒေါ်စိန်ရွှေ၊ ဆရာမဒေါ်တင် တင်ဌေး၊ ဆရာမဒေါ်လှလှတို့က မိန်းမသားပီပီ လန့်ကြ၏။
'အရမ်းမလုပ်ကြပါနဲ့'၊
'ညှာညှာတာတာ ပြောကြပါကွယ်'၊
'ဂါတ်ကိုသာပို့လိုက်ပါ'
ဟုဆိုကာ တားကြ၏။ ဘုရားစာ ရွတ်သူက ရွတ်သည်။ သို့သော် သူခိုးက တုတ်တုတ်မျှ မလှုပ်။
ဒီတော့လဲ ဆရာဦးလှဆောင်က ဦးဆောင်ဦးရွက်ပြုကာ အသံကျယ်ကျယ်နှင့်
'ဟေ့ သူခိုး မင်းကို ငါတို့ ပုဂံခြံဝင်းက ဝိုင်းထားပြီ၊ အေးအေး ဆေးဆေးထွက်ခဲ့ပါ'
ဟုအော်ပြော၏။
နောက်ကလဲ-
‘ဖြည်းဖြည်းလုပ်ကြပါကွယ်’
‘သွေးတွေသံတွေ မမြင်ရဲဘူး’
ဟူသော အသံတွေက ဟိုနေရာ၊ ဒီနေရာမှထွက်နေကြသည်။ ဦးဆောင်သူများက ဆရာဦးလှဆောင်၊ ဆရာဦးထွန်းမြင့်၊ ဦးဘကောင်းနှင့် ကိုသားတို့ပါ။ တကယ့်ကို ယောက်ျား ရင့်မကြီး တွေပါ။
သူခိုးက နည်းနည်းလှုပ်သွား၏။ ရှေ့သို့ ပိုတိုးသွား၏။ ဆရာဦးလှဆောင်က ခုနက အတိုင်း ထပ်အော်ပြန်၏။ သူခိုးက ရှေ့သို့သာ သည်းသည်းမည်းမည်း စိုက်ကြည့်နေပုံရ၏။ ရှေ့သို့ ထပ်တိုးသွားပြန်၏။
'မင်းကို ငါတို့ဝိုင်းထားပြီ၊ အေးအေးဆေးဆေး ထွက်ခဲ့ပါ'
ဟု ထပ်အော်သောအခါ သူခိုးဆီမှ အသံထွက်လာတော့၏။
'ဘယ်မှာလဲဗျ သူခိုးက၊ ကျွန်တော် ရောဘတ်ပါ'
'ဟေ-ရောဘတ်လား၊ မင်းဒီမှာ ဘာလုပ် နေတာလဲ'
'ကျွန်တော်က ဆရာတို့ နောက်ကနေ သူခိုးထွက်ခဲ့လို့ အော်တော့ ရှေ့မှာရှိတယ်ထင်ပြီး ရှေ့ကိုပဲ သည်းသည်းမည်းမည်းရှာကြည့်နေတာ'
ထိုအခါမှ တအုပ်လုံး ဝိုင်းရယ်ဖြစ်ကြ၏။ သူခိုးလိုက်သောသူကို သူခိုးဟုထင်ပြီး သည်းကြီးမည်းကြီး လုပ်နေရာ တကယ့်သူခိုးက လွတ်သွားလေပြီ။ ဒါတောင် ကံကောင်းပေလို့၊ ရောဘတ် ခေါင်းပေါက်သွားနိုင်သည်။
နောက်တခါတော့ ပုဂံခြံဝင်းမှ ပြောင်းလာပြီး အင်းစိန်ရောက်ချိန်ဖြစ်သည်။ ဒီအဖြစ် အပျက်ကတော့ နေ့လည်ခင်းကြီးမှာ သူခိုးကပ်တာပါ။ ထိုနေ့က စနေနေ့ခင်းကြီးဖြစ်၍ အိမ်၌ လူစုံ၏။ အိမ်ရှေ့မှာ အဖေနှင့် အဖေ့မိတ်ဆွေများ တအုပ်ကြီးထိုင်ကာ စကားပြောနေကြ၏။ ဖြစ်တာက အိမ်နောက်မှာပါ။ နောက်ဖေးမှာ အဝတ်တွေ၊ ထမီတွေလှမ်းထား၏။ ကျွန်မတို့လည်း အိမ်ရှေ့မှာ လူတအုပ်ကြီး ရှိတာပဲဆိုပြီး အိမ်ဘေးမှ ဝင်းတံခါးကို မပိတ် လိုက်မိပါ။
ကျွန်မတို့ အစ်မအကြီးဆုံးက နေ့လည်နေ့ခင်း အိပ်ရာမှ နိုးလာပြီး၊ အိပ်ချင်မူးတူးနဲ့ ထမင်းစားခန်းထဲ ဝင်လာရာ သူခိုးကို ပြတင်းပေါက်မှ လှမ်းမြင်လိုက်ရ၏။ သူခိုးက လူလဲတွေ့ရော လှန်းထားသည့်ထမီကို ကိုင်နေရာမှ လွှတ်ကာ ထိုင်ချလိုက်၏။ ပက်ပင်းမှ တကယ့်ကို ပက်ပင်းတိုးတာ ပါပဲ။ အစ်မလည်း ပထမတော့ အံ့သြနေရာက-
'ဟယ်-ဘာလုပ်နေတာလဲ၊ နေဦး၊ ခန ငါ လာခဲ့ဦးမယ်'
ဟု ပြောမိပြောရာ ပြောခဲ့ပြီး သူခိုးရှိရာ အပြင်ဘက်သို့ ထွက်သွား၏။ ထိုအခါ သူခိုး က သူ့ကိုလဲ ဘာမှမစွပ်စွဲရသေးခင်-
'မဟုတ်ဘူးအစ်မ၊ မဟုတ်ပါဘူး၊ ကျွန်တော် အိမ်သာ တက်ချင်လို့ပါ'
ဟု ပြောပြောဆိုဆိုငြင်းရင်း အိမ်ရှေ့တွင် တံခါးပေါက် ရှိသည်အထင်နှင့် အိမ်ရှေ့သို့ စွတ်ထွက်သွားရာ အဖေတို့လူအုပ်ကြီး စကားပြောနေသည်နှင့် ပက်ပင်းသွားတိုးတော့သည်။ ထိုအခါ သူခိုးက မထိန်းနိုင်တော့ သည့်ပုံစံနှင့် လက်နှစ်ဖက်ကို စုံခါပြပြီး (သူခိုးက ဗြောင်ညာတယ်နော်)
'ကျွန်တော် အိမ်သာတက်ချင်လို့ပါ'
ဟု ပုံစံ လုပ်ပြပါသည်။ ထိုအခါ အဖေက-
'ဟာ- ဒီနေရာမှာ တက်လို့ဘယ်ဖြစ်မလဲ လာ-လာ ကျွန်တော် အိမ်သာလိုက်ပို့ပေးမယ်' ဟုဆိုကာ သူခိုးကို အိမ်ထဲခေါ်လာပြီး အိမ်သာလိုက်ပြပါသည်။ ထိုအခါ အစ်မက သူခိုးအိမ်သာ ထဲဝင်နေတုန်း၊
'အဖေ- အဲဒါ သူခိုးအဖေရဲ့၊ ထမီရုတ်မလို့၊ လူမိသွားလို့ အိမ်သာတက်ချင်တယ် ပြောတာ'
'ဟေ ဟုတ်လား'
သူခိုးလည်း အိမ်သာ ကြာကြာမတက်လိုက်ပါ။ ပိတ်မိမှာစိုးလို့ ထင်ပါရဲ့ မြန်မြန်ထွက် လာပြီး-
'ကျေးဇူးတင်ပါတယ်ခင်ဗျာ' ဟုပြောဆိုပြီး တချိုးတည်း လစ်တော့၏။ (သူခိုးများသည် တခါတလေ ယဉ်ကျေးပုံရ၏)
အဖြစ်အပျက်ကတော့ သူခိုးကို အိမ်ထဲခေါ် သွင်းပြီး အ်ိမ်သာတက်ခိုင်းတဲ့ အဖြစ်အပျက်ပါပဲ၊ ဘုမသိဘမသိနဲ့ ဇာတ်ရေလည်တော့မှ ရယ်မဆုံးနိုင်တော့။ အဖေကလည်း ဧည့်သည်တွေက ဝင်လိုက်ထွက်လိုက်နဲ့ များနေတော့ ဒီအထဲက တယောက်ယောက်ထင်ပြီး အိမ်သာလိုက်ပို့မိသည်တဲ့။ သို့ပေမယ့် အဖေတို့ ဝိုင်းဖွဲ့နေသော စကားဝိုင်းထဲတွင် စုံထောက် ဝတ္ထုတွေရေးသော စာရေးဆရာအောင်ဇင် ရှိနေမှန်း သူခိုး မသိသွားရှာပါလေ။ သူခိုး ကံကောင်းသွားပေသည်။
နောက်တကြိမ်မှာတော့ သူခိုးကို အဖေနှင့် အမေတို့ ကျေးဇူးတင်ကြမည် ထင်ပါသည်။
ဆောင်းဦးပေါက်စကပေါ့။ ကျွန်မက ညဆိုလျင် 'ချမ်းတယ်-ချမ်းတယ်' ဟု အော်နေ တတ်ပါသည်။ အမှန်တော့ အသေအချာ ချမ်းခြင်းလည်းမဟုတ်ပါ။ အမေနှင့်အတူ အိပ်ချင်၍ ကြံဖန်နေခြင်း ဖြစ်ပါသည်။ ကျွန်မက အမေ့ကို ကပ်သူဖြစ်၍ အမေနှင့်ပဲ ကြီးတဲ့အထိ အတူအိပ်ချင် နေပါသည်။ ငယ်ငယ်ကဆိုလျှင် အမေအိပ်မှ လိုက်အိပ်သည်။ ကျွန်မက အိပ်ချင်ပြီး အမေက အပြင်မှာ အဖေနှင့်စကားပြော မပြီးနိုင်ပါက လာမအိပ်မချင်း ငိုပြီး ပူဆာနေတတ်သည်။ အသက် ၁၈ နှစ်ထဲဝင်ပါမှ-
'ငါ့ အလိုချည်းပဲ ကြည့်နေလို့မဖြစ်ဘူး....'
ဆိုကာ အမေနှင့် ခွဲအိပ်ခဲ့သည်။
ယခု ချမ်းတယ်ဆိုပြီး ကြံဖန်နေသော ကိစ္စမှာ မအောင်မြင်ပါ။ အမေကလည်း လာအိပ်ဖို့ မခေါ်ပါ။ အဖေကလည်း တခွန်းမှမဟပါ။ ကျွန်မလည်း အကြံကုန် လက်လျှော့ရမလို ဖြစ်ပြီး၊ နောက်တော့-
'ကိုယ့်ဖာကိုယ် စောင်ခြုံရင် မနွေးဘူး၊ အမေခြုံပေးမှနွေးတယ်၊ မေတ္တာခြုံပေးလို့ထင် တယ်'
ဟု အဖေနှင့် အမေရှေ့တွင် ချွဲသလိုလိုနှင့် ညည်းပြလိုက်ရာ အဖေက သနားသွားပုံရပါ သည်။
'အမေဘေးမှာ လာအိပ်လေ'
ဟုခေါ်ပါသည်။ ကျွန်မလည်း ဝမ်းအသာကြီးသာကာ ထိုနေ့ညမှာပဲ စောင်တွေ ခေါင်းအုံးတွေ ယူပြီး ကုတင်ရွှေ့လာခဲ့၏။
တညတော့ ဒီလိုပဲ အိပ်နေတုန်း အေးသလိုလိုဖြစ်၍ ဖျတ်ကနဲ နိုးလာ၏။ ခုတင်ခြေရင်း ပြတင်းပေါက် ပိတ်မိရဲ့လားဟု လှမ်းကြည့်လိုက်ရာ လား-လား၊ သူခိုးပါလား။ ပြတင်းနားမှာ ရပ်နေပါ၏။ ကျွန်မက ခြင်ထောင်ထဲကမို့ မြင်ရသည်။ သူခိုးက မြင်ပုံမပေါ်ပါ။ ကျွန်မတို့အိပ်နေ တုန်းက တရုတ်ကပ် တံခါးများ ပိတ်မထားမိပါ။ သူခိုးက အကြံထုတ်နေပုံရ၏။ စွတ်ကျယ်နှင့် ဖြစ်သည်။ ရုပ်ကိုတော့ ခြင်ထောင်က ထူနေ၍ မမြင်ရပါ။
ကျွန်မလည်း အမေ့ကို တိုးတိုးလေး နှိုးမိ၏။
'အမေ အမေ သူခိုးကပ်နေတယ်။ အော်လိုက်ရမလား'
အမေလည်း နိုးလာပြီး အဖေ့ကို နှိုးလိုက်မယ်ဟု ပြောပါသည်။ ကျွန်မက 'တိုးတိုးလေးနှိုးနော်အမေ၊ သူခိုးကြားသွားမယ်'
ဟုပြောရ၏။ သူခိုးက ကိုယ်ခြေရင်း အပြင်ဘက်မှာ မဟုတ်လား။
အဖေ့ကို နှိုးနေစဉ် သူခိုးက အသံကြား၍ ထင်ပါသည်။ လှုပ်ရှားစပြု၏။ ထိုအခါ ကျွန်မ လည်း အိမ်ရှင်သိမှန်း သူခိုးသိအောင် အဖေ့ကို စောင့်မနေနိုင်ပဲ-
'သူခိုး သူခိုး'
အော်လိုက်ပါသည်။
ဒါပေမယ့် ထုံးစံအတိုင်း သူခိုးလွတ်သွားပါသည်။
မည်သို့ပင်ဆိုစေ ကျွန်မကတော့ ထိုပြတင်းပေါက်ကို လန့်နေမိ၏။ မကြုံဖူးသဖြင့် ထိတ်နေမိ၏။ ညဆို ထိုပြတင်းပေါက်ကို မကြည့်ရဲပေ။
'ဒီ ပြတင်းပေါက်ကိုကြောက်တယ်၊ ဝေဒနာပြတင်းပေါက်ပဲ'
ဟု ကျွန်မပြောတော့ အဖေရော အမေပါ-
'ကိုယ့်ကုတင် ကိုယ်ပြန်အိပ် ပေါ့'
ဟု လိုလိုလားလား တိုက်တွန်းကြ၏။ ကျွန်မကတော့ တည့်တည့်ပြောမှ အရိပ်မြင်ရုံ သာ ရှိသော သူပါပင်။ ဒီလိုနဲ့ပဲ စောင်ကြီး တရွတ်တိုက်ဆွဲကာ ပြန်လာခဲ့ရသည်။
ငယ်ငယ်က ရွှေသွေးတို့ တေဇတို့ထဲမှာ ပုံဆွဲထားသော သူခိုးများသည် မျက်လုံး နေရာကလေးများတွင်သာ အပေါက်လေးများ ဖောက်ထားသော၊ အဝတ်နက်များ စည်းထား ကြသည်။ ယခုခေတ် သူခိုးများမှာ အဝတ်နက်များ မစည်းတော့မှန်း သူခိုးနှင့်ကိုယ်တွေ့ ကြုံဖူးသဖြင့် သိပါပြီ။ တချို့ သူခိုးများကတော့ သူခိုးတို့အား အထင်မသေးစေရန် ဝတ်ကောင်း စားလှများ ဝတ်ဆင်တတ်သေးသည် ထင်၏။
ဒါပေမယ့် ဘယ်သူခိုးမဆို မကောင်းစားနိုင်ပါဟု ကျွန်မယုံကြည်မိ၏။ အချီကြီးရလို့ ကောင်းစားလှသည်လည်း ဒီတသက်ပေါ့။ ဒါတောင် သူနှင့်ထိုက်သော ပြစ်ဒဏ်ကိုတော့ လှလှကြီး ခံရမည်ပင်။
လိပ်ပြာ မလုံသူများ သာဓုခေါ်နိုင်ကြစေသတည်း။

[မြားနတ်မောင်၊ ၁၉၉၁ခု၊ သြဂုတ်လ]
မိုးချိုသင်းရဲ့ ရင်တွင်းဖြစ်ဝါကျများကို စုစည်းတင်ဆက်ထားတဲ့ 'မှန်တင်ခုံပေါ်က နှင်းဆီ ပွင့်' စာအုပ်မှ ကူးယူဖော်ပြပါတယ်။
မာယာစာအုပ်တွင် ဖော်ပြရန် ရိုက်ထားပြီးမှ စာအုပ်မာယာ မထွက်နိုင်တော့သဖြင့် မဖော်ပြလိုက်ရသော ဒီဝတ္ထုကို "မိုးချိုသင်းမှတ်တမ်း" ကို ကြိုဆိုသောအားဖြင့် အင်တာနက်သို့ ထုတ်လွှင့်လိုက်ပါတယ်။

Saturday, July 26, 2008

အိပ်မက်ထဲမှာပဲလွမ်းတော့မယ်
ရေးသူ- လူထုစိန်ဝင်း




အဝေးရောက်နေတုန်းက လွမ်းအိပ်မက်တွေ အများကြီးမက်ခဲ့ရတယ်။ ကိုယ့်အိုး၊ ကိုယ့်အိမ်၊ ကိုယ့်ရပ်ရွာနဲ့ ဝေးရာဒေသကို ရောက်နေရသူတိုင်း ကိုယ်ငယ်ငယ်က နှစ်သိမ့် ကြည်နူးရတဲ့ လွမ်းစရာလေးတွေကို တတမ်းတတဖြစ်ပြီး လွမ်းမောတသ နေခဲ့ကြရတာ သဘာဝပဲ မဟုတ်လား။
နှစ်ရှည်လများ အကြာကြီးနေခဲ့ရသူများ အဖို့တော့ ဆယ့်နှစ်လ ရာသီစလုံး လတွေ ရက်တွေကို လက်ချိုးရေတွက်ပြီး လွမ်းနေ တမ်းတ နေကြတာချည်းပါ။ ရာသီစက်ဝန်းက ချားရဟတ်လို လည်ပတ်နေရတာနဲ့အတူ ကိုယ်ပါမိန်းမောပြီး လွမ်းအိပ်မက်တွေ မက်လို့ မဆုံးပေါ့။


သင်္ကြန်ရောက်တော့လည်း အော်-သင်္ကြန်တကြိမ် ရောက်ခဲ့ပြန်ပြီကိုး ဆိုပြီး "တူးပို့.......တူးပို့" အသံလေးတွေ နားထဲမှာ ကြားယောင်လာခဲ့ရ ပြန်ပါတယ်။ သီတင်းကျွတ်၊ တန်ဆောင်မုန်း ရောက်ပြန်တော့လည်း "တန်ဆောင်မုန်းမှာ မောင်ဖုန်းမလာတော့" ဆိုတဲ့ သီချင်းလေး ညည်းမိကြ ပြန်တာပါပဲ။
လွမ်းအိပ်မက်တွေထဲမှာ အလွမ်းတကာ့ အလွမ်းဆုံးကတော့ သင်္ကြန်နဲ့ တန်ဆောင်တိုင်.........။
ငယ်ငယ်က သင်္ကြန် ညတညမှာပေါ့။
ဈေးချိုနားက "ရေနန်းသူဇာ" ဆိုတဲ့ မဏ္ဍပ်ကလေးရှေ့မှာ ထိုးရပ်ထားတဲ့ ဂျစ်ကားပေါ်က လူငယ်လေးတစု။ သန်းခေါင်ကျော် တချက်တီးလောက် ဖြစ်ပေမယ့်လို့ မဏ္ဍပ်ပတ်လည်မှာ လူအုပ်ကြီးက ဝိုင်းလို့။ စင်ပေါ်က အဝါရောင် တူညီဝတ်စုံနဲ့ မိန်းမပျိုလေး တွေကလည်း "ရေနန်းသူဇာ"သီချင်းနဲ့ ကနေလိုက်ကြတာ လှပါပေ့။ ယဉ်ပါပေ့။ ဂျစ်ကား ပေါ်က လူငယ်တသိုက်ကလည်း ရေနန်းသူဇာတွေနဲ့အတူ ဆိုင်းချက်အတိုင်း လိုက်ကနေ ကြတာများ ကွေးလို့။ သီချင်းတပုဒ်ဆုံးသွားတော့လည်း "ကပါဦးဗျို့" ဆိုတဲ့ ပရိသတ်ကြီးရဲ့ အားပေးသံနဲ့အတူ နောက်တကျော့။ နောက်တကျော့.........။
မဆုံးနိုင်တဲ့ နောက်တကျော့တွေလေ။
ဒီလိုနဲ့ပဲ သင်္ကြန်ဇာတ်လမ်းလေးတွေ ဖြစ်တည်လာခဲ့ကြတာ ထင်ပါရဲ့။
"ဆီမီးရောင်ရှိန် ထိန်ထိန်လင်းတဲ့ သီတင်းကျွတ်တော့မည်။ သီတင်းကျွတ်တော့မည်" နောက်ထပ် လွမ်းအိပ်မက်ထဲမှာတော့ ပွဲသဘင်တွေ ချိမ့်ချိမ့်သဲနေတဲ့ ရွှေမန္တလေး ညတည။
စက်ဘီးကိုယ်စီနဲ့ လူငယ်တသိုက် ပါးစပ်က တဟူးဟူးနဲ့ အငွေ့တွေ ထွက်အောင် ချမ်းလှတဲ့ အချမ်းကို အံတုပြီး စက်ဘီးကို ခပ်သွက်သွက် နင်းလာခဲ့ကြတယ်။ သွက်သွက် နင်းခဲ့ကြပေမယ့် ခရီးကမတွင်လှဘူး။ လမ်းတိုင်း လမ်းတိုင်းမှာ ရှိနေတဲ့ ဇာတ်စင်တွေ၊ အငြိမ့်ပွဲတွေကို ရှောင်ပြီး ဟိုကွေ့ ဒီချိုးနဲ့ သွားကြရတာကိုး။ ဘုရားသုံးဆူပွဲကနေ ၄၅ တာကို ရောက်အောင် ၁ နာရီလောက်ကြာအောင် နင်းခဲ့ကြရတယ်လေ။ လမ်းမှာ အောင်ကျော်ညွန့် ဇာတ်ပွဲတို့ ညိုညိုဆန်း အငြိမ့်တို့ကိုလည်း ခဏလေးဝင်ပြီး ငေးခဲ့ကြသေးတာကိုး။ အမာက နောက်ထွက်မင်းသမီး ဆိုတော့ သူတို့ အလောတကြီး နင်းဖို့ မလိုဘူးပေါ့။
၄၅ တာကို ရောက်တော့ ရှေ့ထွက်မင်းသမီးက က, ကောင်းတုန်း။ အဲဒါကြောင့် ပွဲဈေးတန်းက "ဝါဝါဝင်း" အကြော်ဆိုင်မှာ ဝင်ထိုင်ကြတယ်။ ရေမုန့်နဲ့ အကြော်စုံမှာပြီး နံနံပင်တွေ တထွေကြီးနဲ့ စားရတဲ့ အရသာကို အိပ်မက်ထဲမှာတောင် သွားရေကျမိတယ်။ ရေမုန့်တခု ၁၅ ပြား၊ အကြော်စုံတပွဲ ပြား ၅ဝ နဲ့ စားလိုက်ကြတာ ဘယ်နှစ်ခု ဘယ်နှစ်ပွဲ ကုန်သွားသလဲ မသိဘူး။ ၆ ကျပ်တောင် ရှင်းလိုက်ရတယ်။ တဖူးဖူးနဲ့ မှုတ်သောက်ရတဲ့ ခပ်ပေါပေါ ရွက်ကြမ်းလက်ဖက်ခြောက် ခပ်ထားတဲ့ အဖန်အိုးဆိုတာ ပြောမနေနဲ့တော့ တအိုးပြီးတအိုး ထည့်မလောက်ပဲ။
ပွဲက,နေပြီ ဖြစ်ပေမယ့် ပွဲဈေးတန်းက စည်ကောင်းတုန်းပဲ။ အမာစိန် မထွက်မချင်းတော့ အကြော်ဆိုင်တွေမှာပဲ ထိုင်နေကြမှာပေါ့။ အကြော်ဆိုင်ထိုင်ရင်း၊ သင်္ကြန်တုန်းက မျက်လုံးချင်း ဆုံခဲ့ကြတဲ့ ရေနန်းသူဇာက မွေ့ယာတန်းသူလေးနဲ့ ပြန်တွေ့ချင်လည်း တွေ့မှာပဲလေ။ ရွှေဆိုင်တန်းက အသိုက်ကလည်း ရှမ်းပွဲမှာ နေတာဆိုတော့ ရောက်ချင်ရောက်လာမှာ။ ဘယ်သူနဲ့ တွေ့တွေ့ မျက်နှာလုပ်ဖို့ "ခဲလန်ချောင်း" နှစ်ချောင်း သုံးချောင်းတော့ ဝယ်ဦးမှ။
ရှေ့ထွက်မင်းသမီးကလည်း ဝင်ခဲလိုက်တာနော်။ အမာ့ကို ကြည့်ချင်လှပြီ။ ဟောဟိုနားမှာ မုန့်ပေါင်းသည်ပါလား။ မုန့်ပေါင်းနဲ့ ဘယာကျော်လေး စားကြဦးစို့ရဲ့။ အမာမှ မထွက်သေးတာ။ ဗိုက်တင်းအောင် ဖြည့်ထားကြမှ ကောင်းမယ်။ အမာထွက်လာရင် သီချင်းတွေ လိုက်အော် ဆိုရတာနဲ့ မောနေကြမှာ။ မျှော်ရတာ မောလှပါလား အမာရယ်။ တက္က သိုလ်ဝင်း တယောက် ခုလောက်ဆို အငြိမ့်စင်နောက်မှာ ရောက်နေရော့ပေ့ါ။ သူ့နားသွားလိုက် ကြရင် ကောင်းလေမလား။ နေပါစေတော့လေ။ အနှောက်အယှက် မပေးတော့ပါဘူး။ အမာ ထွက်မှပဲ ကြည့်နေကျ အငြိမ့်စင်ထောင့် သွားပါတော့မယ်။
အိပ်ပျော်နေတဲ့ သူ့ရဲ့ မျက်လုံးထဲက မျက်ရည်လေးတစက် ပါးပြင်ပေါ်ကို လိမ့်ဆင်း လာတယ်။
"မြိုင်မြိုင် ဆိုင်ဆိုင်၊ မြိုင်မြိုင် ဆိုင်ဆိုင် လတန်ဆောင်တိုင်"
နောက်တကြိမ် လွမ်းအိပ်မက် မက်တော့ စစ်ကိုင်းတောင်ရိုးက "ပုညရှင်" ရင်ပြင် ပေါ်မှာလေ။
ရင်ပြင်ပေါ် ရောက်အောင် မနည်းကြီး တိုးဝှေ့လာခဲ့ကြရတာ။ လေတဟူးဟူးနဲ့ ဆောင်းတွင်းကြီးတောင် ချွေးတွေရွှဲ နစ်နေတာပါပဲ။ ရင်ပြင်က ခပ်ကျဉ်းကျဉ်းမှာ လူတွေက ကြိတ်ကြိတ်တိုးနေတာပဲ။ မြို့မက ရောက်နှင့် နေပြီကိုး။ သူတို့အဖွဲ့က အဖိတ်နေ့ မနက် အစောကြီး ကတည်းက ရွှေဆိုင်တန်း ကထိန်အဖွဲ့ သင်္ဘောနဲ့ လိုက်ခဲ့ကြတာဆိုတော့ ခပ်စောစော တီးမှုတ်ကခုန် နေကြပြီပေါ့။ ရွှေမန်းဆောင်သူတွေကို စောင့်ရတာနဲ့ ညနေစောင်းမှ စစ်ကိုင်းဖက် ကူးဖြစ်ကြတာဆိုတော့ ရှင်ဖြူရှင်လှနားက ချောင်မှာ နေရာ ချထား။ ရေဦးတိုက်သစ်ထဲက စတုဒီသာမှာ ထမင်းဝင်စားပြီးမှ တက်ခဲ့ကြတာဆိုတော့ မိုးချုပ်စ ပြုနေပြီလေ။ မိန်းကလေးတွေနဲ့ သွားရတာ မဟန်ပါဘူး။ အမြဲတမ်း စောင့်နေရတာ ချည့်ပဲ။
ချောင်ကနေ ထွက်လာပြန်တော့လည်း ဖြောင့်ဖြောင့်တန်းတန်း လိုက်ခဲ့ကြတာ မဟုတ်ဘူး။ လမ်းတလျှောက် ချောင်တွေရှေ့မှာ စတုဒီသာ ချကျွေးထားတဲ့ ဇီးဖြူသီးစိမ်နဲ့ ငပိကျော်ကို ရပ်ပြီး စားလို့စား။ ဖျော်ရည်လုသောက်လို သောက်နဲ့၊ စိတ်ညစ်စရာကြီး။ ဒါပေမယ့် စိတ်ညစ်စရာကြီးက ပျော်ဖို့တော့ အကောင်းသား။
အိပ်ပျော်နေတဲ့ သူ့ရဲ့ မျက်လုံးထဲက မျက်ရည်လေးတစက် ပါးပြင်ပေါ်ကို လိမ့်ဆင်းလာ တယ်။
"ပုညရှင်"နဲ့ မလှမ်းမကမ်း ကတည်းက မြို့မအဆိုကျော် ကိုသန်းမောင်ရဲ့ အသံကို ကြားနေရတယ်။ အကော်ဒီယံ တီးနေတာက ဘယ်သူပါလိမ့်။ အမယ် ရွှေဆိုင်တန်းအသိုက်က ဒီမှာလာပြီး ကနေကြတာကိုး။ မြို့မနဲ့ ရွှေဆိုင်တန်း၊ ရွှေဆိုင်တန်းနဲ့မြို့မ။ ဒီမောင်နှမတွေက ခွဲလို့ရတာမှ မဟုတ်တာကလား။ ရွှေမန်းဆောင်သူတွေကို ဝင်ကပါလားလို့ ဇွတ် အတင်းတွန်း လွှတ်ပေမယ့်၊ က, ချင်ရက်နဲ့ ဟန်လုပ်နေကြတယ်လေ။ တက္ကသီလာ မြကျွန်းသာသူတွေ ဆိုတော့လည်း ဟန်က အများသား။
ရွှေမန်းဆောင်သူ အသိုက်ထဲမှာ ဟယ်လင်ရှိန်းကိုမြင်တော့ မြီု့မအစ်ကိုတွေက ဇွတ်ဆွဲ ခေါ်ကြတာနဲ့ တက္ကသိုလ်နန်းသီချင်းကို ဝင်ဆိုလိုက်တော့၊ ဟန်လုပ်နေတဲ့ အဆောင်သူတွေ ရွှေဆိုင်တန်းသူတွေနဲ့ ရောပြီး ဝင်ကကြလေတော့တယ်။
မကချင်လို့သာ တော်တော့တယ်။ ည ၁၁ နာရီ ထိုးတာတောင် က, လို့မဝ ကြသေးဘူး လေ။ ချောင်လည်ချောင်ပတ် မလုပ်ရသေးလို့ အတင်းဆွဲခေါ်မှ မလိုက်ချင်လိုက်ချင်နဲ့ လိုက်လာခဲ့ကြပေတယ်။ သစ်သီးတန်းက အစ်မကြီးတွေက ကြာဇံဟင်းနဲ့ မယ်ဇလီဖူးသုပ် လာစားဖို့ ခေါ်ထားတာ သွားကြရဦးမယ်လေ။ ရေဦးတိုက်သစ်က ကျွေးလိုက်တဲ့ ညနေစာက အစာကျေကုန်ပြီမို့ ဆာလည်း ဆာကြပြီ မဟုတ်လား။
လမ်းတလျှောက်မှာ လက်နှိပ်ဓါတ်မီး တဝင်းဝင်းနဲ့ ပန့်သကူပစ်ထားတာ လိုက်ရှာနေတဲ့ လူတွေလည်း နည်းတာမဟုတ်ဘူး။ ငါးကျပ်တန်ရတဲ့ သူနဲ့ တဆယ်တန်ရတဲ့သူနဲ့။ သန်းခေါင်မတိုင်မီ ကထိန်မရသေးတဲ့ကျောင်းမှာ မိုးကျ ကထိန်ခင်းဖို့ အောက်လင်းဓာတ်မီးကြီး တွေ ဆွဲပြီး တချောင်ဝင် တချောင်ထွက် လိုက်မေးနေကြတဲ့ အုပ်စုတွေလည်း အများကြီးတွေ့ရ တယ်။ ရိုးသားဖြူစင်တဲ့ အလှူရှင်တွေမို့ ကြည်ညိုစိတ်တွေ ဖြစ်ရသေးတယ်။
သီချင်းတွေ ဆိုလိုက်ကြ။ တဖွဲ့နဲ့တဖွဲ့ နှုတ်ဆက်လိုက်ကြ၊ လမ်းမှာ တန်းလျားခုံတွေပေါ် လင်ပန်းတွေ ဇလုံတွေနဲ့ ထည့်ပြီးကျွေးကြတဲ့ မုန့်ပဲသရေစာတွေ၊ လက်ဖက်သုပ် ဂျင်းသုပ် ဆိုတာတွေလည်း တွေ့သမျှ တခုမှ အလွတ်မပေးပဲ ပလုပ်ပလောင်း ဝင်လွေးကြတာ ပျော်စရာကြီး။
အိပ်ပျော်နေတဲ့ သူ့ရဲ့ မျက်လုံးထဲက မျက်ရည်လေးတစက် ပါးပြင်ပေါ်ကို လိမ့်ဆင်းလာ တယ်။
အင်း...... ဘာလိုလိုနဲ့ ရွှေမန္တလေးကို ပြန်မရောက်ဖြစ်တာ နှစ်ပေါင်း နှစ်ဆယ်တောင် ရှိသွားပြီ။ အဝေးက ပြန်ရောက်စ တခေါက် အမေ့အိမ် ပြန်ဖြစ်ပြီးတဲ့နောက် မရောက်တော့ဘူး။ ကိုယ်တခြမ်းသေနေတဲ့ ဒုက္ခိတ ဖြစ်နေတာကိုး။
ဘာဖြစ်ဖြစ် ရောက်အောင် သွားမယ်ဆိုပြီး မနှစ်က ဇန်နဝါရီမှာ လေးချောင်းထောက် အားကိုးနဲ့ မာန်တင်းပြီး အရောက်သွားခဲ့တယ်။
အိပ်မက်နဲ့ လွမ်းခဲ့ရတဲ့ မန္တလေး။ အဝေးက လွမ်းခဲ့ရတဲ့ မန္တလေး။ အမေ့အိမ် ရှိတဲ့မန္တလေး။ ကိုယ်ချစ်တဲ့မန္တလေးလေ။
ပွဲဈေးတန်းသွားပြီး ရေမုန့်နဲ့ ပဲစိမ်းကြော်အလုံးလေးတွေကို နံနံပင် တထွေးကြီးနဲ့ အားရပါးရ စားလိုက်မယ်ပေါ့။ မုန့်ပေါင်းနဲ့ ဘယာကြော် အဝစားလိုက်မယ်ပေါ့။ အလည်ပေါက်က မြီးရှည် ထမင်းလွတ် စားလိုက်မယ်ပေါ့။ မနက်စောစော ဗန်းနဲ့ရွက်ပြီး ရောင်းတဲ့ ပုဏ္ဏားမအကြော်သည်ဆီက၊ ပုဇွန်စာရွက်ကြော်နဲ့ လက်သန်းလောက် အချောင်း ကလေးတွေနဲ့ ကြော်ထားတဲ့ ဘူးသီးကြော်ကို မုန့်ပြားသလက် အဖြူနဲ့ စားလိုက်မယ်ပေါ့။
ညမှောင်ရီဝိုးဝါးမှာ အဲမန်း (Air Mandalay) က ဆင်းလိုက်တာနဲ့ ကိုယ်ပြန်လာပြီ မန္တလေးရေ..... လို့ စိတ်ထဲက ရေရွတ်လိုက်တယ်။ ပုပ်ရဟန်းမင်းကြီး သူ့ ဇာတိ ပိုလန်နိုင်ငံကို ပထမအကြိမ်ပြန်ရောက်တော့ လေယဉ်ပေါ်က ဆင်းလို့ မြေကြီးပေါ် ခြေချမိတာနဲ့၊ မြေကြီးကို နဖူးနဲ့ ငုံ့ပြီး ထိခဲ့တာကို အမှတ်ရလိုက်မိသေးတယ်။
ချမ်းမြသာစည်လေဆိပ်က အရင်လိုမဟုတ်တော့ဘူး။ အဆောက်အဦးသစ်ကြီး ဖြစ်နေပြီ။ ထွန်းလှဟိုတယ် ဆိုင်လေးနေရာရောက်လို့ လှည့်ကြည့်လိုက်တော့ မရှိတော့ဘူး။ သင်္ခါရကိုး။ ဦးလေးဦးထွန်းလှတောင်မှ မရှိတော့တာပဲ။ လေဆိပ် အဆောက်အဦ ထဲက ထွက်လာတော့ မြောင်းကူးတံတားလေးကို တွေ့ရတယ်။ အံ့သြလိုက်တာ။ ဒီတံတားလေး ကတော့ ဘာမှ မပြောင်းလဲဘူး။ အရင်တုန်းက ပုံစံအတိုင်းပဲ။ အိပ်မက်ထဲက အတိုင်းပဲ။ လွမ်းခဲ့ရတဲ့ အတိုင်းပဲ။ ဟိုးရှေ့တုန်းကလည်း ဆေးဖြူလေးသုတ်လို့။ စက္ကူပန်းပင်တွေ အုပ်ဆိုင်းလို့။
ဒါပေမယ့် လေဆိပ်ဝင်း အပြင်ရောက်ပြီး ကားထွက်လိုက်တာနဲ့ တအံ့တသြ ဖြစ်ရတော့တယ်။ ဒါတွေက ဘာတွေလဲ ဆိုတော့ ကျွဲဆည်ကန်တဲ့။ ဆင်ဖြူကန်ရော လို့ဆိုတော့ မရှိတော့ဘူးတဲ့။ ဆင်ဖြူကန်နေရာဟောင်းကို ရောက်တာနဲ့ အလိုလိုနေရင်း ခေါင်းက အရှေ့ဖက်ကို လှည့်သွားတယ်။ မန်းတက္ကသိုလ် ပင်မဆောင်ကြီးကို လှမ်းကြည့် မိတယ်။ ဘာမှ မတွေ့ရဘူး။ မန္တလေးတက္ကသိုလ် ဘယ်နေရာမှာလဲမေးတော့ ဟိုမှာလေလို့ ဆိုပြီး တောင်မြောက်တန်းနေတဲ့ အဆောက်အဦသစ်ကြီးတခုကို လက်ညှိုးထိုးပြကြတယ်။ အော်.......နှစ်တွေ ဒီလောက်ကြာမှတော့ ပြောင်းလဲကုန်ပြီပေါ့လို့ သတိထား လိုက်ရတယ်။
ဆင်ဖြူကန်မှာ အဘ(အဖိုး) ရှိတယ်။ ဒါကြောင့် စိတ်နဲ့ပဲ မှန်းပြီး ကန်တော့လိုက် ရတယ်။ တရုတ်ကားတွေထဲကလို ဘိုးဘွားတွေကို 'တာဝန်မကျေဘူး။ ကျွန်တော် သေသင့် ပါတယ် အဘရယ်' လို့ စိတ်ထဲက ပြောလိုက်မိတယ်။
မန္တလေးမှာ ၉ ရက်ကြာခဲ့တယ်။ ကိုယ့်အိမ်ကိုယ့်ရာ ပြန်လာတဲ့ လူတယောက်နဲ့ လုံးလုံးမှ မတူဘူး။ မရောက်ဖူးတဲ့နေရာ တနေရာကို ရောက်သွားရတဲ့ လူစိမ်းတယောက်လို ခံစားနေရတယ်။ ဘယ်ကိုသွားသွား ဒါ ဘယ်ရောက်နေတာဘဲ။ ဘာရပ်ကွက်လဲလို့ မေးရတာချည်းပဲ။ အဆောက်အဦကြီးတွေဆိုတာများ ဟိန်းနေတာပဲ။ ဈေးချိုတော်ကြီးဆို တာလဲ ကားနဲ့ပတ်ကြည့်ရင်း "အားပါးပါးကြီးမှကြီး" လို့ မော်လမြိုင်လေ သံနဲ့ ရေရွတ် လိုက်မိသေးတယ်။ အလယ်ပေါက်က မြီးရှည်ဆိုင်လေးကို ဘယ်မှာ ရှာရပါလိမ့်။ မြို့သစ်ဆိုတာ ရောက်တော့လည်း စံအိမ်တော်ကြီးတွေ တထီးတနန်းပါပဲ။ အုတ်နံရံ မြင့်မြင့်ကြီးတွေနဲ့ စံအိမ်တော်ကြီးတွေ ကြည့်ပြီး ရှေးကရှံဟဲ မြို့တော်က မိသားစု မျိုးဆက်တွေ လေးငါးခြောက် ဆက် စုနေကြတဲ့ အိမ်တော်ကြီးတွေကို ပြေးမြင်လိုက်မိတယ်။
ဘိုးစဉ်ဘောင်ဆက် သုံးလေးဆက်မက ရွှေရောင်းလာခဲ့ကြတဲ့ ရွှေဆိုင်တန်းက အမျိုးတွေ သွားတွေ့တော့လည်း ဆိုင်မထွက်ကြတော့ဘူး။ ပင်စင်ယူလိုက်ကြပြီတဲ့လေ။ ဇရာနဲ့ မန္တလေးသစ်နဲ့ ဘယ်မှာ လိုက်ဖက်တော့မှာလဲ။ မန္တလေးသစ်။ တိုက်တွေအသစ်။ လူတွေအသစ်။ အားလုံးသစ်တဲ့ မန္တလေးသစ်။
မသစ်တာဆိုလို့ အမေ့အိမ်လေးတအိမ်ပဲ ရှိတယ်ထင်ရဲ့။ ရှေးက နှစ်ထပ်တိုက်ကလေး အတိုင်းပဲ ဘာမှအပြောင်းအလဲ မရှိဘူး။ ဧည့်ခန်းလဲ ရှေးကအတိုင်း။ ထမင်းစားခန်းလဲ ရှေးကအတိုင်း။ အိမ်ထဲ အထားအသို အားလုံး ဘာမှမပြောင်းလဲဘူး။ ရှေးကထားမြဲအတိုင်းပဲ။ တော်ပါသေးရဲ့ ကိုယ်ရင်းနှီးကျွမ်းဝင်နေတဲ့ နေရာလေးတခု ရှိနေသေးပေလို့။
နို့မို့ရင်တော့ ကိုယ့်မြို့ကိုယ့်ရွာမှာ တစိမ်းတယောက်လို ဖြစ်နေရတယ်။ ကိုယ်ကလဲ ဘယ်သူ့မှ မသိဘူး။ ကိုယ့်ကိုလဲ ဘယ်သူကမှ မသိကြဘူး။ ဘုရားကြီးထဲမှာ လူတွေဆိုတာ ကြိတ်ကြိတ်တိုးနေတာပဲ။ ဒါပေမယ့် ကိုယ့်ကို နှုတ်ဆက်မယ့် သူတယောက်မှ မရှိဘူး။ ရှေးကများ ဘုရားကြီးသွားရင် ဟိုဘကြီးနဲ့ တွေ့လိုက် ဒီကြီးတော်နဲ့ တွေ့လိုက်။ ဟိုမိတ်ဆွေနဲ့ တွေ့ စကားပြောလိုက်နဲ့ ဘုရားကြီးရှေ့အတော်နဲ့ မရောက်နိုင်ဘူး။ ကိုယ်က ဘောလုံးလဲကန်ခဲ့ ဖူးတာဆိုတော့ ဘုရားကြီးရောက်လို့ကတော့ ဦးဇင်းတွေက သူတို့ ကျောင်းခေါ်ခေါ် သွားပြီး ကျွေးတာမွေးတာ စားရတာနဲ့ တနေကုန် ခဲ့တာချည်းပဲ။
ခုတော့လည်း တစိမ်းတွေလိုပါလား မန္တလေးရယ်လို့ ရင်နာနာနဲ့ ရေရွတ်မိတယ်။ ကိုယ်ကမန္တလေးကို မသိသလို မန္တလေးကလည်း ကိုယ့်ကို မသိတော့ဘူးလေ။ ဝမ်းနည်း ကြေကွဲမိပါရဲ့။
ရန်ကုန်မပြန်ခင် ပွဲဈေးတန်းလေးတော့ လျှောက်ချင်ပါရဲ့လို့ ပြောတော့ ဧည့်ဝတ်ကျေမြဲ မန္တလေးသားတွေက ကားတစင်းနဲ့ လိုက်ပို့ ကြတယ်။ ပွဲလိုက်ရှာကြတယ်လို့ ပြောမှ မှန်ပေလိမ့်မယ်။ ရှေးက ဒီလို ဘုရားပွဲ ရာသီမျိုးမှာဆို ဘယ်လမ်းသွားသွား ပွဲခင်းတွေ ခလုတ်တိုက် မတတ်ပေါ့။ ခုတော့ အငြိမ့်မြို့တော်၊ ဇာတ်မြို့တော်၊ သုခုမမြို့တော်ကြီး မှာ ပွဲရှာရတာ တလည်လည်နဲ့။
အမာရေ ရွှေမန္တလေးကို ပြန်ကြည့်ပါဦး။
ဟိုမေးဒီမေးနဲ့ နောက်ဆုံးတော့ ဘုရားကြီးတောင်ဖက် မြို့ဟောင်း နားက ဦးပွါးဘုရား မှာ ပွဲရှိတယ်ဆိုလို့ ရောက်ခဲ့ကြတယ်။ မှိတ်တုတ် မှိတ်တုတ် မီးရောင်လေးတွေကြားမှာ ဇာတ်ပွဲတခုကို တွေ့ရတယ်။ ပွဲကြည့်ချင်တာ မဟုတ်ဘဲ ပွဲဈေးတန်း ထိုင်ချင်တာမို့ ပွဲဈေးတန်းကို ရှာကြည့်တယ်။ ဟင်- ဘယ်မှာလဲ ပွဲဈေးတန်း၊ ဘယ်မှာလဲ အကြော်ဆိုင်တွေ။ ဘယ်မှာလဲ လက်ဖက်ရည်ဆိုင်တွေ။
မီးလေး မှိတ်တုတ်မှိတ်တုတ်နဲ့ ကွမ်းယာဆိုင်လေးတွေနဲ့ အံစာဝိုင်း၊ ဖဲသုံးချပ်ဝိုင်း၊ မြေကပ်ထီဝိုင်းလေး၊ လေးငါးဝိုင်းကလွဲလို့ ဘာမှလဲမရှိပါလား၊ ဘယ်မှာမှ ထိုင်စရာမရှိလို့ မတ်တပ်ရပ်ရင်း ဇာတ်ခုံပေါ်မှာ လှမ်းကြည့် လိုက်တော့လည်း မီးမှိန်မှိန် အောက်မှာ နတ်ကတော်တွေ ယိမ်းကနေကြလေရဲ့။ ကားလိပ်က ခပ်မွဲမွဲ၊ နဖူးစည်းက ခပ်မှိန်မှိန်ဆိုတော့ ဘယ်သူ့ ဇာတ်မှန်းတောင် မသိခဲ့ရဘူး။
ရွှေနန်းတင်တို့၊ ငြိမ်းချမ်းရေးညွန့်တင်တို့၊ မြို့တော်သိန်းအောင်တို့ကို ပြေးပြီး သတိရ လိုက်မိတယ်။
အော်...... ခေတ်တွေ ပြောင်းကုန်ပြီကိုး။
စိတ်ပျက်ပျက်နဲ့ ပြန်ခဲ့ကြတော့ ဘုရားကြီး အနောက်မုခ်မှာ အငြိမ့်တခု တွေ့တာနဲ့ ဝင်ခဲ့ကြပြန်တယ်။ အငြိမ့်စင်နားလည်း ရောက်ရော အငြိမ့်ခုံကို မှောင်ချပြီး၊ ဘောင်းဘီအမည်း အင်္ကျီအမည်းနဲ့ လူငယ်တယောက် ဂစ်တာကြီးလွယ်လို့ ခုန်ဆွခုန်ဆွ အော်ဟစ်နေတာ တွေ့ရတယ်။ နားကွဲ မတတ်ဆူညံနေတဲ့ အသံချဲ့စက်ကြောင့် ဘာတွေ ဆိုနေမှန်း မသိရဘူး။ သီချင်းဆိုနေတာတော့ သေချာတယ်။ ဒါပေမယ့် သီချင်းဆိုတာနဲ့ မတူဘူး။ ကော်ရင်ဂျီကုလား ကဇော်မူးပြီး ရပ်ကွက်ကို ရန်ထောင်နေတာနဲ့ ပိုတူ တယ်။
အော်...... အိပ်မက်ထဲမှာ လွမ်းရတဲ့ ရွှေမန္တလေး။
ဘယ်မှာလဲ အိပ်မက်ထဲမှာ လွမ်းရတဲ့ ပွဲဈေးတန်း။
ဘယ်မှာလဲ အိပ်မက်ထဲမှာ လွမ်းရတဲ့ ရေမုန့်နဲ့ အကြော်စုံနဲ့ နံနံပင်တထွေးကြီး။
သိုးဆောင်းစာလေးတပုဒ်ပြေးပြီး အမှတ်ရလိုက်မိတယ်။
'Dreams are better than reality' တဲ့လေ။
အိပ်မက်တွေက တကယ့် ဘဝထက် ပိုကောင်းကြတယ် ဆိုပါတော့။
ပြန်တော့မယ်။
အိပ်မက်တွေနဲ့ပဲ လွမ်းနေပါတော့မယ် မန္တလေးရယ်။


လူထုစိန်ဝင်း
နိုဝင်ဘာလ ၁၅။ ၂ဝဝဝပြည့်နှစ်။
2001 August 15 မာယာမဂ္ဂဇင်းမှ ကူးယူဖော်ပြပါတယ်။

Friday, July 25, 2008

သူစိမ်းတွေကြားမှာ (၂)
ရေးသူ- နုနုရည် (အင်းဝ)

'ခူနွာ (KNUA)' ရဲ့ ညနေခင်းဟာ ဒီလိုကျတော့လဲ မိုးလေ၀သကင်းရှင်းပြီး သာတောင့်သာယာ ရှိနေပြန်ရော။ မနေ့က တနေ့လုံး မိုးတွေအုံ့မဲပြီး ရွာနေခဲ့တာ။ ဒီနေ့ကျတော့ အုံ့ပြက်ပြက်ကလေးနဲ့၊ ညနေကျတော့ နေရောင်တွေ ၀င်းပလာရော။ ဒီအချိန် ဟာ ကိုးရီးယား နွေရာသီချိန်ပေါ့။ သူတို့မှာ ရာသီလေးမျိုး ရှိတယ်တဲ့...။ နွေဦးရယ်၊ နွေရာသီရယ်၊ ဆောင်းဦးရယ်၊ ဆောင်းရာသီရယ် (Spring, Summer, Autum, Winter) ပေါ့။ မတ်၊ ဧပြီ၊ မေက နွေဦး၊ ဇွန်၊ ဇူလိုင်၊ သြဂုတ်က နွေရာသီ။ စက်တင်ဘာ၊ အောက်တိုဘာ၊ နိုဝင်ဘာက ဆောင်းဦး၊ ဒီဇင်ဘာ၊ ဇန္န၀ါရီ၊ ဖေဖော်ဝါရီက ဆောင်းရာသီပေါ့။ အနောက်နိုင်ငံရဲ့ ရာသီနဲ့ အတူတူပဲပေါ့လေ...။ အနောက်နိုင်ငံတွေရဲ့ ကျွန်မ အကြိုက်ဆုံး ရာသီဟာ Fall ခေါ်တဲ့ ဆောင်းဦးရာသီပဲ။ သစ်ရွက်ကလေးတွေ ကြွေခါနီး အရောင်ပြောင်းတဲ့ အချိန်ပေါ့။ တတောလုံး၊ တတောင်လုံး သစ်ရွက်ရောင်စုံနဲ့ ဖုံးလွှမ်းပြီး ကြည့်လို့ကို မ၀နိုင်အောင်ပဲ....။ ဒီမှာလဲ ... အောက်တိုဘာကျရင် အဲလိုပဲ သစ်ရွက်ကလေးတွေ အရောင်ပြောင်းသတဲ့။ တောအုပ်ကလေးထဲက KNUA လဲ အဲဒီအချိန်ကျရင် သိပ်လှမယ် ထင်တယ်.... ။



သူတို့ နွေရာသီမှာ သြဂုတ်လဟာ အပူဆုံးလလို့ ပြောပေမဲ့ အခု ဇွန်လမှာထဲက သူတို့တွေကို ကြည့်ရတာ တော်တော်ပူနေကြပြီ။ အခုလို နေကလေးသာတာနဲ့ အပါးဆုံး၊ အပေါ့ဆုံး၊ အတိုဆုံး ၀တ်စုံတွေနဲ့ အပြင်ကို ထွက်လာကြတော့တာပဲ။ လက်ထဲမှာလဲ ရေပုလင်းတွေ၊ ရေခဲချောင်းတွေ ကိုယ်စီနဲ့။ တကယ်တော့.... သူတို့မှာက သိတ်အေးတဲ့ အချိန်ပဲ များတာကိုး။ ခြောက်လလောက်က အပြင်ထွက်ရင် သူတို့ကိုယ်သူတို့ ထူပေ့၊ နွေးပေ့ဆိုတဲ့ အ၀တ်တွေနဲ့ ကြပ်စည်းသလို ထုပ်ပိုးထားကြရတာတဲ့လေ။
သူတို့က ပူနေပေမဲ့ မြန်မာပြည်က ကျွန်မအတွက်တော့ နေလို့ထိုင်လို့ ကောင်းရုံပဲ။ ညနေခင်း လေကလေးက အေးစိမ့်စိမ့်လေးနဲ့ ရှပ်အင်္ကျီလက်ရှည်လေး ၀တ်ထားတာတောင် ချွေးမထွက်ဖူး။ ညကျရင်လဲ အခန်းထဲမှာ အဲယားကွန်းဖွင့်ဖို့ ဝေးလို့ ကျွန်မမှာ စောင်ခြုံရသေး တယ်။ သူတို့ကတော့ နေရာအနှံ့မှာ လျှပ်စစ်က ပေါပေါနဲ့ အဲယားကွန်းတွေ သိပ်ဖွင့်ကြတာပဲ။ 'ထိုင်း' လိုပဲ၊ ထိုင်းမှာလဲ ဘယ်နေရာသွားသွား၊ အဲယားကွန်းတွေကို အေးစိမ့်နေအောင် ဖွင့်ထားကြတာ၊ အဲယားကွန်း ခန်းထဲကနေ အပြင်ထွက်တာနဲ့ ဖျန်းကနဲ ပူသွားတာကြီးကို.. ကျွန်မ လုံးဝမကြိုက်ဖူး။ ချင်းမိုင်မှာ အဲဒီ အေးလိုက်၊ ပူလိုက်ကြောင့် လည်ချောင်းတွေနာပြီး တအားဖျားဖူး ပြီးကတည်းက အဲယားကွန်းကို ကျွန်မ သိပ်ကြောက်သွားတာ။
ကျွန်မတို့ 'ခူနွာ' ရဲ့ ကျောင်းနောက်ပေါက်ကို ထွက်တဲ့ ဖြတ်လမ်းကလေးဟာ ကျွန်မ အခန်းဘေးမှာဆိုတော့ လမ်းလျှောက်သူများကို မှန်ချပ်ကြီးတွေနောက်ကနေ အမြဲမြင်နေရ တတ်တယ်။ ခန်းဆီးတွေ ဖွင့်ပြီး ကျွန်မ မနက်စာ စားတဲ့အချိန်ဆိုရင် သူတို့နဲ့ အမြဲလက်ပြ နှုတ်ဆက်နေကျပေါ့။ ကျောင်းသားကျောင်းသူတွေရော၊ အပြင်လူတွေရော၊ မျက်နှာနေကာတဲ့ ဦးထုပ်တခြမ်းလေးတွေ ကိုယ်စီနဲ့။ အသက်ကြီးတဲ့ အုပ်စု..၊ အသက်ငယ်တဲ့အုပ်စု..၊ အားလုံးဟာ ပျော်ပျော်ရွှင်ရွှင် ပေါ့ပေါ့ပါးပါး..နဲ့၊ အော်..... ကံကောင်းသူတွေ.. ပျော်ပါစေလေ။
ကျွန်မတို့တောင် သူတို့ကို အားကျပြီး၊ မိုးမရွာတဲ့ ညနေတိုင်း၊ လမ်းလျှောက်ထွက် ကြတယ်။ များသောအားဖြင့်က ကျွန်မနဲ့ တခန်းကျော်က နီပေါသူ ပန်းချီဆရာမလေး 'အယ်ရီနာ' နဲ့။ ချစ်စရာကောင်းတဲ့ အယ်ရီနာက သူ့ရဲ့ ငါးနှစ်သားလေးကို အရမ်းလွမ်းတဲ့ အကြောင်းကို တတွတ်တွတ်ပြောရင်း အမေးအမြန်းကလဲ ထူသေးတယ်...။ ကိုးရီးယားရဲ့ ခေတ်မီတိုးတက်မှု အငွေ့အသက်တွေကို အားကျခံစားရင်းက သက်ပြင်းက ချပြီ.....။ ပြီးတာနဲ့
"နုနု ... ကြည့်ပါအုန်း..၊ မီးတွေက ထိန်လင်းနေတာပဲ၊ ရောင်စုံ မီးတွေနဲ့ ... ပန်းချီကားလိုပဲ...၊ နီပေါမှာလေ.. တပါတ်ကို သုံးရက်ပဲ မီးလာတာ.." တို့။
"မြေအောက်ရထားက သိပ်မြန်တာပဲနော်...၊ သိပ်ကောင်းတာပဲ၊ နီပေါမှာ မရှိဖူး.." တို့တွေကို ပြောပြီးရင်၊ ကျွန်မကို မေးရော..။ ကျွန်မက ရူးသလို၊ ပေါသလို လုပ်နေရင်၊ မကျေမနပ်နဲ့ ကျွန်မမျက်နှာကို သေချာလိုက်ကြည့်ရင်း၊ ရယ်မောတတ်တယ်။ သူကချည်းပဲ မေးလွန်းလို့ တခါဟာတော့ ကျွန်မက.. သူတို့ နိုင်ငံကူးလက်မှတ် (Passport) အကြောင်း မေးလိုက်မိတယ်...။
"အယ်ရီနာ.. မင်း Passport သက်တမ်း ဘယ်နှစ်ခုနှစ်ထိ ရှိလဲ.. "
"2018 ထိလေ...၊ ငါ.. ကိုးရီးယားလာခါနီးမှ သက်တမ်းတိုးလာတာ.."
"ဘာ... 2018.. ဟုတ်လား..."
"ဟုတ်တယ်လေ...၊ ငါတို့ သက်တမ်းက (၁၀) နှစ်လေ..."
"ဟုတ်လို့လား"
သူက ဆက်ပြီး ကုလားသံဝဲ၀ဲနဲ့..
" Passport " ကတော့ ဘဲရီး အီးချီး၊ တရက်ထဲနဲ့ ရတယ်တဲ့..။ ကျွန်မက "ငါမယုံဖူး" လို့ ပြောတော့ လမ်းမကြီးမှာ သူ့အိတ်ထဲက သူ့ Passport ကို ဇွတ်အတင်း လိုက်ပြတတ်သေးတယ်။
ကျွန်မတို့ ကျောင်းနောက်ပေါက်က ထွက်ပြီး ဆယ်မိနစ်လောက် လျှောက်လိုက်ရင်၊ လမ်းမကြီးရဲ့ တဖက်ခြမ်းမှာ လှည်းတန်းဈေးလို ဈေးကလေးတဈေး ရှိတယ်။ ဈေးကလေးပေမဲ့ လိုတာအကုန်ရနိုင်တဲ့ ဈေးကလေး၊ ကျောင်းသားဈေးကလေးပေါ့လေ....။ ချင်းမိုင် တက္ကသိုလ်နားက ကျောင်းသားဈေးလိုပေါ့။ ချင်းမိုင်က ချစ်စရာ ကျောင်းသားဈေးကလေးကို လွမ်းမိသေးတော့တယ်။ ချင်းမိုင် ကျောင်းသားဈေးကလေးမှာ အစစအရာရာ ဈေးချိုတယ်။ ထူးခြားတာ တခုက ကျောင်းသားကျောင်းသူတွေက ပိုက်ဆံပြတ်ရင် ဒါမှမဟုတ် အသစ်ဝယ်ချင်ရင် ကိုယ့်မှာရှိတဲ့ အ၀တ်အစား၊ အသုံးအဆောင်တွေကို ဈေးပေါပေါနဲ့ ကျောင်းသားဈေးမှာ ချရောင်းတတ်ကြတယ်။ နောက်ကြ ပြောင်ကြ တရုန်းရုန်းနဲ့ ပျော်စရာကြီး။ ညနေစောင်းမှ ဈေးကလေးက စည်ပြီး ည ဆယ့်တစ်နာရီလောက်မှ သိမ်းတတ်တယ်။ အခု ကျွန်မတို့ ကျောင်းနောက်က ဈေးကလဲ အဲလိုပဲ။ 'ဆန်ဝဲကုတ် (Sangwolgok)' ရပ်ကွက် ဈေးကလေးရဲ့ နံမည်ကို နီပေါသူ အယ်ရီနာက နာမည်ပေးတယ်။ 'Win Market ၀င်းမားကက်' တဲ့။ ဘာပြုလဲဆိုတော့ ဒီကျောင်းမှာ တဦးတည်းသော မြန်မာကျောင်းသား ဖြစ်တဲ့ ယဉ်ကျေးမှုဝန်ကြီးဌာနက ဒုညွှန်မှူး ဦးညွန့်ဝင်းက ခေါ်သွားခဲ့ပြီး၊ ကိုးရီးယားစကားပေါက်တဲ့ ဦးညွန့်ဝင်းက သူ့ဖောက်သည်ဆိုင်တွေနဲ့ အကုန် မိတ်ဆက်ပေးခဲ့ တဲ့အပြင်၊ သူ့စကား လူမသိ၊ လူ့စကားသူမသိ ဖြစ်နေတဲ့ ကျွန်မတို့ကို အမြဲလိုလို ဈေးလိုက် ၀ယ်ပေးရတာကိုး။ ကိုညွန့်ဝင်းနဲ့က ယဉ်ကျေးမှုဝန်ကြီးဌာနမှာ အရင်ကတည်းက ကျွန်မနဲ့ ဆုံဖူး သိဖူးကြတော့ ဒီမှာတွေ့တဲ့အခါ သူလဲ ၀မ်းသာ၊ ကိုယ်လဲ ၀မ်းသာပေါ့။ မန္တလေးယဉ်ကျေးမှုတက္ကသိုလ်က ပန်းချီတွဲဖက်ပါမောက္ခ ဦးမြတ်ထွန်းအောင်လဲ ဒီမှာ ရှိတယ်။
တကယ်ပါပဲ...။ ဈေးမှာလဲ သူတို့ စကားမှ သူတို့ စကား။ ၀မ်းသောင်ဇင် (one thousand)၊ တူးသောင်ဇင် (two thousand) လောက်ကို မရဘူး။ ထိုင်းတွေလိုပဲ။ ၀မ်း၊ တူး၊ သရီး၊ ဖိုး ကို အင်္ဂလိပ်လို မသိတာ။ ဒါကတော့ ကျွန်မတို့ နိုင်ငံမှာ ၀မ်းတူးသရီးဖိုး နဲ့ ၀မ်းသောင်ဇင်၊ တူးသောင်ဇင်လောက်က ဈေးသူဈေးသားလဲ ရတယ်။
ဈေးကလေး အစပ်နားကို ရောက်တာနဲ့ ဟင်းသီးဟင်းရွက်သည်တွေရဲ့ "ချွန်းနွန်၊ ချွန်းနွန်၊ အီ ချွန်းနွန်..." ဆိုတဲ့ အသံတွေက ဆူညံနေတာပဲ။ အာလူး၊ ကြက်သွန်၊ မုံလာထုပ်၊ ခရမ်းသီး၊ မုန်ညင်း၊ မှိုအမျိုးမျိုး။ အဲဒါတွေကို ပလပ်စတစ်နဲ့ ပက်ကင်လေးတွေ ထုပ်ပြီးသားကို ကိုးရီးယားငွေ ၀မ်တထောင်၊ နှစ်ထောင်၊ သုံးထောင်ဆိုပြီး အော်ရောင်းနေကြတာ...။ သူတို့ ၀မ် တထောင့်ခြောက်ဆယ်က အမေရိကန်တဒေါ်လာပေါ့..။ သူတို့ အော်တဲ့ 'ချွန်းနွန်' ဆိုတာ တထောင်၊ 'အီချွန်းနွန်' ဆိုတာ နှစ်ထောင်ပေါ့။ ၀မ်တထောင်ဖိုးကတော့ အပေါဆုံးပေါ့။ ခရမ်းသီး သုံးလုံးကို ၀မ်တထောင်၊ မုံလာထုပ် တထုပ် နှစ်ထောင်၊ အာလူး၊ ကြက်သွန်၊ ခရမ်းသီး ငါးဆယ်သား၊ ခြောက်ဆယ်သားလောက်ကို နှစ်ထောင်၊ မှိုကတော့ မဆိုးဖူး၊ ငါးရာတန် မှိုအစည်းကလေးတွေ ရှိတယ်။ ကျွန်မ သဘောကျတာ ကတော့ လမ်းဘေး ဈေးကလေးပေမဲ့ သားငါးဟင်းသီးဟင်းရွက်တွေဟာ သိပ်လတ်ဆတ်ပြီး သန့်ရှင်းနေတာပဲ။ အသားတွေကို မှန်သေတ္တာလေးတွေထဲမှာ ထည့်ရောင်းပေမဲ့ ငါးတွေက ဒီအတိုင်းပဲ။ ကျွန်မတို့ ဆီလိုပဲ ခင်းရောင်းတာပဲ...။ ဒါပေမဲ့ ယင်တကောင်မှ မတွေ့ရဖူး။ ငါးဆိုင်တွေမှာ ခြင်ဆေးခွေလေးတွေ ထွန်းထားတာတော့ တွေ့ရတယ်။ ကြက်တကောင် ခပ်လတ်လတ် အရွယ် ၀မ်သုံးထောင့်ငါးရာ၊ ၀က်သားကလည်း အစိတ်သားလောက်ကို ၀မ်သုံးထောင်ဖိုး ၀ယ်လို့ရတယ်။ အမဲသားက သူတို့ ဆီမှာ ဈေးကြီးတယ်..။ သူတို့ဆီမှာလဲ အမဲသား ရပေမဲ့ အမေရိကားက ၀င်တဲ့ အမဲသားလဲ ရှိတော့ ဈေးက ကြီးတယ်။ ခုချိန်ထိကို အမေရိကားက ၀င်တဲ့ အမဲသားကြောင့် နွားရူးရောဂါဖြစ်ပါတယ်ဆိုပြီး အမေရိကားက အမဲသားကို အ၀င်မခံဖို့ ဆန္ဒပြနေကြတာ ... မပြီးကြသေးဖူး..။ ဆန်လဲ ဈေးသိပ်ကြီးတာပဲ..။ အညံ့ဆုံးဆန် နှစ်ကီလို (ဆန်တပြည်) လောက်ကို ၀မ်းငါးထောင် ပေးရတယ်။ ဆန်နဲ့ ထမင်းနဲ့ ပတ်သက်ရင် သူတို့က (၁၉၅၀) ခုနှစ်ဝန်းကျင်က၊ ဒုက္ခရောက်ခဲ့ဖူးတော့၊ ငတ်ခဲ့ဖူးတော့၊ သိပ်တန်ဖိုး ထားကြသတဲ့...။ ဟင်းကို သွန်ပစ်ချင်ပစ်၊ ထမင်းကို သွန်ပစ်တာ၊ ချန်ထားတာ မြင်ရင် ဆတ်ဆတ်ထိမခံနိုင် အောင် စိတ်ဆိုးတာတဲ့လေ။
ဈေးကလေးရဲ့ ထိပ်မှာ စူပါမားကက်လို ဆိုင်ကြီးကြီး (Discount Store) 'လျှော့ဈေးဆိုင်' ဆိုတာလဲ ရှိသေးတယ်။ ကုန်ခြောက်ဆိုင်ပေါ့။ စားသောက်ကုန်အမျိုးမျိုး၊ လူသုံးကုန်ပစ္စည်း၊ အလှကုန်ပစ္စည်း၊ လူ့အသုံးအဆောင်နဲ့ ပါတ်သက်ပြီး အားလုံး ရှိတဲ့ ဆိုင်ပေါ့။ ထူးခြားတာက ပစ္စည်းအားလုံးဟာ ဈေးချိုနေတယ်။ တခြားဆိုင်တွေထက် (၀မ် ငါးရာနဲ့ တထောင်ကြားလောက်) ဈေးနှုန်းက သက်သာနေတယ်လေ...။
ကျွန်မကတော့ တလအတွင်းမှာပဲ ကျွန်မချစ်တဲ့ လှည်းတန်းဈေးနဲ့တူတဲ့....၊ ချင်းမိုင် ကျောင်သားဈေးနဲ့လဲ တူတဲ့၊ 'ဆန်ဝဲကုတ်' ဈေးကလေးကို သံယောဇဉ် တွယ်မိပါပြီ။ 'အီကော အော်မာရို' 'ဒါ ဘယ်လောက်လဲဟင်' ဆိုတာကိုလဲ အလွတ်ကျက်ပြီး ဈေးဝယ်တတ်ပါပြီ...။ ဒါပေမယ့် အမယ်များများ ၀ယ်မယ်ဆိုရင်တော့ ကိုညွန့်ဝင်းကို ခေါ်ရတာပဲ..။ အွန်စောတို့၊ ချိုဝမ်တို့၊ ချန်ဂင်တို့လိုတော့ မလှရှာတဲ့ ဈေးသည်မလေးတွေက ကျောင်းသားတွေဆိုတဲ့ အသိနဲ့ ဈေးတွေ အမြဲလျှော့ပေးကြရှာတယ်..။ ကိုညွန့်ဝင်းကို ကျောင်းသားမှန်းသိနေတဲ့...၊ ဈေးသည်အဖွားကြီးတယောက်ဆိုရင် ဆီပုလင်း ၀မ်နှစ်ထောင့်ငါးရာတန်ကို ၀မ်တထောင်ပဲ ယူတတ်တယ်။ ကြက်သွန်ဖြူတထောင်ဖိုးဝယ်ရင်၊ ဂျင်းတွေပါ အဆစ်ထည့်ပေးလိုက် သေးတာ..၊ ပြီးတော့ ကျွန်မတို့ကို ကြိတ်မှာထားသေးတယ်..။ သူ့ဆိုင်မှာ သူ့ယောက်ျားနဲ့ သူ့ယေင်းမ ရှိနေရင် ဈေးလာမ၀ယ်နဲ့၊ သူလျှော့ပေးလို့ ရမှာ မဟုတ်ဖူးတဲ့လေ..။ ချစ်စရာ ကောင်းတဲ့ 'အိုမား' ပါ။
ကိုရီးယားရဲ့ နံမည်ကျော် ကင်ချီ (Kimchi) နံ့တွေ သင်းနေတဲ့ ဈေးကလေးဟာ ည ခုနှစ်နာရီကျော်တဲ့အထိ မစည်နိုင်ရှာဖူး။ ပူလွန်းလို့ ဈေးဝယ်တွေ မထွက်ကြသေးတာတဲ့လေ။ သူတို့ နွေရာသီက ည (၈)နာရီထိလဲ နေမ၀င်သေးဖူးကိုး။ လမ်းဘေးဈေးကလေးပေမဲ့ မီးတွေကလဲ ထိန်လင်းနေလိုက်တာများ နေ့ကျလို့..။ မီးရောင်တွေအောက်မှာ အမျိုးမျိုးသော ကင်ချီတွေဟာ စားချင့်စဖွယ်...။ သူတို့က ကင်ချီကို မုန်ညင်းကိုတင်မဟုတ်ဖူး၊ ငရုပ်သီးစိမ်း ကင်ချီ၊ မုတ်လာဥကင်ချီ၊ မှိုကင်ချီ၊ အများကြီးပဲ..။ ချဉ်ဖတ်ထည့်လို့ရသမျှ ဟင်သီးဟင်ရွက် အကုန်ထည့်တာပဲ။ ကျွန်မက သိတ်ကြိုက်လှတယ် မဟုတ်ပါဖူး..။ ငရုပ်သီးအစပ် မစားနိုင်တော့ သူတို့ .. ကင်ချီတွေမှာက ငရုပ်သီးမှုန့်တွေနဲ့ ဆိုတော့ သိပ်မစားနိုင်ဖူး။ အိုး.. သူတို့ကတော့ ကြိုက်သလားမမေးနဲ့..။ ကင်ချီမပါရင် ထမင်းမစားနိုင်ဖူး။ ကျွန်မတို့ ငပိချက်တို့၊ ငပိထောင်းတို့၊ ငါးပိရည်တို့ လိုပဲလေ...။ 'သုံးလလောက်ဆို အန်တီနု အရမ်းစာချင်လာမှာ' ဆိုပြီး သမီး 'မျိုးမျိုး' (မျိုးသန္တာထွန်း) ထည့်ပေးလိုက်တဲ့ ငပိထောင်းနဲ့ ငါးရံ့ခြောက်ဖုတ်က သုံးလထိ မခံနိုင် ရှာပါဖူး။ နှစ်ပတ်အတွင်းမှာ ကျွန်မက တအားလွမ်းပြီး စားချင်နေပြီ..။ အသားမပါရင် ထမင်းစားလို့မရတဲ့ သူက မန္တလေးက တူမလေး 'သမီးရွှေစင်' ရဲ့ ပဲပုပ်ကြော်၊ ပဲရေပွကြော်တို့နဲ့ 'ဗေဒါရွှေကြာ' ရဲ့ လက်ဘက်သုပ်၊ ဂျင်းသုပ်လေးနဲ့ ထမင်းဖြူလေးနဲ့တင်ကို အရမ်းကို ကောင်းလို့...။
ကိုးရီးယားအစားအစာကို ရန်ကုန်မှာကတည်းက ကိုးရီးယား စားသောက်ဆိုင်မှာ စားခဲ့ဖူးပါတယ်။ ပဲခေါက်ဆွဲတို့၊ ထမင်းသုပ်တို့၊ ၀က်သားကင်၊ အမဲကင်တို့ကို ကြိုက်တယ်။ ဒါပေမဲ့ ညမှာစားရင် မနက်ကျ အမြဲ ဗိုက်မကောင်း ဖြစ်တတ်တယ်...။ ဒီမှာကျတော့ ကျွန်မရောက်ခါစ ကျောင်းနားက ဆိုင်ကလေးမှာ နီပေါသူ နှစ်ယောက်နဲ့ ငါးကင်ရယ်၊ သူတို့ နွေရာသီမှာ စားတဲ့ ရေခဲတွေနဲ့ 'ခေါက်ဆွဲအေး' ဆိုတာကြီးကို စားမိပါတယ်..။ မြန်မာပြည်လို မနက်ထိတောင် မနေဖူး၊ နှစ်နာရီ အတွင်းမှာ (ကန်တော့ပါရဲ့) ၀မ်းလျှောတော့တာပဲ..။ ဒါတောင် ကျွန်မက (မရိုသေ့စကား) အင်မတန် ၀မ်းခိုင်တဲ့ အမျိုးအစား...။ အိပ်ရာနိုးတာနဲ့ သူ့ကို ချော့နေရတာကိုက အလုပ်တခုလေ။ အဲဒီတကြိမ်တင် မဟုတ်ဖူး..။ နောက် ကိုးရီးယားစာ စားတဲ့အခါတိုင်း ဖြစ်နေတော့ သိပ်မစားရဲတော့ဖူးပေါ့...။
ဒါပေမဲ့ ကျွန်မချစ်သူငယ်ချင်း ကဗျာဆရာ (our prisedent) က စပါယ်ရှယ် တည်ခင်းဧည့်ခံတဲ့ ကိုးရီးယားရိုးရာစားသောက်ဆိုင်မှာကျတော့ မဆိုးဖူး။ ကျွန်မ ဘာမှ မဖြစ်ဖူး။ ဆိုးလ် (Seoul) မြို့မှာ အကောင်းဆုံး ရိုးရာစားသောက်ဆိုင်တဲ့...။ တကယ်လဲ ကောင်းပါတယ်။ ကင်ချီတောင်မှ တခြားကင်ချီနဲ့မတူဖူး။ စားလို့ ကောင်းနေတယ်...။ သူတို့ ရိုးရာ အစားအသောက်မှာ ဆန်ပြုတ်ပါတယ်။ ထမင်းဖြူပါတယ်။ ကောက်ညှင်းငချိတ်လို စီးတီးတီးထမင်းနီ (ရေ သို့မဟုတ် ဟင်ချိုနဲ့ဖျော်သောက်ဖို့)၊ ရေညှိထမင်းလိပ်၊ ကင်ချီမျိုးစုံ၊ ပင်လယ်စာ သီးရွက်စုံဟင်းချို၊ ၀က်သားပြုတ်၊ အမဲသားလွှာပြုတ်၊ ကြက်ဥရယ်၊ အသားရယ်၊ ဟင်းသီးဟင်းရွက်ရယ်ရောပြီး အယှက်ကျော်ထားတဲ့ ရိုးရာဟင်းတမျိုး၊ တို့ဟူးကို ချက်ထားတာလဲ ပါတယ်...။
ကျွန်မ မကြိုက်ဆုံးကတော့ ဆန်ပြုတ်ပဲ။ ပေါ့ရွှတ်ပြီး ဆန်လုံးကြီးတွေလဲ မကျေပဲ ဘာအရသာမှ မရှိဖူး။ ကြက်ဥအယှက်ကြော်လိုဟာနဲ့ ရေညှိထမင်းလိပ်(ဂင်ဘတ်)ကို ကြိုက်တယ်။ ပင်လယ်စာ ဟင်းချို ကြိုက်တယ်။ ၀က်သားပြုတ်နဲ့ အမဲလွှာပြုတ်က အရသာရှိပေမဲ့ အကင်လောက်မကောင်းဖူးလို့ ကျွန်မ စိတ်ထဲမှာ ထင်နေတုန်း ကျွန်မ သူငယ်ချင်းက ကင်ချီတဖတ်ကို ယူ၊ ပြီးတော့ ၀က်သားပြုတ်တဖတ်ကို ထည့်လိပ်ပြီး သူတို့ရိုးရာစတီးတူလေးနဲ့ 'ဒီလိုစားရတယ် ငါ့နှမရဲ့' ဆိုပြီး ကျွန်မကို ပေးတယ်။ ကောင်းသားပဲ။ 'ဒီလိုကိုး' လို့ ကျွန်မက ပြောပြီး အမဲသားပြုတ်နဲ့ ကင်ချီကို နောက်တလိပ်စားတော့ ကျွန်မသူငယ်ချင်း မျိုးချစ်စိတ် ထက်သန်သူကြီးဟာ တဟားဟားနဲ့ သဘောကျ ရှာတယ်..။
မျိုးချစ်စိတ် ထက်သန်သူကြီးဟာ နေ့လည်စာ တည်ခင်းဧည့်ခံပွဲကို တက်ရောက်လာတဲ့ နိုင်ငံတကာက ဖိတ်ကြားထားသော အနုပညာရှင်များနဲ့ ဖိတ်ကြားသူများကို နှုတ်ဆက်မိန့်ခွန်း ချွေတော့လဲ သူတို့ ဘာသာ စကားနဲ့ပဲ။ သူရဲ့ ပီအေ က အင်္ဂလိပ်လို ဘာသာပြန်ရတယ်...။ အိုင်အိုဝါက IWP မှာတုန်းကလဲ အဲလိုပဲလေ...။ presentation လုပ်တာရော၊ မေးခွန်းဖြေ တာရော ဘာသာပြန်နဲ့ပဲ လုပ်တာပဲ...။
သူက သူ့မိန့်ခွန်းထဲမှာ ကျွန်မနဲ့ တွေခဲ့တဲ့ အိုင်အိုဝါက(IWP) အကြောင်း ကိုထည့်ပြော တယ်...။ ဟိုမှာပေါ့... အမြဲအတူတူတွဲခဲ့တဲ့ အာရှလူမျိုး လေးယောက်ပေါ့။ ကိုးရီးယားရယ်၊ မြန်မာရယ်၊ အိန္ဒိယရယ်၊ ဗီယက်နမ်ရယ်ပေါ့...။ သူတို့ နာမည်တွေက ဆိုပြီး ကျွန်မကို ပြောတယ်။ ပြီးတော့ ဗီယက်နမ်သတင်းစာဆရာမ မှာကျလဲ အဟုတ်..၊ 'ဟောင်Hao' ဆိုတဲ့ တလုံးကို ခပ်ထစ်ထစ်ပြောတော့ ကျွန်မက 'ဗိုသီဟောင် Vothihao' လို့ ထောက်ပေးလိုက် တော့ 'ဗိုသီဟောင်' ပါ့..။ ပြီးတော့ အိန္ဒိယညီအကိုတယောက်ကတော့ ဆိုပြီး တန့်သွားတယ်..။ 'နေပါအုန်း... သူ့နာမည်က' ကို ဆိုပြီး 'အင်...' ဆိုပြီး ခဏရပ်သွားတယ်။ ပြီးတော့ ကျွန်မကို လှမ်းကြည့်ပြီး 'ငါ့နှမရေ.. နာမည်ဘယ်သူ..' တဲ့..။ 'အော်ဒါလား' ဆိုပြီး ကျွန်မက ထောက်ပေးလိုက်တယ်လို့များ ထင်ပါသလား။ ကျွန်မလုံးဝသတိမရတော့ပါဖူး..။ အံ့သြစရာ..၊ ခုန သူစပြောတဲ့အချိန်မှာ ကျွန်မခေါင်းထဲမှာ နာမည်တွေ အားလုံးရှိနေခဲ့တာ..။ ပြဿနာပဲ..။ ကျွန်မမှာ 'ဆောရီးပဲ၊ ငါဘာဖြစ်လို့ မေ့သွားတာလဲ မသိဖူး' လို့ ရေရွတ်ရုံမှတပါး ဘာမှမတတ်နိုင်တော့ပါဖူး..။ 'အဲ...အိန္ဒိယ ညီအကိုတယောက်ပေါ့' ဆိုတာနဲ့ပဲ ကဗျာဆရာဟာ မိန့်ခွန်းကို လက်စသပ်ရရှာတော့တယ်..။
ထမင်းသာ ဆက်စားနေရပေမဲ့ ကျွန်မတို့ နှစ်ယောက်လုံး မကျေနပ်ကြဖူး..။ တယောက်နဲ့တယောက် မပြောကြပေမဲ့ ထမင်းကို ဆက်စားလို့ မရဖူး။ ကျွန်မစိတ်ထဲမယ် 'ငါတော့ ဆရာလင်းယုန်မောင်မောင်ရဲ့ ကိုပြားတော့ ဖြစ်ပြီ' လို့..။ ဆရာ့ကို ရန်ကုန်မန္တလေး အမြန်ရထားပေါ်မှာ လွန်ခဲ့တဲ့ နှစ်နှစ်ဆယ်ကျော်က ကျွန်မ ရယ်မောခဲ့တာလေ..။
စာပေဟောပြေပွဲ သွားကြရင်း မန္တလေးသွား ရထားပေါ်မှာ ဆရာလင်းယုန်မောင်မောင် နဲ့ ဆုံတော့ စကားဝိုင်းဖွဲ့ကြရင်း ဆရာက 'တံတားဦးမှာ တို့သူငယ်ချင်း ရှိတယ်၊ တယောဆရာလေး.. မနု သိမလား..၊ နေပါအုန်းက.. သူ့နာမည်က..' ဆိုပြီး ဇာတ်လမ်းက စတော့တာပဲ၊ နံမည်ကို ဘယ်လိုမှ ဖော်မရ၊ ကျွန်မကလဲ 'တယောဆရာတွေတော့ ရှိတယ် ဆရာရဲ့၊ နံမည်မသိတော့ ဘယ်လိုလုပ်မလဲ' ဆိုပြီး ဘာလုပ်ရမှန်းမသိ..။ ဆရာ့ ခမျာစကားကို ဆက်ပြီး မပြောနိုင်တော့ဖူး၊ 'နေပါအုန်း.. ဒီနာမည်ကွာ' နဲ့ သူ့ထိုင်ခုံကို ပြန်သာ သွားရော၊ နံမည်က ဖော်လို့မရဖူး..။
ကျွန်မတို့လဲ ညနက်တော့ အိပ်ပျော်သွားတာပေါ့..။ မနက်လေးနာရီလောက် အိပ်လို့ ကောင်းနေတုန်း... ဆရာလင်းယုန်ရယ်လေ.. ''မနု.. မနု ထစမ်းပါအုန်း၊ ထစမ်းပါအုန်း.." တဲ့။ ကျွန်မမှာ လန့်နိုးပြီး 'ဘာလဲဆရာ.. ဘာဖြစ်လို့လဲ' ဆိုတော့.. 'သိပြီ..သိပြီ.. ကိုပြား.. ကိုပြား..' တဲ့လေ။ အားရ၀မ်းသာကြီး အော်ပြောပစ်လိုက်တော့..၊ တညလုံး မအိပ်ပဲ စဉ်းစားနေတာတဲ့၊ ခုမှ စအိပ်ရမှာ ဆိုပြီး စိတ်လက်ပေါ့ပါးစွာနဲ့ သူ့ ထိုင်ခုံကို ပြန်သွားတာကို ကြည့်ရင်း.. ဖြစ်မှ ဖြစ်ရလေ ဆရာရယ်လို့ ရယ်မောခဲ့ ဖူးတာလေ။ အခု တကယ် 'ကိုပြား' ဖြစ်တော့တာပဲ။ ဆရာ့ကို ကျွန်မ ကိုယ်ချင်းစာနိုင်ပါပြီ။ ဘာဖြစ်လို့ အဲဒီ အိန္ဒိယပြဇာတ်ဆရာ၊ အင်္ဂလိပ်စာပရောဖက်ဆာရဲ့ နာမည်ကို...။ ဟောဒီ ပါးစပ်ဖျားလေးတင်ပါ..။ အို.... ဘယ်လိုမှကို မမှတ်မိတော့တာ..။
ကဗျာဆရာပါမောက္ခချုပ်ကို ကြည့်တော့လဲ ဘေးက လူနဲ့ စကားသာ ပြောနေရတယ်၊ ပုံမှန် မဟုတ်ဖူး၊ ကျွန်မလိုပဲ။ အဲဒါနဲ့ပဲ ကျွန်မက ဘာရယ်မဟုတ်ဖူး၊ ရေခွက်ကို မော့သောက် လိုက်တဲ့ ခဏမှာ.. ကဗျာဆရာဟာ... သူ့ အကြိုက် စီးကရက်တလိပ်ကို ထုတ်ယူလိုက်တဲ့ အချိန်မှာပဲ၊ နှစ်ယောက်သား ပြိုင်တူ လက်ညှိုးထိုးလို့..။
"ရှီဗာ..."
အသံအကျယ်ကြီးတွေနဲ့ ကျွန်မတို့ အော်လိုက်ကြတာ၊ ပြီးတော့မှ တဟားဟား ရယ်ကြရင်း 'ရှီဗာ၊ ရှီဗာ' နဲ့၊ ဘေးလူတွေကတော့ ကျွန်မတို့ သူငယ်ချင်းနှစ်ယောက်ကို ဘာဖြစ်ပါလိမ့်ပေါ့..။ ဇရာလေ၊ ဇရာ၊ ဇရာ ငွေရောင်ဆံပင်တွေနဲ့ ကျွန်မ သူငယ်ချင်းက (၁၉၅၂) ခုမွေး၊ ကျွန်မက (၁၉၅၇) ခုမွေး...။ ကျွန်မတို့ အသက်တွေ မငယ်ကြတော့ဖူးလေ...။

နုနုရည် အင်းဝ
KNUA- Korea
(၁၁ ဇူလိုင် ၂၀၀၈၊ ခူနွာကိုရောက်တာ တလပြည့်နေ့)

Thursday, July 24, 2008

ပေါရီတို့ရဲ့ရွှေလှေရွာ
ရေးသူ - မောင်ရေချမ်း

အမေရိက ရောက်ကတည်းက ကယ်လီဖိုးနီးယားပြည်နယ်၊ လော့စ်အိန်ဂျယ်လိစ်မှာ နေလာခဲ့တာ။ တိုက်ဆိုင်မှု ကြုံကြိုက်တိုင်း ကိုယ့်ပြေကိုယ့်ရွာကို လွမ်းတတ်တာ၊ အထူးသဖြင့် ခုလို နွေခါရောက်ရင် ပိုတောင် လွမ်းသေး။ Habor Free way ခေါ်တဲ့ 110 Fwy နဲ့ LA Down Town ကို သွားရင် Cranshaw District ကိုဖြတ်တော့ Free way ရဲ့ တဘက် တချက်က ထန်းတောကို မြင်ရင်ပဲ၊ လွမ်းသူကို မျက်ရည်စို့စေတယ်။
လော့စ်အိန်ဂျယ်လိစ်ရဲ့ နွေရာသီရောက်လေတိုင်း၊ ပတ်ဝန်းကျင်ရဲ့ ရိုက်ခတ်မှုဟာ ကိုယ့်ရဲ့ အတိတ်သမိုင်းက လွမ်းမောဘွယ် ဒေသတခုကို အမှတ်ရစေတယ်။ အတိအကျ ဆိုရရင် မုံရွာခရိုင်ရဲ့ ချင်းတွင်းမြစ်နဘေးကိုပေါ့။




ကိုယ်က ပစ္စဖိတ် ကမ်းခြေတခုရဲ့ El Segundo ဆိုတဲ့ မြို့နယ် ကလေးမှာ နေတယ် လေ။ El Segundo ဟာ လော့စ်အိန်ဂျယ်လိစ် နိုင်ငံတကာ လေဆိပ် (LAX) နဲ့ ကပ်လျက်မှာ တည်ရှိတယ်။ ကယ်လီဖိုးနီးယားရဲ့၊ ပူလောင် ပြင်းပြတဲ့ နေအောက်မှာ သမုဒ္ဒရာက တိုက်ခတ် လာတဲ့ လေပြေညှင်းဟာ ချင်းတွင်းကို ဖြတ်ကျော်တိုက်ခတ်လာတဲ့ လေပြေညှင်းလို လွမ်းဆွေးဘွယ် အေးမြမြကလေး......။ အတွင်းပိုင်း၊ ကုန်းပိုင်း ပူပူလောင်လောင်က ပြန်လာရင်၊ Valley ဘက်မှာ ဘယ်လောက်ပဲ ပူခဲ့ ပူခဲ့၊ ကိုယ့်ဖက်ကမ်းခြေနဲ့ နီးလာတာနဲ့၊ အေးမြတဲ့ တစုံတရာ စိတ်ချမ်းသာမှုကို ရလာတာပဲ။

xxxx xxxx xxxx xxxx

ကိုယ့်အတွေးတွေက၊ မန္တလေးတိုင်း၊ မုံရွာခရိုင်၊ ချောင်းဦးမြို့နယ်က ပေါရီတို့ မရွှေတို့ နေတဲ့ ရွှေလှေရွာဆီ ပြန်ရောက်သွားတယ်။ (နေရပ်ဒေသကို ဟိုတုန်းက အခေါ်အတိုင်း တိုင်း၊ ခရိုင်၊ မြို့နယ်လို့ သုံးလိုက်ပါတယ်)။
ချောင်းဦးဆိုတာ ဆရာကြီးသခင်ကိုယ်တော်မှိုင်း စာထဲက "... ချောင်းဦးနယ် တလွှားမှာ ပြောင်းဖူးသည်တွေက များလိုက်ပါဘိသနဲ့...." ဆိုတဲ့ ချောင်းဦးပါ။ မန္တလေး-မုံရွာ ကားလမ်းပေါ်မှာ ရှိပါတယ်။ ရွှေလှေရွာ ဆိုတာကတော့ ချောင်းဦးမြို့ရဲ့ အနောက်တောင် ယွန်းယွန်းမှာ ရှိပြီး၊ ကားလမ်းမပေါက်ပါဘူး။ မန်းကျည်းဘုတ်၊ မန်းကျည်းခွ စတဲ့ ရွာတွေဘက်က လှည့်ပတ်လာရတဲ့ လှည်းလမ်းတော့ ရှိတယ်။
သူ့ရဲ့ အဓိက လမ်းပန်းဆက်သွယ်မှုဟာ မုံရွာကနေ ချင်းတွင်းမြစ်နဲ့ အောက်ကိုစုန်တဲ့ ရေလမ်းပါပဲ။ မုံရွာကနေ မအူကိုသွားတဲ့ မော်တော်စီးရင် ရွှေလှေမှာ ကပ်တယ်။ ရေစကြို မော်တော်ဆိုရင် ရွှေလှေရွာတောင်ဘက်၊ တောင်-တောကျောင်းရွာမှာ ဆင်းရတယ်။ သူတို့ နှစ်စီးက အလှည့်ကျ တရက်ခြား မုံရွာကထွက်တယ်။
ရွှေလှေရွာမြောက်ဘက်၊ ၃ တိုင် ( ၆ မိုင်) လောက်ဝေးတဲ့၊ အိုးဝေဦးညိုမြရဲ့ဇာတိရွာ အမြင့် (ကမ်းမြင့်) ရွာကတော့ နေ့စဉ် မော်တော် ရှိပုံရတယ်။ တိုက်ရိုက်မော်တော် မဟုတ် တောင် မအူမော်တော်ကော၊ ရေစကြိုမော်တော်ကော သူ့ဆီမှာ ကပ်တယ်။ အမြင့်မှာ မြို့နယ် စာတိုက်ခွဲကလေးလည်း ရှိတယ်။ ငါးရက်တဈေး လည်း ရှိတယ်။ အနီးအနား ရွာတွေအားလုံး ဈေးရောင်း ဈေးဝယ် လာရတယ်။

xxxx xxxx xxxx xxxx

အချိန်က မနက် ၃ နာရီခွဲ လောက်ပဲ ရှိအုန်းမယ်။
မလင်းသေးတဲ့ ချောင်းဦးမြို့ရဲ့ အမှောင်ထုကို ဖြိုခွဲလိုက်တာက..... ကိုရင်သိန်းတန်နဲ့ စိုးစိုး တို့ရဲ့ အသံပါဘဲ။ အိပ်ကောင်းတုန်းမှာ "ကိုသိန်းတန်.. ကိုသိန်းတန်.. စိုး သင်္ဘောပေါ် တက်ခဲ့မယ်...." တဲ့။ အိပ်ရာကလန့်အနိုးမှာ ကိုယ့်ဘေးမှာ အိပ်တဲ့ သူငယ်ချင်း၊ မြင်းခြံသား အောင်ကျော်စိုး (ဗိုက်စူ) က မနက်ခင်းကို ချိုသာတဲ့ အဆဲကလေးနဲ့ နှုတ်ခွန်းဆက်လိုက်တယ်။
စိုးစိုးတို့ အသံထွက်ပြီး မကြာဘူး.. လောက်စပီကာက ရွှေလှေရွာသွားမယ့် ဆရာတွေ အတွက် အောက်မှာ လှည်းရောက်နေပါပြီတဲ့။ ဆက်အိပ်လို့ မဖြစ်တော့ဘူး။ မျက်နှာသစ်၊ ပစ္စည်းသိမ်း၊ အိပ်ယာလိပ်နဲ့ ပြင်ဆင်ရတော့ တာပေါ့။
လှည်းနှစ်စီး၊ လှည်းသမားနှစ်ယောက်နဲ့ ရွှေလှေရွာက လာကြိုတဲ့ တာဝန်ခံ ကျောင်းအုပ်ဆရာကြီးဆိုတာ ကျောင်းအောက်မှာ စောင့်နေတယ်။ ပါတ်ဝန်းကျင်တခုလုံး ကတော့ ပိန်းပိတ်အောင်မှောင်တုန်း။ ရောင်နီတောင် မပျို့သေးဘူး။ ကျောင်းဝင်းထဲမှာသာ လင်းထိန်နေတာ။
ဆဲပြီးတော့ ပြန်နှပ်နေတဲ့ အောင်ကျော်စိုးကိုပဲ နှစ်ခါလောက် ပြန်နှိုးရတယ်။ ဒင်းက လုပ်တာကိုင်တာ ကြာနေလို့ စိတ်မရှည်တဲ့ ကျောင်းအုပ်ဆရာကြီးက နွားတွေ နေပူကုန်မယ် ဆိုပြီး ငေါက်နေတယ်။ လှည်းဆရာတွေတောင် သူတို့ နွားတွေအတွက် မပူရဘူး။ ဒီ ကျောင်းဆရာက ကြားက ၀င်ပူနေတယ်။ သူ့နာမည် ဦးတင်မောင်၊ ရွှေလှေရွာ မူလတန်း ကျောင်းက ကျောင်းအုပ်ဆရာကြီးတဲ့။ နေတော့ ချောင်းဦးမှာ။ တွေ့စက ဂျစ်ကန်ကန် အောက်မေ့တာ နောက်တော့ ချစ်စရာ လူရိုးကြီး ဖြစ်နေတယ်။ သမီးနှစ်ယောက်၊ ရွှေညာသူ ညိုညက်တွေက မယ်မြင့် နဲ့ မယ်တင့်။
ရွှေလှေရွာအတွက် လုပ်အားပေး အသုံးလုံးဆရာ ခြောက်ယောက်။ လှည်းနှစ်စီး လာကြိုတယ်။ အောင်ကျော်စိုး(ဗိုက်စူ)ရယ်၊ မြစ်ကြီးနားက ဇေလွမ်းရယ် ကျနော်ရယ် သူငယ်ချင်း သုံးယောက်က လှည်းတစီး။ အခြား သုံးယောက်ရယ်၊ ဆရာကြီးရယ်က လှည်းတစီး။ ဆရာကြီးက လှည်းတွေကို ထွက်ခိုင်းနေပြီ။ ဗိုက်စူက လှည်းပေါ် မရောက်သေးဘူး။ လှည်းတွေ ထွက်တော့မှ နောက်ကနေ အော်ရင်း ဒင်း အပြေးလိုက်လာတယ်။ "မတက်နဲ့... စိုး... လိမ့်ကျ လိမ့်မယ်...." ။ ပြီးတော့ လှည်းပေါ်လွှားကနဲ ခုန်တက်လိုက်တယ်။

xxxx xxxx xxxx xxxx

လှည်းပေါ်မှာ ဆက်အိပ်မယ် စိတ်ကူးတာ။ ဘယ်လိုမှ အိပ်မရဘူး။ အိပ်မရတဲ့အပြင်၊ ကိုယ်တောင် လှည်းပေါ်က မကျအောင် လှည်းရံတိုင်ကို အသေဆုပ် ထားရတယ်။ လမ်းက ကြမ်းသလားမမေးနဲ့။ လမ်းကြမ်းကြမ်းကို လှည်းကြမ်းစီးရတာ တသက်နဲ့တကိုယ်မှာ ဒါ ဘွေဦးဆုံး။
ဖင်ဆောင့်လွန်းလို့ တခါတခါ ဆင်းလျှောက်လို့ ရမယ့်နေရာတွေမှာ၊ အမှောင်ထဲဆင်း ပြီး၊ လှည်းနောက်က အပြေးလျှောက်ရသေးတယ်။
ဆရာကြီးက ရွာမှာ မင်းတို့လို လုပ်အားပေးတွေ ရှိသေးတယ်တဲ့။ ကျောင်းသူတွေလား၊ ကျောင်းသားတွေလား၊ ဘယ်နှစ်ယောက်လဲမေးတော့ ဟိုရောက်ရင် တွေ့မှာပေါ့တဲ့။
မန်ကျည်းခွကထွက်တော့ မနက်လင်းစ အလင်းရောင်နဲ့ ဟိုး ခပ်ဝေးဝေးမှာ ညို့ညို့မဲမဲ ကလကာကြီးတခု ကာဆီးထားသလိုဟာကြီး လှမ်းမြင်ရတယ်။ ဘာကြီးလဲ မေးတော့ ထန်းတောတဲ့။ အပင်တွေက စိပ်တော့ အဝေးမြင်ကွင်းမှာ ထူထူသိပ်သိပ်။ အဲဒီ ထန်းတောထဲကပဲ လှည်းက ဖြတ်မောင်းရတယ်။ ထန်းတောကထွက်တော့ ရွာကို လှမ်းမြင် ရပြီ။ ရောက်ပြီလားမေးကြည့်တော့ အဲဒါ 'တောင်-တောကျောင်း' တဲ့။ ပြီးမှ ရွှေလှေရောက်မှာ။

xxxx xxxx xxxx xxxx

တရွာလုံးက ကလေးလူကြီးတွေ ရွာထိပ်မှာ ထွက်ပြီး ကြိုကြတယ်။ ကျနော်တို့လည်း လှည်းပေါ်ကဆင်းပြီး ရွာကလူတွေနဲ့အတူ ရွာထဲကို လမ်းလျှောက်ပြီး ၀င်ခဲ့ကြတယ်။ လာကြိုတဲ့ အဖွဲ့ထဲက လူတယောက်က လမ်းမှာ "ခင်ဗျားတို့က ဘယ်တက္ကသိုလ်ကလဲ" တဲ့။ ဒီလူ မေးပုံက စိတ်ဓါတ်ကျသွားတဲ့ ပုံမျိုး။ နောက် သူက ဆက်ပြောတယ်။ "ကျောင်းအုပ်ဆရာ ကြီး ကပြောသွားတယ် ရန်ကုန်တက္ကသိုလ်က လုပ်အားပေး ဆရာမလေးတွေကို သွားကြိုမှာ တဲ့" ဒီဆရာကြီးက ဂျစ်ကန်ကန်ပုံနဲ့ ခုလိုကျတော့ ဥာဏ်အများသား။ ကျနော်တို့ကို လာမေးတဲ့သူက အောင်ကျော်ဝင်းတဲ့။ မန္တလေးဝိဇ္ဇာသိပ္ပံတက္ကသိုလ် မြန်မာစာ အဓိက ကျောင်းသား။ သူတို့က သုံးယောက်။ ကျနော်တို့ လုပ်အားပေးဆရာ အားလုံး (၉)ယောက် ဖြစ်သွားတယ်။
ရွာက သိတ်ကြီးတာ မဟုတ်ဘူး။ ဆယ်အိမ် တ၀ိုင်းမှာ ဆယ်အိမ်ခေါင်းတယောက် အုပ်ချုပ်တယ်။ အိမ် ၀ိုင်း (၆) ၀ိုင်း (၇) ၀ိုင်း လောက် ရှိမယ်။ သူကြီးကတယောက်။ မူလတန်း ကျောင်းမှာ ကျောင်းအုပ်ကြီးအပြင် ရွာခံကျောင်းဆရာ နှစ်ယောက် ရှိတယ်။ တယောက်က ကိုကောင်းဟိန်၊ တယောက်က ကိုလှထွန်း။
တရွာလုံးအတွက် ရွာလယ် လမ်းမကြီးတခုပဲ ရှိတယ်။ ရွာ့တောင်နဲ့ ရွာ့မြောက်မှာ ဖွင့်, ပိတ်လို့ရတဲ့ စည်းရိုးတံခါး တခုစီရှိတယ်။ ကျနော်တို့က ရွာ့မြောက်စည်းရိုးအပြင်ဘက်၊ ရွာဦးကျောင်းနဲ့ တဆက်ထဲ မူလတန်းကျောင်းပေါ်မှာတည်းတယ်။ လုပ်အားပေး ဆရာ (၉)ယောက်နဲ့ ကျောင်းအုပ်ဆရာကြီး အားလုံး ဆယ်ယောက်၊ တန်းစီပြီး တတန်းတည်း အိပ်ကြတယ်။
ကျောင်းရဲ့ အရှေ့ဘက် လှည်းလမ်းနဘေးမှာ သုဿာန်ဇရပ်တခုနဲ့ သော့ခတ်ထားတဲ့ သစ်သားအိမ်သာ တလုံးရှိတယ်။ ဘုန်းကြီးကျောင်းဝင်းထဲမှာ ထုံးသင်္ကန်းနဲ့ ဘုရားတဆူရယ် သွပ်မိုး အကာမပါ ဇရပ် (၃) ဆောင် ရှိတယ်။
ရွာစည်းရိုးနဲ့ ကျောင်းကြားမှာ ရေဆိပ်ကို ဆင်းတဲ့ လမ်းကလေးရှိတယ်။ မော်တော်လာ ရင် အဲဒီမှာပဲ ကပ်တယ်။ ဆိပ်ခံတွေ ဘာတွေ မရှိဘူး။ မော်တော်က ကမ်းနဲ့ အနီးဆုံး ရပ်နိုင်သလောက် ရပ်လို့ရတဲ့နေရာမှာ ရပ်ပြီး ကုန်းဘောင်ချပေးလိုက်တာပဲ။ ရွှေလှေသူတွေ ရေခပ်ဆင်းရင် မန္တလေးသားတွေ ဒီနေရာကနေ မျက်စိစပွဲထိုင်တာဆိုပြီး ဆရာကြီး ဦးတင်မောင်က အရင်ရောက်နှင့်နေတဲ့ မန္တလေးက ဆရာတွေကို ပြောနေသေးတာ။

xxxx xxxx xxxx xxxx

ရောက်ရောက်ချင်း မနက်စာကြွေးတယ်။ စားပြီးလို့ ခဏတဖြုတ်နားပြီး ကြိုဆိုနေရာ ချပွဲကို ကိုယ်တို့တည်းတဲ့ ကျောင်းပေါ်မှာပဲ လုပ်တယ်။ ကိုယ်သင်ရမယ့် တပည့်တွေက အမျိုးသမီး (၈)၊ အမျိုးသား (၂)ယောက်။ တကယ် စာသင်တော့ အမျိုးသားနှစ်ယောက်က မလာကြဘူး။ ရွာကလူတွေပြောတော့ ခရီးလွန်နေတယ်တဲ့။
တပည့်မတွေက မပေါရီ၊ မရွှေ၊ မချစ်မေ၊ မမြဟန်၊ မကျင်မြ၊...... ကျန်သူတွေ မမှတ်မိ တော့ဘူး။ ပေါရီနဲ့ မိရွှေ က ကိုယ့်အောက် ၃- ၄ နှစ် ငယ်ကြပေမယ့်၊ ကျန်သူတွေက ကိုယ့်ထက် ၁၀ နှစ်၊ ၁၅ နှစ် ကြီးသူတွေ။

xxxx xxxx xxxx xxxx

ရွာခံဆရာလေး ကိုကောင်းဟိန်က လုပ်အားပေးဆရာ (၉)ယောက် အနက်က ကျနော်တို့ သုံးယောက်ကိုမှ မျက်စိကျတယ်။ သူ့စိတ်ထဲမှာ ဒီသုံးယောက်ကတော့ ဟိတ်ဟန်မရှိဘူးလို့ ထင်ပုံရတယ်။ အထူးသဖြင့် ဘိုက်စူလို့ ကျနော်ခေါ်တဲ့ ကျနော့်သူငယ်ချင်း အောင်ကျော်စိုးရယ်၊ ကျနော်ရယ်ကို ခင်မင်ချင်ပုံရတယ်။ ဇေလွန်းက ကချင်တိုင်းရင်းသား၊ ခပ်အေးအေး၊ စကားပြောရင် မပွင့်တပွင့်။ ကျနော်တို့ ဘာလုပ်လုပ် ပြုံးပြုံးနဲ့ နောက်က လိုက်လုပ်တယ်။ သူ့မှာ ဂစ်တာ တလက်ပါတယ်။ နောက်တော့မှ သိရတာ ကျောင်းအုပ် ဆရာကြီး ကျနော်တို့ အုပ်စုကို တွေ့တွေ့ချင်း မျက်မောင်းကျတာ ဒီဂစ်တာကြီးကြောင့်တဲ့။
အဲဒီနေ့က ကြိုဆိုဧည့်ခံပွဲလဲ ပြီးရော ကျနော်တို့သုံးယောက်ကိုမှ ထန်းရည်သွား သောက်ရ အောင်ဆိုပြီး ကျောင်းဆရာကိုကောင်းက လက်တို့ ခေါ်ထုတ်သွားတယ်။ ကျနော်တို့ ကလဲ ဒါမျိုးဆို တရေးနိုး ခေါ်လဲ ထလိုက်တယ်။ လုပ်လိုက်လေ ကြာသလားလို့ ဆိုတာမျိုး။
စက်မှုတက္ကသိုလ်မှာ ဒုတိယနှစ်တောင်ရောက်နေပြီပဲ။ ဇေလွန်းတို့၊ အယ်လ်ဇော်ဆမ် တို့၊ သူငယ်ချင်း ကချင်ကျောင်းသားတွေ ကျောင်းပိတ်လို့အပြန်မှာ ပါလာတဲ့ ကချင်မီး တောက်ကို၊ ကြောင်အိမ်ထဲက အမေတို့ အဖွားတို့ သိမ်းထားတဲ့ ဒုံးခြောက် လို့ခေါ်တဲ့ ပုစွန်ခြောက် အကြီးစားကြီးတွေနဲ့ မုံရွာကျော်သန်းအခန်းမှာ ချနေကျ။ မုံရွာသား တွေကလဲ မခေဘူး။ ဒါမျိုးဆို တက်ကြွတယ်။
ကိုကောင်းနဲ့ ကျနော်တို့ သုံးယောက်၊ ထန်းတောထဲက ထန်းတဲလေးမှာ ကြက်ဥမွှေ ကြော်ကို အမြည်းလုပ်ပြီး အုန်းမှုတ်ခွက်နဲ့ ခွက်လှည့်လိုက်တာ၊ ဘယ်နှမြူကုန်သွားလဲတော့ မမှတ်မိဘူး။ ဘာမှမဖြစ်ပါလား- ရေသောက်ရသလိုပဲလို့ ကျနော်ကတောင် ပြောလိုက်မိသေး တယ်။
ထန်းတောက ရွာအပြန်လမ်းမှာမှ လေကလေး တဖြူးဖြူးနဲ့ ထန်းရည်တန်ခိုးတွေ တက်လာတာ၊ ကျောင်းပေါ်လဲ ရောက်ရော အိပ်ယာပေါ် ဒိုင်ဗင်ထိုးချ လိုက်တာနဲ့ တချိုးထဲ အိပ်ပျော်သွား တယ်။
တရေးနိုးလာတော့ ရေနံဆီမီးခွက်ကလေးတခွက် ထွန်းထားပြီး ကိုယ့်နားမှာ ကလေး နှစ်ယောက် ငုတ်တုတ် ထိုင်နေတယ်။
"ဟ.... ဘယ်ရောက်ကုန်ကြလဲဟ...."
"စာသင်သွားကုန်ကြပြီ... ဆရာကောင်းက ဆရာလေးနိုးလာရင် သူ့အိမ် ခေါ်ခဲ့ဆိုလို့ ... ကျနော်တို့ စောင့်နေတာ...."
ကိုယ်လဲ အလူးအလဲ ထပြီး ကလေးနှစ်ယောက်နောက်က လိုက်သွားတယ်။ ဗိုက်ကလဲ ခုမှ တအားဆာလာတယ်။ ကိုကောင်းရဲ့ အိမ်ရောက်တော့ အိမ်မှာ ဘယ်သူမှ မရှိကြဘူး။ ကျောင်းဖွင့်တဲ့နေရာမှာ သွားပြီး ငေးမော့နေကြမှာပေါ့။ သူ့အိမ်ရဲ့ မြေစိုက်မီးဖိုချောင်ထဲ ၀င်ကြည့်တော့ ထမင်းကြမ်းခဲလေးတခဲက ပန်းကန်နဲ့ အုပ်ထားတယ်။ ပဲပုတ်လေး-ငါးပြား ပန်းကန်စင်ပေါ် မှာတွေ့တယ်။ ကိုယ်လဲ ဒီနေ့ပဲ ဒီရွာရောက်တာ၊ ရောက်တဲ့နေ့ပဲ ကိုယ့်ရွာမှတ်၊ ကိုယ့်အိမ်အမှတ်နဲ့ မီးဖိုက မီးလေးငွေ့ငွေ့မှာ ပဲပုတ်နှစ်ပြားကို မီးကင်လိုက်ပြီး တွေ့တဲ့ ထမင်းကြမ်းခဲနဲ့ ဗိုက်ဖြည့်လိုက်တယ်။
ပြီးတော့ စာသင်တဲ့ နေရာကို လိုက်သွားတယ်။ ရွာလယ်က ဇရပ်ကလေးတဆောင်မှာ ရေနံဆီ မီးခွက်ကလေး သုံးလေးခွက် ထွန်းပြီး ကိုကောင်းနဲ့ ဇေလွန်းတို့ စာသင်နေကြတယ်။ ဗိုက်စူကို မတွေ့ဘူး။ မန္တလေးသားသုံးယောက်က ရွာမြောက်ပိုင်း၊ ကျနော်တို့ သုံးယောက်က အလယ်ပိုင်း၊ ကျော်ညွန့်တို့ အုပ်စုက ရွာတောင်ပိုင်းမှာ သင်ရတာ။
"ဆရာကောင်း... ဗိုက်စူကော.."
"ကျနော့်အခန်းထဲ... အိပ်နေတယ်လေ..မတွေ့ခဲ့ဘူးလား.."
"သြော်... ကျနော်က မီးဖိုမှာ.. ရှာဖွေစားသောက်နေတာနဲ့...."
"စားစရာတွေ့လား...."
"တွေ့တယ်.... ကျေးဇူးပဲ"
သြော်.... ဆရာတွေနှယ်... စာသင်မယ်မကြံရသေး... ထန်းရည်က စ, မူးတော့တာပဲ။

xxxx xxxx xxxx xxx
ရွာက ကျွေးမွေးပုံအစီအစဉ်က- မနက်အိပ်ရာထနဲ့ နေ့လယ်မှာ ရေနွေးကြမ်းနဲ့ ပဲကပ်ကြော်၊ မတ်ပဲကြော်စသဖြင့် အကြော်စုံကို ကျောင်းပေါ်မှာ ဗန်းတွေနဲ့ သယ်လာပြီး ကြွေးတယ်။ မနက်စာ၊ ညစာ ထမင်းကတော့ ဆယ်အိမ်ခေါင်းအလှည့်ကျမှာ၊ အလှည့်ကျတဲ့ အိမ်ဝိုင်းရဲ့ တအိမ်, အိမ်မှာ စုကျွေးတယ်။
နောက်တနေ့မနက် ကျောင်းပေါ်မှာ ရေနွေးသောက်မယ် လုပ်တုန်း၊ ကလေး တယောက်က ကျနော်တို့ သုံးယောက်ကို လာခေါ်တယ်။ ကျောင်းပေါ်မှာက အများအတွက်၊ ခုဟာက ကျနော်တို့ သုံးယောက်ကို သီးသန့်- ကြီးတော်မြဟန်က အခေါ်ခိုင်းလို့တဲ့။ အဲဒီတော့မှ ကျနော်လဲ သတိရတယ်၊ ညက ကျနော့ စာသင်သားထဲက မိန်းမကြီးတယောက်က ဆရာလေး မနက်ကျရင် ကျမတို့ အိမ် အဖန်ရည် လာသောက်လှဲ့လို့ ဖိတ်လိုက်တာကိုး။
ထန်းရည်မူးတဲ့ဆရာတွေ ရွာမှာ အရင်ဆုံး ပေါ်ပြူလာဖြစ်တာပဲ။ အကြော်တွေက များလိုက်တာမှ ရှယ်ပဲ။ ပဲကပ်ကြော်၊ ပဲလုံးကြော်၊ မတ်ပဲကြော်၊ မုံ့ချိုသွင်း... တချို့မုံ့တွေဆို ခေါ်တောင် မခေါ်တတ်ဘူး။ အညာမုံ့၊ ရွာမုံ့၊ အိမ်လုပ်တဲ့မုံ့တွေ။ ဒေါ်မြဟန်အိမ်ရှေ့ ၀ါးကွပ်ပျစ်မှာ ကျနော်တို့ ရေနွေးသောက်တာကို ဒေါ်မြဟန်တို့ အိမ်ဝိုင်းက ကလေးလူကြီး လာကြည့်ကြတာ ကိုက တော်တော်များတယ်။
စကားပုံတောင် ပြင်ရမလိုဖြစ်နေပြီ- ထန်းရည်မူး ပေါ်ပြူလာဖြစ်- လို့......။


မောင်ရေချမ်း
(၀၇၊ ၂၃၊ ၀၈)

Monday, July 21, 2008

၃ဆောင်၊ ၆ခန်း (အပိုင်း ၂)
ရေးသူ-မောင်အေးဝင်း

ကြက်ပျောက်မှုနောက်ဆက်တွဲ
လှရွှေကြက်ပျောက်တာကို ပထမတော့ မသိမသာ ကြိတ်စုံစမ်းတယ်။ ၀ါဒါလူစစ်တန်းစီဖို့ ၀င်လာတော့ သူ့မျက်စိက ပုဂံဆေးတဲ့နေရာဘက်ကို ရောက်နေတယ်။ ဆေးကြောထားလို့ ပြောင် သလင်းခါနေတဲ့ ရေနေရာကို မကြည့်စဖူး စူးစူးစမ်းစမ်း အကဲခတ်တာတွေ့ရတော့ ကျနော်တို့ စိတ်ထဲမှာ ကြိတ်ပြီး ၀မ်းသာကြတယ်။သူ့ကြက်တွေ အပေါ်ထပ်ကို လှေကားကနေ မတက်ဘူးဆိုတာ သိပြီးသား။ အောက် လေးခန်းမှာ အခန်း (၅) က သူတို့ ရုံးခန်းနဲ့ ကပ်လျက် အနီးဆုံး။ ဒါမျိုးလုပ်ဖို့ ဘယ်လိုမှ မလွယ်ဘူး။ (၇) ခန်းမှာက သူတို့ သတင်းပေးတွေလည်းရှိတော့ မဟုတ်တာလုပ်ရင် ချက်ချင်းပေါက်တာမို့ ဘယ်သူမှ မလုပ်ရဲဘူး။ (၈)ခန်းဆိုတာ လုံချည်ပြာတွေက တနေ့လုံး အလုပ်ဆင်းတယ်။ အခန်းထဲမှာ ကျန်ခဲ့တာဆိုလို့ ဘိုးတော်တင်ဦးရယ်၊ သူ့အမှုတွဲ ဘုန်းကြီးလေး ဦးမိုးထိရယ်၊ ကျောက်ကုန်သည် ဦးသန်းဝင်းရယ်၊ ရွှေတိဂုံအရေးအခင်းမှာ ဘုရားပေါ်က ဖမ်းလာတဲ့ ဗိုလ်ကြီးဟောင်း ဘိုးတော် ဦးအောင်သန်းတင်ရယ်၊ လုံချည်ပြာဝတ်ထားတဲ့ ပီဒီပီဇော်ဝင်းရယ်၊ အလုပ်သမားအရေးအခင်း မီးရထားစက်ရုံက သတင်းပေးအောင်ကြည်ရယ် ဒါပဲ။ ဒီတော့ အခန်း (၅)၊ (၇)၊ (၈) မဖြစ်နိုင်ဘူး။


ဒီကိစ္စဟာ (၆)ခန်းက ကောင်တွေပဲ ဆိုတာ မောင်လှရွှေ ကျိန်းသေတွက်တယ်။ ဒီတော့ (၆)ခန်းကို လှရွှေသွေးတိုးစမ်းတယ်။ သူ့တပည့် လုံချည်ပြာဇော်ဝင်း (ပီဒီပီ)နဲ့ တိန်ရှောက်ပိန်ကို အမေးခိုင်းတယ်။
"အေးကြည်.... ဆရာလှရွှေက သူ့ကြက်တွေ ရောင်းချင်လို့ .. ၀ယ်မလားတဲ့"
"ဘယ်လောက်လဲ..."
"နှစ်ကောင်... ဆယ့်ခြောက်ကျပ်..."
"တဆယ်ရရင် ယူမယ်လို့..... ပြောလိုက်"
မနက်လိုမှာ ဇော်ဝင်းလာမေးတယ်။ နေ့ခင်းမှာ အဖြေပေါ်တာပဲ။


တလာစီ
"ကဲ.. ကဲ.. အားလုံးထွက်ကြမယ်... အခန်းထဲ တယောက်ပဲ နေခဲ့..."
ဒုအဆောင်မှူး ဦးကျော်ရင် ခေါင်းဆောင်တဲ့အဖွဲ့ ကျနော်တို့ အခန်းကို တလာဝင်စီတယ်။ ထောင်ဝေါဟာရ 'တလာစီ' ဆိုတာ ရှာဖွေစစ်ဆေးတာ။ အခန်းထဲကလူတွေ အပြင်ထွက်ပေးရတယ်။ မထွက်ခင်မှာ အခန်းပေါက်ဝမှာ လူတကိုယ်လုံးအနှံ့ အရှာခံပြီးမှ ထွက်ရတယ်။ သူတို့ အခန်းထဲမှာ ရှာဖွေနေတာကို စောင့်ကြည့်ဖို့ တယောက် နှစ်ယောက်က အခန်းထဲမှာ ချန်ရစ်ရတယ်။ ကျန်ခဲ့သူကိုလဲ တကိုယ်လုံး ရှာတယ်။
သူတို့ လာပြီဆိုကတည်းက ကျနော်တို့ အုပ်စုက သွင်းထားတဲ့ ပိုက်ဆံတွေကို ကျနော့် ခြေဖ၀ါးနဲ့ဖိနပ်ကြား ခြေဖ၀ါးအောက်မှာ ညှပ်ပြီး၊ ဖိနပ်ကို ဖိနင်းပြီး စီးထားလိုက်တယ်။ ဒူးကိုဖြောင့်၊ ခြေထောက်ကို တန်းပြီး၊ လမ်းလျှောက်တော့ ခြေမနဲ့ ခြေဖနောင့်ကို ဖိနပ်နဲ့ ဖိကုပ်လျှောက်ရတယ်။ ကျနော်က အခန်းထဲ ချန်နေခဲ့သူ။
ဝင်လာတဲ့ ၀ါဒါတွေ မိလ္လာချောင်နဲ့ ပန်းကန်ဆေးတဲ့နေရာကို တန်းသွားတာပဲ။ တချိုက ကုတင်တွေမှာ မွေ့ယာတွေလှန်၊ စောင်တွေဖွ၊ ခေါင်းအုံးတွေ စမ်းနဲ့ အလုပ်ရှုပ်ကြတယ်။ ၀ါဒါမြင့်လွင်က ကျနော့်ကုတင်မှာ ရှာနေရာတုန်း ကုတင်ခြေရင်းက ကောက်ရတဲ့ ကျပ်တန်ကလေးတရွက်ကို ကောက် ပြီး၊ တခြား လူတွေမမြင်အောင် ကပ်ပေးတယ်။ ကျနော်လဲ လူကိုယ်မှာဝတ်ပြီး၊ လက်နှိုက်ထားတဲ့ ပင်နီတိုက်ပုံထဲက လက်ထဲမှာ ဆုပ်ကိုင်ထားလိုက်တယ်။
ဗလကြီးတင်မြတ်ရဲ့ မွေ့ယာနှစ်ထပ်ကြားမှာ သိမ်းထားတဲ့ ပလေးဘွိုင်တို့ ဘာတို့က မိန်းမကိုယ် တုံးလုံးပုံတွေ ၀ါဒါတယောက်က ထုတ်လာတာ၊ ဘာယာတန်း အပြင်ကနေ မြင်လို့၊ တင်မြတ်ကြီး ဆွေ့ဆွေ့ ခုန်နေတယ်။
"ဟေ့လူတွေ... ဒါတော့ မထိနဲ့ဗျာ၊ ကျုပ်မှာ ဒါတွေနဲ့ အသက်ရှင်နေရတာ...."
ဒင်းတို့တွေ တင်မြတ်ကို ကျီစယ်ပြီး၊ ပုံတွေကို ကုတင်ပေါ်မှာ ပြန်တင်ပေးသွားတယ်။
အဘသောင်းကတော့ ကွမ်းဂျိုးတွေနဲ့ မဲနေတဲ့ သွားကို ဖြဲပြပြီး၊ ပြုံးစစ မျက်နှာပေးနဲ့ အခန်းက မထွက်ခင် ကျနော့်ကို ကြည့်သွားတယ်။
လှရွှေရဲ့ ကြက်ကိစ္စ၊ ပိုက်ဆံကိစ္စ တချက်ခုတ် နှစ်ချက်ပြတ် တလာစီခြင်းဟာ လက်ချည်းပဲ ပြန်သွားရတယ်။ တလာစီဖို့ လာကြသူတွေထဲ ဦးကျော်ရင်ကလွဲရင် ကျန်သူတွေက ကျနော်တို့ (၆)ခန်းနဲ့ ကြည်တဲ့သူတွေချည်းပဲ။


ကြွက်ခြောက်စပ်
ကျနော်တို့ အုပ်စုမှာ တခါတလေ ထောင်ဝင်စာရက်မရောက်ခင် ၂ ရက်၊ ၃ ရက် အလိုလောက်မှာ စားစရာပြတ်သွားတာလဲ ကြုံရတယ်။ အဲဒီလို ပြတ်ပြီဆိုရင် အကောင်ပလောင် ရှာဖွေ ဖမ်းဆီးစားသောက်ရတဲ့အခါ ကြက်မဟုတ်ပဲ သူ့ထက် လွယ်ကူတဲ့၊ ၀ဆွဲပါတဲ့ ကြွက်ကို ဖမ်းကြတယ်။
ကြွက်က ကြက်လောက် မခဲယဉ်းဘူး။ ထောင်ဝင်စာပြတ်တဲ့ အခါတိုင်း စားရတဲ့ အစာပဲ။ အခန်း (၅)က အောင်ငွေလာတို့ အုပ်စုဆိုရင် အိမ်မြောင်လဲ ဖမ်းစားတယ်။ မီးဖုတ်စားတယ်လို့ ပြောတာ ပဲ။
ကင်းမလက်မဲ အကြီးစားကြီးတွေလဲ မီးဖုတ်လိုက်ရင် ပုစွန်ကို မီးဖုတ်သလိုမျိုး အနံ့ထွက်တယ်။ ၅ တိုက်မှာတုန်းက တဖက်ခန်းက မာလာတင်ဝင်း( ၈၈-အရေးအခင်းမှာ နောင်ရိုးတင်ဝင်း) ပြောတယ်။ စားကောင်းတယ်တဲ့။ စားတော့ မကြည့်ဖူးဘူး။ တိုက်မှာတုန်းက မီးဖုတ်ကြည့်တာ တကယ်ကို ပုစွန်မီးဖုတ်နံ့ရတယ်။ တိုက်ခန်းထဲ ၀င်လာတဲ့ ကင်းမလက်မဲကို သတင်းစာစက္ကူနဲ့ အသာလေးကော် လိုက်ပြီး၊ ထွက်မပြေးနိုင်အောင် စက္ကူကို စာအိပ်လိုခေါက်ပြီး၊ မီးရှို့လိုက်တယ်။ အခန်းထဲ ၀င်လာတာကို အပြင်ပစ်ထုတ်လိုက်ရင် ဘယ်အချိန် ကိုယ့်ဆီပြန်လာမလဲ မပြောနိုင်ဘူးလေ။ တွေ့တုန်း တခါတည်း ရန်-ငါ မျဉ်းဖြတ်လိုက်တော့ မပူရတော့ဘူး။
ကြွက်ဖမ်းတာ ပြောပြမယ်။ မြေကြွက်အကြီးစားကြီးတွေ ညဖက်ဆို ကျနော်တို့ ပန်းကန် ဆေးတဲ့နေရာမှာ တင်ကျန်တဲ့ စားကြွင်းစားကျန်ကို လာစားတာ။ ကျနော်တို့က ကွန်ကရိပြားကြီးနှစ်ခု ကို ပူးချီပြီး ဘိ လိုလုပ်ထားတယ်။ ရေနေရာမှာ ဘိထောင်ထားရင် ကြွက်ဟာ အစာရှိတဲ့ ဘိနေရာကို တခါတည်း တန်းမလာဘူး။ သံတိုင်နားက အကဲခတ်နေသေးတာ။ အသံပလံကြားရင် ၀င်လာတဲ့ လမ်းကပဲ နောက်ကြောင်းပြန်လှည့်တယ်။ ဘယ်တော့မှ တခြားလမ်းက လမ်းသစ်ထွင် မပြေးဘူး။
စိတ်ချရပြီးလို့ ဘိနား အစာနားကို ရောက်လာပြီဆိုရင်တောင် တော်တော်နဲ့ စားသေးတာ မဟုတ်ဘူး။ ကြိုးဆွဲဖို့ စောင့်ရတဲ့သူက တခါတလေ စိတ်မရှည်ချင်ဘူး။ '၀င်ပါတော့... ဟေ့ကောင် ၀င်စမ်းပါ' လို့ စိတ်ထဲက ကြိတ်ဆဲနေရတယ်။ 'သြော်.... ဒီ ကြွက်မသားနှယ်.. စားမယ့်အရေး ဟန်လုပ် နေရသေး...' လို့။ တခါတလေ.. ရန်သူ့ အနံ့အသက်များရရင်... မ၀င်တော့ပဲ 'နင့်အကြောင်းကို ငါသိတယ်......' သီချင်းတောင် ဆိုသွားသလားမပြောတတ်ဘူး၊ ပြန်လှည့်သွားတယ်။
ဝင်ပြီဆိုတာနဲ့ ကြိုးကိုဆွဲ၊ ပိနေတာနဲ့ အပြေးသွားပြီး အပြတ်ရှင်းရတယ်။ ပိနေတာပဲ ဆိုပြီး လွှတ်ထားလိုက်လို့ကတော့ မိုးလင်းရင် မရှိတော့ဘူး။
အပြတ်ရှင်းပြီးရင်၊ ခြေရာလက်ရာ၊ သွေးစ သွေးန၊ အနံ့အသက်က အစ မကျန်စေရဘူး။ ကျန်နေရင် ဒီနေရာကို နောက်ကောင်တွေ မလာကြတော့ဘူး။ ဗလကြီး တင်မြတ်က ဒါမျိုးမှာ စိတ်ချရတယ်။ ကြွက်ကိုင်လဲကျွမ်းတယ်။ အရေခွံ ဆုပ်ပြီး ကြွက်ကို ၀ါးပြားမှာ ညှပ်ပြီး၊ မီးဖိုနားမှာ ထောင်ပြီး ကြပ်တင်ထားလိုက်တယ်။ ခြောက်သွားတော့မှ ငရုပ်သီး စပ်စပ်နဲ့ ဆီပြန်ကလေး- ကြွက်ခြောက်စပ် ကလေးပေါ့။


ပုစွန်စာရွက်အော်ပိုရေးရှင်း
ထောင်ဝင်စာပြတ်တဲ့အခါ တိန်ရှောက်ပိန်ရဲ့ ပုစွန်စာရွက်အော်ပိုရေးရှင်းလည်း ရှိတယ်။ ထမင်းစားအဖွဲ့ဝင် အားလုံးပါရတယ်။ အဆောင်ဝင်းထဲက မြက်ပင်တွေ၊ အခြားအပင်တွေနဲ့အတူ ပေါက်နေတဲ့ ပုစွန်စာရွက် ဆိုတာတွေရှိတယ်။
ရေမချိုးခင်မှာ ထမင်းစားအုပ်စုဝင်တွေဟာ ရင်ဘောင်တန်းပြီး ပိုက်စိပ်တိုက် ဟင်းရွက်ခူး ရတယ်။ လူဆယ်ယောက် ဆယ့်နှစ်ယောက်စာ ဟင်းတအိုးရဖို့ ဆိုတာကလဲ အတော်လေး ခါးညောင်း အောင် ခူးရတယ်။ တအိုးစာ ပိုပိုသာသာ (မြက်တွေလည်းပါပေါ့ လေ) ရပြီဆိုရင်၊ ဆရာကြီးအောင်ကိုကို လက်ကိုအပ်။ သူက စိတ်ရှည်လက်ရှည်နဲ့ ရေကန်မှာ စိမ်ပြေနပြေ ဟင်းရွက်ရွေး၊ ရေဆေးတယ်။ ပြီးမှ တိန်ရှောက်ပိန်က ငပိကြော်တို့လို၊ ငါးခြောက်ကြော် တို့လိုမျိုးနဲ့ ရောပြီး ချဉ်ရည်ဟင်းချက်ပေးတယ်။
တခါတလေ ကိုယ့်ထမင်းစားအုပ်စု အတွက်ချည်းမဟုတ်ပဲ (၇)ခန်းက လူတွေ ပြတ်နေရင်လည်း မျှရသေးတယ်။ (၇)ခန်းမှာ အခြား MC (II) {ဆေးတက္ကသိုလ် (၂)} တွေ ရှိသေးတယ်။ ဘီလူးလို့ ကျနော်တို့ခေါ်တဲ့ ဆေး (၂)က ခရမ်းသုံးခွက မြင့်စိုး၊ ဆရာကြီးသတ္တိလို့ ခေါ်တဲ့ တောင်ငူက သိန်းထွန်း၊ ဘောလောလို့ခေါ်တဲ့ ပုလောက ၀င်းလွင်၊ မာရှယ်လို့ခေါ်တဲ့ ပေါင်းတည်က တင်မြင့်၊ ကိုသက်တင် (စီးပွါးရေးတက္ကသိုလ်) (သဲတော-၀မ်းတွင်း)။ ဒီလူတွေလဲ ဧပြီ ၃ဆောင်အရေးအခင်းမှာ တိန်ရှာက်ပိန်တို့နဲ့ အတူ စစ်ခွေးတိုက်ပြန်တွေ။
ဆောင်းခါဆို မုံညင်းတို့၊ ကိုက်လန်တို့ အရမ်းပေါတာ။ တောင်ယာကထွက်တဲ့ အဲဒီပစ္စည်းတွေကို လုံချည်ပြာတွေက ဆေးပေါ့လိပ်၊ စီးကရက်တို့နဲ့ ၀ယ်ပေးတယ်။ အဆောင်မှူးလှရွှေ ကလည်း (၆)ခန်းက သူ့ကျေးဇူးရှင် ကျနော်တို့ ထမင်းစားအုပ်စုကို လက်ဆောင်ပေးတာလဲ ရှိတယ်။ ဒါမျိုးဆို တိန်ရှောက်ပိန်က တခြား အုပ်စုတွေကိုလည်းမျှ၊ ပိုတာကိုလည်း ချဉ်ဖတ်စိမ်ပေါ့။
ချဉ်ဖတ်ဆိုလို့ ကျနော်က ငပိကြိုက်သူဆိုတော့ ထောင်ဝင်စာတိုင်းမှာ အိမ်က ကြိုပြီးသား ငပိရည် ထည့်ပေးတတ်တယ်။ ကျနော့ ငပိကို ဒိုင်ခံအားပေးတာ တင်မြတ်နဲ့ အာနီပဲ။ ငပိဆိုတာကလည်း ဗူးမဆေးပဲ အသစ်ရောက် လာတာကို အဟောင်းဗူးထဲ ရောထည့်တော့ လောက်တက်ရော။ ဒါပေမယ့် မီးမှာ နွှေးလိုက်တော့ လောက်တွေက သေပြီး ငပိပေါ် ပေါလောမျော နေတာပေ့ါ။ ငပိနွှေးပေးတဲ့ တင်မြတ်ကို ဘာတွေလဲလို့ ကျနော်က မေးမိတာ
"ဟေ့ကောင်.... ဒီထဲက လာတဲ့ပစ္စည်းပဲ.. စားကောင်းတယ်...ဂျီးမများနဲ့ စား....." တဲ့။


ကြလောက် ငလောက်
ထောင်ထဲမှာတော့ ၀ဲနဲ့ လောက်ဟာ၊ စစ်ကြောရေးနဲ့သရေပတ်လို လူတိုင်းအဖို့၊ ယဉ်ပါးနေတဲ့ ပစ္စည်းတွေပဲ။
တင်မောင်ဌေး (ပီဒီပီ) (ငှက်ကြီး-ယခု အမေရိက)တို့ အဖွဲ့မှာကျတော့ လောက်ရာဇ၀င်က-
သူတို့ထမင်းစားရင် အပေါ်ခန်းက ရာကျော်တို့်၊ အောင်သန်းဦး( ယခု-ဂျာမဏီ) တို့က စပ်စုတယ်။ ဘာနဲ့ စားကြသလဲပေါ့။ မောင်ဌေးတို့ အဖြေက "ကြလောက်..." တခါတလေ "ငလောက်"။ သူ့ အဖြေကို နားမလည်ဘူး။ ပထမတော့ ဟင်းအထူးအဆန်း ထင်ပုံရတယ်။ သဘောကတော့ လောက်တက်နေတဲ့ ကြက်သားဟင်း နွှေးလိုက်တော့ လောက် အသေကလေးတွေ၊ ကြက်သားဟင်းထဲ ရော နေလို့ လောက်ဆိုရင် ကြလောက်၊ ငါးဟင်းထဲက လောက်ဆိုရင် ငလောက်။ ရှားပါးတဲ့အချိန်မှာ ဘယ်သူက ပစ်ရက်ပါ့မလဲ။ တတ်နိုင်သလောက် ဖယ်ပေမယ့်၊ ဒီလိုပဲ စားရတာပဲ။ ဗီတာမင်အပြည့်ပါ တယ်လို့ ကြွေးကြော်သူတောင် ရှိသေးတာ။
ဒါဆိုရင် မော်ကြီး (ယခု-အမေရိက)တို့ ကျတော့ "ဘလောက်" ဖြစ်မှာ။ သူတို့ ထောင်ဝင်စာ တနေ့မှာ ထောင်ထဲပြဿနာတွေ ဖြစ်နေတော့ ထောင်ဝင်စာ မပေးတွေ့ဘူး။ အပြင်က လာတွေ့တဲ့ သူ့သူငယ်ချင်း ဆရာဝန်ပေါက်စတွေက ဘဲကင်တွေ လေး ငါးကောင် ၀ယ်ပြီးထည့်ပေးလိုက်တာ၊ အာဏာပိုင်တွေက ထောင်ဝင်စာထုတ်တွေကို သိမ်းထားလိုက်တယ်။ သုံးလေး ရက်နေမှ အထုတ် တွေက မော်ကြီးလက်ထဲရတာ။ အဲဒီမှာ ဘဲကင်တွေက လောက်တက်နေပြီ။
လူတွေကလည်း အစာရေစာ ငတ်ပြတ်နေကြတော့ နှမြောတာနဲ့ လောက်တက် ဘဲကင်တွေပဲ နွှေးစားကြတယ်။ ဘဲကင်ထဲကလောက်- ဘလောက် နေမှာ။


ရေနွေးဂေါက်
အာဏာပိုင်တွေက ထင်းနဲ့ မီးဖိုတာထက် ရေနွေးဂေါက်ကို ပြဿနာပိုရှာတယ်။ သူက အသက်အန္တရယ် ပိုနီးတယ်လေ။ ရေနွေးဂေါက်ဆိုတာကလည်း ကျနော်တို့မှာ ရရာပစ္စည်းနဲ့ လုပ်ရတာ။ အပေါ်ထပ် အခန်းတခန်းက ရေနွေးဂေါက်ပြဿနာကြောင့် (၃) ဆောင်ကို ကျနော်ရောက်ခါစမှာ တခန်းလုံး (၆)တိုက်ထဲ ရောက်သွားတယ်လို့ ကြားလိုက်မိတယ်။
ကျနော်တို့ အခန်းမှာ ထွန်းအောင်ကျော်တို့ အမှုက၊ သူ့လိုပဲ တသက်တကျွန်းကျတဲ့ ကိုထွန်းကျင်ဆိုတာ ရှိတယ်။ သူနဲ့ ဦးဘမင်း(ကျနော်တို့က ဦးစိန်ပေါလို့ခေါ်တယ်) က ရေနွေးဂေါက် တခုကို အကျအန လုပ်တာ။ ရေတံလျောက်က ပြတ်ပြီး ပဲ့ကျလာတဲ့ သွပ်ပြားကို ပါးပါးလှီးပြီး၊ တပင်စီ ပလပ်စတစ်တထပ်၊ အ၀တ်တထပ် စိတ်ရှည်လက်ရှည် ပတ်တယ်။ တပင်စီရတဲ့ အဲဒီ လက်ဖြစ် ၀ိုင်ယာကြိုးကို ဆပ်ပြာခွက်ရယ်၊ နို့ဆီခွက်ရယ်နဲ့ ရေနွေးဂေါက်အဖြစ် ဖန်တီးတယ်။
မျက်နှာကျက်မှာ ကပ်သွယ်ထားတဲ့ လျှပ်စစ်မီးကြိုးကို နေ့လည် မီးမလာတဲ့ အချိန်မှာ တက်ပြီး ဖောက်ထားလိုက်တယ်။ ပြီးတော့ သူ့ဆီက ကြိုးနှစ်စကို နံရံနဲ့ ကပ်နေတဲ့ တိုင်ကွယ်ကနေ မီသလောက်မှာ အောက်ကို တွဲလောင်းချထားတယ်။ ညဖက်မီးလာတဲ့ အချိန် ရေနွေးတည်ဖို့ အဆင်သင့်။
လူတွေက မီးမလာခင်ကတည်းက ရန်ကုန်မြို့ပြင်ရပ်ကွက်တွေမှာ ရေဘုံဘိုင် ရေတန်းစီ သလို စိန်ကီးနဲ့ ကျနော်အိပ်တဲ့ ခြေရင်းဆိုင် ကုတင်နှစ်ခုကြားမှာ ချိုင့်တွေပုံးတွေ လာချပြီး တန်းစီလို့။ တည်မယ်ဆိုရင် တုတ်ကလေးနဲ့ ရေနွေးဂေါက်ကြိုးကို ချိတ်လိုက်တာပဲ။ ရေနွေးဂေါက်ရဲ့ လျှပ်စစ်ပါဝါ သုံးစွဲမှုက များတော့ ချိတ်လိုက်တယ် ဆိုတာနဲ့ကို အဆောင်မှာ မီးအားက သိသိသာသာ ကျသွားတယ်။ ရုံးခန်းက ရိပ်မိတယ်။ တခန်းခန်းမှာတော့ ရေနွေးတည်နေလောက်ပြီပေါ့။
ရေနွေးဂေါက်ကို ပြဿနာ ရှာတယ်သာပြောတာ ရှာချင်တဲ့အခန်းမှ ရှာတာပါ။ အဘသောင်းတို့ ကိုယ်တိုင် တခါတလေ ညကြီးမိုးချုပ် "အဘ ဆေးလေးသောက်ချင်လို့ ရေနွေးနည်းနည်းပေးပါ" ဆိုပြီး လာတောင်းတာ ရှိသေးတယ်။ ဒီရေနွေးက ဂေါက်နဲ့မတည်၊ ထင်းမီးမဖိုရင် ဘယ်က ရမှာလဲ။ သိသိကြီးနဲ့ လာလုပ်တာ။ တခါတလေ ပြောသွားတယ်၊ သတိထားလုပ်ကြတဲ့။ တခြားဝါဒါ မပြောပါဘူး။ အဘသောင်းကတော့ ကျောင်းသားတွေအပေါ်၊ အားလုံးအပေါ် ကောင်းရှာပါတယ်။ ခွက်ကလေးထဲ ဆီနဲနဲထည့်လာပြီး ဆရာလှရွှေက လက်ဘက်စားချင်လို့ လက်ဘက် ကြက်သွန်ကြော်လေး နည်းနည်းပေး ပါ ဆိုတာ ရှိသေး။
ဒီလိုပဲ ကိုင်းကျွန်းမီ၊ ကျွန်းကိုင်းမီ နေ,စား နေရတော့ တော်ရုံတန်ရုံဆို မသိဟန် ဆောင်နေပေး ပါတယ်။ သိပ်လွန်လာလို့ သတိလာပေးရင် ခဏ ဘရိတ်အုပ်ထားလိုက်၊ သွေးအေးသွားရင် ပြန်လုပ်။


ဟက်ပီဘဒ်ဒေ တူးယူ
ကျနော့ အသက် (၂၅) ဟာ ထောင်ထဲမှာ ပြည့်ရတယ်။ အထွေအထူး ဘာမှ မလုပ်ဖြစ်လိုက် ဘူး။ မှတ်မှတ်ရရက ကိုဌေးဝင်း (ဘွန်း) မွေးနေ့ပဲ။ ဘယ်နှစ်နှစ် မြောက်လဲတော့ မမှတ်မိဘူး။ သူက ကျနော့ထက် ၃ - ၄ နှစ်လောက်ငယ်တယ်။
ထောင်ဝင်စာမှာ ပြည်သူ့မုံ့တိုက်က ဆိတ်သားမုံ့တွေ၊ လိမ္မော်သီးတွေ မှာလို့။ ကျနော်ထင် တယ်၊ ထောင်ဝင်စာနေ့နဲ့ မွေးနေ့ကလဲ တရက်ပဲ ခြားပုံရပါတယ်။
ထင်းမီးက အလွယ်တကူမရတတ်ဘူး။ မွှေးရတာကြာတယ်။ ရေနွေးဂေါက်ဆိုတော့ ခဏပဲ။ ၀ါဒါ လူလာမစစ်ခင်၊ လျှပ်စစ်မီးမငြိမ်းခင်မှာ ရေနွေးအိုးတည်ပြီး ကော်ဖီတို့ ရေနွေးကြမ်းတို့ ကြိုလုပ် ထားတယ်။ စားစရာတွေလဲ အဆင်သင့် ပြင်ဆင်ထားပြီး မသိမသာ ပြန်ဖုံးထားလိုက်တယ်။
ဝါဒါလည်း လူစစ် တန်းစီပြီးလို့ ထွက်သွားရော-
"ဟက်ပီဘတ်ဒ်ဒေ တူးယူ" ဆိုကြတော့တာပဲ။
ဟေးလားဝါးလားတွေ လုပ်ပြီး၊ စားပြီးသောက်ပြီးတော့ အိပ်ရေးမ၀တဲ့ လူတွေက တရေး တမော ပြန်နှပ်ကြတယ်။

ဆက်လက်ဖော်ပြပါဦးမည်။

Sunday, July 20, 2008

ကျွန်တော်တို့ ခင်ဗျားတို့များစွာ ဒီလိုနဲ့ပဲ မအိုချင်ခဲ့ကြ
ရေးသူ - ငြိမ်းအေးအိမ်


ဒီလိုနဲ့ပဲ ခုနေခါ ကျွန်တော်ဟာ အသက်တစုံတရာ ရခဲ့ပြီ။
ဆိုရရင် အိုခဲ့ပြီ။
ငယ်ဘ၀လည်း လွန်ခဲ့ ...။ ရွယ်ဘ၀လည်း ကျွံခဲ့။
ကျွန်တော်က ဖြစ်ခဲ့တဲ့ ကျွန်တော့် သားသမီးတွေသော်မှ အတောင်အလက် စုံကြတော့ မယ်။ ကျွန်တော် ဘယ်ထိ ရောက်ခဲ့ပါသလဲ။ ဘယ်ခရီး ပေါက်ခဲ့ပါသလဲ။ ဘယ်လမ်းက လျှောက်ခဲ့မိပါသလဲ။
အခု တင်ဆက်နေတဲ့ အရေးအသားတွေဟာ ကဗျာတပုဒ်ကို အကြောင်းပြုပြီး ဖြစ်လာ ခဲ့တဲ့ ခံစားမှုကနေ ကိုယ် ဖြတ်သန်းခဲ့ဖူးတဲ့ နှစ်သက္ကရာဇ်နဲ့ အဖြစ်အပျက် တချို့တလေ အကြောင်း ရေးဖွဲ့မိတာပါလို့ ကြိုတင်ဝန်ခံထား လိုပါတယ်။
ကိုယ့်ဘ၀ကို ရောက်ရာနေရာက လှမ်းမျှော်ကြည့်နေမိခြင်းမှာ အမောတွေ ပါတယ်။ ခြေစုံ ရပ်မိထားတဲ့ ရက်စွဲတွေရဲ့ အရှေ့ကိုပဲ မျှော်မျှော်၊ အနောက်ကိုပဲ မျှော်မျှော်ပေါ့။ ယုံပါ မိတ်ဆွေ။ ကျွန်တော်တို့ ရင်မှာ အမောတွေ ရွာနေတယ်။ သည်းသည်းခက်ခက်နဲ့ ရက်ရက် စက်စက်ကြီးကို ရွာကျနေတာပါ။


တပြိုင်နက်မှာပဲ ဖားဖိုလို ဒီရင်အုံကြီးထဲမှာ နေထိန်ထိန်သာ လင်းလက်ပူကျက်နေတဲ့ ခံစားမှုတမျိုးလည်း ပါရှိနေပြန်သေးတယ်။ အဲဒီ ခံစားမှုကတော့ ကိုယ်ဖြတ်သန်းခဲ့ဖူးတဲ့ ဒါမှ မဟုတ် ကိုယ်ရွေးချယ်မိခဲ့ဖူးတဲ့ ကိုယ့်သမိုင်းအတွက် ဘယ်တော့မှ နောင်တမရခြင်း။ ဘွာ မခတ်ခြင်းပါပဲ။
ကိုယ်ရွေးချယ်ခဲ့မှုကို ဘယ်တော့မှ နောင်တမရခဲ့ခြင်းတွေဟာ ကျွန်တော့်ကိုယ်မှာ တလက်လက် လင်းဆဲ။ မီးပြင်း ပန်းပဲဖိုတခုက မီးခဲ မီးလျှံများလို တဖျစ်ဖျစ်မြည် လောင်ကျွမ်း ဆဲ။ မင်းမှားခဲ့တယ်ဟေ့လို့ ပြောမယ့်ပါးစပ်နဲ့ ကြည့်မယ့် မျက်လုံးတွေကို ဒေါသမပါပဲ အေးစက်စက် မာကျောကျော ပြန်ကြည့်တတ်မြဲ။
လွန်ခဲ့ပြီဖြစ်သော သက္ကရာဇ်နှစ်များမှာ ကျွန်တော်ဟာ ကိုယ့်ကိုယ်ကို ဘော်ရှီဗစ် တယောက်အဖြစ်၊ ကွန်မြူနစ် တယောက်အဖြစ်၊ ဆာရီယယ်လစ်အဖြစ်၊ ဟျူမင်နစ်ဇင်အဖြစ်၊ ဒါမှမဟုတ် လစ်ဘရယ်အစ်ဇင်တယောက်အဖြစ် တစုံတခု ရွေးချယ်မိကောင်း ရွေးချယ်ဖြစ်ခဲ့ပါ လိမ့်မယ်။ ဘယ်အင်္ကျီ၊ ဘယ်တံဆိပ်ကိုပဲ ၀တ်ဆင်ခဲ့ ၀တ်ဆင်ခဲ့ ဒီအချိန် ဒီကာလမှာ ဒီလို ၀တ်ဆင်ခဲ့မိလေခြင်းလို့ ကျွန်တော် နောင်တ မရခဲ့ပါ။ ငယ်ငယ်တုန်းကမှ ကွန်မြူနစ် မဖြစ်ခဲ့ဘူး ရင် သူရဲဘောကြောင်သူ၊ အသက်လေးဆယ် ကျော်လို့မှ ကွန်မြူနစ်ဖြစ်နေသေးရင်တော့ အတော်တုံးအ, သူဆိုသလား အူကြောင်ကျား စကားတခွန်းကိုလည်း ကြားဖူးခဲ့။ လက်ခံသင့်တဲ့ အပြောင်းအလဲကို လက်ခံဝံ့တဲ့ အသိဥာဏ်နဲ့ ကိုယ့်တည်ရှိခဲ့မှုကို ကိုယ်ကိုယ်တိုင် ကျေကျေနပ်နပ် သိမှတ်ပြုရဲတဲ့ ယုံကြည်ခြင်းများအကြောင်း သင်ခန်းစာသစ် တခု ပြင်ဆင်ပြီး သင်ကြားပေးရမှာလား။ တချို့ ပါးစပ်တွေဟာ သူတို့ ခံတွင်းတွေ အနံ့အသက် မကောင်းကြောင်း ကိုယ်တိုင်မသိလိုက်ကြ။ "မင်းယုံကြည်ခဲ့တဲ့ စနစ်ကြီး ကျဆုံးသွားပြီကွ" လို့ အာလုပ်သံကြီးနဲ့ အော်ကြီးဟစ်ကျယ် လှောင်ရယ် ရယ်ခဲ့သူတွေနဲ့လည်း ဆုံခဲ့ဖူးရဲ့။ အလှောင် အပြောင်လည်း ခံခဲ့ရဖူးပါရဲ့။ သူတို့ ညွှန်းဆိုတဲ့ စနစ်ကြီးဟာ သားသတ်လက်နက် မဟုတ် ကြောင်း၊ ကမ္ဘာဖျက်ဗုံးတလုံး မဟုတ်ကြောင်း၊ ဓါးစားခံ အပြည့်တင်ဆောင်၊ ဆီအပြည့်ဖြည့် ထားပြီး ဒဗလျူတီစီကို ၀င်တိုက်ခဲ့တဲ့ လေယာဉ်တစီးလည်း မဟုတ်ကြောင်း လှောင်ပြောင်သူ တွေ သတိမမူမိခဲ့။ ကျွန်တော်တို့ ကိုယ်တိုင် သူ့ရှေ့မှောက်မှာ အသက်ရှင်လျက် ရှိနေသေးတာကို မေ့လျော့နေခဲ့။ စကြ်ာတံဆိပ်တခုရဲ့ ရက်စက်မှု၊ ကင်ဒိုဓါးတချောင်းရဲ့ ရန်လိုမှုတွေနဲ့ စပါးတားကပ်စ်ခေတ်က ကျွန်ပြုသူတွေရဲ့ ကြာပွတ်သွားကို အသက်သွေးပေး ဆန့်ကျင်ခဲ့သူတွေရဲ့ ၀ိဥာဉ်တွေမှာ နောင်တ မပါခဲ့ဘူးဆိုတာ ဘယ်သူ့ကို ဘယ်လို ပြောပြရပါ့မလဲ။ ခက်တာက စောင်းသမားတွေဟာ သူ့ တူရိယာကို ဘယ်နားမှာသာ တီးခတ်သင့်ကြောင်း သိနေကြတာပါပဲ။
တချို့က နည်းနည်းဝေးတယ်။ တချို့က ဝေးချင်ယောင် ဆောင်ကြတယ်။ လေးဖြူရဲ့ ပါဝါပြည့်ပြည့် အသံကြီးကို သိပ်သဘောကျတာပဲ။ ရူးချင်ယောင်ဆောင်မနေနဲ့ ဆိုတဲ့ သီချင်းက သူ့အသံနဲ့ သိပ်လိုက်ဖက်တယ်။
ဘယ်လိုပဲ ဖြစ်ဖြစ်၊ မအိုချင်ပေမယ့် ကျွန်တော် အိုခဲ့ပြီ။ အိုပြီဆိုတာ ကိုယ်လျှောက်ဖူးတဲ့ ငယ်ဘ၀က လမ်းတွေကို ပြန်ငဲ့ကြည့်မိတယ်။ ကိုယ်နဲ့အတူ ပခုံးယှဉ်လျှောက်ခဲ့ဖူးတဲ့ လူတွေကို လည်း ပြန်အမှတ်ရတယ်။ အနာဂါတ်ကို သွက်သွက်လက်လက် မလှမ်းနိုင်တော့တဲ့အခါ တက်တက်ကြွကြွ ခြေလှမ်းချဖူးခဲ့တဲ့ အတိတ်ရက်တွေကို မျက်စေ့တဆုံး လှမ်းကြည့်မိတယ်။ ကျွန်တော်တို့ လျှောက်ခဲ့ ရောက်ခဲ့ ပြီးသမျှလမ်းဟာ အမှန်ချည်းလားဆိုတာ မဟုတ်။ တက်ကြွမှုတွေနဲ့ချည့်လား ဆိုတော့လည်း မဟုတ်။ ပျင်းရိခြင်းတွေနဲ့ လေးတိလေးကန်လား ဆိုတော့လည်း မဟုတ်။ ဘ၀အချိုရည်ကို တချိန်လုံး အာသာရမ္မက်ပြင်းခဲ့ကြသလား ဆိုပြန်တော့ မမှန်။ အားလုံးဟာ အချိန်အခါအလိုက်၊ အခြေအနေအလိုက်၊ စိတ်ခံစားမှုအလိုက် မိုးဦးတိမ်တွေလို ပြောင်းလွယ် ရွေ့လွယ် ခဲ့ဖူးတယ်။
ကျွန်တော်တို့ကိုယ်တိုင် (လမ်းလျှောက်ခဲ့ဖူးသူများကိုယ်တိုင်) အဲသလို ပြန်ကြည့်မိရုံ မက၊ ကျွန်တော်တို့ထက် ငယ်ရွယ်သူ နောက်မျိုးဆက်တွေကလည်း ကျွန်တော်တို့ကို ပြန်ကြည့်နေရတာ တွေ့ရပြန်တယ်။ သူတို့ဟာ ရှေ့ဆက်လျှောက်ကြည့်မယ့် (ကျွန်တော်တို့ လျှောက်ခဲ့တဲ့လမ်း မဟုတ်တဲ့) လမ်းတွေကို ကြည့်မျှော်နေကြသလို၊ သူတို့နောင်တော်တွေ လျှောက်ဖူးတဲ့ လမ်းကိုလည်း လှမ်းကြည့်နေပြန်တယ်။ ဒီအကြည့်တွေမှာ သံယောဇဉ်တွေနဲ့လား။ သံသယနဲ့ ကြည့်တာလည်း ဖြစ်နိုင်ပါတယ်။ ဒီလူကြီးတွေ လမ်းမှန် ကမ်းမှန်မှ လျှောက်ခဲ့ကြရဲ့လား ဆိုပြီးတော့ပေါ့။ ဒီလူကြီးတွေ ငါတို့ ဆက်လျှောက်မယ့် လမ်းကို ကောင်းကောင်းကန်းကန်း မှန်မှန်ကန်ကန် ဖောက်ပေးခဲ့ကြရဲ့လားဆိုတဲ့ အတွေးမျိုး တွေ နဲ့ပေါ့။
အဲဒီလိုမျိုး ခံစားချက်ကို ၂၀၀၆ ခုနှစ်ထုတ်၊ ဇူလိုင်လထုတ် "ပိတောက်ပွင့်သစ်" မဂ္ဂဇင်းထဲက 'လွှမ်းရုံ' ရဲ့ "ခင်ဗျားနဲ့ ကျွန်တော် ဒီလိုပဲ အိုတော့မယ်" ကဗျာမှာ သွားတွေ့လိုက်မိပါတယ်။
ဒီကဗျာဟာ ကျွန်တော့်ကို တော်တော် ပြင်းပြင်းထန်ထန် ထိမှန်ခဲ့တယ်။ ကိုယ်လုံးတီး ချွတ်ထားတဲ့ ကိုယ့်ခန္ဓာကိုယ်ကို မှန်ထဲမှာ အတိုင်းသားကြီး ပြန်မြင်လိုက်ရသလိုပါပဲ။
ဆရာ 'လွှမ်းရုံ'ရဲ့ ကဗျာပေါ်မှာ ခံစားရတာတွေကို မပြောခင် သူ့ကဗျာကို အရသာမပျက် အရင်းတိုင်းလေး ဖတ်ကြည့်စေချင်ပါတယ်။ အနက်ဝှက် မပါ၊ ပုံဖျက်ထားခြင်းမရှိတဲ့ ကဗျာလေးမို့ အလွယ်နားလည် ခံစားနိုင်ပါလိမ့်မယ်။
တစိမ့်စိမ့် တွေးယူတဲ့အခါ တဦးနဲ့တဦး အသက်အရွယ် ကွာခြားမှု၊ ရွေးလျှောက်ခဲ့တဲ့ လမ်း ကွာဟမှုတွေ အရပဲ 'အို' သွားကြတော့မလား ဆိုတဲ့ မေးခွန်းကတော့ ညက်ညက် ကလေးနဲ့ နက်နက်ထိုးစိုက်ဝင်ရောက်လာတဲ့ ဓါးချက်ပါပဲ။
အသက်သုံးဆယ်အရွယ် ကဗျာဆရာဟာ ဘ၀ရဲ့ ကြားဘူတာ တည့်တည့်လောက်မှာ ရပ်ပြီး သူ့ခရီးရဲ့ ရှေ့နောက်ကို ဆင်ခြင်နေပုံပါပဲ။

ခင်ဗျားနဲ့ ကျွန်တော် ဒီလိုပဲ အိုတော့မယ်

ဒီလိုပဲ
ခင်ဗျားတို့ တွေးခဲ့ခေါ်ခဲ့သလိုပဲ
ခင်ဗျားတို့ ထူးဆန်းခဲ့သလိုပဲ
ခင်ဗျားတို့ ရိုးအီခဲ့သလိုပဲ
အီရတ်ဆီ အပျော်ခရီးထွက်ဖို့ ခင်ဗျားတို့ မစဉ်းစားခဲ့သလိုပဲ
ပိုက်ဆံမရှိတဲ့ရက်မှာ အနုပဋိလောမကို
အတည်ပေါက်ရွတ်ခဲ့သလိုပဲ
ခင်ဗျားငိုခဲ့သလို ကျွန်တော်ရယ်ခဲ့ဖူးသလိုပဲ
အသည်းအသန်လုစီးရတဲ့ ဘတ်စ်ပေါ်
(၇၀)ကျော်အဖွားကြီးလည်း
မညည်းတော့သလိုပဲ
မိန်းမတယောက်ရှိဖို့ လိုအပ်ကြောင်း
သွေးသားက တောင်းဆိုခဲ့သလိုပဲ
နတ်ပွဲလည်းကြိုက် ချဉ်ငန်စပ်လည်းကြိုက်
မရှက်တရှက်လေး ဖော်ရမှာကြိုက်တဲ့
ခေတ်ပေါ်မိန်းမများရဲ့ လူရာဝင်သလောက်ပါပဲ
ခြေတဖက်ပြတ်သွားတဲ့
ကလေးတယောက်ရဲ့ အနာဂတ်ကို
ကမ္ဘာကြီး စဉ်းစားမပေးသလိုပဲ
ခင်ဗျားနေခဲ့သလို ကျွန်တော်မသေချင်သေးသလိုပဲ
ဘယ်လိုနေနေ အပြစ်မလွတ်တဲ့
ခင်ဗျားတို့ ကျွန်တော်တို့ရဲ့ ချုံးပွဲချဟာသတွေလိုပဲ
ကိုယ့်ဘ၀ကိုယ် ရွံ့မှာကြောက်ပြီး
ကိုယ့်အကြောင်းမရောက်အောင်တွေးခဲ့သလိုပဲ
ခင်ဗျားလည်း ထမင်းဆာနေသလို
ကျွန်တော်လည်း ကားခိုးစီးခဲ့သလိုပဲ
ဒီလိုပဲ
ခင်ဗျားပြောခဲ့သလိုပဲ
ခင်ဗျားလျှောက်ခဲ့သလိုပဲ
ခင်ဗျားကောက်ကျစ်ခဲ့သလိုပဲ
ခင်ဗျားပန်းပွင့်ခဲ့သလိုပဲ
ခင်ဗျားနေ၀င်ခဲ့သလိုပဲ
ခင်ဗျားမိုးမလင်းခဲ့သလိုပဲ
ဘ၀ကို ပျော်သလိုကြာခိုခဲ့တဲ့
အနှစ်(၃၀)
ဒီလိုပဲ
ခင်ဗျားထင်တဲ့အတိုင်းပဲ
ဟိုရောက်ဒီရောက်နဲ့
ဘယ်မှမရောက်ခဲ့တာလည်း
အတူတူပဲ။

လွှမ်းရုံ

ကဗျာဖတ်ပြီး သွားတဲ့အခါ ကျွန်တော့်ရင်ထဲ ပြောချင်တာတွေ မြစ်တစင်းမက စီးဆင်းခဲ့ ပေမယ့်၊ ပြောလို့မဖြစ်တာ၊ ပြောလို့ မထွက်တာတွေလည်း တောင်တန်းတခုမက မြင့်ပုံနေခဲ့ တယ်။
ကဗျာနဲ့ ကျွန်တော့်ကြားမှာ (ကဗျာဆရာရဲ့ နှလုံးသားနဲ့ ကျွန်တော့်စိတ်ခံစားမှုများ ကြားမှာလည်း ဖြစ်နေနိုင်ပါတယ်) အသံထွက် ဖော်ပြလို့မရတဲ့ စကားတွေ တမြို့စာမက တည်ခဲ့တယ်။
အရွယ်ရောက်စ ကာလတွေ ကတည်းက ကျွန်တော်တို့ တခုခုကို တွေးခေါ်တာ အမှန်ပဲ။ ကျွန်တော်တို့ဟာ စမ်းတ၀ါးဝါးနဲ့ လမ်းရှာနေကြတာလည်း ဖြစ်ပါတယ်။ အဲဒီအချိန် တုန်းကတော့ တွေ့မြင်သမျှ၊ ကိုယ်မသိသေးသမျှ အားလုံးဟာလည်း အထူးအဆန်းတွေ ဖြစ်ခဲ့တာပဲ။ ဘာမဆို အလွယ်တကူ စုပ်ယူမျိုချလက်ခံလိုက်ဖို့ အသင့်ဖြစ်နေခဲ့တဲ့ ငယ်ဘ၀တွေပါပဲ။ ကိုယ့်ဘက်က အမှန်တရားလို့ ထင်တဲ့ဟာနဲ့ အရာရာကို ပစ်လဲလိုက်ဖို့ နည်းနည်းမှ ၀န်မလေးခဲ့တဲ့ လွမ်းစရာ အချိန်လေးတွေပေါ့။
သစ်ခြင်းလို့ ကိုယ်ယူဆခဲ့တာ မှန်သမျှနဲ့ လင်ကိုယ်မယားလို နှစ်ရှည်လများ ပေါင်းဖက် နေထိုင်ခဲ့တဲ့နောက် အဲဒီ အသစ်တွေဟာ မသစ်ပြန်တော့ဘူး။ ကျွန်တော်တို့ ကိုယ်တိုင်က ရိုးအီလွယ်ခဲ့ကြသလား။ ကျွန်တော်တို့ လက်ခံထားရှိမှုတွေ ကိုယ်၌က ပျင်းရိစရာ ကောင်းလွန်းအောင် ခေါက်ရိုးကြေနေခဲ့ကြတာလား။
တချို့တလေက ငယ်နုစိတ်တခုတည်းနဲ့ (ဘာကိုမှ တိတိကျကျ မယ်မယ်ရရ မဆုပ်ကိုင် လိုက်နိုင်သေးခင်) "ကြိုးကြာငှက်တို့ရဲ့ မိုင်ထောင်ချီခရီးစဉ်" ဆိုတဲ့ သံစဉ် စာသားလေးအတိုင်း အပြိုင်းပြိုင်း ထပျံကြတယ်။
အများစုကတော့ သေပန်းတွေ ပွင့်နေတဲ့ ပူရှရှ နေ့လည်ခင်း တခုဆီကို ယဉ်တစီးစီးနဲ့ အခမဲ့ ပို့ပေးပါ့မယ်ဆိုရင်တောင်မှ အဲဒီမှာဖြင့် သစ်ဆန်းမှာပဲ ဆိုပြီး သွားကြည့်ချင်စိတ် မရှိခဲ့ကြပါဘူး။ ခြေမ ခလုပ်တိုက်ရင်တောင် 'အမေ' တပြီး နာတတ်ကြတဲ့ ကျွန်တော်တို့တတွေ ဟာ ကျည်ဆံမှန်ရင် အတော်နာကျင်မှာပဲလို့တော့ တွေးတောမိတတ်ကြပါတယ်။ အဲသလို နေရာမျိုးဆီ အပျော်ခရီးထွက်ဖို့ ငြင်းဆန်ခဲ့တတ်တာပါပဲ။
ဘ၀အိုးထဲမှာ အတ္တနဲ့ပရ ဘယ်အချိုးနဲ့ ရောမွှေ စပ်ဟပ် ခဲ့ပါသလဲ။
ဒါတွေဟာ ကျွန်တော်တို့ ရွယ်စဉ်တုန်းက စိတ်အခြေအနေပါ။ ကဗျာဆရာက(... သလိုပဲ) တွေ ထပ်ထပ်သုံးပြသွားတော့ သူတို့အခြေအနေ (ကျွန်တော်တို့ နောက်မျိုးဆက်ရဲ့ အခြေအနေ) ကလည်း ထူးမခြားနားပါလားလို့ သတိထားမိတယ်။ နှစ်ကာလတွေဟာ အရှိန်နဲ့ ရွေ့လျားသွားပေမယ့် အခြေအနေကြီးကတော့ ကြပ်ခဲကြီး ဖြစ်ကျန်နေတာလား။ ကျွန်တော်တို့ တွေးခဲ့သလို သူတို့ ဘာလို့ တွေးတောကြတာလဲ။ တခုတော့ ရှိပါတယ်။ ဒီနေ့မှာတော့ ဘယ်လူငယ်မှ အနုပဋိလောမကို ရွတ်ဖတ်သရဇ္ဈာယ် မနေလောက်တော့ဘူး ထင်ပါရဲ့။ ဒါဟာလည်း အနုပဋိလောမကြီး မှားနေလို့တော့ မဖြစ်တန်ပါ။ ခေတ်လှိုင်းဟာ အဲဒီ တံတိုင်းကြီးကို ကျော်လွှားဖုံးလွှမ်းသွားလိုက်တာပဲလို့ ထင်မြင်မိပါတယ်။
ကဗျာဆရာ သုံးပြသွားတာလေးကတော့ လှလွန်းတယ်။ ကျွန်တော်တို့ ငယ်ဘ၀ ကြားနေကျ 'ပစ္စည်းမဲ့လူတန်းစား'၊ 'အနုပဋိလောမ' ဆိုတဲ့ ဝေါဟာရတွေဟာ ကော်ကောင်း ကောင်းနဲ့ အကပ်ခံထားရတဲ့ စာလုံးတွေပါ။ ကျွန်တော်တို့လို ဥမမယ်စာမမြောက် ပညာတတ် ပေါက်စလေးတွေထဲမှာ ကိုယ့်ကိုယ်ကို ဆုံးရှုံးစရာဆိုလို့ နှောင်ကြိုးကလွဲရင် ဘာမှမရှိတဲ့ တကယ့်ပစ္စည်းမဲ့တွေလို ထင်ပြီး အတည်ပေါက်နဲ့ အနုပဋိလောမဂါထာကို ရွတ်ခဲ့ဖူးသူတွေ များကြလိမ့်မယ် ထင်ပါတယ်။ အဲဒီခေတ် အဲဒီအခြေအနေက ကျွန်တော်တို့ကို သူလှမ်းမြင် ကြည့်ပြီး ပြောသွားတာလေးကတော့

ပိုက်ဆံမရှိတဲ့ရက်မှာ အနုပဋိလောမကို
အတည်ပေါက်ရွတ်ခဲ့သလိုပဲ

'ပိုက်ဆံမရှိတဲ့ရက်မှာ' ဆိုတာ ဆင်းရဲစဉ်က အခြေအနေကို ပြောတာနေမှာ။ အဲဒီတုန်းက အနုပဋိလောမကို အတည်ပေါက်ရွတ်ခဲ့ကြသူတွေဟာ၊ နှစ်တွေ အတော်ကြာ ပြီးနောက်၊ အပြောင်းလဲတွေအောက် ရောက်သွားကြပြီးနောက် ပိုက်ဆံတွေ (သို့မဟုတ်) ရာထူးရာခံ အခွင့်အလမ်းတွေ ရရှိသွားတဲ့ နောက်များမှာ။
(အဲဒီ ၀ါကျကို ရေးနေမိတုန်းမှာပဲ ကျွန်တော်တို့ တောမြို့လေးတွေမှာ တွေ့ရတတ်တဲ့ ရုပ်ရှင်ကြော်ငြာ လှည်းကလေးဆီက အသံကို ကြားယောင်လာမိပါတယ်။ ငွေရောင်ပိတ်ကား ပေါ်မှာ ဆက်လက်ရှုစားကြပါခင်ဗျား ဆိုတဲ့အသံပါ)
ငိုကြ၊ ရယ်ကြ၊ ကြည်နူးကြ၊ ကြေကွဲကြ၊ ဒေါသဖြစ်ကြ၊ သိမ်မွေ့နူးညံ့ကြနဲ့ ဖြစ်ရိုးဖြစ်စဉ် ဘ၀လွင်ပြင်ထဲ သူသူငါငါလို ကျွန်တော်တို့တတွေ ဖြတ်သန်းသွားလာနေကြတဲ့ ရုပ်ပုံကားချပ် တွေကို "ခင်ဗျားငိုခဲ့သလို ကျွန်တော်ရယ်ခဲ့ဖူးသလိုပဲ" ဆိုတာကလေးနဲ့ ကားဆက်ပေးခဲ့တယ်။ အဲဒီနောက် "အသည်းအသန်လုစီးရတဲ့ ဘတ်စ်ပေါ် (၇၀) ကျော်အဘွားကြီးလည်း မညည်း တော့ သလိုပဲ" လို့ ဘ၀တနံတလျားကို ဇွန်းအောက် (Zoom Out) လုပ်ပြီး၊ အဝေးမြင်နဲ့ လှစ်ကနဲ တချက်ပြသလိုက်တဲ့အခါ၊ ကျွန်တော်တို့ ရင်ထဲမှာ (နှစ်ပေါင်း ၇၀) (အသည်းအသန် လုစီးရတဲ့ ဘတ်စ်ကား) (မညည်းညူတတ်တော့်တဲ့၊ ညည်းညူခြင်းဝေါဟာရများကို မေ့လျော့ နေတဲ့နှုတ်ခမ်း) (နေ့များ) (ညများ) (ခြောက်သွေ့ ပူပြင်း စွတ်စိုရာသီများ) (ကိုယ်နံ့များ) (ဆူငေါက်သံ အော်သံများ) (ဘယ်ငေးနေမှန်းမသိတဲ့ ဆုံချက်မဲ့ ရီဝေေ၀ မျက်လုံးများ) (စစ်ကြိုခေတ် အင်ဂျင်ဟောင်းတလုံးဆီက မချိမဆန့်အော်ရုန်းသံ) (တွန့်ကြေနေသော အ၀တ် အထည်များ) (လိုရာအချိန်မီ ရောက်လိုစိတ်နဲ့ နာရီခဏခဏ ကြည့်တတ်သူများ) စသဖြင့် ဖြတ်ပိုင်းဖြတ်စတွေဟာ တလက်လက် ပေါ်လာတယ်။ စပ်ထည်စတွေနဲ့ ချုပ်လုပ်ပြသတဲ့ ဘ၀ အမည်ရ ပန်းချီကားတချပ်ကို ရပ်ကြည့်နေရသလိုပဲ။
ငယ်စဉ်ကနေ ရွယ်စဉ်ဘ၀ကို ကူးပြောင်းတဲ့အခိုက်မှာ ဘာတွေ ဖြစ်ခဲ့ကြပါသလဲ။
တကယ့် ရက်စွဲခါးခါးတွေကို စားသုံးခဲ့ရတဲ့၊ ပြတင်းပေါက်ကျဉ်းကျဉ်းက ပျော်ကျလာတဲ့ လရောင်ကို လက်ခုပ်နဲ့ ခံသောက်ကြရတဲ့ ၁၉၇၀ ကျော်ကာလတ၀ိုက်မှာ ကျွန်တော်တို့ အားလုံးလိုလိုဟာ အသက် (၂၀) မပြည့်သေးသူနဲ့ ကျော်ရုံလေးသာ ရှိသေးသူတွေ ဖြစ်ကြ တယ်။ အဲဒီကနေ (၈၀) ဆီ စွန်းစမှာ အတော်များများဟာ လက်တွဲဖော်တွေနဲ့ ဖြစ်သွားကြတယ်။ ချစ်ခြင်းက တောင်းဆိုခဲ့တာလား၊ သွေးသားက မျက်စိမှောက်ခဲ့တာလား၊ သုတေသနပြုဖို့တော့ မလွယ်ကူလှပါ။ အဲဒီနောက် ကျွန်တော်တို့ရဲ့ ဘ၀တွေဟာ လူကြီး ဖြစ်သွားခဲ့ကြသလား။ လူရာဝင်ခဲ့ကြသလား။ ကိုယ်မမြင်တဲ့၊ ကိုယ်မချနိုင်တဲ့ မှတ်ချက်ကို ကဗျာဆရာက ဟောသလို ပြောခဲ့တယ်။

"မိန်းမတယောက်ရှိဖို့ လိုအပ်ကြောင်း
သွေးသားက တောင်းဆိုခဲ့သလိုပဲ
နတ်ပွဲလည်းကြိုက် ချဉ်ငန်စပ်လည်းကြိုက်
မရှက်တရှက်လေး ဖော်ရမှာကြိုက်တဲ့
ခေတ်ပေါ်မိန်းကလေးများရဲ့ လူရာဝင်သလောက်ပါပဲ"

လုံလောက်ပါရဲ့။ သူမှတ်ချက်ချခဲ့သလိုပဲ ကျွန်တော်တို့ အိမ်ထောင်ရက်သား ကျပြီးနောက် လူရာဝင်မှုဟာလည်း ဒိထက် နည်းနည်းလေးမျှ ပိုခဲ့မယ် မထင်ပါ။ ဒီလောက်ပါပဲ လူရာဝင်ခဲ့ကြပုံက။
အဲဒီနောက် သူဆက်ရေးတဲ့ ဟောဒီအပိုဒ်ဟာ အိမ်ထောင်ရက်သား ကျခြင်းနဲ့ ဆက်စပ်လိုက်လေသလား။ သီးခြားပြောလိုတဲ့ အချက်တခုပေလား။ မသေချာပေမယ့် ကျွန်တော်တို့ တုန်းကတော့ ပျံသန်းမယ့်ငှက်အတော်များများရဲ့ တောင်ပံတွေဟာ အိမ်ထောင် ရေးမြှားမှန်ပြီး အပိုင်းပိုင်းကျိုးခဲ့တာ မြင်ခဲ့ရတယ်။

"ခြေတဖက်ပြတ်သွားတဲ့
ကလေးတယောက်ရဲ့ အနာဂတ်ကို
ကမ္ဘာကြီး စဉ်းစားမပေးသလိုပဲ"

တကယ်တော့ ကမ္ဘာကြီးက ဘယ်သူ့အတွက်မှ မစဉ်းစားပေးပါ။ (၂၄)နာရီ စည်းချက် ထဲမှာ တိတိကျကျဝင်အောင် ချိန်မှတ်၊ သူ့တိမ်မျှင် ဂါဝန်ကြီးတွေကို ကားကနဲဖြစ်အောင် ဝှေ့ယမ်းပြရင်း၊ ပျော်ပျော်ကြီး ကခုန်နေတာပါပဲ။ သူ့အလုပ် သူလုပ်၊ သူ့အထုပ်နဲ့သူ ဟုတ်နေတာပါ။
ကမ္ဘာကြီးပေါ်မှာ နေထိုင်ရင်း ရုန်းကန်နေကြတဲ့ လူသားဆိုတဲ့ သတ္တ၀ါတွေမှာသာ လူ့မျိုးဆက်တွေအတွက် စဉ်းစားနေကြ၊ စဉ်းစားပုံမတူ၊ အားထုတ်ပုံမတူ၊ ညီညွတ်ခြင်းမတူ၊ စနစ်မတူမှု ကြားမှာ မတူတဲ့အဖြေတွေ ထွက်ထွက်လာနေကြတာပါပဲ။ ကျွန်တော်တို့ဟာ အချိုတလုပ် စားရရင်လည်း အဲဒါကို ချက်ပြုတ်ကျွေးမွေးခဲ့တဲ့ ကျွန်တော်တို့ လူမျိုးနွယ်တွေ ကြောင့်ပါပဲ။ အခါးတခွက် သောက်ခဲ့ရရင်လည်း သူတို့ကြောင့်ပါပဲ။ တခုတော့ ရှိပါတယ်။ အဲဒီ ကျွန်တော်တို့ ခံစားနေရတဲ့ ရလဒ်အားလုံးဟာ ကိုယ်အပါအ၀င် ကိုယ်နဲ့ခေတ်ပြိုင် လူသားအားလုံးရဲ့အစွမ်းအစ အားလုံးနဲ့ မကင်းရာ မကင်းကြောင်းတွေလည်း ဖြစ်နေတယ် ဆိုတာ မမေ့သင့်ဘူး ထင်ပါရဲ့။
နတ်သုဒ္ဓါ တခွက် စားချင်ရင်တော့ အဲသဟာ ရှိရာ အရပ်ကို မလျှော့သောဇွဲနဲ့ အကြောက်တရားမဲ့စွာ ရောက်အောင်သွားတတ်ဖို့တော့ လိုပါလိမ့်မယ်။

"ခင်ဗျားနေခဲ့သလို ကျွန်တော်မသေချင်သေးသလိုပဲ
ဘယ်လိုနေနေ အပြစ်ကမလွတ်တဲ့
ခင်ဗျားတို့ ကျွန်တော်တို့ရဲ့ ချုန်းပွဲချ ဟာသတွေလိုပဲ
ကိုယ့်ဘ၀ကိုယ် ရွံမှာကြောက်ပြီး
ကိုယ့်အကြောင်းမရောက်အောင်တွေးခဲ့သလို"

ကျွန်တော်တို့ဟာ ဒီဒွန္ဒရာကြီးအလယ်မှာ ကိုယ့်ရှင်သန်မှု ကိုယ့်တည်ရှိမှု တခုတည်း အတွက်ကိုပဲ ကြည့်ပြီး ရက်တွေ ဘယ်လောက် ဖြတ်သန်းခဲ့ပြီးပြီလဲ။ ၀ပ်ကျင်းတွေ ဘယ်လောက်ခိုင်ခိုင် တည်ဆောက်ပြီးခဲ့ ကြပါပြီလဲ။
ကျွန်တော် နေချင်ခဲ့တာလဲ ဘ၀ကို ခင်တွယ်လို့ပါပဲ။ ခင်ဗျားမသေချင်တာလဲ ဘ၀ကို ခင်တွယ်လွန်းလို့ပါပဲ။ အဲဒီ ခင်တွယ်စိတ်၊ ချစ်တဲ့စိတ်တွေနဲ့ တည်ဆောက်ထားခဲ့တဲ့ ကျွန်တော်တို့ရဲ့ ကိုယ်ပိုင်ဘ၀တွေကရော ဘယ်လောက် ဟန်ကျနေခဲ့ပြီလဲ။ ဘယ်လောက် အပြစ်ကင်းစင် နေခဲ့ပါသလဲ။ တခါတရံပေါင်း များစွာမက ကျွန်တော်တို့ဟာ ကျွန်တော်တို့ ပိုင်ဆိုင်နေတဲ့ ဘ၀တွေကိုရော၊ ကိုယ့်စိတ်ရဲ့ ဟိုးအတွင်းပိုင်းကိုပါ ပက်ပက်စက်စက် ရွံမုန်းခဲ့ရ တာတွေ ကြုံဖူးမှာပါ။ ကိုယ့်ဘ၀ကို ကိုယ်ကိုယ်တိုင် ရွံမုန်းမှာကြောက်ပြီး ပုန်းခိုရာကျင်းအဖြစ် ကိုယ့်အကြောင်းကိုယ့်အကြောင်း ကိုယ်ပြန်မတွေးမိတဲ့ ရက်တွေကို အမှတ်ထင်ထင် ဖွဲ့ပြခဲ့တဲ့ ကဗျာဆရာကို ကျွန်တော်က လှမ်းပြုံးပြလိုက်မိပါတယ်။
စာကြောင်းရေ (၄၀)ကို ပုဒ်ဖြတ်၊ ပုဒ်မ မတပ်ပဲ တဆက်တည်း ရေးပြထားတဲ့ ကဗျာရဲ့ နောက်ဆုံး စာကြောင်းတွေမှာတော့ ကဗျာဆရာ (သူနဲ့ခေတ်ပြိုင်တွေကို ကိုယ်စားပြုထားတာ လည်း ဖြစ်နိုင်ပါတယ်) ရဲ့ ဘ၀ဟာ ရှေးက ကျွန်တော်တို့ ဘ၀နဲ့ ထူးပြီးခြားနားမနေတော့ပါ။ စက်မှုစနစ် ချို့ယွင်းလို့ ဒီနားတင်ပဲ တ၀ဲဝဲလည်ပြီး ဒီအသံတွေချည်း ထပ်ထပ်ထွက်နေတဲ့ စီဒီတချပ်လို ဖြစ်နေပါတော့တယ်။ ကဗျာဆရာက တအုံတနွေးနွေး တအီလည်လည် သူ့ကိုယ်သူ စိတ်ပျက်ခြင်းတွေ ရွာလည်ရင်း ဒီလိုပြောချခဲ့တယ်။

"ဘ၀ကို ပျော်သလို ကြာခိုခဲ့တဲ့
အနှစ် (၃၀)
ဒီလိုပဲ
ခင်ဗျာထင်တဲ့အတိုင်းပဲ
ဟိုရောက်ဒီရောက်နဲ့
ဘယ်မှမရောက်ခဲ့တာလည်း
အတူတူပဲ"

ကျွန်တော်တို့ဟာ မွေးဖွားလာကတည်းက လျှောက်ခဲ့ကြရပါတယ်။ ဘ၀ကိုက မလျှောက်လို့မှ မဖြစ်တာကိုး။ ဒီလိုနဲ့ နှစ်တွေ ကြာခဲ့တယ်။ ဘယရောက်ခဲ့ ဘယ်ထိပေါက်ခဲ့ ပါသလဲ ဆိုတဲ့ မေးခွန်းကို စနစ်တကျ ဖြေဆိုဖို့ရာမှာတော့ ကျွန်တော်တို့ ဖ၀ါးတွေအောက်က မရပ်မနား လျှောက်နေရတဲ့ လမ်းမကြီးကို အရင်ငုံ့ကြည့်ရပါလိမ့်မယ်။ ပြီးတော့ ဒီလမ်းမကြီးရဲ့ ခေါ်ဆောင်သွားရာ မိုးကုပ်စက်ဝိုင်းဆီ လှမ်းမျှော်ကြည့်ရပါဦးမယ်။ သာမန်မျက်လုံးနဲ့ လှမ်းမမြင် နိုင်တဲ့ လမ်းနဲ့ ပြန်ဆက်ထားတဲ့စက်ဝိုင်းရဲ့ အစိတ်အပိုင်းတခု ဖြစ်နေတယ်ဆိုရင်တော့ ....။ ကဗျာဆရာရေ ဒီလိုပုံနဲ့ ကျွန်တော်တို့ ဆက်လက်အိုမင်း နေရပါဦးတော့မယ်။
တကယ်တော့ ကျွန်တော်တို့ ဖြစ်ဖြစ် ခင်ဗျားတို့ဖြစ်ဖြစ် ဘယ်သူဖြစ်ဖြစ် ဒီလိုနဲ့ပဲတော့ အိုချင်ခဲ့ကြမှာ မဟုတ်ပါ။
ကျွန်တော် ခုရေးခဲ့တာဟာ ကိုယ်ဖတ်လိုက်ရတဲ့ ကဗျာတပုဒ်ကို ဂုဏ်ပြုဖော်ထုတ် ချီးကျူးတဲ့ အရေးအသား မဟုတ်ပါ။ ရှင်းနေတဲ့ ကဗျာကြီးကိုက ဘာသာပြန်တာ၊ ဖတ်ညွှန်း ရေးတာလည်း မဟုတ်။ ကဗျာဝေဖန်ရေးက ပိုမဟုတ်သေး။ ကျွန်တော့်ရင်ထဲ ရောက်လာတဲ့ ဒီကဗျာရဲ့ ရိုက်ခတ်မှုကြောင့် ကျွန်တော် ခံစားရတာတွေကို ချရေးလိုက်တဲ့ ကဗျာဖတ်သူတဦးရဲ့ ခံစားမှုသာ ဖြစ်ပါတယ်။ ဒီတခါမှာ ကျွန်တော့်ခံစားမှုတွေဟာ ကဗျာဆရာရဲ့ မူလဆိုလိုရင်းနဲ့ လွဲရင်လည်း လွဲချော်နေမယ်။ ပွတ်တိုက် ထိပါးမိတာ၊ တိုက်ရိုက်ဝင်သွားခဲ့တာလည်း ရှိကောင်း ရှိမယ်။ ဘာဖြစ်ဖြစ် ကိစ္စမရှိပါ။ ကဗျာတပုဒ်ကို ကဗျာဆရာက ရေးထုတ်တယ်။ ဖော်ပြတယ်။ ဖတ်သူက ဖတ်ရတယ်။ ခံစားရတယ်။ ဒီကဗျာတပုဒ်ထဲကို ဖတ်လိုက်ရသူ အားလုံးရဲ့ ခံစားမှုက ထပ်တူမကျနိုင်တာ အသေအချာပါပဲ၊ ရေးဖွဲ့ဖြင်း၊ ဖော်ထုတ်ပြခြင်း၊ ဖတ်ရှုခံစားခြင်းဆိုတဲ့ အဲဒီ ဖြစ်စဉ် ပြီးမြောက်တဲ့အခါ ကဗျာရဲ့ အလုပ်ပြီးမြောက်ပါတယ်။
ကဗျာတပုဒ်ဟာ သူ့အလုပ် ပြီးမြောက်ပေမယ့် အဲဒီ ပြီးမြောက်မှုနောက်က ရလာတဲ့ ရလဒ်ဟာ တူညီမှု မရှိနိုင်တာလေးကိုတော့ ကျွန်တော်တို့ သတိပြုမိကြပါလိမ့်မယ်။ အဲဒီ မတူညီတဲ့ ရလဒ်ပေါင်း များစွာထဲက တခုဟာ အခုရေးမိခဲ့တဲ့ ဟောဒီအရေးအသားပါပဲ။
ကဗျာဆရာ "လွှမ်းရုံ" ကျန်းမာရွှင်လန်းစွာ အိုမင်းနိုင်ပါစေ။

ငြိမ်းအေးအိမ်
ပိတောက်ပွင့်သစ်မဂ္ဂဇင်း၊ အမှတ် (၉) နိုဝင်ဘာ ၂၀၀၆ မှ ကူးယူဖော်ပြပါတယ်။

Thursday, July 17, 2008

သူစိမ်းတွေကြားမှာ
ရေးသူ- နုနုရည် (အင်းဝ)


ဒီနေ့ဆိုရင် ဂျူမုံတို့၊ ချန်ဂင်တို့၊ အွန်စော တို့ရဲ့ ရှေး ဂျိုဆောင် နယ်မြေ၊ 'ကုန' လို့ သူတို့ အတိုကောက် ခေါ်တဲ့ (KNUA)၊ ကိုးရီးယား အနုပညာတက္ကသိုလ်ကို ရောက်တာ၊ ခုနှစ်ရက်မြောက်တဲ့ နေ့ပေါ့။ အခု အခန်းထဲက breakfast စားတဲ့ နေရာကနေ လှမ်းကြည့် လိုက်ရင်၊ လက်တကမ်းမှာ စိမ်းမြနေတဲ့ သစ်ပင်အုပ်တွေကို လှမ်းမြင်နေရတယ်။ ၁၉၉၃ ခုနှစ်ကမှ စပြီး တည်ထောင်ခဲ့တဲ့ တက္ကသိုလ်တဲ့ .....။ အရာရာမှာ ပြီးပြည့်စုံပြီး နိုင်ငံရဲ့ နံမည်အကြီးဆုံး အနုပညာတက္ကသိုလ်တဲ့ .....။ ဒီလောက်အချိန်လေး အတွင်းမှာ တက္ကသိုလ်ဟာ စိမ်းမြနေတဲ့ တောအုပ်ထဲမှာ၊ .... တောအုပ်ထဲမှာ.....။ ရင်ထဲမှာ နာကျင်ရပြန်ပြီ....။ စိန်ရတုကျော်လွန်ခဲ့တဲ့ ကျွန်မတို့ ရန်ကုန်တက္ကသိုလ်က စိမ်းမြတဲ့ ကံ့ကော်တော ကတော့ မရှိတော့ဖူးနော် ....။ မေ (၃) ရက် မနက်ခင်းကို မစဉ်းစားပါရစေနဲ့။ ကြောက်မက်ဖွယ် လေချွန်သံ၊ တခါမှ မမြင်ဖူးခဲ့တဲ့ တုန်လှုပ်ဖွယ် သစ်ပင်တွေရဲ့ ယိမ်းနွဲ့မှု ..။ ဘယ်တော့မှ မကြားချင်တော့တဲ့ သွပ်ပြားချင်း ရိုက်ခတ်သံ၊ လူများစွာရဲ့ အထိတ်တလန့် အော်ဟစ်သံ၊ ကလေးတွေရဲ့ သနားစဖွယ် ငိုကြွေးသံ..။ နာကျင်စရာတွေ ... များစွာ ..၊ များစွာ ...၊ များစွာ ....။



ကျွန်မ နေထိုင်ရာ တက္ကသိုလ် ဆရာများရဲ့ အခန်းလေးက နဲနဲ လေ၀င်သက်သာတဲ့ မီးဖိုခန်းလေးထဲမှာ၊ ကျွန်မတို့ နှစ်ယောက်..၊ ည ဆယ့်နှစ်နာရီကနေ၊ နောက်နေ့ ဆယ်နှစ်နာရီထိ 'ပု' နေခဲ့ရတာ..။ အမှောင်ထုကြီးထဲမှာ၊ လက်နှိပ်ဓါတ်မီးလေး တလက်ကို ကျစ်ကျစ်ပါအောင် ဆုပ်ရင်းပေါ့။
မနက်လင်းအားကြီးမှာ ကြောက်စရာ အသံကြီး တသံနဲ့အတူ၊ ကျွန်မတို့ အဆောက် အဦကြီး ပြိုကျပြီလို့ ထင်လိုက်တာ..။ 'တိုက်ပြိုပြီ'လို့ ကျွန်မ အော်လိုက်မိတယ်။ ကျွန်မ ခင်ပွန်းက 'သတိထား...၊ သတိထား..၊ မကြောက်နဲ့' တဲ့။ ပြီးတော့ လင်းရောင် ပျပျမှာ အရိပ်မဲကြီးတခု ကျွန်မတို့ကို ဖုံးလွှမ်းသွားသလိုပဲ....။
ကျွန်မတို့ အဆောက်အဦးရဲ့ အမိုးကြီး အချပ်လိုက် ကွာကျလာတာ..။ ကြီးမားလှတဲ့ အဲဒီ အမိုးကြီးက ကျောင်းဆရာတွေရဲ့ ကားစုတ်ကလေးတွေပေါ်ကို ရိုက်ခတ် ဖုံးအုပ် လိုက်တော့တာ..။
အမိုးမရှိတော့တဲ့ အပေါ်ဆုံးထပ်က အခန်းတွေထဲကို မိုးတွေ လေတွေ၊ ဒလဟော ၀င်လာခဲ့တာပေါ့။ အသက်လုပြီး အောက်ထပ်အခန်းတွေကို ဆင်းပြေးကြရတဲ့ ပါမောက္ခတွေ၊ ကထိကတွေ၊ မိသားစုတွေ.....။
၁၁' x ၄၅' အကျယ်အ၀န်းရှိတဲ့ အခန်းရှည်မျောမျောလေးတွေနဲ့ ဖွဲ့စည်းထားတဲ့ တက္ကသိုလ်ဆရာများရဲ့ လေးထပ်တိုက် အဆောက်အဦး နီနီတွေကို တခုသော စာပေဟော ပြောပွဲကအပြန် အကိုကြီး ကိုသုမောင်က အထုပ်ဆွဲ လိုက်ပို့ရင်း 'ဒါ တက္ကသိုလ် ဆရာများရိပ် သာလား.... ရေခဲတိုက်တွေနဲ့ တူတယ်' လို့ နောက်ပြောင်ခဲ့ဖူးတယ်။ ရယ်မောရင်း၊ နှုတ်လှန်ထိုးရင်းက ၀မ်းနည်းနာကျင်ခဲ့ဖူးတယ်။
ဘယ်တော့မှ မေ့လို့ ရမှာမဟုတ်တဲ့ ဒီအိပ်မက်ဆိုး မုန်တိုင်းကြီးနဲ့အတူ တကိုယ် ကောင်းဆန်သူတွေ၊ စွန့်လွှတ်အနစ်နာခံသူတွေ၊ လူလူချင်း စာနာထောက်ထားမှု ဆိုတာကို အံ့သြစရာ ကောင်းလောက်အောင် မျက်ကွယ်ပြုနိုင်သူတွေ၊ ရှိသမျှလေးကို ခွဲဝေကျွေးပြီး ရိုင်းပင်းကူညီကြသူတွေကို ကျွန်မ တွေ့ခဲ့ရတယ်။
နာဂစ်ကပြောပြတဲ့ ရင်နာစရာ ဇာတ်လမ်းပေါင်းများစွာ၊ တထောင့်တညကို ဘယ်လို များ ရေးရက်ပါ့မလဲ...။ နားတောင်မှ မထောင်ရဲခဲ့ဘူး။ တွံတေး၊ ကွမ်းခြံကုန်း၊ ဒေးဒရဲ သွားလမ်းမကြီးဝဲယာက လူတန်းရှည်ကြီးတွေ၊ ကျွန်မတို့ မြန်မာတွေ၊ ကျွန်မတို့ လူမျိုးတွေ....၊ ဒုက္ခသည်ချင်းအတူတူ၊ ရှိသမျှလေးထဲက ခွဲဝေကျွေးနိုင်တာ၊ မရှိတဲ့ ကြားထဲက လှူဒါန်းရဲတာလဲ ကျွန်မတို့ လူမျိုးတွေပါ။ ကျွန်မတို့ ရင်ထဲမှာ ရှိနေနိုင်သေးတဲ့ ဒီစိတ်ဓာတ် ကလေးဟာ မြန်မာဆိုတာ ရှိနေသေးသရွေ့၊ ရှိနေနိုင်ပါရစေ၊ ဘယ်တော့မှ ပျောက်ကွယ် မသွားရ ပါစေနဲ့....။ ရေနစ်သူတွေကို ၀ါးကူထိုးခဲ့တဲ့ နာဂစ်ရေ...၊ တို့ တိုင်းပြည်လေးကို ဘယ်တော့မှ ပြန်မလာပါနဲ့တော့နော်.....။
နောက်ဆံတငင်ငင်နဲ့ ထွက်လာရတဲ့ ဒီခရီးဟာ တကယ်တော့ ကျွန်မကို ဖိတ်တဲ့ရက် ထက် ဆယ်ရက်ကျော် နောက်ကျနေခဲ့ပါပြီ...။ e-mail ဘယ်တော့မှ မသုံးတဲ့ ကျွန်မ ချစ်သူငယ်ချင်း ကိုးရီးယားကဗျာဆရာဟာ သိပ် စိတ်ပူနေရှာပါပြီ။ အနုပညာသမားတို့ရဲ့ အမူအကျင့် အားလုံးရှိတဲ့ ကျွန်မသူငယ်ချင်းဟာ သူတို့နိုင်ငံရဲ့ နံမည်အကြီးဆုံး ဒီအနုပညာတက္ကသိုလ်ရဲ့ (President) ပါ။ ပါမောက္ခချုပ်ကြီးပေါ့လေ.....။ အံ့သြစရာ မကောင်းဘူးလား....။ 'မင်း ဒီလိုနေရာမှာ ရှိနေတာ ငါဘယ်လိုမှ စဉ်းစားလို့ မရဘူး' လို့ ကျွန်မက ပြောတော့ သူလဲ ဘယ်လုပ်ချင်ပါ့မလဲတဲ့...။ ဒါပေမယ့် အနုပညာတက္ကသိုလ်ရဲ့ (Prisedent) ဟာ နိုင်ငံကျော် အနုပညာရှင်တယောက်ပဲ ဖြစ်သင့်တယ်ဆိုပြီး သမတက တာဝန်ပေးအပ်ခြင်းကို ခံရတာတဲ့လေ..။ "မင်းသိသားပဲ၊ ငါ ကဗျာပဲ ရေးချင်တာ၊ တာဝန်တွေနဲ့ မနေချင်ပါဘူး..၊ ငါရတဲ့ လစာ ၀မ် သိန်းသုံးရာကျော် မမက်ဖူး" တဲ့...။
ကျွန်မနဲ့ သူနဲ့က ၂၀၀၀ပြည့်နှစ်၊ IWPI, U.S မှာ၊ အိုင်အိုဝါ IOWA တက္ကသိုလ်မှာ ပေါ့...။ အဲဒီမှာ ဆုံကြပြီး ရင်းနှီးခင်မင်ခဲ့ကြတာပေါ့။ နိုင်ငံတကာ စာရေးဆရာ၊ ကဗျာဆရာ၊ ပြဇာတ်ဆရာတွေ ဆယ့်ခွန်နှစ်ယာက်မှာ ထုံးစံအတိုင်း တူရာ၊ တူရာ တွဲကြတော့ ကျွန်မရယ်၊ အမျိုးသမီးသတင်းစာဆရာမ ဗီယက်နမ်မလေးရယ်၊ ကိုးရီးယား ကဗျာဆရာရယ်၊ အိန္ဒိယ ပြဇာတ်ဆရာရယ် တွဲမိကြပြီး၊ မောင်နှမတွေလို ဖြစ်သွားကြတော့တာ။ အိုင်အိုဝါက (Hawkeye) အဆောင်မှာ မထော်မနှမ်းတွေ ဖြစ်နေကျ။ ကျွန်မနဲ့ ဗီယက်နမ်မလေး ဗိုသီဟိုတို့ ကို ကိုးရီးယားသူငယ်ချင်း ဟွမ် (Hwong) က အမြဲအကူအညီ ပေးခဲ့တာ။ တောကတက်လာတဲ့ ကျွန်မတို့ နှစ်ယောက်ဟာ (911) ရဲ့ ဖုံးနံပါတ်ကို မှားနှိပ်လို့ ရဲရောက်လာတာလဲ ရှိတယ်။ အခန်းထဲမှာ အာရှဟင်းတွေ ချက်မိလို့ Smoke Alarm ထမြည် တာလဲ အကြိမ်ကြိမ်...။
တကယ်တော့ e-mail ဆိုတာကို ဘယ်လိုဟာလဲ ဆိုတာ ကျွန်မနဲ့ 'ဟို' ကို သင်ပေးခဲ့သူဟာ KNUA ပါမောက္ခချုပ်ကြီးပေါ့...။ ဒါပေမယ့် အထင်တော့ မကြီးလိုက်ပါနဲ့။ အိုင်အိုဝါ တက္ကသိုလ်စာကြည့်တိုက် အပေါ်ထပ်မှာ အလုပ်လုပ်နေတဲ့ သူ့သူငယ်ချင်း ကိုးရီးယားတယောက်ကို သွားခေါ်လာပြီး သင်ပေးခဲ့တာပါ...။ သူကတော့ ခုချိန်ထိ..၊ e-mail လိပ်စာ ရှိပေမယ့် ဘယ်တော့မှ မသုံး...။ အိုင်အိုဝါ တက္ကသိုလ်တခွင်မှာ သူဝါသနာပါတဲ့ ဓာတ်ပုံ ရိုက်တဲ့အလုပ်ကို လုပ်ဖို့ ကင်မရာကြီးတလွယ်လွယ်နဲ့ လျှောက်သွားနေတာ..။ ကျွန်မနဲ့ 'ဟို' က ဓာတ်ပုံမော်ဒယ်တွေပေါ့..။ လွမ်းစရာပါ။ ဒါတွေဟာ လွန်ခဲ့တဲ့ ရှစ်နှစ်ကပေါ့လေ၊ ကျွန်မတို့ သူငယ်ချင်းနှစ်ယောက် ဒီလို ပြန်ဆုံကြလိမ့်မယ်လို့လဲ တခါမှ မတွေးခဲ့မိပါဘူး...။
ချစ်သူငယ်ချင်း စီစဉ်ထားတဲ့ ကျွန်မအခန်းဟာ (KNUA) ရဲ့ အဆောင် မြေညီထပ်မှာ ပါပဲ။ ဒါပေမယ့်... အခန်းကို တွေ့တာနဲ့ ကျွန်မ သိပ်အံ့သြသွားမိတာပဲ။ အခန်းက အကျယ်ကြီး၊ ကျွန်မစိတ်ထင် ပေအစိတ်ပတ်လည်လောက် ရှိမယ်။ အခန်းထဲမှာ မီးဖိုချောင်လေးလဲ ပါတယ်။ အိုးခွက်ပန်းကန် အပြည့်အစုံ၊ လျှပ်စစ်ရေနွေးအိုး၊ မိုက်ကရိုဝေ့ဖ်၊ ရေခဲသေတ္တာ၊ နှစ်လုံးတွဲ ဂက်စ်မီးဖို၊ တကယ့်ကို လိုလေသေးမရှိတဲ့ မီးဖိုချောင်လေးပဲ။ ကွန်ပြူတာ၊ တယ်လီဖုံး၊ တီဗွီ၊ ဒီဗွီဒီစက်၊ အဲယားကွန်း၊ ရေချိုးခန်းထဲမှာ သီးသန့်အခန်းလေးနဲ့ အ၀တ်လျှော်စက်လဲ ရှိတယ်။ စတိုခန်းလေးတောင် ပါလိုက်သေးတယ်။ အဲဒီထဲလေးမှာ စောင်အပို၊ ခေါင်းအုံးအပိုတွေနဲ့ ဖုံစုတ်စက်ကလေး ရှိတယ်။ အခန်းထဲစီးဖို့ ဖိနပ်နှစ်ရံတောင် အဆင်သင့် ရှိပြီးသား။ ဆောင်းတွင်းအတွက် အနွေးဓာတ်ပေးတဲ့ Heater လဲ ရှိတယ်။ စက်မှုထွန်းကားတဲ့ နိုင်ငံမို့လား မပြောတတ်ပါဖူး.....။
ကျွန်မသွားခဲ့ဖူးတဲ့ နိုင်ငံတကာ အစီအစဉ်တွေမှာ နေခဲ့ဖူးတဲ့ အခန်းတွေထဲမှာ ဒီလောက်ကောင်းတာမျိုး မတွေ့ခဲ့ဖူးဘူး။ ကျွန်မ သူငယ်ချင်းက ကျွန်မမို့လို့ စီစသ်ပေးတာ မဟုတ်ဖူး။ တက္ကသိုလ် အဆောင်ရဲ့ မြေညီထပ်မှာ ဒီလိုအခန်းမျိုး ခွန်နှစ်ခန်းခန့် ရှိတယ်။ နိုင်ငံတကာက ဖိတ်ကြားထားတဲ့ အနုပညာရှင်၊ အနုပညာနဲ့ ပါတ်သက်တဲ့ ပညာရှင်တွေ အတွက် သီးသန့် အထူးခန်းတဲ့...။
အဆောင်အပေါ်ထပ်က အခန်းတွေမှာတော့ နိုင်ငံတကာက ကျောင်းသားကျောင်းသူ တွေရဲ့ လေးယောက်ခန်းလေးတွေ ရှိတယ်။ သူတို့ကတော့ အဆောင်လခ၊ တလ ဒေါ်လာ (၁၅၀) ပေးနေရတယ်။ ဒါတောင်မှ နေချင်တဲ့သူတိုင်း နေလို့ မရဖူး၊ စာမေးပွဲရမှတ် (၉၀) ကျော်တဲ့ သူမှ နေခွင့်ရတာတဲ့။ အဆောင်မှာ နှစ်ဆယ့်လေးနာရီ ဖွင့်ပေးထားတဲ့ စက်ထဲကနေ ကော်ဖီတို့၊ ခေါက်ဆွဲပြုတ်တို့ကို ၀ယ်လို့ရတယ်။ ချက်စားချင်ရင်လဲ ကျောင်းသား ကျောင်းသူတွေအတွက် ဘုံမီးဖိုခန်း ရှိတယ်။ ဘုံအ၀တ်လျှော်စက်တွေလဲ ရှိတာပေါ့။ အားလုံးဟာ လွတ်လွတ်လပ်လပ်ပေမဲ့ စည်းကမ်းတော့ ရှိတယ်။ အဆောင်အ၀င်အထွက် တံခါးကို လက်ဗွေနဲ့ ဖွင့်မှ ၀င်လို့ရတယ်။ ညနှစ်နာရီဆို တံခါးကို လုံးဝမဖွင့်ပေးတော့ဖူး။ အဆောင်ရုံးခန်းနဲ့ နှစ်ဆယ့်လေးနာရီ အစောင့်လဲ ရှိတယ်။
အဆောင်ရုံးခန်းရှေ့မှာ တက္ကသိုလ်ရဲ့ လှုပ်ရှားမှု ဂျာနယ်၊ မဂ္ဂဇင်းတွေ၊ အပတ်စဉ်ထုတ်၊ လစဉ်ထုတ်တွေကို တွေ့တော့ ကျွန်မ ကောက်ကြည့်မိတယ်။ ဒါပေမယ့် အရုပ်ကြည့်ရုံပဲ၊ အားလုံးဟာ ကိုးရီးယား စာတွေနဲ့လေ......။
ကျွန်မသူငယ်ချင်းရဲ့ ဒီ (KNUA) 'ကုန' မှာလဲ အနုပညာဆိုင်ရာ ဘာသာရပ်များအားလုံး ကို ကိုးရီးယားလိုပဲ သင်တယ်။ ဒီတက္ကသိုလကို တက်ချင်ရင် ၀င်ခွင့်ရလို့ ရောက်လာရင်တောင် ကိုးရီးယားစကားကို ခြောက်လ အပြင်းအထန် သင်ရတယ်။ ပြီးရင် ၀င်ခွင့်စာမေးပွဲကို ကိုးရီးယားလို ဖြေရသတဲ့...။ အဲဒီ စာမေးပွဲအောင်မှ ဆက်တက်ခွင့် ရတာတဲ့၊ ကျရင်တော့ ပြန်ပေတော့ပေါ့....။ အဲဒီတခုကတော့ ဘယ်လိုပြောရမလဲ မသိပါဖူး၊ ဂျပန်လဲ အဲဒီလိုပဲလေ၊ ကိုယ့်ဘာသာစကားကို ပြန့်ပွါးအောင် မြှင့်တင်ကြတဲ့ သဘောပေါ့။ မြှင့်တင်နိုင်ကြလို့လဲ မြှင့်တင်ကြတာပါ။ ကိုယ့်နိုင်ငံကို တခြား နိုင်ငံတကာက အထင်ကြီးပြီကိုး။ ဒီနိုင်ငံမှာ ကျောင်းတက်ချင်ကြပြီ၊ ဒီနိုင်ငံမှာ အလုပ်လုပ်ချင်ကြပြီ၊ ဒီနိုင်ငံမှာ Training ဆင်းချင်ကြပြီ ဆိုမှတော့ လုပ်လို့ ရပြီလေ။ တို့ဘာသာစကားနဲ့ပဲ သင်ပေးနိုင်မယ်ပေါ့...။
ကျွန်မတို့ အစီအစဉ်မှာတောင်မှ ကိုးရီးယားဘာသာစကား အပျော်ထမ်းသင်ကြားရေး ပါသေးတယ်။ သူငယ်ချင်းကိုတောင် ပြောရသေးတယ်...။ 'အညာဆေးရိုး' တို့၊ 'ဂန်ဆန်းမီသာ' တို့၊ 'မီဟာနယ်' တို့လောက်တော့ ငါရတယ်လို့....။ တကယ်တော့ သူတို့ ဘာသာစကားဟာ အကောင်းဆုံး၊ အထိရောက်ဆုံးသော စည်းရုံးရေးလမ်းကြောင်းဖြစ်တဲ့ ကိုးရီးယားရုပ်ရှင် တွေက တဆင့် နိုင်ငံတကာကို ရောက်ပြီးသားပါ။ ကျွန်မတို့ဆီမှ ဆယ်ကျော်သက်ကစပြီး လူငယ်လူရွယ် တော်တော်များများဟာ ကိုးရီးယားရုပ်ရှင် ဇာတ်လမ်းတွဲတွေကြောင့် ကိုးရီးယားစကားကို အတော်အသင့် နားလည်နေကြတာပဲ။ ကိုးရီးယားမင်းသား မင်းသမီးတွေ ကို အရူးအမူး ဖြစ်နေတဲ့ ဆယ်ကျော်သက်တွေ အများကြီး၊ လူကြီးပိုင်းတွေလဲ ဇာတ်လမ်းတွေ ကို အရူးအမူး ဖြစ်ကြတာပဲ....။ တကယ်လဲ သူတို့ကောင်းပါတယ်။ ကျွန်မ ၀န်ခံရမှာပါ။ ရုပ်ရှင် crazy ကျွန်မတယောက် ဘယ်တုန့်ကမှ ခေါင်းထဲ မရှိခဲ့ဖူးတဲ့ ကိုးရီးယားရုပ်ရှင်ဆိုတာကို စပြီး ကြည့်မိတဲ့အခါ အံ့အားသင့်ခဲ့ရတယ်။ နိုင်ငံတကာကို ထိုးဖောက်နိုင်ခဲ့ပြီပဲလေ။ အားကျ အတုယူစရာတွေပါပဲ။ ဒီမှာ ဥပဒေပါရဂူဘွဲ့ လာတက်နေတဲ့ ညီမငယ် မီမီလေးက မေးရှာတယ်။ ကျွန်မကို ပါတီတခုမှာ ကိုးရီးယားပါမောက္ခ ဆရာမကြီးတယောက်က ပြောတယ်။ (၁၉၅၈-၅၉) ခုနှစ်တွေတုန်းက ကိုးရီးယားတွေက မြန်မာပြည်ကို Traning လာဆင်းရတာတဲ့...။ ဟုတ်လား ဟင် မမ လို့ မေးရှာတယ်။ ကျွန်မ မသိနိုင်ဖူးလေ..၊ ကျွန်မ တနှစ်သမီးအရွယ်က၊ လွန်လေပြီး သော ကာလက အဖြစ်အပျက်တွေကိုး။
ကျွန်မရဲ့ သက်ပြင်းချသံကို အိပ်ရာဘေးမှာ ထောင်ထားတဲ့ ဓာတ်ပုံလေးထဲက မြေးအဖိုးနှစ်ယောက် ကြားသွားတယ် ထင်ပါရဲ့...။ ပြုံးစပ်စပ်နဲ့ မြေးကလေးက ဘာဖြစ်လို့လဲ အဖွားတဲ့..။ မြေးကလေးရေ..... တီးမစ်ထုပ်တွေ မေ့လာခဲ့လို့ အဖွားသိတ်မကြိုက်တဲ့ ကော်ဖီကို အင်တာနက်က မြန်မာသီချင်းသံလေးနဲ့ မျှောချနေရတယ်။
မနက်တိုင် သောက်နေကျ အဖိုးဖျော်တဲ့ အိမ်လက်ဘက်ရည်ကို လွမ်းလိုက်တာ....။
'xx အဖော်မပါဘဲနဲ့ကွယ်xx ပင်လယ်ဖြတ်xx ကမ္ဘာကိုပတ်ကာx- သွားတတ်သူရယ်xx' တဲ့။ ချစ်တဲ့သူ အမြဲဆိုတတ်တဲ့ သီချင်းလေးပေါ့..။ ဟုတ်ပါရဲ့လေ၊ ကျွန်မက ခဏခဏ ခွဲခွါ သွားတတ်သူကို...။ ဘယ်နေရာသွားသွား၊ တပါတ်နေရင် အိမ်ပြန်ချင်တဲ့ ကျွန်မအကြောင်း ကို သိတဲ့ သူက မှာတော့ မှာလိုက်ရှာပါတယ်...။ 'you are not child' တဲ့..။ ကလေးမဆန်ပါနဲ့တဲ့။ ကလေးမဟုတ်ဖူးတဲ့။ ခက်တာပဲ...။ ကျွန်မက မနေ့ကတောင် ချစ်သူငယ်ချင်း(our president) ကို ဈေးဆစ်ကြည့်ပြီးပြီ...။ ကဗျာဆရာက နားလည်စွာ တဟားဟား ရယ်ပေမယ့်.. မရဖူးတဲ့။ ကျွန်မ ခြောက်လကြီးတောင် ဒီမှာနေရမှာ...။
မြေးကလေးရေ.... ကြည့်နေရင်းက မိုးရွာလာပြန်ပြီ..။
ကျွန်မ ဒီကိုရောက်ရောက်ချင်း သိတာနဲ့ ပြေးလာရှာတဲ့၊ မွေးစားသား 'ဘောကျော်ကလေး' က မနေ့ညက ကျွန်မဓါတ်ပုံတွေကို e-mail ကနေ ပို့ပေးရှာတာ သီချင်းလေးတပုဒ်ပါ၊ ပါလာတယ်လေ။ အာဇာနည်ရဲ့ သီချင်းလေးက၊ ကောင်းလိုက်တာ၊ ဒီသီချင်းလေးကို ကျွန်မ မကြားခဲ့ဖူးပါလား...။
"xx သူစိမ်းတွေကြားမှာxx လှုပ်ရှားရင်းပဲသာxx ဒို့နှစ်ဦး ရည်မှန်းတာxx မျှော်လင့်ဆဲပါ"
"..ပြန်ဆုံနိုင်မဲ့.. နေ့ရက်လေးတွေ မရောက်သေးခင်..."
"..လွမ်းရက်တွေကို တဖြည်းဖြည်းနဲ့... ဖြတ်ကျော်မှာ..." တဲ့။

နုနုရည်-အင်းဝ
၂၀ - ၆ - ၂၀၀၈။
KNUA (Korea)

Wednesday, July 16, 2008

၃ဆောင်၊ ၆ခန်း
ရေးသူ-မောင်အေးဝင်း


[၁]

ကိုနေလင်းရေးတဲ့ 'လူရှင်သင်္ချိုင်းများအကြောင်း' စာအုပ်ကို ဖတ်ပြီး၊ ကိုယ်ထောင်ထဲနေခဲ့တုန်းက အကြောင်းတွေကို ပြန်စဉ်းစားမိတယ်။ ကိုယ့်တုန်းက ခံခဲ့ရတာဟာ သူတို့နဲ့စာလိုက်တော့ ကိုယ်တို့က ညီပုလေး လောက်ပဲ ရှိပါလားလို့ တွေးမိတယ်။ ဒီလိုဆို မင်းတို့က အင်းစိန်ထောင်ထဲ ဇိမ်ကျခဲ့သလားလို့ မေးစရာရှိလိမ့်မယ်။ ထောင်ပါဆိုနေမှ ဘယ်လိုလုပ် ဇိမ်ကျပါ့မလဲ။ ရန်သူ့လက်ထဲ ကျနေတဲ့ဥစ္စာ၊ ဧည့်သည်ထမင်းဖိတ်ကျွေးတာမှ မဟုတ်ပဲ။ စစ်ကြောရေးကာလနဲ့ ပုံစံဆောင် ပြောင်းခါစ နှိပ်ကွပ်မှုတွေ၊ ဘီလူးဆိုင်းတီးခဲ့တာတွေကို ဖယ်လိုက်ရင် ကိုနေလင်း (လူရှင်သင်္ချိုင်း စာအုပ်ရေးသူ) တို့ခေတ် (န၀တ၊ နအဖခေတ်) လောက် မဆိုးဘူး ဆိုတာ၊ '၇၀ ခုနှစ်လွန် အရေးအခင်း မှာ ကျဘူးသူတွေ သိကြပါတယ်။



၃ ဆောင်ဆိုတာ ဘာလဲ
ကျနော်တို့ ထောင်ကျတဲ့ ကာလတုန်း (၁၉၇၆-၁၉၇၈) က၊ အင်းစိန်ထောင်မှာ (၁) ဆောင်၊ (၂) ဆောင်က အချုပ်ဆောင်။ (၃) ဆောင်က အထူးဆောင်၊ (၄) ဆောင်၊ (၅) ဆောင်က ထောင်ကျဆောင်။ (၆) ဆောင်က မိန်းမဆောင်။
(၃) ဆောင်ဟာ အပေါ် လေးခန်း၊ အောက် လေးခန်း ရှိတဲ့ နှစ်ထပ်ဆောင်ကြီး။ အခုတော့ ၁၉၈၈ အရေးအခင်းမှာ မီးလောင်သွားလို့ တထပ်ပဲ ကျန်တော့တယ်လို့ သိရတယ်။

အထူးဆိုတာဘာလဲ
အထူးဆိုတာ ထောင်ကျနံပါတ်ဟာ ရှေ့က အင်္ဂလိပ်စာလုံး S ပါတယ်။
အထူးဆောင် ((၃)ဆောင်) မှာ ကျောင်းသားအရေးအခင်းတွေ (ဦးသန့်အရေးအခင်း၊ ရွှေတိဂုံအရေး အခင်း၊ မှိုင်းရာပြည်အရေးအခင်း)နဲ့ ထောင်ကျတဲ့ ကျောင်းသားတွေကို ထားတယ်။ အုပ်စုလိုက် ကျတဲ့ မီးမောင်းစာစောင်ထုတ်ဝေဖြန့်ချိသူတွေ၊ ကိုထွန်းအောင်ကျော်တို့လို ပီဒီပီတွေ၊ အလုပ်သမားအရေး အခင်းက ဂုန်နီစက်ရုံအလုပ်သမားတွေလည်း ရှိတယ်။
အထူးဆောင်မှာ အုန်းဆံသွပ် မွေ့ယာ၊ အုန်းဆံသွပ်ခေါင်းအုံး ပေးတယ်။ ချည်စောင်တထည် ဂွမ်းစောင်တထည် ပေးတယ်။ တရားဝင် မဟုတ်ပေမယ့် ခြင်ထောင် ထောင်ပြီး အိပ်ကြတယ်။ ခြင်ထောင်သွင်းခွင့်တော့ မရှိဘူး။ ထောင်ကပေးတဲ့ ချည်စောင်နဲ့ ပုံစံ လုံချည်ဟာ ခြင်ထောင်တလုံး ဖြစ်တယ်။ စောင်ကို ခြင်ထောင် ကိုယ်ထည်လုပ်၊ ပုဆိုးကို ဖြတ်ပြီး ခေါင်းရင်း ခြေရင်း အပိတ်ချုပ်ရင်၊ ခြင်ထောင်တခု ဖြစ်ရော။ ည ညဆို ခြင်ထောင်ကလေးတွေ ထောင်ထားတာများ သင်းချိုင်းက အုတ်ဂူကလေးတွေလား အောက်မေ့ရတယ်။ ဒါ လူသာမန်တွေရဲ့ ဂူပြောတာနော်။ သေးသေးကုပ်ကုပ် လှောင်လှောင်ပိတ်ပိတ်။ လူချမ်းသာတွေ ဂူကြတော့ လက်ရာကောင်းရင် ကောင်းသလို ခေါင်းရင်းဘက် က လေ၀င်လေထွက်ကောင်းအောင် ဇာတွေဘာတွေ နဲ့ လုပ်ထားတယ်။ အမြင့်ကလည်း လူတထိုင်စာရှိတယ်။ ကျနော်တို့ အခန်းမှာ တရုတ်သင်္ချိုင်းက ဂူအကောင်းစားမျိုး ၂ ဂူ ရှိတယ်။ ကျနော်တို့ ခြင်ထောင်ကျတော့ လူထိုင်လို့မရတဲ့ ရေငုပ်သင်္ဘောလိုမျိုး အသက်ရှူမ၀တဲ့ ခြင်ထောင်။ ဆရာကြီး ကိုအောင်ကိုကို ချုပ်ပေးတာ။ ခြင်ထောင်ထဲဝင်ရင် မြွေလို အရှည်လိုက် စန့်စန့်ဝင်ရတယ်။
ထောင်ကပေးတဲ့ အထူးတွေအတွက် ပုံစံလုံချည်ဆိုတာက အစိမ်းနုရောင် အင်းမလုံချည်ဒီဇိုင်း တထည်နဲ့ ချည်ရှပ်အင်္ကျီတထည် ရတယ်။ သူ့တို့ပေးတဲ့ ချည်ရှပ်အင်္ကျီက အသစ်မှာ အသားက ကြမ်းပေမယ့် လျှော်ပါများလေ အင်္ကျီသားက ချောပြီး ညက်လာလေပဲ။ ချည်အစစ်ဆိုတော့ ၀တ်လို့လဲ ကောင်းတယ်။
နှစ်ပါတ်တခါလား၊ တလတခါလား မမှတ်မိတော့ဘူး၊ လူတယောက်ကို ခေါင်းလိမ်းဖို့ အုန်းဆီတယောက်ကို ဇွန်းကလေးနဲ့ တဇွန်းစာလောက်နဲ့ လက်မ လောက် ဆပ်ပြာကြမ်း တတုံး ရတယ်။

တနေ့တာလုပ်ငန်း
ပုံစံထိုင်ရတာ၊ ပုံစံရပ်ရတာ မရှိသေးဘူး။ (နောက်မှ ၃ ဆောင်လဲ ပုံစံဆောင် ဖြစ်သွားတယ်) မနက် လင်း ခါစ၊ ထောင် ဖွင့်လို့ လူလာစစ်ရင် ၀ါဒါက အဆောင်ထဲ မ၀င်ခင် အသံအရင်ပေးတယ်။ အဲဒီလို အသံကြားရင် နိုးတဲ့ တယောက်ယောက်က အခန်းထဲက ကျန်တဲ့လူတွေကို နှိုးလိုက်တယ်။ ဒီတော့မှ ခြင်ထောင်တွေဘာတွေ ဖြုတ်ပြီး လူရေတွက်နိုင်အောင် ကိုယ့်ခုတင်ပေါ် ကိုယ်ထိုင်ပေးလိုက်တာပဲ။ တချို့ဆို ၀ါဒါဝင်လာမှ ကမန်းကတန်း ခြင်ထောင်ဖြုတ်ပြီး၊ အိပ်ချင်မူးတူးနဲ့ ကုတင်ပေါ်ထိုင်ပေးလိုက်ပြီး၊ လူရေတွက်ပြီးလို့ ၀ါဒါတောင် အခန်းပြင် မရောက်သေးဘူး စောင်ခြုံထဲ ပြန်ရောက်သွားပြီ။ အိမ်သာ တက်သူကလည်း လူစစ်နေတုန်း အိမ်သာထဲ က လက်ထောင်ပြတာပဲ။
ကိုယ့်အဆောင်မှာ ကိုယ်အိပ်ချင်တဲ့အချိန်အိပ်၊ ထချင်တဲ့အချိန်ထပဲ။ ထမင်းမစား ဟင်းမစားအိပ် လဲ ဘယ်သူမှ ဘာမှ မပြောဘူး။ ည ကိုးနာရီမှာ ၀ါဒါက အိပ်ချိန်အော်တယ်။ အဘသောင်းတို့လို ၀ါဒါဆို အိပ်ချိန်သည်ကြီး လာပါအုန်းလို့ မုန့်သည်ခေါ်သလို ခေါ်လိုက်သေးတာ။ အဲဒီအချိန်မှာ ရေနွေးတွေ တအိုးပြီး တအိုး တည်ကောင်းတုန်း၊ သောက်ကောင်းတုန်း။ ရေနွေးကို လျှပ်စစ်ရေနွေးဂေါက်နဲ့ တည်တာ။ ဘာမှတ်လို့လဲ။ ဆူဆူညံညံသာ မလုပ်နဲ့၊ အိပ်ချိန်မအိပ်လို့ ဘာမှမဖြစ်ဘူး။ တခါတလေ အငြင်းအခုန်များသွားလို့ အသံကကျယ်မှန်းမသိ ကျယ်သွားရင်တော့ လာပြောတယ်။
ရေနွေးဂေါက်က ကိုယ့်ဖာကိုယ် လက်ဖြစ်လုပ်ကြတာ။ ရေနွေးဂေါက်ဇာတ်လမ်းက သပ်သပ်ရေးမှ ဖြစ်မှာ။

၃ ဆောင် ၆ ခန်း
ထောင်ကျဆောင်တွေမှာ တခန်းကို လူတရာကျော် နှစ်ရာနီးပါးထားတဲ့ အခန်းမျိုး၊ အထူးမှာ တခန်းကို နှစ်ဆယ်မကျော်ဘူး။ ကျနော်နဲ့ ကိုဌေးဝင်းကို တိုက်သစ်ကခေါ်လာပြီး (၃)ဆောင်ကို ထည့်တော့ ကိုအေးကြည် (အောင်မိုးသူ-ယခု စိတ်တိုင်းကျ လက်ဘက်ရည်ဆိုင်၊ ရန်ကုန်) က အဆောင်မှူးလှရွှေကို တောင်းဆိုလို့ အဆောင်ခေါ်ရတာဆိုတော့ ကျနော်က ကိုအေးကြည်တို့ အခန်း မှာပဲ နေမယ်ပြောတာ။ အဲဒီအခန်းမှာ (၁၈) ယောက်တောင် ရှိနေပြီ၊ လူများနေလို့ တခြားခန်းနေဖို့ ပြောတယ်။ ကျနော်က မရရင်မနေဘူး တိုက်ထဲပဲ ပြန်သွားမယ်လုပ်လို့ ဒင်းတို့ (လက်ထောက် အဆောင် မှူး ဦးကျော်ရင်) အောင့်သက်သက်နဲ့ (၆)ခန်းမှာပဲ ထည့်လိုက်ရတယ်။
တနေ့ ထမင်းနှစ်နပ်ကျွေးတယ်။ မနက်စာ လုံးတီးထမင်း၊ ပဲဟင်း နဲ့ ပုံစံငပိ။ ညနေစာ လုံးတီး ထမင်း၊ နိုင်လွန်ဟင်းနဲ့ ပုံစံငပိ။ အပြောင်းအလဲမရှိ။ ပဲဟင်းဆိုတာ ပဲစင်းငုံ အခွံချည်းသက်သက်ကို ရေနဲ့ ပြုတ်ထားသလို ပဲဖတ် လုံးဝမပါဘူး။ တခါတလေ နို့စို့ကလေး ၀မ်းပျက်တဲ့ဝမ်းလို ၀ါဝါကျဲကျဲ၊ အနံ့ကအောက် သိုးသိုး။ နိုင်လွန်ဟင်းက ပဲရွက် ဒါမှမဟုတ် ဟင်းနုနွယ်ရွက်ကို မဆေးမကြောပဲ ဓားနဲ့ ကြမ်းကြမ်း စင်းပြီး၊ အစေ့တွေ နိုင်းချင်းပါတဲ့ မကျည်းမှည့်နဲ့ ပြုတ်ထားတာ။ သူ့ထဲမှာ ပါချင်တဲ့ ပစ္စည်း အကုန်ပါတယ်။ ဖိနပ်သဲကြိုး၊ တီကောင်အသေ၊ ပိုးဟပ်အသေ၊ ပိုးဟပ်ဥခွံ စသည်ဖြင့်....။ ဟင်းနုနွယ်ရိုး ကလဲ ကြီးသလားမမေးနဲ့၊ အခြောက်ခံထားရင်၊ နွားရိုက်၊ ထင်းဆိုက်လို့ ရတယ်။ ငပိကတော့ ခွေးချီးရောင်၊ အနံ့ကဆိုးဆိုး။ အဲဒါကို ငရုတ်သီးဆီသတ်ထားတဲ့ဆီကို အပေါ်က ပါလေရုံ ဆမ်းထား တယ်။
တပါတ်တခါ၊ တနင်းလာနေ့ညနေ အသားဟင်းကျွေးတယ်။ အသားကျွေးဘို့ သောကြာနေ့ညနေမှာ စာရင်းကောက်တယ်။ အသားဘယ်နှစ်ယောက်၊ အသားမကြိုက်ရင် ငါး၊ ဒါမှမဟုတ် သက်သတ်လွတ်။ အသားဟင်းဆိုတာက ဟင်းလို့ အမည်တပ်ထားလို့သာ ဟင်းခေါ်ရတာ၊ တကယ်တော့ ဟင်းပုံမပေါက် ဘူး။ အသားပြုတ်လို့ ခေါ်ရင်ရတယ်။ အသားတုံးက သပ်သပ်၊ အသားပြုတ်ရည် သပ်သပ်။ ၀က်သား ဟင်းလို့ခေါ်တဲ့ ဟင်းပုံသဏ္ဌာန်က အဆီများများ၊ အသားနည်းနည်း၊ အခေါက်ထူထူ ၀က်သားပြုတ်ပဲ။ တခါတလေ အတုံးအရွယ်သေးရင် ၀က်သားနှစ်တုံးကို ဂုံနီအိပ်ကြိုးနဲ့ ပူးချည်ထားပေးတယ်။ အခေါက်ပေါ်မှာ ဖြူကောင်ရဲ့ ဆူးတောင်တွေလို မာတောင်တောင်၊ ၀က်မွှေးတွေက ထူလပြစ်။ တဆိပ်ခတ်ထားတဲ့ နေရာဆိုရင် အသားတုံးပေါ် နီနီပြာပြာ ထိုးကွင်းမင်ကြောင်လဲ ပါလိုက်သေး။ အမဲသားဟင်းက ၀က်သားဟင်းထက်ဆိုးသေးတယ်။ အရွတ်များတဲ့ အသားတုံးတွေမို့ ကိုက်ဖဲ့မရလို့ မလွယ်လှဘူး။ တခြားသူတယောက်ကို အကူတောင်းပြီး၊ ကိုက်ထားတဲ့အသားကို လက်နဲ့ ၀ိုင်းဆွဲခိုင်းဖို့မကြံနဲ့။ အသားတုံးမှာ သွားတွေ စိုက်လျက် ပါးစပ်ထဲက ကျွတ်ထွက်လာမယ်။ အသားက ပဲ့မှာမဟုတ်ဘူး။
အမဲသား၊ ၀က်သားမစားရင် ငါးကြော်ရတယ်။ ငါးကြော်တတောင်းလုံးသွန်ပြီး တခုချင်းရှာကြည့်။ အမြီးပိုင်းနဲ့ ခေါင်းပိုင်းပဲ။ ကိုယ်ထည်ပိုင်း ပါမလာဘူး။ ကိုယ်ပျောက်ငါးတွေ။ ဒီငါးကြော်အကြောင်း စဉ်းစားတိုင်း န၀တခေတ်မှာ ပုသိမ်ထောင်ထဲ သေသွားတဲ့ ရဲဌေးကို သတိရတယ်။ အဲဒီတုန်းကတော့ ရဲဌေးက အခန်းထဲမှာ အသက်ငယ်ဆုံး၊ ပထမနှစ် သဘာဝသိပ္ပံ ကောလိပ်တက်တုန်း။ အမြီးပိုင်း အတုံးသေးကို ကြီးတဲ့အတုံးနဲ့ လဲခိုင်းတယ်။ အတုံးတွေက ထူးမခြားနား၊ ခေါင်းနဲ့ အမြီးပဲ။ ခေါင်းဆိုတာကလည်း တကယ့်ကို ခေါင်းစစ်စစ်၊ အသားတစိမှ ပါတာမဟုတ်ဘူး။ ၀ါဒါက လဲပေးရှာပါတယ်။ သုံးလေးခါ လဲပေမဲ့ မထူးတော့ ရဲဌေးက 'မင်းတို့ ငါး -ီး တောင်မစားဘူး' ဆိုပြီး လွှင့်ပစ်လိုက်တယ်။ ကံကောင်းလို့ တိုက်ပိတ်မခံရတာ။ နောက်တခါလည်း ဒီလိုပဲ။ အပေါ်ခန်းမှာ ရဲဌေးနေတုန်းက။ ဒင်းကလေး အံဆုံးပေါက်ပြီး သွားနာနေလို့ ကိုထွန်းကျင်(ပီဒီပီ) က ဆန်ပြုတ်ပြုတ် ပေးနေတာ အဆောင်မှူးလှရွှေမိသွားလို့ ကိုထွန်းကျင်ကို တိုက်ပိတ်ဖို့ ခေါ်ထုတ်တာ။ သွားနာလို့ အိပ်နေတဲ့ ရဲဌေးဟာ စောင်ခြုံထဲက ၀ုန်းကနဲ ထလာပြီး "ငါလိုးမ လှရွှေ- ကိုထွန်းကျင်ကိုမပိတ်နဲ့ ငါ့ကိုပိတ်ကွ" ဆိုပြီး တခါးပေါက်ကို ပြေးထွက်လာလို့ နှစ်ယောက်စလုံးကို တိုက်ထဲထည့်လိုက်တယ်။ ကိုအေးကြည်၊ ကိုသိန်းလွင် (အာနီ- ဆေးတက္ကသိုလ် နောက်ဆုံးနှစ်)၊ ကိုဝင်းလွင် (ပုလော-ဆေး တက္ကသိုလ် နောက်ဆုံးနှစ်) တို့ သွားပြောလို့ နောက်တနေ့မှာ နှစ်ယောက်စလုံးကို ပြန်ထုတ်ပေးလိုက် တယ်။
သက်သတ်လွတ် ကုလားပဲဟင်းက မဆိုးပါဘူး။ ဂျင်းဖတ် လက်မလောက်ကြီးတွေ ပါတတ်ပြီး မဆလာကလေး ပါလေရုံခပ်ထားတဲ့ ကုလားပဲဆီပြန်ဟင်း။
တနင်းဂနွေနေ့လည်မှာ လက်ဘက်ရည်ကြမ်းတိုက်တယ်။ လက်ဘက်ခြောက်လို့ ပြောတဲ့ အရွက်ကို ပြုတ်ထားတဲ့ ညိုညိုဖန်ဖန် အရည်တွေကို သစ်သားစည်ကြီးထဲ ထည့်ပြီး၊ လုံချည်ပြာတွေက လိုက်ဝေတယ်။ တိုက်ထဲမှာတုန်းကတော့ ဒီ"လက်ဘက်ရည်ကြမ်း"ဟာ အဖိုးတန်ပေါ့။ အရသာရှိတဲ့ စွဲမက်စရာလေး။ အဆောင်မှာ ကိုယ့်ရေနွေး ကိုယ်တည်၊ ကိုယ့်လက်ဖက်ခြောက် ကိုယ်ခတ်သောက်နိုင် မှ၊ ထောင်ကပေးတဲ့ ရေနွေးကြမ်းကို မက်မက်မောမော သိတ်မသောက်ကြတော့ဘူး။ နားတောင်ညည်း သေး။ နေ့လည် တရေးတမော အိပ်လို့ကောင်းတုန်း၊ အခန်းရှေ့မှာ ရေနွေးကြမ်းပုံးကို တတုံးတုံးနဲ့ အသံမြည်အောင် လာချရင်ပဲ အိပ်ရေးပျက်လို့ စိတ်တိုတဲ့လူက ရှိသေးတယ်။

အကြံအဖန်
ထောင်ထဲမှာက ကိုယ့်ဘာသာကိုယ်မှ အကြံအဖန် မလုပ်စားရင် သူတို့ကျွေးတာချည်း ဘယ်လို လုပ် စားနိုင်မှာလဲ။ မည်သူမဆို အနည်းနဲ့အများ အကြံအဖန် ချက်စား၊ လုပ်စား၊ ရှာဖွေစား သောက်ကြ ရပါတယ်။ ကျနော်တို့ ထမင်းစားအုပ်စုဆိုရင် တနင်းလာမှာကျွေးတဲ့ အသားကို စီမံကိန်းနဲ့ ယူရတယ်။ ဟင်းချက်ဖို့ ဆီလိုရင်၊ ၀က်ဆီထုတ်ဖို့ ၀က်သားပိုယူတယ်။ အမဲသားနေ့ဆို အမဲသားကို ငါးနဲ့ မျှယူပြီး ငါးကို အရွက်တခုခုနဲ့ရောပြီး ချဉ်ရည်ဟင်းချက်တယ်။ အမဲသားနဲ့ တွဲပေးတဲ့ အသားပြုတ်ရည်က လိုသလောက်ယူထားလိုက်ပြီး ချဉ်ရည်ဟင်းချက်တယ်။ အမဲသားကို သေးသေးလှီးပြီး ကိုက်လန်တို့ မုန်လာတို့ ၀ယ်လို့ရတဲ့ (တကယ်တော့ နတ်သားဆေးလိပ်နဲ့ လဲတာပေါ့လေ) အရွက်တခုခုနဲ့ ကြော်တယ်။
ဝက်ဆီထုတ်မယ့်နေ့မှာ ကျနော်တို့တတွေ ညနေ ကတည်းက ထမင်းကို အများကြီး ပိုယူထားလိုက် တယ်။ ညမှာ ၀က်ဆီထုတ်ပြီးရင် အိုးကျန် ၀က်ဆီနဲ့ ထမင်းကြော် ကြော်ပြီး ကော်ဖီကြမ်းလေးနဲ့ ညလည်စာစားကြတယ်။ ထမင်းကြော်မစားတဲ့ လူကလည်း ၀က်ဆီဖတ်ကို ငရုတ်ဆီနဲ့ တို့စားကြတယ်။ အခန်းထဲ မီးဖိုခွင့်က အမြဲတမ်း မီးစိမ်းပြတာ မဟုတ်ဘူး။ တခါတလေ မီးဖို အော်ပရေးရှင်း လုပ်တယ် ဆိုပြီး ဖိုရဲတဲ့ အကောင် ဖိုစမ်း၊ တိုက်ပိတ်ပစ်မယ်လို့ ကြုံးဝါးတဲ့အခါလည်း ရှိတယ်။ ဒါလည်း ကြာကြာတင်း မထားနိုင်ပါဘူး။ အလွန်ဆုံး ဆယ်ရက်ပေါ့။
တခါတော့ မီးမဖိုရ၊ တားမြစ်စည်းကမ်း ဒီရေမြင့်နေတုန်း ကျနော်တို့ အဖွဲ့မှာ ဟင်းချက်စရာဆီ ပြတ်တာနဲ့ ကြုံပါရော။ ၀က်ဆီထုတ်မှ ဖြစ်မယ်။ ဥပဒေက တည်ဆဲ- မီးဖိုရင် တိုက်ထဲတန်းထည့်မယ် ဆိုပဲ။ ကျနော်တို့ရဲ့ စားသုံးဆီ အခက်အခဲကို ကိုသိန်းလွင်(အာနီ-ဆေးတက္ကသိုလ်၂) က တာဝန်ယူ ဖြေရှင်းတယ်။ အဲဒီည ကိုသိန်းလွင် ၀က်ဆီထုတ်နေတုန်း ချောင်းနေတဲ့ တာဝန်မှူးကျတဲ့ နှစ်ရစ်ဝါဒါ ထွန်းရှိန်က အပိုင်ပဲ ဆိုပြီးလာဖမ်းတယ်။
"ဟေ့- ဟိုမှာ မီးဖိုနေတာ ဘယ်ကောင်လဲ၊ ခွေးမသား...တွေ၊ မင်းတို့ကို မီးမဖိုရဘူးပြောထားတယ် မဟုတ်လား၊ တိုက်ထဲထည့်မယ်...."
ထွန်းရှိန် သော့ယူဖို့ လှည့်အထွက်မှာ အပေါ်က အင်္ကျီပလာ၊ ဂါဝန်လို ဘောင်းဘီပွပွကို ၀တ်ထားတဲ့ ကိုသိန်းလွင်ဟာ ချွေးသံရွှဲရွှဲနဲ့ ထလာပြီး
"ဘကြီး..ကျနော်ပါ"
ထွန်းရှိန် ခြေလှမ်းတုန့်ကနဲ ရပ်သွားတယ်။
"ဟေ့ကောင်..သိန်းလွင်၊ -ီး မှပဲ၊ မင်းတို့ကို မီးမဖိုရဘူး ပြောထားတယ်မဟုတ်လား၊ ငြိမ်းလိုက်စမ်း -မြန်မြန် ငြိမ်းလိုက်စမ်း..."
"ပြီးခါနီးပါပြီ- ဘကြီးရာ ခဏလေးပါ..."
"ခွေးမသား..မလိုချင်ဘူး၊ ခုငြိမ်းလိုက်" လို့ ဆဲပြီး၊ ထွန်းရှိန် ပြောပြောဆိုဆိုနဲ့ ထွက်သွားတာ ပြန်မလာတော့ဘူး။ ကိုသိန်းလွင်က သူ့ တူအရင်းလေ..။ သူ ဘယ်တိုက်ပိတ်ပါ့မလဲ။ ကျနော်တို့မှာ ရီလိုက်ရတာ အူတောင်နာတယ်။

ထောင်ဝင်စာ
အထူးထောင်ကျတွေက နှစ်ပါတ်တခါ၊ တိုက်ကဖြစ်ဖြစ်၊ အဆောင်ကဖြစ်ဖြစ် တနင်္ဂနွေနေ့မှာ ထောင်ဝင်စာ တွေ့ရတယ်။ အထူးထောင်ကျ ဆိုတာ ထောင်နံပါတ်ရှေ့မှာ S/ ပါတယ်။ ကျနော်တို့ ထောင်ဝင်စာက ပစ္စည်းကို အခြားရာဇ၀တ်မှု ထောင်ကျတွေလို ၀ါဒါတွေ၊ အကောင်လိုလို ရောင်လိုလို တွေရဲ့ ခေါင်းပုံဖြတ်၊ မတရားလုယက်၊ ခိုးဝှက် သိမ်းပိုက်ယူငင်တာ မခံရဘူး။ သွင်းခွင့်မရတဲ့ ပစ္စည်းဆိုရင် ဗူးဝမှာကတည်းက၊ အိမ်က လူတွေကို တခါတည်း ပြန်ပေးလိုက်ပြီး၊ သွင်းခွင့်ရတာဆို ဘာတခုမှ မလျော့စေရဘူး။
တိုက်သစ်မှာတုန်းက ထောင်ဝင်စာခန်းမှာ တခါတည်း၊ ထောင်ဝင်စာ တာဝန်ကျ ထောင်မှူးက စစ်လိုက်ပြီး ကိုယ့်အထုပ်ကိုယ် ပိုက်လာရုံပဲ။ အဆောင်မှာကျတော့ ထောင်ဝင်စာအထုပ်တွေကို သံစည်ပိုင်းပြတ်ကြီးထဲ ထည့်ပြီး လုံချည်ပြာတွေက ထမ်းလာပေးတယ်။ အဆောင်ရောက်မှ ပစ္စည်းကို စာရင်းနဲ့တကွအပ်တယ်။ ကျနော်တို့ကလဲ ကိုယ့်ပစ္စည်း စာရင်းနဲ့ ကိုယ်ရတာနဲ့ ကိုက်မှ လက်မှတ်ထိုးတယ်။ တခါတလေ လူကပြန်မရောက်သေးခင် ပစ္စည်းထုတ်က အဆောင်ရုံးခန်း ကို ရောက်နှင့်နေတာလဲ ရှိတယ်။ အဲဒီအခါ ကိုယ်ဝင်လာတာမြင်ရင် လှမ်းခေါ်ပြီး လက်ထဲထည့်ပေး လိုက်တယ်။ ဘယ်သူ့ဆီမှာ ဘာစားစရာပါတယ် ဆိုတာ ဒင်းတို့ သိပြီးသား၊ စားချင်ရင် လာတောင်းစားတယ်။
ဝါဒါ အဘသောင်းဆိုရင် ထောင်ဝင်စာ လာတဲ့နေ့မှာ ခွက်ကလေး၊ ပန်းကန်ကလေးကိုင်ပြီး ရောက်ရောက်လာတယ်။ အဘ ထမင်းစားမကောင်းလို့ ကြက်ဟင်းခါးသီးကြော်ကလေးများ ကျန်ရင် နည်းနည်းပေးစားပါ။ ဒီလိုအပြောလေးတွေနဲ့ တောင်းတတ်တယ်။ အဆောင်မှူးလှရွှေလည်း သူစားချင် ရင် အဘသောင်းဖြစ်ဖြစ် လုံချည်ပြာဇော်ဝင်း(ပီဒီပီ)နဲ့ ဖြစ်ဖြစ် တောင်းခိုင်းတယ်။ ဒါလည်း ခင်လို့ ရင်းနှီးလို့ တောင်းစားတာ။ မရင်းတဲ့သူတွေဆီ တောင်းစားတာ မတွေ့ပါဘူး။ နောက်ပြီး သူ့ဆီမှာက MI တင်ဦး အမှုရှာပြီး ဖမ်းထည့်ထားတဲ့ ကျောက်ကုန်သည် ဦးသန်းဝင်းတို့လို၊ ဘိုးတော်တင်ဦးတို့လို အစာရေစာပေါတဲ့ လူတွေ နံပါတ် (၈)ခန်း (လုံခြည်ပြာခန်း) မှာ ရှိနေတာပဲ။ အစားကောင်း မပြတ်လှဘူး။ တခြားဝါဒါတွေက အထူးတွေဆီမှာ မတောင်းစားရဲဘူး။ ထောင်မှူးဦးဘိုနီဆို လုံးဝ တောင်းမစားတတ်ဘူး။ ကြောက်တတ်တယ်။
ကျနော်တို့ အဆောင်မှာ တင်မြတ် နှစ်ယောက်ရှိတယ်။ အပေါ်ခန်းမှာနေတဲ့ တင်မြတ်က အင်းစိန်မှာနေလို့ အင်းစိန်တင်မြတ်။ ကျနော်တို့ အခန်းက တင်မြတ်က အလေးမသမား၊ ဗလကောင်း လို့ ဗလကြီးတင်မြတ်လို့ ခေါ်တယ်။ ဒင်းက ဗလကြီးသလောက် အသံကလဲကျယ်၊ အဆဲကလဲ သန်။ တနေ့မှာ ထောင်မှူးဦးဘိုနီက ဂျူတီထွက်တော့ ယူနီဖောင်းဘောင်းဘီ၊ အပေါ်က စပို့ရှပ်ကလေးဝတ်ပြီး အဆောင်နဲ့ ဝေးဝေး၊ အုတ်ရိုးဘေးက ကပ်လျှောက်သွားတာ ဗလကြီးတင်မြတ်က လှမ်းမြင်တယ်။ အဲဒါ အခန်းထဲကနေ "ထောင်မှူး- စပို့ရှပ်တွေဘာတွေနဲ့ သားနားနေပါလား၊ ဘယ်က အကြံအဖန်ရလာ တာလဲ" လို့ နှုတ်ဆက်စကား လှမ်းဆိုတာ ထောင်မှူး တချိုးထဲ ပြေးရော။

ထမင်းစားအုပ်စု
အဆောင်မှာ ကိုယ့်ဘာသာကိုယ် တူရာ အုပ်စုဖွဲ့ပြီး ထမင်းစားကြတာကို ကျနော်တို့က ထမင်းစား အုပ်စုလို့ ခေါ်တယ်။ ကျနော်တို့ အုပ်စုက ထောင်ဝင်စာလာသမျှ အားလုံးစုပေါင်းပြီး ဘုံစားကြတယ်။ တချို့ကျတော့လည်း သူ့နည်းသူ့ဟန် စားကြတာ။ ၃ ဆောင် ၆ ခန်းမှာ ထမင်းစား အုပ်စု (၃)စု ရှိတယ်။ ကိုစိန်လှအောင် (မှိုင်းရာပြည့်-ဒဿနိကနောက်ဆုံးနှစ်)၊ တင်ကြိုင် (ပီဒီပီ)၊ ကိုထွန်းကျင် (ပီဒီပီ)၊ မောင်ဝင်း (ရွှေတိဂုံအရေးအခင်းက အထကကျောင်းသား) တို့ လေးယောက်က တစုစားတယ်။ ကိုထွန်းအောင်ကျော် (ပီဒီပီ-ယခု အမေရိက၊ ABSDF ဥက္ကဌဟောင်း)၊ ကိုရဲမြင့်သိန်း (ပီဒီပီ) တို့ အမှုတွဲနှစ်ယောက်က တစုစားတယ်။ ကျန်တာ ကျနော်တို့ ပဲ။ ကျနော်တို့ အစုမှာ-
၁။ ကိုအေးကြည် (တိန်ရှောက်ပိန်-ဆေးတက္ကသိုလ် ၂) (ယခု-စိတ်တိုင်းကျလက်ဘက်ရည်)
၂။ ကိုသိန်းလွင် (အာနီ-ပဲခူး) (ဆေးတက္ကသိုလ် ၂)
၃။ ကိုတင်မြင့် (မာရှယ်-ပေါင်းတည်) (ဆေးတက္ကသိုလ် ၂)
၎။ ရဲဌေး (ပုသိမ်) (သဘာဝသိပ္ပံကောလိပ်)
၅။ မောင်မောင်စိုး (အရှုပ်-ဟင်္သတ) (သဘာဝသိပ္ပံကောလိပ်)
၆။ ကိုသန်းလင်း (တ-ဥက္ကလာ) (စက်မှုတက္ကသိုလ်)
၇။ ကိုဌေးဝင်း (ယခု-ဂျာမဏီ) (စက်မှုတက္ကသိုလ်)
၈။ ဖေသိန်း (ယခု-ဂျပန်ပြည်) (ဂျီတီအိုင်)
၉။ အောင်ကိုကို (ရေနံချောင်း) ( ပညာရေးတက္ကသိုလ်)
၁၀။ ကိုတင်အောင် (ဘီးလင်း) (ဂျီတီအိုင်)
၁၁။ လှဦး (ဒေါပုံ-ကုလားပို) (အထကကျောင်းသား-ယခုကွယ်လွန်)
၁၂။ ကိုတင်မြတ် (မ-ဥက္ကလာ) (ကျန်းမာရေးမှူး)
၁၃။ စောထွတ်ကျော် (ပြည်) (စက်မှုတက္ကသိုလ်)
၁၄။ ကျနော်
ကျနော်တို့ရဲ့ အိုးသူကြီးက ကိုအေးကြည် (ခ) အောင်မိုးသူ (စိတ်တိုင်းကျ)။ လူပုသလောက် အကြံ အဖန်ကောင်းလို့ သူ့ကို အားလုံးက တိန်ရှောက်ပိန်လို့ ခေါ်ကြတယ်။ သူကိုယ်တိုင်စီမံ၊ အားလုံးအတွက် သူပဲ ဒိုင်ခံချက်တာ။ ကျန်တဲ့သူတွေက ဟင်းရွက်ခူး ဟင်းရွက်သင်၊ ထင်းခွဲ၊ ကင်းစောင့်(တခါတလေ ဟင်းချက်တဲ့အခါ ကင်းစောင့်ရတယ်)၊ အိုးဆေးခွက်ဆေး၊ ၀ိုင်းလုပ်ပေးကြတယ်။
ထောင်ဝင်စာရက်ကိုလည်း သူပဲ စီစဉ်ပေးတယ်။ ကျနော်တို့ အဖွဲ့မှာ နယ်ကထောင်ဝင်စာ လာတွေ့ရတဲ့ လူတွေ၊ ပစ္စည်းနည်းနည်းပဲ လာနိုင်သူတွေ၊ များများ လာနိုင်သူတွေကို နှစ်ပါတ် အလျင်မီ အောင် ကိုအေးကြည်က စီစဉ်ပေးတယ်။ ထောင်ဝင်စာ လာလာ-မလာလာ၊ နည်းနည်း-များများ၊ အားလုံးမျှမျှတတ၊ မရှိအတူ၊ ရှိအတူ ခွဲဝေစားကြတယ်။ စားစရာမရှိတဲ့အခါ ကြက်ဖမ်း၊ ကြွက်ဖမ်း၊ အကောင်ပလောင် ဖမ်းစားရတဲ့အခါလည်း ရှိတာပေါ့။ အကောင်ပလောင် ရှာဖွေစားသောက်တဲ့ အကြောင်း နောက်မှ ရေးပါမယ်။

ဝန်ကြီးဌာနခွဲဝေမှု
ကိုအေးကြည်က အိုးသူကြီးဆိုတော့ ကျနော်တို့ ထမင်းစားအုပ်စုမှာ ၀န်ကြီးချုပ်။ ထောင်ဝင်စာ အထုပ်ရောက်ရင် ပိုင်ရှင်က သူ့ပစ္စည်းစုံကြောင်း လက်မှတ်ထိုးပြီးရင် သူ့ကိုယ်ပိုင် ပစ္စည်းက လွဲလို့ ကျန်တာကို သက်ဆိုင်ရာ ၀န်ကြီးဌာနတွေက သိမ်းယူသွားတယ်။ အိုးသူကြီးက ထမင်းနဲ့စားတဲ့ စားစရာမှန်သမျှ အကုန်သိမ်းတယ်။ သူက ချက်ချင်းစားရမယ့်ဟင်း၊ နွှေးရမယ့်ဟင်း၊ တာရှည်ခံတဲ့ဟင်း၊ အရောအနှောလုပ်ပြီး ပွါးရမယ့်ဟင်း၊ စတာတွေကို နောက်တပါတ်မှာ နောက်တသုတ် ထောင်ဝင်စာ မီအောင် ခန့်ခွဲရတယ်။ ဆရာကြီးအောင်ကိုကို( ပညာရေးတက္ကသိုလ်ကမို့ ကျောင်းအုပ် ဆရာကြီး ရာထူးပေးပြီး ဆရာကြီးလို့ခေါ်ကြတာ) က မုံ့နဲ့ သွားတိုက်ဆေး၊ ဆပ်ပြာလို ကုန်ခြောက်တွေကို သိမ်းတယ်။ မနက်အိပ်ရာထ အစာကို သူက တာဝန်ယူရတယ်။ သူ ချပေးတာကို မနက်တိုင် အားလုံး စားရတယ်။
ကျနော်က မီးခိုးအူရေးနဲ့ အဆုတ်ရောဂါဖြစ်မြောက်ရေးဝန်ကြီး။ ကိုယ့်အုပ်စုထဲ ၀င်လာတဲ့ ဆေးပေါ့လိပ်၊ စီးကရက်တွေကို စီမံခန့်ခွဲရတယ်။ ငွေကြေးအဖြစ်သုံးရမယ့် နတ်သားလို ဆေးပေါ့လိပ် အသေးနဲ့ စီးကရက်တို့ကို ၀န်ကြီးချုပ် တိန်ရှောက်ပိန်ဆီ အပ်ရတယ်။ သူက ဒါနဲ့ အားလုံးအတွက် ဈေးဝယ်ရတယ်။ သောက်တဲ့ ဆေးလိပ်တွေကိုတော့ ရတဲ့ ဆေးလိပ် အရေအတွက်၊ ဆေးလိပ်သောက် တတ်တဲ့ လူ အရေအတွက်၊ ထောင်ဝင်စာတပါတ် နဲ့ တွက်ချက်ပြီး ခွဲတမ်းချပေးရတယ်။ မနက်မိုးလင်းရင် ကိုယ့်လူတွေရဲ့ ခြင်ထောင် အမိုးပေါ်တွေမှာ တင်ထားပေးတယ်။ ၃-၄-၅လိပ် စသဖြင့် နည်းရင်နည်းသလို၊ များရင်များ သလို။
ကျနော်ရယ် ဗိုလင်း(ကိုသန်းလင်း)ရယ်၊ ဘွန်း(ကိုဌေးဝင်း)ရယ်က ခွက်ကလေးတလုံး လုပ်ထား တယ်။ ကိုတာ ရတာကို အဲဒီခွက်ထဲ ထည့်ထားပြီး၊ သောက်ချင်တဲ့အခါ ယူသောက်။ ကိုဌေးဝင်းက ဆေးလိပ်အသောက် နည်းတယ်။ ဗိုလင်းနဲ့ ကျနော်က နှခေါင်း ကြပ်ခိုးစွဲတယ်။ သူ့ဝေစုကို ကျနော်တို့ နှစ်ယောက်ကို မျှတယ်။ ကျနော့် အိမ်က မန္တလေးနဂါးဆေးလိပ် စပါယ်ရှယ် ထည့်ပေးတတ်တော့ အခြား ရဲဘော်တွေနဲ့ ၀ါဒါတွေလည်း တခါတလေ လာတောင်းသောက်တယ်။

ထင်းဖြစ်တဲ့ကုတင်
အခန်းထဲက ကုတင်တွေ ကျနော်တို့ ထင်းစိုက်ပစ်တာ သိသိသာသာကြီး ကုန်သွားတယ်။ ရုပ်ပျက်ဆင်းပျက် ဖြစ်လောက်အောင် လျော့လာတော့ အာဏာပိုင်တွေက ကုတင်တွေကို အလုံးလိုက် လာရေသွားတယ်။ ကုတင်အလုံးလိုက် မဖျက်နိုင်တော့ ကုတင်တလုံးမှာ ကြမ်း ၅ ချောင်းရှိတဲ့အနက် အစွန်နှစ်ချောင်းနဲ့ အလယ်ခေါင်တချောင်းကို ချန်ပြီး နံပါတ် ၂ အချောင်းနဲ့ နံပါတ် ၄ အချောင်းကို ထင်းလုပ်ပစ်တယ်။ ဘာယာတန်းက ပြူတင်းပေါက်တံခါးဘောင်တွေကို ရှင်းပစ်တယ်။ ၃ ဆောင်တခု လုံးမှာ ကျနော်တို့ ထမင်းစားအုပ်စုက ထင်းသုံးအများဆုံးပဲ။ တခါတလေ အဆောင်ရေကန်နားက သစ်ပင်ကိုလဲ ရေချိုးဆင်းတဲ့အခါ ၀ါဒါလစ်ရင်လစ်သလို အကိုင်းတွေ တက်ခုတ်ပြီး ထင်းလုပ်သေး တယ်။ အေးကြည်က ဟင်းချက်ကောင်းသလောက် မောင်ဝင်းနဲ့ ကိုတင်မြတ်ကြီးကလဲ ကုတင်အော်ပို ရေးရှင်းမှာ အားကိုးရတယ်။
တခါတော့ ခုတ်ပြီးခါစ ထင်းတွေ မသိမ်းရသေးခင် ခုတင်တွေအောက်မှာ ပုံထားတာ အဆောင်မှူး လှရွှေတွေ့သွားတယ်။ မသိမသာ ကြည့်သွားပြီး အဘသောင်းကို ပြောတယ်။ ဟိုကောင်တွေ အခန်းမှာ ထင်းပုံဟာ မြွေတောင် ၀င်အောင်းလို့ရတယ်။ သွားသိမ်းစမ်းတဲ့။ ထင်းသိမ်းသွားတော့ကော ကိုအေးကြည်က မမှုဘူး။ ညနေ ဟင်းချက်ချိန်ရောက်ရင် ဟင်းအိုးကို ပြင်ဆင်ပေးလိုက်ပြီး လုံချည်ပြာ ထဲက တယောက်ယောက်ကို ပေးလိုက်ပြီး သူတို့ ဖိုမှာ သွားချက်ခိုင်းတယ်။ လုံချည်ပြာထဲမှာ ကျနော်တို့ကို ကူညီတဲ့ လူတွေရှိတယ်။

စာမဖတ်ပါနဲ့ ဟင်းပဲချက်ပါ
လူတွေက သူ့ကို လူပုသလောက် အကြံအဖန်ကောင်းလို့ တိန်ရှောက်ပိန်လို့ ခေါ်ကြတယ်။ သူ့ခေါင်းထဲမှာ ကိုယ့်လူတွေ အစားအသောက်အဆင်ပြေဖို့ပဲ အမြဲစဉ်းစားတယ်။ ဘာလုပ်စားရင် ကောင်းမလဲ အမြဲ အကြံထုတ်နေတယ်။ ဆေးလိပ်နဲ့တမျိုး၊ ခိုးသွင်းထားတဲ့ ပိုက်ဆံနဲ့တမျိုး ပေးပြီး ဖိုကြီး၊ ဆေးရုံဖို၊ တောင်ယာတို့က သူလိုချင်တာကို ၀ယ်ခိုင်းတယ်။ ကိုသိန်းလွင်(အာနီ)တို့ ကျနော်တို့က "အေးကြည် မင်း ချက်ရေး ပြုတ်ရေးပဲစဉ်းစားနေ၊ စာတော့မဖတ်ဘူး၊ စာလေးဘာလေးလဲ ဖတ်ဦးကိုယ့်လူ" လို့ ပြောတယ်။ ခဏခဏ သူ့ကို စာဖတ်ခိုင်းတော့၊ နားညည်းပြီး "အေးဖတ်မယ်၊ အစားအသောက်ကို အာနီတို့ပဲ ကြည့်စီစဉ်လိုက်" ပြောတယ်။ ကျနော်တို့ကလဲ "အေး ... စာဖတ်ရင်ပြီးရော၊ ကျန်တာ ငါတို့ တာဝန်ထား" လို့ ပြောလိုက်တယ်။
ပီကင်းရီဗြူးတွေ ဘေးချပြီး တခေါခေါနဲ့ ဟောက်နေပါလေရော။ စာအုပ်က သူ့ အိပ်ဆေးလို ဖြစ်နေတယ်။ စာအုပ်ပေးလိုက်တာနဲ့ အိပ်တာပဲ။ ကျန်တဲ့လူတွေက "တော်ပါပြီ အေးကြည်ရာ ဟင်းပဲ ပြန်ချက်ပါတော့ စာမဖတ်ပါနဲ့တော့" လို့ ပြောယူရတယ်။

ငွေနဲ့ကြေးနဲ့
ကျနော်တို့ အုပ်စုမှာ ထောင်ပိုက်ဆံလို့ခေါ်တဲ့ ဆေးပေါ့လိပ်၊ စီးကရက်တို့အပြင်၊ တကယ့် ငွေကြေးလည်း ကိုးဆယ်မျိုးတရာမျိုး ရှိတယ်။ ကျနော်က အိမ်ကို ထောင်ဝင်စာမှာရင် ပိုက်ဆံလည်းမှာတယ်။ အိမ်သာသုံး စက္ကူလိပ်ကို ပိုက်ဆံထည့်လိပ်လို့ ရအောင်၊ အစပိုင်းက နဲနဲဖြည်၊ ပိုက်ဆံကို စက္ကူနဲ့အတူ သပ်သပ်ရပ်ရပ် ပြန်လိပ်တယ်။ ၀က်သားသုံးထပ်သားကို ၀ါဒါတွေနဲ့ ပိုက်ဆံပေးမှာပြီး သရက်သီး သနပ်နဲ့ ၀က်သားဟင်းလေးချက်စားတယ်။

ကြက်သူခိုး
အဆောင်မှူးလှရွှေက အဆောင်မှာ ကြက်တွေ မွေးတယ်။ သူ့ကြက်တွေကို နယ်စပ်က တိုက်ပွဲမှာ မိလာတဲ့ ဗကပတရုတ် လုံချည်ပြာဝတ် နေ၀င်းစိန်က စောင့်ရှောက်ပေးတယ်။ နေ့ခင်းဆို ဒီကြက်တွေ ကို အဆောင်ဝင်းထဲမှာ ဒီအတိုင်း လွှတ်ထားတာ။ ကျနော်တို့က အောက်ထပ်ဆိုတော့ နေ့ခင်းနေ့လည် ကျနော်တို့ တရေးတမောအိပ်တဲ့အချိန်မှာ ကြက်တွေဟာ ကျနော်တို့ ပန်းကန်တွေ ဘာတွေ ဆေးတဲ့ ရေနေရာမှာ ကျနေတဲ့ ထမင်းလုံးတွေကို အခန်းထဲ ၀င်လာပြီး လာကောက်စားလေ့ရှိတယ်။ တနေ့မှာ ကျနော်တို့ ကြက်ဖမ်းပွဲ လုပ်ကြတယ်။
ပန်းကန်ဆေးတဲ့နေရာမှာ ထမင်းလုံးတွေကို ကြဲဖြန့်ထားလိုက်ပြီး လူတွေက ကိုယ့်ကုတင်မှာကိုယ် ငြိမ်ငြိမ်လေးနေလိုက်တယ်။ ကြက်နှစ်ကောင်ဟာ သံတိုင်ပေါက်ကနေ ၀င်လာတယ်။ ပိုင်လောက်ပြီဆို တဲ့အချိန်မှာ လူတွေဟာ ဗြုန်းဆို ကုတင်ပေါ်တွေကဆင်းပြီး အပေါက်တွေမှာ ကာရပ်လိုက်တော့ အခန်းထဲမှာ ကြက်နှစ်ကောင် အလန့်တကြားခုန်ပေါက်နေတုန်း အသံများများမထွက်ခင် အဆုံးစီရင် လိုက် ကြတယ်။
ရဲမြင့်သိန်းက ကြက်ကို ဟာလာလုပ်၊ အမွှေးနှုတ်၊ အရေခွံဆုတ်၊ တင်မြတ်ကြီးက ဗိုက်ခွဲအူထုတ်၊ ဆေးကြောသန့်စင်၊ တုံးတစ်ပေးတယ်။ အားလုံးတက်ညီလက်ညီ၊ သဲလွန်စမကျန်အောင်လုပ်ကြတယ်။ ပြီးတော့ ၀ါဒါတွေကို ပိုက်ဆံပေးပြီး ၀ယ်ခိုင်းလို့ ရထားတဲ့ မဆလာနဲ့ ချက်တယ်။ ညနေထမင်းစားတော့ ရဲမြင့်သိန်းက ဒိုင်လူကြီးလုပ်ပြီး အားလုံးကို အညီအမျှ ခွဲပေးတာ အဲဒီညနေ အားလုံးထမင်းမြိန်ကြ တယ်။
နေ၀င်းစိန် ကြက်တွေကို အိပ်တန်းသွင်းဖို့ လုပ်တော့ ရှာမတွေ့လို့ ဗျာများနေတာ ကျနော်တို့တတွေ အခန်းထဲကနေ ကြိတ်ပြီး သဘောကျနေကြတယ်။ ဒီမှာတော့ ကြက်နှစ်ကောင်ဟာ စားပြီးလို့ ဗိုက်ထဲ ရောက်သွားပြီ။
တကယ်လို့ ဒီနေရာမှာ ကြက်ပျောက်တာ မဟုတ်ပဲ လူပျောက်တာ ဆိုရင်တော့ သံချောင်းတွေ ခေါက်၊ မီးမောင်းတွေထိုး၊ စစ်ခွေးတွေလွှတ်နဲ့ အာဏာပိုင်တွေ ခေါင်းမီးတောက်လို့ ဗျာများနေပြီ။ ကြက်ဆိုတော့လည်း လုံချည်ပြာ နေ၀င်းစိန်ခမျာ မနက်မှ ဆက်ရှာတော့မယ့် သဘောနဲ့ ကြက်စာရင်း မကိုက်ပဲ ကြက်ထောင်ပိတ်လိုက်ရတယ်။

ဆက်လက်ဖော်ပြပါမယ်။

[2001 August 15 မာယာထဲက ၃ဆောင်၊ ၆ ခန်းကို ပြုပြင်မွမ်းမံ ဖြည့်စွက်ပြီး၊ ထပ်မံဖော်ပြခြင်း ဖြစ်ပါတယ်။]