Saturday, December 31, 2011

ပြည်သူ့တပ်ဦးကသခင်ကိုယ်တော်မှိုင်း
ရေးသူ - ဝင်းလတ် (ရှုဒေါင့်ဂျာနယ်)




[၂၀၁၂ ခုနှစ် မာယာကို ဝင်းလတ် (ရှုဒေါင့်ဂျာနယ်) ရဲ့ "ပြည်သူ့တပ်ဦးကသခင်ကိုယ်တော်မှိုင်း" နဲ့ ကြိုဆိုဖွင့်လှစ်ပါတယ်။ မာယာစာဖတ်သူတို့ နှစ်သစ်မှာ စိတ်ချမ်းသာ၊ ကိုယ်ကျန်းမာ ရှိကြပါစေ။]




သခင်ကိုယ်တော်မှိုင်းဟာ
ခေတ်တိုင်းခေတ်တိုင်း
ပြည်သူ့သမိုင်းမှာ
တိုက်ပွဲတိုင်းတပ်ဦးကရှိတယ်။





ပြည်သူ့ဘက်က
ထက်မြက်မားမတ် ဘယ်သူရပ်သလဲ
ရပ်သူကိုချီးမြှောက်ပေးတယ်။
ပြည်သူ့သွေးကို
သွေးသစ်အားသစ်လောင်းပေးတယ်၊
ပြည်သူ့အမြင်ကို
ကြည်လင်ပြတ်သားစေတယ်၊
ပြည်သူ့ရန်ကို
တူရူဒလစပ် မျက်ခြေမပြတ်ဘူး
ပြတ်ပြတ်သားသားတိုက်ခိုက်တယ်၊
ဖောက်ပြန်သူကို
သူ့မူ သူ့ဟန် သူ့ကာရံတွေနဲ့
ပြင်းထန်ထိမိအောင် သရော်တယ်။



သမိုင်းအကွေ့မှာ
အတွေ့အကြုံအဖုံဖုံကြောင့်
အလုံးစုံပြောင်းလဲသွားတတ်တယ်၊
ရန်သူဟာ
လူတန်းစားပြောင်းသွားတာရှိမယ်၊
ရန်သူဟာ
မူပြောင်းသွားတာရှိမယ်၊
ပြည်သူ့ဘက်က
ဆက်မရပ်တော့တဲ့သူတွေရှိမယ်၊
ပြည်သူ့ဘက်ကို
ထက်မြက်တဲ့အားသစ်တွေဝင်လာမယ်။



ရန်သူမိတ်ဆွေ
အနေခွဲခြား စည်းမျဉ်းကြားမှာ
ပြတ်သားထက်မြက် ပြည်သူ့ဘက်က
ဆက်ပီးတော့ဦးဆောင်သူကတော့
'သခင်ကိုယ်တော်မှိုင်း' ပဲ။

ကိုယ်တော်မှိုင်းဟာ
ပြည်သူ့သမိုင်းမှာ
တိုက်ပွဲတိုင်းတပ်ဦးကရှိတယ်။

ဝင်းလတ်

Thursday, December 29, 2011

ကျနော်မမေ့တဲ့လေထီးဗိုလ်အုန်းမောင်
ရေးသူ- ရဲဘော်ဖိုးသံချောင်း




ဦးလေးဗိုလ်အုန်းမောင်ကို ကျနော်၉-၁၀နှစ်သားအရွယ်တုန်းက ရန်ကုန်ထောင်ကြီးထဲမှာ ပတမဆုံး အကြိမ်အဖြစ်တွေ့ဖူးခဲ့တာဖြစ်ကြောင်း ကျနော် ရေးပြခဲ့ဖူးပါတယ်။ ကျနော့်အဖေထောင်ကျနေစဉ်တုန်းက ကျနော်အဖေ့ကိုသွားတွေ့တော့ ထောင်ပိုင်တို့က ကျနော့်ကို မနက်ကနေ ညနေအထိ ထောင်ထဲရှိအဖေနေတဲ့ (၅)တိုက်အထဲအထိ သွားလည်ခွင့်၊ အဖေနဲ့အတူနေခွင့်ပေးတာပါ (အခုခေတ်လူများအဖို့တော့ မယုံချင် ပုံပြင်လို ဖြစ်နေကြမယ်ထင်ပါတယ်)။


ထုံးစံအတိုင်း ထောင်ထဲမှာက သူရဲကောင်းတွေ၊ နာမည်ကြီးနိုင်ငံရေးသမားတွေ စာပေသမားတွေ စုစည်းလေ့ရှိတာမို့ ကျနော့်ကိုအဲဒီအထဲမှာ ကျနော့်ကိုအဖော်လုပ်တဲ့။ အသက်အတော်ငယ်တဲ့ ဗကပ ကကိုဖုန်းက “အဲဒါဗိုလ်အုန်းမောင်ပဲ”လို့ လက် ညှိုးထိုးပြပါတယ်။ ကျနော်မှတ်မိသလောက်ဆိုရင် ကိုဖုန်းဟာအရင်က အစိုးရရေတပ်က အရာရှိငယ် တယောက်ပါ၊ တိုက်ရေယာဉ်တစင်းကို မောင်းပြီူး တွံတွေးဘက်ကိုတောခိုခဲ့သူဖြစ်ပါတယ်။ (သူ့လိုပဲ ဗိုလ်ညဏ်မောင်ကလည်း မိတ္ထိလာလေတပ် စခန်းကနေလေယာဉ်ပျံတစီးနဲ့တောခိုဖူးပါတယ်)။

သူပြရာကိုလှမ်း ကြည့်လိုက်တော့ အသက်၄၀ လောက်ပိန်ပိန်လူတယောက် တုတ်ကောက်တချောင်းနဲ့ ထော့နင်း-ထော့နင်း လျှောက်လာနေတာကို တွေ့ ရပါတယ်။ သူ့ခေါင်းပုံကအလယ်မှာမောက်နေပြီး ဆံပင်ကတော့ ကတုံး ဆံတောက်ပါပဲ။ အသက်အရွယ်နဲ့ ဒဏ်အမျိုးမျိုးကြောင့် ဦးလေးဗိုလ်အုန်းမောင်ရဲ့ရုပ်ဟာ ပါးချောင်ကျ၊ မျက်တွင်းဟောက်နေတာပဲ တွေ့ရလေ့ရှိပါတယ်။ ပေါ်လွင်လှတဲ့နှာတံကို ထောက်ထားတဲ့ သူ့ရဲ့ပါးရိုးတွေဟာ ကြံ့ခိုင်လှပြီး နောင်မှာ ဖိနှိပ်သူအာဏာပိုင်တွေနဲ့ရင်ဆိုင်တိုင်း အဲဒီပါးရိုးကြီးတွေ တင်းနေတာဟာ ကျနော် တို့လို နောက်လိုက်တွေကို သိပ်အားတက်စေပါတယ်။

တကယ်တော့သူ့ကို လူကိုယ်တိုင်မတွေ့ရမီကတည်းက ကျနော်ဟာ သူ့အကြောင်းကို အဖေနဲ့တခြား ပုဒ္မ(၅)အကျဉ်းသားတွေဆီက ကြားထားပါပြီ။ လေထီးဆင်းတဲ့ကိစ္စအပြင် ဖမ်းမိတဲ့အခါမှာ အစိုးရက ဘယ်လို နှိပ်စက်တယ်ဆိုတဲ့အကြောင်းတွေရောပါ။ ကလေးတယောက်ရဲ့ မျက်စိထဲမှာ ဧရာမသူရဲကောင်းကြီး တဦး ဖြစ်နေတကို နားလည်နိုင်ကြမယ်ထင်ပါတယ်။

အဲဒီနောက် ၁၄နှစ်လောက်ကြာတော့ ဦးလေးဦးအုန်းမောင်ကို ဘ၀တူအဖြစ်ပြန်တွေ့ရပါတယ်။ ကိုကိုး ကျွန်းပေါ်မှာပါ။ ကျနော်တို့အားလုံးကိုတင်ခေါ်သွားတဲ့ ပြည်တော်အေးသင်္ဘောပေါ်ကဆင်းလို့ ကိုကိုးကျွန်း မြေကိုနင်းပြီး မီတာ၅၀လောက်လျှောက်ပြီးတဲ့နောက်မှာ ကျနော်တို့အားလုံးကို သဲသောင်ပြင်ပေါ်မှာ အထိုင် ခိုင်းပါတယ်၊ ပြီးတော့အကျဉ်းဌာနအထူးအရာရှိ ဗိုလ်ထွန်းရင်လောက မိန့်ခွန်းချွေပါတယ်။ ထောင်ထဲ ရောက်ရင် ဘယ်သူဘယ်နေရာရောက်လို့ ဘယ်လိုကန့်သတ်ထားမယ်ဆိုတာ ဘယ်သူမှပြောနိုင်တာ မဟုတ် ပါဘူး။ ဒါကြောင့် အခုလိုအားလုံးစုပြုံနေရတုန်းမှာ မြင်နိုင်သူအားလုံးကို ကြည့်ရပါတယ်။ နောက်ပြီး နေရာ အသစ်တခုကိုရောက်ရင် ကိုယ့်ပတ်ဝန်းကျင်ကိုအရင်ဆုံးအကဲခတ် စနဲနာတာဟာ နိုင်ငံရေးအကျဉ်းသမား များရဲ့ အကျင့်တခုပဲမဟုတ်ပါလား။ ဒီလိုနဲ့ကျနော်တို့လည်း ပူလှတဲ့သောင်ပြင်ပေါ်မှာထိုင်ပြီး စိတ်ပျက်စရာ၊ ရွံမုန်း စရာမိန့်ခွန်းကို စိတ်မပါ့တပါနားထောင်ရင် တခြား လူတွေကိုလှည့်ပတ်ကြည့်ကြပါတယ်။

ကျနော့်အထင်တော့ ဦးလေးဗိုလ်အုန်းမောင် ရုပ်ဘာမှပြောင်းမသွားဘူးပဲ။ အဲဒီနောက် အကျဉ်းစခန်းထဲ ရောက်တော့ ဆက်တိုက်ဆိုသလိုပဲ တခြားအင်းစိန်ထောင်ကပါလာတဲ့ ဘ၀တူတွေဆီကနေ သူ့အကြောင်း တွေကိုဆက်ကြားရပါတယ်။ အင်းစိန်ထောင်တွင်းမှာ စစ်ဆင်ရေးစီမံကိန်းဆွဲပြီးဖိနှိပ်ရာမှာ ဦလေးဗိုလ်အုန်း မောင်ကို ၀ိုင်းရိုက်ကြလို့ နံရိုးသုံးချောင်းတောင်ကျိုးခဲ့သတဲ့။ ဒါကြောင့်သူ့ကျန်းမာရေးဟာ အတော်ကို မကောင်းဘူးတဲ့။ တီဘီရောဂါလည်း ရှိနေသတဲ့။ အဲဒီအချိန်မှာ သူ့အသက်က ငါးဆယ်လောက် ရှိနေပါပြီ။ ကိုကိုးကျွန်းပေါ်ကိုရောက်ပြီး နောက်တနေ့မှာပင်လယ်ထဲရေချိုးဆင်းခွင့်ရလို့ ရေချိုးဆင်းကြတဲ့အခါမှာတွေ့ ရတဲ့ ဦးလေးဗိုလ်အုန်းမောင်ရဲ့ပုံဟာ တကယ့်ကိုကမ္မဌာန်းရုပ်ပါ။ ထူးတာက ဒီကမ္မဌာန်းရုပ်ရဲ့နံဘေးမှာ ခွဲစိပ် ချုပ်ရိုးကြောင်းတွေပါနေတာပါပဲ။

ဒါပေမဲ့သူဟာ ကိုကိုးကျွန်းပေါ်ကတိုက်ပွဲတွေကို မားမားမတ်မတ်ခေါင်းဆောင်နိုင်ခဲ့ပါတယ်။ နံရိုးကျိုး ပေမဲ့ နှလုံးကခိုင်ကျည်ပါတယ်။ တုတ်ကောက်တချောင်းနဲ့ ထော့နင်းထော့နင်းပဲ သဲသောင်ပြင်ပေါ်လျှောက်၊ ထောင်အာဏာပိုင်တွေကို တဖ၀ါးမဆုတ်ရင်ဆိုင်ခဲ့ပါတယ်။ ကျနော်တို့အားလုံးကိုယ်စား ထောင်အာဏာပိုင် တွေနဲ့ ရင်ဆိုင်ရာတဲ့အခါမှာ တုတ်ကောက်ကိုယ်စီနဲ့ရပ်ပြီး ပြတ်ပြတ်သားသားပြောဆိုနေတဲ့ ဦးလေးဗိုလ်အုန်း မောင်နဲ့ ဆရာရာဂျန်တို့နှစ်ဦးကိုမြင်ရတာဟာ အင်မတန်မှကြက်သရေလည်းရှိ၊ အားလည်းတက်စရာလည်း ကောင်းလှပါတယ်။

ကိုကိုးကျွန်းမှာ ဗမာပြည်ကွန်မြူနစ်ပါတီနဲ့နီးစပ်သူတွေ၊ အလံနီနဲ့နီးစပ်သူတွေနဲ့ မလညပခေါ် အရင် ပမညတ-ပြည်သူ့ရဲဘော်နဲ့နီးစပ်သူတွေဆိုပြီး အဓိကအစုကြီးသုံးစုရှိခဲ့တာကို အများသိကြပါတယ်။ အဲဒီထဲမှာ ဗကပနဲ့နီးစပ်သူတွေအစုဟာအများဆုံးပါ။ ဒါပေမဲ့ ဒီထဲမှာဗမာပြည်နေရာအရပ်ရပ်က လာတဲ့သူတွေ ပါဝင် ပါတယ်။ မန္တလေး၊ မြင်းခြံ၊ ပျဉ်းမနား စတဲ့အထက်ဗမာပြည်ကလာတဲ့လူတွေ၊ တောင်တွင်းကြီး၊ သရက်စတဲ့ ဗမာပြည်အလယ်ပိုင်းကလာတဲ့လူတွေ၊ ရန်ကုန်ကလူတွေ၊ မြစ်ဝကျွန်းပေါ်ကလူတွေ၊ ရခိုင်ပြည်နယ်က လူတွေစသဖြင့် အနယ်နယ်အရပ်ရပ်ကပါ။ နောက်ပြီးနောက်ခံကိုပြောရရင်လည်း ကျောင်းသားအနွှယ်၊ အလုပ်သမားအနွှယ်၊ အမှုထမ်းအနွှယ်၊ လယ်သမားအနွှယ်၊ လက်နက်ကိုင်တော်လှန်ရေးထဲကလာတဲ့သူ တကယ့်ကိုစုံမှစုံဖြစ်ပါတယ်။ တယောက်ကိုတယောက်မမြင်ဖူး၊ တယောက်နာမည်တယောက်မကြားဖူးတဲ့ လူတွေအများကြီးဖြစ်ပါတယ်။

အဖမ်းခံကြရတာကလည်း ၁၉၆၃ခုနှစ်ငြိမ်းချမ်းရေးဆွေးနွေးပွဲပျက်ပြီးနောက် အဖမ်းခံရတာကနေ ၁၉၆၇ခုနှစ်တရုတ်ဗမာအရေးအခင်းနောက် အဖမ်းခံရတဲ့သူအထိ အချိန်တွေကွာခြားနေ ပါတယ်။ ဒီအထဲမှာ အသက် အသက်အကြီးဆုံးက ၆၀တန်းဖြစ်တဲ့မြစ်ဝကျွန်းပေါ်ကအဘကြင်နဲ့ အမရပူရက ဦးခင်မောင်၊ အငယ်ဆုံးက ၁၈နှစ်သား ရန်ကုန်၊ သာကေတကကိုလှဌေး(အဖမ်းခံရတုန်းက အသက်၁၄နှစ် လောက်ရှိသေးတာပါ)တို့ ပါဝင်ပါတယ်။ ဒါကြောင့် အဲဒီလူတွေကိုစုစည်းမိဖို့ လုပ်ရတဲ့အလုပ်ဟာ တကယ်ပဲ မလွယ်လှဘူး။ ဒီလိုအခါမှာ အားလုံးဟာ ဒီအဖိုးကြီးနှစ်ယောက်ကို ပုံအပ်ပြီးဒီအလံအောက်မှာ စုဝေးခဲ့ကြ ပါတယ်။ အဲဒီလိုပုံအပ်ခဲ့ကြတဲ့အတွက် မှားတယ်လို့ ကျွန်းပေါ်မှာ၊ ထောင်ထဲမှာ၊ ထောင်ပြင်မှာ ဘယ်သူကမှ မခံစားခဲ့၊ မယူဆခဲ့ကြပါဘူး။ သူတို့များမရှိခဲ့ရင် ဆိုတဲ့အတွေးမျိုးသာပေါ်တာတွေ့ရပါတယ်။

ကိုကိုးကျွန်းပေါ်မှာ သူတို့နှစ်ဦးရဲ့ဂုဏ်သိက္ခာကိုတခြားဘယ်သူမှ မယှဉ်နိုင်ဘူးလို့ပြောရင် မလွန်ဘူးထင် ပါတယ်။ ဒါကိုတခြားအဖွဲ့အစည်းတွေကလဲ အသိအမှတ်ပြုကြတဲ့သဘောရှိပါတယ်။ သခင်ဘ၀ကတည်းက နိုင်ငံရေးလုပ်လာတဲ့၊ ဂျပန်တော်လှန်ရေးမှာနာမည်ကျော်ခဲ့တဲ့၊ လက်နက်ကိုင်တော်လှန်ရေးလုပ်လာတဲ့၊ နှစ်ကျွန်းပြန်(နောက်တော့သုံးကျွန်းပြန်) ဦးလေးဗိုလ်အုန်းမောင်လိုလူကို နိုင်ငံရေးဝါမှာ ယှဉ်နိုင်သူမရှိပါဘူး။ ဒါပေမဲ့အဖွဲ့အစည်းတခုနဲ့ တခုမှာအားလုံး တန်းတူ၊ အပြန်အလှန်လေးစားစွာ ဆက်ဆံကြပါတယ်။ တခြားအဖွဲ့ အစည်းကခေါင်းဆောင်တွေ၊ တသီးပုဂ္ဂလတွေကလည်း ကိစ္စရှိရင်သူတို့ဆီကိုလာပြီး လေးလေးစားစား တိုင်ပင်ကြပါတယ်။

တရုတ်ပြည်ယဉ်ကျေးမှုတော်လှန်ရေးနဲ့တဆက်တည်း ပဲခူးရိုးမမှာလည်း“ယဉ်ကျေးမှုတော်လှန်ရေး” ဖြစ်တော့ ကိုကိုးကျွန်းကဗကပအနွှယ်တွေထဲကိုလည်း ဂယက်တွေရိုက်ခဲ့ပါတယ်။ အဲဒီလိုအခါမျိုးမှာ ဦးလေး ဗိုလ်အုန်းမောင်နဲ့ ဆရာရာဂျန်တို့သာတည်တည်ငြိမ်ငြိမ် မခေါင်းဆောင်နိုင်ခဲ့ရင် ကိုကိုးကျွန်းသမိုင်းဟာ တမျိုး ပြောင်းသွားနိုင်တယ်ထင်ပါတယ်။ သူတို့ဆီကို ရဲဘော်တွေက အယူအဆအမျိုးမျိုးတွေသွားပြီးတင်ပြနေကြ တာပါ။ အရမ်းတက်ကြွနေကြတော့ အပြောအဆိုအသုံးအနှုန်းပြင်းထန်တာတွေလည်းပါပါတယ်။ တိုက်ပွဲတခု ဖော်တယ်ဆိုရင် ရဲဘော်တွေက ‘ကျနော့်လည်းတိုက်ပွဲထဲပါခွင့်ပေးပါ’ ဆိုပြီး သွားနားပူနားဆာလုပ်တာ မျိုးလည်း အမြဲလိုလိုရှိတတ်ပါတယ်။ အဲဒါမျိုးတွေကို ခေါင်းအေးအေး၊ စိတ်ရှည်ရှည်နဲ့ကာလရှည်ကြာစွာ ပြန် ဆွေးနွေးရတယ်ဆိုတာ အဲဒီတုန်းကကျနော့်အရည်အချင်းမျိုးနဲ့တော့ မဖြစ်နိုင်တာအမှန်ပါပဲ။

နောက်အရေးကြီးတဲ့ ထောက်ပြစရာအချက်တခုက ကိုကိုးကျွန်းအကျဉ်းစခန်းမှာ ကျနော်တို့ကျွန်းဖျက် သိမ်းရေးအစာငတ်ခံတဲ့ ပုံစံဖြစ်ပါတယ်။ ကိုကိုးကျွန်းအကျဉ်းစခန်းရဲ့ထူးခြားချက်အရလို့ ပြောနိုင်ပါတယ်။ အဲဒါက တိုက်ပွဲတိုက်တယ်ဆိုရင် အစာငတ်ခံသူတွေဟာ ထောင်အာဏာပိုင်တွေကိုအစာငတ်ခံပြတာပဲလုပ် ပါတယ်။ သူတို့ကိုယ်တိုင်အာဏာပိုင်တွေနဲ့ စကားပြောတာဖြေရှင်းတာ လုံးဝမလုပ်တော့ပဲ ပြင်ပမှာရှိတဲ့ တိုက် ပွဲဆောင်ပြင်ပမှာရှိတဲ့ ခေါင်းဆောင်ရဲဘော်တွေလက်ထဲ ဆုံးဖြတ်ခွင့်တွေ၊ နောက်ပြီးကိုယ့်အသက်တွေကို လုံးဝအပ်နှံထားလိုက်တာဖြစ်ပါတယ်။ အဲဒီတုန်းကတိုက်ပွဲဝင်ရဲဘော်များအနေနဲ့ ဦးလေးဗိုလ်အုန်းမောင်နဲ့ ဆရာရာဂျန်တို့လက်ထဲကို ဒီလိုအခွင့်အာဏာတွေနဲ့ ကိုယ့်အသက်တွေအပ်နှင်းခဲ့တာကိုထောက်ရင် ဒါဟာ သူတို့အပေါ် နည်းနည်းနောနော ယုံကြည်မှုမဟုတ်ပါဘူး။

ကျနော့်တဦးချင်းအနေနဲ့ကတော့ အဲဒီတုန်းက၊ အဲဒီလိုသူတို့နှစ်ဦးရဲ့ ခေါင်းဆောင်မှုခံယူခဲ့ရတဲ့အတွက် အသိပညာတွေ၊ သတ္တိတွေတိုးတဲ့အပြင် လမ်းမှန်ပေါ်လည်းလျှောက်နိုင်ခဲ့တာမို့ သူတို့ကိုကျေးဇူးတင်ရုံမက သူတို့နောက်ကလျှောက်ခဲ့ရတဲ့အတွက် ဂုဏ်လည်းယူနေမိတာအမှန်ပါပဲ။

ရဲဘော်ဖိုးသံချောင်း
{အရေးတော်ပုံဂျာနယ်၊ အတွဲ၁၊ အမှတ် ၃၊ ဖေဖော်ဝါရီလ၊ ၂၀၁၁ မှ ကူးယူဖော်ပြတာ ဖြစ်ပါတယ်။}

Saturday, December 10, 2011

ဂစ်တာကလေး လိစ္ဆဝီ်
ရေးသူ ကိုမှိုင်း





ချစ်သူရင်ငွေ့စွန်းထားတဲ့
အလေးအနက် ဆံစတွေ
ရေမွန်းသွားမှာစိုး
ဖြတ်ရက်ဖို့ နေနေသာသာ
ဒါတွေကြောင့်
ဂစ်တာလေးမှာ ဆံရှည်နဲ့။


ခေတ်ဟာ
ရော့ခ်ဝိဥာဉ်တွယ်ထားတဲ့
တီရှပ်တွေချည်း အရေခွံလဲပြီး
သူ့ခေတ်ပြိုင် ရွှေကြောတူးဖို့

အလာစကာပြည်နယ်ကို
ဘောင်းဘီချုပ်ဝတ်ထားသေးရဲ့။

လောလောဆယ် ထည့်စရာ
ဘာမှမရှိပေမယ့်
တနေ့နေ့မှာ တခုခုထည့်ဖို့
အိတ်ကပ်အများကြီးဂျက်ကက်နဲ့။

အဲဒီလို
ဂစ်တာငယ်က
အသည်းအသန်လှော်ခတ်
မီးပြတိုက်ရဲ့ စွဲဆောင်မှုဆီ
ရင်တခုန်စာနီးတော့မှ
လူရောညပါ ကျောက်ဆူးချတတ်တယ်။

ဘဝတခုလုံးကို
မဆိုင်းမတွ
စိတ်ရှည်လက်ရှည်ထွင်းထားတဲ့
မှော်ဝင်ဂစ်တာဟာ

လရောင်ကို ကြိုးကျစ်တပ်ပြီး
သန့်ရှင်းလက်နဲ့ ပန်းခူးခြင်းစ။

ဒီတော့မှ
လရောင်လှုံနေတဲ့ ငြိမ်သက်ခြင်းဆီ
ရင်အပိုင်းအစထိမှန်
ကိုယ်ရေးကိုယ်တာတောင်ပံနဲ့
ရုတ်တရက်
စောင့်မျှော်ခြင်းပြတင်းတချပ်
ဖျတ်ခနဲပွင့်။

ကြည့်လိုက်ကြ
ဒါဟာ
ဘဝတခုရဲ့
အဝေးထိန်းခလုတ်ပါ
ဟောဒီငယ်ကျွန်ကြီးရဲ့
သစ္စာဆောင် အခန်း ၄ က

ရှိစုမဲ့စု သစ္စာလေးပါး။

သိနေရဲ့
သစ္စာတရားဟာ
မိုနာလီဇာဆံပင်နဲ့
အပေါ်ပိုင်းက
ကောင်းကင်ကို ထည်လဲဝတ်ပြီး
ပန်းဥယျာဉ်တွေ
ခါးမှာ မွေးမြူထားပေလိမ့်မယ်။

ဟေ့..... ည
မျက်တောင်ခတ်ပါဦး
အဲဒါဟာ
ပုဂလိကသက်သက်ပါ။
အလေးအနက်ရင်ငွေ့ပါ။
ပေါ်ဦးပေါ်ဖျား မီးပြတိုက်ကလေးပါ။

နက္ခတ်ကြည့်မှန်ပြောင်းတွေ
အဲဒီညနဲ့
မှတ်မှတ်ရရ တိုက်တိုက်ဆိုင်ဆိုင်
ကြယ်တံခွန်အသစ်ကလေး
အရှင်လတ်လတ် စမြင်ဖူးကြ
မန္တလေးရဲ့ ခေါင်းပေါ်တည့်တည့်။

ဒီလိုညမျိုး
မိုနာလီဇာက
နှုတ်ခမ်းဖျား တဆတ်ဆတ်တုန်
တစုံတခုကို ငံ့လင့်
လီယိုနာဒိုဒါဗင်ချီလည်း
တဘဝလုံး သိမ့်သိမ့်ခါ
တစုံတရာကို နာခံ
လ. ကိုသာ အပြစ်ဖွဲ့ပါတော့။

ယုံတယ်
ဟောဒီညကို
ပင်တဂွန်ကသာ ကြားတတ်ရင်
ဗန်ထရွိုင်းလည်း သေဖို့မလို
မက္ကနာမားရား
နောင်တရစရာ ကြုံမှာမဟုတ်။

မဟုတ်သေးပါဘူး
ဘာလင်တံတိုင်းကို ဖြိုတဲ့ညဟာ
မတ်ငွေနဲ့
စားပွဲဝိုင်းတွေမဟုတ်ဘူး
အရှေ့ရယ် အနောက်ရယ်
မျဉ်းသားမရတဲ့
သွေးရင်းသားရင်း ဂစ်တာသံတွေ။

တို့နှစ်ယောက်ရဲ့ ဂစ်တာလေး
တားထားတဲ့ လက်ဖဝါးပေါ်မှာ
အခန့်သား လူလားမြောက်ခဲ့
မဟန့်ပါနဲ့တော့
ခရီးသွားဂစ်တာကလေးပါ
သူ့မှာ....
နိုင်ငံတကာဗီဇာရှိရဲ့
နယ်ခြားမျဉ်းတွေ ဖျက်လိုက်ကြ။

ချစ်သူရေ....
မနေ့ညကလိုလိုနဲ့
သူ့လက်စွဲဂစ်တာအိုတောင်
၂၅ နှစ် ရင့်မှည့်ချိုမြိန်
မနေ့ညကလိုပါပဲ။

ခုတော့ဖြင့်
ဂစ်တာလေးနဲ့ထားခဲ့
ကမ်းတဖက်ကို ကူးနှင့်သူရေ
မင်းချန်သွားတဲ့
သစ္စာတရားရဲ့ ကြီးမြတ်မှုက
ငါ့မှာ အလိုလိုသေးကျုံ့သွားပေါ့။

ဆွေးပြီ
မင်းလိုပါပဲ
ဘဝကို အနိုင်နဲ့ပိုင်းတဲ့
လစ္ဆဝီရဲ့ အဉ္စလီတယောက်
မင်းသွားနှင့်ရာလမ်းနောက်က
ငါ့ကိုပဲထားခဲ့ပြီ။

အမိန့်မပြန်လိုက်ပါနဲ့
တီရှပ်တို့နံရံမှာ
ကိုယ်ထင်ပြပေါ့
သစ္စာတွေ....။

မှီဝဲကြ
ဂစ်တာလေးက
ဂျင်းဂျက်ကက်အိတ်ကပ်တွေထဲ
ပေးသွားခဲ့ပြီးပြီ
တစုံတခု အသေအချာ။

ကိုမှိုင်း
ပန်သစ္စာဂျာနယ်၊ အတွဲ ၁၊ အမှတ်၁၊ ၂၀၀၈။

{ပန်းချစ်သူရဲ့ဒဏ္ဍာရီ စာအုပ်မှ ကူးယူဖော်ပြပါတယ်}

အဝေးကပေးစာတစောင်
ယာတောကသာဗျော



တတိယမြို့တော်ရဲ့ခံစားချက်တချို့

ကိုဟိုဒင်းရေ-

စာမရေးမိတာ ကြာပြီဗျနော်။ တောင်းပန်ပါတယ်ဗျာ၊ ဗမာပြည်အရေးတွေက အပြောင်းအလဲ အလှည့် အစားတွေ များလွန်းတော့ အမှီလိုက်အောင် ဖတ်ရှုနားထောင် နေရလို့ပါ။


တနေ့က ၀တ္ထုတိုပေါင်းချုပ် တအုပ်ကို ဖတ်ရာမှာ “တတိယမြို့တော်သားရဲ့အလွမ်း” ဆိုတဲ့ ၀တ္ထုလေးကို တွေ့လိုက်ရတယ်။ ကျနော်ဖြင့် ခေါင်းစဉ်မြင်လိုက်တာနဲ့ ရင်ထဲမှာ နင့်ကနဲ ဖြစ်သွားတယ်။ အော် ရတနာပုံ မန္တလေး နေပြည်တော်ကြီးဟာ နံပတ်သုံးနေရာ ရောက်သွား ရပါပြီလားလို့။

ကိုယ့်ထီးကိုယ့်နန်း ဆောင်ကြငှန်းနဲ့ နေစဉ်တုန်းကတော့ မင်းနေပြည် နံပတ်ဝမ်းပေါ့ဗျာ။ နောက် အင်္ဂလိပ် ကိုလိုနီဘ၀ ရောက်တော့ နံပတ်နှစ် နေရာရောက်။ အဲဒီကတဆင့် စစ်အုပ်စု ကိုလိုနီ ဘ၀ရောက်တော့ နံပတ်သုံးနေရာ ရောက်သွားရပါ လေရော။ ၂၀၀၈ခုနှစ် ဖွဲ့စည်းပုံ အခြေခံဥပဒေဆိုတာကြီးအရ နောက်တခါ အာဏာသိမ်းလိုက်ရင် ဗရုသုက္ခနဲ့ စတုတ္ထဖြစ် သွားမလားမသိဘူး။ သင်္ခါရတရားဆိုတာနဲ့ပဲ ဖြေသိမ့်ရတော့မှာလားဗျာ။

ဒီလိုဖြင့် မော်လမြိုင်က လက်ရှိ စတုတ္ထပေါ့နော်။ ကျနော်တို့ အရင်က အစဉ်အလာ ပြောနေကျ နံပတ်စဉ်အတိုင်း ပြောမိတာပါ။ ဒါပေမဲ့ တကယ်က ဒီနိုင်ငံမှာ ပထမကလွဲရင် ဒုတိယ၊ တတိယ၊ စတုတ္ထ ဘယ်တခုမှ လျှပ်စစ်မီး မှန်မှန်မရပါဘူး။ လျှပ်စစ်မီးလို့ဆိုလိုက်တိုင်း ကျနော်ဖြင့် လွန်ခဲ့တဲ့ နှစ်ပေါင်း ၇၀ ကျော်လောက်တုန်းက နန်းတော်ရှေ့ဆရာတင်ရေးခဲ့တဲ့ ကျေးရွာဝါဒ သီချင်းကိုပဲ အခါခါ ဟစ်နေမိတယ်။ ဘာတဲ့- “ခုများဖြင့် မြို့ကြီးလို ဓာတ်မီးရောင်ထိန်၊ ကုသိုလ်ဖြစ်ဆေးရုံ၊ ပွဲနဲ့လမ်းနဲ့ သာသာယာယာ။” ဆရာတင်ရေးတာက မုဆိုးဖို ရွာကလေးတဲ့။ ရွှေဘိုနယ်ထဲကဖြစ်မှာပေါ့။ အခုနေသာ တယေက်ယောက်ကနေ လွန်ခဲ့တဲ့ ရာစုနှစ် အလယ်ပိုင်း မတိုင်မီလောက်တုန်းက ကျေးရွာတွေမှာ အဲဒီလိုပဲတဲ့လို့ ပြောရင်တော့ “ဟေ့လူ လာရွှီးမနေနဲ့၊ ဒဏ္ဍာရီပုံပြင်တွေလာမပြောနဲ့” လို့ အဟောက်ခံရမှာ သေချာတယ်။

နောက် စဉ်းစားမိတာတခု ပြောရဦးမယ်။ မန္တလေးနန်းတော်- “ခြူသံနဲ့ဘုံပျံ၊ နတ်ဝိသုကံဖန်သလိုပင်၊ အံ့ဘွယ်ဘနန်း ရွှေတောင်နန်းသစ်လွင်” လို့ ဆရာမြို့မငြိမ်း ရေးခဲ့တဲ့ မန္တလေးနန်းတော်နဲ့ နန်းတွင်းဟာ ရေမြေ့အရှင်ဘုရင်မင်းမြတ်နေတဲ့ နေရာဖြစ်ခဲ့ပါတယ်။ ဒီလိုနဲ့ သူ့ကျွန်ဘ၀ ရောက်တဲ့အခါကျတော့ ဘုရင်မရှိတော့ပေမဲ့ ဒီနေရာတခုလုံးကို အင်္ဂလိပ်နယ်ချဲ့သမားက ဗမာတွေဟာ နန်းမြို့ဟောင်းတွေကနေ ပုန်ကန် ထောင်ထားတတ်တယ်ဆိုတဲ့ အလေ့ကို ကြောက်လို့လားမသိဘူး နန်းမြို့ထဲမှာ စစ်တပ်တွေထားပြီး တခါတည်း အသေချုပ်ထားခဲ့တယ်။ ဂျပန်ကလည်း ဒီလိုပဲ လုပ်ခဲ့တယ်။ ဗမာနိုင်ငံသားတွေ မှာကတော့ အသဲကို အပ်နဲ့ဆွ ခံရသလို နာကျည်းလိုက်တဲ့ဖြစ်ခြင်း၊ သူတို့က အုပ်စိုးသူတွေကိုး။ အဲဒီနောက် လွတ်လပ်ရေးရတဲ့ နောက်မှာလည်း ဒီ နန်းတွင်းဆိုတာ ပြည်သူလူထုရဲ့ နေရာဖြစ်မလာပဲ ပြည်သူ လူထုကိုဖိနှိပ်တဲ့ စစ်တပ်ရဲ့ ဌာနချုပ် တည်ရာပဲဖြစ်ခဲ့တယ်။ အဲဒီ နန်းတွင်းထဲမှာပဲ ဗိုလ်အာဠာဝကလို ဂျပန်တော်လှန်ရေးမှာ မန္တလေးမြို့က ချစ်ကြတဲ့ အာဇာနည်ကိုသတ်ဖို့ စစ်တပ်က ကြိတ်ကြံဆုံးဖြတ်တာ၊ မန္တလေး မဟာမြတ်မုနိဘုရားထဲမှာ မနက် အာရုံတက် ဘုရားဝတ်ပြု နေကြတဲ့ ရဟန်းတွေကို ဓားနဲ့ ခုတ်သတ်ဖို့စီစဉ်တာ၊ ရှစ်လေးလုံး အရေးအခင်း ဖြိုခွဲရေးအတွက် တိုင်ပင်ဆွေးနွေးတာတွေ လုပ်ခဲ့ကြတယ်။ တချိန်တုန်းက စကြာဝဠာရဲ့ဗဟို၊ မြင့်မိုရ် မေယုကို ကိုယ်စားပြုပါတယ်ဆိုတဲ့ ရွှေနန်းတော်တည်ရှိခဲ့တဲ့ ဒီ နန်းတွင်းဆိုတဲ့ နေရာဟာ ၂၀-၂၁ ရာစုနှစ်ရဲ့ လူထုအပေါ်ဖိနှိပ်တဲ့ ပဒေသရာဇ် အဆောက်အအုံကြီးတခု ဖြစ်မြဲ ဖြစ်နေတုန်း ပါပဲလားဗျာ။

တကယ်က ဒီတတိယမြို့တော်ကြီးမှာ မူရင်း မြို့တော်သားတွေ ကိုယ်တိုင်လည်း တတိယတန်းစား လူသားတွေဖြစ်ကုန် ကြပြီ မဟုတ်လား။ မြို့မတူရိယာအသင်း၊ မြို့မရုပ်ရှင်ရုံ၊ မြို့မ ဘောသင်းစသဖြင့် မြို့မ ဆိုတဲ့ စကားလုံးကိုတောင် အင်မတန် ဂုဏ်ယူတဲ့ မန္တလေးသားအစစ်တွေ အခုအခါမှာ ဆင်ခြေဖုံးသားဖြစ်၊ မြို့သစ်သားဖြစ်ဆိုတော့ ငယ်ငယ်တုန်းက တိုင်ဦးတမ်း ကစားကြရင် အော်လေ့ရှိတဲ့ “ဧည့်သည် လာရင်-အိမ်သူဖယ်ပေး” ဆိုတာ ကိုပြန်စဉ်းစားရင်း နာကျည်းမိတာလည်း ခဏခဏပဲ မိတ်ဆွေကြီးရေ။

မှန်ပါတယ်။ ဒီနေ့ မန္တလေးမှာ မင်းတုန်းမင်း မမျှော်မှန်းဖူးတဲ့ တိုက်အမြင့်ကြီးတွေ၊ အကောင်းစား ကားကြီးတွေ ရှိနေပါပြီ။ ဒါပေမဲ့ အလားတူပဲ ဒီမြို့ကြီးမှာ မင်းတုန်းမင်း မမျှော်မှန်းဖူးတဲ့ မြို့လယ်ခေါင် ရေကြီးတာ၊ အနှိပ်ခန်းတွေ ပေါများတာ၊ ပ၀တ္ထိသားတွေ မိုးလုံးပြည့်ဖြစ်နေတာ စတဲ့ အချင်းအရာတွေကလည်းအများကြီးပဲ။ ဒီမကောင်းတဲ့ ဘက်တွေမှာကျတော့ နံပတ်သုံး မြို့တော်ဟာ နံပတ်တစ် မြို့တော်ထက် သာနေပြန်ရောဗျား။

အရင်ကတော့ မန္တလေးက တချို့လူတွေဟာ သူတို့ဆီက ထူးချွန်တဲ့လူတွေ၊ ကိစ္စတွေပေါ်တိုင်း ရန်ကုန်ကို ပြိုင်ကြတယ်။ ပြောင် မဟုတ်တောင် စိတ်ထဲက ကြိတ်ပြိုင်ကြတယ်။ ဒါဟာ မူလ မင်းနေပြည်ကနေ ဒုတိယအဆင့်လျှော်သွားရတာကြောင့် ပေါ်လာတဲ့ စဉ်းစားနည်းမျိုးလား မသိပါဘူးဗျာ။ ထားတော့။ အားကစားမှာဆိုရင် ကြက်တောင်၊ လက်ဝှေ့၊ ခြင်းလုံးတို့မှာ တို့မန္တလေးက သာသကွဆိုတဲ့ စိတ်မျိုးရှိတယ်။ မန္တလေးရုပ်ရှင်ရဲ့ ပထမဆုံး ရုပ်ရှင်ကားဖြစ်တဲ့ ဘ၀သံသရာ ဇာတ်ကားကို ရုံတင်တော့ “ကျနော်က ရန်ကုန်က ဘ၀သံသရာ ပိုစတာကြီးတွေချိတ်ပြီး လူတွေ ကြိတ်ကြိတ်တိုးနေတဲ့ ရုပ်ရှင်ရုံတွေရှေ့မှာ ခေါက်တုန့်ခေါက်ပြန် လျှောက်နေ လိုက်တာပေါ့ဗျ” လို့ ဦးလေး ကျားဘငြိမ်းက ရယ်ရွှန်းပတ်ရွှန်း ပြောတာမျိုးဟာ ဒီ စဉ်းစားနည်းမျိုးပေါ့ဗျာ (ကိုယ့်ဘက်က မသာတာတွေတော့ ပြောလေ့ မရှိကြဘူး၊ ဟဲ-ဟဲ)၊ ဒါဖြင့် အခုအခါမှာ မန္တလေးသားတွေ ရန်ကုန်သားတွေက ကြပ်ပြေး နေပြည်တော်နဲ့ ပြိုင်တာတွေ မရှိဘူးလားလို့ မေးချင်တယ်မဟုတ်လား။ ဝေးပါသေးဗျာ။ ရန်ကုန်သားပဲဖြစ်ဖြစ်၊ မန္တလေးသားပဲဖြစ်ဖြစ် စစ်အုပ်စု နေပြည်တော်ကို စာရင်းထဲ မသွင်းကြပါဘူး။ ဘာ သမိုင်းအစဉ်အလာမှ မရှိ၊ အရှင် မွေးနေ့ချင်းကြီးတဲ့ မြို့မျိုးကို ဘယ်ဗမာနိုင်ငံသားကမှ တန်ဘိုးမထားပါဘူး။ အဲဒီလို နေရာမျိုးနဲ့ နှိုင်းယှဉ်ခံရတာကိုပဲ သနတယ် ထင်ကြပါတယ်။

ဘယ်သူတွေ ဘာပဲပြောပြော ဗမာပြည်သားတွေရဲ့ နှလုံးသားထဲမှာတော့ ရန်ကုန်မြို့ကြီးက ဗမာပြည်ရဲ့ ပထမမြို့၊ မန္တလေးက ဒုတိယမြို့ ဖြစ်မြဲ ဖြစ်နေပါတယ်။ ဘယ်သူမှ နေပြည်တော်ကို သွားမလည်ချင်ကြပါဘူး။ မတတ်သာမှ သာသွားကြတာပါ။ အလည်ခရီး၊ အပျော်ခရီးတော့ ဘယ်သူမှ မသွားချင်ပါဘူး။ ဒင်းတို့တတွေ ရွှေထီးရွှေနန်းနဲ့ ကောင်းစားနေကြတာကို “အမျှ” ဆိုတဲ့ အသံကြားလိုက်တာနဲ့ အလိုလို သာဓုခေါ်မိတတ်တဲ့ သာမာန် ဗမာပြည်သားများက မုဒိတာ မပွားနိုင်ပါဘူး။ မှောင်မိုက်တဲ့ညများ၊ မိုးထိဘန်း အမှိုက်ပုံနဲ့ ခေတ်နောက်ပြန် ဆုတ်သွားတဲ့ အပေါ်ထပ် အဆောက်အအုံတွေကို တွေ့ရတိုင်း အဲဒီ စစ်တပ်မြို့တော်အတွက် မိမိတို့ရဲ့ အလှတွေ၊ သာယာမှုတွေ၊ ဂုဏ်အစဉ်အလာတွေ စတေးလိုက်ရတာကိုပဲ သတိရနေကြမှာပါ။


ယာတောကသာဗြော

Saturday, November 26, 2011

စစ်မုန်းသူ ကဗျာများ
ရန်ကုန်တက္ကသိုလ်ကလောင်အသင်း




[ "ငြိမ်းချမ်းရေးရှိမှသာ အနုပညာစာပေ ဖွံ့ဖြိုးနိုင်မည်" ဟူသော သဘောထားအမြင်ဖြင့် ရန်ကုန်တက္ကသိုလ် ကလောင်အသင်းမှ "စစ်မုန်းသူကဗျာများ" စာအုပ်ကို ဟီရိုရှီးမား အထိမ်းအမှတ်အဖြင့် ၁၉၆၁ ခုနှစ် သြဂုတ်လ ၆ ရက်တွင် ထုတ်ဝေခဲ့သည်။
ဒီကဗျာများကို ၂၀၁၁ ခုနှစ် နိုဝင်ဘာလထုတ် ပိတောက်ပွင့်သစ် မဂဇင်းတွင် ဖော်ပြထားပြီး၊ အတိတ်ကို ပြန်ငဲ့စောင်းကြည့် ချင်သူများအတွက် ခံစားမှုခြေရာ ကောက်နိုင်မည်ဟု အယ်ဒီတာက မှတ်ချက် ပြုပါတယ်။ ]




စစ်နှင့်လုလင်

လွတ်လပ်ရေးဟု
ယေးဘိတ်ကုန်စင်၊ ချင်းတွင်းဝင်သည်
လုလင်တိုက်ပွဲ ဆိုင်ခဲ့သည်။

တော်လှန်ရေးဟု
ရန်ကြွေးဆပ်ချင်၊ တောခိုဝင်သည်
လုလင်သေနတ်ကိုင်ခဲ့၏။

ပွဲတခုတွင်၊ တိုက်ကင်းပြင်သော်
အရှင်လူလှ၊ ရန်ဓါးပြအား
လက်ရဖမ်းလေ၊ မှာလိုက်ချေလည်း
သေမင်းသခင်၊ သွေးနတ်ဝင်သည်
လုလင်မထိန်းနိုင်ခဲ့ပြီ။

ဇော်ဂျီ။

---------------------------------------------------------------------------------


စစ်မဲ့ကမ္ဘာ

စက်သေနတ်အား
ခုတ်ဖြတ်ရိုက်ချိုး၊ ထက်ပိုင်းကျိုးစေ
မိုးပျံခံတပ်၊ အမြီးပြတ်စေ
တပ်မများလည်း၊ ပယ်ဖျက်ပြီးစေ
စစ်ဦးစီးချုပ်၊ ရုပ်သိမ်းပျက်စေ
လက်နက်ရုံကို၊ သံရည်ကျိုစေ
တိုက်လေယာဉ်ပျံ၊ ကျည်ဆံယမ်းများ
စစ်အင်အားဟူ၊ အနုမြူဗုံး
လုံးဝဖယ်ရှား၊ ဖျက်ဆီးထား၍
ဓါးမှထယ်သွား ပြောင်းရမည်။

ထိုရောခါဝယ်
တပ်မဟာအစား၊ ဆေးရုံများပြင်
စာသင်ကျောင်းများ၊ တည်ထားရမည်
ကျည်ဆံအစား၊ ဆေးဝါးစာအုပ်
ထုတ်လုပ်ပစ်မည်
စစ်လေယာဉ်ပျံ၊ ကုန်မခံ၍
နေရန်ဂေဟာ၊ တိုက်တာအိမ်ဆောက်
အမြောက်အစား၊ လယ်သမားအတွက်
လယ်ထွန်စက်များ၊ ခုတ်မောင်းသွားသည်
လူသားကောင်းကျိုး ပြုရန်တည်း။

ထိုရောခါဝယ်
ကမ္ဘာမြေပြင်၊ အေးကြည်ရွှင်၍
ဇာတ်စင်ထိန်လက်၊ ဈေးကွက်စည်ကား
ကမ်းနားယမုံ၊ ယစ်ထုံဖူးဝန်း
ပန်းခြံလမ်းဖြတ်၊ လူးလာခတ်ကြ
ပန်းချီပြခန်း၊ ဆန်းသစ်ခြယ်ရေး
ရှေးဟောင်းပြတိုက်၊ မကိုဋ်ကျိုင်းရွှေ
စာပေကျန်းဂန်၊ စောင်းခတ်သံတည့်
သိပ္ပံစွမ်းရည်၊ ကြံစည်တိုးတက်
အဖက်ဖက်မှ၊ ခံစားရကြောင့်
ဝပြောသာယာ၊ လူ့ခန်းဝါသည်
ကြာလျင်ရေထက် လန်းသို့တည်း။

ဒဂုန်တာရာ။

-------------------------------------------------------------------------------

Friday, November 4, 2011

ဆံမဖြီးမသင်၊ မုတ်ဆိတ်မှင်သူမရိတ်၊ ဆေးလိပ်တိုတဖွာဖွာပေါ့
ရေးသူ- နုနုရည် အင်းဝ



ဟေ့ကလေးမ ကြည့်စမ်း၊ ၀ါဆိုဝါခေါင် တောင်သမန်ရဲ့အလှ။ ရေပြည့်လျှံစ တမျှော်တခေါ်၊ အင်းရေပြင် ကြီးက စိမ်းလို့၊ ကြည်လို့၊ အေးလို့။ လထွက်ခါနီးဆိုတော့ အင်းရေပြင်မှာပေါ်မှာ မလင်းတလင်း။ လေစိမ်းတွေက လည်း ကြမ်းကြမ်းရမ်းရမ်း တိုက်နေလိုက်တာ။
ဒီမှာကလေးမ၊ လေစိမ်းဆိုတာ ဒီလို လေမျိုးကို ခေါ်တာရယ်။
ညည်း သိရဲ့လား။ အေး... ပြီးတော့ နားထောင်ကြည့်စမ်း။ အင်းလှိုင်းလုံးတွေ တို့လျှောက်နေတဲ့ တံတားအောက်ခြေကို လာပြီးတော့ ရိုက်နေတဲ့အသံ။
ဝုန်းခနဲ ၀ုန်းခနဲ။
ဘယ်လောက် ယစ်မူးစရာကောင်းတဲ့ အရိုင်း ဂီတသံလဲ။
သေသေချာချာ နားထောင်ကြည့်နော်။
ကလေးမရေ ညည်းတို့ ရန်ကုန်မှာ ဒီလိုအရသာမျိုး ဘယ်ခံစားရမလဲအေ။
ဟုတ်တယ်မဟုတ်လား။ မခံစားရပါဘူး။ အေး ဒါကြောင့် ညည်းတို့ ဇနီးမောင်နှံ တောင်သမန် လထွက်ချိန်အလှကို ခံစားရအောင်လို့ ငါရယ်၊ ဟောဒီက ဆရာတော် ကိုပညာရယ်၊ ညည်း လေးလေးကြီးရယ် တို့က တမင်တကာ အချိန်ရွေးပြီး ခေါ်လာခဲ့တာ။
ဟော ကြည့်။ ဟိုမှာ လထွက်တော့မယ်။ အရှေ့ဘက်ကောင်းကင် နီဝါရောင် မလင်းတလင်းကနေ တဖြည်းဖြည်း ၀ါဝါပြီး လင်းလာပြီ။
ဘယ်နှယ့်လဲ မလှဘူးလား။ အ၀ါရောင်ကလေး လင်းလင်းလာတာကို ကြည့်ရင်း၊ ကြည့်ရင်း ကြည့်ရင်း.....။




ဟော လ၀န်းရဲ့ အစွန်းလေး ရိပ်ခနဲ အင်းရေပြင်အစပ်မှာ ပေါ်လာတာဟာ ကဗျာမဆန်လိုက်ဘူးလားအေ ဟင်။
ရွှန်းမြမြလရောင်ဆိုတာ ဒါကို ခေါ်တာရယ်။ မပြုံးနဲ့ ကလေးမ ဟုတ်တယ်ရယ်။ ဒါ ရွှန်းမြမြလရောင်။ ကြည့်စမ်း အင်းရေပြင်ကြီးတခုလုံး လရောင်နဲ့ တလက်လက်တောက်လို့။ ဟောဟိုက လှမ်းမြင်နေရတဲ့ လရောင် အောက်က စေတီဖြူဖြူလေးဟာ ဟောဒီ ဦးပိန်တံတားကြီး အဆုံးမှာရှိတဲ့ တောင်သမန်ရွာလေးရဲ့ ရွာဦးစေတီလေး ပေါ့။
ပြီးတော့ ဟေ့ကလေးမ ဟိုမှာရော ကြည့်လိုက်စမ်းပါဦး။ အင်းလှိုင်းခေါင်းဖြူတွေ ရိုက်ခတ်ဦးညွတ် ရှိခိုး ပူဇော်နေတဲ့ မဟာဂန္ဓာရုံဆရာတော် အရှင်ဇနကာဘိဝံသရဲ့ အမှတ်တရအထိမ်းအမှတ် ဗိမာန်တော်လေ။ ဆရာတော်ဘုရားကြီးဟာ ညည်းတို့ငါတို့လို စာရေးဆရာ၊ ကဗျာဆရာတွေ အတုယူ စံထားလောက်တဲ့ ကြည်ညိုလေးစားဖွယ် စာရေးဆရာကြီးလည်း ဖြစ်တာရယ်။ ဟုတ်တယ်၊ ဆရာတော်ဘုရားကြီး ရေးသားပြုစုတဲ့ ကျမ်းစာအုပ်တွေဟာ နည်းတာမှတ်လို့။
အင်း...၊ ကလေးမ ညည်း ဆရာတော်ဘုရားကြီး စာဘယ်လိုရေးတာရော ညည်း သိရဲ့လား။ ဆရာတော်ဘုရားကြီးဟာ စာရေးရင် အင်းရေပြင်ကို မျက်နှာမူနေတဲ့ ကျောင်းစင်္ကြန်မှာ စာပွဲခုံမြင့်နဲ့ မတ်တတ်ရေးတာ။ အင်းရေပြင်ကို လှမ်းမျှော်ကြည့်လိုက်၊ စာရေးလိုက် နေမှာပေါ့။ တို့ စာရေးဆရာတွေမှာ အကျင့်လေးတွေ တမျိုးစီလေ။ စာပွဲခုံမြင့်နဲ့ ရေးတတ်တဲ့သူ၊ စာပွဲခုံနိမ့်နဲ့ ရေးတတ်တဲ့သူ။ ကဲ စာရေးဆရာမကြီး ညည်းကော ဘယ်လိုရေးလဲ။ အင်း လူတကိုယ် အကျင့်တမျိုးစီရယ်နော်။
ဒါပေမယ့် တို့ဆရာတော်ဘုရားကြီးနဲ့ ရေးပုံရေးနည်းချင်း သွားတူနေတဲ့ စာရေးဆရာတယောက် ရှိတယ်။ ဘယ်သူလဲဆိုတော့ ကလေးမ ညည်းသိမှာပါ။ ကမ္ဘာကျော် စာရေးဆရာကြီး အားနက်စ်ဟဲမင်းဝေး။ သိတယ်နော်။ အေး၊ စာရာရေးဆရာကြီး ဟဲမင်းဝေးကလည်း ပင်လယ်ပြင်ပေါ်က သူပိုင်သင်္ဘောရဲ့ ဟိုးအပေါ်ဆုံးထပ်ရဲ့ အမြင့်မှာ ပင်လယ်ပြင်ကို ကြည့်ပြီး မတ်တတ်ရပ် ရေးတာရယ်။ ထူးခြားတဲ့ တိုက်ဆိုင်မှုလေးနော် ကလေးမ။
ဘယ့်နှယ်လဲ၊ တောင်သမန်လထွက်ချိန်ဟာ ညည်းကို ဖမ်းစားထားပြီ မဟုတ်လား။ ခံစားစမ်း။ ညည်းတို့ မောင်နှမ အပြည့်အ၀ ခံစားစမ်း။ အဲ၊ ဟေ့ ကလေးမ တို့တတွေ တောင်သမန် လထွက်ချိန်ကို မခံစားတတ်ခင် အရင်ခံစားနေတဲ့သူ၊ ခုလည်း ညတိုင်းခံစားနေတဲ့သူ တယောက်ရှိတယ်အေ့။ သိလား။ ဘယ်သူမှတ်လဲ။ ဟော ဟောဒီက ဆရာတော် ကိုပညာ။ အင်မတန် နှလုံးသားနူးညံ့သိမ်မွေ့တော်မူတဲ့ ကိုပညာ (အမရပူရ) ဆိုတဲ့ စာရေးဆရာကြီးပေါ့။ ဟုတ်တယ် နော် ဆရာတော်။
ဒီမယ်အေ့ ကလေးမရဲ့။ ကိုပညာဆရာတော်ကို ငါ သိပ်ချစ်တယ်။ ညီအစ်ကိုရင်းလိုကို ချစ်တာ။ သူကလည်း စာရေးဆရာ၊ ကဗျာဆရာ။ အို.... ၊ အနုပညာသမားဆို အားလုံးကို ချစ်နေတာပဲနော်။ တောင်သမန်အခြေက တောင်လေးလုံးကျောင်းတိုက်ဆိုတာ အနုပညာသမားတို့ရဲ့ ၀ိဟာရလေးရယ်။ နော် ကလေးမ။ ညည်းတို့လည်း ဆရာတော်ကို ချစ်တာပဲ။ ဟုတ်တယ်မဟုတ်လား။ ဟား ဟုတ်တာပေါ့။ ဆရာတော်က ညည်း အစ်ကိုတော်ပဲ။ ဒီမယ်ကလေးမ ဆရာတော်ရဲ့ နှမအငယ်ဆုံးလေးက ညည်းနဲ့ အရွယ်ချင်း မတိမ်းမယိမ်းရယ်။ ဆရာတော်က သူ့နှမလေး ရုတ်တရက် ဆုံးရှာတော့ သိပ်စိတ်ထိခိုက်ရှာတာ။ အဲဒါ ညည်းနဲ့ သိကျွမ်းခင်မင်တော့ ၀မ်းသာအားရ ပြောရှာတယ်။ ကျုပ်နှမလေး အစားပြန်ရသလိုပဲတဲ့ဗျာ။ ညည်းက စာရေးဆရာဆိုတော့ သူ့မှာ သံယောဇဉ်တွေကို ပိုကြီးလို့။ သူ့နှမအငယ်ဆုံး စာရေးဆရာမလေးပေါ့။
ဟား ဟား ဘာတဲ့၊ ညည်းယောက်ျားကတော့ ဘုန်းကြီးယောက်ဖတဲ့။ ဟုတ်လား ဆရာတော်။ ဟား ဟား ပြုံးပြီး ကျေနပ်နေတယ် ဟုတ်လား။ အင်း ပျော်တယ်နော်။ ဟေ့ ကလေးမ ညည်းတို့လည်း ပျော်တယ်နော်။ ဆရာတော် တပည့်တော်တို့ ဟောဒီ တံတားအဆုံးအထိ လျှောက်ကြမယ်နော်။ လရောင်အောက်မှာ စကားတွေ ပြောပြီးတော့။ ဟေ့ ကလေးမ ညည်းလျှောက်နိုင်တယ်မဟုတ်လားဟင်။ အေး မလျှောက်နိုင်လည်း ညည်းမောင်တော် ထမ်းခိုင်း အေ။ ဘယ့်နှယ်လဲ ကလေးမ။ ထမ်းခိုင်းရဲပါ့မလား။ ဟင်၊ ဟုတ်လား။ ထမ်းခိုင်းရဲသလား။ သြော်.... ၊ ညည်းကလည်း ငါ့ကို နောက်နေပြန်ပြီအေ။ ကလေးမ၊ ဒီမှာကလေးမ၊ ဦးပြောမယ်။ ဟော ညည်းရယ်ပြန်ပြီ။
ဘာလဲ။ သြော်... ညည်းက ကလေးမဆိုတာကို ရယ်နေတာကိုး။ မရယ်နဲ့ ညည်း။ နားထောင်ကလေးမ။ ငါ မိန်းကလေးတိုင်းကို ခေါ်တာမဟုတ်ဘူး။ အဲ ငါ အင်မတန် ရင်းနှီးချစ်ခင်ပြီး သွေးရင်းသားရင်း၊ တူမရင်း၊ ညီမရင်းလို မိန်းကလေးမျိုးကိုမှ ငါ ခေါ်တာ။ ကြားလား ကလေးမ။
ညည်းကို တို့က ကိုယ့်တူမလေးလို၊ ရဲဘော်ရဲဘက်လို၊ မိတ်ဆွေသူငယ်ချင်းလို သဘောထားပြီး ငါတို့က သိတ်ချစ်တာ။ အေး ဒါပေမယ့် ညည်း စိတ်ကောက်ချင်ကောက်။ ဟောဒီလူ ညည်းမောင်တော်ကိုတော့ ငါက ညည်းထက် ပိုချစ်တယ်ဗျ သိလား။ ဟေ့လူ ဒီမယ် ကျုပ်က ကိန်းကြီးခန်းကြီး နိုင်တဲ့သူဆို သိပ်စိတ်ပျက်တာဗျ သိလား။ ခင်ဗျားကို ကျုပ်က သိတ်ခင်တာ။
ဒါပေမယ့် ဟေ့လူ ကျုပ်တခုတော့ပြောမယ်။ ခင်ဗျား ကြင်ယာတော်ကြီးတော့ မဖြစ်စေနဲ့နော်။ ဘုရင်မရဲ့ ကြင်ယာတော်ကြီး ဘယ်တော့မှ မဖြစ်စေနဲ့ ကိုယ့်လူ။ ကျုပ်က ခင်လို့ပြောတာ။ ပြီးတော့ ဟေ့လူ ဒီကောင်မလေးကို ခင်ဗျား အလိုမလိုက်နဲ့နော်။ ဘေးကနေ ကောင်းကောင်းထိန်းပေး ကြားလား။ ကလေးမက စတက်ဘွန်းလေးဗျ။ ခေါင်းမာတယ်။ မှန်တယ်ထင်ရင် ကြက်ခေါင်းဆိတ်မခံ တကတဲ။ ဟဲ ဟဲ သူ့ကို ကျုပ်တို့က သူ့ကွယ်ရာမှာ နာမည်ပေးထားတယ်ဗျ။ တိုက်ကြက်မတဲ့။ အရွယ်ရောက်ပြီး ခွပ်လက်ခွပ်သွေး စုံနေတဲ့ တိုက်ကြက်မလေးတွေကို ခင်ဗျား မြင်ဖူးတယ် မဟုတ်လား။
ခေါင်းကလေးမော့မော့၊ ရင်အုပ်ကလေးတချီချီ၊ မျက်လုံးကလေးတွေက နီရဲပြီး တောင်ပံတဖျန်းဖျန်း ခတ်လို့ သူ တိုက်ပွဲအတွက် အဆင်သင့်ပြင်၊ ဖျတ်လတ်တက်ကြွနေတဲ့ တိုက်ကြက်မကလေးတွေလေ။ ဟေ့ ကလေးမ ညည်း အဲဒီနာမည်ကို သဘောကျရဲ့လား။ တကယ်ပါအေ ကလေးမ ဟောဒီလူကို ငါ တကယ်ခင်တာ။ ညည်း လင်ကောင်းသားကောင်း ရတယ်နော၊ ကလေးမ သိလား။ ညည်းက မရယ်ပါနဲ့အေ့။ ဘာလဲ ညည်းနဲ့ ညည်းလေးလေးကြီးနဲ့ နှစ်ယောက်ပေါင်းပြီး ငါ့ကို ရယ်နေကြတာပေါ့ ဟုတ်လား။ ဒီမှာ ကလေးမ ငါ့ကို မူးနေတယ်လို့ ညည်း ထင်မနေနဲ့နော်။ ငါသောက်တာ နည်းနည်းလေး။ နှစ်ပိုင့်ထဲရယ်။ ညည်းလေးလေးကြီး သိတယ်။ အလကား၊ ညည်းလေးလေး ကဗျာဆရာကြီးက တခါမှ လျှာပေါ်မှာ အရက်ကို တစက်တောင် တင်ဖူးတာ မဟုတ်ဘူး။ ဟေ့ သူငယ်ချင်း ဒီမှာ ယောက်ျားဆိုတာ ယောက်ျားအလုပ် အစုံလုပ်တတ်ရတယ်ကွ။ ဒါမှ ယောက်ျားပီသတာ။ ယောက်ျားပီသခြင်းဆိုတာ....။
'အေးပါကွာ အေးပါကွာ။ မင်း ယောက်ျားပီသတော် မူပါတယ်ကွာ။ မင်းမိန့်ခွန်းကို မင်းဘာသာ ဆက်ခြွေတော်မူပါ။ ကဲ ကလေးမရေ နားထောင်လိုက်။ ကြင်ယာတော်ကြီးရေ လာဟေ့ သီချင်းဆိုရအောင်'
'လုပ်လိုက်လေ။ ဘာလဲ ဟိုဟာလေးလား။ မမလေးကိုနော်ဗျာ မောင်ကခိုးမယ်လို့'
'ဟုတ်ပါ့မောင်ရာ ဟုတ်ပါ့။ လာပြီလူလေးရေ'
'..... မမလေးကိုနော်ဗျာ... မောင်ကခိုးမယ်လို့... လူဆိုးတွေနဲ့ မောင်တိုင်ပင်... မြို့အ၀င်... ညောင်ပင်ကြီးမှာ .... မြင်းကိုယ်စီပြင်။ လထွက်ကလေးရယ်တဲ့.... မြင်းပေါ်တင်... လ၀င်ရင် မန်းတောင်ရောက် အောင်... လလေး ၀င်ရင်နော်ဗျာ မန်းတောင်ရောက်အောင်... မြင်းငေါက်လို့နှင်...'
'ကောင်းတယ်ဟေ့ ကောင်းတယ်'
သြော် ဆရာတော်ကလည်း သဘောကျ၊ ကောင်းတယ်တဲ့။ အင်း 'လထွက်ကလေးရယ်တဲ့ မြင်းပေါ်တင်၊ လထွက်ကလေးရယ်တဲ့ မြင်းပေါ်တင်' ဘယ်လောက် လိုက်ဖက် လှပတဲ့ စကားလေးလဲ။ ဟင်ကလေးမ ညည်းရော သဘော မကျဘူးလား။ ဒီမှာ ဆရာတော်၊ တပည့်တော်လည်း မမလေး တယောက်လောက်ကို ဟောဒီလို လထွက်ကလေးမှာ မြင်းပေါ်တင်ပြီး ခိုးပြေးကြည့်ချင်တယ်။ ဒါပေမယ့် တပည့်တော်မှာ မမလေး မရှိဘူးဘုရား။ တယောက်ဆို တယောက်မှ မရှိဘူးဘုရား။ ဆရာတော်ဘုရား တပည့်တော်ကို မသနားတော့ဘူး လားဟင်။
'အိုး မရှိတော့ ဘာဖြစ်တုံး။ အသက်ကြီးပြီ ဆံပင်ဖြူပြီ။ ကိုယ့်ဟာကိုယ် ကဗျာပဲရေး'
ရက်စက်လိုက်တာ ဆရာတော်ဘုရားရယ်။ သွားပါပြီ၊ သွားပါပြီ။ တပည့်တော် အသက်ကြီးတာ မဟုတ်ဘူးဘုရား သိရဲ့လား။ အသက်နဲ့ မမျှအောင် ရင့်ရော်ခြင်း ဒဏ်ကို ခံရတာ။ ဒဏ်ရာ ဒဏ်ချက်တွေရဲ့ ရိုက်ပုတ် ထုထောင်းမှုကြောင့် တပည့်တော် ဒီလို ဖြစ်ရတာ။ တပည့်တော် အသက်မကြီးသေးဘူး။ ကလေးမ ညည်း လေးလေး အသက်မကြီးသေးပါဘူးအေ့။
'ဟုတ်တယ်ဟေ့ တိုက်ကြက်မ။ ငါ့သူငယ်ချင်း အသက်မကြီးသေးဘူး။ အသက်မကြီးသေးပေါင် မောင် ရယ် ထန်းရွက်ပုတီးလေး ဆွဲဖို့ ရွှေစာရံကို အရောက်သွားမယ်'
'... ဟေ့ ... အဖော်တွေ ... ပျော်ပျော်ပါးပါး... မော်တော်ကားနဲ့ရယ်.... လိုက်ခဲ့တော့ အကုန်လုံး ဖုန်တွေ မွန်ရင်ကွယ်.... လက်ကိုင်ပုဝါ.. ခေါင်းစည်းလေးနဲ့ တမျိုးလှလို့ ခန့်ညားတယ်.....'
'အသက်မကြီးသေးပေါင် မောင်ရယ်'
အသက်မကြီးသေးပေါင် မောင်ရယ်။ ဘာတဲ့၊ ဟေ့လူ ကျုပ်ဆိုချင်တယ်။ အင်း ထန်းရွက်ပုတီးလေးဆွဲဖို့၊ ထန်းရွက်ပုတီးလေးဆွဲဖို့၊ သိတ်ချစ်စရာကောင်းတဲ့ ထန်းရွက်ပုတီးလေးတွေ၊ ကလေးမ ညည်းငယ်ငယ်တုန်းက ဆွဲဖူးတယ် မဟုတ်လား။ ရောင်စုံလေးတွေလေ။ အဲဒါလေးတွေဆွဲဖို့ တို့တူဝရီးတတွေ၊ ဟေ့လူ ဘာ၊ ရွှေစာရံကို အရောက်သွားမယ်။ ပြီးတော့ ကျန်သေးလားဟ။ ဟေ့ လူတွေရ လုပ်ပါဦး၊ ဆိုစမ်းပါဦး။
'အို လာစမ်းကွာ။ ကဲ အစ်ကိုရေ ပွဲတောင်းနေပြီ။ ဟေ့ လုံမငယ် ဖော်တသင်း ရေချိုး ရေခပ်ဆင်းကြတယ်။ ကျွဲနဖားတောင်အောက် ဒုဌ၀တီရစ်ခွေပတ်လည် ဟေ့ ဟိုမှာကွ ကျွဲနဖားတောင်က လရောင်အောက်မှာ'
ကြည့်စမ်း ဘယ်လောက်လှသလဲ။ ကလေးမ ကြည့် ဟိုမှာ။ ဟုတ်တယ်နော် ဆရာတော်၊ အဲဒီ ကျွဲနဖားတောင်ကို ဒုဌ၀တီမြစ်ကြီးက ရစ်ခွေပတ်လည် စီးဆင်းနေသတဲ့။ သိတ်ကောင်းတဲ့ သီချင်း။ ပီးတော့ ဘာတဲ့ လုပ်ပါဟ ဆိုစမ်းပါဦး။
'ဟင်း စကားလုံးမလှ လိုက်တာနော်။ ဟေ့ကောင် ငြိမ်ငြိမ် နားထောင်ကွာ။ ဘာသာမပြန်နဲ့။ ကဲ အတောလေး လုပ်စမ်းပါဦး ကိုကိုရယ်။ xxx ဒုဌ၀တီရစ်ခွေပတ်လည် xxx အင်းxx မြစ်ကမ်းသာဝယ် ရွှင်လန်းဖြာတယ် အဲဒီအတက် ဈေးနားဝယ် ထန်းရွက်ပုတီလေး xx ဆေးအလှ xxx ရောင်စုံခြယ် xxx အိမ်အပြန် လက်ဆောင်ပေးပါရစေxxx ကလေးနှမရယ်တဲ့ အမြတ်တနိုး ဆင်မယ် xx မောင်ရယ် ကျွန်မ အသက်ငယ်သေး တယ်'
အေး ဟုတ်တယ်။ ဆရာတော်ရယ်၊ တပည့်တော် အသက်ငယ်သေးတယ်။ နုပျိုသစ်လွင် တက်ကြွတဲ့ ကဗျာများစွာကို စပ်ဦးမယ်။ ဟား ဟား စပ်မယ်နော် ဆရာတော်။ ပျော်တယ်နော် ဆရာတော်။ ဟေ့ ကလေးမ ပျော်တယ်မဟုတ်လား။ အေး ပျော်တယ် ဟုတ်ပြီ။ ဟေ့လူ ခင်ဗျားရော ပျော်တယ်နော်။ သူငယ်ချင်း မင်းရော ပျော်တယ်နော်။ အေး ငါ့ သူငယ်ချင်းကြီးက အမြဲတမ်း ပျော်နေတာဟ ကလေးမရ။ အဲဗားဂျော်လီ နဲဗားဆောရီး။
ဟေ့ ကလေးမ ညည်းတခု စဉ်းစားစမ်း။ တို့ ဒီလထွက် ညလေးဟာ ပျော်စရာ၊ ကြည်နူးစရာ၊ ချမ်းမြေ့စရာ ကောင်းသလို၊ လွမ်းစရာလည်း ကောင်းမနေဘူးလားဟင်။ ကောင်းတယ်နော ညည်းတို့တော့ မသိဘူး။ ငါတော့ ခံစားနေရတယ်။ တကယ် ခံစားနေရတယ်။
ခံစားတတ်တဲ့ နှလုံးသားဆိုတာ လူတိုင်းမှာမရှိဘူးနော။ အင်း အနုပညာသမားကို နားလည်နိုင်တဲ့ နှလုံးသားပိုင်ရှင်ဆိုတာလည်း သိပ်ကိုရှားတယ် ကလေးမရေ။ ကဗျာကို နားလည်နိုင်တဲ့၊ ကဗျာကို ချစ်တတ်တဲ့ နှလုံးသားပိုင်ရှင်မျိုးလေးဟာ ဘယ်လိုဟာမျိုးလေးပါလိမ့်ဆိုတာ ငါ သိပ်သိချင်တာပဲ။ ဟေ့ ကလေးမ စွန့်ပယ်ခြင်းရဲ့ဒဏ်၊ အထီးကျန်မှုရဲ့ဒဏ်၊ ငြင်းပယ်ခြင်းရဲ့ဒဏ် အဲဒါတွေရဲ့ ခါးသီးမှုဒဏ်ကို ညည်းခံစားဖူးသလား ဟင်။ သိတ် နာကြည်း ကြေကွဲဖို့ ကောင်းတာရယ်။ ကလေးမ၊ တကယ် ညည်း ကြားဖူးမှာပါ။ ပန်းချီဆရာကြီး ဗန်ဂိုး။
ကနေ့ ဗန်ဂိုးရဲ့ပန်းချီကား တကားကို ပိုင်တဲ့လူဟာ သန်းကြွယ်သူဌေးလို့ ပြောခံရတဲ့အချိန်။ အေး ဗန်ဂိုး သက်ရှိထင်ရှားရှိစဉ်တုန်းကတော့ ဗန်ဂိုးဟာ ပန်းချီကားကလေး တကားကိုတောင် အနိုင်နိုင် ရောင်းခဲ့ရပြီး ဆင်းဆင်းရဲရဲ ငတ်ငတ်ပြတ်ပြတ်နဲ့ လူတွေရဲ့ စွန့်ပယ်မှု၊ ငြင်းပယ်မှုဒဏ်တွေကို အများကြီး ခံခဲ့ရရှာတာ။ ဘယ်လောက်များ ခံခဲ့ရသတုန်းဆိုရင် ဗန်ဂိုးရဲ့ မေတ္တာကို မိန်းမပျက်ကလေးကတောင်မှ မတုံ့ပြန်နိုင်ရုံမက ဖိုးတာအိုကြီးရယ် ရှင့်ရဲ့ ကြီးမားလှတဲ့ နားရွက်ကြီးတွေကို ဖြတ်တောက်ပြီး လက်ဆောင်ပေးပါလားလို့ နောက်ပြောင်ပြောလိုက်တာကို အထီးကျန်မှုဒဏ် မခံနိုင်လွန်းတဲ့ ဗန်ဂိုးဟာ အဟုတ်ကြီးမှတ်ပြီး ချစ်သူမိန်းမပျက် လေးဆီ သူ့နားရွက်ကို ဖြတ်ပြီး ပို့ခဲ့ရှာတယ်။ ဘယ်လောက်ရင်နင့်စရာကောင်းလဲဟင် ကလေးမ။ ညည်းခံစားလို့ ရမှာပါ။
ကလေးမရေ ဟောဒီက လရောင်နဲ့ တလက်လက်တောက်ပနေတဲ့ အင်းရေပြင်ကြီးကို ကြည့်ပြီး သတိရသေးတော့တယ်။ ဗန်ဂိုးလောက်မဟုတ်ပေမယ့် ဟောဒီလို ရေပြင်ကြီးကို ကြည့်ရင်း အထီးကျန်မှုဒဏ်ကို ဆယ်နှစ်တော်တော်များ ငါ ခံစားရဖူးတယ်အေ့ သိလား။ ပြီးတော့ စွန့်ပယ်မှုရဲ့ဒဏ်၊ ငြင်းပယ်မှုရဲ့ဒဏ်၊ ကလေးမရေ အဲဒီဒဏ်ရာ ဒဏ်ချက်တွေ များစွာထဲမှာ မိန်းကလေးတယောက်ရဲ့ ငြင်းပယ်မှုဒဏ်ကိုလည်း ငါ အလူးအလဲ ခံစားဖူးတယ်နော။ ညည်းမရယ်နဲ့။ အလူးအလဲဆိုလို့လည်း ညည်း ငါ့ကို အထင်မသေးနဲ့ဦး။ ငါအလူးအလဲဖြစ်လောက်အောင်လည်း ငါ့အဖြစ်က ထူးခြားတယ်ရယ်။ ကလေးမ ညည်း ၀တ္ထုဖြစ်လောက် တယ်နော။ တကယ် ပြောတာရယ်။
ငါးဆယ့်ခုနှစ်၊ ငါးဆယ်ရှစ်။ ရေဇလာ ရွှေကြာ ဝေဆာ မွှေးသပ။ ရွှေညာကျေးက မန်းတက္ကသိုလ်ကို တက္ကသိုလ် ကျောင်းတော်သားကြီးတယောက် အနေနဲ့ ငါ စရောက်တဲ့ နှစ်ပေါ့အေ။ နေဦး ကလေးမ ငါးဆယ်ခုနှစ်နှစ်ဟာ ညည်းမွေးတဲ့နှစ်နော်။ အင်းကလေးမရေ နောင် ဆယ့်ခြောက်နှစ်၊ ဆယ်ခုနှစ်နှစ် ရှိမှ ညည်းတွေ့ရမယ့် မန်းတက္ကသိုလ်ဟာ အဲဒီတုန်းကတည်းက သိပ်ကို လှတာ။ တမာ စိမ်းဝါ၀ါ၊ လယ်ကွင်း စိမ်းဝါ၀ါ၊ နီလွင်တဲ့ ရေအလျဉ် တသွင်သွင်စီးဆင်းနေတဲ့ ရေနီမြောင်း ညည်းလည်း သိပါတယ်။
တချို့က မန်းတက္ကသိုလ်ဟာ ခြောက်သွေ့သတဲ့။ ခြောက်သွေ့တဲ့အလှကို သူတို့ မခံစားတတ်လို့ပါ။ ငါ့အဖို့ကတော့ ရှမ်းရိုးမတောင်ရိပ်ပြာပြာအောက်က မန်းတက္ကသိုလ်ရဲ့ ခြောက်သွေ့တဲ့ အလှတွေဟာ အင်မတန် ဖမ်းစားတာပဲ။ အင်မတန် ရင်ခုန်စေတာပဲ။ ငါ ကဗျာတွေ အများကြီး ရေးဖြစ်ခဲ့တာပေါ့ အေ။
အဲဒီလိုပဲ မန်းတက္ကသိုလ်ရဲ့ တမာပွင့်ဝါ၀ါလေးတွေလိုပဲ နွဲ့တဲ့၊ လှတဲ့၊ ရင်ခုန်စရာကောင်းတဲ့ ကောင်မလေးတယောက်ကို ငါ သွားတွေ့တယ်အေ့ ကလေးမ သိလား။ အင်း အသားလေး ညိုစိမ့်စိမ့်ဆိုတော့ ခြောက်သွေ့တဲ့ အလှလို့လဲ ပြောမယ်ဆိုရင် ပြောနိုင်တာပေါ့လေ။ ဒါပေမယ့် ခြောက်သွေ့တဲ့အလှဟာ အင်မတန် ရင်ခုန်စေတာလား။ သူ့နာမည်က နှင်းတဲ့။ မခင်နှင်းတဲ့။ သူက နေ့ကျောင်းသူ။ မန္တလေးမြို့ထဲကနေ တက်တာ။ မှတ်မှတ်ရရ သူတို့အိမ်ရှေ့မှာ ဗာဒံပင်ပုပု ၀ိုင်းဝိုင်းလေးနှစ်ပင် ရှိတယ်။
ငါက အဆောင်နေတဲ့သူဆိုတော့ ညနေ၊ ညနေဘက်ကျရင် စက်ဘီးတစီးနဲ့ သူတို့အိမ်ရှေ့ကို သွား သွားပြီး ကြည့်တယ်။ သူငယ်ချင်းတယောက်က ငါ့ကို စက်ဘီးနဲ့ ရှေ့ကတင်နင်း။ ငါက နဂါးဆေးလိပ်လေး တဖွာဖွာနဲ့။ သူတို့ အိမ်နားရောက်တာနဲ့ သူ့ကို မမြင်ရသေးဘူး။ ဗါဒံပင်လေးနှစ်ပင်မြင်တာနဲ့ ရင်တွေခုန်ပြီး ကတုန်ကရင်ဖြစ်လာတာပဲ။ နဂါးဆေးပေါ့လိပ်ကို ခဲပြီး တအားဖွာပစ်မိတော့တာပဲ။ အဲဒီမှာ ငါ့ကို စက်ဘီးတင်နင်း ရတဲ့ ငါ့သူငယ်ချင်းက ဘယ်လို စ,သလဲဆိုတော့ ဟေ့ကောင် လက်စသတ်တော့ မင်း ဟိုကဗျာက စက်ဘီးကို မြင်းမှတ်၊ နဂါးဆေးပေါ့လိပ်ကို ဓားမှတ်ပြီး စပ်တာကိုးကွတဲ့။ ဒီိလိုအေ့ ကလေးမရဲ့။ ငါစပ်ထားတဲ့ ကဗျာလေးတပုဒ်ရှိတယ်။ ရှေးယခင်က မန္တလေးနန်းမြို့တော်သူလေးကို နောက်ပိုးသွားတဲ့ လုလင်ပျိုဟာ မြင်းကြီး စီးပြီး လက်ထဲမှာလည်း ဓားတ၀င့်ဝင့်နဲ့ နေမှာပေါ့လို့ဆိုပြီး စပ်ထားတဲ့ ကဗျာက ရှိတာကိုး။ သြော် လွမ်းမိပါတယ်အေ။ အဲဒီသူငယ်ချင်း ဆုံးသွားရှာပြီ။ ကဗျာစပ်လည်း တော်တယ်။ ယုံကြည်ချက်ကလည်း သိပ်ပြင်းထန်တဲ့ သူငယ်ချင်း။
ကဲ ထားပါလေ။ ကလေးမ ငါ့ဇာတ်လမ်းလေးကို ပြန်ဆက်ကြစို့။ ငါက မခင်နှင်းကို လိုက်သာ ကြည့်ပြီးတော့သာ သဘောကျနေတာ။ တနှစ်သာကျော်ရော စကားလည်း တခါမှ လိုက်မပြောဖူးဘူး။ စာလည်း တစောင်မှ မပေးဖူးဘူးရယ်။ ဒါပေမယ့် သူကတော့ ငါ့ကို သိတာပေါ့။ ငါ သူ့ကို သဘောကျနေမိတယ်။ ချစ်နေမိတယ်။ ငါသူ့ကို သဘောကျနေမိတယ်၊ ချစ်နေမိတယ်။ သူ့နောက်လိုက်ကြည့်နေတယ် ဆိုတာကိုတော့ သူသိတာပေါ့။ ဘာတဲ့ မိန်းကလေးတို့ရဲ့ အလိုလို သိစိတ်နဲ့ပေါ့အေ။ ညည်း နားလည်တယ် မဟုတ်လား။
ငါက သူ့ကို စာမပေးချင်ဘူးအေ့ ကလေးမ သိလား။ ကဗျာပေးချင်တာ။ ရည်းစားစာ မပေးချင်ဘူး။ ကဗျာစာအုပ် ပေးချင်တာ။ ငါ့ရဲ့အချစ်ကို ကဗျာတွေကနေတဆင့် သူ နားလည်စေချင်တာ။ ငါ အစိုးရိမ် အပူပန်ဆုံးက သူ ကဗျာကို ချစ်တတ်ရဲ့လား၊ ကဗျာကို မြတ်နိုးတဲ့ စိတ်ကလေး ရှိရဲ့လား ဆိုတာကိုပဲ။ ကဗျာဆရာရဲ့ ချစ်သူဟာ ကဗျာကို ချစ်မှ။ ကဗျာကို မြတ်နိုးမှ ကဗျာဆရာကို နားလည်မှာရယ်။ ဒါ အရေးကြီးဆုံးပဲ။ ဟုတ်တယ်နော်။ ကလေးမ ဟုတ်တယ် မဟုတ်လား။ အေး ဒီတော့ကာ သူ့ကို ငါ ရည်းစားစာမပေးဘူး။ ရည်းစားစကား လိုက်မပြောဘူး။
ဒီလိုနဲ့ ထောင့်ကိုးရာနဲ့ ခြောက်ဆယ် ခုနှစ်မှာ ( ညည်း သုံးနှစ်သမီးပေါ့နော်) ငါ့ရဲ့ ပထမဦးဆုံး ကဗျာစာအုပ်လေးထုတ်တယ်။ ကိုယ့်ရဲ့ ကဗျာလေးတွေကို တစုတစည်းတည်း ပထမဆုံးအကြိမ် ပုံနှိပ်ထုတ်ဝေခွင့် ရတဲ့ စာအုပ်လေးပေါ့အေ။ ကဗျာစာအုပ်လေးကို တစိမ့်စိမ့်ကြည့်ပြီးရင်း ကြည့်။ ကြည့်လို့ကို မ၀ဘူး။ ဘယ့်နှယ်လဲ ညည်းခံစားဖူးမှာပေါ့နော်။ ညည်း ပထမဆုံးလုံးချင်းဝတ္ထုလေးတုန်းကလည်း ဒီလိုပဲ မဟုတ်လား။ အဲဒီ အရသာက တမျိုးရယ်၊ နော ကလေးမ။ ခံစားဖူးမှ သိတာရယ်။ အင်း အဲဒီတင် ကဗျာစာအုပ်လေးကို ကြည့်ပြီး ငါ ဘာအကြံပေါက်လာသလဲ ဆိုတော့ ၊ ဟာ ဟုတ်ပြီ၊ ငါ စာအုပ်ကို သူ့ သွားပေးမယ်။ မခင်နှင်းလက်ထဲ ငါ့လက်နဲ့ ကိုယ်တိုင်ပေးမယ်။
စာအုပ်ရဲ့ ပထမစာမျက်နှာမှာ ချစ်တဲ့မခင်နှင်းသို့ ဆိုတာလေးပဲ ရေးထည့်လိုက်ပြီး ငါ့လက်မှတ် ထိုးလိုက်မယ်ပေါ့။ တကယ်ပဲ သိတ်ပျော်သွားတယ်အေ ကလေးမသိလား။ တကတဲ ဘာပြောကောင်းမလဲ။ ကဗျာစာအုပ်တွေထဲက အသပ်ရပ်ဆုံး၊ အပြန့်ပြူးဆုံး၊ အကောင်းဆုံးလို့ ထင်ရတဲ့ စာအုပ်လေးကို သေချာရွေး၊ စာလုံးအကျအပေါက်တွေ ပါမှာစိုးလို့ တညလုံးပဲ လိုက်စစ်ဆေးကြည့်ရသေးတယ်။ စိတ်တိုင်းကျပြီ ဆိုတော့မှ စာရေး၊ ဆိုင်းထိုးပြီး မခင်နှင်းကျောင်းအပြန်မှာ ငါလိုက်ပေးတယ်။ ပေးတဲ့နေရာက ဘယ်နေရာလဲ သိလား ကလေးမ။ တို့ ကျောင်းဝင်းထဲက မြို့ထဲပြေးတဲ့ ဘတ်စ်ကားဂိတ် ကုက္ကိုပင်ကြီးအောက်က ထိုင်ခုံလေးမှာ။ စက်ဘီးပြင်ဆိုင်လေးလည်း ရှိတယ်။ သိတယ်မဟုတ်လား။ အေး သိပါတယ်။ အဲဒီနေရာလေးဟာ မန်းတက္ကသိုလ်က ချစ်သူပေါင်းမြောက်မြားစွာရဲ့ ဇာတ်လမ်းအစနဲ့ အဆုံးများစွာတို့ ဖြစ်ပျက်ခဲ့တဲ့ နေရာလေးပဲ အေ။ ဘယ့်နှယ့်လဲ ညည်းတို့ရော အဲဒီနေရာလေးမှာ အမှတ်တရလေးတွေ ရှိသေးလား။ ဟား ဟား သိပ်ရှိတာပေါ့ ဟုတ်လား။ ရှိရမှာပေါ့ ကလေးမရယ် ရှိရမှာပေါ့။
အေး နေဦး ပြောဦးမယ်။ အဲဒီနေ့က မခင်နှင်းဝတ်ထားတာ အပြာရောင်အေ့ ကလေးမ။ ငါ ကောင်းကောင်းမှတ်မိတယ်။ အပြာနုနုလေး။ မျက်စိအေးတဲ့အရောင်။ ကြည်နူးစရာကောင်းတဲ့ အရောင်လေးပေါ့။ အဖော်တယောက်လည်း သူနဲ့ ပါတယ်။ သူတို့က စက်ဘီးပြင်ဆိုင်လေးနားက ထိုင်ခုံလေးမှာ ထိုင်ပြီး ဘတ်စ်ကား စောင့်နေကြတယ်။ ငါ အဲဒီနေ့က ဘယ်သူ့မှ အဖော်မခေါ်ဘူး။ ငါတယောက်တည်း ကဗျာစာအုပ်လေးကိုင်ပြီး သူ့နားကပ်သွားတော့ မခင်နှင်းက မျက်လုံးလေးတွေ ပြူးပြီး ငါ့ကို လှမ်းကြည့်တယ်။ ငါလည်း စိတ်သာတင်းထား ရတာ။ တကယ်တော့ သူ့နားကို အဲလောက်နီးနီး တခါမှ မနေဖူးဘူးရယ်။
ဒီမှာ မခင်နှင်းအတွက် ကျွန်တော့်ရဲ့ ပထမဆုံး ကဗျာစာအုပ်လေးဆိုပြီး ငါ သူ့ကို လှမ်းပေးလိုက်တယ်။ ရှင် တဲ့။ သူ့မျက်နှာတပြင်လုံး ရှက်သွေးဖြန်းသွားလိုက်ပုံများ အေ သနားစရာ၊ အားနာစရာတောင် ကောင်းသေးတော့။ အင်း ချစ်စရာလည်း ကောင်းတယ်အေ့ သိလား။
ကလေးမ သူကလေ ရှက်သွေးဖြန်းနေတဲ့ မျက်နှာလေးနဲ့ပဲ ငါ့ကဗျာစာအုပ်လေးကို ယူတယ် သိလား။ ပြီးတော့ စာအုပ်လေးကို ကြည့်တယ်။ ဟာ ငါဝမ်းသာလိုက်ပုံများအေ ရင်ထဲမှာ ကြည်နူးပြီး သူ့နားကနေ ငါ ပြန်လှည့်လာခဲ့တယ်။ ဟင့်အင်း ငါ ဘာအပိုတွေမှ မပြောခဲ့တော့ဘူး။ ပြောစရာမလိုတော့ဘူးလို့ ငါထင်တယ်လေ။ သေချာပါတယ် သူကလေးဟာ မုချ ကဗျာကို ချစ်တတ်၊ မြတ်နိုးတတ်တဲ့ မိန်းကလေးပါပဲလို့ ငါ စွဲမှတ်လိုက်တော့ တယ်။ အဲဒီည ငါ ကဗျာတွေ အများကြီး ရေးပစ်လိုက်မိတယ်။ စိတ်ကူးယဉ်လို့လဲ ဘယ်မဆုံးပေါ့အေ။
ဒါပေမယ့် ကလေးမရေ မုန်တိုင်းမလာခင် တိုက်ခတ်နေတဲ့ လေပြေလေညှင်း၊ လေနုအေးကလေး တိုက်ခတ်ချိန်က အင်မတန် တိုတောင်းပေတာပဲ။ ငါ ကျောင်းက ထွက်ရတယ်။ ငါချစ်တဲ့ အမိတက္ကသိုလ်က ငါ့ကို စွန်ပစ်လိုက်ပြီ။ စွန့်ပယ်လိုက်ပြီ။ ငါ့ကို စွဲလန်းဖမ်းစားတဲ့၊ ငါ့ကို ရင်ခုန်စေတဲ့ ရှမ်းရိုးမပြာပြာ၊ လယ်ကွင်း စိမ်းဝါ၀ါ၊ တမာစိမ်းဝါ၀ါ၊ ရေနီမြောင်း၊ ပြီးတော့ မခင်နှင်း။ သူတို့ အားလုံးကို ငါ နှုတ်ကလေးတချက်တောင် မဆက်ခဲ့ရဘူး။ ကလေးမရေ အဲဒီကစပြီး တကိုယ်တော်ခရီးကြမ်းကို စတင်ရတော့တာပဲပေါ့။ ငါ့လွယ်အိတ်ထဲမှာ အ၀တ်အစားတစုံရယ်၊ ငါ့ကဗျာစာအုပ်လေးရယ်၊ အမေ့ရဲ့ ပင်နီအင်္ကျီအဟောင်းလေးရယ်၊ ဒါပဲပါတယ်။ ဒီလွယ်အိတ်လေး တလုံးလွယ်ပြီး မြို့ပြပတ်ဝန်းကျင်၊ ပညာတတ် အသိုက်အ၀န်း၊ တက္ကသိုလ်အသိုက်အ၀န်း၊ ကဗျာအသိုက်အ၀န်း၊ စာအသိုက်အ၀န်းတွေနဲ့ စွန့်ခွါပြီး အထီးကျန်မှု ဝေဒနာကို ခံစားပြီးနေရတာ နည်းတဲ့နှစ်တွေလား ကလေးမရယ်။ ဆယ်နှစ်ကျော်တယ်ရယ်။
ဟိုးအထက်မြစ်ညာ ဝေးလံသီခေါင်လှတဲ့ တံငါရွာလေးတရွာမှာ တံငါသည်တပိုင်းဘ၀နဲ့ ငါ နေခဲ့ရတယ်။ ကလေးမ ဘာလဲ ညည်းအံ့သြသွားလား။ အင်း ဟောဒီလို ရေပြင်ကြီးပေါ်မှာ လှေကလေးတစင်းနဲ့ ငါကျင်လည်ခဲ့ဖူးတာပေါ့။ ဒါပေမယ့် ဟေ့ ကလေးမရေ၊ အဲဒီတုန်းက ကဗျာဆရာဟာ လရောင်ကို မုန်းတယ်အေ့၊ သိရဲ့လား။ ဟောဒီလို ရေပြင်မှာ လရောင်ဖြာနေရင် တံငါကဗျာဆရာ သိတ်ကိုမုန်း။ ခုချိန်မှာ တို့တတွေကသာ လရောင်နဲ့ ရေပြင်ရဲ့ အရသာကို တရှိုက်မက်မက် ခံစားနေကြတာ။ တံငါရွာက လူတွေကတော့ စိတ်ပျက်နေကြရှာရော့မယ်။ ကလေးမ ညည်း သိရဲ့လား။ လသာညဟာ ငါးမရတဲ့ ညလေ။ လရောင်ဖြာရင် ငါးတွေက မလာဘူးရယ်။ လရောင်လန့်နိုး၊ ငါးမတိုးလို့၊ စိတ်ဆိုးမာန်ဆိုး၊ သူ ငြင်ငြိုကာ၊ လကိုမော့ကြည့်၊ ကျိန်ဆဲမိ။ ကဗျာဆရာ၊ တံငါရွာတွင်၊ ကာလညည့်နက်၊ ၀မ်းစာခက်တော့၊ ပိုက်ကွက်တဖောင်၊ လှေဦးထောင်နဲ့၊ လရောင်မုန်းသူဖြစ်နေပေါ့တဲ့။ ငါ ကဗျာလေး စပ်ခဲ့တယ်။ ညမှာ မီးခွက်ကလေးတခွက်နဲ့ ငါ ကဗျာရေးတယ်။ နေ့မှာ တံငါအလုပ်ကို ၀ိုင်းကူ လုပ်ပေးပေါ့။ အဲဒီမှာ ကလေးမ နားထောင်၊ သူတို့တွေနဲ့ ရောနှောနေထိုင် လုပ်ကိုင်ပြီး ငါ ဘာတွေ သိလာရသလဲဆိုတော့ သူတို့ရဲ့ နေပုံ၊ ထိုင်ပုံ၊ ပြောပုံ ဆိုပုံစရိုက်တွေ၊ လူနေမှုဘ၀တွေ၊ သူတို့ရဲ့ စကားလုံး၊ ဝေါဟာရ၊ သုံးပုံသုံးနည်းတွေ။ အဲဒါတွေဟာ သိတ်ကို အဖိုးတန်တာရယ်။ လူ့အလွှာတခုအကြောင်းကို ရေးတော့မယ်ဆိုရင် အဲဒီအလွှာထဲကို နက်နက်ရှိုင်းရှိုင်း တိုးဝင်ဆင်းသက်နိုင်လေ ကောင်းလေပဲနော် ကလေးမ။ ညည်း ၀တ္ထုဟာ ပိုပြီးတော့ ပီပြင်မယ်။ ပိုပြီးတော့ သဘာဝကျမယ်။ အဲဒါ ညည်းအတွက် စကားလက်ဆောင်ပေါ့နော်။ ငါ့ အကြောင်းကို ဆက်ကြဦးစို့ ဆိုရင်....။
အဲဒီ တံငါရွာလေးမှာ အထီးကျန်မှုဒဏ်ကို ခံစားနေရချိန်မှာ ငါ မခင်နှင်းကို သိပ်သတိရတယ်။ အမေ့ကိုလည်း သိပ်လွမ်းတယ်။ အမေ့ကိုလွမ်းရင် ငါ့ ခေါင်းအုံးအောက်က အမေ့ပင်နီအင်္ကျီဟောင်းလေးကို အလွမ်းပြေ နမ်းရှိုက်ရတယ်။ မခင်နှင်းကို သတိရရင်တော့ ကဗျာစာအုပ်လေးကို ထုတ်ထုတ်ပြီး ကြည့်ရတယ်။ သြော် သူ အခုအချိန်ဆိုရင် ငါ့ကဗျာလေးတွေကို ဖတ်ကြည့်ပြီး ပျောက်ချင်းမလှ ပျောက်သွားတဲ့ ကဗျာဆရာကို ဒေါကလေးများ ပွနေမလား။ ဒါမှမဟုတ် ပူပင်သောကများ ပွါးနေမလားပေါ့။
ကလေးမလေးရေ ကိုယ်လိုရာ ကိုယ်ဆွဲပြီး ကြည်နူးတဲ့အခါ ကြည်နူးရပေမယ့် သေချာစဉ်းစားမိပြန် တော့လည်း ၀မ်းနည်းရပြန်ရော သိလား။ ငါ နဲ့ ကွဲကွာနေရတဲ့ အချိန်ကာလဟာ သိပ်ကို ကြာခဲ့ပြိလေ။ ခုချိန်ဆို သူက ကျောင်းပြီးသွားလို့ ကြင်သူသက်ထားတွေ့ခဲ့ရင် ကလေးတွေ ဘာတွေတောင် ကြီးလောက်ရောပေါ့ဆိုတဲ့ အတွေးကို တွေးမိပြန်တော့ ၀မ်းနည်းတယ်အေ့ သိလား။ ဒါပေမယ့် ငါ သူ့ကို ခွင့်လွှတ်ရမှာပေါ့လို့။ ငါ့အပြစ်ပဲ။ သူ့အပြစ်မှ မဟုတ်တာလေလို့ စိတ်ကို ဖြေတွေးပေမယ့် ဘာတဲ့ ဟေ့လူ။ ခင်ဗျားတို့ ဆိုက်ကိုမှာခေါ်တဲ့ မသိစိတ်၊ အဲ မသိစိတ်က မျှော်လင့်နေသေးတယ်။ သူ ကလေးဟာ ခုချိန်ထိ ကဗျာစာအုပ်လေးတအုပ်နဲ့ ငါပြန်လာမယ့် အချိန်ကို စောင့်နေရှာရော့လေသလား။ အင်း ဒါမှမဟုတ် အိမ်ထောင်ရက်သားများ ကျနေခဲ့လို့ ရှိလျှင်လည်း ကဗျာစာအုပ်လေးကို ထုတ်ပြီး သူ့ကလေးတွေကိုများ ဖတ်ပြနေလေမလား။ ကဗျာစာအုပ်ကလေးကို ခစခဏထုတ်ကြည့်တတ်တဲ့ သူ့ကို သူ့အိမ်သားကများ မနာလိုဝန်တိုဒေါသနဲ့ ဆူပူတာ ခံနေရလေမလား။ တမြည့်မြည့်နဲ့ပေါ့။ ဒါပေမယ့် ကလေးမရေ ဒီဒဏ်လောက်ကိုတော့ ငါ ခံနိုင်ရမှာပေါ့။ ကဗျာနဲ့ ယုံကြည်ချက် အတွက်ဆို ငါ အားလုံးကို စွန့်လွှတ်နိုင်ပါတယ်။ အဆိုးဆုံး အခြေအနေတွေအတွက် ငါ အမြဲတမ်း အဆင်သင့် ပြင်ထားပါတယ်။
ပြီးတော့ ဟေ့ ကလေးမ ငါ ပြောပြရဦမယ်။ အထီးကျန်မှုဝေဒနာကို ကြိတ်မှိတ်ခံစာရင်း တံငါရွာလေးမှာ ငါ ၀မ်းနည်းပက်လက် ခံစားခဲ့ရတာလေး ရှိသေးတယ်။ အဲဒီမှာတုန်းက တလတခါလောက် ငါက တံငါရွာလေးနဲ့ အနီးဆုံးမြို့ကလေးကို သွားသွားပြီး ဖတ်ချင်တဲ့ စာအုပ်လေးတွေ ၀ယ်တယ်။ စာအုပ်ဆိုင်တွေက ငါ့ကို မသိကြပါဘူး။ ခေါင်းပေါင်ကြီးနဲ့၊ ပုဆိုးတိုတိုနဲ့၊ နေလောင်ထားတဲ့ အသားအရေ မွဲကြမ်းကြမ်းနဲ့ တံငါသည်ကြီးဟာ စာဖတ်ပါလား၊ အင်္ဂလိပ်စာ တတ်ပါလားဆိုတဲ့ အံ့သြမှု မျက်လုံးတွေနဲ့ အထူးအဆန်း ကြည့်ခံရတာပဲ ရှိတယ်။ အဲဒီမှာ တနေ့ ငါမြို့ပေါ်ကို စာအုပ်ဝယ်ဖို့အသွား ညဦးပိုင်းလေးပေါ့။ တို့ရွာနဲ့ မြို့ကလေးနဲ့က အနီးဆုံးဆိုတာတောင် နေ့ချင်းပြန်လို့ မရဘူး။ တညအိပ်ရတယ်။ အဲ အဲဒီညပိုင်းလေးမှာ မြို့ပေါ်ကလူတွေ လှုပ်လှုပ်ရှားရှား၊ စည်စည်ကားကား သွားလာနေကြတာ တွေ့ရတယ်။ ဘာလို့ဆိုတော့ ပွဲရှိတယ်တဲ့။ ပွဲ....။ ပွဲက မြန်မာပြည်တပြည်လုံး အဲဒီအချိန်မှာ ဟိုးဟိုးကျော် နာမည်ကြီးနေတဲ့ ဇာတ်ပွဲ။ ရေလမ်းပဲရှိတဲ့ ဒီမြို့လေးမှာ အင်မတန် လာခဲတဲ့ပွဲ။ ကြည့်ရခဲတဲ့ ပွဲကိုး။
ငါ ပွဲကြည့်လေ့ ကြည့်ထ မရှိပါဘူး။ ဒါပေမယ့် တံငါရွာလေးမှာ နှစ်ပေါင်းတော်တော်ကြာကြာ သီချင်း၊ ဂီတ၊ အဆိုအက ဆိုတဲ့ ဖျော်ဖြေမှုတွေနဲ့ ဝေးနေခဲ့ရတော့ ငါ အဲဒီညမှာ ပွဲသွားကြည့်တယ်။ ငါသွားတော့ ပွဲထွက်နေပါပြီ။ လူတွေရဲ့ ဟိုး နောက်ဆုံးကနေ ငါ ကုပ်ကုပ်လေးဝင်ပြီး ကြည့်လိုက်တော့ ဇာတ်က အော်ပရာကနေတယ်။ ဘာအော်ပရာလဲသိလားကလေးမ။ ငါ့ရဲ့ ကဗျာတပုဒ်ကို အော်ပရာအဖြစ် တင်ဆက်ပြနေ တာလေ။ ငါ့ရဲ့ နှလုံးသားထဲက ဇာတ်ကောင်လေးတွေ ဇာတ်ခုံပေါ်မှာ သက်ဝင်လှုပ်ရှားနေတာကို ကြည့်ပြီး ငါ့မယ် ပီတိဖြစ်လိုက်ရတာလေ။ ပရိသတ်တွေ သဘောကျနေတာ ကြည့်ပြီးတော့လည်း ရင်ထဲမှာ တလှပ်လှပ်နေအောင် ခံစားရတယ်။ အော်ပရာပြီးတော့ ငါ့နာမည်ကို ကြေညာသံ ကြားရတယ်။ ငါ့ ကဗျာကို ကျေညာသံ ကြားရတယ်။ ပရိသတ်တွေ ချီးမွမ်းသံကို ကြားရတယ်။ ပွဲခင်းရဲ့ ဟိုးနောက်ဆုံးမှာ ခေါင်းပေါင်းကြီး ပေါင်းပြီး ပြောင်းဖူးဖက် ဆေးလိပ်ကြီးနဲ့ ထိုင်နေတဲ့ တံငါသည်ကြီးတယောက်ကိုတော့ ဘယ်သူမှ သတိမပြုမိကြပါဘူး။
ငါလေ ငါ့မိတ်ဆွေ အော်ပရာပြဇာတ် နာမည်ကျော် ဒါရိုက်တာကြီးကိုလည်း သွားတွေ့ နှုတ်ဆက်ချင် လိုက်တာ။ စကားတွေ ပြောချင်လိုက်တာ။ ငါ့ကဗျာရဲ့ ဇာတ်ကောင်တွေကိုလည်း သွားပြီး ချီးမွမ်းကျေးဇူး တင်စကား ပြောချင်လိုက်တာ။ ဒါပေမယ့် ငါ လုပ်လို့မရဘူးလေ အေ ကလေးမရဲ့။ ၀မ်းနည်းပက်လက်နဲ့ပဲ တံငါရွာလေးကို ငါ ပြန်ခဲ့ရတယ်။ ကလေးမရေ ဒီအထီးကျန်ဘ၀ကနေ အမေရှိရာ၊ မခင်နှင်းရှိရာ၊ သူငယ်ချင်းတွေရှိရာ၊ စာတွေ ကဗျာတွေရှိရာ ငါ့ပတ်ဝန်းကျင်ကို ပြန်ရောက်တော့ ညည်း တက္ကသိုလ်ရောက်လို့ ရည်းစားတွေ ဘာတွေတောင် ထားချင်ထားနေတော့မယ်ဟုတ်လား။
ငါဟာလေ တောသားတံငါသည်ကြီး မြို့တက်လာသလိုပဲ။ သိလား ကလေးမ။ အရာရာဟာ ငါ့အတွက် အထူးအဆန်းတွေဖြစ်ပြီး လူတွေကို ငါကြောက်နေသလိုပဲ။ အဲဒီတော့ ငါ ဘာဖြစ်သလဲဆိုတော့ လူတွေကို ငါ ရှောင်တယ်။ ဒီတော့ ငါ့မှာ လူတောထဲမတိုးသလို၊ လူရာမ၀င်သလို၊ လူမှုရေးနားမလည်တဲ့ လူ့အပြင်ဘက်က လူလို့ သတ်မှတ်ခံရတယ်။ ဒါ ငါ့ အပြစ်လားအေ့ ကလေးမ ဟင်။
ကလေးမရေ သူငယ်ချင်းတွေဆီကနေ ငါ မခင်နှင်းသတင်းကို ကြားခဲ့ရပါတယ်။ သူ အိမ်ထောင်ကျနေ ပြီတဲ့။ ချမ်းချမ်းသာသာဖြစ်နေတယ်တဲ့။ မသိစိတ်ရဲ့ မျှော်လင့်ချက်ကြောင့် ရင်ထဲမှာတော့ ဟာကနဲ ဖြစ်တာပေါ့ အေ။ ဒါပေမယ့် တွေးပြီးသားပဲ။ သူ့အပြစ်မဟုတ်ပါဘူး။ ငါ့ အပြစ်နဲ့ငါ ဘာတတ်နိုင်မှာလဲ၊ မဟုတ်ဘူးလား။
ဟေ့ ကလေးမ နေဦး။ ညည်း ငါ့ကို မေးခွန်းတွေထုတ်ဖို့ ပါးစပ်ပြင် မနေနဲ့ဦး။ ငါ့ဇာတ်လမ်းက မပြီးသေးပါဘူး။ ညည်း နားထောင်ပါဦး။
တနေ့၊ ငါ ပြန်ရောက်ပြီးမှ လူတွေ သူတွေထဲကို ပထမဆုံးသွားတဲ့နေ့။ စစ်ကိုင်းတောင်၊ အနုရုဒ္ဓါချောင်က စာသမား၊ ကဗျာသမားတွေ ဆုံကြတဲ့ ကထိန်ပွဲကို ငါသွားခဲ့တယ်။ သွားတော့ အဲဒီမှာ သစ်ပင်ရိပ်ကလေး တရိပ်အောက်မှာ အပေါင်းအသင်းတွေနဲ့ စကားဝိုင်းဖွဲ့နေကြတုန်း လူငယ်လေးတယောက် ငါ့ဘေးနားကို ဖြတ်ဆို ရောက်လာတယ်။ ဆရာ ကျွန်တော် ကဗျာရေးပါတယ်တဲ့။ ဆရာ့ကဗျာတွေကို အင်မတန်ကြိုက်တဲ့သူပါတဲ့။ သူ့နာမည်လေးလည်း ပြောတယ်။ ငါက ခင်ခင်မင်မင် နှုတ်ဆက်စကား ပြန်ပြောတာပေါ့လေ။ လူငယ်လေးက ခေါင်းကလေး တညိတ်ညိတ် နားထောင်နေရာက ရုတ်တရက် သူ့လွယ်အိတ်ထဲက စာအုပ်လေးတအုပ် ထုတ်လိုက်ပြီး ငါ့ကိုပြတယ်။ ဆရာ ဒီစာအုပ်ကလေးကို မှတ်မိသလား ဆရာတဲ့။ ငါ့ရဲ့ ပထမဆုံးကဗျာစာအုပ်လေး ကို ငါ မမှတ်မိဘဲ ရှိပါ့မလား။ ဒါပေမယ့် သူငယ်လေးက စာအုပ်မျက်နှာဖုံးလေးကို လှန်ပြီး ပထမစာမျက်နှာလေး ကိုလည်း ဒီမှာ ကြည့်ပါဦးဆရာလို့လည်း ပြလိုက်ရော ကလေးမရေ ငါ့တကိုယ်လုံး တုန်သွားတယ်။ ငါ့ လက်ရေးနဲ့ ရေးခဲ့တဲ့ ချစ်ရတဲ့ မခင်နှင်း ဆိုတဲ့ မှုန်ဝါးဝါး စာကြောင်းလေးက ငါ့ကို လှောင်ပြောင်နေသလိုပဲ။
သူငယ်လေးကို ပြုံးကြည့်နေရင်း ဒီသူငယ်လေးက မခင်နှင်းနဲ့ ဘယ်လိုများ တော်စပ်ပါလိမ့်မလဲ။ ငါ ရှိရာအရပ်ကို ဒီသူငယ်လေးနဲ့ ဒီစာအုပ်လေးကို အရောက်ပို့လိုက် ရှာတာလားဆိုတဲ့ မတွေးသာ အတွေးတွေနဲ့ ငါ ရင်တခုလုံး ဗြောင်းဆန်နေတာပဲ။ ဒီစာအုပ်လေးကို ကျွန်တော့်အဖေဆီက ရတာဆရာဆိုတဲ့ မမျှော်လင့်တဲ့စကား ကိုလည်း ငါ ကြားလိုက်ရရောဟာ သိတ်လန့်သွားတာပဲ။ ငါ ဘယ်လို ထင်လိုက်တယ်မှတ်လဲ ကလေးမ။ မခင်နှင်းတယောက် လူ့လောကကြီးမှာ မရှိရှာတော့ဘူး။ ဒီသူငယ်လေးဟာ မဟုတ်မှလွဲရော ဆိုပြီး ငါ သိပ် တုန်လှုပ်သွားတယ်။
ဒါပေမယ့် ကလေးမရေ ငါ ထင်သမျှ အားလုံး လွဲခဲ့ရပါတယ်။ သူငယ်လေးက တုန်လှုပ်နေတဲ့ ငါ့ကို ဘာထပ်ပြောလိုက်တယ် ထင်သလဲ။ ဆရာ ကျွန်တော့်အဖေက အရင်တုန်းက မန္တလေးတက္ကသိုလ် ဘတ်စ်ကားဂိတ်နားက စက်ဘီးပြင်သမားကြီးပါ ဆရာတဲ့။ ကလေးမရေ စကားတွေ တတွတ်တွတ်ဆက်ပြော နေတဲ့ သူငယ်လေးကို ငါ ဘာမှ ပြန်မပြောနိုင်ခဲ့ပါဘူး။ အင်း ကလေးမ ညည်း ရှင်းသွားအောင် ငါပြောရမယ် ဆိုလို့ရှိရင် ဟိုးလွန်ခဲ့တဲ့ အနှစ်နှစ်ဆယ်ကျော်က မန်းတက္ကသိုလ် ဘတ်စ်ကားဂိတ်အနီးမှာ စက်ဘီးပြင်သမားကြီး တယောက်ရှိတယ်။ တနေ့မှာ သူ့ စက်ဘီးပြင်ဆိုင်နားက ထိုင်ခုံကလေးမှာ ထိုင်နေတဲ့ ကျောင်းသူ မိန်းကလေး တယောက်ကို ကျောင်းသားလေးတယောက်က မ၀ံ့မရဲနဲ့ စာအုပ်လေးတအုပ်ပေးတာကို သူ မြင်လိုက်ရတယ်။ ကျောင်းသားလေးက ကသုတ်ကရက်နဲ့ ပြန်ထွက်သွားတာကိုလည်း သူ ကြည့်နေမိတယ်တဲ့။ အဲဒီအချိန်မှာဘဲ မြို့ထဲသွားမယ့် ဘတ်စ်ကားက ထိုးဆိုက်လာတယ်။ စာအုပ်လေးကို ကိုင်ထားတဲ့ ကျောင်းသူမိန်းကလေးဆီက ဘာတွေမှန်းလည်း မသိဘူးဆိုတဲ့ လှောင်သံလေးနဲ့အတူ စာအုပ်ကလေးက စက်ဘီးပြင်သမားကြီးရှေ့ မြေကြီးပေါ်ကို ဘုတ်ခနဲ ကျလာတယ်။ မိန်းကလေးက စာအုပ်လေးကို လွှင့်ပစ်ခဲ့ပြီး သူ့အဖော်လက်ဆွဲလို့ ဘတ်စ်ကားပေါ်ကို အပြေးလေးတက်သွားခဲ့ပြီ။ အဲဒီအခါမှာ စက်ဘီးပြင်သမားကြီးက သူမသိတဲ့ ကျောင်းသားလေးကို သနားတဲ့စိတ်နဲ့ စာအုပ်လေးကို ကောက်ယူပြီး သိမ်းထားလိုက်တယ်။ ကဗျာစာအုပ်လေးမှန်း သိပေမယ့် သူက ၀ါသနာမပါတော့ ဖတ်လည်းမကြည့်ဖြစ်ဘူး။ လှန်လည်း မကြည့်မိဘူး။ ဒီအတိုင်းပဲ သိမ်းထားခဲ့သတဲ့။ အဲဒီလိုနဲ့ သူ့သားလေး အရွယ်ရောက်လာတဲ့အခါမှာ ကဗျာဝါသနာပါပြီး ကဗျာဆရာဖြစ်ချင်နေတဲ့ သူ့သားလေးကို အဲဒီစာအုပ်လေး ထုတ်ပေးသတဲ့။ အဲဒီအခါမှာ သူ့သားလေးက ၀မ်းသာအားရဖြစ်ပြီး ဟိုတချိန်က သူသနားခဲ့ဖူးတဲ့ ကျောင်းသားလေးဟာ အခု သူ့သားလေး သိပ်ကြည်ညို လေးစားတဲ့ ကဗျာဆရာကြီးဖြစ်နေတာကို တွေ့ရသတဲ့။ ကဲ ကလေးမရေ မိန်းကလေးတယောက်ရဲ့ ငြင်းပယ်မှုဒဏ်ကို အလူးအလဲ ခံစားဖူးပါတယ်လို့ ငါ ဆိုလောက်ပါတယ်နော်။ ဟင် ဆရာတော် ဘယ့်နှယ်လဲ၊ တပည့်တော် သူ့အပေါ် ကဗျာကို ချစ်သူ၊ ကဗျာသမားကို ချစ်သူ သစ္စာရှင်အဖြစ်နဲ့ အထင်ကြီး၊ လေးစား၊ မြတ်နှိုး တွယ်တာခဲ့တာဟာ ထုနဲ့ထည်နဲ့၊ ကျောက်သားကျောက်ဆိုင်မှာ အမြစ်တွယ်နေသလို ခိုင်မာနေခဲ့ရတာရယ်။ အနှစ်နှစ်ဆယ်၊ အနှစ်နှစ်ဆယ်ကျော်တောင် စွဲမြဲခိုင်မာသမျှတွေ တခဏအတွင်း ကြေမွပျောက်လွင့်ခဲ့ရတာဟာ ဘယ်လောက် ခံးစားရတယ် မှတ်လဲ။ ဆရာတော် မချိပြုံးပြုံးရင်း တပည့်တော် တခွန်းပဲဆိုနိုင်တယ်။ သြော် သူက ကဗျာ မုန်းသူကိုးလို့။
ဟေ့ ကလေးမ ညည်း ကိုယ်ချင်းစာလို့ ရပါတယ်နော်။ ဘာ ဘာရယ်ကလေးမ။ လေးလေးတော်တော် ပြန်ပြီး တည်ဆောက်ရမှာပေါ့ ဟုတ်လား။ ဟား ဟား ဒီလောက် မဟုတ်ပါဘူးအေ။ ညည်း ငါ့ကို အထင်မသေးပါနဲ့။ တက်ကြွပြတ်သားတဲ့ စကားလုံးကာရန်တွေနဲ့ ဖွဲ့စည်းထားတဲ့ ကဗျာလေးတွေက ကဗျာဆရာကို အမြဲတမ်း အသက်ရှင်စေပါတယ်။ ကလေးမရေ ကဗျာမုန်းသူ၊ စာမုန်းသူတွေ နားမလည်လို့ပါ။ မင်းတုန်းဘုရင်ရဲ့ ရာဇ၀င်ဆိုတာ ဦးပုညရဲ့ ကဗျာတပုဒ်၊ စာတပုဒ် နောက်ကွယ်မှာ မှေးမှိန်ပျောက်ကွယ်ရတာပါ။ ဟုတ်တယ်မဟုတ်လား။ နော် ဆရာတော်။ ဟေ့ သူငယ်ချင်း ဟုတ်တယ်မဟုတ်လားကွ။ ဘာရယ် ဆရာတော် လေသိပ်ကြမ်းလာပြီ။ အင်း ဟုတ်တယ်၊ လေသိပ်ကြမ်းလာပြီ။ သြော် တံငါတွေ မုန်းတဲ့ လရောင်ကတော့ လှလိုက်ပါတဲ့အမျိုး။ ကလေးမ ညည်း ချမ်းနေပြီထင်တယ်၊ ဟုတ်လား။
ကဲ ပြန်ကြတာပေါ့အေ။ ဟေ့ ကလေးမရေ ဟိုးအရှေ့ဆီကို လှမ်းကြည့်လိုက်စမ်း။ အဲဒီမှာ မန္တလေး ရှိတယ်။ အင်း အဲဒီမန္တလေးရဲ့ တနေရာမှာ ကဗျာဆရာချစ်တဲ့ ကဗျာမုန်းသူတယောက် ရှိတယ်။ ဟုတ်တယ်၊ ကဗျာဆရာ မမေ့နိုင်သေးတဲ့ ကဗျာမုန်းသူတယောက်ရှိတယ်။

နုနုရည်အင်းဝ
{ရွှေအမြုတေမဂ္ဂဇင်း၊ အမှတ် ၂၃၆၊ ၂၀၀၉ ဇူလိုင်မှ ကူးယူဖော်ပြပါတယ်။}

Wednesday, November 2, 2011

ဆန်ပြုတ်ပွဲတော်
ရေးသူ- နုနုရည် (အင်းဝ)

{၂၀၀၁ မတ်လ ၂၃၊ ၁၃၆၂ တပေါင်းလကွယ် ၊ ထုတ် မာယာမှ ကူးယူဖော်ပြပါတယ်}
ညနေ သုံးနာရီမှ ထိုးမယ်မကြံသေးဘူး......၊ ဖိုးတရုပ်တို့ မောင်နှမနှစ်ယောက် ဂဏာမ ငြိမ် ဖြစ်စပြုပြီ။
အိမ်ရှေ့ထွက်လိုက်၊ နောက်ဖေးဝင်လိုက်၊ အိမ်အထက်ဆင့်ခါးပန်းကို ခေါင်းအုံးငေးမော နေတဲ့ အမေ့ကို လှမ်းကြည့်လိုက်လုပ်ရင်း၊ ဖိုးတရုပ် မျက်လုံးတွေက ပန်းကန်စင်ပေါ် မှောက် ထားတဲ့ ကြွေရည်သုပ်ဇလုံလေး ဆီ ခဏ ခဏ ဝဲနေတယ်။ သူ့ထက် ပိုပြီးအကင်းပါးတဲ့ မိငယ်ကလဲ ဖိုးတရုပ် အိမ်ရှေ့ထွက်.....ထွက်ချင်း၊ နောက်ဖေးဝင်......ဝင်ချင်း။ ပြီးတော့ ဖိုးတရုပ် တရစ်ဝဲဝဲကြည့်နေတဲ့ ပန်းကန်စင်ပေါ်က ကြွေရည်သုတ် ဇလုံလေးကို သူလဲဘဲ မျက်ခြည်မပြတ်။ တခါတခါ ဖိုးတရုပ် လှမ်းကြည့်ရင်း..... မျက်စောင်းခဲပြီး သတိပေးလိုက်သေး တယ်။
"အဲဒါငါ့ ဇလုံနော်...... ဒါဘဲ...." လို့။
ဖိုးတရုပ် အိမ်ရှေ့တခေါက် ထွက်ပြန်တယ်။ လမ်းထိပ်က ထွက်လာနေတဲ့ မီးခိုးငွေ့ငွေ့ လေးတွေကို လှမ်းမျှော်ကြည့်ရင်း နှာခေါင်းလေးကို ရှုံ့ပြီး အနံ့ခံ ကြည့်မိတယ်။ တရုပ်နံနံပင် အနံ့၊ ကြက်သွန်မိတ်နံ့၊ ငံပြာရည်နံ့ သင်းပျံ့တဲ့ ဆံပြုတ်မွှေးမွှေးရဲ့ အနံ့အသက်တွေများ ပါလာလေမလား........။ ဖိုးတရုပ် ဗိုက်ဆာလှပြီ။ မနက်ထဲက မုံ့ပျားသလက်ငါးမူးတန် အဖြူအနီ နှစ်ယှက်ပဲရှိတဲ့ ဖိုးတရုပ်ဗိုက်ထဲမှာ မီးရထားတွဲကြီးတွေ တဂျုတ်ဂျုတ် အော်ဟစ်ခုတ် မောင်းနေကြပြီ။



အိမ်နောက်ဖေး နောက်တခေါက် ပြန်ဝင်လာတဲ့ ဖိုးတရုပ်ကို သူ့အမေက မျက်စိနောက် လာသလို လှမ်းကြည့် လိုက်တုန်းမှာပဲ.....
"ဖိုးတရုပ်ရေ...... မိငယ်ရေ....... သွားစို့ဟေ့...."
အိမ်ရှေ့က အော်ခေါ်သံတွေ၊ ဇလုံတီးသံ၊ ဂျိုင့်ခေါက်သံတွေကို ကြားလိုက်တာနဲ့ ဖိုးတရုပ်က လေကဲ့သို့ လျင်မြန်ခြင်းမျိုးနဲ့ ပန်းကန်စင်ပေါ်က ကြွေဇလုံကို ပြေးယူတယ်။ ဘယ်ရမလဲ။ မိငယ်ကလဲ အားကျမခံ ကြွေဇလုံကို ဇွတ်ဆွဲလုတယ်။
"ပေး...... မယူရဘူး......၊ ဒီဇလုံ....... ငါယူမှာ"
"ပေးဘူး...... ဒါ....... ငါ့ဇလုံ"
"ဟုတ်ဘူး......၊ ဟိုမှာ...... ကိုတရုပ် ဇလုံက ဒန်ဇလုံ"
မိငယ်က ကြွေဇလုံကို မလွှတ်ဘဲ ဆွဲထားရင်း ပန်းကန်စင်ပေါ်ကို မေးငေါ့ပြတယ်။ စင်ပေါ်မှာ ဒန်ဇလုံရယ်၊ ချိုင့်တခုရယ် ကျန်နေသေးတယ်။ စင်တခုလုံးမှာ ဇလုံနှစ်လုံးရယ်၊ ချိုင့် တခုရယ်၊ ဇွန်းသုံးချောင်းရယ်ပဲ ရှိတယ်။ (တခြား ထမင်းပန်းကန်ပြားတွေနဲ့ ဟင်းပန်းကန်တွေ ကို ထမင်းချက်မစားနိုင်တဲ့နေ့ကစပြီး အမေသိမ်းလိုက်ပြီ။) ဆန်ပြုတ် သောက်ဖို့ထားတာ။ သုံး ယောက်တွက်။ အဖေ့အတွက်တော့မပါဘူး...... ။ အဖေအိမ်ပြန် မလာတာရှစ်ရက်၊ ဆယ်ရက် လောက်တောင် ရှိနေပြီ။ ဟင်း........မိငယ်ဆိုတဲ့ ကောင်မစုတ်က အလည်လေး......။ လာသေး တယ်။ ဒန်ဇလုံက ဆန်ပြုတ်ထည့်ကိုင်ရင် တအားကြီးပူတာကို။ ဘာလို့ ယူရမှာလဲ။ ကြွေ ဇလုံကမှ မပူတာ။
"ဖိုးတရုပ်..... ဟေ့.....၊ သွားမယ်ဟေး"
အိမ်ရှေ့ကကောင်တွေကို 'လာပြီဟေး' လို့ပြန်အော်ရင်း ဖိုးတရုပ် မိငယ်လက်ထဲက ကြွေဇလုံကို ဆောင့်ဆွဲယူပစ်လိုက်ပြီး အိမ်ရှေ့ တအားပြေးထွက်ခဲ့တယ်။ မိငယ် အာခေါင်ခြစ် ပြီး အော်ငိုတဲ့အသံက ဗြဲကနဲထွက်လာတယ်။
"ဟဲ့......... ဟဲ့ကောင်လေး...... လာခဲ့စမ်း၊ နင်တော့၊ ဖိုးတရုပ်...... နေအုံး၊ ညီမလေးကို ပေးလိုက်စမ်း..... ဇလုံကို......၊ ဟဲ့.....ဖိုးတရုပ်....."
အမေခေါ်တဲ့ အသံက ဖိုးတရုပ်တို့ ဇလုံတီးသံ၊ ဂျိုင့်ခေါက်သံတွေကြားမှာ ပျောက်သွား တယ်။ ဖိုးတရုပ်တို့၊ ဇလုံတွေ၊ ချိုင့်တွေတီးရင်း၊ ခေါက်ရင်း လမ်းထိပ်ကို တအားပြေးကြတယ်။ ပြေးရင်းလွှားရင်း ဖိုးတရုပ်သူငယ်ချင်း သူ့လိုပဲ နှစ်တန်းကျောင်းသား အမွှေးအမှင်လေးတွေ ရှည်ရှည်နဲ့ မျက်နှာက ဝက်ဝံလေးနဲ့တူလို့ 'ဘဲယား' လို့ခေါ်တဲ့ ကျော်မင်းဦးက သူ့ဇလုံကို တဒေါင်ဒေါင်တီးပြီး
"ဆန်ပြုတ်...... ဆန်ပြုတ်၊ ဆုတ်ပြန်...... ဆုတ်ပြန်" လို့အော်တယ်။ ဖိုးတရုပ်တို့ ကျန်တဲ့ အကောင်တွေက-
"ဆုတ်ပြန်၊ ဆုတ်ပြန်...... ဆန်ပြုတ်၊ ဆန် ပြုတ်" လို့ပြန်အော်တယ်။
"ဆန်ပြုတ် ဆန်ပြုတ်၊ သောက်လို့ ကောင်းတယ်" လို့ အော်တဲ့ကောင်က အော် တယ်။ ဘာတွေမှန်းလဲ မသိဘူး..... ။ အော်ရတာ ပျော်တာပဲ သိတယ်။ ထမင်းမစားရတဲ့ ဖိုးတရုပ် တို့တတွေ ဆန်ပြုတ်သောက်ရတော့မယ်လေ။ ဆန်ပြုတ်ပွဲတော်ကြီး နဲ့ တွေ့ရတော့မယ်။
ဒီပွဲတော်ကြီးကို ဘယ်လူကြီးတွေ စလိုက် တယ်တော့မသိဘူး။ စ, လိုက်တဲ့ လူကြီးတွေ အရမ်းချစ်ဖို့ကောင်းတာပဲ။ ဒီဆန်ပြုတ်ပွဲတော်ကြီး ပေါ်လာတာ ဖိုးတရုပ်တို့မောင်နှမ အဖေ နဲ့အမေရင်ခွင်ထဲကို ကြောက်လန့်တကြား တိုးဝင်နားပိတ်ပြီး အိပ်ရတဲ့ညပြီးတဲ့ နောက်လေးငါး ရက်အကြာမှာပဲ။ ဖိုးတရုပ်တို့အဖေ အိမ်ကထွက် သွားတာ ဟောဒီဆန်ပြုတ်ပွဲ တော်ကြီးနဲ့ အမျှပဲ။ ဒါပေမယ့် အဖေ့ကို တခါတလေပဲ သတိရတယ်။ ပျော်နေရတာကိုး။ ဖိုးတရုပ်တို့ ကျောင်းပိတ်ကတည်းက ဘာပွဲလမ်းမှမရှိတော့ ဒီလို ခလေးတွေ တစုတဝေးစုပြီး မပျော်ရတာ ကြာပြီ။
"ဟေ့ရောင်တွေ.... ဒီနေ့ ဆန်ပြုတ်နေရာ သုံးခုတောင် ရှိတယ်ကွ"
"ဟေး...... ပျော်တယ်ဟေ...."
ဖိုးတရုပ်တို့ထဲက အလည်ဆုံး၊ အကြီးဆုံး ကောင်.....'ဘဲယားကျော်မင်းဦး' သတင်းပေးသံ ကြောင့် အားလုံး ခုန်ပေါက်အော်ဟစ်ကြတယ်။ ပျော်စရာကြီး.....။ တဖြေးဖြေးနဲ့ ဆန်ပြုတ် တိုက်ပွဲတွေများလာပြီ.....။ ဟိုလမ်းထောင့်၊ သည်လမ်း ထောင့်၊ ဟိုအိမ်၊ သည်အိမ်။ သူဌေးတွေ...... နေ့တိုင်း၊ နေ့တိုင်း တိုက်နိုင်ပါစေ။ သည့်ထက်ပို ဌေးပါစေဗျာ.....။
"ဟေ့.....မြန်မြန်နေရာဦးဟေ့၊ လူတွေ အများကြီးကွ"
ဟာ..... ဟုတ်သားဘဲ။ ဆန်ပြုတ်တိုက်တဲ့ ဆေးလိပ်ခုံအိမ်ရှေ့မှာ ခွက်တွေ၊ ပလုံးတွေနဲ့ ခလေးတွေရော၊ လူကြီးတွေရော အများကြီး ရောက်နေကြတယ်။ ဆန်ပြုတ်အိုး.....၊ မိုးဗြဲဒယ် ကြီးတွေက အငွေ့တလူလူ၊ အနံ့တွေ တမွှေး မွှေးနဲ့။ လူကြီးတွေက မွှေကြ၊ မြည်းကြတုန်း။ ဆန်ပြုတ်ကဖြင့် မဝေသေးဘူး။ လူတွေကတော့ အပြင်မှာ ကြိတ်ကြိတ်တိုးနေပြီ။ မိန်းမယောက်ျား တချို့က ဒန်အိုးအလွတ်နဲ့၊ ချိုင့်ပလုံး အကြီးကြီးတွေနဲ့ သိပ်လောဘကြီးတာပဲ။ ဖိုးတရုပ်တို့ ကလေးတွေကတော့ သံဇလုံ၊ ကြွေဇလုံ၊ ဒန်ဇလုံလေးတွေကိုယ်စီနဲ့။ ချိုင့်ပလုံး အသေးလေးတွေကိုယ်စီနဲ့။ သူတို့လူကြီးတွေက လောဘသာကြီးတာ၊ ရှက်တော့ ရှက်တတ် တယ်။ ကုပ်ကုပ်..... ကုပ်ကုပ်နဲ့၊ သစ်ပင်ကွယ်၊ ဓါတ်တိုင်ကွယ်လေးတွေနားမှာ မယောင်မလည် ရပ်နေကြတာ.......။ ကောင်းတယ်၊ ဒါမှ တန်းစီခိုင်းရင်...... ဖိုးတရုပ်တို့ ခလေးတွေ ရှေ့ကအရင်ရောက်မှာ။
"ဟေ့..... ဘဲယား၊ နောက်တခုက ဘယ်နေရာမှာလဲကွ...... ဝေးလား"
"ဝေးဘူးကွ၊ ဟို အထက်တက်လိုက်ရုံဘဲ။ ဓမ္မာရုံကွ။ မနှစ်က ငါတို့ ဘုရားပွဲသွားတဲ့ ဆီ လေကွာ"
"ဒီနှစ်ကျ...... ဘုရားပွဲလဲမဖြစ်ဘူး"
"ဘယ်ဖြစ်မလဲကွ......"
ဘဲယားနဲ့ ဖိုးတရုပ် စကားပြောနေတုန်း ဆေးလိပ်ခုံထဲက လူကြီးတယောက်..... ဇွန်း အကြီးကြီးနဲ့ ထွက်လာပြီး-
"ကဲ.... ကဲ..... တန်းစီကြဗျို့...... တန်းစီကြ၊ ချိုင့်လေးတွေ၊ ဇလုံလေးတွေ အဆင်သင့် ပြင်ထားမယ်....."
ဆေးလိပ်ခုံရှေ့က ဆန်ပြုတ်စောင့်သူများ လှုပ်လှုပ်ရှားရှား ဝရုန်းသုန်းကားနဲ့၊ အလုအ ယက် တန်းဝင်စီကြတယ်။ ဖိုးတရုပ်တို့ ခလေးတွေက အကဲဆုံးပေါ့။ ရှေ့ရောက်ဖို့ အတင်းတိုး ရတာ ပျော်စရာကောင်းတယ်။ တအားတိုးတာတောင် ဖိုးတရုပ်တို့အုပ်စု ရှေ့မရောက်ဘူး။ အလယ်နားပဲရတယ်။ အရေးထဲ ရှေ့က ကောင်မလေးတယောက်က အားကြီးအဆဲကြမ်းတာ ပဲ။ လက်ထဲမှာ ဇလုံနှစ်လုံးနဲ့။ သူ့ကို နောက်က တွန်းရင် ဇလုံနဲ့ ခုတ်မယ်တဲ့..... ။
"ဖိုးတရုပ်....... ဟိုမှာ......၊ မင်းအမေနဲ့ မိငယ် လာပြီကွ၊ ခေါ်လိုက်"
ဘဲယားက ဖိုးတရုပ်ကို လှမ်းပြတယ်။ မိငယ်က နှုတ်ခမ်းစူစူနဲ့......။ ဒန်ဇလုံလေးကိုင် လို့။ အမေကတော့ ချိုင့်ဆင့် တဆင့်နဲ့၊ ရှက်ရွံရွံ့ပုံ။
"အမေ...... အမေ.... ဒီကို......လာ"
ဒါပေမယ့် အမေနဲ့မိငယ်..... ဖိုးတရုပ်တို့ ကြားထဲဝင်တော့ ဓါတ်ရှင်ရုံကျနေတာပဲ၊ နောက်က ဝိုင်းအော်ကြတယ်။
"ဟေ့...... ဟေ့...... ကြားဖြတ်မဝင်နဲ့ကွ နောက် မှာသွားတန်းဟေ့"
ဖိုးတရုပ်တို့ အုပ်စု နောက်ကိုလှည့်ပြီး လက်သီးဆုပ်ပြ၊ အံကြိတ်ပြကြတယ်။ အမေက တော့ ရှက်ရွံရွံ့နဲ့ အပြင်ဘက်ထွက်ရပ်ပြီး သူ့လို ရပ်နေတဲ့ မိန်းမတယောက်ကို-
"ဆန်တပြည်...... နှစ်ဆယ်နဲ့ ဘယ်လိုမှ မတတ်နိုင်လွန်းလို့သာ.....၊ ရှက်စရာကြီး ရှင်..... ခလေးတွေကြားထဲမှာ" တဲ့။ ဟိုမိန်းမကြီးက ခေါင်းခပ်ငုံ့ငုံ့နဲ့ လက်ထဲကတော့ ချိုင့်ကိုပွတ်သပ် နေရင်းတိုးတိုးလေး-
"သူတောင်းစားတွေ ကျနေတာပဲ" တဲ့။
"ဖြည်းဖြည်းဗျို့..... ဖြည်းဖြည်း...... ၊ အားလုံး ရမယ်။ မပူနဲ့...... ဟောဒီမှာ အများကြီးရှိသေးတယ်........ ။ ကဲ....... လာပြီ နောက်တဇွန်း...."
ဆန်ပြုတ်ထည့်ပေးတဲ့ လူကြီးရဲ့မျက်နှာမှာ ချွေးတွေကို သီးနေတာပဲ။ ဒါပေမယ့် သူက တဟားဟားနဲ့ ပျော်နေတယ်။ ဆေးလိပ်ခုံဘေး တိုက်ပေါ်ကနေကြည့်နေတဲ့ ဆန်ပြုတ်ပိုင်ရှင် အဒေါ်ကြီးတွေရဲ့ မျက်နှာကလဲ ပြုံးပြုံး၊ ပြုံးပြုံးနဲ့။ ဖိုးတရုပ် ငေးကြည့်နေမိတယ်။ သူတို့ရော ဒီဆန်ပြုတ်တွေ သောက်သလားမသိဘူးနော်။
"ဟေ့ကောင်æဖိုးတရုပ်æငေးမနေနဲ့၊ မြန် မြန်ခံ"
ဖိုးတရုပ်နောက်က ဘိုဖြူဆိုတဲ့ကောင်က ဇလုံနဲ့တွန်းထိုးပြီး သတိပေးတယ်။ ဟုတ်သားပဲ..... ။ ဖိုးတရုပ်ရှေ့ကဘဲယား။ ဘဲယားပြီးတော့ ဖိုးတရုပ်။
ဖိုးတရုပ်တို့ အငွေ့တထောင်းထောင်းထနေတဲ့ ဆန်ပြုတ် ဇလုံလေးတွေကိုယ်စီနဲ့ ပလက်ဖောင်းဘေး မန်းကျည်းပင်ရိပ်အောက်မှာ တဖူးဖူးမှုတ်ပြီး ဇလုံစောင်း မော့သောက် လိုက်ကျတယ်။ လျှာပူပူ အာပူပူနဲ့ ဆန်ပြုတ်ကလဲ ချိုမှ ချိုပဲ။
"မြန်မြန်သောက်ဟေ့.......၊ တော်ကြာ ဓမ္မာရုံ မမီပဲနေမယ်"
"အေးဟေ့...... သောက်ကြဟေ့"
တယောက်နဲ့တယောက် လောဆော်ပြီး သောက်ပြီးတာနဲ့ ဓမ္မာရုံဆီ ဇလုံလေးတွေကိုင် ပြီးပြေးကြတယ်။ အိုး..... ဓမ္မာရုံမှာလဲ နည်းတဲ့ လူတွေမှုတ်ဘူး။ ဓမ္မာရုံက ရပ်ကွက်လူကြီးတွေ ပိုက်ဆံစုပြီး တိုက်တာတဲ့။ ဘောကြီးမှာ အလှူရှင်စာရင်းတွေ ရေးထားတယ်။ တန်းစီ ရွေ့ရှား ရာနောက် တဖြေးဖြေးလိုက်ရင်း စာဖတ်တတ်ခါ စ ဖိုးတရုပ်.... ဘောကြီးပေါ်ကစာတွေကို ဖတ် တယ်။ ဦးအောင်ခင်-ဒေါ်မြမြ..... ငါးကျပ်။ ဒေါ်ခင်ခင်တင့်....... သုံးကျပ်။ ဖိုးတရုပ်လိုပဲ နှစ်တန်း ကျောင်းသားတွေဖြစ်တဲ့ ဘဲယားတို့၊ ဘိုဖြူတို့ လဲ လိုက်ဖတ်ကြတယ်။
"ဟေ့ရောင်..... ဟိုအောက်က စာလုံးကြီး နဲ့ရေးထားတာ ဖတ်ရအောင်..... ဘာတဲ့ကွ"
"သုံးရက်နှင့်အပြတ်ထိုင်မည်"
"ဟား...... ဟား...... ဟား....... စာလဲမဖတ်တတ်ပဲ နဲ့ဟေ့"
ဘဲယားဖတ်တာမှားတော့ ဖိုးတရုပ်တို့၊ ဘိုဖြူတို့နဲ့ တခြားကောင်တွေက ဝိုင်းပြောင်ကြ တယ်။ ဘဲယားက မျက်မှောင်ကြုတ်ပြီး
"ဘာမှားလို့လဲကွ........ ကဲ"
"မှားတာပေါ့ကွ........ ၊ မင်းက ကျောင်းမ လိုက်ရတာနဲ့ စာတွေ မေ့သွားပလား"
"ငါဖတ်ပြမယ်..... ကြည့်၊ သုံးရက်နှင့် အပြတ်တိုက်မည်၊ ပြစ်ရဲရင် ပြစ် ကြည့်၊ ရေရော ပစ်လိုက်မည်၊
ပုံ ဆန်ပြုတ် တဲ့"
"ဟား...... ဟား...... ဟား...... ဟား၊ ရီရတယ် ဟေ့" ဖိုးတရုပ်တို့အုပ်စု စာဖတ်ပြီး တအားသဘောကျ ဝိုင်းရီကြတယ်။
“ဘဲယား...... နောက်တနေရာ သွားဦးမှာ လားကွ...... ဘယ်နားမှာလဲ”
ဓမ္မာရုံက ဆန်ပြုတ်တဇလုံစီကို မော့ သောက်ကြပြီး...... ရှေ့ဆက်ဖို့ တာစူကြတော့၊ ဘဲယားက လက်ဟန်ခြေဟန်နဲ့
"နီးနီးလေးပဲ...... ။ လာ.... ငါသိတယ်၊ နေ့လည်က ငါ့လေးလေးနဲ့ လိုက်သွားရင်း အိုးကြီးတွေတည်နေတာ ငါမြင်ခဲ့တယ်"
ဘဲယားခေါင်းဆောင်တဲ့နောက်ကို ဖိုးတရုပ်တို့အုပ်စု ပြေးရူးပြေးရူးနဲ့ လိုက်ကြတယ်။ ဗိုက်ချောင်အောင်ဆိုပြီး ခုန်ပေါက်ကြရင်း ဇလုံတွေ၊ ဂျိုင့်တွေကို တီးလိုက်ကြသေးတယ်။ ဆန်ပြုတ်က ဗိုက်ပြည့်လွယ်သလို၊ ချောင်လွယ် သလားလဲမမေးနဲ့။ ခဏလေးဆို ပြန်ပြန်ဆာ တယ်။ ညနေမှာ ဘယ်လောက်သောက်သွား သွား၊ ညကျရင် ဗိုက်က ပြန်ဆာလာတာပဲ။ ထမင်းလိုလဲမဟုတ်ဖူး။
"ဟေ့ ဟိုတိုက်ကြီးမှာ မြင်လား၊ မကုန်သေးဘူး..... ။ လာ....... တန်းဝင်စီမယ်"
ဖိုးတရုပ်တို့တတွေ ချွေးသံတရွှဲရွှဲနဲ့ အမောတကော တန်းဝင်စီလိုက်ကြတယ်။ ဟာ..... အိုးကြီးတွေကတော့ အများကြီးပဲ။ တော်တော် ဌေးတဲ့အိမ်နဲ့တူတယ်။ အသားဖတ်တွေလဲ ဆန် ပြုတ်ထဲမှာ အများကြီးမြင်ရတယ်။ ဒီဇလုံကိုတော့ အိမ်ထိ သယ်သွားပြီး ည ဆာမှသောက် ရင်ကောင်းမယ်။ ဆန်ပြုတ်အိုးကြီးတွေထဲကို ဖိုးတရုပ် အာသာငန်းငန်းနဲ့ ကြည့်နေတုန်း ဘိုဖြူက လက်လာတို့တယ်။
"ဖိုးတရုပ်...... ဟိုမယ် ငါတို့အတန်းထဲက ကောင်မလေး "
ဖိုးတရုပ်နဲ့ဘဲယား ကြည့်လိုက်တော့ သူ တို့အတန်းထဲမှာ မကြာခဏ ရန်ဖြစ်ကြတဲ့ ကောင်မလေးက ဆန်ပြုတ်တန်းစီတိုးသူများရဲ့ ဆန်ပြုတ်ပွဲတော်ကြီးကို ဘေးကနေလာရောက် ကြည့်တဲ့ ပွဲတော်ကြည့်ပရိသတ်ထဲမှာ..... ။ သူ့ အဖေလား။ လေးလေးလားရဲ့ ဆိုင်ကယ် နောက်မှာ အိုက်စကရင် တပျပ်ပျပ်စားရင်း ထိုင်လို့..... ။ ဖိုးတရုပ်တို့ကို မချိုမချဉ်ကြည့်လို့......။ ဒါ တင်မကသေးဘူး သူက လက်ည‡ိုးလေးကို ကွေး လို့ ကရော်ကရော်လုပ်ရင်း ဖိုးတရုပ်ဆီကို-
"ဟေ့ ဟေ့ ရှက်ပါတယ်၊ သူတောင်းစား တွေကျနေတာပဲ ရှက်ပါတယ်"
အောင်မာ ဘုတ်အီးမကကွာ...... ဟင်း။ ဖိုးတရုပ်တို့ ရှက်သွားတယ်။ ရှက်ဒေါသ ဖြစ်ဖြစ် နဲ့ လူကြီးမမြင်အောင် ဘုတ်အီးမကို ဘဲယားက လက်သီးဆုပ်ပြရင်း ရှေ့ကို တရွေ့ရွေ့တိုးနေရတုန်း အမေ့ဘေးက ဟိုမိန်းမပြောတဲ့ သူတောင်းစားတွေကျနေတာပဲ စကားကို သတိရတဲ့ ဖိုးတရုပ်က စိတ်တင်းသံလေးနဲ့ သူငယ်ချင်းတွေကို မလုံမလဲ-
"ငါတို့မှ ဆုတောင်းစားတွေမှ မဟုတ်တာနော့ကွာ"
"အေးလေ ငါတို့မှ မဟုတ်တာ...... အလကား....."
ဘဲယားက ရှေ့ကိုဖိတိုးတယ်။ ဖိုးတရုပ်တို့ လဲ နောက်ကလိုက်တိုးတယ်။ ဟော အလှည့် ရောက်ပြီ။ ဖိုးတရုပ်တို့ ဇလုံလေးတွေ ထိုးခံ လိုက်ကြတယ်။ ကရော်..... ကရော် ရှက်ပါတယ် ဟေ့။ ဘုတ်အီးမဘက်ကို ဘယ်သူမှ လှည့်မ ကြည့်ကြဘူး။ ဟေ ဟေ့..... ရှက်ပါတယ်။ ဖိုးတရုပ် တို့ရှေ့မှာ ဆန်ပြုတ်အိုးကြီးက အနံ့တွေ တထောင်းထောင်း....... ။

နုနုရည်(အင်းဝ)
သာရမဂ္ဂဇင်း။ ၁၉၈၈ ဒီဇင်ဘာ

၁၉၈၈ ခုနှစ်၊ စက်တင်ဘာ အာဏာသိမ်းပြီးခါစ... ဗမာတပြည်လုံး မြို့ရွာအနှံ့မှာ မြင်နိုင်တဲ့ မြင်ကွင်းလေးတခုကို ခံစားရေးဖွဲ့ပါတယ်။

အကျဉ်းပြတိုက်ထဲကသူရဲကောင်း
ရေးသူ- နိုင်လူ




[ရဲဘော်အောင်ကျော်မိုးအတွက် အမှတ်တရ]

သူ၏ မျက်ဝန်းအစုံမှာ
သူယုံကြည်ရာ
အဖွဲ့အစည်း
လေးရှစ်နှစ်ရှစ်
နိုင်ငံနှင့်လူမျိုး
အတွက်
အသက်ခန္ဒာကို
စတေးမဲ့လူ။


ရဲဘော်အောင်ကျော်မိုး
မင်းပြောတဲ့စကားသံ
ငါကြားယောင်နေဆဲ၊
အကို ဒီကလွတ်ရင်
"ကျွန်တော်တောခိုတော့မယ်"
အေး- ညီလေး
မင်းဘယ်သူ့ကို ပြောသေးလဲ
ကျွန်တော် အကိုတယောက်ထဲပါ။ ။

သူ၏ သတင်းကို
တောင်ငူအကျဉ်းမှ
ကြားလိုက်ရ။
ရဲဘော်အောင်ကျော်မိုး
သာယာဝတီထောင်မှာ
တိုက်ပွဲဝင်ရင်း
ကျဆုံးသွားပြီ။

မင်းဟာ
သူရဲကောင်း
အပေါင်းတို့ရဲ့
သွေးခင်းရာ
လမ်းကြောင်းအတိုင်း
လျှောက်ဝံ့သူ၊
ကျောက်ကောင်းတပွင့်
(သို့)
ပြည်သူ့သားကောင်း
ရတနာကောင်း
တယောက်ဖြစ်ခဲ့သူ။

မင်းရဲ့
နှလုံးသားဟာ
သံမဏိဓါးလိုထက်မျက်
စိန်ထက်မာကျောသူ။
ရန်သူနှလုံးအိမ်ထဲမှာ
စည်းပြတ်မျဉ်းပြတ်
စီးချင်းထိုးရဲသူ။

မင်းဟာ
သာယာဝတီထောင်မှာ
ဂုဏ်ပြောင်စွာ
ကျဆုံးသူ။
ဒါမှမဟုတ်
ရန်သူ့ကျားပစပ်
လှောင်အိမ်ထဲက
ကြယ်နီတပွင့်။

ရဲဘော်အောင်ကျော်မိုးအတွက်အမှတ်တရ

နိုင်လူ
၁၀-၂၀-၂၀၁၁

Saturday, October 22, 2011

ဆရာကြီး သခင်ကိုယ်တော်မှိုင်း၏ ဂန္ဓာရီလေးချိုးကြီး

၁။

သြော် - စံဌာနီ စံဌာနီနှင့်၊ သံသရာလည်ခဲ့တဲ့၊ မြန်မာပြည် ဗရုတ်ဗရက်၊ ပြုတ်ပျက်နန်းဆီက၊ ဂန္ဓာရီ တရုတ် တရက် ကြငှန်းဆီသို့၊ နှုတ်ဆက်စမ်းမယ်လို့၊ ကမ္မဌာန်း ရတုအတိုင်းပေကိုး၊ (အိုကွယ်) ရုတ်တရက် လှမ်းခဲ့ပါတဲ့ ဘန်းတစု မှိုင်းရွှေကိုယ်။


၂။ သြ - ယဉ်စစ အနှူးတွေပေါ့၊ သခင်ဘဦး သခင်လွင်ရဲ့ပြင်၊ အယဉ်တွင် ယှဉ်မရနိုင်တဲ့၊ ခင်လှကလေး တပြောင်ပြောင် စွန်းသူနဲ့၊ မောင်ထွန်းမြင့် ဆိုသူ အမတ်တရှဉ်းရဲ့ပြင်၊ ဒြပ်လင်းသဟာ ဒဂုန်တာရာနှင့်၊ မဖြုံ ရန်တကာ မအောင်သမျှ တင်းမဟဲ့ဆိုတဲ့၊ မောင်လှဝင်း တက္ကသိုလ်ဇာနည်တို့နဲ့၊ တို့ဗမာပြည် ဝေဟင်ယံမှ၊ လေယဉ်ပျံ ကောင်းကင်စခန်းပေပ၊ ဒေါင်းယဉ်ပမာလို မြန်းခဲ့၊ စခန်းတမျိုး သာသာယာယာနှင်၊ တို့ဗမာ အလံအောက်ပေပ၊ ဗန်ကောက် တဆိတ်ဆင်းပြီး၊ အင်္ဂလိပ်ပိုင် ရွှေဟောင်ကောင်မှ၊ ထို့နောင်သော် တလောတဖုံ ခေတ်ဆိုတဲ့၊ အိုး ကောဠုမ္ပရာဇ် တခါဝင်တဲ့ပြင်၊ ရာဇာဘုရင် အလီလီသနင်းတွေရဲ့၊ ပီကင်းဗိုလ်ဝင်ခံကြပြီး၊ ဟို အရင်ယမန် လူ့တခွင် လွမ်းလောက်တဲ့၊ ဗဟိုပလ္လင်ပျံ မုခဒင်စခန်းရဲ့အပြင်၊ လူ့သဘင် တနန်း တည်ရန် ထင်လောက်သည့်၊ တီယန်ဆင် တထောက်မြန်းပြီး၊ ချောက်ကမ်း ကမ္ဘယံဝင်းတွေနှင့်၊ မြောက်နန်းအလံ ခင်းမည်ဟု၊ နန်ကင်းတဖန် ဆိုင်းခဲ့ပြီး၊ ရှံဟိုင်း သာနဂိုရဲ့အပြင်၊ ရာဇဂြိုဟ် ယမန် အဟောင်းကဲ့သို့သော၊ ဟန်ချောင်းမှာ တအားကိုးမဟဲ့လို့၊ ဘုရာပုထိုး ရှိရှဉ်ခိုးပြီး၊ ကျွန်မျိုးခေတ် တခါမကြုံဘို့လို့၊ ပတ္တနာအစုံ ညွတ်ကာပျောင်းတဲ့ပြီး၊ 'မော်စီတုန်း' ဆိုတာ ထိုရာဇာဟာ မဟော် အရည် တနှုန်းလိုသာ ကောင်းပါစေလို့၊ ဒေါင်းရတု မြန်ဗဟိုမှာနော်ကွယ်၊ အပေါင်းတစု အကြောင်းကြောင်းရှုပြီး တောင်းဆုပန်ဆို။

၃။ အနှီစံရာ ဘေးမကင်းတကင်း အရောက်နော် မြန်းခဲ့သော်လည်း၊ ပြည်ဂန္ဓာ သွေးရင်းပေါက်ဖော်တို့ လွမ်းရာက၊ နန်းဆက်၌ စနေခို၊ ရွှေဘိုနှင့် ရတနာပုံအဆင်း၊ (အိုကွယ်) နေညိုညိုမှာဖြင့်၊ ဆရာ အာရုံမကင်း။

၎။ သို့ရာတွင်၊ တို့ဗမာဇာတာတခွင်၌်၊ ဒသာ မမြင် ပြောင်းချိန်သင့်ပြီမို့၊ ဒေါင်းအရှိန် ကောင်းချိန် ဝင့်ပါလိမ့်၊ အခွင့်အခါဟုတ်ပြီမို့၊ အများအစီအရီ၊ တအားညီညီ ထုတ်ကြပေတော့၊ (အမယ်မင်း) အနုတ်စုတ် ဂုတ်စုတ် အပြည်လုခဲ့တဲ့၊ ထာဝရအသင်းတည်းဟူသော၊ ကမ္ဘာဒမြ ရှင်းပေမည့်၊ (သြော်) ကျွန်ပ် အကြည်တစု တို့နှင့်တကွ၊ တရုတ်ပြည်သူ့ မဟာသမတမင်း။

သခင်ကိုယ်တော်မှိုင်း။
[ဒဂုန်တာရာရဲ့ ဧရာဝတီ ယန်စီ ဗော်လဂါ စာအုပ်မှ ကူးယူဖော်ပြပါတယ်။]

Friday, September 30, 2011

ရွှေကိုင်းသားဆရာတော်အနှစ်၁၀၀ပြည့်
ရေးသူ- ဖိုးသံ(လူထု)





{ကောင်းကင် အင်တာနက်စာမျက်နှာက ဒီဆောင်းပါးကို ကြိုက်လွန်းလို့ မာယာမှာ တင်ခွင့်ပြုပါရန် သက်ဆိုင်သူများထံခွင့်ပြုချက် တောင်းပြီး၊ မာယာက ကူးယူဖော်ပြခြင်း ဖြစ်ပါတယ်။ ကျေးဇူးအထူးတင် ပါတယ်၊ ကောင်းကင် နဲ့ ဖိုးသံ(လူထု) ရေ။}

ကျနော် တွေ့ကြုံဖူးသော သံဃာတော်များထဲမှာ သံဃာနဲ့ အတူဆုံး ဘုန်းကြီးတပါးကို ပြောပါလို့ဆိုရင် ကျနော် ပထမဆုံး မဆိုင်းမတွ ပြောလိုက်မိမှာဟာ ဆရာတော်ဦးသောဘိတ ခေါ် ရွှေကိုင်းသားဆရာတော် ပဲဖြစ်ပါတယ်။ ဓမ္မတာပဲ ကျနော့်ဘ၀မှာ သံဃာတော် အများကြီးနဲ့ ထိတွေ့ခဲ့ရပါတယ်။ ကြည်ညိုစရာ သံဃာတွေ အများကြီးကို တွေ့ခဲ့ပါတယ်။ စံကင်း ဆရာတော်ကြီး၊ ဆရာတော်ဦးဇနကဘိဝံသ စသဖြင့် လေးစားကြည်ညိုဖွယ်ရာ ဆရာတော်ကြီးများကို လူကိုယ်တိုင် ဖူးမြော် ကန်တော့ဖူးပေမဲ့ နီးနီးကပ်ကပ် မနေရတော့ သူတို့အကြောင်း ထူးထူးခြားခြား ပြောစရာ မရှိသလိုလို ဖြစ်နေပါတယ်။


ဒါပေမဲ့ ဆရာတော်ဦးသောဘိတ ကတော့ ကျနော်တို့ မိဘများနဲ့ ကျနော် မမွေးခင်၊ သူ လူဝတ်ဘ၀ ကတည်းက သိကျွမ်းခဲ့ပြီး- အသွားအလာ မပြတ်ရှိနေတဲ့ ဘုန်းကြီးမို့ သူ့အကြောင်းကို နှိုင်းစာခြင်းအားဖြင့် အများကြီး သိတယ်လို့ ဆိုနိုင်ပါတယ်။ လူထုသတင်းစာတိုက် ကာလတုန်းကလည်း လူထုတိုက် ကထိန်ဆိုရင် စစ်ကိုင်းတောင်ပေါ်မှာရှိတဲ့ ဆရာတော် သီတင်းသုံးရာ အနုရုဒ္ဓာချောင် ယွန်းကျောင်းနဲ့ ကျနော်နာမည် မေ့နေပြီဖြစ်တဲ့ ၀ါးချက်က ချောင်တို့ကို သွားပြီး ခင်းပါတယ်။ တကယ်က ဆရာတော် သံဃာ့ဘောင်မ၀င်မီ လူဝတ်ဘ၀ ကတည်းက ကြီးပွားရေးမဂ္ဂဇင်းထုတ်နေတဲ့ ကျနော့်အဖေနဲ့ ရင်းနှီးပါတယ်။ ဆရာတော်က သူ့အသက် ၂၂နှစ်၊ ၁၉၄၄ခုနှစ် ကျမှ ဘုန်းကြီးဝတ်တာပါ။ ဒါကြောင့် သူလူဝတ်နဲ့ ရှိစဉ်တုန်းက ကျနော့်အဖေတို့နဲ့ အတူ မင်းကွန်းမှာ တွဲပြီးရိုက်ထားတဲ့ ဓာတ်ပုံကို ကျနော်တို့အိမ်မှာ တွေ့ဖူးပါတယ်။ အဲဒီတုန်းက သူဟာ မန္တလေးမြို့ ကမ္ဗည်းကျောက်စာရုံး (နောင်မှာ ရှေးဟောင်းသုတေသန ဌာနမှာ) အလုပ်လုပ်နေပါတယ်။

ဆရာတော်ဟာ အင်မတန် အိန္ဒြကြီးပြီး စကားကျယ်ကျယ်လောင်လောင် ပြောတာလို့ တခါမှ မတွေ့ဖူး၊ မကြားဖူးပါ။ ရယ်တာတောင်မှ တကယ့်ကို ထိန်းထိန်းသိမ်းသိမ်းနဲ့ ရယ်တာပါ။ ဆရာတော် စိတ်ဆိုး ဒေါသဖြစ်တယ် ဆိုတာလည်း တခါမှ မတွေ့ခဲ့ဖူးပါဘူး။ သူဟာ ဘယ်သူ့အကြောင်းကိုမှ ပြင်းပြင်းထန်ထန်၊ ကြမ်းကြမ်းတမ်းတမ်းလည်း မပြောတတ်တဲ့ သူတော်စင်ပါ။ စကားပြော ငြင်သာလိုက်တာကလည်း မပြောနဲ့၊ အိမ်က ဧည့်ခန်းထဲမှာသူနဲ့ ကျနော့်အဖေနဲ့ ဘေးချင်းကပ်ထိုင်ပြီး ပြောနေတာတွေကို အဖေ့ဘေးမှာထိုင်နေတဲ့ ကျနော်က လုံးစေ့ပတ်စေ့ မကြားရပါဘူး။ မသိတဲ့ လူကဆိုရင် လျှို့ဝှက်ချက် ဆွေးနွေးနေသလားလို့တောင် အောက်မေ့ရမှာပါ။

နောက် ဆရာတော်သီတင်းသုံးတဲ့ ကျောင်းဟာ ဘယ်တော့မဆို အင်မတန် လူသူဝေးပြီး ချောင်ကျ၊ လူပြတ်တဲ့ ကျောင်းတွေချည့် ဖြစ်ပါတယ်။ သူက သူ့ကျောင်းမှာ လူတရုန်းရုန်း စည်ကားနေတာကို မနှစ်သက်ပါဘူး။ ဘယ်လောက်အထိ ချောင်ကျသလဲဆိုရင် တခါမှာ မန္တလေးထုံးစံ တန်ဆောင်မုန်းလပြည့်နေ့ စစ်ကိုင်းဘက်ကို ကထိန်ခင်းသွားကြတော့ သူနဲ့ အတူနေတဲ့ သူတူ ကိုရင် စစ်ကိုင်းလှမြင့် (နောင်ကျတော့ လူထွက်ပြီး လူထုသတင်းထောက် လုပ်တယ်)က မနေ့ညက အဲဒီမြင်နေရတဲ့ မျက်နှာချင်းဆိုင်က သစ်ပင်ပေါ်မှာ ကျားသစ်နှစ်ကောင် ကိုက်နေလိုက်တာ တ၀ုန်းဝုန်းပဲလို့ ပြောပြပါတယ်။ လှမ်းကြည့် လိုက်တော့ အဲဒီသစ်ပင်ဟာ ကိုက်၅၀ လောက်ဝေးတာပါ။ ကြားမှာ ချောက်ကြီးခြားနေလို့သာပေါ့။

ဆရာတော်ရဲ့ နောက်ထူးခြားချက်တခုက အားနာတတ်တာပါ။ သူ ကျနော်တို့အိမ်ကို ကြွမြဲအတိုင်းကြွ လာတယ်ဆိုရင် ကျနော့် အဖေရယ် အမေရယ်က ၀တ်ကြီးဝတ်ငယ်ပြုပြီး စကားပြော ကြပါတယ်။ ဆွမ်းချိန်တန် ဆွမ်းကပ်၊ ဘိလပ်ရည် ချိန်တန် ဘိလပ်ရည်ကပ်ပြီး မဆုံးနိုင်မပြီးနိုင် စကားတွေပြောကြတာပါ။ အဖေတို့ အမေတို့ ထမင်းစားချိန်ရောက်ရင်လည်း ဆရာတော်ကို ဖတ်စရာတခုခု ပေးခဲ့ပြီး ထမင်းစားပြီး နောက်စကား ဆက်ရအောင် စောင့်စေတာပါပဲ။ မန္တလေးမှာ ကျနော်တို့ အိမ်နဲ့ ကိုက်၁၅၀ လောက်ဝေးတဲ့ နေရာမှာ ဆရာတော်ရဲ့ ညီအရင်း လူထုသတင်းစာ သတင်းထောက်ဟောင်း ဦးဘကွန်း ရှိပါတယ်။ ဆရာတော်ဟာ ဦးဘကွန်းအိမ်မှာ အချိန်ပေးတာထက် အဆပေါင်းများစွာပိုပြီး လူထုတိုက်မှာ ထိုင်လေ့ရှိပါတယ်။ ဆရာတော်ဟာ စစ်ကိုင်းက လာတာလို့ ဆိုပေမဲ့ သူ့ခမျာ သူနေတဲ့ ချောင်ကနေ ကားဆိပ်အထိ တစ်နာရီ ကျော်လောက် အတက်အဆင်း လမ်းလျှောက်ပြီးမှ လာရတာဖြစ်ပါတယ်။ ဆွမ်းကို မနက်အစောကြီး ဘုဉ်းပေးပြီး ထွက်ခဲ့တာဖြစ်ပါတယ်။ တခါမှာတော့ တနေ့မှာ အဖေတို့အမေတို့နဲ့ စကားကောင်းနေလိုက်တာ အမေတို့ဟာ သူ့ကို ဆွမ်းကပ်ဖို့ မေ့သွားပြီး မွန်းလွဲ သွားပါလေရော။ ဒါကို ဆရာတော်က ဆွမ်းကပ်ချိန်ရောက်ပြီ ဖြစ်ကြောင်း တခွန်းမဟ၊ တစွန်းတစလေးမှ မပြောပါဘူး။ နောင်မှာ အမေက ဆရာတော် အကြောင်းပြောတိုင်း ဒီကိစ္စကို နောင်တကြီးစွာနဲ့ တဖြစ်တောက်တောက် ပြောလေ့ရှိပါတယ်။

နောက် အမေပြောလေ့ရှိတာ တခုက ဆရာတော်ကို လူထွက်ပြီး သူလုပ်တဲ့ အလုပ်တွေ လုပ်စေချင်တယ် ဆိုတဲ့ အကြောင်းပါ။ ဒီအကြောင်းကို ပြောရင် အမေက “ငါ့စိတ်ထဲမှာ ဦးဇင်း (ဆရာတော်ဦးသောဘိတကို အမေတို့ ခေါ်လေ့ရှိတဲ့ အသုံးအနှုန်း) ကို လူထွက်စေချင် ကို- - ကိုတော့ သင်္ကန်းပြန်ဝတ်စေချင်တယ်” လို့ပြောလေ့ရှိပါတယ်။ ကို- - ဆိုတာက ပါဠိ-သက္ကတ ဘာသာဆိုင်ရာတွေကို ရေးနေတဲ့ ပညာရှိတယောက်ပါ။ ဆရာတော်ဦးသောဘိတရဲ့ ရှေးဟောင်းသုတေသန အလုပ်က အချိန်မမှန်၊ အစားမမှန်ရတဲ့အထဲ သူကလည်း သဲသဲမဲမဲ ပြင်းပြင်းထန်ထန် လုပ်လေ့ရှိတာဆိုတော့ နဂိုကမှ ပါးလှပ်လှပ် သူ့ခန္ဓာကိုယ်လေးဟာ ဒီဒဏ်တွေကို ခံစားရရှာပါတယ်။ ဒါပေမဲ့ သူ့လုပ်ရပ်တွေဟာ တိုင်းပြည်နဲ့ လူသားတွေအတွက် အကျိုးရှိလှတာမို့ အမေတို့ကို သူ့ကိုဒါတွေ ဆက်မလုပ်ပဲ ကျန်းမာရေး ဂရုစိုက်စေတာထက် ကျန်းမာရေးမထိခိုက်ပဲ ဒီလုပ်ငန်းတွေကို ဆက်လုပ်နိုင်အောင် လူထွက်စေချင်တာပါ။ ဒါပေမဲ့ သူ့ကို လူထွက်ပါလို့တော့ ဘယ်လျှောက်လို့ကောင်း ပါ့မလဲ။

မြန်မာနိုင်ငံ မြန်မာမှုအတွက် ဆရာတော် အကျိုးပြုသွားတာတွေက များလှပါတယ်။ ကျနော် အကုန်မသိပါဘူး။ ဆရာတော်ဟာ အင်္ဂလိပ် လက်ထက်ကတည်းက ကျောက်စာလုပ်ငန်း၊ ရှေးဟောင်းသုတေသနလုပ်ငန်း လုပ်လာလိုက်တာ သူ သင်္ကန်းဆည်းလို့ အစိုးရလုပ်ငန်းက ထွက်တဲ့နောက်မှာတောင်မှ ကိုယ့်ဆွမ်းကိုယ် ဘုဉ်းပေးပြီး ထက်ထက်သန်သန် အားတက်သရော လုပ်ခဲ့တာဖြစ်ပါတယ်။ သူ့ပြောစကားတွေကို မကြာမကြာ ကြားဖူးသူတယောက် အနေနဲ့ဆိုရင် သူဟာ အမျိုးသားရေး တာဝန်တရပ်လို သဘောထား လုပ်နေမှန်းသိသာပါ။ သူ့ရဲ့ လူသိများတဲ့ ကျမ်းတွေ၊ စာအုပ်တွေဟာ သူအဲဒီလို ရဟန်းဘ၀ ရောက်ပြီးမှ ရေးတဲ့စာတွေ ဖြစ်ပါတယ်။

သူရေးတဲ့စာအုပ် ဖြစ်လာတာတွေထဲမှာ မန္တလေး(၁၉၄၆ခုနှစ်၊ ကြီးပွားရေးစာအုပ်တိုက်က ထုတ်တဲ့ ခပ်ပါးပါးစာအုပ်)၊ ဆင်ယင်ထုံးဖွဲ့မှု၊နဲ့ အနှစ်(၁၀၀)ပြည့် မန္တလေးတို့ဟာ နာမည်အကြီးဆုံးလို့ ဆိုရမလားပါပဲ။ တခြားလည်း ၀က်မစွပ်မြို့စား ဒုတိယန၀ဒေး၊ ပုညရှင်ဘုရားသမိုင်း၊ ပတ္တမြားစေတီဘုရားသမိုင်း၊ ရတနာစေတီ ဆင်များရှင်ဘုရားသမိုင်း၊ အနှစ် ၆၀၀ ပြည့်အင်းဝ စတာတွေဟာ နာမည်ကြီးပါတယ်။ အသက်၂၀ က စပြီး စာရေးခဲ့တဲ့ ဆရာတော်က ရွှေကိုင်းသားဆိုတဲ့ ကလောင် အမည်အပြင် ရတနာပုံ လှိုင်ခင်အေး၊ ရတနာပုံ ဖိုးမှတ်စု၊ မှတ်စုမောင်၊ မန္တလေးလှိုင်၊ စစ်ကိုင်းဘိုးရာဇာ၊ မန္တလေးသား၊ ဦး သောဘိတ စတဲ့ နာမည်တွေနဲ့လည်း ရေးပါတယ်။

ဆရာတော်က လူ့ဘောင်မှာ၂၂နှစ်လောက်သာ နေလိုက်ရပေမဲ့ ပန်းချီ၊ ကာတွန်း၊ ဓာတ်ပုံရိုက် ပညာတွေကိုလည်း ပညာသည်တယောက်လို တတ်ကျွမ်းပါတယ်။ သူရေးခဲ့တဲ့ ဆောင်းပါးတွေမှာ သာမန်သမိုင်းကိစ္စတွေ သာမဟုတ်ပဲ ဓာတ်ပုံ ဘာသာရပ်အကြောင်း၊ နက္ခတ်တာရာအကြောင်း တို့အပြင် ရာသီအလိုက် ပေါ်တဲ့ ငှက်တွေ အကြောင်းတောင် ပါပါတယ်။

၁၉၅၉ခုနှစ်မှာ ကျင်းပခဲ့တဲ့ မန္တလေး နှစ်တရာပြည့်ပွဲတော်ဟာ အဲဒီ အချိန်အထိ ဗမာပြည်သမိုင်းမှာ တခါမှ မရှိခဲ့ဖူးတဲ့ အထိမ်းအမှတ်ပွဲတော်ဖြစ်ပါတယ်။ ဗမာပြည်သမိုင်းရဲ့ တခြားသမိုင်းဝင် မြို့ကြီးတွေ ဖြစ်တဲ့ ပုဂံ၊ အင်းဝ၊ တောင်ငူစတာတွေဟာလည်း လွန်ခဲ့တဲ့ ရာစုနှစ်ပေါင်းများစွာ ကတည်းက တည်ရှိခဲ့တဲ့ မြို့ကြီးတွေဖြစ်ပါတယ်။ ဒါပေမဲ့ အင်္ဂလိပ် ကိုလိုနီဘ၀မှာ ဗမာ့သမိုင်းကို ဂုဏ်ရောင်တင်တဲ့ ရာပြည့်ပွဲတွေ မလုပ်နိုင်ခဲ့ပါဘူး။ မန္တလေး အနှစ်တရာပြည့်အထိမ်းအမှတ်မှသာ ကျင်းပနိုင်ပါတယ်။ မှတ်မှတ်ရရ ကျနော်တို့ အိမ်ကို ဆရာတော်ဦးသောဘိတ ကြွာလာတဲ့ တမနက်မှာ ဆရာတော်က အဖေနဲ့အမေကို မန္တလေးမြို့ကြီး တည်ထောင်တာ အနှစ်၁၀၀ တင်းတင်းပြည့်တော့မယ်၊ ဒီအတွက် ဂုဏ်ပြုကြသင့်တယ်လို့ ပြောပါတယ်။ အဲဒီတုန်းက ကျနော်လည်း မိဘများ အနားမှာ ရှိနေပါတယ်။ ဒီအခါမှာ အဖေရောအမေရော သိပ်ဝမ်းမြောက် အားတက်သွားပြီး ဂုဏ်ပြုရမှာပေါ့၊ ကျင်းပရမှာပေါ့ဆိုပြီး စတင်လှုပ်ရှားတာ ဖြစ်ပါတယ်။ တခြား ဘယ်သမိုင်းဆရာမှ သတိမပြုမိတာကို ဆရာတော်သတိပြု လှုံ့ဆော်လိုက်လို့ ပေါ်ပေါက်ခဲ့တဲ့ အထိမ်းအမှတ် ပွဲတော်ကြီး ဖြစ်ပါတယ်။

ဆရာတော်ရဲ့ အရည်အချင်းတွေထဲက တခုဟာ စုဆောင်းတာ အင်မတန်ဝါသနာပါတာ ဖြစ်ပါတယ်။ သူ့မှာက ငွေကြေးတပြားတချပ်မှ ရှိတာမဟုတ်တော့ စုဆောင်းထားတာဟာ များလှတယ်၊ စုံလှတယ်တော့ မဟုတ်ပါဘူး။ ဒါပေမဲ့ ကျနော်တို့ အဖို့ကတော့ သူ့ကျောင်းကို ရောက်သွားတယ်ဆိုရင် ကြည့်မ၀ အားမရနိုင်တဲ့ နာရီဟောင်းတွေ၊ ငွေအကြွေစေ့ မျိုးစုံနဲ့ အဲဒီတုန်းက (ကျနော့်အထင်) ဗမာပြည်မှာ အစုံလင်ဆုံးရှိတဲ့ ဗမာပြည် တံဆိပ်ခေါင်းတွေ ဖြစ်ပါတယ်။ ဆရာတော်ဟာ သူကိုယ်တိုင် ရှေးဟောင်း သုတေသနလုပ်ငန်းကို လုပ်နေပေမဲ့ သမိုင်းဆိုင်ရာ ရှေးဟောင်းပစ္စည်းတွေကို စုတာတော့ မလုပ်ပါဘူး။ သမိုင်းဌာနကို ပို့တန်တာပို့၊ ပြတိုက်ကို ပို့တန်တာပို့ လုပ်ပါတယ်။

ဆရာတော်မှာ အင်္ဂလိပ်စာကို ဖြစ်ဖြစ်မြောက်မြောက် မသင်ခဲ့ရတဲ့ အားနည်းချက်ရှိပါတယ်။ ဒါကြောင့် ဆရာတော် မန္တလေးကိုကြွလာတိုင်း ကျနော့် မိဘများကိုမေးစရာ သူဖတ်ရှုလေ့လာရင်း ကြုံတွေ့ရတဲ့ အင်္ဂလိပ်စာလုံးလေးတွေ ယူလာတတ်ပါတယ်။ တခါတလေလည်း ကျနော်တို့ကို မေးတတ်ပါတယ်။ သူက အမြဲပညာလိုနေတဲ့ ပုဂ္ဂိုလ်ပါ။

ဝမ်းနည်းစရာ ကောင်းတာက ဒီလို အင်မတန် ကြည်ညိုဖွယ်ရာကောင်းတဲ့ ရဟန်းတော်ခမျာလည်း လူသာမာန်တွေ နည်းတူ စနစ်ရဲ့ဒဏ်ကို ခံသွားရရှာပါတယ်။ ကျနော် သေချာသိတာ နှစ်ကြိမ်ပါ။ တခါက ကျနော့်ကို လိုက်ဖမ်းတဲ့အခါမှာ ကျနော်က အဖမ်းမခံပဲ ထွက်ပြေးတဲ့အတွက် စစ်အစိုးရ ထောက်လှမ်းရေးက ဒေါပွပြီး အကြီးအကျယ် တောနင်းရှာတော့ တောထဲ တောင်ထဲက ဝေးသီခေါင်လွန်းလှတဲ့ ဆရာတော်ဦးသောဘိတ ကျောင်းကိုလည်း သွားရှာဖွေ စစ်ဆေးတာဖြစ်ပါတယ်။ နိုင်ငံရေးနဲ့ ဘယ်တုန်းကမှ၊ ဘယ်လိုမှ မပတ်သက်ဖူးခဲ့တဲ့ ဆရာတော်ခမျာ အတော်လေးလန့်သွားမှာပဲလို့ အောက်မေ့မိပါတယ်။ နောက်တခါကတော့ ကျနော်အိမ်က ထွက်လာပြီးတဲ့နောက်မှာပါ။ ဆရာတော့်ဆီမှာ တန်ဘိုးရှိတဲ့ ရှေးဟောင်ပစ္စည်းတွေ စုဆောင်း သိမ်းဆည်းထားတာတွေ ရှိတယ်ဆိုပြီး ဓားပြတိုက်ခံရတာပါ။ ယုတ်မာရိုင်းစိုင်းတဲ့ ဓားပြတွေဟာ ဆရာတော်ကို ပစ္စည်းတောင်းတော့ ရိုက်တာနှက် တာလည်း လုပ်တယ်လို့ ကြားရပါတယ်။

၁၉၁၂ခုနှစ်၊ ဇန်န၀ါရီလ၅ရက်၊ သောကြာနေ့တုန်းက စစ်ကိုင်းမြို့ တကောင်းရပ် မွေးခဲ့တဲ့ ဆရာတော်ဟာ ၁၉၈၇ခုနှစ်၊ ဇွန်လ ၂၉ရက်နေ့မှာ ပျံလွန်တော်မူပါတယ်။

မန္တလေး နှစ်တရာပြည့်၊ အင်းဝနှစ် ၆၀၀ပြည့်တို့ကို တပြည်လုံးကို အသိပေးနှိုးဆော်ခဲ့တဲ့ ဆရာတော်ဦးသောဘိတ မွေးဖွားခဲ့တာ လာမယ့်နှစ်မှာ အနှစ်တရာပြည့်ပါပြီ။ မင်းသမီးနဲ့ မော်ဒယ်တွေရဲ့ မွေးနေ့တိုင်းကို ဂုဏ်ပြုနေတဲ့ ဒီနေ့ မီဒီယာ (အများစု)တွေမှာ ဆရာတော့်မွေးနေ့ အနှစ်၁၀၀ပြည့်ကို ဘယ်လို ဂုဏ်ပြုမယ်လို့ရေးတာ မတွေ့ရသေးပါဘူး။

ဖိုးသံ(လူထု)

Monday, September 26, 2011

ကိုလေးမောင်နဲ့ကျနော်
ရေးသူ- ဖိုးသံ(လူထု)



{အရေးတော်ပုံဂျာနယ်၊ အတွဲ ၁၊ အမှတ် ၆။ ၂၀၁၁ ခုနှစ် စက်တင်ဘာလထုတ်က ကူးယူ ဖော်ပြပါတယ်။}

ကျနော့်ဘဝမှာ ပထမဆုံး ရှိုက်ကြီးတငင် ငိုမိတာဟာ ၁၉၇၁ခုနှစ်၊ မေလ ၃ဝရက်နေ့၊ ခန့်မှန်းခြေ အားဖြင့် ညနေ သုံးနာရီခွဲလောက်မှာ ဖြစ်ပါတယ်။

မှန်ပါတယ်။ အဲဒါဟာ ကိုကိုးကျွန်း ၅၃ရက် အစာငတ်ခံ တိုက်ပွဲရဲ့ နောက်ဆုံးနေ့ ဖြစ်ပါတယ်။


ဒီအချိန်မှာ ထောင်အာဏာပိုင်တွေနဲ့ ကျနော်တို့ရဲ့ ခေါင်းဆောင်တွေဖြစ်တဲ့ (လေထီး) ဗိုလ်အုန်းမောင်၊ ဆရာ ရာဂျန်တို့အကြား ဆွေးနွေးတာတွေကို ကျနော်တို့ အကြားမှာ အချိန်မှန် ချပြနေတာမို့ တိုက်ပွဲဟာ ပြီးဆုံးကာနီးပြီ၊ ထောင်အာဏာပိုင်တွေဟာ အလျှော့ပေးရတော့မယ် ဆိုတာကို လူတိုင်းတွက်လို့ ရနေပါပြီ။ နောက်ပြီး ဒိအရင်နေ့တွေတုန်းက ကိုယ့်မျက်စိအောက်မှာပဲ ရဲဘော် ငါးယောက်လည်း ကျဆုံးသွားခဲ့ပါပြီ။ ဒါကြောင့် ကျနော်တို့ အားလုံးဟာ အောင်ပွဲအတွက် ဝမ်းမမြောက်နိုင်သေးပဲ အသက်အန္တရာယ် ရှိနေတဲ့ တိုက်ပွဲဝင် ရဲဘော်တွေအတွက် စိုးရိမ်ပူပန်မှုတွေကို ပုခုံးထက်ထမ်းပြီး အခြေအနေကို စောင့်ဆိုင်းနေကြ ရပါတယ်။ သေတွင်းနှခမ်းမှာ ရောက်နေပြီး ဖြစ်နေတဲ့ လူတွေကလည်း လဲလျောင်းနေတာ မနည်းပါဘူး။

ဒီလိုနဲ့ အဲဒီနေ့ မနက်၁ဝနာရီလောက်မှာ ရဲဘော်မောင်မောင်စိုး (ကျောက်ဆည်က မန္တလေး တက္ကသိုလ်ကျောင်းသား) ကျဆုံးပါတယ်။ ကိုယ်နဲ့အတူတူ တထောင်တည်း၊ တတိုက်တည်းက လာတဲ့ လူမို့လား၊ သေတာတွေ သိပ်များနေပြီဖြစ်လို့လားမသိဘူး၊ သူခြေရင်းမှာ ရပ်ရင်း ဘယ်က ဘယ်လိုကျလာမှန်း မသိတဲ့ မျက်ရည်တွေ ကျလာမိပါတယ်။ ခြောက်ယောက် ရှိသွားပါပြီ။ (နောင်မှာ ထောင်အမှုတမ်းတွေက ဒီလို တယောက်ပြီး တယောက် သေဆုံးနေတာကို ခင်ဗျားတို့တော့ မသိဘူး။ ကျနော်တို့တော့ ကြောက်လိုက်ကြတာ မပြောပါနဲ့တော့လို့ ပြောကြပါတယ်) ကိုကိုးကျွန်းက ထောင်အာဏာပိုင်တွေမှာက ဘာအာဏာမှ မရှိလေတော့ အားလုံး ရန်ကုန်ကို အစီရင်ခံ၊ ရန်ကုန်က ညွှန်ကြားချက်ကို စောင့်လုပ်နေရပြီး အဲဒီ စောင့်နရတဲ့ အချိန်တွေက သိပ်ကြာပါတယ်။ ဒီလိုနဲ့ တမိနစ်ပြီး တမိနစ်၊ တနာရီပြီး တနာရီ ကုန်ရင်း တိုက်ပွဲဝင်သူတွေဟာလည်း ခုခံအားတွေ လျော့ဆင်းရင်း လျော့ဆင်း ကျလာနေပါတယ်။ အဲဒီနေ့ မနက်ပိုင်းမှာပဲ ထောင်အာဏာပိုင်တွေနဲ့ ကျနော်တို့ ခေါင်းဆောင်တွေ တခါ ဆွေးနွေးခဲ့ပါသေးတယ်။

အဲဒီတုန်းက တိုက်ပွဲထဲမှာ မပါတဲ့ ကျနော်တို့လို လူတွေဟာ အလုပ်တာဝန် မရှိရင် တိုက်ပွဲဆောင်တွေ နားမှာပဲ ရစ်သီရစ်သီနဲ့ ထိုင်မရ၊ ထမရ ဖြစ်နေတတ်ကြပါတယ်။ အဲဒီနေ့ကတော့ ကျနော်လည်း အားနေပါတယ်။ ဒီလိုနဲ့ နေ့လည်သုံးနာရီလောက်ကျတော့ ရဲဘော်လေးမောင် အခြေအနေ မကောင်းတော့ဘူး ဆိုတဲ့သတင်း အဆောင်အပြင်ကို လွင့်လာပါတယ်။ ဒါကြောင့် ကျနော်လည်း အဆောင်ထဲကိုဝင်ပြီး ရဲဘော်လေးမောင် လဲလျောင်းနေရာနဲ့ မလှမ်းမကမ်းမှာ ယောင်လည်ယောင်လည် လုပ်နေလိုက်ပါတယ်။ ကျနော်တို့ရဲ့ ဆေးမှူးရဲဘော် ကိုအေးမြင့်က ကျန်းမာရေး အခြေအနေ အလွန်ဆိုးဝါးနေတဲ့ တိုက်ပွဲဝင်ရဲဘော် လေကောင်းလေသန့် ရဖို့အတွက် မလိုအပ်ပဲနဲ့ အနားမလာရဘူးလို့ သတ်မှတ်ထားပါတယ်။ ဒါကြောင့် ကျနော်လည်း အဆောင် အဝင်ပေါက်အနားမှာပဲ ရပ်ပြီး လည်တဆန့်ဆန့် ကြည့်နေခဲ့ပါတယ်။ ကျနော်နဲ့ နီးနီးမှာက ရှစ်ယောက်မြောက် နောက်ဆုံးကျဆုံးတဲ့ ရဲဘော်ထွန်းဝင်း လဲလျောင်းလျက် ရှိနေပါတယ်။ ခဏအကြာမှာတော့ ကိုလေးမောင် ငယ်ချေးပါတယ် ဆိုတဲ့သတင်း ရောက်လာပါတယ်။ အခြေအနေ ဆိုးသွားပါပြီ။ ကျနော်တို့ရဲ့ အတွေ့အကြုံ အရဆိုရင် အဲဒီလို ငယ်ချေးပါပြီဆိုရင် မရတော့ပါဘူး။ အချိန်ပိုင်း အတွင်းမှာ ဆုံးသွားတာပါပဲ။ ဒါကြောင့် ကျောက်ပန်းတောင်းက ကျောင်းသားရဲဘော်ကိုအောင်ဘော် (၁၉၇၅ တုန်းက ပဲခူးရိုးမမှာကျဆုံးသွားသူ) နဲ့အတူ တယောက်လက်ကို တယောက်ကိုင်ပြီး ကျနော်အထဲကို ဝင်သွားပါတယ်။ ကိုလေးမောင်ကို လှမ်းမြင်နေရတဲ့ နေရာအထိ လျှောက်သွားလိုက်ပါတယ်။

ကိုလေးမောင်ရဲ့ နံဘေးမှာ ကိုအေးမြင့်နဲ့ ခေါင်းဆောင် ရဲဘော်တွေနှစ်ဦးဖြစ်တဲ့ ဆရာရာဂျန်နဲ့ ဦးအုန်းမောင်တို့ နှစ်ယောက်ပဲ ရှိပါတယ်။ ဘာမှမကြာပါဘူး။ ကိုအေးမြင့်က ကျနော်တို့ဘက်ကို လှည့်ပြီး ခေါင်းယမ်းပြတာ တွေ့လိုက်ရပါတယ်။ သေချာသွားပြီပေါ့။ ဘာကြောင့်မှန်းမသိဘူး ကျနော်ဟာ ကျနော့်ဘေးမှာ ရပ်နေတဲ့ ကိုအောင်ဘော်ရဲ့ ပုခုံးပေါ် ခေါင်းတင်ပြီး သဲကြီးမဲကြီး ငိုချလိုက်မိပါတယ်။ ဒိအယင်က ကျနော့် တသက်မှာ တခါမှ ဒီလို မငိုဖူးသလို ကိုကိုးကျွန်းမှာ တခြား ဘယ်သူမှလည်း ဒီလိုငိုတာ မတွေ့ဖူးသေးပါဘူး။ ငိုလိုက်လို့လည်း ရင်ထဲမှာ ပေါ့မသွားပါဘူး။ အဲဒီနောက် ရဲဘော်ထွန်းဝင်းကျတော့ ငိုအားတောင် မရှိတော့တာ သတိထားမိပါတယ်။ ငိုတာဟာ တခြားရဲဘော်တွေ အင်တာနေရှင်နယ်သီချင်းကို ဆိုကြတော့မှ (ရဲဘော်တယောက် ကျဆုံးတိုင်း ကျန်လူအားလုံးက အင်တာနေရှင်နယ်-နိုင်ငံတကာ့သီချင်းကိုဆို၊ ကြွေးကြော်သံတွေ တိုင်ကြပါတယ်) ငိုတာရပ်ပြီး တချက်တချက် ရှိက်ရင်း သီချင်းကို လိုက်ဆိုနေခဲ့ပါတယ်။

အဲဒါ သူနဲ့ ကျနော်နဲ့ ခွဲရတဲ့နေ့ပါပဲ။

စတွေ့တာက သူနေတဲ့ “အိမ်ဖြူတော် အမည်ရ ထုံးဖြူသုတ်ထားတဲ့ ကပ်တဲတလုံးရဲ့ အပေါ်ထပ်မှာပါ။ သပိတ်ရောင် ထနေတဲ့ အသားအရောင်နဲ့ လူက ဖြူစင်ရိုးသားလှတဲ့ အပြံးနဲ့ ကျနော့်ကို ဆီးကြိုပါတယ်။ သူဟာ "ကျုပ်တို့ မြို့ကတော့ ဆေးလိပ်နဲ့ ကွန်မြူနစ်ပဲ ထွက်တယ်" လို့ တချို့သူတွေ ပြောလေ့ရှိကြတဲ့ မြင်းခြံကပါ။ ဆေးလိပ်လည်း အသေအလဲ ကြိုက်ပါတယ်။

ကျနော်က သူနဲ့ မတွေ့ဖူးခင်ကတဲက သူ့နာမည်နဲ့ သူ့အကြောင်းကို ကြားဖူးနေပါတယ်။ တက္ကသိုလ်ကျောင်းသား အရွယ်တွေဆိုတော့ လူတယောက် အကြောင်းမိတ်ဆက်ပေးရင် ဟုတ်တာလည်းပါ၊ ကားတာလည်းပါ၊ ရီစရာလည်းပါ၊ အားကျစရာလည်းပါပေါ့။ ဒီတော့ သူ့ကို မတွေ့ဖူးမီ ကတည်းက သူ့ကဗျာတွေကို ဖတ်ဖူး၊ သူ့ချစ်ဇာတ်လမ်းလည်း ကြားဖူးနေပါတယ်။ သူက ကျနော့်ထက် ၆နှစ်လောက် ကြီးပြီး တက္ကသိုလ်ကိုတော့ ၃-၄နှစ် လောက် စောရောက်နေပါတယ်။

ကျနော် တက္ကသိုလ်ရောက်တဲ့ ပထမနှစ်မှာ နောက်ဆုံး သမဂ္ဂ ရွေးကောက်ပွဲကို ကြံခဲ့ရသလို အဲဒီနှစ်က ကျောင်းသား ညီညွတ်ရေးတပ်ဦး ညီလာခံမှာ ကျနော်ဟာ တပ်ဦးကောင်စီဝင် ဖြစ်ခဲ့ပါတယ်။ ကောင်စီဝင်ဆိုတာ အဖွဲ့ဝင်ကို ပြောတာပါ။ နိုင်ငံရေးတွေ ဘာတွေ နားလည်လို့ ဆိုတာထက် ကျောင်းသားသမဂ္ဂ လုပ်တာကောင်းတယ်၊ ကျောင်းသားတွေအပေါ်မှာ ဖိနှိပ်မှုတွေ ရှိနေတယ် စတဲ့ အင်မတန်ရိုးစင်းတဲ့ အသိတွေကြောင့် သမဂ္ဂလုပ်ငန်းတွေကို တက်တက်ကြွကြွ လုပ်ခဲ့တာပါ။ အတူလုပ်ရတဲ့ လူတွေကလည်း ကျနော်တို့ လူထုတိုက်ကို ဝင်ထွက် ဖူးသူတွေ၊ ကျနော့်အကိုနဲ့ ရင်းနှီးသူတွေ ဖြစ်နေတော့ အလွယ်တကူပဲ တွဲလုပ်လို့ရပါတယ်။ ကိုယ်က သာသနာပြုကျောင်းက လာတာဆိုတော့ တချို့ ကျောင်းနေဘက်ဟောင်းတွေက မျက်မှောင်ကုတ် ကြည့်ကြပါတယ်။ ဒါပေမဲ့ ကျနော် ကျောင်းရောက်ပြီး ကတည်းက တိုက်ပွဲတွေ ဆက်တိုက်ပေါ်တာ ဆိုတော့ သူတို့က အပြစ်တင် အထင်သေးတာတော့ မရှိပါဘူး။

၁၉၆၂ ခုနှစ်မှာ ၇ရက်ဇူလိုင် အရေးအခင်း ဖြစ်လိုက်တော့ တာဝန်ရှိတဲ့ သမဂ္ဂခေါင်းဆောင်နဲ့ ကျောင်းသားညီညွတ်ရေး တပ်ဦး ခေါင်းဆောင်တွေ အဖမ်းခံသူခံရ၊ ပြေးသူပြေး၊ ပုန်းသူပုန်း ဖြစ်ကုန်ကြ ပါတယ်။ ဒါပေမဲ့ ဒီ လူသတ်ပွဲနဲ့ သမိုင်းဝင် ရန်ကုန်တက္ကသိုလ် ကျောင်းသားများသမဂ္ဂ အဆောက်အဦကြီးကို ဖျက်ဆီးထားတဲ့ အရှိန်ကြောင့် ကျောင်းသားတွေဟာ ဘာကိုမှ မကြောက်ဘူး၊ မကြေဘူး ဖြစ်နေကြပါတယ်။ ဒီလိုအခါမှာ ကျောင်းသားတွေအတွက် ခေါင်းဆောင်မှု လိုအပ်နေပါတယ်။ သမဂ္ဂကို သူတို့ သတိရကြ ပါတယ်။ ဒါကြောင့် ပြေးလွှားပုန်းလျှိုးနေကြတဲ့ ခေါင်းဆောင်တွေက ရှိနေသေးတဲ့၊ လွတ်လွတ်လပ်လပ် လှုပ်ရှားလို့ ရနေတဲ့ ကိုယ့်လူတွေကို လှုပ်ရှားကြဖို့ စီစဉ် တိုက်တွန်း ပါတယ်။ ကျနော်က အဲဒီတုန်းက ၁၆-၁၇နှစ် သားပါ။ ဒါပေမဲ့ ကျနော့်ကို ဆက်သွယ်ရတာလည်းလွယ်၊ ကျနော်က ပေါ့ပေါ့ပါးပါးလည်း လှုပ်ရှားနိုင်တော့ ကျနော့်ဟာ အဓိက လှုပ်ရှားသူတွေထဲမှာ ပါနေပါတယ်။ နောက်တော့ ကျောင်းသားတွေနဲ့ ပြည်သူတွေရဲ့ မပြတ် တိုက်ပွဲဝင်မှုကြောင့် ဖမ်းထားသူတွေကို စစ်အစိုးရက ပြန်လွှတ်ရပါတယ်။ တဆက်ထဲမှာပဲ ရှောင်တိမ်းနေသူတွေလည်း အကုန် ပြန်ရောက်လာကြပါတယ်။

ကျနော်တို့ တခါတည်း လုပ်ငန်းတွေကို အရှိန်မြှင့် လုပ်တော့တာပါပဲ။ မန္တလေးမှာလည်း အဖျက်ခံရတဲ့ သမဂ္ဂရုံးကွက်လပ် ရှိပါတယ်။ အဲဒီမှာ အစည်းအဝေးတွေလုပ်၊ တက္ကသိုလ်အဝင်နားက ပန်းခြံထဲမှာ ကျောင်းသားညီညွတ်ရေးတပ်ဦး ညီလာခံကိုလုပ်၊ သမဂ္ဂရွေးကောက်ပွဲ ကျင်းပဖို့ ပြင်ဆင်ကြ စတာတွေ ဒလဟော လုပ်ကြပါတယ်။ ဒါပေမဲ့ ဒါဟာ ဘာမှ မကြာလိုက်ပါဘူး။ ကျောင်းသားတွေနဲ့ သမဂ္ဂအပေါ် အညှိုးအတေးကြီးလှတဲ့ ဗိုလ်နေဝင်းဟာ ၁၉၆၃ခုနှစ် ငြိမ်းချမ်းရေးဆွေးနွေးပွဲကို ဖျက်ပြီးတဲ့အခါမှာတော့ သူတို့ကို ဆန့်ကျင်သူမှန်ရင် ထောင်ထဲ၊ ဒါမှမဟုတ် တောထဲမှာပဲ ရှိစေရမယ်ဆိုတဲ့ ပိုင်းဖြတ်ချက်နဲ့ ဆန့်ကျင် သူမှန်သမျှကို ဖမ်းရာမှာ ကျောင်းသားတွေ ထိပ်က ပါကုန်ပါတော့တယ်။ ဒီအခါမှာ ကျန်ရစ်တဲ့ ကျနော်တို့တတွေအဖို့ "မနွဲ့ကြစတမ်း" ဖြစ်လာပါတယ်။
အဲဒီလို လက်ကျန်တက်ကြွသူတွေကို စုစည်းရင်းနဲ့ ပဲခူးရိုမမှာ မှားယွင်းစွာ အသတ်ခံ လိုက်ရတဲ့ ကိုကျော်ခင်က တနေ့မှာ ကျနော့်ကို ကိုလေးမောင်နေတဲ့ဆီကို ခေါ်သွားတာဖြစ်ပါတယ်။ အိမ်ဖြူတော်တဲထဲက စာပွဲတလုံးမှာ တကုပ်ကုပ်နဲ့ စာရေးနေသူဟာ ပုဆိုးဒူးဆစ်နား၊ ပင်နီအင်္ကျီ ရင်ပပ်ဟပြဲနဲ့ ခဲထားတဲ့ ဆေးပေါ့လိပ်ကို ဖြုတ်ပြီး ပြုံးပြ နှုတ်ဆက်ပါတယ်။ လူတယောက်ကို မြင်လိုက်ရတာနဲ့ ခင်မင် ယုံကြည်သွားရတယ်ဆိုတာ ကိုလေးမောင်လို လူနဲ့တူပါတယ်။ သူ့ရဲ့ ဟန်ဆောင်မှု ကင်းတဲ့ ဖော်ရွေမှုနဲ့ ပြောနည်းဆိုဟန်ဟာ တဘက်သားကို ကိုယ် စိတ်ချလက်ချ ပေါင်းသင်းတိုင်ပင်နိုင်တဲ့ လူတယောက်ဖြင့် တွေ့ပြီလို့ ခံစားမိစေပါတယ်။ သူဟာ သူနဲ့ အမြင် မတူလို့ ငြင်းခုံရင်တောင်မှ "ဟောဗျာ" ဆိုပြီး သူ့အမြင်ကို ပြုံး-ပြုံးနဲ့ ပြန်ပြောတတ်သူပါ။
ဒီလိုနဲ့ သူနဲ့ ကျနော်ဟာ ကိုကျော်ခင်၊ ကိုလေးမောင် အပြင် ကဗျာဆရာ ကိုကြည်လင်(ကိုကြည်အောင်)၊ ကဗျာဆရာမ မစိမ်းပင်၊ ကိုအောင်ငြိမ်း(မြင်းခြံ)၊ မန္တလေးထောင်ထဲမှာ ကျဆုံးသွားတဲ့ ကိုဌေးလှ စသူတွေနဲ့ လှုပ်ရှားကြပါတယ်။ မြေအောက်လှုပ်ရှားကြတာ ဖြစ်လို့ တခြား ကျနော်မသိသူတွေလည်း ရှိမှာ သေချာပါတယ်။ အဲဒီအထဲက တချို့ကို ၁၉၆၆ခုနှစ် ထောင်ထဲရောက်တော့ သိရ၊ တွေ့ ရပါတယ်။

ထောင်ထဲကို ကျနော်က သူ့အရင်လေးငါးရက် စောရောက်ပါတယ်။ ကျနော့်ကို ဖမ်းပြီး နောက်တနေ့မှာပဲ မန္တလေးထောင်ထဲပို့ လိုက်တာဖြစ်ပြီး သူ့ကိုတော့ ထောက်လှမ်းရေးရုံးမှာ ချုပ်စစ်နေလို့ ကျနော့်နောက်မှာ ရောက်လာတာပါ။ အဲဒီတုန်းက မန္တလေး ထောင်က မန္တလေးနန်းတွင်းထဲမှာ ဖြစ်ပြီး နှစ်တိုက်မှာ သူက အခန်း(၁)၊ ကျနော်က အခန်း(၂)ပါ။ အဲဒီအချိန်က စပြီးသူဟာ ကျနော့်ရဲ့ ရိုးရိုးရဲဘော်ရဲဘက် တင်မကတော့ပဲ အတွေးအခေါ်အယူအဆ အရှုပ်အထွေး ရှိရင် အကြံဉာဏ်ကောင်း ပေးနိုင်သူအဖြစ် နှီးနှော တိုင်ပင်ရတဲ့ ရဲဘော်တဦး ဖြစ်လာပါတယ်။ တခါမှ ထောင်မကျဖူးသူတွေ ထောင်ထဲရောက်ကြတော့ ဓမ္မတာပဲ ကျနော်တို့ထဲမှာ အတွေးအခေါ် ယိမ်းယိုင်တာတွေ ကျဆင်းတာတွေဖြစ်တာ မဆန်းပါဘူး။ အဲဒီလို ရဲဘော်တွေကို ကိုလေးမောင် ဆွေးနွေးထိန်း ထားခဲ့တာကို ကျနော် အခုအထိမှတ်မိ နေပါတယ်။

ထောင်ထဲမှာက အဖွဲ့အစည်းပေါင်းစုံ၊ လူမျိုးပေါင်းစုံနဲ့တွေ့ဆုံ ဆက်ဆံကြရလေ့ ရှိပါတယ်။ ဒီအခါမှာ နိုင်ငံရေးအကျဉ်းသား အချင်းချင်း တဦးနဲ့တဦး အာဃာတတွေ ဖယ်ရှားဖို့ဟာ အင်မတန်မှ အရေးကြီးလှပါတယ်။ အဲဒီတုန်းက ကျနော်တို့အဖို့ ဒီလို အနေအထား မျိုးတွေအတွက် ကိုလေးမောင်ဟာ အကောင်းဆုံး သံတမာန်ပါပဲ။ ဆိုလိုတာ သူ့ကို တခြားအဖွဲ့အစည်းက လူတွေ (ဗကပအပေါ် အင်မတန်အာဃာတ ထားလေ့ရှိတဲ့ အလံနီတွေအပါ) ဟာ သူ့ကို ခင်ခင်မင်မင်လေးလေး စားစား ဆက်ဆံကြပါတယ်။ သံဃာတော်တွေ၊ သူဌေးတွေ၊ အလုပ်သမား-လယ်သမားတွေ၊ ကျောင်းသားလူငယ်တွေ၊ ထောင်ဆိုတာ အလွှာတွေက စုံပါဘိသနဲ့။ ဒါ့အပြင် ထောင်ဝါဒါလို အောက်ခြေအမှုထမ်းတွေ၊ ထောင်ကျတွေ၊ ဒီလိုဟာတွေနဲ့ ဆက်ဆံရာမှာလည်း ကျနော်တို့က သူ့ကိုပဲ ရှေ့တွန်းပို့လေ့ ရှိကြပါတယ်။

ကိုကိုးကျွန်းပေါ်ရောက်ပြီး နောက်နှစ်ရက်၊ သုံးရက်အကြာ၊ တညမှာ ကျနော်တို့က ဗိုလ်အုန်းမောင်နဲ့ ဆရာရာဂျန်တို့ဆီမှာ ခွင့်တောင်းပြီး မန္တလေး ထောင်ကလာတဲ့ ကျနော်တို့ အမှုတွဲ ကျောင်းသားလိုင်းက လူတွေ အစည်းအဝေး လုပ်ကြပါတယ်။ အဲဒီအစည်း အဝေးမှာ အားလုံးကပဲ ကျနော်တို့ အစုရဲ့ ခေါင်းဆောင်အဖြစ် အသိအမှတ်ပြုပြီး ဆွေးနွေးပွဲကို ဦးစီးစေခဲ့ပါတယ်။

မိတ်ဆွေပဲဖြစ်ဖြစ်၊ သူငယ်ချင်းပဲဖြစ်ဖြစ်၊ အခက်အခဲတွေထဲမှာ အတူဖြတ်သန်းခဲ့သူတွေဟာ ပိုရင်း၊ ပိုသံယောဇဉ် ရှိကြတယ် ဆိုတာ အထူးပြောစရာ မလိုပါဘူး။ ဒီတော့ မြေအောက်လုပ်ငန်းမှာ၊ ထောင်ထဲမှာ၊ ကိုကိုးကျွန်းမှာ အတူဖြတ်သန်း၊ ဆွေးနွေးတိုင်ပင်ခဲ့တဲ့လူတွေချင်း ဘယ့်ကလောက် သံယောဇဉ်ကြီးတယ် နားလည်နိုင်ကြပါတယ်။ ရဲဘော်ရဲဘက် သံယောဇဉ်ဆိုတော့ ကိုယ့်အတွက် လိုအပ်ရင် သူဟာ အသက်ပေးမယ့် လူလို့ ယုံကြည်နားလည်ထားသလို၊ ကိုယ်ကလည်း သူ့လို ရဲဘော်တွေအတွက်ဆိုရင် အသက် ပေးနိုင်ရမယ်လို့ အမြဲ နှလုံးသွင်းထားကြတာပါ။ သေရွာသွားတာကို အိမ်ပြန်သလို သဘာထားတယ်ဆိုတဲ့ အဆိုစကားတခုကို ကိုကိုးကျွန်းမှာ ကျနော်တို့ရဲဘော်တွေ အတော်ကိုးကား လေ့ရှိကြပါတယ်။ တရုတ်သူရဲကောင်းတယောက်ရဲ့ စကားလို့ မှတ်မိနေပါတယ်။ ဒါပေမဲ့ အခုလို သူစောစောစီးစီး ကျဆုံးသွားတော့ ကျနော် စိတ်မထိန်းနိုင်အောင် ဖြစ်ခဲ့ပါတယ်။

အသက်ရှင်ဆဲ လူတွေဟာ ကွယ်လွန်သွားပြီးဖြစ်တဲ့ လူတွေအကြောင်းကို ပြောဆိုစဉ်းစားတိုင်း "သူသာ အခု ရှိနေသေးရင်….." ဆိုတာမျိုး ပြောလေ့ရှိကြပါတယ်။ ဝန်ခံပါတယ်။ ကျနော်လည်း ဒါမျိုး စဉ်းစားမိတာ အကြိမ်ကြိမ်ပါပဲ။ ဒီနေရာမှာ ကျနော် ဘာစဉ်းစားတယ်ဆိုတာအရေးမကြီးပါ။ အရေးကြီးတာက ကျနော်သူ့ကို မကြာခဏ စဉ်းစားမိတယ် ဆိုတာပါ။ သူဟာ ကျနော့် အပါးမှာအမြဲ ရှိနေသလိုပါပဲ။

ဟုတ်ကဲ့ ငိုခဲ့ပါတယ်။ ရဲဘော်လေးမောင်အတွက် ကျနော် ငိုခဲ့သလို ကျနော် ရဲဘော်လေးမောင် အတွက်လည်း သူ့ရဲ့ယုံကြည်ချက်တွေကို အကောင်အထည် ဖော်နေပါတယ်။

ဖိုးသံ(လူထု)

Friday, September 9, 2011

ရောက်ရာအရပ်က ဆက်သွယ်ပါ ရဲဘော်အောင်မြတ်ထွန်းရေ…
ရေးသူ- မောင်မင်းရာ





ရင်ထဲ စူးနစ်နာကျင်
သွားတဲ့ ခံစားချက်တခု ၂၀၁၁ ခု၊ စက်တင်ဘာ ၂ ရက်၊ သောကြာနေ့ ညနေက ရလိုက်တယ်။ ဝမ်းနည်းထိခိုက်လွန်းလို့ မျက်ရည်တွေတောင် စီးကျလာတယ်။ မော်ကြီး (ကိုခင်မော်) တယ်လီဖုံးဆက် အကြောင်းကြားလို့ လက်ခံ စကားပြောနေရင်း မျက်ရည်တွေ စီးကျလာတဲ့ အဖိုးကို တအံ့တသြ ကြည့်နေကြတဲ့ မြေးမလေးနှစ်ယောက်ရှေ့မှာ ကမန်းကတန်း မျက်ရည်သုတ်လိုက်ရတယ်။

ဒီသတင်းမလာခင် လေးရက်လောက်မှာ လာတဲ့သတင်းက ဗမာပြည်တွင်းက မိတ်ဆွေတယောက်ပို့တဲ့ internet email သတင်း ဖြစ်ပါတယ်။ "လိပ်ကလေး" နေမကောင်းလ
ို့ ဆေးရုံတင်ထားရတယ်တဲ့။ သူ့ဆီက သတင်းကို ရရချင်း ၇၀ ခုနှစ်လွန်တွေက အင်းစိန်ထောင်မှာ သေဖော်ရှင်ဘက် မော်ကြီးဆီကို ဖုံးခေါ်လိုက်တယ်။ သတင်းလည်း ပေးရင်း၊ နောက်ဆက်တွဲ သတင်းအပြည့်အစုံ စုံစမ်းပေးဖို့ အကူအညီ့ တောင်းလိုက်တာ။ မော်ကြီးနဲ့ ကိုယ်နဲ့ "လိပ်ကလေး" ကျန်းမာရေးအတွက် ကူညီထောက်ပံ့ကြဖို့လည်း တိုင်ပင်ကြတယ်။


"လိပ်ကလေး" ဆိုတာက ဘာလဲ။ ဘယ်သူလဲ။

ဒီနံမည်ကို ဆရာဗန်းမော်တင်အောင်၊ ဆရာမြသန်းတင့်၊ ဆရာရာဂျန်၊ လေထီးဦးအုန်းမောင် တို့ကအစ… ဖိုးသံချောင်း၊ ဇော်ဝင်းကို၊ နီအောင်မေသု(ကွယ်လွန်) တို့အထိ လေးစားစွာ ချစ်စနိုး ခေါ်ဝေါ်သုံးစွဲကြတဲ့ "ကိုထွန်းအောင်ကျော်" ပါပဲ။

ကိုကိုးကျွန်းမှာ ဒီဆရာကြီးတွေနဲ့ အတူ အကျဉ်းကျခံရစဉ်က ကိုထွန်းအေ
ာင်ကျော်က ကျောင်းသား အရွယ် လူငယ်တယောက်။ ကျွန်းမှာက နံမည်တူရှိတဲ့အခါ ခွဲခြားသတ်မှတ်တဲ့ အနေနဲ့ နံမည်မှာ ဝိသေသထူးတွေ တပ်ခေါ်လေ့ရှိတယ်။ ဦးတင်အောင် နံမည်ချင်းတူသူ နှစ်ယောက်အတွက် ဗန်းမော်တင်အောင်၊ ခေါင်းဖြူ တင်အောင် တဲ့…။ ကိုထွန်းအောင်ကျော်ကိုလည်း လိပ်ခေါင်းရောဂါ ရှိသူမို့ "လိပ်ကလေး-ထွန်းအောင်ကျော်" လို့ ချစ်စနိုး ခေါ်ကြတာ ကြားဖူးပါတယ်။

"လိပ်ကလေး" ကျွန်းက ပြန်လာပြီးတော့ ၁၉၇၆ မှာ မှိုင်းရာပြည့်အရေးအခင်း
နဲ့ ယှဉ်တွဲပေါ်ပေါက်တဲ့ "မီးမောင်းစာစောင်" အမှုမှာ ခေါင်းဆောင်တဦး အဖြစ်နဲ့ နောက်ထပ်တခါ ထောင်ကျရပြန်တယ်။ ၉ နှစ် ကျတယ်။ ၁၉၈၀ မှာ နိုင်ငံတော်ကောင်စီ ၂/၈၀ လွတ်ငြိမ်းချမ်းသာခွင့်နဲ့မှ ပြန်လွတ်လာခဲ့တယ်။

"လိပ်ကလေး" နဲ့ ကျနော်က အင်းစိန်ထောင်၊ အထူးဆောင
်မှာ သိကျွမ်းခဲ့တာ ဖြစ်ပါတယ်။ သူ့ကို ထောင်ထဲမှ လက်ဝဲ လက်ျာ၊ အဖြူရောင် အားလုံးက ချစ်ခင် လေးစားကြတယ်။

အဲဒီတုန်းက အင်းစိန်ထောင် အထူးဆောင်မှာ ထောင်ဝင်စာကနေ စာအုပ်သွင်းခွင့်ရတယ်။ ကျနော်က စာအုပ်တွေ အတော်များများ သွင်းသူတယောက်။ တချို့စာအုပ်တွေ သွင်
းခွင့်ရသလို၊ တချို့စာအုပ်တွေ သွင်းခွင့်မရခဲ့ဘူး။ သွင်းခွင့်မရလို့ ထောင်ဝင်စာ လာတွေ့သူ အိမ်ကလူတွေလက်ထဲ ပြန်ထည့်ပေးနိုင်ခဲ့သလို၊ အာဏာပိုင်တွေက သူတို့ စစ်ဆေးအုန်းမယ်ဆိုပြီး စာအုပ်ကို ယူထားလိုက်လို့ ဆုံးကုန်တာတွေလည်း ရှိတယ်။

"လိပ်ကလေး"က ကျနော့်ကို Stalin ရဲ့ Short History of CPSU(B) ထဲက Dialectical Materialism အခန်းကိုပဲ၊ ဖြုတ်ထုတ်ပြီး သွင်းဖို့ အကြံပြုလာတယ်။ စာအုပ်က တအုပ်လုံးဆိုရင် အတော်ကြီး ထူသလို၊ အာဏာပိုင်တွေကလဲ ခွင့်ပြုမှာ မဟုတ်ပါဘူး။ ဖြဲထုတ်ထားတဲ့ စာအုပ်အပိုင်းကို ကျနော်တို့ အောင်မြင်စွာ တင်သွင်းနိုင်ခဲ့တယ်။ နောက်တော့ သူက Peking Review တွေ သွင်းဖို့ အကြံ
ပုပြန်တယ်။ အာဏာပိုင်တွေက အင်္ဂလိပ်စာ ကောင်းကောင်းမတတ်ပေမယ့် စာအုပ်အဖုံးမှာ အနီရောင်တွေ၊ တူတံဇင်တွေ၊ ကြယ်တွေ၊ တရုတ်စာတွေ မြင်ရင် ဘုမသိ ဘမသိ သွင်းခွင့် မပြုခဲ့ဘူး။ ထောင်အကြောင်းစာအုပ်ဆို သွင်းခွင့်မရဘူး။

တခါ ဖြစ်ဖူးတယ်။ မောင်သာရ ရေးတဲ့ "ကြောင်ကိုဘယ်သူခြူဆွဲမလ"ဲ စာအုပ်ကို အဖုံးက နံမည်ပဲ ဖတ်ပြီး အဆောင်မှူး စစ်ထောက်လှမ်းရေး တပ်ကြပ်ကြီးလှရွှေက သွင်းခွင့် ပြုလိုက
်တယ်။ နောက်တပါတ် ထောင်မှူးလေး ဦးဘိုနီ အလှည့်မှာ သွင်းလို့ မရခဲ့ဘူး။ ဦးဘိုနီက လုပ်သားကောလိပ်က မြန်မာစာအဓိကနဲ့ ဘွဲ့ယူလာသူဆိုတော့ စာလေးဘာလေး နည်းနည်းဖတ်မှတ်တဲ့ ဗဟုသုတနဲ့ ဒီစာအုပ်ဟာ ဘာအကြောင်းရေးတာလဲ သိပြီး သွင်းခွင့်မပြုခဲ့ဘူး။

ကျနော်က အိမ်ကို ထောင်ဝင်စာမှာ တရုတ်တန်းက တရုတ် လမုန့်၊ ပဲမုန့်၊ မာလောက်လို့ ခေါ်တဲ့ နှမ်းမုံ့တွေကို အပတ်တိုင်း မှာတာမို့၊ မုံ့ထည့်ပေးတဲ့အခါ Peking Review တွေကို စက္က
ူအိတ် လုပ်ပြီး ထည့်ခိုင်း ရတယ်။ အာဏာပိုင်တွေ ကျနော့်ဆီက တောင်းစားလေ့ရှိတဲ့ ဒီတရုတ်မုံ့တွေဟာ Peking Review အုပ်လိုက်ကို စက္ကူအိတ်လုပ်ပြီး သွင်းပေးမှန်း မသိကြရှာဘူး။

ကိုထွန်းအောင်ကျော် "လိပ်ကလေး" နံမည်ကနေ "ဆရာကြီးကြွက်
" နံမည် ပြောင်းသွားရတာက ဒီလို။ ထောင်ထဲမှာ ကျနော်တို့ အစာရေစာ ပြတ်တဲ့အခါ ထောင်ကြွက်ကြီးတွေကိုလဲ ဖမ်းစားကြတယ်။ "လိပ်ကလေး" က သူနဲ့ ထမင်းအတူစားတဲ့ သူ့ထမင်းစား အုပ်စုအတွက် ကြွက်ဖမ်းပေးတယ်။ သူက ၃ ဆောင်မှာ ကြွက်ဖမ်းအတော်ဆုံးဆိုပြီး သူ့ထမင်းစားအုပ်စုထဲက သူ့ကို "ဆရာကြီးကြွက်" ဆိုပြီး ခေါ်ကြတယ်။

ထောင်ကထွက်တော့ အတူနေခဲ့သူတွေ အပြင်မှာ ပြန်တွဲမိကြတဲ့အထဲ သူန
ဲ့ကျနော်က အတွဲဖြစ်ဆုံးလို့ ပြောရမယ်။

သူ့ပုံက ကွန်မြူနစ်တယောက်၊ ကျွန်းပြန်တယောက်၊ ထောင်ထွက်နိုင်ငံရေးသမားတယောက်ပုံ လုံးလုံး မပေါက်ဘူး။ သူအမြဲလိုလိုဝတ်တာ Coduroy Jean ဘောင်းဘီအညို။ Ray-Be
n နေကာမျက်မှန်ကလဲ နေပူပူ မိုးရွာရွာ မချွတ်ဘူး။

အဲဒီ Ray-Ben မျက်မှန်ကြောင့် ပြဿနာတက်ရသေးတယ်။ ဗိုလ်အောင်ကျော်လမ်းက စိန်ဝင်း စားသောက်ဆိုင်မှာပေါ့။ သူရယ်၊ သဲတောဝမ်းတွင်းက ကိုသက်တင်(ကွယ်လွန်)ရ
ယ်၊ ကျနော်ရယ် တဝိုင်းထိုင်ပြီး စားသောက်ကြတယ်။ ကျနော်တို့ ထုံးစံက စားသောက်ဆိုင်ထိုင်ရင် ကိုယ့်ဝိုင်းကြားရုံ တိုးတိုးတိတ်တိတ် ခေါင်းချင်းဆိုင် ပြောကြတာ။ ဆိုင်လည်ခေါင်က စားပွဲဝိုင်းကြီးမှာ လူလေး-ငါး-ဆယ်ယောက်လောက် စုပေါင်းဝိုင်းဖွဲ့ ဆူဆူညံညံ စားသောက်နေကြတယ်။ ဝိုင်းကြီးရဲ့ နောက်တဖက်မှာ ခါတိုင်း ကျနော်နဲ့ ဝိုင်းထိုင်နေကျ မောင်သိန်းဆိုင်၊ နတ်နွယ်၊ မြင့်မောင်မောင်၊ လွင်စန်းယဉ်၊ အေးမြသီတာ ကိုဇော်ထွန်း တို့ ဝိုင်းရှိတယ်။

ရုတ်တရက် "လိပ်ကလေး"က အလည်က ဆူဆူညံညံဝိုင်းဆီ ထသွားတယ်။ ကျနော်ကလည်း ဘော်ဒါကောင်းပီပီ နောက်ကလိုက်။ အဲဒီဝိုင်းထဲက လူတယောက်ကလည်း ကျနော်တို့နဲ့ ရန်ဖြစ်ဖို့ ထတော့ သူ့လူတွေက ဝိုင်းဆွဲကြတယ်။ နည်းနည်း ရုတ်ရုတ်သဲသဲ ဖြစ်သွားတယ်။ ခေါင်းဆောင်လုပ်သူက ကျနော်
တို့ကို တောင်းပန်သလို၊ ကိုသက်တင်ကလည်း "လိပ်ကလေး"ကို ရန်မဖြစ်ဖို့ ဆွဲတယ်။ သူ့လူတွေက ဝိုင်းတောင်းပန် ကြတယ်။ ကျနော်လိုပဲ အကြောင်းရင်း မသိပေမယ့် ဘော်ဒါတွေကို ကူဖို့ မြင့်မောင်မောင်၊ လွင်စန်းယဉ်၊ မောင်သိန်းဆိုင်က အလည်ဝိုင်းဆီ ထလာတယ်။ ကိုနတ်က လူကြီးပီပီ ဖြန်ဖြေတယ်။

သူတို့က နယ်ကလာတဲ့ အနောက်မြောက်တိုင်းဆိုလား ဘတ်စကက်ဘော အသင်းကပါတဲ့။ အောင်ဆန်းကွင်းမှာ တည်းကြတယ်။ တခါတည်း သူတို့ အရက်ဝိုင်းလည်း သိမ်းသွားပြီး စစ်ကားကြီးနဲ့ လက်ပြနှုတ်ဆက် ပြန်ထွက်သွားကြတယ်။

ပြီးတော့မှ ကျနော်က "လိပ်ကလေး"ကို ဘာဖြစ်လို့လဲ မေးကြည့်တော့ သူ နေကာမျက်မှန် တပ်ထားတာကို "ဘလိုင်းထီးဆိုင်" လို့ မကြားတကြား ခေါ်လို့တဲ့……။

မှတ်မှတ်ရရ သူ ပုဆိုးဝတ်တာ တခါကြုံဖူးတယ်။ ဝတ်ခဲတယ်။ စာအုပ်လက်ထဲကိုင်ပြီး လမ်းပေါ်သွားနေ တာလဲ တွေ့ရခဲတယ်။ တနေ့တော့ နှစ်ခုစလုံး တပြိုင်ထဲ သူလုပ်လာတယ်။ အ
ဲဒီတုန်းက ကျနော်တို့နေတဲ့ ဂျူးဘန်းလမ်းထဲက အိမ်ကို မနက်ကြီး ရောက်ချလာတယ်။ ပုဆိုးနဲ့ လက်ထားမှာက Peking King Review ကို ကျစ်ကျစ်လိပ်ပြီး ကိုင်လာတယ်။ တရုတ်ပြည် ယဉ်ကျေးမှုတော်လှန်ရေးကို တရုတ်ကွန်မြူနစ်ပါတီက ပြန်သုံးသပ်ထားတဲ့ အကြောင်းပါလို့ ကျနော်ဖတ်ဖို့ သူယူလာတာ။ အဲဒီနေ့က အိမ်ကရေဒီယိုလေးနဲ့ မီတာ ၆၀ ပြည်သူ့အသံကို အတူ နားထောင်ကြတယ်။

တနေ့မှာ Strand Hotel နောက်က ဘီယာခန်းမှာ သူနဲ့ ကျနော် စကားပြောကြတယ်။ မှတ်မှတ်ရရ မေလ (၁) ရက်နေ့။ ကျနော်က ဘီယာသောက်တယ်။ သူက လိမ္မော်ရည်သောက်တယ်။ စကားတွေ အများကြီး ပြောဖြစ်ကြပြီး ကျနော့်အတွက် စကားတခု သူ ထားခဲ့တယ်။ သ
ူ လွတ်မြောက်တဲ့နယ်မြေကို ထွက်သွားတယ်။ ရဲဘော်အောင်မြတ်ထွန်း ဖြစ်သွားတယ်။

ကွန်မြူနစ်ပါတီ မြေအောက်ကို ဆင်းရတော့ သူက ပန်ဝါမှာ ကျန်ခဲ့တယ်။ အဲဒီမှာ ကဗျာဆရာမ မအိ နဲ့ အိမ်ထောင်ကျတယ်။ သူတို့ ဇနီးမောင်နှံ ရန်ကုန်ကို ပြန်ရောက်လာကြတ
ယ် ကြားတယ်။

ခု သူဆေးရုံပေါ်ကနေ မဆုံးခင်အထိ ကျနော့်အကြောင်းကို တဖွဖွ တမ်းတသွားရှာတယ်။ သူ့နားမှာ ရှိတဲ့ ရဲဘော်တွေက ပြန်ပြောပြတာ။ တိုက်တိုက်ဆိုင်ဆိုင် သူဆေ
းရုံတက်နေကြောင်း email မ၇ခင် တပါတ် ဆယ်ရက်လောက်မှာ သူ့ကို ကျနော် သတိရနေလို့ ကျနော့်အလုပ်မှာ အချိန်အားခိုက် စာလေးတစောင် ထိုင်ရေးနေတာ။ စာက တပိုင်းတန်းလန်း။ ရေးပြီး သူ့ဆီ ဘယ်လိုပေးရကောင်းမလဲ စဉ်းစားနေတာ။ စာထဲမှာ အဆက်အသွယ်တွေ အကြာကြီး ပြတ်နေလို့ ကျနော့်ကို ဆက်သွယ်ဖို့ လိပ်စာတွေ၊ email တွေ၊ ဖုံးနံပါတ်တွေ ထည့်ရေးထားတယ်။
လိပ်ကလေးကို ကြည့်နေရှာတဲ့ ကိုစိန်ပေါ

နောက်ပီး ကျနော် ခုထိ အမှတ်ရနေတဲ့ အဖြစ်အပျက်ကလေးတခု စာထဲမှာ ထည့်ရေးထားတယ်။ တခါမှာ သူရယ်၊ ကိုစိန်ပေါ (ပီဒီပီ)ရယ်၊ ကျနော်ရယ် ဘတ်စ်ကား စီးလာကြတယ်။ ထိုင်စရာခုံမရလို့ အလည်တန်းကို ကိုင်ပြီး လိုက်လာကြတာ။ အတွင်းဝန်ရုံးရှေ့ ဘိုကလေးဈေးလမ်းထိပ်ရောက်တော့ ကိုစိန်ပေါက တာမွေသွားစရာရှိလို့ ကားပြောင်းစီးဖို့ ဆင်းသွားတယ်။ သူနဲ့ ကျနော်က ဆက်စီးလာတာ သိမ်ဖြူလမ်းပေါ် စိန်ပေါကျောင်းနား ရောက်တော့ ကျနော်တို့နား ရပ်နေတဲ့ ကားလက်မှတ်ရောင်းက "စိန်ပေါ- ပါလား" လို့ မှတ်တိုင်ဆင်းဖို့ ခရီးသည်တွေကို မေးတယ်။ "လိပ်ကလေး"က လက်မှတ်ရောင်းဘေးကနေ "စိန်ပေါ ဆင်းသွားပြီ" …..တဲ့။ လက်မှတ်ရောင်း ပါးစပ်အဟောင်းသားဖြစ်ပုံကို ကြည့်ပြီး ကျနော့်မှာ ရီလိုက်ရတာ။

ခုတော့… စိန်ပေါက သမိုင်း-အုပ်ကျင်းရပ်ကွက်ထဲမှာ လန်းလန်း လန်းလန်းနဲ့ အာလို့ ရွှီးလို့ကောင်း တုန်း။ စိန်ပေါ ဆင်းသွားပြီလို့ ပြောခဲ့တဲ့ "လိပ်ကလေး" … လူ့လောကထဲကနေ သင်္ဃန်းကျွန်း စံပြဆေးရုံ မှတ်တိုင်မှာ ဆင်းသွားတယ်။ သူက အရင် ဆင်းနှင့်သွားပြီ။ ကျနော်တို့လဲ ရှေ့ဘယ်နှစ်မှတ်တိုင်ရောက်ရင် ဆင်းရမလဲ…. မပြောတတ်ဘူး။ ကျနော်ရေးပြီး မပေးဖြစ်တဲ့ စာထဲကအတိုင်း … ရောက်ရာကနေသာ ဆက်သွယ်ပါ… ရဲဘော်အောင်မြတ်ထွန်းရေ……။

မောင်မင်းရာ

ဓါတ်ပုံများကို ကိုမြတ်ခိုင်ရဲ့ facebook မှ ကူးယူဖော်ပြပါတယ်။ ကျေးဇူးပဲ ကိုမြတ်ခိုင်ရေ... ခွင်းပြုချက် အရင်မတောင်းခံဖြစ်တာ နားလည်ပေးပါ။

Saturday, September 3, 2011

ခံနိုင်ရည်
ရေးသူ - တင်မိုး



ခုပဲ.. ခွေးမသား- တဲ့
အပြေးရမှားရ ပြန်ပြီ။

ခုပဲ.. အရူးမသား- တဲ့
ဘီလူးက ကလို့
ဒူးတကွကွနဲ့
ဆူးတမြမြ စူးရပြန်ပြီ။


ခုပဲ.. ဂုဏ်သရေရှိသား- တဲ့
ယုံကြည်မှုအပြည့်ထားပြန်ပြီ။

ပြီးတော့.. ကမြင်းမသား- တဲ့
အကျဉ်းဝတံခါးမှာ
ထမင်းဝဝ စားထားလို့ အကြိမ်းခံရပြန်ပြီ။

လူ့ဘုံမှာကြုံသရွေ့
ဘုံဓလေ့ လောကဓံ
နေ့တိုင်းပဲ မှန်ရ
ခံနိုင်ရည်ရှိ မရှိ
မင်းအသိ - မင်းသတိ။

တင်မိုး
၁/၁၀/၂၀၀၃

Thursday, August 11, 2011

ဆရာကို
ရေးသူ - ဝင်းမြင့် အင်းဝ



ကဗျာစာဆို ဆရာကိုသည်
မွေးနေ့ စိန်တစ်ခိုင်တိုင်ခဲ့ပြီ
အရွယ်ကြီးမား ဆရာသမားကား
ရှော့ ပင်ဝတ်တုံး သွေးဆူတုံး


ကာရန်အသစ်နဲ့  ကဗျာအစစ်ကို
လက်တစ်ဖျစ်တီး တဒင်္ဂအတွင်း၌
ဘယ်လက်နဲ့ ရေး ရနိုင်သေး၏။
သို့ ပါသော်ငြား ခါတစ်ပါးက
တားဟယ် ဆီးဟယ် ပ်ိတ်ဟယ် နှိပ်ကွယ်
ပြုဖွယ်ထိုကြောင့်
ကဗျာသားချော မွေးရင်းလျှောခဲ့ ။
ရေးခွင့်ရှိလာ ခုချိန်ခါဝယ်
စိမ်းလဲ့ကန်သာ ပန်းကမ္ဘာမှာ
ကဗျာပန်းတွေ ပွင့်နိုင်သေး
ကဗျာပန်းတွေ မွှေးလိမ့် မနှေး……….။

ဆရာကို (၇၅) နှစ်မြောက်မွေးနေ့ တွင် ရွတ်ဆိုသည့်ကဗျာ
ဝင်းမြင့်(အင်းဝ)

Sunday, July 31, 2011

သခင်သန်းထွန်း - အနီကို လေ့လာကြည့်ရှုချက်
ရေးသူ - ဒဂုန်တာရာ





[၂၀၁၁ သြဂုတ်လတွင် ကျရောက်သော ဗမာပြည်ကွန်မြူနစ်ပါတီ ဥက္ကဌ သခင်သန်းထွန်း(၁၉၁၁-၂၀၁၁) ရဲ့ မွေးနေ့ရာပြည့် အထိမ်းအမှတ်အဖြစ် မာယာမဂ္ဂဇင်းက ဂါရဝပြု ဖော်ပြခြင်း ဖြစ်ပါတယ်။]



လူငယ်လည်း ဖြစ်ရမည်၊ အဝတ်အစား ခပ်စုတ်စုတ် ခပ်နွမ်းနွမ်းနှင့်၊ (ဒါမှပစ္စည်းမဲ့ သရုပ်ပေါ်ပေမည်ကိုး) မော်တော်ကားခန့်ခန့်၊ ဆိုဖာ၊ အိုက်စကရင်နှင့်ကိတ်မုန့်၊ စန္ဒယား စသည်တို့နှင့် မနီးစပ်ရ။ (တောအောင်းနေနိုင်က ပိုကောင်းမည်) အကြမ်းပတမ်း လက်နက်ကိုင်ထကြွမှုကို လိုလားသူ။ ယေဘူယျ လူအများက ကွန်မြူနစ်ဆိုလျှင် ဤသို့ဘဲဟု အောက်မေ့လျက် ရှိကြသည်။

ကွန်မြူနစ်ဆိုသူမှာလည်း စင်စစ်၊ သွေးနှင့်သားနှင့် ပြုလုပ်ထားသော သတ္တဗေဒ အကောင်အထည် လူပင်ဖြစ်ပါသည်။ လူဆိုသည်မှာ တဏှာပေမကို မပယ်နိုင်သူ၊ ဆန့်ကျင်ဘက်လိင်ကို တောင့်တသော သွေးစိတ်သားစိတ်၊ မိမိသာလျှင် တွင်ကျယ်ချင်သော အတ္တစိတ်၊ တခါတရံ အမှောင်ကဲ့သို့ မိုက်မဲတတ်သော မောဟစိတ် စသည်တို့နှင့် ပြည့်စုံသော လူပင် ဖြစ်သည်။ အဘိဓမ္မာဆရာကြီး ဒေါက်တာဂျုတ် ပြောသကဲ့သို့ 'လူသည် မိမိသာ လူတွင်ကျယ်ဖြစ်ကြောင်း ပြလိုသည်' ဆိုသော လူပင်ဖြစ်သည်။ လူဆိုသည်မှာ ဘယ်သူပဲဖြစ်ဖြစ်၊ အတူတူချည်းပဲ ဖြစ်သည်။


သို့သော်၊ သို့သော်…. လူတွေထဲမှာဘဲ လူညံ့၊ လူတော်၊ ပညာတတ်၊ ပညာမဲ့ စသော အသွေးအရောင် ကွဲပြား ခြားနားတာတွေကား ရောထွေးရှက်လိမ်လျက် ရှိနေပေသည်။

ကျွန်တော့်အဖို့ရာကား၊ မိုက်မဲတတ်၊ လိမ္မာတတ်၊ ညံ့တတ်၊ တော်တတ်သော လူများကိုသာ တွေ့မြင်နေသည်။ သည်အထဲ ကွန်မြူနစ် ဆိုသူလည်း လူ၊ အခြားသူတွေလည်း လူပင်မဟုတ်လော။ ဒါကိုဘဲ မြင်သည်။

သို့ရာတွင်၊ ကွန်မြူနစ်ဆိုသူသည်ကား တခုကို ယုံကြည် ကိုးကွယ်သူဖြစ်သည်။ ကွန်မြူနစ်ဝါဒကို ကိုးကွယ်ယုံကြည်နိုင်ရန် လူ့အတ္ထုပ္ပတ္တိ ရာဇဝင်၊ လူ့အတွေးအခေါ် အဘိဓမ္မာ၊ လူ့နေမှု ထိုင်မှု နိုင်ငံရေး ဘောဂဗေဒ စသည်တို့ကို ကမ္ဘာဦးရာဇဝင်ပေါ်စမှ ယနေ့ အနုမြူခေတ်အထိ အဖြစ်အပျက်များကို သိရှိ နားလည်ရပေမည်။

ကွန်မြူနစ်ဝါဒကို ကားလ်မာက်စ်က ဖော်စပ်ခဲ့၏။ ကားလ်မာက်စ်သည် အင်္ဂလိပ်နိုင်ငံရေး ဘောဂဗေဒပညာ၊ ပြင်သစ်တော်လှန်ရေး နိသျှပညာ၊ ဂျာမန် ရုပ်ပိုင်း အဘိဓမ္မာ စသည်များကို သူ့အမြင်ဖြင့် ပေါင်းစပ်၍ ကွန်မြူနစ်ဝါဒဆိုတာကို ဖော်ပေးလိုက်ခြင်း ဖြစ်သည်။ သူ့ အရင်ခေတ်ကလည်း လူ့အဖြစ်အပျက်များ ကို မှီး၍ အတွေးအမြင်များ ရှိခဲ့ပေမည်။ သို့သော် သူက အားလုံးကို ရှာဖွေစူးစမ်းကာ ယထာဘူတ စနစ်တကျ သိပ္ပံပညာရပ်အဖြစ် ပြုလုပ်လိုက်ခြင်းပင် ဖြစ်သည်။

နောက် လီနင်က မာက့်စ်၏ဝါဒကို လေ့လာကာ တဖန် စူးစမ်းပြီး လက်တွေ့လုပ်လိုက်၏။ ရုရှားပြည်ကြီး ကို ဆိုရှယ်လစ်နိုင်ငံတော်အဖြစ် တည်ထောင်လိုက်၏။ သူ၏ နိသျှကို ကြည့်ရှုဆင်ခြင်ပြီး လီနင်ဝါဒဟု ခေါ်ကြ၏။ နောက်တဖန် စတာလင်က ဆိုရှယ်လစ်နိုင်ငံတော် တည်တံ့ခိုင်မြဲအောင် လက်တွေ့ လုပ်ကိုင်၏။ ထိုနည်းကိုပင် 'စတာလင်ဝါဒ' ဟု ခေါ်စပြုပေပြီ။

ကမ္ဘာဦး သမတခေတ်က အနုမြူခေတ်အထိ၊ လူ့နေထိုင်မှု စသည်တို့၏ အဖြစ်အပျက်များ ပြောင်းလဲလာခြင်းများကို စနစ်ကျကျ မှန်ကန်စွာ လေ့လာရှုကြည့်ပြီးမှ ရှေ့ကို ဘယ်လိုနည်းဖြင့် ဘယ်လိုလုပ်လျှင် ဘယ်လိုခေတ်ကို ရောက်မည်ဟု ကြံဆတွေးခေါ်ကာ ယုံကြည်ချက်အတိုင်း လုပ်ခြင်းသည် ကွန်မြူနစ် ဖြစ်လေသည်။

လောကတွင် ထမင်းရက်ချန် စားနေရသူနှင့် ဧည့်သည်များဖိတ်၍ နေ့လည်စားပွဲဖြင့် တည်ခင်းကျွေးမွေး နေနိုင်သူ၊ လက်ထဲတွင် နှစ်ပြားမျှ ပြည့်အောင်မရှိသူနှင့် အပိုရွှေဒင်္ဂါး ကုဋေတရာကို ဘဏ်တွင်အပ်ထားသူ စသဖြင့် ကွာလှမ်းလှသော အဆင့်အတန်းကို အဘယ်ပုံ သမအောင် လုပ်မည်လဲ။ လောကဓါတ်ပညာ ထွန်းကားနေသည့်အကျိုးကို လူတိုင်းခံစားနိုင်အောင် အဘယ်ပုံ လုပ်မည်လဲ စသော လူ့ လောကကြီးဝယ် မညီမျှမှု၊ အလွန်တရာ ကွာလှမ်းမှုတို့ကို ဖြေစွမ်းနိုင်မည့် အဖြေကို ရှာသူတို့သည် ကွန်မြူနစ်နိသျှနှင့် သွားတွေ့ကြပေသည်။

ဥပမာ- တိုင်းပြည်တွင် လူ ၁၀၀ ရှိသည် ဆိုကြပါစို့။ ထိုပြည်၏ တနေ့ဝင်ငွေသည် ၁၀၀ ကျပ် ဆိုကြပါစို့။ လူ ၁၀ ယောက်မှာ ဓနရှင်များဖြစ်၍ သူ၏ အလုပ်သမား လယ်သမားများကို လုပ်ခိုင်းရာမှ ၈၀ ကျပ် ရ၏။ (ပျမ်းမျှကြေး တဦးလျှင် ၈ ကျပ်) ကျန် လူ ၉၀ ၏ ဝင်ငွေမှာ ၂၀ ကျပ် ဖြစ်ပေမည်။ (ပျမ်းမျှကြေး ၄ ပဲ ဖြစ်၏) ဤကဲ့သို့ မညီမျှသော ဂ ကျပ်နှင့် ၄ ပဲကို အဘယ်ပုံ သမအောင် လုပ်မည်လဲ။ လူ ၁၀၀ လုံး အလုပ် လုပ်၍ ဝင်ငွေ ၁၀၀ ရသည်ဆိုလျှင်၊ တဦးလျှင် ပျမ်းမျှကြေး ၁ ကျပ် ရကြပေမည်။ အကြမ်းအားဖြင့် ဤသဘောသို့ ရောက်အောင် ကျိုးစားသူသည် ဆိုရှယ်လစ် ဘောဂဗေဒ သဘောကို ယုံကြည်နိုင်ပေမည်။

ဆိုရှယ်လစ်နှင့် ကွန်မြူနစ်မှာ ပဌမအဆင့်နှင့် ဒုတိယအဆင့် ဖြစ်လေသည်။ ဖူးပြီးမှ သီးပွင့်ရသကဲ့သို့၊ ၁ ပြီးမှ ၂ လာရသကဲ့သို့၊ ဆိုရှယ်လစ်ခေတ်မှ ကွန်မြူနစ်ခေတ်သို့ ကူးမြောက်ရပေမည်။

တန်းတူညီမျှခြင်းကား မဖြစ်နိုင်ပေ။ လီနင်ကလည်း ဤသို့ ပြောခဲ့ပေသည်။ တခါက အင်္ဂလိပ် အဘိဓမ္မာ ဆရာကြီး တဦးက ပြောခဲ့ပေသည်။ 'ဆိုရှယ်လစ်လုပ်ခြင်း ဆိုသည်မှာ မညီမညာရှိနေတဲ့ မြေပြင်ကို ညှိပေးရတာပဲ။ တောင်ကမူစာကလေးကို နဲနဲနှိမ့် ဖြိုချ၊ ချိုင့်ဝှမ်းကို မြေနဲ့ ဖို့တင်၊ အဲဒါပါပဲ။ တပြေးညီနေအောင် လုပ်တာ မဟုတ်ပါဘူး'

သူပြောသကဲ့သို့ပင် ကမ္ဘာရှိ လူ့နေမှု ထိုင်မှု စနစ်ကြီးကို သမအောင် ညီအောင် ညှိပေးခြင်းသည် ဆိုရှယ်လစ်လုပ်ခြင်းပင် ဖြစ်ပေသည်။

ဆိုဗီယက်ရှိ ကွန်မြူနစ်ဆောင်ပုဒ်တခုမှာ "သူ့ထံမှ သူ့အရည်အချင်းအလျောက် အလုပ်ကို ရ၍၊ သူလိုတာ (နေမှုထိုင်မှု) ကို သူ့အား ပေးရမည်" ဟု ဖြစ်သည်။ အချုပ်မှာ လူတိုင်း အလုပ်လုပ်ရ၍၊ လုပ်သလောက် စားရပေမည်။ တံမြက်စည်း လှဲတတ်သူကလည်း လမ်းအမှိုက် ရှင်းလင်းပေး၍၊ ဆရာဝန်ကလည်း ပြည်သူအတွက် ဆေးစပ်ပေးပြီး နှစ်ယောက်စလုံး ဝဝလင်လင် စားနိုင် နေနိုင်သော နေမှုထိုင်မှုကို ရရှိကြပေသည်။

ဤကား အကြမ်းအားဖြင့် ဆိုရှယ်လစ်၊ ကွန်မြူနစ် သဘောများ ဖြစ်၏။ ကွန်မြူနစ်ဝါဒ၏ အနုပဋိလောမ၊ ရုပ်ပိုင်းရာဇဝင်၊ ရုပ်ဝါဒ စသော သဘောတရာများ ရှိသေး၏။ ဤအတွေးအခေါ်များကို- သိရှိနားလည် ယုံကြည်နိုင်ရန်၊ လူ့ရာဇဝင်၊ အဘိဓမ္မာ၊ ဘောဂဗေဒ စသော ပညာအခြေခံများ ရှိရပေမည်။ ဤအခြေခံရဘို့ တော်တော်တတ်သိ နားလည်ရပေမည်။

ထို့ကြောင့်ပင်၊ အထက်တန်းပညာတတ်သူများသည် အများအားဖြင့် ကွန်မြူနစ်ဆံကြပေ၏။ တက္ကသိုလ်မှ ကမ္ဘာကျော် ပါမောက္ခများ၊ စာရေးဆရာကြီးများသည် ကွန်မြူနစ်ဆံကြပေ၏။

ကျွန်တော့်အဘို့ရာကား ကွန်မြူနစ်ဆိုလျှင် အစက ဖော်ပြသကဲ့သို့ သူများကို မမြင်ဘဲ၊ တကယ့်ပညာ တတ်များကို မြင်နေ၏။ သခင်သန်းထွန်းဆိုလျှင် ပညာတတ်အဖြစ်သာ မြင်နေမိ၏။

[၂]

သခင်သန်းထွန်းကို လူချင်း မသိမီ ကတည်းက အမည်ကို ကြားဘူးနေ၏။ ကိုဘဟိန်းက သခင်သန်းထွန်း၏ အကြောင်းကို မကြာခဏ ကျွန်တော့်အား ပြောပြ၏။

ထိုအခါက ကိုဘဟိန်းသည် တက္ကသိုလ်ရိပ်သာရှိ သထုံကျောင်းဆောင်တွင် မရှိဘဲ၊ မြို့ထဲ ၃၈ လမ်းရှိ ဇဝန တို့ စုနေကြသော အိမ်တွင် ရောက်နေတတ်၏။ ထိုအိမ်တွင် သခင်သန်းထွန်းလည်း နေ၏။

"သခင်သန်းထွန်းဆိုတာ တော်တော် စာဖတ်တယ်ဗျ။ မာ့က်စ်စာပေလဲ အတော် ဖတ်တယ်။ စာရေးလဲ ကောင်းတယ်" ဟု ကျောင်းဆောင်သို့ ပြန်ရောက်လျှင် ကိုဘဟိန်းက ကျွန်တော့်အား ပြောပြလေ့ ရှိ၏။ စိတ်ထဲတွင် သခင်ပေါက်စ တဦးဘဲဟုသာ အောက်မေ့လိုက်၏။

တနေ့တွင် ကိုဘဟိန်းနဲ့အတူ ပန်းဆိုးတန်းရှိ ထွန်းအေးစာအုပ်ဖြန့်ချိရေးဌာနသို့ ရောက်သွားရာ၊ သခင်သန်းထွန်းနှင့် သွားတွေ့၏။ ကိုဘဟိန်းက ကျွန်တော့်ကို သခင်သန်းထွန်းနှင့် အသိဖွဲ့ပေး၏။

"သြ…. သြ… ခင်ဗျား အကြောင်းလဲ ကိုဘဟိန်းက ခဏခဏ ပြောပြပါတယ်ဗျာ….." ဟု သခင်သန်းထွန်းက ပြုံးကာ ပြောလေသည်။

သူသည် မန္တလေးပိုးအပေါ်ဖုံး၊ ပိုးလုံချည် ဝတ်ထား၏။ မျက်နှာမှာ ခပ်လုံးလုံး အရုပ်ဆိုးသည်ဟု ခေါ်ရပေမည်။ အသားကား ဝါလဲ့လဲ့၊ ဆံပင်ကောက်၏။ အထူးခြားဆုံးမှာ ခေါင်းကြီးခြင်း ဖြစ်၏။ အမူအရာမှာ ပြော့ပျောင်း၏။ စကားပြောသောအခါလည်း ခပ်အေးအေးနှင့် သိမ်မွေ့စွာ ပြော၏။

အစက ထင်ထားသကဲ့သို့ အာပေါင်အာရင်းသန်သန် ဟစ်အော်သူ မဟုတ်။ ညှင်းညှင်ညံညံ လေသံနှင့်၊ ကဗျာဆရာမီလတန်၊ လီနင်ဝါဒ၊ ကိုလိုနီတော်လှန်ရေး၊ ဘားနတ်ရှောပြဇာတ်၊ ချာလ်ဒစ်ကင်း၏ဝတ္ထု၊ ဗြိတိသျှ ပါလီမန်၊ ဦးကုလားရာဇဝင်၊ သိပ္ပံမောင်ဝ၏ခေတ်စမ်းစာ၊ နတ်ရှင်နောင်ရတု စသော အကြောင်းအရာများကို ပြော၏။

နောက်မှ သူသည် ဆရာဖြစ်သင် တက္ကသိုလ်ကျောင်းမှ ထွက်ကြောင်း၊ သူသည် (၁၀)တန်းတွင် အင်္ဂလိပ်စာ၊ ရာဇဝင်၊ ဗမာစာ စသည့် ဂုဏ်ထူးများဖြင့် အောင်ခဲ့သည်ဟု သိရ၏။ ကျောင်းနေစဉ်က စာတော်သူ ဖြစ်ခဲ့၏။ ထိုစဉ်ထိုအခါက သူသည် ရန်ကုန်အရှေ့ပိုင်း ကုလားကျောင်း တကျောင်းတွင် အင်္ဂလိပ်စာပြဆရာ လုပ်လျက်ရှိသည်။

တခါက အင်္ဂလိပ်ဘာသာဖြင့် ရေးထားသော ဆောင်းပါးတစောင်ကို တက္ကသိုလ်သမဂ္ဂဇင်းဟောင်း တစောင်တွင် ဘတ်ရဘူး၏။ သူသည် အင်္ဂလိပ်စာကို နိုင်နင်းစွာ ရေးသားနိုင်သူ တဦးဖြစ်၏။ ဂျပန်ခေတ် သူ ဝန်ကြီးဖြစ်စဉ် သူ ရေးထားသော အင်္ဂလိပ်စာကို ဖတ်၍၊ ယခု ဆိုရှယ်လစ်ဝန်ကြီး ကိုကျော်ငြိမ်းက 'အင်္ဂလိပ်စာ ရေးတာ မြန်သလောက် ကောင်းတာပါဘဲ' ဟု ချီးကျူးသည်ကို ကြားရဘူး၏။

၁၉၃၉ က ဒို့ဗမာအစည်းအရုံးမှ ကိုယ်စားလှယ်အဖွဲ့သည်၊ ကွန်ဂရက်၏ ဘိတ်ကြားချက်အရ အိန္ဒိယပြည် ရမ်းဂါးသို့ သွားကြ၏။ သခင်အောင်ဆန်း၊ ကိုဘဟိန်း၊ သခင်သန်းထွန်းတို့ ပါသွားကြ၏။ တက္ကသိုလ် ကျောင်းသားသမဂ္ဂများက သခင်အောင်ဆန်း၊ သခင်သန်းထွန်းတို့ကို မကြာခဏ ဘိတ်၍ စကားပြောစေသည်ဟု သိရ၏။ သခင်သန်းထွန်းကို ပွဲတောင်းလှသည်ဟု ကြားရ၏။

ဂျပန်ခေတ် လယ်ယာစိုက်ပျိုးရေးဝန်ကြီး ဖြစ်စဉ်က သူ့ဌာနတွင်လုပ်သော အတွင်းဝန်များသည် သူ့ကို လေးစားကြသည်။ အဘယ်ကြောင့်ဆိုသော် သူသည် လယ်ယာစိုက်ပျိုးရေးကို လေ့လာနားလည်ပြီး၊ ညာဝါး ဖြန်းသန်းကာ မဆိုင်သည်ကို ဝင်ရောက်စွက်ဖက်ခြင်း မလုပ်သောကြောင့် ဖြစ်သည်။

သခင်စိုး၏ 'ဆိုရှယ်လစ်ဝါဒ' ကျမ်းစာအုပ်၏ အမှာကို သခင်သန်းထွန်းက ရေးသည်။ သူ့ ဗမာစာမှာ တိုတို၊ လိုရင်းနှင့် အဓိပ္ပါယ်ပေါ်၏။ သတင်းစာဆံ၏။ ဘတ်သူစွဲပြီး အနက်ပေါက်လွယ်၏။ အဖြတ်အတောက် ကလေးများမျာ ခေတ်ဆန်၏။ ရှင်းလင်းပြီး လှပ၏။ သတင်းစာဆရာလုပ်လျှင် သတင်းစာဆရာကောင်း တယောက် ဖြစ်မည်ဟု ထင်၏။

သူသည် နဂါးနီစာအုပ်အသင်းကို တည်ထောင်သူ တဦးဖြစ်သည်။ သခင်စိုးနှင့် သူသည် ဗမာပြည်တွင် မာက့်စ်ဝါဒ၊ ကွန်မြူနစ်ဝါဒကို ပဌမ ဖြန့်ချိသူများ ဖြစ်ကြ၏။ သခင်းစိုးက စကားလုံး အသစ်ထွင်၍ ခံ့ညာသော စာကြီးပေကြီး၊ ပိဋိကတ်စာပေဖြစ်အောင် လုပ်ပေး၏။ သခင်သန်းထွန်းကား ဆိုရှယ်လစ်ဝါဒနှင့် ဗမာပြည်၊ ကမ္ဘာစသည်တို့နှင့် ယှဉ်ကာ လူအများ နားလည်အောင် ပြောပြသူ ဖြစ်၏။ အဓိပ္ပါယ်ကို ဖွင့်ပြကာ ရှင်းလင်း၏။

ယခုခေတ် ကွန်မြူနစ်ဝါဒကို လေ့လာသူတိုင်း သခင်သန်းစိုး၊ သခင်သန်းထွန်းတို့ ပြုစု စိုက်ပျိုးခဲ့သော အသီးအပွင့်နှင့် မကင်းနိုင်ကြ။ သူတို့၏ ကွန်မြူနစ်စာပေများကို ဖတ်ပြီး လူများသည် ကွန်မြူနစ်ကို သိလာကြ၏။ သူတို့ စကားလုံးတွေကိုပင် သင်အံပြီး၊ ဖေါက်ပြန်ရေး၊ ကလပ်စည်း၊ လူမှုဆက်ဆံရေး စသည်ဖြင့် ကြွေးကြော်နေကြ၏။

ခက်သည်မှာ အတုအယောင်များက နိုင်နိုင်နေတတ်၏။ အတုအယောင်တို့က လွှမ်းမိုးတွင်ကျယ်သဖြင့်၊ လက်ဦးစွန့်၍ တည်ထွင်သူ အစစ်တို့မှာ ဖုံးကွယ်ခြင်း ခံနေရတတ်၏။ လူထုမှာ အတုအယောင်များက ကာထားသဖြင့် အစစ်ကို မမြင်ကြရပေ။

သခင်စိုး၊ သခင်သန်းထွန်းတို့က စွန့်ကာ စလိုက်သော ကွန်မြူနစ်လမ်းစဉ် စာတမ်းများကို ဘတ်ပြီး နိုင်ငံရေး ဇာတ်ခုံပေါ် ရောက်လာကြ၏။ အာဏာတွေ ရလာကြ၏။

ကွန်မြူနစ်နိုင်ငံရေး စာပေတွင် ဝေါဟာရကို ကြွယ်ဝစေသော သခင်စိုးကား ထောင်နံရံထဲတွင် တိမ်မြုပ်နေ၏။ လူအများ ရှင်းလင်းနားလည်အောင် အဓိပ္ပါယ်ကောက်ပြသော သခင်သန်းထွန်းကား ချုံနွယ်ပိတ်ပေါင်းများ အကြားတွင် ရောက်နေရလေပြီ။

(၃)

တက္ကသိုလ်သမဂ္ဂ အမှုဆောင်အခန်းတွင် သခင်သန်းထွန်းကို မကြာခဏ တွေ့ရတတ်၏။ သခင်အောင်ဆန်း ပင်းယဆောင်တွင် ရှိစဉ် သူသည် မကြာခဏ လာလည်ကာ နိုင်ငံရေးများကို ဆွေးနွေးလေ့ရှိ၏။ သူ့ကိုတွေ့တိုင်း မန္တလေးအပေါ်ဖုံး၊ မန္တလေးလုံချည်နှင့် ပြောင်ပြောင်လက်လက် တွေ့ရတတ်၏။ စကားကို ညှင်းညှင်းညံ့ညံ့ ပြော၏။

ကိုဘဟိန်း အယ်ဒီတာချုပ်လုပ်သော ဗမာနိုင်ငံလုံးဆိုင်ရာ ကျောင်းသားများသမဂ္ဂ၏ ကြွေးကြော်သံ 'မျိုးညွန့်' မဂ္ဂဇင်း (၁၉၃၈) တွင် သခင်သန်းထွန်း၏ အရင်းရှင်ဆန့်ကျင်ရေး ဆောင်းပါးများကို ဘတ်မိ၏။ သူသည် ကိုလိုနီတော်လှန်ရေးကို လှုံ့ဆော်ခဲ့၏။ ကျောင်းသားပိုင်းသည် နယ်ချဲ့ဆန့်ကျင်ရေး စိတ်ဝင်စားလာကြလေပြီ။

သူသည် ကိုဘဟိန်းကို အတော်ခင်၏။ ခလေးလို အလိုလည်း လိုက်၏။ ကိုဘဟိန်း၏ 'ဓနရှင်လောက' စာအုပ် အမှာတွင် သူသည် ကိုဘဟိန်းအကြောင်းပါ ရောဘက်ကာ ရေးထားရာ၊ အတော်ဘတ်၍ ကောင်း၏။ သူသည် အမှာစာ ရေးကောင်းသူ ဖြစ်၏။

အိုးဝေမဂ္ဂဇင်းတွင် ကျွန်တော် အယ်ဒီတာဖြစ်စဉ်က သခင်သန်းထွန်း၊ သခင်စိုးတို့ထံမှ ဆောင်းပါးများ တောင်းဘူး၏။ သခင်စိုး၏ 'လွတ်လပ်ရေးတိုက်ပွဲ' မှာ၊ မထုတ်မီ ပြည်ထဲရေးဌာနက ဆင်ဆာလုပ်ရာတွင် ပါသွား၏။ သခင်သန်းထွန်း၏ 'နိုင်ငံရေး လက်တွေ့လုပ်လိုသူများအဘို့ စကားလက်ဆောင်' ကား ပုံနှိပ်ဖြစ်၏။

ထိုဆောင်းပါးကား ထိုခေတ်က ဝါဒဖြန့်ပြီး အသိုင်းအဝိုင်းနှင့် နာမည်ကြီးအောင်လုပ်ကာ နိုင်ငံရေး လိုက်စားကြသော ပေါ်ပင်နိုင်ငံရေးသမားများကို ပြောင်လှောင်၍ထားသည်။ သရော်ချက်ပါ၏။ ဘတ်ယင်း ရယ်မောမိသည်။

ထိုဆောင်းပါး အိုးဝေမဂ္ဂဇင်းတွင် ပါလာသောအခါ သခင်သန်းထွန်းမှာ နဂါးနီစာအုပ်အသင်းလူကြီး။ ဒို့ဗမာအစည်းအရုံး အမှုဆောင်အဖြစ်တွင် ထောင်ထဲရောက်နေပေပြီ။

နောက် ဂျပန်အဝင် ဒိုင်အိုကျောင်း စစ်ဆေးရုံ၌ သူနှင့်တွေ့သောအခါ အိုးဝေမဂ္ဂဇင်းအကြောင်း စကားစပ်မိရာ….
'အဲဒီဆောင်းပါး ထည့်တာ ခင်ဗျားကို ကျေးဇူးတင်တယ်' ဟု ကျွန်တော်အား ပြောသည်။

'ကျွန်တော်လဲ အဲဒီတုံးက မထည့်ဘူးလို့ နေသေးတာ။ သခင်သန်းထွန်းဆောင်းပါးဘတ်ပြီး သခင်တွေဟာ ဒီလိုဘဲ၊ နိုင်ငံရေးသမားလုပ်နေတာလို့ ထင်မှာစိုးလို့ဘဲ။ နောက်တော့ ဟာသ ပါတာ၊ စာပြောင်တာနဲ့ ထည့်လိုက်တာဘဲ' ဟု ကျွန်တော်က ပြော၏။

သခင်သန်းထွန်းကား ပြုံးနေပေသည်။

သခင်သန်းထွန်းသည် တက္ကသိုလ်ကျောင်းသားများကို နိုင်ငံရေးဘက်ပါအောင်၊ နယ်ချဲ့ဆန့်ကျင်ရေးကို ပြုအောင် ဆွဲဆောင်ခဲ့သည်ဟု ထင်၏။ ၁၉၃၉- ခု လောက်က မြေနီကုန်းရှိ ကိုဘဟိန်း၏အိမ်တွင် သူ့ကို မကြာခဏ တွေ့ရတတ်၏။ သခင်အောင်ဆန်း၊ ဗိုလ်လက်ျာ၊ သခင်သန်းထွန်းနှင့် ဂိုရှယ်(ထိုအခါက ဘောဂဗေဒဂုဏ်ထူးတန်း ကျောင်းသား) တို့ကို တွေ့ရတတ်၏။

သခင်သန်းထွန်းတို့သည် ၁၉၃၉ ခုလောက်ကတည်းက ဗမာပြည်တွင် ကွန်မြူနစ်ပါတီကို ဖွဲ့စည်းနေကြ သည်။ ကိုဘဟိန်းက ကျွန်တော့်ကို မာ့က်စ်ကျမ်းစာအုပ်များကို ပေးဘတ်စေပြီး ကွန်မြူနစ်ဘက်ပါရန် မကြာခဏ ပြော၏။ သို့သော် ကျွန်တော်ကား စာပေကို ပိုချစ်၏။ ကဗျာကို ပိုစပ်ချင်နေ၏။

လျှို့ဝှက်၍ ထုတ်ဝေသော အရေးတော်ပုံအမည်ရှိ စာတမ်းကို ၁၉၃၉ လောက်က ဘတ်လိုက်ရလေ၏။ ထို 'အရေးတော်ပုံ' ကား ပဌမဆုံးသော ကွန်မြူနစ်ဂျာနယ် ဖြစ်ပေ၏။

(၄)

ဂျပန်ခေတ်က ရွှေတောင်ကြားလမ်းရှိ စိမ်းညို့မှိုင်းမှုန်သော တောရိပ်မြိုင်ခြေကလေးသည် တရေးရေး ထင်လာ၏။

ရွှေတောင်ကြားလမ်းနှင့် လောင်းဝစ်လမ်းအဆုံတွင် ပိန်းပင်၊ ရေမြက်ရှည်ပင်၊ မှော်ပင်များဖြင့် နောက်ကျိသော ရေအိုင်တအိုင်ရှိ၏။ ရေအိုင်မှာ ရေညှိများ လွှမ်းနေသဖြင့် ထိုပတ်ဝန်းကျင်မှ ဘာအရောင်မျှ လာမထင်၊ မှုန်ညို့ညို့၊ စိမ်းဝါဝါသာ လဲ့လဲ့ပေါ်နေသည်။

ထိုရေအိုင်ရှိ ကုန်းမြင့်ကလေးတွင် ခေတ်ဆန်သော တိုက်တတိုက်သည် မော်ကြွားနေ၏။ ခရမ်းပွင့်များ တွဲလွဲခိုနေသော ဆင်ဝင်ရှေ့တွင် အမြောက်ကလေးနှစ်လက် ဆင်ထား၏။ အိမ်ရှေ့မျက်နှာစာရှိ မြက်ခင်းကား အနီအဝါ အဖြူစသော ပန်းမာလာတို့ဖြင့် ပြောက်ကျားနေသည်။

ဂျပန်ခေတ်က ထိုနေရာတဝိုက်တွင် ဘီအိုင်အေ သခင်များ နေထိုင်ကြ၏။ ဗိုလ်စကြာ၊ ကိုလှမောင် (ယခု သံအမတ်) ဗိုလ်လက်ျာ၊ သခင်တင်၊ ကိုကျော်ငြိမ်း၊ သခင်ချစ်၊ ဗိုလ်ဇေယျ၊ သခင်လင်း၊ သခင်ကိုယ်တော်မှိုင်း စသူတို့သည် ဤပတ်ဝန်းကျင်တွင် တိုက်များနှင့် နေကြ၏။

ထို အမြောက်နှင့်အိမ်တွင် ပဌမ ဗိုလ်ချုပ်အောင်ဆန်း နေ၏။ နောက် ဗိုလ်ချုပ်အောင်ဆန်း ဒေါ်ခင်ကြည် နှင့် လက်ထပ်၍ ပြည်လမ်း ပြောင်းသွားသောအခါ သခင်သန်းထွန်း လာနေ၏။ သခင်သန်းထွန်းမှာ ထိုအခါက လူပျိုဖြစ်လေသည်။

ယခင်က အင်္ဂလိပ်အထက်တန်း အရာရှိကြီးများနေသော တိုက်ဖြစ်၍၊ ခမ်းနား ထယ်ဝါသော ဓနရှင် အဆောင်အယောင်များဖြင့် တောက်ပလျက်ရှိသည်။

ဖက်ဖူးရောင်ခံတွင် သရက်ထည်ပွင့် ပန်းနွယ်ပန်းခက်တို့ဖြင့် ရှက်လိမ်သော ဆိုဖာများသည် အဝါနုနံရံနှင့် အသွေးချင်း အပြန်အလှန် တုံ့ပြန်နေကြ၏။ ဆိုဖာ ဆက်တီ၏ အလယ်မှာ မဟော်ဂနီရောင် ထနေသော ပန်းအိုးတင်စားပွဲသည် တူရကီကော်ဇောပေါ်တွင် အဝင့်သား ထင်နေ၏။ မှန်ပြတင်းမှ အစိမ်းပုတ်ရောင် ဇာခန်းဆီးသည်အပြင်ဘက် ကောင်းကင်ပြာ သစ်စိမ်းရွက်ညိုတို့ကို မှုန်ရေးရေး မြင်လာအောင် ကာယင်း လေအဝှေ့တွင် ဆွေ့ဆွေ့ခုန်လျက်ရှိ၏။

သခင်သန်းမြိုင်သယ်လာသော ဂျာမန် စန္ဒယားကြီးကား အခန်းဒေါင့်တွင် ရှိပေသည်။ အပေါ်မှာ ပဒေသာ မီးပွင့်သည် လရောင်ကဲ့သို့ ကြည်အေး မြစိမ်းသော ရောင်ခြည်ဖြင့် သ, ပေးနေသည်။ စိမ်းစိမ်းလဲ့လဲ့ ဧည့်ခန်းဆောင်။

ဤစိမ်းလဲ့လဲ့ ဧည့်ခန်းဆောင်မှာပင် လယ်ယာစိုက်ပျိုးရေးဝန်ကြီး သခင်သန်းထွန်းသည် မာက့်စ်၏ 'အရင်း' စာအုပ်ကို ဘတ်နေ၏။ သခင်တင်သည် ညနေဆိုလျင် ရောက်လာကာ စန္ဒယားခုံတွင် ဝင်ထိုင်ပြီး ထူးမခြားနား အစပိုဒ်ကို စမ်းပြီး မပြီကလာ တီးကြည့်တတ်၏။ တီးယင်း အသံပျောက်နေသဖြင့် 'လုပ်ပါဦးဗျ… တီးစမ်းပါအုန်း' ဟုဆိုကာ ကျွန်တော့်ဘက်ကို လှည့်၍ ပြောတတ်၏။

သခင်လင်းကား ဆိုဖာတွင် ကိုယ်တခြမ်းမြှုပ်ကာ ရယ်စရာပြောနေ၏။ ဗိုလ်စကြာ၏ ကြွယ်ဝသော စကားသံသည် ပဲ့တင်ထပ်လျက်ရှိ၏။ ဗိုလ်ချုပ်အောင်ဆန်း ကားနှင့် ရုတ်တရက် ရောက်လာသည်လည်း ရှိ၏။

သခင်သန်းထွန်းသည် မာက့်စ်စာအုပ်ကို ချလိုက်ပြီး 'လုပ်ပါဦးဗျ၊ သီချင်းတပုဒ်လောက်…. သက်ဝေဆိုတာလေ……' ဟုပြောကာ ကျွန်တော့်ကို မေးငေါ့ပြ၏။ သူသည် 'သက်ဝေ' သီချင်းကို အလွန်နှစ်သက်၏။

ဘယ်တော့မှ မညှိသဖြင့် အသံကြောင်နေသော စန္ဒယားကြီးမှာ ဂီတသံ ထွက်လာရ၏။ သခင်သန်းမြိုင်သည် ဘေးမှ ရပ်ကာ လိုက်ဆိုနေ၏။ သူသည် ဘင်ဂျို အတီးကောင်းသူလည်း ဖြစ်သည်။

လှသထက်လှမယ်ဆိုယင်
ဆေးဘက်ဝင်ပါသလားလို့
မောင့်အသဲတွေ မောင့်အသွေးတွေ
မောင့်နှလုံးတွေ
အသုံးပြုပါလေ……..
သခင်တင်သည် ဂီတသံဝယ် ငေးမောနေလေပြီ။

ညအမှောင်ကူးစတွင် ကိုကျော်ငြိမ်း ရောက်လာကာ သခင်သန်းထွန်းနှင့် စကားပြောကြပြီး၊ မကြာမီ ကားနှင့် အတူ အပြင်ဘက် အမှောင်ထဲသို့ ထွက်သွားကြ၏။

ကျွန်တော်သည် ကပ်လျက်ရှိသော တဘက်အိမ်တွင် ကိုဘဟိန်းနှင့် အတူနေရာ လူစုံတတ်သဖြင့် သခင်သန်းထွန်းတို့ ဧည့်ခန်းသို့ ကူးကာ လည်ပတ်နေတတ်၏။

ဤစိမ်းလဲ့လဲ့ ဓနရှင်ဆန်သော ဧည့်ခန်းဆောင်မှပင် ဖက်ဆစ်ဆန့်ကျင်ရေး လှုံ့ဆော်စာတမ်းများကို ရေးကြသည်။ ဤဧည့်ခန်းဆောင်မှ ထွက်လာသော ကွန်မြူနစ်တယောက်သည် 'ပုန်ကန်ထကြွလော့' ဟူသော စာတမ်းများကို လွယ်အိပ်နှင့်ထည့်ကာ အိမ်ရှေ့လမ်းပေါ်တွင် လမ်းသလာားနေသော ဂျပန်စစ်သားလေးတဦးကို တိုးမိမတတ် ဖြတ်ကျော်လွန် သွားခဲ့လေသည်။

ဤအခန်းဆောင်တွင် အတူဆုံကြ တွေ့ကြ ရယ်စရာ မောစရာပြောခဲ့ကြသော သူများသည်ပင် ဖဆပလကို ဖွဲ့စည်းကာ၊ တော်လှန်ရေး ပြုခဲ့ကြသည်။

ဤစိမ်းလဲ့လဲ့ ဧည့်ခန်းဆောင်မှပင်၊ အနီထဲမှ ကြယ်ဖြူပွင့် ပေါ်နေသော ဖဆပလ အလံကို နွေလယ်အခါ အိပ်မက်နေကြသည်။

(၅)

ဤ စိမ်းလဲ့လဲ့ ဧည့်ခန်းဆောင်တွင် ဆုံခဲ့ကြသော သူများသည်ပင် အချင်းချင်း ဆန့်ကျင်ကုန်လျက် သွေးစီးနှင့် ကိုင်ကာ စိုက်ခဲ့ကြသော ဖဆပလအလံကို နှဲ့နေကြပေပြီ။

သူတို့အားလုံးသည် လူပင်ဖြစ်သည်။ လူတို့၏ မိုက်မဲခြင်း၊ လိမ္မာခြင်း၊ တကိုယ်ကောင်းကြံခြင်း၊ တိုင်းပြည်အကျိုးကြည့်ခြင်း၊ ယုတ်မာခြင်း၊ သန်ရှင်းဖြူစင်ခြင်း တို့ဖြင့် ရောပြွမ်းကာ နေပေမည်။

သခင်သန်းထွန်းလည်း သည်လူများအလည်မှ လူပင် ဖြစ်လေသည်။

ဂျပန်ခေတ်က ကျွန်တော်၏ ငရှင့်သွေး ကတ္တီပါ ဂျာကင်အင်္ကျီကို ကိုဘဟိန်းက ကြိုက်သည်ဆို၍ ယူထား၏။ နောက် သခင်သန်းထွန်းက ကိုဘဟိန်းထံမှ ယူကာ ဝတ်၏။

သခင်သန်းထွန်းသည် ထို ငရှင့်သွေး ဂျာကင်အင်္ကျီကို အတော်နှစ်သက်သည်။ ချမ်းသည့်အခါတိုင်း ငရှင့်သွေးအင်္ကျီကို ဝတ်ကာနေတတ်၏။ သူနှင့်အတူ နေကြသော သခင်တင်ထွန်း၊ သခင်လှကွန်းတို့ကား သခင်သန်းထွန်း ရုံးကအပြန် ကားဆိုက်လျင် ဆိုက်ခြင်း အဝမှ ကြိုကာ ငရှင့်သွေး ဂျာကင်ကို ဆီးပေးပြီး၊
'သခင်သန်းထွန်း ဒီဟာလေး ဝတ်ထားပါ' ဟု စလေ့ရှိ၏။ လူဆိုတာ အလှအပကို ချစ်တတ်ကြပေသည်။

ဒိုင်အိုကျောင်းရှိ ပြည်သူ့ဆေးရုံ အပေါ်ထပ်အခန်းတွင် သခင်သန်းထွန်းသည် မကျမ်းမာသဖြင့် ဆေးဝါး မှီဝဲနေသည်။ နေ့လည်ဆိုလျှင် ဧည့်သည်များသည် သူ့အခန်းတွင် စုံလှ၏။

ဆရာမဒေါ်ခင်ကြီး (ဗိုလ်ချုပ်ကတော် ဒေါ်ခင်ကြည်၏အစ်မ)သည် သူ့ကို ပြုစုနေ၏။ ဧည့်သည်ကား မစဲ။ ထိုအခိုက် ကျွန်တော်လည်း ဝင်မေးရာ မကြာမီ ဆရာမဒေါ်ခင်ကြီးသည် ကာဖီ ယူလာ၏။

'သောက်ပါအုန်း'
ကျွန်တော်က 'ဟာ… ဒုက္ခ၇ှာလို့' ဟုဆိုကာ အားနာဟန် ပြုနေ၏။
'သခင်သန်းထွန်းဧည့်သည်ဆိုယင် ကော်ဖီနဲ့ ဧည့်ခံပါတယ်' ဟု ဗိုလ်စကြာက ပြောကာ နောက်နေ၏။ သခင်သန်းထွန်းကမူ ရှက်နေ၏။

နောက်တလခန့် ကြာသောအခါ သခင်သန်းထွန်းနှင့် ဒေါ်ခင်ကြီးတို့သည် လက်ထပ်လိုက်ကြသည်။ လူတို့၏ ဘဝဇာတ်လမ်းသည် သည်လိုပဲ ဖြစ်ကြပေမည်။

ဂျပန်တော်လှန်ရေး ပြီးစက ကျွန်တော်သည် တောတွင် ရောက်နေရာ၊ ဖဆပလ၏ သတင်းများကိုသာ နားထောင်နေရသည်။ ကွန်မြူနစ်ပါတီမှ ပြည်သူ့အာဏာဂျာနယ်ကို ဘတ်ရသည်။ ဖဆပလ၏ အမည်မှာ ကမ္ဘာ့သတင်းစာ ကော်လံထိပ်တွင် မျက်နှာမဲဖြင့် ပါနေလေပြီ။ သခင်သန်းထွန်း အမည်ကို နိုင်ငံခြားသတင်းစာများ တွင် မကြာခဏ တွေ့ရ၏။ ထိုအခါက သူသည် ဖဆပလ အထွေထွေအတွင်းရေးမှူး ဖြစ်လေ၏။

သူဖဆပလမှ ထွက်သောအခါ၊ သူ့နေရာတွင် တွဲဘက်အတွင်းရေးမှူး ကိုကျော်ငြိမ်းရောက်လာ၏။

တာရာမဂ္ဂဇင်း ထွက်ခါစက သခင်သန်းထွန်းထံ ဆောင်းပါးတောင်းဘူး၏။ သို့သော သူလည်း မရေးဖြစ်၊ ကျွန်တော်လည်း မရောက်တော့။

နောက်ဆုံး ဘုန်းကြီးလမ်း ကွန်မြူနစ်တရားပွဲတွင် တူတဇင်အလံနီကို နောက်ကျောခံလျက် ဓါတ်ခွက်ေ၇ှ့တွင် တရားဟောနေသော သခင်သန်းထွန်းကို ပရိသတ်အလယ်မှ မြင်လိုက်ရ၏။ သခင်သန်းထွန်း၏ တရားကား ပဌမတော့ ခြောက်သွေ့ပြီး၊ နောက်… တဖြေးဖြေး အချက်အလက်များ ပါလာကာ ဆုံးခါနီးတွင် သွေးကြွလာစေသည်။ ဒါဘဲ သိလိုက်သည်။

သူသည် (၃) နာ၇ီခန့် မရပ်မနား စမ်းရေယဉ်မှ ရေများ စီးသွန်ကျသလို ပြော၏။ သူ၏ စကားများထဲတွင် လူအများ ရုတ်တရက် အသိခက်သော စာအုပ်ဆံဆံ စကားကြီး စကားကျယ်များ မပါ။ ရိုးရိုးနှင့် လူတိုင်းနားလည်သော၊ ရှင်းလင်း ပြတ်သားသော စကားလုံးများနှင့်သာ ပြော၏။ ဗမာ့လက်ရှိ နိုင်ငံရေး အခြေအနေကို ကမ္ဘာ့အခြေအနေများနှင့် ယှဉ်ကာ နောက်ခံကား ပေးလိုက်ပြီးနောက် အကိုးအကားနှင့်တကွ ပြော၏။

လူအများသည် စိုက်ကာ နားထောင်နေကြ၏။

ဂျစ်ကားနှင့် အထက်တန်းအရာရှိဟု ထင်ရသော သူတဦးက 'တယ်တော်တဲ့ လူဘဲ။ အချက်အလက်တွေ ချည်းဘဲ….. ကျုပ်အစက လက်သီးလက်မောင်းတန်းပြီး ကြိမ်းမယ် မောင်းမယ် ထင်နေတာ' ဟု ခပ်တိုးတိုး သူ့အဖော်အား ပြောနေလေသည်။

ဓါတ်ခွက်မှ သခင်သန်းထွန်း၏ အသံသည် ညိုမှောင်မှိုင်းမြသော ညည့်ဝယ် ပဲ့တင်ထပ်လျက် ရှိသည်။

ယခု ပြည်တွင်းစစ်၊ ပြဿနာကိုကား ကျွန်တော်သည် ဘာမျှ ထင်မြင်ချက် မပေးလိုသေး။ ဘာဘဲ ပြောကြ အော်ကြ၊ နောက်ဆုံး သည်လူတွေဟာ အတူတူ လူချည်းပါဘဲ။

ကျွန်တော့်အဖို့ရာကား၊ တော်သူတွေ နေရာကောင်းတွင် ရောက်စေချင်သည်။ လက်တွဲ၍ တော်လှန်ရေးကို လုပ်လာသူတွေ၊ ယခုလည်း လက်တွဲကာ အုတ်သစ်ကလေးများကို သယ်စေချင်နေ၏။ နောက်ပြီး လူအများဆန္ဒအရ လုပ်စေချင်၏။ မလိုတာကို အတင်းကြပ် ပေးတာလည်း မကြိုက်၊ ဒီမိုကရေစီ စင်မြင့်တွင် လွတ်လပ်မှု အခွင့်အရေးသည် ပျံဝဲနေစေချင်၏။

တကယ့် အမြုတေများ ပါဝင်သော အမျိုးသားတပ်ပေါင်းချုပ် ပြည်သူ့အစိုးရကို လိုချင်၏။ ။


ဒဂုန်တာရာ။
၁၉၄၈ ဇွန်လ။
{ဂျာနယ်ကျော်မမလေး စာပေဖြန်ချိရေးမှ ပထမအကြိမ် ထုတ်ဝေတဲ့ 'ဒဂုန်တာရာ- ရုပ်ပုံလွှာ'၊ ၁၉၅၅ခုနှစ်၊ စာအုပ်မှ ကူးယူဖော်ပြပါတယ်။}

[၂၀၁၁ သြဂုတ်လတွင် ကျရောက်သော ဗမာပြည်ကွန်မြူနစ်ပါတီ ဥက္ကဌ သခင်သန်းထွန်း(၁၉၁၁-၂၀၁၁) ရဲ့ မွေးနေ့ရာပြည့် အထိမ်းအမှတ်အဖြစ် မာယာမဂ္ဂဇင်းက ဂါရဝပြု ဖော်ပြခြင်း ဖြစ်ပါတယ်။]