Sunday, February 28, 2010

နောင်ရိုးတင်ဝင်း
ရေးသူ- မောင်အေးဝင်း



[ကိုတင်ဝင်းအကြောင်းကို ကျနော်ရေးတဲ့အတွက် မလိုလားသူ၊ မနှစ်သက်သူတို့ ရှိကောင်း ရှိမယ်။ ကျနော်ရေးတဲ့ အကြောင်းဟာ ကိုတင်ဝင်းနဲ့ အင်းစိန်ထောင်ထဲ အတူနေရစဉ်ကနေ ၁၉၈၉ ကျနော် ပြည်တွင်းက မထွက်ခင်အထိ ကျနော်သိတဲ့ ကိုတင်ဝင်း (ခ) ကိုအောင် (ခ) မာလာတင်ဝင်း သာဖြစ်ပါတယ်။ ရေးလို့ မကုန်မချင်း အခန်းဆက်ရေးဖို့ စဉ်းစားထားပါတယ်။]

၅ တိုက်၊ အခန်း ၁၃။

ကျနော် အဖမ်းခံရတဲ့ညက ဓနိတောရေတပ်၊ ထောက်လှမ်းရေး(၃) မှာ တည အိပ်ရတယ်။ နောက်တနေ့ မနက်မှ အင်းစိန်ထောင်ကို ပို့တယ်။
ရောက်ရောက်ချင်းပဲ အင်းစိန်ထောင်ထဲမှာ စခန်းချနေထိုင်နေကြတဲ့ ထောက်လှမ်းရေးတွေက ကျနော့်ကို စစ်ကြောရေး တန်းလုပ်တယ်။ ညနေရောက်မှ ထောင်ကလူတွေ လက်ထဲအပ်တာ။
ထောင်ကလူတွေကလဲ ကျနော့်ကို ဘယ်မှာထားရမယ်ဆိုတာ ကြိုတင်စီစဉ်ထားပုံမရဘူး။ ဧည့်သည်တွေ ၀င်လာမစဲတသဲသဲမို့ နေရာအခက်အခဲရှိတဲ့ Hotel လိုပဲ။ အခန်းရအောင်ကို တယ်လီဖုံးတွေနဲ့ မနည်း မေးမြန်းနေရတာ တော်တော်ကြာတယ်။ Hotel မှာ Check in ၀င်တာ အခန်းမအားသေးလို့ စောင့်နေရ သလိုပဲ။


(၆) တိုက်နားက ၀ါဒါတဲကလေးရှေ့မှာ စောင့်နေရတာပဲ နာရီဝက်လောက်ရှိမယ်။
နေရာရတော့မှ ချည်ကြမ်းလုံချည်အပြာရောင်ဝတ်ထားတဲ့ ဂင်တိုတိုလူတယောက်နဲ့ ရုပ်ရှင်မင်းသား ဇော်ခင်ဂိုက်နဲ့ လေတပ်ယူနီဖောင်းလို တက်ထရက် ဘောင်းဘီ၊ အင်္ကျီနဲ့ ၀ါဒါတယောက် ရောက်လာပြီး၊ လုံချည်ပြာက ကျနော့်ခေါင်းကို စောင်နဲ့ လာပြန်အုပ်တယ်။ သူတို့ ကျနော့်ကို စစ်ကြောရေးစခန်းက ခေါ်လာတုန်း ကလဲ စောင်နဲ့ အုပ်ပြီး ခေါ်လာတာ။ အခန်းစောင့်နေရတုန်း ခဏ စောင်လှပ်ထားပေးတာ။ နောက်မှ သိရတာ လုံချည်ပြာက အများက ဖထီးလို့ ခေါ်ကြတဲ့ လူသတ်မှုနဲ့ ထောင်တသက်တကျွန်းကျတဲ့သူ၊ ရှိုးကျကျ ၀ါဒါက ရေတပ်က ပြုတ်လာပြီး အကျဉ်းဦးစီးဌာနမှာ ၀ါဒါလာဖြစ်နေတဲ့ ၀ါဒါ ၀င်းကြည်။
စောင်အုပ်ပြီးခေါ်ခဲ့တာ စောင်ကို ဖွင့်လိုက်တော့ အခန်းကျဉ်းတခုရှေ့ ရောက်နေပြီ။ အဲဒီအခန်းမှာ ကျနော် နေရတယ်။ ၅တိုက်၊ အခန်း ၁၃ တဲ့။
အခန်းတံခါး ပိတ်လိုက်တော့ သံတိုင်တံခါး အပြင်ဘက်မှာ သောက်ရေအိုးတလုံးရှိမှန်း သတိထားမိ တယ်။ အခန်းရဲ့ လူနှစ်ရပ်စာမက မြင့်တဲ့ မျက်နှာကျက်မှာ ၁၅ ၀ပ်လောက်ရှိတဲ့ မှုန်ပျပျ မီးသီးတလုံး ထွန်းထားတယ်။ အိမ်သာအတွက် အသုံးပြုဖို့ ဂန်ဖလားဆိုတဲ့ စဥ့်ရည်သုတ် မြေအင်တုံတလုံး ထားပေးတယ်။ အခန်းပြင်မှာ သွပ်ပြားကာထားတဲ့ အခန်းတခုကို လှမ်းမြင်နေရတယ်။ အဲဒါ ရေချိုးခန်းတဲ့။ အံမယ်.... ရေ မီး အစုံပါလား။
ဒါကြောင့် ထင်ပါရဲ့၊ ထောက်လှမ်းရေးတွေက ဓာတ်ပုံရိုက်တော့ အိုးအိမ်ဦးစီးမှာ တိုက်ခန်းတွေ ဘာတွေ လျှောက်ထားသေးလား မေးတာကိုး။ ခုမှ သဘောပေါက်တယ်။

အခန်းပြောင်းရခြင်း။

ဒီလိုနဲ့ နေ့နဲ့ည၊ ညနဲ့နေ့ အခန်းကနေ ထုတ်လိုက် စစ်လိုက်၊ ပြန်သွင်းလိုက်နဲ့ ရက်နဲနဲ ကြာလာလို့ စစ်လို့ကုန်တော့ အခန်း ၁၃ ကနေ ၅တိုက်ရဲ့ အစွန်ဆုံး အခန်းဖြစ်တဲ့ အခန်း ၂၁ ကို ပြောင်းရတယ်။ အခန်း ၂၁ မှာ နဂိုက လူတယောက်ရှိပြီးသား။ ကျနော် ရောက်သွားတော့ နှစ်ယောက်ဖြစ်သွားတယ်။ အခန်းဖော်က ကျော်ဝင်း။ ကျနော်တို့ စက်မှုတက္ကသိုလ်ကပဲ။ စတုတ္ထနှစ်မြို့ပြက တရုတ်ကပြား ကျောင်းသားတယောက်ပဲ။
နောက်တနေ့မှာ ကျနော်တို့ အခန်းကို ဂျီတီအိုင်က ကျောင်းသား နှစ်ယောက် ထပ်ရောက်လာတယ်။ တညင် ကျောက်တန်းက ကြည်ရှိန် နဲ့ ပဲခူးက ၀င်းမြင့်။ အခန်းဖော်တွေအကြောင်းတော့ နောက်မှ ရေးတော့မယ်။ ခေါင်းစဉ်တပ်ထားတဲ့ ကိုယ်ရေးချင်တဲ့လိုရင်းကို အခန်း ၂၁ ကို ပြောင်းပြီးမှ ရောက်တာ။

ကျနော့်ဇာတ်လိုက် ကိုအောင်

ကျနော်တို့ နေရတဲ့ ၂၁ အခန်းနဲ့ တည့်တည့်မှာ ၅ တိုက်ထဲကို ၀င်တဲ့ အပေါက်ရှိတယ်။ တနေ့မှာ ဗြုန်းဆို တံခါးရုတ်တရက် ပွင့်လာပြီး စောင်နဲ့အုပ်ပြီး ဘေးက ၀ါဒါတွေ လုံချည်ပြာတွေ သုံးလေးယောက် ၀ိုင်းချုပ်ထားတဲ့ လူတယောက်ကို သွင်းလာတယ်။ စောင်နဲ့ အုပ်ခံရတဲ့လူကို လုံချည်တိုတို ၀တ်ထားတဲ့ ခါးအောက်ပိုင်းပဲ မြင်ရတယ်။ ခြေသလုံးဖြူဖြူက ခြေသလုံးမွှေးတွေပဲ မြင်ရတာ။ အရပ်က ရှည်ပုံရတယ်။ သူ့ကို ချုပ်ကိုင်ပြီး စောင်နဲ့အုပ်လာတဲ့ သူတွေလက်က အပေါ်ကို မြောက်နေတယ်။ သူတို့ ခေါ်လာပုံက လမ်းမှာ အတင်းရုန်းကန် လွတ်ထွက်မှာ ကြောက်လို့ ညှပ်ပူးညှပ်ပိတ် ဆွဲလာတဲ့ပုံမျိုး။ ကျနော်တို့ အခန်းနဲ့ ကပ်လျက်အခန်းမှာ သူ့ကို ထည့်တယ်။ အခန်းတခုနဲ့ တခုကြားမှာ အုတ်နံရံက ခြေနှစ်လှမ်းစာလောက် ရှည်ထွက်နေအောင် ကာထားတော့ လူကို အခန်းထဲသွင်းလိုက်တာ မမြင်လိုက်ဘူး။ အသံတော့ ခပ်အုပ်အုပ်ကြားတယ်။ မင်း ဒီမှာ ကောင်းကောင်းနေ တဲ့။
ဝါဒါတွေ ပြန်ထွက်သွားလို့မှ တအောင့်လောက်ပဲ ရှိအုန်းမယ်။ ခုနက သွင်းလာတဲ့ အခန်းဘက်ကနေ ကျနော်တို့ဘက် နံရံကို ထုပါလေရော။ ပါးစပ်ကလဲ မေးနေတယ်။
"ဟေ့- ဟိုဘက်မှာ ဘယ်သူတွေ ရှိလဲ" တဲ့။ မဖြေမချင်းကို ထုနေပါလေရော။
"မကြောက်ပါနဲ့-ဖြေပါကွ၊ ငါ့နာမည် တင်ဝင်း ပြည်ချစ်က..... မင်းတို့ ဘယ်ကလဲ"
ကျနော်တို့ လေးယောက်ကို ဒီလူ ခေါင်းစားနေပြီ။ အာဏာပိုင်တွေက ကျနော်တို့ကို ပြဿနာရှာဖို့ သူတို့ လူကို လာထည့်ပြီး အကြံအစည်နဲ့ လုပ်တာလား၊ အတုလား အစစ်လားပေါ့။ တခန်းနဲ့တခန်း မဆက်သွယ်ရ၊ စကားမပြောရဆိုတဲ့ ဥပဒေကြီးက တော်တော် တင်းကျပ်နေတဲ့အချိန်။ သော့သံကြားရင်ပဲ ဘယ်အခန်းကလဲ၊ ဘယ်သူ့ကိုလဲ၊ ဘာလုပ်ဖို့လဲ ဆိုတဲ့ လဲပေါင်းများစွာနဲ့ ဗျာများနေရတဲ့ အချိန်။
ကျနော်တို့ လေးယောက် အခန်းအတွင်း ဘက်ကို သွားပြီး တိုးတိုးတိတ်တိတ် တိုင်ပင်ရတယ်။ တံခါးပေါက်နားမှာ ပြောရင် ဒင်းကြားသွားမှာစိုးလို့။
ဖြေလိုက်မှ ဖြစ်မယ်။ ဒီလူက မဖြေမချင်း ထုနေမှာ။
"မင်းတို့ ဘယ်သူလဲဆိုတာ မဖြေချင်နေ၊ ဘယ်နှစ်ယောက်လဲပြော" တဲ့။ လုပ်လာပြန်ပြီ။ ကျနော်က ငါဖြေလိုက်မယ်လို့ အခန်းဖော်တွေကို အရိပ်အကဲပြလိုက်တော့ ကျော်ဝင်းက ကျနော့်ကို လက်တချောင်းထောင် ပြတယ်။ တယောက်ထဲ ဆိုတဲ့ သဘောပေါ့။
ကျနော်က တံခါးနားကို ပြန်သွားပြီး တယောက်လို့ ဖြေတယ်။
"ငါ့နံမည် တင်ဝင်း၊ ပြည်ချစ်တပ်မတော်က...... မင်းတို့ ငါ့ကို ခေါ်ရင် 'ကိုအောင်' လို့ ခေါ်...၊ မင်းတို့ တယောက်ဖြစ်ဖြစ် ဘယ်နှစ်ယောက်ဖြစ်ဖြစ် မင်းတို့ကို ငါခေါ်ရင် 'ကမာ' လို့ ခေါ်မယ်" တဲ့။
သူ့ဘက်က အမေးကို ကျနော်တို့ဘက်က ဖြေတဲ့၊ အဖြေကြားမှာ အချိန် ခြားခြားနေတော့ သူ သင်္ကာမကင်း ဖြစ်ပုံရတယ်။
နောက်တနေ့ မနက်လင်းတော့ အဖြေပေါ်တာပဲ။ အခန်းတွေ တခန်းချင်း မိလ္လာအချမှာ သူ့ဘက်ကို အရင်ရောက်တော့ တံခါးဖွင့်တာနဲ့ ဂန်ဖလားကို ချပြီး ကျနော်တို့ အခန်းဖက် ခုန်ပေါက်ပြီး ရောက်လာတယ်။ ဖထီးက မလုပ်နဲ့ တင်ဝင်း မလုပ်နဲ့လို့ ပြောရင်း လိုက်ဆွဲနေတဲ့ကြားက ကျနော်တို့ အခန်းရှေ့ရောက်လာပြီး-
"ဟား.. ဟား ငါသိပါတယ်၊ မင်းတို့ တယောက်ထဲ မဟုတ်ဘူးဆိုတာ..." ရီပြီးပြောပြီး ပြန်ထွက်ပြေး သွားတယ်။
သူ့ပုံက အရပ်မြင့်မြင့် နှုတ်ခမ်းမွှေး ပါးသိုင်းမွှေးနဲ့ အသားဖြူဖြူ ရုပ်ချောချော၊ ရုပ်ရှင်မင်းသား လင်းထင်တို့လို့ ပုံမျိုး။ ကျနော့်ရဲ့ မျက်စိထဲမှာ သူ အဲဒီလို ရီပြီး ထွက်သွားတဲ့ ပုံဟာ ခုထိ မြင်နေတုန်း။ စိတ်နှလုံးကောင်းမယ့် ဥပဓိရုပ်မျိုး။ လုပ်စရာရှိရင် သွေးအေးအေးနဲ့ သတ္တိရှိရှိ လုပ်မယ့်ပုံမျိုး။ သူက တင်ဝင်း၊ သူ့မိန်းမက မာလာ။ ဗမာပြည် တနံတလျား ဗုံးလျှောက်ခွဲနေရာက ဖမ်းမိသွားပြီး စစ်အစိုးရက သေဒဏ် ချထားတာ။
လုံချည်ပြာ ဖထီး ထွက်သွားပြီးတော့ သူပြောတယ်လေ။ ခုန ငါလုပ်တာမျိုး ဘယ်သူမှ လုပ်လို့မရဘူး။ ဖထီး လက်ချက်နဲ့ အရိုးတခြား အသားတခြား ဖြစ်သွားမှာတဲ့။ ဖထီးက ငါ့မို့လို့ ဘာမှ မလုပ်တာ။ ဖထီးက သူ့ ဇ, ကို ကြုံဖူးနေတော့ မလုပ်ရဲတာလဲ ပါမယ်၊ လေးစားတာလဲ ပါမယ်။
သူပြောတာ ဟုတ်တယ်ဆိုတာ နောက်ပိုင်း ပိုပိုပြီး သိလာရတယ်။ အာဏာပိုင်တွေကလဲ သူ့ကို ဖြုံကြတယ်။
အခြေခံဥပဒေကို ဆန္ဒခံယူပွဲလုပ်တော့ ပြည်လုံးကျွတ် ထောက်ခံတယ်ဆိုပြီး စစ်အစိုးရက ထောင်မှာ လွတ်ငြိမ်းချမ်းသာခွင့်တွေပေးတာ လင်မယားနှစ်ယောက်စလုံး သေဒဏ်ကနေ တသက်တကျွန်း ဖြစ်သွားတယ်။
သူ့ကို ကျနော် 'ကိုအောင်' လို့ပဲ ခေါ်ခဲ့တာ၊ အဲဒီနေ့ ဂန်ဖလားချတဲ့နေ့က စပြီး၊ ၁၉၈၉ တိုင်းပြည်က ကျနော် ထွက်မလာခင် အထိပဲ။
ခုတော့ သူဘယ်ရောက်သွားလဲ၊ ဘာဖြစ်သွားလဲ ကျနော်လဲ မသိတော့ဘူး။ သတင်းလဲ မကြားတော့ဘူး။

ဆက်ပါဦးမယ်။

{၂၊၂၈။၂၀၁၀ နောက်ဆက်တွဲ ပြင်ဆင်ဖြည့်စွက်ခြင်း။ ။ ၂၊၂၇၊၂၀၁၀ ညမှာ ပြည်တွင်းက ရဲဘော် တယောက်က ပြောပါတယ်။ ကိုတင်ဝင်းရဲ့ နောက်ပိုင်းဖြစ်ရပ်များနဲ့ သူ မြင်းခြံမှာ ကွယ်လွန်သွားပါပြီတဲ့။ ကိုယ်ရေးမှာ ကိုယ်ချစ်တဲ့ ၁၉၇၆-၁၉၈၉ အတွင်းက ကိုအောင်(ကိုတင်ဝင်း)နဲ့ မမာလာ ဖြစ်တဲ့အတွက် ရေးစရာ ရှိတာ ဆက်ရေးမှာမို့ ဒီဆောင်းပါးကို မာယာက ချပြီးမှ မာယာမှာ ပြန်တင်လိုက်ပါတယ်။ သည်းခံခွင့်လွှတ်ကြပါ။}



Sunday, February 14, 2010

အတ္တရုပ်ပုံလွှာ ပုံကြမ်း
ရေးသူ- ကြည်အောင်




အမေက မွေး၊ ပေးတဲ့ နာမည်
ကြည်လင်

အပေါင်း အသင်း
သူငယ်ချင်း အဖော်၊ ခေါ်ကြတဲ့ နာမည်
ကြည်လင်


ကြည်လင်ဟာ
လီနင်ရဲ့ ကျမ်းပေါင်းစုံကို
ယုံကြည် မြတ်နိုး၊ အသိပျိုးတယ်။

ကြည်လင်ဟာ
ဘုန်းကြီး ကျောင်းသား
တက္ကသိုလ် ကျောင်းသား
လုပ်စား ကိုင်စား
ပြေးလွှားခဲ့ရ
ဘ၀အလွှာ၊ မျက်နှာ ပေါင်းစုံ
ဇာတ်ခုံပေါ်မှာ၊ ကခဲ့ရာ....

ဟော... ခုတော့
ကဗျာဆရာ၊ ကလောင်နာမည်
ကြည်အောင်

ကြည်အောင်ဟာ
ရီမှောင်ပြာစင်၊ စာရေးဖို့ပြင်လျှင်
ကြည်လင်နဲ့ ငြင်းခုံတယ်။

ကြည်အောင်ဟာ
ဟော်လန်ပြည်က၊ ပန်းချီဆရာ
'ဗင်ဂိုး'
မြန်မာပြည်က၊ ကဗျာဆရာ
'တင်မိုး' တို့ကို နှစ်ခြိုက်သူ။

ကြည်လင်ဟာ
ရုရှားက
'မာယာကော့ဖ်စကီ' နဲ့ 'ဂေါ်ကီ'
အီတလီက ပန်းချီဆရာ
'မိုဒီဂလီယာနီ'
မြန်မာပြည်က
'ဗန်းမော်တင်အောင်' နဲ့ 'ဇော်ဂျီ' တို့ကို ဖတ်မှတ်သူ။

ကြည်လင်က
ကြည်အောင်ရဲ့
ကလောင်တလက်၊ 'ဗားတော့ဗရက်' လို
ထက်မြက် ထင်ရှား စေချင်တယ်။

ကြည်လင်က
ကြည်အောင်ရဲ့ ၀ိညာဉ်ထဲ
သခင်ကိုယ်တော်မှိုင်း ပန်းရနံ့
မွှေးပျံ့သင်းကြိုင် စေချင်တယ်။

ကြည်အောင်ဟာ
ကြည်အောင်ရဲ့ ရုပ်ပုံလွှာကို
ကဗျာဆရာအဖြစ် ထုလုပ်တယ်။

ကြည်လင်ဟာ
ကြည်လင်ရဲ့ ရုပ်ပုံလွှာကို
ကြည်အောင်တို့လို ကဗျာဆရာတွေက
အလေးယူစရာ
ဖြစ်လာစေဖို့၊ 'ဆေးတို့' ကြည့်တယ်။

ရွှေ... အနီ အပြာ အ၀ါ
ဘာရောင်တွေ ခြယ်မလဲ။

ကြည်အောင်နဲ့ ကြည်လင်တို့ရဲ့
ဝိညာဉ် ၂ ခု စစ်ခင်း
အတွင်း ပဋိပက္ခ၊ အားပြိုင်ကြ။

မာယာကော့ဖ်စကီ
မိုဒီဂလီယာနီ
ဂေါ်ကီ၊ ဇော်ဂျီ
လီနင်
ဗင်ဂိုး၊ တင်မိုး။

သခင်ကိုယ်တော်မှိုင်း
ဗန်းမော်တင်အောင်
ကြည်လင့် ရင်ထဲက...
ထာဝရ အလင်းရောင်။ ။

၁၉၇၉၊ ဒီဇင်ဘာ ၃၀။
[ကြီးပွါးရေးစာအုပ်တိုက်မှထုတ်ဝေတဲ့ ကြည်အောင်ရဲ့ မိခင်မာရသွန် ကဗျာစာအုပ်၊ ပထမနှိပ်ခြင်း၊ ၁၉၈၅၊ ဖေဖော်ဝါရီ မှ ကူးယူဖော်ပြပါတယ်။]


နယူးယောက်ရဲ့ မနောမယဂမ္ဘီရ
ရေးသူ- လူထုစိန်ဝင်း



"မနောဗေဒင်နဲ့ လက္ခဏာ" ဆိုတဲ့ ဆိုင်းဘုတ်ချိတ်ထားပြီး လမ်းဘေးစပွဲတလုံးမှာ အမြဲထိုင်နေတဲ့ ဂျူလီယာဟာ ဘရွတ်ကလင်ရပ်ကွက် မြေအောက်ဘူတာကိုအသွား သူ့ရှေ့က နေ့စဉ်ဖြတ်နေတဲ့ ကျွန်တော့်ကို အမြဲ စောင့်ကြည့်လေ့ ရှိတယ်။ သူ့ရှေ့မှာ ကျွန်တော်ဝင်ရပ်လိုက်တဲ့အဆုံး တနေ့မှာတော့ သူဟာ ခေါင်းစီးပုဝါကို ပြင်ပတ်ရင်း ကျွန်တော့ကို လှိုက်လှိုက်လှဲလှဲ ပြုံးပြလိုက်ပါတယ်။
"လက္ခဏာကြည့်ခက ဘယ်လောက်လဲ" လို့ ကျွန်တော်က မေးလိုက်တော့ "ပိုက်ဆံကိစ္စ နောက်မှ ပြောတာပေါ့ လူလေးရယ်" ဆိုပြီး သူဟာ ကျွန်တော့်လက်ကို ကျေနပ်ပီတိနဲ့ ဖမ်းဆွဲလိုက်ပါတယ်။ သူ့နောက်မှာတော့ အိန္ဒိယက ပစ္စည်းပစ္စယတွေ ဆိုင်လုံးပြည့် တွေ့ရပါတယ်။ မဟာပိန္နဲနတ်ရုပ်၊ အမွှေးတိုင်တွေနဲ့ 'အုမ်' အမှတ်တံဆိပ်တွေ အပြင်၊ တိဘက်ပုံစံ ဗုဒ္ဓပုံတော်ကားချပ်တွေပါ တွေ့ရပါတယ်။ သူ့ဟန်ပန်က အမေရိကန် အကြားအမြင် ဆရာမတယောက်ကို အိန္ဒိယနိုင်ငံသား ဖောက်သည်တယောက်နဲ့ အတူတူ တွေ့မြင်သွားကြမှာကို ကျေနပ်နေပုံရပါတယ်။ လူဖြူဘတ်စကက်ဘော နည်းပြတယောက်ဆီကို (လူမည်း ဘတ်စကက်ဘော အကျော် အမော်) လီဘရွန်ဂျုံးတယောက်လာပြီး တပည့်ခံတဲ့အခါ ဖြစ်လာတဲ့ ကျေနပ်မှု အတိုင်းပါပဲ။


"အိမ်ထောင်ရေးမှာ အဆင်မပြေတာလေးတွေ ဖြစ်ကိန်းရှိနေတယ်" သူက ကျွန်တော့လက်ဖ၀ါးကို ကြည့်ပြီး ပြောလိုက်ပါတယ်။
"ဘာဖြစ်လို့လဲ"
"လူကလေးရဲ့ ဟာဒယလေခ (နှလုံးသားလမ်းကြောင်း)က ဟောဒီလို နေရာမှာ မထင်မရှား မှုန်ဝါးဝါး ဖြစ်နေတယ်" သူက ကျွန်တော့ လက်ဖ၀ါးပေါ်က လိုင်းတလိုင်းကို ထောက်ရင်း ပြောလိုက်တာပါ။
"အိန္ဒိယမှာတော့ ဒါကို ကံကြမ္မာလမ်းကြောင်း(ထီးရိုး) ခေါ်ပါတယ်"
"မဟုတ်ပါဘူး။ နှလုံးသားလမ်းကြောင်းပါ လူကလေးရဲ့"
"အိန္ဒိယကလာတဲ့ လူတယောက်နဲ့ ပြိုင်ငြင်းမလို့လား။ ဒါ ထီးရိုးအစစ်ခင်ဗျ"။ ဒီတော့ ဂျူလီယာက မော့ကြည့်လိုက်ပြီး သူ့ကို ဒုက္ခပေးမယ့် အိန္ဒိယလူမျိုးတယောက်ဖြစ်ကြောင်း သဘောပေါက်သွားပုံ ရပါတယ်။
နယူးယောက်ကို ၅ နှစ်ကြာပြီးမှ ပြန်ရောက်လာတော့ တမြို့လုံးကို အကြားအမြင်ဆရာတွေ သိမ်းပိုက် ထားလေသလားလို့တောင် ထင်မိရပါတယ်။ သူတို့ရဲ့ ဗဟိုဌာနချုပ်လို ဖြစ်နေတဲ့ အရှေ့ပိုင်း ရပ်ကွက်တွေမှာ ဆိုရင် အီးမေလ် စစ်ကြည့်ဖို့နေရာထက် လက္ခဏာကြည့်စရာ နေရာတွေက ပိုများနေပါတယ်။ အခုတော့ အရှေ့ပိုင်းကနေ နယူးယောက်တမြို့လုံးကို ပျံ့နှံ့နေပါတော့တယ်။ ဘယ်နေရာကြည့်ကြည့် အရှေ့တိုင်း၊ တိုင်းရင်းဆေးဆိုင်တွေ၊ ဗေဒင်လက္ခဏာ အကြားအမြင်ဆရာတွေချည်း မြင်တွေ့နေရပါတော့တယ်။ စိတ်ချရမှန်း မသေချာ မရေရာတဲ့ 'အပ်စိုက်၊ မီးကင်' ဆရာတွေလည်း မနည်းလှပါဘူး။ ဂရင်းဝစ်ခ်ျရွာဘက်မှာ အရင်ကလည်း ဂမ္ဘီရဆရာတွေ မနည်းပါဘူး။ အခုတော့ ပိုများလာပြီး မြို့တော်ရဲ့ ပင်မရေစီး အသိုက်အ၀န်းထိကို ပျံ့နှံ့နေပါပြီ။
လွန်ခဲ့တဲ့ ၁၀ နှစ်လောက်ဆီက ရူးကြောင်ကြောင် ပေါသွပ်သွပ်လို့ ထင်ခဲ့တဲ့ အရာတွေက အခုတော့ လူရိုသေ ရှင်ရိုသေ ကိစ္စတွေ ဖြစ်နေကြပြီ။ နယူးယောက်ရဲ့ 'ရေပေါ်ဆီ' ပညာတတ် လူတန်းစားတွေထဲမှာကို အဲဒီလို ဖြစ်နေကြတာ။ ကျွန်တော့် မိတ်ဆွေဟောင်းတယောက်ဆိုရင် အရင်က ဘာသာမဲ့တယောက်၊ ဆင်ခြင်တုံတရား ၀ါဒီတယောက် ဖြစ်တယ်။ အခုတော့ သူက ရဟူဒီ ဂမ္ဘီရပညာတွေ လိုက်စားနေပြီး သူ့ဇနီးက လည်း အနောက်တိုင်းဆေးဝါးတွေကို မယုံတော့ဘဲ တရုတ်ဆေးဆရာတယောက်ဆီ သွားပြီး ပရဆေးတွေ၊ ဓာတ်လုံးတွေနဲ့ပဲ အကုခံတော့တယ်လို့ ပြောပြပါတယ်။
အိန္ဒိယက အနောက်တိုင်းဆရာဝန်တဦးရဲ့ သားဖြစ်တဲ့ ကျွန်တော်ဟာ ဒါတွေကို မြင်ရတော့ တော်တော့်ကို အလန့်တကြား ဖြစ်သွားရပါတယ်။ စက်မှုအတတ်ပညာတွေဟာ အမေရိကမှာ ကောင်းကောင်းကြီး ထွန်းလင်းတောက်ပနေတာ မှန်ပါရဲ့။ နေရာတကာမှာ ဆဲလ်ဖုံးတွေနဲ့ လက်ပ်တော့တွေချည်းပါပဲ။ ဒါပေမယ့် ဒီအတတ်ပညာတွေကို ဖော်ထုတ်ပေးလိုက်တဲ့ သိပ္ပံပညာအပေါ် ယုံကြည်မှုကတော့ ပြီးခဲ့တဲ့ ဆယ်စုနှစ် တခေတ်အတွင်း တော်တော်ကြီးကို ယုတ်လျော့ ကျဆင်းသွားပါတော့တယ်။ သက်သေအဖြစ် ထောက်ပြစရာ တွေကတော့ လက်ညှိုးထိုး မလွဲပါဘူး။ လမ်းဘေးဗေဒင် လက္ခဏာဆရာတွေက စပြီး အိမ်ဖြူတော်အထိပါပဲ။
၂၀၀၅ ခုနှစ်မှာ သမ္မတဘုရ်ှက အမေရိကန်ကျောင်းတွေမှာ "ဖန်ဆင်းခြင်း" အယူအဆအပါအ၀င် ကိုယ်နှစ်သက်ရာကို လွတ်လပ်စွာ ရွေးချယ်သင်ကြားခွင့် ပေးသင့်တယ်လို့ အကြံပြုလိုက်တော့ ဒါဝင်ရဲ့ အီဗော်လူးရှင်း သီအိုရီကို ဆန့်ကျင်သူများ အကြိုက်တွေ့ သွားကြတယ်။ ဂမ္ဘီရဆန်တယ်လို့ ဆိုကြတဲ့ အရှေ့တိုင်းက ရောက်လာသူတဦးအနေနဲ့ကတော့ ဒါတွေဟာ စိတ်ကသိကအောက် ဖြစ်စရာပဲ။ စက်ဆုပ်စရာ လို့တောင် ဆိုချင်ဆိုနိုင်ပါတယ်။
ကျွန်တော်တို့ မိသားစုမှာဆိုရင် အခြားသော လူလတ်တန်းစား အိန္ဒိယလူမျိုးစုမိသားစုများအတိုင်း သိပ္ပံနဲ့ သင်္ချာပညာကို အထူးတလည် တန်ဘိုးထား လေးစားကြတယ်။ ကျွန်တော်တို့ အဖိုးတယောက်ဆိုရင် ဒါဝင်နဲ့ တီအိပ်ခ်ျဟပ်စလေရဲ့ အီဗော်လူးရှင်းသီအိုရီ စာအုပ်ကြီးတွေကို သူ့စာအုပ်စင်မှာ အမြတ်တနိုး ထားရှိပါတယ်။ နောက်အဖိုးတယောက်ကတော့ ဆွေစဉ်မျိုးဆက် ကျင့်သုံးလာတဲ့ ရိုးရာအစဉ်အလာအတိုင်း ကျွန်တော့မိခင်ကို တ၀မ်းကွဲမောင်တယောက်နဲ့ လက်ထပ်ပေးမယ့်ကိစ္စကို 'သိပ္ပံနည်းမကျ' ဘူးဆိုပြီး အစဉ်အလာကို ဖောက်ပြီး ဖျက်သိမ်းပစ်ခဲ့ပါတယ်။ အဖိုးနှစ်ယောက်စလုံးဟာ ရှေးရိုး ဗြဟ္မဏဘာသာကို ကိုးကွယ်ကြပါတယ်။ ဒါပေမယ့် ဒါဟာ ခေတ်နဲ့မအပ်စပ်တော့ပဲ တဖြည်းဖြည်း ပျောက်ကွယ် သွားလိမ့်မယ်ဆိုတဲ့ အသိတော့ ရှိကြပါတယ်။ ဒီလိုအသိပေးမယ့်လည်း သူတို့ စိတ်မချမ်းမသာ ဖြစ်မနေကြပါဘူး။ ကျွန်တော်နဲ့ သူတို့ရဲ့ 'တိုးတက်မှု' ဆိုတဲ့ အမြင်ထဲမှာ အတူပါဝင်နေတဲ့ အချက်ကတော့ အိန္ဒိယနိုင်ငံဟာ ပိုပြီးချမ်းသာကြွယ်ဝတဲ့ နိုင်ငံတခု ဖြစ်လာခြင်းနဲ့အတူ အလယ်ခေတ် အိန္ဒိယ နိုင်ငံသားတွေကို နှစ်ပေါင်းများစွာ နှောင်ဖွဲ့ထားခဲ့တဲ့ အယူသည်းခြင်းနဲ့ တခြားပေါက်တတ်ကရ အယူအဆ အတွေးအခေါ်များဟာ စာတတ်မြောက်နှုန်းမြင့်မားလာပြီး ဆင်ခြင်တုံတရားနဲ့ စဉ်းစားလာကြတဲ့အခါမှာ လုံးဝကွယ်ပျောက်သွားလိမ့်မယ်ဆိုတဲ့ ယုံကြည်မှု ဖြစ်တယ်။
ကျွန်တော့်မျိုးဆက်မှာဆိုရင် နတ်ဒေ၀တာတွေနေရာမှာ တွေးခေါ်စဉ်းစားခြင်းကို အစားထိုးလိုက်ကြပါပြီ။ ဒီနေ့ ကျွန်တော်တို့ မျိုးဆက်က ကျွန်တော်တို့ နိုင်ငံရဲ့ သိပ္ပံနဲ့ စက်မှုနည်းပညာတက္ကသိုလ်ကြီးတွေရဲ့ အရေးပါမှုကို သိရှိနေကြပြီး microsoft လို၊ NASA လို၊ နေရာကြီးတွေထိ ၀င်ဆန့်နိုင်တဲ့ မြောက်မြားလှစွာသော ကျွန်တော်တို့ရဲ့ သိပ္ပံပညာရှင်တွေနဲ့ အင်ဂျင်နီယာတွေအတွက် ၀မ်းမြောက် ဂုဏ်ယူနေကြပါတယ်။ ကျွန်တော်တို့ အလေးအမြတ်ပြုရာကလည်း နတ်ဒေ၀တာများရဲ့ ဘုံဗိမာန်တွေ မဟုတ်ကြတော့ဘဲ Caltech လို MIT လို အနောက်တိုင်း သိပ္ပံအဆောက်အအုံများနဲ့ Nature and Scientific American လို စာအုပ်များသာ ဖြစ်ကြပါတော့တယ်။
အဲဒီတော့ ၂၀၀၈ ခုနှစ်မှာ အမေရိကန်ကို ရောက်လာပြီး သိပ္ပံပညာအပေါ် ယုံကြည်မှုများဟာ အိမ်ဖြူတော်ကနေပြီး လက္ခဏာဆရာတွေ ပေါများလှတဲ့ ဒီ ဘရွတ်ကလင်လို နေရာအထိ ယုတ်လျော့ကျဆင်း နေတာကို မြင်တွေ့ရတဲ့အခါမှာ ဘယ်လောက်ထိ စိတ်ထဲမှာ ဘ၀င်မကျ ဖြစ်လိုက်ရသလဲ။ ကျွန်တော်ရဲ့ တစိတ်တပိုင်းက ဒီလိုဖြစ်နေတာတွေကို ဟားတိုက်ရယ်မောပစ်လိုက်ပြီး ဂျူလီယာကို ကောင်းကောင်း ဒုက္ခပေးပစ်လိုက်ချင်တယ်။ ဒါပေမယ်လို့ နောက်တစိတ်တပိုင်းက တီးတိုးပြောနေတယ်။
"နေပါဦးလေ ပေါက်တတ်ကရ ဖြစ်ချင်တိုင်းဖြစ်တဲ့ အခြေအနေအထိ အနောက်ကမ္ဘာကြီး ယုတ်လျော့ကျဆင်းသွားတာကို ခရာမှုတ်ပြီး နှုတ်ဆိတ်မနေပါနဲ့ဦး။ ကျုပ်တို့ရဲ့ လက်တဒါဇင် နတ်ဒေ၀တာတွေနဲ့ အမွှေးတိုင်တွေကို ယူကြစမ်းပါအေ။ ဒို့ကလည်း သူတို့ရဲ့ 'ဂလီလီယို' နဲ့ ဒက်စကာတေး ရုပ်တုတွေကို ဒို့အင်ဂျင်နီယာကျောင်းတွေနဲ့ ကွန်ပြူတာ ကုမ္ပဏီတွေဆီ သယ်ယူသွားကြတာပေါ့။ မကြာခင် တနေ့မှာတော့ သူတို့ရဲ့ မှော်ဝင်သားသမီးတွေဟာ ခေါင်းထုပ်ကြီးတွေ ပေါင်းပြီး မွန်ဘိုင်းက စားသောက်ဆိုင်တွေမှာ ဒို့သားသမီးတွေကို အလုပ်အကျွေးပြု စားပွဲထိုးနေကြလိမ့်မယ်"
ဒါနဲ့ပဲ ကျွန်တော်ဟာ ဂျူလီယာကို ပြုံးပြပြီး 'ခင်ဗျားမှန်ပါတယ်။ ဒါ နှလုံးလမ်းကြောင်းပါ' လို့ ပြောလိုက်ပါတယ်။
ဒီတော့ သူ့မျက်နှာဟာ အရှေ့ဘက်ဒေသက ဧည့်သည်တယောက်အပေါ်မှာ အောင်ပွဲခံလိုက်ရတဲ့ အမေရိကန် အကြားအမြင်ဆရာတယောက်ရဲ့ ဂုဏ်ယူဝင့်ကြွားတဲ့ အပြုံးနဲ့ ၀င်းပသွားပါတော့တယ်။

၂၈-၇-၀၈ ထုတ် တိုင်းမ်မဂ္ဂဇင်းက Aravind Adiga ရဲ့ Mystical Mischief အက်ဆေးကို ဘာသာပြန်ထားတာပါ။
{လူထုစိန်ဝင်းရဲ့ ဆင်းရဲခြင်းထောင်ချောက်- အက်ဆေးများ စာအုပ်မှ ကူးယူတာ ဖြစ်ပါတယ်။ ဒီစာအုပ်မှာ ပါတဲ့ အက်ဆေးတွေဟာ ၀င်းဇော်၊ လူထုစိန်ဝင်း အမည်များနဲ့ Bi weekly eleven ဂျာနယ်မှာ ပါခဲ့တာတွေကို နှစ်ကာလများ စာအုပ်တိုက်က ၂၀၀၉ မေလမှာ ပထမအကြိမ် ထုတ်ဝေခဲ့ခြင်း ဖြစ်ပါတယ်။}


Saturday, February 13, 2010

ငန်းရိုင်း တကောင်
ရေးသူ- ကြည်အောင်



ဟစ်ကြော် ပျံသန်း ရင်ပေါင်တန်းနေ
တောငန်း တအုပ် ၀ါဂွမ်းဆုပ်လို
လှုပ်လှုပ် ဖွေးဖွေး ဝေး ဝေး ဝေး ပေါ့
ရေးရေး မှုန်မှုန် ၀ိုးတ၀ါး။


နောက်ဆုံး နေရောင် ငန်းတကောင်ဟာ
တိမ်မှောင်တွေအောက် ငန်းအုပ်နောက်ကို
လမ်းပျောက် မှန်းမျှေုာ် တကြော်ကြော်နဲ့
ဖော်ခေါ်သံပေး ဝေး ဝေး ဝေးပေါ့
ညရေး မှိုင်းညို အမှောင် မျိုချိန်
တိမ်ပြို လျှပ်ပြက် ငန်းရိုင်းနက်ကယ်
မိုးသက် မုန်တိုင်း ဆင်တော့မယ်။

၁၉၆၇
[အမတ တရား- ကြည်အောင် ကဗျာများ စာအုပ်မှ ကူးယူဖော်ပြပါတယ်။]


A Wild Swan
translated by- Maung Tha Noe


Shricking, flying, abreast
a flock of wild swans like a pack of cotton wool
moving white, far, far, far
fading out, blurring

In the last sunlight a swan
under the dark clouds behind the flight of swans
lost, hoping, crying out
crying for companions, far, far, far,
night darkens, darkness swallows
clouds break, lightning flashes, wild swan,
thunderstorm is about to rage.

1967
[Immortality poems by Kyi Aung, selected & translated by Maung Tha Noe]
{Kyi Aung Memorial Publication by Maung Tha Noe - Khin Lay Nwe, 2009 Yankoun}

[ "မရောင်းသေး
မဟောင်းသေး
(ပြတိုက်မပို့ရသေးတဲ့)
ပစ္စည်း တချို့ ဖြစ်တယ်"]

Friday, February 12, 2010

မြက်ရိုင်းထဲက ကြေးရုပ်
ရေးသူ- မိုးချိုသင်း



{မိုးချိုသင်းမှတ်တမ်း- ဘလော့ဂ်မှ မိုးချိုသင်းရဲ့ စာမူကို ခွင့်ပြုချက်တောင်းခံပြီး ဖော်ပြခြင်း ဖြစ်ပါတယ်။}


ဒီနေ့တော့ လွန်ခဲ့တဲ့ ဆယ့်ငါးနှစ် ၁၉၉၅ က မန္တလေးမှာ ကျင်းပတဲ့ ဆွံ့ အ နားမကြား ရံပုံငွေ အတွက် စာပေဟောပြောပွဲတခု တက်ခဲ့ နားထောင်ခဲ့တာ သတိရတယ်။ ဟောပြောပွဲမှာ ပြောခဲ့တဲ့သူတွေက ဆရာမကြီး ဒေါ်ခင်နှင်းယုရယ်၊ အဖေရယ်၊ ဆရာ ဦးတင်မောင်သန်း၊ ဆရာ အော်ပီကျယ် နဲ့ ဆရာမ ဂျူးတို့ပါ။

အဲဒီတုန်းက စာပေဟောပြောပွဲကို ရုံပြည့်ရုံလျှံ အားပေးတဲ့ မန္တလေး ပရိသတ်ကြီးကို အံ့သြမိတာ အမှန်ပေါ့။ ခမ်းမကြီးံနဲ့ မဆန့်လို့ ရုံကို အလာ လမ်းတလျှောက်မှာ ကိုယ့်ထိုင်ခုံလေးတွေနဲ့ ကိုယ် ထိုင်ပြီး နားထောင်ကြတာ တွေ့ရတယ်။ လမ်းထောင့်တွေမှာ တီဗီအကြီးကြီးတွေ ချပေးထားပြီး တိုက်ရိုက် ဟောပြောချက်ကို နားထောင်စေတာ တွေ့ခဲ့ရတယ်။ မြင်ရတာ စိတ်ကြည်နူးမိပါတယ်။


အဲဒီတုန်းက အဖေက မော်စကို က ထွက်လာတာ မကြာသေးဘူး။ ပထမဆုံး အပြင်ရောက်ပြီးမှ လုပ်တဲ့ စာပေဟောပြောပွဲဆိုတာ မှတ်မိနေပါတယ်။ အဖွားလူထု ဒေါ်အမာရဲ့ မွေးနေ့ပွဲအပြီး နောက်တနေ့ နိုဝင်ဘာလ ၃၀ရက်၊ ၁၉၉၅ ခု လို့ ထင်ပါတယ်။

အဲဒီဟောပြောပွဲမှာ အဖေရွတ်ခဲ့တဲ့ ကဗျာလေးတွေ မူရင်း လက်ခံ မရှိတော့လို့ စိတ်မကောင်းဖြစ်နေတုန်း တနေ့ကတော့ မာယာအွန်လိုင်းမဂ္ဂဇင်းလုပ်တဲ့ အကို ကိုအေးဝင်းက ကက်ဆက်ခွေလေးတခု စာတိုက်က ပို့လာတယ်။ ဒါနဲ့ ၀မ်းသာအားရ အဖေ့ ကက်ဆက်လေးနဲ့ ဖွင့်ပြီး နားထောင်လိုက်မိတယ်။ ကိုအေးဝင်းကို ကျေးဇူးတင်လိုက်တာ..။

နားထောင်မိတဲ့အထဲက ကဗျာလေး တပုဒ်ကို ကိုယ်ချစ်ခင်တဲ့ မိတ်ဆွေတွေကိုလဲ ပြန်ဝေမျှရင်း ကိုယ့်ရဲ့ မှတ်တမ်းလေးထဲမှာလဲ သိမ်းထားချင်လို့ အမှတ်တရ ရေးလိုက်ပါတယ်။

ကဗျာတွေကို ကိုယ် အခါအားလျော်စွာ ဖတ်ပါတယ်။ တချို့ နားလည်တာလဲ ရှိ၊ နားမလည်တာလဲ ရှိ။ ခံစားမှုတွေ ထပ်တူညီသွားရင် စိတ်ထဲမှာ ကျေနပ်မိပြီး ထပ်ခါထပ်ခါ ဖတ်မိတာမျိုး..။ နောက်ပြီး ဘယ်လို အကြောင်းတရားတွေကြောင့် ဒီကဗျာလေးကို ရေးဖြစ်ပါလိမ့်လို့ ကဗျာဆရာရဲ့ စိတ်ကို ဆန်းစစ် စူးစမ်း တွေးတောသွားမိတတ်တာမျိုး..။

ဒီဟောပြောပွဲမှာတော့ အဖေက သူ ဒီကဗျာလေးကို ဘယ်လို ရေးမိသွားသလဲ ဆိုတာကို ပြောပြထားတယ်။

အဖေက အားရင် သူ့မိတ်ဆွေတွေဆီ လျှောက်သွား၊ လက်ဖက်ရည်ဆိုင်ထိုင် စကားပြော နေတတ်တယ်။ တနေ့ အင်းစိန်နားက အောင်ဆန်းမြို့မှာ နေတဲ့ ကဗျာဆရာ မောင်ခိုင်မာ ရဲ့ အိမ်ကို ပန်းချီဆရာ ဦးယဉ်မင်းပိုက် နဲ့ အတူ သွားလည်ပါတယ်။ အဲဒီမှာ ဆရာဦးခိုင်မာက “ဆရာ့ကို ပြ စရာ ရှိတယ်” ဆိုပြီး ပန်းခြံတခု ကို ခေါ်သွားသတဲ့။ အဲဒီပန်းခြံက လမ်းမကြီးပေါ် လူမြင်ကွင်းမှာတော့ မဟုတ်ပါဘူး၊ လမ်းအနောက်ဖက်ကလေးမှာပါ။

လိုက်ကြည့်တော့ ဗိုလ်ချုပ်အောင်ဆန်း ကြေးရုပ်ကို တွေ့ရတာပါ။ ပန်းပုဆရာကြီး တောင်ကြီး ဦးစံဖေ ရဲ့ လက်ရာ တဲ့၊ လက်ရာက ကောင်းလိုက်တာ..။ မာန်ပါပါနဲ့ ဗိုလ်ချုပ်တရားဟော နေပုံကို ထုထားတာကိုး။ အော်.. ကောင်းလိုက်တာ၊ အောင်ဆန်းမြို့မှာ ဗိုလ်ချုပ်အောင်ဆန်း ကြေးရုပ်ကို မြင်ရတာ ကျက်သရေ ရှိလိုက်တာ၊ တကယ့်ပညာရှင်ရဲ့ လက်ရာပါလား လို့ ကြည်နူးပီတိ ဖြစ်နေတုန်း… ဘေးဘီကြည့်လိုက်မိတော့…

နွားတွေ..နွားတွေ.. တဲ့။ ပန်းခြံတခုလုံး မြက်ရိုင်းတွေ တတောလုံး ထ နေလို့ နွားစားကျက် ဖြစ်နေတာ တွေ့ရပါတယ် တဲ့။ ဗိုလ်ချုပ်လက်မှာလဲ စာရွက်လိပ်လေး ကိုင်ထားပုံပါ၊ ဒါပေမဲ့ စာရွက်လိပ်က ကြေးနဲ့လုပ်ထားတော့ အဖိုးတန်တော့ ဖြုတ်ယူကြလို့ မရှိတော့ဘူး တဲ့။

ဒါနဲ့ အဖေ့စိတ်ထဲမှာ လှပ်ခနဲ ခံစားရတာမို့ ဒီကဗျာလေးကို စပ်မိပါတယ် လို့ ဆိုပါတယ်။ ကဗျာထဲကနေ ခေတ် ကို လှမ်းကြည့်လို့ ရတဲ့ ကဗျာလေးတပုဒ်လို့ ကိုယ်က ထင်မိတယ်။ ဖတ်ကြည့်ကြပါအုံး။

မြက်ရိုင်းထဲက ကြေးရုပ်

မြက်ရိုင်းထဲတွင်
ထိုင်ဆဲ မလှုပ်၊ “ဆန်း” ကြေးရုပ်။

သမိုင်းများစွာ ဖြတ်သန်းလာတော့
“ငါ” တွေ မြက်ရိုင်း၊ နေရာတိုင်းမို့
သမိုင်းပြယုဂ်၊ ဆန်း ကြေးရုပ်ကို
ကျွန်ုပ်တို့ မေ့ခဲ့ကြပြီ။

ဆန်း ၏ လမ်းစဉ်၊ တို့ မမြင်တော့။
ကျေးဇူးရှင်မှန်း၊ မသိစွမ်းတော့။
ဆန်း ၏ ဂုဏ်ပုဒ်၊ ဆန်း ၏ ရုပ်ကား
တိမ်မြုပ်ခဲ့ပြီ၊ အတိတ်ဆီ..။

ဗိုလ်ချုပ်အောင်ဆန်း၊ ခင်းသောလမ်းကား
လွမ်းစရာပင်၊ အလှမ်းကွာ ခဲ့ပြီ။

ဗိုလ်ချုပ်လက်တွင်၊ စာရွက်လိပ်ထား
ကြေးဝါပြားကို၊ ရောင်းစားဖို့ရာ
ခွာခဲ့ရှာပေါ့၊ လက်မှာ စာရွက်မဲ့ခဲ့ပြီ။

ဗိုလ်ချုပ် ဟောရ၊ မောရ
သောက အများ၊ ဟောပါ့ တရား
ကျောက မကြား ဖြစ်ခဲ့ပြီ။

လွတ်လပ်ရေးကို၊ သွေးနှင့်ရင်း၍
အပ်နှင်းခဲ့ရ၊ သူ့ဘ၀ကို
မြေချ သဂြိုဟ် ခဲ့ကြပြီ။

သမိုင်းနာလဲ၊ နာမှန်း မသိ
တို့ မထိ တော့။
တို့၏ ကိုယ်ကျိုး၊ တို့ ထုပ်ပိုးဖို့
အမျိုးသားရေး၊ တို့ မတွေးအား။
အရေးတော်ပုံ၊ တို့ မဖြုန်အား
တို့ ယုံသည်ကား၊ တို့ ကောင်းစားဖို့။
အများအရေး၊ တို့ မတွေးအား
ကိုယ်ရေး ကြည့်ကာ၊ တို့ လိမ်မာဖို့
အရာရာတွင် ကိုယ်ကျိုးမြင်ကာ
မီးစင် ကြည့်၍၊ က တတ်ဖို့။

ဗိုလ်ချုပ် ကြေးရုပ်၊ မြက်ရိုင်းအုပ်လဲ
မခုတ်တော့ဘဲ၊ မျက်နှာလွှဲပြီ
နေမြဲနေကြပါစေတော့။ ။

တင်မိုး
၁၉၉၅

အဖေက ဒီကဗျာလေးကို မဂ္ဂဇင်းတွေကို ပို့ဖို့ စဉ်းစားမိပါသေးတယ် တဲ့၊ ဒါပေမဲ့ ကဗျာပါ မြက်ထဲ ရောက်သွားမစိုးလို့ သူ့စာအုပ်လေးထဲမှာပဲ သိမ်းထားခဲ့ရတယ် လို့ ဆိုပါတယ်။ အခုတော့ ကိုယ်လဲ ကိုယ့်မှတ်တမ်းမှာ နာကျင်စွာနဲ့ ဆက်သိမ်းထားလိုက်ပြီ။

မြက်ရိုင်းတွေကို မျက်နှာလွှဲမိလေသလား လို့လဲ လွတ်လပ်ရေးဗိသုကာကြီးကို ရှက်ရွံ့အားနာ မိပါတော့တယ်။

မိုးချိုသင်း
(ဖေဖေါ်ဝါရီ ၁၃ရက်၊ ဗိုလ်ချုပ်အောင်ဆန်း မွေးနေ့ အမှတ်တရ)

လမင်းတရာရဲ့ 'ကြည်အောင်' ကွယ်လွန်ခြင်း နှစ်ပတ်လည်



<27/3/2009> မှာ ကွယ်လွန်ရှာတဲ့...ကဗျာဆရာကြီး..'ကြည်အောင်' သို့ နှစ်လည် အောက်မေ့သတိရ၊ အမှတ်တရ.......




လေးလေးရေ....

တောင်သမန် တံတားပေါ်မှာ၊ ဦးဇင်းရဲ့ တောင်လေးလုံးမှာ။
အင်းဝက ပန်းနုရောင်မှာ၊ စကားလက်ဆုံ ပြောမကုန်။
စကားတွေ တ၀ကြီး ပြောခဲ့ကြ၊ မနေ့တနေ့က လိုပါပဲ။
လေးလေး လက်ရေးလေးနဲ့ ကဗျာလေးတပုဒ်တောင်၊ စပ်ပေးဖူးခဲ့၊
မင်္ဂလာ ငွေရတု အထိမ်းအမှတ်တဲ့...။

'တိုးနဲ့ရည်
ကြည်ဖြူမြတ်နိုးကြစေသောဝ်။
နှစ်ကုဋေ
အချစ်တွေ... ပန်းတွေပွင့်
တိုးဆင့်စိတ်စော.....' တဲ့....။

ဒီကဗျာလေးကို ကျွန်မ သေချာ သိမ်းထားတာပါ။
ခုတော့... လေးလေးက ဆေးရုံကုတင်ပေါ်ကနေ တယ်လီဖုံးလေးနဲ့
'ငါ နေကောင်းပါတယ် ကလေးမ....' လို့ ပြောပြီး၊ နောက်တနေ့ကျတော့
ကျွန်မတို့နဲ့ ဘယ်တော့မှ ပြန်မတွေ့နိုင်တော့တဲ့ အဝေးကြီး တနေရာကို
ထွက်ခွါသွားခဲ့ပြီ.....။ ကျွန်မတို့နဲ့ ဘယ်တော့မှ စကားမပြောနိုင်တော့ပြီ.....။
စိတ်ထိခိုက်လှပါတယ်.... လေးလေးရယ်။
ဝမ်းနည်း ကြေကွဲ နှမြောလှပါတယ်....။
လေးလေး ရေးခဲ့တဲ့ ကဗျာလေး တပုဒ်ကို ကျွန်မ အမှတ်ရပါတယ်။
'မသေစာဆို၊ ကဗျာချိုလျက်' တဲ့.....။
ကဗျာချစ်သူ၊ ကဗျာမုန်းသူ၊ အားလုံးက ဦးညွတ်ရတဲ့....၊
လေးလေးရဲ့ ချိုမြတဲ့.. 'အမတ' ကဗျာများဟာ အစဉ်ထာဝရ
ချိုမြဲချိုလျက်၊ ကဗျာဆရာကို အမြဲတမ်း အသက်ရှင်စေမှာပါ။

လွမ်းလျက် မမေ့နိုင်သူ ကျွန်မတို့တွေမတော့....၊ လေးလေးရေ.......
ဆွမ်းသက်စေ့လှူရင်း ကျန်ခဲ့ပေါ့။ ။

ကလေးမ။

ဟုတ်လွန်းလို့ ဟုတ်ဟုတ် ဟုတ်ဟုတ်တောင် မြည်သေး (စကားမာရသွန် ၅၁)
ရေးသူ- လူထုစိန်ဝင်း

ကျောင်းသား။ ။ နယူးစ်ဝခ်တွေ၊ တိုင်းမ်တွေကိုင်ပြီး ဘာတွေများ စဉ်းစားနေတာလဲ ဆရာရဲ့။
ဆရာ။ ။ ဇွန်လ ၁၈ ရက်နေ့ထုတ် စာအုပ်တွေထဲက စိတ်ဆင်းရဲစရာ သတင်းတွေ ဖတ်မိလို့ပါကွယ်။
ကျောင်းသား။ ။ ဘာသတင်းတွေများပါလိမ့် ခင်ဗျာ။
ဆရာ။ ။ ဂျပန်နိုင်ငံက ၆ နှစ်၊ ၇ နှစ်အရွယ် မူလတန်းကျောင်းသားကလေး ၈ ယောက် ဓားထိုးခံရပြီး သေဆုံးသွားကြရှာတဲ့ သတင်း ဖတ်မိလို့ပါ။ အတန်းထဲ စာသင်နေတဲ့ကလေးတွေကို လူတယောက်က အကြောင်းမဲ့ ၀င်ပြီး ဓားနဲ့ထိုးသတ်ပစ်လိုက်တာပါ။ တော်တော်ရက်စက်ကြမ်းကြုတ်တာပဲ။



ကျောင်းသူ။ ။ ၈ ယောက်တောင် သေဆုံးသွားကြသတဲ့လား။
ဆရာ။ ။ ဟုတ်တယ်။ မိန်းကလေး ၇ ယောက် နဲ့ ယောက်ျားလေး ၁ ယောက်ဖြစ်တယ်။ ဒုတိယတန်းက ၆ နှစ်၊ ၇ နှစ်၊ ၈နှစ်အရွယ် ကလေးတွေချည်းပဲ။
ကျောင်းသား။ ။ ဘာကြောင့် ဒါလောက်ရက်စက်ရတာလဲ ခင်ဗျ။
ဆရာ။ ။ ဘာအကြောင်းမှာကို ရှိတာမဟုတ်ဘူးကွယ့်။ 'စိတ်ရောဂါထလာလို့' လို့ ဆိုတာပဲ။
ကျောင်းသူ။ ။ သူက စိတ်ရောဂါသည်ပေါ့နော်။
ဆရာ။ ။ အသက် ၃၇ နှစ် ရှိတဲ့ 'ထခုမ' ဆိုတဲ့လူက အလုပ်အကိုင် မယ်မယ်ရရ မရှိတဲ့ ခြေသလုံးအိမ်တိုင် တယောက်တဲ့။ စိတ်ရောဂါအခံရှိလို့ စိတ်ငြိမ်ဆေးတွေ သောက်နေရတာတဲ့။ အဲဒီနေ့ကတော့ စိတ်ငြိမ်ဆေးတွေကို ပုံမှန်ထက် ၁၀ ဆ လောက် ပိုသောက်ပြီး၊ ၆ လက်မ သားလှီးဓားတချောင်း ယူပြီး ထွက်လာ ခဲ့တာတဲ့။ မူလတန်းကျောင်းကလေး ရှေ့ရောက်တော့ ကျောင်းထဲဝင်ပြီး အတန်းထဲ ထိုင်နေတဲ့ ကလေးတွေကို တယောက်ပြီးတယောက် ဓားနဲ့ လိုက်ထိုးတော့တာပဲတဲ့။ ကလေး ၈ ယောက် သေဆုံးသွားပြီး၊ ဆရာမ ၂ ယောက်နဲ့ တခြားကလေး ၁၃ ယောက် ဒဏ်ရာရသွားကြသတဲ့။
ကျောင်းသား။ ။ သူ့ကို ဖမ်းမိရဲ့လား ခင်ဗျ။
ဆရာ။ ။ ဆရာ၊ ဆရာမတွေက သူ့ကို ၀ိုင်းဖမ်းလို့ မိသွားပါတယ်။ ရဲဆီရောက်တော့ သူက လူ့ဘ၀ကို ငြီးငွေ့လွန်းလို့ပါတဲ့လေ။ သူ့ကိုသူ သတ်သေဖို့ အကြိမ်ကြိမ် ကြိုးစားခဲ့ပေမယ့် အထမမြောက်ခဲ့လို့ ခုတော့ ကြိုးပေးတာပဲ ခံချင်တော့တယ်တဲ့လေ။
ကျောင်းသူ။ ။ သူ လောကကြီးကို ငြီးငွေ့တာနဲ့ ဘာမဆိုင် ညာမဆိုင် အပြစ်မရှိတဲ့ ကလေးတွေကို လိုက်သတ်ရရောတဲ့လား။
ဆရာ။ ။ သူ့ကို သူဌေးဖြစ်အောင် လုပ်ဖို့၊ ကြီးကျယ်တဲ့ ပုဂ္ဂိုလ်ကြီးတယောက် ဖြစ်အောင်လုပ်ဖို့ မိဘတွေက ဘယ်တုန်းကမှ တွန်းအားမပေးခဲ့ပါဘူးတဲ့။ သူ့ဟာသူ သိမ်ငယ်စိတ်တွေ ၀င်နေတာပါတဲ့။ သူ့အဖေက ပြောခဲ့တာလေ။
ကျောင်းသား။ ။ ဒီလိုဆိုတော့ သူ စိတ်ရောဂါဖြစ်လာတာ မိဘတွေရဲ့ တွန်းအားပေးလွန်းမှုကြောင့် မဟုတ်ဘူးပေါ့။
ဆရာ။ ။ တခြား ဘာအကြောင်းတွေ ရှိမှန်းတော့ မသိရသေးဘူပေါ့ကွယ်။ သူက အထက်တန်း မပြီးခင် ကျောင်းထွက်ပြီး စစ်တပ်ထဲ ၀င်သွားတယ်။ စစ်တပ်ထဲမှာ တနှစ်ခွဲလောက်ပဲနေပြီး၊ ကြုံရာကျပန်း လိုက်လုပ်နေတာတဲ့။ ထရပ်ကားလည်း မောင်းဖူးတယ်။ အလုပ်မျိုးစုံအောင် လုပ်ဖူးခဲ့တယ်တဲ့။
ကျောင်းသူ။ ။ ဟိုတခါလည်း ဘူတာရုံမှာ အဆိပ်ဓာတ်ငွေ့တွေ လွှတ်လိုက်လို့ လူတွေအများကြီး သေခဲ့ဖူးတာ ဂျပန်မှာပဲ မဟုတ်လားဆရာ။
ကျောင်းသား။ ။ ဟုတ်တယ်လေ။ ၁၉၉၅ ခုနှစ်က သြုံရှင်းရိကျို့ ဆိုတဲ့ အယူသည်း ဘာသာရေးဂိုဏ်းရဲ့ လက်ချက်နဲ့ လူ ၁၂ ယောက် သေခဲ့တာပေါ့။ အဲဒီအမှုက ခုတောင် အဆုံးမသတ်သေးဘူးထင်တယ်။
ကျောင်းသူ။ ။ နိပေါနိုင်ငံမှာ မိဘ၊ ညီအကို မောင်နှမ အားလုံး ၁၀ ယောက်တိတိ သေဆုံးခဲ့ရတဲ့ သတင်းတွေတောင် နောက်ဆက်တွဲ ဖတ်လို့ မဆုံးသေးဘူးနော်။ လောကကြီးတခုလုံး ဘာတွေများ ဖြစ်ကုန်ပါလိမ့် ဆရာရယ်။ စိတ်ရှုပ်စရာကြီး။
ကျောင်းသား။ ။ ဒီလို အရူးထတာတွေ၊ အကြမ်းဖက် လူသတ်တာတွေဟာ အမေရိကန်နိုင်ငံရဲ့ မူပိုင် ရောဂါဆိုးကြီးလို့ ထင်မှတ်ထားတာ။ ခုတော့ ကျွန်တော်တို့ အရှေ့တိုင်းနိုင်ငံတွေထိ ပျံ့နှံ့နေပါရောလား ဆရာရဲ့။ ဘာကြောင့် ခုလို တနေ့တခြား ဆိုးရွားလာနေရတာလဲ။
ဆရာ။ ။ အခြေခံ အကြောင်းတရားတွေကတော့ အများကြီးပေါ့ကွယ်။ အဓိက အချက်တခုကတော့ လူသားတွေအားလုံး၊ စိတ်မိုက် စိတ်ရိုင်းတွေ၊ စိတ်ကြမ်းတွေ သိပ်အားကြီးနေကြပြီဆိုတာ လက်တွေ့ပြသနေခြင်း ပဲ။
ကျောင်းသူ။ ။ ဟိုအရင်တခါ ဆရာပြောဖူးခဲ့တဲ့ manimal ဆိုတာလေ။ man နဲ့ animal နှစ်ခု ပေါင်းထားတာ။ အဲဒါမျိုး ဖြစ်ကုန်ပြီလို့ ဆိုရတော့မလား မသိဘူးနော်။
ဆရာ။ ။ လူသားအားလုံးတော့ မဖြစ်သေးပါဘူး။ ဒါပေမယ့် ရာခိုင်နှုန်းအားဖြင့်တော့ အတော်များ များဖြစ်တဲ့ လူသားများဟာ 'လူ' အဖြစ်က လျှောကျပြီး လူ့အောက်နိမ့်ကျတဲ့ subhuman ဘ၀ကို ရောက်ကုန် ကြပြီလို့တော့ ဆိုရမယ် ထင်ပါတယ်။
ကျောင်းသား။ ။ အဲဒါမျိုးတွေဟာ manimal ပဲ မဟုတ်ဘူးလားခင်ဗျာ။
ကျောင်းသူ။ ။ တိရစ္ဆာန်တွေထဲမှာတောင် ကိုယ့်အချင်းချင်း သတ်ဖြတ်စားသောက်မလုပ်တဲ့ တိရစ္ဆာန်တွေ ရှိပါသေးတယ်။ လူသားတွေရဲ့ မိတ်ဆွေလို့ ခေါ်ကြတဲ့ ပင်လယ်ထဲက လင်းပိုင်လို သတ္တ၀ါတွေ အများကြီး ရှိပါသေးတယ်။ စောစောက subhuman တွေကို manimal လို့ ခေါ်လိုက်ရင် လင်းပိုင်လို သတ္တ၀ါတွေကို အားနာစရာကြီးတောင် ဖြစ်နေတော့မှာပဲ။
ကျောင်းသား။ ။ လူသားတွေ ဘာကြောင့် ရိုင်းကုန်၊ ကြမ်းကုန်ကြတာလဲဆိုတာ ဆရာ့အမြင် သိပါရစေ ခင်ဗျာ။
ဆရာ။ ။ အကြောင်းတရားတွေကတော့ အများကြီးပေါ့ကွယ်။
ကျောင်းသူ။ ။ လက်နက်တွေရဲ့ စွမ်းအား သိပ်ကြီးမားလာလို့များလားဆရာ။
ဆရာ။ ။ တခါတည်းနဲ့ လူတွေအများကြီး သေကြရတာကတော့ လက်နက်တွေရဲ့ စွမ်းအားကြောင့် ဖြစ်ပါတယ်။ ဒါပေမယ့် လက်နက်က အဓိက မဟုတ်သေးဘူးကွဲ့။ သတ်ချင် ဖြတ်ချင်စိတ်တွေ သိပ်ကြီးမားနေတဲ့ လူကသာ အဓိကဖြစ်တယ်။
ကျောင်းသား။ ။ အဲဒီလူတွေ ဘာကြောင့် ဒါလောက် သတ်ချင်ဖြတ်ချင်စိတ်တွေ လွန်လွန်မင်းမင်း ဖြစ်ရတာလဲဆိုတာ စဉ်းစားရမှာပေါ့နော်။
ဆရာ။ ။ ဟုတ်ပါတယ်။
ကျောင်းသူ။ ။ ရက်ရက်စက်စက် သတ်ဖြတ်တဲ့ ရုပ်ရှင်တွေ၊ ရုပ်ပြတွေ သိတ်များနေလို့ များလား ဆရာ။ ကလေးသူငယ်တွေအတွက် ရိုက်ကူးထုတ်လုပ်တဲ့ ကာတွန်းဇာတ်လမ်းတွေမှာတောင် ရက်စက် ကြမ်းကြုတ်တာတွေ၊ မညှာမတာ အနိုင်ကျင့် ဗိုလ်ကျတာတွေ၊ ကလိန်ကကျစ်လုပ်ပြီး အနိုင်ယူတာတွေ တအားကို များတာပဲ။
ဆရာ။ ။ အင်း၊ မင်းပြောတာလည်း မှန်ပါတယ်။ နီပေါက ဖြစ်ပျက်တာတွေ ဖတ်ကြည့်တော့ အိမ်းရှေ့မင်းသားက တိုက်ပွဲဝင် ၀တ်စုံ ၀တ်ဆင်ပြီး စက်သေနတ်ကြီးတွေ နှစ်လက်၊ သုံးလက် လွယ်ပြီး ခန်းမထဲ ၀င်လာတယ်လို့ ဖတ်ရတယ်။ ဆရာ့ မျက်စိထဲမှာတော့ ချက်ချင်းပဲ ရန်ဘို နဲ့ အာနိုးကို ပြေးမြင်လိုက်မိတယ်လေ။
ကျောင်းသား။ ။ အဲဒီလိုဆို ရုပ်ရှင်တို့၊ စာပေတို့ စတဲ့ မီဒီယာတွေက အဓိက တရားခံတွေလို့ ဆိုရမှာလား ဆရာ။
ဆရာ။ ။ မီဒီယာတွေက အဓိက လက်သည် တရားခံ မဟုတ်ပါဘူး။ အဓိကအကျဆုံး တရားခံက 'ကြောင်ဖြူတာ မည်းတာ အရေးမကြီးဘူး။ ကြွက်မိဖို့သာ လိုရင်ပဲ' ဆိုတဲ့စနစ် ဖြစ်ပါတယ်။ ဒီစနစ်ကြောင့် ဘယ်နည်းနဲ့ရရ အမြတ်ရရင် ပြီးရောဆိုပြီး တရားတာ၊ မတရားတာ၊ လုပ်သင့်တာ၊ မလုပ်သင့်တာ၊ ဘာကိုမှ စဉ်းစားမနေကြတော့ပဲ 'ဘနဖူး သိုက်တူး' ဖြစ်ကုန်ကြတော့တာကိုး။
ကျောင်းသူ။ ။ အဲဒီ 'ကြောင်ဖြူကြောင်မဲ' အကြောင်းအရာ မကြာမကြာ ပြောတတ်တယ်နော်။ ဒီအယူအဆကို ဆရာ တော်တော် ရွံရှာမုန်းတီးပုံရတယ်။
ဆရာ။ ။ ဒီအယူအဆကြောင့် လူသားတွေ အကျင့်စာရိတ္တ ချွတ်ခြုံကျပြီး subhuman ဖြစ်ကုန် ရတာကိုးကွဲ့။ ယဉ်ကျေးတဲ့ လူရယ်လို့ ဖြစ်လာရင် လုပ်ချင်တာနဲ့ လုပ်သင့်တာကို ခွဲခြား စဉ်းစားရမှာပေါ့။ ကိုယ်ထင်ရာ လျှောက်လုပ်နေလို့ ဘယ်ဖြစ်ပါ့မလဲ။ 'စာနာစိတ်' ရှိမှ လူယဉ်ကျေးလို့ ခေါ်နိုင်မှာပေါ့။
ကျောင်းသား။ ။ ချမ်းသာတဲ့ စက်မှုနိုင်ငံကြီးတွေမှာ စိတ်ရောဂါဖြစ်တဲ့လူတွေ သိတ်များတယ်လို့ ပြောကြပါတယ်။ အဲဒါကော ဘာဖြစ်လို့လဲ ခင်ဗျ။
ဆရာ။ ။ 'ကြောင်ဖြူ ကြောင်မဲ' စနစ်ကြောင့် လူတွေဟာ နိုင်ရာစား လုပ်ကြတာလေ။ ပြိုင်ဘက်ကို အနိုင်ရဖို့ ဘယ်လိုနည်းနဲ့ပဲ လုပ်ရလုပ်ရ တရားတာ မတရားတာ ကြည့်မနေကြတော့ဘူး။ အနိုင်ရဖို့သာ အဓိကပဲ။ သိက္ခာတရားတို့၊ ကျင့်ဝတ်နီတိတို့၊ သီလသမာဓိတို့ဆိုတာ လူနုံလူအတွေရဲ့ လက်သုံးစကားလို့တောင် ခေါ်ရမယ့် အခြေအနေ ဖြစ်နေပြီ။ အဲဒီလို အခြေအနေ အဲဒီလို စနစ်မျိုးအောက်မှာ လူတိုင်းလူတိုင်းဟာ လူတန်းစေ့နေနိုင်ဖို့ အရေး အမြဲတမ်း ကြောင့်ကြပူပန်နေကြရတယ်။ အလုပ်မရှိတော့လည်း အလုပ်ရဖို့ ပူနေရတယ်။ အလုပ်ရှိပြန် တော့လည်း ဒီအလုပ်ကလေး မြဲဖို့အတွက် ပူနေရတယ်။ ပြီးတော့ ရတာနဲ့ ကုန်တာ မျှတဖို့ အတွက်လည်း နေ့တိုင်း နေ့တိုင်း ပေသီးခေါက်ကြည့်နေရတယ်လေ။ ဒီတော့ လူတွေအတွက် သောကတွေ သိပ်ဖိစီးနေတော့ တာပေါ့။ သောကဖိစီမှုတွေ တအားများလာတဲ့အခါကျတော့ စိတ်ဝေဒနာတွေ စိတ်ဝေဒနာတွေ စွဲကပ်လာ ရတော့တာပဲလေ။ ဒါက သဘာဝပဲ။
ကျောင်းသား။ ။ လူတွေ ရက်စက်ကြမ်းကြုတ်တာ၊ ရိုင်းစိုင်းကုန်တာ၊ ဗြဟ္မစိုရ်တရားတွေ ဆိတ်သုဉ်းကုန်တာ 'ကြောင်ဖြူကြောင်မဲ' စနစ်ကြောင့်လို့ ချုပ်ပြီး ဆိုရတော့မှာပေါ့နော်။
ဆရာ။ ။ ဟုတ်ပါတယ်။ အဲဒါ အဓိက လက်သည်တရားခံပါပဲ။
ကျောင်းသူ။ ။ တလောတုန်းက မဂ္ဂဇင်းတအုပ်မှာ 'လူကြီးလူကောင်းစိတ်ဓာတ်ဆိုတာ မျိုးပြုန်းကွယ် ပျောက်လု မတတ်ရှိနေတဲ့ (exchange endangered species) ဖြစ်နေပြီ' လို့ ဆရာရေးတာ ဖတ်လိုက်မိပါတယ်။ ဒါကော 'ကြောင်ဖြူကြောင်မဲ' ကြောင့်ပဲလား ဆရာ။
ဆရာ။ ။ သိပ်ဟုတ်တာပေါ့။ လူ့လောကကြီးတခုလုံး အရုပ်ဆိုးအကျည်းတန်အောင် လုပ်နေတာ အဲဒီ 'ကြောင်ဖြူကြောင်မဲ' ၀ါဒပဲ။
ကျောင်းသား။ ။ ကမ္ဘာကြီး တနေ့တခြား ပူသထက်ပူလာတာ၊ ပင်လယ်ရေမျက်နှာပြင်တွေ မြင့်တက်လာပြီး ကမ္ဘာကြီးတခုလုံး ရေအောက် ရောက်သွားမယ့် အန္တရာယ်ကြီး ရှိနေတာ စတာတွေလည်း 'ကြောင်ဖြူကြောင်မဲ' ကြောင့်ပဲပေါ့နော် ဆရာ။
ဆရာ။ ။ ဟုတ်လွန်းလို့ ဟုတ်ဟုတ် ဟုတ်ဟုတ်တောင် မြည်နေပါသေးတယ်ဗျာ။

လူထုစိန်ဝင်း။
{လူထုစိန်ဝင်းရဲ့ စကားမာရသွန်-၂ စာအုပ်၊ ၂၀၀၇ ခုနှစ် စက်တင်ဘာ၊ ပထမအကြိမ်မှ ကူးယူဖော်ပြ ပါတယ်။}

ခါတကောင် ခံတပင်
ရေးသူ- ကြည်အောင်

- အဘွားရွာဟာ၊ ကဗျာမဟုတ်
'ခံငုတ်'ကိုင်းစွန်၊ 'ခါကျိုး'တွန်လျက်..
ပိုက်ကွန်ညွှတ်ကွင်း၊ တောကြက်နင်းမှ
သားဟင်းတခွက်၊ သွေးပွက်ပွက်ကို
ချက်ပြုတ်စားရ၊ ဘ၀စရိုက်
တိုက်ခိုက်ကြမ်းတမ်း
ဆူးလမ်းမြေရိုင်း၊ သဲမုန်တိုင်း။


- ဒီရွာစပ်မှာ
သနပ်ခါးမြစ်၊ ကျောက်စရစ်ကို
ကုတ်ခြစ်သက်ပြင်း၊ မွှေးနံ့သင်းလျက်...

- ရွာဦးပန်းပဲ၊ ဖားဖိုဆွဲလျက်
မီးရဲရဲတွင်၊ ဆေးသားတင်တဲ့
စိမ်းလွင်သံပြောင်၊ ငှက်ခါးတောင်လို
ဓားရောင်ဝင်းလက်၊ လွန်ထက်မြက်တယ်။

- ဒီရွာကနွား
အသွားလဲမြန်၊ အားလဲသန်တယ်
ရုန်းကန်ကုန်းကြုံး၊ ထမ်းပိုးတုံးက
မီးဟုန်းဟုန်းတောက်၊ သင်းမကြောက်တတ်။

- သံမှုန့်ကိုစား၊ ဒီရွာသားတို့
ခွန်အားကိုထုတ်၊ ဓားကိုခုတ်က
ရှားငုတ်နှစ်က၊ မီးလျှံထလိမ့်။

- အမွှေးဆုံးသနပ်ခါး... ပေါက်ရောက်ရာ
အထက်ဆုံးဓား... ထုလုပ်ရာ
အသွားဆုံးနွား... မွေးဖွားရာ
အသန်ဆုံးအား.. လှုပ်ရှားရာ
ဒီရွာ ဒီရွာ၊ အဘွားရွာ။

- သြော်... အဘွားရွာဟာ၊ ကဗျာမဟုတ်
'ခံငုတ်' ကိုင်းစွန်၊ 'ခါကျိုး'တွန်လျက်...

- အဘွားစကား
နားကကြားယောင်
'ငါ့မြေး
သတ္တိကောင်းတဲ့ ခါငှက်ဟာ
ပေါင်ကျိုးနေပေမယ့်
တွန်သံမပျက်
တွန်မြဲ တွန်တယ်...'

- 'အပွင့် အခူးခံရ
အသီး အဆွတ်ခံရ
ခံရတဲ့ ဘက်ကချည်း
အမြဲနေရတဲ့
'ခံပင်' ဟာ
ဆူးကို အမြဲချွန်ထားတယ်....'

- အဘွားရွာမှာ
'ခါပေါင်ကျိုး'လဲ၊ တွန်မြဲ တွန်လျက်
တွန်နေတယ်....။
'ခံပင်ဆူး'လဲ၊ ချွန်မြဲ ချွန်လျက်
ချွန်နေတယ်......။

ကြည်အောင်။

Monday, February 8, 2010

ဆူနာမီနဲ့ နိုင်ငံတကာ အကူအညီ
ရေးသူ- လူထုစိန်ဝင်း

သဘာဝ အန္တရာယ်ဆိုးကြီးတွေ ကျရောက်လာတဲ့အခါမျိုးမှာ ဘေးဒဏ်ခံဒေသက ဒုက္ခသည်များ အတွက် ကမ္ဘာတခုလုံးရှိ လူသားများက လူသားချင်း စာနာထောက်ထားပြီး ထောက်ပံ့ကူညီမှုတွေ ပြုလုပ်ကြတာ အားရစရာ ကောင်းလှပါတယ်။
"ဆူနာမီ" ရေဘေးကြီး ကျရောက်ခံ ဒေသတခုကို ကိုယ်တိုင်ကိုယ်ကျ သွားရောက်ကူညီခဲ့တဲ့ သြစတြးလျနိုင်ငံသူ အိန္ဒယနွယ်ဖွား အမျိုးသမီးဆရာဝန်တဦးက သူ့အတွေ့အကြုံကို ၂၀၀၅ ခု ဧပြီလထုတ် တိုင်းမဂ္ဂဇင်းကြီးထဲမှာ ဆောင်းပါးတပုဒ် ရေးသားဖော်ပြလိုက်တာကို ဖတ်လိုက်ရပါတယ်။



အိန္ဒိယနွယ်ဖွားဆရာဝန် Romjana Srivastava ဟာ ဆူနာမီရေဘေးကြီး ကျရောက်စဉ်က အိန္ဒိယနိုင်ငံ ဘီဟာပြည်နယ်ရှိ မိဘဆွေမျိုးများထဲ အလည်အပတ် ရောက်ရှိနေခိုက် ဖြစ်တယ်။
မော်လ်ဒိုက်နိုင်ငံဟာ သန္တာကျောက်တန်းကြီးတွေရဲ့ အကာအကွယ်ပေးမှုကြောင့် ဆူနာမီလှိုင်းလုံးကြီး များဒဏ်က လွတ်ခဲ့တယ်။ လူပေါင်း ၁၀၈ ဦးသာ သေဆုံးခဲ့ရတယ်။ ဒါပေမယ့် ဆူနာမီနောက်ဆက်တွဲ ရေလွှမ်းမိုးမှု ဒဏ်ကိုတော့ နိုင်ငံတခုလုံး ခံကြရတယ်။
ဒေါက်တာ သီရိဝတ္တ၀ရောက်ရှိသွားတဲ့ ဘူရန်ဒီ ကျွန်းကလေးမှာ ဆူနာမီကြောင့် လူအသေအပျောက် မရှိခဲ့ပေမယ့် ရေလွှမ်းမိုးဒဏ်ကြောင့် တော်တော်ဒုက္ခရောက်ကြရတယ်။ တကျွန်းလုံး ရေလွှမ်းမိုးနေတာကြောင့် နေထိုင်စားသောက်ရေး အခက်အခဲ၊ သောက်ရေသုံးရေ ပြတ်လပ်မှု အခက်အခဲ၊ ရောဂါမျိုးစုံ ၀င်ရောက်လာမှု အခက်အခဲ စတဲ့ အခက်အခဲ မျိုးစုံ ကြုံတွေ့နေရတယ်။ မူလကတည်းက အင်မတန် ခေတ်နောက်ကျတဲ့ ကျွန်းကလေးဖြစ်တာကြောင့် အခြေခံ လူ့လိုအပ်ချက်များ ဘာမှမရှိ ဖြစ်ခဲ့တယ်။
ဆရာဝန်မလေး သီရိဝတ္တဟာ အဲဒီကျွန်းပေါ်ရောက်ရှိတဲ့ တဦးတည်းသော ဆရာဝန် ဖြစ်တယ်။ သူ့လိုပဲ အိန္ဒိယနွယ်ဖြစ်တဲ့ သူနာပြုဆရာမတဦးရဲ့ အကူအညီနဲ့ ဆေးကုသရေးဌာန ဖွင့်လှစ်လုပ်ဆောင်ခဲ့ရတယ်။ ဒေသခံ လုပ်အားပေး ၁၄ ဦးရဲ့ အကူအညီနဲ့ လူနာများကို စောင့်ရှောက်ကုသရတယ်။ ဘူရန်နီကျွန်းက လူဦးရေ ၁၅၀၀ အပြင် အနီးအပါး ကျွန်းများက လူနာတွေ နေ့စဉ် ရာနဲ့ချီ ရောက်ရှိလာကြတယ်။ ဘူရန်နီရှိ အိမ်တိုင်းမှာ လူပေါင်း လေးငါးဆယ်လောက် စုဝေးနေထိုင်ကြရတယ်။ တချို့ အိမ်ဆိုရင် လူပေါင်း ၉၀၊ ၁၀၀ လောက် နေကြရတယ်။ ဆူနာမီ ရေလှိုင်းကြီးထဲမှာ လူပေါင်း ၁၇ ဦး မျောပါ သေဆုံးခဲ့ရတဲ့ Vilufushi ကျွန်းကဆိုရင် တကျွန်းလုံးကို လာရောက် နေထိုင်ကြတယ်။
ကမ္ဘာတခုလုံးရှိ စေတနာရှင်တွေထံက နေ့စဉ်ရောက်ရှိလာကြတဲ့ ဆေးပစ္စည်းကရိယာတွေဟာ ဆေးခန်း လေးထဲမှာ အပြွတ်အသိပ် ညပ်နေတယ်။ တဦးတည်းသော ဆရာဝန်နဲ့ လုပ်အားပေး ၂၀ ယောက်လည်း လက်မလည်အောင် အလုပ် ရှုပ်နေကြတယ်။ လူနာတဦးရောက်ရှိလာတာနဲ့ ပြင်ပလုပ်အားပေးများက မှတ်ပုံတင်ပြီး သူနာပြုထံ ပို့ရတယ်။ သူနာပြုဆီရောက်တော့ တခါထပ် မှတ်ပုံတင်ပြီး ဆရာဝန်ဆီ ပို့ရတယ်။ ဆရာဝန်ကလည်း စမ်းသပ်စစ်ဆေးပြီး ရောဂါကို မှတ်တမ်းတင် ရေးရတယ်။ လိုအပ်တဲ့ ဆေးဝါးများကို ရေးပြီး စာရင်းမှတ်ရတယ်။ ဆရာဝန်ရေးပေးလိုက်တဲ့ ဆေးစာအတိုင်း သူနာပြုဆရာမက ဆေးထုတ်ပေးပြီး စာရင်းစာအုပ်မှာ မှတ်သားရပြန်တယ်။ နောက်တခြား လုပ်အားပေးတွေက ဆေးဝင်ဆေးထွက်စာရင်း စာအုပ်မှာ ရေးသွင်း မှတ်သားရပြန်တယ်။ ဒါက ဆရာဝန် ဆရာမများအတွက် ပထမဆုံး စိတ်ညစ်စရာ ဒုက္ခ။
နောက်ဒုက္ခက လိုအပ်တဲ့ ဆေးဝါးကရိယာတွေ မရှိတဲ့ ကိစ္စ။ ဆေးခန်းတခုလုံး ခြေချစရာမရှိအောင် ပြည့်နှက်စုပုံနေတဲ့ ဆေးသေတ္တာတွေ အများစုဟာ ဖွင့်တောင် မဖွင့်ကြရဘူး။ ဘာကြောင့်လဲဆိုတော့ နိုင်ငံခြားဘာသာ စကားမျိုးစုံနဲ့ ရေးသားထားတာတွေဆိုတော့ ဘာဆေးတွေမှန်း ဘယ်သူမှ မသိနိုင်ကြဘူး။ ဒီတော့ ဒီဆေးသေတ္တာတွေဟာ အသုံးမ၀င်တဲ့ ကတ်ပုံးတွေပဲ ဖြစ်နေတော့တယ်။
နောက်ပီး တချို့က မလိုအပ်တဲ့ စတီးရောင် တပြောင်ပြောင်နဲ့ စက်ကရိယာတွေ၊ သွေးချို ဆီးချိုတိုင်းတဲ့ စက်ကြီးတွေ မျိုးပေါ့။ လောလောဆယ် လိုအပ်တာက ပဋိဇီဝဆေးတွေ၊ ၀မ်းရောဂါကာကွယ်ဆေးတွေ၊ ထိခိုက်ကျိုးပဲ့ ဒဏ်ရာမျိုးစုံအတွက် လိုအပ်တဲ့ဆေးတွေ၊ ကလေးသူငယ်တွေအတွက် နို့မှုန့်နဲ့ လူကြီးများအတွက် အဟာရဖြစ်စေတဲ့ အစားအသောက်နဲ့ ဆေးဝါးတွေ ဖြစ်ကြတယ်။
တရက်မှာ အနီးအနားကျွန်း တကျွန်းက ကျန်းမာရေးလုပ်သားများက လူနာ ၁၅၀ လောက်ခေါ်ပြီး ရောက်လာတယ်။ အားလုံး ဆီးချို ဝေဒနာရှင်တွေ၊ တချို့ဆို ရောဂါဖြစ်တာ ၁၀ နှစ် ၁၅ နှစ် ကြာပြီဖြစ်လို့ မျက်စိတောင် ကွယ်နေကြပြီ။ ဒါမျိုးတွေက နောက်မှ ကုသ စောင့်ရှောက်ရမှာ မျိုးတွေ၊ ဒါပေမယ့် လူနာတွေ စိတ်ချမ်းသာအောင် စက်သစ်ကြီးတွေနဲ့ ဆီးချို သွေးချိုတိုင်းပြီး လေးငါးရက်စာ ဆေးဝါးတွေ ပေးလိုက်ရတယ်။ ဒီလောက်နဲ့ ဘာမှ မထူးပါဘူးဆိုတာ ဆရာဝန်အနေနဲ့ သိပေမယ့် လူနာတွေ စိတ်ချမ်းသာ သွားတာမြင်ရရင် ဆရာဝန်လဲ စိတ်ချမ်းသာတာပဲဆိုပြီး လုပ်ပေးလိုက်ရတာလို့ ဒေါက်တာသီရိဝတ္တ၀က ရေးသားထားပါတယ်။
ဆေးခန်းထဲမှာ ဆေးသေတ္တာတွေ အစုလိုက် အပြုံလိုက်ကြီး ပြည့်နှက်နေတယ်။ လူနာတွေမှာလည်း ရောဂါဘယမျိုးစုံ ကပ်ညိနေတယ်။ ကုသပေးမယ့် ဆရာဝန်နဲ့ ဆရာမလည်း အသင့်ရှိနေတယ်။ ဒါပေမယ့် ရောက်လာတဲ့ လူနာအတွက် လိုအပ်နေတဲ့ ဆေးဝါးပေးလိုက်နိုင်တယ် ဆိုတာမျိုးကျတော့ ရှားပါးဖြစ်ရပ်မျိုး ဖြစ်လို့နေတော့တယ်လို့လည်း သူက ဆိုထားပါတယ်။
နောက်ဆုံးကျတော့ လူသားတို့ရဲ့ ခန္ဓာကိုယ်မှာ အလိုအလျောက် ရောဂါပျေက်ကင်းစေနိုင်တဲ့ သဘာဝစွမ်းအားကြီးတခု အံ့သြဘွယ်ရာ ရှိနေပါလားဆိုတာ ကျွန်မ သိရှိမှတ်သားလိုက်ရပါတော့တယ်လို့လည်း သူက နိဂုံးချုပ် ဆက်လက်ရေးသားထားပါသေးတယ်။
အိန္ဒိယနွယ်ဖွား ဆရာဝန်မလေးရေးတဲ့ ဆောင်းပါးကို ဖတ်လိုက်ရတော့ ဟုတ်ပါပေ့။ မှန်ပါပေ့လို့ နှုတ်ကထွက်ပြီး ပြောမိတဲ့အထိ သဘောကျ နှစ်ခြိုက်မိပါတယ်။ ကမ္ဘာကြီး တခုလုံးမှာ ကယ်ဆယ်ရေး အဖွဲ့အစည်းတွေ၊ စေတနာရှင်အဖွဲ့အစည်းတွေ ထောင်သောင်းမက ရှိနေကြပါတယ်။ အရေးပေါ်လာတဲ့အခါမျိုးမှာ နိုင်ငံအစိုးရများ၊ စေတနာရှင် အဖွဲ့အစည်းများက ထည့်ဝင်လှူဒါန်းကြတဲ့ ငွေကြေးရန်ပုံငွေ ဆိုတာလည်း အံ့မခန်းအောင်ကို ရရှိကြပါတယ်။ ဒါပေမယ့် ဘယ်လိုအခါမျိုးမှာမဆို ဒေါက်တာသိရိဝတ္တ၀ရဲ့ ဆောင်းပါးထဲက ရေးသားချက်အတိုင်း တကယ်လိုအပ်တဲ့ လူတွေအတွက် တကယ်လိုအပ်တဲ့ အကူအညီရမှုဆိုတာမျိုး ရှာပါးလှပါတယ်။ အများစုကတော့ မီးခတ်ကျောက်သုံးပြီး မီးမွှေးနေရသေးတဲ့ ကမ္ဘာဦးလူသား သာသာအဆင့်ရှိ ကျေးရွာတွေကို ဂက်စ်မီးဖိုတွေ လိုက်ဝေပေးနေသလို ဖြစ်နေတာမျိုးတွေချည်း ဖြစ်နေပါတယ်။
ဒီလို ပြသနာမျိုးတွေကို ဘယ်လိုဖြေရှင်းရမလဲ ဆိုတဲ့ ဆွေးနွေးပွဲကြီးမျိုးတွေကို ကုလသမဂ္ဂလို အဖွဲ့အစည်းမျိုးကြီးက ဦးဆောင်ပြီး မကြာခဏ ကျင်းပပေးသင့်ပါတယ်။ ဒီပြသနာရဲ့ အဖြေကို မရှာနိုင်သရွေ့တော့ နိုင်ငံတကာ ကူညီထောက်ပံ့မှုဆိုတာတွေက အဟောသိကံ ဖြစ်နေကြဦးမှာသာ ဖြစ်ကြောင်း တင်ပြလိုက်ပါတယ်။

၎-၅-၂၀၀၅ ထုတ် Time မဂ္ဂဇင်းက Ranaja Srivastava ရေးတဲ့ The Essential of Aid ဆောင်းပါးကို ကိုးကားပါတယ်။
{လူထုစိန်ဝင်းရဲ့ ဆင်းရဲခြင်းထောင်ချောက်- အက်ဆေးများ စာအုပ်မှ ကူးယူတာ ဖြစ်ပါတယ်။ ဒီစာအုပ်မှာ ပါတဲ့ အက်ဆေးတွေဟာ ၀င်းဇော်၊ လူထုစိန်ဝင်း အမည်များနဲ့ Bi weekly eleven ဂျာနယ်မှာ ပါခဲ့တာတွေကို နှစ်ကာလများ စာအုပ်တိုက်က ၂၀၀၉ မေလမှာ ပထမအကြိမ် ထုတ်ဝေခဲ့ခြင်း ဖြစ်ပါတယ်။}


Sunday, February 7, 2010

စာမတတ်တဲ့ အမေရိက
ရေးသူ- လူထုစိန်ဝင်း


လူငယ်က စာတရွက် ကျွန်တော့်ကို ထိုးပေးလိုက်တယ်။ မျက်နှာတခုကို မော့ကြည့်ရင်း မျက်စိတွေကို မှေးထားတယ်။
"ဒီမှာ ကိုယ့်လူ၊ ဒါဘယ်နေရာမှာဆိုတာ ပြောပြနိုင်သလား"
ကျွန်တော် ကိုယ်တိုင်က ဒက်ထရိုက်မှာ ဧည့်သည်။ ဒါပေမယ့်လို့ ရေးထားတဲ့ လိပ်စာကို တချက်လှမ်း ကြည့်လိုက်ရုံနဲ့ သူမေးတဲ့နေရာကို သိလိုက်ပါပြီ။ ကျွန်တော်က ၁၅ ပေလောက်သာကွာတဲ့ လမ်းအမည် ဆိုင်းဘုတ်ကို ညွှန်ပြပြီး "ဟိုမှာလေ ဆိုင်းဘုတ်ကို မမြင်ဘူးလား" လို့ ပြောလိုက်ပါတယ်။
သူက ကျွန်တော့်ကို မလုံမလဲ ကြည့်ပြီး စာရွက်ကို ဆွဲယူကာ ထွက်သွားပါတော့တယ်။ ဒီတော့မှ ကျွန်တော်က အကြောင်းအရင်းကို သိလိုက်ရတယ်။ ကျွန်တော့်လို လူစိမ်းတယောက်ကို မေးလိုက်ရတာက ဆိုင်းဘုတ်ကို သူမမြင်လို့ မဟုတ်ဘူး။ ဆိုင်းဘုတ်ကို သူမဖတ်တတ်တာ။



သူတယောက်တည်း မဟုတ်ပါဘူး။ ဒက်ထရွိုက်ဆိုတဲ့ လူမည်းအများစု နေကြတဲ့ ဒီမျြို့က လူတွေရဲ့ ၄၇ ရာခိုင်နှုန်း၊ လူကြီးနှစ်ယောက်မှာ တယောက်နီးပါးဆိုပါတော့။ အလုပ်ဖြစ်အောင် စာတတ်မြောက်ခြင်း မရှိကြဘူး ဆိုတာ အံ့သြစရာ သိရပါတယ်။ (နှိုင်းယဉ်ချက်အနေနဲ့ ပြောရရင် ဗီယက်နမ်လူမျိုးများရဲ့ ၆ ဒဿမ ၇ ရာခိုင်နှုန်း၊ ကရိုအေးရှားလူမျိုးများရဲ့ ၁ ဒဿမ ၇ ရာခိုင်နှုန်းဟာ အလုပ်ဖြစ်အောင် စာတတ်မြောက်ခြင်း မရှိကြပါဘူး)။ အလုပ်ဖြစ်အောင် စာမတတ်ဘူးဆိုတာက နိစ္စဓူဝ ထမင်းစားရေသောက် ကိစ္စလေးတွေ အတွက်တောင် ရေးတတ်၊ ဖတ်တတ်၊ တွက်တတ်ချက်တတ် မရှိဘူးလို့ ဆိုလိုတာ ဖြစ်ပါတယ်။ လုပ်စားကိုင်စားလောက်အောင် ကွန်ပြူတာကျွမ်းကျင်မှုတို့ ဘာတို့လည်း မရှိပါဘူး။ အလုပ်လျှောက်လွှာပုံစံ ဖြည့်တာ၊ လမ်းညွှန်ဆိုင်းဘုတ်တွေ ဖတ်တာ၊ ရွေးကောက်ပွဲ မဲထည့်ဖို့ မဲပြားပေါ်က စာဖတ်တာ၊ သတင်းစာဖတ်တာ၊ ဘတ်စ်စကားခရီးစဉ်ဖတ်တာ၊ ကုန်ပစ္စည်းတံဆိပ်ဖတ်တာ၊ စာရွက်ပေါ်က လိပ်စာဖတ်တာ စတဲ့ ဟာတွေ ဘာတခုမှလည်း လုပ်နိုင်စွမ်း မရှိပါဘူး။
ကမ္ဘာပေါ်က အချမ်းသာဆုံးနိုင်ငံကြီးရဲ့ လူဦးရေ ၂၃ ရာခိုင်နှုန်း၊ ယောက်ျား မိန်းမ စုစုပေါင်း ၄၄ သန်းလောက်ဟာ ပြောခဲ့တဲ့ အရာတွေကို မလုပ်နိုင်ကြပါဘူး။ တကယ်ပြောရရင်တော့ အခြေအနေဟာ ခုပြောခဲ့တဲ့ ကိန်းဂဏန်းတွေ ညွှန်ပြနေတာထက်တောင် ပိုဆိုးပါသေးတယ်။ နောက်ထပ် အမေရိကန်လူမျိုး သန်း ၅၀ လောက်ဟာ ရှစ်တန်းအဆင့်ထက်ပိုပြီး စာမတတ်ကြပါဘူး။ ဒါကို အကျယ်ချဲ့ပြီး ရှင်းအောင် ပြောရမယ်ဆိုရင် ပိုးဟပ်သတ် ဆေးဗူးပေါ်က အညွှန်းကို ဖတ်တတ်ဖို့ရာ ကိုးတန်းအဆင့်လောက် စာဖတ်နိုင်ဖို့ လိုပါတယ်။ အမြတ်ခွန်ပုံစံ ဖြည့်တတ်ဖို့ဆိုရင် ၁၀ တန်းလောက်တော့ အနည်းဆုံး တတ်ထားမှ ဖြစ်ပါတယ်။ အသက်အာမခံ ပုံစံတွေကို နားလည်ဖို့ဆိုရင် ၁၂ တန်းလောက်အထိ တတ်ထားမှ ဖြစ်ပါတယ်။ ချုပ်လိုက်ရင်တော့ အမေရိကန်လူမျိုး အရွယ်ရောက်ပြီး လူကြီးများရဲ့ ကြောက်ခမန်းလိလိ ရာခိုင်နှုန်းဟာ ဒီနေ့ခေတ် လူ့အဖွဲ့အစည်း အတွက် လုံလောက်တဲ့ အရည်အချင်း မရှိကြဘူးဆိုတဲ့ သဘောဖြစ်ပါတယ်။
အမေရိကန်နိုင်ငံမှာ စာမတတ်သူတွေ ရှိနေတယ်ဆိုတာ နိုင်ငံခြားသားတွေ သိကြရင် အံ့သြတုန်လှုပ် သွားကြမှာပါပဲ။ ပိုပြီး စိတ်ဘ၀င်မကျ ဖြစ်စရာက ဖွံ့ဖြိုးဆဲနိုင်ငံတွေမှာ စာမတတ်မြောက်မှု ဆိုတာက ကျေးလက်ဒေသ ပြဿနာဖြစ်ပေမယ့် အမေရိကန်နိုင်ငံမှာတော့ ဆင်းရဲသားတွေ၊ လူမှုဖူလှုံရေး ထောက်ပံ့ကြေး ကို မှီခိုအားထားနေရသူတွေ အများစု နေထိုင်ကြတဲ့ အတွင်းပိုင်းဒေသ မြို့ကြီးပြကြီးတွေ ဖြစ်နေတယ်ဆိုတဲ့ အချက်ဖြစ်ပါတယ်။ ကျွန်တော် ဒက်ထရွိုက်ကို ရောက်နေတဲ့အကြောင်းရင်းက အမေရိကန်မြို့ပြ ပြဿနာ ဆိုင်ရာ ညီလာခံတခုမှာ ဟောပြောဖို့ ဖြစ်ပါတယ်။ လေကောင်းလေသန့် ရှူဖို့နဲ့ လက်ကိုင်ဖုံးပြောဖို့ ညီလာခံခန်းမ အပြင်ဘက်လမ်းပေါ် ထွက်လိုက်တော့ ပထမဆုံးတွေ့လိုက်ရတဲ့ လူငယ်တယောက်ဆီကတင် ပြဿနာရဲ့ အတိမ်အနက်ကို နဖူးတွေ့ ဒူးတွေ့ သိလိုက်ရပါတယ်။
ဒက်ထရိုက်မြို့က အသက် ၁၆ နှစ်နဲ့ ၆၀ ကြား လူဦးရေရဲ့ ထက်ဝက်နီးပါးဟာ အလုပ်လက်မဲ့ ဖြစ်နေကြပြီး အလုပ်လိုက်ရှာတာမျိုးလည်း လုပ်မနေကြဘူးလို့ သိရပါတယ်။ ဘာကြောင့်လဲဆိုတော့ ဒီလူတွေ အများစုဟာ အလုပ်ရနိုင်လောက်အောင် လိုအပ်တဲ့ပညာအရည်အချင်းဆိုတာ မပြောနဲ့တော့၊ အလုပ်လုပ်ဖို့ သင်တန်းလေးဘာလေး တက်ရောက်နိုင်ရုံ အရည်အချင်းတောင်မှ မရှိကြလို့ ဖြစ်တယ်ဆိုတာ မှန်းဆ ရနိုင်ပါတယ်။
လမ်းပေါ်မှာ ကျွန်တော်တွေ့ရတဲ့ ကယ်ဗင်ဆိုတဲ့ လူငယ်က လူမှုဝန်ထမ်းတဦး ဖြစ်ပါတယ်။ သူက စာမတတ်မြောက်မှုနဲ့ အလုပ်လက်မဲ့ ပြဿနာဟာ ဒွန်တွဲနေတဲ့ ပြဿနာ ဖြစ်တယ်။ အလုပ်ဖြစ်ရုံတောင် စာမတတ်သူများရဲ့ ၇၀ ရာခိုင်နှုန်းဟာ အလုပ်လက်မဲ့ ဒါမှမဟုတ် အချိန်ပိုင်း အလုပ်ကလေးတွေလောက်သာ ရှိနေကြသူများ ဖြစ်တယ်လို့ သူက ရှင်းပြပါတယ်။ အလုပ်လက်ရှိသူများရဲ့ ဘ၀ကလည်း ခက်ခဲကြမ်းတမ်း လှတယ်လို့ ဆိုပါတယ်။ စာမတတ်သူများဟာ တနှစ်မှာ ၄၄ ပတ် အလုပ်ရှိနေကြပါတယ်။ အထက်တန်း အောင်လက်မှတ် မရှိသူများရဲ့ ၀င်ငွေဟာ ကောလိပ်ဘွဲ့လက်မှတ် ရှိသူများရဲ့ ၀င်ငွေ လေးပုံတပုံသာ ရှိပါတယ်။ ဒါတင်မက အလုပ်ကိုလည်း ပိုင်ပိုင်နိုင်နိုင် ကျွမ်းကျွမ်းကျင်ကျင် လုပ်နိုင်စွမ်း မရှိကြပါဘူး။ ပညာချို့တဲ့မှုကြောင့် အလုပ်ခွင်မှာ ပေါ်ပေါက်လာတဲ့ ဆုံးရှုံးနစ်နာမှုများဟာ နှစ်စဉ် ဒေါ်လာ ဘီလျံပေါင်း များစွာရှိပါတယ်။
အခြေအနေပိုပြီး ဆိုးစေတာက ပညာအဆင့်အတန်းက ကွန်ပြူတာခေတ်ကြောင့် ကမ္ဘာတခုလုံးမှာ တနေ့တခြား မြင့်သထက် မြင့်တက်လာနေခြင်း ဖြစ်ပါတယ်။
ဒီခေတ်ရဲ့ သရုပ်ပြကြွေးကြော်သံက 'သတင်း' ဒါပေမယ့် အီလက်ထရောနစ်နည်းနဲ့ ဖြစ်ဖြစ်၊ တခြားနည်းနဲ့ဖြစ်ဖြစ် ရရှိတဲ့ 'သတင်း'ကို ဖတ်နိုင်စွမ်းမရှိသူများအဖို့တော့ ဒီခေတ်ရဲ့ အပြင်ဘက်မှ ကျန်ရစ်နေလိမ့်မယ်။ ဆင်းရဲချမ်းသာ သတ်မှတ်ခြင်းကို အင်တာနက်ဆက်သွယ်မှုနဲ့ ပြောနေကြတဲ့ ဒီကမ္ဘာကြီးမှာ ငတ်မွတ်ခေါင်းပါးခြင်း နယ်နမိတ်မျဉ်းကြောင်းဟာ စွမ်းအားမြှင့် ဒစ်ဂျစ်တယ်မျဉ်းကြောင်းကို ခလုတ်တိုက်ပြီး လဲကျသွားပါလိမ့်မယ်။ ကွန်ပြူတာခေတ်ရဲ့ အရေးပါဆုံးက ကီးဘုတ်ဖြစ်တယ်။
လူ့စွမ်းအား ဆုံးရှုံးမှုဘက်က ကြည့်ပြန်ရင်လည်း စိတ်မချမ်းမြေ့စရာ ကြီးပါပဲ။ ရာဇ၀တ်မှုတွေကိုပဲ ကြည့်ပေါ့။ ကလေးတရားရုံးကို ရောက်လာတဲ့ သူများရဲ့ ၆၀ ရာနှုန်းဟာ စာမတတ်ကြသူများ ဖြစ်ကြပါတယ်။ လူကြီးထောင်သား ၁၀ ယောက်မှာ ခုနှစ်ယောက်ဟာလည်း ပညာအရည်အချင်း နိမ့်ကျသူများ ဖြစ်ကြပါတယ်။ လောလောဆယ်ရှိနေတဲ့ ထောင်သားဦးရေ နှစ်သန်းမှာ စာမတတ်သူတွေက အများဆုံး ဖြစ်ကြပါတယ်။
ဒက်ထရွိုက်မှာ ကျွန်တော့်ကို လိပ်စာမေးရဲတဲ့ လူငယ်အဖို့ သူတသက်လုံး သူတပါးကို မေးနေရဦးမှာ ပါပဲ။ သူ့ထက်ပိုပြီး စာတတ်တဲ့ သူများက အနိုင်ကျင့်တာ၊ အမြတ်ထုတ်တာကို ခံနေရဦးမှာပါပဲ။
ဒါဟာ ကမ္ဘာ့သက်တမ်းအရင့်ဆုံး၊ အင်အားအကြီးမားဆုံး ဒီမိုကရေစီ နိုင်ငံကြီးမှာ ဖြစ်နေတာနော်။ ဒီနိုင်ငံကြီးရဲ့ နိုင်ငံသူနိုင်ငံသားတွေက ကမ္ဘာကြီးတခုလုံးကို အကျိုးသက်ရောက်စေတဲ့ ဆုံးဖြတ်ချက်တွေ ချမှတ်နေကြတာ၊ ဒါမှမဟုတ် လက်ခံနေကြတာတဲ့လေ။
ကျွန်တော်က လူငယ်နောက်ကို ပြေးလိုက်သွားရင်း မီးပွိုင့်မှာ မီတော့ သူ့လက်ထဲက စာရွက်ကို ဆွဲယူလိုက်ပါသည်။
"ကဲလာ ကျုပ်ဖတ်ပြမယ်"
ကျွန်တော်က အသံထွက် ဖတ်ပြရင်း စာလုံးကြီးကြီးတွေနဲ့ ဆိုင်းဘုတ်ချိတ်ထားတဲ့ မလှမ်းမကမ်းက အဆောက်အအုံကြီးတခုကို လက်ညှိုးထိုးပြလိုက်ပါတယ်။
"ဟိုတိုက်ကြီး ဖြစ်လိမ့်မယ်" လို့လည်း ပြောလိုက်ပါတယ်။ သူက ကျွန်တော့်ကို ကျေးဇူးတင်တဲ့ အကြည့်နဲ့ ကြည့်လိုက်ပါတယ်။ ကျွန်တော့်အိတ်ထဲမှာ သက်ကြီးစာတတ်မြောက်ရေး လက်ကမ်းကြော်ငြာ စာရွက်တရွက်လောက် ပါလာရင် ကောင်းမှာပဲလို့ တောင့်တမိပါတယ်။ ဒါလည်း အပိုပါပဲ။ ဒီစာရွက်ကို သူဖတ်နိုင်မှာမှ မဟုတ်တာ။
"ကျေးဇူးပဲ ကိုယ့်လူ"
ဝမ်းသာလို့ လင်းလက်နေတဲ့ မျက်လုံးတွေနဲ့ သူက ပြောလိုက်ပါတယ်။ နောက်တော့ ယုတ်စွအဆုံး ဒီတကြိမ်လေး ဖြစ်စေဦးတော့ လမ်းမှန်အတိုင်း ဆက်လျှောက် သွားပါလေတော့တယ်။

လူထုစိန်ဝင်း
[Ref: Letter from American; Shashi Tharror, Newsweek. 30-9-2002]
{လူထုစိန်ဝင်းရဲ့ ဆင်းရဲခြင်းထောင်ချောက်- အက်ဆေးများ စာအုပ်မှ ကူးယူတာ ဖြစ်ပါတယ်။ ဒီစာအုပ်မှာ ပါတဲ့ အက်ဆေးတွေဟာ ၀င်းဇော်၊ လူထုစိန်ဝင်း အမည်များနဲ့ Bi weekly eleven ဂျာနယ်မှာ ပါခဲ့တာတွေကို နှစ်ကာလများ စာအုပ်တိုက်က ၂၀၀၉ မေလမှာ ပထမအကြိမ် ထုတ်ဝေခဲ့ခြင်း ဖြစ်ပါတယ်။}

ဒဿဂီရိ
ရေးသူ- မောင်ပန်းမွှေး

ဒဿဂီရိ ဆိုတာ
ခေါင်းဆယ်လုံး ရှိတယ်လို့
ဇာတ်ထဲမှာ ဖတ်ခဲ့ဖူးပါတယ်။
မယုံစရာကြီး နော်။
ခေါင်းတွေ များလိုက်တာ။
မျက်နှာတွေ များလိုက်တာ။



ခုမှ
သူနှင့် တွေ့လို့
ယုံပြီ။
သူ့လိုပဲ မျက်နှာများမည် ထင်သည်။


Datha-Giri
translated by- Khin Aye Thet

A datha-giri
Is ten headed-
The tales I've read have told me this.
It's unbelievable, isn't it?
So many heads!
So many faces!

Only now,
Having met her,
One believes;
It must be like her: many-faced.

မောင်ပန်းမွှေး
ဘာသာပြန်- ခင်အေးသက်
မောင်ပန်းမွှေးရဲ့ တခုသောပန်းဥယျဉ် ကဗျာစာအုပ်မှ ကူးယူဖော်ပြပါတယ်။

ကျားလျှာပန်း
ရေးသူ- မောင်ပန်းမွှေး

ပန်းအချင်းချင်းကပင်
သူ့ကို အတင်းပြောကြသည်။
ကျားလျှာပန်း ဆိုတာ
ပန်းအစစ် မဟုတ်ဖူးတဲ့လေ။



သူ့အနံ့က မွှေးလည်း မမွှေးတဲ့။
သူ့အဆင်းက လှလည်း မလှတဲ့။
ပန်းပန်သူတို့ကလည်း မပန်ကြတဲ့။
ကုသိုလ်ပြုသူတို့ကလည်း ဘုရားမတင်ကြ။
ခေါင်းမဆင်ကြ။

သို့သော်လည်း
အချင်းတို့.....
ဤ ကျားလျှာပန်းကား
ပန်းတကာတို့ ခန္ဓာစဲသော
နွေခေါင်ခေါင်မှာမှ
နွေကို အံတုလျက် ဖူးပွင့်ရဲသော
ပန်းပင်ဖြစ်ချေသည်တကား။


The Cactus Flower
tranlsated by Khin Aye Thet

Even amongst the flowers,
They deride it.
This tiger's tounge, this cactus flower
Is not a real flower. So they say.

Its scent unsweet,
Its lines unlovely,
The flower-lovers love it not.
The merit-seekers never place it on the alter.
None ever wear it in their hair.

But let thou listen!
In the height of summer
when all flowers wither,
The tiger's tounge blossom
Sets its teeth against summer
And dares to bloom.

မောင်ပန်းမွှေး
ဘာသာပြန်- ခင်အေးသက်
မောင်ပန်းမွှေးရဲ့ တခုသောပန်းဥယျဉ် ကဗျာစာအုပ်မှ ကူးယူဖော်ပြပါတယ်။

နန်းစကား မန်းစကား- မြန်မာတို့ရဲ့ မြန်မာစကား ၂
ရေးသူ- လူထုစိန်ဝင်း



'ပထမဦးစွာ ဟော်လို ဂစ်တာလက်သံနဲ့ လက်စွမ်းပြ တီးလုံးကို စတင်တီးခတ်မှု ပြုပါတယ်။ key A နဲ့ တီးခတ်မှုပြုထားတဲ့ blues rock တေးသွားတပုဒ်ပါပဲ။ vocal ရဲ့ ရွတ်ဆိုမှု အသံဟာ မယ်လိုဒီတေးသွားနဲ့ ထပ်တူ ဖြစ်ခဲ့ပါတယ်.... '
'intro အ၀င်ကို drum နဲ့ စ၀င်ပေးပါတယ်။ intro 8 bars ကို ဟာမိုနီ အသံလေးများနဲ့ ဖြည့်ဆည်းပေးထားပါတယ်။ key F နဲ့ တီးခတ်မှု ပြုထားတဲ့ slow သီချင်းတပုဒ်ပါ။'
'technically အရ ကြည့်ရင် mouse သုံးမျိုး ရှိပါတယ်။ serial mouse, bus mouse နဲ့ import mouse ဆိုပြီး ရှိပါတယ်'
'နောက် mouse မှာလည်း mechnical mouse နဲ့ optical mouse ဆိုပြီး ရှိပါသေးတယ်။ mechanical mouse ဆိုတာက ခင်ဗျားတို့ တွေ့ဖူးတဲ့အတိုင်း ရိုးရိုး mouse ပါပဲ။ ဘောလုံးကလေး စပွဲပေါ်မှာ ရှိနေမယ်။ အဲဒါကို ရွှေ့ပေးခြင်းအားဖြင့် pointer ရွေ့နေမယ်။ နောက် optical mouse။ သူကတော့ screen control pointer ကို light bean နဲ့ ထိန်းပေးတယ်'


'ကျွန်မက earing အတွက် လာရောက် လုပ်ကိုင်တာ မဟုတ်ပါဘူး။ ကူညီတာပါ။ ကျွန်မ enjoy လုပ်တာက ၀င်ငွေ မဟုတ်ပါဘူး။ joy satisfaction ကိုပါလို့ ပြောပြရပါတယ်'
'အင်တာနေရှင်နယ်ကနေ ၀ီအာသည်ဝေါလ်အထိ နားထောင်ပြီးပါပြီ။ မေရီအင်တွိုင်းနက်ကနေ အယ်လီနာချောင်ချက်စကူးအထိ ဖတ်ကြည့်ပီး ပါပြီ။'
'ကဗျာဆရာ စတီဖင်စပင်ဒါ ကွယ်လွန်တော့ နယူးစထရိတ်တိုင်းမ်သတင်းစာမှာ ဟဲဗီးဝိတ်ကဗျာဆရာ' တဲ့။
'ဆန်းမဂ္ဂဇင်းမှာတော့
ဘော့ဒိုင်လန်ကို
ရော့ခ်ဖီလိုဆိုဖာ' တဲ့။
'မင်းလည်း စံပြမယ် ကလော်ဒီယာ ရှစ်ဖာမဟုတ်ဘူး။ ငါလည်း မျက်လှည့်ဆရာ ဒေးဗစ်ကော့ပါးဖီး မဟုတ်ဘူး'
'ကဗျာရဲ့ အကြောင်းအရာ (content) ဟာ ကဗျာရဲ့ ရည်ရွယ်ချက် (theme) ပါပဲ။ ကဗျာကို သင်ကြား လေ့လာရတဲ့အခါ အကြောင်းအရာ (ရည်ရွယ်ချက်)နဲ့ အဲဒီရည်ရွယ်ချက်သို့ ရောက်အောင် ပို့ဆောင်ပုံ (ပုံသဏ္ဍာန်) (form)၊ တင်ပြပုံ (presentation)၊ ဟန် (style)၊ စကားလုံးအသုံးအနှုံး (choice of words)၊ မာယာ (symbol, image, simile, metaphor, hyperbole, etc..) ဆိုပြီး ခွဲခြားစိတ်ဖြာ လေ့လာရပါတယ်။ ကဗျာရဲ့ အတွင်းသား (essence) နဲ့ ကဗျာရဲ့ အဆောက်အအုံ (structure) ကို တည်ဆောက်ပုံ (construction) ရယ်ဆိုပြီး ကဗျာကို ဝေဖန်သုံးသပ်တဲ့အခါ ခွဲခြမ်းကြည့်ရတာ ဖြစ်ပါတယ်။'
'ပြီးတော့ ဘာကြောင့် ကဗျာရဲ့ အကြောင်းအရာပိုင်းလဲဆိုတော့ ကဗျာကို လေ့လာတဲ့အခါ အကျုံးဝင်ဘာသာစကားရဲ့ နယ်ပယ် time and space ခေတ်ပြိုင်ရာဇ၀င်အခြေအနေလို့ပဲ ဆိုပါတော့။ language တခုတည်း မိမိရဲ့ mother tounge နဲ့ ရေးတာချည်း။ စကားပြောဆိုတာကလည်း ရှိနေလေတော့ ကဗျာရဲ့ အကြောင်းအရာ ဆိုပြီး ခွဲခြမ်းစိတ်ဖြာလိုက်ရတာမျိုးလည်း ရှိပါတယ်။ language of poetry နဲ့ language of prose ထပ်တူမကျတာကိုတော့ သတိချပ်ရမယ်'
အခု ဖော်ပြခဲ့တဲ့ စာပိုဒ်တွေဟာ မတ်လထုတ် မဂ္ဂဇင်း ငါးအုပ်ထဲက ကောက်နှုတ်ယူလိုက်တဲ့ စာပိုဒ်တွေ ဖြစ်ပါတယ်။ မြန်မာလူမျိုးတွေ ဖတ်ဖို့ မြန်မာဘာသာနဲ့ ရေးသားထုတ်ဝေကြတဲ့ မဂ္ဂဇင်းတွေချည်းပါပဲ။
အဲဒီစာတွေကို မြန်မာလူမျိုးတွေ ဖတ်လို့ လုံးစေ့ပတ်စေ့ နားလည်ကြပါ့မလားလို့ စဉ်းစားမိပါတယ်။ မြန်မာလူမျိုးအားလုံးရဲ့ ၈၅ ရာခိုင်နှုန်းလောက်ဟာ ကျေးလက်တောရွာတွေက တောင်သူတွေနဲ့ မြို့ပေါ်က လက်လုပ်လက်စား အလုပ်သမားတွေ ဖြစ်ကြပါတယ်။ အင်္ဂလိပ်စာတတ်သူဦးရေဟာ အင်မတန် နည်းပါး လှပါတယ်။ အဲဒါကြောင့် အင်္ဂလိပ်လို နာမည်တွေ၊ အခေါ်အဝေါ် အသုံးအနှုန်းတွေကို နားလည်ကြမှာ မဟုတ်ပါဘူးလို့ပဲ ယူဆပါတယ်။
ဒီအယူအဆ မှန်၊ မမှန်ဆိုတာကို ဒီနေ့ ထွက်ရှိနေတဲ့ မဂ္ဂဇင်းပေါင်း ၁၀၀ ၀န်းကျင်လောက်မှာ ဘယ်လိုမဂ္ဂဇင်းတွေ စောင်ရေအများဆုံး ထုတ်ဝေနေရသလဲ ဆိုတဲ့အချက်နဲ့ တိုင်းတာလိုက်ရင် သိနိုင်ပါတယ်။
အဲဒီ မဂ္ဂဇင်းတွေ ဘာကြောင့် စောင်ရေအများဆုံး ထုတ်ဝေနေရတာလဲ။ အဖြေက ရှင်းရှင်းလေးပါ။ လူအများဆုံး ဖတ်ကြလို့ပေါ့။
ဘာကြောင့် အများဆုံး ဖတ်ာကတာလဲ။
သူတို့ အကြိုက်ဆုံး ဖြစ်လို့ပေါ့။
ဘာကြောင့် ကြိုက်ကြတာလဲ။
သူတို့ရဲ့ ပညာရည်အဆင့်အတန်းနဲ့ နားအလည်နိုင်ဆုံးဖြစ်လို့၊ သူတို့ဘ၀နဲ့ အနီးစပ်ဆုံးဖြစ်လို့ပေါ့။
ဒီနေ့ မဂ္ဂဇင်းအားလုံးရဲ့ ဦးတည်ချက်ဟာ မှားယွင်းနေတယ်လို့ ပြောချင်ပါတယ်။ တိုင်းပြည်ရဲ့ လူအများစုကြီးကို ပရိသတ်အဖြစ် ဦးတည်ချက်မထားဘဲ ခေတ်ပညာတတ် ကျောင်းသားလူငယ် အလွှာလေးတခု အတွက်ကိုသာ ရည်ရွယ်ပြီး ထုတ်ဝေသူက ထုတ်ဝေ၊ ရေးသူကရေး လုပ်နေကြပါတယ်။
အဲဒါကြောင့်လည်း ၄၅ သန်း ဆိုတဲ့ လူဦးရေရှိတဲ့ နိုင်ငံမှာ မဂ္ဂဇင်းတအုပ်ရဲ့ စောင်ရေဟာ ထောင်ဂဏန်း နည်းနည်းလေးလောက်သာ ရှိနေတာ ဖြစ်ပါတယ်။
မဂ္ဂဇင်း အားလုံးလောက်နီးပါးက အင်္ဂလိပ်စာတတ် ပရိသတ် အတွက်သာ ရည်ရွယ်ထုတ်ဝေနေကြလေ တော့ အများစုကြီး ဖြစ်တဲ့ သာမန်ပြည်သူ ပြည်သားများအဖို့ သူတို့နားလည်နိုင်တဲ့ ခေတ်နောက်ပြန်ဆွဲ အဆိပ်မဂ္ဂဇင်းတွေနဲ့သာ ရောင့်ရဲနေကြရမှာပါပဲ။
အဲဒီ အဆိပ်မဂ္ဂဇင်းတွေနဲ့ချည်း ထိတွေ့နေရသရွေ့ သူတို့ရဲ့ အသိဥာဏ် တိုးတက်လာမှာ မဟုတ်ပါဘူး။ သူတို့ရဲ့ ဥာဏ်ရည် မတိုးတက်သရွေ့ မြန်မာစာပေရဲ့ အဆင့်အတန်းလည်း မြင့်မားလာဘွယ် မရှိပါဘူး။
မြန်မာစာပေ အဆင့်အတန်းမြင့်အောင်၊ နိုင်ငံတကာ အဆင့်မီအောင်ဆိုပြီး စာရေးဆရာတွေက နိုင်ငံတကာ စာပေအမျိုးမျိုးကို မိတ္တူကူးစက်နဲ့ ကူးသလို ရေးသားနေကြပါတယ်။ ဖြစ်တည်မှုတို့၊ ကပ်ဖ်ကာတို့၊ ဒါလီတို့၊ ဆာရီယယ်လစ်ဇင်းတို့ ပါမှ နိုင်ငံတကာအဆင့်မီတယ်လို့ ယူဆနေကြပါတော့တယ်။
ဖြစ်တည်မှုတို့၊ ကပ်ဖ်ကာတို့၊ ဆာရီယယ်လစ်ဇင်တို့ဆိုတဲ့ ၀ါဒတွေဟာ လူရဲ့ အဇ္ဈတ္တအတွင်းစိတ်ကို ဆန်းစစ်လေ့လာတဲ့ ၀ါဒတွေ ဖြစ်ကြပါတယ်။ စိတ်ရဲ့ သဘာဝကို ခွဲခြမ်းစိတ်ဖြာလေ့လာတဲ့နေရာမှာ ဗုဒ္ဓရဲ့ အနတ္တ၀ါဒလောက် သိပ္ပံနည်းကျပြီး နက်နဲတဲ့ဝါဒ ဘယ်မှာမှ မရှိပါဘူး။ အဲဒီလောက် အဆင့်မြင့်တဲ့ အနတ္တ၀ါဒကို လမ်းပေါ်က သာမန်မြန်မာလူမျိုးတွေတောင် နားလည်ကြပါတယ်။ ဖြစ်တည်မှုတို့၊ ကပ်ဖ်ကာတို့ကို ကူးချတာဟာ မြန်မာစာပေ အဆင့်အတန်း မြင့်လာတာ မဟုတ်ပါဘူး။ မြန်မာစာပေအဆင့်အတန်းကို နိမ့်ကျအောင် ဆွဲချပစ်လိုက်တာ ဖြစ်ပါတယ်။
တချို့ မြန်မာစာရေးဆရာတွေက မြန်မာစာပေမှာ နိုင်ငံတကာ အဆင့်မီတဲ့ကဗျာ၊ ၀တ္ထုဆိုတာ မရှိဘူးလို့တောင် ပြောကြပါတယ်။ နိုင်ငံတကာ အဆင့်ဆိုတာ ဘာကို ခေါ်တာလဲလို့ ကျွန်တော်တို့တော့ မသိတာ အမှန်ပါ။ သူတို့တော့ သိကြမလား မဆိုနိုင်ပါဘူး။ အင်္ဂလိပ်ဘာသာစကားနဲ့ ရေးမှ နိုင်ငံတကာအဆင့်မီလို့ ခေါ်နိုင်ပါသလား။
ဒန်တီရဲ့ ဘုံခန်းတို့၊ ငရဲခန်းတို့ စာအုပ်ကြီးတွေ ဖတ်လို့ကောင်းပါတယ်။ ဒါပေမယ့် မြန်မာစာပေက ရှင်အဂ္ဂသာမိရဲ့ ငရဲခန်းတို့၊ ဘုံခန်းပျို့တို့လည်း မြန်မာလူမျိုးတွေအတွက် ကောင်းတာပါပဲ။ ရှိတ်စပီးယားရဲ့ စာတွေ ကောင်းလှပါတယ်ဆိုပေမယ့် ကျွန်တော်တို့ မြန်မာပြည်က ဆရာကြီးသခင်ကိုယ်တော်မှိုင်းရဲ့ စာတွေလောက် မြန်မာတို့အဖို့ တန်ဖိုးရှိလှတယ် မထင်ပါဘူး။ ရှိတ်စပီးယားရဲ့စာတွေက ဘယ်လောက် ကောင်းကောင်း အင်္ဂလိပ် လူမျိုးတွေရဲ့ ဘ၀ကို ဘယ်လိုမှ တိုးတက်မလာစေပါဘူး။ အင်္ဂလန်နိုင်ငံရဲ့ သမိုင်းကို ဘယ်လိုမှ ပြောင်းလဲမသွား စေနိုင်ခဲ့ပါဘူး။
ဆရာကြီး သခင်ကိုယ်တော်မှိုင်းရဲ့ စာတွေကတော့ မြန်မာနိုင်ငံရဲ့ သမိုင်းအဆင့်ဆင့် ဖြစ်ထွန်းတိုးတက် လာမှုကို အများကြီး သြဇာသက်ရောက်စေခဲ့ ပါတယ်။ မြန်မာလူမျိုးတွေရဲ့ ဘ၀ကို အများကြီးပြောင်းလဲစေခဲ့ ပါတယ်။ မြန်မာကဗျာဆရာကြီးတွေ ဖြစ်ကြတဲ့ ဆရာဇော်ဂျီတို့၊ ဆရာမင်းသုဝဏ်တို့ရဲ့ ကဗျာတွေဟာဆိုရင် တချို့ နိုဗယ်ဆုရ ကဗျာဆရာဆိုသူတွေရဲ့ ကဗျာတွေထက် အတွေးအခေါ်အရရော အနုပညာအရပါ မညံ့ဘူးလို့ ဆိုရဲပါတယ်။ 'သိဒ္ဓတ္ထ' ဆိုတဲ့ စာအုပ်နဲ့ မြန်မာလူမျိုးတွေ သိရှိနေကြတဲ့ ဂျာမန်စာရေးဆရာ ဟားမန်းဟက်စ်ရဲ့ အတွေးအခေါ် ကဗျာတွေ များစွာထဲမှာ မြန်မာတွေအတွက်တော့ 'ဗေဒါလမ်း' ကို လိုက်မီတာ တပုဒ်မှကို မရှိဘူးလို့တောင် ပြောရဲပါတယ်။ ဒီအဆိုကို လက်မခံနိုင်သူများ ရှိခဲ့ရင် ဟားမင်းဟက်စ်ရဲ့ ကဗျာတွေထဲက အတွေးအခေါ်မှာ 'ဗေဒါလမ်း' ကို မီတဲ့ကဗျာတပုဒ် ထုတ်ပြပါလို့ မေတ္တာရပ်ခံချင်ပါတယ်။
နိုင်ငံတကာ အဆင့်မီတယ်ဆိုတာဟာ အနောက်အတိုင်းက အတွေးအခေါ် အယူအဆတွေကို မတ္တူကူးယူတာ မဟုတ်ပါဘူး။ သူတို့နာမည်တွေကို တန်းစီထည့်သွားတာ မဟုတ်ပါဘူး။ အဲဒါကြောင့် နေရာတကာမှာ နိုင်ငံတကာ အဆင့်မီတဲ့စကားကို ပေါ့ပေါ့ဆဆ မပြောသင့်ကြပါဘူး။ အရှင်းဆုံး ပြောရရင် တိုင်းပြည်နဲ့ ပြည်သူပြည်သားများရဲ့ လူနေမှုအဆင့်အတန်းက နိုင်ငံတကာ အဆင့်မီတဲ့ အခြေအနေ မရှိဘဲနဲ့ ဘယ်စာပေ၊ ဘယ်အနုပညာမှ နိုင်ငံတကာအဆင့်မီ ဖြစ်မလာနိုင်ပါဘူး။
ဖြစ်အောင်ကြိုးစားတယ်ဆိုရင် ရူးရာကျပါလိမ့်မယ်။ လျှပ်စစ်ဓါတ်မရှိတဲ့ တောကြီးမျက်မည်းထဲမှာ သေသူကို ပြန်ရှင်အောင် လုပ်ပေးနိုင်တဲ့ စက်ယန္တယားကြီးတခု တီထွင်နိုင်ပါတယ် ဆိုလို့လည်း အလကားပါပဲ။
ကိုယ့်ဟာကိုယ် ရူးချင်ရင် ရူးကြပါ။ ဖြစ်တည်မှုတို့၊ ကပ်ဖ်ကာတို့ ဆာရီယယ်လစ်ဇင်တို့ ဒါလီတို့ အကြောင်းတွေလည်း ပြည့်ပြည့်၀၀ သိတာမဟုတ်၊ မြန်မာစာပေကိုလည်း နှံ့နှံ့စပ်စပ် သိရှိတာ မဟုတ်ဘဲနဲ့တော့ ဒီနှစ်ခုကို နှိုင်းယှဉ်ပြီး မြန်မာစာပေကို မပုတ်ခတ်ပါနဲ့။ မြန်မာစာပေပညာရှင်ကြီးတွေကို မစော်ကားပါနဲ့လို့ ပြောချင်ပါတယ်။
နောက်တခု ပြောချင်သေးတာက 'မြန်မာစကားက ဝေါဟာရ ခေါင်းပါးလွန်းလို့ အင်္ဂလိပ်စကားလုံးတွေ ကိုပဲ မွေးစားသုံးရပါတယ်၊ အသံလှယ်သုံးရပါတယ်' ဆိုပြီး အင်္ဂလိပ်စကားတွေကို 'ဗုံးပေါလအော' ထည့်သုံးကြတဲ့ အကြောင်းပါ။ အင်္ဂလိပ်စာတတ်ကြောင်း 'သမားဂုဏ်ပြ' လုပ်ချင်ကြရင်လည်း နိုင်ငံခြားက စာနယ်ဇင်းတွေမှာ အင်္ဂလိပ်လို ၀တ္ထု ကဗျာ ဆောင်းပါးတွေ ရေးကြပါ။ မြန်မာတွေ ဖတ်ဖို့ ထုတ်ဝေတဲ့ မြန်မာမဂ္ဂဇင်းတွေမှာ မြန်မာစာနဲ့ ရေးတာ ဖြစ်ရင်တော့ အတတ်နိုင်ဆုံး ကြိုးစားပြီး မြန်မာစကားနဲ့သာ ရေးသင့်ကြပါတယ်။
ဘိလပ်မှာ အနှစ်သုံးလေးဆယ်နေခဲ့ပြီး အဘိဓာန်ကျမ်းကြီးတဆူ ပြုစုခဲ့၊ သုတေသနစာတမ်းတွေ ရေးသားခဲ့တဲ့ ဘိလပ်ပြန်ဆရာ ဒေါက်တာလှဘေလို ပုဂ္ဂိုလ်ကြီးကတောင် မြန်မာတွေ ဖတ်ဖို့ မြန်မာစာတွေ ရေးတဲ့အခါမှာ အင်္ဂလိပ်စကားလုံးတွေ မလိုအပ်ဘဲ ညှပ်သုံးလေ့မရှိတာကို အတုယူသင့်ကြပါတယ်။
'မြန်မာစကားက ဝေါဟာရခေါင်းပါးတယ်' ဆိုတဲ့ အဆိုကိုလည်း လက်မခံနိုင်ပါဘူး။ မြန်မာ ဘာသာစကားမှာ ဝေါဟာရ မချို့တဲ့ပါဘူး။ မြန်မာ့မြေပေါ်မှာ ပေါက်ရောက်တဲ့ သစ်ပင်၊ ပန်းပင်မှန်သမျှအတွက် မြန်မာအခေါ်တွေ ရှိပါတယ်။ မြန်မာ့ မြစ်ချောင်း အင်းအိုင်တွေထဲက ငါးမှန်သမျှအတွက်လည်း မြန်မာနာမည်တွေ ရှိပါတယ်။ ဝေါဟာရမပြည့်စုံလို့ ခေါ်စရာ နံမည်မရှိတဲ့ သစ်ပင်၊ ပန်းပင် ကျေးငှက်တိရစ္ဆန်ရယ်လို့ တခုမှ မရှိပါဘူး။ ဝေါဟာရမပြည့်စုံလို့ ဆွေမျိုးစပ်မရဘူးဆိုတာမျိုးလည်း မရှိပါဘူး။ အင်္ဂလိပ်စကားမှာတော့ ယောက္ခမနဲ့ သားမက်၊ ချွေးမကိုလည်း 'အင်လော' ပဲ။ သမီး ယောက်ဖကိုလဲ 'အင်လော' သမီးယောက်မကိုလဲ 'အင်လော' ပဲ။ တမိသားနဲ့ တမိသား စုံဖက်ကြတဲ့အခါ ဟိုဘက်ဒီဘက် ပတ်သက်လာကြသူ မှန်သမျှကို 'အင်လော' ဆိုတဲ့စကားတလုံးကိုပဲ 'ရေလဲ' နဲ့ သုံးလိုက်ကြရတယ်။ မြန်မာဘာသာစကားမှာတော့ 'ခမည်းခမက်'တို့၊ 'လင်ညီအမ'တို့၊ 'မယားညီအကို' တို့ စတဲ့ သီးခြားသတ်မှတ်ထားတဲ့ အခေါ်အဝေါ်တွေ အပြည့်အစုံ ရှိနေတော့ အခေါ်အဝေါ်ကို ကြားလိုက်ရုံနဲ့ တော်စပ်မှုကို တန်းသိနိုင်တာပေါ့။
အင်္ဂလိပ်မှာ 'ဘရားသားအင်လေ'၊ 'စစ္စတာအင်လော' လို့ ပြောလိုက်တဲ့အခါ 'ကိုယ့်အိမ်ထောင်ဖက်ရဲ့ အကြီးလား၊ အငယ်လား' ခွဲခြားမသိနိုင်ပါဘူး။ မြန်မာစကားမှာတော့ မိန်းကလေးတယောက်က သူ့ခင်ပွန်းရဲ့ အကိုဆိုရင် 'ခဲအို' လို့ခေါ်ဝေါ်ပြောဆိုပြီး၊ ခင်ပွန်းရဲ့ညီဆိုရင် 'မတ်' လို့ ခေါ်ဝေါ်ပြောဆိုလိုက်တော့ ဆွေမျိုးတော် စပ်ပုံကို သိသွားရတာပေါ့။ အဲဒီလိုပဲ ယောက်ျာလေးတယောက်ကလည်း ဇနီးရဲ့အစ်မကို 'မရီး'၊ ညီမကို 'ခယ်မ' လို့ ခွဲခြားခေါ်ဝေါ်စရာ ရှိပါတယ်။
မြန်မာဘာသာစကားက ဝေါဟာရ မခေါင်းပါးပါဘူး။ မြန်မာစာရေးဆရာတွေသာ ချွတ်ခြုံကျ ဖြစ်နေကြတာပါ။
အသစ်အသစ် ထွန်းကားလာတဲ့ စက်မှုပညာရပ်တွေအတွက် ဝေါဟာရမရှိတာကတော့ လူမျိုးတိုင်းရဲ့ ဘာသာစကားတိုင်း ကြုံတွေ့နေရတာပါ။ ကောင်းကင်မှာ နက္ခတ်တာရာတလုံး တွေ့လိုက်ရတဲ့အခါ သင့်တော်ရာနာမည်တခုခု ရွေးပြီးပေးလိုက်၊ ဓာတ်ပစ္စည်းတခု အသစ်တွေ့ရှိတဲ့အခါ သင့်တော်ရာနာမည်တခု ရွေးပြီးပေးလိုက်ရင်နဲ့ပဲ သူတို့ ဘာသာစကားတွေ တိုးပွါး ကြွယ်ဝလာတာပါ။
ကျွန်တော်တို့ မြန်မာစကားကိုလည်း ရှေးရှေးက မြန်မာကြီးတွေက ကြွယ်ဝလာအောင် အလားတူ လုပ်ခဲ့ကြတာပါ။ မီးသီး၊ မီးချောင်း၊ ဓာတ်စက်၊ ဓာတ်ရှင်၊ ဓာတ်ပြား၊ ဓာတ်ရထား၊ ဓာတ်လှေကား။ ဓာတ်စက်ရုံ၊ ဓာတ်ခဲ၊ ဓာတ်မီး စတဲ့ အခေါ်အဝေါ်တွေဟာ အနောက်နိုင်ငံကနေ အသစ်ရောက်ရှိလာတဲ့ စက်မှုအတတ် ပညာဆိုင်ရာ ပစ္စည်းတွေကို တီထွင်ခေါ်ဝေါ်လိုက်ကြတာပါ။
ကျွန်တော်တို့ခေတ်ရောက်မှ ၀ါယမလေး နည်းနည်းလောက် စိုက်ထုတ်ပြီး မကြိုးစားကြတော့ပဲ အလွယ်လမ်းကို လိုက်နေကြတာ ဖြစ်ပါတယ်။ ဒီလိုသာ အချောင်ရှာ၊ အလွယ်လိုက် လုပ်နေလို့ကတော့ ကျွန်တော်တို့ မြန်မာဘာသာစကားဟာ စည်ပင်ဖွံ့ဖြိုးဖို့ နေနေသာသာ ကွယ်ပျောက်မသွားအောင်တောင် မနည်းကြီး ကြိုးစားထိန်းသိမ်းကြရပါလိမ့်မယ်။ အခုတောင်မှ မြန်မာ့စကား၊ မြန်မာ့ဝေါဟာရ၊ မြန်မာ့ယဉ်ကျေးမှု တွေဟာ လုံးပါးပါးလိုက်လာတာ 'ရွှေတောင်စက္ကူကတောင် မမ၊ မမလို့ ခေါ်ရမတတ်' ပါးလှပ် ချည့်နဲ့ နေပါပြီ။
ဘာသာစကားတို့၊ ဓလေ့ထုံးစံတို့၊ ယဉ်ကျေးမှုတို့ဆိုတာ ခေတ်နဲ့ စနစ်က မွေးထုတ်ပေါက်ဖွားလာရတာ ဖြစ်လေတော့ ခေတ်တွေ စနစ်တွေ ပြောင်းရင် ပြောင်းသလောက် သူတို့လည်း လိုက်ပြောင်းကြရတာ ဓမ္မတာပါ။ ပြောင်းလဲတိုးတက်တဲ့ ခေတ်နဲ့အညီ သူတို့လည်း ပြောင်းလဲတိုးတက်ရတယ်။ ခေတ်နဲ့ မကိုက်ညီ၊ မအပ်စပ်တော့တဲ့အရာတွေက တိမ်ကောပျောက်ကွယ်သွားရပြီး ခေတ်ရဲ့ လိုအပ်ချက်အရ အသစ် အသစ်တွေ ပေါ်ထွန်းလာရပါတယ်။
ဒါဟာ သဘာဝတရားမို့ ၀မ်းနည်းနေစရာ၊ တမ်းတနေစရာ မလိုပါဘူး။ အသုံးမ၀င်တော့တဲ့ အဟောင်းအမြင်းတွေကို သမိုင်းရဲ့အမှိုက်လှေကြီးပေါ်တင် မျှောလိုက်ကြရမှာပေါ့။ အသစ်သစ်တွေကို ကြိုဆိုကြ၊ ဖန်တီးကြရမှာပေါ့။
ဒါပေမယ့် ခေတ်နဲ့လည်း အပ်စပ်နေသေးတဲ့ အသုံးလည်း တည့်နေသေးတဲ့ ကိုယ်ပိုင်ဘာသာစကားကို ချောင်ထိုးထားပြီး တိုင်းခြားဘာသာစကားတွေကို အလွယ်တကူ အစားထိုး သုံးစွဲတာမျိုးကိုတော့ မလုပ်သင့်ကြပါဘူး။
'စာပေပျောက်ရင် လူမျိုးပါပျောက်မယ်' ဆိုတဲ့စကားကို အပြောအများဆုံးက စာရေးဆရာတွေပါ။ ဒါပေမယ့် လက်တွေ့ကျတော့ မြန်မာစာပေ၊ မြန်မာစကား ပျောက်အောင် စာရေးဆရာတွေက လုပ်နေကြသလို ဖြစ်နေကြပါတယ်။
မြန်မာဘာသာစကားဟာ တချို့ပြောကြသလို ဝေါဟာရမချို့တဲ့ပါဘူး။ အင်္ဂလိပ်ဘာသာစကားနဲ့ အကျွမ်းတ၀င် မရှိလှတဲ့ စက်ရုံ၊ အလုပ်ရုံတွေ၊ ကျေးလက်ဒေသတွေက လယ်ကွင်းလယ်ယာတွေထဲမှာ ဝေါဟာရ ကြွယ်ပိုးကြွယ်ဝ ရှိလှပါတယ်။ မန္တလေးကို ဗဟိုပြုတဲ့ အညာဒေသတခွင်မှာ လှပတဲ့ မြန်မာစကားတွေ အများကြီး ကျန်ရှိနေပါသေးတယ်။
မန္တလေးဆိုတာ မြန်မာတို့ရဲ့ နောက်ဆုံးမြို့တော်ပါ။ အောက်အရပ်ဒေသထက် ကျွန်အဖြစ်နောက်ကျလေ တော့ မြန်မာ့ယဉ်ကျေးမှု ဓလေ့ထုံးစံတွေ၊ 'ထီးစကား နန်းစကား' ဟာ အောက်အရပ်ဒေသထက် များများစားစား ကျန်ရှိနေပါသေးတယ်။
ထီးကျိုးစည်ပေါက် ဖြစ်သွားတော့မှ ထီးရိပ်နန်းရိပ်က လူတွေလည်း ရပ်ထဲ ရွာထဲ ရောက်သွားကြရ ပါတယ်။ အဲဒီတော့ ထီးစကား၊ နန်းစကားတွေ လူထုထဲ စီးမျောစိမ့်ဝင်သွားရပြီး နန်းစကားတွေဟာ မန်းစကား ဖြစ်သွားရတော့တာပါဘဲ။ အဲဒီ နန်းစကား မန်းစကားတွေဟာ ရပ်ထဲရွာထဲမှာ အများကြီး ရှိနေပါသေးတယ်။
ဒါပေမယ့် မြန်မာစာ၊ မြန်မာစကားကို ချောင်ထိုးထားပြီး အချောင်ရှာ အလွယ်လိုက်ကြတဲ့ မြန်မာဆာရီရယ်လစ်၊ ပညာတတ်လူတန်းစားတွေကြောင့် မြန်မာစကားအသုံးအနှုန်းတွေ တိမ်ကောပျောက်ကွယ် လုမတတ် ဖြစ်နေရပါတယ်။
ဒီဆောင်းပါးဟာ အဲဒီလို တိမ်ကောပျောက်ကွယ်လု နီးပါးဖြစ်နေတဲ့ မြန်မာစကားတွေကို ကောက်သင်းကောက် စုဆောင်းဖော်ထုတ်နိုင်ဖို့ ရည်ရွယ်ချက်နဲ့ ရေးတာ ဖြစ်ပါတယ်။ ဒီအလုပ်မျိုးဆိုတာ တဦးကောင်း တယောက်ကောင်း ဆောင်ရွက်လို့ မအောင်မြင်နိုင်ပါဘူး။ စာပေပညာရှင်တွေရော၊ ပြည်သူ တရပ်လုံးပါ ၀ိုင်းဝန်းဆောင်ရွက်မှ ဖြစ်မှာပါ။
အဲဒါကြောင့် စာဖတ်ပရိသတ်အားလုံးက ၀ိုင်းဝန်းကူညီကြပါ။ မိမိတို့ မှတ်မိ သိရှိသလောက် တိမ်မြုပ် ပျောက်ကွယ်နေတဲ့ မြန်မာစကား မြန်မာဝေါဟာရတွေကို အနက်အဓိပ္ပါယ်နဲ့တကွ ရေးသားပြီး စာရေးသူ ဆောင်းပါးအဆုံးမှာ ဖော်ပြထားတဲ့ လိပ်စာအတိုင်း ပို့ပေးကြပါ။ စုစည်း စိစစ်ပြီး မဂ္ဂဇင်းတွေကတဆင့် တင်ပြသွားပါမယ်။ စာရေးဆရာများ အနေနဲ့လည်း အတတ်ပညာသစ်တွေ၊ အနုပညာသစ်တွေရဲ့ တိုင်းခြား စကားလုံးတွေကို မြန်မာစကားလုံးတွေ ဖြစ်အောင် ပြုစု လုပ်ကိုင်ပေးကြပါ။ ရှိရင်းစွဲ မြန်မာစကားလုံးတွေကိုလည်း ပစ်ပယ်မထားပဲ များများကြီး သုံးစွဲပေးကြပါလို့ မေတ္တာရပ်ခံလိုက်ပါရစေ။

ဆက်ပါဦးမယ်။
{လူထုစိန်ဝင်း ရဲ့ ပျောက်ကွယ်လုနီပါး မြန်မာစကားများ- နန်းစကား မန်းစကား မြန်မာတို့ရဲ့ မြန်မာစကား စာအုပ်၊ ပထမနှိပ်ခြင်း၊ ၂၀၀၆ ဇန်န၀ါရီ မှ ကူးယူဖော်ပြပါတယ်။}


Thursday, February 4, 2010

မျိုးဆက်သစ် ကိုးရီးယားလူငယ်တွေရဲ့ အမြင်သစ်၊ အတွေးသစ်
ရေးသူ- လူထုစိန်ဝင်း

လွန်ခဲ့တဲ့ ၅၅ နှစ်က ဒီ စက်တင်ဘာထဲမှာ အမေရိကန်စစ်ဗိုလ်ချုပ်ကြီး မက်အာသာဟာ ကုလသမဂ္ဂ ဆိုင်းဘုတ် တပ်ဆင်ထားတဲ့ အမေရိကန် စစ်သားဦးရေ ၇၀၀၀၀ ကို ခေါင်းဆောင်ပြီး တောင်ကိုးရီးယားနိုင်ငံ အင်ချုံ ဆိပ်ကမ်းမြို့ကလေးထဲ ၀င်ရောက်လာခဲ့ပါတယ်။

အင်ချုံမြို့ကတဆင့် မက်အာသာရဲ့ တပ်တွေက တောင်ကိုးရီးယားနိုင်ငံ ပိုင်နက်ထဲကို ကီလိုမီတာ ၃၀၀ လောက်ထိ ၀င်ရောက်သိမ်းပိုက်ထားတဲ့ မြောက်ကိုးရီးယားတပ်များရဲ့ နောက်ပိုင်းကို ၀င်ရောက်တိုက်ခိုက်နိုင်ခဲ့ကြ ပါတယ်။ ရှေ့နောက်ညှပ်ပိတ် အ၀ိုင်းခံရတော့မယ့် အန္တရာယ်က လွတ်မြောက်အောင် မြောက်ကိုးရီးယား တပ်များကို ၂ ပတ်အတွင်း ဆုတ်ခွါသွားခဲ့ကြတယ်။ စစ်ကြီး ပြီးသွားတော့ အင်ချုံမြို့မှာ မက်အာသာရဲ့ ဧရာမ ရုပ်ထုကြီးတခု စိုက်ထူ ထားခဲ့ကြတယ်။ စစ်ပြီးခေတ် သမိုင်းစာအုပ်တွေထဲမှာလဲ ဗိုလ်ချုပ်ကြီး မက်အာသာကို ကယ်တင်ရှင်ကြီးအဖြစ် ရေးသားဂုဏ်ပြုခဲ့ကြပါတယ်။
၅၅ နှစ်ကြာ အပြီးမှာတော့ မက်အာသာ အင်ချုံကို ၀င်ရောက်လာတဲ့နေ့ကို ကြေကွဲဖွယ်ရာ နေ့ကြီး တနေ့အဖြစ် မျိုးဆက်သစ် ကိုးရီးယားလူငယ်တွေက ယူဆလာကြတယ်။ အဲဒိနေ့ အထိမ်းအမှတ်အဖြစ် ကိုးရီးယားလူငယ်တွေက မက်အာသာရဲ့ ရုပ်ထုကြီးရှေ့မှာ ဆန္ဒပြခဲ့ကြပြီး မက်အာသာရဲ့ ရုပ်ထုကြီးကို ဖယ်ရှားပစ်ဖို့ တောင်းဆိုခဲ့ကြတယ်။ သူတို့က မက်အာသာဟာ ကိုးရီးယားလူမျိုးတို့ရဲ့ ကယ်တင်ရှင်မဟုတ်ဘဲ အမေရိကန်တို့ရဲ့ စစ်ပွဲကြီးကို ကိုးရီးယားလူမျိုးများရဲ့ အသက်နဲ့ စတေးပြီး တိုက်ခိုက်ပေးခဲ့တဲ့ စစ်သွေးဆာနေသူ တဦးသာ ဖြစ်တယ်လို့ ပြောဆိုခဲ့ကြတယ်။
"မက်အာသာဟာ ကိုးရီးယားနိုင်ငံကို ၂ ပိုင်းခွဲပစ်ခဲ့တဲ့သူ၊ ဒီလို ကွဲပြားနေမှုကြီးကို ထာဝရဖြစ်အောင် ဆောင်ရွက်ခဲ့သူဖြစ်တယ်"
ဆန္ဒပြသူများထဲက ခေါင်းဆောင်တဦးဖြစ်သူ ဟန်ဆင်ဆပ် ဆိုသူ လူငယ်က ပြောကြားခဲ့တဲ့ စကား ဖြစ်ပါတယ်။
ဒီလူငယ်ရဲ့ စကားဟာ ကိုးရီးယားစစ်ပွဲကြီး ပြီးဆုံးသွားတဲ့ နောက်မှ မွေးဖွားခဲ့ကြတဲ့ အသက် ၃၀၊ ၄၀ လူလတ်ပိုင်း အတော်များများရဲ့ စိတ်မှာ ကိန်းအောင်းနေတဲ့ အမြင်ဖြစ်ပါတယ်။ ဒီမိုကရေစီခေတ် ကိုးရီးယား လူငယ်တွေက ကိုးရီးယားစစ်ပွဲကြီးနဲ့ ကိုးရီးယားနှစ်ပိုင်း ကွဲသွားရမှုဟာ ဆိုဗီယက်နဲ့ အမေရိကန်တို့ရဲ့ စစ်အေးတိုက်ပွဲ နယ်ပယ်လုမှုကြီးရဲ့ ရလဒ်ဖြစ်တယ်လို့ သုံးသပ်လာကြပါတယ်။
ဒါတင်မက မြောက်ကိုးရီးယားနိုင်ငံကိုလည်း သမိုင်းစာအုပ်ဟောင်းတွေထဲကလို ကျူးကျော်ရေးသမား မိစ္ဆာကောင်တွေအဖြစ် မမြင်ကြတော့ဘဲ အမေရိကန်ရဲ့ ဗိုလ်ကျလွှမ်းမိုးမှုကို ရဲရဲဝံ့ဝံ့ အံတုခဲ့တဲ့ သူရဲကောင်းတွေ အဖြစ် မြင်လာတာတွေ အထိ ရှိလာပါတယ်။
လွန်ခဲ့တဲ့ ဆယ်စုနှစ် နှစ်ခုလောက် ကတည်းက ကိုးရီးယားမှာ ဆစ်ဂမန်ရီးတို့လို၊ ပတ်ချုံဟီးတို့လို စစ်အာဏာရှင်တွေ နိဂုံးချုပ်သွားတာနဲ့အတူ သမိုင်းအမြင်သစ်တွေ ပေါ်ထွန်းလာခဲ့တာ ဖြစ်ပါတယ်။ ကိုးရီးယားတွေသာ မဟုတ်သေးပါဘူး။ အမေရိကန်လူမျိုး ပါမောက္ခ Burce Cumings က သူရေးခဲ့တဲ့ "The Origins of the Korean War" ဆိုတဲ့ စာအုပ်မှာ ကိုးရီးယားစစ်ပွဲကြီးရဲ့ လက်သည် တရားခံအစစ်ဟာ ဆိုဗီယက်နဲ့ အမေရိကန်တို့ ဖြစ်တယ်။ သူတို့က ကင်အီဆွန်းကို စစ်ပွဲကို စတိုက်အောင် ဆွပေးခဲ့ကြတာ ဖြစ်တယ်လို့ ရေးသားခဲ့ပါတယ်။
ဒီအယူအဆ ဒီသုံးသပ်ချက်ကို လက်ခံသဘောကျသူတွေ တော်တော်များများ ရှိခဲ့ပါတယ်။ တောင်ကိုးရီးယားသမတ Roh Moo Hyun ကိုယ်တိုင်က ကိုးရီးယားသမိုင်းသစ်ကို ပြန်ရေးကြဖို့ နှိုးဆော်တိုက်တွန်းမှုတွေ ပြုလုပ်ခဲ့ပါတယ်။
သမိုင်းပညာရှင်သစ်တွေကလည်း ကိုးရီးယားစစ်ပွဲကို သမိုင်းစာအုပ်ဟောင်းတွေထဲကလို ကောင်းမှုနဲ့ မကောင်းမှုတို့ရဲ့ တိုက်ပွဲအဖြစ် မမြင်ကြတော့ဘဲ ကိုးရီးယားလူမျိုး ညီနောင်ချင်း တိုက်ခိုက်ကြတဲ့ ကြေကွဲစရာ အဖြစ်ဆိုးကြီး တခုအနေနဲ့ သုံးသပ်လာခဲ့ကြပါတယ်။ သူတို့က မြောက်ကိုးရီးယားကို အဏုမြူဗုံးကြဲပြီး တိုက်ခိုက်ဖို့အထိ ကြံရွယ်ခဲ့တဲ့ မက်အာသာရဲ့ လုပ်ရပ်များကိုလည်း ရှုတ်ချခဲ့ကြပါတယ်။
"ကွန်မြူနစ်ဝါဒအပေါ်မှာ အနိုင်ယူဖို့အတွက် မက်အာသာဟာ ကိုးရီးယားလူမျိုးတွေရဲ့ အသက်ပေါင်း များစွာကို စတေးဖို့ ကြံရွယ်ခဲ့တယ်"
ဒီအမြင်ဟာ လူလတ်ပိုင်း ကိုးရီးယားနိုင်ငံရေး သုတေသီများနဲ့ သမိုင်းပညာရှင်များရဲ့ သုံးသပ်ချက်သစ် အမြင်သစ်များပဲ ဖြစ်ပါတယ်။ ဒီအမြင်ကို လူကြီးပိုင်း သက်ကြီးရွယ်အိုပိုင်းတွေက လက်မခံနိုင်ကြပါဘူး။ သူတို့က မက်အာသာရဲ့ ရုပ်တုကြီးကို ဖယ်ရှားမပစ်ဖို့ ကန့်ကွက်ကြပါတယ်။
သက်ကြီးရွယ်အိုတွေက မနှစ်မြို့နိုင် ဖြစ်ပေမယ့် အမြင်သစ် သမိုင်းသစ်တွေကတော့ ဖြည်းဖြည်းချင်း အင်အားပိုပိုပြီး ကောင်းလာနေပါတယ်။
ဒီနေ့ ရှေ့တန်းရောက်နေတဲ့ မြောက်ကိုးရီးယား နျူးကလီးယား လက်နက်ကိစ္စမှာလည်း အမေရိကန်က တင်းတင်းမာမာ ဆောက်ရွက်ချင်ပေမယ့် တောင်ကိုးရီးယားအစိုးရက သဘောမတူခဲ့ပါဘူး။ သူတို့က မြောက်ကိုးရီးယားဘက်ကို စားနပ်ရိက္ခာနဲ့ စွမ်းအင်အကူအညီများ ပေးဖို့ ကမ်းလှမ်းမှုတွေ လုပ်ခဲ့ပါတယ်။ အခြေအနေ အရပ်ရပ်ကို ခြုံပြီးပြောမယ်ဆိုရင် ဒီမိုကရေစီခေတ် ကိုးရီးယားလူမျိုးတွေက သမိုင်းကို အသစ်ပြန် ရေးကြဖို့သာ ဆန္ဒရှိနေကြပြီး၊ ကိုးရီးယားလူမျိုးချင်း သွေးစည်းညီညွတ်ရေးကိုသာ လိုချင်နေကြပြီဆိုတာ သိသာထင်ရှားနေပြီလို့ ပြောနိုင်မှာ ဖြစ်ပါတယ်။ ။

လူထုစိန်ဝင်း
{လူထုစိန်ဝင်းရဲ့ ဆင်းရဲခြင်းထောင်ချောက်- အက်ဆေးများ စာအုပ်မှ ကူးယူတာ ဖြစ်ပါတယ်။ ဒီစာအုပ်မှာ ပါတဲ့ အက်ဆေးတွေဟာ ၀င်းဇော်၊ လူထုစိန်ဝင်း အမည်များနဲ့ Bi weekly eleven ဂျာနယ်မှာ ပါခဲ့တာတွေကို နှစ်ကာလများ စာအုပ်တိုက်က ၂၀၀၉ မေလမှာ ပထမအကြိမ် ထုတ်ဝေခဲ့ခြင်း ဖြစ်ပါတယ်။}