ကျွန်မ၏
မောင်ငယ် မောင်အေးဝင်း
ရေးသူ
- မမြင့်ခိုင်
သည်ခေါင်းစဉ်ကို
ဖတ်မိလိုက်သည်နှင့် ကာယကံရှင်မှအပ
(ကာယကံရှင်လည်း
ပါကောင်းပါမည်)
ဘဝင်မကျ
ဖြစ်မိမည် ထင်ပါသည်။ မှန်ပါသည်။
လုံခြုံရေးအရာအရှိ ပုဂ္ဂိုလ်တဦး၊
အသက် ၆၆ နှစ်အရွယ် ဂုဏ်သရေရှိ
လူသားတဦးဖြစ်သော "အေးဝင်း(လမင်းတရာ)"
အား
ကလေးသူငယ်တဦးသဖွယ်၊
စာမျက်နှာထက်တွင် မောင် -
တပ်၍
ခေါ်ဝေါ်သုံးစွဲ လိုက်ခြင်းသည်
အ-ဂါရဝတရား
ဖြစ်သွားသည်လား မပြောတတ်ပါ။
သို့သော် ကျွန်မကတော့ သူ့အမည်ကို
သည်လိုဘဲ ခေါ်ပြီး နှုတ်ဆက်လိုက်ပါသည်။
+++++
+++++ +++++ +++++
၁၉၇၉-
ခုနှစ်အကုန်၊
၈၀- ခုနှစ်အစ၊
လွန်ခဲ့သော နှစ်ပေါင်း ၄၀
နီးပါး ကာလက သူ့ကို ကျွန်မ
စ၍ တွေ့ဘူးခဲ့သည်။ သည်တုန်းက
ကျွန်မ၏ "အတုံ့ရှိလျှင်
ကြေစေသား"
စာအုပ်
ထွက်ပြီးချိန်။ ကျွန်မထံ
သူရောက်လာသည်။ ရွှေဘုံသာလမ်း
အလယ်ဘလောက်တွင် "လမင်းတရာစာပေ"
အမည်ဖြင့်
စာအုပ်အငှားဆိုင်ဖွင့်ထားသော
လူငယ်ကလေး။ သည်တုန်းက ကျွန်မတို့
နှစ်ယောက်စလုံး လူကြီး
မဖြစ်ကြသေးသော အသက်အရွယ်။
ကျွန်မထက်လည်း အတော် အတန်
ငယ်ပုံရသည်။ သို့သော်
သူစိမ်းတယောက်၊ သူ့အလုပ်အကိုင်
သူ့ဂုဏ်သိက္ခာနှင့် ဆိုရင်တော့
"ကိုအေးဝင်း"။
သူလည်း စက်မှုတက္ကသိုလ်
ကျောင်းသားဟောင်းဖြစ်ကြောင်း၊
ကျွန်မစာအုပ်ကို ထုတ်ချင်ကြောင်း၊
သူက ပြောသည်။ အလှမ်းဝေးသော
မြို့လည်ခေါင်မှ သူ၏ "လမင်းတရာ"
စာအုပ်အငှားဆိုင်ကို
ကျွန်မ မသိပါ။ သူ့ကိုလည်း
ကျွန်မ မသိပါ။ သို့သော်
ကျောင်းဆွေ ကျောင်းမျိုး၊
အပြောအဆို အေးဆေးယဉ်ကျေးခြင်း၊
ယခင်ထုတ်ဝေသူနှင့် မည်သည့်
စာချုပ်စာတမ်းမျှ ရှိမနေခြင်း
စသောအချက်များကြောင့်
စာအုပ်ရေးပေးရန် ကျွန်မ
သဘောတူလိုက်ခဲ့သည်။
ပထမစာအုပ်
"အမှောင်မှလွန်မြောက်ခြင်း"
(၁၉၈၀ -
ဇူလိုင်)
စာအုပ်ထုတ်ဝေသူဆိုတိုင်း
စာပေအနုပညာဟူသည်
ဘာမှန်းသိသည်မဟုတ်ကြောင်း
ထုတ်ဝေသူအချို့နှင့်
ဆက်ဆံဘူးပြီး ဖြစ်သော ကျွန်မက
အနည်းငယ် သဘောပေါက်ခဲ့
ပြီးပါပြီ။ ယခု လုပ်ငန်းအရ
ပြောဆိုဆက်ဆံလာရသောအခါ
"ကိုအေးဝင်း"
၏
စာပေဟူသော အနုပညာ အပေါ်
နားလည်လေးစား မြတ်နှိုးမှု
ကို ခန့်မှန်း၍ ရလာသည်။
သည်တော့ ယခင်ထုတ်ဝေသူ
များကဲ့သို့ သူက စာမူလာယူ၊
ကျွန်မက စာမူပေးလိုက်၊
စာအုပ်တိုက်ကို သွားစရာမလိုသော
ပုံစံ မဟုတ်တော့ဘဲ အလှမ်းဝေးသော
မြို့လည်ခေါင်မှ သူ၏ "လမင်းတရာ"
သို့
ကျွန်မ တကူးတက အလည် ရောက်ရောက်
သွားခဲ့ပါသည်။ သည်မှာ သူ၏
စာပေစိတ်ကို တွေ့ရခြင်းပါဘဲ။
စာအုပ် အငှားဆိုင်ဟု အမည်တပ်ထားသော
အခြား စာအုပ်ဆိုင်များကဲ့သို့
အဖတ်များသော ဝတ္ထု မဂ္ဂဇင်း၊
ကာတွန်းစာအုပ်များသာမကဘဲ၊
နိုင်ငံရေး၊ သမိုင်း၊ သုတေသန၊
အတ္ထုပ္ပတ္တိ၊ ဂန္ထဝင် ဝတ္ထုစာအုပ်ကောင်း
များစွာကို "လမင်းတရာ"
တွင်
ကျွန်မ တွေ့ရပါသည်။ သူ့ဆိုင်သို့
မကြာခဏရောက်၊ ဝတ္ထုအကြောင်း၊
စာအုပ်အကြောင်းများ ပြောဖြစ်ရာမှ
သူသည် ကျွန်မနှင့် စကားပြော၍ရသော
မိတ်ဆွေတယောက် ဖြစ်လာခဲ့သည်။
သည်လိုနှင့် "အမှောင်မှ
လွန်မြောက်ခြင်း"
ရေးပြီးသွားပြီ။
အချို့ ထုတ်ဝေသူများကတော့
သူတို့ အပ်ချင်သော ပန်းချီ
ဆရာနှင့် အဖုံးပန်းချီ
အပ်ကြသည်။ သူကတော့ ကျွန်မဆန္ဒကို
မေးပါသည်။ ကျွန်မကြိုက်သော
ပန်းချီဆရာ အမည်ကိုပြောတော့
သူလက်ခံပါသည်။ ပန်းချီဆရာ
"ကိုစံတိုး"
ထံ
ကျွန်မတို့ နှစ်ယောက်
ပုံသွားအပ်ကြသည်။ ကိုစံတိုးက
ဝတ္ထုနောက်ဆုံးပိုင်း
အကြောင်းအရာကို သိရလျှင်
ပုံဆွဲရတာ ပိုကောင်းသည်ဆို၍
ဝတ္ထုနိဂုံးပိုင်း မူရင်းကို
ပေးခဲ့ပါသည်။ သည်မှလည်း
ကိုစံတိုးကို ကျွန်မ
အလွန်လေးစားသွားသည်။
ဒါကြောင့်လည်း သူ့ပုံတွေ
အသက်ဝင်သည် မဟုတ်လား။
အဖုံးပန်းချီ
ကိစ္စပြီးတော့ ဝတ္ထုကြော်ငြာ။
နာမည်ကြီး စာပေအနုပညာမဂ္ဂဇင်း
"ရှုမဝ"
တွင်
သူထည့်ပေးပါသည်။ မှတ်မိနေပါသည်။
ကြော်ငြာကိစ္စအတွက်
ရှုမဝမဂ္ဂဇင်းတိုက်တွင် ကဗျာဆရာ
"မောင်မြင့်မြတ်"
က
ကျွန်မတို့ကို လက်ခံတွေ့ဆုံပါသည်။
"မောင်ဆွေတင့်"
"မောင်မြင့်မြတ်"
တို့၏
ကဗျာများကို ကျွန်မ ကောင်းကောင်း
ဖတ်ဖူးခဲ့သောကြောင့်
လူကိုယ်တိုင် တွေ့ဆုံလိုက်ရသောအခါ
အလွန်ဝမ်းသာခဲ့ရသည်။
၁၉၈၀
- ခုနှစ်၊
ဇူလိုင်တွင် "အမှောင်မှလွန်မြောက်ခြင်း"
ထွက်ပြီးနောက်၊
နောက်တအုပ် အတွက် သူ စီစဉ်ပါသည်။
ပထမဦးဆုံး ရေးခဲ့သော လုံးချင်း
"မောင့်ကိုစိမ်းကား
မယ်နှမက ဆိုသလား"
ကို
ကျွန်မ စိတ်တိုင်းကျ မဖြစ်ခဲ့ပါ။
အလွန်ရေးချင်သော လူတန်းစားတခု
အကြောင်းကို ရေးခဲ့သော်လည်း
လုံးချင်းရေးပါး မဝသေးသော
အချိန်က ရေးခဲ့သောကြောင့်
အဓိကဇာတ်ကောင် အချို့၏
ဇာတ်ရုပ်ကို ဖေါ်ပြရာတွင်
အားနည်းချက် များရှိခဲ့သည်။
လူတန်းစားသရုပ်ကို တတ်နိုင်သမျှ
အပီပြင်ဆုံး ဖေါ်ပြနိုင်လိုသောကြောင့်
ယင်းဝတ္ထုကို ပြန်လည်ချဲ့ထွင်
အသစ်ရေးသားပြီး၊ "အနီးဆုံးအဝေးဆုံး
အဝေးဆုံးအနီးဆုံး"
ဟု
အမည်ပေးပါသည်။ ရှေး အိုင်ချင်းတခုမှ
ကျွန်မအလွန်ကြိုက်သော စာသား
"မောင့်ကိုစိမ်းကား…"
ကို
အလွန်နှမြောစွာဖြင့်
သူ့ပထမစာအုပ်တွင်သာ နေရာမပျက်
ပြန်ထားခဲ့ပါသည်။
"အနီးဆုံးအဝေးဆုံ…."
အတွက်
အဖုံးပန်းချီကိုတော့
ကိုအေးဝင်းဆန္ဒအရ "မောင်မောင်သိုက်"
ကို
ရွေးချယ်ပါသည်။ ကျွန်မက
"ဇာတ်ကောင်အမျိုးသမီးကို
အရမ်းလှအောင် မရေးပါနဲ့၊
သာမန်ဘဲ ရေးပေးပါ"
ဟု
ပြောသောအခါ ကိုမောင်မောင်သိုက်က
"ကျွန်တော့်ကို
ဘယ် စာရေးဆရာမှ ဒီလို မပြောဖူးဘူး"
ဟု
အလွန်တအံ့တသြ ပြောပါသည်။
တောင်းဆိုချက်အတိုင်း
ဆွဲပေးလိုက်သော ကိုမောင်မောင်သိုက်လက်ရာကို
မြင်လိုက်ရသောအခါ ကျွန်မ
အလွန် ကျေးဇူးတင်သွားပါသည်။
၁၉၈၀
ခုနှစ်၊ ဒီဇင်ဘာလတွင် "အနီးဆုံး
အဝေးဆုံး…."
ထွက်ပြီးနောက်
ကိုအေးဝင်းက "ကျွန်တော်တို့
ခဏနားရအောင်"
ဟု
ဆိုပါသည်။ ဘာကြောင့်ဟု
မပြောသော်လည်း ကျွန်မ ကောင်းစွာ
သဘောပေါက်ပါသည်။ အလွန်အားနာသွားပါသည်။
သူလုပ်ချင်၍ လုပ်လိုက်သော
အလုပ်တခုသည် သူ့အတွက်
စိတ်ပိုင်းဆိုင်ရာ ကျေနပ်မှုတခုကို
ဖြစ်ကောင်း ဖြစ်စေနိုင်ခဲ့ပါလိမ့်
မည်။ သို့သော် ကျန်သောအပိုင်းကဏ္ဍ
တခုအတွက်မူ မျှော်လင့်သလောက်
အကျိုးဖြစ်ထွန်းမှု ရှိဟန်မတူပါ။
သူကလည်း မပြော၊ ကျွန်မကလည်း
မမေး။ သို့နှင့် "လမင်းတရာ"
ထုတ်ဝေရေး
နှင့် ကျွန်မသည် စာအုပ်နှစ်အုပ်နှင့်
ရပ်သွားခဲ့သည်။ သို့သော်
ရပ်သွားခဲ့သည်မှာ စာအုပ်ထုတ်ဝေရေးဟူသော
သာမန်ကိစ္စလေးတခု မျှသာပါ။
ထုတ်ဝေသူနှင့် စာရေးသူအကြား
ယင်းကိစ္စသည် ဘာမျှဆန်းပြားသော
အရာမဟုတ်။ ယခင်ထုတ်ဝေသူများနှင့်လည်း
သည်လို ကြုံခဲ့ ဆုံခဲ့ ဘူးသည်သာ။
"လမင်းတရာ"
နှင့်
ကျွန်မတို့ အကြား ဆက်သွယ်မှုသည်
စာအုပ်ထုတ်ဝေရေး ကိစ္စတခုတည်းမဟုတ်။
ကျွန်မအတွက်
ရောက်ရန် သွားရန် မလိုအပ်လှသော
မြို့လည်ခေါင်ဒေသသို့ ၁၉၈၁
ခုနှစ် နောက်ပိုင်း မကြာခဏ
ရောက်ရောက်သွားပါသည်။
ရွှေဘုံသာလမ်း အလယ်ဘလောက်မှ
"လမင်းတရာ"
သို့ပါဘဲ။
ထုတ်ဝေသူနှင့် စာရေးသူအကြား
လုပ်ငန်းဆက်ဆံမှု မလိုအပ်တော့
သော အချိန်တွင် စာပေအနုပညာကို
လေးနက်စွာ စိတ်ဝင်စားသူ
နှစ်ဦးအကြား နွေးထွေးသော
မိတ်ဆွေဆက်ဆံရေးနှင့်သာပင်။
သူ့ဆိုင်တွင်
စာအုပ်များကို သွားကြည့်သည်။
တခါတရံ ယူဖတ်သည်။ သူနှင့်
စကားပြောသည်။ သူနှင့်ကျွန်မသည်
အနုပညာရပ် အတော်များများကို
လေးနက်စွာ စိတ်ဝင်စားခြင်းတွင်
ထူးခြားစွာ လာတိုက်ဆိုင်နေသည်။
စာပေ၊ ဂီတ၊ ရုပ်ရှင်။
ယင်းအနုပညာများနှင့် ပတ်သက်၍
ကျွန်မတို့နှစ်ယောက်
သူ့ဆိုင်တွင် အကြာကြီး ပြောဘူး
ဆိုဘူးကြသည်။ ကဗျာနှင့်
ပတ်သက်၍လည်း တခါက မေးဘူးပါသည်။
"ကျွန်တော်
အင်တာဗျူး လုပ်အုန်းမယ်၊
မော်ဒန်ကဗျာကို ကြိုက်သလား"
ကျွန်မလည်း
အရှင်းဆုံး ဖြေလိုက်ပါသည်။
"တချို့ကဗျာတွေက
တည့်တည့်ရေးလို့ မရလို့
သွယ်ဝိုက်ပြီး ရေးတာကို
နားလည်တယ်။ ဒါပေမယ့် တချို့ကျတော့
ဖွက်ထားတာ နက်လွန်းလို့
ဘာကို ရေးချင်တာမှန်းကို
မသိဘူးလေ။ နားမလည်ဘူး။
ခံစားလို့ မရဘူး။ အနုပညာဆိုတာ
ခံစားလို့ ရ ရမယ်လေ"
သူက
ပြုံးနေပါသည်။ ဘာမှတော့
မပြောပါ။
သည်လိုနှင့်
သူသည် တဖြည်းဖြည်း ကျွန်မနှင့်
စကားပြော၍ရသော မိတ်ဆွေရင်းတဦး
ဖြစ်လာသည်။ ကျွန်မဘေးတွင်
သည်လိုမိတ်ဆွေ မရှိသလောက်
ရှားသည်။ မရှိဘူးဟုပင် ပြော၍
ရသည်။ ကျွန်မတို့ နှစ်ဦးကြားမှ
ထုတ်ဝေသူနှင့် စာရေးသူဆက်ဆံရေးဘဝသည်
ဝေးသော အတိတ်တွင် မှိန်ပျပျသာ
ကျန်ခဲ့ပြီ။ လက်ရှိ အနုပညာခံစားချက်၊
ခံယူချက် တူညီသော မိတ်ဆွေရင်းဘဝသည်
အလွန်နှစ်လိုဘွယ် ကောင်းသောဘဝပင်။
ကျွန်မတို့
နှစ်ယောက်စလုံး မော်လမြိုင်သူ/သားများ
ဆိုသည်က လွဲ၍ မည်သူ့ သားသမီး၊
မည်သည့် အဆင့်အတန်းဟူသည်ကို
မည်သူမျှ စိတ်မဝင်စား၊
မစူးစမ်းကြပါ။ လိုမှ မလိုအပ်ဘဲ။
သည်လိုနှင့် စကားပြော၍ ရသော
ကျွန်မထက်ငယ်သော လမင်းတရာကိုအေးဝင်းသည်
"မောင်အေးဝင်း"
ဖြစ်လာခဲ့သည်။
သည်လိုခေါ်ခြင်းကို သူ လက်ခံ
မခံ ကျွန်မခွင့်မတောင်းခဲ့
ဟု ထင်ပါသည်။ သူကလည်း ဘာမှ
မပြောပါ။
ပို၍
ရင်နှီးသော မိတ်ဆွေဘဝသို့
ရောက်ရန် ဖန်တီးလာသော
အကြောင်းတခုက သူ့ဇနီး လှသိင်္ဂီသည်
ကျွန်မ၏ ဂျာမန်ဘာသာတပည့်
ဖြစ်လာခဲ့ခြင်း။ သည်တော့
ကျွန်မတို့ သုံးဦးသည်
ဆရာတပည့် မိတ်ဆွေ မောင်နှမများဟု
ကျွန်မခံယူသည်။
ကျွန်မသည်
ကိုယ်တိုင်ကသာ စာရေးသော်လည်း၊
အနုပညာကို အလေးအနက် စိတ်ဝင်စား
သော်လည်း၊ ကိစ္စတစုံတရာ
ရှိလျင်မှလွဲ၍ ကျွန်မအလွန်
လေးစားကြည်ညိုသော မည်သည့်
အနုပညာရှင် တဦးထံကိုမျှ
သွားရောက်လည်ပတ်ခြင်း
မရှိခဲ့ပါ။ ထိုသို့သော
ကျွန်မသည် မောင်အေးဝင်း၏
ကျေးဇူးဖြင့် ဆရာဒဂုန်တာရာ၊
ဆရာမြသန်းတင့်တို့ထံ
ရောက်ခဲ့ဘူးပါသည်။ ကျွန်မအား
ဆရာဒဂုန်တာရာ ပြောခဲ့ဖူးသော
စကားတခွန်းကိုတော့ ယခုထိ
မမေ့နိုင်ပါ။
"
အတုံ့ရှိလျှင်ကြေစေသား
ဝတ္ထုကို ဖတ်ရတုန်းက ဒီဝတ္ထုကို
ရေးတဲ့ မမြင့်ခိုင်ဆိုတာ
အမျိုးသမီးနာမည်ခံပြီး
ရေးတဲ့ အမျိုးသား စာရေးဆရာတယောက်ဘဲ
လို့ ယူဆလို့ ဒီစာအုပ်နဲ့
ပတ်သက်ပြီး ဘာမှ မရေးခဲ့တာ"
ဆရာက
နောက်ပိုင်းကျတော့ ကျွန်မ၏
"အမှောင်မှလွန်မြောက်ခြင်း"
နှင့်ပတ်သက်၍
မိုးဝေမဂ္ဂဇင်း စာပေစစ်တမ်းကဏ္ဍတွင်
"ဗညားသီဟ"
အမည်နှင့်
"မိုးရာသီတွင်တွေ့ခဲ့ရသော
အချစ်ဝတ္ထုတပုဒ်"
အမည်ပေး၍
ရေးခဲ့ပါသည်။ ကျွန်မရေးခဲ့သမျှ
လုံးချင်းစာအုပ်များတွင်
ကျွန်မကိုယ်တိုင်အကြိုက်ဆုံး
(မောင်အေးဝင်း၏
လမင်းတရာစာပေမှ ထုတ်ဝေခဲ့သော)
စာအုပ်နှင့်
ပတ်သက်၍ ဆရာ အလေးအနက်
ရေးသားပေးခဲ့သည်ကို ဝမ်းသာကြည်နူး၍
မဆုံးပါ။
သည်လောက်
ရင်းနှီးခင်မင်ခဲ့ကြသော်လည်း
သူ့ကို "လမင်းတရာ"
စာပေ၊
စာအုပ်ဆိုင်ပိုင်ရှင် အဖြစ်မှ
လွဲ၍ ဘာမျှမသိခဲ့။ ကျွန်မ၏
ပင်ကိုယ်ဗီဇကလည်း စပ်စပ်စုစု
လုံးဝမလုပ်တတ်၊ သူကလည်း
အနုပညာ ကိစ္စရပ်များမှ လွဲ၍
ဘာမျှမပြော။ သည်လိုနှင့်
ကိုယ်ပိုင်ဘဝကို
ကိုယ်ပိုင်ခံယူချက်များဖြင့်
တည်ဆောက်ကြရင်း ကျွန်မတို့
ကွဲကွာခဲ့ကြရာမှ တနေ့တော့
လုံးဝမမျှော်လင့်ဘဲ
ပြန်ဆုံတွေ့ကြရသည်။
ရန်ကုန်တွင်မဟုတ်။
မြေကြီးပေါ်တွင်မဟုတ်။
အမေရိကဟူသော ကမ္ဘာမြေတနေရာမှ
ပို့လိုက်သည့် စာကလေးတစောင်မှ
တဆင့်။ သို့သော် သည်လို
ပြန်ဆုံကြခြင်းသည်လည်း
ခဏကလေးမျှသာ။ တဖန် ပြန်၍
ဝေးသွားကြပြန်သည်။
ရှားပါးလှသော မိတ်ဆွေကောင်းများ
ဆုံးရှုံးလိုက်ရပြီ
ဟုဘဲစိတ်မကောင်းစွာ
မှတ်ယူလိုက်ရသည်။
ကုန်လွန်ခဲ့သော
အချိန်တွေ များစွာ။ ပြောင်းလဲမှုတွေ
များစွာ၊ များစွာ၊ များစွာ။
၂၀၁၆
ခုနှစ်။ မိုးတွေရွာနေသော
ကာလ။ ဇူလိုင်လကုန်လောက်ဟုထင်သည်။
ရန်ကုန်နှင့် အတန်ငယ်အလှမ်းဝေးသော
နေရာတခုတွင် အင်္ဂလိပ်စာသင်ကြားရေး
ကိစ္စတခုဖြင့် ကျွန်မ
ရောက်ရှိနေချိန်။ မကြားသည်မှာ
ကာလမည်မျှ ကြာခဲ့ပြီ ဟုပင်
မတွက်ဆနိုင်တော့သော အသံကို
တယ်လီဖုံးပေါ်တွင် ကြားလိုက်ရပါ၏။
လုံးဝပင် မယုံနိုင်လောက်စွာ။
သူ
မည်မျှဝမ်းသာကြောင်း သူ့အသံတွင်
ပေါ်လွင်နေသလို ကျွန်မလည်း
သည့်နှယ်ပင်ဟု တယ်လီဖုံးထဲမှ
သူတို့ ဇနီးမောင်နှံ
နှစ်ယောက်စလုံး သိကြပါလိမ့်မည်။
သူတို့ နှစ်ယောက်စလုံးပုံ
တွေ မြင်ရတော့ ငယ်ရုပ်တော့
မပျောက်သေး။
သူရေးသားခဲ့သော
"ကျွန်တော်ဝရမ်းပြေး၊
ကျွန်တော်ဒုက္ခသည်"
စာအုပ်အဖုံးကို
viber
တွင်
မြင်လိုက်ရသည်။ ထုတ်ဝေသူထံမှ
"ကျွန်တော်…."
စာအုပ်ကို
ဖတ်ရသောအခါမှ မောင်အေးဝင်းသည်
ဘာလဲ ဟူသည်ကို ကျွန်မသိရခြင်း
ဖြစ်ပါ၏။ အခြား စာဖတ်သူများလည်း
ကျွန်မနည်းတူ ရှိလိမ့်မည်ဟု
ယုံကြည်သည့်အတွက် ဒုတိယစာအုပ်
ရေးဖြစ်အောင်ရေး၊ ထုတ်ဖြစ်အောင်
ထုတ်စေချင်ပါသည်။ ဖတ်ချင်လှပါသည်။
တခါက
facebook
ပေါ်တွင်
သူတင်ခဲ့သော ငှက်ကလေးများအကြောင်း၊
ယင်းငှက်ကလေးများ အချင်းချင်း
ပြောကြသော စကားများအကြောင်းကို
ဖတ်ရသောအခါ "ဒါဟာ
စာရေးဆရာတယောက်ရဲ့
အနုပညာအတွေးအခေါ်ဘဲ"
ဟု
မှတ်ချက်ချခဲ့မိသည်။ သူ့ကိုတော့
မပြောဖြစ်ခဲ့ပါ။
အိမ်ထောင်သက်
၄၅ နှစ်တွင် ဇနီး၊ သမီး
မြေးတွေနှင့် ဘဝကို ဖြတ်သန်းနေသူ
မောင်အေးဝင်းက တနေ့ ပြောလာသည်။
"ကျွန်နော့်
အသက် ၆၆ နှစ်ပြည့် မွေးနေ့
အထိမ်းအမှတ်အဖြစ်၊ မိတ်ဆွေ
အပေါင်းအသင်းတွေရဲ့
ကျွန်နော့်အတွက် အမှတ်တရ
ဆောင်းပါးတွေကို အမှတ်တရ
ထုတ်ဝေမယ်။ မချိုရေးပေးပါ"
လိုလား
ဝမ်းမြောက်စွာပင် ကျွန်မ
သဘောတူလိုက်ပါသည်။
အခြားဘာမျှ
မလုပ်ပေးနိုင်သော်လည်း
သည်အရာကတော့ ကျွန်မ တတ်နိုင်သောအရာ။
ပြီးတော့ သူသည် အခြားသော
သူမဟုတ်။ မောင်အေးဝင်း။
ကျွန်မ၏ ရှားပါးသော မိတ်ဆွေ
လမင်းတရာ မောင်အေးဝင်း။
၆၆
နှစ်မြောက် မွေးနေ့တွင်
ရရှိလာမည့် စာပေလက်ဆောင်များသည်
မောင်အေးဝင်းအတွက် တကယ့်
အမှတ်တရပစ္စည်းများ ဖြစ်ပါစေသတည်း။
။
မမြင့်ခိုင်
မေလ
၁၇ ရက်၊ ၂၀၁၈ခု။
"စားချင်တာတွေ သွားချင်တာတွေ ကျန်းမာတုန်း စားနိုင်တုန်း သွားနိုင်တုန်း ပြန်နိုင်ရင်ကောင်းမှာနော်
ဗမာပြည်မှာ ကျနော်အလုပ်လုပ်ခဲ့တုန်းက လုပ်ဖေါ်ကိုင်ဘက်များ ပြောလေ့ရှိတဲ့
စကားတခုကို ကျနော် မှတ်မိနေသေးတယ်။ စနေ၊ တနင်္ဂနွေက ရုံးပိတ်ရက်ဆိုတော့
သောကြာနေ့မှာ သူတို့ သောက်လေ့ရှိကြတယ်။ ပီးတော့ သောကြာနေ့မှာ သူတို့
အမြဲပြောတဲ့စကားကတော့ သောက်ရင် ကြာတဲ့နေ့မို့လို့ သောကြာနေ့လို့
အမည်တွင်တာတဲ့။ ဖိုးသောကြာတို့ရဲ့ ကိုယ်ပိုင် အဓိပ္ပါယ်
ဖွင့်ဆိုချက်တခုပေါ့။ ကျနော့်မှာလဲ ကျနော့်ရဲ့ အရင်းနှီးဆုံး
ချစ်သော ဖိုးသောကြာ ၃ ယောက် ရှိပါတယ်။ ဒီအထဲမှာ ၆၆ နှစ်ပြည့် မွေးနေ့ရှင်
ရဲဘော်ကြီး ကိုအေးဝင်းလဲ အပါအဝင်ပေါ့။ သူတို့ ၃ ဦးလုံးကလဲ
ကျနော်တို့စက်မှုတက္ကသိုလ်က၊ ကျနော့်ထက်အသက်နဲနဲ ကြီးသူတွေ၊ စက်မှု
တက္ကသိုလ်ကို အရင်ရောက်သူတွေ ဖြစ်ကြပါတယ်။
အဘမွေးနေ့အတွက်
မလေးရှားမှာ
နေတုန်းက အမေရိကားက ဖုန်းတခု လာတယ်။ ကျနော် လမင်းတရာ မောင်အေးဝင်းပါ တဲ့။
မိုးချိုသင်းရဲ့ စာမူတပုဒ် လမင်းတရာ စာစဉ်မှာ ဖော်ပြထားလို့ စာအုပ်
လှမ်းပို့ပေးချင်ပါတယ် တဲ့။ အခုလို တကူးတက လှမ်း အသိပေးဖော်ရလို့ စိတ်ထဲမှာ
ဝမ်းသာရတယ်။ စာကို တန်ဖိုးထားတဲ့သူ၊ စာပေကို ချစ်မြတ်နိုးတဲ့သူမှန်း
မမြင်ဖူးပေမဲ့ ပထမအကြိမ်စကားပြောအပြီးမှာပဲ မိုင်ပေါင်းများစွာ
ကွာဝေးနေတာတောင် သိလိုက်ရတယ်။ လွန်ခဲ့တဲ့ ၁၉နှစ်လောက်ကမို့ ဖုန်းခတွေ
ဈေးကြီးနေတာတောင် ရှည်ရှည်ဝေးဝေး စကားတွေ ပြော လှမ်းဆက်တာ အမှတ်တရ
ရှိနေပါတယ်။
