Monday, November 26, 2007

၉၂ ပြည့် မွေးမိခင်သို့ ပေးစာတစောင်
ရေးသူ-ဖိုးသံ(လူထု)


အဲဒီညကလေ..... အမေ။
မိုးလေးတွေက တဖွဲဖွဲကျလို့
မသဲလှပေမဲ့ အသဲကတော့ ကျင်နေတယ်၊
မခွဲချင်တာတော့ အမှန်ပါ
အရင်ဆုံး ဖြတ်တာက တံခွန်တိုင်
နောက်-အရာတော်
တောင်မြင့်
မှောင်နဲ့မည်းမည်းထဲမှာ
တနေရာပြီးတနေရာကျန်ရစ်ခဲ့တယ်
စားချင်စိတ်လည်းမရှိ
အိပ်ချင်စိတ်လည်းမရှိ
စဉ်းစားချင်တာပဲရှိပေမဲ့
ဘာမှစဉ်းစားလို့လဲမပေါ်
ဪ...မြစ်ငယ်တောင်ကျော်သွားပါပေါ့လား။

အဖေနဲ့အမေကို
ကန်တော့ခဲ့ပါတယ်
ညီနဲ့ အမ နှမ
ငါ့ကိုခွင့်လွှတ်ကြနော်
တကိုယ်ကောင်းဆန်တာမဟုတ်
သူရဲကောင်းဖြစ်ချင်တာလည်းမဟုတ်
အခြေအနေက တွန်းပို့တော့
ဒို့မှာ ရွေးစရာမရှိလို့သာ။
နားလည်ကြပါကွာ....
အဖေနဲ့အမေကို
ဂရုစိုက်ကြပါကွာ....လို့။

အဲဒီနောက်တော့..အမေရယ်
တောင်တွေ၊ တောတွေ
ချောင်းတွေ၊ အင်းတွေ
လွှားကနဲ လွှားကနဲ၊ တသွားထဲသွား၊
နယ်စွန်နယ်ဖျားထိ
ကဗျာတပုဒ်တောင် ရေးမိသေးတယ်
အမေ..မှတ်မိမယ်ထင်ပါတယ်-
"အနောက်ကိုတချက်ငဲ့ကြည့်လို့
အရှေ့ ကိုတဲ့ ထွက်ခဲ့တယ်" ဆိုတာလေ။

ပြက္ခဒိန်စာမျက်နှာတွေ
သစ်ရွက်ခြောက်တွေလို
တဝေေ၀လွင့်ကျ
နီသူတွေဖြူ၊ ဖြူသူတွေနီ
ဘ၀တွေ၊ ချစ်ခင်ရင်းနှီးသူတွေ
သေကွဲရော၊ ရှင်ကွဲရော
ခွဲခွါကုန်ကြ
အသစ်တွေနဲ့လည်း
တင်းတင်းကြပ်ကြပ်ပဲ
လက်ဆွဲနှုတ်ဆက်ကြ
ဘာသာစကားတောင်
အတော်စုံအောင်တတ်ခဲ့
နှစ်ပေါင်းသုံးဆယ်ဆိုတာ
နည်းသမို့လား....အမေရယ်။

အပါးမှာအဖေလည်းမရှိ
ကျနော်တို့လည်းမရှိ
အမေချည့်တယောက်ထဲ
မဟုတ်ဘူး၊ လှေခွက်ချည်းမဟုတ်ဘူး
ပြည်သူတွေနဲ့လက်တွဲလို့
သားမြေးသစ်တွေနဲ့လက်တွဲလို့
အမယ်အို့ခြေလှမ်းမို့
သူတို့လောက်မသွက်လည်း
၁၉၃၆ တုန်းကလိုပဲ
ချီဆဲတက်ဆဲ
အခုလည်းလက်တွန်းလှည်းနဲ့
ရဲရဲကြီးချီတက်နေတဲ့
အမေ့ရဲ့ သားမှာ ၁၃၀၀ရတီ*
အမေဆိုတဲ့ စိန်နားကပ်ကြောင့်
ပါးအပြောင်ကြီး ပြောင်ခဲ့ရပါတယ်။

အမေလဲလှမ်း
ကျနော်လည်းလှမ်း
ဒီလမ်းကြီးတလျောက်မှာ
မောတယ်တခွန်းမပြောပါဘူး
၉၀ ကျော်ကြီးနှုတ်က
တခွန်းပဲထွက်ရှာတယ်
ဘာအဓိပ္ပါယ်လဲ
ကဗျာဖတ်သူတွေးကြည့်ပါ
"ငါ့သားကျန်းမာအောင်နေ
အမေလည်းကျန်းမာအောင်နေတယ်" တဲ့။

ဖိုးသံ(လူထု)

*၁၃၀၀ ပြည့်မျိုးဆက်ကို ညွှန်းတာပါ။

Wednesday, November 14, 2007

ကြောင်း တူ သံ ကွဲ

ဝတ္ထု- ကြောင်း တူ သံ ကွဲ
စာရေးသူ- မသီတာ(စမ်းချောင်း)
အောက်တိုဘာ ၂၀၀၂၊ မြန်မာ့ဓနမဂ္ဂဇင်းက စာပေစီစစ်ရေးခွင့်ပြုချက်မရခဲ့သောဝတ္ထု


လွန်ခဲ့တဲ့ ဆယ့်ငါးနှစ်ကျော်ကနဲ့ မတူနိုင်တော့ဘူးလို့တော့ ကြိုတွေးခဲ့တာပေါ့။
"ကလေးမဟုတ်တော့တဲ့ မိမိကံ"ကို တွေ့ရမှာလေ။
* * * *

"ဒါက ကောက္ကသံ...။ တရုပ်စကားသားနဲ့ ထုထားတယ်။ လက္ခဏာရေး သုံးပါးကို ပြတာ...။ မျက်နှာ တော်ကို အနီးကကြည့်ရင် တည်တယ်။ အဝေးကကြည့်ရင် ပြုံးတယ်...။ ဒါက အရှေ့ဘက်မုခ်...၊ ဘုရားက ကောဏဂုံ။ စန္ဒကူးသားနဲ့ ထုထားတာ။ လက်ထဲမှာ ကိုင်တာက ငရဲမီးလုံး၊ ရေထဲကျရင် ရေခန်းတယ်။ ကုန်းပေါ်ပစ်ရင် မီးလောင်တယ်။ မိုးပေါ်ပစ်ရင် မိုးခေါင်တယ်။ ဒါကြောင့်မို့ ချေပစ်လိုက် တာ။ အရင်တုန်းက မယ်သီလရင်တပါး ဘုရားခြေပေါ်မှာ မီးပူဇော်တာ မီးလောင်သွားတယ်..."


လွန်ခဲ့တဲ့ ဆယ့်ငါးနှစ်ကျော်က 'မိမိကံ' ဟာ 'အာန္ဒာရဲ့ ဧည့်ကြိုဆည်းလည်း' ပိစိကွေးလေးပေါ့။ ပိန်ပိန်သေးသေးနဲ့ ငေါင်တောင်တောင်လေး၊ အလွတ်ကျက်ထားတဲ့ ဘုရားအကြောင်းတွေကို သံစဉ်မဲ့ ရေရွတ်လို့။ သူရွတ်ပြတဲ့ ဘုရားအကြောင်းထက် သူ့ဘ၀အကြောင်းတွေ စပ်စုလိုက်တော့ သူ့သံစဉ်တွေ ပြောင်းလဲ သွားခဲ့တယ်လေ။
"မိကံကျောင်းလိုက်ရအောင် ပိုက်ဆံရှိချင်တယ်။ မိကံကို အဘကပြောတယ်။ ဒီနှစ် စာမေးပွဲ အောင် အောင်၊ မအောင် အောင်၊ ကျောင်းထွက်ရမယ်တဲ့၊ မိကံ ငိုတာဘဲ။ ကျောင်းမထွက်ချင်ဘူး။ ပြီးတော့ ဒီအလွတ် ကျက်ထားတာတွေ မပြောချင်ဘူး။ ဒါပေမယ့် အဘက ပိုက်ဆံမရှိဘူး။ အမကလည်း အချွဲလေးတွေများတော့ မနိုင်ဘူး"


အဲဒီမိမိကံက ခုနှစ်နှစ်သမီး မိမိကံပေါ့။
* * * *
မိကံသားကပိန်တယ်၊ ငါးနှစ်ပြည့်တော့မယ်။ ကိုအောင်က တောင်ကြီးကို ကားလိုက်သွားတယ်။ မိကံက ဧည့်ပါးတဲ့ ရက်တွေမို့ ဒီယွန်းဆိုင်ကို မှန်မှန်လာမဖွင့်ဖြစ်ဘူး။
အခု မိကံက 'အာနန္ဒာဘုရား' ဆိုင်ထိုင်ဧည့်ခံ အိုးစည်အလောတော်လေးပါလား။ ၀၀ပြည့်ပြည့်နဲ့ အေးအေးဆေးဆေးလေး။ သူ့ဘ၀ သံစဉ်တွေကို တည်တည်ငြိမ်ငြိမ်ပဲ သီကုံးပြပါတယ်။
"မိကံက အတန်းပညာ မရှိပေမယ့် ဧည့်တွေအကြိုက်တော့ အသာလေး ပြောနိုင်ပါတယ်။ ဆိုင်လည်းရှိတော့ မဆိုးပါဘူး။ ကိုအောင်ကလည်း အလုပ်ပြတ်တယ် မရှိပါဘူး။ ငွေကတော့ ၀င်ပါတယ်။ ပုဂံကလည်း ရန်ကုန်ထက်တောင် ကုန်ဈေးနှုန်း ကြီးမယ်ထင်တယ်။ ဧည့်ရှိနေတော့ ဈေး တွေ တင်ယူထားကြတာ။ နောင်တော့ ကိုအောင်ရော မိကံပါ မိသားစုကို ပြန်ထောက်နေရတယ်။ ကိုယ် တွေက အကြီးမို့လား။ အငယ်တွေက ကျောင်းလိုက်ကြတုန်းလေ။ ၀င်သလောက်က သုံးတာနဲ့ ကုန်တာပါဘဲ။ စုမိတာ သိတ်မရှိဘူးပေါ့။
အခု မိမိကံက အသက်နှစ်ဆယ့်နှစ်နှစ်သမီး မိမိကံလေး။
"ကလေးမဟုတ်တဲ့ မိမိကံပေါ့"
* * * *
ရွှေစည်းခုံပေါ်မှာ....။
" ဒီ စေတီတော်ကြီးက လူတရစ်၊ နတ်တရစ် တည်တာတဲ့။ နေ့မှာဆို လူတွေက တည်တယ်။ ညကျမှ နတ်တွေက တည်တာ။ ဒါကြောင့် ခဏလေးနဲ့ ပြီးတယ်။ အတွင်းအံ့ဘွယ် ကိုးပါး၊ အပြင်အံ့ဘွယ် ကိုးပါး ရှိပါတယ်။ စေတီတော်ကြီးရဲ့ အရိပ်ဟာ တံတိုင်းရဲ့ အပြင်ကို မထွက်ဘူး။ လူသူ ပရိသတ် ဘယ်လောက်များများ စေတီပရ၀ုဏ်ထဲ မဆန့်ဘူးဆိုတာ မရှိဘူး..."
"ကျန်စစ်သားက ဒီနေရာမှာ လှံထောက်ခုန်ခဲ့လို့ လှံရာကျန်ခဲ့တယ်။ ဟိုး ကျောက်မြင်းက ကျန်စစ်သားရဲ့ မြင်း။ ဗိုက်နာရင် အဲဒီမြင်းရဲ့ ဗိုက်ကိုပွတ်၊ ပြီးရင် ကိုယ့်ဗိုက်ကို ပြန်ပွတ်ရတယ်။ ခေါင်း.. ကိုက်ရင် ခေါင်းကိုပွတ်...."
"ဒါက ဆွမ်းမဦး သပိတ်။ အခါကြီး ရက်ကြီး လပြည့်နေ့တွေမှာဆိုရင် အန်တီ ဘယ်လောက်ပဲ စောစောထထ၊ ဒီသပိတ်မှာ ဆွမ်းလောင်းပြီးသား တွေ့ရတယ်။ နတ်တွေက..အမြဲဦးတယ်..."
လွန်ခဲ့တဲ့ ဆယ်ငါးနှစ်ကျော်က ရင်းနှီးခဲ့ဘူးတဲ့ သံစဉ်က စာသားအတိအကျနဲ့ ပြန်လည်ဆန်းသစ် လာပါပကော။
"ဘုရားအကြောင်း ပြောပြမယ်နော်။ ကုသိုလ်ပါ။ ပိုက်ဆံမပေးလည်း ရတယ်။ ပြောပါရစေ..."
ဒီစာသားနဲ့ သံစဉ်က မော်ဒန်ပါ။ ဧည့်တယောက်ကို ဘုရားအကြောင်းပြောပြမယ့် ကလေးတသိုက် ဖြစ်နေတယ်လေ။
"ဧည့်ပါးတဲ့ ရက်မို့ပါ အန်တီရယ်။ အန်တီ သိန်းသုံးရာဆုကြီး ပေါက်ပြီး ပါဂျဲရိုးကားကြီး ၀ယ်စီးလို့ ပုဂံတခေါက်ပြန်လာပြီး အလှူကြီး ပေးနိုင်ပါစေ..."
သံစဉ်မဲ့ စာသားတွေက ဆည်းလည်းပိစိကွေး၊ ဆည်းလည်းအနေတော်၊ ဆည်းလည်းခပ်ကြီးကြီး အားလုံးဆီက တပြိုင်တည်း ပဲ့တင်ထပ်လို့...။ မော်ဒါန်သံစဉ်နဲ့ပါလား။ ဒါဆို ဆည်းလည်းလေးတွေရော မော်ဒါန်နေပြီလား။ လွန်ခဲ့တဲ့ ဆယ့်ငါးနှစ်ကျော်က မိမိကံကို စပ်စုချင်စိတ် ပေါက်လာခဲ့လေတော့..။
"သမီးအသက် ဘယ်နှစ်နှစ်လဲ"
"ဆယ့်တနှစ်"
"ကျောင်းနေလား"
"သုံးတန်းမှာ ကျောင်းထွက်လိုက်တယ်"
"ဘာလို့လဲ"
"အငယ်တွေက များတော့ သူတို့ ကျောင်းလိုက်လို့ ရအောင်လို့"
လွန်ခဲ့တဲ့ ဆယ့်ငါးနှစ်ကျော်က မိမိကံက ဘွားကနဲ ပြန်ပေါ်လာတယ်။ မဟုတ်တာ။
လွန်ခဲ့တဲ့ ဆယ့်ငါးနှစ်ကျော်ကထက် တောက်ပနေတဲ့ "ရွှေစည်းခုံ" ကို ကျောခိုင်းရင်း အဲဒီတုန်းကနဲ့ မတူနိုင်တော့ဘူးလို့ ကြိုတွေးခဲ့တယ် မဟုတ်လားလို့ ကိုယ့်ဘာသာကိုယ် ပြန်မေးနေမိတယ်။
* * * *
ငှက်ပစ်တောင်မှာ...။
"ဒါက ပြူစောထီးရဲ့ လက်ချက်နဲ့ သေသွားတဲ့ ငှက်ကြီးပုံတူ ထုထားတာ။ ပျက်စီးသွားပြီး ပြန်ထုတော့ မတူပဲ င်္ဟသာနဲ့ တူသွားတာ။ အဲဒီ အထဲမှာ အပျိုတော်တွေ ပုန်းနေရတယ်။ ငှက်ကြီးက အပျိုတိုင်း မစားဘူး။ ဗိုက်ပူရင် မစားဘူး။ ကျောက်ပေါက်မာပါရင် မစားဘူး။ သွားခေါရင် မစားဘူး။ နဖူး မောက်ရင် မစားဘူး..."
လွန်ခဲ့တဲ့ ဆယ့်ငါးနှစ်ကျော်က ရင်းနှီးခဲ့ဖူးတဲ့ စာသားကို သံစဉ်တူ ပြန်လည်ဆန်းသစ်စွာ ကြားရပြန် ပါပြီ။
"ကျွန်တော် ဆက်ရှင်းပြမယ်နော်။ ပြောရမလား။ အန်တီ သိန်းသုံးရာဆုကြီးပေါက်ပြီး ပါဂျဲရိုးကား ကြီးဝယ်စီးလို့ ပုဂံတခေါက်ပြန်လာပြီး အလှူကြီးပေးနိုင်ပါစေ.."
မော်ဒါန်ယိမ်းက ညောင်ဦးမှာတောင် ပေါ်ပြူလာ ဖြစ်နေပြီပဲ။
"သားကျောင်းနေလား"
တည့်တည့်ပဲ မေးလိုက်တော့တယ်။
"လေးတန်း။ အခု မုံ့စားဆင်းတုန်း အမေ့ဆီးထုတ်ဆိုင် လာကူရောင်းတာ။ ဧည့်ပါးတုန်း အန်တီ့ကို မြင်လို့ လာပြောတာ။ ကျောင်းပြန်တက်မှာ။ မုန့်ဖိုး လိုချင်လို့..."
တော်ပါသေးရဲ့ ။ အေးလေ လွန်ခဲ့တဲ့ ဆယ့်ငါးနှစ်ကျော်ကနဲ့ မတူနိုင်တော့ဘူးလို့ ကြိုတွေးခဲ့သား။
* * * *
မနူဟာမှာ.....။
"ဘုရားအကြောင်း တလုံးချင်း ရှင်းပြမယ်နော်။ ရှင်းပြရမလားဟင်။ ကုသိုလ်ပါ။ မုန့်ဖိုးမပေးလဲ ပြောပါ့မယ်"
ပိန်ပိန်သေးသေးနဲ့ငေါင်တောင်တောင်လေး။ လွန်ခဲ့တဲ့ ဆယ့်ငါးနှစ်ကျော်က မိမိကံကို ဖြတ်ကနဲ မြင်ယောင်မိသေးတော့။
"အေး တလုံချင်း ရှင်းပြမှာလား။ မုန့်ဖိုးပေးရမှာပေါ့။ တလုံချင်းပြော။ ဟုတ်ပလား"
"ဟုတ်ကဲ့။ ဒီဘုရားကြီးက မနူဟာမင်းက သူ ခံစားရတာတွေကို အနော်ရထာကို သိစေချင်လို့ တည်ခဲ့တာ။ သူ့ လက်ဝတ်ရတနာကို ရောင်းပြီး မွန်ပညာရှင်တွေနဲ့ တည်ခဲ့တာ။ ရုပ်ပွါးတော် လေးဆူရှိတယ်။ အားလုံးကို တန်ဆောင်းနဲ့ အကြပ်ကြီး တည်ခဲ့တာပဲ..."
တကယ့်ကို တလုံးချင်းမှ တလုံးချင်း။ ဟုတ် နဲ့ ကဲ့ကို တလုံးချင်း ပီပီသသ ရွတ်လို့။
"အနု မှာတော့ အာနန္ဒာ၊ အမြင့်မှာ သဗ္ဗေညု၊ ထု ဆိုရင် ဓမ္မရံ..."
ဟိုက်။ ပိစိကွေးလေးက ပေါ့စ် pause ဖမ်းလို့ မရပါလား။ သူ့အရှိန်နဲ့သူ တလုံးချင်း ဆက်လည်နေတဲ့ အသံသွင်းကြိုးခွေလေးပါလား။
"ခဏလေးပါ သမီးရယ်။ အဲဒီတလုံးချင်းကို ခဏရပ်ပြီး အန်တီမေးတာ ဖြေပါနော်"
"ဟုတ် ကဲ့"
အို ခုထိ တလုံးချင်း သံစဉ်ပဲ ရှိတုန်း။
"သမီး ကျောင်းနေလား"
"မနေပါဘူး"
" ဒါဆို ဒီအကြောင်းတွေ နှုတ်တိုက်သင်ပေးထားတာလား"
"ဟုတ် ကဲ့"
သူ့ ဟုတ်နဲ့ ကဲ့ က တော်တော့်ကို အသည်းယားစရာ မော်ဒန်သံစဉ်။
"ဒီတခုပဲ တတ်တာလား"
"နောက်ဘုရားတွေ အကြောင်းလည်း ထပ်သင်ပါဦးမယ်။ အန်တီ သိန်းသုံးရာဆုကြီး.."
"တော်...တော်...ရပြီ သမီး...ရပြီ...အန်တီ့သမီး မောပါတယ်ကွယ်။ မုန့်ဖိုးပေးမှာနော်။ ဆက်မရှင်း ပြနဲ့တော့နော်။ သမီးဘာလို့ ကျောင်းမတက်တာလဲပဲ ပြောပြ"
"အငယ်လေးတွေကို ထိန်းရမယ်။ သူတို့ ကြီးလာရင် ကျောင်းနေရအောင်..."
"တော်..တော်..ရပြီ သမီး တကယ်ရပြီ"
နာမည်ဘယ်လို ခေါ်သလဲလို့တောင် မေးစရာ မလိုတော့ပါဘူးလေ။ မော်ဒါန်မိမိကံလေး...အဲ.. ဟုတ်ကဲ့လေးက မုန့်ဘိုးရတာနဲ့ ပြေးထွက်သွားပါပြီ။
* * * *
စူဠာမဏိမှာ...။ ဓမ္မရံကြီးမှာ..။ ...မှာ...။
* * * *
လွန်ခဲ့တဲ့ ဆယ်ငါးနှစ်ကျော်ကထက် 'သစ်' နေတဲ့ ဘုရားတွေကြားမှာ သံစဉ်ဟောင်း၊ သံစဉ်သစ်တွေ လွင်လေ့ရှိတဲ့ ဆည်းလည်းပေါင်းများစွာနဲ့ တွေ့ဆုံပြီးတဲ့နောက် မော်ဒါန်ပုဂံက ပြန်ဖြစ်ခဲ့ပါတယ်။
* * * *
ပြန်ခါနီးမှာ 'ကလေးမဟုတ်တော့တဲ့ မိမိကံ' ကို နှုတ်ဆက်ဖို့ 'အာနန္ဒာ'ကို ၀င်ခဲ့ပါသေးတယ်။ ဒါပေမယ့် ...အဲဒီနေ့က မိမိကံနဲ့ မတွေ့ခဲ့ရပါဘူး။
* * * *
လွန်ခဲ့တဲ့ ဆယ့်ငါးနှစ်ကျော်ကနဲ့ မတူနိုင်တော့ဘူးလို့တော့ ကြိုတွေးခဲ့တာပေါ့။
ဒါပေမယ့်.....။
'မော်ဒါန်မိမိကံကလေးတွေ' နဲ့တော့ တွေ့ခဲ့ရပါသေးတယ်။


မသီတာ(စမ်းချောင်း)

Sunday, November 4, 2007

မန္တလေးတောင်ထိပ်ပေါ်ကနေ ..မန္တလေးရဲ့ ရုပ်ပုံလွှာကို ပန်းပုထုဆစ်ကြည့်ခြင်း
ရေးသူ-မောင်နွေထက်

* ရိုဒင်တောင်လိုက်မမီတဲ့ ပန်းပုတခုကို ငါ
ငါ့မန္တလေးတောင်ပေါ်
ကနေ ထုဆစ်လိုက်တော့
မြွေကြီးနှစ်ကောင်ဟာ နွေဦးသစ်တခုကို မျှော်ဖို့
ပါးပြင်းတွေ
အသင့်ထောင်ထားတယ်။

* အရှေ့ ရိုးမတောင်ပေါ်က နေရောင်ဟာ ဦးစွာ
မန္တလေးတောင်
ထိပ်ဆီပျံသန်းလာပေါ့။

* နွေဦးမြူတွေကြားမှာ ၀ိုးတိုးဝါးတားနဲ့ မန္တလေးဟာ
ကိုယ်ဟန်ပြလို့။
မီးခြစ်ပုန်းတွေထောင်ထားသလို
မိုးထိတော့မဲ့ တိုက်ကြီးတွေက
မန္တလေးတောင်ကို လက်ယပ်ခေါ်လို့။

* ဧရာဝတီဟာ မန္တလေးတောင်ကြီးကို မော်ကြည့်နေတယ်
တောပန်းတောင်ပန်းတွေကလည်း နွေလမ်းမှာ
စိမ်းလန်းကြတော့မယ်။

* ရန်ကင်းတောင်ဘက်ဆီက ကျူဘစ်ဇင်လယ်ကွက်တွေက
ကောက်သစ်ဦးနဲ့ အမြူးကြွဆုံးခုန်ပေါက်လို့၊
ပန်းသည်မလေးရဲ့ ဘ၀ ပန်းလိုမမွှေးတာကြာခဲ့ပြီ
စက်လှေကားနဲ့ ဓါတ်လှေကားဟာ လွန်းထိုးလို့မဆုံးသေး။

* အပျော်ရိုက်ဓါတ်ပုံတပုံက ငါ့ကို ငါ့ကို
ရင်မခုန်စေတာကြာပြီ၊
လယ်ကွင်းကျူဘစ်ဇင်တွေက ပီကာဆိုရှုံးလောက်အောင်
ရင်ကော့ကော့ပြ။

* ငါ....မန္တလေးတောင်ထိပ်ပေါ်က
နွေဦးကြိုမနက်ခင်းကလေးဟာ
ရိုဒင်တောင် လိုက်မမီတဲ့ ပန်းပုတခုကို လက်ဆောင်အပါး
ဟိုး.....မန္တလေးအရှေ့ ဖျားဆီ ငါ့ဧရာဝတီရဲ့
ဒီရေသစ်တက်သံ
ကြားရပေါ့။

မောင်နွေထက်

သက်သေခံ
ရေးသူ-နန်းမြင့်နွယ်


မြင်သာမြင်လည်း.....
မထင်ပါခဲ့၊ သညာမဲ့၏-။
ကြားသာကြားလည်း.....
နားမှာမ၀င်၊ လွင့်ကာစင်၏-။
တွေ့သာတွေ့လည်း.....
ခပ်မေ့မေ့နေ၊ မှုန်ဝါးလေ၏-။
ချစ်ဆွေများက၊ ပြောလှာကြ၏
"စိတ္တဇနာ၊ ကိန်းအောင်းရှာ၍၊
တို့စာဆိုဝမ်း၊ မမြေ့ချမ်းထင့်...
ညှိုးနွမ်းသည်ကို၊ ကြည့်ကြ-"ဆိုသော်၊
"အို...အို...မဟုတ်"၊ ငြင်းမည်လုပ်စဉ်၊
ရုတ်ချည်းစိုပြေ၊ ငါ့မျက်ရည်လျင်.....
ပါးပြင်သည်ခါ စီးသတည်း...။ ။
( "စိမ်း" သို့ ရည်ညွှန်းသည်) နန်းမြင့်နွယ်
[ ကဗျာဆရာကြီး-တင်မိုး ရဲ့ ငယ်မူငယ်လက်ရာကို မာယာမှာ ပြန်လည်ဆန်းသစ်ဖို့
စာရေးသူ မကွယ်လွန်ခင်ကတည်းက ခွင့်ပြုချက်တောင်းခံ၊ ရရှိခဲ့တာ ဖြစ်ပါတယ်]

နိဗ္ဗာန်ဘုံအထက်နားဆီက
ရေးသူ-ကြည်ဇော်မိုး

* ငါ......
အမြင့်တနေရာက
ရပ်နေရာကမြင်မိ
အောက်နားမှာကြည့်.......
နာနာဘာဝ
ဝိနာဘာဝ
မကောင်းဆိုးဝါးတသင်း
ရုန်းရင်းဆန်ခတ်
မရပ်မနား ပြေးလွှားခုန်ပေါက်
ပေါက်မြောက် ဟစ်အော်
ဒုစရိုက်နွံထဲ နစ်နေဆဲ......။

* သူတို့ထဲက တယောက်
နောက်တောက်တောက် ပြီတီတီ
ငါ့ဆီ လှမ်းအော်
ဟေ့...ရဲဘော်ကြီး
သွေးသောက်ကြီးရေ
နောင်ကြီးရေ.....တဲ့။ ။

ကြည်ဇော်မိုး
[ "I stood upon a high place" by Stephen Crane"]
[ '၈၆ ဂန္ထ၀င်ပျိုးခင်း ကဗျာစာအုပ်က ကူးယူဖော်ပြတယ်]

မဖွင့်ရသေးတဲ့ဓာတ်ပြားဟောင်း
ရေးသူ-လက်ျာဝင်း


* ထမင်းစားရေသောက်ဆိုပေမယ့်
ထမင်းစားဖို့ ရေသောက်ဖို့
လွယ်လို့လား။

* ကမ္ဘာကြီးက ၂၄ နာရီဖွင့်တဲ့လောင်းကစားဒိုင်
ဒါပေမယ့် တဘ၀လုံးတင်ထိုးပါမှ
(နိုင်ခဲ့ရင်တောင်)
အစာတဖတ်လောက် အလျော်ရတာမျိုး
ကဗျာတကြောင်းလောက် အလျော်ရတာမျိုး။

* တွေးမလား သေမလားဆို
တွေးဖို့ကိုရွေးခဲ့
ရေကို ရေရော မသောက်ဘူး
မီးတောက်ကို မီးတို့မျိုမယ်။

* ကျွန်တော်လည်းလူ ခင်ဗျားလည်းလူပါ
ဒီသစ္စာကိုသာ
ရာစုနှစ် တ၀က်စာပဲ့တင်ထပ်လိုက်ပါတယ်။

font >လက်ျာဝင်း။