Sunday, September 7, 2008

မေငြိမ်းနှင့် စာပေအင်တာဗျူး (ပထမပိုင်း)
ရေးသူ- ဟိန်းလတ်


ဒီနေ့ခေတ်ကို ပြောနေကြတယ်။ မြန်မာဝတ္ထုတိုရွှေခေတ်တဲ့။ ဒီရွှေခေတ်ထဲမှာ အငှားဆိုင်ကြိုက် ရောင်းတမ်း ရွှေရေစိမ်တွေကြောင့် မဂ္ဂဇင်းကြိုက် ရွှေစစ်စစ်တွေအဖို့ ရွှေရောင်ထိန်သင့်သလောက် မထိန်နိုင် ဖြစ်နေရပါတယ်။ ဒါပေမယ့် 'ဇမ္ဗူရာဇ်' နဲ့ 'ဦးဖိုးချမ်း' တို့ရဲ့ အတ္တုပ္ပတ္တိကို 'ပရိသတ်မှတ်ကျောက်' က ကောင်းကောင်းခွဲခြား နားလည်ထားပါတယ်။ ဒီလအဖို့တော့ မဂ္ဂဇင်းစာမျက်နှာတွေကို အနုပညာ အားကောင်းမောင်းသန် ဖြတ်သန်းလာပြီး ပရိသတ်သန့်သန့်ကို အခိုင်အမာတည်ဆောက်ပြီးဖြစ်တဲ့ ရွှေခေတ်ထူထောင်သူတွေထဲက "မေငြိမ်း" နဲ့ စကားပြောကြည့်မိတဲ့အခါ........



ဟိန်းလတ်။ ။ ဆရာဝန်စာရေးဆရာတွေနဲ့ချည်း အင်တာဗျူးလုပ်နေရသလား ဆိုပြီးတောင် ကျွန်တော့်ကို လူရင်းတွေက ကလိကြ၊ ရိကြပါတယ်။ အခု မေငြိမ်းလို ရန်ကုန်တက္ကသိုလ် မြန်မာစာဌာနက ဆရာမတယောက်နဲ့တွေ့မှ သူတို့အသံဗလံတွေလဲ တိတ်သွားမယ်ထင်တယ်။ နောက်ပြီး မေငြိမ်းရဲ့စာတွေက ယခုနှစ် အတောအတွင်း မဂ္ဂဇင်း တော်တော်များများမှာလဲ ပါလာ၊ ပါသမျှအားလုံးလိုလိုပဲ အနုပညာအရရော၊ တင်ပြပုံအရပါ ကောင်းနေလို့ လူသိများ၊ လူပြောများလာကြချိန်မှာ ကျွန်တော့်အနေနဲ့ ဦးဦးဖျားဖျား တွေ့ဆုံခွင့်ရတဲ့အတွက်လဲ ကျေးဇူးတင်ပါတယ်။ ကဲ... အခုတော့ ထုံးစံအတိုင်း မေငြိမ်းရဲ့ ၀တ္ထုရေးဖြစ်လာပုံလေးကပဲ စလိုက်ကြရအောင်.......။

မေငြိမ်း။ ။ ဆရာဝန်ပဲဖြစ်ဖြစ် ကျောင်းဆရာပဲဖြစ်ဖြစ်၊ တခြားဘာမှ မဟုတ်တဲ့ သူပဲ ဖြစ်ဖြစ်၊ အရေးမကြီးပါဘူးရှင်။ စာရေးသူနဲ့ စာဖတ်သူကို ဆက်စပ်ပေးတဲ့နေရာမှာ စာရေးသူ စစ်စစ်ဖြစ်ဖို့သာ လိုတယ်ထင်ပါတယ်။
ရသစာပေနယ်မှာ ကျွန်မစရေးဖြစ်တာက ကဗျာပါ။ ကဗျာတွေ အများကြီးရေးပြီး တော့မှ ၀တ္ထုရေးဖြစ်တာ။ ဒါပေမယ့် ကဗျာကိုကျတော့ ကျွန်မ မဂ္ဂဇင်းတွေကို သိတ်မပို့ဖြစ်ဘူး။ သိမ်းထားဖြစ်တာပဲ များတယ်။ ဒါကလဲ အကြောင်းအမျိုးမျိုးနဲ့ ပေါ့လေ။ ၀တ္ထုတပုဒ်မှာ စာလုံးကျတာမျိုး၊ စာလုံးမှားတာမျိုး သိပ်မသိသာပေမယ့် ကဗျာကျတော့ အင်မတန်သိသာ တယ်လေ။
ကျွန်မက ကဗျာမှာ ကံမကောင်းဘူးရှင့်။ အမြဲပဲ စာလုံးမှားပါတတ်တယ်။ ကျွန်မ လက်ရေးကတော့ သိပ်မဆိုးဘူး ထင်ပါတယ်။ မဆိုးတာထက် အင်မတန်ပီသအောင်၊ စာလုံးပေါင်းမှန်အောင် ရေးတတ်ပါတယ်။ ဒါပေမယ့် ခုထိမဂ္ဂဇင်းပါ ကဗျာလေးပုဒ်မှာ လုံးဝအမှားလွတ်တာဆိုလို့ တပုဒ်ပဲ ရှိပါသေးတယ်။ ဒါနဲ့ပဲ ကဗျာဆို သိမ်းထားတော့တာပဲ။
ကဗျာရေးတာက အတော်စောစောကတည်းကပေမဲ့ ၀တ္ထုစရေးဖို့ ကြိုးစားတာကျတော့ ၁၉၈၃ လောက်မှာပါ။ ဒါပေမယ့် ကျောင်းစာကြောင့် အဲဒီဘက်ကို အချိန်မပေးနိုင်ခဲ့ဘူး။ ၁၉၈၅ ကျတော့ ကျွန်မရဲ့ မြန်မာစာ နောက်ဆုံးနှစ် စာမေးပွဲပြီးချိန်မို့ အတော်ပဲ စိတ်ပေါ့နေပြီး ၀တ္ထုတွေ ရေးဖြစ်နိုင်ခဲ့တယ်။ ဒါပေမယ့် ၁၉၈၆ ထဲကျမှ မဂ္ဂဇင်းတိုက်တွေကို ပို့ဖြစ်ခဲ့တယ်။ ၀တ္ထုကို ပိုဇောက်ချရေးခဲ့တဲ့ လမ်းစပါပဲ။ ကျွန်မ တပြိုင်တည်းပို့ခဲ့တဲ့ ၀တ္ထုလေးပုဒ်မှာ တပုဒ်ပဲ အပယ်ခံရပြီး ကျန်တဲ့သုံးပုဒ်က ၁၉၈၇ ထဲမှာ လဆက်ပါလာခဲ့တယ်။ ဂုဏ်ထူးတန်း ဆက် တက်ရတော့လည်း ကျောင်းစာတဖက်နဲ့ပေမယ့် ကျွန်မရေးချင်စိတ်ပေါ်လာရင် ဖြစ်အောင် ရေးပစ်လိုက်တာပါပဲ။ များများရေးဖြစ်တာကြောင့် ခုထိ သုံးနှစ်ကျော်လောက်အတွင်းမှာ ကျွန်မ၀တ္ထုပုဒ်ရေ ၁၈ ပုဒ် ရှိခဲ့တာပါ။
ရိုးရိုးသားသားပြောရရင်တော့ ခုမှ စာစရေးတဲ့ သူတယောက်အတွက် အချိန်တိုအတွင်း မှာ ခုလောက် အရှိန်ရလာခဲ့တာဟာ ကျွန်မအတွက် အိပ်မက်လိုပါပဲ။ မဂ္ဂဇင်းမှာ ပထမဆုံးပါတဲ့ ၀တ္ထုက ၁၉၈၇ မေလထုတ်ပေဖူးလွှာမှာပါတဲ့ 'ဆွဲငင်သိမ်းရစ်ရင်းနှင့်ပင်' ။ ကဗျာက ၁၉၈၆၊ မတ်လ ထင်ပါရဲ့။ ပေဖူးလွှာထဲမှာ 'ပြည့်စုံခြင်း' ဆိုတဲ့ ကဗျာကစတာပါ။

ဟိန်းလတ်။ ။ နာမည်ရင်းက ဒေါ်ငြိမ်းခက်ခက် ဟုတ်လား...။ နာမည်ရင်းကတောင် ကလောင်နာမည်ထက် ပိုလှ၊ ပိုဆန်းနေသေးတာပဲ။ ဒါမျိုးနာမည် အတော်ရှားတယ်နော်။ ဘာဖြစ်လို့ ဒီနာမည်ရင်းနဲ့ပဲ စာမရေးဘဲ 'မေငြိမ်း' ဆိုတဲ့ ကလောင်နာမည်ကို ယူတာလဲဟင်။

မေငြိမ်း။ ။ အဲဒီ ငြိမ်းခက်ခက်ဆိုတဲ့ နာမည်က ကျွန်မအဖေပေးခဲ့တဲ့ ကျွန်မရဲ့ တကယ့်နာမည်ရင်းပါပဲ။
လူတယောက်ဟာ ဘာပဲလုပ်လုပ် နာမည်တမျိုးသာ ရှိကောင်းတယ်လို့ ကျွန်မထင်ပါ တယ်။ တတ်နိုင်ရင် နာမည်တခုတည်းနဲ့ပဲ စာရေး၊ ကဗျာရေး။ တကယ့်ဘ၀ထဲနေတာက ကောင်းမှာပါ။ ဒီနာမည်ရင်းက လှတယ် ဆန်းတယ် ဆိုတဲ့အတွက် ကျေးဇူးတင်ပါတယ်။
ဒါပေမယ့် ကျွန်မကလောင်နာမည်ကို ဒီနာမည်ရင်း မပေးဖြစ်တာက အဲဒီတုန်းက ကျွန်မက ဒီနာမည်ရင်းကို သိပ်စွဲလန်းတယ်။ ကျွန်မ စာရေးစ စာတွေကိုလဲ စိတ်မချဘူးလေ။ ကျွန်မအသက်ကလဲ စာကောင်းကောင်းတွေ ရေးနိုင်ဖို့ ငယ်လွန်းသေးတယ်။ ပြီးတော့ ကျွန်မရဲ့ တကယ့်ဘ၀၊ ကျွန်မရဲ့ စာတွေထဲက ဘ၀နဲ့ကို ပြတ်ပြတ်သားသား စည်းတခု ခြားထားချင်တဲ့ စိတ်ပဲ။ ဒါနဲ့ပဲ ကလောင်နာမည်ကို တခြားတခု ရွေးဖြစ်ခဲ့တာ။
ကလောင်နာမည် ရွေးတဲ့အခါကျတော့ ကျွန်မက မိန်းမရုပ်အပေါ်ဆုံးစကားလုံးဖြစ်တဲ့ 'မေ' နဲ့ ကျွန်မကြိုက်တဲ့ 'ငြိမ်း' ဆိုတာကို လွယ်လွယ်တွဲယူ ဖြစ်သွားခဲ့တာပါ။ ခုမဂ္ဂဇင်း တွေထဲမှာ 'မေ' တွေ များလာတော့ ကျွန်မကလောင်နာမည်ဟာ မေငြိမ်းမဟုတ်လဲ နာမည် အရင်းအတိုင်း ငြိမ်းခက်ခက်ပဲ ဖြစ်ရင်ကောင်းမှာပဲလို့ ခဏခဏတွေးဖြစ်တယ်။
ဒါပေမယ့် ဒါက မဖြစ်နိုင်တော့ဘူးလေ။ မေငြိမ်းဆိုတဲ့ နာမည်နဲ့ ရေးခဲ့တာချည်းပဲ များနေပြီ မဟုတ်လား။ ဒါပေမယ့် ဒီမေငြိမ်းဆိုတဲ့ နာမည်ကိုလည်း ကျွန်မချစ်ပါတယ်။

ဟိန်းလတ်။ ။ မေငြိမ်းရဲ့ ၀တ္ထုတော်တော်များများမှာ ပန်းချီဆရာရယ်၊ ဂီတာရယ်၊ ကဗျာရယ်၊ တော်တော်ပါတတ်တယ်နော်။ နောက်ပြီး ယောက်ျားလေးတယောက်ရဲ့ 'မျက်နှာမှာ အစက်အပျောက်ကင်းစင်မှု' ဆိုတာကိုလဲ နေရာတော်တော်များများမှာ တွေ့ရပါတယ်။ အဲဒါတွေနဲ့ ပတ်သက်လို့ စာရေးဆရာအပေါ်မှာ ဘယ်လို လွှမ်းမိုးမှုတွေ ဩဇာသက်ရောက်မှု တွေ ရှိနေပါသလဲလို့.....။

မေငြိမ်း။ ။ အဲဒါကတော့ ကျွန်မရဲ့ စိတ်ခံစားမှုအပေါ် အလိုလိုက်မှုပါပဲ။ ကျွန်မက ကျွန်မရဲ့ နယ်ပယ်ဖြစ်တဲ့ စာပေထက်ပိုလို့ ပန်းချီကို သိတ်မက်မောပါတယ်။ ပြီးတော့ ဂီတာဟာ ကျွန်မအနေနဲ့ နှစ်သက်သလောက် ကျွမ်းကျင်တဲ့အထိ သင်ယူဖို့ အခွင့်မသာခဲ့တဲ့ အနုပညာပစ္စည်းတခုပါပဲ။ အဲဒီ ပန်းချီရယ်၊ ဂီတာရယ်၊ ကဗျာရယ်က ၀တ္ထုတွေထက် အများကြီးစောပြီး ကျွန်မနဲ့ နီးစပ်ခဲ့တာပါ။
ယောက်ျားလေးတယောက်ရဲ့ မျက်နှာမှာ အစက်အပျောက်ကင်းစင်မှု ဆိုတာကလဲ..... အင်း..... ကျွန်မရဲ့ စွဲလန်းမှုတခုပဲ ဆိုပါတော့။ အဲဒီ စွဲလန်းမှုတွေကို မရှောင်တာကြောင့် ၀တ္ထုတွေထဲမှာ လွှမ်းမိုးနေတာပါ။ ကျွန်မကိုယ်တိုင်ကလည်း ရှောင်ဖို့ မကြိုးစားခဲ့တာပါ။

ဟိန်းလတ်။ ။ နောက်ပြီး မေငြိမ်းရဲ့ စကားလုံး သုံးနှုန်းမှု၊ တနည်းပြောရရင် စကားလုံး တီထွင်မှုပေါ့လေ။ အဲဒါ တချို့ကို တွေ့ရပါတယ်။ ဥပမာပေါ့လေ- ခေတ်ပေါ်တံခါးပိတ် ဆေးလုံး၊ ဒဏ်ရာပန်းချီကား၊ အနာကဗျာ၊ သွေးပန်းပု၊ သိက္ခာအနာ၊ မှိုတက်ယန္တယား၊ အနုအချစ် စသဖြင့် ၀တ္ထုတိုတပုဒ်ရဲ့ စာဖတ်ပရိသတ်အပေါ်မှာ ညှို့စွမ်းနိုင်မှုဟာ စကားလုံး သစ်တွေအပေါ်မှာ မူတည်နေတယ်လို့ ထင်ပါသလား။ ကဗျာမှာတော့ စကားလုံး ကျစ်ကျစ်လစ်လစ် ချွေတာပြီး သုံးစွဲရတာမို့ စကားလုံးကို ကစားလို့ရပေမယ့် စကားပြေမှာ ကျတော့ တချို့ပြောကြသလို စကားလုံး လော်လည်တယ်လို့ ဆိုရမလားပဲ။ မေငြိမ်းရဲ့ သဘောထားက.......။

မေငြိမ်း။ ။ ၀တ္ထုတိုတပုဒ်ရဲ့ ညှို့နိုင်စွမ်းဟာ စကားလုံးသစ်ပေါ်မှာ မတည်နိုင်ပါဘူး။ အမျိုးမျိုး ဖြစ်နိုင်ပါတယ်။ ပုံသဏ္ဍာန်အရ၊ အကြောင်းအရာအရ၊ နောက်ပြီး စေတနာအရ ဆိုပါတော့လေ။ ဒါတွေနဲ့လည်း ပရိသတ်ကို ညှို့နိုင်တာပဲ မဟုတ်လား။ တချို့ဝတ္ထုကျတော့ လည်း စကားလုံးသစ်တွေက ညှို့နိုင်တာ ရှိပါလိမ့်မယ်။ ဒါပေမယ့် စကားလုံးသစ်တိုင်းတော့ မဖြစ်နိုင်ပါဘူး။ သုံးနေကျစကားလုံးဟောင်းထက် အဓိပ္ပါယ်ကို ပိုပြီးထိရောက်အောင် ဖော်နိုင်တဲ့၊ သုံးဖို့လဲ ပြေပစ်တဲ့၊ ဖောင်းပွမှုလဲ မရှိတဲ့ စကားလုံးမှပဲ စာဖတ်ပရိသတ်က လက်ခံနိုင်မှာပါ။ သိပ်ကောင်းတဲ့ စကားလုံးသစ် ထွင်နိုင်တယ်ဆိုရင်တော့ မြန်မာစာပေဖွံ့ဖြိုး တိုးတက်မှုအတွက် အလားအလာကောင်းတယ်လို့ ကျွန်မလက်ခံထားပါတယ်။ တကယ်တမ်း ကျတော့ ကျွန်မရဲ့ စကားလုံးသစ်ဆိုတာတွေကတောင် သိပ်မသစ်လှပါဘူး။ သိပ်ပြည့်စုံတဲ့ စကားလုံးအသုံးလဲ မဟုတ်သေးဘူးလို့ ထင်ပါတယ်။
စကားလုံး လော်လည်တယ်ဆိုတာကတော့ 'စကားလုံးဆန်းသစ်ရမယ်' ဆိုတဲ့ ရည်ရွယ်ချက်နဲ့ စကားလုံးတွေကို တမင်တကာ မဆန်းဆန်းအောင် လုပ်တာမျိုး များလားပဲ။ ကျွန်မကတော့ စကားလုံးဆိုရင် ရိုးရိုးဆန်းဆန်း အဓိက, က ကိုယ့်စကားလုံးတလုံးက စာဖတ်သူရဲ့ ရင်ထဲ တိုက်ရိုက်ရောက်သွားဖို့ကပဲ ရသစာပေမှာ အရေးကြီးတယ်လို့ ခံယူ ပါတယ်။ ပြီးတော့ စာရေးသူတယောက် လျှောက်တဲ့လမ်းဟာ သူကိုယ်တိုင် ခင်းတဲ့လမ်း ဖြစ်ပေမယ့် လမ်းကောင်းမကောင်း ဆုံးဖြတ်တာကတော့ တကယ့်စာဖတ်ပရိသတ်ပဲ ဖြစ်ပါ တယ်။ ခုချိန်ထိတော့ လူအများ လက်ခံနိုင်မှုကပဲ စံဖြစ်နေပါသေးတယ်။ ဒီနေရာမှာ လူအားလုံးကို ပြောတာမဟုတ်ပဲ လူအများလို့ပဲ ပြောတာပါနော်.....။
ဒါပေမယ့် တချို့ စာဖတ်သူတွေကတော့ ဘယ်လောက်မှ မခက်ခဲတဲ့ စကားတွေ၊ အကြောင်းအရာတွေကိုပဲ 'နားမလည်ဘူး' လို့ အော်တာမျိုးကျတော့ ကျွန်မကိုယ်တိုင်လဲ သူတို့ကို နားမလည်နိုင်တော့ပါဘူး။ ဒါမျိုးကတော့ ချွင်းချက်လောက်ပါပဲ။

ဟိန်းလတ်။ ။ ရုပ်ရှင်အမြုတေ မဂ္ဂဇင်းထဲက 'နှောင်တည်းခံ' ၀တ္ထုဟာ ကိုယ်ဝန်ဆောင် အမျိုးသမီးတယောက်က သူ့ချစ်သူဟောင်းကို တမ်းတတဲ့ ဇာတ်လမ်းပဲ။ ဒါမျိုးကို ရေးရဲတယ်လို့ မစွပ်စွဲ မပုတ်ခတ်ချင်ပါဘူး။ လောကမှာ ဖြစ်တတ်တဲ့ သဘာဝတခုကို မကွယ်မ၀ှက် ရေးတဲ့သဘောလို့ပဲ ကျွန်တော်ထင်ပါတယ်။ ဒါပေမယ့် ၀တ္ထုတပုဒ်လုံးမှာ ချစ်သူဟောင်းဝဏ္ဏနဲ့ သန့်သန့်လေး ချစ်ခဲ့ကြတယ်လို့ ဖွဲ့နွဲ့ခဲ့ပေမယ့်၊ အခန်း (၆)မှာ (လက်သည်းကွင်းနဲ့) ကိုယ်အအိပ်ဆတ်တာ ၀ဏ္ဏသိတယ်ဆိုတဲ့ စာလုံးထည့်ထားတော့ တမျိုးတွေးစရာ ဖြစ်နေသလားပဲ။ အိပ်မက်လိုလို ဘာလိုလို ရေးထားတယ်။ 'ဒါအိပ်မက်မဟုတ် ဘူး' ရယ်လို့လဲ ပြောထားတယ်။ တကယ်တော့ စိတ်ခံစားမှုတွေပြတာပဲ ဆိုပါတော့။ ဒါပေမယ့် စိတ်ခံစားမှုထဲမှာ အအိပ်ဆတ်တာလောက်ထိ အသေးစိပ်ဖော်ပြထားတော့.......။

မေငြိမ်း။ ။ 'နှောင်တည်းခံ' မှာ ချစ်သူဟောင်းကို တမ်းတရတဲ့ ခံစားမှုကို ကျွန်မ အသားမပေးချင်ခဲ့ပါဘူး။ အပြစ်ရှိတဲ့ မိန်းမတယောက်အတွက် အတိတ်တခုဟာ လွှမ်းမိုး နှိပ်စက်တတ်တယ်ဆိုတာပါ။ အဲဒီထဲက 'ဝေ' ဟာ အပြစ်ရှိတယ်။ တကယ့်ကို ဖြူစင်တဲ့ ၀ဏ္ဏကို ဘာအပြစ်မှ မရှိပဲ စွန့်ခဲ့တယ်။ ဒီအတွက် ချစ်ခြင်းရဲ့ ဒဏ်ကို ခံစားရတာပါ။ ဒါကြောင့်ပဲ အိပ်မက်ကို အိပ်မက်မှန်း မသိနိုင်လောက်အောင်ပဲ သူ့အပြစ်က ခြောက်လှန့်လွှမ်းမိုးနေ ခဲ့တာပါ။ တကယ်တော့ 'ဝေ' ရဲ့ စိတ်ထဲမှာကို သူ့ရဲ့ အပြစ်က စွဲနေခဲ့တာပါ။ ကျွန်မရဲ့ ၀တ္ထုအားလုံးကို ကိုဟိန်းလတ် ဖတ်ခဲ့တာပါ။ ကျွန်မ၀တ္ထုအားလုံးရဲ့ ပြောချင်တာဟာ ခေါင်းစဉ်တွေမှာ ရှိတတ်ပါတယ်။ ဆိုတော့..... ဝေဟာ အင်မတန် အင်အားကြီးတဲ့ မသိစိတ်နှိုးဆော်မှုရဲ့ နှောင်တည်းခံ ပါပဲ။
အအိပ်ဆတ်တာကို သိတာကတော့ အတူအိပ်မှရယ်လို့ မဟုတ်ဘူး ထင်တာပဲရှင့်။ ချစ်သူရည်းစားသက် အတော်ရခဲ့တာပဲ။ ပြောပြဖူးတာနဲ့ပဲ သိမသွားနိုင်ဘူးလား။ ဒါမျိုးကတော့ သူငယ်ချင်းတွေ အချင်းချင်းလဲ သိနိုင်တာပဲလေ။

ဟိန်းလတ်။ ။ ရုပ်ရှင်အမြုတေထဲကပဲ 'ကြီး' ဆိုတဲ့ ၀တ္ထုထဲက 'ဂျင်းဘောင်ဘီဝတ် အမျိုးသားတယောက်မှာ ဘောင်းဘီဝတ်ညဉ် ခပ်ပေါ့ပေါ့များ ရှိနေမလားလို့' ဆိုတဲ့ စာပိုဒ်ကို တော့ ခေတ်လူငယ်တော်တော်များများ ဘ၀င်ကျမယ် မထင်ဘူးနော်။ လုံချည်ဝတ်၊ ထဘီဝတ်၊ မီနီစကတ်ဝတ်၊ ဟော့တ်ပင်န်ဝတ်၊ ဟာဝေယံဝတ်၊ လည်ကတုံးဝတ်၊ တိုက်ပုံဝတ်၊ အပေါ်ယံ ကြောကြည့်ပြီးတော့ 'ပေါ့သလား၊ လေးသလား' ဆုံးဖြတ်တာကတော့ ယျေဘူယျ 'စံ' ပဲ ဆိုရမလား။

မေငြိမ်း။ ။ အဲဒီ 'ဂျင်းဘောင်းဘီဝတ်ညာဉ်' ဆိုတာကတော့ ကျွန်မတယောက်တည်း အမြင်ပါ။ ဘောင်းဘီဝတ်ထားတဲ့အခါ စိတ်ဟာ ခါတိုင်းထက်တော့ ပေါ့သွားတယ်၊ လွတ်သွားတယ်၊ ရဲတင်းသွားတတ်လို့ ကျွန်မခံစားရလို့ပါပဲ။ အဲဒီခံစားမှုမျိုးက တယောက်နဲ့ တယောက် ဘယ်လိုမှ မတူနိုင်ပါဘူး။ ဒါကြောင့် ဒီကိစ္စကို ပုဂ္ဂိုလ်ရေးကိစ္စလို့ပဲ ထားလိုက်တာ ကောင်းပါတယ်။

ဟိန်းလတ်။ ။ စံပယ်ဖြူထဲက 'ချစ်သူဖွဲ့' ဟာ မေငြိမ်းရဲ့ ထူးခြားတဲ့ ၀တ္ထုလေးတပုဒ်ပါ ပဲ။ သရုပ်ဖော်ကလဲ ရှားရှားပါးပါး ခင်ဝမ်းရဲ့လက်ရာမို့ ခံစားရတာ ပို ပြည့်ဝသွားသလိုပဲ။ ချစ်သူဟာ ပိန်လျချိနဲ့၊ သွေးမရှိသလောက်အသားဖြူ၊ မျက်မှန်တပ်၊ အမှန်တရားပြောတတ်လို့ လောကနဲ့ အဆင်မပြေ၊ မသိစိတ်ရဲ့သိမ်ငယ်မှုရှိ၊ အတွေးလွဲအသဲကြောင်၊ တဖက်စွန်းရောက်၊ ဒီလိုချစ်သူမျိုးကို သိပ်ချစ်တဲ့ မိန်းကလေးတယောက်က အကြောင်းအကျိုး ဆီလျော်စွာပြပြီး ချစ်သူဖွဲ့ကို ဖွဲ့ပြတော့ ချစ်သူရဲ့ ရုပ်လုံးဟာ ကြွတက်လာတယ်။ ဆန့်ကျင်မှုများစွာနဲ့ ဒွန်တွဲနေတဲ့ ချစ်သူစရိုက်ကို ရေးပြရင်းနဲ့ နိဂုံးမှာ 'ချစ်သူဟူသော ချစ်ရသော သူတဦးဖြစ်ရန်သာ လိုအပ်သည်' လို့ ကောက်ချက်ချထားတာ ၀တ္ထုတပုဒ်လုံးရဲ့ အသက်ပါပဲ။ ဒါမျိုးကို ဒဿန၀တ္ထုလို့ ခေါ်လို့ရချင် ရမယ်နော်။ အင်္ဂလိပ်လို၊ ပြင်သစ်လို ဘာသာပြန်လို့ရရင် အဲဒီက လူတွေလဲ ခံစားလို့ရမှာ သေချာပါတယ်။ ဒါက ကျွန်တော် လက်လွတ်စံပယ် ပြောနေတာ မဟုတ်လူးနော်။ ကျွန်တော်နဲ့ သိတဲ့ အင်္ဂလိပ်လူမျိုး၊ ပြင်သစ်လူမျိုး၊ ဩစတြေးလျလူမျိုး တချို့က မြန်မာဝတ္ထုတို အကြောင်းမေးရင် ကျွန်တော်က ဂျူးရဲ့ဝတ္ထုနဲ့ မေငြိမ်းရဲ့ ဒီဝတ္ထုကို ကျွန်တော်နားလည်သလောက် ဘာသာပြန်ပြီး ပြောပြတဲ့အခါ သူတို့သဘောကျတာ ကိုယ်တွေ့ တွေ့ခဲ့ရလို့ပါ။ 'ချစ်သူဖွဲ့' ရေးဖြစ်ပုံလေးကို စာရေးသူအနေနဲ့ နည်းနည်းလောက် ပြောပြပါလား....။

မေငြိမ်း။ ။ ဒီနေရာမှာတော့ ကိုဟိန်းလတ်ကို ကျွန်မပြန်ပြီး ကျေးဇူးတင်ရမယ်။ ကိုယ့်ဝတ္ထုပေမယ့် မဂ္ဂဇင်းမှာ ပါတဲ့အခါ ကျွန်မအရင်ဆုံး စိတ်ဝင်စားတာက ၀တ္ထုသရုပ်ဖော်ပုံ ကိုပဲ။ ကျွန်မကလေ သရုပ်ဖော်ပုံရယ်၊ ၀တ္ထုခေါင်းစဉ်ရယ်ကို သိပ် အရေးအယူ ခံစားတတ် တယ်။ ကျွန်မ၀တ္ထုရဲ့ သရုပ်ဖော်ပုံကောင်းရင် ပန်းချီဆရာကိုရော၊ စာတည်းအဖွဲ့ကိုရော ကျေးဇူးတင်နေရောပဲ။ အဲဒီ ချစ်သူဖွဲ့တုန်းကလဲ ကိုခင်ဝမ်းရဲ့ သရုပ်ဖော်ပုံမို့ ကျွန်မ စံပယ်ဖြူစာတည်းအဖွဲ့ကို တော်တော်ကျေးဇူးတင်သွားခဲ့တယ်။
တကယ်တော့ ချစ်သူတယောက်အပေါ်မှာ အကောင်းအဆိုး မခွဲပဲ ချစ်တာတခုတည်းနဲ့ ဆုံးဖြတ်တဲ့ မိန်းကလေးတယောက်ရဲ့ အချစ်ရိုးရိုးကလေးပါပဲ။ စာပေနယ်ထဲမှာ ပြောလေ့ရှိတဲ့ 'စေတနာ' ဆိုတာ ထည့်ပြောရရင်တော့ လူတယောက်အတွက် စိတ်ပိုင်းဆိုင်ရာ လိုအင်ကို အတင်းအကျပ် ဘောင်သတ်ဖို့ မသင့်ဘူးလို့ ပြောပြချင်တဲ့ စိတ်တော့ ရှိခဲ့ပါတယ်။
တခုတော့ ရှိတာပေါ့လေ။ ကျွန်မက လူတယောက်ယောက်ရဲ့ 'စိတ်' ကို သိပ်စိတ်ဝင် စားတတ်တယ်။ ငယ်ငယ်ကဆိုရင် စာဖတ်လေ့ရှိတဲ့ ရှစ်နှစ်သမီးလောက်ကတည်းက အဖေ့စာအုပ်စင်က ဒေါက်တာအုန်းမောင်၊ ဆရာဝန်တင်ရွှေ၊ နန္ဒတို့ရဲ့ စိတ်ပညာစာအုပ်တွေကို စွဲဖတ်ခဲ့တာ။ နောက်ပြီး အဖေနဲ့အမေက စိတ်ပညာယူခဲ့ကြဖူးတော့ အဲဒီပြဌာန်းစာအုပ်တွေ ကိုပါ ကျွန်မက ဖတ်တာ။ ဖတ်စကတော့ သိတ်နားမလည်ဘူးပေါ့။ ဒါပေမယ့် အရွယ်ရလာတဲ့ အထိတောင် ခဏခဏ ဖတ်ခဲ့တော့ ကျွန်မကို အဲဒီစာအုပ်က လွှမ်းမိုးတယ်လို့ ထင်တာပဲ။ ကျွန်မက စိတ်ရောဂါသည်တွေကိုလဲ တော်တော် စိတ်ဝင်စားတယ်။
မြန်မာစာပြီးရင် ကျွန်မစိတ်ဝင်စားတာက စိတ်ပညာနဲ့ ဒဿနိကပဲ။ ဒဿနိကကျတော့ ကျွန်မနဲ့ နည်းနည်းအလှမ်းဝေးတယ်။ philo စာအုပ်တွေက လက်လှမ်းမီရာမှာ မရှိတဲ့အပြင် သေချာလေ့လာဖို့ အချိန်မရနိုင်သေးတာလဲ ပါပါတယ်။ စိတ်ပညာကျတော့ ကျွန်မနဲ့ နည်းနည်း ပိုနီးစပ်တယ်။ ပိုပြီးနီးစပ်ရဖို့ ကြုံလာတာက ကျွန်မတို့တုန်းက တက္ကသိုလ် ပထမနှစ်၊ ဒုတိယနှစ်မှာ ဘာသာတွဲတွေ ယူရတယ်။ ၁၉၈၁-၁၉၈၃ ပေါ့။ အဲဒီမှာ ကျွန်မ ၀ိဇ္ဇာသင်္ချာ ဘာသာတွဲမှာ စိတ်ပညာကို စိတ်ကြိုက်အနေနဲ့ ယူဖြစ်ခဲ့တာပါ။ ဒါပေမယ့် ကျွန်မရဲ့ ၀တ္ထုတွေကိုတော့ စိတ်ပညာစာအုပ်တွေထဲက ရှာထားတဲ့ ဇာတ်ကောင်အနေနဲ့ ကျွန်မ မရေးခဲ့ဖူးသေးပါဘူး။ ကျွန်မခံစားရတာ သက်သက်နဲ့ပဲ ရေးခဲ့တာ များပါတယ်။ ခု 'ချစ်သူဖွဲ့' မှာလဲ 'မောင်' ဆိုတဲ့ လူတယောက်အပေါ် သူ့ချစ်သူက ချစ်စိတ်နဲ့ မြင်တဲ့ထင်တဲ့ ရိုးရိုးအထင်အမြင်ကလေးပါပဲ။
ကိုဟိန်းလတ်က ဒဿန၀တ္ထုလို့ အမည်တပ်တာကိုတော့ ကျွန်မ ဘာမှ မပြောချင်ပါ ဘူး။ ဒါ... စာဖတ်သူတွေ၊ စာပေပညာရှင်တွေရဲ့ အလုပ်ပါပဲ။ ကိုယ်နှစ်သက်သလို ခံစားခွင့် ရှိပါတယ်။ တကယ်လဲ ဒဿနဆိုတာ လက်တွေ့ဘ၀ထဲကနေမှ စာအုပ်ကြီးတွေအပေါ် ရောက်သွားကြတာပဲ မဟုတ်လား။
ပေဖူးလွှာမှာ ပါခဲ့တဲ့ 'မမွန်မွန်အိပ်မက်လွင်ပြင်' မှာ 'တခုတည်းသာ ကျန်တော့သော ထွက်ပေါက်သည် သေခြင်းတရားပဲ ဖြစ်၏' ဆိုတာမျိုးတွေ ရေးထားတယ်။ မူးပြီးရင် ရမ်းတတ်တဲ့ လူတယောက်ရဲ့ မိန်းမရဲ့ ထွက်ပေါက်ဟာ ဒါပဲလား။ ဒီဝတ္ထုကပေးတဲ့ Message ကကော ဒါပဲလား။
အဲဒီ Message ဆိုတာကို ရသစာပေနဲ့ တွဲပြီး ကျွန်မဘယ်လိုမှ ဆက်စပ်လက်ခံလို့ မရပါဘူး။ ဘာဖြစ်လို့လဲဆိုရင် ရသ စာပေဆိုတာဟာ စာဖတ်သူတွေအတွက် လေးစား လောက်စရာ၊ နှစ်သက်စရာ ရသ ပေါ်လွင်မှု ရှိနေဖို့ပဲ လိုတယ်လို့ ကျွန်မယုံကြည်လို့ပါပဲ။
ဒါကြောင့် ၀တ္ထုတပုဒ်မှာ Message ပါရမယ်ဆိုရင်တော့ အဲဒါဝတ္ထုတို ရသစာပေ စစ်စစ်လို့ သမုတ်ဖို့ အတော့်ကို ခဲယဉ်းပါလိမ့်မယ်။ သတင်းတွေ၊ ဆောင်းပါးတွေ၊ ဆုံးမစာတွေလို ဒါ Message ပဲလို့ မြင်ရမှ ဆိုရင်တော့ ၀တ္ထုတပုဒ်မှာ 'ရသပိုင်းဆိုင်ရာ' အားနည်းပါလိမ့်မယ်။
ကျွန်မကတော့ ရသစာပေကိုပဲ ဖန်တီးပါတယ်။ ကျွန်မရဲ့ ၀န်းကျင်မှာ ရှိနေတဲ့ မြင်ကွင်တခုကို ကျွန်မခံစားသလို စာဖတ်ပရိသတ်ကလိုက်ပြီး ခံစားနိုင်အောင် ရသမြောက်ဖို့ ကိုပဲ ကျွန်မရည်ရွယ်ပါတယ်။
ခုလဲ မိသားစု မကောင်းတဲ့၊ လင်ယောက်ျားမကောင်းတဲ့ မိန်းကလေးတယောက်ရဲ့ စိတ်ဓာတ်ပျက်ပြားရတဲ့ မြင်ကွင်းကိုပဲ ကျွန်မ ပြချင်တာပါ။ ဒါကိုမှ Message ပါမှ ဆိုတဲ့ အစွဲနဲ့ လိုက်ရှာရင်တော့လဲ မိန်းကလေးတယောက်ရဲ့ ဘ၀အတွက် မိသားစု ကောင်းဖို့ လိုအပ်တာတို့၊ လင်ယောက်ျားကောင်းဖို့ လိုအပ်တယ်ဆိုတာတော့ ရလာမှာပေါ့ရှင်......။ ဟုတ်တယ်မို့လား။ ဘာလိုဆို..... ဆိုတာဟာ စာရေးတဲ့သူရဲ့ စေတနာနဲ့အတူ ပူးတွဲပါသွားပြီးသားပဲ ဖြစ်သင့်တယ် မဟုတ်လား။

ပထမပိုင်းပြီး။
ဟိန်းလတ် စာပေအင်တာဗျူး [၂] စာအုပ်၊ ပထမအကြိမ်၊ ၂၀၀၀ခု၊ ဖေဖော်ဝါရီမှ ကူးယူ ဖော်ပြပါတယ်။ စာအုပ်ထဲမှာ ဘယ်နှစ်ခုနှစ်တွင် အင်တာဗျူးကြောင်း မဖော်ပြထားပါ။

1 comment:

မေငြိမ်း said...

၁၉၈၉ဖေဖော်ဝါရီလမှာထင်တယ် အင်တာဗျူးက။ နှစ်တော့ သေချာတယ်။ အဲဒီတုန်းက တကယ်တော့ အင်တာဗျုးမလုပ်လောက်သေးတဲ့ စာရေးသက်နဲ့ အသက်အရွယ်မှာပါ။ ကျမ ၂၄ နှစ်ပဲရှိသေးတယ်။ ၀မ်းစာက ဘယ်လောက်မှမရှိ၊ အသက်ကလည်း သိပ်မရင့်ကျက်သေးတဲ့အရွယ်။ တချို့အပြောတွေက အောက်ခြေများလွတ်သလားမသိ။ ခုပြန်ဖတ်တော့ တချို့နေရာတွေမှာ ဒေါင့်မကျိုးဘူးထင်တာပဲ..:D