Friday, May 6, 2011

ဆရာဒဂုန်တာရာ
ရေးသူ-ပထ၀ီမောင်တင်


[၁၃၆၂ ခု၊ တန်ဆောင်မုန်းလ။ ၂၀၀၀ ခု၊ နိုဝင်ဘာထုတ် မာယာမဂ္ဂဇင်း ပြန်လည်ကူးယူ ဖော်ပြပါတယ်]
ဒဂုန်တာရာကို ကျွန်တော်က ကိုဌေးမြိုင်လို့ပဲ ခေါ်တယ်။ သူနဲ့ ကျွန်တော်က ရန်ကုန် ၁၄ လမ်းမှာ နေတုန်းကတည်းက၊ တာရာမဂ္ဂဇင်း စထုတ်လာ ကတည်းက သိတယ်။ ရင်းနှီးခဲ့တယ်။ အထူးသဖြင့် သူဝတ်စားတာကို ကြည့်ပြီး နောက်ပြောင်နေတော့ ပိုရင်းနှီးတယ်။ သူက ဘယ်တော့မှ ဘန်ကောက်လုံချည် ခါးကချတာ မဟုတ်ဘူး။ စကားပြောရင်လည်း အေးအေးနဲ့ ပြောတယ်။ သူ ဒီလိုနေ၊ ဒီလိုဝတ်၊ ဒီလိုပြောတာကို နောက်ပြောင်နေရင် သူက သူ့ဟာသူ နေတယ်။ အင်မတန် သည်းခံနိုင်တယ်။ ဒါကြောင့် ပိုရင်းနှီးတယ်။


သူက ဗိုလ်ချုပ်အောင်ဆန်း၊ ကိုလှဖေ(ဗိုလ်လက်ျာ)၊ သခင်သန်းထွန်း၊ ကိုဗဟိန်းတို့နဲ့ တော် တော် ရင်းတယ်။ တတွဲတွဲလဲ နေတယ်။ ကိုဗဟိန်းနဲ့ကတော့၊ အရင်းနှီးဆုံး အတွဲဆုံးပဲ။ နှစ်ယောက်စလုံးက စာသမားချင်းဆိုတော့ သိပ်အတွဲညီတယ်။ ဒါကြောင့် ရှမ်းပြည်နယ်က ပြန်လှဲ့ခဲ့ရတဲ့ တရုတ်ပြည်ခရီးမှာ သူတို့နှစ်ယောက် သွားခဲ့ကြတာပေါ့။
ဗိုလ်ချုပ်တို့ ဂျပန်ပြည်က ပြန်လာပြီး BIA ရုံးမှာ သူ့ကို ခေါ်ထားသေးတယ်။ တပ်မတော်ဝါဒ ဖြန့်ချိရေးအနေနဲ့ ထားတာ ဖြစ်မယ်။ အဲဒါ ခဏပဲ လုပ်ပြီး ထွက်သွားတယ်။ ကြာကြာ မလုပ်ဘူး။သူက စာသမား၊ စစ်ရေးသမား မဟုတ်ဘူး။ ဟို ကျောင်းသားဘ၀ ကတည်းက အိုးဝေမဂ္ဂဇင်းမှာ သူတို့ လုပ်ခဲ့ကြတာ မဟုတ်လား။
၁၉၃၇ ခုနှစ်က ဗမာနိုင်ငံလုံးဆိုင်ရာ ကျောင်းသားများသမဂ္ဂမှ ထုတ်ဝေတဲ့ 'မျိုးညွန့်' မဂ္ဂဇင်းမှာ သူ အယ်ဒီတာ လုပ်ဖို့ပဲ။ သူ လုပ်မဲ့အလှည့်ကျမှ မဂ္ဂဇင်းက ရပ်သွားတယ်။ မျိုးညွန့်မဂ္ဂဇင်းကို ခုခေတ်လူငယ်တွေ သိကြမှာ မဟုတ်ဘူး။ ကျောင်းသားသမဂ္ဂကနေ ထုတ်ခဲ့တယ်လို့လဲ သိကြမှာ မဟုတ်ဘူး။ မျိုးညွန့်မဂ္ဂဇင်းကို ၁၉၃၇ ခုနှစ် စက်တင်ဘာလမှာ အတွဲ ၁၊ အမှတ် ၁ စ ထုတ်ခဲ့တယ်။ အမှတ် ၂ က ဒီဇင်ဘာလမှာ ထုတ်ခဲ့တယ်။ အမှတ် ၃ ကို ထုတ်တယ်။ ပြီးတော့ ရပ်သွားတယ်။ ကျွန်တော့်ဆီမှာ မျိုးညွန့်မဂ္ဂဇင်း အမှတ် ၂ ရှိတယ်။ မဂ္ဂဇင်းတည်းဖြတ်သူ (အယ်ဒီတာ) မောင်ဘဟိန်း၊ အတိုင်ပင်ခံ ဦးကျော်မြင့် ၀တ်လုံတော်ရ။ တန်ဖိုး လေးပဲ။ မဂ္ဂဇင်းကို ရန်ကုန်မြို့ မြန်မာ့ဇေယျာ စာပုံနှိပ်တိုက်မှာ ရိုက်၍၊ မောင်ဘေသန်းက ထုတ်ဝေသည်လို့ ရေးထားတယ်။ အမှတ် ၂ မဂ္ဂဇင်းမှာ ကိုနု၊ ကိုဘဟိန်း၊ ကိုသိန်းဖေ၊ ကိုညိုမြ၊ သခင်လေးမောင်နဲ့ သုပဏ္ဏက (သခင်သန်းထွန်း) တို့က ပါဝင် ရေးသားကြတယ်။ ဒါက ကြုံလို့ ပြောတာပါ။
ကိုဌေးမြိုင်က ကျောင်းသား လှုပ်ရှားမှုတွေမှာ ပါခဲ့တယ်။ ၁၉၃၈ ခုနှစ် ဒီဇင်ဘာ ၁၅ ရက် ကျောင်းသားတွေ ပုဒ်မ ၁၄၄ ဖီဆန်ပြီး ဆန္ဒပြပွဲလုပ်တဲ့အခါ၊ တူတဇင် အမှတ်အသားနဲ့ အလံနီကြီးကို ကိုင်ပြီး ကိုယ်တိုင် ပါဝင်ခဲ့တဲ့လူ ဖြစ်တယ်။ ၂၀ ရက်နေ့ အတွင်းဝန်ရုံး ၀ိုင်းတုန်းကလဲ ပါဝင်ခဲ့တယ်။ ဒီပွဲမှာ ကိုအောင်ကျော် ကျဆုံးခဲ့တယ်။
၁၃၀၀ ပြည့် အရေးတော်ပုံနဲ့ ပါတ်သက်ပြီး ကိုဌေးမြိုင် ကိုယ်တိုင်သိတာတွေ အများကြီးပါ။ မြန်မာနိုင်ငံရဲ့ အရေးပါတဲ့ နိုင်ငံရေးခေါင်းဆောင်တွေနဲ့ သူက တွဲနေခဲ့၊ အတူနေခဲ့သူပါ။ ကိုသိန်းဖေ(ဦးသိန်းဖေမြင့်) အရှေ့ကနေ၀န်းထွက်သည့်ပမာရေးတော့ ၁၃၀၀ပြည့်အခန်းမှာ ကိုဌေးမြိုင် စာတွေ ကိုးကားခဲ့ရတာ ကြည့်ပါလား။
သူကိုယ်တိုင်သိ၊ သူကိုယ်တိုင် ပါဝင်ပါတ်သက်တာတွေ အများကြီး ရှိပါတယ်။ သူက ပြောခဲပါတယ်။
ဂျပန်ခေတ်မှာ သူက တော်လှန်ရေးခေါင်းဆောင်တွေနဲ့ အတူနေတယ်။ ရန်ကုန်မှာ အနေများ တယ်။ ဗိုလ်လက်ျာအိမ်မှာ အနေများတယ်။ သခင်သန်းထွန်းအိမ်မှာနေတယ်။ ဗိုလ်ချုပ်အိမ်မှာလဲ ၀င်လိုက်ထွက်လိုက် နေလိုက်ပါပဲ။
ကိုဗဆွေကြီးနဲ့လဲ ရင်းနှီးပါတယ်။ ကိုကျော်ငြိမ်းထက် ပိုရင်းနှီးပါတယ်။ သူက အဲဒီလို နိုင်ငံရေး ခေါင်းဆောင်တွေနဲ့ သိသလို နိုင်ငံရေးပါတီတိုင်း ပါတီတိုင်း အကြောင်းတွေကို လေ့လာတယ်။ သုံးသပ်တယ်။ သိတယ်။ သူကြိုက်ရင် ကြိုက်တယ်။ မကြိုက်ရင် မကြိုက်ဘူး ပွင့်ပွင့်လင်းလင်း ပြောတယ်။ ဆိုရှယ်လစ်တွေ မှားရင် မှားတာကို ပြောတယ်။ ကွန်မြူနစ်ပါတီ လွန်ရင်လဲ လွန်သွားတာ ပြောတယ်။ ပြောရဲတယ်။ လူတွေကလဲ ရင်းနှီးကြတယ်။ သူက သူ့ ရပ်တည်ချက်နဲ့ သူနေတယ်။ စစ်ပြီးစ လောက်မှာ ကျွန်တော်ဆီမှာ စာပေသစ်မဂ္ဂဇင်း လာရိုက်တယ်။ ကျော်အောင်ရယ်၊ မြသန်း(မြသန်းတင့်) ရယ်၊ ကိုသန်းတင်ရယ်ပေါ့ဗျာ။ ကိုသန်းတင်က အင်မတန် သည်းခံနိုင်တဲ့လူ။ စာပေသစ်မ၈္ဂဇင်းကို သူကပဲ အကုန်အကျခံပြီး ထုတ်ခဲ့တာ၊ နှစ်အုပ် သုံးအုပ်မှာပဲ ရပ်သွားတယ်။ ရပ်ရတဲ့ အကြောင်းလဲ ရှိတယ်။ ထားတော့။
နိုင်ငံရေး၊ ကျောင်းသားလှုပ်ရှားမှု၊ စာပေ၊ ငြိမ်းချမ်းရေး လုပ်ငန်းတွေမှာ သူက အာရုံစိုက် ထားတယ်။ စာပေကို သိပ်မြတ်နိုးတယ်။ စာပေမြတ်နိုးလို့ အမြတ်အစွန်းအတွက်၊ ငွေကြေးအတွက် မဟုတ်ပဲ၊ စာအုပ်ထုတ်တဲ့လူဆိုတာ အတော်နည်းပါတယ်။ သူက တာရာ မဂ္ဂဇင်းထုတ်တာ။ ဂန္ထ၀င်ဂျာနယ်ထုတ်တာလုံးလုံး အမြတ်အစွန်းအတွက် မဟုတ်ဘူး။ စာပေကို မြတ်နိုးလို့ ထုတ်ခဲ့တာ။ ဒီစာအုပ်တွေမှာ သူဘာတွေ ရေးခဲ့သလဲ။ ဖတ်ကြည့်ပါလား။ တိုင်းချစ်ပြည်ချစ်စိတ်၊ နိုင်ငံရေးလှုပ်ရှားမှု၊ ကျောင်းသားလှုပ်ရှားမှု၊ စာပေရေးရာ ဒါတွေ သူရေးခဲ့တာပဲ။
ကိုဌေးမြိုင်က ပင်ကိုယ်က သိပ်ရိုးတယ်။ ရိုးရိုးစင်းစင်းပဲ ပြောတတ်၊ နေတတ်၊ စားတတ်တယ်။ ဘာဟိတ်ဟန်မရှိပါဘူး။ သူ့မှာ ရင်းနှီးတဲ့ ကျောင်းနေဖက် သူငယ်ချင်း သုံးယောက်ရှိတယ်။ မင်းနဲ့ ငါနဲ့ တရင်းတနှီး ပြောကြ ခင်ကြတဲ့ လူတွေ။ ကနေ့ထိ သက်ရှိထင်ရှား ရှိကြသေးတယ်။ ဘီဘီစီ ဦးမောင်မောင်ရယ်၊ ဆရာတိုက်စိုးရယ်ပဲ။ သူတို့က ငယ်ပေါင်းကြီးဖော်။ သိပ်ရင်းနှီးတဲ့လူတွေ။ သိပ်ခင်မင်ကြတဲ့ လူတွေ။
ကိုဌေးမြိုင်ဟာ စစ် နဲ့ ငြိမ်းချမ်းရေးမှာ သူက ငြိမ်းချမ်းရေးသမားလို့ ကျွန်တော်မြင်တယ်။ ဟိုတုန်းက ဗိုလ်ချုပ်ရဲ့ စစ်ရုံးက ဆင်းပြေးလာတာလဲ ဒါပဲ။ ဗိုလ်ချုပ်နဲ့ ဗိုလ်လက်ျာနဲ့ ပတ်သက်တဲ့လူတွေ တော်တော်များများ စစ်ထဲရောက်ကုန်ကြတာပဲ။ စစ်ထဲဝင်သွားကြတာပဲ။ သူတယောက်ပဲ စစ်ထဲမ ရောက်တာ။ စစ်ထဲမ၀င်တာ။ နောက်ပိုင်း သူငယ်ချင်းတွေ အချင်းချင်း လက်နက်ကိုင် တိုက်ခိုက်ကြ တော့လဲ တောက်လျှောက် သူဆန့်ကျင်ခဲ့တာပဲ မဟုတ်လား။ လူမျိုးစု အခွင့်အရေးတွေမှာ သူ အတော်တော် မှန်မှန်ကန်ကန် ရပ်တည်ခဲ့တယ်။
ငြိမ်းချမ်းရေး၊ ညီညွတ်ရေး၊ တန်းတူရေးတွေ သူ စွဲစွဲမြဲမြဲ သုံးခဲ့တာပဲ။ ကိုဌေးမြိုင် စာတွေဖတ် ပြီး တချို့လူတွေက ပြောကြတယ်။ ဗိုလ်ချုပ်အောင်ဆန်းအကြောင်း၊ ဗိုလ်လက်ျာ ကိုဘဟိန်းတို့ အကြောင်း၊ စစ်နဲ့ငြိမ်းချမ်းရေးအကြောင်း၊ ကမ္ဘာ့ငြိမ်းချမ်းရေးခရီးတွေအကြောင်း၊ စာပေရေးရာ အကြောင်း၊ သူရေးနေတာ ဖန်တရာ တေနေပြီ။ အပ်ကြောင်းထပ်နေပြီတဲ့။ ဒီလို ထင်ကြတယ်။ ဒါပေမယ့် ကျွန်တော်သိတယ်။ သူက ဒါတွေကို အလကားရေးနေတာ မဟုတ်ဘူး။ အဓိပ္ပါယ်မရှိနေရး နေတာ မဟုတ်ဘူး။ အဓိပ္ပါယ်ရှိရှိ ရေးနေတာ၊ သမိုင်းဖြစ်ရပ်တွေကို မျက်ခြေမပြတ် မလစ်လပ်အောင် ရေးနေတာလို့ ကျွန်တော်မြင်တယ်။ သူ ထောင်က လွတ်လာတော့ သူ့ကို ကျွန်တော် တော်တော် လေးစားတယ်။ သူက ထောင်ထဲမှာ တော်တော် တည်တည်ငြိမ်ငြိမ် နေခဲ့တာ။ မှန်မှန်ကန်ကန် ရပ်တည်ခဲ့တာကို ကျွန်တော် သိပါတယ်။
ဒါ ကိုဌေးမြိုင်ကို ကျွန်တော်သိတာ၊ မြင်တာ ပြောတာ။ နောက် ပြောရင်၊ ပြောစရာတွေ အများကြီး ရှိပါတယ်။ နောက်ဆုံး ပြောချင်တာက သူ့ခမျာ အခု အသက်က ရလာ၊ မျက်စိကလဲ ဒုက္ခပေးလာပြီး၊ မမြင်မကန်းပေါ့ဗျာ။ မြင်လဲ ကောင်းကောင်း မမြင်ရှာပါဘူး။ ကန်းလဲမကန်းဘူး။ ခမျာ မျက်စိ ဒုက္ခခံနေရရှာတယ်။
ကျွန်တော် သူ့ကို မေတ္တာရပ်ခံထားတယ်။ 'တို့ခေတ်ကိုတော့ ရောက်ရမည်မှာ မလွဲပါ' ရေးပြီးပြီ။ 'တို့ကိုယ်ကျိုး လုံးလုံးမပါ' ဆိုတဲ့ ၀တ္ထုရေးပါလို့ ပြောတာ ကြာလှပြီ၊ ခုထက်ထိ မရေးသေးဘူး။
[ဦးအုန်းမြင့် တိုးတက်ရေး]
ကိုဌေးမြိုင်ကို ကျွန်တော် စသိတာလား။ နေဦးဗျ။ ဂျပန်ဝင်ကာစလေးမှာ ကျိုက်လတ်ကို BIA ကသိမ်းတော့ ဗိုလ်ရန်နိုင် တပ်က သိမ်းတယ်။ ဗိုလ်ရန်နိုင် (ကိုထွန်းရှိန်)က ကိုဌေးမြိုင်နဲ့ သိပ်ခင်တယ်။ တက္ကသိုလ်မှာ အတူတူ။ သူတို့ သူငယ်ချင်းတွေ ဆိုတော့ ကျိုက်လတ်သိမ်းပြီး ဗိုလ်ရန်နိုင်က ကိုဌေးမြိုင်အိမ်မှာ တည်းနေပါတယ်။
တနေ့တော့၊ ဒီသတင်း ဖျာပုံကနေ ကျွန်တော်တို့ သိတယ်။ သိတော့ ကျွန်တော်ရယ်၊ ကိုလှရွှေရယ်၊ ဖျာပုံကနေ ကျိုက်လတ် သွားကြတယ်။ ဗိုလ်ရန်နိုင်နဲ့ သွားတွေ့ကြတယ်။ အဲဒီမှာ ကိုဌေးမြိုင်ကို စတွေ့တယ်။ စပြီး သိရတယ်။ ကျွန်တော်က ဒီတုန်းက သူ့စာတွေ ဖတ်နေပြီ။ ဒဂုန်တာရာရဲ့ ပရိသတ်ပေါ့ဗျာ။ သူ့စာတွေနဲ့ အရင်သိပြီးမှ လူကို အဲဒီမှာ စသိတာ။
သူ့ကို မှတ်မှတ်ရရ အဖြစ်ဆုံးတွေ့ခဲ့ရတဲ့ နောက်တနေရာဟာ ရန်ကုန်ထောင်ကြီးထဲမှာ တွေ့ရတာပဲ။ ဒီတုန်းက သူက ထောင်မကျပဲ ထောင်ထဲရောက်လာပြီး တနေကုန် စကားတွေ ပြောခဲ့ရတာ။ ခင်ဗျားကို ကျွန်တော်ပြောဖူးတယ်။ ကျွန်တော်တို့ လေးယောက်ရိုက်ထားတဲ့ ဓါတ်ပုံလေ။ ကိုဌေးမြိုင်(ဒဂုန်တာရာ)ရယ်၊ ကျွန်တော်ရယ်၊ မောင်နေ၀င်းရယ်၊ ဗန်းမော်တင်အောင်ရယ် ရိုက်ထား တဲ့ပုံ။ အဲဒါ ကျွန်တော်၊ ကိုနေ၀င်းနဲ့ဗန်းမော်တင်အောင်က ထောင်ကျနေတာ။ သူက အပြင်ကလာတာ။ ဓါတ်ပုံကို ရိုက်တာက လူထုဦးလှရဲ့တူ ၀င်းမော်ဦး ကိုတင်မောင်။ ဓါတ်ပုံရိုက်တဲ့နေရာက ကျွန်တော့် အခန်းမှာ။ ဒီတုန်းက ရန်ကုန်ထောင်ကြီးမှာ နိုင်ငံရေးအကျဉ်းသမားတွေကို အထူးတန်းထားသေးတယ်။ အဲဒါ ၁၉၅၃ ခုနှစ်လို့ မှတ်မိတာပါပဲ။
ကိုဌေးမြိုင် ထောင်ထဲ ရောက်လာပုံက ဒီလိုဗျ။ ပထမ အကြိမ်က ကျွန်တော်တို့က ဆရာကြီး သခင်ကိုယ်တော်မှိုင်းကို ကန်တော့ချင်တယ်ဆိုပြီး သက်ဆိုင်ရာကို တောင်းဆိုကြတယ်။ ခွင့်ပြုချက် ရတယ်။ ခွင့်ပြုချက်ရတော့ ဆရာကြီးကို ကိုဌေးမြိုင်က ထောင်ဗူးထဲ ခေါ်လာတယ်။ ထောင်ဗူးထဲမှာပဲ ကျွန်တော်တို့က ပုတီးလေးတွေ၊ ဘာလေးတွေနဲ့ ကန်တော့ကြတယ်။ အဲဒါတခါ။
နောက်တခါက ဒီဇင်ဘာ အားကစားပွဲတွေ လုပ်တဲ့အခါ ထောင်တွင်းမှာလဲ အားကစားပွဲတွေ ဘာတွေ လုပ်တယ်။ အပြင်လူလဲ ဖိတ်တယ်။ ဒီတုန်းက ထောင်ကော်မတီကို အလံနီ၊ ပြည်သူ့ရဲဘော်၊ ကွန်မြူနစ်ပါတီ သုံးပါတီ အကျဉ်းသားကော်မတီက ကိုင်ထားတယ်။ နိုင်ငံရေး အကျဉ်းသားတွေကိစ္စ အာဏာပိုင်များနဲ့ ပြောဖို့ ဆိုဖို့ပေါ့ဗျာ။ အဲဒီမှာ အားကစားကော်မတီ ဥက္ကဌက ထောင်ကျနေတဲ့ လူထုဦးလှ။ အဲဒီ အားကစားပွဲကို အပြင်လူ ဖိတ်တဲ့အခါ ကိုဌေးမြိုင်ပါလာတယ်။ အဲဒီလိုနည်းနဲ့ သူထောင်ထဲ ရောက်လာတာ။
ကျွန်တော် မှတ်မိတယ်။ ဗန်းမော်တင်အောင်က သူ့ကိုပြောတယ်။ (ကိုဌေးမြိုင်) ကို ပြောတယ်။ "ခင်ဗျားက ဘယ်တော့မှ ထောင်ကျမယ့်လူမဟုတ်ဘူး။ ဒါကြောင့် ထောင်ထမင်း ထောင်ဟင်းစားရမှာ မဟုတ်ဘူး။ ဒါကြောင့် အခု ခင်ဗျားကို ကောင်းကောင်းမကျွေးဘူး၊ ထောင်ထမင်း၊ ထောင်ဟင်းပဲ ကျွေးလွှတ်မယ်" စားဖူးအောင်ဆိုပြီး တကယ်ပဲ ထောင်ထမင်း၊ ထောင်ဟင်းကျွေးလွှတ်လိုက်တယ်။ သူကလဲ စားသွားတယ်ဗျ။
နောက်တခု ထောင်ထဲမှာ အားကစားသမားတွေ ချီတက် အလေးပြုပွဲ လုပ်တယ်။ ထောင်ပိုင်က သူအလေးပြု ခံချင်တယ်။ ဒီကလဲ အားကစားကော်မတီ ဥက္ကဌဦးလှကိုပဲ အလေးပြု ကြမယ်ဆိုပြီး ဖြစ်ကြတယ်။ တော်တော်နဲ့ မဆုံးဖြတ်နိုင်ဘူး။ နောက်ဆုံးမှ စေ့စပ်ကြတော့ ဦးလှကို ချီတက် အလေးပြုမယ်၊ ဦးလှက အလေးပြုခံမယ်၊ ထောင်ပိုင်က ဦးလှဘေးမှာ ရပ်နေရမယ်။ အဲဒါနဲ့ ပြတ်သွားတယ်။ အဲဒီနေ့ သူရောက်လာတာ မနက်ကိုးနာရီ သာသာ ၁၀နာရီ လောက်ကရောက်တာ ညနေ ၃နာရီကျော် လေးနာရီ လောက်မှ ပြန်သွားတာပဲ။
နောက် ဗန်းမော်တင်အောင် အခန်းမှာတောင် ကျွန်တော်နဲ့ဗန်းမော်တင်အောင်တို့ တွဲပြီး ဓါတ်ပုံ ရိုက်ကြသေးတယ်။ အဲဒီပုံလဲ ရှိတယ်။
အဲဒီတုန်းက စာအကြောင်း၊ နိုင်ငံရေးအကြောင်း၊ လူပုဂ္ဂိုလ်တွေအကြောင်း တနေကုန် ပြောကြ တာ မှတ်မှတ်ရရပါပဲဗျာ။ အဲဒါ သူ ထောင်မကျပဲ ထောင်ထဲ ရောက်လာခဲ့တာ။
နောက်ပိုင်း ဗိုလ်လက်ျာကိစ္စနဲ့မှ ထောင်ကျတော့တာ။ သူ့ကို ကျွန်တော်မြင်တာက သူဟာ စာပေသမား၊ ငြိမ်းချမ်းရေးသမားလို့ မြင်ပါတယ်။ သူဟာ တချိန်လုံး ယုံကြည်ချက်ပေါ်မှာ သစ္စာရှိရှိ ရပ်တည်တဲ့ ပုဂ္ဂိုလ်ပါ။
[လေထီးအုန်းမောင်]

တနေ့ ၁၉၉၅ ခုနှစ်၊ မတ်လ ၃ ရက်နေ့မှာ ဦးလေး(ဦးအုန်းမြင့်-တိုးတက်ရေး) က ခေါ်လို့ သူ့အိမ် ကျွန်တော် ရောက်သွားပါတယ်။ အဲဒီမှာ ဆရာဒဂုန်တာရာ၊ ဦးအုန်းမောင်(လေထီး)၊ ဦးအုန်းမြင့် (တိုးတက်ရေး)တို့နဲ့ ဆုံဖြစ်ပါတယ်။ လူကြီးတွေ ဆုံတဲ့အခါ အင်မတန် မှတ်စရာ သားစရာ အကြောင်း အရာတွေ စကားတွေကို ကြားရတတ်ပါတယ်။ အခုလဲ ဒီပုဂ္ဂိုလ်ကြီးတွေ ဆုံတဲ့အခါ သူတို့ ကြုံခဲ့ တွေ့ခဲ့ ဖြတ်သန်းခဲ့ရတဲ့ သမိုင်းဖြစ် ရပ်ဇာတ်ကွက်တွေ၊ ခေတ်ကာလရဲ့ အခြေအနေတွေ၊ သမိုင်းဇာတ်ဆောင် များရဲ့ အကြောင်းတွေကို နားထောင်ရတာ အင်မတန်မှ အဖိုးတန်လှ ပါတယ်။
နက်ဖန်ဆိုရင် ဆရာဒဂုန်တာရာ ကလောမြို့ကို ပြောင်းဖို့ ရွှေ့ဖို့ ပြင်ဆင်နေပါပြီ။ အဲဒီလို မပြောင်းခင် မရွှေ့ခင် သူတို့ လူကြီးများဆုံပြီး စကားပြောကြတဲ့ ၀ိုင်းပါ။ ကျွန်တော်က နာယူရတဲ့ သူပါ။ အင်မတန် ကံကောင်းလှပါတယ်လို့ ကျွန်တော်ခံစားရပါတယ်။
ကျွန်တော် မရှင်းမလင်းဖြစ်နေတဲ့ သမိုင်းအချက်အလက်တခုကိုလဲ လူကြီးများ ခွင့်ပြုလို့ မေးခွင့်ရလိုက်ပါတယ်။ အဲဒါကတော့
"ကျွန်တော် စာအုပ်များမှာ ဖတ်ရတဲ့ ဗမာပြည်ကွန်မြူနစ်ပါတီ ဖွဲ့တဲ့ နေရာဌာနဟာ သုံးနေရာ လောက် ဖြစ်နေတာ တွေ့ရပါတယ်။ တနေရာက ရန်ကုန်မြို့၊ စမ်းချောင်းရပ်၊ မြေနုလမ်း အိမ်အမှတ် ၁၁ မှာလို့ ဆိုပါတယ်။
နောက်တနေရာက ရန်ကုန်မြို့။ ၄၉ လမ်း အမှတ် ၁၈၈ လို့ ဆိုတယ်။ (ဘုံဘ၀မှာဖြင့် စတုတ္ထတွဲ စာ-၃၀၆)။
နောက်တခုက ကုလားရဲဘော်များ စုပေါင်းနေထိုင်တဲ့ ဘားလမ်း (ယခု မဟာဗန္ဓုလပန်းခြံ လမ်း)၊ ရန်ကုန် လို့ ဆိုပါတယ်။ ဘယ်ဟာ အမှန်ဖြစ်ပါသလဲ ခင်ဗျာ" လို့ မေးတဲ့အခါ ဆရာဒဂုန်တာရာ က "သခင်စိုးကိုယ်တိုင် ပြောခဲ့ ရေးခဲ့တာတော့၊ မြေနုလမ်း အမှတ်၁၁၊ စမ်းချောင်းမှာလို့ ပြောပါတယ်။ အဲဒီအိမ်က ကိုဗဟိန်းနဲ့ ကိုထွန်းရှိန် (ဗိုလ်ရန်နိုင်) အတူငှားနေတဲ့အိမ်၊ မျက်နှာချင်းဆိုင်မှာ မခင်ကြီး အိမ်ရှိတယ်။ ကိုဗဟိန်းနဲ့ မခင်ကြီးက ကြိုက်နေကြတုန်း။ ကိုထွန်းရှိန်ကတောင် စနေပြီလေ။ ကလေး တယောက် အဲဒီအိမ် လာလာနေတယ်။ ကိုဗဟိန်းက ကလေးချစ်တတ်တယ်။ ဓာတ်စက်လဲ သိပ် ၀ါသနာပါတယ်။ ဓာတ်ပြားသီချင်းတွေ ဖွင့်ဖွင့်ပြီး နားထောင်ကြလေ့ရှိတယ်။ သီချင်းသိပ်ကြိုက်တယ်။ ဒါကြောင့် ကိုဗဟိန်းကို ကျွန်တော်က သိပ်ခင်တာ။ အဲဒီအိမ်မှာ ဖွဲ့တယ်လို့ မှတ်မိတယ်" လို့ ပြောပါတယ်။
နောက်စကားတွေ ဆက်ပြောကြရင်း ဆရာက စကားတလုံး ဆက်ပြောပါတယ်။ "အကြောင်း အရာတခုကို စဉ်းစားတဲ့အခါ အချက်အခိုင်ဆုံး ပြောနိုင်သူဟာ ခေါင်းဆောင်ဖြစ်တာပဲဗျ။ ကျွန်တော်က ကမ္ဘာ့ငြိမ်းချမ်းရေးကိစ္စ လုပ်တုန်းက အတွေ့အကြုံအရ ပြောရရင် တချို့ပဂ္ဂိုလ်တွေဟာ အစည်းအဝေး တက်သာလာတာ ဘာမှ ပြောစရာမရှိ ဆိုစရာ မပါကြဘူး မပြောကြဘူး။ မပြောနိုင်ကြဘူး။ ကမ္ဘာငြိမ်းချမ်းရေး ကိစ္စတွေ သိပ်မလေ့လာတော့ သိပ်မပြောနိုင်ကြဘူးပေါ့။ လေ့လာတဲ့လူ၊ စာများများ ဖတ်တဲ့လူက ပြောနိုင်တယ်။ ဆိုနိုင်တယ်။ ပြောနိုင် ဆိုနိုင်သူက ခေါင်းဆောင်ဖြစ်သွားတာပဲဗျ" စတဲ့ စတဲ့ စကားတွေ ကြားနာခဲ့ရတယ်။
ကျွန်တော့်မှာ အဲဒီနေ့က မှတ်စရာတွေ မကုန်နိုင်အောင် ကြားရတယ်။ ပညာရခဲ့ပါတယ်။ ဆရာကျန်းမာပါစေ။ အသက်ရာကျော် ရှည်ပါစေလို့ ဆုမွန်ကောင်း တောင်းလိုက်ပါတယ်။

ပထ၀ီမောင်တင်
စာပေဂျာနယ်၊ အတွဲ ၃၊ အမှတ် ၄၊ ၁၉၉၅ ဒီဇင်ဘာ။

Thursday, May 5, 2011

မေမှဆိတ်ဖလူးနံ့ရီဝေရာသို့
ရေးသူ-တာရာလင်းယုန်






မေ
ရုပ်ပုံလွှာ
ဒဂုန်တာရာ၏ဒဂုန်တာရာ
သာမန်လူတယောက်အတွက်ဆိုလျှင် ဤသုံးအုပ်ထဲမှ တအုပ်လောက် ရေးမိလျင်ပင် တသက် လုံး ဂုဏ်ယူမဆုံး ဖြစ်နိုင်လောက်သည်။ သို့သော် ဆရာဒဂုန်တာရာရေးခဲ့သည်က တအုပ်ထဲမဟုတ်။ သုံးအုပ်။ သုံးအုပ်ထဲမဟုတ်-လူအမြောက်အမြားအနေဖြင့် ခေတ်သစ်ကဗျာများအတွက် စံပြုကြရသည့် 'မတ်လတော်လှန်ရေး'၊ 'ပိတောက်ပန်း'၊ 'တဟီတီသွားရအောင်' စသည့် ကဗျာများ။ နောက်ပြီး ကိုးကားပြီးရင်း ကိုးကားနေကြရသည့် ဗညားသီဟ၏ စာပေသဘောတရား ဆောင်းပါးများ။ နောက်ပြီး တာရာ မဂ္ဂဇင်း။ သမိုင်းတခေတ် ထူသည့် တာရာ၊ သမိုင်းတွင်သည့်တာရာ။


ဒဂုန်တာရာ၏ဒဂုန်တာရာကို ဖတ်ရသောအခါ၊ တနည်း ဒဂုန်တာရာ ကိုယ်တိုင် ၀န်ခံထားသော သူ့ ပင်ကိုယ်စရိုက်များကို ဖတ်ကြည့်သောအခါတွင် သူသည် စာပေ အနုပညာတွင် ပျော်မွေ့လိုသော၊ အေးချမ်းတည်ငြိမ်မှုကို လိုလားသော၊ အမှန်တရားကို လိုလားသော၊ သာမန်လူတဦးမျှသာဖြစ်ကြောင်း တွေ့ရပေသည်။ သို့သော် ထူးခြားသည်က သူ လူဖြစ်လာသော ကာလ၊ ပတ်ဝန်းကျင်နှင့် သူမိတ်ဆွေဖွဲ့ ရသူများ ဖြစ်သည်။
သူသည် ဗမာပြည် သူ့ကျွန်ဘ၀တွင် လူဖြစ်လာရသည်။ ထို့ပြင် ဗမာပြည်တွင် ဗြိတိသျှကိုလိုနီ စနစ်ကို တွန်းလှန်မှုတွေ အရှိန်ရလာသော ကာလတွင် တက္ကသိုလ်သို့ ရောက်ရှိလာသည်။ ထိုတက္ကသိုလ်သည် ထိုအခါက ထိုတိုက်ပွဲ၏ ဗဟိုချက်မလိုလဲ ဖြစ်နေပြန်သည်။ သို့ဖြင့် သူသည် ကိုအောင်ဆန်း၊ ကိုဗဟိန်း၊ ကိုနု စသည့် ထိုပုဂ္ဂိုလ်ကလေးများနှင့်လည်း အပေါင်းအသင်း ဖြစ်သွား ခဲ့သည်။
တဖန် သူ့အသိဥာဏ် ရင့်ကျက်လာချိန်နှင့် ဒုတိယကမ္ဘာစစ်ကြီး ဖြစ်ပွါးသည်နှင့် တိုက်ဆိုင် နေပြန်သည်။ ထိုအခါ အထက်တွင် ပြောခဲ့သော သူ့အပေါင်းအသင်းများသည် အင်္ဂလိပ်အခက်-တို့အချက်ဆိုပြီး လွတ်လပ်ရေးအတွက် လုံးပမ်းကြသည်။ သူ့အပါး၊ သူ့မျက်စိအောက်မှာပင် ထိုသူများ အလုပ်များ၊ အလုပ်ရှုပ်နေကြသည်။ တခါတွင် သူ့အား သခင်ဗဟိန်းက တရုတ်ကွန်မြူနစ်များနှင့် ဆက်သွယ်ရန် ရှမ်းပြည်နယ်မြောက်ပိုင်းသို့ ခရီးထွက်ရာတွင် အဖော်အဖြစ် ခေါ်ဆောင်သွားခဲ့သည်။ သူသည် ရှမ်းပြည်၏အလှကို ငေးမောရင်း လိုက်ပါသွားခဲ့သည်။ ထိုအခေါက်တွင် သူတို့သည် တရုတ် ကွန်မြူနစ်များကိုတော့ မတွေ့ခဲ့ရ။ ရှမ်းပဒေသရာဇ်တို့၏ မတရားမှုကိုသာ တွေ့ခဲ့ရလေသည်။
ဂျပန်ခေတ် ရောက်ပြန်တော့လည်း သူ့ကို သခင်အောင်ဆန်း၊ သခင်သန်းထွန်းစသူတို့က ဂိုလ်ဒင်ဗယ်လီ-ရွှေတောင်ကြားလမ်းတွင် သူ့အား စန္ဒယားတီးစေသလို နိုင်ငံရေးတာဝန်လည်း ပေးခဲ့ကြ ပြန်သည်။ သူမငြင်းသာ။ သို့သော် လက်နက်ကိုင်ပြီး ဂျပန်တော်လှန်ခြင်းကို သူမလုပ်တတ်။ သူ့အလုပ် မဟုတ်။ သူနှင့်လက်နက်မှာ ဘုန်းကြီးနှင့်ဘီး ဖြစ်၏။ ထို့ကြောင့် သူသည် မြေအောက်လုပ်ငန်းများတွင် ပါဝင်ခဲ့လေသည်။
ဒုတိယကမ္ဘာစစ်ကြီးပြီး၍ ဗမာနိုင်ငံသားတွေ လုံးဝလွတ်လပ်ရေးအတွက် တိုက်ပွဲဝင်ကြသော အခါတွင် ဆရာဒဂုန်တာရာသည် မာက်စ်ဝါဒကို အတော်လေ့လာမိပြီး ဖြစ်နေသည်။ ထို့ပြင် ထိုစဉ်က မာက်စ်ဝါဒီများနှင့်လည်း လည်ပင်းဖက်နေပြီ ဖြစ်သည်။ သို့ဖြင့် သူသည် သူသန်ရာ စာပေနယ်တွင် တခေတ်ထူတော့သည်။ စာပေသစ်ခေတ်။ သူ၏ တာရာမဂ္ဂဇင်းသည် နောင် ဆယ်စုနှစ်ပေါင်းများစွာ ဆက်လက်ထွန်းတောက် အလင်းရောင်ပေးနေခဲ့သည်။ ထုတ်ပြီးနောက် နှစ်ပေါင်း ၃-၄ ဆယ်ကျော် သောအခါ စာပေ၀ါသနာပါသူများက တာရာမဂ္ဂဇင်း အဟောင်းများကို ဈေးကြီးပေးကာ တခုတ်တရ ၀ယ်ယူစုဆောင်းနေကြသည်။
သို့သော် သူ၏စာပေခရီးသည် ပန်းခင်းသောလမ်း မဟုတ်ချေ။ စကတည်းက ဘက်စုံမှ တိုက်ခိုက်ခြင်းကို ခံခဲ့ရသည်။ အစိုးရအားကိုးဖြင့် တိုက်သူ၊ အဖွဲ့အစည်းအားကိုးဖြင့် တိုက်သူ၊ သံရုံးအားကိုးဖြင့် တိုက်သူ၊ တိုက်သူတွေက တကယ့်ကို စုံမှစုံ ဖြစ်သည်။ တလောက နီကိုရဲက ဆရာ့ကို တိုက်သည်ကို မြင်ရသောအခါ ရယ်ချင်မိသည်။ ဆရာ့အဖို့ တိုက်ခိုက်ခံရခြင်းဆိုသည်မှာ အဆန်း မဟုတ်။ နောက်ပြီး ဆရာ့ကို တချိန်က တိုက်ခိုက်ခဲ့သူများမှာ နီကိုရဲလို သာမညောင်ည ကလောင်ရှင်များ မဟုတ်။ ထိုစဉ်က ဗမာပြည် စာပေလောက၌ ထိပ်တန်းရောက်နေသူများ ပါဝင်သည်။ (နာမည်တွေမဖော်တော့ပါ) သို့သော် ဆရာက ထိုသူများနှင့် အခြေအတင် ငြင်းခုန်နေမှုတွင် အချိန်ဖြုန်း တီးတာ မလုပ်။ သူလုပ်စရာ ရှိသည်ကိုသာ လုပ်သည်။
ထို့ပြင် ဆရာသည် "စာပေနှင့် နိုင်ငံရေးမရောယှက်သင့်" ဟူသော ပြောဆိုတိုက်ခိုက်မှု အကြားကပင် ကမ္ဘာ့ငြိမ်းချမ်းရေး၊ ပြည်တွင်းငြိမ်းချမ်းရေး လှုပ်ရှားမှုများတွင် တက်ကြွစွာ ပါဝင်ခဲ့သည်။ ဆရာကြီးသခင်ကိုယ်တော်မှိုင်းအပါးမှာ မားမားရပ်ခဲ့သည်။ ဗိုလ်ချုပ်ကျော်ဇော၊ ဗန်းမော်တင်အောင်၊ ဒေါက်တာဆင်ဖိုး၊ ၀တ်လုံဦးထွန်းတင် စသူတို့နှင့်အတူ ဗောဓိပင်ရုပ်ပုံပါ အလံအောက်တွင် လှုပ်ရှား တိုက်ပွဲဝင်ခဲ့သည်။ ထိုစဉ်က ခေတ်စားခဲ့သော ကိုမြတ်လေး၏ သီချင်းတပုဒ်ထဲကလိုပင် သူသည် 'ငြိမ်းချမ်းရေးအတွက်အေးလျက်မနေသာပြီ' ဖြစ်ခဲ့သည်။
စာရေးဆရာအသင်း၊ စာပေသမဂ္ဂ စတာတွေမှာလည်း သူဟာ သူယုံကြည်ရာ အမှန်တရားဖက် က မတုန်မလှုပ်ရပ်တည်သူ ဟူ၍ နာမည်ရခဲ့သည်။ သူ့ကို စာပေသဘောတရားအရ၊ နိုင်ငံရေးအရ တိုက်ခိုက်လို့ မနိုင်ကြသောအခါ လူပုဂ္ဂိုလ်အရ တိုက်ခိုက်ခြင်းများပင် ပြုလုပ်ခဲ့ကြသည်။ ဆံပင်ဖြူဖြူ၊ မျက်စေ့မှုံမှုံနှင့် လူကြီးကတော့ ၂၁ ရာစုအတွင်းသို့ ပန်းပန်လျက် ချီတက်ခဲ့သည်။ နှစ်စဉ် သူ့မွေးနေ့ ရောက်တိုင်း စာပေအနုပညာသည်များက သူ့ကိုသွားပြီး ဂါရ၀ပြုနေကြသည်။
အနီတစ္ဆေ အမြဲခြောက်ခံနေရသော ဖဆပလအစိုးရနှင့် မဆလအစိုးရတို့သည် ဒုတိယကမ္ဘာ စစ်၏နောက်ပိုင်း အမေရိကန်နိုင်ငံတွင် မက္ကသီဝါဒဖြင့် ကွန်မြူနစ်နှိမ်နင်းရေး လုပ်ခဲ့သလို၊ ဗမာပြည် တွင်လည်း ကွန်မြူနစ်ဆန့်ကျင်ရေးကို အရေးတကြီး လုပ်ငန်းကြီးတရပ်အဖြစ် လုပ်ခဲ့ကြသည်။ ထို အာဏာရှိသူများက သူ့ကို 'အနီ' ဟုသတ်မှတ်ကာ မျက်စေ့ဒေါက်ထောက် ကြည့်နေခဲ့သည်။ ၀န်ကြီးက လှောင်၊ သံရုံးကပြောင်ခြင်းများ ခံခဲ့ရသည်။ ၁၉၆၃ ခုနှစ် ငြိမ်းချမ်းရေး ဆွေးနွေးပွဲများ ပျက်သောအခါ သူ့ကို အင်းစိန်ထောင်ထဲ ထည့်လိုက်ကြလေသည်။ သူကတော့ ဆိတ်ဖလူးနံ့ကိုသာ အာရုံပြုနေခဲ့ သည်ဟု ဆိုသည်။
ဆရာ ဒဂုန်တာရာ ဘ၀ကို ပြန်ကြည့်လိုက်ရင် ဗမာပြည်လိုနိုင်ငံမှာ ကိုယ့်လိပ်ပြာကိုယ် ရှက်တတ်သူတယောက်၊ ဘယ်လိုဘယ်ပုံနဲ့ လက်ဝဲစာရေးဆရာဟု အသတ်မှတ်ခံလာရသည်၊ လူထု တိုက်ပွဲတွေထဲ ပါလာသည်၊ ထောင်ထဲရောက်ရသည် ဆိုတာတွေကို တွေ့ရပါမည်။ တရုတ်စကားပုံများ တွင် 'သူရဲကောင်းဆိုတာ တွန်းပို့ခြင်းခံရသူ' ဟူ၍ ရှိပါသည်။ ဆရာသည်လည်း ကဗျာလေးရေး၊ ပန်းချီလေးဆွဲ၊ စန္ဒယားလေး တီးနေချင်သော်လည်း ထောင်နှစ်ရှည်ကျသည်အထိ နိုင်ငံရေးလုပ်လာ သည့် ဘ၀ကို ရောက်လာပုံ တွေ့ရပါမည်။ ထို့ပြင် သူ၏ နိုင်ငံရေးတွင်ပါဝင်မှုမှာလည်း ဒုတိယကမ္ဘာစစ် အစပိုင်းမှစလို့ ထောင်ထဲရောက်တဲ့အထိ တဆင့်ပြီးတဆင့် မြင့်တက်လာသည်။ နိုင်ငံရေးနယ်ပယ်နှင့် အဝေးကနေ အနီးသို့ ရောက်လာခဲ့သည်။ အပြင်ကနေ အတွင်းသို့ ရောက်လာခဲ့သည်။
ဤစာကိုရေးရင်း ကျနော့်ဖာသာ အချက်တချက် စဉ်းစားနေမိသည်။ စာဖတ်သူလည်း စဉ်းစား ကြည့်စေချင်ပါသည်။
အကယ်၍သာ ဒဂုန်တာရာဆိုသော ပုဂ္ဂိုလ်ကြီးသည် သခင်အောင်ဆန်း၊ သခင်ဗဟိန်း၊ သခင်သန်းထွန်း စသူတို့နှင့် မပေါင်းမိခဲ့လျင်-
အကယ်၍သာ ဒဂုန်တာရာသည် တာရာမဂ္ဂဇင်းကို မထုတ်ဝေခဲ့လျင်-
အကယ်၍သာ ဒဂုန်တာရာသည် ကမ္ဘာ့ငြိမ်းချမ်းရေး၊ ပြည်တွင်းငြိမ်းချမ်းရေး လှုပ်ရှားမှုများတွင် ဆရာကြီးသခင်ကိုယ်တော်မှိုင်းနောက်က မလိုက်ခဲ့ဘူးဆိုလျင်-
အကယ်၍သာ ဒဂုန်တာရာသည် ဆိတ်ဖလူးနံ့သင်းသော နေရာသို့ ရောက်မသွားခဲ့လျင်-

တာရာလင်းယုန်။
၂၀၀၈၊ မတ်လ။

Friday, April 29, 2011

မောင်ချမ်းသာ(ဆိုက်ကား)နှင့် မနှင်းပုလဲ(ပဲပြုတ်)တို့၏ မင်္ဂလာဆောင်
ရေးသူ- မောင်ကိုယု



တရားသူကြီး သုံးယောက်ရှေ့တွင် မောင်ချမ်းသာနှင့် မနှင်းပုလဲတို့ ခပ်ယို့ယို့လေး ရပ်နေကြသည်။
မောင်ချမ်းသာက ခေါက်ရိုး မပြေသေးသော လုံချည်အသစ်စက်စက်ကို သလုံးသားပေါ်အောင် ၀တ်ထား၏။ လျှော်ပြီးသား အင်္ကျီလက်ရှည် အဖြူကို လက်တ၀က် ခေါက်၍ ထား၏။
မနှင်းပုလဲကတော့ မော်ရေးရှံ သက်တံရောင်နှင့် အပေါ်က အိရှံအဖြူလက်စကနှင့် ဖြစ်သည်။
သူတို့ နောက်တွင်တော့ မောင်ချမ်းသာ၏ ရောင်းရင်းများက ၀ါး ဦးထုပ်၊ စစ်ဦးထုပ် အစိမ်းပျော့ စသည့် ခေါင်းဆောင်း အမျိုးမျိုးကို လက်တွင်ကိုင်၍ စုပြုံ ရပ်နေကြ၏။
တရားရုံးရှေ့တွင်တော့ ဆိုက်ကားများ တန်းစီ ရပ်ထားသည်။


ယနေ့သည် ဆိုက်ကားသမားလေး မောင်ချမ်းသာနှင့် မနှင်းပုလဲတို့၏ လက်ထပ်မင်္ဂလာပွဲ ဖြစ်ပါသည်။
အလယ်ထိုင် နာယကကြီးက ရှေ့ဖတ်စာရေး ကမ်းပေးသော ရွှေရောင်ဖြင့် ရိုက်ထားသည့် လက်ထပ်စာချုပ် ကပ်ထူရွက် နှစ်ရွက်ကို အသေအချာ စစ်ဆေးကြည့်နေ၏။
'အဘ ဦးသူတော်၏သား မောင်ချမ်းသာ အသက် ၂၆ နှစ်၊ ဟုတ်သလား'
နာယကကြီးက စာချုပ်တွင်ပါသည်များကို ဖတ်၍ လှမ်းမေးလိုက်ရာ မောင်ချမ်းသာက မ၀ံ့မရဲ ခေါင်းညိတ်ပြသည်။
'အလုပ်က ဆိုက်ကား နင်းတယ်နော်'
မောင်ချမ်းသာ ခေါင်းညိတ်ရပြန်သည်။
'အဘ ဦးကွန်ပါ၏ သမီး မနှင်းပုလဲ၊ အသက် ၂၂ နှစ်၊ အလုပ်အကိုင် ပဲပြုတ်ဈေးသည်၊ ဟုတ်တယ်နော်'
မနှင်းပုလဲက ဘာပြန်ပြောရမှန်းမသိသဖြင့် မောင်ချမ်းသာကို လှမ်းကြည့်၏။ မောင်ချမ်းသာက လက်တို့၍ ခေါင်းညိတ်ပြသည်။ မနှင်းပုလဲက တရားသူကြီးဘက်လှည့်ပြီး ကမန်းကတန်း ခေါင်းညိတ်ပြလိုက်၏။
'အခု မင်းတို့နှစ်ဦး သဘောတူ လက်ထပ်ကြမယ် ဟုတ်ပြီလား'
နှစ်ယောက်လုံးက 'ဟုတ်ကဲ့' ဟု သံပြိုင် ဖြေလိုက်ကြသည်။
'မနှင်းပုလဲက အခု လက်ထပ်တာ ဘယ်သူ့ရဲ့ သွေးဆောင် ဖြားယောင်းခြိမ်းခြောက်ခြင်းမှ မရှိဘဲ မိမိရဲ့ ကင်းလွတ်တဲ့ ကိုယ်ပိုင်ဆန္ဒနဲ့ သဘောတူတာလား၊ ဒါမှမဟုတ် တစုံတယောက်ရဲ့ ခြိမ်းခြောက်မှု၊ သွေးဆောင်မှု၊ ဖြားယောင်းမှုကြောင့် လက်ထပ်ရတာလား ဆိုတာကို ဖြေပါ'
မနှင်းပုလဲက ဘာမှမဖြေဘဲ မောင်ချမ်းသာ ဘက်သို့သာ လှည့်ပြီး ငေးကြည့်နေသည်။
မောင်ချမ်းသာက ပခုံးချင်းတိုက်၍ မျက်ရိပ်ပြလိုက်၏။
'ကျွန်မ ကြိုက်လို့ ယူတာရှင့်'
နောက်က ဆိုက်ကားအဖွဲ့က '၀ါး' ခနဲ ရယ်လိုက်သဖြင့် နာယကကြီးက ခပ်တည်တည် လှမ်းကြည့် လိုက်သောအခါ မျက်နှာပိုးသတ်၍ ငြိမ်သွားကြသည်။
ဤလက်ထပ်ပွဲကို ကမကထ ပြုလုပ်ပေးခဲ့သော ရှေ့ဖတ်စာရေးမှာ ရယ်ချင်နေသော မျက်နှာထားကို ခေါင်းငုံ့၍ ဟန်ဆောင်ထားရသည်။
'ကဲ.. ကဲ.. ဟုတ်ပါပြီ၊ ဟုတ်ပါပြီ၊ လာ လာ ဒီမှာ လက်မှတ်ထိုးကြ'
လက်မှတ်ထိုးရမည့် နေရာကို ရှေ့ဖတ်စာရေးက ထောက်ပြသည်။ မောင်ချမ်းသာက အလျင် လက်မှတ်ထိုး၏။ ဒုတိယ မနှင်းပုလဲက တုန်တုန်ယင်ယင်နှင့် လက်မှတ်ထိုးရာ တလုံး တလုံးကို အတော်ကြာကြာ ရေးနေရ၏။ တရားသူကြီးများက စိတ်ရှည်စွာ စောင့်ကြည့်နေကြ၏။
'သက်သေနှစ်ယောက် လာ လက်မှတ်ထိုးပါ' ဟု ရှေ့ဖတ်စာရေးက ခေါ်လိုက်ရာ၊ အောင်ဗလနှင့် လှကြည်တို့ နှစ်ယောက် အလုအယက် ထွက်လာကြပြီး သူအလျင် ကိုယ်အလျင် လုပ်နေကြသေးသည်။ နောက်မှ လှကြည်က အလျင် လက်မှတ်ထိုးဖြစ်သည်။

xxxxx xxxxx xxxxx

လက်မှတ်ထိုးခြင်းကိစ္စ ပြီးစီးကြသဖြင့် သတို့သားနှင့် သတို့သမီး တွဲ၍ ဆိုက်ကားအဖွဲ့ ခြံရံပြီး ရုံးတွင်းမှ ထွက်လာကြ၏။
အောင်ဗလက သပြေပန်းတွေ ဝေေ၀ဆာဆာ လက်ကိုင်ထိပ်၌ ထိုးစိုက်ထားသော ဆိုက်ကားကို အလျင်ဆုံးထုတ်၍ လမ်းပေါ်တွန်းတင်လိုက်သည်။ ထိုဆိုက်ကားသည် သတို့သား မောင်ချမ်းသာပိုင် ဆိုက်ကားဖြစ်သည်။ အောင်ဗလက နေ့စဉ် သူနင်းနေကျ ဆိုက်ကားကို ယနေ့အဖို့ ဆိုက်ကားပိုင်ရှင်အိမ်က ထုတ်ယူမလာပေ။ မောင်ချမ်းသာ၏ ဆိုက်ကားကို ယူကာ နင်းပေးရမည် ဖြစ်၍ ဖြစ်၏။
အောင်ဗလနင်းသော ဆိုက်ကားပေါ်သို့ မောင်ချမ်းသာနှင့် မနှင်းပုလဲတို့ တက်ကြသည်။ မောင်ချမ်းသာ က ရှေ့ထိုင်ခုံမှာ နေရာယူ၍ မနှင်းပုလဲက နောက်ဘက်ခုံတွင် ယို့ယို့ကလေး ထိုင်လိုက်၏။ သူတို့နောက်မှ ဆိုက်ကား ဆယ့်နှစ်စီးက တန်းစီ၍ နေရာယူလိုက်ကြသည်။ တရားရုံးရှိ လူအားလုံးတို့သည် ထူးဆန်းသော မင်္ဂလာပွဲကြီးကို ပြုံးကာ ပြုံး၊ ရယ်ကာရယ်ဖြင့် ကြည်နူးစွာ လှမ်းကြည့်ကြလေ၏။
ဆိုက်ကား စထွက်တော့ အောင်ဗလက သူ၏ ညာဘက်လက်ကိုင်တွင် တပ်ဆင်ထားသော ခေါင်းလောင်းကို အဆက်မပြတ်တီးရင်း နင်းလာသည်။
'ဟေ့ကောင်အောင်ဗလ၊ ဘာလုပ်တာလဲကွ၊ လူတွေ ကြည့်နေကြပြီ၊ ရှက်စရာကြီး'
'ဟေ့ကောင် ချမ်းသာ၊ ငြိမ်ငြိမ်လိုက်လာစမ်း၊ တရုတ်မင်္ဂလာဆောင်ဆိုရင် ကားဟွန်းသံတွေ တညံညံနဲ့ ဒီလောက်တီးလာတာပဲကွာ'
'သူတို့က ကားကွ'
'တို့လည်း တို့အထွာနဲ့ တို့ပေါ့ကွ၊ ဘီးပါတာပဲ၊ သူတို့က မော်တော်ကား၊ တို့က ဆိုက်ကား... ဟား... ဟား... ဟား...'
'ငါ မျက်နှာ ပူတယ်ကွ'
'မျက်နှာပူရင် မင်းနားရွက်ကားသားပဲ၊ နားရွက် နှစ်ဖက်နဲ့ ကာထားပေါ့ကွ'
'အစ်ကို... လုပ်ပါဦး၊ အစ်ကို့ လူတွေက အော်ကြီးဟစ်ကျယ်နဲ့၊ ရှက်စရာကြီး'
မနှင်းပုလဲက နောက်မှ လှမ်းပြောသည်ကို နောက်ဆိုက်ကားနင်းလာသူ ကြည်မြင့်က ကြားသွားဟန်တူသည်။
'တို့ကတော့ အော်ကြီးဟစ်ကျယ်ပဲဟေ့၊ လမ်းထောင့်က ဆိုက်ကားဂိတ်ဆိုတော့ ဆူဆူညံညံ ကားသံ၊ လူသံတွေ ကြားထဲမှာ ပြောရ ဆိုရမို့ အော်ပြောရတာ အကျင့်ဖြစ်နေပြီ၊ ရှက်ရင် ခေါင်းငုံ့ပြီး လိုက်လာ၊ ရောက်တော့မယ်'
'ဒီကလဲ ခုနစ်အိမ်ကြား ရှစ်အိမ်ကြား အော်ပြီး ဈေးလိုက်ရောင်းရတဲ့ ပဲပြုတ်သည်ပါပဲ တော်၊ အခုဟာက လွန်လွန်းလို့'
မနှင်းပုလဲဆီက အသံထွက်လာခြင်းမဟုတ်ပါ။ စိတ်ထဲက ရန်တွေ့ လိုက်ခြင်း ဖြစ်သည်။
နောက်ဘက်မှ ဆိုက်ကားများသည်လည်း ဟွန်းနှိပ်သူနှိပ်၊ ခေါင်းလောင်းတီးသူတီးဖြင့် တသီတတန်းကြီး ဆူညံစွာ ထွက်လာကြလေသည်။
လမ်းတလျှောက် လူများ ထွက်ကြည့်နေကြသဖြင့် မောင်ချမ်းသာနှင့် မနှင်းပုလဲမှာ ရှက်လွန်း၍ ခေါင်းငုံ့ပြီးသာ လိုက်လာကြရလေသည်။

xxxxx xxxxx xxxxx

အိမ်ကလေးပေါ်သို့ စုပြုံ တက်လာကြသော အဖွဲ့ကြီးကို ကြည့်၍ မနှင်းပုလဲ၏အမေ ဒေါ်အေးမမှာလည်း အလိုလို ရွံ့သလိုလို ဖြစ်ပြီး ခေါင်းရင်းဘက် ဘုရားစင်ရှိရာ အောက်ဘက်သို့ ယို့ယို့ကလေး သွားထိုင်နေလေသည်။
လူဆယ့်ငါးယောက်၏ အလေးချိန် ဒဏ်ကြောင့် အိမ်ကလေးမှာ ယိမ်းထိုး လှုပ်ခါနေသည်။
'ဟဲ့.... ဟဲ့.... အ်ိမ်ပြိုပါ့မယ်'
အိမ်မှာ ထိုင်စောင့်နေကြသော မနှင်းပုလဲ၏ မိတ်ဆွေ အမျိုးသမီး အုပ်စုထဲမှ တယောက်က အော်လိုက်သည်။
'ကဲ... ကဲ... အခန်းအပ်ပြီး မင်္ဂလာသြဘာစကား ပြောရမယ်'
အောင်ဗလက အခန်းဝမှနေ၍ သံနေသံထားဖြင့် ဟန်ပန်ထုတ်၍ မိန့်ခွန်းခြွေရန် ပြင်လိုက်သည်။
'ဟေ့... အောင်ဗလ မင်းက ကြီးကြီးကျယ်ကျယ် ဘာတတ်လို့ ပြောမှာလဲ၊ မလိုပါဘူးကွ၊ သူတို့နှစ်ယောက်ထားခဲ့၊ တို့က မရီဆိုင် ပြေးပြီး မင်္ဂလာအောင်ပွဲလေး ကျင်းပမယ်၊ ဒါပဲ'
လှအောင်က ကပြင်တွင် ထိုင်နေလျက်က လှမ်းကန့်ကွက်နေ၏။
'နေပါဦးကွ၊ ငါ့ ဆိုက်ကားရှင်သမီး သမ္မတမှာ လက်ထပ်တုန်းက သြဘာမင်္ဂလာစကားပြောတာ ကြားဖူးလို့ပါ့၊ ငါပြောတတ်ပါတယ်ကွ'
'ကဲ... ဒါဆို ပြောကွာ မြန်မြန်၊ ငါ လေပျို့လာပြီ'
ကိုချစ်တီးက နောက်ကျနေသဖြင့် လှေကားအ၀တွင် တစ်ဆို့ကြီး ရပ်နေလျက်က လှမ်းပြောလိုက်၏။
'ဒီလိုပါ ခင်ဗျ၊ အခု မင်္ဂလာလက်ထပ်ပွဲကတော့ ဆိုက်ကားပိုင်ရှင် မော်ချမ်းသာနှင့် ပဲပြုတ်ပိုင်ရှင် မနှင်းပုလဲတို့ရဲ့...'
'ပဲပြုတ်တောင်း ပိုင်တယ်ပြောပါကွ'
'ဟုတ်ကဲ့၊ ပဲပြုတ်တောင်းပိုင်ရှင် မနှင်းပုလဲတို့ရဲ့ မင်္ဂလာလက်ထပ်ပွဲ ဖြစ်ပါတယ်'
'တော်ပြီဟေ့ သွားမယ်၊ ချမ်းသာ ပေးထားတဲ့ ခဲဖိုးပိုက်ဆံ ဘယ်သူ့ဆီမှာလဲ ဟေ့'
'ကျုပ်ဆီမှာပါဗျ'
လှအောင်က ပြောရင်း အင်္ကျီအိတ်ကို ပုတ်ပြလိုက်သည်။
ဆိုက်ကား အဖွဲ့ကြီးက ဘဲလ်သံ ဆူညံစွာဖြင့် ထွက်ခွါသွားကြလေသည်။ မောင်ချမ်းသာတို့ နှစ်ယောက် အခန်းဝတွင် မောမောပန်းပန်း ထိုင်ချလိုက်ကြတော့သည်။
'အဲဒီလူတွေ ရုတ်ရုတ် လုပ်တာနဲ့ ကြိုးလည်း မတားလိုက်ရပါဘူးနော်' ဟု ဒေါ်မြမြ ခေါင်းဆောင်သော အမျိုးသမီးတစု ရယ်ရယ်မောမောဖြင့် ထွက်သွားကြလေသည်။

xxxxx xxxxx xxxxx

ဒေါ်အေးမကလည်း အလိုက်သိစွာ ဘေးအဖီ မီးဖိုဘက်သို့ ထွက်သွားသည်။
မနှင်းပုလဲသည် အခန်းတွင်းသို့ မရဲတရဲ လှမ်းကြည့်လိုက်၏။ ပြီးတော့ ရှက်စနိုးဖြင့် ခေါင်းငုံ့နေသည်။ ဤအခန်းသည် မနေ့ကအထိ သူ့အမေနှင့် သူ အိပ်နေကျ အခန်းဖြစ်၏။ ယခုတော့ ဤအခန်းပင် သူ့အတွက် မင်္ဂလာအခန်း ဖြစ်နေ၏။
အမေ့အိပ်ရာ ဖျာလိပ်က အိမ်ရှေ့ခန်း ခေါင်းရင်းဘက်တွင် လိပ်လျက်သား တွေ့ရ၏။
အခန်းတွင်းမှာတော့ နံနက်က မိမိကိုယ်တိုင် အိမ်ဘေးက မမြနဲ့အတူ ပြင်ဆင်ထားသော အိပ်ရာ အသစ်စက်စက်ကို တွေ့ရ၏။ နှစ်ယောက်အိပ်ဖျာချော အသစ်စက်စက်ပေါ်တွင် ရွှေဘုံသာလမ်းက ဆိုက်ကားအုပ်စုက လက်ဖွဲ့အဖြစ်ဝယ်ပို့ထားသော ခေါင်းအုံးအသစ်စက်စက်နှစ်လုံးနှင့် ခြေရင်းတွင် အညာစောင် အသစ်စက်စက်က ခေါက်လျက် ပုံချထားသည်။ စိန်ဂျွန်းဈေးက အမေ သွားဝယ်ပေးထားသော နှစ်ယောက်အိပ် နိုင်လွန်ခြင်ထောင် ပန်းရောင်က အပေါ်ကမိုးလျက်...။
နံရံဘေးတွင် မနေ့က ကိုချမ်းသာ လာပို့ထားသော ဆေးပြယ်စ ပြုပြီဖြစ်သည့် အနက်ရောင် သံသေတ္တာ အဟောင်းတခုကလည်း အခန်းအတွင်း ပစ္စည်းအသစ် ဖြစ်သည်။ မိမိ အ၀တ်များထည့်သည့် ထန်းခေါက်ဖာက ခြေရင်းထောင့်တွင် ယခင်နေရာအတိုင်း ဖြစ်၏။ အမေ့သံသေတ္တာကလည်း ယခင်နေရာဟောင်းမှာ....။
မောင်ချမ်းသာက ပြုံးပြုံးကြီး မနှင်းပုလဲကို ကြည့်နေ၏။
'ဘာကြည့်တာလဲ'
မနှင်းပုလဲက မျက်စောင်းထိုး၍ မေ့မေ့လျော့လျော့ နှုတ်ခမ်းစူထားရမည့်အစား ပြုံးလိုက်မိ၏။
'အဟင်း... ဟင်း.. ဘာလုပ်ရမှန်းမသိလို့'
'ခစ်..ခစ်...ခစ်...'
မနှင်းပုလဲက ပါးစပ်ကို လက်နှင့်အုပ်ပြီး ရုတ်တရက် အဆက်မပြတ် ရယ်ချလိုက်၏။
'ဘာရယ်တာလဲ ဟ'
မောင်ချမ်းသာက မလုံမလဲ ပြုံးဖြဲဖြဲနှင့် လှမ်းမေးသည်။
'ဘာမှမဟုတ်ပါဘူး၊ တခြားပါ'
ခုမှ တကယ် ရယ်စရာ တွေ့လိုက်ရ၍ မနှင်းပုလဲ ရယ်လိုက်ခြင်း ဖြစ်သည်။ ယခင်က အမှတ်တမဲ့ ဖြစ်ခဲ့ပြီး ယခု လမ်းမှာ ကိုအောင်ဗလ ပြောမှ သတိထားကြည့်လိုက်မိသည်။ ကိုချမ်းသာ နားရွက်ကြီးက တကယ် ရယ်စရာ ကောင်းအောင် ကားကားကြီး တွေ့နေရ၏။ သို့သော် လူကြီးသူမများက ပြောဖူးသည်။ နားရွက်ကောင်းရင် ဥာဏ်ကောင်းသည်ကို...။
'ဟုတ်မှာပါပဲ၊ ဒါကြောင့် အစ်ကိုက ကိုယ်ပိုင် ဆိုက်ကားနဲ့ ဘာနဲ့ ဖြစ်နေတာ'
မနှင်းပုလဲ မျက်နှာပိုး ပြန်သတ်သွားသည်။

xxxxx xxxxx xxxxx

'နှင်းပုလဲဆိုတဲ့ နာမည်က ဆန်းတယ်ဟ၊ နင်နဲ့လိုက်တယ်၊ နင့်ကို ဘာကြောင့် ဒီနာမည် မှည့်ပေးတာလဲ... ဟင်'
'အို အကိုကလဲ၊ ကျွန်မကို နှင်းပုလဲမှာ မွေးတာတော့၊ ဒါကြောင့် အဖေက လွယ်လွယ်ပဲ နှင်းပုလဲလို့ ပေးလိုက်တာ'
'ဟာ... စိတ်ကူးပျက်လိုက်တာဟာ၊ ငါက ပုလဲလေးလို နင်က ဖြူလို့ ပေးတာလားလို့ သဘောကျနေတာ'
'ကျွန်မက ဖြူမှ မဖြူတာ၊ အစ်ကို မြင်တဲ့ အတိုင်းပဲဟာ'
'ငါ့မျက်စိထဲကတော့ ဖြူနေတာပဲဟာ'
'ပို မနေစမ်းပါနဲ့'
'မပိုပါဘူးဟ၊ ဟောဒီမှာ'
'အို.... ကြည့်စမ်း.... ခစ်..ခစ်..'
အိမ်ရှေ့ခန်းက အမေ ဒေါ်အေးမက ချောင်းတချက် ဆိုးလိုက်၏။ ဤတော့မှ အခန်းထဲမှ မနှင်းပုလဲတို့၏ အသံ တိတ်သွားလေသည်။

xxxxx xxxxx xxxxx

ခြင်္သေ့မင်း လက်ဖက်ရည်ဆိုင်တွင် မနှင်းပုလဲအတွက် နံပြားစောင့်ရင်း မောင်ချမ်းသာနှင့် မနှင်းပုလဲတို့ လက်ဖက်ရည် ထိုင်သောက်နေကြ၏။ ဆိုက်ကားရှေ့ခုံပေါ်တွင်တော့ မနှင်းပုလဲ၏ ပဲပြုတ်တောင်းကား အငွေ့တထောင်းထောင်းနှင့်....။
မောင်ချမ်းသာသည် ဤ လက်ဖက်ရည်ဆိုင်ကလေးက စ၍ မိမိနှင့် မနှင်းပုလဲတို့ ရေစက်ဆုံစည်းမိ ကြသည်ကို ပြန်လည်တွေးနေမိ၏။
မောင်ချမ်းသာသည် တကောင်ကြွက်၊ ဆွေမရှိမျိုးမရှိ။ ရန်ကုန်တွင် မြို့သစ်လေး၌ ဆိုက်ကားနင်းစားသူ ဖြစ်သည်။ မိမိ၏ ကြိုးစားမှု၊ ချွေတာမှု၊ လိမ္မာမှုကြောင့် သူတပါးဆိုက်ကားကို နေ့ပေးအငှား နင်းလာခဲ့ရာမှ ဆိုက်ကားတစီး ကိုယ်ပိုင်ဖြစ်လာသူ ဖြစ်၏။ မိမိနှင့် ဘ၀တူ ဆိုက်ကားဆရာ ကိုချစ်တီးအိမ်တွင် တလ လေးဆယ်ပေးပြီး နေခဲ့သူ ဖြစ်၏။
မနက်စောစော ဆိုက်ကားနင်းထွက်လာပြီး ဤလက်ဖက်ရည်ဆိုင်တွင် လက်ဖက်ရည်တခွက် မှန်မှန် သောက်နေကျ ဖြစ်၏။ မနှင်းပုလဲကလည်း အခြား ပဲပြုတ်သည်များနှင့် အတူတူ ဤလက်ဖက်ရည်ဆိုင်၌ နံပြားဝယ်နေကျ ဖြစ်၏။
မောင်ချမ်းသာက မနှင်းပုလဲကို နံနက်တိုင်း တွေ့နေ မြင်နေရာမှ မျက်စိကျလာသလို မနှင်းပုလဲကလည်း မောင်ချမ်းသာအပေါ် စိတ်ယိုင်လာခဲ့ခြင်း ဖြစ်၏။
ငယ်ငယ်ရွယ်ရွယ် သူများတကာလို နေ့စားအငှားနင်းတာ မဟုတ်ဘဲ ကိုယ်ပိုင်ဆိုက်ကားနှင့် တကိုယ်ရေ တကာယ နေသူဖြစ်မှန်း တခွန်းစ နှစ်ခွန်းစ မေးရင်း သိလာရတော့ အားကိုးလိုစိတ်ကလေးက ၀င်လာမိ၏။
နောက်တော့ သူတို့ချင်း သဘောမျှလာကြသည်။
အစ ပထမတွင် မောင်ချမ်းသာနောက်ပိုးပုံကလေးက ရယ်စရာကောင်း၏။
'ညီမ ပဲပြုတ်ကလေး ဆီဆမ်းပြီး နံပြားကလေးနဲ့ စားချင်တယ်ဗျာ။ ပဲပြုတ်နာမည်က ဘယ်လိုတဲ့တုံး'
'ပဲပြုတ်ပဲ နာမည်ရှိမလားတော့'
'အို... အို... ယောင်လို့၊ လူနာမည် မေးတာပါ'
မနှင်းပုလဲက လက်ဖက်ရည်ကြမ်းသောက်ရင်း ရယ်မိသဖြင့် သီးသွားသည်။
ယခုတော့ တူနှစ်ကိုယ် တစားပွဲတည်း ထိုင်၍ လက်ဖက်ရည် သောက်နေရပြီ ဖြစ်၏။

xxxxx xxxxx xxxxx

'ဟောဒီ လမ်းထိပ် ချပေးရင် တော်ပြီအကို'
နှင်းပုလဲက သူရောင်းနေကျ နှစ် ရပ်ကွက် လမ်းထိပ်သို့ ရောက်သောအခါ မောင်ချမ်းသာကို ဆိုက်ကားရပ်ခိုင်းသည်။
ဆိုက်ကားပေါ်မှ လှမ်းဆင်းလိုက်ပြီး ပေါင်ပေါ် တင်ထားသော ပဲပြုတ်တောင်းကို ခေါင်းပေါ် ခေါင်းအခုယူ၍ ရွက်လိုက်သည်။
'အကို သွားတော့လေ'
'နေပါဦးဟ၊ နင်အော်တဲ့ အသံလေးကြားချင်လို့၊ ပြီးတော့ ဘယ်အချိန် ဒီနေရာက လာကြိုရမလဲ ဆိုတာ မေးမလို့'
'အို... အကိုကလဲ ကျွန်မဘာသာ ပြန်ပါ့မယ်၊ ကိုယ့်အလုပ်ကိုယ် လုပ်စမ်းပါ၊ အလကား အမောခံပြီး လာကြို လာပို့ လုပ်နေရဦးမယ်၊ အကို အဲဒီအချိန် လူရနေတော့ ဘယ့်နှယ်လုပ်မလဲ'
'သူများ လွှဲပေးလိုက်မှာပေါ့ဟ၊ ပြောစမ်းပါ၊ ဘယ်အချိန် ပြန်လာစောင့်ရမလဲ'
'ကဲ... ကဲ... ကိုယ်တော်ရယ်၊ အကိုတော့ ပိုက်ဆံမရဘဲ မောနေရမှာ စိုးလို့ ပြောတာ၊ ခါတိုင်း တနာရီ ကျော်ကျော်လောက် လှည့်လိုက်ရင် ကုန်တတ်တာပဲ'
'ဒီလိုဆို ငါလာခေါ်မယ်၊ လုပ်ပါဟ၊ ငါကြားအောင် အော်လိုက်စမ်းပါဦး'
'ပိုလိုက်တာနော်'
နှင်းပုလဲက မျက်စောင်းလေး ပြုံး၍ ထိုးရင်း လမ်းကျဉ်းဘက်သို့ လှည့်ထွက်သွား၏။
'ပဲပြုတ်... နံပြား...'
မောင်ချမ်းသာအဖို့ကား နှင်းပုလဲ၏ အော်သံသည် မေဆွိသီချင်းသံထက် များစွာကောင်းကာ နားဝင်ချို သာယာလှပါသည်။
ကျေနပ်စွာပြုံး၍ ဆိုက်ကားကို မတ်တတ် အရှိန်ယူကာ နင်းချလိုက်ပြီးလျှင်-
'မောတော့ မောတာပေါ့၊ ဒါပေမယ့် မမောဘူး' ဟု သီချင်းကို ညည်းကာ ထွက်သွားလေသည်။
မနှင်းပုလဲသည် နောက်သို့ လည်ပြန်ကြည့်လိုက်ရာ ဆိုက်ကားဘီး ချိုင့်ထဲကျသွားသံကို ကြားရပြီး မြူနှင်းများ အကြားတွင် မှုန်၍ ပျောက်ကွယ်သွားသော လင်တော်မောင်အား သူရဲကောင်းကြီး စစ်မြေပြင်သို့ ထွက်သွားသည်ကို မျက်စိတဆုံး လှမ်းမျှော်၍ ကြည့်နေမိသော ဇနီးသည်ကဲ့သို့ ကျေနပ်ပီတိ ဖြစ်နေမိတော့၏။
'ပဲပြုတ်... နံပြား....'

မောင်ကိုယု
[မြတ်လေးမဂ္ဂဇင်း၊ မေ ၁၉၈၆]
{ရာပြည့်စာအုပ်တိုက်ထုတ် မောင်ကိုယု- သားပြန်လာရင် ပေးလိုက်ပါနှင့် မဂ္ဂဇင်းဝတ္ထုတိုများ စာအုပ်၊ ပထမအကြိမ်၊ ဖေဖော်ဝါရီ၊ ၂၀၀၆ မှ ကူယူးဖော်ပြပါတယ်။}

Wednesday, April 27, 2011

အမှတ်တရ ရတုတွေ….
ရေးသူ - မေငြိမ်း





[လမင်းတရာက ထုတ်ဝေမယ့် '၆၀' စာအုပ်အတွက် ဆရာမ မေငြိမ်း ရေးပေးတဲ့ အမှတ်တရ စာစုတခု ဖြစ်ပါတယ်။ မာယာမှာ ကြိုတင် ဖော်ပြလိုက်ပါတယ်။]

ငယ်ငယ်လေး ကတည်းက ကျမ ဘာလုပ်ချင်ခဲ့သလဲလို့ ပြန်တွေးကြည့်တော့ ကျမက သူ့အချိန်နဲ့သူ ကြုံရာ စိတ်ကူးတည့်ရာကို လုပ်ခွင့် ရချင်ခဲ့တာပဲ ဆိုတာကို သတိထားမိတယ်…။
ငယ်ငယ်က ၈တန်းကျောင်းသူအရွယ်မှာ.. ကဗျာအတိုအစတွေ ဗလာစာအုပ် သပ်သပ်ထားပြီး ရေးတတ်နေပြီ။ နောက်တော့ ၁၀တန်းလောက်မှာ ၀တ္ထုတွေအဖတ်များပြီး ရည်းစားဆိုတဲ့ ဝေါဟာရမှာ စိတ်ကစားတတ်လာတော့ ရည်ရွယ်တဲ့သူ ရှိရှိ မရှိရှိ.. ရည်းစားစာ ကောင်းကောင်းတွေ ရေးနေတတ်ပြီ။ သူငယ်ချင်း ယောက်ျားလေး တွေအတွက် ရည်းစားစာတွေ ကူ ကူ ရေးပေးရတာလည်း မှတ်မိတယ်..။ နောက်တော့ အသက် ၁၇နှစ်လောက်.. တက္ကသိုလ်တက်စမှာ… အသည်းလည်း ကွဲတတ်ပြီ။

သေချာတာကတော့ အချစ်ဆိုတာအပေါ် သေသေချာချာ ပျော်ဝင်ခံစားတတ်တယ် ဆိုတာပါပဲ..။ အဲဒါကြောင့် ကြိုက်တဲ့ ၀တ္ထုတွေကတောင် အချစ်အပေါ် အခြေခံမှ ကြိုက်တာ..။

အသက် ၂၃နှစ်အရွယ်… အချစ်ဆိုတာကို အပြင်းထန်ဆုံး ခံစားလေ့တဲ့ အရွယ်မှာ အချစ်ဘ၀ဆိုတာ အိမ်ထောင်ရေးပဲလို့ မှတ်ထင်ခုန်ချခဲ့။ ဒါဟာ အချစ်တဲ့လားလို့ မူးမူးထွေထွေ သီချင်းတွေ အော်ဆို..။ အသည်းကွဲပေမဲ့.. ဒဏ်ရာရပေမဲ့.. နောင်တ မရတတ်ခဲ့…။

နောက်တော့….
ငယ်ငယ်က ချာတိတ်အရွယ် ကျောင်းနေတုန်း..
လူတကာလိုမဟုတ်ဘူး အရမ်းကိုဆိုး..
လူလိမ်မာတော့ မဖြစ်ချင်ခဲ့.. ခုတော့ ဘယ့်နှယ်လဲ…ဆိုတဲ့ ၀င်းမင်းထွေးနဲ့ ဇော်ဝင်းထွဋ်ရဲ့ ဂျစ်ပစီမိုးတိမ်က ကိုယ်နဲ့ လာအံကိုက်ခဲ့..။

ဂငယ်ကွေ့တွေအပြည့်နဲ့ လမ်းပေါ်မှာ.. လျှောက်ခဲ့ဖူးပြီလေ…
ငါနေထိုင်လာခဲ့တဲ့ နှစ်က ၃၀.. မယုံနိုင်ဘူး ရုပ်ရှင်ကြည့်ရသလို ဘ၀က ဆန်းကြယ်တယ်….။

တကယ်ပဲ ကိုယ့်ဘ၀ ဇာတ်အနာက ဒရာမာ ရုပ်ရှင်တကားလို…။ အံ့သြစရာ ကောင်းတာက အဲဒီ နာကျင်စရာ ဘ၀ကို စိတ်မနာဘဲ.. အဲဒီ ဖြတ်သန်းမှုကို အနုပညာတခုလို သဘောကျ..။ ဒါကြောင့်လည်း ရူးသွပ်နိုင်ခဲ့ပေတာ…။

ဒီလိုနဲ့.. ခုတော့ လူ့သက်တမ်းရဲ့ ၃ပုံ ၂ပုံ ကျိုးပြီ…။
၄၅ နှစ်မြောက်ဆိုတာ…. နီလာရတု..တဲ့။
အင်း.. တန်ဖိုးအားဖြင့် ရှိတန်သလောက်ရှိတဲ့ ကျောက်မျက်အပြာ..
သူ့အပြာက မှော်ဆန်တယ်.. အေးတယ်.. ရင့်မာတယ်… ပြီးတော့ ခိုင်ကျည်တယ်…။
ဒါဖြင့်.. ကိုယ်ကရော.. ၄၅ မှာ ခိုင်မာ တည်ငြိမ် အေးချမ်းပြီလား…။
ရောင့်ရဲ ကျေနပ်နိုင်မှုတွေ အရင်ကထက် ပိုများလာတာတော့ သေချာတယ်…
ဘ၀ထဲ ပို ပို နေပျော်လာတယ်…
လက်ရှိ ဖြစ်တည်မှုကို ချစ်တတ်လာတယ်…
အသက်ရှင် နေထိုင်မှုအတွက် မေတ္တာတရားသာ အရေးပါဆုံး လိုအပ်ချက်ရယ်လို့ အမြင် ပြတ်သားလာ တယ်…

လောကကို ကျေးဇူးတင်တတ် လာတယ်..
သဘာဝတရားကို ပို မြတ်နိုးတတ် လာတယ်..
သတ္တ၀ါတွေအပေါ် ပို ကြင်နာတတ်လာတယ်..
တန်ပြီ။

++++++

ချစ်ရတာတွေထဲမှာ မြို့မငြိမ်း ပါသလို.. The Beatles လည်း ပါတာပေါ့.. John Lennon လည်း ထိပ်ဆုံးနားမှာ ပါတာပေါ့..။ Imagine ကို သိပ် ယုံကြည်ကိုးကွယ်တာပေါ့…။ ပြောနိုင်ပါတယ်.. ကျမကိုလည်း အိပ်မက်သမား.. လို့။ ဒါပေမဲ့ ကျမလည်း ယုံတာပဲ.. ဒါဟာ လူတိုင်း နှစ်ခြိုက်နိုင်မယ့် လမ်းတလမ်းဆိုတာ…။

Imagine there's no Heaven
It's easy if you try
No hell below us
Above us only sky
Imagine all the people
Living for today

Imagine there's no countries
It isn't hard to do
Nothing to kill or die for
And no religion too
Imagine all the people
Living life in peace

You may say that I'm a dreamer
But I'm not the only one
I hope someday you'll join us
And the world will be as one

Imagine no possessions
I wonder if you can
No need for greed or hunger
A brotherhood of man
Imagine all the people
Sharing all the world

You may say that I'm a dreamer
But I'm not the only one
I hope someday you'll join us
And the world will live as one

+++++++

ဒီလိုနဲု့ နီလာရတု ကို ကျော်ဖြတ်လာရပြီဆိုတဲ့အခါမှာတော့ မကြာခဏ နားထောင်ရတဲ့ သီချင်းက When I’m 64 ဖြစ်သွားပြီ…။ Paul McCartney က ၆၄… ဆိုတဲ့ အသက် အပိုင်းအခြားကိုမှ ဘာလို့ ရွေးခဲ့လဲ.. ကျမ မသိပါ…။ ဒါပေမဲ့…

When I'm sixty-four (The Beatles)

When I get older losing my hair,
Many years from now,
Will you still be sending me a valentine
Birthday greetings bottle of wine?

If I'd been out till quarter to three
Would you lock the door,
Will you still need me, will you still feed me,
When I'm sixty-four?

oo oo oo oo oo oo oo oooo
You'll be older too, (ah ah ah ah ah)
And if you say the word,
I could stay with you.

I could be handy mending a fuse
when your lights have gone.
You can knit a sweater by the fireside
Sunday mornings go for a ride.

Doing the garden, digging the weeds,
Who could ask for more?
Will you still need me, will you still feed me,
When I'm sixty-four?

Every summer we can rent a cottage
In the Isle of Wight, if it's not too dear
We shall scrimp and save
Grandchildren on your knee
Vera, Chuck, and Dave

Send me a postcard, drop me a line,
Stating point of view.
Indicate precisely what you mean to say
yours sincerely, Wasting Away.

Give me your answer, fill in a form
Mine for evermore
Will you still need me, will you still feed me,
When I'm sixty-four?
Whoo!

တကယ်ပဲ အသက် ၆၄မှာ ကျမ ဆံပင်ဖြူတွေ ကျွတ်နေရော့မယ်…
ခြေလက်တွေလည်း အားလျော့လို့…
မျက်လုံးတွေက ဝေသီလို့..

ခုလို ညနေခင်း ၀ိုင်တူတူသောက်ရင်တောင်မှပဲ ခပ်ပါးပါးတခွက်ဆို ကျမမူးပြီး စောစောအိပ်ချင် လာတော့မယ်..။ ခုလို စကားတွေဖောင်ဖွဲ့ ပြောနိုင်ပါဦးမလား..။

အဲဒီအခါ ချစ်တဲ့သူက ဟိုးတုန်းကထက် မလျော့တဲ့ ချစ်ခြင်းနဲ့ ချစ်ဖို့ဆိုရင်တော့ဖြင့် မေတ္တာတရား ကိုသာ အားကိုးရပေတော့မယ်..။

အသက် ၆၄နှစ်မှာတော့ ခြံဝန်းကျယ်ကြီးထဲ တနိုင်တပိုင် စားပင် သီးပင်ကလေးတွေ စိုက်လို့ နေချင်တယ်..။ မနက်ခင်းတွေမှာ ခြံထဲ သစ်ပင်အောက်မှာ .. နေရောင်ခံရင်း အဖိုးကြီး အဖွားကြီး နှစ်ယောက် လဘက်ရည်သောက်မယ်.. ငှက်ကလေးတွေ ကြည့်မယ်… ပန်းပင်တွေ ကြည့်မယ်..။ ပြီးရင် အဖိုးကြီးက သူ့တိုလီမိုလီအလုပ်တွေနဲ့ ရှုပ်…။ အဖွားကြီးကျမကတော့ စာဖတ်.. စာရေး.. ။ ကျမကတော့ သီချင်းတွေလည်း နားထောင်ချင်နေဦးမှာ ထင်ပါတယ်။ အဲဒီအချိန်ထိ Linda Ronstadt သီချင်းတွေလည်း ရှိနေစေချင်သေးတယ်…။ Love is a Rose တို့ Blue bayou တို့ပေါ့..။ သားသမီးတွေ မြေးတွေ မရှိတဲ့ အချိန်ဆိုရင်တော့ အဖွားကြီးက Mamma Mia အခွေကို ဖွင့်ပြီး Meryl Streep နဲ့ အပြိုင် ABBA သီချင်းတွေ လိုက်ဆိုဦးမှာ…။ ဗုဒ္ဓတရားကို အချိန်တကူးတကယူ မပွားများ တတ်ပေမဲ့ သတ္တ၀ါတွေကို မေတ္တာထားပြီး သတိကို အမြဲ စောင့်ကြည့်နေရင်.. ဒါဟာ ဘာဝနာပဲ မဟုတ်လားနော်…။

ခင်ပွန်းကလည်း စိုက်ခင်းလယ်ကွင်းပြင်ကျယ်ကြီးထဲမှာ သားသမီး မြေးမြစ်တွေပါ တစုတဝေးတည်း မိသားတစု အိမ်တလုံးစီနဲ့ ရွာတည်နေချင်တာတဲ့…။ ဟုတ်တယ်.. ဒါမှ မနက်လင်းတဲ့အခါ အလုပ်သွား ကျောင်းသွားမယ့် သားသမီးမြေးမြစ်တွေအတွက် မနက်စာ ကောင်းကောင်း ကျမ ပြင်ဆင်ကျွေးနိုင်မှာ…။ သူတို့ အသီးသီး ထွက်သွားကြတဲ့အခါ အဖွားကြီးရဲ့ ကိုယ်ပိုင်ချိန်တနေကုန်မှာ.. စာတွေ ဖတ်.. စာတွေရေး.. ပန်းချီတွေတောင် ဆွဲနိုင်သေးးး

နွေအားလပ်ရက်တွေဆိုရင်တော့ ခုလိုပဲ မိသားစုကြီး တစုတဝေး အပန်းဖြေခရီး ထွက်မှာပေါ့…။ တောင်ပေါ်ရွာလေးတွေမှာ အိမ်တလုံး လုံးချင်းငှား.. ဒါမှမဟုတ်.. ပင်လယ်ကမ်းခြေ.. ။ ဒါမှမဟုတ်.. ကျေးလက်တွေဘက်…။ အချင်းချင်းမတည့်တဲ့ သားသမီးတွေ ပါရင်လည်း အဖိုးကြီးအဖွားကြီးနှစ်ယောက် ကူရှင်းပေါ့..။ ပြီးတော့မှ ကွယ်ရာမှာ သားသမီးမြေးမြစ်တွေအတင်းပြောရင်း စိတ်ညစ်ညစ်နဲ့ ခေါင်းချင်းဆိုင် ပြုံးရယ်ကြမယ်..။ ချစ်တတ်မယ်ဆိုရင် အရာရာဟာ ပြုံးစရာ လို့ ယုံပါတယ်..။ အဲဒီအခါ ၆၄နှစ်ဆိုတာ.. ခု ၄၆နှစ်နဲ့ ဘယ်လောက်မှ မကွာ…။ စိတ်ထားတတ်ဖို့သာ လိုပါမယ်…။

++++

၆၄နှစ်မှာ.. လူ့လောကထဲ ကျမ နေခွင့်ရနေသေးတယ်ဆိုရင် ကျမ ရောဂါဝေဒနာ တခုခု ခံစားနေရတာလည်း ဖြစ်နိုင်တယ်.. ဒါမှမဟုတ် ကျန်းမာပကတိနဲ့ ခုလိုပဲ လှုပ်လှုပ်ရှားရှား သွားသွားလာလာ.. အလှတွေပြင်လို့ ခေတ်မီမီ အဖွားကြီးအဖြစ်နဲ့လည်း ရှိနေနိုင်သေးတယ်..။

အင်္ဂလိပ်တွေကတော့ ၇၀ သက်တမ်းဟာ ရွှေဖြူရတု..တဲ့။
မြန်မာအယူအဆမှာတော့ ပထမစိန်ရတု .. တဲ့။
၆၀..၆၄နှစ်ဆိုတာတွေအတွက် တန်ဖိုးသတ်မှတ်ထားတာ မရှိပေမဲ့ .. တန်ဖိုးရှိတဲ့ ရတု တခုခုတော့ ဖြစ်ရမှာပေါ့…။
ရတနာရတု တခုခုပေါ့လေ...။

အဲဒီအခါ.. ကျမကတော့ ကြည်အေးပြောတဲ့..

“ကျမချစ်မြဲ သံသာဝဲမှ ခွဲထွက်ချင်ဘူး တပ်မက်ဦးမည်..” ဆိုတာကို သက်ဝင်သူပီပီ ကျမချစ်တဲ့ သံသရာနှောင်ကြိုးတွေထဲ အရစ်ပတ်ခံရင်း.. ရောက်လာဦးမယ့်

ရွှေရတုတွေ.. စိန်ရတုတွေနဲ့ အမည်ပေးမထားတဲ့ ရတုများစွာကို ခုလိုပဲ ကိုယ်လုပ်ချင်တာတွေ လုပ်ရင်း စိတ်ကူးယဉ် သာယာရင်း စိတ်လိုလက်ရ ကြိုဦးမှာ..။

+++++

အရွယ်ဆိုတာကိုက ရှေးဟောင်းဂန္ဓ၀င်ပစ္စည်းများလို တန်ဖိုးထား မက်မောတတ်တဲ့သူပေါ် မူတည်ပြီးတော့ သက်တမ်းရင့်လေ… တန်ဖိုးတက်လေ… မက်မောစရာ ကောင်းလေလို့.. ကျမကတော့ ယုံတာပဲ။


မေငြိမ်း
၂၀၁၁ ဧပြီ ၂၆။

Monday, April 25, 2011

မငြိမ်း၏သင့် ငြိမ်း၏သင့်
ရေးသူ - ကိုလေး (အင်းဝဂုဏ်ရည်)




[လမင်းတရာကထုတ်ဝေမယ့် '၆၀' စာအုပ်အတွက် ဆရာ ကိုလေး (အင်းဝဂုဏ်ရည်) ရေးပေးတဲ့ အမှတ်တရ စာစုတခု ဖြစ်ပါတယ်။ မာယာမှာ ကြိုတင် ဖော်ပြလိုက်ပါတယ်။]


(၁)

ကျုပ် အသက် ၇၅ နှစ်၊ ပြည့်တော့မယ်။
တမြို့လုံးက အဘ တဲ့၊ အဘ တဲ့။
ကျုပ် အဘကြီးက ချာပရာစီကြီး။
ချာပရာစီ မဟာဘွဲ့ သာမက ပါရဂူဘွဲ့တောင် ရပြီးပြီ။
ပါရဂူဘွဲ့ရတာဖြင့် ကြာတောင် ကြာလှပေါ့။
အခုတော့ မဟာချာပရာစီကြီး အငြိမ်းစား ယူသင့် မယူသင့် စဉ်းစားရပြီ။


(၂)

နေအုံး။
ချာပရာစီသင်တန်းကို ဟိုးလွန်ခဲ့တဲ့ အနှစ် ၇၀ နီးပါး၊ ဂျပန်ခေတ်က စ တက်ခဲ့တာ။
ဒုတိယကမ္ဘာစစ်အတွင်းက မန္တလေးမြို့ကြီး စစ်ဒဏ် သင့်ခဲ့ပါပကော။
မြို့ကလူတွေ အရှေ့ အနောက်၊ တောင်မြောက် ၀ဲယာ စစ်ပြေးကြရတော့တာပေါ့။
ကျုပ်နေတဲ့ အင်းဝမှာလဲ စစ်ပြေးတွေ စစ်ပြေးတွေ။
ကံကောင်းချင်တော့ မမအုန်း (အမ်အေ ဒေါ်အုန်း)၊ သခင်အေးမောင်ကြီး၊ သခင်အေးမောင်လေး၊ ဒေါ်နှင်းဦး အိုး...... အမျိုးသားကျောင်းက ဆရာတွေ ပါလာတယ်။
ကျုပ်အဖေ ကျေးဇူးကိုလဲ ပြောခွင့်ပြုပါ။
ကျုပ်အဖေက မန္တလေး ဥပစာကောလိပ် ကျောင်းသားဟောင်း။ ပညာရေး အလွန်လိုလားတယ်။
မအုန်း..... လုပ်အုန်း၊ ကျောင်းဖွင့်ရအောင်။
ထန်းရွက်တဲကြီးတွေ ထိုးပြီး 'အင်းဝဂုဏ်ရည်' အလယ်တန်းကျောင်းဖွင့်။ သခင်အေးမောင်လေးက ကျောင်းအုပ်။
နောက်တော့ ဂျပန်တော်လှန်ရေးအတွက် စုစည်းရာ နေရာတခု ဖြစ်လာတယ်။ အင်းဝဂုဏ်ရည်ကျောင်း တဲ့လေ။
ကောင်းလိုက်တဲ့ကျောင်း၊ ကောင်းလိုက်တဲ့ ဆရာတွေ။
ကျုပ်က ၀လုံးတန်း၊ တန်းပိုင်က ဆရာကြည်။
ဆရာကြည်ဆိုတာ ဦးကြည်မြ။ (ကြည်မြ) လေ။
ဆရာက ပုတော့ ရင်းနှီးသူတွေက ကိုကြည်ပု တဲ့၊ ကြည်ပု တဲ့။
၁၉၄၄ မှာ ဂျပန်ကပေးတဲ့ လွတ်လပ်ရေး။ ရွှေရည်စိမ်လား ဘာလား မသိပါဘူး။
လွတ်လပ်ရေးနေ့ အထိမ်းအမှတ်အနေနဲ့ ကပွဲတွေ၊ ပြဇာတ်တွေ၊ အားကစားပွဲတွေနဲ့ အိုး ပျော်လိုက်တာ။
ဆရာကြည်က အနုပညာ ဒါရိုက်တာ။
ကျုပ်တို့က ဘောင်းဘီတိုလေးတွေနဲ့ ဂျပန်စစ်ချီသီချင်းကို ဘယ်ညာနင်းပြီး ပဏာမ ထွက်ရတယ်။
ကျုပ်တို့ ကလေးတွေကို ဂျပန်စစ်ဗိုလ်ကြီးတွေ ဆုချလိုက်ကြတာ ဂျပန်ငွေတွေ အများကြီး ရတယ်။
ပြီးတော့ ဗန္ဓုလယိမ်း။ ကျောင်းသားကြီးတွေ။
ပြီးတော့ ယိမ်းတွေ၊ ယိမ်းတွေ။ ပြီးတော့ မာဃ ပြဇာတ်။
မာဃက ဒေါ်အမာ၊ သုဇိတာက ဒေါ်တင်ကြည်။
မာဃကြီးကို သခင်ချန်ထွန်းက သိမ်းပိုက်၊ သုဇိတာကို ကျုပ်တို့ ဘထွေး ဦးဘရင်က သိမ်းပိုက်၊ အင်းဝဂုဏ်ရည် ရေးတဲ့ ဖူးစာပေါ့။
(သခင်ချန်ထွန်းကြီးသာ ဒီစာဖတ်ရရင် ဆဲများ ဆဲမလား၊ ဘောက်ဆူးများ ပေးမလားဘဲ။ အင်း ဘောက်ဆူးပေးဘို့ များမှာပါ။ အနှစ် ၇၀ က ရင်ခုန်သံ ပြန်ကြားမှာကိုး)
ဒီမှာ ချာပရာစီဂိုဏ်းချုပ်ကြီးအကြောင်း ရောက်ပြီ။
ဦးလှကြီးတဲ့၊ စကောက်မင်းကြီးတဲ့။ စကောက်မင်းကြီး ဦးလှကြီးက အင်းဝသူ ဒေါ်လှတင်နဲ့ အိမ်ထောင်ကျတယ်။
အင်းဝဂုဏ်ရည်မှာ ဘွိုင်းစ်စကောက်၊ ဂဲလ်စ်ဂိုက် ဖွဲ့ပေးတယ်။ ဒါကို Extra curriculum လို့ ခေါ်တယ်။ (နောက်တော့ Co-curriculum တဲ့)။
တကျောင်းလုံး စာသင်ခန်းထဲက ထွက်ခိုင်း၊ ဦးလှကြီးက 'စက္ကူစလေး အမှိုက်စလေး သန့်ရှင်းအောင်လို့ လုပ်ပါ၊ သန့်ရှင်းအောင်လို့ လုပ်ပါ ဒါ ဒါ ဒါ'
ဒါကို သင်ပေးတယ်။
ပါးစပ်ကလဲ ဆို၊ လက်ကလေးတွေနဲ့ အမှိုက်တွေ ကောက်၊ အိုး ကျောင်းဝင်းကြီးကို ပြောင်လက်သွား တာဘဲ။ ဒီမှာတင် ကျုပ် ချာပရာစီ စ ဖြစ်တာ။

(၃)

အသက် ဆယ်နှစ်စွန်းစွန်း ရောက်တော့ အင်းဝမှာ ငလျင်ကြီး လှုပ်ပါရော။ ၁၃၁၂ ခုနှစ်၊ သီတင်းကျွတ်လဆန်း ၁ ရက်။
ကဗျာ စ ရေးတော့
လောကမာန်အောင်
ဟောပြကြံဆောင်
မောရမြန်ဘောင်
ပိုဒ်စုံရတုမှာ ငလျင်လှုပ်တဲ့ သက္ကရာဇ်ပါတယ်။ ဒါကြောင့် မှတ်မိတာ။
အင်းဝလေ၊ သိတယ် မဟုတ်လား။
မင်း တည်ဘုရားတွေက အများကြီး မှ အများကြီး။
လောကမာန်အောင်၊ ဇိနမာန်အောင်၊ တုဿမာန်အောင်၊ တိဿမာန်အောင်၊ ငါးမာန်အောင် အောင်စေတီတော်တွေ၊ စနေမင်းတြား ကောင်းမှုတော်တွေ ပြိုကျကုန်ပါရော။
ကြောင်လိန်ဆရာတော်ကြီး ဦးစန္ဒ ကြီးမှူးပြီး ဘုရားတွေ ပြန်ပြင်တယ်။ တလုံးထိုး လှေကြီးနဲ့ မြစ်မထဲ သဲခူး သွားကြတယ်။
ဒီနေရာမှာ မြစ်မတဲ့၊ သဲခူးတဲ့။
ကျုပ်ထွင်တာ မဟုတ်ဘူး။
လူတိုင်း ပြောတဲ့ စကားလုံး။
မြစ်မ ဆိုတာ ဧရာဝတီမြစ်ကြီး၊ မ ဆိုတာ ဒီနေရာမှာ ကြီးသော။
သဲခူးတယ်ဆိုတာ သိကြမှာပါ။ ဧရာဝတီ သောင်ပြင်ထဲက သဲတွေ သွားကျုံးတာ။
ပုံတောင်ကို လှေပေါ်မှာ တီးတော့ ရေနဲ့ဆိုတော့ အင်မတန်မှ နားထောင်ကောင်းတာ။
ပလုတ် တုတ် တုတ်.... ပလုတ်တုတ် တုတ် ဒူ
ကျုပ်တို့လဲ အုတ်သယ်၊ သဲ သယ်။
ပျော်လိုက်တာ..... ပျော်လိုက်တာ။

(၄)

လူပျိုပေါက် ရောက်လာတော့ ကျုပ်တို့ ကာလသားတွေက အလှူတွေ မင်္ဂလာဆောင်တွေမှာ ထမင်းရုံ တာဝန်။
ဒါလဲ သင်ရိုးညွှန်းတန်းနဲ့။
ပထမနှစ်မှာ သရက်ချဉ်နဲ့ ငရုတ်သီးကျော် လိုက်ရတယ်။
ဒုတိယနှစ်မှာ ပဲဟင်းနဲ့ ၀က်သားဟင်း။
နောက်ဆုံးနှစ်မှာမှ ဟင်းချိုလိုက်ရတယ်။
ဒီ ချာပရာစီ သင်ရိုးညွှန်းတန်းက မကောင်းပေဘူးလား။

(၅)

အိမ်ထောင်ကျတော့ ကျုပ်တို့ လင်မယား စုံတွဲက လက်ဖွဲ့ခုံ ထိုင်ရတယ်။
မင်္ဂလာဆောင်တွေ အလှူတွေမှာ လက်ဖွဲ့တာ၊ ကူတာကို ရေးမှတ်ရတာပေါ့။
ဒီနေရာမှာ ဒုက္ခလေးအကြောင်း ပြောချင်တယ်။
'ရော့ ဟေ့ ငါက သုံးကျပ်.....'
မော့ကြည့်လိုက်တော့ ကြည်လင်။
ကြည်လင်ဆိုတာ မဟာကဗျာဆရာကြီး ကြည်အောင်။
'ဟေ့ကောင် ရေးပါဟ' တဲ့။
ဟောဗျာ ဒီကောင့်နာမည် နာမည် ဘသူပါလိမ့် ဒုက္ခဘဲ ဒုက္ခဘဲ သူ ဘသူတုန်း။
နောက်က လူတွေကလဲ အုံလို့။
'ရေးလေ ကြည်လင် ဈေးချို ပန်းရန်ရပ် ၃ိ'
မိန်းမက ထောက်ပေးလို့ အမြန် ရေးလိုက်ရတယ်။
ခွေးမသားကြည်လင်၊ ငါ့ကို ဒုက္ခပေးတယ်။
စိတ်ပညာအရ Sub conscious mind ကနေ conscious mind ရောက်အောင် အချိန်ယူရ ဆိုကိုး။
လက်ဖွဲ့ခုံဆိုတော့ မော့်ကြည့်လိုက် ရေးလိုက်၊ မော့ကြည့်လိုက် ရေးလိုက်။
conscious mind မရောက်ခင် နောက်တယောက် နောက်တယောက်၊ လူကို ချာချာလည်ကုန်တော့ တာပေါ့။
ဟုတ် မဟုတ်တော့ မသိဘူး။
တူမလေး နုနုရည်(အင်းဝ) ရဲ့ ယောက်ျား စိတ်ပညာပါမောက္ခ ဗိုလ်တိုးကို မေးကြည့်အုံးမှ။

(၆)

ကလေးနှစ်ယောက်ရတော့ အိမ်ထောင်ဦးစီး ချာပရာစီ။
'ကိုဖိုးကိုကြီး အုတ်ကျိုးလှူအုံးဗျာ....'
'အေး......အေး လှည်းသုံးစီး... ရော့ ပိုက်ဆံ'
အင်းဝက ရေ၀င်မြေ။
ဒုဌ၀တီရော ဧရာဝတီရော ရေတွေတိုးတော့ အရပ်ထဲ ရေတွေ၊ ၀ါဆို ၀ါခေါင် ရေဖောင်ဖောင်။
ရေကျသွားတော့ လမ်းတွေ ပျက်ကုန်တော့တာပေါ့။
အုတ်နီခဲကျိုးတွေကလဲ လယ်ကွက်တွေထဲ ပေါမှပေါ။ လယ်ကွက်ရှင်တွေကလဲ ကောက်တာကို သိပ်သဘောကျ။ စေတီပျက်တွေရဲ့ အုတ်ကျိုးတွေလေ။
မြင်းလှည်းသမားတွေ အားတဲ့ ဥပုသ်နေ့မှာ လမ်းတွေ ပြင်လိုက်ကြတာ ပျော်မှပျော်။
ကျုပ်တို့ကို ဆီထမင်းတွေ၊ အကြော်တွေ၊ လက်ဖက်သုပ် ဂျင်းသုပ်တွေ ကျွေးလိုက်ကြတာ အလျှံပယ်။
ရွှံ့အလိမ်းလိမ်း ဗွက်အလိမ်းလိမ်းနဲ့ မြေကြီးပေါ် ဖင်ချ ထိုင်စားရတာ ကောင်းမှ ကောင်း။
နှစ်တိုင်း နှစ်တိုင်း ပျော်ပျော်ပါးပါး။
ဒါနဲ့ ဟိုပါတီကြီး ပေါ်လာပါရော။
ကလပ်စည်း ခေါင်းဆောင်တွေ၊ ပါတီစိတ် အတွင်းရေးမှူးတွေ၊ ရပ်ကွက်ကောင်စီ ဥက္ကဌတွေ၊ အတွင်းရေးမှူးတွေ.. အံမယ်လေး တိုက်ပုံအင်္ကျီကြီးတွေနဲ့ အရှေ့ နဲ့ အနောက်၊ တောင်နဲ့ မြောက် လမ်းသလား နေလိုက်ကြတာ။
အုတ်ကျိုး တခဲမှ မလှူ။
အုတ်ခဲ တခဲမှ မကိုင်။
ကျုပ်တို့ကို ကျွေးမယ့်ဟာတွေ တုတ်သွားလိုက်ကြတာ။ အံမယ် ဖျာတောင် ခင်းပေးရသေးတယ်။
အရာရာ ပါတီက ဦးဆောင် ဆိုကိုး။
ဒီမှာတင် ချာပရာစီ အငြိမ်းစား ယူသင့် မယူသင့် ခေါင်းထဲ ၀င်လာတော့တာဘဲ။

(၇)

ကျုပ်တို့ ပခုံးပေါ်က သင်းချိုင်းသွားတဲ့ လူတွေ ဘယ်နည်းတော့မလဲ။
ကျင်းတူးတယ်၊ ထမ်းတယ်၊ သီလယူတယ်။
ဦးချင်းရောက်ကြီး သူ့တဲလေးထဲမှာ ကွေးကွေးလေး သေနေတော့ ကဗျာကယာ ယပ်တောင်ပေါ် ဆယ်တန်လေးကပ်၊ ရေငုံဆရာတော်ပင့်၊ သရဏဂုံတင်- ကျုပ်တို့တတွေ ပခုံးနဲ့ ထမ်းပြီး သင်္ဂြီုဟ်ပေးခဲ့ကြတယ်။ သာဓုခေါ်ဗျာ။
ဒီလိုနဲ့ ချာပရာစီဘ၀ မက်မက်မောမော လုပ်နေတုန်း ဟိုလူတွေရဲ့ မျက်လုံးတွေ ကျုပ်တို့ပေါ် ရောက်လာကုန်ကြတယ်။
လူစုတယ် ဆိုသလိုလို၊ စည်းရုံးတယ် ဆိုသလိုလို၊ ပုန်ကန်တော့မယ် ဆိုသလိုလို။
ဟာ ဘာလဲဟ။
မဟာချာပရာစီကြီး အငြိမ်းစား ယူသင့် မယူသင့်။

(၈)

၆၀၊ ၇၀ ထဲ ရောက်လာတော့ မင်္ဂလာဆောင် အကန်တော့ခံတဲ့၊ ဘိသိက်သွန်းပေးပါတဲ့၊ ဆုံးမစကား ပြောပေးပါတဲ့ ချာပရာစီကြီး ပျော်ပျော်ကြီး လုပ်ပေးပါတယ်။
အဲ တဲ့.......
တခုသော မင်္ဂလာဆောင်မှာတဲ့......
သတို့သမီးဘက်က အကန်တော့ခံ ကြွပါတဲ့၊ ဆုံးမစကား ပြောပေးပါတဲ့ ပင့်ရော။
မင်္ဂလာ အခါရောက်တော့ အကန်တော့ခံဘို့ သတို့သားအဖေ ကျုပ်ကိုယ်တိုင် ခေါ်ပါတယ်၊ မလာပါဘူး။ လာပါ မိစုံ၊ ဘစုံ ကန်တော့ရအောင်။
နိုး...... မလာဘူး။
သူက ဟိုအသင်း သ့္ကဌ၊ ဟိုအဖွဲ့ အတွင်းရေးမှူးဆိုတော့ ကျုပ်နဲ့ ပေါင်းရင် သူပြုတ်မှာ။
ဒါကြောင့် မမှီဝဲနဲ့ ကင်းအောင်နေ။
မဟာချာပရာစီကြီး အငြိမ်းစား ယူသင့် မယူသင့်။
မနောကံကနေ ၀စီကံ ရောက်လာပြီ။
ခင်တဲ့ လူတွေကို ပြောကြည့်မိတယ်။

(၉)

ဒါကြားတာနဲ့ လူငယ်တွေ တော်တ်ာများများ ကျုပ်ဆီ လာကြပါလေရော။
'အဘကလဲဗျာ
အသက်ကြီးမှ တယ်မေ့တတ်သကိုး' တဲ့။
လူငယ်တွေက လူငယ်တွေက။
အဘ ကဗျာ လေဗျာ။
သတိရပလား......
'ကဗျာဆရာ
ဘယ်မှာလဲ ခင်ဗျားအတွက်။
လက်ခုပ်သံ တသောင်း
မျက်စောင်းကြီး ဆယ်ချက်နဲ့
အသက်ရှင်လျက်။ ။'
ဒါလေ.....
မျက်စောင်းကြီး ဆယ်ချက်က အဘကို forced to retire.
ဒါပေမယ့် လက်ခုပ်သံတသောင်းကတော့ တသက်လုံး မဟာချာပရာစီကြီး။
ဟေ......
'တသက်လုံး မဟာချာပရာစီကြီးတဲ့လား'
အေး.....
အေး....
ငါ 'တသက်လုံး မဟာချာပရာစီကြီးဟေ့'
လူငယ်တွေရေ ကျေးဇူးတင်သကွာ။

ကိုလေး (အင်းဝဂုဏ်ရည်)
အင်းဝ
၁၄- ၄- ၂၀၁၁
ညနေ ၃း၃၆
လမ်းမတော်
အင်းဝ တံတားဦးမြို့
မန္တလေးတိုင်း
မြန်မာပြည်။

Friday, April 15, 2011

အတာလက်ဆောင်ရတုန်းက
ရေးသူ- ဖိုးသံ(လူထု)



တခုသောအတာတန်ခူးမှာပ
ရဖူးတယ် နှမတဦးဆီက
ပဏ္ဍာထူး၊ သဒ္ဒါလူးပေတဲ့
အခါဦး သင်္ကြန်တေးနှစ်ပုဒ်ရယ်နဲ့
ခနဲ့တဲ့တဲ့ စာတကြောင်းပါ။


မြူမှောင်ဝေကင်းနဲ့
သင်္ကြန်လေညှင်းလုလင်တဲ့
အနွဲ့အနော့နဲ့ အတွဲ့အဆော့တွေကို
တလှည့်တကျော့ နားထောင်တော့
ကြားယောင်မယ် မန်းအတာကိုမို့
မှန်းကာအကို မျက်ရည်စို့ရင်ဖြင့်
နှမကိုအပြစ်မဆိုလေနဲ့တဲ့
ရေးတတ်ပေရဲ့ပလီပလာ။

ခမျာပြောလေမှ
ဇရာအမောတွေနဲ့
ဝါသနာဇောတွေကို ဘေးချပြီး
မန္တလာတကြောဆီကို အာရုံရောက်ကာ
ပိတောက်ပန်းနဲ့ တူးပို့ကိုလိုက်လို့ရှာတော့
အော် တွေ့ပါပေါ့ကိုမြို့မ
သင်္ဂဟနဲ့ နဂါးမယ်
ပတ္တမြားသူဇာနဲ့ ရေနန်း
‘တလကြမ်း’ ပက်သူတွေပေါင်းလို့
ဘော်ဒါဟောင်းမိတ်ဆွေများက
ငွေဖလားတွေပိုက်ပြီးပြေးလို့လာ
ဟုတ်တယ်
ဒီနှစ်မှာလည်းကြိုဆိုပါရဲ့။

တသက်မမေ့တဲ့ အတိတ်ဟာ
မထိတ်သာမလန့်သာပြန်ပေါ်လာတော့
ကွန်ပြူတာ မော့နေသူပြည်ပရောက်ဟာ
ဘာကဘယ်လိုပေါက်တယ်မဆိုနိုင်ဘု
အသက်မထောက်ပါ ယောင်မိယမ်းပါလို့
အရှက်ပျောက်ကာ ကြောင်စီစီတမ်းတယ်ထင့်
နှမရေ“ပက်နဲ့နော်၊ ပက်နဲ့နော်” တဲ့၊၊

ဖိုးသံ (လူထု)
၁၃၇၂ ခု၊ တန်ခူးလဆန်း ၁၂ရက်။

Tuesday, April 5, 2011

ရှင်ကွဲ
ရေးသူ - နုနုရည် အင်းဝ





[ကျမရဲ့ မိတ်ဆွေ ရဲဘော်ကြီးရဲ့ ၆၀ပြည့် မွေးနေ့ အမှတ်တရ စာအုပ်အတွက် ၀တ္ထုလေးပါ။
အကြောင်းအမျိုးမျိုးတွေနဲ့ ရှင်ကွဲ ကွဲနေကြရတဲ့ သူတွေကိုကြည့်ပြီး စိတ်ထိခိုက် ခံစားမိရာကနေ ဒီဝတ္ထုလေးကို ရေးဖို့ အာရုံရတာပါ။
ကျမ ချစ်မိတ်ဆွေကြီး ခင်မျာမလဲ ချစ်လှတဲ့ တိုင်းပြည်နဲ့ရှင်ကွဲ ကွဲနေရတာ ကြာရှာပါပကောလား။
ကျမရဲ့ မွေးနေ့လက်ဆောင်လေးကို ကြိုက်တယ်ဆိုလို့ သိပ်ဝမ်းသာပါတယ်။
မာယာမှာလဲ သုံးလို့ရပါတယ်။

စိတ်ချမ်းသာ ကိုယ်ကျမ်းမာပါစေ

မနု]




တမာပင်လေးတွေ စီတန်းပေါက်နေတဲ့ လမ်းကလေးထဲကို မြင်းလှည်း ချိုးကွေ့ဝင်လိုက်တာနဲ့ အိမ်ရဲ့အနံ့ကို ကျွန်မရတယ်။ ဟိုး..... လွန်ခဲ့တဲ့ အနှစ်သုံးဆယ်ကျော်က ကျစ်ဆံမြီး နှစ်ဖက်ချထားတဲ့ ကောလိပ်ကျောင်းသူဘ၀နဲ့ ပြန်လာတုန်းကလည်း သည်အနံ့ပါပဲ။ လုံခြုံနွေးထွေးတဲ့ အိမ်ရဲ့အနံ့ဟာ ဘယ်တော့မှ ပြောင်းလဲသွားမှာ မဟုတ်ဘူးထင်ပါရဲ့။ ပြောင်းလဲသွားတာကတော့ ကျွန်မပဲပေါ့။ မျက်နှာချင်းဆိုင် မြင်းလှည်း မှန်ချပ်လေးထဲမှာ နဖူးဆံစတွေ ဖြူဖွေးစ ပြုနေတဲ့ အသက်ငါးဆယ်ကျော် မိန်းမတယောက်။


အိုး... ဟိုမှာ ကျွန်မတို့ အိမ်ကို မြင်ရပြီ။ ရေနံတွေ မည်းဝနေတဲ့ နှစ်ထပ်အိမ်ကြီးထဲမှာ ကျွန်မအဖေရယ်၊ အမေရယ်၊ မမကြီးရယ် ရှိတယ်။ ၀မ်းနည်းစရာနဲ့ ပြန်ပြန်၊ ၀မ်းသာစရာနဲ့ ပြန်ပြန် အိမ်ကိုမြင်လိုက်တာနဲ့ ဘာဖြစ်လို့များ အားရှိ လုံခြုံသွားရတာ ပါလိမ့်နော်။

မန်းကျည်းပင်၊ သရက်ပင်တွေကြားမှာ ငြိမ်သက် တိတ်ဆိတ်နေတဲ့ အိမ်ရှေ့မှာ ခဏ ကျွန်မရပ်နေပြီးမှ ၀င်းတံခါး တွန်းဖွင့် ၀င်လိုက်တာနဲ့ ကျွန်မရင်တွေ တဒိတ်ဒိတ် ခုန်လာတယ်။ အမေ ... အမေ့ကို ကျွန်မ ဘယ်လို တွေ့ရမှာပါလိမ့်။ သူ အင်မတန် ချစ်တယ်ဆိုတဲ့ အငယ်ဆုံးသမီး ကျွန်မကို အမေ ဘယ်လို ဆက်ဆံမှာပါလိမ့်နော်။

'မမကြီး'

အိမ်ရှေ့ တံခါးနားကနေ မမကြီးကို ကျွန်မ တိုးတိုးခေါ်လိုက်တယ်။ မမကြီး ကျွန်မကို မျှော်နေတယ် ထင်ပါရဲ့။ ချက်ချင်းပဲ အောက်ထပ် အိပ်ခန်းထဲကနေ ထွက်လာတယ်။ အဲသည် အိပ်ခန်းဟာ အဖေနဲ့ အမေ့ အိပ်ခန်း။

'ညည်း မိုးချုပ်မှ ရောက်မယ်ထင်လို့'
မျက်နှာထားတင်းတင်း၊ စကားပြတ်ပြတ် ပြောတတ်ပြီး အင်မတန် ပါးလှပ်တဲ့ နှုပ်ခမ်းနဲ့ အင်မတန် ပါးလှပ်တဲ့ ကိုယ်ခန္ဓာကို ပိုင်ဆိုင်သူ ကျွန်မရဲ့ မမကြီးဟာ ဘာမှ မပြောင်းလဲသလိုပဲ။ ကျွန်မ မလာဖြစ်တဲ့ တနှစ်အတွင်းမှာ ပြောင်းလဲသွားတာကတော့ မမကြီးရဲ့ ဖွေးဖွေးလှုပ်နေတဲ့ ဆံပင်တွေပဲ။ မနှစ်က အဖေနဲ့ အမေရဲ့ ရှစ်ဆယ်ကိုးနှစ်ပြည့် မွေးနေ့အလှူမှာတုန်းက မမကြီးဆံပင်တွေ ဒါလောက် မဖြူသေးပါဘူး။ မမကြီးက ကျွန်မအထက်က အဖတ်မတင်တဲ့ အစ်မနှစ်ယောက်ရဲ့ အထက်၊ အေးလေ မမကြီး ငါးဆယ့်ရှစ်နှစ် ရှိပြီပဲ။ ခြောက်ဆယ်နားနီးပေါ့။ ဒါဆို အစ်ကိုကြီးက အသက်ခြောက်ဆယ် ရှိခဲ့ပြီပေါ့နော်။

'အမေရော မမကြီး'
'ဒေါ်လေးတို့ အိမ်မှာ သူတို့ ညီမတွေ ငယ်ငယ်ကဟာတွေ သတိရတယ် ထင်ပါရဲ့အေ။ ဘုရားပွဲ သွားမလို့တဲ့ ပိုးလုံခြည်တွေ ဘာတွေ ထုတ်ဝတ်ပြီး ဇွတ်ထွက်သွားတာပဲ'
ကျွန်မရင်ထဲ တမျိုးကြီး ခံစားရတယ်။ ပြီးတော့ အဖေ့ကို ချက်ချင်းသတိရလိုက်မိတယ်။

'အဖေကိုရော မမကြီး ဘယ်လိုလဲဟင်'
အလျင်စလို မေးလိုက်တဲ့ ကျွန်မကို မမကြီးက ဘာမှ မပြောပဲ အသံပြတ်နဲ့ 'လာ' တဲ့။ အဖေနဲ့ အမေ အိပ်ခန်းထဲကို ရှေ့က ၀င်သွားတယ်။ မြန်မာဆေးနံ့၊ ဘုရားပန်းနံ့၊ ပြီးတော့ အဖေနဲ့ အမေနဲ့ အနံ့တွေ လွှမ်းခြုံထားတဲ့ အခန်းထဲက ကနုတ်ပန်းအခက်အနွယ်တွေနဲ့ ဟောင်းနွမ်းရှေးကျ ခံ့ညားလှတဲ့ ကျွန်းခုတင်ကြီး ပေါ်မှာ အဖေ အိပ်ပျော်နေရှာတယ်။

'အဖေနေမကောင်းဘူးလား၊ ဒူးနာတာကရော'
'အေး... ဟုတ်တယ်၊ ဒူးကတော့ ဒီလိုပါပဲအေ၊ အမေက အဖေ့ကို လုံးလုံး မမှတ်မိတော့ဘူး'
'ဘာရယ်'
အို.... တကယ်ပဲလား။ မဖြစ်နိုင်လိုက်တာ။ အမေကလား။ အဖေ့ကို။

'ညည်း ဒီမှာ ကြာကြာနေနိုင်ရင်တော့ ကောင်းမှာပဲ'
'နေနိုင်ပါတယ်၊ နေလဲ နေရမှာပဲ မမကြီးရယ်၊ ကျွန်မ...'
အားကိုးတိုင်တည်ဖို့ ဟန်ပြင်လိုက်တဲ့ ကျွန်မစကားတွေကို မမကြီး ဘယ်တော့မှ နားမထောင်ပါဘူး။
'ငါ အမေ့ကို သွားခေါ်လိုက်ဦးမယ်၊ ညည်းအဖေ့နား စောင့်လိုက်ဦး၊ ပြန်မှ ထမင်းစားကြတာပေါ့။ အစ်ကိုကြီးတို့အိမ်က ထမင်းပို့တယ်၊ လာရင် ယူထားလိုက်'

စကားဆုံးတာနဲ့ မမကြီးခန္ဓာကိုယ် ပါးပါးလေး အခန်းပြင်ဘက်ကို လှစ်ခနဲ ပျောက်ကွယ်သွားခဲ့တယ်။ အဖေ့ ခုတင်ဘေးက ပက်လက်ကုလားထိုင်လေးပေါ်မှာ ကျွန်မကိုယ်ခန္ဓာကို ပုံချလိုက်မိတယ်။ မမကြီးဟာ ကျွန်မတို့ နှစ်ယောက်ကို ခုထိ ခွင့်မလွှတ်နိုင်သေးဘူးလား။ မမကြီးမှာ တရားမရှိနိုင်သေးဘူးလား။ အနွေးထည် အင်္ကျီအိတ်ထောင်ထဲက ကျွန်မရဲ့ ခရီးဆောင် စာအုပ်လေးကို ထုတ်လိုက်တယ်။ 'ဗုဒ္ဓယဉ်ကျေးမှုအခြေခံ' တဲ့။ စာအုပ်ရဲ့ ပထမစာမျက်နှာမှာ မမကြီးနဲ့ အဖေတို့ အမေတို့က မုန်းတဲ့ ကျွန်မချစ်လင်ရဲ့ လက်ရေးစောင်းစောင်း တွေကို မြင်ရတယ်။ 'ချစ်ဇနီး ခင်ထွေးရဲ့ အသက်ငါးဆယ်ပြည့် မွေးနေ့သို့' တဲ့။ ဘုရားရှိမခိုးတဲ့၊ ဘုရားစာမရတဲ့၊ တရားလဲမထိုင်၊ ပုတီးလည်း မစိပ်တဲ့ ကျွန်မချစ်လင်ရဲ့ အံ့သြစရာ မွေးနေ့လက်ဆောင်။ လွန်ခဲ့တဲ့ တပါတ်က ကျရောက်ခဲ့တဲ့ ငါးဆယ့်နှစ်နှစ်ပြည့် ကျွန်မရဲ့ မွေးနေ့မှာ အထီးကျန်ခြင်းကို ကျွန်မအတွက် မွေးနေ့လက်ဆောင်ပေးခဲ့တဲ့ ကျွန်မရဲ့ ချစ်လင်။

စာအုပ်လေးကို တဖျပ်ဖျပ်လှန်လှောရင်း 'ဓာရဏပရိတ်' ကို အာရုံပြု ရွတ်ဖတ်ဖို့ ကျွန်မကြိုးစားတယ်။

ဆယ့်ငါးပေ၊ ပေငါးဆယ်ရှိတဲ့ အခန်းလေးတခု၊ ခပ်နွမ်းနွမ်း ပရိဘောဂအနည်းငယ်။ ကျွန်မနဲ့ တချို့ လူတွေ မုန်းပြီး သူမြတ်နိုးကိုးကွယ်တဲ့ စာအုပ်တွေအပြည့်။ နေရာအနှံ့ ပုံစံအမျိုးမျိုး ဆေးလိပ်ခွက်တွေ။ အလွန် သပ္ပာယ်တဲ့ ဘုရားဆောင်လေးတခုလဲ ရှိတဲ့ ဒီအခန်းလေးထဲမှာ အိမ်ထောင်သက် အနှစ်သုံးဆယ်နီးပါး ကျွန်မတို့ ဖြတ်သန်း ခဲ့တယ်။ ကျွန်မ ကောလိပ်ကျောင်းသူဘ၀ တပိုင်းတစနဲ့ သူ့နောက် ခိုးရာလိုက်ခဲ့ကတည်းက တဖက်က ကျူရှင်ပြရင်း သူလုပ်ချင်တာတွေ လုပ်ရင်း ချို့တဲ့မှုဒဏ်ကို ခါးစည်းမခံနိုင်တဲ့ ကျွန်မက အိမ်ပြန်လက်ဖြန့်ရင် သည်အခန်းလေးထဲမှာ 'သင်း သွေးကို ငါတို့ ချစ်နေရဦးမယ်၊ နင်တို့ သားသမီးမရစေနဲ့' လို့ ဆိုတဲ့ မမကြီး ကျိန်စာကလည်း ကျွန်မတို့ကို ထိခဲ့တာကိုးနော်။

စာအုပ်လေးကို ကျွန်မ ပိတ်လိုက်တယ်။ မသိမသာ လူးလွန့်လိုက်တဲ့ အဖေ့ကို ကြည့်ရင်း ကျွန်မ၀မ်းနည်းလာတယ်။ ကျွန်မ ဘယ်သူ့ကို ပြောရမလဲ။ ညသန်းခေါင်ရဲ့ ဆူညံလှုပ်ခါနေတဲ့ လူခေါ် ကြေးခေါင်းလောင်းသံ။ ပြီးတော့ သူစိမ်းတွေ။ သူစိမ်းတွေနဲ့အတူ ကျွန်မရှေ့က ဖျတ်ခနဲ ပျောက်ကွယ်သွားပြီး အထီးကျန်ခြင်းကို ကျွန်မအတွက် ထားရစ်ခဲ့တဲ့ ကျွန်မချစ်လင်။ ကျွန်မ သိပ်ကြောက်တာပဲ အဖေ။ သူသာဆိုရင်တော့ ကျွန်မကို ပြောဦးမယ်။ 'မင်းဟာ ဘယ်တော့မှ ကြီးပြင်မယ့် မိန်းမ မဟုတ်ဘူး လို့'။

မှောင်စပြုလာတဲ့ အခန်းထဲမှာ မီးဖွင့်ဖို့ ကျွန်မ ထလိုက်တယ်။ မီးဖွင့်ပြီး အဖေ့ခုတင်နား ကျွန်မပြန်လာ တော့ အဖေရယ် နိုးနေပြီ။ ဒါပေမယ့် အဖေကျွန်မကို ဘာမှ မပြောခဲ့ပါ။ သူ့မျက်လုံးတွေ ဟိုဟိုသည်သည် လိုက်ကြည့်နေတယ်။ ပြီးတော့မှ 'ညည်းအမေရော' တဲ့။ ကျွန်မ ငယ်ဘ၀ တလျှောက်လုံး ကြားခဲ့ရတဲ့ အဖေ့ ရေရွတ်သံ။ ကျွန်မ ဘာပြောရမလဲ။

'အမေလား အဖေ'
ကျွန်မ စကားထစ်နေဆဲ အဖေ့မျက်နှာ ဖျတ်ခနဲ ညှိုးနွမ်းသွားပြီး မျက်လုံးတွေ ပြန်မှိတ်ပစ်လိုက်တယ်။ ခုတင်ဘေး စားပွဲလေးပေါ် ဓာတ်ဗူးလေးထဲက နွားနို့ကို အဖေသောက်နေကျ လက်ဖက်ရည်ပန်းကန်ပြား အပက်လေးထဲ ကျွန်မငှဲ့ထည့်လိုက်တုန်း......။

'စိတ်ချ၊ နက်ဖြန်ကျ လိုက်ပို့ပါ့မယ်လို့ဆို'
ဟော မမကြီးအသံ။ အမေလာပြီလား။ အဖေ့မျက်လုံးတွေ ပြန်ပွင့်လာတယ်။ ကျွန်မရင်တွေလဲ တဒိတ်ဒိတ် ပြန်ခုန်လာတယ်။ အမေ ဘယ်လို ဖြစ်နေမှာလဲ။

'လာပါအမေရဲ့'
အခန်းဝမှာ မမကြီးနဲ့အမေ ရုတ်တရက် ပေါ်လာတယ်။
'အမေ'
ပါးရေတွန့် ပါးပြင်မှာ သနပ်ခါးတွေနဲ့ အမေက ကျွန်မကို စိမ်းစိမ်းကြည့်နေတယ်။ လန်းဆန်းတက်ကြွမှု တမျိုး ပူးကပ်နေတဲ့ အသက်ကိုးဆယ်အရွယ်၊ ကျွန်မရဲ့ အမေဟာ ကျွန်မကို ကြည့်ရာက အဖေ့ဆီကို ဖျတ်ခနဲ လှမ်းကြည့်လိုက်တယ်။ ပြီးတော့ ကျွန်မ ငှဲ့လက်စ နွားနို့ပန်းကန်ပြားလေးပေါ်။ အို.... အမေ သတိရပါစေ။ ကျွန်မမျက်စိထဲမှာ အဖေ့မေးစေ့အောက်မှာ လက်ကိုင်ပုဝါလေးခံပြီး နွားနို့ ပန်းကန်ပြားလေးကို တိုက်နေတဲ့ အမေ။ အဖေ့ဒူးကို အမြဲတမ်း နှိပ်ပေးနေတဲ့ အမေ။ 'နင်အဖေရော' ဆိုတဲ့ အမေ့ပူပန်သံနဲ့ ပျာယာခတ် အမူအရာ၊ ကျွန်မအမေ့ကို မျှော်လင့်တကြီး ကြည့်မိတယ်။ ပြီးတော့ နွားနို့ပန်းကန်ကို ကျွန်မကောက်ကိုင်လိုက်ရင်း......

'ရော့လေ အမေ၊ အဖေ့ကို'
ကျွန်မစကားမဆုံးခင်မှာပဲ အမေဟာ အဖေ့ကို လက်ညှိုးငေါက်ငေါက် ထိုးလိုက်တယ်။
'ဒီအဘိုးကြီးက ဘယ်ကလဲ၊ သူများအိမ်မှာ ဘာလာလုပ်နေတာလဲ။ ခုထိမပြန်သေးဘူးလား၊ မိုးချုပ်လှပြီ'
'အို..... အမေ'
မျက်စိစုံမှိတ်လိုက်တဲ့ အဖေ့မျက်နှာကို ကျွန်မ တသက်မမေ့နိုင်တော့ပါ။
'ဟဲ့ အဘိုကြီး ကိုယ့်အိမ်ကို ပြန်လေ။ မိုးချုပ်လှပြီဆို၊ အသားအရေတွေက ဖြူဖပ်ဖြူရော်နဲ့ အဲ့ဒါ ဘယ်က တရုတ်အဖိုးကြီးလဲ ဟင်၊ ဘယ်ကလဲ'
မမကြီးက အမေ့ကို အတင်းဆွဲခေါ်သွားတယ်။ 'အဖိုးကြီး ပြန်တော့' ဆိုတဲ့ အမေ့အော်သံသဲ့သဲ့ကို ကျွန်မ တကယ်ကြားနေရတာပါလား။ အမေဟာ အဖေ့ကို လုံးလုံး မမှတ်မိတော့ဘူး။ ဖြစ်နိုင်ပါ့မလား။ အိမ်ထောင်သက် အနှစ်ငါးဆယ်ကျော် တလျှောက်လုံး အမေဟာ အဖေ့ကို ဘယ်လောက် မြတ်နိုးခဲ့သလဲ။ ဘယ်လောက် ယုယခဲ့သလဲ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

"ညည်းတို့အမေ၊ ညည်းတို့အဖေကို ယုယပုံများတော့ ငါတို့ တသက် တွေ့ဖူးပေါင်အေ၊ အရိပ်ကြည့်နေ တယ်ဆိုတာမျိုးပေါ့။ ညည်းတို့ အဖေဟာလေ ထမင်းတို့ ဟင်းတို့၊ လက်ဖက်ရည်ချိုတို့၊ ကော်ဖီတို့ ဆိုတာတွေဟာ ပန်းကန်ပြား၊ ပန်းကန်လုံးထဲမှာ ဖြစ်တာလို့ သိတော့တာ။ သူ့ရှေ့မှာ စားစရာ သောက်စရာ ချထားရင် မစားတတ်တော့ဘူး။ ညည်းအမေက ကောက်ယူပြီး 'ရော့ ... ကိုမောင်သန်း စားလေ' ဆိုတော့မှ စားတာ။ တခါများ ညည်းတို့အမေက ထမင်းပွဲ ပြင်ပေးခဲ့ပြီး ဧည့်သည်လာလို့ ဧည့်သည်နဲ့ စကားပြောနေတယ်။ တော်တော်လည်း ကြာသွားတယ်။ ဧည့်သည်ပြန်တော့မှ ထမင်းစားပွဲဆီ ၀င်လာတော့..... အမယ်လေးတော် ပြောချင်ဘူး။ မောင်မင်းကြီးသား ထမင်းဝိုင်းမှာ သည်အတိုင်း ငုတ်တုတ်။ ညည်းအမေက 'စား' လို့ မပြောသေးလို့။ အဖြစ်က။

တယောက်နဲ့ တယောက် ချစ်ချစ်ခင်ခင် ကြင်ကြင်နာနာမို့လား မသိပါဘူးအေ စီးပွါးကလဲ ဖြစ်လိုက်တာ။ ညည်းအမေ မထိုက်ကလည်း တော်ပါပေတယ်။ သန်းထိုက် သစ်စက်ဆိုတော့ တနယ်လုံး ဟိုးဟိုးကျော်ပေါ့။

အဲ .... ညည်းအဖေ ဒူးမဖြတ်ရတာလဲ ညည်းအမေကြောင့်ပဲ။ ညည်းမွေးပြီးစလေးပေါ့။ ညည်းအဖေ ဖြစ်တာ။ မြို့ပြင် သံလမ်းတွေဆီသွားပြီး ကန်ထရိုက်သွင်းရဖို့ ဇလီဖားတုံးတွေကို သွားကြည့်တာလေ။ မြို့ဝင်လမ်းမှာ မန်းကျည်းပင်ကြီးတွေကို လှဲပြီး ထင်းလုပ်နေကြသတဲ့။ ညည်းအဖေက ကားလေးနဲ့တဲ့။ မောင်းတဲ့ လူလဲ ရှိပါတယ်။ အဲ့ဒါ လွတ်ပါတယ်ဆိုပြီး ကားဖြတ်မောင်းတာ တခါတည်း မန်းကျည်းပင်ကြီးတပင်က သူ့ကားပေါ် တည့်တည့်ကျတော့တာပဲ။ ကားလေးဟာ တခါတည်း ပြားချပ်သွားတော့တာပဲ။ မောင်းတဲ့လူကတော့ ပွဲချင်းပြီးပေါ့။ ညည်းအဖေက နောက်ခန်းမှာ ထိုင်လာတော့ လူတော့ မသေဘူး။ ကားထဲမှာ ခြေထောက်တွေ ညှပ်နေတာ ဆွဲထုတ်လို့ မရဘူး။ အမလေး ... ညည်းအမေက ဘယ်လောက်သတ္တိကောင်းတယ် မှတ်လဲ။ ဒါလောက်ချစ်တဲ့ ယောက်ျားနော်။ ဦးမောင်သန်းကြီးကား မန်ကျည်းပင် ပိလို့တဲ့ဗျို့ ဆိုပြီးကြားတော့ ငိုလိမ့်မယ် မှတ်လား။ ညည်းကို ရင်ခွင်ထဲက ချပြီး သစ်စက်ကို ပြေးတာပဲ။ သစ်စက်က ရှိသမျှလူခေါ်၊ သစ်လုံးမတဲ့ ဟာကြီးတွေ ယူဆိုပြီး အကုန်စီစဉ်တာ။ ဟိုရောက်တော့ ညည်းအဖေကလေ ပေါ်နေတဲ့ ခေါင်းလေး တယမ်းယမ်းနဲ့တဲ့။

'ဟာ ... မထိုက်၊ ငါပြန်လာပေါ့ကွာ၊ ဘာလို့ လိုက်လာတာလဲ' လို့ ပြောသေးသတဲ့။ တခါတည်း တစချင်း ဆွဲဖယ်ပြီးမှ လူကို ထုတ်ရတာ။ ခြေထောက်နှစ်ဖက်စလုံး အရိုးတွေ ကျိုးကုန်တယ်။ အိုး..... ကုလိုက်ရတဲ့ အမျိုး။ မရွှေထိုက်တို့ကတော့ လူ အားရော၊ ငွေ အားရော၊ ဒါပေမယ့် ဆရာဝန်က မရဘူး။ ဖြတ်ပစ်ရမယ် ဆိုပြီး ပြောရော။ အဲ့ဒါ ညည်းအမေက မဖြတ်ပါရစေနဲ့ဦး။ သူကြိုးစား ကြည့်ပါရစေဦးဆိုပြီး ဆေးဆရာ ရှာတာလေ။ နောက်ဆုံး ညည်းအမေ မေတ္တာကြောင့် ထင်ပါရဲ့။ ရှမ်းဆရာကြီးတယောက်နဲ့ တွေ့ပြီး ဆေးစည်းတာနဲ့ အရိုးတွေ ပြန်ဆက်ပြီး ခြေထောက် မဖြတ်ရတော့ဘူး။ အဲဒီကတည်းက ညည်းအမေ ညည်းအဖေ ခြေထောက်တွေကို အမြဲတမ်း နှိပ်ပေးတဲ့ အကျင့်ဖြစ်သွားတော့တာပဲ။ ညည်းအဖေ ပက်လက်ကုလားထိုင်ပေါ် ထိုင်တာနဲ့ ဘေးကနေပြီး နှိပ်ပေးနေတော့တာပဲ။ သစ်စက်အလုပ်တွေကိုလဲ မလုပ်ခိုင်းတော့ဘူး။"

ကျွန်မတို့ ငယ်ငယ်တုန်းက မေမေ့ညီမ ဒေါ်လေးသိုက် ပြောပြတတ်တဲ့ အဖေနဲ့ အမေအကြောင်းဟာ အိပ်ရာဝင် ပုံပြင်တွေလို နားထောင်လို့ သိတ်ကောင်းခဲ့တာပေါ့။ ကျွန်မတို့ ကြီးတဲ့အထိလဲ သမီးတွေ ကျွေးတာ တောင် မစားပဲ အမေကျွေးမှ စားတာတဲ့။ ခဏလေး အမေ့မမြင်တာနဲ့ 'ညည်းအမေရော' လို့ မေးတတ်တဲ့ အဖေ့ကို ကျွန်မတို့ ရယ်ပွဲဖွဲ့လို့ မဆုံးနိုင်ခဲ့ပါဘူး။

အဖေနဲ့အမေ ညအိပ်ညနေခွဲပြီး ခရီးသွားတာကိုလည်း ကျွန်မသိတတ်စ အရွယ်ကတည်းက တခါမှ မတွေ့ခဲ့ဘူးပါဘူး။ အမေ သစ်စက်သွားတဲ့ အချိန်လောက်ပဲ ခဏ ခွဲနေတာ။ အစ်ကိုကြီး အိမ်ထောင်ကျပြီး သစ်စက်ကို ဦးစီးနိုင်တာနဲ့ အဖေ့နားမှာပဲ အချိန်ပြည့် နေတော့တာပဲ။ ပက်လက်ကုလားထိုင်ပေါ်မှာ အဖေထိုင်ပြီး၊ ကြမ်းပေါ်မှာ အမေက ကျုံ့ကျုံ့ကလေးထိုင်လို့ အဖေ့ခြေထောက်တွေကို နှိပ်ပေးနေတဲ့ မြင်ကွင်းဟာ ကျွန်မတို့ အမြဲတမ်း တွေ့နေကျ မြင်ကွင်းပေါ့။

အမေရယ်။ အိပ်မပျော်နိုင်တဲ့ ကျွန်မ စိပ်ပုတီးတချောက်ချောက် စိပ်ရင်းဘယ်ညာ လူလှိမ့်နေမိတယ်။ အဖေ အိပ်ပျော်ရှာရဲ့လား။ အဖေနဲ့ အမေ တခါမှ ခွဲမအိပ်ဖူးဘူးနော်။ အထီးကျန်ခြင်း ဝေဒနာ ဆိုတာကို အမေမသိပါဘူး အမေရယ်။ သိပ်ဝမ်းနည်းစရာ ကောင်းတာ။ အဖေ့ ချောင်းဆိုးသံက ကျွန်မကို ပိုဝမ်းနည်းလာ စေတယ်။ စိမ့်ကျလာတဲ့ မျက်ရည်တွေကို ကျွန်မ လက်နဲ့ ပွတ်သုတ်လိုက်တော့ စိပ်ပုတီးမှာပါ မျက်ရည်တွေ ရောနှော စွတ်စိုကုန်တယ်။

'နည်းနည်းလောက်တော့ သောက်လိုက်ပါ အဖေရယ်နော်၊ အဖေ ညကလည်း ဘာမှ စားတာ မဟုတ်ဘူး၊ နွားနို့လေး နည်းနည်းလေးနော်... အဖေနော်'

မနက်လင်းတယ် ဆိုကတည်းက ကျွန်မဘယ်လိုပဲ ကြိုးစားတိုက်တိုက် နွားနို့ပန်းကန်ကို အဖေ ခေါင်းယမ်းလို့ချည်း နေတော့တယ်။ ပါးစပ်က မမေးပေမယ့် အဖေ့မျက်လုံးတွေက အခန်းဝကိုချည်း ကြည့်လို့နေတယ်။ အဖေရယ်။

'ပက်လက်ကုလားထိုင်ပေါ် ပြောင်းထိုင်ရအောင်နော် အဖေ၊ ကျွန်မရွှေ့ပေးမယ်၊ ဒါမှ အဖေ အညောင်း မမိမှာ'
အဖေခေါင်းယမ်းနေတဲ့ ကြားထဲကပဲ ကျွန်မအဖေ့ကို ပက်လက်ကုလားထိုင်ပေါ်ကို အသာအယာတွဲပို့ဖို့ ကြိုးစားနေတုန်း
'ဟေ့ .... အဖိုးကြီး မပြန်သေးဘူးလား'
အခန်းဝကနေ ရုတ်တရက် ပေါ်လာတဲ့ အမေ့အသံ ကျယ်ကျယ်ကြောင့် အဖေရော ကျွန်မပါ လန့်ဖျပ်တုန်ယင် သွားခဲ့ပါတယ်။ ပိုးလုံချည် အစိမ်းတွန့်တွန့် ဖြူညစ်ညစ်ပုဝါကို ကျကျနန ခြုံထားတဲ့ အမေက အဖေ့ကို ကြည့်နေတယ်။ အဖေကတော့ အမေ့ကို မကြည့်ပါဘူး။ အဖေ့ကို ပက်လက်ကုလားထိုင်ပေါ် တွဲချ ထိုင်ခိုင်းပြီးတာနဲ့ အခန်းထဲကို ဖျိုးဖျိုးဖျတ်ဖျတ်နဲ့ ၀င်လာတယ်။ ပြီးတော့ အဖေ့ဘေးနား ကြမ်းပေါ်မှာ ထိုင်ချလိုက်တယ်။ ပြီးတော့ အဖေ့ခြေထောက်တွေကို ဖြည်းဖြည်း.... ဖြည်းဖြည်းချင်း။

'အို .... အမေ'
ကျွန်မရဲ့ ၀မ်းသာအားရသံနဲ့ အတူ အဖေ့ မျက်နှာကြည်လင်သွားပုံဟာလည်း မယုံနိုင်လောက်အောင် ပါပဲ။ ဒါပေမယ့် အမေကလေ......

'ဒီ အဘိုးကြီးက တို့အိမ်ဘာလို့ လာနေတာလဲ၊ သူ့မှာ အိမ်မရှိဘူးလား၊ မြန်မြန် ပြန်လွှတ်လိုက်စမ်း၊ ဘယ်ကလဲ ဒီအဖိုးကြီးဟာ...'
အမေရယ် ပါးစပ်က ပြောချင်တာတွေ တွင်တွင်ပြောပြီး အဖေ့ခြေထောက်တွေကို ဖြည်းဖြည်းချင်း တယုတယ နှိပ်ပေးနေတဲ့ အမေ့ကို မကြည့်ချင်တော့ပါဘူး။
အမေအခန်းထဲက ပြန်ထွက်သွားတာနဲ့ ခုတင်ပေါ်က ဇာခြင်ထောင် ထူထူအောက်ကို အဖေပြန်ဝင်သွား ခဲ့တယ်။ ဘာမှလဲ ကျွေးလို့ မရဘူး။

နေ့လယ်လောက်ကျတော့ အဖေ့ကို နွားနို့နဲ့ မုန့်လေးကျွေးဖို့ ကျွန်မနဲ့ မမကြီး ကြိုးစားရပြန်တယ်။ အဖေကတော့ ခေါင်းယမ်းမြဲ။ အပေါ့အပါး သွားပြီးတာနဲ့ ခြင်ထောင်အောက်ကိုပဲ ပြန်ဝင်ဖို့ လုပ်တော့တာပဲ။ ပက်လက်ကုလားထိုင်ပေါ်ကို ရွှေ့လို့ အဖေ ပက်လက်ကုလားထိုင်ပေါ် ရောက်တာနဲ့ အမေရယ်လေ ဗြုန်းဆို ပေါက်ချလာပြီး.......
'ဒီအဖိုးကြီး မပြန်သေးဘူးလား၊ ဘယ်ကလဲ ဒီအဖိုးကြီးနဲ့' ပါးစပ်က ဘာတွေ ပြောပြော အမေက အဖေ့ ပက်လက်ကုလားထိုင်ဘေးမှာ ထိုင်ပြီး ယုယုယယ နှိပ်နေပါပြီ။ အမေရယ်။ မမကြီးက မျက်ရည်ကျ နေတယ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ညနေကျတော့လည်း ခြင်ထောင်ထဲက မထွက်တော့တဲ့ အဖေ့ကို ကျွန်မ ဇွတ် ချော့မော့ပြီး အပြင်ကို ခေါ်ထုတ်ရပြန်တယ်။ ကျွန်မ မျက်ရည်တ၀ဲဝဲနဲ့ တိုက်တဲ့ နွားနို့ပန်းကန်ကို သည်တခါတော့ အဖေက ကြည့်တယ်။ ပြီးတော့ ကျွန်မကို သေချာ စိုက်ကြည့်နေပြီး ပက်လက်ကုလားထိုင်ပေါ် ပို့ဖို့ ပြတယ်။
ကုလားထိုင်ပေါ်ရောက်ပြီးမှ အဖေ ပြန်ထတယ်။ အိပ်ရာပေါ်ကို ဇွတ်လက်ညှိုးထိုးပြနေတယ်။ 'ပို့ ပို့' တဲ့။

'အဖေကလဲ နွားနို့လေး သောက်ပြီးမှ ပြန်အိပ်ပါ။ ဒီမှာ ခဏလေး နေလိုက်ပါဦး'
အဖေခေါင်းကို ယမ်းပြီး ကျွန်မကို သနားစရာ ကြေကွဲစရာ အကြည့်နဲ့ မော့ကြည့်တယ်။ ပြီးတော့မှ တိုးတိုးလေး 'ညည်းအမေ မြင်ရင် အဖေ့ကို နှင်လိမ့်မယ်' တဲ့။ အို.... အဖေရယ်။

ကျွန်မ ရုတ်တရက် ဘာမှ ပြန်မပြောနိုင်အောင် စိတ်ထိခိုက်ရတယ်။ အေးစက်စက် အဖေ့လက်တွေကို ကျွန်မ ကြင်ကြင်နာနာ ကိုင်ထားလိုက်တုန်းမှာပဲ အမေရယ်လေ....

'မိသိုက်ကအေ သိပ်ညစ်တာပဲ၊ တော်ပြီ ဒီကောင်မနဲ့ နောက်မကစားဘူး'
ဒေါ်လေးသိုက်တို့ အိမ်က အပြန် အကြီးအကျယ် အော်ဟစ်သောင်းကျန်းလာတဲ့ အမေက အဖေ့အခန်းဝကိုတော့ တန်းတန်းမတ်မတ်လာတယ်။ ပက်လက်ကုလားထိုင်ဆီကိုလဲ တန်းတန်းမတ်မတ်။ ပြီးတော့ အဖေ့ခြေထောက်တွေကိုလည်း တယုတယ။ ဒါပေမယ့် အဖေ့ကို စူးစူးကြည့်လို့.....

'ဟဲ့ အဘိုးကြီး သူများအိမ်ကို အားမနာဘူးလား၊ မရှက်ဘူးလား၊ ပြန်ပါတော့လား၊ ကိုယ့်အိမ်ကို မပြန်ရင်လေ မပြန်ရင်'

အမေက နှိပ်နေတာကို ရပ်ပြီး ခဏ စဉ်းစားတယ်။ ပြီးတော့မှ အားရပါးရ ဆက်နှိပ်ရင်း 'ရိုက်ထုတ်မယ်၊ ရိုက်ထုတ်မယ်ဟေ့' တဲ့။

'အမေကလဲနော်'
မမကြီးနဲ့ ကျွန်မက စိတ်ထိခိုက် ညစ်ညူးပေမယ့် အဖေဟာ ဒီတခါတော့ ထူးထူးဆန်းဆန်း မျက်နှာ မလွှဲပဲ အမေ့ကို စိုက်ကြည့်နေခဲ့တယ်။ ဒါပေမယ့် အဖေ့ မျက်နှာကတော့ ကြေကွဲစရာ အကောင်းဆုံး၊ ၀မ်းနည်းစရာ အကောင်းဆုံး မျက်နှာ။
အဲ့သည်ညမှာပဲ အဖေ ဆုံးသွားရှာပါတယ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ပြတင်းပေါက်က ၀င်တဲ့ လေအရှိန်နဲ့ တဖျပ်ဖျပ်လွင့်နေတဲ့ ဇာခြင်ထောင်ကို ကျွန်မနဲ့ မမကြီး မွေ့ရာအောက်မှာ သပ်သပ်ရပ်ရပ် ဖိလိုက်ကြတယ်။ ပက်လက်ကုလားထိုင်ကိုလည်း နေသားတကျ။ ခုတင်ဘေးက စားပွဲလေးပေါ်မှာလည်း နွားနို့ဓါတ်ဗူးနဲ့ ပန်းကန်ပြားလေးကို အဖေရှိနေတုန်းကလိုပဲ သေသေသပ်သပ် ချထားပါတယ်။ အခန်းဝက ကြည့်လိုက်ရင် ခြင်ထောင်ထဲမှာ အဖေရှိနေသလို ပေါ့နော်။ မမကြီးဆီက ကြိတ်ပြီး ရှိုက်သံ ကြားရတယ်။

'ငါ့ကို ဘာဖြစ်လို့ မိသိုက်တို့အိမ် ညအိပ်ခိုင်းရတာလဲ၊ ပြောစမ်းပါဟဲ့'
ဟော အမေပြန်လာပြီ။ အမေပြန်လာရှာပြီ။ မမကြီးက မျက်ရည်တွေကို ကဗျာကယာ သုတ်တယ်။ အမေ့ကို ခေါ်လာတဲ့ အစ်ကိုကြီးရဲ့ 'အမေကလဲဗျာ' ဆိုတဲ့ စိတ်မကောင်းသံကို ကြားရတယ်။

'သူများအိမ်မှာ အပျိုအရွယ်လေး ည သွားအိပ်လို့ မကောင်းဘူးဆိုတာ နင်တို့ မသိဘူးလား။ ငါတစက်မှ အိပ်မပျော်ဘူး။ ဒီနေ့ညသာ ဆက်အိပ်ရရင် မိသိုက်တို့အိမ် မီးနဲ့ အရှို့ပဲ'
ကျွန်မနဲ့ မမကြီး အခန်းထဲက မြန်မြန်ထွက်လိုက်ကြတယ်။ ဧည့်ခန်းထဲမှာ အမေက ဆွဲထားတဲ့ အစ်ကိုကြီးလက်တွေကို ရုန်းဖယ်လို့။

'ဒီမှာ ထိုင်ရအောင်လေ အမေ'
အမေက ခေါင်းကို သွက်သွက်ခါ ယမ်းရင်း ကျွန်မနဲ့ မမကြီးကို လှမ်းကြည့်တယ်။ ပြီးတော့ ကျွန်မတို့ နှစ်ယောက်ကြားက ဖြတ်ပြီး အိပ်ခန်းဆီကို တန်းတန်းမတ်မတ်။

'အမေ'
ကျွန်မ လွှတ်ခနဲ ခေါ်လိုက်ရင်း အမေ့နောက် မြန်မြန် လိုက်ခဲ့တယ်။ အမေက အခန်းဝမှာ ရပ်ပြီး ခုတင်ကို ငေးကြည့်နေတယ်။ ပြီးတော့ အခန်းထဲ ဖြည်းဖြည်းချင်း ၀င်သွားတဲ့ အမေ့ကို နောက်ကနေ ကျွန်မတို့ မောင်နှမသုံးယောက် အသက်မရှူဘဲ ကြည့်နေမိကြတယ်။ အမေက ခုတင်ကို တပတ်ပတ်လိုက်တယ်။ ပြီးတော့ ပက်လက်ကုလားထိုင်လေးကို လက်နဲ့ ထိကြည့်တယ်။ ပြီးတော့ အခန်းထဲကို လှည့်ပတ်ကြည့်ရင်း ဘုရားစင် စားပွဲခုံပေါ် ထောင်ထားတဲ့ အဖေ့ဓါတ်ပုံကို မြင်တော့ ဟက်ဟက်ပက်ပက် ရယ်ချလိုက်တယ်။

'အမေကလည်းဗျာ'
အစ်ကိုကြီးက သက်ပြင်းတချက်ကို ချလို့ ခုတင်ဘေးက ပက်လက်ကုလားထိုင်ပေါ်မှာ ခြေပစ်လက်ပစ် ထိုင်ချလိုက်တယ်။
အဖေ့ဓါတ်ပုံကို ကြည့်နေတဲ့ အမေဟာ သည်ဘက်လှည့်လိုက်တာနဲ့ ပက်လက်ကုလားထိုင်ပေါ်က အစ်ကိုကြီးကိုလည်း မြင်ရော အံ့သြသလို မျက်နှာပြောင်းလဲသွားရင်း ပက်လက်ကုလားထိုင်ဘေးကို ချက်ချင်း ရောက်လာတော့တယ်။ ပြီးတော့ ကျုံ့ကျုံ့ကလေးနဲ့ အစ်ကိုကြီး ခြေထောက်တွေကို ဖြည်းဖြည်းချင်း တယုတယ နှိပ်တော့တာပါပဲ။

'အမေ'
အစ်ကိုကြီးက သူ့မျက်နှာကို လက်ဝါးနဲ့ အုပ်လိုက်တယ်။ အမေကတော့ အားရပါးရ နှိပ်နေရင်းကနေ အစ်ကိုကြီးဆီက တအစ်အစ်နဲ့ ရှိုက်သံထွက်လာတော့ ဖြည်းဖြည်းချင်း အစ်ကိုကြီးကို မော့ကြည့်တယ်။ ပြီးတော့ ဘာမှ မဖြစ်သလို ဆက်နှိပ်ပြန်တယ်။ ဒါပေမယ့် တဖြည်းဖြည်း လှုပ်ရှားနေတဲ့ အမေ့လက်ချောင်း ပိန်ပိန်လေးတွေ နှေးကွေးသွားပြီး ခဏနေတော့ ဆတ်ခနဲ ထပြီး အခန်းထဲက ထွက်သွားတော့တယ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

'ခင်ထွေး .... သမီး'
အဖေ့အိပ်ရာဆီကို လှမ်းလိုက်တဲ့ ကျွန်မတကိုယ်လုံး တုန်လှုပ်သွားခဲ့တယ်။ အမေ။ နံနက်လင်းစ မှောင်ရီရီ အလင်းရောင်အောက်မှာ အမေရယ်လေ။ ခြင်ထောင်ဘေးမှာ ရပ်လို့။ အမေမနိုးခင် အဖေ့အိပ်ရာကို နေသားတကျ ဖြစ်အောင်လို့ ကျွန်မ အစောကြီး ထလာခဲ့တာ။

'အမေ'
ခုတင်ဘေးမှာ တည်ငြိမ်ခံ့ညားစွာ စိုးရိမ်ပူပန်ကြီးတတ်တဲ့ အမူအရာနဲ့ ရပ်နေတဲ့ အမေဟာ ကျွန်မတို့ရဲ့ အလျင်က အမေ ပေပဲလား။
'သမီး'
ကျွန်မ နားကြားမလွဲပါဘူးနော်။ အမေ့နားကို တိုးကပ်ရင်း အမေ့လက်တွေကို ၀မ်းသာအားရ ကျွန်မ ဆွဲယူမိလိုက်တယ်။

'အို အမေ့လက်တွေ အေးစက်နေတာပဲ'
'ဖယ်စမ်းပါ'
အမေက သူ့လက်တွေကို ပြန်ဆွဲယူရင်း အလျင်စလို နိုင်လှတဲ့ ဟိုတုန်းက အမေ့လေသံနဲ့...
'ညည်းအဖေရော'
'ဟင်'
'ညည်းအဖေ ဘယ်မှာလဲ၊ ညည်းအဖေ ဘယ်ရောက်သွားလဲ'
ဘုရား ဘုရား၊ ကျွန်မ ဘာပြောရမလဲ။ အမေလေ ကျွန်မလက်တွေကို ဆွဲခါလှုပ်ရမ်းနေတယ်။
'ပြောလေ၊ ညည်းအဖေရော လို့ဆို'
'အဖေ ရှိပါတယ်'
'ဘယ်မှာလဲ'
'ရှိပါတယ်'
'အို မရှိပါဘူး၊ ငါ အရုဏ်တက်ကတည်းက ညည်းတို့ မနိုးခင်ကတည်းက လိုက်ရှာနေတာ၊ တအိမ်လုံးနှံ့နေပြီ'
'ပြောစမ်းပါအေ ဘယ်မှာလဲ'
'...........'
'ညည်းတို့ ဘယ်ကို ပို့ထားကြသလဲ ဟင်'
'မပို့ပါဘူး အမေရယ်'
'အို အေ'

မျက်ရည်တွေ လိမ့်ဆင်းကျလာတဲ့ ကျွန်မကို အမေက စိတ်မရှည်သလို တွန်းလိုက်ပြီး အမေ့ခန္ဓာကိုယ် လေးဟာ ခုတင်ပေါ်ကို အ၀တ်ပျော့လေးတခုလို ပုံကျသွားခဲ့တယ်။ အမေတင်ထားတဲ့ ဇာခြင်ထောင်အောက်က အိပ်ရာရဲ့ ဘယ်ဘက်ခြမ်းပေါ်မှာ ခွေခွေလေး။ အမေ့မျက်နှာက အဆမတန် အိုမင်းနွမ်းနယ်နေပြီး အမေ့ မျက်လုံးမှာ ဒေါသနဲ့ စိုးရိမ်သောကတွေ။ အမေ့ဆီမှာ ပူးကပ်နေတဲ့ လန်းဆန်းတက်ကြွမှုတမျိုး ဘယ်ရောက် သွားပြီလဲ။
အမေက ခြင်ထောင်အမိုးကို အကြာကြီး စိုက်ကြည့်နေရာကနေ ကျွန်မဘက်ကို ဆတ်ခနဲ လှည့်ကြည့် လိုက်တယ်။

'အသက်ရှင်ရက်တော့ ငါတို့ကို ခွဲမထားကြပါနဲ့အေ'
အမေ့ရဲ့ တောင်းပန်ညည်းညူသံဟာ ကျွန်မကို နာကျင်စေပါတယ်။
'ရှင်ကွဲ, ကွဲရတဲ့ဒုက္ခကို ညည်းတို့ မသိပါဘူး'

အို ...... အမေရယ်။ ကျွန်မ မသိဘဲ ရှိပါ့မလား။ ကျွန်မခံစားနေရတာပဲ အမေ။ အမေ့လို ကျွန်မ ပေါက်ကွဲ ပါရစေတော့။ အမေ နားထောင်ပါနော်။
တဖက်စောင်းသွားတဲ့ အမေ့ရဲ့ လက်တွေကို ကျွန်မ ဆွဲယူလိုက်တဲ့အခါ အမေ အသက်မရှိတော့ပါဘူး။


နုနုရည် အင်းဝ။

Saturday, March 19, 2011

ဝသုန္ဒြီ မဟေသီ
ရေးသူ - မိနှောင်း



[ဒီကဗျာကို မာယာအတွက်၊ သူ့ စုဆောင်းမှု ကိုယ်ပိုင်စာကြည့်တိုက်က ရိုက်ကူးပို့တဲ့ ကဗျာဆရာမ မေငြိမ်းကို ကျေးဇူးအထူးတင်ရှိပါကြောင်း။]

မကိုဋ်နဖူးစီး
ပြောင်ဟီးသတင်းပေး
ရွှေချွေး ငွေချွေး လက်ယပ်ခေါ်
ထန်းလျက်က တဆုပ်
သကြားရုပ် လောကနတ်
နှုတ်မြတ်အချိုတည်
ဝမ်းဝယ်ဘ၀ပြောင်း
ခေါင်းဆယ်လုံးဒဿ
မာယာပြသီတာငယ်ကို.. လို…။


ဘယ်မျက်လုံးကန်း
စိုးရိမ်စမ်းလျှောက်
ဝဲဘက်ရောက်လေကြောင်
အောင်အတိတ်နဲ့ ချောင်ပိတ်မိသူများ
ပီတိအပြားလိုက်ကပ်တော့သတည်း။

မိနှောင်း

မိနှောင်းရေးတဲ့ နှောင်းသစ္စာ ကဗျာစာအုပ်
၂၀၁၀ ဒီဇင်ဘာ။ ကြယ်နီစာအုပ်တိုက်

Friday, March 18, 2011

တအိအိ အနောက်မှာ
ရေးသူ - ညီပုလေး




{အင်တာနက်ကနေ ရတဲ့ ရွှေအမြုတေက ညီပုလေးဝတ္ထုကို မာယာက ကြိုက်လို့ တဆင့် ကူးယူတင်ပြလိုက်တာ ဖြစ်ပါတယ်။}


ဟောဒီမြို့မှာ ဗိုလ်ချုပ် အောင်ဆန်းလမ်းတို့၊ ရှင်စန်္ဒိမာလမ်း၊ အာဇာနည် လမ်းတို့ကို မြို့နေပြည်ထိုင် ပုဂ်္ဂိုလ်တိုင်း သိမီကြတယ်။ အထင်ကရ လမ်းကြီးတွေ ဟုတ်လား။
အဲဒီ ဗိုလ်ချုပ်အောင်ဆန်း လမ်းပေါ်မှာ ဆိုင်တွေ၊ ကနားတွေ အများကြီး။ ရွှေဆိုင်တွေလည်းရှိတယ်။ ကျောက်မျက်ရတနာ အရောင်း ဆိုင်တွေလည်း ရှိကြတယ်။ ပုဂ္ဂလိက ဘဏ်တိုက်တွေရော၊ စားသောက်ဆိုင်တွေရော၊ ရုပ်ရှင်ရုံတွေရော၊ စတိုးဆိုင်တွေရော၊ ဖိနပ်ဆိုင်တွေ၊ နာရီ အရောင်းဆိုင်တွေ၊ ဘာလိုချင်သလဲ ဟောဒီ ဗိုလ်ချုပ်အောင်ဆန်းလမ်းပေါ်မှာအကုန်ရတယ်။


ဒီတော့စာအုပ်ဆိုင်ဆိုတာလည်းပါတော့တာပေါ့။ စာအုပ်ဆိုင်ကရှိတော့ရှိတယ်။အကြီးကြီးတော့ မဟုတ်ဘူး။ စာအုပ်ဆိုင်ရှင်တွေခမျာ စစချင်းတော့ နည်းနည်းနဲ့ကျဲကျဲဝိုင်းကြရတယ်ထင်ပါရဲ့။ ဆိုင်ရှင်လင်မယားနှစ်ယောက်မှာ ယောက်ျားသည်က ညိုညိုပုပုပါးပါး၊ မိန်းမဖြစ်သူက ဖြူ ဖြူ ဖြောင့်ဖြောင့်။ သူတို့နှစ်ယောက်ကို မြင်ရတဲ့ စာအုပ်ဝယ်သူတွေက ရှေ့သွားနောက်လိုက် ညီပါပေတယ်လို့ ဆိုသူ ရှိသလို ဘယ်လိုကြည့်ကြည့် မအပ်မစပ်တဲ့ အတွဲပါကွာလို့ တွေးသူလည်း တွေးမိကြပေမပေါ့။ သူတို့ နာမည်တွေကလည်း ၀တ္ထုစာအုပ် မာတိကာထဲက ယူပြီးမှည့်ထားသလိုပဲ။ ခင်ပွန်းဖြစ်သူကကိုထွန်းဆွေမင်းတဲ့။

ထွန်းတောက်ထွဋ်ဆီ က ထွန်းကိုယူ၊ ဦးဆွေ(ဒဿ နိက)ဆီက ဆွေကိုကောက်၊ မင်းခိုက်စိုးစန်ဆီက မင်းကိုယူ မှည့်ထားရော့သလား။ ဇနီးသည်ရဲ့ နာမည်က လည်း မခေဘူး။ နှင်းခင်ရီ တဲ့လေ။ ခင်နှင်းရီ၊ ခင်နှင်းရည် ဆိုတာလို ကြားဖူးနေကျ နာမည်မျိုး မဟုတ်ဘဲ နှင်းခင်ရီတဲ့လေ။ စာရေးဆရာမတွေ ဖြစ်ကြတဲ့ နှင်းဆီအောင်၊ ပုညခင်၊ ကေသရီတို့ကိုများသူ့မိဘကစွဲလမ်းခဲ့လေသလား။

ကိုထွန်းဆွေမင်းက မနက်စောစော ဆိုင်ခင်းလေ့ ရှိတယ်။ ဒီမောင် ဆိုင်ရှေ့မှာ တံမြက်စည်း လှည်းရင် မနှင်းခင်ရီက စင်ပေါ်က စာအုပ်တွေ ဖုန်သုတ်တယ်။ ပါးစပ် ကတော့ ဈေးရောင်းကောင်းမယ့် ဓနသိဒ်္ဓိ ဂါထာ တစ်ခုခု ရွတ်ရင်းပေါ့။ အကြောင်း မညီညွတ်လို့၊ ဒါမှမဟုတ် ကိုထွန်းဆွေမင်း ရပ်ကွက်ထဲက လူမှုရေး ကိစ္စ တစ်ခုခုရှိလို့ တံမြက်စည်း မလှည်းအားရင်မနှင်းခင်ရီလှည်းတယ်။ဖုန်လည်းသုတ်တယ်။

မောင်တစ်ထမ်း မယ်တစ်ရွက် ဆိုင်လေးပါပဲ။ စစချင်း စာအုပ် သုံးလေးရာနဲ့ စဖွင့်ခဲ့တဲ့ ဆိုင်ကလေး။ ဆိုင်သက်တမ်းငါးနှစ်လောက်ရတော့ စာအုပ်ရေ တစ်ထောင့်ငါးရာ ဖြစ်လာရော။ သိပ်ပြီးထူးဆန်းတဲ့ကိစ္စတော့မဟုတ်ပါဘူး။ ဒီလင်မယားချွေချွေတာတာ ၀တ်စားကြတယ်လေ။ ရောင်းရသမျှဆိုင်ထဲပဲပြန်မြှုပ်နှံတဲ့သဘော။ အပျော်ဖတ်စာအုပ်တွေ၊ ကျောင်းပြဋ္ဌာန်းချက်တွေ မရောင်းလေတော့ သူတို့စာအုပ်ဆိုင်လေးက “ဖြောက်ဖြောက် ဖြောက်ဖြောက်” ရောင်းရတဲ့ ဆိုင်လေး။

ဆရာကြီး သခင်ကိုယ်တော်မှိုင်း၊ ဆရာကြီး ရွှေဥဒေါင်း၊ ဆရာဇော်ဂျီ၊ ဆရာ မင်းသုဝဏ်၊ ဆရာဗန်းမော်တင်အောင်၊ ဆရာမြသန်းတင့်၊ သခင်မြသန်း၊ လူထုဦးလှ၊ လူထုဒေါ်အမာ၊ သိန်းဖေမြင့်၊ ခင်မျိုးချစ်၊ အောင်သင်း၊ ဦးရွှေအောင်၊ ရွှေဘိုမိမိကြီး တို့ရဲ့ စာအုပ်မျိုးတွေ ရောင်းရာကနေ စာဖတ်ပရိသတ် တောင်းဆိုတဲ့ ခင်နှင်းယု၊ ခင်ဆွေဦး၊ ကလျာ၊ တက္ကသိုလ် ဘုန်းနိုင်တို့ တင်ရောင်းလာတယ်။ စာအုပ်ဝယ်သူတွေရဲ့ အလိုကို လိုက်ရင်း ရှင်ဆန္ဒာဓိက၊ ရဝေနွယ်(အင်းမ)၊ မေတ္တာရှင်(ရွှေပြည်သာ)၊ ဆရာကြီးဦးကြည်၊ ဂျူး၊ မင်းခိုက်စိုးစန် တို့ပါ ဖြန့်ချိရပါလေရော။

စာအုပ်ဝယ် ဆိုတာက စိတ်ကူးအမျိုးမျိုးနဲ့ လာကြတာ။ ဆရာကြီး ရွှေဥဒေါင်းရဲ့ တစ်သက်တာ မှတ်တမ်း ၀ယ်မလို့လာတာ၊ ဒါပေမဲ့ ဒေါက်တာ သန်းထွန်းရဲ့ ငါ ပြောချင်သမျှ ငါ့အကြောင်း တွေ့တဲ့အခါ ကောက်ဝယ်ချင် ၀ယ်သွားတာ။ လူထုဒေါ်အမာရဲ့ ပြည်သူချစ်သော အနုပညာသည်များဝယ်ပြီး ငွေပိုငွေလျှံလေးကျန်သေးတော့ ဘုရားရှိခိုးအမျိုးမျိုးပါ ၀ယ်သွားသူ မျိုးလည်းရှိ။ ဖြောက်ဖြောက် ပေမယ့် တချို့ဈေးဝယ်တွေက ဒိပြင် စာအုပ်ဆိုင်ကြီးတွေ မြို့အနှံ့ ရှိပေမယ့် သူတို့ဆိုင်ကိုမှ ပုံမှန်အားပေးကြတဲ့ အမာခံ ဖောက်သည်တွေလည်းရှိတယ်။

ကုန်စည်ဒိုင်က ပဲအရောင်းအ၀ယ်ဆရာကြီးကိုကြည်လွင်လိုပုဂ်္ဂိုလ်၊ ဆန်ကုန်သည်များ အသင်းက ကိုသိန်းဇော်လိုလူ၊ သမိုင်းကျူရှင်ဆရာ ဦးသိန်းဟန်၊ ပွဲကုန်းက ဒေါက်တာစံရ၊ မဟာဝိသုဒ္ဓါရုံနဲ့ မြတောင်တိုက်ကဦးပဉ္စင်းတချို့၊ စစ်ကိုင်း မြစကြာကျောင်းတိုက် ဦးပဉ္စင်းတွေ၊ သူတို့လိုချင်တဲ့စာအုပ် ဒီဆိုင်မှာမရှိရင် မှာထားခဲ့တယ်။ နောက်တစ်ခေါက်မှယူမယ်။ အဲဒီအခါ ကိုထွန်းဆွေမင်း ဆိုင်ကယ် ဖင်ကြားညှပ်ပြီး အော်ဒါပေးထားတဲ့စာအုပ် မရ ရအောင် ရှာပြီ။

ဒီလိုနဲ့ လစဉ်ဝယ်သူတွေ၊ ပုံမှန် ဖောက်သည်တွေ တစ်လပြီး တစ်လ တိုးလာတော့တယ်။ သူတို့ သင်ပေး လို့ပဲ ဗလာစာအုပ်ပါ တွဲရောင်းတော့ အထိုက်အလျောက် ရောင်းရတာပါပဲ။

စာအုပ်ချည်းလား၊ ခဲတံလေး၊ ဘောလ်ပင်လေး ပါထားလေ။ ပြန်အမ်းစရာ အနုပ်မရှိတဲ့ အခါ ဘောလ် ပင် အမ်းနေကြတာ၊ ပေတံ မရှိဘူးလား။ ခဲဖျက်ရော၊ ခဲသား ဘောလ်ပင် တင်ဦး၊ ဒီလိုနဲ့ မနှင်းခင်ရီ ဈေးချိုထဲက စာရေး ကိရိယာဆိုင်တွေဘက် ခြေဦး လှည့်တဲ့အခါ လှည့်ရတယ်။

စာအုပ်ရောင်းတယ် ဆိုတာ လာဝယ်သူက ဘာစာအုပ် မရှိဘူးလားလို့ မေးရင် ရှိပါတယ်။ ဒီမှာပါ ခင်ဗျာ၊ ဒီမှာပါရှင် ဆိုပြီး ၀ယ်သူ့လက် အပ်လိုက်ချင်တာ။ ဒါပေမဲ့ စာအုပ်တိုက် မျိုးစုံက စာအုပ်တွေကလည်း ထွက်လိုက်တာ၊ သူတို့ ဇနီး မောင်နှံ လိုက်မမီဘူး။

ဈေးဝယ် ဖြောက် ဖြောက်ဆိုတဲ့ စကားဟာ ဘာ အလင်္ကာ မြောက်တယ်တော့ သူတို့ ဇနီးမောင်နှံ သိကြပုံ မပေါ်ဘူး။ ဒါပေမဲ့ သူတို့ရဲ့မိတ်ဆွေဆိုလည်း ဟုတ်၊ သူတို့ရဲ့ စာအုပ်ဝယ်ဖောက် သည်ဆိုလည်း ဟုတ်တဲ့ ဒေါက်တာ စိုးစန်ရဲ့ ဆေးခန်းကလည်း ဖြောက်ဖြောက် ထဲမှာပါတယ်။ ဒေါက်တာ စိုးစန်ရဲ့ ဆေးခန်းက မြို့စွန်မြို့ဖျား မဟုတ်သလို လူစည်ကားတဲ့မြို့အလယ်ကောင်လောက်မှာလည်းမဟုတ်ဘူး။

ဒါပေမဲ့ သူလိုအမ်ဘီဘီအက်စ်ဘွဲ့ တစ်ခုတည်း ပိုင်ဆိုင်ထားတဲ့ ဆရာဝန်ခမျာ ရှင်စန်္ဒိမာ လမ်းပေါ်မှာ အတော် ရုန်းရရှာတယ်။ ဒေါက်တာစိုးစန်က ကိုထွန်းဆွေမင်းတို့ဆိုင်က တိုင်းမ် မဂ္ဂဇင်းအဟောင်း၊ ရီးဒါးဒိုင်ဂျက်စ်အဟောင်းလေးတွေဝယ်ပြီး ဆေးခန်းမှာလူနာတွေစောင့်ရင်း ဖတ်လေ့ရှိတယ်။

လူချင်း ခင်လေတော့၊ ဘယ့်နှယ်လဲ ဆရာ ဆေးတွေ ၀ယ်လာတာ များလှချေလား၊ လူနာတွေ ကျတယ်လို့ ထင်တယ်မေးရင်၊ ဟုတ်ပါဘူးဗျာ၊ ဒါ ယောက္ခမကြီးအတွက် အ၀ယ်ခိုင်းလို့ ၀ယ်လာတာ၊ ဆေးခန်းဖွင့်တာ အင်္ဂလိပ်စာတော့ အတော်တိုးတက်လာပြီ ဆိုတဲ့ ဖြောက်ဖြောက်ဖြောက်ဖြောက်မျိုး။

မြန်မာ့ရေနံကအင်ဂျင်နီယာ ကိုတင့်လွင်နဲ့ ကွန်ပျူတာဆရာ ကိုမျိုးတို့ ခဏခဏ မေးကြလွန်းလို့ မန္တလေးမြို့ မြေပုံ၊ မြန်မာပြည်မြေပုံ၊ ကမ္ဘာမြေပုံ၊ အေဘီစီဒီ ကားချပ်၊ ကကြီးခခွေး သင်ထောက်ကူကားချပ် ပလတ်စတစ်လောင်းပြီးသားတွေ ချိတ်ထားလိုက်တယ်။ မဟာမုနိဘုရားကြီး ပုံတော်တွေ တောင် ပါလိုက်သေး။ ရွှေတိဂုံ၊ မဟာမုနိ၊ ကျိုက်ထီးရိုး ဘုရား စေတီကြီးသုံးဆူရဲ့ရုပ်ပုံတွေပါမကျန်ဘူး။

ဒါတွေလည်း ဖြောက် ဖြောက် ဖြောက်ဖြောက်နဲ့ ရောင်းနေရတာပဲ။ စာအုပ် ဆိုင်သက်လေး အတော် ရလာတော့ ကိုထွန်းဆွေမင်းက စာအုပ်လာဝယ် သူတွေကို ခန့်မှန်းတဲ့ အကျင့် ကျင့်ကြည့် တယ်။ ဒီပုဂ်္ဂိုလ် ကြည့်ရတာ ရှေ့နေ ထင်ပါရဲ့။ ဒါဆိုရင် သူတို့ဖောက်သည် ရှေ့နေ ဦးထွန်းဝေနဲ့များ စာအုပ် အကြိုက်ချင်း တူလေမလား။ အတွေးအမြင်၊ ရွက်နုဝေ၊ အောင်ပင်လယ်၊ ရနံ့သစ် မဂ္ဂဇင်းတွေကို ရောင်းရမယ် ထင်ပေမယ့် “ရေးပေးပါ” လို သူ့မြေးအရွယ်တွေဝယ်လေ့ ရှိတဲ့စာအုပ် ရှိသလားမေးချင် မေးတာမျိုး။

ဒီကလေးမ တစ်သိုက် ကတော့ ကွန်ပျူတာ စာအုပ်တွေ လှန်လှောကြမယ် ထင်ပါရဲ့။ ဖိုတိုရှော့တွေ၊ ၀င်းဒိုးစ်တွေ၊ ကိုရယ်ဒရောတွေ ရှိရဲ့လားလို့ ကိုထွန်းဆွေမင်း မျက်လုံးနဲ့ ကြိုရှာ ထားပေမယ့် သူတို့မေးတဲ့ စာအုပ်က မေတ္တာရှင်(ရွှေပြည်သာ) ဆရာတော် ပြုစုတဲ့ သညာသိနှင့် ပညာသိဆိုတဲ့ သုဒ္ဓ၀ိပဿနာကျင့်စဉ်စာအုပ် ဖြစ်ချင်ဖြစ် တတ်တယ်။

ကိုထွန်းဆွေမင်းနဲ့ မနှင်းခင်ရီတို့ ခမျာလည်း စာအုပ်ဆိုင် ဖွင့်ခါမှ သူတို့နဲ့ အသက်အရွယ် မတိမ်းမယိမ်းတွေက ဦးလေး၊ ဦးကြီးတို့၊ ဒေါ်ကြီး၊ အန်တီတို့ အခေါ် ခံရလို ခံရနဲ့။ တစ်ခါတစ်ရံတော့ ကိုထွန်းဆွေမင်း မှန်းချက်နဲ့ နှမ်းထွက် ကိုက်တယ်။ ဒီချာတိတ် သုံးယောက်ကတော့ ကဗျာစာအုပ် ၀ယ်မယ့် ချာတိတ်တွေလို့ ထင်မိတာ။မောင်ချောနွယ်၊ အောင်ချိမ့်၊ သုခမိန်လှိုင်သာမက စောဝေ၊ နွယ်စိမ်းဝေဆိုတဲ့ ဆိုင်ကပ် နေတတ်တဲ့ ဝေနှစ်ပါး ၀ယ်သွားသလိုမျိုးကြုံရရင်အလွန်ပျော်တာပေါ့။

ဒါပေမဲ့ အဲဒီနေ့ ကိုထွန်းဆွေမင်း နာမည် ပေးခက်တဲ့ ခံစားမှု တစ်ခုခံစား လိုက်ရတယ်။ စာအုပ် လာဝယ်သူတွေရဲ့ ဒီဇိုင်းတွေက ဈေးသူ ဈေးသား ထင်ပါရဲ့။ မော်တော်ကားနဲ့ လာတာ။ သပ် သပ်ရပ်ရပ်ဝတ်စားလာကြတာ။ အချိန်ကလည်း ဈေးချိုမှာ ဆိုင်ခင်းကြ၊ မန်းမြန်မာပလာဇာမှာ ဆိုင်ထွက်ကြတဲ့အချိန်။

အဒေါ် အရွယ်နဲ့ တူမ အရွယ်နှစ်ယောက် ကားပေါ်က ဆင်းလာကြတာ။ သားအမိလည်း ဖြစ်ချင်ဖြစ်မယ်။ ဒါဆရာမ ခင်နှင်းယုပရိသတ်၊ ဒါမှမဟုတ် ဆရာမကြီး လူထုဒေါ်အမာ ပရိသတ်ထင်ရဲ့။အမေ့ရှေးစကားလား၊ဇီဝဇိုးလား။

“၀သုန္ဓရေလက်ရေးဆိုတဲ့စာအုပ်ရှိသလား”

ကိုထွန်းဆွေမင်း ထိတ်ထိတ်ပျာပျာဖြစ်ပြီး ရှော့ခ်ရ သွားတယ်။
၁၉၈၇ ကာလဆီက ထွက်ခဲ့တဲ့ ၀တ္ထုတိုစုစည်းမှုစာအုပ်လေး။ မန္တလေးမြို့က ထုတ်ဝေတဲ့ လက်ခုပ်သြဘာ သံတွေညံခဲ့တဲ့ ဒီစာအုပ်လေး။ သူမှတ်မိတယ်။ သူ့ဆိုင်ကတင် အုပ်သုံးလေးဆယ် လောက် ရောင်းခဲ့ရဖူးတယ်လေ။ ဟေ့ကောင် စဉ်းစား စမ်း၊ အဟောင်းဆိုင် တစ်ခုမှာ မင်းတွေ့ခဲ့ဖူးတယ်လေ။ အဲဒီ ဆိုင်ညွှန်းရအောင် ထွန်းဆွေမင်း ပြန်စဉ်းစားစမ်း။ အမြန်စဉ်းစားပေမယ့်စဉ်းစားလို့မရဘူး။

စဉ်းစားလို့မရတာ ဒီလိုကား၊ ဒီလိုအဆင်အယင်နဲ့ ၀သုန္ဓရေလက်ရေးဆိုတဲ့စာအုပ်နဲ့ ဘယ်လိုမှ ဆက်စပ်မရတာလည်းပါတယ်။ ကိုထွန်းဆွေမင်းက အရိုးခံအတိုင်း ပြောလိုက်တယ်။

“ဒီစာအုပ်က ထွက်ခဲ့တာ ကြာသွားပြီ။ ကျွန်တော့်ဆိုင်မှာ မရှိပါဘူးခင်ဗျာ၊ အဟောင်းဆိုင် တွေမှာမှရှိလိမ့်မယ်။ကျွန်တော်ရှာထားပေးရမလားခင်ဗျာ”

ဟုတ်ကဲ့လို့ အမျိုးသမီး နှစ်ယောက်ပြိုင်တူ ဖြေကြပြီး အသက် နည်းနည်းကြီးသူက “ကျွန်မတို့ ဖုန်းနံပါတ် ပေးခဲ့မယ်၊ အဲဒီစာအုပ်ရရင် ဖုန်း ဆက်ပေးပါလားရှင်”

ကိုထွန်းဆွေမင်း ခေါင်းလည်း ညိတ်သလို ပါးစပ်ကလည်း ဟုတ်ကဲ့လို့ ပြော လိုက်မိတယ် ထင်ပါရဲ့။
ပြည်သူချစ်သော အနုပညာသည်များ စာအုပ်နဲ့ အမေ့ ရှေးစကား ပ-ဒု-တ သုံးတွဲ စလုံး ရောင်းလိုက်ရတယ်။
သူတို့တစ်တွေ ဆိုင်က ထွက်သွားပြီး ခဏနေမှ ကိုထွန်းဆွေမင်း သတိရတော့တယ်။ ၀သုန္ဓရေလက်ရေးစာအုပ်ကို အာဇာနည်လမ်းပေါ်က ကိုခင်မောင်ရဲ့ စာအုပ်အဟောင်းဆိုင်မှာ သူတွေ့ခဲ့ဖူးတယ်။ သူလည်း ဖတ်ဖူးပြီး ကြိုက်တဲ့စာအုပ်ကို အခုလို လာမေးတော့ ကိုထွန်း ဆွေမင်း မရရအောင် ရှာပေးချင်မိတယ်။ နေနှင့်ဦး၊ ပိုက်ဆံ မရှိသေးလို့၊ ငါ့မှာများ ပိုက်ဆံ ရှိရင် ဒီစာအုပ်မျိုး ပြန်ထုတ်မယ်လို့ ကြုံးဝါးတဲ့ အထဲမှာ ၀သုန္ဓရေလက်ရေး စာအုပ်လည်း တစ်အုပ် အပါအ၀င်ပေါ့။

ဆရာဝင်းစည်သူ၊ မိုးမိုး (အင်းလျား)၊ နုနုရည် (အင်းဝ)၊ ခင်ပန်နှင်း၊ သိုက်ထွန်းသက်၊ ရဲသျှမ်း၊ ညီပုလေးတို့ အမျိုးသားရေးတာဝန်ကျေခဲ့ကြတဲ့ လက်ရာတွေ။ ဒီစာအုပ် ပြန်ထုတ်ခွင့်ရရင် စာရေးဆရာတွေကိုလည်း ဉာဏ်ပူဇော်ခ စို့စို့ပို့ပို့ ကန်တော့လိုက်ဦးမယ်လို့ တေးထားတဲ့ စာအုပ်။

အရောင်းအ၀ယ်ပါးနေချိန်မှာ ဆိုင်ရှေ့ကို မော်တော်ဆိုင်ကယ် မပြောနဲ့ စက်ဘီးနဲ့ ဖြစ်ဖြစ်၊ ခြေကျင်ပဲဖြစ်ဖြစ် လူတစ်ယောက်ယောက်လာရပ်ပြီး ဆိုင်ဘက်ကြည့်နေရင် ကိုပဲ မျှော်လင့်တကြီးနဲ့ ပျော်ရတာ မဟုတ်လား။ ရောင်းရ ချေသေးရဲ့၊ ရောင်းချင်လွန်း လို့လေ။

ဒီတစ်ခါတော့ အမျိုးသမီးလေး တစ်ယောက် သပ်သပ်ရပ်ရပ်၊ ဣနြေ္ဒရရလေး။ အသက်တော့ အစိတ်နဲ့သုံး ဆယ်တွင်းလောက် ရှိပေ မပေါ့။ မော်တော်ဆိုင်ကယ် ပေါ်က ဆင်းတာလည်း အေးအေးဆေးဆေး။ ဒီဆိုင်မှာ ၀ယ်နေကျ ဖောက်သည် ဟန်မျိုး။ သူစီးလာတဲ့ မော်တော် ဆိုင်ကယ်ကလည်း သူဝတ် စားထားသလိုပဲ သစ်သစ် လွင်လွင် ပြောင်ပြောင်လက်လက်။ ကုမ္ပဏီဝန်ထမ်းလား၊ ဘဏ်ဝန်ထမ်းလား၊ တက္ကသိုလ် တစ်ခုခုက ဆရာမလေး လေလား။ ဒါမှ မဟုတ်အတော်အတန်ပြည့်စုံတဲ့အသိုင်းအ၀ိုင်းကလား။

စာအုပ်စင်ပေါ်က စာအုပ်တွေကို တစ်ချက် ဝေ့ကြည့်ပြီး သင်ထောက်ကူ ကားချပ်တွေ၊ မြေပုံကားချပ် တွေဆီ သူ့မျက်လုံးလေး ရောက်သွားတယ်။ က ကလေးငယ် ချစ် စဖွယ်လား၊ အေဖော် အဲရိုး ပလိန်းလား။ ဒါမှမဟုတ် ကိုး န၀င်း မိုးလင်းမှသိမယ်ဆိုတဲ့ အဆင့်ကိုးဆင့်ပါတဲ့ ပုတီးစိပ်နည်းကားချပ်လား။

စာအုပ်သည် ဆိုတာ ၀ယ်သူရဲ့ လိုအင်ကို ဖြည့် ဆည်းရင်း ဆိုင်ကလေးဖွံ့ဖြိုး တိုးတက်အောင် ကြိုးစားရတာ ဟုတ်လား။ အခုလာတဲ့ အမျိုးသမီးလေးရဲ့ လိုအင်ကို သူတို့ လင်မယား ဘယ်လို ဖြည့်ဆည်းကြမလဲ။ အမျိုးသမီးလေးက “တရုတ်စာနဲ့ ရိုက်ထားတဲ့ မြန်မာပြည် မြေပုံတို့၊ မန္တလေး မြို့မြေပုံတို့ ရှိသလား”တဲ့။ သူတို့ လင်မယားနှစ်ယောက်ခမျာ ပါးစပ် အဟောင်းသားနဲ့။
ညီပုလေး
(ရွှေအမြုတေ မဂ္ဂဇင်း၊မတ်လ ၂၀၁၁)


Saturday, March 12, 2011

ပျောက်ဆုံးသွားသောမိန်းမများ
ရေးသူ - ဖော်ဝေး



[၁]

နေခြည်နုလေးများထက်
အနှီးတထည် ဖျတ်ဖျတ်လွင့်နေတယ်။

လုံချည်ဂွင်းသိုင်း
ဆံရစ်ဝိုင်းနဲ့ကလေးငယ်
ဟိုး.... မြစ်ပြင်ကျယ်ဆီမှ
လှေတစင်း ထွက်လာလိမ့်မယ်။

အတ္တရံမြစ်ကမ်းပါး
အစွန်အဖျား ရွာလေးတရွာမှာ
ငါမွေးဖွားခဲ့ပါတယ်။


မုန်တိုင်းတခုရဲ့ ၀မ်းဗိုက်
ဘယ်ကလောက်ကျယ်လိုက်သလဲ
ဒေါနတောင်ကြီးကိုဖြို
ဧရာဝတီကိုသောက်
(အများထဲကတယောက်ပါ)
အဖမဲ့သားတယောက်ရဲ့ ကြမ္မာအစအန
တကိုယ်လုံးမှာရှခဲ့ပြီ။

၁၉၄၉ မှ
အရှိုးရာဗရပွနှင့်
ငါထလာခဲ့သည်။

ဆံညိုညိုတွင်
ပြာဖြူဖြူပေကပ်
သနပ်ခါးထူထူလိမ်း
မုန့်စိမ်းပေါင်း ပေါင်းသူ
မရွေးကွက်လုပ်သူ
သနပ်ဖက်ထိုးသူ
အို.... သူမ
တလောကလုံးရဲ့ အင်အားများ
စုပွါးထားသူ။

အကစားပဲ မက်နေတာပဲ
မုန့်တွေတော့ ကုန်အောင်မရောင်းဘူး
ကဲဟယ် ကဲဟယ်
အို.... မေမေရယ်
လက်ဝါးပြင်နှစ်ချက်နဲ့
မေတ္တာမျက်ရည် တပေါက်နှစ်ပေါက်
ကျွန်တော့နှလုံးသား အောက်ခြေမှာ
ခုထိ အနယ်မထိုင်သေးပါ။

ဗုံးခိုကျင်းထိပ်မှာလဲ
အိပ်မက်တခု တွဲလွဲချိတ်
ခုတိုင်မူးရိပ်မပြေနိုင်
"ဗုံးနီနီကြီးက လှလိုက်တာနော်"
"သြော်... သားရယ်"
အမောမျက်နှာ သောကမျက်နှာ
မေတ္တာမျက်နှာ ကဗျာမျက်နှာ
အသာယာဆုံးတေးဆိုသူ
လူအပီဆုံးမိန်းမ
အလှဆုံးမေမေ။

ကြုံလှီဖြူဖျော့သောနေ့ရက်များ
ထွားကြိုင်းခက်မာလှသော ဒုက္ခ
ဘ၀ရဲ့ ပျားရည်စက်
"သားအတွက်ပါကွယ်"
"မြို့တက်ကျောင်းနေရမယ်"
ကျိုးကျတော့မယ့်တာရိုးပေါက်
အမေတယောက်တည်း ပိတ်ဆို့တယ်။

သြော်.... အမေ
နွေလက်အ၀ါ
ကြွေရွက်အ၀ါ
ချူချာသောကမ္ဘာကြီးမှ
အပြီးအပိုင်ထွက်ခွါသွား
ညတညလုံး လေထန်တယ်။

ဤရာစုအထိ
ချို့ငဲ့ခြင်းအဆင်းနဲ့
ပြည့်စုံခြင်းအတက်မှာ
တယောက်စာလမ်းကျဉ်းလေး
လူ့သွေးများနဲ့ ခင်းထားရဲ့။

သူတို့ကို ဖြေရှင်းပေးခဲ့သော
ကံတရားသည်
သူတို့ကို ဖြေသိမ့်ပေးခဲ့သော
တမလွန်သည်
အရုဏ်နီတလင်းပြင်၌
အမှိုက်အဖြစ် ကျန်ရစ်မည်

"လူဆိုသည်ကား
........................
........................
........................။

တရားသည်
နွားစားသွားသည့်မြက်နှယ်
ခါးလယ်မှပြတ်ရရှာပြီ။

[၂]

တောသည်၎င်း
တောင်သည်၎င်း
မြစ်ချောင်းအင်းအိုင်များသည်၎င်း
မပေါင်းဆုံနိုင်သော မေတ္တာဘွဲ့
ဆိုခဲ့ကြရသည်။

မိန်းကလေးရယ်
စိမ်းလန်းတဲ့နှလုံးသား
ရိုးသားတဲ့ဆက်ဆံရေးတွေ
လမ်းဘေးမှာကြေမွကုန်ကြပြီ။

ဒေါင်းချီမောင်းချီ
ချွေးဝေ့သီမျက်နှာနဲ့
ခမျာရန်တွေ့နေရှာပါပကော။

ညှိုးနွမ်းသိမ်ငယ်ခြင်းရဲ့
နေရင်းနိုင်ငံမှာ
သူမ၀င်ရောက်လာသောနေ့
လေ့လာသူ သုတေသီများ
အပျော်ကူးစက်သွားတော့မည်။

စစ်တောင်းကမ်းပါးပေါ်က
ရထားလမ်းဘေးမြို့ငယ်ဟာ
ကမ္ဘာကြီးထဲမတော့
အမဲစက်ကလေးတစက်သာ
ငါ့နေရာကကြည့်တော့လဲ
အမဲစက်ကြီးတစက်သာ။

နံစော်သောနာရီများသည်
သူမ၏ရယ်မောဂီတ၌
ငေးစိုက်မင်သက်မိကြပြီ။

ဟင့်အင်း.... ချစ်သူ့လက်ဆောင်မှာ
မာနမထားရဘူးမောင်
ခဲတန်ဖောင်တိန်တချောင်းနဲ့
ငါ ၇ တန်း အောင်ခဲ့တယ်။

ဟိုမှာ ခေါင်းငိုက်စိုက်ကောင်လေး
သွေးအလိမ်းလိမ်းနဲ့
ဒိန်းဒလိန်းနတ် ဖမ်းစား
နှလုံးသားလက်မှာကိုင်
တိုင်တည်နေပါပေါ့။

တတိယအကြိမ်
ချစ်သူ့စေ့စပ်သတင်းများ
ဝါးဓနိသက်ကယ်အိမ်ငယ်ထဲ
ခြေလှမ်းကြဲကြဲလျှောက်လာတယ်။

လေးကျွန်းကန်တော်ကြီးမှာ
အပျော်လှေစီးရအောင်ကွယ်
သြော်..... ကလေးရယ်
မင်းသွေးအေးပါပေရဲ့
တတ်လဲတတ်နိုင်ပါပေရဲ့။

ရွံ့ဗွက်ထဲက ဖိနပ်လောက်တောင်
အရောင်မတောက်တဲ့ကောင်ကကွာ
အသပြာရယ်မောသံက
ငါ့နှလုံးသားနုနုထဲ
သလိပ်ချွဲခန်းများနဲ့ ထွေးလိုက်တယ်။

တွန်သံမှမကြားရဘဲ
ကြက်ဖိုကြက်မရယ်လို့
ငါခွဲခြားပြမိခဲ့လေသလား။

ချစ်သူရယ်
အ၀တ်တထည် ကိုယ်တခုနဲ့
ရေကြည်ရာမြက်နုရာမှာ
ကဗျာတပုဒ် ဖွဲ့စို့နော်။

သြော်... မန္တလာက
မန်းသီတာဥယျဉ်ပင်
မမြင်ချင်ရင်တုန်လှိုက်
ငိုရှိုက်နေပါပကော။

နေခြည်ပျောက်တကွက်နှင့်
နှင်းတောင်ထုအား
ပျော်ကျသွားရန်မစွမ်းချေ။

ခေါင်းလောင်းသံ
ကြေးစည်သံကြား
ဘာဝနာပွါး တရားမရနိုင်ပါ
ရာဇ၀င်စာရွက်လဲ
မျက်ရည်တွေထဲ နှစ်လိုက်တယ်။

ကမ္ဘာကြီးကို ကြိုးတိုက်ထဲအလုံပိတ်
အို.... အိပ်ပျော်နေသူတို့
ပန်းများမမွှေးကြတော့ပါ။

ဧ၀ရက်တောင်ထိပ်၌
တိမ်တိုက်များကင်းရှင်းလျှင်
နှင်းဖြူဖြူကိုမြင်ရအံ့။ ။

ဖော်ဝေး။
၂၅-၉-၇၄ မှ ၆-၁၀-၇၄
[ဖော်ဝေး ရဲ့ 'ဖော်ဝေးငှက်များ ပျံသန်းချိန်' စာအုပ်၊ ပထမအကြိမ်၊ ၂၀၀၄ အောက်တိုဘာမှ ကူးယူဖော်ပြပါတယ်။]



Friday, March 11, 2011

ကျေးဇူး
ရေးသူ- သုခမိန်လှိုင်




အမှောင်က
ညစဉ် မင်းကို ငါစမ်းသပ်ခဲ့တာ စိတ်မရှိပါနဲ့ကွာတဲ့
တောင်းပန်စကားဆိုတယ်။
စိတ်မရှိပါဘူး အမှောင်ရေ
မင်းကြောင့်သာ
ငါအလင်းရဲ့ ဂုဏ်သတ္တိတွေကို ရှိခိုးဦးညွတ်တတ်ခဲ့တာ။


Thanks
Translated by Maung Tha Noe

Darkness says
I've tested you every night
don't be offended, please
and asks for forgiveness
I won't mind, darkness
thanks to you
I know how to honor light's greatness.


[လက်နှိပ်ဓာတ်မီးထိုးပြီး.....

၁၃ ရက် ည ၁၁ နာရီ၊ အားလုံးမှောင်သွားပါသည်။ လက်နှပ်ဓာတ်မီးနှင့် ထိုးပြီး ကျွန်တော်ကဗျာတွေ တပုဒ်ပြီး တပုဒ် ရေးမိသွားပြန်ပါသည်။ ၀န်ခံရလျှင် မီးပြန်လာမှာ စိုးရိမ်နေမိပါသည်။ လက်နှိပ်ဓာတ်မီးဖြင့် ထိုးပြီး ကဗျာစာအုပ်လေး တအုပ်စာ ရပြီးမှ မီးကို ပြန်လာစေချင်မိပါသည်။ ကျောက်ခေတ်လူသားတယောက်ထက်သာသော ဓာတ်မီးတလက်ကိုင်ပြီး ကြိုးစားလို့ ရနိုင် မရနိုင် ကျွန်တော့်ကိုယ်ကျွန်တော် စမ်းသပ်ချင်မိပါသည်။ ၉၀ ရာခိုင်နှုန်းလောက် ကံကောင်းသည်ဟု ဆိုရမည်လား၊ ၁၆ ပုဒ်မြောက်အရောက် ၁၄ ရက်အကူး ည ၀၂း ၃၀ လောက်တွင် မီးပြန်လာပါသည်။ မီးအလင်းရောင်အောက်တွင် အပိတ်ကဗျာလေးတပုဒ် ထပ်ရေးပြီး ဤ၀န်ခံချက်လေးကို ရေးလိုက်ရပါသည်။

ရည်ရွယ်ချက်က ဘာလဲ ..... လူတွေကို ကျွန်တော် ခွန်အားတွေ၊ အားတွေ ရှာကြံပေးချင်နေလို့ပါပဲ.... အမှောင်ဆန်သော ကမ္ဘာကြီးထဲတွင် အလင်းဆန်သော သတ္တိထူးတွေ ရစေချင်လို့ပါပဲ.... မရလျှင် ကျွန်တော်ညံ့၍ လို့လည်း ၀န်ခံနိုင်ပါသည်။ (ကျွန်တော်တို့ သက်တမ်းသည် နေရန်အချိန်တွေ သိပ်မကျန်တော့ဟု တန်ဖိုးထားပြီးအလုပ်တွေ များများ လုပ်နိုင်ရန် ကျွန်တော်၏ ကြိုးစားမှုတခုလည်း ဖြစ်ပါသည်။)

အမှောင်နှင့် အလင်းသည် လှည့်စားခြင်းဟုဆိုလျှင်လည်း အမှောင်ကို ကျွန်တော် မမုန်းပါ။ အလင်းကိုတော့ ချစ်မိပါသည်။]

သုခမိန်လှိုင်
၁၄ မေ ၂၀၀၉
၀၃း၀၅ နာရီ

{သုခမိန်လှိုင်ရဲ့ 'လက်နှိပ်ဓာတ်မီးထိုးပြီးရေးတဲ့ကဗျာ' စာအုပ်၊ ၂၀၁၀ အောက်တိုဘာလ၊ ပထမအကြိမ်မှ ကူးယူဖော်ပြပါတယ်။}

ရေလယ်မီးပြ
ရေးသူ - ဖော်ဝေး




[ကလောင်အမည်- ဖော်ဝေး။ အမည်ရင်း- ၀င်းထိန်။ ၁၉၇၈ ဇူလိုင်လ ၃ ရက်တွင် ကွယ်လွန်တယ်။]


အမှောင်ကြားမှာ
စမ်းတ၀ါးဝါး
သွားနေရရင်
ဘယ်ခရီးတွင်ပါ့မလဲ။


ပင်လယ်ပြင်ဟာ
အရွယ်ဝင်စ
အပျိုမရဲ့
နားလည်ရခက်တဲ့ မျက်နှာလို
ခု ငိုမယ်, ခု ရယ်မယ်
မှန်းဆဖို့ မလွယ်ပါဘူး။

ညဆိုတာက
မှောင်ကြီးကျပလားဆို
ဘာဆို ဘာမှ
မမြင်ရတာ
ဘယ်ဟာ ကမ်းပါး
ဘယ်နား ကျောက်ဆောင်
သောင်က ဟိုရှေ့
အကွေ့ ဒီမှာ
ရှာမရနိုင်။

ဟို...... အဝေးဆီက
မီးနီရွှန်းပြက်
တလက်လက်နဲ့
လက်ညှိုးညွှန်တယ်
ရေလယ် 'မီးပြ'
ကျေးဇူးတင်စရာ။

မီးပြကိုကြည့်ပြီး
ခရီးထွက်ခွါ
ဘယ်နေရာဆို
ဘယ်လိုအန္တရာယ်
ဘယ်အဆွယ် ဘယ်အကွေ့
ဘယ်ရွေ့ ဘယ်မျှ
မှန်းဆလို့ ရပါပြီ။

ဒါပေမယ့်
အနီရောင် တလက်လက်နဲ့
မီးပြများ.... ပျက်တဲ့ခါ
အန္တရာယ်ဟာ
မငယ်တော့ပေဘူး။

သဲသောင်ပေါ်မဆိုက်
ကျောက်ဆောင်နဲ့ မတိုက်
အမှောင်ထဲက
မီးပြနဲ့ တိုက်တာကြောင့်
သင်္ဘောမှောက်ခဲ့ရတာမျိုးတွေ။ ။

ဖော်ဝေး။
မိုးဝေ၊ ၁၉၇၂၊ မေလ။
[ဖော်ဝေး ရဲ့ 'ဖော်ဝေးငှက်များ ပျံသန်းချိန်' စာအုပ်၊ ပထမအကြိမ်၊ ၂၀၀၄ အောက်တိုဘာမှ ကူးယူဖော်ပြပါတယ်။]




ဖော်ဝေး - ခေတ်ပေါ်ကဗျာ နဲ့ အမည်ရေးခဲ့သူ



(၁)
မြန်မာခေတ်ပေါ်ကဗျာအတွက် လမ်းပြ 'ထင်းရူးပင်ရိပ်' ၁၉၆၈ ခုနှစ်မှာ ထွက်ခဲ့။ ဒီ့နောက် ၂ - နှစ်အကြာမှာ သိဒ္ဓတ္ထလှိုင်က 'ဂျွန်လ၏ မိုးရေများ' ရေးဖွဲ့ ပြီးစီးခဲ့။ ၁၉၇၀။ နောက် ၂ နှစ်အကြာ ၁၉၇၂ ရောက်တော့ 'ဂျွန်မိုးရေ' ပုံနှိပ် ထုတ်ဝေဖြစ်။ နောက်ထပ် ၂ နှစ် ထပ်ကြာပြီး 'သစ်ရွက်အသေများပေါ်မှ ရက်စက်သောဂီတ' စာအုပ်ထွက်ခဲ့။ အောင်ချိမ့်၊ ဖော်ဝေး၊ မောင်ချောနွယ်တို့ ရေးဖွဲ့ခဲ့ကြ။ ၁၉၇၄။

မြန်မာခေတ်ပေါ်ကဗျာ ဇာတ်ခုံပေါ်တက်ခဲ့ ရာဇ၀င်ထဲဝင်ခဲ့။

(၂)
အဲဒီ ရာဇ၀င်ထဲက တဦးဖြစ်တဲ့ ဖော်ဝေးဟာ တောသား။ ကရင်ပြည်နယ်၊ လှိုင်းဘွဲ့၊ ဒေါနတောင်ခြေ ပတ်ကျောရွာ ဇာတိ။ ဦးစံချိန်၊ ဒေါ်နုတို့၏ သား။ ၁၉၄၅ ဖွား [ဟုထင်]။ ဆင်းရဲ၍ ကျောင်းတန်းလန်းနဲ့ စစ်ထဲဝင်။ စာကြိုးစား။ စာတွေဖတ်။ တပ်ကြပ်ကြီးစာရေးဖြစ်။ ရန်ကုန်ရောက်။

အောင်ချိမ့်၊ မောင်ချောနွယ်၊ သုခမိန်လှိုင်တို့နဲ့ ပူးပေါင်း။ တယောက်ကို တယောက် ချစ်ကြိုက်ကြ။ ချီတက်ကြ။ ၁၉၇၃။

အဆီပျံ မျက်နှာများ၊ ဆံပင်များ၊ ဘေးဖယ်ထားခံရမှုများ၊ ချွေးသွေးများ၊ ရှုံးနိမ့်မှုများ၊ အရယ်အမောများ မီးခိုးအူလျက်။

(၃)
ဒီတော့မှ သူဟာ မြန်မာခေတ်ပေါ်ကဗျာကို ထမ်းရွက်ရန်၊ ခုန်ချရန်၊ တိတိကျကျ ရွေးချယ်ခဲ့ကြောင်း ကျွန်တော်တို့တွေ သိခဲ့ကြရ။ သူ့ သက်တမ်းဟာ တိုခဲ့တဲ့အတွက် ကျွန်တော်တို့တွေ အသံမထွက်နိုင်အောင် ၀မ်းနည်းကြေကွဲခဲ့ရ။ ၁၉၇၈။ သန်းပေါင်းများစွာ လူတွေထဲမှ 'ဖော်ဝေး' တယောက် လျော့ပါးသွားခဲ့တာဟာ သိသာလွန်းလှ။

(၄)
မကျေပွန်နိုင်ခဲ့တဲ့ နှစ်အများကြီးကို ကျော်လွန်ပြီး အခု 'ဖော်ဝေးငှက်များ ပျံသန်းချိန်' အမည်ရှိ 'ဖော်ဝေးကဗျာပေါင်းချုပ်ပဲ' လို့ ခေါ်လောက်တဲ့ စာအုပ်ကို ကျွန်တော်တို့ တင်ဆက်ဖြစ်။

ခေတ်ပေါ်ကဗျာချစ်သူများ တွေ့ဆုံကြပါစို့။

လေးစားစွာဖြင့်
အောင်ချိမ့်
၁၇-၁-၂၀၀၄

Saturday, March 5, 2011

အကို ကန္ဒီကူးမား (သို့မဟုတ်) ၃၃ လမ်း တမ်းချင်း
ရေးသူ- မောင်အေးဝင်း



အကို ကန္ဒီရေ-

၃၃ လမ်းလို့ ပြောရင်တော့ ကျနော့်မှာ အကိုကလွဲလို့ အထွေအထူး ညွှန်စရာမရှိပါဘူး။ အကို့ကို ကျနော်က ဆရာလို့ ခေါ်တယ်။ ဟုတ်တယ်လေ... အကိုက ၀ိဇ္ဇာသိပ္ပံတက္ကသိုလ် ရူပဗေဒဌာနမှာလည်း နည်းပြဆရာ လုပ်ခဲ့တယ်။ ကျနော်တို့ တက္ကသိုလ်ရောက်တော့ ကျနော်က အာရ်အိုင်တီဆိုပေမယ့် ဆရာ့ကို ၀/သ မှာ တွေ့နေတာပဲ။ ကိုနေအုပ်တို့၊ မောင်ပန်းမွှေးတို့လို ဆရာကလည်း ဆရာတယောက်ပေါ့။ ရူပဗေဒဌာနမှာ ဆရာဖြစ်မယ့်သူတွေ နိုင်ငံရပ်ခြားမှာ ပညာတွေ သင်တုန်းမို့ အရည်အချင်းရှိသူ ဆရာ့ကို မေတ္တရပ်ခံ ခေါ်ယူရတာမို့ အကိုကန္ဒီ ခေတ္တ ဆရာဝင်လုပ်ရနေရတာ မဟုတ်လား။


ဗိုလ်ချုပ်အောင်ဆန်းလမ်းဘက်ကနေ ၃၃ လမ်းထဲဝင်ရင် အပြုံးနဲ့ ဆီးကြိုနေတဲ့ ဆရာ့ကို အရင်ဆုံး မြင်ရ တာပဲ။ ဆရာ့ဦးလေး (ဆရာ့မွေးစားအဖေ) မဆုံးခင်ကဆိုရင်၊ တခါတလေ သူလည်း ဆရာတို့ ဂုဏ်ထူးစာပေမှာ ထိုင်နေတာ တွေ့ရတယ်။ စကားကြုံတုန်းပြောရအုန်းမယ်။ အဲဒီ ဦးလေး ကွယ်လွန်တော့ ကျနော် ချစ်ခင်လေးစား တဲ့ သူတွေ အသုဘပို့ဖို့ အများကြီး လာကြတယ်။ ဆရာဒဂုန်တာရာ၊ ဆရာပါရဂူတို့ ကို တွေ့တယ်။ နိုင်ငံရေး လောက ကတော့ ၀န်ကြီးချုပ်ဟောင်း ဦးနု၊ ၀န်ကြီးချုပ်ဟောင်း ဦးဗဆွေ တို့လည်း ပါတာပေါ့။ ဦးနု ဆိုရင် အလုံဘက်က ဟိန္ဒူ ဘုရားကျောင်းဝင်းထဲမှာ ဦးလေးကြီး အလောင်းပြာဖြစ်လို့ မြစ်ထဲမျှောပြီးမှ ပြန်တာ ကျနော့်အမြင်ပါပဲ။

ဦးနု ပြည်ပြေးဘ၀ကနေ လွတ်ငြိမ်းချမ်းသာခွင့်နဲ့ လက်နက်ချပြီး ဗမာပြည် ပြန်ရောက်လာတော့လည်း ဆရာတို့ ၃၃ လမ်းနေအိမ် ဂုဏ်ထူးစာပေ အပေါ်ထပ်ကို ဒေါ်မြရီနဲ့အတူ အလည်ရောက်ခဲ့တာ။ ဦးနုက သီချင်းထဲမှာ ကြား ကြားနေတဲ့ ဘားလမ်း မုတ်ဆိတ် လက်ဘက်ရည် အကြောင်းကို မေးလို့ ဆရာတို့ အပြေးသွားဝယ်ပြီး တိုက်ရတာလေ။ ဦးနုက မုတ်ဆိတ်လက်ဘက်ရည်ကို သောက်ရင်း သူတို့ခေတ် သူတို့အခါ သမဂ္ဂထဲက ကရာနီ့ လက်ဘက်ရည်ကို တမ်းတမ်းတတ ပြောသွားသေးတာ ဆရာပြောလို့ ကျနော် ကြားလိုက်မိ ပါတယ်။

ကျနော့် အဖို့တော့ ၃၃ လမ်းလို့ ပြောရင် ဂုဏ်ထူးစာပေနဲ့ ဆရာ ကန္ဒီကူးမားပါပဲ။ ၃၃ လမ်း အလံတော်လည်း မတွေ့ပါဘူး။ ၃၃ လမ်း ရဲတိုက်တို့၊ ၃၃ လမ်း ခံတပ်တို့လည်း မတွေ့ဘူး။ ရှိမှ မရှိပဲ။ အနော်ရထာလမ်းဖက်က ၀င်ရင် စာပေနယ်ပယ်မှာ မှတ်တိုင်တခုစီ ထူထားနိုင်တဲ့ ကိုမျိုးညွန့် အဖေ သခင်ခင်ညွန့်ရဲ့ 'စာပေလောက' နဲ့ 'ဇွဲစာပေရိပ်မြုံ' ရဲ့ ဖခင် ဦးထွန်းရှိန်တို့ကို တွေ့ရမယ်။

လမ်းထိပ်က တရုတ်လက်ဘက်ရည်ဆိုင် အပေါ်ထပ် တိုက်တန်းလျားမှာ ကျနော်တို့ရဲ့ ထင်းရူးပင်ရိပ် ဆရာကြီး ဒေါက်တာနိုးနေတယ်။ သူ့လှေကားက ဆင်းရင် ဆီချက်ခေါက်ဆွဲနဲ့ ထမင်း ဟင်းရောင်းတဲ့ တရုတ်ဆိုင်ကလေး ရှိတယ်။ ဟိုးတုန်းကတော့ စာပေသမားတွေ ထိုင်ကြတဲ့ ပွင့်ဦးဆိုတဲ့ လက်ဘက်ရည်ဆိုင် ၃၃ လမ်း ထိပ်မှာ ရှိဖူးတယ်။ စာပေသမား အနုပညာသမားတွေရဲ့ စာပေဆိုင်ရာ၊ ယမာကာ ဆိုင်ရာအတွက် ဆုံဆည်းရာ ချိန်းဆိုရာ 'ပွင့်ဦးကို လာခဲ့' ဆိုတဲ့ နေရာလေးပေါ့။ ရာဇ၀င်ကို ထမ်းသလား မထမ်းသလား မပြောတတ်ဘူး။ လမ်းပေါ်ကသွားတဲ့ ဘတ်စ်ကားက ပလက်ဖောင်းပေါ်တက်ပြီး လက်ဖက်ရည်ဆိုင်ကို ၀င်တိုက်သေးတယ်။ ခုလို ခွေးခြေကလေးတွေနဲ့ ထိုင်သောက်နေရလိုတော့ အကုန် မလကီးယားကုန်မှာ။ ပွင့်ဦးက ဆိုင်ထဲဝင်ဖို့တောင် ပလက်ဖောင်းကနေ လှေကားထစ် နှစ်ဆင့် တက်နင်းရသေးတာ။ ပွင့်ဦး မရှိတဲ့နောက် အောင်ချိမ့်တို့ မုတ်သုံတို့ကို ဆိုင်မျက်နှာစာ စာပွဲမှာ အမြဲမြင်ရတဲ့ တရုတ် လက်ဘက်ရည်ဆိုင် တဆိုင်ရှိတယ်။ ဒေါက်တာနိုးအိမ် အောက်ပေါ့။ သူ့ဘေးမှာ ကောလိပ်ဂျင်တို့ ရုပ်ရှင်ကုမ္ပဏီ၊ နောက်တော့ ကြုံဟွာ စားသောက်ဆိုင်။ မေ့လို့ ဒေါက်တာနိုး အိမ်ဘေးမှာ ဘာသာစကားမျိုးစုံသင်တဲ့ ကျူရှင်ဆရာ အမ် တင်နွယ် ဆိုတာ ရှိသေး။

ထမင်းဆိုင်ကျော်ရင် ရမည်းသားညီအစ်ကို ကိုကျော်သန်း၊ ကိုအောင်သန်း တို့ရဲ့ 'သီလ၀စာပေ' ရှိတယ်။ သူတို့ဆီမှာတော့ ဥာဏ်ဝင်းစာပေ ကိုဥာဏ်ဝင်း၊ မအေးပွင့် မြင့်မြင့်စန်း တို့ရဲ့ အဖေ ဆွေလှိုင်ဦး၊ စာရေးဆရာ ငွေမောင်း၊ သူ့သား ၉ မီလီတာ တင်သန်းဦး၊ တက္ကသိုလ်မောင်အောင်ဆွေ ထိုင်တတ်တယ်။ ပေဖူးလွှာဦးမြလှိုင်က ၃၃ လမ်း အလယ်လောက်မှာ ရှိတယ်။ သူ့ဘေးမှာ ယခု အရီဇိုးနားနေတဲ့ ကိုအေးမြင့်အဖေ သွားဆရာဝန် (ကျနော်တို့အခေါ် ဒေါက်တာအံ့ကျော်) ဆေးခန်းရှိတယ်။ သူတို့အောက်မှာ နဂါးနီဆိုတဲ့ အိမ်မှာဖွင့်တဲ့ ဗမာထမင်းဆိုင် တဆိုင်ရှိတယ်။

ဒါတွေကို သတိရနေတယ် ဆရာရေ.....။

၃၃ လမ်းအကြောင်း ဋီကာဖွင့်နေတာနဲ့ ဆရာ့ အကြောင်းရေး နေရင်း ပျောက်သွားတယ်။ ဆရာ့ဆိုင်မှာ ပင်တိုင် မကြာခဏ ဆုံရသူတွေ ရှိတယ်။ ဆရာပါရဂူ၊ ဆရာဦးမြဇင်၊ ယခု အင်္ဂလန်ရောက်နေတဲ့ ဆရာကြီး ဒေါက်တာမောင်မောင်ညို။ ဆရာသော်တာဆွေ (သူက ကိုကျော်သန်းတို့ သီလ၀မှာလဲ ထိုင်တတ်တယ်)။ တခါတလေ ဆရာ့ဆီ ကျနော်ရောက်တာ မနက်ပိုင်း ဆရာ့ဆိုင်မခင်းမီ စောနေရင် ဆရာက လမ်းလျှောက်ကြ ရအောင်ဆိုလို့ မဂိုလမ်းဘက် တပါတ်လျှောက်ပြီး သဲဝါရ် မှာ မနက်စာ စားလိုက်ကြ သေးတယ်လေ။ နေ့လည်ဆိုရင်တော့ ဆရာမှာ တိုက်တဲ့ ဆရာ့စာအုပ်ဆိုင်နားက လက်ဘက်ရည်ပဲပေါ့။

ဆရာတို့ ဂုဏ်ထူးစာပေကတော့ သုမနကျောမှာ ဒဏ်ရာတွေနဲ့ ဆိုသလိုပါပဲ။ နိုင်လို့ရမလားဆိုပြီး အနိုင်ကျင့်တဲ့ စာရေးဆရာ ကြီးငယ်တွေ ကျနော် တွေ့ခဲ့ရတယ်။ ဆရာလည်း ပြောဖူးပါတယ်။ ကျနော်မမေ့ပါဘူး။ ဆရာမင်္ဂလာဆောင်တော့ သင်္ဃန်းကျွန်းက ဘုရားကျောင်းမှာ ကျွေးမွေးဧည့်ခံတာ အမှတ်ရသေး။ အသက်သတ်လွတ် အစာတွေ စုံ မှ စုံ။ ကောင်း မှ ကောင်း။ ဒေ၀ါလီတိုင်း စားရတဲ့ ဆရာ့ဆီက ဟိန္ဒူမုံ့မျိုးစံလည်း တသက်မမေ့ဘူး။

ကျနော့် လမင်းတရာစာအုပ်ဆိုင်ဟာ ဆရာ့ကျေးဇူတွေကြောင့် တောက်ပြောင်ခဲ့ရပါတယ်။ ဆရာ့ဆိုင်က အကူစာရေး ကိုအောင်မြင့်ကိုလည်း ခုထိ မမေ့ပါဘူး။

"ကျနော် မလိမ်ပါဘူး၊ ၃၃ လမ်း ညနေချမ်းမှာ၊ ကျနော့်ရဲ့ အမွန်မြတ်ဆုံး၊ အဆွေးတွေ ရှိတယ်...." အဲဒါ ဆရာကန္ဒီကူးမား......။

ဆရာ့ကို အကိုလို လေးစားချစ်ခင်တဲ့ ကျနော် မောင်အေးဝင်း ကယ်လီဖိုးနီးယား၊ လော့အိန်ဂျယ်လိစ်ကို ရောက်နေပါတယ်။

ကွယ်လွန်သွားရှာပြီဖြစ်တဲ့ ကျနော့်ဆရာကန္ဒီရေ.........။

မောင်အေးဝင်း
မတ်လ ၅ ရက်၊ ၂၀၁၁။

Friday, March 4, 2011

သွားနှင့်လေဦး
ရေးသူ- လူထုစိန်ဝင်း



ဧပြီ ၂၅ ရက်၊ အင်္ဂါနေ့မနက်ထွက်တဲ့ ဖတ်စရာဂျာနယ်က ဂျာနယ်ရဲ့ 'ခေါင်းကြီး' နေရာမှာ အမြဲရေးတဲ့ 'တပတ်တခါ အယ်ဒီတာအညွှန်း' ကို ဖတ်မိပြီး သူ့ကျန်းမာရေးကို စိုးရိမ်မိတာကြောင့် ဖတ်စရာဂျာနယ်က လူငယ်လေးတွေ စာမူလာယူတော့ မေးဖြစ်သေးတယ်။ ခုတလော သူတော်တော်မောနေလို့ စကားပြောသံတောင် မနည်းနားထောင်ရတယ်လို့ ပြောပြကြတယ်။


ဒါပေမဲ့လို့ 'ခု စာရေးနေတဲ့ နောက်ဆုံးအခြေအနေမှာ အောင်ပြည့် dream bed ပေါ်က မထနိုင်တော့ဘူး။ wheel chair နဲ့ သွားနေရတယ်။ ဒါပေမယ့် မာတယ်။ အောက်ဆီဂျင်မပါပဲ အသက်မရှူနိုင် တော့ဘူး။ ဒါပေမဲ့ နှုတ်နဲ့ပြောပြီး စာတွေ အများကြီး ရေးနိုင်တယ်။ ဘာဖြစ်လို့လဲ ဆိုတော့ အောင်ပြည့်က မသေကောင် ဖြစ်နေလို့ပါ' လို့ ဧပြီ ၂၅ ထုတ် ဂျာနယ်မှာ သူရေးခဲ့တဲ့အတိုင်း သူပြန်ပြီး ထလာဦးမှာပဲလို့ ထင်မိတယ်။

ဧပြီ ၂၆ ရက် နေ့လယ်ပိုင်း သတင်းစာရောက်တော့ အရင်ဖတ်မိတဲ့ဇနီးက ကိုအောင်ပြည့် ဆုံးသွားတဲ့ နာရေးကြော်ငြာ ပါလာတယ်လို့ ပြောတာကြောင့် ကမန်းကတန်း ယူပြီး ကြည့်လိုက်မိတယ်။ ဟုတ်တယ်။ သူဆုံးသွားပြီပဲ။ ဘ၀တူတဦး ဆုံးသွားတာကြောင့် ကြီးစွာ စိတ်မကောင်း ဖြစ်ရတယ်။ ဘ၀တူလို့ ဆိုရာမှာ စာရေးဖော် စာရေးဖက် ဘ၀တူ ဖြစ်ရုံသာမက အောက်ဆီဂျင်ပိုက်တန်းလန်းနဲ့ အသက်ရှင်နေတာချင်းလည်း တူနေတာကြောင့် ပိုပြီး စိတ်မကောင်း ဖြစ်မိတယ်။ စာပေလောကမှာ အောက်ဆီဂျင် ပိုက်တန်းလန်းနဲ့ အသက်ရှင်နေသူ လေးဦးရှိတယ်။ တဦးက အသက် ၉၀ ကျော် အမေလူထုဒေါ်အမာ၊ နောက်တဦးက CTO လို့လည်း ခေါ်ကြတဲ့ ဂါးဒီးယန်းသတင်းစာ အယ်ဒီတာ (အခုတော့ မြန်မာတိုင်း) ဦးချစ်သိန်းဦး။ ပြီးတော့ သူ နဲ့ ကျွန်တော်။ သူက ကျွန်တော့်အောက် တနှစ်ငယ်တယ်။ ဦးချစ်သိန်းဦးကတော့ ကျွန်တော်တို့ထက် နည်းနည်း ကြီးတယ်။

ဖတ်စရာဂျာနယ် ထွက်မယ်ဆိုတော့ သူ့ဆီက စာလေးတစောင် ရောက်လာတယ်။ သူကိုယ်တိုင် လုပ်မှာဖြစ်လို့ ပင်တိုင် စာရေးပေးစေချင်ကြောင်း။ လှေကားမတက်နိုင်လို့ သူကိုယ်တိုင် မလာနိုင်တာ ခွင့်လွှတ်စေလိုကြောင်း ရေးထားတယ်။ သူ့ စာလေးကို ရတော့ ဟို ရှေးရှေးတုန်းကလည်း သူ့ဆီက ဒီလို စာတိုလေးတစောင် ရဖူးတာ ပြန်အမှတ်ရမိတယ်။ အဲဒီတုန်းက နေရာတခုကို ရောက်သွားတော့ ရောက်နှင့်ပြီး ဖြစ်တဲ့ သူ့ဆီက နှုတ်ဆက်စာတိုလေး တစောင်နဲ့ ဆေးလိပ်ထုပ်၊ ဘီစကစ်ထုပ်များ လူကြုံနဲ့ ပို့ပေးလိုက်ဖူးတယ်။

ဟိုးတခေတ် သူ အထောက်တော်လှအောင်ရဲ့ သတင်းဂျာနယ်မှာ အယ်ဒီတာလုပ်နေတုန်းက ချယ်ရီ မဂ္ဂဇင်းမှာ အယ်ဒီတာ လုပ်နေတုန်းက ကိုယ့်ကျန်းမာရေးကလည်း အိပ်ရာထဲက မထနိုင်တဲ့ အခြေအနေမို့ စာရေးမပေးနိုင်ခဲ့ဘူး။ အခု 'ဖတ်စရာဂျာနယ်' အတွက် သူ စာမူတောင်းတော့ ရေးပေးရမယ့် ၀တ္တရားရှိတယ်လို့ ခံယူပြီး အတတ်နိုင်ဆုံး အပတ်စဉ် မပြတ်အောင် ကြိုးစား ရေးပေးခဲ့တယ်။ အိပ်ရာထဲက လုံးဝမထနိုင်တဲ့အခါပဲ ပျက်ကွက်ခဲ့ဖူးတယ်။

သူ့ကြောင့် ဖတ်စရာဂျာနယ်ဟာ စာပေလောကမှာ လူတိုင်း ဂရုစိုက်မိတဲ့ ဂျာနယ်တစောင် ဖြစ်လာခဲ့တယ်။ ဒီဂျာနယ်မျိုး သူမို့ လုပ်နိုင်တာ။ တော်ရုံတန်ရုံလူ မလုပ်နိုင်ဘူး။ သူက ကျောင်းဆရာ၊ စာရေးဆရာ၊ ဂျာနယ်ဆရာ၊ အယ်ဒီတာ၊ ရုပ်ရှင်သရုပ်ဆောင် အကုန်လုပ်ဖူးတဲ့သူ။ something of everything ဆိုသလို သူမလုပ်ဖူးတာ မရှိသလောက်ပဲ။ မြန်မာစာဆရာမို့ စာရေးကောင်းတာ မဆန်းဘူးဆိုပေမယ့် ရုပ်ရှင်သရုပ်ဆောင် ၀င်လုပ်တော့လည်း သူ့ကို လူတိုင်း ချီးကျူးရလောက်အောင် သရုပ်ဆောင်တတ်တာ တွေ့ရတယ်။

သူ့မှာ နယ်ပေါင်းစုံမှာ ၀င်လုပ်ဖူးရုံသာမက နယ်ပယ်ပေါင်းစုံမှာလည်း လူချစ်လူခင် ပေါများတယ်။ သူ့ရဲ့ ဖြူစင်ရိုးသားမှုကို လူတိုင်းက ချစ်ကြတယ်။ ဒါကြောင့် ဖတ်စရာဂျာနယ်မှာ လူကြီး၊ လူလတ်၊ လူငယ် စာရေးဆရာ၊ စာရေးဆရာမတွေရဲ့ စာတွေ အဆက်မပြတ် တွေ့နေရတာ ဖြစ်တယ်။ အခုဆို တော်တော်အရှိန်ရနေပြီ။ စာသမားတိုင်း တန်ဖိုးထားပြီး ဖတ်ကြတယ်။ ကျန်ရစ်တဲ့ လူငယ်အယ်ဒီတာလေးတွေ သူခင်းပေးသွားတဲ့ လမ်းပေါ် အေးအေးသက်သာ ဆက်လျှောက်ရုံပါပဲ။ စာပေ အနုပညာ အဓိကထားတဲ့ ဂျာနယ်တစောင်အနေနဲ့ ငွေကြေးအမြတ်အစွန်း မရှိနိုင်တာတော့ သေချာပါတယ်။ ဒါပေမယ့် စာပေတန်ဖိုးအနေနဲ့ အင်မတန် ကြီးပါတယ်။ သူမရှိပေမယ့် 'ဖတ်စရာ' ဂျာနယ် ဆက်လက်ရှင်သန်အောင် ၀ိုင်းဝန်းကြိုးပမ်းကြစေချင်ပါတယ်။

မုန်တိုင်းစဲသွားတော့ ရာသီဥတုက ပိုပြီး ပူလာတယ်။ ပူလေ နှလုံးသမား၊ အဆုတ်သမားတွေ ခံရခက်လေပဲ။ အောက်စီဂျင် ပိုက်တပ်ထားတာတောင် အသက်ရှူလို့ မ၀ဘူး။ ပါးစပ်ကြီး ဟပြီး ကုန်းပေါ်ပစ်တင် ခံရတဲ့ ငါးလို ဟောဟဲ ဟောဟဲ ဖြစ်နေရတယ်။ ဒီလိုအခါမျိုးမှာ အောက်ဆီဂျင် ပိုက်တန်းလန်းနဲ့ အသက်ရှင်နေကြရတဲ့ ဒေါ်ဒေါ် လူထုဒေါ်အမာ၊ ကိုချစ်သိန်းဦး နဲ့ ကိုအောင်ပြည့်တို့ကို ကိုယ်ချင်းစာစိတ်နဲ့ အဝေးကလှမ်းပြီး သနားနေရတယ်။ အခုတော့ အသက်အငယ်ဆုံးကိုအောင်ပြည့်က အရင်ဆုံးထွက်ခွါသွားပြီ။ ဘာတတ်နိုင်မှာလဲ။ လူဆိုတာ ဒီလမ်းသွားနေကြသူတွေချည်းပဲ မဟုတ်လား။

ကိုအောင်ပြည့်ရေ.......
'သွားနှင့်လေဦး'

လူထုစိန်ဝင်း
ဖတ်စရာ ၆၇

[ပင်ဝါးရုံစာပေမှ ထုတ်ဝေတဲ့ လူထုစိန်ဝင်း ရဲ့ 'ဖတ်စရာ' စာအုပ်၊ ပထမအကြိမ်၊ ၂၀၀၇ မှ ကူးယူဖော်ပြ တာ ဖြစ်ပါတယ်]