အတ္တပရဟိတလုပ်ငန်းရေးသူ- လူထုစိန်ဝင်း

မိတ်ဆွေတယောက်က အီးမေလ်ကနေ မာယာဖတ်ဖို့ ဒီဆောင်းပါကို ပို့လိုက်ပါတယ်။ မာယာက ကြိုက်လို့ မာယာပရိသတ်တွေလည်း ဖတ်ရအောင် တင်ပေးလိုက်ပါတယ်။ သက်ဆိုင်သူအားလုံးကို ကျေးဇူးတင်ကြောင်း မာယာက မှတ်တမ်းတင်ပါတယ်။
[၂၀၀၀ ပြည့်လွန်နှစ်တွေ နောက်ပိုင်းမှာ နအဖ အစိုးရလက်အောက် ဖြစ်သည့်တိုင်၊ မြန်မာနိုင်ငံထဲမှာ NGO, INGO အဖွဲ့အစည်းတွေ အတော်များလာပါတယ်။ နာဂစ်နောက်ပိုင်းမှတော့ အရှိန်အဟုန်နဲ့ တိုးတက်ကြီးထွား လာတယ်လို့ ဆိုနိုင်ပါတယ်။ ဒီမိုကရေစီကို ဦးတည်နေတဲ့ လူ့အဖွဲ့အစည်းမှာ လူထုအခြေခံ အဖွဲ့အစည်းများ civil society များ ထွန်းကားလာတာကို အပြုသဘောဆောင်တဲ့ လက္ဒဏာအဖြစ် ယူဆကြပါတယ်။ သို့သော် အုပ် အရောရော၊ ကျောက် အရောရောဆိုသလို ဒီလိုလူတွေထဲမှာ အဆိုးတွေလည်း ပါလာတတ်ပါတယ်။ ဒီအခြေအနေနဲ့ ပတ်သက်ပြီး ဆရာ လူထုစိန်ဝင်းက သူ့အတွေ့အကြုံနဲ့ သဘောထားကို ၂၀၀၉ ခုနှစ်၊ စက်တင်ဘာလ (၉) ရက်နေ့ထုတ်၊ Weekly Eleven ဂျာနယ်မှ ရေးထားတာကို မျှဝေ ပေးလိုက်ပါတယ်။]

အစိုးရမဟုတ်တဲ့ အဖွဲ့အစည်းလို့ ခေါ်ကြတဲ့ "အင်ဂျီအို" တွေ "အိုင်အင်ဂျီအို" တွေနဲ့ ကုလသမဂ္ဂ အဖွဲ့အစည်းလို့ဆိုတဲ့ အဖွဲ့တွေအကြောင်း မကြာခဏဆိုသလို ရေးခဲ့ပါတယ်။ အခုတလောတော့ ခပ်စိပ်စိပ်ကလေးကို ရေးဖြစ်ပါတယ်။ အင်တာဗျူးတွေလည်း ဖြေခဲ့ ပြောခဲ့ပါတယ်။ အကြောင်းမသိသူတချို့က ဘာကြောင့် ဒါလောက် မျက်မုန်းကျိုးနေတာလဲလို့ မေးကြပါတယ်။ "မြန်မာတွေ မျောက်ဖြစ်ကုန်မှာ စိုးလို့" လို့ပဲ လိုတိုရှင်း ဖြေလေ့ရှိပါတယ်။




အတုမြင် အတတ်သင်မှာစိုးလို့
ဟုတ်ပါတယ်ခင်ဗျ။ မျောက်ပြဆန်တောင်းသူတွေကြောင့် ကျွန်တော်တို့လူမျိုး မသိမသာနဲ့ မျောက်ဖြစ် နေကြတာတော့ အတော်လေး ကြာနေပါပြီ။ ဒါပေမယ့် ဘာမှ မပြောခဲ့ပါဘူး။ အခုတော့ ကျွန်တော်တို့ မြန်မာလူမျိုးတွေ ကိုယ်တိုင်က ကိုယ့်လူမျိုးကို မျောက်အဖြစ် လက်ညှိုးထိုးပြပြီး မျောက်ပြဆန်တောင်းသူ ဖြစ်လာကြတာမျိုးတွေ တနေ့တခြား များသထက် များလာနေတာကြောင့် ခပ်စိပ်စိပ်လေး ပြောနေ ရေးနေရတာ ဖြစ်တယ်။ စေတနာရှင်းသန့်တဲ့ လူငယ်လေးတွေ "အတုမြင် အတတ်သင်" ဖြစ်ကုန်ကြမှာ စိုးလို့ပါ။ တနှစ်ကို တကြိမ်လောက်၊ နှစ်ကြိမ်လောက် သတိပေးသားနေရင်းကတောင် တန့်သွားရမယ့်အစား ပိုပိုပြီး ကျယ်ပြန့်လာ တာကြောင့် ခုလို ခပ်စိပ်စိပ် ပြောရ ရေးရတာ ဖြစ်တယ်။

ဘယ်သူ့မှ အားမကိုးနဲ့
ဘယ်ထိ အခြေအနေဆိုးတယ်ဆိုတာ ပြောပြပါမယ်။ မှတ်မှတ်ရရ ပြောရရင် ဒီလိုအဖွဲ့အစည်းတွေ အကြောင်းစပြီး ဝေဖန်ရေးသားခဲ့တာ ပထမ အကြိမ်က ကုလသမဂ္ဂနဲ့ ပတ်သက်တာ ဖြစ်ပြီး နောက်တကြိမ် ကတော့ အိုင်အင်ဂျီအိုတခုနဲ့ ပတ်သက်တာ ဖြစ်တယ်။ လွန်ခဲ့တဲ့ လေးငါးနှစ်လောက်က "ဂမ်ဘာရီ" ဆိုတဲ့ ပုဂ္ဂိုလ်ကြီး မြန်မာ့နိုင်ငံရေးကိစ္စ ကြားဝင်ဖြေရှင်းဖို့ မြန်မာနိုင်ငံကို လာမယ်ဆိုတုန်းက ပြည်တွင်းပြည်ပ နိုင်ငံရေး လေ့လာသူတွေနဲ့ နိုင်ငံရေးဂုရုတွေ၊ နိုင်ငံရေးပါတီကြီးတွေက ဂမ်ဘာရီ လာမှာကိုပဲ သိကြားမင်းကြီး ဆင်းလာသလို အူမြူးနေကြတာတွေကို မြင်ရတဲ့အတွက် မြန်မာ့ကိစ္စကို မြန်မာတွေ ကိုယ်တိုင်ရှင်းမှ ရမယ်။ ကုလသမဂ္ဂလည်း မကယ်နိုင်ဘူး။ အမေရိကန်လည်း မကယ်နိုင်ဘူး။ အီးယူလည်း မကယ်နိုင်ဘူး။ ဘယ်သူ့မှ အားမကိုးနဲ့။ ကိုယ့်အား ကိုယ်ကိုးပြီး ကိုယ့်ဟာကို ဖြေရှင်းကြလို့ ရေးလိုက်ပါတယ်။
အဲဒီတုန်းကလည်း စာဖတ်ပရိသတ်နဲ့ လူငယ်တွေက သဘောကျ ထောက်ခံကြပါတယ်။

ဆရာကောင်းတပည့်တွေ
အဲဒီတုန်းက "ဆရာရေးတာ သိပ်မှန်တာပဲ" တို့၊ "ရေးတာနည်းတောင် နည်းသေးတယ်" တို့ ပြောခဲ့ကြတဲ့ လူငယ်တချို့တောင် အခုတော့ အင်ဂျီအို ဆိုင်းဘုတ်ကိုယ်စီနဲ့ ဖြစ်နေတာကို တွေ့မြင်နေရပါတယ်။ ဒါကြောင့် ရေးရ ပြောရ ပြန်တာပါ။ ဒီလူငယ်တွေဟာ အစကတော့ သန့်ရှင်းတဲ့ အဖြူထည်တွေပါ။ နောက်ကျမှ ဟိုနိုင်ငံ ဒီနိုင်ငံတွေမှာ ဟိုသင်တန်း ဒီသင်တန်းဆိုတာမျိုးတွေ တပတ်လောက်၊ နှစ်ပတ်လောက် သွားတက်ခဲ့ကြပြီး ပြန်ရောက်လာတော့ သူတို့ ကိုယ်တိုင် ဆိုင်းဘုတ်ထောင် ကုန်ကြတော့တာပါဘဲ။ တပတ်နှစ်ပတ် သင်တန်းတက်ပြီး ဘာတွေ တတ်လာတယ် ဆိုတာတော့ မသိဘူး။ လက်တွေ့မြင်ရတာကတော့ သူတို့ကိုယ်တိုင် "အင်ဂျီအို" ကုန်ကြတာပဲ ဖြစ်တယ်။ မဖြစ်ဘဲ နေရိုးလား။ သူတို့ကို ခေါ်ပြီး သင်တန်းပေးသူတွေ ကိုယ်တိုင်က သူတို့ကို မျောက်အဖြစ် လက်ညှိုးထိုးပြပြီး ဆန်လယ်တောင်းသူတွေ ဖြစ်နေကြတာကိုး။

ဂိုးရင်းအဘရော့ဒ်
ဆရာကောင်းတပည့်တွေ ပန်းကောင်းပန်နေကြတာတွေကတော့ ကတော့ မမြင်ချင် အဆုံးပါပဲ။ တချို့က အေ့ဒ်စ် ဆိုင်းဘုတ် ကိုင်ကြတယ်။ တချို့က သဘာဝ ပတ်ဝန်းကျင်ထိန်းသိမ်းရေး ဆိုင်းဘုတ် ထောင်ကြတယ်။ တချို့က တောရိုင်းတိရစ္ဆာန် ဆိုင်းဘုတ်၊ တချို့က မိကျောင်းထိန်းသိမ်းရေးဆိုင်းဘုတ်၊ တချို့က ဒီရေတော ဆိုင်းဘုတ်၊ တချို့က ပလတ်စတစ် ဆိုင်းဘုတ် စသဖြင့် စသဖြင့် ဆိုင်းဘုတ်တွေကတော့ စုံသလား မမေးနဲ့။ အမယ် ဆိုင်းဘုတ် ဘယ်လောက်များများ အားလုံးပဲ "လန်း" ကြသဗျ။ "၀ပ်ရှော့" ဆိုတာတွေ တက်ဖို့ "ဂိုးရင်းအဘရော့ဒ်" ဆိုတာတွေလည်း ခဏခဏ မြင်နေရ၊ တွေ့နေရ၊ ကြားနေရ သဗျ။ နောက်တက်လာတဲ့ ကလေးတွေ ဆက်ပြီး ဆရာကောင်းတပည့်တွေ ဖြစ်ကုန်ကြမှာတောင် စိုးရိမ်ရတဲ့ အခြေအနေလို့ ပြောရင် မလွန်လှဘူးလို့ ထင်ပါတယ်ခင်ဗျ။

စံပြပုဂ္ဂိုလ်လိုတယ်
ကလေးတွေအတွက် မေတ္တာအပို့ခံပြီး ဒီလို ရေးနေ ပြောနေရတာပါ။ အင်ဂျီအို အားလုံးမကောင်းဘူးလို့ ဆိုတာ မဟုတ်ပါဘူး။ စေတနာ အစစ်၊ မေတ္တာအစစ်၊ ကရုဏာအစစ်နဲ့ လုပ်နေကြတဲ့ အင်ဂျီအိုတွေနဲ့ ရှင်းသန့်တဲ့ လူငယ်တွေလည်း ရှိပါတယ်။ ဒါပေမယ့် အစစ်အမှန်သမားတွေက မျောက်ပြဆန်တောင်း သူတွေလို "ပြေ (ပြည်) ပေါ်မှာ ရွှေကြော်ငြာထုတ်" တဲ့ အလုပ်မျိုးတွေ လုပ်လေ့မရှိတော့ သူတို့အကြောင်းကို ကလေးတွေက မသိကြဘူး။ ကလေးတို့၊ လူငယ်တို့ ဆိုတာ သူတို့ အားကျတဲ့ အတုယူရတဲ့ "စံပြု ပုဂ္ဂိုလ်" (Role Model) တွေ ရှိဖို့ လိုပါတယ်။ ဒါကြောင့် ကွယ်လွန်ရှာပြီ ဖြစ်တဲ့ လူရိုး လူကောင်းကြီး မြန်မာ့အလင်းဦးတင် အကြောင်းကို နှစ်ကြိမ် သုံးကြိမ်လောက် ရေးပြခဲ့ဖူးပါတယ်။ မြန်မာ့အလင်းသတင်းစာတိုက်အုပ် ဦးတင်က ဘိုးဘွားရိပ်သာကို မူလနေရာ နှင်းဆီကုန်းကနေ စစ်ပြီးတော့ လက်ရှိနေရာကို ရွှေ့ပြောင်းနိုင်ဖို့ ကြိုးစား အားထုတ်ခဲ့သူ ဖြစ်ပါတယ်။ ရွှေ့ပြီးတဲ့ ဘိုးဘွားရိပ်သာမှာ မနက်တိုင်း ရုံးလာထိုင်ပါတယ်။ ပြီးမှ မြန်မာ့အလင်းတိုက်ကို သွားပါတယ်။

ပရဟိတသမားစစ်စစ်
ဦးလေးတင် ဘိုးဘွားရိပ်သာ ရုံးခန်းရောက်တော့ ၀န်ထမ်းတွေက ကော်ဖီတို့၊ မုန့်တို့ ယူလာပြီး ဧည့်ခံပါတယ်။ အဲဒီအခါ ဦးလေးတင်က သူ့ခြင်းထဲ အမြဲပါနေကျ ကော်ဖီဓာတ်ဗူးနဲ့ ရေနွေးကြမ်းဗူးကို ထုတ်ပြီး "ငါ့မှာ အကုန်ပါတယ်၊ ဧည့်ခံစရာ မလိုဘူး။ အလှူရှင်တွေက ဘိုးဘွားတွေအတွက် လှူတာ၊ တို့အတွက် မပါဘူး။ ဒါကြောင့် ငါလည်း မစားဘူး။ မင်းတို့လည်း မစားကြနဲ့" လို့ ဆုံးမပါတယ်။ ဦးလေးတင်က သူ့ကော်ဖီလေး သူထည့်သောက်၊ သူ့ရေနွေးကြမ်းလေး သူ ထည့်သောက်တာပါ။ ဦးလေးတင်ရဲ့ စည်းကမ်းတိကျမှုနဲ့ သမာဓိကို သိတာကြောင့် ဖဆပလ အမှုဆောင်ရွေးတဲ့အခါမှာ ဗိုလ်ချုပ်အောင်ဆန်းက နိုင်ငံရေး ဘယ်တုန်းကမှ မလုပ်ခဲ့တဲ့ ဦးတင်ကို မရရအောင် ခေါ်ပြီး ငွေကိုင်ရတဲ့ ဘဏ္ဍာရေးမှူး ခန့်ခဲ့တာ ဖြစ်တယ်။ နောက်တော့ ဦးနုက သူ့ကိုပဲ ဘဏ္ဍာရေးဝန်ကြီး ခန့်ပါတယ်။ နောက်ဆုံး လွှတ်တော်ဥက္ကဌတာဝန် ထမ်းဆောင်ခဲ့ရပါတယ်။ ပရဟိတသမား ဆိုတာ အဲဒီလို ပုဂ္ဂိုလ်မျိုးကိုမှ ခေါ်နိုင်တာပါ။ ကိုယ်ကျိုးတစုံတရာ ရယူခံစားပြီး လုပ်တယ်ဆိုကတည်းက ပရဟိတသမား မစစ်တော့ပါဘူး။ (အတ္တဟိတ + ပရဟိတ) နှစ်ခုပေါင်းပြီး "အတ္တပရဟိတ" သမား "အတ္တပရဟိတလုပ်ငန်း" လို့ပဲ ခေါ်သင့်တယ်လို့ ထင်ပါတယ်။ ဘာကြောင့်လဲဆိုတော့ အတ္တဟိတ အတွက် ပရဟိတလုပ်ငန်းလုပ်တာ မဟုတ်လား။

လူထုစိန်ဝင်း