Tuesday, December 8, 2009
လေးဘက်မြင်
ရေးသူ- ၀င်းဇော်
ကလေးတို့၏ "ဘဘဦးလှ"
လူငယ်တို့၏ "ဦးလေးလှ"
ရောင်းရင်းတို့၏ "ကိုလှ"
ပြည်သူတို့၏ "ပြည်သူ့ဘက်တော်သား လူထုဦးလှ"
ဝင်းဇော်
ဦးလေး ကွယ်လွန်သည်မှာ လေးနှစ်တင်းတင်း ပြည့်ခဲ့ပါပြီ။ ဦးလေးဆုံးစဉ်က ကျွန်တော် အပြင်လောကသို့ ရောက်နေပါပြီ။ သို့သော် ဦးလေးဈာပနသို့ မရောက်နိုင်ခဲ့ပါ။ ဂါဒီယန် ဦးစိန်ဝင်း၊ ဟံသာဝတီ ဦးဝင်းတင်တို့ထံ သွားရောက်ပြီး အတူလိုက်ပါနိုင်ရန် အဖော်စပ်ခဲ့သေးသည်။ သို့သော် မိတ်သင်္ဂဟ အားလုံးက လေဖြတ်ပြီး ကိုယ်တခြမ်းသေ ဒုက္ခိတအဖြစ် အိမ်ပြန်ရောက်လာရသော ကျွန်တော့်အား လိုက်ပါခြင်း မပြုရန် တားကြသည်။ နောက်ဆုံး၌ ကျွန်တော့်စိတ်ကို လျှော့လိုက်ရသည်။ ဦးလေးအား နောက်ဆုံးသော နှုတ်ဆက်ခြင်း ဂါရ၀အမှုကို မပြုလိုက်ရတော့ပါ။
ဦးလေး ကွယ်လွန်ပြီးနောက် ဦးလေးအမှတ်တရ စာအုပ်တအုပ်ထုတ်ရန် ဒေါ်ဒေါ်က စာများစုနေ သောအခါ ကျွန်တော့်အားလည်း အရေးခိုင်းခဲ့သည်။ သို့သော် ကျွန်တော် မရေးဖြစ်ခဲ့။ ညာဘက် လက်တဘက်၊ ညာဘက်ခြေတဘက် မလှုပ်ရှားနိုင်တော့သော ဒုက္ခိတမို့ ကျွန်တော် စာမရေးနိုင်တော့ပြီဟု ထင်ခဲ့ကြသည်။ စင်စစ် ကျွန်တော်သည် ဆေးရုံပေါ်မှာ (၆)လခန့် တက်ရောက် ကုသနေရစဉ်ပင် လက်ဝဲဘက်နှင့် စာအရေးကျင့်ပြီး စာရေးတတ်နေပြီ ဖြစ်ပါသည်။ ကျွန်တော် မရေးဖြစ်သည့် အကြောင်းမှာ ဦးလေး၏ သားသမီးများ ၀င်ရောက်ရေးသားခြင်း မပြုသကဲ့သို့ပင် ဖြစ်ပါသည်။ ဦးလေးလူထုဦးလှ၏ အကြောင်းကို လူထုမှ မွေးဖွား သန့်စင်ပြီး လူထုမှပင် လူတလုံး သူတလုံးဖြစ်အောင် မြေတောင်မြှောက်ပေးခဲ့သော ကျွန်တော်တို့က ရေးသည်ဆိုလျှင် ကိုယ့်ဘက်ကိုယ် ၀ိုင်းယက်နေကြသည်ဟု ယူမှတ်ဖွယ်ရာ ရှိနိုင်ပါသည်။ ဤသို့ဆိုလျှင် ဦးလေးသိက္ခာ ထိခိုက်ဖွယ်ရာ ရှိသည်ဟု ထင်မြင်မိ၍ မရေးခဲ့ခြင်း ဖြစ်ပါသည်။ ထို့ပြင် ဦးလေး၏ အကြောင်းကို ဦးလေး၏ တသက်တာ လုပ်ရပ်များ၊ ဦးလေး၏စာများက ပြောပြခဲ့ကြပြီဖြစ်၍ ထူးထူးထွေထွေ ရေးသားနေစရာပင် မလိုတော့ဟုလည်း ထင်မိသောကြောင့် ဖြစ်ပါသည်။ သို့သော် ဒေါ်ဒေါ်က ဦးလေးအတွက် နောက်ထပ်စာအုပ် ထပ်ရိုက်ရန် စာများစုနေသည်။ ရတန်သလောက် ရနေပြီ၊ မင်းလည်း ရေးပါဟု ခိုင်းစေသည်ကတကြောင်း၊ ပထမ စာအုပ်ကို ဖတ်ပြီးသည်နောက် အတန်ငယ် ရေးစရာလေးများ ခေါင်းထဲမှာ ရှိထားသည်က တကြောင်းကြောင့် ဤစာကို ကျွန်တော် ရေးဖြစ်ပါသည်။ တသက်လုံး သုံးလာခဲ့သော ညာလက်ကို အသုံးမချနိုင်တော့သည့် ဘ၀သို့ ရောက်ခဲ့သော်လည်း ကျန်ရှိနေသေးသော လက်ဝဲလက်ကို ကြိုးစား ကျင့်ယူပြီး ရေးခဲ့ရခြင်း ဖြစ်၍လည်း အနိုင်မခံ အရှုံးမပေးသော စိတ်ဓါတ်မျိုး မွေးကြ၍ ဘ၀ကို ကြံ့ကြံ့ခိုင် ရင်ဆိုင်ကာ "လူတလုံး" ဖြစ်လာဖို့ ကြိုးစားရန် အမြဲသွန်သင် ဆုံးမ နည်းလမ်းပြခဲ့သော ဦးလေး၏အကြိုက် ဖြစ်လိမ့်မည်ဟုလည်း ထင်မိပါသည်။
ဦးလေးကို ထင်ရှားသော သတင်းစာဆရာကြီးတဦး၊ စာအရေးကောင်းသော စာရေးဆရာကြီးတဦး၊ အစုအဆောင်းကောင်းသော သမိုင်းပညာရှင်တဦးအဖြစ် မြန်မာသာမက ကမ္ဘာကပင် သိကြပါသည်။ ဦးလေးသည် ကမ္ဘာ့ကလေးသူငယ်များအတွက် ပုံပြောကောင်းသော "ဘဘဦးလှ" ဖြစ်သလို၊ လူငယ်စာပေသမား များအတွက် စိတ်ရှည်လက်ရှည်ဖြင့် ပုံတိုပတ်စများဖြင့် ဆုံးမသွန်သင်ခြင်းကိုပင် ဆုံးမသွန်သင်သည်ဟု မသိရအောင် လမ်းညွှန်မှု ပေးတတ်သော "ဦးလေးလှ" ဖြစ်သလို၊ မိတ်ဆွေအပေါင်းအသင်းများအတွက်လည်း ယာလက်က ရေချမ်းအိုးကိုင်ကာ လက်ဝဲလက်က သပြေခက်ကို ကိုင်စွဲပြီး ရွှင်လန်းချမ်းမြေ့စေတတ်သော "ကိုလှ" "နောင်ကြီးလှ" ဖြစ်ပါသည်။ ထိုသို့သော ဦးလေးအား လူတကာကပင် ချစ်ခင်ကြည်ညိုဖွယ်ရာ သူတော်ကောင်း ကြီးတဦးအဖြစ် လေးစားကြပါသည်။ ဦးလေးသည် ပြည်သူ့ဘက်သား သတင်းစာဆရာတဦး၏ သိက္ခာနှင့် စောင့်စည်းအပ်သည့် ကျင့်ဝတ်သိက္ခာမှန်သမျှကို ခါးဝတ်ပုဆိုး မြဲသကဲ့သို့ တင်းတင်းကျပ်ကျပ် စောင့်ထိန်းခဲ့သူ၊ ရှာမှရှားသော သတင်းစာဆရာတဦး ဖြစ်ပါသည်။ အရက်သေစာ မဆိုထားနှင့် ဆေးလိပ်ကိုမျှ မသောက်သောသူ တဦးလည်း ဖြစ်ပါသည်။ မိတ်ဆွေအပေါင်းအသင်း ရဲဘော်ရဲဘက်များကို ကူညီစောင့်ရှောင့်တတ်သူ၊ အတိဒုက္ခရောက်သူမှန်သမျှကို ကိုယ်ဖိရင်ဖိ ကူညီတတ်သူ တဦးလည်း ဖြစ်ပါသည်။
ဤအချက်များကို ကြည့်၍ ဦးလေး၏ ရုပ်ပုံကားချပ်ကို ရေးချယ်လိုက်ကြသောအခါတွင် "သူတော်စင်" ကြီးတဦးအသွင် ထင်းထင်းကြီး ပေါ်ပေါက်လာလေ့ ရှိပါသည်။
စင်စစ် ဦးလေးသည် အခါခပ်သိမ်း မေတ္တာပွါးများနေသူ၊ ခန္တီစ သည်းခံခြင်းတရားကို ဟောကြားလေ့ရှိသူ၊ ရွှေပြည်အေးသမားတဦး မဟုတ်ဟူသော အချက်ကို လူထုသတင်းစာ ပိတ်လိုက်ဖွင့်လိုက် ကာလများတလျှောက် ဦးလေး၏ ရေးသားချက်များက ပြောပြနေပါသည်။ ဦးလေးသည် အများသူငါ သတ်မှတ်ကြသည့် သူတော်ကောင်း ဆိုသည့် ပုဂ္ဂိုလ်မျိုး သက်သက် မဟုတ်ပါ။ ဦးလေးသည် မြန်မာနိုင်ငံ၏ သမိုင်းစဉ်တလျှောက်လုံးတွင် မမှိတ်မသုန် ပါဝင်လှုပ်ရှားခဲ့သော တော်လှန်ရေးသမားကြီးတဦးလည်း ဖြစ်သည်ဆိုသောအချက်ကို ဦးလေး၏စာများက ပြောပြခဲ့ကြပါသည်။ ဤအချက်ကို အတော်များများ အထူးသဖြင့် ကျွန်တော်တို့ မျိုးဆက်လူငယ်များက သတိမမူမိဘဲ ဖြစ်ခဲ့ကြပါသည်။ ကျွန်တော်တို့ ခေတ်လူငယ်များသည် လူထုသတင်းစာကိုမူ မီးရှူးတိုင်သဖွယ် လမ်းညွှန်အဖြစ် သဘောပိုက်ခဲ့ကြပါသည်။ အထူးသဖြင့် ဒေါ်ဒေါ်၏ စူးရှထက်မျက်သော အရေးအသားများကို အားရပါးရ ဖတ်ပြီး ကြက်သီမွေးညင်း ထခဲ့ကြရပါသည်။ ဒေါ်ဒေါ်က နံမည်နှင့်လိုက်အောင် မာသလောက်၊ ပြတ်သလောက်၊ ရဲရဲတောက်ဖြစ်သလောက် ဦးလေးလှက ပျော့လွန်းသည်၊ လစ်ဘရယ်ဆန်လွန်းသည်၊ အပေးအယူလုပ်လိုသော သဘောတွေ များလွန်းသည် စသည်စသည်ဖြင့် အားမလိုအားမရ ဖြစ်ခဲ့ကြပါသည်။ အချို့ အချို့သော သူများကမူ ဦးလေးကို ပြုပြင်ရေးသမားကြီးမျှသာ ဖြစ်သည်ဟု ယူဆ သတ်မှတ်ခဲ့ကြပါသည်။ ကတ္တီပါအိတ်ကိုသာမြင်ပြီး အတွင်းမှ လက်သီးကို မမြင်သူများနှယ် ဖြစ်ခဲ့ကြသည်။
ဦးလေး၏ တသက်တာလုပ်ရပ်များ၊ ဦးလေးတဘ၀လုံး ရေးခဲ့သောစာများက ဦးလေး၏ သမိုင်းကို ပြောခဲ့ပါသည်။ သို့သော် ထိုအချက်များကို ကျွန်တော်တို့ မေ့လျော့ပစ်ထားခဲ့ကြပါသည်။
ဦးလေးသည် သူ့ကျွန်ဘ၀ မြန်မာနိုင်ငံရေး နိုးကြွခါစ ခေတ်ဦးအစကပင် တပ်ဦးက ပါလာခဲ့သူတဦး ဖြစ်ပါသည်။ ထိုခေတ် ထိုအခါက တိုးတက်သော လူငယ်ခေါင်းဆောင်များနှင့်အတူ လက်တွဲဆောင်ရွက်ခဲ့သူတဦး ဖြစ်ပါသည်။ ဖက်ဆစ်တော်လှန်းကာလတွင်လည်း ဦးလေးသည် ကျရာတာဝန်ယူ၍ ဆောင်ရွက်ခဲ့ပါသည်။ စစ်အပြီး လွတ်လပ်ရေး ဆိုရှယ်လစ်ရေးတိုက်ပွဲများတွင်လည်း တပ်ပေါင်းစုကြီးဖြစ်သော ဖဆပလတွင် တက်တက်ကြွကြွ ပါဝင်ဆောင်ရွက်ခဲ့ပါသည်။ လွတ်လပ်ရေးခေတ်တွင် ဖဆပလတို့၏ ပြူစောထီး ကာကွယ်ရေးများ၊ ဗတလစ ခါးပိုက်ဆောင်တပ်များ "ရမ်ဘို" ၀ါဒ ကျင့်သုံးပြီး ရမ်းကားခဲ့စဉ်ကလည်း သတင်းစာတိုက်ကို ဗုံးအခွဲခံ၊ ချိတ်အပိတ်ခံ၊ လူပါအဖမ်းခံ၍ ဆန့်ကျင်ခဲ့ပါသည်။ ဤသည်တို့မှာ ဦးလေး၏ ဘ၀များက ပြောပြခဲ့သော ဦးလေး၏ နိုင်ငံရေးစစ်မျက်နှာမှ လုပ်ရပ်များပင် ဖြစ်ပါသည်။
စာပေနှင့် ယဉ်ကျေးမှု စစ်မျက်နှာတွင်လည်း ဦးလေး၏ ဆောင်ရွက်ချက်များမှာ မနည်းလှပါ။ လူအများမေ့လျော့ထားကြသော တိုင်းရင်းသားလူမျိုးများ အချင်းချင်း ချစ်ကြည်ရင်းနှီးရေးကို ဦးလေးသည် တိုင်းရင်းသားပုံပြင်ပေါင်းများစွာ ပြုစုရေးသား၍ ဆော်သြခဲ့ပါသည်။ ဦးလေး၏ ပုံပြင်စာအုပ်များသည် ကလေးများ အပြင်းပြေဖတ်ရန် သက်သက် ရေးခဲ့ခြင်း မဟုတ်ပါ။ တိုင်းရင်းသား လူမျိုးအချင်းချင်း တဦးကိုတဦး နားလည် သဘောပေါက်မှုများ တိုးပွါးရေးကို ရှေ့ရှုရေးသားခဲ့ခြင်း ဖြစ်ပါသည်။ ကျေးလက်ဒေသ စာမတတ်သူ ပပျောက်ရေးကိစ္စ၊ နတ်တော်လ တလလုံး စာရေးဆရာများ နယ်ထွက်ဟောပြောရင်း လူထုကြားဆင်း၍ လူထုကို ထိတွေ့ကာ လေ့လာရေးစသော ကိစ္စများတွင်လည်း ဦးလေးသည် စတင်ဆော်သြသူတဦး ဖြစ်ပါသည်။ ယနေ့ စာပေလောကတွင် တိုးတက်သော ကဗျာဆရာ၊ စာရေးဆရာအဖြစ်တည်ရှိနေကြသော လူလတ်ပိုင်း စာရေးဆရာ အတော်များများမှာ ဦးလေး၏ ပြုစုပျိုးထောင်မှုဖြင့် ရှင်သန်ကြီးထွါးလာခဲ့ကြခြင်း ဖြစ်ပါသည်။
ထို့ကြောင့် ဦးလေးသည် ကမ္ဘာကလေးသူငယ်များ၏ ပုံပြင်ပြောကောင်းသော "ဘဘဦးလှ" ဖြစ်သလို....
တိုးတက်သော လူငယ်လူရွယ်တို့ ချစ်ခင်ကြည်ညိုလေးစားအပ်သော "ဦးလေးလှ" ဖြစ်သလို...
ရောင်းရင်းမိတ်ဆွေများ၏ သဘောကောင်း၊ မနောကောင်း၊ အကျင့်သီလကောင်းသော "ကိုလှ" "နောင်ကြီးလှ" ဖြစ်သလို....
ပြည်သူ့သတင်းစာဆရာ၊ စာရေးဆရာကြီးတဦးလည်း ဖြစ်သည်ဟု ရဲရဲကြီးပင် ကျွန်တော်ဆိုလိုက် ပါသည်။
ဝင်းဇော်။
[လူထုချစ်သမျှ လူထုဦးလှ (ဒုတိယတွဲ) စာအုပ်၊ ပထမနှိပ်ခြင်း၊ ၂၀၀၀ ပြည့် ဇန်န၀ါရီလ မှ ကူးယူဖော်ပြ ပါတယ်။]
အကန်တော့ခံထိုက်တဲ့ စာရေးဆရာ
ရေးသူ- ၀င်းဦး
ပြီးခဲ့တဲ့ သီတင်းကျွတ် လထဲတုန်းက ဖြစ်ပါတယ်။ ကျွန်တော်ရဲ့ စန္ဒာမဂ္ဂဇင်းမှာ ဒေါ်ဒေါ် (လူထုဒေါ်အမာ) ရေးသားနေတဲ့ 'အညာသူများ ပင်လယ်သွား' ဆောင်းပါးရှည်ရဲ့ နောက်ဆက်တွဲနဲ့ အဆုံးသတ် အပိုင်းများကို ဒေါ်ဒေါ်က ကျွန်တော့်ဆီ ကြိုတင်ပြီး အပြီးရေးပို့တယ်။ ဒေါ်ဒေါ်ရဲ့ ဆောင်းပါးများ ရတဲ့အချိန်မှာ သီတင်းကျွတ်ရာသီက မကုန်သေးတော့ ကိုယ်က လူကြီးတွေကို သွားဂါရ၀ပြု၊ လူငယ်တွေက ကိုယ့်ဆီလာပြီး ဂါရ၀ပြုနဲ့ တော်တော်ကလေး မအားမလပ်ဖြစ်သွားတယ်။ ဒါကြောင့် ဆောင်းပါးရပြီး လေးငါးရက်ကြာမှပဲ မန္တလေးကို ဖုံးဆက်ဖြစ်တယ်။ ဖုံးထဲကပဲ နောက်ထပ်လဲ ဒေါ်ဒေါ်ရေးပါဦးလို့ တောင်းပန်လိုက်တယ်။ တန်ဆောင်တိုင်လောက်ကျရင် မန္တလေးကို ကျွန်တော်တက်လာဦးမှာမို့ ဒေါ်ဒေါ့်ဆီလာခဲ့ပါမယ်လို့လဲ ပြောရပါတယ်။ ဒေါ်ဒေါ်က ဆက်ဆက်ဝင်ဖို့အကြောင်းနဲ့ နောက်ထပ်ရေးဖို့အကြောင်းလဲ စဉ်းစားထားမယ်လို့ ပြောပြီး ကျွန်တော့်မှာ အားလပ်ချိန်များ ရှိမယ်ဆိုယင် ဦးလေးလှ (လူထုဦးလှ)နှင့် ပတ်သက်တဲ့ ဆောင်းပါးတစောင် ရေးပေးစမ်းပါ၊ အခြားသူများလဲ ရေးကြမယ်။ အဲဒါတွေ စုပြီး စာအုပ်ထုတ်မယ်လို့ ပြောပါတယ်။ တတ်နိုင်ယင် မြန်မြန်လိုချင်ပါသတဲ့။
ဒါနဲ့ တန်ဆောင်မုန်းလထဲမှာပဲ စာရေးဆရာ မြသန်းတင့်ရယ်၊ မောင်နေ၀င်းရယ်၊ ကျွန်တော်ရယ် သုံးယောက်သား မန္တလေးကို တက်လာဖြစ်ကြတယ်။ မန္တလေးကနေ တခါ မေမြို့ကို တပတ်တန်သည် နှစ်ပတ်တန်သည် သွားရောက်နေထိုင်ပြီး နားနားနေနေနဲ့ စာကလေး ပေကလေး ရေးကြဖို့ပါပဲ။ ကျွန်တော်တို့ဟာ မန္တလေးရောက်တော့ ကြာကြာမဆိုင်းပဲ မေမြို့တက်ချင်ကြလို့ ဒေါ်ဒေါ့်ဆီကို မ၀င်ဘူး။ တကြောင်းကလဲ ကျွန်တော်တို့ သုံးယောက်စလုံးဟာ ဦးလေးလှအကြောင်း ဆောင်းပါးတွေကို အသီးသီး ရေးကြပြီးမှပဲ မေမြို့ကနေ မန္တလေး ပြန်ဆင်းလာတဲ့အခါမှာ ဒေါ်ဒေါ့်ဆီဝင်ပေးရင်း ဂါရ၀ပြုကြမယ်လို့ ရည်စူးထားလို့ပါ။ ဆရာ မောင်နေ၀င်းတို့၊ မြသန်းတင့်တို့မှာက ဦးလေးလှနဲ့ ပတ်သက်လို့ ရေးစရာသားစရာတွေ တော်တော်ကလေး ရှိကြတယ်လို့ ဆိုတယ်၊ ရေးမယ်လို့လဲ ပြောကြတယ်။ ကျွန်တော့်မှာတော့ များများစားစား မရှိဘူး။
ဟိုး 'ရွှံ့နှင့်စစ်သား' ကစပြီး 'ဘိန်းဖြူသမား အမှားကမ္ဘာ' တို့အထိ ဦးလေးလှရဲ့ စာပေတွေနဲ့ ကျွန်တော်တို့ ထိတွေ့ ရင်းနှီးခဲ့တာတော့ မှန်ပါတယ်။ ဒါကလဲ ကျွန်တော်မှ မဟုတ်၊ စာပေမွေ့သူ မှန်သမျှ ဦးလေးလှရဲ့ စာတွေနဲ့ အနည်းနဲ့ အများဆိုသလို ဆုံခဲ့ ကြုံခဲ့ကြတာချည်းမို့ ဦးလေးလှရဲ့ စာပေသုံးသပ်ပြီးများကို ကျွန်တော့်အနေနဲ့ ရေးဖို့က မဟုတ်သေးဘူး။ ဒါမျိုးက မိတ်ဆွေရင်းတွေ၊ စာပေသုတေသီတွေရဲ့ ကိစ္စပဲလို့ အောက်မေ့ရတယ်။
ကျွန်တော့် အဖို့ရာမှာတော့ ဦးလေးလှနဲ့ တွေ့ကြုံ သိကျွမ်းခဲ့တာကလေးတွေကိုပဲ ရေးရမှာ ဖြစ်ပါတယ်။
၁၉၆၉ ခုနှစ်လောက် ကျွန်တော်ဟာ စန္ဒာမဂ္ဂဇင်းကို ထုတ်ဝေတော့ စာရေးဆရာကြီးများကို ကန်တော့ပွဲ လုပ်ခဲ့တယ်။ ကျွန်တော့်ကို အကြံကောင်း ဥာဏ်ကောင်းပေးသူကတော့ စာရေးဆရာ သခင်တင်ဦးပဲ ဖြစ်ပါတယ်။ ရန်ကုန်မှာတော့ သခင်တင်ဦးကပဲ အစစအရာရာ ဆောင်ရွက် ဆော်သြပေးတယ်။ မန္တလေးကိုလဲ သခင်တင်ဦးပဲ ဆက်သွယ်ပေးပြီး ဦးလေးလှနဲ့ ဒေါ်ဒေါ်တို့ရဲ့ တပည့်တဦး ဖြစ်တဲ့ မောင်စွမ်းရည်က အကူအညီပေးပါတယ်။ ရန်ကုန်မှာက ကျွန်တော့်အိမ်မှာပဲ ဆရာကြီးများကို ပင့်ဖိတ်ပြီး ကန်တော့ပါတယ်။ မန္တလေးမှာတော့ ဓမ္မဗိမာန်မှာ စုဝေးကြပြီး ဆရာကြီးများက အကန်တော့ခံပါတယ်။ ဘယ်သူတွေ ပါကြတယ်ဆိုတာကိုတော့ ဟိုစဉ်ကပဲ စန္ဒာမဂ္ဂဇင်းမှာ သခင်တင်ဦးက ဆောင်းပါးရေးပြီး ဖြစ်ခဲ့ပါတယ်။ ကျွန်တော့် အခုဆောင်းပါးဟာ ဦးလေးလှတို့ ဒေါ်ဒေါ်တို့နဲ့ ဘယ်လို စတင်ပြီး ခင်မင်သိကျွမ်းခဲ့ရတယ် ဆိုတာကို ဖော်ပြတာဖြစ်လို့ ကျွန်တော့် ကန်တော့ပွဲအကြောင်းကို အကျယ်ချဲ့ရေးဖို့ မလိုဘူးလို့ပဲ ထင်ပါတယ်။ ဦးလေးလှနဲ့ စာရေးဆရာ ကန်တော့ပွဲ ကျမှပဲ မြင်ဖူး၊ တွေ့ဖူး၊ သိကျွမ်းဖူးတယ်လို့ပဲ ဆိုချင်ပါတယ်။
သခင်တင်ဦးနဲ့ တိုင်ပင်ပြီး ကန်တော့တဲ့ စာရေးဆရာတွေ စာရင်းပြုစုကြရာမှာ ကျွန်တော်က စာပေဂုဏ် အင်္ဂါအရ ပြည့်ဝတဲ့ ဆရာကြီးများကို ပင့်ဖိတ်ဖို့ ပြောပါတယ်။ ဒါကလဲ ဒီလိုပါ။ မြန်မာတယောက်အနေနဲ့က ကြီးသူကို ငယ်သူက ဂါရ၀ပြုမြဲပါ။ ဗုဒ္ဓဘာသာဝင်အနေနဲ့ဆိုရင် ၀ါလကင်းလွတ်တာနဲ့ သက်ကြီးဝါကြီးများကို ကန်တော့နေကျပါ။ ကျွန်တော်က စာရေးတဲ့ သက်ကြီးများကို သီးသန့် ပင့်ဖ်ိတ်ကန်တော့ခြင်း ဖြစ်တော့ ဂုဏ၀ုဒ္ဓိ ၀ယ၀ုဒ္ဓိ စာပေအရာအားဖြင့်လည်း ကန်တော့ထိုက်သူ ဖြစ်ရမယ်လို့ တွေးပါတယ်။ ဟိုစဉ်က ကန်တော့ပွဲမှာ ကျွန်တော်ကန်တော့ချင်တဲ့ စာရေးဆရာများ အကုန်အစင် ပါဝင်တယ်လို့ မဆိုလိုပါဘူး။ တချို့လဲ မကျန်းမာလို့၊ တချို့လဲ ခရီးဝေးရောက်နေကြလို့ မလာနိုင်ကြတာ ရှိပါတယ်။ လာဖြစ်တဲ့အထဲမှာ ဦးလေးလှတို့၊ ဒေါ်ဒေါ်တို့ ပါလို့ ကျွန်တော် ကန်တော့ခွင့် ရခဲ့ပါတယ်။
ကန်တော့ပွဲမှာ ၀ိုင်းဝန်းပြီး ဆုံးမစကား သြ၀ါဒများ ပြောတဲ့အခါမှာ ဦးလေးလှကလဲ ကျွန်တော့်ကို စကားတခွန်းပြောပါတယ်။ စန္ဒာမဂ္ဂဇင်း အမြဲရှင်သန်နေတာကို မြင်ချင်ပါသတဲ့။ ခုထက်ထိ စန္ဒာကို ကျွန်တော် ထုတ်ဝေဆဲမို့ ဦးလေးလှရဲ့ ဆန္ဒပြည့်ဝပါတယ်လို့ ခေါ်ရပါမယ်။ စန္ဒာမှာ ဦးလေးလှတို့ ဒေါ်ဒေါ်တို့ စာပေအင်အားနဲ့ ထောက်ကူပေးကြတာဟာ အများအပြားပါပဲ။ ဒုတိယအကြိမ် ဦးလေးလှနဲ့ ဒေါ်ဒေါ်တို့နဲ့ ထိတွေ့ရတာကတော့ ရန်ကုန်ရောက်တုန်းအခိုက်မှာ ကျွန်တော်က သွားတွေ့တော့ ဦးလေးလှတို့ စာကို စကားပြောလို ရေးတာအပေါ် ကျွန်တော် ဘယ်လိုသဘောရသလဲလို့ ဦးလေးလှက မေးတယ်။ ဒေါ်ဒေါ်ကလဲ ရွှေတလေးခေါ် ကာတွန်း ဦးဘကလေး အကြောင်းရေးထားတဲ့ စာအုပ်တအုပ်ပေးရင်း ကျွန်တော့် ထင်မြင်ချက်ကို တောင်းတယ်။
ကျွန်တော်ဟာ မဂ္ဂဇင်းတစောင် တည်ထောင်ပြီး တည်းဖြတ်ထုတ်ဝေနေသူ တယောက်တော့ ဖြစ်ပါတယ်။ ဆယ့်လေးငါးနှစ်သား ကတည်းက စာရေးလာပြီး ကိုယ့်အထွာနဲ့ကိုယ်တော့ ကိုယ့်အင်အားကလေးနဲ့ ကိုယ် ခုထိ ရေးဆဲ သားဆဲ ဖြစ်ပါတယ်။ ဒါပေမယ့် စာပေဟန်၊ စာပေစနစ်တို့နဲ့ ပတ်သက်လို့ကတော့ သုံးသပ်ဖို့ဟာ မရဲသေးဘူး။ လူကြီးတွေ ခွင့်ပေးတဲ့ တိုင်အောင် ကိုယ်က မကျူးလွန်ရဲဘူး။ အဲဒီတော့ ကိုယ့်ဥာဏ် သွားသမျှ စမ်းသပ်ချက်တရပ် လုပ်ကြည့်တယ်။ အဲဒါကတော့ ဒေါ်ဒေါ်ရေးတဲ့ ဦးဘကလေး အတ္ထုပ္ပတ္တိထဲက ဦးဘကလေးဟာ 'ဝေလွင်လွင်' ဇာတ်ကားကို ပင်လယ်ပိုင်းမှာ ဘယ်လိုသွားပြီး ရိုက်ကူးတယ်ဆိုတဲ့ အကြောင်းကို ဒေါ်ဒေါ်ရေးထားတဲ့အတိုင်း တသွေမတိမ်း ဖတ်ပြခြင်းပါဘဲ။ ဖတ်ပြတယ်ဆိုတာလဲ အသံဖမ်းစက် ရှေ့မှာပဲပေါ့။ တိပ်ကြိုးခွေထဲ အသံသွင်း ထည့်လိုက်တာပါ။ ဒေါ်ဒေါ်ရဲ့ ဝေလွင်လွင်ဆောင်းပါးက ဖတ်လို့ ပြောလို့ ကောင်းတယ်။ ဌာန်ရော၊ မာန်ရော၊ ဟန်ပန်ရောပါ အပြည့်ထည့်လို့ရတယ်။ 'ကျောက်ကလပ် လျှောက်ပတ်ပါတဲ့ အဏ္ဏ၀ါ' စတဲ့ ဆရာဟန်ရဲ့ ကဗျာလင်္ကာတွေလဲ ကြားညှပ်ပါတယ်။ အဲဒိတော့ သိပ်ပြီး ရွတ်လို့ ကောင်းတာပေါ့။ ကောင်းပေမယ့် ကျွန်တော်ဟာ သံနေသံထားကလွဲလို့ ကျန်တာ ကိုယ့်ဟာတွေ ဘာမှ ရောမထည့်ဘူး။ ဒေါ်ဒေါ့်စာသားအတိုင်း (စကားပြောသလို ရေးလို့ စကားသား လို့ ပြောရမလား) အဲဒီအတိုင်း အသံသွင်းလိုက်တယ်ဆိုတော့ နားထောင်တဲ့သူများ အရသာတမျိုး ခံစားရအောင်တော့ နောက်ခံတီးလုံးလေး နည်းနည်းပါးပါး ရောစပ်ပေး လိုက်တာပေါ့။ အဲဒီတိပ်ခွေကို ဦးလေးလှတို့ ဒေါ်ဒေါ်တို့ မန္တလေးအပြန်မှာ ထည့်ပေးလိုက်တယ်။ ဦးလေးလှတို့ နီးစပ်ရာဖွင့်ပြပြီး အကြံဥာဏ်ယူပါလို့ပဲ ကျွန်တော် ပြောလိုက်တယ်။
ကျွန်တော်က မန္တလေးကို မကြာမကြာ ရောက်သူ ဖြစ်တယ်။ ဦးလေးလှတို့နဲ့ အသိအကျွမ်း ဖြစ်လာတော့လဲ ဦးလေးလှတို့ရဲ့ အိမ်ကို မန္တလေးရောက်တိုင်းလိုလို ၀င်ဖြစ်လာတယ်။ နောက်တခါ ၀င်တဲ့အခါမှာ ဦးလေးလှက "မောင်ဝင်းဦး လုပ်ပေးလိုက်တာ အတော့်ကို အောင်မြင်ပါတယ်၊ ဦးလေးတို့ ခရီးသွားတဲ့အခါ ယူသွားပြီး ဟောပြေတဲ့နေရာတွေမှာ၊ မိတ်ဆွေတွေ ၀ိုင်းဖွဲ့တဲ့ နေရာတွေမှာ ဖွင့်ပြတယ်။ ကောင်းကောင်း လက်ခံကြတယ်" လို့ ပြောတယ်။ ဒေါ်ဒေါ်ကတော့ သူ့ထုံစံအတိုင်း ပြုံးပြုံးပါပဲ။ ဒါက ဦးလေးလှတို့ ဒေါ်ဒေါ်တို့နဲ့ ပတ်သက်လို့ ကျွန်တော်ခင်မင်ခွင့် ရခဲ့ရာမှာ ဘ၀င်စူးငြိတဲ့ ဆက်စပ်မှုကလေးများပါပဲ။
နောက်တခုကတော့ ကျွန်တော့် ရုပ်ရှင်ရိုက်ကူးမှုနဲ့ ပတ်သက်လို့ပဲ။ ဦးလေးလှနဲ့ စကားစပ်မိတော့ တခါက ဦးလေးလှရဲ့ ဇာတ်လိုက် ချစ်သဲအဖြစ် ကျွန်တော် သရုပ်ဆောင်ခွင့်ရလုနီးနီး ဖြစ်ခဲ့ပုံကို ပြောပြမိတယ်။ ညွန့်မြန်မာရုပ်ရှင်က အဲဒီ ချစ်သဲ အသွင်ကို ကျွန်တော် သရုပ်ဆောင်ရင် ထူးခြားမယ်လို့ ထင်ခဲ့တယ်။ နောက်တော့ အကြောင်းမညီညွတ်လို့ မဖြစ်မြောက်ခဲ့ဘူးပေါ့။ အဲဒါကို သိရတော့ ဦးလေးလှက ဒီလိုသဘောမျိုး တွေ ကမ္ဘာအနှံ့ရော၊ ကိုယ့်တိုင်းပြည်အနှံ့မှာရော ဖြစ်တတ်နေတာပဲတဲ့။ မောင်ဝင်းဦးလဲ စာရေးဆရာတယောက်ပဲ ကိုယ့်ဟာကိုယ် အဲသလို ဇာတ်လမ်းတွေ ဖန်တီးပြီး ရိုက်နိုင်ယင် ရိုက်ပါတဲ့။ ဒါနဲ့ပဲ 'အတွယ်အတာ' ဆိုတဲ့ လူဆိုး သူခိုး လူသတ်သမား ဇာတ်ကားတခုကို ရိုက်ဖြစ်ခဲ့ပါတယ်။
အတွယ်အတာကို ရိုက်တဲ့အခါမှာ မုသာဝါဒနဲ့ ပတ်သက်လို့ ကိုယ်သိချင်တာတွေ အမရပူရက ဆရာတော် အရှင်ဇနကာဘိဝံသထံမှာ ကျွန်တော် လျှောက်ထားမေးမြန်းခဲ့ဖူးတယ်။ ဆရာတော်က ကျွန်တော် လိုအပ်တာကို ဟောပြောပို့ချပြီးတဲ့နောက် ကျွန်တော် သတင်းစာထဲမှာ ကြော်ငြာတဲ့ ကြော်ငြာတခုနဲ့ ပတ်သက်လို့ သြ၀ါဒစကားတခု မိန့်ကြားတယ်။ ကျွန်တော်က ဘယ်လို ကြော်ငြာသလဲဆိုတော့ ကျွန်တော့်ကို မန်းသင်္ကြန်မှာ စောင့်ရှောက်ကြတဲ့ မိဘပြည်သူ ရဟန်းရှင်လူများကို ကျေးဇူးအန္တနဲ့ ရှိခိုးပါတယ်ပေါ့။ ဒါကို ဆရာတော်က ဘုန်းကြီးတွေ လူမှုကိစ္စမှာ ပါဝင်အောင် ရေလာမြောင်းပေး မလုပ်စေချင်ဘူးတဲ့။ တကာ ၀င်းဦးက ဘုန်းကြီးတွေကို ကြည်ညိုတာ ကြည်ညိုပါ။ လူတို့ကိစ္စမှာ ပါဝင်အောင်တော့ မဆွဲဆောင်ပါနဲ့လို့ အမိန့် ရှိပါတယ်။ ဒါကို ကြုံကြိုက်လို့ ဦးလေးလှကို ပြောပြတဲ့အခါ ဆရာတော်ရဲ့ အပြောမှာ ဘ၀င်ကျလှကြောင်း ပြောပါတယ်။ ကျွန်တော့် ဇာတ်ကားကိုလည်း မန္တလေးမှာ ပြတဲ့အခါ ကြည့်ချင်သတဲ့။ ကျွန်တော်က ကိုယ်စားလှယ်နဲ့တော့ စီစဉ်ခဲ့တာပဲ။ ဦးလေးတို့ ဒေါ်ဒေါ်တို့ ကြည့်ဖြစ် မကြည့်ဖြစ်ကိုတော့ ခုထိ မသိရဘူး။
ဦးလေးလှက စာပေနယ်က မည်သူနဲ့တွေ့တွေ့၊ ထိုသူရဲ့ စာပေအကြောင်း မေးတယ်။ သူဖတ်ထားတာ ဆိုယင်လဲ အရသာရှိရှိနဲ့ သုံးသပ်ပြတတ်တယ်။ သူရေးတဲ့ စာတွေကိုလဲ ဘယ်သူပဲ ဖြစ်ဖြစ် ဝေဖန်သုံးသပ်တာကို လိုလားတယ်။ သူက 'အရက်သမားအမှားတထောင်' ဆိုတဲ့ စာအုပ်ကို ရေးတော့ ကျွန်တော်က ဒီခေတ်မှာ ဘိန်းဖြူသမားတွေ အများကြီး ရှိနေပြီ။ ဦးလေးလှ အဲဒါကို သုံးသပ်ကြည့်သင့်ပြီလို့ ပြောတယ်။ ဦးလေးလှက သူ သတိထားမိ ပြီးပါပြီတဲ့၊ အကွက်စေ့စေ့ လေ့လာရဦးမယ်တဲ့။ ပြည့်စုံတဲ့အခါကျတော့ ရေးမှာပါလို့ ပြောတယ်။ တကယ်ပါ ဦးလေးလှရဲ့ 'ဘိန်းဖြူသမား အမှားကမ္ဘာ' စာအုပ်ဟာ ယနေ့အထိ ကျွန်တော်တို့ တိုင်းပြည်မှာ အချက်အလက် အစုံလင်ဆုံး ဖြစ်ပါတယ်။
အဲဒီနောက်တော့ ဦးလေးလှတို့ဆီ သိပ်မရောက်ဖြစ်တော့ဘူး။
စာပေ၀ိုင်းကလေးတွေတော့ မန္တလေးမှာ လုပ်ကြနေလေရဲ့။ မောင်ဝင်းဦး စိတ်ဝင်စားရင် ၀င်ခဲ့ပေါ့လို့ ပြောပေမယ့် မရောက်ဖြစ်တော့ဘူး။ ကိုယ့်ဘ၀ ခိုင်ကျည်ဖို့အတွက် တိုက်ခတ်လာတဲ့မုန်တိုင်းတွေကို ကျွန်တော့်မှာ ကြံ့ကြံ့ခံနိုင်အောင် ကြိုးပမ်းနေရလို့ပဲကိုး။
ဟော ဦးလေးလှ ဆုံးပြီလို့ ကြားတော့ တယ်လီဖုံးတော့ ဆက်ပါရဲ့။ ဒေါ်ဒေါ်မှာ ကိုယ်တိုင် ဖုံးမကိုင်နိုင် ရှာဘူး။ တခြားဧည့်သည်များကို ဧည့်ခံရမှာလဲ ရှိ၊ ဈာပနအတွက် စီမံစရာတွေလဲ ရှိပေသကိုး။ မဂ္ဂဇင်းတွေက အသီးသီး ၀မ်းနည်းကြောင်း ဖုံးဆက်တဲ့အထဲမှာ စန္ဒာကလဲ အမှာစကား ဆင့်လိုက်ရပါတယ်။ နောက်တော့ လူကိုယ်တိုင် ရောက်တော့မှပဲ ဒေါ်ဒေါ့်ကို ၀မ်းနည်းစကား ကိုယ်တိုင် ပြောလိုက်နိုင်ပါတယ်။
ခု ဒီဆောင်းပါးကလေး ကျွန်တော် ရေးနေတဲ့ အချိန်အခါဟာ သီတင်းကျွတ်၊ တန်ဆောင်တိုင် ဆီမီးတွေ မြိုင်ပြီးစ အခါပဲ ဖြစ်တယ်။ သီတင်းကျွတ်၊ တန်ဆောင်တိုင်ရဲ့ အငွေ့အသက်တွေ မကုန်သေးဘူး။ ဒီလိုအခါမျိုးမှာ ဒီဆောင်းပါးကလေး ရေးဖြစ်တာ သိပ်ဝမ်းသာတယ်။ ဟိုတုန်းက ဦးလေးလှကို အသက်ရှင်စဉ်က လက်နဲ့ ကန်တော့ခဲ့ရတာ။ အခုတခါ ဦးလေးလှ ဘ၀တပါးသို့ ပြောင်းသွားပြီးမှ မိမိရဲ့ စာနဲ့ ကန်တော့ရတာ။ လူလူချင်း မာန်လျှော့ပြီး ကန်တော့တာဟာ ကောင်းမြတ်တယ်လို့ ဆိုပါတယ်။ စာရေးသူ အချင်းချင်း ကန်တော့တာဟာလဲ ကောင်းမြတ်တာပဲ မဟုတ်လား။ ဦးလေးလှက စာရေးဆရာဆိုတော့ စာရေးဆရာတွေ ကန်တော့တာ ခံထိုက်တဲ့ အရည်အချင်းတွေ ရှိလို့ပေါ့။ စာပေအကျိုး သယ်ပိုးခဲ့သူ ဖြစ်လို့ပေပဲပေါ့။ သူရေးတဲ့ စာတွေဟာ စာပေဂုဏ်မြောက် ခဲ့လို့ ပေပဲပေါ့။
ကျွန်တော့ကိုလဲ ရပ်ထဲရွာထဲက တပည့်တပန်းတွေက လာလာပြီး ကန်တော့ကျင့် ရှိလာကြပြီ။ အသက်အရွယ်ကလဲ ရောက်လာပြီကိုး။
ဒါပေမယ့် စာရေးဆရာတယောက်အနေနဲ့ စာရေးသူတွေက လာပြီး ကန်တော့ရလောက်အောင် အခြေတော့ မရောက်သေးဘူး။ ဘယ်တော့မှ ရောက်မယ်လို့လဲ ကိုယ့်ဟာကိုယ် မခန့်မှန်းတတ်ဘူး။ ဒါက ကိုယ့်လုပ်ရပ်ပေါ် တည်ပါလိမ့်မယ်။ လုပ်ရပ်ဆိုတာ ဘာလဲ။ စာရေးတာပဲ ဖြစ်တယ်။
စာရေးတဲ့သူကို တခြားစာရေးတဲ့သူက ဘာ့ကြောင့် ကန်တော့တယ်ဆိုတာကိုတော့ ဦးလေးလှကြောင့် အခု ကျွန်တော် သိလာပါပြီလို့ ဆိုပါရစေ။
ဝင်းဦး
၁၃၄၅ ခု၊ တန်ဆောင်မုန်းလဆုတ် (၃) ရက်။
[လူထုချစ်သမျှ.. လူထုဦးလှ စာအုပ်၊ ပထမအကြိမ်၊ သြဂုတ်၊ ၁၉၈၄ မှ ကူးယူဖော်ပြပါတယ်။]
တို့ပယောဂ
ရေးသူ- ဒေါ်အမာ
{ဤဆောင်းပါးကို ရေးသူ - မအမာသည် မန္တလေးမြို့ ဗဟိုရ် အမျိုးသားကျောင်းမှ ဆယ်တန်း အောင်ပြီးနောက် အထက်တန်း ပညာကို ဆက်လက်သင်ယူနေသူ ဖြစ်၍ ယခုအခါ ရန်ကုန် တက္ကသိုလ်ကျောင်း၊ ဝိဇ္ဇာတန်း၌ ပညာသင်လျက် ရှိသည်။ ၁၂၉၇ ခုနှစ် တက္ကသိုလ် မြန်မာလို စကားပြောပြိုင်ပွဲတွင် (မမကြီးနှင့် မအမာ) တို့ အတွဲသည် ပထမ ငွေဖလားကိုရရှိရာ ၎င်းမအမာမှာ ဤဆောင်းပါးရှင် ဖြစ်ကြောင်း။}
ခေါင်းမြီးခြုံ အိမ်တွင်းပုန်းဘဝဖြင့် မနေခဲ့ဘူးသော မြန်မာ အမျိုးသ္မီးတို့သည် မြန်မာ့ ကြီးပွားမှုတွင် အရေးပါအရာရောက်အောင် ဆောင်စွမ်းနိုင်လေသည်။ သို့သော် တို့ အမျိုးသ္မီးများ၏ ဆောင်ရွက်ချက် တို့ပယောဂဖြင့် မြန်မာပြည်သည် ယခု အခြေမှ ရှေ့သို့ တထစ်တက်နိုင်ပါမည်လော။ တို့ကူညီခြင်းဖြင့် အဘယ်မှ ခရီးရောက်၍ အဘယ်မျှ တာသွားနေသည်ကို ပြန်လည် စစ်ဆေးသင့်လှပေသည်။
မြန်မာ့စီးပွားရေး၌ တို့အမျိုးသ္မီးတို့ကား အတော်အတန်ပင် ဝင်ရောက် တွင်ကျယ်နိုင်သည်။ သို့သော် အစွမ်းရှိသလောက် လုပ်၊ မလုပ်ကား စဉ်းစားဘွယ်ဖြစ်၏။ ယခု မြန်မာပြည်၏ စီးပွားရေး အခြေကား တောင်သူလယ်သမားများကို ကြည့်ခြင်းအားဖြင့် မည်မျှ ဆိုးဝါးနေသည်ကို သိသာနိုင်သည်။ သို့သော် ဗိုလ်ဆန်သည် ဆိုသော မြန်မာလူငယ်တို့မှာ ကမ္ဘာမြေပြင်တဝှမ်းလုံးလိုလို အင်္ဂလိပ်ဈေးရုံဖြစ်အောင် ပြုလုပ်နေသော အင်္ဂလန်စနစ်ကို အားမကျ နည်းမယူဘဲ ကံဆိုးမိုယ်းမှောင် အမိခံရသဖြင့် တိုင်းတပါးသို့ လခစား အဖြစ်ဖြင့် စေလွှတ်လိုက်ခြင်းခံရသော၊ မရေတွက်နိုင်လောက်သည့် မျက်နှာဖြူလူမျိုးကိုသာ အားကျဘိ၏။ တပါးကျွန်အလုပ်ကို နှစ်သက်ကြ၏။ စီးပွားရေး၌ တွင်ကျယ်နိုင်သည်ဆိုသော အမျိုးသ္မီးများကလည်း မင်းကတော် စိုးကတော် အဖြစ်ဖြင့် ဟိုးဟိုးကျော်စံချင်ကြသည်မှာ အလုအယက်ပင် ဖြစ်ပေ၏။ လခစား အလုပ်ရှားပါးစက ကျွန်ုပ်သည် ဝမ်းမြောက်မိ၏။ တို့မြန်မာ ယောက်ျားတွေ ကိုယ့်ဒူးကိုယ်ချွန် တပွဲတလမ်း အစွမ်းပြကြပေတော့မည်ဟု အားတတ်မိခဲ့၏။ ကြံစည်ကြတိုင်းလည်း အောင်မြင်ပါစေဟု ဆုတောင်းခဲ့၏။ သို့သော် ယခုတိုင် ကျွန်ုပ်မြှော်လင့်ချက်ကား မပြည့်ခဲ့။ အိုင်စီအက်၊ ဘီစီအက် ဈေးတို့သာလျှင် တိုး၍ တတ်ခဲ့၏။ ကတော်ခံရန် အရည်အချင်းဖြစ်သော ငွေတသောင်း၊ မော်တော်ကား တစင်း၊ စိန်တဆင်စာမျှ အရင်းအနှီးသည် ပျက်လုဆဲဆဲရှိသော မြန်မာပိုင် လုပ်ငန်းတို့ကို အသက်ဆက်ပေးလိုက်သော် မည်မျှ အကျိုးရှိမည်နည်း။
လေးဆယ်စား အလုပ်ကို ဘီအေတွေ တပုံတခေါင်း ဝင်၍လျှောက်သည်မှာ တို့ပယောဂ ကင်းသည်ဟု ဆိုနိုင်ပါမည်လော။ တို့ပယောဂ မကင်းချေ။ အကြောင်းမူကား တို့တတွေ လခစားကိုသာ မက်မောကြသည်။ လခစားက တပါးကျွန်ကိုသာအားပေးကြသည်။ ဤကား တို့တတွေ၏ အမှားတော်ပုံများတည်း။
အမျိုး၏ သန်စွမ်းကျန်းမာရေးတွင်လည်း တို့ဝင်ရောက်စွက်ဘက် နိုင်သေးသည်။ မကြာသေးမီက ရန်ကုန်မြို့တွင် ကျန်းမာရေး တရားပွဲ တခု၌ ဇော်ဝိတ်ကြီးက “ဘိန်းစား သာသာ အရိုးပေါ် အရေတင်သည်ကို ပုဆိုး ဆီး၍ဝတ်ထားသော မြန်မာလူမျိုး၊ သနပ်ခါးလိမ်း၍ ဗိုလ်ဆံတောက် ကော့နေအောင် သ,သော မြန်မာလူမျိုး” ဟု ဆိုခဲ့၏။ “ရက်စက်လှပါကလား ဇော်ဝိတ်ကြီးရဲ့ ဒါလောက်လဲ မဟုတ်သေးပါဘူး” ဟု မည်သူ ငြင်းနိုင်ပါမည်နည်း။ မိန်းမလျှာ၊ လူမမာ၊ ဖေါ့ရုပ်၊ လေသိမ်းတိုင်းလှ ကိန္နရီကမည့်နှယ် ရှိသော သူကိုပင်လျှင် ပိုက်ဆံရှိက၊ လခစားဖြစ်က မငြင်းမဖယ် သားမက်ဘမ်းချင်သော မိခင်နှင့် နိုင်ငံခြားမှ လာလာသမျှကို လှလှကြီး ဖြုန်းတော့အံ့ဟု ကြံရွယ်မိသော မိန်းမပျိုသည် လူမမာကိုပင် ခင်ပွန်းတော်ရှာကြ၏။ “အမောင်တို့ ဒီရုပ် ဒီရေနဲ့တော့ အိမ်ဦးခန်း မတင်နိုင်ဘူး” ဟုသာ ငြင်းပါက ယောက်ျား သနပ်ခါး လိမ်းသောခေတ်လည်း ပျောက်၍ ထွားကျိုင်းသန်မာသော အရှေ့တိုင်းသား ဘမာလူမျိုးဟူသော ဂုဏ်လည်းရောက်ပေလိမ့်မည်။” တို့ပယောဂဖြင့် ကြုံလှီဖြော့တော့သော ပိုးမွေးမွေးရမည့် အမျိုးသားများ မဖြစ်ပါစေလင့်။
ခေတ်မှီသော အမျိုးသ္မီးသည် ခေတ်ကို အလွဲသုံးစား၍ ယခုအခါတွင် အားလပ်ချိန်၌ ဖဲရိုက်၏။ တီးပါတီ၊ ဒင်းနားပါတီ စသော ပျော်ပွဲ အမျိုးမျိုးသို့ သွား၏။ အချင်းချင်း ဂုဏ်တု ဂုဏ်ပြိုင်လုပ်၏။ ဤကိစ္စဖြင့်သာလျှင် အချိန်ကုန်ရှာကြသည်။ မိမ်ိတို့ မောင်ဘွား သားသ္မီးများကို မသွန်သင်အားကြတော့ပေ။ နစ်မွမ်းဘွယ်ရာတို့၌သာ တို့ကအစ တို့ပယောဂဖြစ်တော့အံ့၊ တို့ကား လူများ၏မိခင်၊ တို့လျှင် သားသ္မီးများ ဆရာ၊ ဥဇုမဂ္ဂ-လမ်းမှန်ကို ညွှန်ပြရန်မှာ၊ တို့ပယောဂသာ ဖြစ်ဘိ၏။
ကြီးပွားလိုသော မြန်မာပြည်၌ တို့အမျိုးသ္မီးတွေ ဘမ်းစားသမျှ ခံကြရမည်။ ယုံကြည်ပါ၏လော။ ကြီးပွါးရေးကို - တို့ပယောဂဖြင့် ဖန်ဆင်းကြပါစို့။ မကြာသေးမီကပင် ကောလိပ်ကျောင်းသူ တဦးနှင့် မြန်မာပြည်၏ လွတ်လပ်ရေးစကားစမိကြရာ၊ ထိုမိန်းကလေးက “လွတ်လပ်ရေး ဘာလုပ်ဘို့လဲရှင့် အင်္ဂလိပ် အုပ်စိုးနေတာ အကောင်းသားဘဲ။ ကျွန်မတို့ လက်နက်လဲ ဘာမရှိ၊ ညာမရှိနဲ့ ကိုယ့်ဘာသာ အုပ်စိုးနေရင် တရုပ်တွေ ဂျပန်တွေက ဝိုင်းတိုက်ကုန်မှာပေါ့။ ပီးတော့ ဘမာမင်းဆိုတာ တယောက်မကောင်းရင် တမျိုးလုံးသတ်တယ်ဆို” စသည်ဖြင့် ကိုယ့်အမျိုး၏ စွမ်းရည်ကို မယုံ၊ ကိုယ့်အမျိုး၏ မင်းများကို အလွဲလွဲထင်၊ ကိုယ့်အမျိုးကို ကိုယ်မရိုသေ။ ကိုယ်သင်ထားသော ပညာမျှဖြင့် မချင့်ချိန်ဘဲ ထင်မြင်ချက်ပေးနေရာ ကျွန်ုပ်ဆက်၍ နားမထောင်ဝံ့တော့သဖြင့် တော်ရန် တောင်းပန်လိုက်ရပေ၏။ မြန်မာအမျိုးသ္မီးများ၏ကြေးမှုံ တိုးတက်နေသော ခေတ်၏ ရှေ့သွားများဖြစ်သည်ဟု သိမှတ်ခြင်းခံရသူ ယူနီဗာစီတီ ပညာသင်တဦးထံမှ ဤကဲ့သို့သော လေသံကို ကြားရသဖြင့် ထိုမိန်းကလေးအား၎င်း၊ သူ၏ မိဘများအား၎င်း အထင်အမြင်သေးမိသည်။ ထိုမိန်းကလေးမှ ပေါက်ဘွားမည့် သားစဉ်မြေးဆက်ကား မတွေးဝံ့ အောင်ပင် ဖြစ်ပေ၏။ အူပါ နှုတ်စားမည့် ကဝေမကလေးပေ။
ထိုကြောင့် အို - ဘမာပြည်မှီး အမျိုးသ္မီးတို့ တို့တတွေ၏ ပယောဂဖြင့် ပြန့်ပွားနေသော လက်ရှိ ချို့ယွင်းပျက်ပြားမှုများကို ပြင်ဆင်သုတ်သင် တို့တတွေ ပယောဂဖြင့် ဘမာများ ချမ်းသာကြီးပွားကြောင်း ဘမာများ လွတ်လပ်တိုးတက်ကြောင်းကို ဆောင်ရွက် လုပ်ကိုင်လျက်၊ တို့ဘမာ အမျိုးသစ်တည်းဟူသော အဆောက်အဦသစ် တည်ထောင်ရာ၌ တို့တတွေသည် လွှ-စူး-ဆောက် စသောကြိယာများကိုကိုင်၍ အလုပ်ခွင်သို့ ဝင်ကြကုန်အံ့သတည်း။
ရေးသူ-မအမာ၊တက္ကသိုလ်
(ဤရှားပါးဆောင်းပါးကို မျှဝေပေးသော စင်္ကာပူအမျိုးသားတက္ကသိုလ် အရှေ့တောင်အာရှလေ့လာရေးဌာန လက်ထောက်ပါမောက္ခ ဒေါက်တာချိအဲအိကိယ (CHIE IKEYA) ကို ကောင်းကင်မှ အထူး ကျေးဇူးတင်ရှိပါကြောင်း)
[ကောင်းကင် (နိုင်ငံပြု အနုပညာမဂ္ဂဇင်း) မှ ကူးယူဖော်ပြပါတယ်။ ]
Sunday, December 6, 2009
အမျိုးသားနိုင်ငံရေးသမားဘ၀ ဦးလှ (ပထမပိုင်း)
ရေးသူ- ညွန့်အောင် (ရေစကြို)
ဦးလှကို ကျွန်တော် လူကိုယ်တိုင် စပြီး မြင်ဖူး ဆုံဖူးခဲ့တာ ၁၉၄၃ ခုနှစ် ဆောင်းဦးပေါက်ရာသီက နေ့တနေ့ရဲ့ နံနက်ခင်းမှာ ဖြစ်ပါတယ်။ ဒီတုန်းကဦးလှတို့ မိသားစုက စစ်ဒဏ်ဗုံးဒဏ်ကို ရှောင်ရင်း၊ ကပိုင်ရွာမှာ နေကြစဉ်က ဖြစ်ပါတယ်။ ဦးလှက ချစ်မွှေးပါတယ်လို့ ဆိုရမလား မသိဘူး။ တွေ့တွေ့ချင်း ခင်မင်ရင်းနှီးလိုစိတ် ၀င်မိတယ်။ အသက်သုံးဆယ်ကျော်လောက် အသားလတ်လတ် ဥပဓိရုပ်ကောင်းကောင်း လူကြီးဆန်ပေမယ့် ပြုံးရွှင်တယ်၊ ဖော်ရွေတယ်၊ ဖျတ်လတ်တယ်။ တွေ့ကြတဲ့ကိစ္စက ဖက်ဆစ်ဂျပန်ကို တော်လှန်ဖို့ မြေအောက် လျှို့ဝှက် စည်းရုံးရေး အလုပ်များနဲ့ ပတ်သက်တဲ့ ကိစ္စပါ။ ဦးလှအဖို့ ကျွန်တော့်ကို တွေ့ရတာ ပထဆုံးအကြိမ် ဖြစ်ပေမယ့် ကျွန်တော်နဲ့အတူပါတဲ့ ကိုတင်မောင် (ဦးသန်းတင် ပညာ့ဗိမာန် စာတည်းချုပ် ကွယ်လွန်) နဲ့တော့ ဒိအရင်က တကြိမ် နှစ်ကြိမ်လောက် တွေ့ခဲ့ ဆုံခဲ့ကြ ပြီးသား ဖြစ်ပါတယ်။ ဒါပေမယ့် ကျွန်တော်ကတော့ ခုမှတွေ့ရတဲ့ လူသစ်၊ လူစိမ်းတယောက်လို့ မထင်မိခဲ့ဘူး။ ရင်းနှီးကျွမ်းဝင်ပြီးသား လူရင်းတယောက်လိုပဲ ခံစားမိပါတယ်။ ဒါကလည်း ဦးလှရဲ့ ဖော်ရွေ ရည်မွန်မှုကြောင့် ဖြစ်ပါတယ်။ပြီးတော့ ကျွန်တော် ဆယ်ကျော်သက် အရွယ်လောက်မှာ ကြီးပွါးရေးမဂ္ဂဇင်း အယ်ဒီတာ ကိုလှဆိုတာ အသက်ငယ်ငယ်ကလေး ရှိသေးတယ်။ ရှိလှမှ အသက် ၂၀ ကျော် အစိတ်တွင်းရယ်၊ တကယ်တော်တဲ့လူဗျာ ဆိုတာ ကြားရပြီးကတည်းက သူ့ကို လေးစားရင်းစွဲ အထင်ကြီးရင်းစွဲ ရှိခဲ့လို့လည်း ဖြစ်ပါလိမ့်မယ်။
ကျွန်တော်တို့ ပြောကြ ဆွေးနွေးကြတာ တနာရီမကြာပါဘူး။ သည်တုန်းက ဦးလှဆီက ထွက်လာပြီး မတ္တရာဘက် ခရီးဆက်ကြတော့ ဦးလှနဲ့ ပတ်သက်လို့ ကိုတင်မောင့်ကို ကျွန်တော် ပြောခဲ့တာ မှတ်ချက်ပြုခဲ့တာ တွေ အများကြီးပါ။
ပထမအချက်က ဖက်ဆစ်ဂျပန် တော်လှန်ရေး လျှို့ဝှက်စည်းရုံး လှုပ်ရှားကြတဲ့ လုပ်ငန်းထဲမှာ ဦးလှ ပါဝင်နေတဲ့ ကိစ္စဖြစ်တယ်။ ဂျပန်စစ်ဘီလူးရဲ့ အုပ်စိုးမှုအောက်မှာ သူ့ကို (ဂျပန်ဖက်ဆစ်ကို) ပြန်ပြီး ဆန့်ကျင်တဲ့ အလုပ်ကို လုပ်ရတာ ဘယ်မျှလောက် အန္တရာယ်ကြီးကြောင်း ဂျပန်ခေတ် နေဖူးသူတိုင်း သိမှာပါ။ သာမန် အရပ်သားကို မဆိုထားနဲ့ သူနဲ့တွဲပြီးအတူ အင်္ဂလိပ်နယ်ချဲ့ကို တိုက်နေတဲ့ မြန်မာ့လွတ်လပ်ရေး တပ်မတော်လို အဖွဲ့အစည်းမျိုး၊ သူတို့ဝါဒဖြစ်တဲ့ အရှေ့အာရှ သာတူညီမျှ ကောင်းစားရေးဆိုတာကို အခြေပြု ဖွဲ့စည်းထားတဲ့ အာရှလူငယ်များ အစည်းအရုံးမျိုးကိုတောင် သူတို့ စိတ်အလိုမကျရင် အကြမ်းဖက်တယ်။ ပါးရိုက် နားရိုက် လုပ်တယ်။ ဂျပန်စစ်သားတွေရဲ့ ရက်စက်မှု၊ ကြမ်းကြုတ်မှု၊ အရှက်ကင်းမဲ့ပြီး ကြမ်းတမ်းတဲ့စရိုက် ပြည်သူ့ပစ္စည်း အဓမ္မလုယက်မှု၊ မကြားဖူး မကြုံဖူးတဲ့ ညှင်းပန်းနှိပ်စက်နည်းမျိုးစုံ စတဲ့ အတွေ့အကြုံတွေဟာ မြင်ရ ကြားရသူတိုင်း ကြက်သီးထစရာ ဖြစ်တယ်။ ဒီလို ရက်စက်ကြမ်းတမ်းလို့ အချိန်မရွေး အန္တရာယ်ကျရောက်နိုင်တဲ့ အုပ်စိုးမှုအောက်မှာ အန္တရာယ်ကို မသိမဟုတ် သိလျက်နဲ့ တည်တည်ငြိမ်ငြိမ် အလုပ်လုပ်နိုင်တယ်။ ယုံကြည်ချက် ခိုင်မာရင် ဒါတွေက မဆန်းပါဘူးလို့ ဆိုနိုင်ပေမယ့် ကျွန်တော်ကတော့ ဦးလှကို ချီးကျူးမိတယ်။
ဒါတွင်မကသေးဘူး။ နောက် အရေးကြီးတဲ့အချက် ရှိသေးတယ်။ အဲဒါက အဲဒီအချိန်ကာလတုန်းက ပြည်သူလူထုကြီး တခုလုံးကော၊ လွတ်လပ်ရေး ကြိုးပမ်းနေကြတဲ့ အင်အားစုတွေ အတွင်းမှာရော နိုင်ငံရေး အမြင်မရှင်းဘူး။ မကြည်လင်ဘူး။ နိုင်ငံလွတ်လပ်ရေးအတွက် ရှေ့ဆက်ချီတက်ရမယ့် လမ်းကြောင်းနဲ့ ပတ်သက်လို့ေ၀၀ါးနေကြတယ် ဆိုတဲ့အချက်ပဲ။
ကျွန်တော်တို့ နိုင်ငံကို နှစ်တရာကျော် ကျွန်ပြုထားခဲ့တဲ့ မူရင်းရန်သူ အင်္ဂလိပ်နယ်ချဲ့သမားကို ဂျပန်နဲ့ပေါင်းပြီး မောင်းထုတ်ခဲ့တာ မကြာသေးဘူး။ ကူညီမောင်းထုတ်ပေးတယ်ဆိုတဲ့ ဂျပန်ကို တမျိုးသားလုံးက ကျေးဇူးတင်လို့လည်း မဆုံးသေးဘူး အင်္ဂလိပ်ကို အပြီးအတိုင် မောင်းထုတ်မယ်ဆိုတဲ့ စစ်ကြီးကလည်း မပြီးသေးဘူး။ ဂျပန်တွေ ဓါးတရမ်းရမ်းနဲ့ ပေါ်ပြူလာဖြစ်လို့ကောင်းတုန်း။ ဂျပန်စစ်သားတွေရဲ့ ရက်စက်ရိုင်းစိုင်းတဲ့ အပြုအမူတွေကြောင့် နောက်လာတဲ့မောင်ပုလဲ ဒိုင်းဝန်ထက်ကဲတော့မှာလားဆိုတဲ့ သံသယနဲ့ နှခေါင်းရှုံ့သူတွေ ရှိပေမယ့် ဒါ စစ်တိုက်နေတာ၊ စစ်အောင်နိုင်ဖို့ထက် ဘယ်ဟာမှ အရေးမကြီးဘူး၊ ဂျပန်တွေက စစ်မြေပြင်မှာ အသေခံ တိုက်နေကြတာ။ ကျုပ်တို့က ဒါလောက်ကလေးမှ အနာမခံနိုင်၊ မစွန့်လွှတ်နိုင်၊ သည်းမခံနိုင်ကြဖူးလား ဆိုတဲ့ နှစ်သိမ့်သလို လှုံ့ဆော်သလို စကားမျိုးနဲ့ ဘာမှ မပြောသာပဲ ရှိနေကြတယ်။ ပြီးတော့ ဂျပန်ကပေးတဲ့ လွတ်လပ်ရေးကလည်း တုတုစစ်စစ် အဆောင်အယောင်အပြည့်နဲ့ ပူပူနွေးနွေးပဲ ရှိသေးတယ်။ ဂျပန်အကြံပေး စောင့်ကြည့်နေသူတွေ ရှိစေကာမူ နိုင်ငံ့အကြီးအကဲ အဓိပတိအရှင်မင်းကြီးက မြန်မာပြည် အချုပ်အချာ အာဏာပိုင် လွတ်လပ်တဲ့ နိုင်ငံဖြစ်ပြီလို့ ကမ္ဘာသိ ကြွေးကြော်ပြီး အင်္ဂလိပ်နဲ့ အပေါင်းအပါ မဟာမိတ်တွေကိုတောင် အတိအလင်း စစ်ကြေညာထားသေးတယ်။ ပြီးတော့ အဓိပတိကြီးက သူ့ကိုယ်သူ အာဏာရှင်လို့ တံဆိပ်ကပ်ပြီး တသွေး တသံ တမိန့် အာဏာရှင်စနစ်နဲ့ တိုင်းပြည်ကို အုပ်ချုပ်၊ ကြီးပွါး တိုးတက် အောင် လုပ်မယ်ဆိုပြီးတော့လည်း ရဲရဲတောက် ကြွေးကြော်ထားသေးတယ်။ အုပ်ချုပ်ရေး ယန္တရားတခုလုံးကို ကြည့်ရင်လည်း အောက်ဆုံး သူကြီးကအစ ထိပ်ဆုံး အဓိပတိကြီးအထိ မြန်မာတိုင်းရင်းသားတွေ ချည်းပဲ။ ဒီအခြေအနေ ဒီမြင်ကွင်းတွေထဲမှာ အများပြည်သူ လူထုကြီးရဲ့ နိုင်ငံရေးအမြင် ဘယ်လို ရှိနေလိမ့်မယ်ဆိုတာ ခန့်မှန်းကြည့်နိုင်ပါလိမ့်မယ်။
ဒါတွင်မကသေးဘူး၊ တိုင်းပြည်လုံးဝ လွတ်လပ်ရေးအတွက် ကိုယ်ထိလက်ရောက် ရှေ့ဆောင်ပါဝင် လှုပ်ရှားနေကြတဲ့ အင်အားစုများ အတွင်းမှာလည်း နိုင်ငံရေးအယူအဆတွေ အတွေးတွေ ကွဲပြားနေကြ သေးတယ်။ ထိပ်ပိုင်းခေါင်းဆောင်အတော်များများက ဂျပန်ကလိန်ကကျစ်လုပ်ပြီး ရုပ်သေးရုပ်များအဖြစ် အသုံးချခံရတော့မယ်ဆိုတာ သံသယနဲ့ သိလာပေမယ့် လက်လွန်နေပြီ။ ကိုယ်သိတဲ့အတိုင်း အောက်ခြေ အင်အားစုများကို အသိပေးပြီး သေနတ်ပြောင်းကို နောက်ကြောင်း ဂျပန်ဖက် ပြန်လှည့်ဖို့ ဆိုတာလည်း မဖြစ်နိုင်သေးဘူး။ နိုင်ငံရေးဆိုတာ ခံစားချက် တခုတည်းပေါ်တည်ပြီး စိတ်ထဲရှိသလို လုပ်လို့ကလည်း မဖြစ်နိုင် သေးဘူး။ အမြှော်အမြင် ရှိရမယ်၊ အစီအစဉ် ရှိရမယ်။ အောင့်အီးပြီး ပြင်ဆင်စည်းရုံးရအုံးမယ်။ ဒီအချိန်မှာ အောက်ခြေ လွတ်လပ်ရးတိုက်ပွဲဝင် တော်တော်များများက မူလအစီအစဉ်အတိုင်း ဂျပန်နဲ့ ဆုံးခန်းတိုင်ပေါင်းပြီး အင်္ဂလိပ်နယ်ချဲ့သမားကို အပြီးတိုင် ချေမှုန်းတဲ့လမ်းနဲ့ မြန်မာ့လွတ်လပ်ရေး အရယူမယ်လို့ ယုံကြည်ယူဆ နေကြတယ်။ အချို့သော အင်အားစုများကတော့ ဂျပန်လည်းမကောင်းဘူး၊ အင်္ဂလိပ်လည်းမကောင်းဘူး၊ နှစ်ကောင်စလုံးကို ချရမယ်လို့ ယူဆနေကြတယ်။ အချို့ကတော့ ဂျပန်ကိုတော့ တိုက်ရမယ်၊ ဒါပေမယ့် အင်္ဂလိပ်နဲ့ မပေါင်းနိုင်ဘူးလို့ ဆိုကြတယ်။ အချို့ကတော့ ဒီကိစ္စတွေက အထက်က ခေါင်းဆောင်ကြီးတွေ ဆုံးဖြတ်ရမယ့် ကိစ္စ၊ ခေါင်းဆောင်တွေရဲ့ အမိန့်ကို စောင့်ရုံပဲ၊ ဒီအတွင်း လုပ်မြဲတိုင်း ဆက်လုပ်။ ဟိုဟာဒီဟာတွေ ဘာမှ လာမရှုပ်နဲ့လို့ ဆိုကြသူတွေလည်း ရှိတယ်။
ဒါတွေကို ကြည့်ရင် တိုင်းပြည်မှာ နိုင်ငံရေးအခြေအနေတွေက ဘယ်လောက် ရှုပ်ထွေးသလဲ။ လွတ်လပ်ရေးတိုက်ပွဲလမ်းစဉ်က မပီပြင် မပြတ်သားဘူး။ ဒီအချိန်မှာ တိုင်းပြည်ရဲ့ လိုအပ်ချက်၊ တနည်းပြောရရင် အမျိုးရေးလိုအပ်ချက်က ဘာလဲ။ လိုအပ်ချက်က မှန်ကန်တဲ့ လွတ်လပ်ရေး လမ်းစဉ်ရှိရေးနဲ့ အဲဒီမှန်ကန်တဲ့ လမ်းစဉ်အောက်မှာ လွတ်လပ်ရေးတိုက်ပွဲဝင် အင်အားစုများ စုစည်းညီညွတ်မိဖို့နဲ့ ဒီလမ်းစဉ်အောက်မှာ တမျိုးသားလုံး ညီညွတ်ရေးဖြစ်တယ်။
မှန်ကန်တဲ့ လွတ်လပ်ရေးတိုက်ပွဲလမ်းစဉ်ဆိုတာ ဒီအချိန် ဒီကာလတုန်းက အခြေအနေများအရ "နာဇီ ဖက်ဆစ်ဝင်ရိုးတန်း စစ်အုပ်စုဟာ ကမ္ဘာ့တိုင်းပြည်ကြီးငယ်များကို မတရားကျူးကျော်တိုက်ခိုက် သိမ်းပိုက်ပြီး အဓမ္မအုပ်စိုးနေတဲ့အပြင် ကမ္ဘာ့ကျန်တဲ့ တိုင်းပြည်ကြီးငယ်များကိုလည်း အဓမ္မတိုက်ခိုက်ပြီး ကျွန်ပြုဖို့ ကြိုးစားလျက် ရှိနေတယ်။ ဒါကြောင့် နာဇီဖက်ဆစ်စစ်ဝါဒီအုပ်စုဟာ ယနေ့တကမ္ဘာလုံးရှိ ပြည်သူများရဲ့ အဓိက ရန်သူကြီး ဖြစ်တယ်။ ဒီ ကမ္ဘာ့ဘုံရန်သူကို ကမ္ဘာ့ဒီမိုကရေစီ ပြည်သူများနဲ့ ဒီမိုကရေစီအစိုးရများက မဟာမိတ်ဖွဲ့ပြီး ရင်ဆိုင် ဆန့်ကျင် တွန်းလှန်တိုက်ခိုက် ချေမှုန်းနေကြတယ်။ ဒီလို အချိန်အခါ အခြေအနေမှာ မြန်မာပြည်ဟာ မိမိတို့ ဘ၀ပေးအခြေအနေအရ သက်ဆိုင်လာတဲ့ ဘုံရန်သူ စစ်အုပ်စုဝင် ဖက်ဆစ်ဂျပန်ကို ကမ္ဘာ့ဒီမိုကရေစီ မဟာမိတ်အဖွဲ့ဝင် အင်္ဂလိပ်တပ်များ၊ ပြည်သူများနဲ့ လက်တွဲပူးပေါင်းပြီး ပါဝင် တိုက်ခိုက် ခြေမှုန်းကြရမယ်။ ဘုံရန်သူ ဖက်ဆစ်ဂျပန်ကို တမျိုးသားလုံး စည်းရုံးပြီး ကျယ်ကျယ်ပြန့်ပြန့် ထိထိရောက်ရောက် တိုက်ခိုက် တွန်းလှန် ချေမှုန်းနိုင်သလောက် မြန်မာ့လုံးဝလွတ်လပ်ရေး အခွင့်လမ်း ပွင့်လန်းမယ်။ ဖက်ဆစ်ဂျပန်ကို တိုက်ထုတ်ချေမှုန်းပြီး မြန်မာ့လွတ်လပ်ရေး အောင်ပန်းကို ဆွတ်ခူးရမယ်" ဆိုတဲ့ လမ်းစဉ် ဖြစ်တယ်။ ဒီလမ်းစဉ်ဟာ မြန်မာ့အမျိုးသားရေး လိုအပ်ချက်ပဲ။ ဦးလှက ဒီအမျိုးသားရေး လိုအပ်ချက်ကို ဖြည့်ဆည်းဖို့အတွက် ရှိနေတဲ့ အခက်အခဲပေါင်းများစွာကို သိလျက်နဲ့ ဖက်ဆစ်ဂျပန်တော်လှန်ရေး လုပ်ငန်းထဲကို ပိုင်းပိုင်းဖြတ်ဖြတ် ပါဝင်လာခဲ့တာ ဖြစ်တယ်။ အဲဒါဟာ ဟိုတုန်းက ဦးလှနဲ့ ပတ်သက်လို့ ကျွန်တော်နဲ့ ကိုတင်မောင်တို့ ပြောဆို မှတ်ချက်ပြုခဲ့ကြတဲ့ ပထမအချက် ဖြစ်တယ်။
ဒုတိယအကြောင်းအရာက ဦးလှရဲ့ စာပေလမ်းကြောင်း ရွေးချယ်ပုံကိစ္စ ဖြစ်တယ်။ ဦးလှဟာ ငယ်ငယ်ကတည်းက စာပေ၀ါသနာ ပါတယ်။ ပရဟိတ အများအကျိုးဆောင် အလုပ်တွေလည်း ၀ါသနာပါတယ်။ လူငယ်များ ကြီးပွါးရေးအသင်းဝင်ပြီး လူငယ်များ ဗလငါးတန် ပြည့်ဝရေး၊ ကျေးလက်တောရွာ ပြုပြင်ရေး အလုပ်တွေ လုပ်ကြဖို့ လှုံ့ဆော်လမ်းညွှန်တဲ့ စာတွေ ရေးတယ်။ လူငယ်များကို လမ်းညွှန်သလို သူကိုယ်တိုင်လည်း လိုက်နာပြီး ကိုယ့်ကိုယ်ကို အဖက်ဖက်က ပြည့်စုံအောင် ကြိုးစားတယ်။ အပြောနဲ့ အလုပ် ညီအောင်နေတယ်။ လုပ်တယ်။ ဘ၀ရပ်တည်ဖို့ အလုပ်အကိုင် ရပြီးတော့လည်း အလုပ်ကိုလည်း တာဝန်ကျေအောင်လုပ်တယ်။ စာရေးလည်း မပျက်တဲ့အပြင် ကြီးပွါးရေးမဂ္ဂဇင်းကိုတောင် ကိုယ်ပိုင်အဖြစ်နဲ့ ကိုယ်တိုင်တည်းဖြတ် ကြီးကြပ် ထုတ်ဝေနိုင်တယ်။ သည်လိုကြိုးစားရင်း စာပေလောကထဲ ခြေစုံပစ်ဝင်ပြီး တိုင်းပြည်သိ စာရေးဆရာ၊ စာနယ်ဇင်းဆရာဘ၀ ရောက်တယ်။
ဒါတွေကို ကြည့်ပြီး ဦးလှဟာ ငယ်ကတည်းက စာပေ၀ါသနာပါပြီး အစဉ်တစိုက် ကြိုးစားခဲ့သလို နိုင်ငံသိ စာရေးဆရာ ဖြစ်လာတယ်လို့ အများက မှတ်ချက်ပြုကြတယ်။ ၀ါသနာပါတယ်၊ ကြိုးစားတယ်၊ အောင်မြင်တယ်။ ဒါက မဆန်းပါဘူး။ စာပေ၀ါသနာပါလို့ စာရေးတယ်ဆိုရာမှာ ရေးစရာ စာပေအမျိုးအစားတွေ အများကြီး ရှိတာပဲ။ စာပေလမ်းကြောင်းတွေ အများကြီး ရှိနေတာပဲ။ ဒီအထဲက ဦးလှက အမျိုးသားများ ခေတ်မီရေး၊ နိုးကြားရေးအတွက်၊ လှုံ့ဆော်နည်းပြ လမ်းညွှန်တဲ့ စာမျိုးကို ရွေးခဲ့တယ်။ ပြီးတော့ လူ့အဖွဲ့အစည်းတခုမှာ သော့ချက်ကျတဲ့ လူငယ်(တက်လူ) (ယခုအခေါ် မျိုးဆက်သစ်)တွေကို ဦးတည်ပြီး ရေးတယ်။ ကျေးလက် တောရွာများနဲ့ ကျေးလက်ပြည်သူများ ခေတ်မီနိုးကြားရေးကို ရေးတယ်။ ခေတ်ပြုပြင်ရေးကို ရေးတယ်။ ခေတ်ကို နိုးကြားစေတဲ့ စာပေမျိုးကို သူကိုယ်တိုင်လည်းရေးပြီး သူတပါးရေးကြတာကိုလည်း အားပေးတယ်။ အဲဒါ ဦးလှရဲ့ ထူးခြားချက်ပဲ။ ဒါဟာ စာပေလောကထဲကို ခြေမချခင်နဲ့ ခြေချပါပြီဆိုကတည်းက ဦးလှဟာ အမျိုးသားရေးလမ်း ကြောင်းပေါ်ကို စပြီး တက်ခဲ့တယ်။ အမျိုးသားရေးလမ်းကြောင်းအတိုင် လျှောက်ခဲ့တယ်။ ဒါကြောင့်လည်း ယခု (၄၃ ခုနှစ်) ခက်ခဲကြမ်းတမ်းတဲ့ ဖက်ဆစ်ဆန့်ကျင်ရေး၊ အမျိုးသားလွတ်မြောက်ရေး တိုက်ပွဲထဲ ပါဝင်ရောက်နေခဲ့ တာပဲလို့ ကျွန်တော်နဲ့ ကိုတင်မောင်တို့ မှတ်ချက်ပြုခဲ့ကြတယ်။
တတိယအချက်ကတော့ ဦးလှနဲ့ အခြားအလားတူ စာရေးဆရာများရဲ့ ခေတ်ပြုပြင်ရေး အရေးအသား တွေဟာ အမျိုးသားရေးလိုအပ်ချက်ကို ဖြည့်ဆည်းခြင်း ဟုတ်-မဟုတ် ဆိုတဲ့အချက် ဖြစ်တယ်။ ဒါကလည်း ရှင်းပါတယ်။ ဒီတုန်းက ခေတ်ပြုပြင်ရေး အရေးအသားတွေဟာ ဒီတုန်းက မြန်မာပြည်သူတွေရဲ့ အခြေအနေအရ တကယ်လိုအပ်တဲ့ လိုအပ်ချက်တွေပါ။ ဘာကြောင့်လဲဆိုတော့ မြန်မာပြည်သူတွေက ပဒေသရာဇ် မြေရှင် မြေကျွန်စနစ်အောက်မှာ နှစ်ရာထောင်ချီပြီး နေခဲ့ရတဲ့ အခြေအနေမျိုးမှာ မြန်မာပြည်ကို အနိုင်ကျင့်ကျူးကျော် အုပ်စိုးလာတဲ့ အင်္ဂလိပ်နယ်ချဲ့ အင်္ဂလန်ပြည်က အရင်းရှင်စနစ်ထိ ဖွံ့ဖြိုးပြီးသားဆိုတော့ တခေတ်ကြီးများတောင် နောက်ကျ ကျန်ရစ်ခဲ့တာမို့ မြန်မာတွေ ခေတ်နောက်ကျနေတယ်လို့ ပြောရတာပေါ့။ ခေတ်နောက်ကျတယ် ဆိုရာမှာလည်း ကဏ္ဍတခုတည်း နှစ်ခုတည်းမှာသာ နောက်ကျတာမျိုး မဟုတ်ပဲ ဘ၀နေနည်းထိုင်နည်းကအစ ပညာရေး၊ ကျန်းမာရေး၊ စီးပွါးရေး၊ နိုင်ငံရေး အဖက်ဖက်က ထောင့်ပေါင်းစုံ နောက်ကျနေတာမျိုး ဖြစ်တယ်။ အဲဒီလို နောက်ကျနေတာကို မိမိတို့ ရှေ့တဆင့်ရောက်နေတဲ့ ခေတ်နဲ့အညီ နေတတ်ထိုင်တတ်၊ လုပ်တတ် ကိုင်တတ်၊ တွေးတတ်ခေါ်တတ်အောင် ပြုပြင်ကြဖို့ ရေးသားနှိုးဆော် ညွှန်ပြခြင်းဟာ အမျိုးသားရေး လိုအပ်ချက်ကို ဖြည့်ဆည်းခြင်းပဲလို့ မြင်တယ်။
ပြီးတော့ ဦးလှဟာ ဒီလို ခေတ်ပြုပြင်ရေးစာပေတွေ ရေးလို့ ပြုပြင်ရေး အလုပ်သက်သက်ကိုသာ စွဲစွဲမြဲမြဲ ဆုပ်ကိုင်ထားသူလည်း မဟုတ်ဘူး။ ပြုပြင်ရေး အလုပ်မျိုးကိုသာ ဆုပ်ကိုင်ထားသူလို့ ဆိုကြရင်လည်း ယခုလို ဖက်ဆစ်တိုက်ဖျက်ရေး အမျိုးသားလွတ်မြောက်ရေး တိုက်ပွဲထဲမှာ ဦးလှနဲ့ ကျွန်တော်နဲ့ ဆုံဆည်းမိစရာ အကြောင်း ရှိတော့မှာ မဟုတ်ပါဘူး။
(၂)
ဂျပန်တခေတ်လုံးမှာ ဦးလှနဲ့ ကျွန်တော် ရည်ရွယ်ချက်တူ လုပ်ငန်းစဉ်တူ လုပ်ကြတယ် ဆိုပေမယ့် နှစ်ကြိမ် သုံးကြိမ်လောက် လူချင်းခဏတဖြုတ် တွေ့ခဲ့ကြတာက လွဲလို့ အတူတွဲပြီး လုပ်ခွင့်မကြုံခဲ့ဘူး။ သူကလည်း သူ့တာဝန်နဲ့သူ၊ ကိုယ်ကလည်း ကိုယ့်တာဝန်နဲ့ကိုယ် လုပ်ခဲ့ကြရတယ်။ တကယ်တန်း လူချင်းတရင်း တနှီး တပူးတွဲတွဲ လုပ်ဖို့ အခွင့်ကြုံလာတာကတော့ ၁၉၄၅ ခုနှစ်၊ ဧပြီလဆန်းအစမှာ ဖြစ်တယ်။ အခွင့်ကြုံလာပုံကလည်း ကျွန်တော့်အဖို့ မှတ်မှတ်သားသား ရှိလှပါတယ်။
ဂျပန်ကို တော်လှန်ဖို့ အချိန်နီးကပ်လာတော့ ကျွန်တော်က ကျောက်ဆည်ခရိုင်ကို ခေါင်းဆောင်ဖို့ တာဝန် ကျတယ်။ ၁၉၄၅ ခုနှစ်ဆန်း ဇန်န၀ါရီလလယ်လောက် ရောက်တော့ မူလစီစဉ်တဲ့အတိုင်း မဟုတ်ပဲ အချိန်စောပြီး မတ်လ (၈) ရက်နေ့မှာ ဂျပန်ကို စပြီးတိုက်ကြဖို့ ဆက်သားနဲ့ ညွှန်ကြားချက် ရောက်လာတယ်။ အားလုံးသိကြပြီး တဲ့အတိုင်း အင်္ဂလိပ်နဲ့ မဟာမိတ်တပ်များက ဖေဖော်ဝါရီလထဲမှာပဲ တရကြမ်း ထိုးစစ်ဆင်ပြီး မုံရွာ၊ ပခုက္ကူ၊ မြင်းခြံတို့ကို ထိုးဖောက် တိုက်ခိုက် သိမ်းပိုက်ပြီး ဖေဖော်ဝါရီ (၂၈) ရက်နေ့မှာ မိတ္ထီလာမြို့ကို သိမ်းပိုက်လိုက်တယ်။ မန္တလေး-ရန်ကုန်လမ်းမကြီးကို ခါးလယ်က ဖြတ်ပိတ်လိုက်တယ်။ ဂျပန်တပ်တွေ မန္တလေး-ရန်ကုန်လမ်းမကြီးကို ကျော်ပြီး ရှမ်းတောင်တန်းဘက်ဆီကို အလုံးအရင်းနဲ့ ဆုတ်ခွါထွက်ပြေးကြတယ်။ ဗိုလ်မှူဗထူးတပ်များ မန္တလေးတ၀ိုက် ဂျပန်တွေကို သုတ်သင် ရှင်းလင်းပြီး မတ်လကုန်ခါနီးမှာ ကျောက်ဆည်ခရိုင်၊ စဥ့်ကိုင်မြို့နားက ဒွေးလှရွာကို ရောက်လာကြတယ်။ ကျွန်တော်တို့ ဒွေးလှရွာမှာပဲ ဗိုလ်မှူးဗထူးတပ်များနဲ့ ဆုံတယ်။ နောက် ၂ ရက် အကြာမှာ ကိုမောင်မောင်(ဗိုလ်မှူးကြီးတင်စိုး၊ ငြိမ်း ကွယ်လွန်)၊ သခင်တင်ရွှေ (လေထီး သခင်တင်ရွှေ) တို့နဲ့အတူ ဗြိတိသျှတပ်ဖွဲ့ (၁၃၆) က ကက်ပတိန်ဘော်လီ ပါလာပြီး ဗိုလ်မှူးဗထူးနဲ့ ဆွေးနွေးတယ်။ မြန်မာ့မျိုးချစ်တပ်များက သီးခြားစစ်ကြောင်းဖွင့်ပြီး ဂျပန်အကြွင်းအကျန်များကို ရှင်းရင်း ပင်းတယ၊ အောင်ပန်းဘက်သို့ ချီတက်တိုက်ခိုက်ဖို့ သဘောတူကြတယ်။ အင်္ဂလိပ်တပ်ဆီက ဘာလက်နက်အကူအညီမှ မယူဘူး။ တပ်ချင်းမမှားရအောင် အင်္ဂလိပ် စစ်ယူနီဖောင်းအစုံ (၁၀၀) လောက်ပဲ ယူပြီး မတ်လကုန်ရက်မှာပဲ စစ်ကြောင်းစပြီး ချီတက်တယ်။ ကျွန်တော် ရှေ့တန်းချီတပ်နဲ့ လိုက်ခွင့်မရဘူး။ စစ်နောက်ပိုင်းတာဝန်နဲ့ စစ်ရိက္ခာစုဆောင်းဖို့ ဗိုလ်မှူးက တာဝန်ပေးခဲ့တယ်။
တပါတ်လောက်ကြာတော့ စုဆောင်းထားတဲ့ ရိက္ခာလှည်းသုံးစီးနဲ့ အတူ ကျွန်တော် ရှေ့တန်းလိုက်သွား တယ်။ ကျွန်တော်နဲ့ ရိက္ခာလှည်းသုံးစီး မြို့ကြီးရောက်တော့ မြို့ကြီးကို ဗိုလ်မှူးတို့ တပ်တွေ သိမ်းပြီးတာ တညအိပ် နှစ်ရက်ပဲ ရှိသေးတယ်။ တပ်စခန်းကို ရောက်တော့ ဗိုလ်မှူးရဲ့တဲမှာ ဗိုလ်မှူးကို မတွေ့ရဘူး။ ကိုသိမ်းမောင် (ဒုဗိုလ်မှူးကြီးမျိုးမြင့်- ငြိမ်း လယ်/သစ် ဒုဝန်ကြီးဟောင်း) ကိုပဲ တွေ့ရတယ်။ နောက်နေ့ညနေ ငါးနာရီလောက်မှာ ဗိုလ်မှူး ရှေ့တန်းက ပြန်ရောက်လာတယ်။
ညနေစာစား ခေတ္တအနားယူပြီးတော့ ကိုညွန့်အောင် ဘာကိစ္စလာလဲ။ ကိစ္စအထူးရှိလားလို့ ကျွန်တော့်ကို ဗိုလ်မှူးက မေးတယ်။ ကျွန်တော်ကလည်း ရိက္ခာလည်းပို့ရင်း ကျွန်တော်လည်း ရှေ့တန်းတပ်ထဲမှာ အပြီးနေဖို့ လာခဲ့တာပါလို့ ဖြေလိုက်တယ်။ ဗိုလ်မှူး ချက်ချင်း မျက်နှာပျက်သွားပြီး "ဘာလဲဗျ ကိုညွန့်အောင်၊ ခင်ဗျားက ကျုပ်တပ်ကို စိတ်မချလို့လား" လို့ ဒေါသတကြီး မေးတယ်။ ကျွန်တော်လည်း ပျာယာခတ်သွားပြီး ဗိုလ်မှူး ကျွန်တော့်စကားကို ဘာလိုနားလည်လိုက်သလဲဆိုတာ သိလိုက်တာနဲ့ သူ့စကား ရှေ့မဆက်ခင်မှာပဲ "မဟုတ်ဖူးဗိုလ်မှူး၊ ကျွန်တော် တပ်ထဲနေမယ်ဆိုတာ ဗိုလ်မှူးထင်သလို နိုင်ငံရေးမှူးတာဝန်မျိုးနဲ့ နေချင်တာမျိုး ပြောတာ မဟုတ်ပါဘူး။ ရိုးရိုးတပ်သားအဖြစ်နဲ့ သေနတ်ကိုင်ပြီး ရှေ့တန်းမှာ တိုက်ဖို့ နေချင်တာပါ၊ ကျွန်တော် ဒီအခွင့်အရေးမျိုး စောင့်ခဲ့တာ ကြာပါပြီ။ ဂျပန်တခေတ်လုံး ဂျပန်ကို တော်လှန်ဖို့ တိုက်ဖို့ လူအများကို ကျွန်တော် ဟောပြောစည်းရုံး ခဲ့တယ်။ အခု တကယ်တိုက်ရမယ့် အချိန်ကျတော့ ကျွန်တော်က စစ်မြေပြင်မှာ မရှိဘူး။ နောက်တန်းမှာပဲ ရှိနေရမယ်ဆိုရင် ဒီလူတွေကို ကျွန်တော် ဘယ်လို မျက်နှာပြရမှာလဲ။ ကျွန်တော် မျက်နှာပူတယ်" စသဖြင့် တောက်လျှောက် ကျွန်တော် ပြောချလိုက်တယ်။
ဒီတော့ ဗိုလ်မှူး မျက်နှာကြော လျော့သွားပြီး ခဏကြာမှ "အင်း ကိုညွန့်အောင်က သေနတ်ကိုင် တိုက်ချင်တာကိုး" တိုးတိုးညည်းပါတယ်။ အတန်ကြာငြိမ်နေပြီးမှ ခေါင်းပြန်မော့ပြီး စကားစပြောတယ်။
"ကဲ အချိန်လဲ မရှိဘူး။ ဒွေးလှမှာတုန်းက အေးအေးဆေးဆေး မပြောခဲ့ရဘူး။ တိုတိုပဲ ပြောကြရအောင်။ သိတဲ့အတိုင်း ဟိုတုန်းက ကျုပ်တို့ကြံစည် စီစဉ်ခဲ့ကြသလို ကျုပ်တို့ဖာသာ ကျုပ်တို့ ဂျပန်ကိုတိုက်ထုတ်၊ လွတ်လပ်တဲ့ နယ်မြေတွေ ထူထောင်၊ ကိုယ့်ဖာသာကိုယ် လွတ်လပ်တဲ့ အုပ်ချုပ်ရေးတွေဖွဲ့ ဆိုတဲ့နည်းမျိုးနဲ့ မတိုက်နိုင်ခဲ့ဘူး။ အကြောင်းကြောင်းကြောင့် အခု အင်္ဂလိပ် စစ်တပ်တွေ မြန်မာပြည် ထက်ဝက်နီးပါးလောက် သိမ်းပြီးမှ စပြီး တိုက်ကြရတယ်။ တိုက်တော့လည်း ခင်ဗျားသိတဲ့အတိုင်း သူတို့ (အင်္ဂလိပ်စစ်တပ်) ဆီက ကျုပ်တို့ ဘာအကူအညီမှ မယူခဲ့ဘူး။ ရန်သူ့လက်နက် ကိုယ့်လက်နက်ဆိုတဲ့ ဆောင်ပုဒ်နဲ့ တိုက်နေကြတယ်။
ဘယ်လိုပဲ ဖြစ်ဖြစ် ကျုပ်တို့က လိုလားသည်ဖြစ်စေ မလိုလားသည်ဖြစ်စေ ဂျပန်မရှိတော့တဲ့နေရာမှာ အင်္ဂလိပ်စစ်တပ်တွေ ရောက်နေကြပြီ။ စစ်တပ်ချည်း လာတာမဟုတ်ဘူး။ စစ်တပ်နောက်က သူတို့ အုပ်ချုပ်ရေး ယန္တရားကို ထူထောင်ဖို့ ကက်စဘီ CAS(B) [ပြည်သူ့ရေးရာဝန်ထမ်းအဖွဲ့] တွေပါ တပါတည်း ပါလာတယ်။ ဒီ အခြေအနေမျိုးမှာ လူထုကြီးကို အင်္ဂလိပ်လက်အောက် ၀ကွက်ပြီး အပ်ထားရတော့မှာလား။ ဘယ်နည်းနဲ့မှ မဖြစ်နိုင်ဘူး။ ကိုယ့်ဘာသာကိုယ် ဂျပန်ကို တိုက်ထုတ်ပြီး လွတ်လပ်တဲ့ နယ်မြေတွေ ထူထောင်၊ လွတ်လပ်တဲ့ အုပ်ချုပ်ရေးတွေ မဖွဲ့နိုင်ပေမယ့် မြို့ရောတောပါ ဒေသတိုင်းမှာ အင်္ဂလိပ်သြဇာ မညောင်းစေဘဲ ကျုပ်တို့ ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ (ဖတပလ) ရဲ့ သြဇာသာ ညောင်းစေရမယ်။ ဒါအတွက် တောကြိုအုံကြားမကျန် ဖ-တ-ပ-လ- အဖွဲ့တွေ အမြန်ဆုံး ပေါ်ပေါက်လာအောင် စည်းရုံးဖွဲ့စည်းမိဖို့ လိုတယ်။ တနိုင်ငံလုံး ဖက်ဆစ်တော်လှန်ရေးအလံ (အနီရောင်အောက်ခံ ကြယ်ဖြူအလံ) တွေနဲ့ အနီရောင် လွှမ်းသွားအောင် လုပ်ရမယ်။ ဖက်ဆစ်ကို တိုက်နေတယ် ဆိုရုံနဲ့ မပြီးဘူး။ လက်ရှိအခြေအနေအရ အင်္ဂလိပ်နဲ့ ရင်ဆိုင်ပြီး တိုင်းပြည် လွတ်လပ်ရေးအတွက် ပြောကြဆိုကြရဦးမယ်။ လူထုက ကျုပ်တို့ဘက်မှာ ရှိနေဖို့ လိုတယ်။ ဒါကို ခင်ဗျားလည်း နားလည်ပြီးသားပဲ။
ကိုင်း တိုတိုနဲ့ ဖြတ်ကြစို့။ ကိုညွန့်အောင် နောက်ကြောင်းကို ပြန်ပါ။ ပြန်ပါဆိုတာက ကျောက်ဆည်ကို မပြန်ပါနဲ့။ မန္တလေးကို သွားပါ။ မန္တလေးက အထက်မြန်မာပြည်အတွက် အချက်အချာကျတယ်။ ဆရာကြီး (ဥင်္ီးရာဇတ်) တို့ ဦးလှတို့ကိုလည်း ပြောပြပါ။ အင်္ဂလိပ်ဘက်က လက်ညှိုးခေါင်းငြိမ့်မယ့်လူဆိုလို့ တကောင်တမြီးမှ မကျန်အောင် စည်းရုံးပါလို့။ မနက်ဖြန် မနက်စောစော ဗိုလ်ဗစိန်တို့ ဗိုလ်ရဲဒင်တို့ကို မန္တလေးဘက် လွှတ်စရာ ရှိတယ်။ ကိုညွန့်အောင် သူတို့နဲ့ လိုက်သွားပါ။ ကျုပ်လည်း မနက် ခရီးထွက်စရာရှိတယ်။ ဒါပါပဲ"
ဒီလိုနဲ့ပဲ ကျွန်တော့်မှာ ရှေ့တန်းတပ်ထဲလဲ မနေရ၊ ကျောက်ဆည်လည်း မပြန်ရတော့ဘဲ မန္တလေးရောက်ပြီး ဦးလှနဲ့ လက်ပွန်းတတီး အတူတွဲပြီး လုပ်ကိုင်ရဖို့ အခွင့်ကြုံလာခဲ့တာ ဖြစ်ပါတယ်။
(၃)
ကျွန်တော် မန္တလေးကို ပြန်ရောက်တော့ ဧပြီလဆန်း ၁၀ ရက်၊ ၁၁ ရက် ဖြစ်မယ်။ မန္တလေးမြို့ ဂျပန်လက်အောက်က လွတ်မြောက်တာ ရက်ပိုင်းပဲ ရှိသေးတယ်။ ဒါကြောင့် မန္တလေးသားတွေ မန္တလေးမြို့ပေါ် စုံစုံလင်လင် ပြန်မရောက်ကြသေးဘူး။ ကျွန်တော် ဖ-တ-ပ-လ အဖွဲ့ ရုံးလုပ်မယ့် ၈၄ လမ်း ကျောက်သွေးတန်းက ရန်ကုန်ကိတ်မုံ့တိုက်ဟောင်း အဆောက်အဦး ရောက်ပြီး ဆရာကြီး (ဦးရာဇတ်) တို့၊ ဦးလှတို့ ကိုလှအောင် (ညောင်တုန်းသခင်ထွန်းရင်) တို့ကို ဗိုလ်မှူးမှာလိုက်တဲ့ စကားတွေနဲ့ ရှေ့တန်းအခြေအနေ ပြောပြတယ်။ ဦးလှတို့ကလည်း ဖ-တ-ပ-လ အဖွဲ့မှာ ပါဝင်သင့်တဲ့ လူကြီးတွေ မန္တလေး ပြန်မရောက်သေး။ လူမစုံသေးလို့ ယခုထိ ဖ-တ-ပ-လ မဖွဲ့နိုင်သေး၊ ဆိုင်းဘုတ်မတင်နိုင်သေးကြောင်း၊ ယခု အတော်အတန်စုံပြီး တယောက် နှစ်ယောက်လောက်ပဲ စောင့်စရာ ကျန်တော့လို့ မကြာမီ ရက်ပိုင်းအတွင်း ဖွဲ့စည်းနိုင်တော့မှာ ဖြစ်ကြောင်း။ ပြီးတော့ ဖ-တ-ပ-လ ကို အထက်မြန်မာပြည် အဖွဲ့ချုပ်အနေနဲ့ ဖွဲ့စည်းဖို့ စီစဉ်ထားကြောင်း ပြောပြကြတယ်။
ကျွန်တော် ကွန်မြူနစ်ပါတီ ဘုံရိပ်သာရှိရာ ပိုက်ကျုံးကို ရောက်တော့ မန္တလေးခရိုင် ကွန်မြူနစ်ပါတီ ဆိုင်းဘုတ်ကြီး တင်ပြီးနေတာ တွေ့ရတယ်။ မန္တလေးကို အင်္ဂလိပ်တပ် ၀င်ပြီး တရက် နှစ်ရက် ကတည်းက တင်လိုက်တာလို့ သိရတယ်။ ခရိုင်ပါတီ ဆိုင်းဘုတ်ကြီးကိုသာ တင်ထားတာ ခရိုင်ပါတီကော်မတီက မဖွဲ့ရသေးဘူး။ လူမစုံသေးဘူး။ ဘုံရိပ်သာမှာ ကိုစံညွန့် (ပါတီခေါင်းဆောင်) ကိုလှအောင် (ညော်တုန်းသခင်ထွန်းရင်) နဲ့ မန္တလေးမြို့က အောက်ခြေ ရဲဘော် ရဲဘော်မ လေး ငါး ခြောက်ယောက်ပဲ တွေ့ရတယ်။ ကိုစံညွန့်နဲ့ ကိုလှအောင်တို့က ဖွဲ့စည်းမယ့် ဖ-ဆ-ပ-လ အထက်မြန်မာပြည်အဖွဲ့ချုပ်ကို (ဖက်ဆစ်တိုက်ဖျက်ရေး အစား ဖက်ဆစ်ဆန့်ကျင်ရေးလို့ အမည်ပြောင်းဖို့ ဆရာကြီးတို့ ဦးလှတို့နဲ့ သဘောတူပြီးသား) အတွက် ဖွဲ့စည်းပုံ အခြေခံစည်းမျဉ်းမူကြမ်း ရေးနေကြတယ်။ ဒါကြောင့် ကျန်တဲ့ ဖ-ဆ-ပ-လ ဖွဲ့စည်းရေးအလုပ်တွေကို ကျွန်တော်က ဦးလှတို့ ဆရာကြီးတို့နဲ့ တွဲပြီးလုပ်ဖို့ တာဝန်ပေးတယ်။ အဲဒီကတည်းက ဦးလှနဲ့ စပြီး လက်ပွန်းတတီး တွဲခဲ့ရတာ ပါပဲ။
နောက်နေ့ ဖဆပလအဖွဲ့ရုံးရောက်တော့ ပထမဆုံးတွေ့ရတဲ့ ကိစ္စ ပြဿနာက သခင်သာခင် ကိစ္စပဲ။ သခင်သာခင်က ဂျပန်ခေတ်မှာ ကသာခရိုင် ရဲဝန် လုပ်နေခဲ့တယ်။ အင်္ဂလိပ်က ထိုးစစ်ဆင်ပြီး မြစ်ကြီးနား-ကသာကို သိမ်းတော့ အင်္ဂလိပ်စစ်တပ် စစ်မြေပြင်လုံခြုံရေးတပ်ဖွဲ့ (Field Security Service = စစ်စုံထောက်အဖွဲ့) က သခင်သာခင်ကို ဖမ်းဆီးဖို့ လုပ်လို့ မန္တလေးဘက် ရှောင်တိမ်းလာရတယ်။ ဆရာကြီးတို့ ဦးလှတို့က သခင်သာခင်ကို ဖဆပလအဖွဲ့ ရုံးအပေါ်ထပ် အခန်းထဲမှာ ၀ှက်ထားပေးရတယ်။ ဒီကိစ္စအကြောင်းပြုပြီး ဆရာကြီးတို့ ဦးလှတို့နဲ့ ဆွေးနွေးကြတယ်။ အင်္ဂလိပ်က ဂျပန်နဲ့ ပေါင်းပြီး သူ့ကို မောင်းထုတ်ခဲ့တဲ့ လွတ်လပ်ရေး တိုက်ပွဲဝင် ရဲဘော်တွေကို ရန်ငြှိုးထား (Black List) စာရင်းမဲလုပ်ပြီး ဖမ်းဆီးကလဲ့စားချေဖို့ ပြင်ဆင်လာတာလည်း ရှိတယ်။ ဂျပန်ခေတ်အတွင်း အနှိမ်ခံ အပယ်ခံ ဖြစ်နေခဲ့ရတဲ့ အင်္ဂလိပ်သစ္စာခံတွေက တို့မီးရှို့မီးလုပ်ကြလို့ ဖမ်းမယ် ဆီးမယ် လုပ်လာတာတွေလဲ ရှိတယ်။ ဒီအန္တရာယ်ကို ကာကွယ်နိုင်တာက ဖဆပလ အဖွဲ့ပဲ ရှိတယ်။ ဒိတော့ ဖဆပလ အဖွဲ့ မြန်မြန်အကောင်အထည် ဖော်ရမယ်လို့ တဖက်က တွက်ကြတယ်။ ဒါပေမယ့် တဖက်ကလည်း ဖဆပလအဖွဲ့ကို အလျင်စလို အလောတကြီးဖွဲ့ပြီး ဖဆပလ ဆိုင်းဘုတ် မြန်မြန်တင်နိုင်ရင်ပြီးရော လုပ်လို့လည်း မသင့်ဘူး။ ဒီကိစ္စမှာ ဦးလှရဲ့ သဘောထားက တကယ်ဆိုရင် ဂျပန့်လက်အောက်မှာ ကတည်းက တပ်မတော်ရယ်၊ ပြည်သူ့အရေးတော်ပုံပါတီရယ်၊ ကွန်မြူနစ်ပါတီရယ် ညီညွတ်ရေးရပြီး ဖတပလအဖွဲ့ဆိုတာကို ဖွဲ့ထားခဲ့ကြပြီပဲ။ နဂိုကတည်းက ရှိပြီးသားမို့ အင်္ဂလိပ် ၀င်လာလာချင်း ဆိုင်းဘုတ်တင်ပြီးမှ အခြားပါတီစုံက လူကြီးတွေကို ခင်ဗျားတို့တွေ ကျုပ်တို့ ဖတပလ ထဲ ၀င်ကြပါဆိုတဲ့ အဖြစ်မျိုး အပြောမျိုး မဖြစ်ချင် မပြောချင်ဘူး။ အခြား ရှိသမျှ ပါတီစုံက လူကြီးတွေ၊ ဆိုင်ရာဒေသအလိုက် သြဇာတိက္ကမ ရှိပြီး ပြောရေးဆိုစရှိတဲ့ လူကြီးတွေ ဖြစ်နိုင်သမျှ အစုံအညီပါပြီး အားလုံး အလုံးစုံအညီ ဖဆပလအဖွဲ့ကြီးကို အညီအညွတ် ဖွဲ့စည်းလိုက်ကြတယ်ဆိုတဲ့ သဘောမျိုး အဖြစ်မျိုး ဖြစ်စေချင်တယ်။ ဒါမှ အားလုံး သံသယကင်းကင်းနဲ့ အမျိုးသားညီညွတ်ရေး၊ တကယ့်ညီညွတ်ရေးကို တည်ဆောက်ရာရောက်မယ်ဆိုတဲ့ သဘောထားပဲ။
ဒီသဘောထားဟာ အမျိုးညီညွတ်ရေး တည်ဆောက်ရာမှာ အင်မတန် ဖြူစင်သန့်ရှင်းတဲ့ သဘောထားပဲ။ ဗိုလ်မှူးဗထူးမှာလိုက်တဲ့ အင်္ဂလိပ်ဘက် လက်ညှိုးထောင် ခေါင်းငြိမ့်မယ့်လူက တယောက်တလေမှ မကျန်စေနဲ့ ဆိုတဲ့စကားနဲ့လည်း ကိုက်ညီတယ်။ ဦးလှဟာ သူ့ရင်ထဲက သဘောထား စိတ်ထားအတိုင်ပဲ လက်တွေ့လည်း ဖြစ်မြောက်အောင် အလွန်အပင်ပန်းခံတယ်။ မန္တလေးမြို့ ပြန်မရောက်သေးတဲ့ ပါတီစုံ လူကြီးတချို့ကို စာအပြည့်အစုံရေး လူလွှတ်ပြီး အမြန်ရောက်လာအောင် စည်းရုံးခေါ်ဆောင်တယ်။ မန္တလေးအနီးနား တ၀ိုက်လောက်ဆိုရင် ကိုယ်တိုင် မဖြစ်မနေ သွားဆွေးနွေးတယ်။ လမ်းပန်းဆက်သွယ်ရေး မကောင်းတော့ မြင်းလှည်းနဲ့ စက်ဘီးနဲ့ သူ့စားရိတ်နဲ့ သူသွားတယ်။ မညည်းဘူး။ ဒီအချိန်မှာ ရဟန်းပျိုအဖွဲ့ချုပ်က ဆရာတော်များရဲ့ သြ၀ါဒကိုလည်း သွားပြီး ခံယူလိုက်သေးတယ်။ ဆရာတော်တွေက ဘယ်သူတွေ ပါသင့်တယ်လို့ သြ၀ါဒပေးရင် အဲဒီပုဂ္ဂိုလ်ကိုလည်း ရောက်အောင်သွားပြီး ဆွေးနွေးတယ်။ ပြီးရင် ဆရာတော်တွေဆီ ပြန်သတင်းပို့ ပြန်အစီရင်ခံတယ်။ တကယ်ဆိုတော့ ပါတီစုံက လူကြီးတွေ ဆိုတာက အသက် ၅၀ ကျော် ၆၀ တွင်းတွေ။ သူတို့ဘက်က ကြည့်ရင်တော့ ဦးလှက လူငယ်။ ကျွန်တော်တို့လို လူငယ်တွေဘက်က ကြည့်တော့ ဦးလှက လူကြီး။ ဦးလှက လူကြီးဆိုလည်းဟုတ်၊ လူငယ်ဆိုလည်းဟုတ် ဖြစ်နေတယ်။ ကျွန်တော်တို့က လူကြီးလို့ သတ်မှတ်ပေမယ့် ဦးလှက ကျွန်တော်တို့ အသက် ၂၀ ၀န်းကျင် လူငယ်အချိန်ပြည့် လုပ်သားတွေလို တန်းတူ လှုပ်ရှားနိုင်တယ်။ ဖျတ်လတ်တယ်။ ပြီးတော့ ရင့်ကျက်တယ်။
ဒီလောက် ဖဆပလအဖွဲ့ အမြန်ဆုံး အကောင်အထည် ဖော်အောင် ကြိုးစားလှုပ်ရှားနေတဲ့ကြားက ကျွန်တော်တို့ ကွန်မြူနစ်ပါတီ ဆိုင်းဘုတ်တင်တဲ့ ကိစ္စနဲ့ ပတ်သက်လို့ ဖဆပလ ဆိုင်းဘုတ်မတင်ရသေးခင် အရင်ဦးအောင် တင်ရကောင်းလားဆိုပြီးတော့ ပါတီရေးဦးစားပေးတယ်လို့ စွပ်စွဲသံ မကျေနပ်သံတွေ ကြားလာရတယ်။ ဒါနဲ့ ပတ်သက်လို့လည်း ဦးလှတို့ ဆရာကြီးတို့ကတော့ ဒီလို စစ်အတွင်းကာလထဲမှာပဲ လွတ်လပ်ရေးတိုက်ပွဲဝင် ပါတီတခုရဲ့ တရားဝင် ရပ်တည်မှုကို ရအောင်ယူကာ ဘယ်လောက်အရေးပါကြောင်း၊ အင်္ဂလိပ်နယ်ချဲ့သမားရဲ့ အငြိုးအတေးနဲ့ လွတ်လပ်ရေး တိုက်ပွဲဝင်ခဲ့တဲ့ ရဲဘော်ရဲဘက်များရဲ့ လုံခြုံမှုအတွက် မည်မျှ အကျိုးသက်ရောက်ကြောင်း သိမြင် နားလည်နေကြတယ်။ ဒါကြောင့်လည်း ကြုံလာတိုင်း ဒီကိစ္စကို ပြေပြေ လည်လည်ဖြစ်အောင် ရှင်းပြတတ်ကြပါတယ်။
ဖဆပလ အထက်ဗမာပြည်အဖွဲ့ချုပ် ဖွဲ့စည်းဖို့ ပါတီစုံ လူကြီးတွေ စုံစုံလင်လင်နဲ့ အဆင်သင့်ဖြစ်ပြီ ဆိုတော့ ဦးလှပဲ သတိတရနဲ့ ဖွင့်ပွဲနေ့မှာ ဆိုင်းကလေး ဗုံကလေးလည်း ပါဦးမှကောင်းမှာဆိုပြီး ကျွန်တော် မရောက်ခင် ကတည်းက သူနဲ့ ကိုလှအောင်နဲ့ အေ၀မ်းဆရာညှာဆီသွား၊ သီချင်းမှာ ပါရမယ့်အကြောင်းအရာကို စာသားကို ရှင်းပြပြီး 'လူထုစစ်' သီချင်း အစပ်ခိုင်းသတဲ့။ သဘက်ခါလောက် ဖွင့်ပွဲလုပ်မယ်ဆိုတော့ သီချင်းလို့ ပြီးမပြီး ဆရာညှာအိမ်ကို သွားမေးတဲ့အခါ ဦးလှနဲ့ ကျွန်တော်လိုက်သွားတယ်။ ဆရာညှာက သီချင်းရေးပြီးပြီ ဖြစ်ကြောင်း ပြောပြီး ပါးစပ်ဆိုင်းအတောလေးနဲ့ သီဆိုပြတော့ ဦးလှက သူအဓိကထားပြီး ပြောခဲ့တဲ့ အမြင်မှန် မှန်ကြဖို့ ဆိုတဲ့သဘောကလေး မပါလို့ စိတ်ထဲ သိတ်ကျေနပ်ပုံမရဘူး။ ဒါပေမယ့် ကမ္ဘာမှာ ကြမ်းကြုတ်ရက်စက်တဲ့ နာဇီဖက်ဆစ်တွေကို လူထုက ၀ိုင်းတိုက်ရမယ်ဆိုတာလေး ပါတော့ တော်ပါသေးတယ် ဆိုပြီး လက်ခံခဲ့တယ်။ ဒီအကြောင်း မိုးဂျာနယ် ၁၉၉၆ နိုဝင်ဘာလထုတ်မှာ ကျွန်တော်အကျယ် ရေးခဲ့ပြီးလို့ အထူးမဖော်ပြလိုတော့ပါဘူး။ ဦးလှရဲ့ အမြင်မှန် မှန်ကြဖို့ဆိုတာ စကားလုံးက ခပ်ဆန်းဆန်းမို့ ကျွန်တော့်နားထဲ ယခုထိ စွဲနေတာပါ။ ဦးလှ အရေးထားပြီး သီချင်းကတဆင့် လူထုကို ပြောချင်တာက ကျုပ်တို့ ဂျပန်ဖက်ဆစ်ကိုတိုက်ကြတာ အင်္ဂလိပ်အရှင်သခင်ဟောင်းကို ပြန်ခေါ်ဖို့ တိုက်နေကြတာ မဟုတ်ဘူး။ ကမ္ဘာ့လူထုရဲ့ ကမ္ဘာ့နံပါတ်တစ် ဘုံရန်သူကြီးကို ကမ္ဘာ့လူထုကြီးရဲ့ လွတ်မြောက်ရေးအတွေက် ကမ္ဘာ့လူထုကြီးနဲ့ လက်တွဲပြီး တိုက်နေကြတဲ့စစ်မို့ လူထုစစ်လို့ ခေါ်တာဆိုတဲ့ အဓိပ္ပါယ်ကို ပေါ်လွင်စေချင်တာ ဖြစ်တယ်။
အဲသည်နောက် ဖွင့်ပွဲမလုပ်ခင်တရက် အလိုလောက်မှာပဲ အိန္ဒိယပြည် ကိုသိန်းဖေ (ဦးသိန်းဖေမြင့် ကွယ်လွန်) တို့ဆီက လွှတ်လိုက်တဲ့ ကိုကျော်ရင် (ပါမောက္ခချုပ် ကွယ်လွန်)၊ ကိုလှသောင်း (ဦးလှသောင်း လမ်းစဉ်ပါတီသုတေသနဌာန ဌာနခွဲမှူး ကွယ်လွန်) နဲ့ လေထီးဆင်း ရဲဘော်သုံးယောက်တို့ ရောက်လာကြတယ်။ အိန္ဒိယပြည်က လာကြတာဆိုတော့ ကမ္ဘာအနှံ့ စစ်အခြေအနေ၊ နောက်ဆုံးသတင်းတွေ၊ အိန္ဒိယပြည် ဆင်းမလားမြို့မှာ အခြေစိုက်ထားတဲ့ မြန်မာပြည် စစ်ပြေးဘုရင်ခံအစိုးရရဲ့ အကြံအစည်သတင်းအားလုံး ကြားရ သိရတယ်။ ဒါကြောင့် ဖဆပလ ဖွင့်ပွဲမှာ ကိုကျော်ရင်ကို စကားပြောဖို့ ဦးလှတို့က အစီအစဉ် ထည့်ဆွဲလိုက်ကြတယ်။
ဖဆပလ (အထက်ဗမာပြည်အဖွဲ့ချုပ်) ဆိုင်းဘုတ်တင်ဖွင့်ပွဲ အခန်းအနားကို ဖိတ်ကြားထားတဲ့ ဧည့်ပရိသတ် အမြောက်အမြားနဲ့ စည်စည်ကားကား ကျင်းပနိုင်ခဲ့ကြတယ်။ ဖွင့်ပွဲမှာ အထက်မြန်မာပြည် အဖွဲ့ချုပ်ရဲ့ အမှုဆောင် လူကြီးများစာရင်းကို ကျေညာပါတယ်။ အလုပ်အမှုဆောင်များ ဖွဲ့စည်းတာဝန်ခွဲဝေရာမှာ ပါတီစုံက လူကြီးများကို အလုပ်အမှုဆောင်များ၊ စည်းရုံးဖွဲ့စည်းရေး၊ ၀ါဒဖြန့်ချိရေး၊ ပြန်လည်ထူထောင်ရေး၊ သက်သာချောင်ချိရေး စတဲ့ ဌာနကြီးတွေမှာ တာဝန်ခံ ဌာနမှူးများအဖြစ်ထားပြီး ကျွန်တော်တို့ လူငယ်များက ဌာနအသီးသီးမှာ တွဲဖက်အမှုဆောင်များအဖြစ်နဲ့ ထားပြီး ဖွဲ့စည်းနိုင်ခဲ့တာလည်း ဦးလှနဲ့ ဆရာကြီးဦးရာဇတ်တို့ရဲ့ စစ်မှန်တဲ့ အမျိုးသားညီညွတ်ရေး တည်ဆောက်ရာမှာ ဖြောင့်မတ်ဖြူစင်တဲ့ သဘောထားကို ပြသရာရောက်တာမို့ ပါတီစုံ လူကြီးများ သံသယကင်းကင်းနဲ့ ကျေနပ်အားရမှု ရှိခဲ့တာလည်း မှတ်သားစရာ တကွက် ဖြစ်ခဲ့တယ်။ အဲဒီနောက် ကိုကျော်ရင် ဟောပြောတဲ့အခါရောက်တော့ ကိုကျော်ရင်က အပြောလည်းကောင်း၊ အာဝဇ္ဇန်းကလည်းရွှင်၊ ကမ္ဘာ့သတင်းတွေကလည်း စုံပြီး လူထုစစ်ဆိုတဲ့သဘောကိုလည်း ကွက်ကွက် ကွင်းကွင်း မြင်အောင် ပီပီပြင်ပြင် ပြောနိုင်တော့ ဖွင့်ပွဲတက်ရောက်နေတဲ့ ပရိသတ်အားလုံး ကျေနပ်အားရလွန်းလို့ လက်ခုပ်သံ တဖြောင်းဖြောင်းမို့ ခန်းမတခုလုံး ဟိန်းနေတော့တာပါပဲ။ ကိုကျော်ရင် ဟောပြောပြီးတော့ နောက်ဆုံး အေ၀မ်းဆရာညှာတို့က လူထုစစ်သီချင်းနဲ့ သီဆိုဖျော်ဖြေ အခန်းအနား ပြီးဆုံးပါတယ်။
ဒီလိုနဲ့ မြန်မာပြည်အောက်ပိုင်းမှာ ဖက်ဆစ်ဂျပန်ကို မျိုးချစ်တော်လှန်ရေးတပ်တွေက သံကြီးမဲကြီး တိုက်ခိုက်ချေမှုန်းနေကြရဆဲ၊ မန္တလေးမြို့ ဂျပန်စစ်ခြေဖနောင့်အောက်က လွတ်ခဲ့တာ လသားမျှ မကြာသေးခင် အချိန်အတွင်း မြန်မာ့မြေပေါ်မှာ ပထမဆုံး တရားဝင် ဖဆပလ အထက်မြန်မာပြည်အဖွဲ့ချုပ်ကို ဖွဲ့စည်းဖွင့်လှစ် နိုင်ခဲ့ခြင်းအားဖြင့် ဦးလှနှင့်အတူ ကျွန်တော်တို့တတွေ အမျိုးသားညီညွတ်ရေးအုတ်မြစ်ကို အောင်မြင်စွာ ချနိုင်ခဲ့ တာဟာ မြန်မာ့လွတ်လပ်ရေးတိုက်ပွဲသမိုင်းမှာ မမေ့ကောင်းစရာ မှတ်တိုင်တခုအဖြစ် သတိရပြီး ယခုတိုင် ပီတိဖြစ်နေမိပါသေးတယ်။
ပထမပိုင်းပြီး။
ဆက်လက်ဖော်ပြပါမည်။
[မာယာစာဖတ်ပရိသတ်သို့ တောင်းပန်ချက်- 'ဦးညွန့်အောင်ရဲ့ အမျိုးသားနိုင်ငံရေးသမားဘ၀ ဦးလှ' ဆောင်းပါးဟာ အခန်း(၉) ခန်းနဲ့ ရေးသားဖွဲစည်းထားတဲ့ စာမျက်နှာ (၂၀) ရှိတဲ့ ဆောင်းပါးဖြစ်ပါ၍ မာယာအနေဖြင့် ၃ ပိုင်းခွဲပြီး ဖော်ပြမည်ဖြစ်ပါကြောင်း။]
{ကြီးပွါးရေးစာအုပ်တိုက်ထုတ် "နှစ် ၉၀ ပြည့် လူထုဦးလှ"၊ ပထမအကြိမ်၊ ၂၀၀၀ ပြည့် ဇွန်မှ ကူးယူဖော်ပြပါတယ်။ }
ကျွန်တော်တို့ ပြောကြ ဆွေးနွေးကြတာ တနာရီမကြာပါဘူး။ သည်တုန်းက ဦးလှဆီက ထွက်လာပြီး မတ္တရာဘက် ခရီးဆက်ကြတော့ ဦးလှနဲ့ ပတ်သက်လို့ ကိုတင်မောင့်ကို ကျွန်တော် ပြောခဲ့တာ မှတ်ချက်ပြုခဲ့တာ တွေ အများကြီးပါ။
ပထမအချက်က ဖက်ဆစ်ဂျပန် တော်လှန်ရေး လျှို့ဝှက်စည်းရုံး လှုပ်ရှားကြတဲ့ လုပ်ငန်းထဲမှာ ဦးလှ ပါဝင်နေတဲ့ ကိစ္စဖြစ်တယ်။ ဂျပန်စစ်ဘီလူးရဲ့ အုပ်စိုးမှုအောက်မှာ သူ့ကို (ဂျပန်ဖက်ဆစ်ကို) ပြန်ပြီး ဆန့်ကျင်တဲ့ အလုပ်ကို လုပ်ရတာ ဘယ်မျှလောက် အန္တရာယ်ကြီးကြောင်း ဂျပန်ခေတ် နေဖူးသူတိုင်း သိမှာပါ။ သာမန် အရပ်သားကို မဆိုထားနဲ့ သူနဲ့တွဲပြီးအတူ အင်္ဂလိပ်နယ်ချဲ့ကို တိုက်နေတဲ့ မြန်မာ့လွတ်လပ်ရေး တပ်မတော်လို အဖွဲ့အစည်းမျိုး၊ သူတို့ဝါဒဖြစ်တဲ့ အရှေ့အာရှ သာတူညီမျှ ကောင်းစားရေးဆိုတာကို အခြေပြု ဖွဲ့စည်းထားတဲ့ အာရှလူငယ်များ အစည်းအရုံးမျိုးကိုတောင် သူတို့ စိတ်အလိုမကျရင် အကြမ်းဖက်တယ်။ ပါးရိုက် နားရိုက် လုပ်တယ်။ ဂျပန်စစ်သားတွေရဲ့ ရက်စက်မှု၊ ကြမ်းကြုတ်မှု၊ အရှက်ကင်းမဲ့ပြီး ကြမ်းတမ်းတဲ့စရိုက် ပြည်သူ့ပစ္စည်း အဓမ္မလုယက်မှု၊ မကြားဖူး မကြုံဖူးတဲ့ ညှင်းပန်းနှိပ်စက်နည်းမျိုးစုံ စတဲ့ အတွေ့အကြုံတွေဟာ မြင်ရ ကြားရသူတိုင်း ကြက်သီးထစရာ ဖြစ်တယ်။ ဒီလို ရက်စက်ကြမ်းတမ်းလို့ အချိန်မရွေး အန္တရာယ်ကျရောက်နိုင်တဲ့ အုပ်စိုးမှုအောက်မှာ အန္တရာယ်ကို မသိမဟုတ် သိလျက်နဲ့ တည်တည်ငြိမ်ငြိမ် အလုပ်လုပ်နိုင်တယ်။ ယုံကြည်ချက် ခိုင်မာရင် ဒါတွေက မဆန်းပါဘူးလို့ ဆိုနိုင်ပေမယ့် ကျွန်တော်ကတော့ ဦးလှကို ချီးကျူးမိတယ်။
ဒါတွင်မကသေးဘူး။ နောက် အရေးကြီးတဲ့အချက် ရှိသေးတယ်။ အဲဒါက အဲဒီအချိန်ကာလတုန်းက ပြည်သူလူထုကြီး တခုလုံးကော၊ လွတ်လပ်ရေး ကြိုးပမ်းနေကြတဲ့ အင်အားစုတွေ အတွင်းမှာရော နိုင်ငံရေး အမြင်မရှင်းဘူး။ မကြည်လင်ဘူး။ နိုင်ငံလွတ်လပ်ရေးအတွက် ရှေ့ဆက်ချီတက်ရမယ့် လမ်းကြောင်းနဲ့ ပတ်သက်လို့ေ၀၀ါးနေကြတယ် ဆိုတဲ့အချက်ပဲ။
ကျွန်တော်တို့ နိုင်ငံကို နှစ်တရာကျော် ကျွန်ပြုထားခဲ့တဲ့ မူရင်းရန်သူ အင်္ဂလိပ်နယ်ချဲ့သမားကို ဂျပန်နဲ့ပေါင်းပြီး မောင်းထုတ်ခဲ့တာ မကြာသေးဘူး။ ကူညီမောင်းထုတ်ပေးတယ်ဆိုတဲ့ ဂျပန်ကို တမျိုးသားလုံးက ကျေးဇူးတင်လို့လည်း မဆုံးသေးဘူး အင်္ဂလိပ်ကို အပြီးအတိုင် မောင်းထုတ်မယ်ဆိုတဲ့ စစ်ကြီးကလည်း မပြီးသေးဘူး။ ဂျပန်တွေ ဓါးတရမ်းရမ်းနဲ့ ပေါ်ပြူလာဖြစ်လို့ကောင်းတုန်း။ ဂျပန်စစ်သားတွေရဲ့ ရက်စက်ရိုင်းစိုင်းတဲ့ အပြုအမူတွေကြောင့် နောက်လာတဲ့မောင်ပုလဲ ဒိုင်းဝန်ထက်ကဲတော့မှာလားဆိုတဲ့ သံသယနဲ့ နှခေါင်းရှုံ့သူတွေ ရှိပေမယ့် ဒါ စစ်တိုက်နေတာ၊ စစ်အောင်နိုင်ဖို့ထက် ဘယ်ဟာမှ အရေးမကြီးဘူး၊ ဂျပန်တွေက စစ်မြေပြင်မှာ အသေခံ တိုက်နေကြတာ။ ကျုပ်တို့က ဒါလောက်ကလေးမှ အနာမခံနိုင်၊ မစွန့်လွှတ်နိုင်၊ သည်းမခံနိုင်ကြဖူးလား ဆိုတဲ့ နှစ်သိမ့်သလို လှုံ့ဆော်သလို စကားမျိုးနဲ့ ဘာမှ မပြောသာပဲ ရှိနေကြတယ်။ ပြီးတော့ ဂျပန်ကပေးတဲ့ လွတ်လပ်ရေးကလည်း တုတုစစ်စစ် အဆောင်အယောင်အပြည့်နဲ့ ပူပူနွေးနွေးပဲ ရှိသေးတယ်။ ဂျပန်အကြံပေး စောင့်ကြည့်နေသူတွေ ရှိစေကာမူ နိုင်ငံ့အကြီးအကဲ အဓိပတိအရှင်မင်းကြီးက မြန်မာပြည် အချုပ်အချာ အာဏာပိုင် လွတ်လပ်တဲ့ နိုင်ငံဖြစ်ပြီလို့ ကမ္ဘာသိ ကြွေးကြော်ပြီး အင်္ဂလိပ်နဲ့ အပေါင်းအပါ မဟာမိတ်တွေကိုတောင် အတိအလင်း စစ်ကြေညာထားသေးတယ်။ ပြီးတော့ အဓိပတိကြီးက သူ့ကိုယ်သူ အာဏာရှင်လို့ တံဆိပ်ကပ်ပြီး တသွေး တသံ တမိန့် အာဏာရှင်စနစ်နဲ့ တိုင်းပြည်ကို အုပ်ချုပ်၊ ကြီးပွါး တိုးတက် အောင် လုပ်မယ်ဆိုပြီးတော့လည်း ရဲရဲတောက် ကြွေးကြော်ထားသေးတယ်။ အုပ်ချုပ်ရေး ယန္တရားတခုလုံးကို ကြည့်ရင်လည်း အောက်ဆုံး သူကြီးကအစ ထိပ်ဆုံး အဓိပတိကြီးအထိ မြန်မာတိုင်းရင်းသားတွေ ချည်းပဲ။ ဒီအခြေအနေ ဒီမြင်ကွင်းတွေထဲမှာ အများပြည်သူ လူထုကြီးရဲ့ နိုင်ငံရေးအမြင် ဘယ်လို ရှိနေလိမ့်မယ်ဆိုတာ ခန့်မှန်းကြည့်နိုင်ပါလိမ့်မယ်။
ဒါတွင်မကသေးဘူး၊ တိုင်းပြည်လုံးဝ လွတ်လပ်ရေးအတွက် ကိုယ်ထိလက်ရောက် ရှေ့ဆောင်ပါဝင် လှုပ်ရှားနေကြတဲ့ အင်အားစုများ အတွင်းမှာလည်း နိုင်ငံရေးအယူအဆတွေ အတွေးတွေ ကွဲပြားနေကြ သေးတယ်။ ထိပ်ပိုင်းခေါင်းဆောင်အတော်များများက ဂျပန်ကလိန်ကကျစ်လုပ်ပြီး ရုပ်သေးရုပ်များအဖြစ် အသုံးချခံရတော့မယ်ဆိုတာ သံသယနဲ့ သိလာပေမယ့် လက်လွန်နေပြီ။ ကိုယ်သိတဲ့အတိုင်း အောက်ခြေ အင်အားစုများကို အသိပေးပြီး သေနတ်ပြောင်းကို နောက်ကြောင်း ဂျပန်ဖက် ပြန်လှည့်ဖို့ ဆိုတာလည်း မဖြစ်နိုင်သေးဘူး။ နိုင်ငံရေးဆိုတာ ခံစားချက် တခုတည်းပေါ်တည်ပြီး စိတ်ထဲရှိသလို လုပ်လို့ကလည်း မဖြစ်နိုင် သေးဘူး။ အမြှော်အမြင် ရှိရမယ်၊ အစီအစဉ် ရှိရမယ်။ အောင့်အီးပြီး ပြင်ဆင်စည်းရုံးရအုံးမယ်။ ဒီအချိန်မှာ အောက်ခြေ လွတ်လပ်ရးတိုက်ပွဲဝင် တော်တော်များများက မူလအစီအစဉ်အတိုင်း ဂျပန်နဲ့ ဆုံးခန်းတိုင်ပေါင်းပြီး အင်္ဂလိပ်နယ်ချဲ့သမားကို အပြီးတိုင် ချေမှုန်းတဲ့လမ်းနဲ့ မြန်မာ့လွတ်လပ်ရေး အရယူမယ်လို့ ယုံကြည်ယူဆ နေကြတယ်။ အချို့သော အင်အားစုများကတော့ ဂျပန်လည်းမကောင်းဘူး၊ အင်္ဂလိပ်လည်းမကောင်းဘူး၊ နှစ်ကောင်စလုံးကို ချရမယ်လို့ ယူဆနေကြတယ်။ အချို့ကတော့ ဂျပန်ကိုတော့ တိုက်ရမယ်၊ ဒါပေမယ့် အင်္ဂလိပ်နဲ့ မပေါင်းနိုင်ဘူးလို့ ဆိုကြတယ်။ အချို့ကတော့ ဒီကိစ္စတွေက အထက်က ခေါင်းဆောင်ကြီးတွေ ဆုံးဖြတ်ရမယ့် ကိစ္စ၊ ခေါင်းဆောင်တွေရဲ့ အမိန့်ကို စောင့်ရုံပဲ၊ ဒီအတွင်း လုပ်မြဲတိုင်း ဆက်လုပ်။ ဟိုဟာဒီဟာတွေ ဘာမှ လာမရှုပ်နဲ့လို့ ဆိုကြသူတွေလည်း ရှိတယ်။
ဒါတွေကို ကြည့်ရင် တိုင်းပြည်မှာ နိုင်ငံရေးအခြေအနေတွေက ဘယ်လောက် ရှုပ်ထွေးသလဲ။ လွတ်လပ်ရေးတိုက်ပွဲလမ်းစဉ်က မပီပြင် မပြတ်သားဘူး။ ဒီအချိန်မှာ တိုင်းပြည်ရဲ့ လိုအပ်ချက်၊ တနည်းပြောရရင် အမျိုးရေးလိုအပ်ချက်က ဘာလဲ။ လိုအပ်ချက်က မှန်ကန်တဲ့ လွတ်လပ်ရေး လမ်းစဉ်ရှိရေးနဲ့ အဲဒီမှန်ကန်တဲ့ လမ်းစဉ်အောက်မှာ လွတ်လပ်ရေးတိုက်ပွဲဝင် အင်အားစုများ စုစည်းညီညွတ်မိဖို့နဲ့ ဒီလမ်းစဉ်အောက်မှာ တမျိုးသားလုံး ညီညွတ်ရေးဖြစ်တယ်။
မှန်ကန်တဲ့ လွတ်လပ်ရေးတိုက်ပွဲလမ်းစဉ်ဆိုတာ ဒီအချိန် ဒီကာလတုန်းက အခြေအနေများအရ "နာဇီ ဖက်ဆစ်ဝင်ရိုးတန်း စစ်အုပ်စုဟာ ကမ္ဘာ့တိုင်းပြည်ကြီးငယ်များကို မတရားကျူးကျော်တိုက်ခိုက် သိမ်းပိုက်ပြီး အဓမ္မအုပ်စိုးနေတဲ့အပြင် ကမ္ဘာ့ကျန်တဲ့ တိုင်းပြည်ကြီးငယ်များကိုလည်း အဓမ္မတိုက်ခိုက်ပြီး ကျွန်ပြုဖို့ ကြိုးစားလျက် ရှိနေတယ်။ ဒါကြောင့် နာဇီဖက်ဆစ်စစ်ဝါဒီအုပ်စုဟာ ယနေ့တကမ္ဘာလုံးရှိ ပြည်သူများရဲ့ အဓိက ရန်သူကြီး ဖြစ်တယ်။ ဒီ ကမ္ဘာ့ဘုံရန်သူကို ကမ္ဘာ့ဒီမိုကရေစီ ပြည်သူများနဲ့ ဒီမိုကရေစီအစိုးရများက မဟာမိတ်ဖွဲ့ပြီး ရင်ဆိုင် ဆန့်ကျင် တွန်းလှန်တိုက်ခိုက် ချေမှုန်းနေကြတယ်။ ဒီလို အချိန်အခါ အခြေအနေမှာ မြန်မာပြည်ဟာ မိမိတို့ ဘ၀ပေးအခြေအနေအရ သက်ဆိုင်လာတဲ့ ဘုံရန်သူ စစ်အုပ်စုဝင် ဖက်ဆစ်ဂျပန်ကို ကမ္ဘာ့ဒီမိုကရေစီ မဟာမိတ်အဖွဲ့ဝင် အင်္ဂလိပ်တပ်များ၊ ပြည်သူများနဲ့ လက်တွဲပူးပေါင်းပြီး ပါဝင် တိုက်ခိုက် ခြေမှုန်းကြရမယ်။ ဘုံရန်သူ ဖက်ဆစ်ဂျပန်ကို တမျိုးသားလုံး စည်းရုံးပြီး ကျယ်ကျယ်ပြန့်ပြန့် ထိထိရောက်ရောက် တိုက်ခိုက် တွန်းလှန် ချေမှုန်းနိုင်သလောက် မြန်မာ့လုံးဝလွတ်လပ်ရေး အခွင့်လမ်း ပွင့်လန်းမယ်။ ဖက်ဆစ်ဂျပန်ကို တိုက်ထုတ်ချေမှုန်းပြီး မြန်မာ့လွတ်လပ်ရေး အောင်ပန်းကို ဆွတ်ခူးရမယ်" ဆိုတဲ့ လမ်းစဉ် ဖြစ်တယ်။ ဒီလမ်းစဉ်ဟာ မြန်မာ့အမျိုးသားရေး လိုအပ်ချက်ပဲ။ ဦးလှက ဒီအမျိုးသားရေး လိုအပ်ချက်ကို ဖြည့်ဆည်းဖို့အတွက် ရှိနေတဲ့ အခက်အခဲပေါင်းများစွာကို သိလျက်နဲ့ ဖက်ဆစ်ဂျပန်တော်လှန်ရေး လုပ်ငန်းထဲကို ပိုင်းပိုင်းဖြတ်ဖြတ် ပါဝင်လာခဲ့တာ ဖြစ်တယ်။ အဲဒါဟာ ဟိုတုန်းက ဦးလှနဲ့ ပတ်သက်လို့ ကျွန်တော်နဲ့ ကိုတင်မောင်တို့ ပြောဆို မှတ်ချက်ပြုခဲ့ကြတဲ့ ပထမအချက် ဖြစ်တယ်။
ဒုတိယအကြောင်းအရာက ဦးလှရဲ့ စာပေလမ်းကြောင်း ရွေးချယ်ပုံကိစ္စ ဖြစ်တယ်။ ဦးလှဟာ ငယ်ငယ်ကတည်းက စာပေ၀ါသနာ ပါတယ်။ ပရဟိတ အများအကျိုးဆောင် အလုပ်တွေလည်း ၀ါသနာပါတယ်။ လူငယ်များ ကြီးပွါးရေးအသင်းဝင်ပြီး လူငယ်များ ဗလငါးတန် ပြည့်ဝရေး၊ ကျေးလက်တောရွာ ပြုပြင်ရေး အလုပ်တွေ လုပ်ကြဖို့ လှုံ့ဆော်လမ်းညွှန်တဲ့ စာတွေ ရေးတယ်။ လူငယ်များကို လမ်းညွှန်သလို သူကိုယ်တိုင်လည်း လိုက်နာပြီး ကိုယ့်ကိုယ်ကို အဖက်ဖက်က ပြည့်စုံအောင် ကြိုးစားတယ်။ အပြောနဲ့ အလုပ် ညီအောင်နေတယ်။ လုပ်တယ်။ ဘ၀ရပ်တည်ဖို့ အလုပ်အကိုင် ရပြီးတော့လည်း အလုပ်ကိုလည်း တာဝန်ကျေအောင်လုပ်တယ်။ စာရေးလည်း မပျက်တဲ့အပြင် ကြီးပွါးရေးမဂ္ဂဇင်းကိုတောင် ကိုယ်ပိုင်အဖြစ်နဲ့ ကိုယ်တိုင်တည်းဖြတ် ကြီးကြပ် ထုတ်ဝေနိုင်တယ်။ သည်လိုကြိုးစားရင်း စာပေလောကထဲ ခြေစုံပစ်ဝင်ပြီး တိုင်းပြည်သိ စာရေးဆရာ၊ စာနယ်ဇင်းဆရာဘ၀ ရောက်တယ်။
ဒါတွေကို ကြည့်ပြီး ဦးလှဟာ ငယ်ကတည်းက စာပေ၀ါသနာပါပြီး အစဉ်တစိုက် ကြိုးစားခဲ့သလို နိုင်ငံသိ စာရေးဆရာ ဖြစ်လာတယ်လို့ အများက မှတ်ချက်ပြုကြတယ်။ ၀ါသနာပါတယ်၊ ကြိုးစားတယ်၊ အောင်မြင်တယ်။ ဒါက မဆန်းပါဘူး။ စာပေ၀ါသနာပါလို့ စာရေးတယ်ဆိုရာမှာ ရေးစရာ စာပေအမျိုးအစားတွေ အများကြီး ရှိတာပဲ။ စာပေလမ်းကြောင်းတွေ အများကြီး ရှိနေတာပဲ။ ဒီအထဲက ဦးလှက အမျိုးသားများ ခေတ်မီရေး၊ နိုးကြားရေးအတွက်၊ လှုံ့ဆော်နည်းပြ လမ်းညွှန်တဲ့ စာမျိုးကို ရွေးခဲ့တယ်။ ပြီးတော့ လူ့အဖွဲ့အစည်းတခုမှာ သော့ချက်ကျတဲ့ လူငယ်(တက်လူ) (ယခုအခေါ် မျိုးဆက်သစ်)တွေကို ဦးတည်ပြီး ရေးတယ်။ ကျေးလက် တောရွာများနဲ့ ကျေးလက်ပြည်သူများ ခေတ်မီနိုးကြားရေးကို ရေးတယ်။ ခေတ်ပြုပြင်ရေးကို ရေးတယ်။ ခေတ်ကို နိုးကြားစေတဲ့ စာပေမျိုးကို သူကိုယ်တိုင်လည်းရေးပြီး သူတပါးရေးကြတာကိုလည်း အားပေးတယ်။ အဲဒါ ဦးလှရဲ့ ထူးခြားချက်ပဲ။ ဒါဟာ စာပေလောကထဲကို ခြေမချခင်နဲ့ ခြေချပါပြီဆိုကတည်းက ဦးလှဟာ အမျိုးသားရေးလမ်း ကြောင်းပေါ်ကို စပြီး တက်ခဲ့တယ်။ အမျိုးသားရေးလမ်းကြောင်းအတိုင် လျှောက်ခဲ့တယ်။ ဒါကြောင့်လည်း ယခု (၄၃ ခုနှစ်) ခက်ခဲကြမ်းတမ်းတဲ့ ဖက်ဆစ်ဆန့်ကျင်ရေး၊ အမျိုးသားလွတ်မြောက်ရေး တိုက်ပွဲထဲ ပါဝင်ရောက်နေခဲ့ တာပဲလို့ ကျွန်တော်နဲ့ ကိုတင်မောင်တို့ မှတ်ချက်ပြုခဲ့ကြတယ်။
တတိယအချက်ကတော့ ဦးလှနဲ့ အခြားအလားတူ စာရေးဆရာများရဲ့ ခေတ်ပြုပြင်ရေး အရေးအသား တွေဟာ အမျိုးသားရေးလိုအပ်ချက်ကို ဖြည့်ဆည်းခြင်း ဟုတ်-မဟုတ် ဆိုတဲ့အချက် ဖြစ်တယ်။ ဒါကလည်း ရှင်းပါတယ်။ ဒီတုန်းက ခေတ်ပြုပြင်ရေး အရေးအသားတွေဟာ ဒီတုန်းက မြန်မာပြည်သူတွေရဲ့ အခြေအနေအရ တကယ်လိုအပ်တဲ့ လိုအပ်ချက်တွေပါ။ ဘာကြောင့်လဲဆိုတော့ မြန်မာပြည်သူတွေက ပဒေသရာဇ် မြေရှင် မြေကျွန်စနစ်အောက်မှာ နှစ်ရာထောင်ချီပြီး နေခဲ့ရတဲ့ အခြေအနေမျိုးမှာ မြန်မာပြည်ကို အနိုင်ကျင့်ကျူးကျော် အုပ်စိုးလာတဲ့ အင်္ဂလိပ်နယ်ချဲ့ အင်္ဂလန်ပြည်က အရင်းရှင်စနစ်ထိ ဖွံ့ဖြိုးပြီးသားဆိုတော့ တခေတ်ကြီးများတောင် နောက်ကျ ကျန်ရစ်ခဲ့တာမို့ မြန်မာတွေ ခေတ်နောက်ကျနေတယ်လို့ ပြောရတာပေါ့။ ခေတ်နောက်ကျတယ် ဆိုရာမှာလည်း ကဏ္ဍတခုတည်း နှစ်ခုတည်းမှာသာ နောက်ကျတာမျိုး မဟုတ်ပဲ ဘ၀နေနည်းထိုင်နည်းကအစ ပညာရေး၊ ကျန်းမာရေး၊ စီးပွါးရေး၊ နိုင်ငံရေး အဖက်ဖက်က ထောင့်ပေါင်းစုံ နောက်ကျနေတာမျိုး ဖြစ်တယ်။ အဲဒီလို နောက်ကျနေတာကို မိမိတို့ ရှေ့တဆင့်ရောက်နေတဲ့ ခေတ်နဲ့အညီ နေတတ်ထိုင်တတ်၊ လုပ်တတ် ကိုင်တတ်၊ တွေးတတ်ခေါ်တတ်အောင် ပြုပြင်ကြဖို့ ရေးသားနှိုးဆော် ညွှန်ပြခြင်းဟာ အမျိုးသားရေး လိုအပ်ချက်ကို ဖြည့်ဆည်းခြင်းပဲလို့ မြင်တယ်။
ပြီးတော့ ဦးလှဟာ ဒီလို ခေတ်ပြုပြင်ရေးစာပေတွေ ရေးလို့ ပြုပြင်ရေး အလုပ်သက်သက်ကိုသာ စွဲစွဲမြဲမြဲ ဆုပ်ကိုင်ထားသူလည်း မဟုတ်ဘူး။ ပြုပြင်ရေး အလုပ်မျိုးကိုသာ ဆုပ်ကိုင်ထားသူလို့ ဆိုကြရင်လည်း ယခုလို ဖက်ဆစ်တိုက်ဖျက်ရေး အမျိုးသားလွတ်မြောက်ရေး တိုက်ပွဲထဲမှာ ဦးလှနဲ့ ကျွန်တော်နဲ့ ဆုံဆည်းမိစရာ အကြောင်း ရှိတော့မှာ မဟုတ်ပါဘူး။
(၂)
ဂျပန်တခေတ်လုံးမှာ ဦးလှနဲ့ ကျွန်တော် ရည်ရွယ်ချက်တူ လုပ်ငန်းစဉ်တူ လုပ်ကြတယ် ဆိုပေမယ့် နှစ်ကြိမ် သုံးကြိမ်လောက် လူချင်းခဏတဖြုတ် တွေ့ခဲ့ကြတာက လွဲလို့ အတူတွဲပြီး လုပ်ခွင့်မကြုံခဲ့ဘူး။ သူကလည်း သူ့တာဝန်နဲ့သူ၊ ကိုယ်ကလည်း ကိုယ့်တာဝန်နဲ့ကိုယ် လုပ်ခဲ့ကြရတယ်။ တကယ်တန်း လူချင်းတရင်း တနှီး တပူးတွဲတွဲ လုပ်ဖို့ အခွင့်ကြုံလာတာကတော့ ၁၉၄၅ ခုနှစ်၊ ဧပြီလဆန်းအစမှာ ဖြစ်တယ်။ အခွင့်ကြုံလာပုံကလည်း ကျွန်တော့်အဖို့ မှတ်မှတ်သားသား ရှိလှပါတယ်။
ဂျပန်ကို တော်လှန်ဖို့ အချိန်နီးကပ်လာတော့ ကျွန်တော်က ကျောက်ဆည်ခရိုင်ကို ခေါင်းဆောင်ဖို့ တာဝန် ကျတယ်။ ၁၉၄၅ ခုနှစ်ဆန်း ဇန်န၀ါရီလလယ်လောက် ရောက်တော့ မူလစီစဉ်တဲ့အတိုင်း မဟုတ်ပဲ အချိန်စောပြီး မတ်လ (၈) ရက်နေ့မှာ ဂျပန်ကို စပြီးတိုက်ကြဖို့ ဆက်သားနဲ့ ညွှန်ကြားချက် ရောက်လာတယ်။ အားလုံးသိကြပြီး တဲ့အတိုင်း အင်္ဂလိပ်နဲ့ မဟာမိတ်တပ်များက ဖေဖော်ဝါရီလထဲမှာပဲ တရကြမ်း ထိုးစစ်ဆင်ပြီး မုံရွာ၊ ပခုက္ကူ၊ မြင်းခြံတို့ကို ထိုးဖောက် တိုက်ခိုက် သိမ်းပိုက်ပြီး ဖေဖော်ဝါရီ (၂၈) ရက်နေ့မှာ မိတ္ထီလာမြို့ကို သိမ်းပိုက်လိုက်တယ်။ မန္တလေး-ရန်ကုန်လမ်းမကြီးကို ခါးလယ်က ဖြတ်ပိတ်လိုက်တယ်။ ဂျပန်တပ်တွေ မန္တလေး-ရန်ကုန်လမ်းမကြီးကို ကျော်ပြီး ရှမ်းတောင်တန်းဘက်ဆီကို အလုံးအရင်းနဲ့ ဆုတ်ခွါထွက်ပြေးကြတယ်။ ဗိုလ်မှူဗထူးတပ်များ မန္တလေးတ၀ိုက် ဂျပန်တွေကို သုတ်သင် ရှင်းလင်းပြီး မတ်လကုန်ခါနီးမှာ ကျောက်ဆည်ခရိုင်၊ စဥ့်ကိုင်မြို့နားက ဒွေးလှရွာကို ရောက်လာကြတယ်။ ကျွန်တော်တို့ ဒွေးလှရွာမှာပဲ ဗိုလ်မှူးဗထူးတပ်များနဲ့ ဆုံတယ်။ နောက် ၂ ရက် အကြာမှာ ကိုမောင်မောင်(ဗိုလ်မှူးကြီးတင်စိုး၊ ငြိမ်း ကွယ်လွန်)၊ သခင်တင်ရွှေ (လေထီး သခင်တင်ရွှေ) တို့နဲ့အတူ ဗြိတိသျှတပ်ဖွဲ့ (၁၃၆) က ကက်ပတိန်ဘော်လီ ပါလာပြီး ဗိုလ်မှူးဗထူးနဲ့ ဆွေးနွေးတယ်။ မြန်မာ့မျိုးချစ်တပ်များက သီးခြားစစ်ကြောင်းဖွင့်ပြီး ဂျပန်အကြွင်းအကျန်များကို ရှင်းရင်း ပင်းတယ၊ အောင်ပန်းဘက်သို့ ချီတက်တိုက်ခိုက်ဖို့ သဘောတူကြတယ်။ အင်္ဂလိပ်တပ်ဆီက ဘာလက်နက်အကူအညီမှ မယူဘူး။ တပ်ချင်းမမှားရအောင် အင်္ဂလိပ် စစ်ယူနီဖောင်းအစုံ (၁၀၀) လောက်ပဲ ယူပြီး မတ်လကုန်ရက်မှာပဲ စစ်ကြောင်းစပြီး ချီတက်တယ်။ ကျွန်တော် ရှေ့တန်းချီတပ်နဲ့ လိုက်ခွင့်မရဘူး။ စစ်နောက်ပိုင်းတာဝန်နဲ့ စစ်ရိက္ခာစုဆောင်းဖို့ ဗိုလ်မှူးက တာဝန်ပေးခဲ့တယ်။
တပါတ်လောက်ကြာတော့ စုဆောင်းထားတဲ့ ရိက္ခာလှည်းသုံးစီးနဲ့ အတူ ကျွန်တော် ရှေ့တန်းလိုက်သွား တယ်။ ကျွန်တော်နဲ့ ရိက္ခာလှည်းသုံးစီး မြို့ကြီးရောက်တော့ မြို့ကြီးကို ဗိုလ်မှူးတို့ တပ်တွေ သိမ်းပြီးတာ တညအိပ် နှစ်ရက်ပဲ ရှိသေးတယ်။ တပ်စခန်းကို ရောက်တော့ ဗိုလ်မှူးရဲ့တဲမှာ ဗိုလ်မှူးကို မတွေ့ရဘူး။ ကိုသိမ်းမောင် (ဒုဗိုလ်မှူးကြီးမျိုးမြင့်- ငြိမ်း လယ်/သစ် ဒုဝန်ကြီးဟောင်း) ကိုပဲ တွေ့ရတယ်။ နောက်နေ့ညနေ ငါးနာရီလောက်မှာ ဗိုလ်မှူး ရှေ့တန်းက ပြန်ရောက်လာတယ်။
ညနေစာစား ခေတ္တအနားယူပြီးတော့ ကိုညွန့်အောင် ဘာကိစ္စလာလဲ။ ကိစ္စအထူးရှိလားလို့ ကျွန်တော့်ကို ဗိုလ်မှူးက မေးတယ်။ ကျွန်တော်ကလည်း ရိက္ခာလည်းပို့ရင်း ကျွန်တော်လည်း ရှေ့တန်းတပ်ထဲမှာ အပြီးနေဖို့ လာခဲ့တာပါလို့ ဖြေလိုက်တယ်။ ဗိုလ်မှူး ချက်ချင်း မျက်နှာပျက်သွားပြီး "ဘာလဲဗျ ကိုညွန့်အောင်၊ ခင်ဗျားက ကျုပ်တပ်ကို စိတ်မချလို့လား" လို့ ဒေါသတကြီး မေးတယ်။ ကျွန်တော်လည်း ပျာယာခတ်သွားပြီး ဗိုလ်မှူး ကျွန်တော့်စကားကို ဘာလိုနားလည်လိုက်သလဲဆိုတာ သိလိုက်တာနဲ့ သူ့စကား ရှေ့မဆက်ခင်မှာပဲ "မဟုတ်ဖူးဗိုလ်မှူး၊ ကျွန်တော် တပ်ထဲနေမယ်ဆိုတာ ဗိုလ်မှူးထင်သလို နိုင်ငံရေးမှူးတာဝန်မျိုးနဲ့ နေချင်တာမျိုး ပြောတာ မဟုတ်ပါဘူး။ ရိုးရိုးတပ်သားအဖြစ်နဲ့ သေနတ်ကိုင်ပြီး ရှေ့တန်းမှာ တိုက်ဖို့ နေချင်တာပါ၊ ကျွန်တော် ဒီအခွင့်အရေးမျိုး စောင့်ခဲ့တာ ကြာပါပြီ။ ဂျပန်တခေတ်လုံး ဂျပန်ကို တော်လှန်ဖို့ တိုက်ဖို့ လူအများကို ကျွန်တော် ဟောပြောစည်းရုံး ခဲ့တယ်။ အခု တကယ်တိုက်ရမယ့် အချိန်ကျတော့ ကျွန်တော်က စစ်မြေပြင်မှာ မရှိဘူး။ နောက်တန်းမှာပဲ ရှိနေရမယ်ဆိုရင် ဒီလူတွေကို ကျွန်တော် ဘယ်လို မျက်နှာပြရမှာလဲ။ ကျွန်တော် မျက်နှာပူတယ်" စသဖြင့် တောက်လျှောက် ကျွန်တော် ပြောချလိုက်တယ်။
ဒီတော့ ဗိုလ်မှူး မျက်နှာကြော လျော့သွားပြီး ခဏကြာမှ "အင်း ကိုညွန့်အောင်က သေနတ်ကိုင် တိုက်ချင်တာကိုး" တိုးတိုးညည်းပါတယ်။ အတန်ကြာငြိမ်နေပြီးမှ ခေါင်းပြန်မော့ပြီး စကားစပြောတယ်။
"ကဲ အချိန်လဲ မရှိဘူး။ ဒွေးလှမှာတုန်းက အေးအေးဆေးဆေး မပြောခဲ့ရဘူး။ တိုတိုပဲ ပြောကြရအောင်။ သိတဲ့အတိုင်း ဟိုတုန်းက ကျုပ်တို့ကြံစည် စီစဉ်ခဲ့ကြသလို ကျုပ်တို့ဖာသာ ကျုပ်တို့ ဂျပန်ကိုတိုက်ထုတ်၊ လွတ်လပ်တဲ့ နယ်မြေတွေ ထူထောင်၊ ကိုယ့်ဖာသာကိုယ် လွတ်လပ်တဲ့ အုပ်ချုပ်ရေးတွေဖွဲ့ ဆိုတဲ့နည်းမျိုးနဲ့ မတိုက်နိုင်ခဲ့ဘူး။ အကြောင်းကြောင်းကြောင့် အခု အင်္ဂလိပ် စစ်တပ်တွေ မြန်မာပြည် ထက်ဝက်နီးပါးလောက် သိမ်းပြီးမှ စပြီး တိုက်ကြရတယ်။ တိုက်တော့လည်း ခင်ဗျားသိတဲ့အတိုင်း သူတို့ (အင်္ဂလိပ်စစ်တပ်) ဆီက ကျုပ်တို့ ဘာအကူအညီမှ မယူခဲ့ဘူး။ ရန်သူ့လက်နက် ကိုယ့်လက်နက်ဆိုတဲ့ ဆောင်ပုဒ်နဲ့ တိုက်နေကြတယ်။
ဘယ်လိုပဲ ဖြစ်ဖြစ် ကျုပ်တို့က လိုလားသည်ဖြစ်စေ မလိုလားသည်ဖြစ်စေ ဂျပန်မရှိတော့တဲ့နေရာမှာ အင်္ဂလိပ်စစ်တပ်တွေ ရောက်နေကြပြီ။ စစ်တပ်ချည်း လာတာမဟုတ်ဘူး။ စစ်တပ်နောက်က သူတို့ အုပ်ချုပ်ရေး ယန္တရားကို ထူထောင်ဖို့ ကက်စဘီ CAS(B) [ပြည်သူ့ရေးရာဝန်ထမ်းအဖွဲ့] တွေပါ တပါတည်း ပါလာတယ်။ ဒီ အခြေအနေမျိုးမှာ လူထုကြီးကို အင်္ဂလိပ်လက်အောက် ၀ကွက်ပြီး အပ်ထားရတော့မှာလား။ ဘယ်နည်းနဲ့မှ မဖြစ်နိုင်ဘူး။ ကိုယ့်ဘာသာကိုယ် ဂျပန်ကို တိုက်ထုတ်ပြီး လွတ်လပ်တဲ့ နယ်မြေတွေ ထူထောင်၊ လွတ်လပ်တဲ့ အုပ်ချုပ်ရေးတွေ မဖွဲ့နိုင်ပေမယ့် မြို့ရောတောပါ ဒေသတိုင်းမှာ အင်္ဂလိပ်သြဇာ မညောင်းစေဘဲ ကျုပ်တို့ ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ (ဖတပလ) ရဲ့ သြဇာသာ ညောင်းစေရမယ်။ ဒါအတွက် တောကြိုအုံကြားမကျန် ဖ-တ-ပ-လ- အဖွဲ့တွေ အမြန်ဆုံး ပေါ်ပေါက်လာအောင် စည်းရုံးဖွဲ့စည်းမိဖို့ လိုတယ်။ တနိုင်ငံလုံး ဖက်ဆစ်တော်လှန်ရေးအလံ (အနီရောင်အောက်ခံ ကြယ်ဖြူအလံ) တွေနဲ့ အနီရောင် လွှမ်းသွားအောင် လုပ်ရမယ်။ ဖက်ဆစ်ကို တိုက်နေတယ် ဆိုရုံနဲ့ မပြီးဘူး။ လက်ရှိအခြေအနေအရ အင်္ဂလိပ်နဲ့ ရင်ဆိုင်ပြီး တိုင်းပြည် လွတ်လပ်ရေးအတွက် ပြောကြဆိုကြရဦးမယ်။ လူထုက ကျုပ်တို့ဘက်မှာ ရှိနေဖို့ လိုတယ်။ ဒါကို ခင်ဗျားလည်း နားလည်ပြီးသားပဲ။
ကိုင်း တိုတိုနဲ့ ဖြတ်ကြစို့။ ကိုညွန့်အောင် နောက်ကြောင်းကို ပြန်ပါ။ ပြန်ပါဆိုတာက ကျောက်ဆည်ကို မပြန်ပါနဲ့။ မန္တလေးကို သွားပါ။ မန္တလေးက အထက်မြန်မာပြည်အတွက် အချက်အချာကျတယ်။ ဆရာကြီး (ဥင်္ီးရာဇတ်) တို့ ဦးလှတို့ကိုလည်း ပြောပြပါ။ အင်္ဂလိပ်ဘက်က လက်ညှိုးခေါင်းငြိမ့်မယ့်လူဆိုလို့ တကောင်တမြီးမှ မကျန်အောင် စည်းရုံးပါလို့။ မနက်ဖြန် မနက်စောစော ဗိုလ်ဗစိန်တို့ ဗိုလ်ရဲဒင်တို့ကို မန္တလေးဘက် လွှတ်စရာ ရှိတယ်။ ကိုညွန့်အောင် သူတို့နဲ့ လိုက်သွားပါ။ ကျုပ်လည်း မနက် ခရီးထွက်စရာရှိတယ်။ ဒါပါပဲ"
ဒီလိုနဲ့ပဲ ကျွန်တော့်မှာ ရှေ့တန်းတပ်ထဲလဲ မနေရ၊ ကျောက်ဆည်လည်း မပြန်ရတော့ဘဲ မန္တလေးရောက်ပြီး ဦးလှနဲ့ လက်ပွန်းတတီး အတူတွဲပြီး လုပ်ကိုင်ရဖို့ အခွင့်ကြုံလာခဲ့တာ ဖြစ်ပါတယ်။
(၃)
ကျွန်တော် မန္တလေးကို ပြန်ရောက်တော့ ဧပြီလဆန်း ၁၀ ရက်၊ ၁၁ ရက် ဖြစ်မယ်။ မန္တလေးမြို့ ဂျပန်လက်အောက်က လွတ်မြောက်တာ ရက်ပိုင်းပဲ ရှိသေးတယ်။ ဒါကြောင့် မန္တလေးသားတွေ မန္တလေးမြို့ပေါ် စုံစုံလင်လင် ပြန်မရောက်ကြသေးဘူး။ ကျွန်တော် ဖ-တ-ပ-လ အဖွဲ့ ရုံးလုပ်မယ့် ၈၄ လမ်း ကျောက်သွေးတန်းက ရန်ကုန်ကိတ်မုံ့တိုက်ဟောင်း အဆောက်အဦး ရောက်ပြီး ဆရာကြီး (ဦးရာဇတ်) တို့၊ ဦးလှတို့ ကိုလှအောင် (ညောင်တုန်းသခင်ထွန်းရင်) တို့ကို ဗိုလ်မှူးမှာလိုက်တဲ့ စကားတွေနဲ့ ရှေ့တန်းအခြေအနေ ပြောပြတယ်။ ဦးလှတို့ကလည်း ဖ-တ-ပ-လ အဖွဲ့မှာ ပါဝင်သင့်တဲ့ လူကြီးတွေ မန္တလေး ပြန်မရောက်သေး။ လူမစုံသေးလို့ ယခုထိ ဖ-တ-ပ-လ မဖွဲ့နိုင်သေး၊ ဆိုင်းဘုတ်မတင်နိုင်သေးကြောင်း၊ ယခု အတော်အတန်စုံပြီး တယောက် နှစ်ယောက်လောက်ပဲ စောင့်စရာ ကျန်တော့လို့ မကြာမီ ရက်ပိုင်းအတွင်း ဖွဲ့စည်းနိုင်တော့မှာ ဖြစ်ကြောင်း။ ပြီးတော့ ဖ-တ-ပ-လ ကို အထက်မြန်မာပြည် အဖွဲ့ချုပ်အနေနဲ့ ဖွဲ့စည်းဖို့ စီစဉ်ထားကြောင်း ပြောပြကြတယ်။
ကျွန်တော် ကွန်မြူနစ်ပါတီ ဘုံရိပ်သာရှိရာ ပိုက်ကျုံးကို ရောက်တော့ မန္တလေးခရိုင် ကွန်မြူနစ်ပါတီ ဆိုင်းဘုတ်ကြီး တင်ပြီးနေတာ တွေ့ရတယ်။ မန္တလေးကို အင်္ဂလိပ်တပ် ၀င်ပြီး တရက် နှစ်ရက် ကတည်းက တင်လိုက်တာလို့ သိရတယ်။ ခရိုင်ပါတီ ဆိုင်းဘုတ်ကြီးကိုသာ တင်ထားတာ ခရိုင်ပါတီကော်မတီက မဖွဲ့ရသေးဘူး။ လူမစုံသေးဘူး။ ဘုံရိပ်သာမှာ ကိုစံညွန့် (ပါတီခေါင်းဆောင်) ကိုလှအောင် (ညော်တုန်းသခင်ထွန်းရင်) နဲ့ မန္တလေးမြို့က အောက်ခြေ ရဲဘော် ရဲဘော်မ လေး ငါး ခြောက်ယောက်ပဲ တွေ့ရတယ်။ ကိုစံညွန့်နဲ့ ကိုလှအောင်တို့က ဖွဲ့စည်းမယ့် ဖ-ဆ-ပ-လ အထက်မြန်မာပြည်အဖွဲ့ချုပ်ကို (ဖက်ဆစ်တိုက်ဖျက်ရေး အစား ဖက်ဆစ်ဆန့်ကျင်ရေးလို့ အမည်ပြောင်းဖို့ ဆရာကြီးတို့ ဦးလှတို့နဲ့ သဘောတူပြီးသား) အတွက် ဖွဲ့စည်းပုံ အခြေခံစည်းမျဉ်းမူကြမ်း ရေးနေကြတယ်။ ဒါကြောင့် ကျန်တဲ့ ဖ-ဆ-ပ-လ ဖွဲ့စည်းရေးအလုပ်တွေကို ကျွန်တော်က ဦးလှတို့ ဆရာကြီးတို့နဲ့ တွဲပြီးလုပ်ဖို့ တာဝန်ပေးတယ်။ အဲဒီကတည်းက ဦးလှနဲ့ စပြီး လက်ပွန်းတတီး တွဲခဲ့ရတာ ပါပဲ။
နောက်နေ့ ဖဆပလအဖွဲ့ရုံးရောက်တော့ ပထမဆုံးတွေ့ရတဲ့ ကိစ္စ ပြဿနာက သခင်သာခင် ကိစ္စပဲ။ သခင်သာခင်က ဂျပန်ခေတ်မှာ ကသာခရိုင် ရဲဝန် လုပ်နေခဲ့တယ်။ အင်္ဂလိပ်က ထိုးစစ်ဆင်ပြီး မြစ်ကြီးနား-ကသာကို သိမ်းတော့ အင်္ဂလိပ်စစ်တပ် စစ်မြေပြင်လုံခြုံရေးတပ်ဖွဲ့ (Field Security Service = စစ်စုံထောက်အဖွဲ့) က သခင်သာခင်ကို ဖမ်းဆီးဖို့ လုပ်လို့ မန္တလေးဘက် ရှောင်တိမ်းလာရတယ်။ ဆရာကြီးတို့ ဦးလှတို့က သခင်သာခင်ကို ဖဆပလအဖွဲ့ ရုံးအပေါ်ထပ် အခန်းထဲမှာ ၀ှက်ထားပေးရတယ်။ ဒီကိစ္စအကြောင်းပြုပြီး ဆရာကြီးတို့ ဦးလှတို့နဲ့ ဆွေးနွေးကြတယ်။ အင်္ဂလိပ်က ဂျပန်နဲ့ ပေါင်းပြီး သူ့ကို မောင်းထုတ်ခဲ့တဲ့ လွတ်လပ်ရေး တိုက်ပွဲဝင် ရဲဘော်တွေကို ရန်ငြှိုးထား (Black List) စာရင်းမဲလုပ်ပြီး ဖမ်းဆီးကလဲ့စားချေဖို့ ပြင်ဆင်လာတာလည်း ရှိတယ်။ ဂျပန်ခေတ်အတွင်း အနှိမ်ခံ အပယ်ခံ ဖြစ်နေခဲ့ရတဲ့ အင်္ဂလိပ်သစ္စာခံတွေက တို့မီးရှို့မီးလုပ်ကြလို့ ဖမ်းမယ် ဆီးမယ် လုပ်လာတာတွေလဲ ရှိတယ်။ ဒီအန္တရာယ်ကို ကာကွယ်နိုင်တာက ဖဆပလ အဖွဲ့ပဲ ရှိတယ်။ ဒိတော့ ဖဆပလ အဖွဲ့ မြန်မြန်အကောင်အထည် ဖော်ရမယ်လို့ တဖက်က တွက်ကြတယ်။ ဒါပေမယ့် တဖက်ကလည်း ဖဆပလအဖွဲ့ကို အလျင်စလို အလောတကြီးဖွဲ့ပြီး ဖဆပလ ဆိုင်းဘုတ် မြန်မြန်တင်နိုင်ရင်ပြီးရော လုပ်လို့လည်း မသင့်ဘူး။ ဒီကိစ္စမှာ ဦးလှရဲ့ သဘောထားက တကယ်ဆိုရင် ဂျပန့်လက်အောက်မှာ ကတည်းက တပ်မတော်ရယ်၊ ပြည်သူ့အရေးတော်ပုံပါတီရယ်၊ ကွန်မြူနစ်ပါတီရယ် ညီညွတ်ရေးရပြီး ဖတပလအဖွဲ့ဆိုတာကို ဖွဲ့ထားခဲ့ကြပြီပဲ။ နဂိုကတည်းက ရှိပြီးသားမို့ အင်္ဂလိပ် ၀င်လာလာချင်း ဆိုင်းဘုတ်တင်ပြီးမှ အခြားပါတီစုံက လူကြီးတွေကို ခင်ဗျားတို့တွေ ကျုပ်တို့ ဖတပလ ထဲ ၀င်ကြပါဆိုတဲ့ အဖြစ်မျိုး အပြောမျိုး မဖြစ်ချင် မပြောချင်ဘူး။ အခြား ရှိသမျှ ပါတီစုံက လူကြီးတွေ၊ ဆိုင်ရာဒေသအလိုက် သြဇာတိက္ကမ ရှိပြီး ပြောရေးဆိုစရှိတဲ့ လူကြီးတွေ ဖြစ်နိုင်သမျှ အစုံအညီပါပြီး အားလုံး အလုံးစုံအညီ ဖဆပလအဖွဲ့ကြီးကို အညီအညွတ် ဖွဲ့စည်းလိုက်ကြတယ်ဆိုတဲ့ သဘောမျိုး အဖြစ်မျိုး ဖြစ်စေချင်တယ်။ ဒါမှ အားလုံး သံသယကင်းကင်းနဲ့ အမျိုးသားညီညွတ်ရေး၊ တကယ့်ညီညွတ်ရေးကို တည်ဆောက်ရာရောက်မယ်ဆိုတဲ့ သဘောထားပဲ။
ဒီသဘောထားဟာ အမျိုးညီညွတ်ရေး တည်ဆောက်ရာမှာ အင်မတန် ဖြူစင်သန့်ရှင်းတဲ့ သဘောထားပဲ။ ဗိုလ်မှူးဗထူးမှာလိုက်တဲ့ အင်္ဂလိပ်ဘက် လက်ညှိုးထောင် ခေါင်းငြိမ့်မယ့်လူက တယောက်တလေမှ မကျန်စေနဲ့ ဆိုတဲ့စကားနဲ့လည်း ကိုက်ညီတယ်။ ဦးလှဟာ သူ့ရင်ထဲက သဘောထား စိတ်ထားအတိုင်ပဲ လက်တွေ့လည်း ဖြစ်မြောက်အောင် အလွန်အပင်ပန်းခံတယ်။ မန္တလေးမြို့ ပြန်မရောက်သေးတဲ့ ပါတီစုံ လူကြီးတချို့ကို စာအပြည့်အစုံရေး လူလွှတ်ပြီး အမြန်ရောက်လာအောင် စည်းရုံးခေါ်ဆောင်တယ်။ မန္တလေးအနီးနား တ၀ိုက်လောက်ဆိုရင် ကိုယ်တိုင် မဖြစ်မနေ သွားဆွေးနွေးတယ်။ လမ်းပန်းဆက်သွယ်ရေး မကောင်းတော့ မြင်းလှည်းနဲ့ စက်ဘီးနဲ့ သူ့စားရိတ်နဲ့ သူသွားတယ်။ မညည်းဘူး။ ဒီအချိန်မှာ ရဟန်းပျိုအဖွဲ့ချုပ်က ဆရာတော်များရဲ့ သြ၀ါဒကိုလည်း သွားပြီး ခံယူလိုက်သေးတယ်။ ဆရာတော်တွေက ဘယ်သူတွေ ပါသင့်တယ်လို့ သြ၀ါဒပေးရင် အဲဒီပုဂ္ဂိုလ်ကိုလည်း ရောက်အောင်သွားပြီး ဆွေးနွေးတယ်။ ပြီးရင် ဆရာတော်တွေဆီ ပြန်သတင်းပို့ ပြန်အစီရင်ခံတယ်။ တကယ်ဆိုတော့ ပါတီစုံက လူကြီးတွေ ဆိုတာက အသက် ၅၀ ကျော် ၆၀ တွင်းတွေ။ သူတို့ဘက်က ကြည့်ရင်တော့ ဦးလှက လူငယ်။ ကျွန်တော်တို့လို လူငယ်တွေဘက်က ကြည့်တော့ ဦးလှက လူကြီး။ ဦးလှက လူကြီးဆိုလည်းဟုတ်၊ လူငယ်ဆိုလည်းဟုတ် ဖြစ်နေတယ်။ ကျွန်တော်တို့က လူကြီးလို့ သတ်မှတ်ပေမယ့် ဦးလှက ကျွန်တော်တို့ အသက် ၂၀ ၀န်းကျင် လူငယ်အချိန်ပြည့် လုပ်သားတွေလို တန်းတူ လှုပ်ရှားနိုင်တယ်။ ဖျတ်လတ်တယ်။ ပြီးတော့ ရင့်ကျက်တယ်။
ဒီလောက် ဖဆပလအဖွဲ့ အမြန်ဆုံး အကောင်အထည် ဖော်အောင် ကြိုးစားလှုပ်ရှားနေတဲ့ကြားက ကျွန်တော်တို့ ကွန်မြူနစ်ပါတီ ဆိုင်းဘုတ်တင်တဲ့ ကိစ္စနဲ့ ပတ်သက်လို့ ဖဆပလ ဆိုင်းဘုတ်မတင်ရသေးခင် အရင်ဦးအောင် တင်ရကောင်းလားဆိုပြီးတော့ ပါတီရေးဦးစားပေးတယ်လို့ စွပ်စွဲသံ မကျေနပ်သံတွေ ကြားလာရတယ်။ ဒါနဲ့ ပတ်သက်လို့လည်း ဦးလှတို့ ဆရာကြီးတို့ကတော့ ဒီလို စစ်အတွင်းကာလထဲမှာပဲ လွတ်လပ်ရေးတိုက်ပွဲဝင် ပါတီတခုရဲ့ တရားဝင် ရပ်တည်မှုကို ရအောင်ယူကာ ဘယ်လောက်အရေးပါကြောင်း၊ အင်္ဂလိပ်နယ်ချဲ့သမားရဲ့ အငြိုးအတေးနဲ့ လွတ်လပ်ရေး တိုက်ပွဲဝင်ခဲ့တဲ့ ရဲဘော်ရဲဘက်များရဲ့ လုံခြုံမှုအတွက် မည်မျှ အကျိုးသက်ရောက်ကြောင်း သိမြင် နားလည်နေကြတယ်။ ဒါကြောင့်လည်း ကြုံလာတိုင်း ဒီကိစ္စကို ပြေပြေ လည်လည်ဖြစ်အောင် ရှင်းပြတတ်ကြပါတယ်။
ဖဆပလ အထက်ဗမာပြည်အဖွဲ့ချုပ် ဖွဲ့စည်းဖို့ ပါတီစုံ လူကြီးတွေ စုံစုံလင်လင်နဲ့ အဆင်သင့်ဖြစ်ပြီ ဆိုတော့ ဦးလှပဲ သတိတရနဲ့ ဖွင့်ပွဲနေ့မှာ ဆိုင်းကလေး ဗုံကလေးလည်း ပါဦးမှကောင်းမှာဆိုပြီး ကျွန်တော် မရောက်ခင် ကတည်းက သူနဲ့ ကိုလှအောင်နဲ့ အေ၀မ်းဆရာညှာဆီသွား၊ သီချင်းမှာ ပါရမယ့်အကြောင်းအရာကို စာသားကို ရှင်းပြပြီး 'လူထုစစ်' သီချင်း အစပ်ခိုင်းသတဲ့။ သဘက်ခါလောက် ဖွင့်ပွဲလုပ်မယ်ဆိုတော့ သီချင်းလို့ ပြီးမပြီး ဆရာညှာအိမ်ကို သွားမေးတဲ့အခါ ဦးလှနဲ့ ကျွန်တော်လိုက်သွားတယ်။ ဆရာညှာက သီချင်းရေးပြီးပြီ ဖြစ်ကြောင်း ပြောပြီး ပါးစပ်ဆိုင်းအတောလေးနဲ့ သီဆိုပြတော့ ဦးလှက သူအဓိကထားပြီး ပြောခဲ့တဲ့ အမြင်မှန် မှန်ကြဖို့ ဆိုတဲ့သဘောကလေး မပါလို့ စိတ်ထဲ သိတ်ကျေနပ်ပုံမရဘူး။ ဒါပေမယ့် ကမ္ဘာမှာ ကြမ်းကြုတ်ရက်စက်တဲ့ နာဇီဖက်ဆစ်တွေကို လူထုက ၀ိုင်းတိုက်ရမယ်ဆိုတာလေး ပါတော့ တော်ပါသေးတယ် ဆိုပြီး လက်ခံခဲ့တယ်။ ဒီအကြောင်း မိုးဂျာနယ် ၁၉၉၆ နိုဝင်ဘာလထုတ်မှာ ကျွန်တော်အကျယ် ရေးခဲ့ပြီးလို့ အထူးမဖော်ပြလိုတော့ပါဘူး။ ဦးလှရဲ့ အမြင်မှန် မှန်ကြဖို့ဆိုတာ စကားလုံးက ခပ်ဆန်းဆန်းမို့ ကျွန်တော့်နားထဲ ယခုထိ စွဲနေတာပါ။ ဦးလှ အရေးထားပြီး သီချင်းကတဆင့် လူထုကို ပြောချင်တာက ကျုပ်တို့ ဂျပန်ဖက်ဆစ်ကိုတိုက်ကြတာ အင်္ဂလိပ်အရှင်သခင်ဟောင်းကို ပြန်ခေါ်ဖို့ တိုက်နေကြတာ မဟုတ်ဘူး။ ကမ္ဘာ့လူထုရဲ့ ကမ္ဘာ့နံပါတ်တစ် ဘုံရန်သူကြီးကို ကမ္ဘာ့လူထုကြီးရဲ့ လွတ်မြောက်ရေးအတွေက် ကမ္ဘာ့လူထုကြီးနဲ့ လက်တွဲပြီး တိုက်နေကြတဲ့စစ်မို့ လူထုစစ်လို့ ခေါ်တာဆိုတဲ့ အဓိပ္ပါယ်ကို ပေါ်လွင်စေချင်တာ ဖြစ်တယ်။
အဲသည်နောက် ဖွင့်ပွဲမလုပ်ခင်တရက် အလိုလောက်မှာပဲ အိန္ဒိယပြည် ကိုသိန်းဖေ (ဦးသိန်းဖေမြင့် ကွယ်လွန်) တို့ဆီက လွှတ်လိုက်တဲ့ ကိုကျော်ရင် (ပါမောက္ခချုပ် ကွယ်လွန်)၊ ကိုလှသောင်း (ဦးလှသောင်း လမ်းစဉ်ပါတီသုတေသနဌာန ဌာနခွဲမှူး ကွယ်လွန်) နဲ့ လေထီးဆင်း ရဲဘော်သုံးယောက်တို့ ရောက်လာကြတယ်။ အိန္ဒိယပြည်က လာကြတာဆိုတော့ ကမ္ဘာအနှံ့ စစ်အခြေအနေ၊ နောက်ဆုံးသတင်းတွေ၊ အိန္ဒိယပြည် ဆင်းမလားမြို့မှာ အခြေစိုက်ထားတဲ့ မြန်မာပြည် စစ်ပြေးဘုရင်ခံအစိုးရရဲ့ အကြံအစည်သတင်းအားလုံး ကြားရ သိရတယ်။ ဒါကြောင့် ဖဆပလ ဖွင့်ပွဲမှာ ကိုကျော်ရင်ကို စကားပြောဖို့ ဦးလှတို့က အစီအစဉ် ထည့်ဆွဲလိုက်ကြတယ်။
ဖဆပလ (အထက်ဗမာပြည်အဖွဲ့ချုပ်) ဆိုင်းဘုတ်တင်ဖွင့်ပွဲ အခန်းအနားကို ဖိတ်ကြားထားတဲ့ ဧည့်ပရိသတ် အမြောက်အမြားနဲ့ စည်စည်ကားကား ကျင်းပနိုင်ခဲ့ကြတယ်။ ဖွင့်ပွဲမှာ အထက်မြန်မာပြည် အဖွဲ့ချုပ်ရဲ့ အမှုဆောင် လူကြီးများစာရင်းကို ကျေညာပါတယ်။ အလုပ်အမှုဆောင်များ ဖွဲ့စည်းတာဝန်ခွဲဝေရာမှာ ပါတီစုံက လူကြီးများကို အလုပ်အမှုဆောင်များ၊ စည်းရုံးဖွဲ့စည်းရေး၊ ၀ါဒဖြန့်ချိရေး၊ ပြန်လည်ထူထောင်ရေး၊ သက်သာချောင်ချိရေး စတဲ့ ဌာနကြီးတွေမှာ တာဝန်ခံ ဌာနမှူးများအဖြစ်ထားပြီး ကျွန်တော်တို့ လူငယ်များက ဌာနအသီးသီးမှာ တွဲဖက်အမှုဆောင်များအဖြစ်နဲ့ ထားပြီး ဖွဲ့စည်းနိုင်ခဲ့တာလည်း ဦးလှနဲ့ ဆရာကြီးဦးရာဇတ်တို့ရဲ့ စစ်မှန်တဲ့ အမျိုးသားညီညွတ်ရေး တည်ဆောက်ရာမှာ ဖြောင့်မတ်ဖြူစင်တဲ့ သဘောထားကို ပြသရာရောက်တာမို့ ပါတီစုံ လူကြီးများ သံသယကင်းကင်းနဲ့ ကျေနပ်အားရမှု ရှိခဲ့တာလည်း မှတ်သားစရာ တကွက် ဖြစ်ခဲ့တယ်။ အဲဒီနောက် ကိုကျော်ရင် ဟောပြောတဲ့အခါရောက်တော့ ကိုကျော်ရင်က အပြောလည်းကောင်း၊ အာဝဇ္ဇန်းကလည်းရွှင်၊ ကမ္ဘာ့သတင်းတွေကလည်း စုံပြီး လူထုစစ်ဆိုတဲ့သဘောကိုလည်း ကွက်ကွက် ကွင်းကွင်း မြင်အောင် ပီပီပြင်ပြင် ပြောနိုင်တော့ ဖွင့်ပွဲတက်ရောက်နေတဲ့ ပရိသတ်အားလုံး ကျေနပ်အားရလွန်းလို့ လက်ခုပ်သံ တဖြောင်းဖြောင်းမို့ ခန်းမတခုလုံး ဟိန်းနေတော့တာပါပဲ။ ကိုကျော်ရင် ဟောပြောပြီးတော့ နောက်ဆုံး အေ၀မ်းဆရာညှာတို့က လူထုစစ်သီချင်းနဲ့ သီဆိုဖျော်ဖြေ အခန်းအနား ပြီးဆုံးပါတယ်။
ဒီလိုနဲ့ မြန်မာပြည်အောက်ပိုင်းမှာ ဖက်ဆစ်ဂျပန်ကို မျိုးချစ်တော်လှန်ရေးတပ်တွေက သံကြီးမဲကြီး တိုက်ခိုက်ချေမှုန်းနေကြရဆဲ၊ မန္တလေးမြို့ ဂျပန်စစ်ခြေဖနောင့်အောက်က လွတ်ခဲ့တာ လသားမျှ မကြာသေးခင် အချိန်အတွင်း မြန်မာ့မြေပေါ်မှာ ပထမဆုံး တရားဝင် ဖဆပလ အထက်မြန်မာပြည်အဖွဲ့ချုပ်ကို ဖွဲ့စည်းဖွင့်လှစ် နိုင်ခဲ့ခြင်းအားဖြင့် ဦးလှနှင့်အတူ ကျွန်တော်တို့တတွေ အမျိုးသားညီညွတ်ရေးအုတ်မြစ်ကို အောင်မြင်စွာ ချနိုင်ခဲ့ တာဟာ မြန်မာ့လွတ်လပ်ရေးတိုက်ပွဲသမိုင်းမှာ မမေ့ကောင်းစရာ မှတ်တိုင်တခုအဖြစ် သတိရပြီး ယခုတိုင် ပီတိဖြစ်နေမိပါသေးတယ်။
ပထမပိုင်းပြီး။
ဆက်လက်ဖော်ပြပါမည်။
[မာယာစာဖတ်ပရိသတ်သို့ တောင်းပန်ချက်- 'ဦးညွန့်အောင်ရဲ့ အမျိုးသားနိုင်ငံရေးသမားဘ၀ ဦးလှ' ဆောင်းပါးဟာ အခန်း(၉) ခန်းနဲ့ ရေးသားဖွဲစည်းထားတဲ့ စာမျက်နှာ (၂၀) ရှိတဲ့ ဆောင်းပါးဖြစ်ပါ၍ မာယာအနေဖြင့် ၃ ပိုင်းခွဲပြီး ဖော်ပြမည်ဖြစ်ပါကြောင်း။]
{ကြီးပွါးရေးစာအုပ်တိုက်ထုတ် "နှစ် ၉၀ ပြည့် လူထုဦးလှ"၊ ပထမအကြိမ်၊ ၂၀၀၀ ပြည့် ဇွန်မှ ကူးယူဖော်ပြပါတယ်။ }
Sunday, November 29, 2009
အဖေနဲ့ဂျက်ကိုးဦးအောင်ဖြိုး
ရေးသူ- ဖိုးသံ(လူထု)
ဒီနှစ် ကျနော့် အမေမွေးနေ့မှာ စစ်ကိုင်းတောင်ရိုးပေါ်မှာရှိတဲ့ အဖေနဲ့အမေရဲ့ မွေးစားသား ဘုန်းကြီးဦးအောင်ဖြိုးရဲ့ ကျောင်းကိုသွားပြီး ဆွမ်းကျွေးမယ်လို့ သိရပါတယ်။ ဒီနာမည်ကို မကြားဖူးပါလားလို့ ကျနော်လည်း ခေါင်းစားခံ တွေးနေမိပါတယ်။ ဘယ်က ဦးအောင်ဖြိုးလဲ။ ဘယ်တုန်းက မွေးစားတာလဲ။ ကိုယ်အိမ်က ထွက်လာတာ အနှစ်သုံးဆယ် ကျော်ခဲ့ပြီဆိုတော့ ပြန်စဉ်းစားရတာ အတော်ကို ခက်ပါတယ်။ ဒါပေမဲ့ ကလေးတယောက် မွေးစားတယ်ဆိုတော့ မစဉ်းစားပဲ မနေနိုင်ပါဘူး။
ပြောရရင် ကျနော့်အဖေဟာ သူထောင်က ထွက်လာပြီးကတဲက အိမ်မှာ တိရစ္ဆာန်မွေးတာကိုတောင် လက်မခံပါဘူး။ မှတ်မှတ်ရရ တခါမှာ ကျနော့်ညီ ဘိုညိုက သူ့ သူငယ်ချင်း ချက်ကြီးဆီကို သွားလည်တော့ အပြန်မှာ ချက်ကြီးက ကြက်ဖလေးတကောင် လက်ဆောင်ပေးလိုက်ပါတယ်။ ချက်ကြီးဆိုတာက ဘုရားကြီး အောက်ကျင်း အနောက်ဖက်မှာနေတဲ့ သူနဲ့ ဘော့လုံးကစားဖက်၊ တက္ကသိုလ်အတူတက်ဖက် အင်မတန် ခင်တဲ့သူငယ်ချင်းပါ။ ကျနော်နဲ့လည်းကျွမ်းပါတယ်။ အဖေ့အကြောင်းသိနေတဲ့ ဘိုညိုက အဲဒီ ကြက်ဖလေးကို အိမ်မှာမထားရဲပဲ ကျနော်တို့အိမ်ရဲ့ နောက်ကျောထဲက၊ ယပ်ဝင်းထဲရှိ ပုံနှိပ်စက်မှာ သွားထားပါတယ်။ ဒီလိုနဲ့ တိုက်တိုက်ဆိုင်ဆိုင် တနေ့တော့ အဖေက ပုံနှိပ်စက်ကို လာကြည့်တော့ ဒီကြက်ဖကို တွေ့သွားပါတယ်။ အဲဒီအခါမှာ သူက အလုပ်သမားတွေကို ဒါဘယ်က ဘယ်လိုရောက်လာတဲ့ ကြက်လဲလို့ မေးပါတယ်။ ဒီတော့ အလုပ်သမားတွေကလည်း လိမ်လို့မဖြစ်တာနဲ့ အမှန်အတိုင်းပဲ ပြောလိုက်ရပါတယ်။ ထမင်းစားချိန်ရောက်တော့ အဖေဟာ မျက်စေ့မျက်နှာပျက်နဲ့ ဘိုညို့ကို "မင်းကြက်မမွေးနဲ့" လို့ တခွန်းထဲပဲ ပြောပါတယ်။ ဒီလိုနဲ့ပဲ အဲဒီကြက်ဖကို ကျနော် ထပ်မတွေ့ရတော့ပါဘူး။
အဲဒီတော့ လူကိုမွေးဖို့ဆိုတာ ပိုလို့တော့- - -။ နေဦး။ ကျနော်စဉ်းစားမိပြီ။
ကျနော်အိမ်က ထွက်လာတဲ့ နှစ်ထဲမှာပဲ ထင်ပါတယ်၊ ညနေစောင်းကြီးတခုမှာ အဖေဟာ သူ ဂေါက်ရိုက်က ပြန်လာတော့ ကောင်လေးတယောက်ကို အိမ်ခေါ်လာပါတယ်။ မှောင်ရီပျိုးနေပါပြီ။ ကျနော့်ကို အိမ်သားတယောက်က အဖေကောင်လေးတယောက် မွေးစားဖို့ ခေါ်လာတယ်လို့ပြောတော့ မဆီမဆိုင် ကျနော့်ခေါင်းထဲမှာ ကိုယ်တက္ကသိုလ်တုန်းကသင်ခဲ့ရတဲ့ အယ်မလီဘရွန်တေ (Emily Bronte) ရေးတဲ့ ဝူးသားရင်းဟိုက်စ် (Wuthering Heights) ဝတ္ထုထဲက မစ္စတာအန်းရှော (Mr. Earnshaw) တယောက် လီဗာပူးက အပြန်မှာ ဝတ္ထုရဲ့ အဓိကဇာတ်ကောင်ဖြစ်တဲ့ ဟိကလစ်ဖ် (Heathclif) ကိုမွေးစားဖို့ ခေါ်လာတာကို ပြေးသတိရမိပါတယ်။ မည်းမည်းကြုတ်ကြုတ်နဲ့ လမ်းပေါ်က ဂျစ်ပဆီလေးပါ။
ဒါနဲ့ကျနော်က ဘယ်မှာလဲဆိုပြီး သွားကြည့်တော့ ကျနော်တို့ အိမ်အပေါ်ထပ် မီးဖိုချောင်ရှေ့မှာ ကျုံ့ကျုံ့လေးရပ်နေတဲ့ ယောက်ျားလေးတယေက်ကို တွေ့ရပါတယ်။ ၁ဝနှစ်-၁၁နှစ် အရွယ်လောက် ရှိပါလိမ့်မယ်။ အဝတ်အစားလေးတွေက ဟိကလစ်ဖ်လိုပဲ နွမ်းရှာပါတယ်။ ဒါပေမဲ့ရုပ်ရည်က ဟိကလစ်ဖ်လို မဟုတ်ပါဘူး။ အတော်ကို သန့်ပါတယ်။ တသက်လုံး ဘာဆီနဲ့မှ မထိတွေ့ဖူးတဲ့ ဆံပင်လေးတွေဟာ နီကျင်ကျင်ဖြစ်နေပေမဲ့ မျက်လုံးအစုံကတော့ နက်မှောင် တောက်ပနေပါတယ်။ ပိန်တော့ ပိန်ရှာသပေါ့။ ဒါပေမဲ့ လှီလှီကလေး မဟုတ်ပါဘူး။
ကျနော် ငယ်ငယ်က တခါတခါမှာ အဖေနဲ့အတူ မန္တလေးတောင်ခြေက ဂေါက်ကွင်းကို လိုက်သွားလေ့ ရှိပါတယ်။ သဲကျစ်မြေမှာ ကျောက်တုံး စလုံးစခုနဲ့ကွင်းမို့ ဂေါက်သမားတွေက ဒီကွင်းကတော့ ရော့ခ်အင်ရိုး (Rock n' Roll) ကွင်းပဲလို့ နောက်လေ့ရှိပါတယ်။ အဲဒီတုန်းက ရော့ခ်အင်ရိုးခေတ်စားစ’ပါ။ ဒီမှာ မြေဟာ အလွန်မှ မာပြီး အရိပ်ဆိုတာလည်း အင်မတန်မှ နည်းပါတယ်။ ဘော့လုံးကန်တဲ့ ကွင်းသာဆိုရင် အင်မတန်မှ အန္တရာယ်ရှိမဲ့ ကွင်းလို့တောင် ကျနော်တို့ချင်း ပြောဖူးကြပါတယ်။ မလှမ်းမကမ်းက မန္တလေး တောင်ရဲ့အရိပ်ဟာ မနက် ၈နာရီလောက် အထိပဲ ဂေါက်ကလပ် အဆောက်အဦပေါ်မှာ ရှိပါတယ်။ အဲဒီအချိန်ကို လွန်လို့ကတော့ ဒီနေရာမှာ နေ- မန္တလေးနေ၊ ပူလိုက်သမှ ကျောကော့နေအောင် ပူတာပါ။
ညနေမှာ ဂေါက်သီးကစားသူတွေ လာကြတော့မယ် ဆိုရင် ကားရပ်တဲ့နေရာ အနားက ကြိုးတို့ကြဲတဲ သစ်ပင်လေးတွေ(တမာပင်လေးတွေ ထင်ပါတယ်) ရဲ့ ဇာပုဝါလို အရိပ်အောက်မှာ ဂေါက်သီးအိတ် ထမ်းချင်တဲ့ ကောင်လေးတွေဟာ အစောကြီး ကြိုရောက်နေကြပါတယ်။ အသက်တွေက ၁၁နှစ် ၁၂နှစ် ကနေ ၁၇-၁၈ အထိ ပါမယ် ထင်ပါတယ်။ ဒါကြောင့်တချို့ဆိုရင် ဂေါက်အိတ်ဟာ သူတို့အရပ်နီးပါး ရှိတာတွေ့ရပါတယ်။
အဲဒီလိုမရှိဆင်းရဲသား သားသမီးတွေထဲက တယောက်ဖြစ်တဲ့ ဂျက်ကိုးကို ကျနော့်အဖေက သနားတာနဲ့ ကျောင်းထားပေးမယ်လို့ သူ့မိဘကို ပြောဆိုပြီး ခေါ်လာခဲ့တာပါ။ ကျောင်းထားမယ်ဆိုတာဟာ သူ့မိဘတွေအဖို့ သူတို့ လုံးဝမတတ်နိုင်တဲ့ကိစ္စမို့ ဝမ်းသာအားရပဲ ဟိုကျရင် ဘယ်လိုနေနော်၊ စကားနားထောင်နော် ဆိုတဲ့ အမှာစကားတွေနဲ့ ဝမ်းပန်းတသာ ထည့်လိုက်တာဖြစ်ပါတယ်။
သူဟာ စကားအတော်နည်းတဲ့ ကလေးတယောက်ပါ။ လုံးဝခြားနားတဲ့ နေရာသစ်ကို ရောက်စဆိုတော့ ပိုလို့တောင် စကားနည်းပါသေးတယ်။ သူ့နာမည်မေးကြည့်တော့ "ဂျက်ကိုး" တဲ့။ နာမည်က မဆန်းဘူးလား။ ဒီနာမည်ကို ဘယ်ကနေ ဘယ်လိုရတယ်ဆိုတာ နောင်မှာ ကျနော့် အဖေက ပြောပြမှ သိပါတယ်။ ဖဲဝိုင်းက ပေးလိုက်တဲ့ နာမည်တဲ့။ ဖဲချပ်တွေထဲက ဂျက်နဲ့ကိုးကို ယူထားတဲ့ နာမည်တဲ့။ ဘယ်လိုပတ်ဝန်းကျင်မှာ မွေးဖွား ကြီးပြင်း လာရှာရတယ်ဆိုတာ ရှင်းသွားပါတယ်။ ဒါနဲ့ မင်းအသက် ဘယ်လောက် ရှိပြီလဲလို့ မေးကြည့်တော့ "မသိဘူး" တဲ့။ ဒါဖြင့် ဘယ်နှစ်ခုနှစ် မွေးတာလဲဆိုတော့လည်း "မသိဘူး" တဲ့။ မန္တလေးမြို့ကြီးက လူဂုဏ်တန်တွေရဲ့ ကစားကွင်းမှာ အလုပ်လုပ်တဲ့ ကလေးဟာ ကိန်းဂဏန်းတွေကို မသိဘူး။ သူ့မိဘတွေက သူ့ကို အသက်အကြောင်း တခါမှ မပြောဖူးဘူး။
နောက်တနေ့မှာ သူ့ကို ရေမိုးချိုး အဝတ်အစားအသစ်ကလေးတွေ ဆင်ပေးလိုက်တော့ သူကလေးဟာ ချစ်စရာ ကောင်လေးတယောက် ဖြစ်သွားပါတယ်။ သူ့အတွက် အိမ်က ပထမဆုံးစီစဉ်ဖို့ ကြိုးစားကြတာကတော့ ကျောင်းထားဖို့ဖြစ်ပါတယ်။ ဝလုံးတောင် မရေးတတ်တဲ့ ၁၂နှစ်(လောက်) ယောက်ျားလေးတယောက်ကို ကျောင်းထားဖို့ လျှောက်စုံစမ်းကြပါတယ်။ ကျောင်းဖွင့်စ အချိန်ဖြစ်နေတော့ အံကိုက်လို့ ဆိုရမှာပါ။ ဒီလိုနဲ့ ကျနော်တို့အိမ်နဲ့ တပြကျော်ကျော်သာ ဝေးတဲ့ ၃၄လမ်း၊ ညောင်ဇင်တန်းက မူလတန်းကျောင်းမှာ နေဖို့ဖြစ် သွားပါတယ်။ ကျောင်းပထမဆုံးနေ့မှာ ကျနော်ပဲ သူ့ကို သွားပို့တာ ဖြစ်ပါတယ်။ သူဝင်သွားတော့ တတန်းလုံးက သူ့ကို ဝိုင်းကြည့်နေကြတာလည်း သတိထားမိပါတယ်။ သူ့အလုံးအထည်နဲ့ အငယ်ဆုံးအတန်းမှာ စာသူငယ်ကြား လဒ (ဠင်းတ) နားသလို ဖြစ်နေတာကိုး။ ဒီလိုနဲ့ သူ့ကို ကျောင်းထားပြီးလို့ ၃-၄လအကြာမှာပဲ ကျနော်လည်း အိမ်ကထွက်လာရလို့ သူနဲ့ပတ်သက်လို့ ကျန်တာတွေ မသိတော့ပါဘူး။
မှတ်မိနေတာ တခုကတော့ သူ့ကိုကျောင်းမပို့ခင် အမှတ်တရအဖြစ် အဖေက သူ့ကို ဓာတ်ပုံရိုက်ပေးပါတယ်။ နောက် ၂ရက်လောက် နေတော့ထင်ပါရဲ့၊ ကျနော်တို့က သူ့ကို အဲဒီဓာတ်ပုံလေးကို ပြပါတယ်။ "ဂျက်ကိုး-ဒီမှာကြည့်စမ်း၊ မချောဘူးလား။" သူက ဓာတ်ပုံကို ယူကြည့်ပြီး ဘယ်လိုခံစားမှု အရိပ်အရောင်မှ မဖော်ပြပဲ ကျနော်တို့ လက်ထဲပြန်ပေးပါတယ်။ ကျနော်တို့လည်း အတော်မကျေမနပ် ဖြစ်သွားပါတယ်။ ခဏနေမှ စဉ်းစားမိပြီး "ဂျက်ကိုး- ဒီဟာဘယ်သူလဲ၊ မင်းသေချာကြည့်စမ်းပါအုန်း" လို့ပြောတော့ သူက "မသိဘူး" တဲ့။ လက်စသတ်တော့ သူဟာ ဓာတ်ပုံတခါမှ အရိုက်မခံရဖူး ရုံမက မှန်တောင်မကြည့်ဖူး တာကိုး။
ကျနော်တို့ အားလုံးငိုင်ကျသွားကြပါတယ်။ ကျနော်တို့မိသားစု၊ အထူးသဖြင့် ကျနော်တို့မောင်နှမတွေကို ဂျက်ကိုးပေးလိုက်တဲ့ သင်ခန်းစာဟာ တသက်မမေ့နိုင်အောင် အင်မတန် နက်ရှိုင်းပါတယ်။ ဦးအောင်ဖြိုး ခေါ် ဂျက်ကိုး ဟာ မန္တလေးမှာအင်မတန် နာမည်ရတဲ့ အကြောပြင်အနှိပ်ဆရာတဦးဖြစ်လာပါတယ်။ ဆေးခန်းက အောင်မြင်တဲ့အပြင် မော်တော်ဆိုင်ကယ်တစင်းနဲ့ တမြို့လုံးပြေးပြီး လက်မလည်အောင် နှိပ်ရတယ်တဲ့။ အခုတော့ စစ်ကိုင်းမှာဘုန်းကြီး ဝတ်သွားပြီး သူ့ပညာ၊ သူ့အမွေကို သူ့သားဆီ ပေးခဲ့တယ်လို့ သိရပါတယ်။
ပူလောင်၊ ခက်ထန်မာကျောလှတဲ့ ဂေါက်ကွင်းမြေပေါ် လျှောက်ခဲ့ရာက သာသနာ့ အရိပ်အောက်မှာ လျှောက်နေတဲ့ ဂျက်ကိုး။
သူက ကျနော့်ကို မှတ်မိတော့မှာ မဟုတ်ပါဘူး။
ဖိုးသံ (လူထု)
[အမေလူထုဒေါ်အမာ ၉၄ နှစ် မွေးနေ့အထိမ်းအမှတ်အတွက် အမှတ်တရအဖြစ် ကိုဖိုးသံ(လူထု) ဆောင်းပါးနဲ့အတူ လမင်းတရာက ဂါရ၀ ပြုပါတယ်။]
Tuesday, November 24, 2009
အစိမ်းရင့်ရင့်စွယ်တော်ရွက်တွေ
ရေးသူ- မောရူးဆိုး
ခန်းမကြီးနှင့် လက်ရန်းအကြား ကျယ်ဝန်းသော စင်္ကြန်လမ်းတလျှောက် စားပွဲလွတ်များ ချထားသည်ကို သတိထားမိသော်လည်း ဘာအတွက်ဟု မသိခဲ့။ နယ်မှဖြစ်၍ ရန်ကုန်က တက္ကသိုလ်ဝင်တန်း အောင်လာသူများ နှင့်စာလျှင် မ၀ံ့မရဲ စိတ်အနည်းငယ် ဖြစ်ရသည်။ ရင်ခုန်တက်ကြွမှုလျက် စိတ်စောမှုက ရန်ကုန်စက်မှုတက္ကသိုလ် အဓိက ပင်မအဆောက်အဦး(၁) ရှိ စက်မှုခန်းမကြီးထဲသို့ ရောက်ရှိရန် သွက်လက်မှုကို ဖြစ်စေသည်။ ခန်းမစင်မြင့် နောက်ခံမှ "ရန်ကုန်စက်မှုတက္ကသိုလ် မောင်မယ်သစ်လွင် ကြိုဆိုပွဲ အခမ်းအနား" စာတန်းကို ဖတ်ပြီး၊ စိတ်လှုပ်ရှားရသည်၌ ဂုဏ်ယူမှု စွက်နေသည်ကို မိမိကိုယ်မိမိ သတိထားမိသည်။ ကြိုးစားခဲ့ရသည်များအတွက် အတိတ်တွေးစဉ် အကန့်ငယ်များ၌ ရှိခဲ့သည့် ရည်ရွယ်ချက်ကို သက်ပြင်းဖော့ဖြင့် စိတ်ကို အေးမြစေရသည်။ ခန်းမထဲရောက် သစ်လွင်တို့၏ မျက်နှာများ၌ မျှော်လင့်ချက်နှင့် နုပျိုမှု၊ အားအင်နှင့်အလှ၊ ဖျတ်လတ်မှုနှင့်ဣနြေ္ဒ တို့ကို သတိထားအားဖြစ်ရသည်။
တက္ကသိုလ်ကျောင်းသားအဖြစ် ပထမဆုံးတက်ရသည့် ပို့ချစာသင်ခန်းကြီးထဲသို့ စာသင်နှစ်၊ ဘာသာရပ် အလိုက် ထုတ်ပြန်ထားသော အချိန်ဇယားပါ အခန်းနံပါတ်အရ စ၀င်လိုက်သည်နှင့်ပင် အထက်တန်းကျောင်းသား ဘ၀နှင့် ကွာသွားသည်ကို ကြီးစွာသတိပြုမိခဲ့ရသည်။ အခန်းကျယ်ကြီးထဲမှာ စာပို့ချသည့်ဆရာအတွက် နံရံကပ် အပေါ်အောက် ပင့်တင်ဆွဲချပြု၍ ရသော နှစ်ထပ်အနက်ရောင် သင်ပုန်းကျယ်နှင့် စင်မြင့်ငယ်။ ကျောင်းသူ ကျောင်သားများ၏ ထိုင်ခုံတွေက အတန်းလိုက် အဆင့်ဆင့် မြင့်တက်သွားသည်။ ထိုင်ခုံတန်း အဆင့်ဆင့်တွေ အလိုက် ဘေးနှစ်ဘက် အခန်းနံရံတွေမှာ အတန်းနှင့် တည့်တည့်အလိုက် အင်္ဂလိပ်စာလုံး အက္ခရာကြီးများ ရေးထိုးထားသည်။ သက်ဆိုင်ရာတန်းအလိုက် အင်္ဂလိပ်အက္ခရာညွှန်းသော ကျောမှီနေရာ နံပါတ်လွတ်နေလျှင် ထိုနေရာမှာ ထိုင်ရသည့်သူ ပျက်ကွက်သည်။ အဓိကဘာသာရပ်အလိုက် ကိုယ်ပိုင်ခုံနံပါတ် (Roll No) အတွက် ထိုင်ခုံနေရာ (Sitting Plan) နံပါတ်ကို ပို့ချသူ ဆရာက နှစ်စကတည်းက ထုတ်ပြန်ပေးသည်။ ကျောင်းတက် ရာနှုန်း ၇၅% အနည်းဆုံးရှိမှ စာမေးပွဲဖြေခွင့်ရှိ၍ အတန်းတက်မှု မတက်မှုသည် အရေးပါသည်။ အားလုံးအတွက် အပူဒဏ်လျော့စေသည့် လေရဟတ်များကလည်း ပို့ချစာသင်ခန်း၏ မျက်နှာကျက်မှာ အရေအတွက် အသင့်အတင့်။ ဆရာနှင့်တပည့် အခေါ်အဝေါ်ကပင် ခြားနားသွားသည်။ 'မင်း' နှင့် 'ငါ' အစား 'ခင်ဗျား' 'ကျွန်တော်'။ အထက်တန်းကျောင်းမှာက အတန်းပိုင်ဆရာ သို့မဟုတ် ဆရာမက တဦးချင်းနံမည်ခေါ်ပြီး ကျောင်းသား ကျောင်းသူက ရှိမရှိ ဖြေကြားရပြီး ကျောင်းတက်မတက် အရင်ကောက်ယူသည်။ ပို့ချစာသင်ခန်းထဲမှာမူ နံမည်အခေါ်မခံရ၍ မိမိကို ဆရာက သိပါ့မလားဟူသော ကြောင့်ကြစိတ်နှင့်အတူ တက္ကသိုလ်ကျောင်းသား ဟူသော ဖြစ်တည်ခြင်းက တန်ဘိုးနှင့်မြင့်မားမှု၊ လွတ်လပ်မှုနှင့် ခိုင်မာမှု အပါအ၀င် ရင့်ကျက်မှုစသည့် စံတို့သည် ဘ၀ကဲ့သို့ပင် အဆင့်ဆင့်ဟု ထင်မိလာခဲ့ရသေးသည်။
သစ်လွင်ကြိုဆိုပွဲ အခန်းအနားစပြီး ပါမောက္ခချုပ်၊ မော်ကွန်းထိန်း နှင့် ဘာသာရပ်အလိုက် အင်ဂျင်နီယာ ဌာနအသီးသီးတို့မှ ပါမောက္ခများ၊ ဌာနမှူးများက နှုတ်ခွန်းဆက် ကြိုဆို အားပေး တိုက်တွန်းစကားများ အသီးသီး ပြောကြားကြသည်မှာ ကျယ်ဝန်းလှသည့် ပညာနယ်ကြီးထဲသို့ ရုတ်ချည်းရောက်သွားရသည့်နှယ် လှုပ်ရှားခံစား ရသည်။ လူလားမြောက်သည်ဆိုသည့် သဘောကို နားလည်စ ပြုလာရသည်။ အစဉ်အလာအရ ဒုတိယနှစ်အစ ဆဌမနှစ်အဆုံး နှစ်ကြီးကျောင်းသားကျောင်းသူများက မောင်မယ်သစ်လွင်များကို ခန်းမအပြင်ဘက်မှနေ၍ လာရောက် ကြည့်ရှုအားပေး အကဲဖြတ်ဆုံးဖြတ် မှတ်တမ်းတင် ကြိုဆိုကြသည်မှာလည်း အပျော်နှင့်အပြုံးတို့ စည်စည်ကားကား ရှိလှသည်။ သစ်လွင်ကျောင်းသူဦးရေက သစ်လွင်ကျောင်းသားဦးရေနှင့်စာလျှင် နည်းသည်မှာ သိသာသော်လည်း သစ်လွင်ဘုရင်မ (Fresher Queen) တီးတိုးအုန်းကျွတ် ရွေးချယ်မှုကလည်း ခန်းမအပြင်မှာ မပျက်မကွက်။ နှစ်ကြီးသမားများ၏ တခြားရည်ရွယ်ချက်တခုကိုတော့ နောက်မှ သိရသည်။ အခန်းအနားအပြီး သစ်လွင်တို့အခန်းမှအထွက် တည်ခင်းကျွေးမွေးသော စားပွဲပေါ်မှ စမူဆာ အစရှိသော မုန့်များကို တိုးဝှေ့ဝင် ရောက် စားသုံးပျော်ရွှင်ကြဖို့ပင် ဖြစ်သည်။
အခန်းအနားအပြီး အများနည်းတူ ထွက်လာခဲ့သော်လည်း စမူဆာများကို မမှီလိုက်တော့။ ပြုံးမိသည်။ သို့သော် အလိုလိုပျော်သည်။ မုန့်တွေအားလုံး စားပွဲတွေပေါ်က ကုန်သွားသည့်တိုင် ထွက်လာသူများ ရှိနေဆဲ။ မေးထူးခေါ်ပြော နှုတ်ဆက်နောက်ပြောင် စည်ကားသည်မှာ ပွဲဦးထွက် လှိုက်လှဲမှုကို ခံစားရသည်။ အပြင်ရောက် စားပွဲနှစ်ခုကြားမှ တိုးထွက်ပြီး တဖက်လှည့်ငေးလျက် လက်ရန်းသို့ အသွား တယောက်နှင့် ၀င်တိုက်မိသည်။ လှည့်အကြည့်မှာပင် ရေမွှေးနံ့သင်းသင်းကို အရင်ရလိုက်သည်။ ပြီးတော့မှ မိတ်ကပ်ချယ်သည့်အလှကို သတိထားလိုက်မိသည်။ "ဆောရီး" ဟု မိမိမပြောတတ်သေး။
"ကန်တော့နော်.... ကန်တော့.... ကန်တော့"။ သူမက ပြုံးသည်။
"တို့ကတော့ ကြားဖူးနားဝ ရှိထားတော့ စမူဆာတွေ ရထားတယ်လေ... စားပါဦးလား... ရော့... ရော့.."
"အင်း... အဲ... ဟုတ်ကဲ့..."
လက်ထဲသို့ စမူဆာနှစ်ခု ရောက်လာသည်။ ကြောင်တက်တက်နှင့် နည်းနည်း ရှက်ရွံ့သလို ဖြစ်သေးသည်။ သူမ၏ သွက်လက်ပွင့်လင်းမှုကို သိလိုက်သော်လည်း အသိအမှတ်ပြု ရင်းနှီးပြံးဖြစ်အောင် ကြိုးစားပြုံးနှုတ်ဆက်ရသည်။ သူမကပင် စကားဆက်သည်။
"တို့က.... ခယ်မီကယ်လ်ကပါ.... သစ်လွင်ပါပဲ... အဆောင်လည်းရတယ်... သူငယ်ချင်းဖြစ်ကြ တာပေါ့..."
ထို့နောက် မိမိသည် "သြသာ"၊ သူမသည် "မျိုးလဲ့သာ" ဖြစ်ပြီး၊ နာမည်နောက်ဆုံးအလုံးချင်း တိုက်ဆိုင် တူညီနေခြင်းကိုက နှစ်လိုဖွယ် ဖြစ်သွားရသည်။ မိမိတို့၏ နေရပ်၊ အဆောင်လိပ်စာတွေ အပြန်အလှန် အသိပေးကြရင်း မမျှော်လင့်ဘဲ ရင်းနှီးခင်မင်သွားကြရသည်။ စကားလုံးတွေသည် သန့်စင် ၀င်းလက်နေသည်။ တည်ကြည်သော်လည်း သူမ၏မာန တစွန်းတစ သိခွင့်ရသည်။
****** ***** ***** *****
နယ်ကပင်ဖြစ်သော်လည်း မိမိထက်ပို၍ ခေတ်မီသည်။ မိန်းကလေးပင် ဖြစ်ငြားလည်း မ၀ံ့မရဲစိတ် နည်းသည်။ အဆင်အခြင် ကင်းမဲ့သည်တော့ မဟုတ်။ ပညာရပ်ကို လိုလားလေးစားသည်ကတော့ တူသည်။ ဖြူစင်ခြင်းနှင့် သန့်စင်ပွင့်လင်းခြင်းတို့ အလိုက်သင့် ရှိစေခြင်းကို နှစ်ဦးစလုံး နှစ်သက်သည်။ စာသင်ချိန်ကြား အားလပ်ချိန်ခြင်းတူ၍ သို့မဟုတ် ဓါတ်ခွဲခန်း၊ လက်တွေ့ခန်း၊ အလုပ်ရုံခန်း၊ အင်ဂျင်နီယာပုံဆွဲခန်းတို့မှ စောပြီး၍ အချိန်ရလျှင် မကြာမကြာ အတူတကွ ဆုံဖြစ် ဆိုင်ထိုင်ဖြစ်ကြသည်။ မိမိက လက်ဘက်ရည် ကြိုက်သည်။ သူမက ကော်ဖီကျကျကြိုက်သည်။ စက်မှုခန်းမကြီးထဲမှာ စနေနေ့ ညတွေမှာ ပြတတ်သော ရုပ်ရှင်များကို ရံဖန်ရံခါ ကြည့်ဖြစ်ကြသည်။ နှစ်စဉ် သို့မဟုတ် အလျဉ်းသင့်သလို ထိုစက်မှုခန်းမကြီးထဲမှာ ကျင်းပသော စာပေဟောပြော ပွဲ၊ ဆုနှင်းသဘင်ပွဲ၊ ကာတွန်းဟောပြောပွဲ၊ အသုံးလုံးလှုပ်ရှားမှုပြပွဲ၊ ပန်းချီပြပွဲ၊ အာစရိယပူဇော်ပွဲ၊ အလေးမပြိုင်ပွဲ၊ ခြင်းခတ်ပွဲ၊ ကထိန်သင်္ဃန်းကပ်လှူပူဇော်ပွဲများကို နှစ်ယောက်သား ပျက်ကွက်သည် မရှိ။ တက္ကသိုလ်ဝင်းအတွင်း ကျင်းပသည့် အားကစားပြိုင်ပွဲ၊ ထမနဲထိုးပွဲ စသည်များကိုလည်း ကြုံသလို တက်ရောက်အားပေးကြသည်။ တက္ကသိုလ်ပေါင်းစုံ အားကစားပြိုင်ပွဲများမှာလည်း လက်လှမ်းမီသလို သွားရောက်အားပေးရသည်။ E နှင့် F အဆောင်နားက ကံ့ကော်ပင်တန်းတွေမှာ အပွင့်တွေ လှိုင်လှိုင်ဝေနေလျှင် မိမိက ငေးမောနှစ်ခြိုက်ရသော်လည်း သူမက ပန်းကြိုက်သူ၊ ပန်းပန်တတ်သူ မဟုတ်၍ တခါမှ ခူးဆွတ်မပေးခဲ့။ တယောက်ကိုတယောက်၊ ရင်ထဲမြင် အောင်၊ ရင်ထဲသိအောင်၊ ရင်ထဲထိအောင်ကိုတော့ ကြိုးစားနေမိကြသည်။ သို့ဖြင့် ပိုမြင် ပိုသိလာသည်နှင့်အမျှ ပိုစာနာလာရသည်။ ပိုနားလည်လာရသည်။
တက္ကသိုလ်၌ ပန်းတို့ပွင့်၏။ ငှက်တို့ တေးဆို၏။ ရာသီဥတုတို့ တန်ဆာဆင်၏။ သီချင်းနှင့် လေပြေတို့သည် အားလုံးအပေါ်၌ တိုးဝှေ့လွင့်ပျံသည်။ 'နွေးအေး' ဆိုင်သည် လည်းကောင်း၊ စွယ်တော်ပင်များ သည် လည်းကောင်း၊ ချစ်သူတို့လျှောက်သောလမ်းကလေး၊ အာရ်အိုင်တီအင်းလျား၊ ဂျီဟောရှေ့ဘောလုံးကွင်း၊ တင်းနစ်ကွင်းနှင့်ဆေးခန်း၊ အလေးမရုံ၊ အားကစားရုံနှင့်အားကစားကွင်း၊ ရေမပြည့် ရေကူးကန်၊ အ၀င်ပေါက် ဦးလူပေါခုံးနှင့် မနီးမဝေး စာအုပ်ဆိုင်၊ ရန်ကုန်စက်မှုတက္ကသိုလ် မုခ်ဦးတိုင်ကြီးများ၏ မျက်နှာစာရှေ့ရှိ ဗဟိုချည်း ပုဏ္ဍရိပ်ပင်တန်းတို့၏ အလည်မှ အလှရေကန်ဝိုင်းနှင့် ခပ်လှမ်းလှမ်း ကျောင်းသားဆောင်များရှေ့ လေးထောင့်ထု ကမ္ဗည်းထိုး အထိမ်းအမှတ် ကျောက်တိုင်သည်လည်းကောင်း၊ အမှတ်သညာများအဖြစ် မက်မောဖွယ်ရာ ဖြစ်နေသည်။
ဒုတိယစာသင်နှစ် ပထမနှစ်ဝက်မှာပင် မိမိ "သြသာ" နှင့် သူမ "မျိုးလဲ့သာ" တို့ ချစ်သူများ ဖြစ်ခဲ့ကြသည်။ အဲဒီကတည်းက အဓိကအင်ဂျင်နီယာဘာသာရပ်ချင်း မတူသော်လည်း အချစ်ချင်းတော့ တူကြသည်ဟု ထင်ခဲ့သည်။ စာသင်နှစ် တနှစ်ပြီးတိုင်း ရရှိခဲ့သောအောင်မှတ်အဆင့်ပေါ် မူတည်၍ နောင်စာသင်နှစ်အတွက် ခုံနံပါတ် (Roll No) အသစ်ထွက်သည်။ ဒုတိယနှစ်အပြီး မိမိခုံနံပါတ် ဆယ်ခုလောက်ကျသွားသည်ကို အဓိက ဘာသာရပ်တူ သူငယ်ချင်းများက နောက်ခဲ့ကြသေးသည်။
"စက္ကင်န်းရီးယားပဲ ရှိသေး သြဘာတို့ ရည်းစားထားတော့ ရိုးလ်နံပါတ်က ကျတော့မှာပေါ့.... ရပိတာ မဖြစ်တာ ကံကောင်း... အမေရေ အမေ့သား ဖြစ်ပုံကို လာကြည့်လှည့်ပါဦး..."
မည်သို့ပင်ဆိုစေ မိမိရော သူမပါ နှစ်စဉ်မှန်မှန် အောင်မြင်ကြသည်။ အကြောင်းကြောင်းကြောင့် ကျန်နေခဲ့သူတွေလည်း ရှိသည်။ "တက္ကသိုလ်မှာ နှစ်ပိုပျော်ရတာပေါ့... မင်းတို့က တက္ကသိုလ်ကို ငါတို့ထက် ပိုချစ်တာကိုး" ဟု ကျီစယ်ရသည်။ သို့သော် အားလည်း ပေးရသည်။ ဖေးမရသည်။ မိမိတို့ နှစ်ဦးသား၏ အချစ်သည် နှစ်ကြာလာသည်နှင့်အမျှ ပို၍ ရင့်သန်လာရသည်။ မျှော်လင့်ချက်တို့ အတိုင်းအဆ ကြီးမားရသည်။ ရည်မှန်းတာတွေအတွက် စိတ်ကူးကောင်းတို့ ပိုရှင်သန်ရသည်။ လက်မြဲမြဲတွဲရမည့် အနာဂတ်အတွက် နှစ်ယောက်သား လက်ရှိအခြေအနေမှ မြင့်မြတ်သည့် အားအင်တွေ ဖေးမဖြစ်စေရမည်။ အယူအဆနှင့် အတွေးအခေါ်သည် 'သြဘာ' နှင့် 'မျိုးလဲ့သာ' တို့အကြား ခြားနားသွားသည် မရှိခဲ့။ သို့နှင့် နောက်ဆုံးစာသင်နှစ် ခြောက်နှစ်မြောက်ကို ရောက်လာခဲ့ရသည်။
ဆဌမနှစ် နောက်ဆုံးစာမေးပွဲကြီး မတိုင်မီ နှစ်ပါတ်လည် မိတ်ဆုံညစာစားပွဲကြီးကို ရန်ကုန်စက်မှု တက္ကသိုလ် ထမင်းစားဆောင်ကြီးမှာ ကျင်းပသည်။ အစဉ်အလာအတိုင်းပင် ပဒေသာကပွဲ ပါဝင်သည်။ အဆို၊ အက၊ ပြဇာတ်၊ ကွက်စိပ်၊ အငြိမ့် စုံလင်ပြီး တရက်မက စက်မှုခန်းမကြီးမှာ ကျင်းပသည်။ မိမိတို့ အတူတူ ကြည့်ကြဖို့ ချိန်းဆို စီစဉ်ထားသည်။ ကံကြမ္မာသည် ရုတ်တရက်နှင့် အံ့ဖွယ်ရာ မယုံကြည်နိုင်လောက်အောင် ပြောင်းလဲတတ်သည်။ နယ်မြို့ငယ်ကလေးမှ မိမိ၏ ဖခင်ဖြစ်သူသည် နှလုံးရောဂါတမျိုး ရုတ်တရက် ဖိစီးမှုကြောင့်ရန်ကုန် ဆေးရုံကြီးသို့ အရေးတကြီး ခွဲစိတ်ကုသနိုင်ဖို့ လာတက်ရသည်။ စာမေးပွဲနီးချိန်လည်းဖြစ်၊ အားချင်းလည်းဖြစ်မို့ မိမိကို ကြိုအကြောင်းမကြားဖို့ မဖြစ်နိုင်ခဲ့။ ဖခင်ကြီး ဆေးရုံပေါ်ရောက်ပြီးသည့်နေ့ နှစ်လည်ညစာပွဲမစမီ မွန်းလွဲပိုင်းမှာ မိမိ၏ညီငယ် အဖော်တယောက်နှင့် အဆောင်ကို ရောက်လာသည်။ အကျိုးအကြောင်းသိရပြီ။ ချစ်သူ 'မျိုးလဲ့သာ' ကို ဘာတခုမှ မပြောနိုင်ခဲ့။ ဘယ်လိုမှ အသိမပေးနိုင်ခဲ့။ ဆေးရုံကြီးသို့ ပြေးခဲ့ရသည်။ တက္ကသိုလ်သက် နောက်ဆုံးပျော်ရွှင် မြတ်နိုး မမေ့နိုင်ဖွယ်ရာ ညစာစားပွဲတက်ဖို့၊ ပဒေသာကပွဲကို အတူကြည့်ကြဖို့ ကတိက၀တ်သည် လည်းကောင်း၊ လူကိုယ်တိုင်သည် လည်းကောင်း၊ ချစ်သူ 'မျိုးလဲ့သာ' အပေါ် မိမိဖက်က အရင်ဆုံး တခုတည်းအဖြစ် ပျက်ကွက်ခဲ့ရသည်။ ထိုည၌ပင် ဖခင်ကြီးကို စွန့်လွှတ်ခဲ့ရသည်။
********** ********** **********
ညနေပိုင်း ရွှေတိဂုံစေတီတော်ကြီး၏ ရင်ပြင်တော် မြောက်ဖက် သောကြာထောင့်မှာ ခွက်ငယ်ဖြင့် သက်စေ့ ဘုရားရေသပ္ပာယ်ပြီး လက်အုပ်ချီလျက် နောက်အလှည့်မှာ ရုတ်တရက်လို ဖြစ်သွားသည်ကြောင့် နောက်က လူကို တိုက်မိသည်။ မိမိတိုက်တော့မည်ကို သိသကဲ့သို့ ထိုသူက မိမိကို ကြည့်နေသည်။ တောင်းပန်တိုးလျှိုးကြည့်ဖြင့် သူ့ကို နှုတ်ဖြင့် တောင်းပန်ဖို့ ပြင်ဆဲ
"ဟို... ဟို... ဦးသြသာလားခင်ဗျာ"
"ဟင်... ကျွန်တော်မှတ်မိပြီ.. အံ့သြစရာပဲ... ခင်ဗျားက ကျောက်မဲက ကိုဝင်းတင်ကျော်မဟုတ်လား..."
တောင့်တင်းကြွယ်ဝသော မိသားစု အသိုင်းအ၀ိုင်းက ကိုဝင်းတင်ကျော်သည် တက္ကသိုလ် ပြီးကတည်းက နိုင်ငံခြားသို့ ထွက်ခွါသွားခဲ့သည်မှာ နှစ်ပေါင်းများစွာကြာပြီး အခုမှ ဆုံတွေ့ဖြစ်ရသည်။ နှစ်ယောက်သား ရင်ပြင်တော်တနေရာမှာ လွတ်လပ်စွာ ထိုင်ပြီး စကားတွေ ပြောဖြစ်ကြသည်။ အထူးသဖြင့် လွမ်းမောဖွယ် တက္ကသိုလ်အကြောင်း။
"ခင်ဗျားတို့ကို သိပ်အားကျမိခဲ့တယ်... တက္ကသိုလ်တလျှောက်လုံး ခင်ဗျားတို့ နှစ်ယောက် လက်တွဲခဲ့ကြ တာ... ပေါင်းကြရမယ်ပဲ ထင်တာပေါ့... နောက်တော့လည်း.. မမျိုးလဲ့သာ ခမ်းခမ်းနားနား မင်္ဂလာဆောင်ပြီး အိမ်ထောင်ပြုသွားတာကို ကျွန်တော် အဝေးက ကြားလိုက်ရပါတယ်.. နေပါဦး... ခင်ဗျားတို့ ဘယ်လို ဖြစ်ခဲ့ကြလို့လဲ... ဘာမှားခဲ့လို့လဲ... ဘာပျက်ကွက်ခဲ့လို့လဲ.. ခင်ဗျားဖက်က သစ္စာများ ဖောက်ခဲ့မိလို့လားဗျာ ..."
မိမိတွေးဆမိသည်။ အကြောင်းအားလုံး၊ အဖြစ်အပျက်အားလုံးသည် သည်အတိုင်း ရှိနေသေးသည်။ လျော့မသွားသေး။ ပျောက်မသွားသေးဟု ရင်ထဲက သိနေသည်။ ၀မ်းနည်းကြေကွဲစိတ်ကို သိသိသာသာ ထိန်းချုပ်ရင်း ကိုဝင်းတင်ကျော်ကို ပြန်ပြောဖြစ်ရသည်။
"ကိုဝင်းတင်ကျော်ရယ်.... မှားတာတို့ ပျက်ကွက်တာတို့ကို ထားလိုက်ပါတော့ဗျာ... ခင်ဗျားနဲ့ကျွန်တော် တို့ပဲ မဆုံဖြစ် မတွေ့ဖြစ်ခဲ့ကြတာ အခုဆို နှစ်ပေါင်း သုံးဆယ်ကျော်ပြီနော်... အင်း... အခုထက်ထိ ကျွန်တော် အိမ်ထောင် မပြုသေးပါဘူး... တကိုယ်တည်းပါ... ကိုဝင်းတင်ကျော်..."
ဘာကြောင့်မှန်းမသိ။ သည်အကြောင်းနှင့် ပါတ်သက်၍ သည့်ထက်ပို၍ ကိုဝင်းတင်ကျော်ကို စကားဆက်မဆိုမိ။ စကားလမ်းကြောင်းပြောင်းဖို့ ရုတ်ချည်းမပေါ်လာသေး။ အသက်ကို ပြင်းပြင်းရှူလိုက်သည်။ အမွှေးတိုင်နံ့၊ ပန်းနံ့၊ ဖယောင်းတိုင်ညှော်နံ့များကို သိသိသာသာ ရရှိလိုက်၏။ မိုးချုပ်သွားပြီ။
မောရူးဆိုး
['အလွမ်းတက္ကသိုလ် ပန်းတက္ကသိုလ်' တက္ကသိုလ်နောက်ခံဝတ္ထု တိုစုစည်းမှု (၆၀) ပုဒ် စုစည်းမှု စာအုပ် ပထမအကြိမ်၊ ဒီဇင်ဘာ၊ ၂၀၀၇ မှ ကူးယူဖော်ပြပါတယ်။]
မောရူးဆိုး ကိုယ်ရေးအတ္ထုပ္ပတ္တိ အကျဉ်း။
မောရူးဆိုး (၁၉၄၉- )
မောရူးဆိုးကို ၁၉၄၉ ခုနှစ်၊ အောက်တိုဘာလ ၂၁ ရက်နေ့တွင်၊ မြောင်းမြမြို့၌ အဖ ဦးအောင်တင်နှင့် အမိ ဒေါ်ငွေဟန်တို့မှ မွေးဖွားခဲ့သည်။ အမည်ရင်းမှာ ဦးသန်းအောင် ဖြစ်သည်။ ငယ်စဉ်က A.B.M ကျောင်း (မြောင်းမြ)၊ အထက မင်းလှ (သာယာဝတီ)၊ အထက ၂/၃ (မုံရွာ) တို့တွင် အခြေခံ ပညာဆည်းပူးခဲ့ပြီး၊ ၁၉၆၇-၆၈ ပညာသင်နှစ်တွင် ရန်ကုန်စက်မှုတက္ကသိုလ်သို့ တက်ရောက်ခဲ့သည်။ ၁၉၇၂-၇၃ ပညာသင်နှစ်တွင် B.E.(Mechanical) ဘွဲ့ရရှိခဲ့သည်။
ကဗျာ၊ ၀တ္ထု၊ ဆောင်းပါး၊ စာညွန့်စာတမ်း၊ ဘာသာပြန်ဝတ္ထုများ ရေးသားခဲ့၊ ရေးသားဆဲ ဖြစ်ပါသည်။ Myanmar Oil and Gas Enterprise တွင် Executive Engineer (A) (Drilling)အဖြစ် တာဝန်ထမ်းဆောင်လျက် ရှိသည်။ တက္ကသိုလ်နေ့ရက်များနှင့် ပါတ်သက်၍ "မွေးနေ့တိုင်း မွေးနေ့တိုင်းကို မမေ့နိုင်ဘဲ အမှတ်ရနေသလို တက္ကသိုလ်နေ့ရက်များကို မွေးနေ့ကဲ့သို့ မေ့၍မရ မေ့၍မဖြစ်နိုင်အောင် အမြဲအမှတ်ရလျက် ရှိသည်" ဟု ဆရာမောရူးဆိုးက အမှတ်တရ စကားဆိုပါသည်။
တက္ကသိုလ်ကျောင်းသားအဖြစ် ပထမဆုံးတက်ရသည့် ပို့ချစာသင်ခန်းကြီးထဲသို့ စာသင်နှစ်၊ ဘာသာရပ် အလိုက် ထုတ်ပြန်ထားသော အချိန်ဇယားပါ အခန်းနံပါတ်အရ စ၀င်လိုက်သည်နှင့်ပင် အထက်တန်းကျောင်းသား ဘ၀နှင့် ကွာသွားသည်ကို ကြီးစွာသတိပြုမိခဲ့ရသည်။ အခန်းကျယ်ကြီးထဲမှာ စာပို့ချသည့်ဆရာအတွက် နံရံကပ် အပေါ်အောက် ပင့်တင်ဆွဲချပြု၍ ရသော နှစ်ထပ်အနက်ရောင် သင်ပုန်းကျယ်နှင့် စင်မြင့်ငယ်။ ကျောင်းသူ ကျောင်သားများ၏ ထိုင်ခုံတွေက အတန်းလိုက် အဆင့်ဆင့် မြင့်တက်သွားသည်။ ထိုင်ခုံတန်း အဆင့်ဆင့်တွေ အလိုက် ဘေးနှစ်ဘက် အခန်းနံရံတွေမှာ အတန်းနှင့် တည့်တည့်အလိုက် အင်္ဂလိပ်စာလုံး အက္ခရာကြီးများ ရေးထိုးထားသည်။ သက်ဆိုင်ရာတန်းအလိုက် အင်္ဂလိပ်အက္ခရာညွှန်းသော ကျောမှီနေရာ နံပါတ်လွတ်နေလျှင် ထိုနေရာမှာ ထိုင်ရသည့်သူ ပျက်ကွက်သည်။ အဓိကဘာသာရပ်အလိုက် ကိုယ်ပိုင်ခုံနံပါတ် (Roll No) အတွက် ထိုင်ခုံနေရာ (Sitting Plan) နံပါတ်ကို ပို့ချသူ ဆရာက နှစ်စကတည်းက ထုတ်ပြန်ပေးသည်။ ကျောင်းတက် ရာနှုန်း ၇၅% အနည်းဆုံးရှိမှ စာမေးပွဲဖြေခွင့်ရှိ၍ အတန်းတက်မှု မတက်မှုသည် အရေးပါသည်။ အားလုံးအတွက် အပူဒဏ်လျော့စေသည့် လေရဟတ်များကလည်း ပို့ချစာသင်ခန်း၏ မျက်နှာကျက်မှာ အရေအတွက် အသင့်အတင့်။ ဆရာနှင့်တပည့် အခေါ်အဝေါ်ကပင် ခြားနားသွားသည်။ 'မင်း' နှင့် 'ငါ' အစား 'ခင်ဗျား' 'ကျွန်တော်'။ အထက်တန်းကျောင်းမှာက အတန်းပိုင်ဆရာ သို့မဟုတ် ဆရာမက တဦးချင်းနံမည်ခေါ်ပြီး ကျောင်းသား ကျောင်းသူက ရှိမရှိ ဖြေကြားရပြီး ကျောင်းတက်မတက် အရင်ကောက်ယူသည်။ ပို့ချစာသင်ခန်းထဲမှာမူ နံမည်အခေါ်မခံရ၍ မိမိကို ဆရာက သိပါ့မလားဟူသော ကြောင့်ကြစိတ်နှင့်အတူ တက္ကသိုလ်ကျောင်းသား ဟူသော ဖြစ်တည်ခြင်းက တန်ဘိုးနှင့်မြင့်မားမှု၊ လွတ်လပ်မှုနှင့် ခိုင်မာမှု အပါအ၀င် ရင့်ကျက်မှုစသည့် စံတို့သည် ဘ၀ကဲ့သို့ပင် အဆင့်ဆင့်ဟု ထင်မိလာခဲ့ရသေးသည်။
သစ်လွင်ကြိုဆိုပွဲ အခန်းအနားစပြီး ပါမောက္ခချုပ်၊ မော်ကွန်းထိန်း နှင့် ဘာသာရပ်အလိုက် အင်ဂျင်နီယာ ဌာနအသီးသီးတို့မှ ပါမောက္ခများ၊ ဌာနမှူးများက နှုတ်ခွန်းဆက် ကြိုဆို အားပေး တိုက်တွန်းစကားများ အသီးသီး ပြောကြားကြသည်မှာ ကျယ်ဝန်းလှသည့် ပညာနယ်ကြီးထဲသို့ ရုတ်ချည်းရောက်သွားရသည့်နှယ် လှုပ်ရှားခံစား ရသည်။ လူလားမြောက်သည်ဆိုသည့် သဘောကို နားလည်စ ပြုလာရသည်။ အစဉ်အလာအရ ဒုတိယနှစ်အစ ဆဌမနှစ်အဆုံး နှစ်ကြီးကျောင်းသားကျောင်းသူများက မောင်မယ်သစ်လွင်များကို ခန်းမအပြင်ဘက်မှနေ၍ လာရောက် ကြည့်ရှုအားပေး အကဲဖြတ်ဆုံးဖြတ် မှတ်တမ်းတင် ကြိုဆိုကြသည်မှာလည်း အပျော်နှင့်အပြုံးတို့ စည်စည်ကားကား ရှိလှသည်။ သစ်လွင်ကျောင်းသူဦးရေက သစ်လွင်ကျောင်းသားဦးရေနှင့်စာလျှင် နည်းသည်မှာ သိသာသော်လည်း သစ်လွင်ဘုရင်မ (Fresher Queen) တီးတိုးအုန်းကျွတ် ရွေးချယ်မှုကလည်း ခန်းမအပြင်မှာ မပျက်မကွက်။ နှစ်ကြီးသမားများ၏ တခြားရည်ရွယ်ချက်တခုကိုတော့ နောက်မှ သိရသည်။ အခန်းအနားအပြီး သစ်လွင်တို့အခန်းမှအထွက် တည်ခင်းကျွေးမွေးသော စားပွဲပေါ်မှ စမူဆာ အစရှိသော မုန့်များကို တိုးဝှေ့ဝင် ရောက် စားသုံးပျော်ရွှင်ကြဖို့ပင် ဖြစ်သည်။
အခန်းအနားအပြီး အများနည်းတူ ထွက်လာခဲ့သော်လည်း စမူဆာများကို မမှီလိုက်တော့။ ပြုံးမိသည်။ သို့သော် အလိုလိုပျော်သည်။ မုန့်တွေအားလုံး စားပွဲတွေပေါ်က ကုန်သွားသည့်တိုင် ထွက်လာသူများ ရှိနေဆဲ။ မေးထူးခေါ်ပြော နှုတ်ဆက်နောက်ပြောင် စည်ကားသည်မှာ ပွဲဦးထွက် လှိုက်လှဲမှုကို ခံစားရသည်။ အပြင်ရောက် စားပွဲနှစ်ခုကြားမှ တိုးထွက်ပြီး တဖက်လှည့်ငေးလျက် လက်ရန်းသို့ အသွား တယောက်နှင့် ၀င်တိုက်မိသည်။ လှည့်အကြည့်မှာပင် ရေမွှေးနံ့သင်းသင်းကို အရင်ရလိုက်သည်။ ပြီးတော့မှ မိတ်ကပ်ချယ်သည့်အလှကို သတိထားလိုက်မိသည်။ "ဆောရီး" ဟု မိမိမပြောတတ်သေး။
"ကန်တော့နော်.... ကန်တော့.... ကန်တော့"။ သူမက ပြုံးသည်။
"တို့ကတော့ ကြားဖူးနားဝ ရှိထားတော့ စမူဆာတွေ ရထားတယ်လေ... စားပါဦးလား... ရော့... ရော့.."
"အင်း... အဲ... ဟုတ်ကဲ့..."
လက်ထဲသို့ စမူဆာနှစ်ခု ရောက်လာသည်။ ကြောင်တက်တက်နှင့် နည်းနည်း ရှက်ရွံ့သလို ဖြစ်သေးသည်။ သူမ၏ သွက်လက်ပွင့်လင်းမှုကို သိလိုက်သော်လည်း အသိအမှတ်ပြု ရင်းနှီးပြံးဖြစ်အောင် ကြိုးစားပြုံးနှုတ်ဆက်ရသည်။ သူမကပင် စကားဆက်သည်။
"တို့က.... ခယ်မီကယ်လ်ကပါ.... သစ်လွင်ပါပဲ... အဆောင်လည်းရတယ်... သူငယ်ချင်းဖြစ်ကြ တာပေါ့..."
ထို့နောက် မိမိသည် "သြသာ"၊ သူမသည် "မျိုးလဲ့သာ" ဖြစ်ပြီး၊ နာမည်နောက်ဆုံးအလုံးချင်း တိုက်ဆိုင် တူညီနေခြင်းကိုက နှစ်လိုဖွယ် ဖြစ်သွားရသည်။ မိမိတို့၏ နေရပ်၊ အဆောင်လိပ်စာတွေ အပြန်အလှန် အသိပေးကြရင်း မမျှော်လင့်ဘဲ ရင်းနှီးခင်မင်သွားကြရသည်။ စကားလုံးတွေသည် သန့်စင် ၀င်းလက်နေသည်။ တည်ကြည်သော်လည်း သူမ၏မာန တစွန်းတစ သိခွင့်ရသည်။
****** ***** ***** *****
နယ်ကပင်ဖြစ်သော်လည်း မိမိထက်ပို၍ ခေတ်မီသည်။ မိန်းကလေးပင် ဖြစ်ငြားလည်း မ၀ံ့မရဲစိတ် နည်းသည်။ အဆင်အခြင် ကင်းမဲ့သည်တော့ မဟုတ်။ ပညာရပ်ကို လိုလားလေးစားသည်ကတော့ တူသည်။ ဖြူစင်ခြင်းနှင့် သန့်စင်ပွင့်လင်းခြင်းတို့ အလိုက်သင့် ရှိစေခြင်းကို နှစ်ဦးစလုံး နှစ်သက်သည်။ စာသင်ချိန်ကြား အားလပ်ချိန်ခြင်းတူ၍ သို့မဟုတ် ဓါတ်ခွဲခန်း၊ လက်တွေ့ခန်း၊ အလုပ်ရုံခန်း၊ အင်ဂျင်နီယာပုံဆွဲခန်းတို့မှ စောပြီး၍ အချိန်ရလျှင် မကြာမကြာ အတူတကွ ဆုံဖြစ် ဆိုင်ထိုင်ဖြစ်ကြသည်။ မိမိက လက်ဘက်ရည် ကြိုက်သည်။ သူမက ကော်ဖီကျကျကြိုက်သည်။ စက်မှုခန်းမကြီးထဲမှာ စနေနေ့ ညတွေမှာ ပြတတ်သော ရုပ်ရှင်များကို ရံဖန်ရံခါ ကြည့်ဖြစ်ကြသည်။ နှစ်စဉ် သို့မဟုတ် အလျဉ်းသင့်သလို ထိုစက်မှုခန်းမကြီးထဲမှာ ကျင်းပသော စာပေဟောပြော ပွဲ၊ ဆုနှင်းသဘင်ပွဲ၊ ကာတွန်းဟောပြောပွဲ၊ အသုံးလုံးလှုပ်ရှားမှုပြပွဲ၊ ပန်းချီပြပွဲ၊ အာစရိယပူဇော်ပွဲ၊ အလေးမပြိုင်ပွဲ၊ ခြင်းခတ်ပွဲ၊ ကထိန်သင်္ဃန်းကပ်လှူပူဇော်ပွဲများကို နှစ်ယောက်သား ပျက်ကွက်သည် မရှိ။ တက္ကသိုလ်ဝင်းအတွင်း ကျင်းပသည့် အားကစားပြိုင်ပွဲ၊ ထမနဲထိုးပွဲ စသည်များကိုလည်း ကြုံသလို တက်ရောက်အားပေးကြသည်။ တက္ကသိုလ်ပေါင်းစုံ အားကစားပြိုင်ပွဲများမှာလည်း လက်လှမ်းမီသလို သွားရောက်အားပေးရသည်။ E နှင့် F အဆောင်နားက ကံ့ကော်ပင်တန်းတွေမှာ အပွင့်တွေ လှိုင်လှိုင်ဝေနေလျှင် မိမိက ငေးမောနှစ်ခြိုက်ရသော်လည်း သူမက ပန်းကြိုက်သူ၊ ပန်းပန်တတ်သူ မဟုတ်၍ တခါမှ ခူးဆွတ်မပေးခဲ့။ တယောက်ကိုတယောက်၊ ရင်ထဲမြင် အောင်၊ ရင်ထဲသိအောင်၊ ရင်ထဲထိအောင်ကိုတော့ ကြိုးစားနေမိကြသည်။ သို့ဖြင့် ပိုမြင် ပိုသိလာသည်နှင့်အမျှ ပိုစာနာလာရသည်။ ပိုနားလည်လာရသည်။
တက္ကသိုလ်၌ ပန်းတို့ပွင့်၏။ ငှက်တို့ တေးဆို၏။ ရာသီဥတုတို့ တန်ဆာဆင်၏။ သီချင်းနှင့် လေပြေတို့သည် အားလုံးအပေါ်၌ တိုးဝှေ့လွင့်ပျံသည်။ 'နွေးအေး' ဆိုင်သည် လည်းကောင်း၊ စွယ်တော်ပင်များ သည် လည်းကောင်း၊ ချစ်သူတို့လျှောက်သောလမ်းကလေး၊ အာရ်အိုင်တီအင်းလျား၊ ဂျီဟောရှေ့ဘောလုံးကွင်း၊ တင်းနစ်ကွင်းနှင့်ဆေးခန်း၊ အလေးမရုံ၊ အားကစားရုံနှင့်အားကစားကွင်း၊ ရေမပြည့် ရေကူးကန်၊ အ၀င်ပေါက် ဦးလူပေါခုံးနှင့် မနီးမဝေး စာအုပ်ဆိုင်၊ ရန်ကုန်စက်မှုတက္ကသိုလ် မုခ်ဦးတိုင်ကြီးများ၏ မျက်နှာစာရှေ့ရှိ ဗဟိုချည်း ပုဏ္ဍရိပ်ပင်တန်းတို့၏ အလည်မှ အလှရေကန်ဝိုင်းနှင့် ခပ်လှမ်းလှမ်း ကျောင်းသားဆောင်များရှေ့ လေးထောင့်ထု ကမ္ဗည်းထိုး အထိမ်းအမှတ် ကျောက်တိုင်သည်လည်းကောင်း၊ အမှတ်သညာများအဖြစ် မက်မောဖွယ်ရာ ဖြစ်နေသည်။
ဒုတိယစာသင်နှစ် ပထမနှစ်ဝက်မှာပင် မိမိ "သြသာ" နှင့် သူမ "မျိုးလဲ့သာ" တို့ ချစ်သူများ ဖြစ်ခဲ့ကြသည်။ အဲဒီကတည်းက အဓိကအင်ဂျင်နီယာဘာသာရပ်ချင်း မတူသော်လည်း အချစ်ချင်းတော့ တူကြသည်ဟု ထင်ခဲ့သည်။ စာသင်နှစ် တနှစ်ပြီးတိုင်း ရရှိခဲ့သောအောင်မှတ်အဆင့်ပေါ် မူတည်၍ နောင်စာသင်နှစ်အတွက် ခုံနံပါတ် (Roll No) အသစ်ထွက်သည်။ ဒုတိယနှစ်အပြီး မိမိခုံနံပါတ် ဆယ်ခုလောက်ကျသွားသည်ကို အဓိက ဘာသာရပ်တူ သူငယ်ချင်းများက နောက်ခဲ့ကြသေးသည်။
"စက္ကင်န်းရီးယားပဲ ရှိသေး သြဘာတို့ ရည်းစားထားတော့ ရိုးလ်နံပါတ်က ကျတော့မှာပေါ့.... ရပိတာ မဖြစ်တာ ကံကောင်း... အမေရေ အမေ့သား ဖြစ်ပုံကို လာကြည့်လှည့်ပါဦး..."
မည်သို့ပင်ဆိုစေ မိမိရော သူမပါ နှစ်စဉ်မှန်မှန် အောင်မြင်ကြသည်။ အကြောင်းကြောင်းကြောင့် ကျန်နေခဲ့သူတွေလည်း ရှိသည်။ "တက္ကသိုလ်မှာ နှစ်ပိုပျော်ရတာပေါ့... မင်းတို့က တက္ကသိုလ်ကို ငါတို့ထက် ပိုချစ်တာကိုး" ဟု ကျီစယ်ရသည်။ သို့သော် အားလည်း ပေးရသည်။ ဖေးမရသည်။ မိမိတို့ နှစ်ဦးသား၏ အချစ်သည် နှစ်ကြာလာသည်နှင့်အမျှ ပို၍ ရင့်သန်လာရသည်။ မျှော်လင့်ချက်တို့ အတိုင်းအဆ ကြီးမားရသည်။ ရည်မှန်းတာတွေအတွက် စိတ်ကူးကောင်းတို့ ပိုရှင်သန်ရသည်။ လက်မြဲမြဲတွဲရမည့် အနာဂတ်အတွက် နှစ်ယောက်သား လက်ရှိအခြေအနေမှ မြင့်မြတ်သည့် အားအင်တွေ ဖေးမဖြစ်စေရမည်။ အယူအဆနှင့် အတွေးအခေါ်သည် 'သြဘာ' နှင့် 'မျိုးလဲ့သာ' တို့အကြား ခြားနားသွားသည် မရှိခဲ့။ သို့နှင့် နောက်ဆုံးစာသင်နှစ် ခြောက်နှစ်မြောက်ကို ရောက်လာခဲ့ရသည်။
ဆဌမနှစ် နောက်ဆုံးစာမေးပွဲကြီး မတိုင်မီ နှစ်ပါတ်လည် မိတ်ဆုံညစာစားပွဲကြီးကို ရန်ကုန်စက်မှု တက္ကသိုလ် ထမင်းစားဆောင်ကြီးမှာ ကျင်းပသည်။ အစဉ်အလာအတိုင်းပင် ပဒေသာကပွဲ ပါဝင်သည်။ အဆို၊ အက၊ ပြဇာတ်၊ ကွက်စိပ်၊ အငြိမ့် စုံလင်ပြီး တရက်မက စက်မှုခန်းမကြီးမှာ ကျင်းပသည်။ မိမိတို့ အတူတူ ကြည့်ကြဖို့ ချိန်းဆို စီစဉ်ထားသည်။ ကံကြမ္မာသည် ရုတ်တရက်နှင့် အံ့ဖွယ်ရာ မယုံကြည်နိုင်လောက်အောင် ပြောင်းလဲတတ်သည်။ နယ်မြို့ငယ်ကလေးမှ မိမိ၏ ဖခင်ဖြစ်သူသည် နှလုံးရောဂါတမျိုး ရုတ်တရက် ဖိစီးမှုကြောင့်ရန်ကုန် ဆေးရုံကြီးသို့ အရေးတကြီး ခွဲစိတ်ကုသနိုင်ဖို့ လာတက်ရသည်။ စာမေးပွဲနီးချိန်လည်းဖြစ်၊ အားချင်းလည်းဖြစ်မို့ မိမိကို ကြိုအကြောင်းမကြားဖို့ မဖြစ်နိုင်ခဲ့။ ဖခင်ကြီး ဆေးရုံပေါ်ရောက်ပြီးသည့်နေ့ နှစ်လည်ညစာပွဲမစမီ မွန်းလွဲပိုင်းမှာ မိမိ၏ညီငယ် အဖော်တယောက်နှင့် အဆောင်ကို ရောက်လာသည်။ အကျိုးအကြောင်းသိရပြီ။ ချစ်သူ 'မျိုးလဲ့သာ' ကို ဘာတခုမှ မပြောနိုင်ခဲ့။ ဘယ်လိုမှ အသိမပေးနိုင်ခဲ့။ ဆေးရုံကြီးသို့ ပြေးခဲ့ရသည်။ တက္ကသိုလ်သက် နောက်ဆုံးပျော်ရွှင် မြတ်နိုး မမေ့နိုင်ဖွယ်ရာ ညစာစားပွဲတက်ဖို့၊ ပဒေသာကပွဲကို အတူကြည့်ကြဖို့ ကတိက၀တ်သည် လည်းကောင်း၊ လူကိုယ်တိုင်သည် လည်းကောင်း၊ ချစ်သူ 'မျိုးလဲ့သာ' အပေါ် မိမိဖက်က အရင်ဆုံး တခုတည်းအဖြစ် ပျက်ကွက်ခဲ့ရသည်။ ထိုည၌ပင် ဖခင်ကြီးကို စွန့်လွှတ်ခဲ့ရသည်။
********** ********** **********
ညနေပိုင်း ရွှေတိဂုံစေတီတော်ကြီး၏ ရင်ပြင်တော် မြောက်ဖက် သောကြာထောင့်မှာ ခွက်ငယ်ဖြင့် သက်စေ့ ဘုရားရေသပ္ပာယ်ပြီး လက်အုပ်ချီလျက် နောက်အလှည့်မှာ ရုတ်တရက်လို ဖြစ်သွားသည်ကြောင့် နောက်က လူကို တိုက်မိသည်။ မိမိတိုက်တော့မည်ကို သိသကဲ့သို့ ထိုသူက မိမိကို ကြည့်နေသည်။ တောင်းပန်တိုးလျှိုးကြည့်ဖြင့် သူ့ကို နှုတ်ဖြင့် တောင်းပန်ဖို့ ပြင်ဆဲ
"ဟို... ဟို... ဦးသြသာလားခင်ဗျာ"
"ဟင်... ကျွန်တော်မှတ်မိပြီ.. အံ့သြစရာပဲ... ခင်ဗျားက ကျောက်မဲက ကိုဝင်းတင်ကျော်မဟုတ်လား..."
တောင့်တင်းကြွယ်ဝသော မိသားစု အသိုင်းအ၀ိုင်းက ကိုဝင်းတင်ကျော်သည် တက္ကသိုလ် ပြီးကတည်းက နိုင်ငံခြားသို့ ထွက်ခွါသွားခဲ့သည်မှာ နှစ်ပေါင်းများစွာကြာပြီး အခုမှ ဆုံတွေ့ဖြစ်ရသည်။ နှစ်ယောက်သား ရင်ပြင်တော်တနေရာမှာ လွတ်လပ်စွာ ထိုင်ပြီး စကားတွေ ပြောဖြစ်ကြသည်။ အထူးသဖြင့် လွမ်းမောဖွယ် တက္ကသိုလ်အကြောင်း။
"ခင်ဗျားတို့ကို သိပ်အားကျမိခဲ့တယ်... တက္ကသိုလ်တလျှောက်လုံး ခင်ဗျားတို့ နှစ်ယောက် လက်တွဲခဲ့ကြ တာ... ပေါင်းကြရမယ်ပဲ ထင်တာပေါ့... နောက်တော့လည်း.. မမျိုးလဲ့သာ ခမ်းခမ်းနားနား မင်္ဂလာဆောင်ပြီး အိမ်ထောင်ပြုသွားတာကို ကျွန်တော် အဝေးက ကြားလိုက်ရပါတယ်.. နေပါဦး... ခင်ဗျားတို့ ဘယ်လို ဖြစ်ခဲ့ကြလို့လဲ... ဘာမှားခဲ့လို့လဲ... ဘာပျက်ကွက်ခဲ့လို့လဲ.. ခင်ဗျားဖက်က သစ္စာများ ဖောက်ခဲ့မိလို့လားဗျာ ..."
မိမိတွေးဆမိသည်။ အကြောင်းအားလုံး၊ အဖြစ်အပျက်အားလုံးသည် သည်အတိုင်း ရှိနေသေးသည်။ လျော့မသွားသေး။ ပျောက်မသွားသေးဟု ရင်ထဲက သိနေသည်။ ၀မ်းနည်းကြေကွဲစိတ်ကို သိသိသာသာ ထိန်းချုပ်ရင်း ကိုဝင်းတင်ကျော်ကို ပြန်ပြောဖြစ်ရသည်။
"ကိုဝင်းတင်ကျော်ရယ်.... မှားတာတို့ ပျက်ကွက်တာတို့ကို ထားလိုက်ပါတော့ဗျာ... ခင်ဗျားနဲ့ကျွန်တော် တို့ပဲ မဆုံဖြစ် မတွေ့ဖြစ်ခဲ့ကြတာ အခုဆို နှစ်ပေါင်း သုံးဆယ်ကျော်ပြီနော်... အင်း... အခုထက်ထိ ကျွန်တော် အိမ်ထောင် မပြုသေးပါဘူး... တကိုယ်တည်းပါ... ကိုဝင်းတင်ကျော်..."
ဘာကြောင့်မှန်းမသိ။ သည်အကြောင်းနှင့် ပါတ်သက်၍ သည့်ထက်ပို၍ ကိုဝင်းတင်ကျော်ကို စကားဆက်မဆိုမိ။ စကားလမ်းကြောင်းပြောင်းဖို့ ရုတ်ချည်းမပေါ်လာသေး။ အသက်ကို ပြင်းပြင်းရှူလိုက်သည်။ အမွှေးတိုင်နံ့၊ ပန်းနံ့၊ ဖယောင်းတိုင်ညှော်နံ့များကို သိသိသာသာ ရရှိလိုက်၏။ မိုးချုပ်သွားပြီ။
မောရူးဆိုး
['အလွမ်းတက္ကသိုလ် ပန်းတက္ကသိုလ်' တက္ကသိုလ်နောက်ခံဝတ္ထု တိုစုစည်းမှု (၆၀) ပုဒ် စုစည်းမှု စာအုပ် ပထမအကြိမ်၊ ဒီဇင်ဘာ၊ ၂၀၀၇ မှ ကူးယူဖော်ပြပါတယ်။]
မောရူးဆိုး ကိုယ်ရေးအတ္ထုပ္ပတ္တိ အကျဉ်း။
မောရူးဆိုး (၁၉၄၉- )
မောရူးဆိုးကို ၁၉၄၉ ခုနှစ်၊ အောက်တိုဘာလ ၂၁ ရက်နေ့တွင်၊ မြောင်းမြမြို့၌ အဖ ဦးအောင်တင်နှင့် အမိ ဒေါ်ငွေဟန်တို့မှ မွေးဖွားခဲ့သည်။ အမည်ရင်းမှာ ဦးသန်းအောင် ဖြစ်သည်။ ငယ်စဉ်က A.B.M ကျောင်း (မြောင်းမြ)၊ အထက မင်းလှ (သာယာဝတီ)၊ အထက ၂/၃ (မုံရွာ) တို့တွင် အခြေခံ ပညာဆည်းပူးခဲ့ပြီး၊ ၁၉၆၇-၆၈ ပညာသင်နှစ်တွင် ရန်ကုန်စက်မှုတက္ကသိုလ်သို့ တက်ရောက်ခဲ့သည်။ ၁၉၇၂-၇၃ ပညာသင်နှစ်တွင် B.E.(Mechanical) ဘွဲ့ရရှိခဲ့သည်။
ကဗျာ၊ ၀တ္ထု၊ ဆောင်းပါး၊ စာညွန့်စာတမ်း၊ ဘာသာပြန်ဝတ္ထုများ ရေးသားခဲ့၊ ရေးသားဆဲ ဖြစ်ပါသည်။ Myanmar Oil and Gas Enterprise တွင် Executive Engineer (A) (Drilling)အဖြစ် တာဝန်ထမ်းဆောင်လျက် ရှိသည်။ တက္ကသိုလ်နေ့ရက်များနှင့် ပါတ်သက်၍ "မွေးနေ့တိုင်း မွေးနေ့တိုင်းကို မမေ့နိုင်ဘဲ အမှတ်ရနေသလို တက္ကသိုလ်နေ့ရက်များကို မွေးနေ့ကဲ့သို့ မေ့၍မရ မေ့၍မဖြစ်နိုင်အောင် အမြဲအမှတ်ရလျက် ရှိသည်" ဟု ဆရာမောရူးဆိုးက အမှတ်တရ စကားဆိုပါသည်။
စာပေဟောပြောပွဲ
ရေးသူ- မောင်အေးဝင်း
ဒီနေ့ ကိုယ်နေတဲ့ မြို့ကလေးမှာ စာပေဟောပြောပွဲ လုပ်ပါတယ်။ အမေရိကန်ပြည်၊ ကယ်လီဖိုးနီးယား ပြည်နယ်၊ လော့စ်အိန်ဂျယ်လိစ်မြို့မှာပါ။ စာပေဟောပြောပွဲ မနားထောင်ရတာ အနှစ် ၃၀ လောက် ရှိရောပေါ့။ အဆိုအက အနုပညာ ၀ါသနာပါသူများဟာ ဆိုင်းသံဗုံသံကြားရင် လက်လှုပ်ခြေလှုပ် ဖြစ်ချင်လာတယ်။ မဆို မက ရရင်တောင် အနည်းဆုံး ပေါင်ကို လက်ကလေးနဲ့ ပုပ်ပြီး စည်းဝါးလိုက် နေမိတတ်ကြတာ။
ကိုယ်က စာပေ၀ါသနာအိုး။ စာပေ ဟောပြောပွဲဆိုတဲ့ အသံကြားမိရင် ရင်ထဲမှာ လှုပ်ရှားမှု တခု ဖြစ်လာသလိုလို။ အမေရိကမှာ ဗမာပြည်က စာရေးဆရာတွေ ဟောပြောတဲ့ စာပေဟောပြောပွဲ ဆိုတာလဲ ကဗျာဆရာကြီး ဦးတင်မိုး ရောက်လာပြီးမှ သူ့ရဲ့ တိုက်တွန်းလှုံ့ဆော်မှုကြောင့် စာပေဟောပြောပွဲ မျက်စိနား ပွင့်လာတယ် ထင်တာပဲ။ (ဒိအရင်က ရှိခဲ့ဖူးရင် ကျနော့ရဲ့ အမှတ်မှားမှုကို ထောက်ပြပေးကြပါဗျာ)။
ဗမာစာရေးဆရာတွေ စာတမ်းဖတ်တာတွေတော့ ရှိခဲ့ဖူးပါတယ်။ ကိုယ်ကြုံဖူးတာက Getty Museum ရဲ့ ဖိတ်ကြားမှုနဲ့ စာရေးဆရာမ 'ဂျူး' လာတုန်းက Villa Aurora မှာလုပ်တဲ့ စာတမ်း ဖတ်ပွဲပါ။ ဒါလဲ ဗမာလို ဟော၊ ဗမာလို ပြောပြီး ဗမာပရိသတ်တွေ နားထောင်တဲ့ ပွဲတော့ မဟုတ်ပါ။ ခန်းမငယ်လေးတခုစာ ပရိသတ်တွေ လာနားထောင်တဲ့ စာတမ်းဖတ်ပွဲလေးပေါ့လေ။
ဒီတခါ ဟောပြောပွဲက အယ်လ်အေအော်ဂနိုက်ဆာက စည်းရုံးလှုံ့ဆော်ပြီး ကမကထ လုပ်တဲ့ပွဲပါ။ ဂီတအနုပညာရှင်ကြီး ဒေါ်မာမာအေး၊ ကဗျာဆရာ 'အောင်ဝေး'၊ ကဗျာဆရာမ၊ ၀တ္ထုရေးဆရာမ 'မေငြိမ်း' (ကလောင်နာမည်မှာ ဦး၊ ဒေါ် မတပ်တာ ခွင့်လွှတ်ပါဗျာ) တို့ ပွဲဖြစ်ပါတယ်။
အရင်တုန်းကလဲ ကိုယ်တို့ မြို့ကို စာရေးဆရာတွေ လာဘူးတယ်။ 'အောင်ဗလ'၊ '၀င်းဖေ'၊ 'မောင်သာရ'၊ 'စောလူ'၊ 'မောင်သစ်ဆင်း' 'တင်မောင်သန်း'တို့ ဟောပြောကြတယ်။ အိမ်ခံ ကဗျာဆရာကြီး 'တင်မိုး' လဲ ပါတာပေါ့။ အမေရိကမှာ ဗမာ့ပွဲလမ်းသဘင်လုပ်တာ များသောအားဖြင့် အများသူငါ အလုပ်နား၊ အလုပ်အားတဲ့ တနင်္ဂနွေနေ့မှာပါ။ ကံဆိုးသူ ကျနော်မောင်ရှင်က တနင်္ဂနွေမှာ အလုပ်လုပ်ရပြီး သောကြာနေ့၊ စနေနေ့ နားတာမို့ တခါမှ မဆုံလိုက်ရပါ။ ဟောပြောပွဲတွေမှာ ရှေ့နားက ထိုင်ပြီး လက်ခုပ်နာနာ မတီးရတာ ကြာပါပေါ့။
ပြည်တွင်းမှာ စစ်အစိုးရရဲ့ အောက်မှာ ပညာသားပါပါ အနှောင့်အသွား မလွတ်တာတွေကို နားထောင်ပြီး၊ ပီတိ ဖြစ်ခဲ့ရတာ။ ဒါတွေကို ရှေ့ခေတ်ဟောင်း အောက်မေ့ဘွယ် မှတ်မိသမျှ ရေးပြချင်ပါတယ်။
ထောင်ကထွက်လာပြီး ၇၈ ခုနှစ် ကနေ၊ ၈၉ ခုနှစ် ပြည်တွင်းက ထွက်ပြေးလာရတဲ့အထိ ၁၀ နှစ်တာ အတွင်း စာပေဟောပြောပွဲ တခါပဲ နားထောင်ရပါတယ်။ သူငယ်ချင်း ပုတီးကုန်းစိန်ဝင်းက ရင်ခုန်စရာကောင်းတဲ့ သူရဲ့ ပွဲကို လာနားထောင်ပေးပါ။ စင်ပေါ်ကနေ ကျနော်တို့ မျက်နှာတွေ မြင်နေရင် သူ အားတက်နေမယ်ဆိုလို့။ ဟုတ်တယ်လေ ဒီ စက်မှုမှာ အရင့်အရင်တွေက သူတို့နဲ့ ကိုယ်နဲ့ စင်အောက်ကနေ လက်ခုတ်အတူ တီးခဲ့တာ။ ဒီတချီမှာ သူက စင်ပေါ်က ဖြစ်တော့ ရင်ခုန်သံ မြန်နေမှာ။ အဲဒီမှာ သူက သူ့ရဲ့ 'အရိန္ဒမာသိပါစေ' ကဗျာကို ရွတ်သွားတယ်။ နောက် အဲဒီ ကဗျာကို အခြေခံတဲ့ လုံးချင်းတပုဒ် ထွက်လာတယ်။
ထောင်ထဲမ၀င်ခင် တလအလိုမှာ နားထောင်ရတဲ့ပွဲက မှတ်မှတ်ရရပါပဲ။ ကိုယ်တို့ ဓါတုအင်ဂျင်နီယာ အသင်းက လုပ်တဲ့ စာပေဟောပြောပွဲ။ ဆရာမကြီး ဒေါ်ခင်မျိုးချစ်၊ 'မင်းကျော်'၊ 'သခင်မြသန်း' တို့ပွဲ။ ဆရာသခင်မြသန်း ဟောသွားတဲ့အထဲမှာ စကားတလုံးဟာ မှိုင်းရာပြည့်ပွဲ ဖြစ်လို့ ကျောင်းမပိတ်ခင် အချိန်အထိ ကျောင်းသားတွေ ပါးစပ်ဖျားမှာ ရေပန်းစား ကျန်ရစ်ခဲ့တယ်။ "...ရုတ်.. ရုတ်၊ ရုတ်.. ရုတ်မလုပ်နဲ့၊ ရုတ်.. ရုတ် ရုတ်.. ရုတ် လုပ်ရင်၊ ဂုတ် ဂုတ်၊ ဂုတ် ဂုတ် ဖြစ်သွားမယ်...."
စာပေဟောပြောပွဲတွေကို တက္ကသိုလ်မှာ အများဆုံးနားထောင်ရတာ။ အထူးသဖြင့် စက်မှုတက္ကသိုလ် မှာ။ လက်ခုပ်တွေ နာနာတီးရတာ ရှိသလို၊ တ၀ါးဝါး ရီနေရတာလဲ ရှိတယ်။ ပျင်းစရာ ကောင်းတာလဲ ရှိပါတယ်။ စနေနေ့ဆိုရင် ကျနော်တို့ စက်မှုတက္ကသိုလ်မှာ ဟောပြောပွဲတွေ လုပ်လေ့လုပ်ထရှိတယ်။ စက်မှုအင်ဂျင်နီယာ အသင်း၊ လျှပ်စစ် အင်ဂျင်နီယာအသင်း၊ မြို့ပြအင်ဂျင်နီယာအသင်း၊ စက်မှုတက္ကသိုလ် အနုပညာအသင်း။ အသင်းကြီးတွေက တသင်းနဲ့ တသင်း အပြိုင်အဆိုင်။ ဖိတ်ကြားတယ်။ စာရေးဆရာတွေကလဲ တနှစ်အတွင်းမှာ မထပ်အောင် စီစဉ်ကြတာ။
ဆရာအောင်ဗလ ပြောတဲ့အခေါက်တုန်းကဆို လက်ခုပ်တီးရလွန်းလို့ အိမ်ပြန်ရောက်တော့ လက်ဖ၀ါး တွေ ကြိမ်းစပ်ပြီး နာနေတယ်။ ကျောင်းသားတွေရဲ့ လက်ခုတ်သံဟာ ပြောနေရင်း ပြောနေရင်းမှာ ဆရာ့စကား တွေကို ပြောင်မြောက်သထက် ပြောင်မြောက်လာစေလား အောက်မေ့ရတယ်။ နောက်ဆုံးမှာ ဆရာပြောသွားတာ စာပေလွတ်လပ်ခွင့်၊ စာပေလွတ်လပ်ခွင့်နဲ့ ပါးစပ်က အော်နေလို့ မရဘူး။ လွတ်လပ်ခွင့်ဆိုတာ ကိုယ်တိုင် တိုက်ယူမှ ရတာတဲ့။ ဆရာက သူ့ကိုယ်သူ သတင်းစာသမား၊ သတင်းထောက်တယောက် အနေမျိုး ပြောသွားတာ။ သတင်းထောက်တွေဟာ အများတကာထက် အရင်ဦး သိရ၊ ကြားရ၊ မြင်ရတာချည်းပဲတဲ့။ ဖော်ကာဖရင်းရှစ် လေယဉ်ပျံတွေကို အစိုးရက ၀ယ်တော့ ခရီးစဉ် မပြေးဆွဲခင်၊ သတင်းထောက်တွေကို အကျွေးအမွေးတွေနဲ့ ဧည့်ခံပြီး လေယာဉ်ပျံကို အရင် စီးစေခဲ့တာတဲ့။ ဒါပေမယ့် တလောတုန်းက နိုင်ငံခြားက တင်သွင်းလာတဲ့ အသုဘတင် ယာဉ်ကြီးကိုတော့ စစ်ဗိုလ်ကြီးတယောက် အရင်စီးသွားတယ်တဲ့။ ရုပ်ရှင်မင်းသမီး ခင်သန်းနုက ရုပ်ရှင်တကားရိုက်ဖို့ အတွက် ကန်တော့ပွဲပေးတာကို သွားစားပြီး ပြန်လာတော့၊ အရေပြားရောဂါသည်တွေ ကလေးတွေကို ဖမ်းပြီး သူတောင်းစားလုပ်ခိုင်းတယ်လို့ လူတွေကြားမှာ ကောလဟလ ဖြစ်နေတာကို သတင်းစာက ဖြေရှင်းပေးဖို့ သတင်းစာတိုက်ရှေ့မှာ အုံနဲ့ ကျင်းနဲ့ အရေပြားရောဂါသည်တွေ လာစောင့်နေတာကိုလဲ ခံလိုက်ရကြောင်း။ တောင်သူလယ်သမားဆွေးနွေးပွဲ တခုမှာ အဖွင့်မိန့်ခွန်း ချွေဖို့ ဗိုလ်မှူးကြီးတဦးဟာ စင်မြင့်ပေါ် တက်လာသတဲ့။ ဂိုက်နဲ့ ဆိုက်နဲ့ အိတ်ထဲက စာကြည့်မျက်မှန်ကို ထုတ်၊ ယူလာတဲ့ စာရွက်ကို ဖြန့်ပြီး မိန့်ခွန်းချွေတော့ 'သဘာပတိကြီးခင်ဗျာ.. သဘာပတိကြီးခင်ဗျာ.. ဟာ ... ငါလိုးမသား နှစ်ခါထပ် ရိုက်ထားတယ်' လို့ စပီကာကနေ အပီအသကြီး ပေါ်ထွက်လာတယ်။ သူကတော့ အဲဒီလို အပြောသမားမျိုး မဟုတ်ရပါဘူးဆိုပြီး ဟာသလုပ်သွားတာ။ အမှတ်ရနေတယ် ဆရာရေ.......။
နောက်တယောက်က 'ဒေါင်းနွယ်ဆွေ'။ စင်မြင့်ပေါ်မှာ သတ္တုရေနွေးကြမ်းခရားထဲ အရက်ဖြူထည့်ပြီး၊ ရေနွေးကြမ်းပန်းကန်နဲ့ တခွက်ချလိုက် ဟောလိုက် လုပ်တာ သူတယောက်တည်း ၃ နာရီလောက်ကြာသွားတယ်။ ဒါတောင် ပွဲစီစဉ်သူတွေက နောက်ဟောမယ့် ဆရာတွေလည်း ရှိပါသေးတယ် ဆိုပြီး တားလို့။ အပြီးသတ်မှာ နောက်တခါ သူတယောက်ထဲ ဖိတ်၊ ငါးနာရီ ခြောက်နာရီ မနားတမ်း ဟောနိုင်တယ်တဲ့။ အဖွင့် မိန့်ခွန်းကို မှတ်မိ နေပါတယ်။ စကားပြောခွက်ရှေ့ကို ရောက်ရောက်ချင်း ငြိမ်းချမ်းရေး၊ ငြိမ်းချမ်းရေးလို့ တစာစာအော်နေပြီး ဗီယက်နမ်စစ်မြေပြင်မှာ အပြစ်မဲ့ ပြည်သူတွေကို မီးလောင်တိုက်သွင်းနေတဲ့ အမေရိကန် အစိုးရတဲ့။ ၀ါးရုံပင်ကြား မှာ၊ ၀ါးမြစ်စားပြီး၊ ၀က်လိုသေမယ်ဆိုတဲ့ စိုးကြီး၊ ခုတော့ ၀ီစကီသောက်၊ ၀က်ဂွန်စီးပြီး၊ ၀န်ကြီးရာထူး လိုချင်နေပြီ တဲ့။ ဒီစကားတွေနဲ့ ဖွင့်တော့၊ လက်ခုတ်သံတွေက ၀က်ဝက်ကွဲပေါ့။
နောက်တယောက်က 'အီကြာကွေး'။ 'အာရဒါးနား' ကုလားရုပ်ရှင်ထဲက ကျပ်လိယာ... အိုး... ကျပ်လိယာ သီချင်းကို ဆိုပြီး စင်ပေါ်တက်လာတယ်။ စာပေအနှစ်သာရ ဘာတခုမှ မပါတဲ့ ချက်အောက် ပြက်လုံးတွေနဲ့ ပရိသတ်ကို ပွဲကျစေပြီး အကြာကြီး ဟောသွားတာ။ သူ ကျပ်လိယာ သီချင်း ဆိုပြီး တက်လာရတာကလဲ သူ့ရှေ့က ဟောတဲ့ 'ယုဝတီခင်စိန်လှိုင်' က သူရေးခဲ့တဲ့ တိုင်းရင်းသား ၀တ္ထုတွေအကြောင်း ပြောတာ၊ ၀တ္ထုတပုဒ်အကြောင်း ပြောပြီးတိုင်း အဲဒီ တိုင်းရင်းသားသီချင်းကို တပုဒ်စီဆိုပြတာ၊ ၀တ္ထု လေးငါးခြောက်ပုဒ်မှာ သီချင်း လေးငါး ခြောက်ပုဒ် ဆိုသွားတယ်။ ဒါကို 'ဆရာကြီးကွေး' က အားကျမခံ ငါလဲဆိုမှပဲလို့ ကြွေးကြော်ပြီး ကုလားသီချင်းတွေ ဆိုသွားတာ။
တခါတလေ ကိုယ့် စက်မှုတက္ကသိုလ်မှာတင် အားမရလို့ ၀ိဇ္ဇာသိပ္ပံ၊ စီးပွါးရေးတက္ကသိုလ်၊ ပညာရေး တက္ကသိုလ် တို့မှာတောင် သွားနားထောင်သေးတာ။ 'မောင်သာရ' ဟောတုန်းက သူ့ကို လူမမြင်ရဘူး။ စပွဲတလုံး ပေါ်ထောင်ထားတဲ့ ဆောင်းဘောက်ကြီးကို ကြည့်နားထောင်ရတာ။ အမရဆောင်နောက်က တခန်းနဲ့တခန်း ကျူထရံကာ ခြားထားတဲ့ ကျူတိုရီရယ် အခန်းတွေမှာလုပ်တယ်။ ဘယ်နှစ်ခန်းလဲတော့ မမှတ်မိဘူး။ အခန်းတိုင်းက ထိုင်စရာခုံတွေမှာ ကျောင်းသူကျောင်းသားတွေ အပြည့်။ 'မောင်သာရ' ကတော့ တခန်းခန်းကနေ ပြောနေပုံရတယ်။ သူရေးတဲ့ 'မောင်သိန်းလွင်ရဲ့ မစန်းစန်းဝင့်' ကနေ 'အသနက်မအောင်လံကြီးထူ' အထိ၊ ၀တ္ထုတွေအကြောင်း ပြောသွားတာ။ (အသနက်မအောင်လံကြီးထူ (၁၉၇၁) စာအုပ်က သူပြောနေတဲ့အချိန်မှာ နောက်ဆုံးထွက်ထားတာ)။ သူဟောတာ နိုင်ငံရေးအကြောင်း မပါဘူး၊ ရယ်စရာမပါဘူး၊ သူ့စာတွေပဲ ပြောသွား တယ်။ ဒါပေမယ့် နားထောင်လို့ ကောင်းလိုက်တာမှာ တချက်မှ မပျင်းရဘူး။ 'မောင်သာရ' ရေးစက စာတွေက ရှေးစာတွေထဲက အနုအလှတွေကို ကူးထည့် တန်ဆာဆင်ထားတာ၊ လူငယ်တွေအပေါ် ဘယ်လောက်လွှမ်းမိုး သက်ရောက်ခဲ့သလဲဆိုရင် မောင်သာရရဲ့ ညီမရည်းစားစာ အပေးခံရတာ သူ့ရဲ့ 'အသည်းညွန့်မှာ ကွန့်မြူးတဲ့ လိပ်ပြာ' စာအုပ်ထဲကတဲ့။
ကျနော်တို့မှာ ၀င်ကြေးမပေးရတဲ့ ဟောပြောပွဲတွေ မကဘူး။ မောင်သာရ ဦးဆောင်စီစဉ်တဲ့ ၀င်ကြေး ၃ ကျပ် ပေးရတဲ့ ၀ိုင်အမ်စီအေမှာ လုပ်တဲ့ပွဲလဲ အပတ်တိုင်းလိုလို သွားနားထောင်ဖြစ်တယ်။ စီစဉ်သူကတော့ လေဘေးရံပုံငွေ အတွက်လို့ ပြောတာပဲ။ ကိုယ်ချစ်တဲ့ စာရေးဆရာကော၊ ကိုယ်မုန်းတဲ့ စာရေးဆရာကော ၃ ကျပ် အကုန်ခံပြီး နားထောင်ခဲ့ရတာ။ 'အထောက်တော်လှအောင်' ဆို သူဘာတွေ ပြောမလဲ သိချင်လို့၊ မုန်းပေမယ့် ၃ကျပ် အရင်းအနှီး ပေးခဲ့ရတယ်။ ဒါတောင် အဲဒီက ဆွေးနွေးချက်တွေကို အသံသွင်းထားတဲ့ တိတ်ခွေကနေ ကူးပြီး စာအုပ်ထုတ်တာကိုလဲ ၀ယ်သိမ်းရသေးတာ။
ကိုယ်ငယ်ငယ်က ပန်းဘဲတန်းမြို့နယ်၊ မဂိုလမ်းမှာ နေတာ။ ကိုယ့်အိမ်နားက ဟိုခေတ်အခေါ် ငါးဦးကော်မတီလား ဘာလား အခေါ်အဝေါ်ကို သိတ်တော့ မမှတ်မိတော့ဘူး။ ရပ်ကွက်လူကြီး ဆိုပါတော့။ သူက စာရေးဆရာ ရွှေတည်လျောင်။ မဂိုလမ်းအလယ်လမ်းမှာက စာရေးဆရာ 'ကြူမွှေး' နေတယ်။ တလမ်းနဲ့ တလမ်းက အပြိုင်။ ဘာလုပ်လုပ် အပြိုင်။ စာပေ ဟောပြောပွဲဆိုလဲ တလမ်းက လုပ်တာနဲ့ တလမ်းကလဲ အားကျမခံ လိုက်လုပ်တာ။ ဘယ်သူတွေ လာဟောသလဲတော့ မမှတ်မိတော့ဘူး။ 'ကြူမွှေး' က စာရေးတာသာ ရီရတာ၊ အဟောအပြော မကောင်းရှာဘူး။
မှတ်မိတာက ၂၈ လမ်းလား၊ ၂၇ လမ်းလားမသိဘူး။ စာပေဟောပြောပွဲလုပ်တယ်။ လာပြောတဲ့အထဲမှာ မှတ်မိနေတာ 'မြတ်လေး'။ သူပြောတဲ့အထဲမှာ လူငယ်လေးတွေ တီးတာမှုတ်တာ တော်ချင်သားနဲ့ အဖွဲ့နာမည်ပေး ထားတာ အမေရိကန်က ဖာခေါင်းသာသာလောက်ရှိတဲ့လူ ထုတ်တဲ့ မဂ္ဂဇင်းနာမည်၊ 'ပလေးဘွိုင်' တဲ့။ ဟုတ်ပ။ အဲဒီတုန်းက ပလေးဘွိုင် ပေါ်စ။ သူကတော့ ရုပ်ရှင်ထဲကအတိုင်း ပခုံးကလေးတွန့်၊ မျက်စကလေး ချီပေါ့။
နားထောင်ယုံမက တခါတော့ ဟောပြောပွဲ ခရီးထွက်တာ အပျော်လိုက်သွားဖူးတယ်။ ဆရာကြီး 'တင့်ဆန်း'၊ 'မြင့်မောင်မောင်'၊ 'မောင်သိန်းဆိုင်'၊ 'လွင်စန်းယဉ်' တို့နဲ့ ပုသိန်ခရိုင်၊ ငပုတောနဲ့ ပြင်ခရိုင် ကို လိုက်သွားဖူးတယ်။ ခုတော့ ဒီဆရာတွေ မရှိကြတော့ဘူး။ နောက်ဆုံး ကွယ်လွန်သွားတာ 'လွင်စန်းယဉ်'။ လမ်းတလျှောက် ယမကာတွေ အလျှံပယ်ပေါ့။ ဆရာဦးတင့်ဆန်းက 'ဒီကောင်တွေနဲ့ လိုက်ရတာကွာ အရက်ကို သောက်ရတယ် မှမရှိဘဲ။ ဖြေနေရတာနဲ့ မဆုံးတော့ဘူးတဲ့.....'။ ဦးတင့်ဆန်းနဲ့ မောင်သိန်းဆိုင်က သားအဖ။
အခု ကိုယ်တို့နေတဲ့ LA မှာ စာပေဟောပြောပွဲ လာလုပ်တော့ အလုပ်မအားလို့ ဟောပြောတဲ့ နေ့မှာ သွားရောက် မနားထောင်လိုက်ရပေမယ့် စာရေးဆရာတွေနဲ့ တရက်ခွဲလောက် ပြောကြဆိုကြ ရယ်ကြမောကြတာ၊ နောက်တနေ့ ကိုယ့်အလုပ်ထဲ ပြန်ရောက်တာတောင် လိပ်ပြာက သူတို့ဆီ ကျန်ခဲ့လို့ မနည်း ကိုယ့်လိပ်ပြာကိုယ် ပြန်ခေါ်လိုက် ရတယ်။
မောင်အေးဝင်း။
၁၁၊ ၂၂၊ ၀၉။ (LA စာပေဟောပြောပွဲနေ့)
ကိုယ်က စာပေ၀ါသနာအိုး။ စာပေ ဟောပြောပွဲဆိုတဲ့ အသံကြားမိရင် ရင်ထဲမှာ လှုပ်ရှားမှု တခု ဖြစ်လာသလိုလို။ အမေရိကမှာ ဗမာပြည်က စာရေးဆရာတွေ ဟောပြောတဲ့ စာပေဟောပြောပွဲ ဆိုတာလဲ ကဗျာဆရာကြီး ဦးတင်မိုး ရောက်လာပြီးမှ သူ့ရဲ့ တိုက်တွန်းလှုံ့ဆော်မှုကြောင့် စာပေဟောပြောပွဲ မျက်စိနား ပွင့်လာတယ် ထင်တာပဲ။ (ဒိအရင်က ရှိခဲ့ဖူးရင် ကျနော့ရဲ့ အမှတ်မှားမှုကို ထောက်ပြပေးကြပါဗျာ)။
ဗမာစာရေးဆရာတွေ စာတမ်းဖတ်တာတွေတော့ ရှိခဲ့ဖူးပါတယ်။ ကိုယ်ကြုံဖူးတာက Getty Museum ရဲ့ ဖိတ်ကြားမှုနဲ့ စာရေးဆရာမ 'ဂျူး' လာတုန်းက Villa Aurora မှာလုပ်တဲ့ စာတမ်း ဖတ်ပွဲပါ။ ဒါလဲ ဗမာလို ဟော၊ ဗမာလို ပြောပြီး ဗမာပရိသတ်တွေ နားထောင်တဲ့ ပွဲတော့ မဟုတ်ပါ။ ခန်းမငယ်လေးတခုစာ ပရိသတ်တွေ လာနားထောင်တဲ့ စာတမ်းဖတ်ပွဲလေးပေါ့လေ။
ဒီတခါ ဟောပြောပွဲက အယ်လ်အေအော်ဂနိုက်ဆာက စည်းရုံးလှုံ့ဆော်ပြီး ကမကထ လုပ်တဲ့ပွဲပါ။ ဂီတအနုပညာရှင်ကြီး ဒေါ်မာမာအေး၊ ကဗျာဆရာ 'အောင်ဝေး'၊ ကဗျာဆရာမ၊ ၀တ္ထုရေးဆရာမ 'မေငြိမ်း' (ကလောင်နာမည်မှာ ဦး၊ ဒေါ် မတပ်တာ ခွင့်လွှတ်ပါဗျာ) တို့ ပွဲဖြစ်ပါတယ်။
အရင်တုန်းကလဲ ကိုယ်တို့ မြို့ကို စာရေးဆရာတွေ လာဘူးတယ်။ 'အောင်ဗလ'၊ '၀င်းဖေ'၊ 'မောင်သာရ'၊ 'စောလူ'၊ 'မောင်သစ်ဆင်း' 'တင်မောင်သန်း'တို့ ဟောပြောကြတယ်။ အိမ်ခံ ကဗျာဆရာကြီး 'တင်မိုး' လဲ ပါတာပေါ့။ အမေရိကမှာ ဗမာ့ပွဲလမ်းသဘင်လုပ်တာ များသောအားဖြင့် အများသူငါ အလုပ်နား၊ အလုပ်အားတဲ့ တနင်္ဂနွေနေ့မှာပါ။ ကံဆိုးသူ ကျနော်မောင်ရှင်က တနင်္ဂနွေမှာ အလုပ်လုပ်ရပြီး သောကြာနေ့၊ စနေနေ့ နားတာမို့ တခါမှ မဆုံလိုက်ရပါ။ ဟောပြောပွဲတွေမှာ ရှေ့နားက ထိုင်ပြီး လက်ခုပ်နာနာ မတီးရတာ ကြာပါပေါ့။
ပြည်တွင်းမှာ စစ်အစိုးရရဲ့ အောက်မှာ ပညာသားပါပါ အနှောင့်အသွား မလွတ်တာတွေကို နားထောင်ပြီး၊ ပီတိ ဖြစ်ခဲ့ရတာ။ ဒါတွေကို ရှေ့ခေတ်ဟောင်း အောက်မေ့ဘွယ် မှတ်မိသမျှ ရေးပြချင်ပါတယ်။
ထောင်ကထွက်လာပြီး ၇၈ ခုနှစ် ကနေ၊ ၈၉ ခုနှစ် ပြည်တွင်းက ထွက်ပြေးလာရတဲ့အထိ ၁၀ နှစ်တာ အတွင်း စာပေဟောပြောပွဲ တခါပဲ နားထောင်ရပါတယ်။ သူငယ်ချင်း ပုတီးကုန်းစိန်ဝင်းက ရင်ခုန်စရာကောင်းတဲ့ သူရဲ့ ပွဲကို လာနားထောင်ပေးပါ။ စင်ပေါ်ကနေ ကျနော်တို့ မျက်နှာတွေ မြင်နေရင် သူ အားတက်နေမယ်ဆိုလို့။ ဟုတ်တယ်လေ ဒီ စက်မှုမှာ အရင့်အရင်တွေက သူတို့နဲ့ ကိုယ်နဲ့ စင်အောက်ကနေ လက်ခုတ်အတူ တီးခဲ့တာ။ ဒီတချီမှာ သူက စင်ပေါ်က ဖြစ်တော့ ရင်ခုန်သံ မြန်နေမှာ။ အဲဒီမှာ သူက သူ့ရဲ့ 'အရိန္ဒမာသိပါစေ' ကဗျာကို ရွတ်သွားတယ်။ နောက် အဲဒီ ကဗျာကို အခြေခံတဲ့ လုံးချင်းတပုဒ် ထွက်လာတယ်။
ထောင်ထဲမ၀င်ခင် တလအလိုမှာ နားထောင်ရတဲ့ပွဲက မှတ်မှတ်ရရပါပဲ။ ကိုယ်တို့ ဓါတုအင်ဂျင်နီယာ အသင်းက လုပ်တဲ့ စာပေဟောပြောပွဲ။ ဆရာမကြီး ဒေါ်ခင်မျိုးချစ်၊ 'မင်းကျော်'၊ 'သခင်မြသန်း' တို့ပွဲ။ ဆရာသခင်မြသန်း ဟောသွားတဲ့အထဲမှာ စကားတလုံးဟာ မှိုင်းရာပြည့်ပွဲ ဖြစ်လို့ ကျောင်းမပိတ်ခင် အချိန်အထိ ကျောင်းသားတွေ ပါးစပ်ဖျားမှာ ရေပန်းစား ကျန်ရစ်ခဲ့တယ်။ "...ရုတ်.. ရုတ်၊ ရုတ်.. ရုတ်မလုပ်နဲ့၊ ရုတ်.. ရုတ် ရုတ်.. ရုတ် လုပ်ရင်၊ ဂုတ် ဂုတ်၊ ဂုတ် ဂုတ် ဖြစ်သွားမယ်...."
စာပေဟောပြောပွဲတွေကို တက္ကသိုလ်မှာ အများဆုံးနားထောင်ရတာ။ အထူးသဖြင့် စက်မှုတက္ကသိုလ် မှာ။ လက်ခုပ်တွေ နာနာတီးရတာ ရှိသလို၊ တ၀ါးဝါး ရီနေရတာလဲ ရှိတယ်။ ပျင်းစရာ ကောင်းတာလဲ ရှိပါတယ်။ စနေနေ့ဆိုရင် ကျနော်တို့ စက်မှုတက္ကသိုလ်မှာ ဟောပြောပွဲတွေ လုပ်လေ့လုပ်ထရှိတယ်။ စက်မှုအင်ဂျင်နီယာ အသင်း၊ လျှပ်စစ် အင်ဂျင်နီယာအသင်း၊ မြို့ပြအင်ဂျင်နီယာအသင်း၊ စက်မှုတက္ကသိုလ် အနုပညာအသင်း။ အသင်းကြီးတွေက တသင်းနဲ့ တသင်း အပြိုင်အဆိုင်။ ဖိတ်ကြားတယ်။ စာရေးဆရာတွေကလဲ တနှစ်အတွင်းမှာ မထပ်အောင် စီစဉ်ကြတာ။
ဆရာအောင်ဗလ ပြောတဲ့အခေါက်တုန်းကဆို လက်ခုပ်တီးရလွန်းလို့ အိမ်ပြန်ရောက်တော့ လက်ဖ၀ါး တွေ ကြိမ်းစပ်ပြီး နာနေတယ်။ ကျောင်းသားတွေရဲ့ လက်ခုတ်သံဟာ ပြောနေရင်း ပြောနေရင်းမှာ ဆရာ့စကား တွေကို ပြောင်မြောက်သထက် ပြောင်မြောက်လာစေလား အောက်မေ့ရတယ်။ နောက်ဆုံးမှာ ဆရာပြောသွားတာ စာပေလွတ်လပ်ခွင့်၊ စာပေလွတ်လပ်ခွင့်နဲ့ ပါးစပ်က အော်နေလို့ မရဘူး။ လွတ်လပ်ခွင့်ဆိုတာ ကိုယ်တိုင် တိုက်ယူမှ ရတာတဲ့။ ဆရာက သူ့ကိုယ်သူ သတင်းစာသမား၊ သတင်းထောက်တယောက် အနေမျိုး ပြောသွားတာ။ သတင်းထောက်တွေဟာ အများတကာထက် အရင်ဦး သိရ၊ ကြားရ၊ မြင်ရတာချည်းပဲတဲ့။ ဖော်ကာဖရင်းရှစ် လေယဉ်ပျံတွေကို အစိုးရက ၀ယ်တော့ ခရီးစဉ် မပြေးဆွဲခင်၊ သတင်းထောက်တွေကို အကျွေးအမွေးတွေနဲ့ ဧည့်ခံပြီး လေယာဉ်ပျံကို အရင် စီးစေခဲ့တာတဲ့။ ဒါပေမယ့် တလောတုန်းက နိုင်ငံခြားက တင်သွင်းလာတဲ့ အသုဘတင် ယာဉ်ကြီးကိုတော့ စစ်ဗိုလ်ကြီးတယောက် အရင်စီးသွားတယ်တဲ့။ ရုပ်ရှင်မင်းသမီး ခင်သန်းနုက ရုပ်ရှင်တကားရိုက်ဖို့ အတွက် ကန်တော့ပွဲပေးတာကို သွားစားပြီး ပြန်လာတော့၊ အရေပြားရောဂါသည်တွေ ကလေးတွေကို ဖမ်းပြီး သူတောင်းစားလုပ်ခိုင်းတယ်လို့ လူတွေကြားမှာ ကောလဟလ ဖြစ်နေတာကို သတင်းစာက ဖြေရှင်းပေးဖို့ သတင်းစာတိုက်ရှေ့မှာ အုံနဲ့ ကျင်းနဲ့ အရေပြားရောဂါသည်တွေ လာစောင့်နေတာကိုလဲ ခံလိုက်ရကြောင်း။ တောင်သူလယ်သမားဆွေးနွေးပွဲ တခုမှာ အဖွင့်မိန့်ခွန်း ချွေဖို့ ဗိုလ်မှူးကြီးတဦးဟာ စင်မြင့်ပေါ် တက်လာသတဲ့။ ဂိုက်နဲ့ ဆိုက်နဲ့ အိတ်ထဲက စာကြည့်မျက်မှန်ကို ထုတ်၊ ယူလာတဲ့ စာရွက်ကို ဖြန့်ပြီး မိန့်ခွန်းချွေတော့ 'သဘာပတိကြီးခင်ဗျာ.. သဘာပတိကြီးခင်ဗျာ.. ဟာ ... ငါလိုးမသား နှစ်ခါထပ် ရိုက်ထားတယ်' လို့ စပီကာကနေ အပီအသကြီး ပေါ်ထွက်လာတယ်။ သူကတော့ အဲဒီလို အပြောသမားမျိုး မဟုတ်ရပါဘူးဆိုပြီး ဟာသလုပ်သွားတာ။ အမှတ်ရနေတယ် ဆရာရေ.......။
နောက်တယောက်က 'ဒေါင်းနွယ်ဆွေ'။ စင်မြင့်ပေါ်မှာ သတ္တုရေနွေးကြမ်းခရားထဲ အရက်ဖြူထည့်ပြီး၊ ရေနွေးကြမ်းပန်းကန်နဲ့ တခွက်ချလိုက် ဟောလိုက် လုပ်တာ သူတယောက်တည်း ၃ နာရီလောက်ကြာသွားတယ်။ ဒါတောင် ပွဲစီစဉ်သူတွေက နောက်ဟောမယ့် ဆရာတွေလည်း ရှိပါသေးတယ် ဆိုပြီး တားလို့။ အပြီးသတ်မှာ နောက်တခါ သူတယောက်ထဲ ဖိတ်၊ ငါးနာရီ ခြောက်နာရီ မနားတမ်း ဟောနိုင်တယ်တဲ့။ အဖွင့် မိန့်ခွန်းကို မှတ်မိ နေပါတယ်။ စကားပြောခွက်ရှေ့ကို ရောက်ရောက်ချင်း ငြိမ်းချမ်းရေး၊ ငြိမ်းချမ်းရေးလို့ တစာစာအော်နေပြီး ဗီယက်နမ်စစ်မြေပြင်မှာ အပြစ်မဲ့ ပြည်သူတွေကို မီးလောင်တိုက်သွင်းနေတဲ့ အမေရိကန် အစိုးရတဲ့။ ၀ါးရုံပင်ကြား မှာ၊ ၀ါးမြစ်စားပြီး၊ ၀က်လိုသေမယ်ဆိုတဲ့ စိုးကြီး၊ ခုတော့ ၀ီစကီသောက်၊ ၀က်ဂွန်စီးပြီး၊ ၀န်ကြီးရာထူး လိုချင်နေပြီ တဲ့။ ဒီစကားတွေနဲ့ ဖွင့်တော့၊ လက်ခုတ်သံတွေက ၀က်ဝက်ကွဲပေါ့။
နောက်တယောက်က 'အီကြာကွေး'။ 'အာရဒါးနား' ကုလားရုပ်ရှင်ထဲက ကျပ်လိယာ... အိုး... ကျပ်လိယာ သီချင်းကို ဆိုပြီး စင်ပေါ်တက်လာတယ်။ စာပေအနှစ်သာရ ဘာတခုမှ မပါတဲ့ ချက်အောက် ပြက်လုံးတွေနဲ့ ပရိသတ်ကို ပွဲကျစေပြီး အကြာကြီး ဟောသွားတာ။ သူ ကျပ်လိယာ သီချင်း ဆိုပြီး တက်လာရတာကလဲ သူ့ရှေ့က ဟောတဲ့ 'ယုဝတီခင်စိန်လှိုင်' က သူရေးခဲ့တဲ့ တိုင်းရင်းသား ၀တ္ထုတွေအကြောင်း ပြောတာ၊ ၀တ္ထုတပုဒ်အကြောင်း ပြောပြီးတိုင်း အဲဒီ တိုင်းရင်းသားသီချင်းကို တပုဒ်စီဆိုပြတာ၊ ၀တ္ထု လေးငါးခြောက်ပုဒ်မှာ သီချင်း လေးငါး ခြောက်ပုဒ် ဆိုသွားတယ်။ ဒါကို 'ဆရာကြီးကွေး' က အားကျမခံ ငါလဲဆိုမှပဲလို့ ကြွေးကြော်ပြီး ကုလားသီချင်းတွေ ဆိုသွားတာ။
တခါတလေ ကိုယ့် စက်မှုတက္ကသိုလ်မှာတင် အားမရလို့ ၀ိဇ္ဇာသိပ္ပံ၊ စီးပွါးရေးတက္ကသိုလ်၊ ပညာရေး တက္ကသိုလ် တို့မှာတောင် သွားနားထောင်သေးတာ။ 'မောင်သာရ' ဟောတုန်းက သူ့ကို လူမမြင်ရဘူး။ စပွဲတလုံး ပေါ်ထောင်ထားတဲ့ ဆောင်းဘောက်ကြီးကို ကြည့်နားထောင်ရတာ။ အမရဆောင်နောက်က တခန်းနဲ့တခန်း ကျူထရံကာ ခြားထားတဲ့ ကျူတိုရီရယ် အခန်းတွေမှာလုပ်တယ်။ ဘယ်နှစ်ခန်းလဲတော့ မမှတ်မိဘူး။ အခန်းတိုင်းက ထိုင်စရာခုံတွေမှာ ကျောင်းသူကျောင်းသားတွေ အပြည့်။ 'မောင်သာရ' ကတော့ တခန်းခန်းကနေ ပြောနေပုံရတယ်။ သူရေးတဲ့ 'မောင်သိန်းလွင်ရဲ့ မစန်းစန်းဝင့်' ကနေ 'အသနက်မအောင်လံကြီးထူ' အထိ၊ ၀တ္ထုတွေအကြောင်း ပြောသွားတာ။ (အသနက်မအောင်လံကြီးထူ (၁၉၇၁) စာအုပ်က သူပြောနေတဲ့အချိန်မှာ နောက်ဆုံးထွက်ထားတာ)။ သူဟောတာ နိုင်ငံရေးအကြောင်း မပါဘူး၊ ရယ်စရာမပါဘူး၊ သူ့စာတွေပဲ ပြောသွား တယ်။ ဒါပေမယ့် နားထောင်လို့ ကောင်းလိုက်တာမှာ တချက်မှ မပျင်းရဘူး။ 'မောင်သာရ' ရေးစက စာတွေက ရှေးစာတွေထဲက အနုအလှတွေကို ကူးထည့် တန်ဆာဆင်ထားတာ၊ လူငယ်တွေအပေါ် ဘယ်လောက်လွှမ်းမိုး သက်ရောက်ခဲ့သလဲဆိုရင် မောင်သာရရဲ့ ညီမရည်းစားစာ အပေးခံရတာ သူ့ရဲ့ 'အသည်းညွန့်မှာ ကွန့်မြူးတဲ့ လိပ်ပြာ' စာအုပ်ထဲကတဲ့။
ကျနော်တို့မှာ ၀င်ကြေးမပေးရတဲ့ ဟောပြောပွဲတွေ မကဘူး။ မောင်သာရ ဦးဆောင်စီစဉ်တဲ့ ၀င်ကြေး ၃ ကျပ် ပေးရတဲ့ ၀ိုင်အမ်စီအေမှာ လုပ်တဲ့ပွဲလဲ အပတ်တိုင်းလိုလို သွားနားထောင်ဖြစ်တယ်။ စီစဉ်သူကတော့ လေဘေးရံပုံငွေ အတွက်လို့ ပြောတာပဲ။ ကိုယ်ချစ်တဲ့ စာရေးဆရာကော၊ ကိုယ်မုန်းတဲ့ စာရေးဆရာကော ၃ ကျပ် အကုန်ခံပြီး နားထောင်ခဲ့ရတာ။ 'အထောက်တော်လှအောင်' ဆို သူဘာတွေ ပြောမလဲ သိချင်လို့၊ မုန်းပေမယ့် ၃ကျပ် အရင်းအနှီး ပေးခဲ့ရတယ်။ ဒါတောင် အဲဒီက ဆွေးနွေးချက်တွေကို အသံသွင်းထားတဲ့ တိတ်ခွေကနေ ကူးပြီး စာအုပ်ထုတ်တာကိုလဲ ၀ယ်သိမ်းရသေးတာ။
ကိုယ်ငယ်ငယ်က ပန်းဘဲတန်းမြို့နယ်၊ မဂိုလမ်းမှာ နေတာ။ ကိုယ့်အိမ်နားက ဟိုခေတ်အခေါ် ငါးဦးကော်မတီလား ဘာလား အခေါ်အဝေါ်ကို သိတ်တော့ မမှတ်မိတော့ဘူး။ ရပ်ကွက်လူကြီး ဆိုပါတော့။ သူက စာရေးဆရာ ရွှေတည်လျောင်။ မဂိုလမ်းအလယ်လမ်းမှာက စာရေးဆရာ 'ကြူမွှေး' နေတယ်။ တလမ်းနဲ့ တလမ်းက အပြိုင်။ ဘာလုပ်လုပ် အပြိုင်။ စာပေ ဟောပြောပွဲဆိုလဲ တလမ်းက လုပ်တာနဲ့ တလမ်းကလဲ အားကျမခံ လိုက်လုပ်တာ။ ဘယ်သူတွေ လာဟောသလဲတော့ မမှတ်မိတော့ဘူး။ 'ကြူမွှေး' က စာရေးတာသာ ရီရတာ၊ အဟောအပြော မကောင်းရှာဘူး။
မှတ်မိတာက ၂၈ လမ်းလား၊ ၂၇ လမ်းလားမသိဘူး။ စာပေဟောပြောပွဲလုပ်တယ်။ လာပြောတဲ့အထဲမှာ မှတ်မိနေတာ 'မြတ်လေး'။ သူပြောတဲ့အထဲမှာ လူငယ်လေးတွေ တီးတာမှုတ်တာ တော်ချင်သားနဲ့ အဖွဲ့နာမည်ပေး ထားတာ အမေရိကန်က ဖာခေါင်းသာသာလောက်ရှိတဲ့လူ ထုတ်တဲ့ မဂ္ဂဇင်းနာမည်၊ 'ပလေးဘွိုင်' တဲ့။ ဟုတ်ပ။ အဲဒီတုန်းက ပလေးဘွိုင် ပေါ်စ။ သူကတော့ ရုပ်ရှင်ထဲကအတိုင်း ပခုံးကလေးတွန့်၊ မျက်စကလေး ချီပေါ့။
နားထောင်ယုံမက တခါတော့ ဟောပြောပွဲ ခရီးထွက်တာ အပျော်လိုက်သွားဖူးတယ်။ ဆရာကြီး 'တင့်ဆန်း'၊ 'မြင့်မောင်မောင်'၊ 'မောင်သိန်းဆိုင်'၊ 'လွင်စန်းယဉ်' တို့နဲ့ ပုသိန်ခရိုင်၊ ငပုတောနဲ့ ပြင်ခရိုင် ကို လိုက်သွားဖူးတယ်။ ခုတော့ ဒီဆရာတွေ မရှိကြတော့ဘူး။ နောက်ဆုံး ကွယ်လွန်သွားတာ 'လွင်စန်းယဉ်'။ လမ်းတလျှောက် ယမကာတွေ အလျှံပယ်ပေါ့။ ဆရာဦးတင့်ဆန်းက 'ဒီကောင်တွေနဲ့ လိုက်ရတာကွာ အရက်ကို သောက်ရတယ် မှမရှိဘဲ။ ဖြေနေရတာနဲ့ မဆုံးတော့ဘူးတဲ့.....'။ ဦးတင့်ဆန်းနဲ့ မောင်သိန်းဆိုင်က သားအဖ။
အခု ကိုယ်တို့နေတဲ့ LA မှာ စာပေဟောပြောပွဲ လာလုပ်တော့ အလုပ်မအားလို့ ဟောပြောတဲ့ နေ့မှာ သွားရောက် မနားထောင်လိုက်ရပေမယ့် စာရေးဆရာတွေနဲ့ တရက်ခွဲလောက် ပြောကြဆိုကြ ရယ်ကြမောကြတာ၊ နောက်တနေ့ ကိုယ့်အလုပ်ထဲ ပြန်ရောက်တာတောင် လိပ်ပြာက သူတို့ဆီ ကျန်ခဲ့လို့ မနည်း ကိုယ့်လိပ်ပြာကိုယ် ပြန်ခေါ်လိုက် ရတယ်။
မောင်အေးဝင်း။
၁၁၊ ၂၂၊ ၀၉။ (LA စာပေဟောပြောပွဲနေ့)
Sunday, November 22, 2009
တမ်းတလို့လွမ်းရပါတယ်.... (၂)
ရေးသူ- မောင်အေးခိုင်
"အော်.... မိုးတသဲသဲ၊ နွားချေးနံ့ တသင်းသင်း၊ အာရ်အိုင်တီမှာ ကျောင်းတက်ရလို့မှ ပျော်ခါစရှိသေး၊ နှစ်လလောက်မှာ ကျွန်းဆွယ်အရေးအခင်းဖြစ်လို့ စစ်အစိုးရက တက္ကသိုလ်နဲ့ ကောလိပ်တွေကို ပိတ်လိုက် ပါတယ်။....." လို့ (၁) မှာ အဆုံးသတ်ခဲ့တာ။ ဆက်မိသွားအောင် ကျွန်းဆွယ်အရေးအခင်းအကြောင်း နည်းနည်း ရေးလိုက်ပါအုန်းမယ်။
ကဗျာဆရာတယောက်က အသံလွှင့်ဌာနတခုကနေ အသံလွှင့်ခဲ့တာ နည်းနည်း လွဲနေတယ်ထင်လို့ စေတနာနဲ့ ပြန်တည့်ပေးတာပါ။ အမှားကြီးတော့ မဟုတ်ပါဘူး။ ဆရာ့ခမျာ နှစ်တွေကြာလာတော့ မေ့ကောင်း မေ့သွားတာလား၊ သူများအပြောနားထောင်ပြီး ရေးတာလား မသိပါ။ ဒီရေဒီယိုကို နားထောင်တဲ့ ပရိသတ်တွေဟာ ပြည်ပမှာထက် ပြည်တွင်းက ဖြစ်ပါတယ်။ သူတို့မှာ ဒီအလွဲကြီးကို ကြားရပြီး ပြန်တည့်ပေးချင်ပေမယ့် တည့်နိုင်ခွင့် မရှိတော့ စာရေးသူအပေါ်၊ အယ်ဒီတာတွေအပေါ် အားမလိုအားမရ ဖြစ်နေမလား မသိဘူး။ ကိုယ်ကတော့ မတော်တဆ ဖတ်မိလိုက်တဲ့အတွက် ခရီးသွားဟန်လွဲ နည်းနည်း အမုန်းဝင်ခံလိုက်ပါတယ်။ ကိုယ့်သမိုင်း ကိုယ်ရေးတာမို့ ကိုယ်ပြောတာ ကိုယ်တာဝန် ယူပါတယ်။
အရှေ့တောင်အာရှ ကျွန်းဆွယ်အားကစားပွဲတဲ့။ ဟိုတုန်းကခေါ်တာ။ အင်္ဂလိပ်လို SEAP Games (South East Asia Peninsular Games)။ ဗမာပြည်မှာ နှစ်ကြိမ် လုပ်ဖူးတယ်။ တကြိမ်က ကိုယ်တို့ ငယ်ငယ်တုန်းက။ နောက်တကြိမ်က ကိုယ်တို့ တက္ကသိုလ် ရောက်စ ပထမနှစ်။ တက္ကသိုလ်တွေက အလှအချောတွေရွေးပြီး ဖွင့်ပွဲနေ့မှာ နိုင်ငံအလံကိုင်တာ၊ စာတန်းကိုင်တာတွေ လုပ်ရတယ်။ ကိုယ်မှတ်မိ သလောက် သျှားလက်ချိုတဲ့။ ကြည်ကြည်ဟန် တဲ့။ ဌာနီမကွိုင် ဆိုလား။ ဒါလောက် ပဲ မှတ်မိတော့တယ်။
ကိုယ့်သူငယ်ချင်းက ရှေ့နေချုပ်ကြီး ဦးဘစိန်ရဲ့ မြေးဆိုတော့ ဖွင့်ပွဲနေ့မှာ သူ့အဖိုးအတွက် ရတဲ့ V.I.P လက်မှတ် နှစ်စောင်နဲ့ အထူးတန်းပွဲကြည့်စင်ရဲ့ Box ထဲကနေ ကိုယ်တို့ သွားကြည့်ကြတယ်။
အားကစားပြိုင်ပွဲတွေကို တနေရာတည်းမဟုတ်ပဲ နေရာတွေ ခွဲလုပ်ရတယ်။ သမိုင်းကောလိပ်ဝင်းထဲက အားကစားရုံကြီးထဲမှာ လက်ဝှေ့ပွဲလုပ်တယ်။ ရန်ကုန်တက္ကသိုလ်ဘွဲ့နှင်းသဘင်ခန်းမမှာက ဂျူဒိုပြိုင်ပွဲ။ ရေကူးပြိုင်ပွဲက ဦးဝိစာရလမ်း အမျိုးသားရေကူးကန်မှာ။
လက်ဝှေ့ပွဲကို လူကြိုက်ပိုများတယ်။ အဲဒီ လက်ဝှေ့ပွဲ ဒုတိယနေ့မှာ လက်မှတ်ရောင်းသူတွေက လက်မှတ်တွေကို နည်းနည်းပဲ အရောင်းပြပြီး မှောင်ခိုထုတ်လိုက်တယ်။ လက်ဝှေ့ပွဲ ကြည့်ချင်လွန်းလို့ လက်မှတ် တန်းစီနေကြတဲ့ သူတွေက လက်မှတ်ရောင်းတဲ့ အပေါက်က ကုန်ပြီလို့ ပိတ်လိုက်ပေမယ့် မှောင်ခိုသမားတွေက ပျော်ပျော်ပါးပါး ရောင်းလို့။ ပရိသတ်က ဒါကို မကျေနပ်ဘူး။ မကျေနပ်တဲ့အထဲမှာ ကျောင်းသားတွေလဲ ပါတယ်။ ဆူဆူပူပူဖြစ်တော့ ပွဲစောင့် ပုလိပ်တွေက စစ်ခါးပတ်တွေနဲ့ ရိုက်တာ၊ ရုန်းရင်းဆန်ခတ်၊ ကွဲသူကွဲ၊ ပြဲသူပြဲ။ ကျောင်းသားတွေက အနီးအနား ကျောင်းသားဆောင်တွေထဲ ၀င်ပြေးတာကို၊ အဆောင်မှူးတွေ ဆရာတွေ တားနေတဲ့ကြားက ကိုရွှေပုလိပ်တွေက အဆောင်ထဲထိ ၀င်ရိုက်တာကိုး။ ကျောင်းသားလေ- ဘာရမလဲ အဆောင်ပေါ်က အုံနဲ့ကျင်းနဲ့ ဆင်းလာကြပြီး အရင်ဆုံး အဆောင် ပေါ်တီကိုကြီးအောက်က မီးချောင်းတွေကို ပစ်ခွဲလိုက်တယ်။
သမိုင်းဝင်းထဲက တခြားအဆောင်က ကျောင်းသားတွေပါ ၀င်လာပေါင်းကြပြီး လူစုခွဲဖို့ မီးသတ်ပိုက်နဲ့ ပက်တဲ့ မီးသတ်ကားကြီးကိုလဲ တွန်းလှဲပြီး မီးရှို့လိုက်တယ်။ ရဲကားနှစ်စီးလား သုံးစီးလား ပက်လက်လှန်ပြီး မီးရှို့လိုက်ကြ တယ်။ စစ်အစိုးရက နောက်တနေ့ မနက် ရေဒီယိုကနေ သတင်းကြေညာတော့ ကျောင်းတွေကို ပိတ်လိုက်ကြောင်း ကြေညာချက် ထုတ်တယ်။
ကိုယ်က ပထမညမှာ ဘွဲ့နှင်းသဘင်ခန်းမထဲက ဂျူဒိုပွဲမှာရောက်နေပြီး၊ အဲဒီဖြစ်တဲ့ညမှာ မှတ်မှတ်ရရ သမတရုပ်ရှင်ရုံမှာ Its a mad, mad, mad world ဆိုတဲ့ ရုပ်ရှင်ကို ၆ နာရီခွဲပွဲ ကြည့်နေလို့ မသိလိုက်ဘူး။ နောက်တနေ့ ထုံးစံအတိုင်း ကျောင်းသွားတယ်။ ပုံဆွဲရမယ့်နေ့ဆိုတော့ တီစကွဲ (T- Square) တဖက်၊ ထမင်းဗူးတဖက်နဲ့ သိမ်ကြီးဈေးနားက နံပတ် (၈) ကားမှတ်တိုင်ကို ချီတက်နေတုန်း အဖေက ခေါ်ခိုင်းလို့ ဆိုပြီး အကိုက နောက်ကနေ အပြေးလာလိုက်ခေါ်တယ်။ ကျောင်းမှာဆူနေလို့ ကျောင်းတွေပိတ်လိုက်ကြောင်း အကိုက လာပြောတယ်။ စိတ်ဝင်စားသွားပြီ။ အကို့ကို ငါ့မတွေ့တော့ဘူးလို့ ပြောလိုက်လို့ ပြောပြီး ဆိုက်လာတဲ့ နံပတ်(၈) ဘတ်စ်ကားပေါ် တက်ခဲ့တယ်။ ဘတ်စ်ကားဟာ မြေနီကုန်းရောက်တော့ လမ်းတွေ ပိတ်ထားလို့ ပြည်လမ်းမကနေ ကမာရွတ်ဖက်ကို ဆက်မသွားတော့ပဲ မြေနီကုန်းမှာ ဦးဝိစာရလမ်းဘက်ကို ချိုးလိုက်ပြီး ရွှေဂုံတိုင်ဘက်ကနေ ကမ္ဘာအေးဘုရားလမ်း အတိုင်း သွားတာ၊ အာလိန်ငါးဆင့်မှာ ကွေ့ပြီး အင်းစိန်မှာ ဂိတ်သွား ဆုံးတယ်။
ကိုယ့်လိုပဲ ကျောင်းလာတက်တဲ့လူတွေ အင်းစိန်ဟီးနိုးကားဂိတ်ကနေ အာရ်အိုင်တီကို လမ်းလျှောက် ကြရတယ်။ ကိုယ်လဲ ကျောင်းရောက်တော့ လက်ဘက်ရည်ဆိုင်မှာ တီစကွဲကို အပ်ပြီး၊ ယူလာတဲ့ ထမင်းဗူးကို ဖွင့်စားလိုက်တယ်။ မှတ်မှတ်ရရ အဲဒီနေ့မှာ အဖွားက ၀က်သားနုတ်နုတ်စင်းထားတာကို အာလူးအကွင်းလိုက်၊ ကြက်သွန်အကွင်းလိုက်လေး နဲ့ ချက်ပေးလိုက်တယ်။ စားလို့ ကောင်းမှကောင်း။ ကျောင်းလဲ ပိတ်လိုက်ပြီ၊ သူငယ်ချင်းတွေကလည်း ပထမနှစ်ဆိုတော့ အကုန်လုံး သမိုင်းက အဆောင်တွေမှာပဲ။ ကိုယ်က အဲဒီဖက်ကို သွားချင်တာ။ ကျိုက်ကုလားလောက် ကနေ လမ်းပိတ်ထားလို့ ဘတ်စကားတွေလဲ မသွားရဘူး။ ဒါနဲ့ ကိုယ်လဲ ဘီပီအိုင်ဘူတာကနေ ရထားစီးပြီး အိမ်ကို ပြန်ခဲ့ရတယ်။ မစန္ဒာလည်း ဒီအကြောင်းတွေ နည်းနည်းပါးပါး သူ့ရဲ့ အရိပ် ၀တ္ထုထဲ ထည့်ရေးဖူးတယ် ထင်ပါတယ်။ မေ့နေပြီ။
ကျောင်းက သိတ်အကြာကြီးမပိတ်ပါဘူး။ နယ်ကလူတွေ အိမ်ပြန်လို့မှ အိမ်မှာ ဖင်မနွေးခင် ပြန်လာကြ ရတယ်။ နှစ်လလောက်နေတော့ ပထမအစမ်း စာမေးပွဲ စစ်ပြီး နွေရာသီ ကျောင်းပိတ်ပြန်တယ်။
ကျောင်းပြန်အဖွင့်မှာ မိတ္ထီလာခရိုင် အသုံးလုံးသွားဖို့ လှုပ်ရှားမှုတွေ၊ တက္ကသိုလ်ရွှေရတုအတွက် လှုပ်ရှား ကြတာတွေ။ ပျော်စရာကြီးပဲ။ ရွှေရတု ပို့စကဒ်တွေမှာ ဆရာဦးနန်းဝေ၊ ဆရာဗဂျီအောင်စိုးတို့ရဲ့ ပန်းချီလက်ရာ တွေ။ မောင်ပန်းမွှေးကဗျာစာအုပ်တွေကလဲ ကိုယ်တို့ အကြိုက်တွေ။
ကိုယ်လဲ အဲဒီနှစ်မှာ ပျော်ပျော်ကြီးပဲ စာမေးပွဲ တနှစ်ကျခဲ့ရတယ်။ အဲဒီနှစ်က ကျောင်းမဂ္ဂဇင်းမှာ "အေးဝင်း(ဓါတု)" ကလောင်နာမည်နဲ့ ကိုယ့်ကဗျာ ပါတယ်။ ကဗျာ အစအဆုံးတော့ မမှတ်မိတော့ဘူး။ ကဗျာထဲမှာ ".... ကျောင်းတွင်လည်းပျော်၊ စာလဲတော်၍၊ အဖော်အပေါင်း၊ ကြည့်၍ ပေါင်းလော့....." တဲ့။ အဲဒီ မဂ္ဂဇင်းကို ဖတ်တဲ့ မိန်းကလေး သူငယ်ချင်းတယောက်က "အေးဝင်း- နင်က ကျောင်းတွင်လည်ပျော်၊ ပျော်လည်းပျော်.. ပျော်ပြီးရင်းပျော်လို့ စာမေးပွဲကျသွားတာလား" တဲ့။ ကဗျာအောက်မှာ ခဲတံနဲ့ ရေးပြီး မှတ်ချက်ပေးခဲ့တယ်။
ကလောင်နာမည်နဲ့ ပါတ်သက်လို့ ပထမနှစ်က အေးဝင်း(ဓါတု) ပဲ။ ကျောင်းမဂ္ဂဇင်းမှာ စရေးတော့ ကိုယ့် အဓိက ဘာသာရပ် ဓါတုကို နောက်ကထည့်လိုက်တာ။ နောက်တနှစ်ပြီး နောက်တနှစ်မှာ သူငယ်ချင်း မောင်စိန်ဝင်း (ပုတီးကုန်း) က အကြံပေးတယ်။ ကိုယ်က ဒီကျောင်းမဂ္ဂဇင်းတခုပဲ ရေးမှာမှ မဟုတ်တာ။ နောက်တော့ နာမည်ရလာလို့ ကျောင်းကလဲ ပြီးလို့ အပြင်မှာ ရေးရင်၊ ဒီ (ဓါတု) ကြီးက ဖြုတ်ရခက်သွားမယ်။ သူက စာရေးတာ ကိုယ့်ထက်အများကြီး စောတယ်။ တိုင်းရင်းမေတို့၊ ရှုမ၀မဂ္ဂဇင်းတို့မှာလဲ ပါပြီးနေပြီ။ ခုမှ ပုတီးကုန်း ဆိုတာကြီး ဖြုတ်ချင်တာ ဖြုတ်လို့ မရတော့ဘူးတဲ့။ ဟုတ်တယ်လေ။ ကိုယ်တို့လို ရင်းတဲ့လူတွေကတောင် နာမည်ရင်းကို ကိုစိန်ဝင်းလို့ သိတ်မခေါ်ဖြစ်ပဲ ပုတီးကုန်း ပဲ ခေါ်ကြတာ။ သူက ကိုယ့်ကို တခြားနာမည်ပေးရင်ပေး၊ မပေးချင်ရင်လဲ (ဓါတု) ဆိုတာကြီး ဖြုတ်ပြီး၊ ရိုးရိုးပဲ မောင်အေးဝင်း လို့ ပေးပေါ့ ဆိုလို့ "မနက်ဖန်" ဆိုတဲ့ ကဗျာက စပြီး ကလောင်နာမည်က မောင်အေးဝင်း ဖြစ်သွားတယ်။
ဟိုတုန်းက ကျောင်းမဂ္ဂဇင်းမှာ၊ အပတ်စဉ်ထုတ် စက်မှုသတင်းစဉ်မှာ ရေးတဲ့လူတွေ ခေါင်းထဲမှတ်မိ သမျှ- မမြင့်ခိုင်၊ မစန္ဒာ၊ စိန်ဂျွန်းမာလေး၊ မိနှောင်း၊ ပုသိမ်-ခင်လေး (ကွယ်လွန်)၊ မောင်စိန်ဝင်း (ပုတီးကုန်း)၊ ရင်မောင် ( ဒေါက်တာတိုင်းအုပ် ယခု ဂျပန်ပြည်) ယဉ်မောင်(ခရမ်း)၊ မောင်ဆန်းညွန့်-ရေကျော် (မောင်ညိုငယ်- ကွယ်လွန်)၊ မောင်မှိုင်းလွင် (အင်းဝ)၊ ဘုန်းနွယ်လင်း၊ ၀င်းမင်းထွေး (ယခု သီချင်းရေး ၀င်းမင်းထွေး)၊ ခိုင်အောင် (မြို့ဟောင်း)၊ မြေ၀ါ (တန့်ဆည်)၊ မောရူးဆိုး၊ တက္ကသိုလ်မိုးဝါ (ဆရာ ဦးမိုးအောင်)၊ မွမ်းရည်၊ တင်မောင်လှိုင်၊...... ဒီလူတွေက ၀တ္ထု၊ ကဗျာသမားတွေ။
နောက်ပီး ပန်းချီကာတွန်းသမားတွေ ရှိသေးတယ်။ ဆရာဦးဖုဏ်းကို၊ နီ၊ မြင့်ဖေ၊ အောင်မြင့် (ကြံ့ဗဟုံး)၊ မျိုးမြင့် (ချောင်းဦး)၊ လှသိန်း (အမေရိကန်ပြည် အိလိနွိုက်တွင် ကွယ်လွန်)၊.....။ ဂီတလောကမှာတော့သိကြတဲ့ အတိုင်း ခင်မောင်တိုး၊ ရဲလွင်၊ မောင်မောင် (အဉ္စလီ)၊ တင်အောင်မိုး(ရယ်ဂျီဘဦး? အယ်ဒီဘဦး?)။
တက္ကသိုလ်ရွှေရတုပွဲ ရောက်လာတယ်။ ကိုယ်တို့ စက်မှု က ထီးယိမ်း၊ အငြိမ့်၊ တပင်တိုင်အက.....။ ခု စင်္ကပူမှာ အခြေချ နေထိုင်သွားတဲ့ ကြည်ကြည်သန်း(ဓါတုအင်ဂျင်နီယာ) ဆို ထီးယိမ်းထဲမှာ ပါတာပေါ့။ စက်မှုစိန်အငြိမ့်က ရွှေရတုပွဲတခုလုံးမှာ နာမည်အရဆုံး။ ရွှေရတုပွဲ ပြီးတော့၊ နံမည်ကြီးလွန်းလို့ ဦးနေ၀င်းကတော် ဒေါ်ခင်မေသန်းက ကြည့်ချင်တယ်ဆိုလို့ အိမ်တော်မှာ သွားဖျော်ဖြေရသေးတယ်လို့ ကြားတယ်။
ရွှေရတုပွဲသုံးရက်မှာ ချလိုက်တဲ့ ဒီဇင်ဘာမိုးဟာ မရပ်မနား သဲကြီးမဲကြီး။ မိုးထဲရေထဲကြားမှာ ပွဲကလဲ စည်လိုက်တာမှ ကြိတ်ကြိတ်တိုး။ ကိုယ်က ပထမနှစ်ကျတဲ့ ပထမနှစ်ကျောင်းသားမို့ စိတ်နာနာနဲ့ ဓါတုအင်ဂျင်နီယာအသင်းက ဆိုင်ခန်းကို မသွားဖြစ်ဘူး။ ဌါနက လုပ်တဲ့ Pears ဆပ်ပြာလိုမျိုး transperent soap လုပ်ရောင်းတယ်။ နောက်ပီး ယိုးဒယား မုန့်ဟင်းခါးတဲ့။ ကြားသာကြားလိုက်တာ။ မမြင်ဖူးလိုက်ဘူး။ ကိုယ်က စက်မှုတက္ကသိုလ် အနုပညာအသင်းမှာ ဆရာဦးစောထွန်း(ယခု အီလီနွိုက်တက္ကသိုလ်) တို့နဲ့ 'ရနံ့ပန်း' ကဗျာစာအုပ် ထုတ်ရောင်းတယ်။ ရွှေချီဆနွင်းမကင်း ရောင်းတယ်။ မိုးတွေက သဲကြီးမဲကြီး၊ လျှပ်စစ်မီးကလဲ ခဏခဏပျက်နဲ့ ဆနွင်းမကင်း-ကဗျာစာအုပ် အတွဲဟာ မရောင်းရပါဘူး။ ၀ိဇ္ဇာသိပ္ပံတက္ကသိုလ် သတ္တဗေဒ ဌာနကတော့ ဘာမှ မရောင်းဘူး။ အဲဒိတုန်းက မြန်မာ့အသံ local talent မှာ၊ နာမည်ကြီးတဲ့ Darlington Tin တို့ အဖွဲ့ ခေတ်ပေါ်တေးဂီတတွေ တီးပြီး ဖျော်ဖြေတယ်။
သန်းနိုင်တို့ ပလေးဘွိုင်အဖွဲက အဓိပတိလမ်းမရဲ့ အပြင်ဘက်၊ ရန်ကုန်ဝိဇ္ဇာသိပ္ပံဆိုင်းဘုတ်နားမှာ စင်ထောင်ပြီး တီးကြတယ်။ မိုးတွေကရွာ မီးတွေကပျက်ကြားက လျှပ်စစ်ဂီတာတွေ မတီးနိုင်တဲ့အချိန်မှာ ကိုသန်းနိုင် ဒရမ်တလက်ထဲနဲ့ ဖျော်ဖြေတာ နားထောင်လို့လဲကောင်း၊ ကြည့်လို့လဲကောင်း။
စက်မှုတက္ကသိုလ် ရေနံနဲ့သတ္တုတူးဖော်ရေးမှာ ရုပ်ရှင်မင်းသား ကိုမြင့်(သမန်းကျား) တို့ အဖွဲ့ ဖျော်ဖြေတယ်။ အဲဒီတုန်းက ကိုမြင့်က နောက်ဆုံးနှစ်ကျောင်းသား။ ဌာနမှူးဦးဝင်းကြိုင်ရဲ့ ဇနီး မိန်းကလေးကျောင်း ကျောင်းအုပ်ဆရာမကြီး အကူအညီနဲ့ ဒူးယားစီးကရက်ကို ကျောင်းသူလေးတွေ ရောင်းတယ်။ ၀ယ်သူကို ဆေးလိပ်မီးညှိပေးတော့ ကျောင်းသားတွေ တရုန်းရုန်းပေါ့။ လေတိုက်မှာစိုးလို့ မီးခြစ်သူလက်ကို လေကာသလို လက်ကို အုပ်ပြီး အသားယူ ထိကြတာ။
ဦးနေ၀င်းသမီး စန္ဒာဝင်းနဲ့ အပေါင်းအသင်းတွေက ဆေးတက္ကသိုလ် (၁) လိပ်ခုံးကြီးနားမှာ ဆာတေ အကင် လုပ်ရောင်းတယ်။ ဆာတေဆိုတာကလဲ အဲဒီတုန်းက အသစ်အဆန်း အစားအစာဖြစ်တော့ လက်မလည် ရောင်းရတယ်။ ကျနော့် အထင်တော့ ရန်ကုန်မြို့က ၁၉ လမ်းတို့ ဘာတို့မှာတောင် မပေါ်သေးဘူးထင်တယ်။ ဒင်းတို့ လောက်ပဲ နိုင်ငံခြားကို ထွက်လိုက်ဝင်လိုက် လုပ်နိုင်သူတွေဆိုတော့ ဒင်းတို့ တင်သွင်းလာသလား မပြောတတ်ဘူး။
ဒီလိုနဲ့ မိုးထဲလေထဲက ရွှေရတုပွဲဟာ သုံးရက်မြောက်တဲ့ နောက်ဆုံးညမှာ မိုးလေ နည်းနည်းစဲသွားလို့ ပွဲရက်နှစ်ရက် ထပ်တိုးကြောင်း ကြေညာတယ်။ ဒါပေမယ့် မော်လမြိုင်ကောလိပ်မှာ ဖြစ်နေတဲ့ သပိတ်ဟာ ရန်ကုန်တက္ကသိုလ်ကို လာကူးစက်မှာ အာဏာပိုင်တွေက မြင်ပြီး နေသာကြည်လင်နေတဲ့ ရက်တိုးနှစ်ရက်ရဲ့ ပထမနေ့ ညနေမှာပဲ ပိတ်ပစ်လိုက်တယ်။ ညနေလောက် ကျနော်ရောက်သွားတဲ့အချိန်မှာ ရွှေရတုပွဲ ပိတ်လိုက်ကြောင်း အဓိပတိလမ်းတလျှောက် ခေါက်တုံ့ခေါက်ပြန် အသံချဲ့စက်နဲ့ လိုက်အော်နေပြီ။ ကိုယ်တို့ ရွှေချီဆနွင်းမကင်းတွေလဲ ရောင်းရတော့မယ်ဟေ့လို့ အားခဲထားတာ နောက်တနေ့ အဆောင်တွေမှာ အိမ်ပြန်ကြဖို့ အထုတ်အပိုးပြင်နေတဲ့ ကျောင်းသူ ကျောင်းသားတွေကို စတုဒီသာ သွားကျွေးလိုက်ရတယ်။ ကဗျာစာအုပ်တွေမှာတော့ မြန်မာစာဌာနမှာ ထားရင်းပဲ ပျက်စီးသွားရရှာပါတယ်။
ကိုယ်ကြုံတွေ့ရတဲ့ ကိုယ့်မျက်မြင်ကို ရေးတယ်ဆိုပေမယ့် နှစ်တွေ ကြာညောင်းပြီမို့ လွဲတန်လွဲနိုင် ပါတယ်။ အမှန်ကို ထောက်ပြတဲ့သူရှိရင် ၀မ်းမြောက်ဝမ်းသာကြိုဆိုပါတယ်။ ဘန်ကောက်မှာနေတဲ့ သူငယ်ချင်းက ဒီနေ့ ဖြစ်ပျက်နေတဲ့ စက်မှုတက္ကသိုလ်ကို ရိုက်ထားတဲ့ ယူကျု (you tube) က ဗီဒီယို အပိုင်းစလေးကို ကြည့်လိုက်ရလို့ စိတ်ထဲမကောင်း ဖြစ်ရာက ဒီ 'တမ်းတလို့ လွမ်းရပါတယ်' ဖြစ်လာတာပါ။
ဆက်ပါဦးမည်။
၁၁၊ ၂၂၊ ၂၀၀၉။
Thursday, November 19, 2009
ဆင်ဖြူတော်မှီ ကြံစုတ်တဲ့စာတွေ
ရေးသူ- လူထုစိန်ဝင်း
"ဆင်ဖြူတော်မှီ ကြံစုတ်တယ်"ဆိုတဲ့ စကားကိုကျုပ်တော့ ဒီခေတ်ရောက်မှ သေသေချာချာသဘောပေါက် သွားတော့တယ်ဗျာ။ ခင်ဗျား တို့ စာရေးဆရာတွေရဲ့ ကျေးဇူးပဲ" မိတ်ဆွေအငြိမ်းစား ၀န်ထမ်းကြီးတဦးက အလည်လာရင်း အဆက်အစပ်မရှိ ပြောလိုက်တဲ့စကား ကြောင့် အံအားသင့်သွားရပါတယ်။ ဘာ့ကြောင့်ဒီလိုပြောမှန်း မသိပါဘူး။ ခဏကြာမှသူက စကားကိုဆက်ပြောပါတယ်။
ဆင်ဖြူတော်မှီ ကြံစုတ်တာ
" ဆရာမင်းသုဝဏ် အကြောင်းရေးထားတဲ့ ဆောင်းပါးမို့ ဖတ်ကြည့်လိုက်တယ်၊ ဆရာ့အကြောင်း၊ ဆရာ့စာတွေအကြောင်း ဘာမှဟုတ် ဟုတ်ငြားငြား မပါဘဲ၊ သူ့အကြောင်းတွေချည့် တပုဒ်လုံးရေးထားတယ်ဗျ။ ဆရာ့ကိုလည်း တခါပဲတွေ့ဖူးတယ် ဆိုရုံလောက်တွေ့ ဖူးတာ။ ဆရာ့အိမ်မှာလုပ်တဲ့ ထမနဲပွဲကို မိတ်ဆွေတယောက်ကခေါ်လို့ လိုက်သွားတာ။ ဆရာနဲ့ စကားတခွန်းတောင်ပြောဖူးတာ မဟုတ်ဘူး။ ဆရာမင်းသုဝဏ် အကြောင်းရေးတာဆိုရင်တော့ မဂ္ဂဇင်းတွေက ထည့်မှာပဲဆိုပြီး ရေးလိုက်တာပဲဗျ။ ဆင်ဖြူတော်မှီကြံစုတ်တယ်ဆိုတာ ဒါပဲမဟုတ်လား"။
စာဖတ်သူများ
မိတ်ဆွေက စာတော်တော်ဖတ်သူတယောက်ပါ။ မြန်မာစာတွေအပြင် အင်္ဂလိပ်စာတွေလည်း နှံနှံစပ်စပ်ဖတ်သူ ဖြစ်ပါတယ်။ ၀တ္ထုတွေ ဖတ်သလို စီးပွားရေး၊ လူမှုရေး၊ နိုင်ငံရေးစာအုပ်တွေလည်း ဖတ်ပါတယ်။ တခါတလေ ကိုယ်တောင်မဖတ်ရသေးတဲ့ စာအုပ်မျိုးကိုသူက ဖတ်ပြီးနေပါပြီ။ "ဒီစာအုပ် ကောင်းသဗျ၊ ဖတ်ကြည့်" ဆိုပြီး ယူလာပေးပါတယ်။ အငြိမ်းစားယူထားပြီးပြီ ဆိုတော့စာဖတ်တာကို အလုပ် တခုသဖွယ်သဘောထားပြီး တနေ့လုံးစာပဲဖတ်နေတတ်သူ ဖြစ်ပါတယ်။ စာရေးဆရာတွေကိုလည်း သူက တော်တော်လေးစားပါတယ်။ သူပြောလိုက်မှပဲ ပြန်စဉ်းစားမိပြီး "ဟုတ်ပေသားပဲ၊ သူပြောတာမလွန်ဘူး"လို့ မှတ်ချက်ချလိုက်ပါတယ်။
ကျေးဇူးတင်ပါတယ်
ဒီဘက်ပိုင်းမှာ ကွယ်လွန်ရှာကြပြီဖြစ်တဲ့ စာရေးဆရာကြီးတွေ ဆရာမကြီးတွေ အမှတ်တရစုပေါင်းစာအုပ်တွေ ထွက်တာတော်တော်များ ပါတယ်။ မွေးနေ့အမှတ်တရ၊ ကွယ်လွန်ခြင်း အမှတ်တရ အခမ်းအနားတွေလည်း လုပ်ကြပါတယ်။ ကောင်းတဲ့လုပ်ရပ်များ ဖြစ်ပါတယ်။ ဦးဆောင်ဦးရွက်ပြုသူများကိုလည်း ကျေးဇူးတင်စရာကောင်းပါတယ်။ အဲဒီလိုနေ့တွေ ရောက်တဲ့အခါ ဂျာနယ်မဂ္ဂဇင်းတွေမှာ အမှတ် တရဂုဏ်ပြုဆောင်းပါးတွေ အသားပေးဖော်ပြကြပါတယ်။ ဆရာ ဆရာမများအကြောင်း ရင်နှီးကျွမ်းဝင်သူတွေက ရေးကြတဲ့အခါ လူ မသိသေးတဲ့အကြောင်းအရာ အချက်အလက်တွေ သိရတဲ့အတွက် အလွန်အဖိုးတန်ပါတယ်။ ဥပမာ ဆရာမင်းသုဝဏ် ဆုံးပါးသွားပြီးမှ သား ဖြစ်တဲ့သူ ဒလဘန်းရေးသားတဲ့ စာတွေဟာဆိုရင် အရင်ကမသိရသေးတဲ့ အကြောင်းတွေ မမြင်ဖူးသေးတဲ့ ဓါတ်ပုံတွေ၊ ဆရာ မင်းသုဝဏ်နဲ့ တခြားခေတ်ပြိုင်ဆရာများ၊ ဆရာမများရဲ့ ထိတွေ့ဆက်ဆံမှုတွေကို ရေးသားထားတာကြောင့် အင်မတန်ကျေးဇူးကြီး လှပါတယ်။ မြန်မာ့စာပေသမိုင်းမှာ အတိုင်းမသိတန်ဖိုးရှိတဲ့ စာတွေဖြစ်ပါတယ်။
မသိဘဲ မဖတ်ဘဲ
ဒါပေမယ့်လို့ တချို့စာတွေကျတော့ အဲဒီလိုမဟုတ်ပါဘူး။ အရေးခံပုဂ္ဂိုလ်များအကြောင်းကို ကောင်းကောင်းသိထား တာမဟုတ်သလို အဲဒီဆရာ၊ ဆရာမတွေရဲ့စာတွေကိုလည် သေသေချာချာ ဖတ်ဖူးထားပုံမရပါဘူး။ ဆရာ၊ ဆရာမများအကြောင်း ဦးတည်ပြီး သူတို့အ ကြောင်းတွေဦးတည်ပြီး သူတို့အကြောင်းတွေချည့် လျှောက်ရေးထားကြတာပါ။ ဆရာ ဆရာမကြီးများကို ဘယ်လိုသိခဲ့တာ သူတို့စာ တွေကို ဘယ်လိုကြိုက်ခဲ့တာ ဆိုတာလောက်ကလွဲရင် ကျန်တာကသူတို့ အကြောင်းတွေချည့်ပါပဲ။ စောစောက ပြောခဲ့တဲ့ မိတ်ဆွေကြီး ရဲ့စကားလိုပဲ ဆရာကြီး၊ ဆရာမကြီးတွေအကြောင်း ရေးရင်တော့ ဂျာနယ်မဂ္ဂဇင်းမျာက ထည့်ပေးကြမှာပဲ ဆိုတဲ့စိတ်ကူးနဲ့ ရေးလိုက် ကြတာနဲ့တူပါတယ်။ ဘာအကြောင်းအရာ အချက်အလက်သစ်မှလည်း မသိရပါဘူး။ လူတကာသိပြီးသား အကြောင်းတွေပြန်ရေး ထား တာပါပဲ။ အကြောင်းအရာ အချက်အလက်သစ် မပါနိုင်ရင်လည်း ဆရာကြီး၊ ဆရာမကြီးများရဲ့ စာတွေကို ရှုထောင့်သစ်၊ အမြင်သစ်နဲ့ ကိုယ်တိုင်သိမြင်ခံစား ရတာမျိုးတွေ ဖြစ်သင့်ပါတယ်၊ ခုတော့ဘာကိုမှကို မပါပါဘူး။
စာပေပြတိုက်ကြီး ဖြစ်ဖို့
ဆရာကြီး၊ ဆရာမကြီးများနဲ့ ပက်သက်တဲ့ အမှတ်တရနေ့တွေမှာ သူတို့ရေးခဲ့တဲ့စာတွေ၊ လက်ရေးမူတွေ၊ ဓာတ်ပုံတွေ၊ မိတ်ဆွေများ၊ စာဖတ်ပရိတ်သတ်များနဲ့ အပြန်အလှန်ပေးစာတွေကို ၀ိုင်းဝန်ရှာဖွေစုဆောင်းပြီး ပြပွဲလေးလို ပြသတာမျိုးလုပ်ကြရင် ကောင်းလိမ့်မယ် ထင်ပါတယ်၊ သူတို့ရေးခဲ့တဲ့စာတွေကို ဝေဖန်ရေးဆရာများက ရှုထောင့်အမျိုးမျိုးက ရေးသားခဲ့ကြတဲ့ ဝေဖန်စာတွေကို လည်းရှာဖွေစု ဆောင်းပြီး ပြသသင့်ပါတယ်။ ပြပွဲပြီးတဲ့အခါ ဒီလိုဝိုင်းဝန်းရှာဖွေစုဆောင်း ပေးကြတာတွေအားလုံးကို မိသားစုထံအပ်နှံ သိမ်းဆည်း ထားမယ် ဆိုရင် တချိန်ချိန်မှာ စာရေးဆရာများအတွက် ပြတိုက်ကြီးမျိုးထူထောင်နိုင်တဲ့ အခါအများကြီး အကျိုးရှိစေပါလိမ့်မယ်။ ဒီလို စာပေပြတိုက်ကြီးမျိုးဟာ နောင်လာနောက်သားများအတွက် အဖိုးမဖြတ်နိုင်အောင် တန်ဖိုးရှိတဲ့အရာဖြစ်လာမှာ သေချာပါတယ်။
စာပေဖွံ့ဖြိုးစည်ပင်ရေး
နောက်တခုကတော့ ကွယ်လွန်သူ ဆရာ၊ ဆရာမများရဲ့ စာပေလက်ရာတွေကို လေ့လာသုံးသပ်တဲ့စာတမ်းတွေ ပြုစုရေးသားကြဖို့ ဖြစ် ပါတယ်။ ရသဗေဒ ပညာရှင်က ရသပညာရှုဒေါင့်က သုံးသပ်၊ ဘာသာဗေဒ ပညာရှင်က ဘာသာဗေဒရှုဒေါင့်က သုံးသပ်၊ မနုဿဗေဒ သမားက မနုဿဗေဒရှုဒေါင့်က သုံးသပ်၊ နိုင်ငံရေးသမားက နိုင်ငံရေးရှုဒေါင့်က သုံးသပ်၊ ၀တ္ထုရေးနည်း အတတ်ပညာသမားက အတတ်ပညာရှုဒေါင့်က သုံးသပ်၊ ဝေဖန်ရေးသမားက ဝေဖန်ရေးရှုဒေါင့်က သုံးသပ်စသဖြင့် ဘက်ပေါင်းစုံက စိစစ်သုံးသပ်တဲ့စာတမ်း တွေ ၀ိုင်းဝန်းပြုစုကြ၊ စာတမ်းဖတ်ပွဲတွေ လုပ်ကြဆိုရင် မြန်မာစာပေဖွံ့ဖြိုးစည်ပင်ရေးအတွက် အများကြီးအထောက်အကူ ရနိုင်ပါတယ်။ ဆရာ၊ ဆရာမကြီးမျာကို တကယ်လေးစားဂါဝရပြုရာလည်း ရောက်ပါတယ်။ ဆရာ၊ ဆရာမကြီးတွေ နာမည်ခုတုံးလုပ်ပြီး ကိုယ့်စာ မဂ္ဂဇင်းပါအောင် လုပ်တာမျိုးကတော့ ရှက်စရာလည်း ကောင်းပါတယ်။
ပြီးပြီးရော မလုပ်စေချင်
တခါက အဲဒီလိုစုပေါင်းရေးသားထားတဲ့ အမှတ်တရစာအုပ်တအုပ်ကို မိတ်ဆွေသတင်းစာဆရာ အယ်ဒီတာဟောင်းကြီး တယောက် ဖတ်ဖို့ပေးလိုက်ပါတယ်။ မိတ်ဆွေက စာအုပ်ကို လှန်လှောကြည်ပြီး.... "စာအုပ်ဖြစ်ပြီးရော မလုပ်ဘဲ၊ လောက်လောက်လားလား လူ တွေပါအောင်တော့ ကြိုးစားကြဖို့ ကောင်းတယ်ဗျာ"လို့ ကောက်ချက်ချပါတယ်။ သူလည်း ပင်စင်စားမိတ်ဆွေပြောသလို "ဆင်ဖြူ တော်မှီကြံစုတ်" တာတွေများနေတယ်လို့ ယူဆထားပုံပါပဲ။ မိတ်ဆွေအယ်ဒီတာဟောင်း ပြန်သွားတော့မှ ဒီကိစ္စကို သေသေချာချာ စဉ်းစားကြည့်မိပါတယ်။ တဦးတယောက်ကို ခုတုံးလုပ်ပြီး အမြင့်ရောက်အောင်တက်ချင်တာတို့ "ဆင်ဖြူတော်မှီ ကြံစုတ်" လုပ်ချင်တာ တို့က နေရာတိုင်း ခေတ်တိုင်းမှာ ရှိနေတာပါ။ စာပေလောက တခုတည်းမှာသာရှိတာ မဟုတ်ပါဘူး။ စီးပွားရေးလောက်ကတို့မှာ ပို တောင်ဆိုးလိမ့်မယ် ထင်ပါတယ်။
တမွန်းတည့်ခံများ
စာပေလောကမှာ ဖြတ်လမ်းက၀င်လာ စတန့်ထွင်ပြီး နာမည်ကြီးအောင်လုပ်တာ၊ နောက်ဖေးပေါက်က တိုးဝင်ပြီးနေရာရအောင်လုပ် တာမျိုးတွေ ရှေးကလည်းရှိပါတယ်။ ခုခေတ်လည်းရှိပါတယ်။ ဒါပေမယ့် ဒီလိုလူမျိုးတွေဟာ နာမည်ကြီးချင်ကြီးသွားလိမ့်မယ်။ သြဇာ ကြီးတဲ့အဆင့်ထိတော့ မရောက်ပါဘူး။ စာပေသြဇာဆိုတာ "စတန့်"နဲ့ ထူထောင်လို့ ရတာမျိုးမှမဟုတ်တာ။ စတန့်သမားက ထွင်စက တော့ဝုန်းခနဲ နာမည်ကြီးသွားနိုင်ပါတယ်။ ဒါပေမယ့် "တမွန်းတည့်" ပဲခံပါလိမ့်မယ်။ သေသေချာချာ စဉ်းစားကြည့်တော့"စတန့်"ထွင်ပြီး နာမည်ကြီးအောင် လုပ်သူပဲဖြစ်စေ၊ "ဆင်ဖြူတော်မှီ ကြံစုတ်" သူပဲဖြစ်စေ သိပ်ပြီး အပြစ်မတင်ချင်ဘူး။ စာပေ၀ါသနာပါတဲ့ လူငယ်လေး တွေအနေနဲ့ သူတို့ရေးတဲ့စာ၊ မဂ္ဂဇင်းစာမျက်နှာတွေပေါ်ရောက်ဖို့က တော်တော်ခက်တာ မဟုတ်လား။ ဒီတော့ ဖြတ်လမ်းပဲဖြစ်ဖြစ် ခွေး တိုးပေါက်ပဲဖြစ်ဖြစ် တိုးလို့ရတဲ့အပေါက်က တိုးဝင်ကြမှာပဲ။ ဒါ သဘာဝကျပါတယ်။ လမ်းရိုးလမ်းဖြောင့် ဆိုတာရှည်လျားခက်ခဲ လှ တယ်လေ။ လူငယ်တွေဆိုတော့ ဘယ်စိတ်ရှည်မှာလဲ။
အယ်ဒီတာမှာ တာဝန်ရှိတယ်
စတန့်တွေနဲ့ ကြံစုတ်တဲ့လုပ်ရပ်တွေ စာမျက်နှာပေါ် ရောက်လာရတာက အယ်ဒီတာတွေမှာ တာဝန်အရှိဆုံးဖြစ်ပါတယ်။ အယ်ဒီတာဆို တာက စာမှော်ရုံတောကြီးထဲကနေပြီး စာကောင်းစာသန့်ကို ရွေးထုတ်ရတဲ့သူဖြစ်တယ်။ ရွေးထုတ်ပြီးတဲ့စာကို ကောင်းသထက် ကောင်းအောင်၊ သန့်သထက်သန့်အောင် ပြုပြင်တည်ဖြတ် လုပ်ပေးရပါတယ်။ မဂ္ဂဇင်းထဲမှာ မကောင်းတဲ့စာ၊ မသန့်တဲ့စာ ပါလာရင် အယ်ဒီတာ ညံ့ဖျင်းလို့သာ ဖြစ်တယ်။ သူမကောင်းတာကို မသန့်မှန်းမသိလို့ သူ့မဂ္ဂဇင်းထဲ ထည့်လိုက်တာပေါ့။ မှော်ရုံတောကြီးထဲမှာ စာတွေကစုံမှာပေါ့။ ကောင်းတာပါသလို ညံ့တာတွေ မကောင်းတာတွေလည်း ရှိမယ်လေ။ ဒါတွေကိုရွေးချယ်သန့်စင်ဖို့အတွက် အယ်ဒီ တာဆိုတာ ရှိနေရတာမဟုတ်လား။ ဖြတ်လမ်းက စတန့်ထွင်ပြီးဝင်လာပဲ ဖြစ်ဖြစ်၊ ဆင်ဖြူတော်မှီ ကြံစုတ်တာပဲဖြစ်ဖြစ်၊ အယ်ဒီတာက ရွေးချယ် ထည့်သွင်းလို့သာ စာဖတ်ပရိတ်သတ်ဆီ ရောက်လာရတာဖြစ်တယ်။ ဒါကြေင့် မဂ္ဂဇင်းထဲမှာ ပါသမျှစာမူတိုင်းအတွက် အယ် ဒီတာမှာသာတာဝန်ရှိပါတယ်လို့ ဆိုလိုက်ပါရစေ။
လူထုစိန်ဝင်း
ကလျာ မဂ္ဂဇင်း အောင်တိုဘာ ၂၀၀၉
[အင်တာနက်ကနေ မိတ်ဆွေတယောက်ပို့ပေးတဲ့ ဒီစာမူကို copy/paste လုပ်ပြီး မာယာက ဖောင်ပြခြင်း ဖြစ်ပါတယ်။ ဆောင်းပါးပို့ပေးတဲ့ မိတ်ဆွေကိုရော၊ ဆောင်းပါးကို ဇော်ဂျီ font နဲ့ ရိုက်တဲ့ မိတ်ဆွေကိုပါ မာယာက ကျေးဇူးတင်ကြောင်း ဖော်ပြအပ်ပါသည်။]
ဆင်ဖြူတော်မှီ ကြံစုတ်တာ
" ဆရာမင်းသုဝဏ် အကြောင်းရေးထားတဲ့ ဆောင်းပါးမို့ ဖတ်ကြည့်လိုက်တယ်၊ ဆရာ့အကြောင်း၊ ဆရာ့စာတွေအကြောင်း ဘာမှဟုတ် ဟုတ်ငြားငြား မပါဘဲ၊ သူ့အကြောင်းတွေချည့် တပုဒ်လုံးရေးထားတယ်ဗျ။ ဆရာ့ကိုလည်း တခါပဲတွေ့ဖူးတယ် ဆိုရုံလောက်တွေ့ ဖူးတာ။ ဆရာ့အိမ်မှာလုပ်တဲ့ ထမနဲပွဲကို မိတ်ဆွေတယောက်ကခေါ်လို့ လိုက်သွားတာ။ ဆရာနဲ့ စကားတခွန်းတောင်ပြောဖူးတာ မဟုတ်ဘူး။ ဆရာမင်းသုဝဏ် အကြောင်းရေးတာဆိုရင်တော့ မဂ္ဂဇင်းတွေက ထည့်မှာပဲဆိုပြီး ရေးလိုက်တာပဲဗျ။ ဆင်ဖြူတော်မှီကြံစုတ်တယ်ဆိုတာ ဒါပဲမဟုတ်လား"။
စာဖတ်သူများ
မိတ်ဆွေက စာတော်တော်ဖတ်သူတယောက်ပါ။ မြန်မာစာတွေအပြင် အင်္ဂလိပ်စာတွေလည်း နှံနှံစပ်စပ်ဖတ်သူ ဖြစ်ပါတယ်။ ၀တ္ထုတွေ ဖတ်သလို စီးပွားရေး၊ လူမှုရေး၊ နိုင်ငံရေးစာအုပ်တွေလည်း ဖတ်ပါတယ်။ တခါတလေ ကိုယ်တောင်မဖတ်ရသေးတဲ့ စာအုပ်မျိုးကိုသူက ဖတ်ပြီးနေပါပြီ။ "ဒီစာအုပ် ကောင်းသဗျ၊ ဖတ်ကြည့်" ဆိုပြီး ယူလာပေးပါတယ်။ အငြိမ်းစားယူထားပြီးပြီ ဆိုတော့စာဖတ်တာကို အလုပ် တခုသဖွယ်သဘောထားပြီး တနေ့လုံးစာပဲဖတ်နေတတ်သူ ဖြစ်ပါတယ်။ စာရေးဆရာတွေကိုလည်း သူက တော်တော်လေးစားပါတယ်။ သူပြောလိုက်မှပဲ ပြန်စဉ်းစားမိပြီး "ဟုတ်ပေသားပဲ၊ သူပြောတာမလွန်ဘူး"လို့ မှတ်ချက်ချလိုက်ပါတယ်။
ကျေးဇူးတင်ပါတယ်
ဒီဘက်ပိုင်းမှာ ကွယ်လွန်ရှာကြပြီဖြစ်တဲ့ စာရေးဆရာကြီးတွေ ဆရာမကြီးတွေ အမှတ်တရစုပေါင်းစာအုပ်တွေ ထွက်တာတော်တော်များ ပါတယ်။ မွေးနေ့အမှတ်တရ၊ ကွယ်လွန်ခြင်း အမှတ်တရ အခမ်းအနားတွေလည်း လုပ်ကြပါတယ်။ ကောင်းတဲ့လုပ်ရပ်များ ဖြစ်ပါတယ်။ ဦးဆောင်ဦးရွက်ပြုသူများကိုလည်း ကျေးဇူးတင်စရာကောင်းပါတယ်။ အဲဒီလိုနေ့တွေ ရောက်တဲ့အခါ ဂျာနယ်မဂ္ဂဇင်းတွေမှာ အမှတ် တရဂုဏ်ပြုဆောင်းပါးတွေ အသားပေးဖော်ပြကြပါတယ်။ ဆရာ ဆရာမများအကြောင်း ရင်နှီးကျွမ်းဝင်သူတွေက ရေးကြတဲ့အခါ လူ မသိသေးတဲ့အကြောင်းအရာ အချက်အလက်တွေ သိရတဲ့အတွက် အလွန်အဖိုးတန်ပါတယ်။ ဥပမာ ဆရာမင်းသုဝဏ် ဆုံးပါးသွားပြီးမှ သား ဖြစ်တဲ့သူ ဒလဘန်းရေးသားတဲ့ စာတွေဟာဆိုရင် အရင်ကမသိရသေးတဲ့ အကြောင်းတွေ မမြင်ဖူးသေးတဲ့ ဓါတ်ပုံတွေ၊ ဆရာ မင်းသုဝဏ်နဲ့ တခြားခေတ်ပြိုင်ဆရာများ၊ ဆရာမများရဲ့ ထိတွေ့ဆက်ဆံမှုတွေကို ရေးသားထားတာကြောင့် အင်မတန်ကျေးဇူးကြီး လှပါတယ်။ မြန်မာ့စာပေသမိုင်းမှာ အတိုင်းမသိတန်ဖိုးရှိတဲ့ စာတွေဖြစ်ပါတယ်။
မသိဘဲ မဖတ်ဘဲ
ဒါပေမယ့်လို့ တချို့စာတွေကျတော့ အဲဒီလိုမဟုတ်ပါဘူး။ အရေးခံပုဂ္ဂိုလ်များအကြောင်းကို ကောင်းကောင်းသိထား တာမဟုတ်သလို အဲဒီဆရာ၊ ဆရာမတွေရဲ့စာတွေကိုလည် သေသေချာချာ ဖတ်ဖူးထားပုံမရပါဘူး။ ဆရာ၊ ဆရာမများအကြောင်း ဦးတည်ပြီး သူတို့အ ကြောင်းတွေဦးတည်ပြီး သူတို့အကြောင်းတွေချည့် လျှောက်ရေးထားကြတာပါ။ ဆရာ ဆရာမကြီးများကို ဘယ်လိုသိခဲ့တာ သူတို့စာ တွေကို ဘယ်လိုကြိုက်ခဲ့တာ ဆိုတာလောက်ကလွဲရင် ကျန်တာကသူတို့ အကြောင်းတွေချည့်ပါပဲ။ စောစောက ပြောခဲ့တဲ့ မိတ်ဆွေကြီး ရဲ့စကားလိုပဲ ဆရာကြီး၊ ဆရာမကြီးတွေအကြောင်း ရေးရင်တော့ ဂျာနယ်မဂ္ဂဇင်းမျာက ထည့်ပေးကြမှာပဲ ဆိုတဲ့စိတ်ကူးနဲ့ ရေးလိုက် ကြတာနဲ့တူပါတယ်။ ဘာအကြောင်းအရာ အချက်အလက်သစ်မှလည်း မသိရပါဘူး။ လူတကာသိပြီးသား အကြောင်းတွေပြန်ရေး ထား တာပါပဲ။ အကြောင်းအရာ အချက်အလက်သစ် မပါနိုင်ရင်လည်း ဆရာကြီး၊ ဆရာမကြီးများရဲ့ စာတွေကို ရှုထောင့်သစ်၊ အမြင်သစ်နဲ့ ကိုယ်တိုင်သိမြင်ခံစား ရတာမျိုးတွေ ဖြစ်သင့်ပါတယ်၊ ခုတော့ဘာကိုမှကို မပါပါဘူး။
စာပေပြတိုက်ကြီး ဖြစ်ဖို့
ဆရာကြီး၊ ဆရာမကြီးများနဲ့ ပက်သက်တဲ့ အမှတ်တရနေ့တွေမှာ သူတို့ရေးခဲ့တဲ့စာတွေ၊ လက်ရေးမူတွေ၊ ဓာတ်ပုံတွေ၊ မိတ်ဆွေများ၊ စာဖတ်ပရိတ်သတ်များနဲ့ အပြန်အလှန်ပေးစာတွေကို ၀ိုင်းဝန်ရှာဖွေစုဆောင်းပြီး ပြပွဲလေးလို ပြသတာမျိုးလုပ်ကြရင် ကောင်းလိမ့်မယ် ထင်ပါတယ်၊ သူတို့ရေးခဲ့တဲ့စာတွေကို ဝေဖန်ရေးဆရာများက ရှုထောင့်အမျိုးမျိုးက ရေးသားခဲ့ကြတဲ့ ဝေဖန်စာတွေကို လည်းရှာဖွေစု ဆောင်းပြီး ပြသသင့်ပါတယ်။ ပြပွဲပြီးတဲ့အခါ ဒီလိုဝိုင်းဝန်းရှာဖွေစုဆောင်း ပေးကြတာတွေအားလုံးကို မိသားစုထံအပ်နှံ သိမ်းဆည်း ထားမယ် ဆိုရင် တချိန်ချိန်မှာ စာရေးဆရာများအတွက် ပြတိုက်ကြီးမျိုးထူထောင်နိုင်တဲ့ အခါအများကြီး အကျိုးရှိစေပါလိမ့်မယ်။ ဒီလို စာပေပြတိုက်ကြီးမျိုးဟာ နောင်လာနောက်သားများအတွက် အဖိုးမဖြတ်နိုင်အောင် တန်ဖိုးရှိတဲ့အရာဖြစ်လာမှာ သေချာပါတယ်။
စာပေဖွံ့ဖြိုးစည်ပင်ရေး
နောက်တခုကတော့ ကွယ်လွန်သူ ဆရာ၊ ဆရာမများရဲ့ စာပေလက်ရာတွေကို လေ့လာသုံးသပ်တဲ့စာတမ်းတွေ ပြုစုရေးသားကြဖို့ ဖြစ် ပါတယ်။ ရသဗေဒ ပညာရှင်က ရသပညာရှုဒေါင့်က သုံးသပ်၊ ဘာသာဗေဒ ပညာရှင်က ဘာသာဗေဒရှုဒေါင့်က သုံးသပ်၊ မနုဿဗေဒ သမားက မနုဿဗေဒရှုဒေါင့်က သုံးသပ်၊ နိုင်ငံရေးသမားက နိုင်ငံရေးရှုဒေါင့်က သုံးသပ်၊ ၀တ္ထုရေးနည်း အတတ်ပညာသမားက အတတ်ပညာရှုဒေါင့်က သုံးသပ်၊ ဝေဖန်ရေးသမားက ဝေဖန်ရေးရှုဒေါင့်က သုံးသပ်စသဖြင့် ဘက်ပေါင်းစုံက စိစစ်သုံးသပ်တဲ့စာတမ်း တွေ ၀ိုင်းဝန်းပြုစုကြ၊ စာတမ်းဖတ်ပွဲတွေ လုပ်ကြဆိုရင် မြန်မာစာပေဖွံ့ဖြိုးစည်ပင်ရေးအတွက် အများကြီးအထောက်အကူ ရနိုင်ပါတယ်။ ဆရာ၊ ဆရာမကြီးမျာကို တကယ်လေးစားဂါဝရပြုရာလည်း ရောက်ပါတယ်။ ဆရာ၊ ဆရာမကြီးတွေ နာမည်ခုတုံးလုပ်ပြီး ကိုယ့်စာ မဂ္ဂဇင်းပါအောင် လုပ်တာမျိုးကတော့ ရှက်စရာလည်း ကောင်းပါတယ်။
ပြီးပြီးရော မလုပ်စေချင်
တခါက အဲဒီလိုစုပေါင်းရေးသားထားတဲ့ အမှတ်တရစာအုပ်တအုပ်ကို မိတ်ဆွေသတင်းစာဆရာ အယ်ဒီတာဟောင်းကြီး တယောက် ဖတ်ဖို့ပေးလိုက်ပါတယ်။ မိတ်ဆွေက စာအုပ်ကို လှန်လှောကြည်ပြီး.... "စာအုပ်ဖြစ်ပြီးရော မလုပ်ဘဲ၊ လောက်လောက်လားလား လူ တွေပါအောင်တော့ ကြိုးစားကြဖို့ ကောင်းတယ်ဗျာ"လို့ ကောက်ချက်ချပါတယ်။ သူလည်း ပင်စင်စားမိတ်ဆွေပြောသလို "ဆင်ဖြူ တော်မှီကြံစုတ်" တာတွေများနေတယ်လို့ ယူဆထားပုံပါပဲ။ မိတ်ဆွေအယ်ဒီတာဟောင်း ပြန်သွားတော့မှ ဒီကိစ္စကို သေသေချာချာ စဉ်းစားကြည့်မိပါတယ်။ တဦးတယောက်ကို ခုတုံးလုပ်ပြီး အမြင့်ရောက်အောင်တက်ချင်တာတို့ "ဆင်ဖြူတော်မှီ ကြံစုတ်" လုပ်ချင်တာ တို့က နေရာတိုင်း ခေတ်တိုင်းမှာ ရှိနေတာပါ။ စာပေလောက တခုတည်းမှာသာရှိတာ မဟုတ်ပါဘူး။ စီးပွားရေးလောက်ကတို့မှာ ပို တောင်ဆိုးလိမ့်မယ် ထင်ပါတယ်။
တမွန်းတည့်ခံများ
စာပေလောကမှာ ဖြတ်လမ်းက၀င်လာ စတန့်ထွင်ပြီး နာမည်ကြီးအောင်လုပ်တာ၊ နောက်ဖေးပေါက်က တိုးဝင်ပြီးနေရာရအောင်လုပ် တာမျိုးတွေ ရှေးကလည်းရှိပါတယ်။ ခုခေတ်လည်းရှိပါတယ်။ ဒါပေမယ့် ဒီလိုလူမျိုးတွေဟာ နာမည်ကြီးချင်ကြီးသွားလိမ့်မယ်။ သြဇာ ကြီးတဲ့အဆင့်ထိတော့ မရောက်ပါဘူး။ စာပေသြဇာဆိုတာ "စတန့်"နဲ့ ထူထောင်လို့ ရတာမျိုးမှမဟုတ်တာ။ စတန့်သမားက ထွင်စက တော့ဝုန်းခနဲ နာမည်ကြီးသွားနိုင်ပါတယ်။ ဒါပေမယ့် "တမွန်းတည့်" ပဲခံပါလိမ့်မယ်။ သေသေချာချာ စဉ်းစားကြည့်တော့"စတန့်"ထွင်ပြီး နာမည်ကြီးအောင် လုပ်သူပဲဖြစ်စေ၊ "ဆင်ဖြူတော်မှီ ကြံစုတ်" သူပဲဖြစ်စေ သိပ်ပြီး အပြစ်မတင်ချင်ဘူး။ စာပေ၀ါသနာပါတဲ့ လူငယ်လေး တွေအနေနဲ့ သူတို့ရေးတဲ့စာ၊ မဂ္ဂဇင်းစာမျက်နှာတွေပေါ်ရောက်ဖို့က တော်တော်ခက်တာ မဟုတ်လား။ ဒီတော့ ဖြတ်လမ်းပဲဖြစ်ဖြစ် ခွေး တိုးပေါက်ပဲဖြစ်ဖြစ် တိုးလို့ရတဲ့အပေါက်က တိုးဝင်ကြမှာပဲ။ ဒါ သဘာဝကျပါတယ်။ လမ်းရိုးလမ်းဖြောင့် ဆိုတာရှည်လျားခက်ခဲ လှ တယ်လေ။ လူငယ်တွေဆိုတော့ ဘယ်စိတ်ရှည်မှာလဲ။
အယ်ဒီတာမှာ တာဝန်ရှိတယ်
စတန့်တွေနဲ့ ကြံစုတ်တဲ့လုပ်ရပ်တွေ စာမျက်နှာပေါ် ရောက်လာရတာက အယ်ဒီတာတွေမှာ တာဝန်အရှိဆုံးဖြစ်ပါတယ်။ အယ်ဒီတာဆို တာက စာမှော်ရုံတောကြီးထဲကနေပြီး စာကောင်းစာသန့်ကို ရွေးထုတ်ရတဲ့သူဖြစ်တယ်။ ရွေးထုတ်ပြီးတဲ့စာကို ကောင်းသထက် ကောင်းအောင်၊ သန့်သထက်သန့်အောင် ပြုပြင်တည်ဖြတ် လုပ်ပေးရပါတယ်။ မဂ္ဂဇင်းထဲမှာ မကောင်းတဲ့စာ၊ မသန့်တဲ့စာ ပါလာရင် အယ်ဒီတာ ညံ့ဖျင်းလို့သာ ဖြစ်တယ်။ သူမကောင်းတာကို မသန့်မှန်းမသိလို့ သူ့မဂ္ဂဇင်းထဲ ထည့်လိုက်တာပေါ့။ မှော်ရုံတောကြီးထဲမှာ စာတွေကစုံမှာပေါ့။ ကောင်းတာပါသလို ညံ့တာတွေ မကောင်းတာတွေလည်း ရှိမယ်လေ။ ဒါတွေကိုရွေးချယ်သန့်စင်ဖို့အတွက် အယ်ဒီ တာဆိုတာ ရှိနေရတာမဟုတ်လား။ ဖြတ်လမ်းက စတန့်ထွင်ပြီးဝင်လာပဲ ဖြစ်ဖြစ်၊ ဆင်ဖြူတော်မှီ ကြံစုတ်တာပဲဖြစ်ဖြစ်၊ အယ်ဒီတာက ရွေးချယ် ထည့်သွင်းလို့သာ စာဖတ်ပရိတ်သတ်ဆီ ရောက်လာရတာဖြစ်တယ်။ ဒါကြေင့် မဂ္ဂဇင်းထဲမှာ ပါသမျှစာမူတိုင်းအတွက် အယ် ဒီတာမှာသာတာဝန်ရှိပါတယ်လို့ ဆိုလိုက်ပါရစေ။
လူထုစိန်ဝင်း
ကလျာ မဂ္ဂဇင်း အောင်တိုဘာ ၂၀၀၉
[အင်တာနက်ကနေ မိတ်ဆွေတယောက်ပို့ပေးတဲ့ ဒီစာမူကို copy/paste လုပ်ပြီး မာယာက ဖောင်ပြခြင်း ဖြစ်ပါတယ်။ ဆောင်းပါးပို့ပေးတဲ့ မိတ်ဆွေကိုရော၊ ဆောင်းပါးကို ဇော်ဂျီ font နဲ့ ရိုက်တဲ့ မိတ်ဆွေကိုပါ မာယာက ကျေးဇူးတင်ကြောင်း ဖော်ပြအပ်ပါသည်။]
Monday, November 16, 2009
စာရေးဆရာနှင့်သူ့နေရာ
ရေးသူ- လူထုစိန်ဝင်း
ပိတောက်ပွင့်သစ်က ဆရာပါရဂူအဖုံးနဲ့ ထုတ်မှာမို့ စာမူပေးပါလို့ တောင်းလာတော့ ဘာရေးရမလဲလို့ စဉ်းစားရင်း၊ စဉ်းစားရင်းနဲ့ ဆရာပါရဂူနဲ့ နောက်ဆုံးတွေ့ခဲ့ကြရတာကို ပြန်ပြီး မြင်ယောင်လာမိတယ်။ လေးငါးခြောက် နှစ်လောက် ရှိပြီ ထင်ပါတယ်။ ဘိလပ်က မြန်မာစာဆရာမကြီး အင်နာအဲလော့ (ဒေါ်ခင်ခင်ချော) ရောက်လာလို့ နှုတ်ဆက်ကြတဲ့ ပွဲမှာ ဆုံရတာ ဖြစ်တယ်။
ပထမဆုံးနှုတ်ဆက်သူ
ဒီလိုပွဲမျိုးကို ဒီလိုနေရာမျိုးကို ဘယ်တော့မှ သွားလေ့မရှိပါဘူး။ အဲဒီပွဲကတော့ မသွားရင် မဖြစ်လို့ သွားခဲ့တာပါ။ ဒေါ်ခင်ခင်ချောဆိုတာက မိတ်ဟောင်းဆွေဟောင်း ဖြစ်ရုံသာ မဟုတ်သေးဘူး။ သမီးဖြစ်သူ အောက်စဖို့မှာ ကျောင်းသွားတက်စဉ်က အုပ်ထိန်းသူအဖြစ် တာဝန်ယူ စောင့်ရှောက်ပေးခဲ့တာလေ။ အဲဒါကြောင့် ရောက်သွားတာ ဖြစ်တယ်။ ရောက်ရောက်ချင်း ပထမဆုံး တွေ့ဆုံနှုတ်ဆက်ရတာက ဆရာပါရဂူ ပါ။ နှုတ်ဆက် စကားဆိုပြီးတာနဲ့ ဆရာက စားပွဲထိုးကို ခေါ်ပြီး ထိုင်ခုံတခု ယူလာပေးပါလို့ ပြောလိုက်ပါတယ်။ လူကြီးတယောက် က ခုလို ဂရုစိုက်တာ ခံရတော့ အားတုံ့အားနာ ဖြစ်မိတယ်။ လူအားလုံး မိုးတိုးမတ်တတ် နေကြရတဲ့ မြက်ခင်းပြင်ပွဲ ဖြစ်တာကြောင့် ယူလာပေးတဲ့ ခုံမှာ မထိုင်ဘဲ လက်ထောက်ပြီး မှေးပဲ ရပ်နေလိုက်ပါတယ်။ မလှမ်းမကမ်းမှာတော့ ဆရာဒဂုန်တာရာကို မောင်ပေါက်စည်၊ မောင်မိုးသူတို့နဲ့ စကားလက်ဆုံကျနေတာ လှမ်းမြင်လိုက်ရပါတယ်။ သမီးက သူ့အုပ်ထိန်းသူ ဒေါ်ခင်ခင်ချောနားသွားပြီး အဖော်လုပ်ပေးနေတာကြောင့် ဆရာနဲ့ နှစ်ယောက်သား စကားလက်ဆုံကျနေကြပါတယ်။
စာပေသစ္စာရှိသူ
"အေးဗျာ၊ ခင်ဗျားတယောက် ကျွန်တော့အပေါ် ခုလို အမြင်မစောင်းသေးတာ သိရလို့ ၀မ်းသာရ တယ်ဗျာ"
ဆရာက အနားမှာ လူရှင်းသွားခိုက် ရုတ်တရက် ပြောလိုက်တာပါ။ အဲဒီအချိန်က ဆရာ့အပေါ် လူတချို့က အမြင် မကြည်မလင် ဖြစ်နေတဲ့အချိန် ဖြစ်ပါတယ်။ ဘာမှတော့ မဟုတ်ပါဘူး။ အဲဒီအချိန်က ဆရာ့ဘေးမှ ၀န်းရံနေသူတချို့ကို ကြည့်ပြီး ဆရာ့ကို အထင်လွဲနေကြတာပါ။ အဲဒီအချိန်မှာ ကျွန်တော်က ဆရာ့စာပေ ကျေးဇူးကြီးမားတဲ့အကြောင်း ဆောင်းပါးတပုဒ်မှာ ထည့်ရေးလိုက်တာကြောင့် ဆရာက အဲဒါကို ရည်ညွှန်း ပြောလိုက်ပုံ ရပါတယ်။ ဆရာ့အပေါ် အမြင်မကြည်လင် ဖြစ်နေသူများကိုလည်း မဖြစ်သင့်ကြောင်း ကျွန်တော်က ပြောခဲ့ဖူးပါတယ်။ ဆရာပါရဂူဟာ ဘယ်ခေတ်ဘယ်အခါကမှ တိုင်းပြည်နဲ့ လူမျိုးအကျိုးကို ဖီလာဆန့်ကျင် ပြုဖူးသူ မဟုတ်ရုံ သာမက၊ သူ့ကိုယ်ကျိုးစီးပွါးအတွက် သူ့ကလောင်ကို ခုတုံးလုပ်ခဲ့သူလည်း မဟုတ်ပါဘူး။ စာပေအပေါ်မှာ အင်မတန် သစ္စာရှိတဲ့ စာရေးဆရာတယောက် ဖြစ်ပါတယ်။
ကြားဖူးခဲ့တဲ့စကား
အိမ်ပြန်ရောက်တော့ ဆရာပါရဂူပြောလိုက်တဲ့ "ကျွန်တော့်အပေါ် အမြင်မစောင်းသေးတာ သိရလို့ ၀မ်းသာရတယ်ဗျာ" ဆိုတဲ့စကားကို စဉ်းစားနေမိတယ်။ ဒီစကားမျိုး အရင်က ကြားဖူးသလိုပဲလို့လဲ စိတ်ထဲမှာ ထင်မိတယ်။ ဒါပေမယ့် ၀ိုးတ၀ါးပဲ။ ခေါင်းထဲမှာ ဘာမှ ပေါ်မလာဘူး။ ညတညလုံး စဉ်းစားလည်း ပေါ်မလာပါဘူး။ အတော်နဲ့ကို အိပ်လို့ မရဘူး။ ပေါ်လာချင်တော့လည်း မနက်အိပ်ရာက အနိုးမှာ ဖျတ်ကနဲ ခေါင်းထဲမှာ ပေါ်လာတယ်။ ကိုကိုးကျွန်းက ပြန်ရောက်လာခါစမှာ ကြားခဲ့ရတာပဲ။ ပြောခဲ့သူက ဆရာမြသန်းတင့်ပဲ။ ကိုကိုးကျွန်းက ပြန်လာတော့ ဆရာမြသန်းတင့်ရဲ့ "ဓါးတောင်" ၀တ္ထုဂယက်တွေ တော်တော်အရှိန်ပြင်းပြင်းထ နေတာ တွေ့ရတယ်။ ပါးစပ်နဲ့ ငြင်းခုန်တာတွေ နေရာတိုင်းမှာ ကြားနေရသလို၊ စာမျက်နှာတွေ ပေါ်မှာလည်း ပြင်းပြင်းထန်ထန် ရေးသူတွေက ရေးနေကြတယ်။ တချို့ကတော့ သီးခြားစာအုပ်တွေတောင် ရေးထုတ်ပြီး ဝေဖန်ကြတယ်။ "ဘဲအုပ်ကတရာနှစ်ရာ ဗေဒါကတပင်ထဲ" ဆိုသလို ဖြစ်နေပုံရတယ်။
ဓါးတောင်ကို ဝေဖန်သူတွေ
အိမ်ပြန်ရောက်ရောက်ချင်း လာပြီး နှုတ်ဆက်ကြသူတွေက "ဓါးတောင်" ကို ရှုတ်ချဝေဖန်နေကြတဲ့ လူငယ်တွေ ဖြစ်တယ်။ သူတို့ထဲမှာ ကျွန်းပြန်တချို့လည်း ပါတာတွေ့ရတယ်။ သူတို့အမြင်၊ သူတို့သဘောထား တွေကို အကျယ်တ၀င့် ရှင်းလင်း ပြောကြားကြသလို သူတို့ ထုတ်ခဲ့တဲ့ စာအုပ်နဲ့ တခြားစာတမ်းတွေလည်း ပေးခဲ့ကြတယ်။ ဆရာမြသန်းတင့် ရောက်လာနှုတ်ဆက်တော့ အထဲကအကြောင်း၊ ကျန်းမာရေးအကြောင်း ဆိုတာတွေပဲ ပြောပါတယ်။ ထွေထွေထူးထူး ဘာမှ မပြောဖြစ်ကြပါဘူး။ ဆရာဗန်းမော်တင်အောင်တို့ လေထီးဗိုလ်အုန်းမောင်နဲ့ ဆရာရာဂျန်တို့ လာကြတော့လည်း ကျန်းမာရေးနဲ့ ဆေးဝါးကုသဖို့ အကြောင်းတွေပဲ ပြောကြပါတယ်။ လူကြီးတွေဆိုတော့ ရင့်ကျက်တည်ငြိမ်သလို အလိုက်သိမှုလည်း သိသာထင်ရှားတယ်လို့ စိတ်ထဲမှာ မှတ်သားထား လိုက်မိပါတယ်။
ရေးသူကို တိုက်ခိုက်တာများများ
အပြင်ရောက်ပြီး ဆယ့်လေးငါးရက်လောက် ရှိတော့ အခြေအနေ အရပ်ရပ်ကို တော်တော်လေး သိပြီးပါပြီ။ ရှေ့ကစောပြီး လွတ်ထွက်သွားသူတွေနဲ့လည်း အားလုံးလောက်နီးပါး တွေ့ပြီးပါပြီ။ "ဓါးတောင်ဂယက်ကို လည်း တော်တော်သိပြီးပါပြီ" ။ "ဓါးတောင်" ဂယက်ကတော့ အရှိန်ရှိန်ပြင်းပြင်းနဲ့ ဆက်ပြီး ရိုက်ခတ်နေဆဲ ဖြစ်ပါတယ်။ အားလုံးခြုံငုံပြီး သုံးသပ်ကြည့်တော့ ဓါးတောင် တိုက်ခိုက်မှု မှားတယ်လို့ မြင်ပါတယ်။ မြင်တဲ့အတိုင်း လည်း ပွင့်ပွင့်လင်းလင်း ပြောပါတယ်။ အဲဒီအချိန်မှာ ဆရာမြသန်းတင့်ရောက်လာပြီး "အေးဗျာ၊ ကျွန်တော့်အပေါ် အမြင်မစောင်းတာ ခင်ဗျားတယောက်ပဲ ရှိတော့တယ်။ ၀မ်းသာတယ်၊ ကျေးဇူးတင်တယ်ဗျာ" လို့ ပြောခဲ့တာ ဖြစ်တယ်။ တကယ်က ဓားတောင်မှာ ဝေဖန်သူတွေ ထောက်သလို ပြောစရာ အကွက်တွေ ရှိနေတာ မှန်ပါတယ်။ ဒါပေမယ်လို့ ဝေဖန်သူတွေက ဓားတောင်ကို ဝေဖန်တာက နည်းနည်း ဓားတောင်ရေးသူကို တိုက်ခိုက်တာက များများ ဖြစ်နေပါတယ်။ အဲဒီအချက်ကို သဘောမတူနိုင်တာ ဖြစ်ပါတယ်။
စာရေးဆရာအတွက် စံနှစ်ခု
ဆရာမြသန်းတင့်ဆိုတာက ဒီလိုတိုက်ခိုက်ရမယ့်သူမှ မဟုတ်ပဲ။ အယူအဆ မတူတာတွေ ဘယ်လောက် ပဲ ရှိနေဦးတော့ သူ့စာပေဘ၀တလျှောက်လုံးမှာ သူတကိုယ် ကောင်းစားရေးအတွက် တိုင်းပြည်နဲ့ လူမျိုးအပေါ် သစ္စာဖောက်တဲ့အလုပ်မျိုး ဘယ်တုန်းက လုပ်ခဲ့ဖူးလို့လဲ။ သူ့ကလောင်ကို ဘယ်သူ့အတွက် အသုံးချခဲ့တာလဲ။ စာရေးဆရာတယောက်ကို ဒီစံနှစ်ခုနဲ့ပဲ တိုင်းတာ အကဲဖြတ်ရမှာ မဟုတ်လား။ ဆရာပါရဂူနဲ့ ပတ်သက်ပြီး အမြင်ရှင်းခဲ့တာလဲ ဒါကြောင့်ပဲ ဖြစ်ပါတယ်။ ဆရာလည်း ဒီစံနှစ်ချက်နဲ့ ညီညွတ်သူပဲ ဖြစ်ပါတယ်။ အမြင်မကြည်မလင် ဖြစ်ခဲ့သူတွေက ဆရာ့အပေါ်မှာ သိပ်ပြီး မျှော်လင့်ချက်ထားလွန်းလို့ ဒီလိုအခြေထိ ရောက်သွားခဲ့ရတာပါ။ လူတယောက်မှာ သူ့ကိုယ်ပိုင်ခံယူချက်၊ ကိုယ်ပိုင်အမြင်နဲ့ သူ့နေရာကို သူရွေးချယ်ထား ကြတာ ဖြစ်တယ်။ ဆရာဒဂုန်တာရာက နိုင်ငံရေးနဲ့ ပတ်သက်တဲ့ စာမျိုးတွေရေး၊ နိုင်ငံရေးသမားတွေနဲ့ ရင်းရင်းနှီးနှီး ပေါင်းသင်းနေပေမယ့် သူဟာ ဘယ်တော့မှ နိုင်ငံရေး မလုပ်ဘူး။ သူဟာ စာရေးဆရာတယောက်သာ ဖြစ်တယ်လို့ အမြဲတမ်း ပြောခဲ့တယ်။ ဒါ သူ့ခံယူချက်။ သူရွေးချယ်ထားတဲ့ နေရာ။ ဒါကို အသိအမှတ်ပြု လေးစားရမှာပေါ့။ ဘာကြောင့် နိုင်ငံရေးမလုပ်သလဲဆိုပြီး အပြစ်တင်လို့ ဘယ်ရမှာလဲ။ ဆရာပါရဂူလည်း အလားတူပဲ။ တသက်လုံး စာရေးဆရာ လုပ်လာခဲ့သူ တယောက်ပဲလေ။ သူ့ကို စာရေးဆရာတယောက်အဖြစ်နဲ့ပဲ လက်ခံရမှာပေါ့။
နေရာဆိုတာ စာဖတ်သူက သတ်မှတ်တာ
စာရေးဆရာတိုင်းကို ဆရာကြီး သခင်ကိုယ်တော်မှိုင်းလိုဖြစ်ဖို့ မျှော်လင့်လို့ မရပါဘူး။ တောင်းဆိုမှုလည်း ပြုသင့်တဲ့ အရာမျိုး မဟုတ်ပါဘူး။ ဆရာကြီးလို မဖြစ်တဲ့အတွက်ဆိုပြီး ဘယ်အပြစ်တင်လို့ ဖြစ်မှာလဲ။ ဆရာကြီးလို ပုဂ္ဂိုလ်မျိုးက တခေတ်မှာ တယောက်သာ ပေါ်ထွန်းတတ်တာ ဖြစ်တယ်။ ဆရာကြီးလို မဖြစ်တာနဲ့ အလကားပဲလို့ မပြောသင့်ပါဘူး။ ဆရာကြီးလို အိမ်ဦးခန်းမှာထား ကိုးကွယ်လို့ မရပေမယ့် ဧငည့်ခန်းမှာတော့ တင့်တယ်နိုင်သူ တွေ အများကြီး ရှိမှာပါ။ စာရေးဆရာဆိုတာနဲ့ အားလုံးအတူတူပဲလို့ သတ်မှတ်လို့ မရပါဘူး။ အိမ်ဦးခန်းနဲ့ လိုက်ဖက်သူ ရှိသလို ဧည့်ခန်းမှာပဲ ထားသင့်သူလည်း ရှိပါတယ်။ ဒါတင်မက ဖိနပ်ချွတ်မှာ ထားသင့်သူတွေလည်း ရှိနေမှာပဲဖြစ်တယ်။ ဘယ်သူ့ကို ဘယ်နေရာက နေရာပေးထားမလဲ ဆိုတာက လူတဦးချင်းစီရဲ့ ကိုယ်ပိုင် ရွေးချယ်မှု ဖြစ်ပါတယ်။ စာရေးဆရာတွေ ရေးခဲ့တဲ့ စာတွေကို ကြည့်ပြီး စာဖတ်ပရိသတ်က ရွေးချယ်သတ်မှတ် တာ ဖြစ်တယ်။ ကိုယ့်ဟာကိုယ် ခပ်တည်တည်နဲ့ နေရာတက်ယူလို့ မရပါဘူး။ တဦးတယောက်က အမွေပေးသလို လွှဲပေးလို့လဲ မရပါဘူး။ ကိုယ့်လူကိုယ့်အုပ်စုက တင်လျှောက်ပေးလို့လည်း မရပါဘူး။
သူတို့အတွက်နေရာ
စာရေးဆရာတယောက်အတွက်နေရာကို သူရေးခဲ့တဲ့ စာတွေကြည့်ပြီး စာဖတ်ပရိသတ်က သတ်မှတ် ပေးတာလို့ ဆိုခဲ့တဲ့အတိုင်း ဆရာဗန်းမော်တင်အောင်၊ ဆရာဒဂုန်တာရာ၊ ဆရာမြသန်းတင့်၊ ဆရာပါရဂူတို့ အတွက်လည်း "မြန်မာစာပေဧည့်ခန်းဆောင်" မှာ တခမ်းတနား နေရာချထားပေးပြီးသား ဖြစ်ပါတယ်။ မှိုင်းလုံးကော်ဇောကြီးတွေ ကတ္တီပါမှီအုံးကြီးတွေနဲ့ တခမ်းတနားပါ။ ဘာကြောင့်လဲဆိုတော့ ဒီဆရာကြီးတွေ အားလုံးဟာ တိုင်းပြည်နဲ့ လူမျိုးအပေါ် ဘယ်တုန်းကမှ သစ္စာမဖာက်ခဲ့ကြဘဲ သူတို့ရဲ့ ကလောင်ကို ပြည်သူလူထုဘက်က ရပ်တဲ့ ကလောင်အဖြစ်သာ တသက်လုံး အသုံချခဲ့ကြလို ဖြစ်ပါတယ်။
လူထုစိန်ဝင်း
[ပိတောက်ပွင့်သစ်မဂ္ဂဇင်း၊ အမှတ် ၂၇၊ အောက်တိုဘာ ၂၀၀၉ မှ ကူးယူဖော်ပြပါတယ်။]
Subscribe to:
Posts (Atom)