ဘာသိဘာသာ ကုန်လွန်သွားတဲ့
လူ့သက်တမ်း ထက်ဝက်ကျော်ဟာ
သမားတော်ကြီးလို....
ကျန်ရစ်ခဲ့မယ့် သူ့ဘ၀တဖဲ့ကို
စမ်းသပ်ကြည့်ပြီး ခေါင်းတခါခါ။
ကိုယ့်စိတ်ကြိုက် ရွေးဝတ်ခဲ့တဲ့
ဖိုဝင်ငှက် တောင်ပံ
ထင်ထားတာထက်
မာယာတွေ သိပ်သည်းနေပုံက
ရှိစုမဲ့စု သိက္ခာလေး
တွင်းထဲပြိုဆင်းပြီး
ဘ၀ကို လုပ်ကြံလုလု။
တော်သေးရဲ့
ထွက်ပြေးစရာဆိုလို့
အဲဒီ
ဖြစ်တည်မှု တဟီတီမှာတောင်
ထွေပြားခြင်းတွေ
စမ်းသပ်ပေါက်ကွဲ ၀ရုန်းသုန်းကား။
ကိုမှိုင်း။
[ပိတောက်ပွင့်သစ်မဂ္ဂဇင်း၊ အမှတ်(၇)၊ စက်တင်ဘာ ၂၀၀၆]
No comments:
Post a Comment