Friday, May 25, 2018

မွေးနေ့မှာပျော်ရွှင်ပါစေ ကိုအေးဝင်းရေ.. နုနုရည် အင်းဝ။

မွေးနေ့မှာပျော်ရွှင်ပါစေ ကိုအေးဝင်းရေ..
.
လွန်ခဲ့တဲ့ဆယ်နှစ်...၂၀၀၀၈ ခုနှစ်ကပေါ့..။


ကျမ ကိုရီးယားအနုပညာတက္ကသိုလ် မှာ ခဏ ရောက်နေတဲ့ အချိန်လေး...။
ညနေစောင်းရင် ကျမ ကွန်ပျူတာမျက်နှာပြင်ပေါ်မှာ တဖျပ်ဖျပ် စိမ်းလာကြတဲ့ အဝေးရောက်ကျမတို့လူမျိုးတွေရဲ့ ချစ်ခင် ပူပန် စိုးရိမ်ကြတဲ့ G talk မီးစိမ်းပွင့်လေးတွေလေ...။

အဲဒီထဲမှာ ဟိုး...ကမ္ဘာ့အနောက်ဖက်ခြမ်းမှာ နေထိုင်တဲ့
လမင်းတရာ မောင်မာယာ တယောက်ကလဲ အလွန်စိတ်ထိခိုက်အောင်ပြောတတ်တာ...။

" မြန်မာပြည်က ထညက်ခဲကို လွမ်းတယ်ဗျာ မစားရတာ ဘယ်လောက်ကြာပြီလဲတောင် မပြောတတ်တော့ဖူး"
"ထညက်နဲ့ ငါးရံ့အူ မစားရတာ သက်တမ်းတူတူလောက်ရှိမှာ"
"ဒီနေ့ တခု သတိရတယ်။ ဝရောင်းချဉ်မစားရတာ နှစ်နှစ်ဆယ်ကျော်သွားပြီ။ ဝရောင်းချဉ်ဆိုတာ သိလား မော်လမြိုင်က။ ဒေါင်းခြေရောပဲ"
"အညာက နွားနို့ခဲ ကျွဲနို့ခဲကိုလဲ လွမ်းတယ်"
"စားချင်တာတွေ သွားချင်တာတွေ ကျန်းမာတုန်း စားနိုင်တုန်း သွားနိုင်တုန်း ပြန်နိုင်ရင်ကောင်းမှာနော်
ကတ်ပေါ်တင်ပီး ပက်လက်ပြန်သွားရလို့ ဘာလုပ်ရမှာလဲ"
တဲ့...

အ်ိမ်ပြန်ချိန် ဆိုတာ ရောက်လာမှာပါ ကိုအေးဝင်းရေ
အစားတွေ တဝကြီးစားပြီး စကားတွေ တဝကြီးပြောရမဲ့
အိမ်ပြန်ချိန်ဆိုတာ ရောက်လာမှာပါ။

နုနုရည် အင်းဝ။

No comments: