Saturday, March 29, 2008

ဆရာတာရာနှင့်ဓာတ်ရှင်ကြည့်ခြင်း
ရေးသူ-အောင်မြိုင်

"ဘိုကေကိုက်ပြီး ဓာတ်ရှင်ကြည့်မယ်"
ကျွန်တော်တို့ ငယ်ရွယ်စဉ် ကာလလောက်က သည်စကားတခွန်းကို သူငယ်ချင်း အချင်းချင်း တယောက်နှင့် တယောက် တွင်တွင်ကျယ်ကျယ် ပြောခဲ့ကြတယ်။ သည်စကား ကျွန်တော်တို့ လူငယ်တွေ နှုတ်ခမ်းပေါ်ကို ဘယ်လို ဘယ်အချိန်က ရောက်လာတယ်ဆိုတာ ကျွန်တော် တိတိကျကျ မသိ။ သည်စကားကို ဒုတိယကမ္ဘာစစ် မဖြစ်မီက သုံးနှုန်းခဲ့တဲ့ စကားလုံးတွေများပါလားလို့ ကျွန်တော် တွေးထင်မိပါတယ်။ အတွေးအထင် ဖြစ်တဲ့အတွက် မှန်ချင်လည်းမှန် မှားချင်လည်း မှားနိုင်ပါတယ်။


စကားလုံး၊ ဝေါဟာရဆိုတာ အလုပ်လက်တွေ့၊ လူမှုလက်တွေ့ထဲက ပေါက်ဖွားလာတာ ဖြစ်လို့ နောက်ပိုင်းမှာ ဓာတ်ရှင်ကိုရုပ်ရှင်၊ ဘိုကေကိုက်တယ်ဆိုတာကို ဆံပင်ညှပ်တယ်လို့ ပြောဆိုခဲ့ကြတယ်။ ဝေါဟာရ အရွေ့ပေါ့။ ခုခေတ်မှာတော့ ပိုပြီး ဆန်းသစ်လာလို့ များလားမသိ။ ရုပ်ရှင်အပြင် TV, VCD, DVD တွေ ဖြစ်ကုန်ကြသလို၊ ဆံပင်ညှပ်တာကိုပင် မျိုးကွဲတွေနဲ့။ ဆံပင် အလှပြုပြင်တယ်။ ဆံပင်ဆေးဆိုးတယ်။ တူးစတက်၊ သရီးစတက်၊ ကိုးရီးယားပုံ စသဖြင့် ဖြစ်လာတယ်။
တနင်္ဂနွေတနေ့မှာ ဆံပင်ညှပ်ချင်တဲ့အတွက် ကျွန်တော်အိမ်က စောစော ထွက်တယ်။ ကျွန်တော်က ဆံပင်ညှပ်တိုင်း ဂဂျီဂဂျောင်ကျတတ်တယ်။ ဆံပင်ညှပ်ပြီးတိုင်းလည်း ဘယ်တော့မှ စိတ်တိုင်း ကျတယ် မရှိခဲ့တာမို့ ကျွန်တော့်စိတ်ကြိုက် ဆံပင်ညှပ်ဆိုင်ကို သွားဖို့ ဘတ်စ်ကားစီး လာတယ်။ ဘတ်စ်ကားပေါ်မှာ ထိုင်ငြိမ့်ရင်း ကျွန်တော် စိတ်ကူးပြောင်းသွားတယ်။ ကျွန်တော် ဆံပင်အရင် မညှပ်ချင်တော့။ ဆံပင်မညှပ်သေးဘဲ ဆရာတာရာဆီ အဦးဆုံးသွားမယ်။ ဆရာနဲ့ မတွေ့ရတာလဲ တလကျော်လောက် ရှိပြီဆိုတဲ့ အတွေးက ကျွန်တော့် စိတ်ကူးဆုံးဖြတ်ချက်ကို တွန်းပို့ နေတယ်။
တကယ်တော့ ထိုနေ့က ဆံပင်မညှပ်ဖြစ်တော့။ ဆရာနဲ့ တွေ့တဲ့အခါ ဆံပင်ညှပ်ကိစ္စက နောက်တန်း ရောက်သွားတယ်။ ရောက်လည်းရောက်လောက်တဲ့ အကြောင်းက လွန်ခဲ့တဲ့ တပါတ် လောက် ကတည်းက ဖြစ်နေခဲ့ပြီ။ သည်အကြောင်းကို ကျွန်တော် သိထားပေမယ့် သိပ်သတိမထားမိ။ ဆရာကတော့ စိတ်ဝင်စားတယ်။ တကယ်တော့ ဆရာနဲ့တွေ့မှ သည်အကြောင်း သည်ကိစ္စကို အလေး အနက် ထားမိတာ အမှန်။
"ခင်ဗျား မှတ်တမ်းရုပ်ရှင် ကြည့်ပြီးပြီလား"
"မကြည့်ရသေးဘူးဆရာ"
"ဒီလိုဆို အတော်ပဲ။ ကျွန်တော်ကြည့်ချင်တယ်။ မျက်လုံးက မကောင်းတော့ တယောက်တည်း မြို့ထဲ ထွက်လို့ မဖြစ်ဘူးဗျ"
"ဆရာပြောမှ ဒီမှတ်တမ်းရုပ်ရှင် ကြည့်ချင်လာတယ်။ သွားကြတာပေါ့"
ဆရာ့အိမ်ကိုရောက်တော့ နံနက် ကိုးနာရီခွဲနေပြီ။ ဆရာနဲ့ ကျွန်တော် ဆရာတို့ လမ်းအ၀င် လက်ျာဘက်ကုန်းပေါ်က လက်ဘက်ရည်ဆိုင်လေးမှာ၊ ဆရာက နွားနို့၊ ကျွန်တော်က လက်ဘက်ရည် သောက်ကြပြီး ဒီနေရာမှာတင် မှတ်တမ်းရုပ်ရှင်ကြည့်ဖို့ ကိစ္စ အတိုင်အဖောက် ညီသွားတယ်။
၃၇ ဘတ်စ်ကား ဆူးလေဘုရားလမ်း ရွှေလမင်းလက်ဘက်ရည်ဆိုင်ရှေ့ မှတ်တိုင်မှာ ထိုးမရပ်မီ၊ ဂုဏ်ရုံ (ဟိုယခင်က ဂလုပ်ရုံ၊ ယခု ထရိတ်ဒါးဟော်တယ်) ဘက်ကို ကျွန်တော် တချက်ငဲ့ကြည့်မိတယ်။ ထိုစဉ်က ဂုဏ်ရုံမှာပြနေတဲ့ အင်္ဂလိပ်ရုပ်ရှင်ကားအမည်ကို ၂၆ နှစ် ကျော်ခဲ့ပြီမို့ ကျွန်တော်မမှတ်မိတော့။ ဆရာနှင့်ကျွန်တော် ဂုဏ်ရုံမှာ မှတ်တမ်းရုပ်ရှင် ကြည့်ကြမှာ ဖြစ်တယ်။ (ဟိုတုန်းကတော့ ဗဟိုရုပ်ရှင်လို့ အသုံးများပါတယ်-မာယာ)။
ကားပေါ်က ဆင်းဆင်းချင်း လူသွားစင်္ကြန်တဘက်ရှိ ရွှေလမင်း လက်ဖက်ရည်ဆိုင်မှာ နှစ်ယောက်သား ၀င်ထိုင်ကြတယ်။
"ဒီလက်ဖက်ရည်က ကျွန်တော်တို့ စစ်ကြိုခေတ်တုန်းက သောက်ခဲ့ရတဲ့ အရသာအတိုင်းပဲ။ ကျွန်တော် သဘောကျတယ်"
ဆရာ့အသံက မတိုးမကျယ်။ လေထုထဲမှာရှိတဲ့ ကြားခံ အောက်ဆီဂျင်ကို တိုးဝှေ့ကာ ကျွန်တော့်နားစည်ကို ညင်သာစွာ လာရိုက်ခတ်တယ်။ ကျွန်တော်က လက်ဘက်ရည်ဆိုလျှင် ရွှေလမင်း လက်ဖက်ရည်မှ မဟုတ်။ ထိုစဉ်က နာမည်ရ ဘားလမ်း မုတ်ဆိတ်နှင့် ရွှေလှေခါး လက်ဖက်ရည်ကိုပင် အရသာ မခံစားတတ်။ တောမှာ ကြီးပြင်းလို့လည်း ဖြစ်ရင်ဖြစ်မယ်။ ဒါမှမဟုတ် ကျွန်တော် ဒုံးဝေးတာ လည်း ဖြစ်ရင်ဖြစ်မယ်။ ကျွန်တော် ဆရာ့ကို ငေးကြည့်နေမိတယ်။ ပြီးမှ ဆရာညွှန်းတဲ့ ရွှေလမင်း လက်ဖက်ရည်ကို တကြိုက် ကြိုက်ရင်း မြရာပင်စာပေတိုက်ထုတ် သခင်သန်းထွန်းနောက်ဆုံးနေ့များ စာအုပ်မှာပါတဲ့ ဆရာ့ပုံရိပ်ကို သတိရနေမိတယ်။ နှုတ်ခမ်းကို တင်းတင်းစေ့ထားရာမှ မဆိုစလောက် တွန့်နေတတ်တဲ့ ဆရာ့နှုတ်ခမ်း။ အတိတ်ကိုဖြစ်ဖြစ်၊ အနာဂတ်ကိုဖြစ်ဖြစ် ပြက်ပြက်ထင်ထင် ဝေးဝေးမြင်သိတဲ့ ဆရာ့အကြည့်။ လက်ရှိ ပစ္စက္ခအခြေအနေကို မယိမ်းမယိုင် ထင်လင်းရှင်းပြတ်စွာ မြင်စွမ်း ပြောစွမ်းရှိတဲ့ ဆရာ့အတွေးအခေါ်။
ဆရာနှင့်ကျွန်တော် ဂုဏ်ရုံရဲ့ တကျပ်ခွဲတန်းမှာ တန်းစီကြတယ်။ တော်သေးတယ်။ မူရင်းပြနေတဲ့ ဇာတ်ကားက လူမကြိုက်လို့ ပဲလား၊ ဒါမှမဟုတ် ရုံတင်ရက် ကြာလို့လားမသိ။ တန်းစီနေတဲ့လူဆိုလို့ ဆရာနဲ့ကျွန်တော်တို့ နှစ်ယောက်ပေါင်းမှ ငါးယောက်၊ ခြောက်ယောက်လောက်ပဲ ရှိမယ်။ တချို့ ပွဲကြည့်ပရိသတ်က စောစောကတည်းက ၀င်သွားတာလဲ ဖြစ်နိုင်တယ်။
ကျွန်တော်တို့ ရုပ်ရှင်ဝင်ကြည့်ရာမှာ ကြိုတင်ပြင်ဆင် ညှိနှိုင်းခဲ့ရတဲ့ အချက်အလက်တွေ ရှိတယ်။ ထိုစဉ်က အခြေအနေတွေအရ ရုပ်ရှင်ရုံကို ၀င်ပြီးလျှင်၊ ပြန်ထွက်ခွင့် မရှိပါ။ ပြီးတော့ ဆရာ့မျက်လုံးက မှုန်လွန်းတဲ့အတွက် ဒီစီလို၊ စတောလို သုံးကျပ်ခွဲတန်း၊ နှစ်ကျပ်ခွဲတန်းက ကြည့်လို့မရ။ ကြည့်လျှင်လည်း ပိတ်ကားပေါ်က ပုံရိပ်တွေကို မြင်တွေ့နိုင်မှာမဟုတ်။ ကျွန်တော်က စေတနာတွေပုံအောပြီး အဲဒီအထူးတန်းတွေက ကြည့်မလားလို့ မေးမိတယ်။
"ဝေးတယ်လေဗျာ။ ကျွန်တော်ဘယ်မြင်ရမလဲ၊ တကျပ်ခွဲတန်း ရှေ့ဆုံး အလယ်ခုံမှာ ကြည့်ရရင် ကောင်းမယ်။ ပြီးတော့ ကျွန်တော်က ပင်မရုပ်ရှင်ကားကြီးကို ကြည့်မှာ မဟုတ်တော့ ဗဟိုရုပ်ရှင် ပြီးပြီးချင်း ပြန်ထွက်လို့ ရမရ ရုံကို မေးကြည့်ပါ"
ဟုတ်သားပဲ။ ဆရာပြောမှ ဆရာ့ကို လက်ဖက်ရည်ဆိုင်မှာ ထိုင်စောင့်နေဖို့ ပြောပြီး ကျွန်တော် ဂလုပ်ရုံ ၀န်ထမ်းတချို့နဲ့ တွေ့ကာ ညှိနှိုင်းခဲ့ရတယ်။ ညှိနှိုင်းတဲ့ အချက်အလက်တွေ အားလုံး အဆင် ပြေတယ်။ ကျွန်တော်တို့နှစ်ယောက် တကျပ်ခွဲတန်းက တန်းစီပြီး ၀င်တဲ့အခါ ၀န်ထမ်းတယောက်၊ နှစ်ယောက်လောက်က ဆရာ့ကို ဘယ်သူဘယ်ဝါမှန်း မသိပဲ၊ ထူးထူးဆန်းဆန်း ကြည့်နေကြတယ်။ ဆရာက မြင်ပုံမရ၊ သိပုံမရ။ ဆရာ့အတွေး၊ ဆရာ့ဦးခေါင်းထဲမှာ ဗဟိုရုပ်ရှင်ကိုသာ စဉ်းစားပြီး၊ ဆရာရင်ခုန်နေမလားမသိ။ ဆရာက သမိုင်ဖြစ်ရပ်တွေကို တရှိုက်မက်မက် ၀ါးချေစားသုံးပြီး ကျွန်တော် တို့အတွက် အနုပညာမြောက်စွာ ပြန်အံပြတတ်တယ် မဟုတ်လား။
ရုပ်ရှင်ရုံထဲမှာ ကျွန်တော်တို့ဆယ့်ငါးမိနစ်လောက်သာ ကြာတယ်။ ကျွန်တော့အဖို့ ဗဟိုရုပ်ရှင် ကားက ပုံရိပ်များက ပိန်ရှည်ရှည်၊ တခါတလေ ဖောင်းဖောင်းပွပွ ကြီးတွေ ဖြစ်ပေမယ့် ဆရာ့အတွက် ကတော့ အတော်အဆင်ပြေခဲ့ပုံရတယ်။ ဆရာ့အိမ် အပြန်လမ်းဘတ်စ်ကားပေါ်မှာ ဆရာနှင့်ကျွန်တော် စကားတခွန်းမှ မဟဖြစ်ကြ။ ကိုယ့်အတွေးနှင့်ကိုယ် ငြိမ်ချက်သားကောင်းစွာ ကားပေါ်မှာ လိုက်ပါ လာရင်း ကားစပယ်ရာရဲ့ "ဟာမစ်တစ်" ပါလားဆိုတဲ့ အသံကြားမှ ကျွန်တော်ရော ဆရာပါ အတွေးအိပ်မက်က လန့်နိုးကြတယ်။
ဆရာနဲ့ကျွန်တော် ကြည့်ခဲ့ကြတဲ့ ဗဟိုရုပ်ရှင်က ၈၀ပြည့်နှစ် (ကျွန်တော် အမှတ်မှားရင် မှားနိုင် ပါတယ်) နှောင်းပိုင်း ရုပ်ရှင်ရုံတချို့မှာ ပြသခဲ့တဲ့ သမိုင်းမှတ်တမ်းဝင် မှတ်တမ်းရုပ်ရှင်။ ဆရာ့ကို အိမ်ဝအထိ ကျွန်တော် လိုက်ပို့ရတယ်။ အိမ်အ၀င်မှာ ဆရာတချက်ငဲ့ကာ ပြောလိုက်တဲ့ စကား တခွန်းက ကျွန်တော့် ရင်တွင်းကို ဗလောင်ဆူ ပွက်ပွက်ညံအောင် ရိုက်ဟီးသွားစေတာ အမှန်။
"ကိုဗဆွေက ခါးမညွတ်ပဲ လက်ဆွဲနှုတ်ဆက်သွားတယ်နော်"
တစက္ကန့်လျင် ရိုက်ချက် ရာကျော်ပါတဲ့ ရုပ်ရှင်ပြကွက်ပေါင်း ဆယ့်ငါးမိနစ်စာလောက် ကျွန်တော့် အတွေးအာရုံထဲမှာ စီးမျောသွားတယ်။ ဒဂုံရိပ်သာ အ၀င်အ၀တွင် ကြိုဆိုနေသူက ကားပေါ်မှ ဆင်းလာသူ ဦးနုကို ကြိုဆို၍ ရိပ်သာထဲသို့ ၀င်လာတယ်။ ရိပ်သာဧည့်ခန်းတွင် ဦးဗဆွေ၊ ဦးကျော်ငြိမ်း၊ သခင်တင်၊ သခင်စိုးနှင့် ဗိုလ်သက်ထွန်းတို့က တန်းစီရပ်လျက်။ ကြိုဆိုသူက ဦးနုကို တဦးချင်းနှင့် ပြန်လည်မိတ်ဆက် ပေးခဲ့ရာတွင် အဓိကအားဖြင့် ကြိုဆိုသူကို နှုတ်ဆက်လိုက်တဲ့ ဦးဗဆွေရဲ့ဟန်ပန်ကို ဆရာတာရာပြောလိုက်မှ သတိထား အမှတ်ရလိုက်မိတော့တယ်။
ထိုနေ့က ကျွန်တော် ဆံပင်မညှပ်ဖြစ်ပေမယ့် ဆရာတာရာနှင့်အတူ ဓာတ်ရှင်သွားကြည့်ပြီး လက်ဘက်ရည် သောက်ခဲ့ရတဲ့ ကြည်နူးမှုဟာ ဆရာပြောခဲ့တဲ့ မှတ်ချက်စကားနဲ့ တပါတည်း ယနေ့တိုင် အောင် သံမှိုစွဲသလို ခိုင်မြဲလျက်။

အောင်မြိုင်
(ပိတောက်ပွင့်သစ်မဂ္ဂဇင်း၊ အတွဲ(၂)၊ မတ်လ ၂၀၀၆ မှ ကူးယူဖော်ပြပါတယ်။)

Friday, March 28, 2008

ပြောကြည့်လို့ရမလားလို့ ပြောကြည့်ရုံလေးပါ
ရေးသူ-မိနှောင်း

ဟဲလို
အမေရိကန်လူမျိုး စကြာဝဠာဗေဒပညာရှင်
Frank Tipler နှင့်
ကျွန်မ
မြန်မာလူမျိုးဓာတုအင်ဂျင်နီယာ
မိနှောင်းတို့
အလ္လပ သလ္လပ ပြောကြမယ်နော်။



'တွင်းနက်'ဆိုတာ
ဟင်းချက်စရာတွေကိုရော စုပ်ယူမျိုပစ်တတ်သလားဟင်?
ရှင်တို့ပြောတော့
ရှေးဦးစွာကြီးမားသောမဟာပေါက်ကွဲမှုကြီးအပြီးမှာ
အဲဒီစကြာဝဠာကြီးဟာ လျင်မြန်စွာကြီးထွားလာပါသတဲ့
ဟုတ်ကဲ့.....ကျွန်မနားထောင်နေပါတယ်.....ပြောပါ
ဤသို့ကြီးထွားရင်း အသေးဆုံးအမှုန်များ စုပေါင်းသွားကြသတဲ့
ဟုတ်ကဲ့
လူကြီးမင်းတို့ သင်္ချာနည်းတွေနဲ့ တွက်တွက်ပြီး
ရှင်းရှင်းပြတာ သိပ်နားမလည်သော်လည်း
ခံစားလို့ ရပါတယ်ရှင့်။ (ကျွန်မက မြန်မာကဗျာဆရာမကိုး)
တကယ်တော့လည်း သင်္ချာနည်းဆိုတာကလည်း
ကျွန်မတို့အနေနဲ့ကလည်း
ဘွဲ့ရရ မရရ ကျောင်းနေနေ မနေနေ
သင်္ချာပညာကို တီးမိခေါက်မိပြီး အသက်ရှင်နေကြတာပါ။
ဒီလ၀င်ငွေ ဒီလထွက်ငွေ အခွန်ကြေး ဒဏ်ကြေး
တချို့များဆို
နှစ်လုံးတည်းနဲ့ ချာလပတ်ရမ်းနေတဲ့
ဂဏန်းနဲ့လည်း
စိတ်ရောကိုယ်ပါ နစ်မြုပ်ပြီး အသက်ဆက်နေကြရရှာသတဲ့
(မှားပြီးမှန်သလိုနဲ့ မှန်ပြီးမှားနေကြတာလား မသိ)
ဟုတ်ပါပြီ ဟုတ်ပါပြီ
ကြယ်တွေရဲ့ တောက်ပမှုကို မြင်ရတာဟာ
လွန်ခဲ့တဲ့ နှစ်သန်းပေါင်းများစွာက အလင်းရောင်လို့ ဆိုပါတယ်နော်
ဒီလိုဆို
ယိုင်ညွှန်းကိန်းတွေသိပ်များတဲ့
ကျွန်မတို့ရဲ့ ထောက်တည်ရာ ခြေထောက်တွေရဲ့
အတိတ်ကိုလည်း 'မှန်း' မြင်ရမှာပေါ့နော်
ရီလေးတစ်ဗီတီသီအိုရီ (Relativity) တီထွင်သူ
ဂျာမန်လူမျိုးသိပ္ပံနဲ့သင်္ချာပညာရှင်ကြီး (Albert Einstein) အဲလဘတ်အိန်းစတိန်းကို
ကျွန်မ လေးစားတာတော့ လေးစားတာပေါ့ရှင်
နို့ပေမယ့်လည်း
ကျွန်မတို့လည်း
ကိုယ့်နည်းကိုယ့်ဟန်နဲ့
သင်္ချာပညာမှာ
တော်တော်လေးကျွမ်းကြပါတယ်ရှင့်။
ဒါနဲ့ ... နေပါဦး
(၁) စကြာဝဠာရှိလို့ လူရှိတာလား။
(၂) လူရှိလို့ စကြာဝဠာရှိတာလား။
ဟား ဟား ဟား ဟား ရယ်ရတယ်နော်
ရှင်တို့လည်း မေးခွန်း 'နှစ်လုံး' တည်းနဲ့ရှုပ်နေကြတာပဲနော်။
ကျွန်မအနေနဲ့ စကားလေးတခွန်း နည်းနည်းဝင်ထောက်ပါရစေနော်
(၁) ဘာမရှိရင် ဘာမှမရှိဘူး
(၂) တခုခုရှိရင် တခုခုရှိတယ်
(သို့တည်းမဟုတ်)
အများကြီးနဲ့အမျိုးမျိုးရှိနိုင်တယ်ပေါ့နော်။
နိုဘယ်လ်ဆုလိုချင်လို့ ၀င်ပြောတာမဟုတ်ပါဘူး
ဖလ်လုံအိမ်စမ်းသပ်မှုနဲ့ကမ္ဘာ့သံလိုက်ဆွဲအား
ဘယ်အထိများစမ်းသပ်ပြီးပါသလဲရှင်
ကျွန်မအထင်ပြောမယ်နော်
အရှေ့တိုင်းမှာ ကမ္ဘာ့ဖလားပွဲကျင်းပစဉ်က
အနောက်တိုင်းက ဘောလုံးသမားတွေ
ရူးကြောင် မူးကြောင် ဖြစ်ကုန်ကြတာလေ
မထင်မှတ်သူတွေ အထက်တက်ကုန်ကြတာလေ
အဲဒါပေါ့-
အဲဒါကိုပြောချင်နေတာ
အနောက်တိုင်းဘောလုံးသမားတွေက သူတို့ရဲ့ ပုံမှန်အိပ်ချိန်မှာ
အရှေ့တိုင်းမှာ လာကန်နေရတော့
ရူးကြောင် မူးကြောင်ဖြစ်ကုန်တာပေါ့-
ကျွန်မကို ဒီတွေ့ရှိချက်ကြီးကြောင့်
နိုဘယ်လ်ဆုပေးမယ်ဆိုရင်လည်း
လက်ခံရမှာပေါ့ရှင်-ဘယ်လိုမှလဲ မအောက်မေ့ပါဘူး
ဝိသမလောဘသမားတွေ သောင်းကျန်းလွန်းလို့
ဆေးပေါ့လိပ်တစည်း ၄၀၀ိ/(လေးရာကျပ်) ဖြစ်နေပြီကိုး
သြော်.....ဒါထက်
ကျွန်မရဲ့ နောက်ဆုံးဆွေးနွေးတင်ပြချက်လေးကို
ရှင်တို့ပဲဝိုင်းဝန်းဆုံးဖြတ်ကြပါ။
စကြာဝဠာကို ဖန်ဆင်းတာ
ကျွန်မရှင့်။

မိနှောင်း
၁၄၊ ၁၊ ၂၀၀၇။

ဝေါဟာရ- တွင်းနက်= Black Hole
ကျမ်းကိုး- ဒေါက်တာခင်မောင်ဝင်း၏ 'စကြာဝဠာမိတ်ဆက်' စာအုပ်
ဒီကဗျာကို ပိတောက်ပွင့်သစ်မဂ္ဂဇင်း၊ အမှတ်၁၂၊ ဧပြီ ၂၀၀၇ မှ ကူးယူဖော်ပြပါတယ်။

Thursday, March 27, 2008

ကြိုးကြာသံနှင့်မုန်တိုင်းစင်ရော် (သို့မဟုတ်) ပျံသန်းခြင်းအနုပညာ
ရေးသူ- ချစ်ဦးညို


{၁၉၇၆ မှိုင်းရာပြည့်မှာ စစ်အစိုးရက လိုက်လံဖမ်းဆီးလို့ ၀ရမ်းပြေးအဖြစ် တိမ်းရှောင်ပြေးခဲ့ရတဲ့ metallurgy (သတ္တုဗေဒ) အင်ဂျင်နီယာ ကျောင်းသား မောင်မောင် (ကွယ်လွန်သူ ဂီတ ပညာရှင် ကိုမောင်မောင် (ခ) အဉ္စလီမောင်မောင်)ကို၊ ၃၂ နှစ်မြောက် မှိုင်းရာပြည့်အရေးအခင်းမှာ အမှတ်တရ ရှိနေတာနဲ့ ၁၉၉၈ မတ်လ မာယာမှာ ဖော်ပြခဲ့တဲ့ ဆောင်ပါးကို ပြန်လည် ဖော်ပြခြင်း ဖြစ်ပါတယ်။}

......ငှက်တို့သည် 'ဟူလို' အမည်ရှိသော ယင်းတို့၏ ခေါင်းဆောင်ကြီးအား "အသင်ခေါင်း ဆောင်ကြီး ငါတို့အား ဘုန်းတန်ခိုးကြီးတော်မူသော အရှင်သခင် ငှက်ဘုရင် 'စီမောင်တော်' ထံသို့ ခေါ်ဆောင် ပေးလော့" ဟု တောင်းပန်တိုးလျှိးကြကုန်၏။ ငှက်ခေါင်းဆောင် 'ဟူလို' ကလည်း ငှက်အပေါင်းအား ယင်းတို့ ချီတက်ဖြတ်သန်းရမည့် ခရီးကန္တာရ၏ ဒုက္ခဆင်းရဲ အထွေထွေ၊ ကြောက် မက်ဖွယ် အပြားပြားတို့ကို ရှည်လျားစွာ ရှင်းလင်းဖော်ပြ၏။ ပျံသန်းကျော်လွန်ရမည့် ခုနှစ်ဆင့်၊ ခုနှစ်တန်သော ချိုင့်ဝှမ်းကြီးများ အကြောင်းကို 'ဟူလို' သည် ဥပမာအမြောက်အများ၊ ဆင်ခြင် သုံးသပ်ဖွယ် အပြားပြားနှင့် ရောပေါင်းယှက်ထွေ ဆာဆာဝေေ၀ ပြောပြလေသည်။


ငှက်တို့ ပျံသန်းကျော်လွန်ရမည့် ချိုင့်ဝှမ်းအစဉ်သည်ကား-
ပထမ- ရှာဖွေခြင်းချိုင့်ဝှမ်း
ဒုတိယ- ချစ်ခြင်းချိုင့်ဝှမ်း
တတိယ- နားလည်ခြင်းချိုင့်ဝှမ်း
စတုတ္ထ- လွတ်လပ်ခြင်းနှင့် အတွယ်လွတ်ခြင်း ချိုင့်ဝှမ်း
ပဉ္စမ-သန့်စင်စွာ တပေါင်းတစည်းတည်း ဖြစ်ခြင်း ချိုင့်ဝှမ်း
ဆဌမ- အံ့သြခြင်း ချိုင့်ဝှမ်း
သတ္တမ- ပစ္စည်းဥစ္စာဆင်းရဲခြင်းနှင့် ပလာဟင်းဖြစ်ခြင်း ချိုင့်ဝှမ်းတို့ ပေတည်း။
[၁၃ ရာစု စာဆို Fard Aladin Attar ၏ The Conference of the Birds ပျို့ ကြီးမှ]
ဘသန်း(ဓမ္မိက) မြန်မာပြန်သော ယောနသံစင်ရော် (သတ္တမအကြိမ်ထုတ်) စာအုပ် နောက်ပိုင်းတွင် ဒဿနပုံဆောင်ဝတ္ထု ၃ပုဒ်ပါရှိခဲ့ရာ အထက်ပါ ဖရာစီ စာဆို ဖရ်ဒ် အာလာဒင် အတ္တား၏ (ငှက်ညီလာခံ) သည် တပုဒ် အပါအ၀င် ဖြစ်၏။ ဒဿနပုံဆောင် ၀တ္ထုသဖွယ်ဖြစ်သော ထိုပျို့ကြီး၌ အထောင်အသောင်းသော ငှက်တို့သည် သမုဒ္ဒရာများ၊ တောင်တန်းများ၊ ကန္တာရများကို ပျံသန်းကျော် ဖြတ်ခဲ့ကြရာ နောက်ဆုံး ငှက်သုံးကျိပ်သာလျင် ခရီးပန်းတိုင်အဆုံးသို့ ရောက်ခဲ့ကြသည်ဟု ဆိုပါသည်။
ကိုမောင်မောင်နှင့် ခင်မောင်တိုး၏ ' ကြိုးကြာသံ ' ကို နားထောင်တိုင်း ကျွန်တော်သည် ဖရ်ဒ် အာလာဒင်အတ္တား၏ ငှက်ညီလာခံပျို့ကြီးမှ ထို ဇာတ်ကွက်ကို အောက်မေ့ဆင်ခြင် နေမိပါသည်။

xxxx xxxx xxxx xxxx xxxx

'ကြိုးကြာသံ' ဟူသော သီချင်းခေါင်းစီး အမည်ကို တွေ့လိုက်သောအခါ 'ကြိုးကြာကရ၀ိတ်၊ တောလုံးတိတ်မျှ၊ ညိတ်ညိတ်တွန်ထူး' ဆိုသည့်၊ ရှေးခေတ်စာဆိုတဦး၏ အဖွဲ့အရ၊ ကြိုးကြာငှက်၏ သာယာသော အသံနှင့်အတူ ကြိုးကြာဖိုမတို့၏ ရာသက်ပန် သစ္စာတိုင်အချစ်ကို ကြားရတော့မည်ဟု ထင်ခဲ့မိ၏။ မဟုတ်ပါ။
ကိုမောင်မောင် နှင့် ခင်မောင်တိုးတို့သည် ကြိုးကြာ၏အလှကို အသံတွင်မရှာ၊ အသံတွင် မယူဘဲ 'ပျံသန်းမှု' ဖြင့် ရေးဖွဲ့ သီဆိုလိုက်ကြပါသည်။
'မိုးဦး ၀င်ရောက်လာတဲ့အခါ ရိုးမပေါ် ဖြတ်ပျံရင်း......'
ခင်မောင်တိုးသည် သူ၏ ချိုသော ပင်ကိုယ်သံကို အကွန့်အမြူး၊ အလူးအလွန့် မလုပ်ဘဲ (အသံပရိယာယ် တန်ဆာမဆင်ဘဲ) ရိုးရိုး အေးအေးလေးဖြင့် စဖွင့်လိုက်၏။ ကျွန်တော့် အာရုံထဲတွင် ညို့သော ကောင်းကင်ပြင်ကြီးတခုလုံး ကြိုးကြာငှက်တို့၏ တောင်ပံများဖြင့် ဖွေးဖွေးဖြူသွားသည်။
' ဖြတ်ပျံရင်း.......' စာသားနောက်မှာ တယောသံ (ဟု ကျွန်တော်ကြားသည်) တချက် လွန့်လူး ကပ်ပါလာသည်။ ကြိုးကြာတို့၏ အတောင်ပံ ခတ်သံလား...၊ လေစီးကြောင်း၏ ဆန့်ကျင် အော်မြည်သံ လား....။
' မြောက်ဖက်ကို ဦးတည်လှည့်ကာ
သားဖောက်ရာ အရပ်ဆီ
မိုင်ထောင်ချီ ပြန်(ပျံ)လေပြီ.........'
သီချင်းစာအုပ်များ၌ (ပြန်လေပြီ) ဟူ၍ (ပြန်) စာလုံးကို သုံးပြထားပါသည်။ သီချင်းနားထောင် ရသူ အဖို့မှာမူ ပြန် (Return) ရော၊ ပျံ (Fly) နှစ်မျိုးစလုံး ခံစားရ၏။
မြောက်ဖက်......ဘယ်အထိနည်း.....။ သားဖောက်ရာ အရပ်ဆီ....... မိုင်ပေါင်းထောင်ချီ ပျံသန်း ကြလေကုန်သည်တဲ့။ တယောသံလေးက ' ပြန်လေပြီ' စာသားနောက်မှာ ကပ်ပါလာပြန်သည်။
'ကြိုးကြာငှက်တို့ရဲ့ မိုင်ထောင်ချီ ခရီးစဉ်'
ပထမပိုဒ် ဤတွင် ပြီးထားပါသည်။ တေးသွား၊ စာသား၊ ခင်မောင်တိုး၏ဆိုဟန် တို့နှင့်အတူ ကျွန်တော် မိုင်ထောင်ချီခရီးစဉ်ထဲသို့ လိုက်ပါ ပျံသန်း သွားခဲ့သည်။ (ကျွန်တော် ကြိုးကြာငှက်တကောင် ဖြစ်သွားသည်။)
ဒုတိယအပိုဒ်တွင်-
' မျိုးဆက်ရဲ့ အားမာန်တခုပါ လမ်းကြောင်းမှန် ရွေးချယ်ခြင်း..........'
အတူလိုက်ပါ ပျံသန်းရင်းမှ (ကြိုးကြာငှက်တကောင်ဖြစ်နေရင်းမှ) ကျွန်တော်သည် သီချင်း နားထောင်သူ အဖြစ်ကိုပါ ရရှိနေပြန်၏။ ပထမအပိုဒ်နှင့် သံစဉ်တူ ဤ 'မျိုးဆက်ရဲ့  အားမာန်တခုပါ' ဒုတိယပိုဒ်သည် ပျံသန်းခြင်း ခရီးစဉ်နှင့်အတူ ပျံသန်းခြင်းသေနင်္ဂဗျူဟာနှင့် ပျံသန်းခြင်း သဘောတရား တခုကို ဖော်ထုတ်လာသည်။
' လမ်းကြောင်းမှန် ရွေးချယ်ခြင်း'
လေစီးကြောင်း၊ တူရူပျံသန်းရမည့်ဒေသ၊ မနားမနေ လှုပ်ရှားနေရသည့် တောင်ပံများ၊ ဟိုး အောက်ဖက်တွင် တောင်တန်းများ၊ သစ်တောများ၊ ပင်လယ်သမုဒ္ဒရာများ၊ မြက်ခင်းပြင်များ၊ လွင်တီး ခေါင် ကန္တာရများ။
' ........အများနည်းတူ သက်လုံမကောင်းရင်
မွေးဖွားရာအရပ်ဆီ၊ မိုင်ထောင်ချီ ပျံနေရင်း........'
တယောသံလေး ၀င်လာပြန်ပြီ။
'....ကြိုးကြာငှက်တချို့လေ ချီလာစဉ် ကျန်ရစ်ပြီ......'
အထောင်အသောင်း အုပ်စုကြီးထဲမှ အချို့ ကြိုးကြာတို့၏ တောင်ပံများသည် စွင့်စွင့်ကားကား ထက်အောက်လှုပ်ရှား နေရာမှ ယွင်းပြိုသွားကြသည်။ ပျံသန်းမှုပုံစံ ပျက်သွားသည်။ ထို့နောက်.....
သူတို့ သမုဒ္ဒရာထဲသို့၊ တောင်တန်း တောအုပ်များထဲသို့ ထိုးစိုက် ကျဆင်းသွားကြ၏။ တကောင်......၊ နောက်တကောင်.....၊ နောက်တကောင်.... အများနည်းတူ သက်လုံ မကောင်းကြ ရှာသူ တွေ၊ ကျန်ရစ်ပြီ။ သက်လုံကောင်းသော ကြိုးကြာတွေကတော့ ဆက်၍ ပျံဆဲ ပျံမြဲ။

xxxx xxxx xxxx xxxx xxxx

သံစဉ်တူသော ပထမပိုဒ် နှင့် ဒုတိယပိုဒ်တို့ကို နားထောင်နေရင်း၊ ရင်ထဲမှာ ကြေကွဲလာသည်။ ပထမပိုဒ်ကို နားထောင်စဉ်က ရရှိသော ခံစားမှုသည် သံစဉ်တူ ဒုတိယပိုဒ် အဆုံးတွင် ပြောင်းလဲ သွား၏။ ကျန်ရစ်ခဲ့သော ကြိုးကြာတို့ကို ပျံသန်းဆဲ ပျံမြဲ ကြိုးကြာတို့ ကယ်တင်မနေအားနိုင်ကြ။ မိမိတို့၏ တောင်ပံများကို တချက်ကလေးမှ မနား၊ လှုပ်ရှားပေးနေကြရသည်။
'သက်လုံမကောင်းသူတို့' ကျန်ရစ်ခဲ့ ကြပေတော့ကွယ်။ ဆက်ပျံသော ကြိုးကြာတို့၏ အတောင် ပံ အောက်က နှလုံးသားထဲတွင် ကျန်ရစ်သူတို့အတွက် ကြေကွဲစွာ နှုတ်ဆက်ခြင်းဖြင့်ပင် မလျော့နိုင် သော အားမာန်ကို အစားဖြည့်လိုက်ကြရ၏။
ကိုမောင်မောင် နှင့် ခင်မောင်တိုး တို့သည် ကြိုးကြာငှက်တို့၏ ပျံသန်းမှုခရီးစဉ်ကို ဤမျှဖြင့် ရပ်နားပြီးဆုံး မထားအပ်ကြောင်း ကောင်းစွာသိကြသော အနုပညာရှင်များ ဖြစ်ကြပါသည်။
ကျန်ရစ်ခဲ့သော ကြိုးကြာငှက်တို့အတွက် ကြေကွဲရသည့် ကျွန်တော့်ကို chorus ပိုဒ်ဖြင့် ပုတ်နှိုး သတိပေးပါသည်။
'ဆုံးဖြတ်ချက် တခုကျမယ့်
အရှုံးနဲ့ အောင်မြင်ခြင်းဟာ
ရှိသင့်တဲ့ အားနဲ့မာန်.... ဟန်နိုင်မှ'
ဒရမ်ချက် (Drum beat) ပြောင်းသွားသည်။ 'ဆုံးဖြတ်ချက်တခုကျမယ့်' နှင့် 'ရှိသင့်တဲ့အားနဲ့ မာန်' တို့သည် စကားလုံး အရေအတွက်ချင်း မတူကြပါ။ (တခုက ခုနှစ်လုံး၊ တခုက ခြောက်လုံး) သို့သော် အချက်ချင်း အတူတူ ဖြစ်သည်။ ခြောက်ခါ။
ထိုခြောက်ခါ၊ ခြောက်နေရာစလုံးမှာ ဒရမ်က ခြောက်ချက်တိုင်တိုင် ၀င်ပေးသည်။ ဂီတဗေဒ အရ ဒါကို ဘာခေါ်သလဲ ကျွန်တော်မသိပါ။ စကားလုံးတိုင်းမှာ ဒရမ်တချက်ဖြင့် ခြောက်လုံးခြောက်ခါ ခြောက်နေရာစလုံး 'ထပ်' ပေးလိုက်ခြင်းသည် သောတ အာရုံမှ သောကဒယကို နိုးနိုးကြားကြား ဖြစ်အောင် လှုံ့  ဆော်ရာရောက်သည်။ ခံစားမှုအားဖြင့်ဆိုလျင် ကျန်ရစ်ခဲ့သော ကြိုးကြာတို့အတွက် ကြေကွဲမှုသည် လျော့ပါးသက်သာသွားကာ တက်ကြွသော ဝေဒနာဖြင့်သို့ ကူးပြောင်းသွားလေသည်။
Chorus အပိုဒ် အဆုံးတွင် 'ဟန်နိုင်မှ' သည် အင်အားကြီးသော အရှိန်တခုကို ထုတ်လွှင့်ပေး လိုက်သည်။ 'မှ' တွင် အသံ တက်ထားသည်။ ပြန်မချ။ Bb7 အသံ အတိုင်းထားသည်။ တချိန်လုံး ချိုမြအေးဆေးစွာ သီဆိုခဲ့သော ခင်မောင်တိုးသည်လည်း 'ဟန်နိုင်မှ' တွင်၊ အသံပေါက်ရော၊ လေပါ အားထည့် လိုက်သည်။
ဒီအချိန်မှာ ကြိုးကြာငှက်တို့ကလည်း ရိုးမ၏ အမြင့်ဆုံးကို ဖြတ်ကျော်နေကြပြီ။

xxxx xxxx xxxx xxxx

'ရိုးမပေါ် ဖြတ်ကျော်လွှားချိန်
စီးလမ်းလေကြောင်းလွှာထဲ
ချဉ်းနင်း ၀င်ရောက်လာ ပြီးရင်
အားစိုက် မျှောလိုက်နဲ့
မိုင်ထောင်ချီ ပြန်(ပျံ)နေပြီ'
တတိယအပိုဒ်သည်လည်း ပထမ၊ ဒုတိယပိုဒ်များနှင့် သံစဉ်တူပင် ဖြစ်သည်။ သို့သော် အရသာချင်း မတူတော့ပါ။ စာသား အပြောင်းအလဲကြောင့် ဖြစ်မည်။ Chorus အပိုဒ်ခုခံပြီးတာကြောင့် လည်းဖြစ်မည်။
'ကြိုးကြာငှက်တို့ရဲ့ မိုင်ထောင်ချီ ခရီးစဉ်.........'
ဤ အချပိုဒ်ပြီးလျှင် 'ဆုံးဖြတ်ချက်တခုကျမယ့်' အဆိုပြန်ဝင်ပြီး အတီးပိုဒ်ဝင်သည်။ တီးပိုဒ်က အဆိုစာသားပိုဒ် သံစဉ်အတိုင်း လိုက်လျောသော တီးပိုဒ် မဟုတ်ပါ။ တေးရေး ကိုမောင်မောင် အနေဖြင့် ဤနေရာမှာ တီးပိုဒ်ကို ဘယ်လို ရည်ရွယ်ချက်နှင့် ထည့်သလဲတော့ ကျွန်တော် မသိနိုင်ပါ။ သို့သော် ကျွန်တော့် အဖို့မူ အလွန်အဆင်ပြေသော တီးပိုဒ် နေရာချထားမှုဟု မြင်သည်။
'ရှိသင့်သော အားမာန်' တို့နှင့် ဟန်ချက်ညီအောင် ထိမ်းသိမ်းထားရင်း၊ ကြိုးကြာတို့ ဆက်ပျံ နေကြသည့် ခရီးကာလ အပိုင်းအခြားတခုကို တီးပိုဒ်က နိမိတ်ဆောင်ပြသည်ဟု ကျွန်တော် ခံစား ရသည်။
တီးပိုဒ်ပြီးတော့ တတိယပိုဒ် 'ရိုးမအပေါ် ဖြတ်ကျော်လွှားချိန်' ပြန်ဆိုသည်။ အဆိုထဲမှာ တယောသံ(?) က လူးလှိမ့်၍ ၀င်သည်။ ထို့နောက် ' ဆုံးဖြတ်ချက်တခု ကျမယ့်' ကိုးရပ်စ် ဆက်ဆို သည်။ 'ဟန်နိုင်မှ' စာသားကို အဆိုဖြင့် တင်ထားခဲ့သည်။ အီးဖလက်၊ စီမိုင်နာ၊ ဘီဖလက်၊ စီမိုင်နာ ကော့ဒ်များဖြင့် ဖွဲ့စည်းသော အတီးသံက တစတစ မှိန်ပျောက်(Fade Out) ဖြင့် ဆုံးသွားသည်။
ကြိုးကြာတို့ ရိုးမပေါ် ဖြတ်ကျော်သွားကြပြီ။ ဟိုး..... မိုးကုပ်စက်ဝိုင်းဆီတွင် တစတစ ဝေးသွားသော ကြိုးကြာတို့ကို ကျွန်တော် မျက်စိတဆုံး မြင်နေရသည်။ အဖြူရောင် ကောင်းကင်ကြီး တဖြည်းဖြည်း သေးငယ်သွားသည်။ သူတို့ ဆက်ပျံသွားကြပြီ။

xxxx xxxx xxxx xxxx

ဆောင်းခိုငှက်တို့သည် မိုင် ၂၀၀၀ ထက် မနည်းသော ခရီးကို သမုဒ္ဒရာဖြတ်၍ ပျံသန်းကြကြောင်း၊ လမ်းခရီးတလျှောက် ရပ်နားစရာ ကျွန်းလုံးဝ မရှိသဖြင့် (ကုန်းမြေတောင်တန်းကို ဖြတ်သန်းရာမှာလည်း သစ်ပင်တောအုပ်များ၌ နားလေ့မရှိ) မရပ်မနား ပျံသန်းကြကြောင်း ဖတ်ဖူး၏။ အာတိတ် စင်ရော်ငှက်မျိုးဆိုလျင် ဆောင်းရာသီ ရောက်လုနီးလာသည့်အခါ သူ၏ ပေါက်ဖွားရာ မြောက်ဝင်ရိုးစွန်းဒေသမှ မိုင်ပေါင်း တသောင်းကျော် ဝေးသော တောင်ဘက် ၀င်ရိုးစွန်းဒေသသို့ ခရီးထွက်ကာ ဆောင်းရာသီ ကုန်ဆုံးတော့မှ မြောက်ဝင်ရိုးစွန်းသို့ ပြန်သည်ဟု ဆိုသည်။
တေးရေး ကိုမောင်မောင်နှင့် သီဆိုသူ ကိုခင်မောင်တိုး တို့သည် ငှက်တို့၏ ဤသဘာဝမှ ကြိုးကြာငှက်၏ ပျံသန်းခြင်းကို ယူကာ ရေးဖွဲ့သီဆို သွားကြသည်။ ကြိုးကြာသံဆိုလျှင် သာယာသော အသံဟု စွဲမှတ်ထားလေ့ရှိကြသည့် ကျွန်တော်တို့အတွက် ကိုမောင်မောင်နှင့် ကိုခင်မောင်တိုးတို့ ပေးပို့လိုက်သော ကြိုးကြာသံကား လှပနက်ရှိုင်းမှု အတိ ရှိနေတော့သည်။
တေးရေးတေးဆို အနုပညာသမားတို့၏ အာရုံကျက်စားမှုနှင့် တဆင့်ပြန်လည် တင်ပြပေးမှုကို ကျွန်တော် လေးစားစွာဖြင့် ကျေးဇူးတင်စကား ဆိုရပါသည်။ 'ကြိုးကြာသံ' သီချင်းသည် နှစ်ခါ သုံးခါ ကြားရုံမှုဖြင့် နားစွဲလွယ်၊ လိုက်ဆိုလွယ်သော သံစဉ်ဖွဲ့စည်းမှု ဖြစ်သည်။ ကိုးရပ်စ်ပိုဒ်နှင့်ပေါင်းပါမှ သံစဉ် နှစ်မျိုးပဲ ရှိသည်။ ဤသို့ ရှင်းလင်းလွယ်ကူခြင်းသည်ပင် ကြိုးကြာသံ၏ လှပသော(ပြည့်စုံသော) အနုပညာ တန်ဆာဆင်မှု ဖြစ်လာသည်။ ရှင်းလင်း လွယ်ကူသော သံစဉ်နှင့် အတူ ရှင်းလင်း လွယ်ကူ သော စာသား(စကားလုံး) များဖြင့် ဖွဲ့စည်းထားသည်။ ဤသည်ပင်လျှင် အကြောင်းအရာနှင့် အာဘော်တို့၏ ကြီးကျယ် လေးနက်မှုကို ကြီးစွာသော အထောက်အပံ့ ဖြစ်စေသည်ဟု ကျွန်တော် ထင်သည်။
ရိုးစင်း ရှင်းလင်းလွယ်ကူမှု၊ မလိုအပ်ပဲ တန်ဆာ ချဲ့ထွင် မွမ်းမံခြင်းမပြုမှုတို့ကို ရေးဖွဲ့သူရော၊ သီဆိုသူပါ ကောင်းစွာ နားလည်ကြပါပေသည်။ ကိုခင်မောင်တိုး သည်လည်း ကြိုးကြာသံသီချင်းတွင် သမားဂုဏ်ပြသည့် အရှိုက်အဟက် အတွဲ့အငင် များဖြင့် ဆော့ကစား မသွားပါ။ သူ၏ အေးဆေး ချိုမြသော အသံဖြင့် ရိုးရိုးလေး ဆိုသွားသည်။ ကြေကွဲပြခြင်း၊ ကြုံးဝါးပြခြင်း စသည်များမလုပ်။
ရေးဖွဲ့သူ၊ သီဆိုသူ၊ တီးခတ်သူ အားလုံးပင် သူတို့၏ ကြိုးကြာသံထဲက 'ရှိသင့်တဲ့ အားနဲ့မာန်-ဟန်နိုင်မှ' အပိုဒ်နှင့်လိုက်လျောညီညွတ် ကြပါပေသည် ဟု လေးစားစွာ ကျေးဇူးတင်စကား ဆိုလိုက် ရပေသည်။

ခင်ဝမ်းနှင့် သူ၏ မုန်တိုင်းစင်ရော်

ထောင်ချီသော ကြိုးကြာငှက်တို့ ရိုးမကို ဖြတ်ကျော်နေကြချိန်မှာပင် သမုဒ္ဒရာလှိုင်းနှင့် မိုး မုန်တိုင်း လျှပ်စစ်တို့ အကြားမှ တကောင်တည်းသော ငှက်ကလေးကို တွေ့ရပြန်သည်။ ခင်ဝမ်း၏ 'မုန်တိုင်းစင်ရော်'
'သာယာတဲ့ လေညှင်း အေးချမ်းစွာ လေဟုန်စီးပြီး ပျော်မြူးကာ'
ဂိုးဂိုး (GoGo) ရိုက်ချက်နှင့် Key F ထဲမှာ ခင်ဝမ်း၏ ရှင်းသော၊ ပီသသော အသံ စ,ပေါ် လာသည်။ F Key သည် မြန်မာ ၅ ပေါက်သံနှင့် နီးစပ်ပြီး၊ အသံချိုသည်ဟု ကျွန်တော်ထင်သည်။ ခင်ဝမ်း၏ ကျော်ကြားသော 'ပြည်မှာဆောင်း' မှာလည်း F ဖြင့်ပင် ဆိုထားကြောင်း ကျွန်တော် သတိထားမိသည်။ [အဆိုတော်တယောက်သည် အနည်းဆုံး ကီး ၄ မျိုးလောက် ဆိုနိုင်သည်ဟု ကြားဖူး၏။ ကီးစုံဆိုနိုင်သူ အတော်ရှားကြောင်း၊ Any Key ဆိုနိုင်သူ ဟူ၍ မိမိနှင့်တင်တင်မြ သာရှိသည် ထင်ကြောင်းဖြင့် ဦးဝင်းဦး တခါပြောဖူးသည်ကိုလည်း သတိရမိသည်။ ကီးစုံ ဆိုနိုင်ခြင်းမှာ အသံအိုး၊ အသံအား (ပါရမီပဲထားလိုက်ပါတော့) ဖြင့်ဆိုင်ပြီး၊ ချီးကျူးအားကျဖွယ် ဖြစ်သော်လည်း အနုပညာ စွမ်းရည်တခုလို့တော့ မဆိုနိုင်ဟု ထင်ပါသည်။ အနုပညာ စွမ်းရည်ဆိုတာက မိမိ နိုင်သောကီးကို ဘယ်လောက် ဂုဏ်ရသမြောက် မမြောက် သီဆိုနိုင်သလဲ ဆိုသည့် အချက်ဖြင့်သာ ဆိုင်သည် ထင်၏။ စကားချပ်ဖြစ်ပါသည်။]
Key F သည် ခင်ဝမ်း၏ ရှင်းသော၊ ပြီသော၊ မြည်သော အသံနှင့် အလိုက်ဖက်ဆုံး Key ဖြစ်သည်ဟု ကျွန်တော်ထင်သည်။ 'မုန်တိုင်းစင်ရော်' ကို Key F ထားခြင်းမှာ ခင်ဝမ်း တမင်တကာ ရွေးချယ်ထားမှု ဖြစ်သည်ဆိုလျှင် ထိုရွေးချယ်မှု မှန်သည်ဟု သောတရှင်တယောက် အနေနှင့် ပြောပါရစေ။
သာယာတဲ့ လေညှင်း အေးချမ်းစွာ လေဟုန်စီးပြီး ပျော်မြူးကာ နှစ်ကြောင်းနှင့်ပင် အတိုချုပ် ခင်းကျင်းလိုက်ပြီးနောက် သီချင်း၏ လိုရင်း(၀တ္ထုသွားအရ ဆိုလျင် Plot) အဆင့်သို့ ဆွဲခေါ်သွား လိုက်၏။
'ဘ၀အလှည့် အဆင်မသင့် ငှက်စင်ရော်မှာ ရုတ်တရက် မုန်တိုင်းကျရောက်လာ'
မုန်တိုင်းကို ပြမည့် ချောက်ချား ထိတ်လန့်ဖွယ် ဂီတသံတွေများ လာမည်လားဟု နားထောင် နေရင်း ကျွန်တော်တွေးလိုက်မိသည်။ ဒရမ်ရိုက်ချက် (မွှေချက်) အနည်းငယ်သာ (နှစ်ဘားလောက်ပဲ ရှိမည်ထင်၏) ထွက်ပေါ်လာသည်။ သမရိုးကျ အတွေးဖြင့် မျှော်လင့်ထားသော ကိုယ့်ကိုယ်ကို ပြုံးမိပါ သည်။ ခင်ဝမ်းက မုန်တိုင်းကို ပြောချင်တာမဟုတ်။ စင်ရော်....မုန်တိုင်းစင်ရော် ကိုပဲ ပြောချင်တာ ဖြစ်၏။ လှပ ပိယိသော အကူးအပြောင်းလေးပေပဲ။
'မိုးမှောင်မဲမဲ လျှပ်ပြက်လာ
အညှာအတာ ကင်းမဲ့ အားငယ်စရာ
တကိုယ်တည်း ဖော်ဝေး ကမ်းမမြင်သာ
ပျံသန်းရင်း လေပြင်း ကျော်ဖြတ်ရှာ'
ဤ ဒုတိယပိုဒ်သည်လည်း နောက်ထပ် အခင်းအကျင်း အသစ်ကို ပြသော အပိုဒ်သာ ဖြစ်ပါသေးသည်။ Climax အထွတ်သို့ ခေါ်နေတုန်းပဲ ဖြစ်သည်။ ခင်ဝမ်း၏ ဆိုသံမှာတော့ ကရုဏာသံပါလာပြီး 'အညှာအတာကင်းမဲ့' 'အားငယ်စရာ' 'တကိုယ်တည်း' 'ဖော်ဝေး' 'ကျော်ဖြတ်ရှာ' စသော စကားလုံးများကလည်း မုန်တိုင်းထဲမှ စင်ရော်လေးတကောင်အတွက် သနားဖွယ် အညွှန်းများ သာ ဖြစ်ကြပေသည်။

xxxx xxxx xxxx xxxx

'မျှော်လင့်ချက် အနာဂတ် တနေရာ
အေးချမ်းတဲ့ ဘ၀ရောက်ရမှာ
တည်ငြိမ်တဲ့ အသိတရား ရင်ထဲ
တည်ဆောက်ကာ
အားငယ်နေလဲ
အားငယ်နေဆဲ........'
မုန်တိုင်းမိသော စင်ရော်တကောင်၏ မျှော်လင့်ချက်မှာ ကာလအားဖြင့်၎င်း၊ ဒေသအားဖြင့်၎င်း၊ မုန်တိုင်းမှ လွတ်မြောက်ရေး ပင်ဖြစ်၏။ စိမ်းစိုသောကမ်း၊ ကျွန်းသာယာ၊ အစာရေစာပေါသော သောင်ပြင် စသည် မဟုတ်ပါ။ သူကျရောက်နေသော မုန်တိုင်းထဲမှ လွတ်ရေး။ ဒါသည်ပင်၊ သူ၏ပစ္စုပ္ပန်၊ အနာဂါတ်။ ငါလွတ်မြောက်ရမယ်။ ဤ အသိတရားကိုပင် သူသည် တည်ငြိမ်စွာ တည်ဆောက်ယူ လိုက်၏။ သူ့ အတောင်ပံ၊ သူ့အမြီးတို့ မိုးမုန်တိုင်းနှင့် လျှပ်စီးအောက်ဝယ် ဖရိုဖရဲ လွင့်စင်နေမည်။ သို့သော် သူ့ရင်ထဲမှာ တစုံတရာကိုတော့ တည်ငြိမ်စွာ သူ ထိမ်းသိမ်းတည်ဆောက်ထားသည်။ ရင်ထဲမှာ ဖရိုဖရဲ မဖြစ်။ အသိတရား ကစဥ့်ကလျား မဖြစ်။ ငါ လွတ်မြောက်ရမယ်။
'အားငယ်နေလဲ' နှင့် 'အားငယ်နေဆဲ' ကို ခင်ဝမ်းဆိုသံအပြင် နောက်က ထပ်နင်းဆိုသံတခုဖြင့် ဖြည့်ဆက်ပေးထားပုံမှာ နှစ်လိုဖွယ် ကောင်းလှပါသည်။ ထိုအသံသည် စင်ရော်၏ ဒုတိယအသံလည်း ဖြစ်သည်။ တည်ငြိမ်သော အသိတရား၏ အသံလည်း ဖြစ်သည်။
'အံကိုသူခဲကာ
ပျံဝဲ ပျံနေဆဲပါ'
'ပျံဝဲ ပျံနေဆဲပါ' တွင် မိတ်ဖက် အသံတသံ (2nd လား 3rd အသံလား ကျွန်တော်မသိပါ) ဖြင့် တချိန်တည်း ၀င်လာပေးပုံမှာလည်း လှပ၏။ ဤသို့ ၀င်ပေးလိုက်ခြင်းကြောင့် မုန်တိုင်းစင်ရော်၏ တရစပ် မနားသော တောင်ပံမှ စဉ်ဆက်မပြတ်သော အတောင်ပံ အရိပ်ပွါးများကို ကျွန်တော် မြင်လာရသည်။ အများအခေါ် Choir လိုက်ပေးသည်ဟု ဆိုကြမလား မသိပါ။ သို့ဆိုလျှင် ဤ 'ပျံဝဲနေဆဲပါ' ၌ လိုက်ပေးပုံသည် တကယ်ကို လိုအပ်စွာ ကွက်တိဝင်ခြင်းဟု ဆိုချင်ပါသည်။
'မုန်တိုင်းစင်ရော်လေးရယ်' မှာလည်း ထို့အတူ ဖြစ်၏။ ထို့နောက် အတီးပိုဒ် ၀င်လာသည်။ စင်ရော်လေး ပျံနေပုံကို ပြသော အတီးပိုဒ်ပင် ဖြစ်ပါလိမ့်မည်။ သီချင်းစာအုပ်ဖြင့် လိုက်မကြည့်ပဲ ဒီအတိုင်း နားထောင်ပါက ဤ အတီးပိုဒ်အဆုံးမှာ သီချင်းပြီးပဲ သွားမလား သို့မဟုတ် မုန်တိုင်းမှ လွတ်မြောက်ခြင်းဆိုင်ရာ အပိုဒ်သစ် ထပ်လာဦးမလားဟု မျှော်လင့်ချင်စရာ။
သို့သော် ခင်ဝမ်းသည် အကွက်ချ ဇာတ်လမ်းတပုဒ်လို မဖန်တီးပါ။ သူ၏ မုန်တိုင်းစင်ရော်ကို မုန်တိုင်းစင်ရော် အဖြစ်သာ သူဆိုပြပါသည်။
'ပျံနေဆဲ ရှာဆဲ အေးချမ်းရာ'
မုန်တိုင်းစင်ရော် ပျံနေဆဲပင်။ 'မမျှတတဲ့ ဘ၀ရဲ့ ကံကြမ္မာ'။ ဤ စကားနှစ်ခုကြားမှာ Lead Guitar က ခု၍ ဆက်ပေးသည်။
'လမ်းလျှောက်ရှာတဲ့ ငှက်စင်ရော်မှာ မုန်တိုင်းဒဏ်ချက် လူးလိမ့်ကာ'
မုန်တိုင်းကိုလည်းကောင်း၊ စင်ရော်ကိုလည်းကောင်း၊ ပျံသန်းမှုကိုလည်းကောင်း၊ ခင်ဝမ်း ဆက်ဆိုနေပါသည်။ လွတ်မြောက်ပြီဟု သူဇာတ်သိမ်းမပေးပါ။ မုန်တိုင်းစင်ရော်၏ ပျံသန်းမှုကို ဆက်ကာ ဆက်ကာ ပြသနေသည်က 'မျှော်လင့်ချက်တနေရာ' အပိုဒ်တပိုဒ်လုံးကို ပြန်ကောက် ထပ်ဆိုလိုက်ခြင်းပင် ဖြစ်သည်။
မုန်တိုင်းစင်ရော်လေး၊ မုန်တိုင်းစင်ရော်လေး.......မုန်တိုင်းစင်ရော်လေး......Lead Guitat ၏ Effect ကြိုးသံဖြင့် အသံတဖြေးဖြေး မှိန်သွားပါသည်။ သောတအာရုံ အားဖြင့်တော့ သီချင်းသံ၊ ဂီတသံ စဲကာစဲကာ တိုးတိမ် ပျောက်ကွယ်သွားပြီ။ သို့သော်-
မုန်တိုင်း၏ စင်ရော်လေး ဆက်ပျံနေသည်ကိုကား ရင်ထဲမှာ အတိုင်းသား မြင်နေ ကြားနေ ရသည်။ သူ့ကို ကရုဏာ သက်နေရင်းကပင် သူ့အပေါ် ယုံကြည်နေပြန်သည်။ ဘာကြောင့်လဲဆိုတော့ ခင်ဝမ်း တပတ်ကျော့ဆိုသော
'မျှော်လင့်ချက် အနာဂတ် တနေရာ၊ အေးချမ်းတဲ့ ဘ၀ရောက်ရမှာ၊ တည်ငြိမ်တဲ့ အသိတရား ရင်ထဲ တည်ဆောက်ကာ' အပိုဒ်ကြောင့် ဖြစ်သည်။
မုန်တိုင်းစင်ရော်လေး......

xxxx xxxx xxxx xxxx

ယောနသံ စင်ရော်ကို သတိရမိပါသည်။
'လေသည် သူ၏ ဦးခေါင်းအား ဘီလူးသဘက်သဖွယ် မြည်ဟည်း တိုက်ခတ်၏။ တနာရီလျှင် မိုင် ၇၀၊ မိုင် ၉၀၊ မိုင် ၁၂၀၊ ထို့ထက်ထို့ထက် မြန်သောနှုန်းဖြင့် တဟုန်တည်း ထိုးဆင်းနေလေ၏။ ယခု တနာရီလျှင် မိုင် ၁၄၀ နှုန်းတွင် ယခင်က မိုင် ၇၀ နှုန်းမှာကဲ့သို့ အတောင်များကို ထိမ်းရသည်မှာ မခက်လှ'
ယောနသံသည် တနာရီလျှင် ၂၁၄ မိုင်နှုန်းဖြင့် ပျံသန်းနိုင်ခဲ့ခြင်းအတွက် ဂုဏ်ယူအားရမဆုံး ဖြစ်ခဲ့၏။ လေ့ကျင့်ရာ စခန်းသို့ သွားကာ ပေ ၈၀၀၀ အမြင့် ဝေဟင်သို့ တက်လျှင်၊ အောက်သို့ စိုက်ထိုးဆင်းရန် လှည့်နည်း၊ တိမ်းနည်း၊ ၀ိုက်နည်းများကို လေ့ကျင့်သည်ဟု ဆိုပါသည်။
'ဘ၀ဆိုတာ အသက်ရှင်နေနိုင်အောင်သာ လုပ်ဖို့ မဟုတ်သေး၊ တခြားတတ်စရာတွေလည်း အများကြီး ရှိသေးတယ်ဆိုတာ သင်းတို့ သိကြမှာပဲ၊ တို့တတွေဟာ ကိုယ့်ကိုယ်ကို မသိမှု အမှောင်ကြီး ထဲက ဆွဲပင့် မ,တင်နိုင်သားပဲ' ဟု ယောနသံက ကြွေးကြော်၏။
ယောနသံ၏ ၀ိမုတ္တိ အယူအဆနှင့် လေ့ကျင့်မှုကို ကျွန်တော် ဂုဏ်ပြုပါသည်။ ဒါပေမယ့် ခင်ဝမ်း၏ မုန်တိုင်းစင်ရော်လေးကို ကျွန်တော် ပိုမို လေးစားချစ်ခင်နေသည်။
ဘာကြောင့်လည်းဆိုတော့ သူက မုန်တိုင်းစင်ရော်ဖြစ်နေလို့ပင်။

ချစ်ဦးညို
သင့်ဘ၀မဂ္ဂဇင်း၊ အမှတ် (၃)၊ ၁၉၉၇။

Monday, March 24, 2008

တဟီတီသွားရအောင်
ရေးသူ-ဒဂုန်တာရာ

သရက်ပွင့်တို့
နီကြင့်ဝါ၀ါ၊ ကြွေရင့်ဖွာကြ
လွင့်ကာရှပ်ရှပ်၊ ရေကမ်းစပ်သို့
ပြေးကပ်တော့မည်၊ ပင်လယ်ဆီသို့
တဟီတီဆိုတဲ့ ကျွန်းကလေးလေ။


အို.... ဘယ်ကြည့်ကြည့်
ဝင်းမှည့်ငိုက်ယွန်း၊ နေရာင်ထွန်း၍
ရွက်ပွန်းထိယှက်၊ သရက်ရွက်တို့
ပြိုးပြက်နီနီ၊ ဂိုဂင်နီနှင့်
တဟီတီဆိုတဲ့ ကျွန်းကလေးလေ။

အဲသည်ကျွန်းမှာ
မိန့်ခွန်းမြွက်ကြား၊ တရားဟောသံ
နိုင်ငံရေးလည်း မရှိဘူးကွယ့်။

လူ့ဘ၀၏
အပေါ်ယံလွှာ၊ ၀ဲကာကြည်နူး
လုပ်ဇာတ်မြူး၏၊ စိတ်ကူးဝတ္ထု
အတုရုပ်ရှင်လည်း မရှိဘူး။

အဘွားလုပ်သူ
ငြူစူစောင်းမြောင်း၊ ကြိမ်းမောင်းမာန်မဲ
ဆဲရေးသံများ၊ မကြားရဘူး
သိုက်မြုံဦးမှ၊ ကျူးရင့်ဆိုဟန်
ငှက်သံကိုသာ ကြားရမယ်။

ရေညှိအောက်မှ
မြွေဟောက်ဝါကြား၊ တို့ ကစားပြီး
စွန့်စားခန်းလည်း တွေ့နိုင်သေး။

ရှန်ပိန်အရက်
မချက်လိုဘူး၊ အုန်းရည်ကိုသောက်
တမော့လောက်နှင့်၊ မူးနောက်ဝေပြီး
သဲငွေသောင်မှာ အိပ်နိုင်သေး။

ဆာရင်လည်းလေ
တွဲလွဲငုံ့ဆိုင်၊ ငှက်ပျောခိုင်မှ
ခူးကိုင်ဆွက်ကာ၊ အခွံနွှာပြီး
ဗီတာမင်များ၊ ဓာတ်အားကြွယ်လှ
ပလုပ်ပလောင်း စားနိုင်သေး။

ဘာလိုသေးလဲ
အေးအေးမေ့ပျောက်၊ သစ်ပင်အောက်မှ
နှစ်ယောက်တည်းပဲ၊ လက်တွဲချင်တွဲ
မေလည်းသီချင်း၊ လွတ်လပ်ခြင်းနဲ့
ရှိုက်မျှဉ်းတေးကို၊ အော်ဆိုချင်ဆို
ပျက်ပြိုအက်ကွဲကြောင်သွားပေစေ။

ဘာလိုသေးလဲ
ငြိမ့်အေးတိတ်ဆိတ်၊ သစ်ပင်ရိပ်မှာ
မမှိတ်ရေးရေး၊ မျက်လုံးမှေး၍
တွေးတောကြံဖန်၊ ကာရန်ကိုရှာ
ကဗျာစပ်ကာ ရူးနိုင်သေး။

ဘယ့်နှယ်လဲမေ
လူထဲသူထဲ၊ ဟန်ဆောင်ဝဲမှ
တိုးရှဲဝေးရာ၊ ထိုကျွန်းသာသို့
ဘယ်ခါလိုက်မယ် ပြောစမ်းပါ့။

[ရှုမ၀မဂ္ဂဇင်း၊ ၁၉၄၉]
ပိတောက်ပွင့်သစ်မဂ္ဂဇင်း၊ အမှတ် ၁၄၊ စက်တင်ဘာ၊ ၂၀၀၇ မှ ကူးယူဖော်ပြပါတယ်။

နှင်း
ရေးသူ-မော်စီတုံး။ ဒဂုန်တာရာ မြန်မာလိုပြန်တယ်။

မြစ်ဝါမြစ်၏ အထက်နှင့်အောက်ဝယ်
စီးဆင်းနေသော ရေအယဉ်ကို သင်မြင်ရမည်မဟုတ်။
တောင်တန်းတို့သည် ကနေသော ငွေမြွေများပင်။

တောင်ကမူ ကလေးတို့ကား
လွင်ပြင်ဝယ် ၀င်းပသော ဆင်များပင်။
ငါတို့ရောက်နေသော နေရာနှင့် မိုးကောင်းကင်ကို
နှိုင်းယဉ်ကြည့်ချင်နေသည်။ ။
ကြည်လင်ကင်းစင်နေသည့်အခါဝယ်
မြေအပြင်ကား ချစ်စဖွယ်ပင်
မျက်နှာနီကာ အပျိုမကလေး ၀တ်ရုံဖြူကို
ဝတ်ထားသည့်အလား
ဤတောင်နှင့် မြစ်တို့ကား၊ ချစ်ဖွယ်ရာပင်တကား။

မော်စီတုံး
[ဒဂုန်တာရာ မြန်မာပြန်]

Sunday, March 23, 2008

၃၂ ပြည့်၊ ၂၃ မတ်
ရေးသူ-မောင်အေးဝင်း

ဒီနေ့ မနက် ၅ နာရီ၊ အလုပ်ဝင်ရမှာမို့၊ ၃ နာရီခွဲ ကတည်းက အိပ်ရာကနိုးနေတယ်။ ကိုယ်လက် သန့်စင်တဲ့ အခန်းမှာ ထိုင်ရင်း၊ တံခါးမှာချိတ်ထားတဲ့ ပြက္ခဒိန်ကို လှမ်းကြည့်လိုက်တော၊့ တနင်္ဂနွေ မတ်လ ၂၃ ရက်ပါလား။ သြော်.... မတ်လ၊ ၂၃ ရက်။ ၂၃ ရက် မတ်လ....။ ဟိုလွန်ခဲ့တဲ့ ၃၂ နှစ်က မတ်လ ၂၃ ရက်ကို အတွေးက ရောက်သွားတယ်။
အမှတ်တရနေ့မှာ၊ အမှတ်တရ ဖတ်ဖို့၊ ဓူဝံစာပေက လက်ဆောင်ရထားတဲ့ အရေးတော်ပုံ (၄) စောင်တွဲကို အလုပ်သွားတဲ့ အိပ်ထဲ ထည့်လာခဲ့တယ်။ ဖတ်ရင်းနဲ့ တဆက်ထဲမှာပဲ၊ သူငယ်ချင်း အောင်စောဦး၊ ကိုမြင့်လှိုင်နဲ့ ကိုဌေးဝင်း(ဂျာမဏီ)ဆီ၊ ၃၂ နှစ် အမှတ်တရ တယ်လီဖုံးခေါ်လိုက်တယ်။ အတိတ်တွေကို ပြန်ပြော ဖြစ်ကြတယ်။

xxxx xxxx xxxx xxxx


၁၉၇၆ မတ်လ။ စာမေးပွဲ နီးလို့ စာအတူကျက်နေကျ သူငယ်ချင်းတွေ ကိုယ့်အိမ်မှာ စာလာ ကျက်ကြတယ်။ သမိုင်း စဥ့်ငူဆောင်မှာနေတဲ့ အောင်ကျော်စိုးရယ်၊ တလမ်းထဲနေတဲ့ ၀င်းမောင် (ဖိုးဝ ဘိနပ်-ယခု ကွယ်လွန်)ရယ်၊ မင်းဟန်(ဗိုလ်ကြီးဟောင်း-ယခု အမေရိက)ရယ်၊ သန်းလွင်ရယ် စာကျက်ဖို့ ညဦးပိုင်းလောက်မှာ အသီးသီးရောက်လာကြတယ်။ ဒီညတော့ သူတို့ကို ဖွင့်ပြောလိုက်တယ်။ စာမကျက်ကြနဲ့တော့၊ စာမေးပွဲက ဖြစ်တော့မှာ မဟုတ်ဘူးလို့။ ကိုယ်လဲ အဲဒီညက စောစော အိပ်ရာဝင် တယ်။ မနက်စောစော ကျောင်းသွားရမယ်။
ကိုမှိုင်းတို့အုပ်စုက ပန်းဘဲဆရာကြီး ဦးချစ်ရဲ့ ထမင်းကြော်ဆိုင်မှာ။ ကိုယ်တို့က နွေးအေးမှာ။ သူတို့ ဦးချစ် ထမင်းကြော်ဆိုင်က ထတော့ ကိုယ်တို့လဲ နွေးအေးက ထတယ်။ (ပိုက်ဆံမလောက်လို့ ဦးချစ်ဆီမှာ ထမင်းကြော် အကြွေးကျန်ခဲ့တာ နောက်တော့ ကိုမှိုင်းပြောပြတယ်)။
အဆောင် (၁) အောက်မှာ စုကြတယ်။ ကိုမှိုင်းလို့ ကျနော်တို့ ခေါ်တဲ့ ကိုတင်အေးကြူ (မောင်မှိုင်းလွင်-အင်းဝ) က၊ ၀ိုင်းကပ်ပေးဖို့ သူ့လက်ထဲက ပိုစတာတချို့ ကျနော့်ကို လှမ်းပေးတယ်။ သူရယ်၊ ဗိုလင်း (ကိုသန်းလင်း-ဘုန်းနွယ်လင်း)ရယ်၊ ကိုဝင်းမြင့် (၀င်းမင်းထွေး)ရယ်၊ ကျနော်ရယ် ပိုစတာတွေ ကပ်ကြ တယ်။ နောက်တယောက် နှစ်ယောက်၊ ပါသေးတယ်။
ကိုမှိုင်းရယ်၊ ဗိုလင်းရယ်၊ ကျနော်ရယ်က ၁၉၆၉ ကျောင်းရောက် ကတည်းက တန်းခွဲ အတူတူ၊ စာမေးပွဲကျ အတူတူ။ လုပ်အားပေးတွေမှာ၊ ကဗျာတွေ ရေးကြတဲ့အထဲမှာ၊ အတူတူ။ ကိုမှိုင်းက မြို့ပြ(civil)၊ ဗိုလင်းက ချည်မျှင်(textile)၊ ကျနော်က ဓါတု(chemical)။ ကျနော်တို့ စာမေးပွဲကျနှစ်မှာ ကိုဝင်းမြင့်(ယခု-သီချင်းတွေရေးတဲ့ ၀င်းမင်းထွေး) ကျောင်းရောက် လာတော့ အတန်းတွေက တူသွားပြန်ရော။ ဒါပေမယ့် ကိုဝင်းမြင့်နဲ့က မှိုင်းရာပြည့်ဖြစ်တဲ့နှစ်မှ ရင်းနှီး သွားတာ။
ပိုစတာတွေ ကပ်ပြီးတဲ့ အချိန်မှာ အဆောင်(၁) အောက်မှာ လူတွေလဲ အတော်စုမိလာပြီ။ ကိုမှိုင်းစကား စပြောတော့ လက်ခုပ်သံတွေကြောင့် လူတွေ များသထက်များလာတယ်။ လူအတော်များ လာတော့ ကိုမှိုင်းနဲ့ ကျနော်က ကျောင်းရှေ့မှာ သွားနေတဲ့ ကားတွေကို ချောဆွဲဖို့ ထွက်ခဲ့ကြတယ်။ လူအုပ်ကြီးကလဲ နောက်က လိုက်လာတယ်။ ကျောင်းရှေ့ ဘတ်စ်ကားမှတ်တိုင်မှာ လာရပ်တဲ့ ဘတ်စ် ကားတွေ၊ စက်ရုံတွေက ကြို/ပို့ ယာဉ်တွေကိုတားပြီး၊ ကျနော်တို့ဟာ မျိုးချစ်စာဆိုတော်ကြီး သခင် ကိုယ်တော်မှိုင်းရဲ့ ရာပြည့်ပွဲကျင်းပဖို့၊ ဆရာကြီးရဲ့ ဂူဗိမာန်ကိုသွားရမှာ ဖြစ်တဲ့အကြောင်း၊ ခရီးသည် တွေကို မေတ္တာရပ်ပြီး ကားပေါ်က ဆင်းခိုင်းပါတယ်။ ကားဘယ်နှစ်စင်းလဲ မမှတ်မိဘူး၊ စက်မှုက ကျောင်းသားတွေကို တင်ပြီး ၀ိဇ္ဇာသိပ္ပံကိုထွက်ခဲ့ကြတယ်။
ကျနော်က နောက်ဆုံးကားနဲ့ လိုက်လာပြီး၊ သမိုင်းလမ်းဆုံမှာ ပြန်ကွေ့တဲ့ ဟီးနိုးကားငယ် တစီးကို တားဖို့ ဆင်းလိုက်ပါတယ်။ ဟီးနိုး ကားငယ်အလွတ်တစီးကို ချောဆွဲပြီး သမိုင်းကောလိပ်ဝင်း ထဲက တိရစ္ဆာန် မွေးမြူရေးနဲ့ ဆေးကုသရေးတက္ကသိုလ်က ကျောင်းသားဆောင်ကို သွားပြီး၊ စာမေးပွဲ ဖြေဖို့ သွားတော့မယ့် ကျောင်းသားတွေကို သွားခေါ်ပါတယ်။
အဓိပတိလမ်းမှာ လူစုကြတယ်။ ကိုမှိုင်းတရားဟောနေတုန်း ကျောင်းသူတယောက်လဲ မလှမ်း မကမ်းမှာ စကားလာပြော နေပါတယ်။ သူမရဲ့ အကိုဖြစ်သူကို စစ်အစိုးရက ဖမ်းသွားတဲ့အတွက်၊ ခုလို အကို တက္ကသိုလ်ကျောင်းသားတွေနဲ့ လာရောက်ပူးပေါင်းကြောင်း ပြောနေပါတယ်။ သူက အဲဒီနေ့ ၂၃ ရက်နေ့ သတင်းစာထဲ ပါတဲ့၊ အဖမ်းခံရတဲ့ ကိုတင်မောင်ဦးရဲ့ ညီမလို့ ပြောပါတယ်။
ကျောင်းသားတွေဟာ စည်းကမ်းရှိရှိ သေသေသပ်သပ်နဲ့ ငါးယောက်တတွဲစီ တန်းစီပြီး မှိုင်းဂူကို ချီတက်ကြတယ်။ အသံလွှင့်ရုံအတွင်းနဲ့ ဟံသာဝတီအ၀ိုင်း စာပေဗိမာန်အပေါ်ကနေ မှန်ဘီလူး အကြီးစား တွေ တပ်ထားတဲ့ ကင်မရာတွေနဲ့ တဖြတ်ဖြတ် ရိုက်နေတာတောင် လှောင်ပြောင်တာက လွဲလို့ ကျောင်းသားတွေ ဘက်က ပြဿနာ မရှာခဲ့ပါဘူး။ (ဒီပုံတွေ ကျနော်တို့ အဖမ်းခံရတော့ စစ်ကြောရေးမှာ ထောက်လှမ်းရေးတွေက ပြတယ်။ ပုံ ၅၀ ကျော်လောက်ရှိတယ်။)
ဆန်းသီရိရုပ်ရှင် ရှေ့ရောက်တော့ ရုပ်ရှင်ရုံထဲမှာ အသံချဲ့စက်တွေ မိုက်ကရိုဖုံးတွေ ရှိကြောင်း၊ ငါးယောက်တတွဲ တန်းဘေးက ရံပြီး လိုက်လာတဲ့ ကျနော်နဲ့ ဇော်ဖေ၀င်း(ယခု ပြည်တွင်းပြန်ရောက်- ငြိမ်းအဖွဲ့) ကို ရုပ်ရှင်ရုံရှေ့မှာ ရပ်ကြည့်နေတဲ့ လူတယောက်က လာပြောသေးတယ်။ ငြိမ်းချမ်းစွာ စီတန်းလှည့်လည်တာ ဖြစ်တဲ့ အတွက် မူလရည်ရွယ်ချက်ကို မပျက်အောင် ထိမ်းရမှာ ဖြစ်ကြောင်း၊ ပြောခဲ့ပါတယ်။
စစ်အစိုးရကလဲ ချီတက်ရာလမ်းတပေါက်ပဲ ဖွင့်ထားပေးတယ်။ ပြည်လမ်းအတိုင်း မြေနီကုန်း ထိ၊ ဖွင့်ပေးထားပြီး၊ ဟံသာဝတီမှာ ဦးဝိစာရဘက်ချိုးမဲ့ လမ်းမှာ စစ်သားတွေ ကာပြီး၊ ရပ်စောင့်နေ တယ်။ မြေနီကုန်းရောက်တော့ မြို့ထဲနဲ့ စမ်းချောင်းဘက်ကို မသွားနိုင်အောင် စစ်သားတွေ ကာရပ်ပြီး လမ်းပိတ်ထားပါတယ်။
ကျနော်တို့က မြေနီကုန်းလေဟာပြင် ရှေ့ကဖြတ်ပြီး ၀ိဇယရုံရှေ့ကနေ ဦးဝိစာရလမ်းဘက်ကိုချိုး ပါတယ်။ ဦးဝိစာရလမ်းမှာ၊ လမ်းထိပ်တွေမှာ၊ ရပ်စောင့်နေတဲ့ စစ်သားတွေထဲက စစ်သားတယောက် လွယ်ကိုင်ထားတဲ့ သေနတ်ပြောင်းဝထဲကို ဇာနည်ဘို(ယခု လက္ခဏာဆရာကြီး) က နောက်ပြောင်ပြီး သစ်ကိုင်းကလေးလား၊ ပန်းပွင့် ကလေးလား အသေအချာတော့ မမှတ်မိတော့ဘူး၊ သွားထိုးထည့်လို့၊ ကျောင်းသားတွေက လက်ခုပ်တီးကြ တယ်။ ကာယကံရှင် စစ်သားက ဣနြေ္ဒဆောင်ထားပေမဲ့ ရီချင်နေ တဲ့ မျက်နှာပေးနဲ့ ပြန်ကြည့်တယ်။
ရွှေတိဂုံဘုရားတောင်ဘက်က ဆရာကြီး သခင်ကိုယ်တော်မှိုင်းဂူရှေ့မှာ စုကြပြီး၊ ဆရာကြီးကို ကျနော်တို့ ဦးညွတ်ဂါရ၀ ပြုကြတယ်။ ကိုမှိုင်းက ဆရာကြီးရဲ့ စာတွေ ကဗျာတွေကို ဖော်ကြူးပြီး တရားဟော ပါတယ်။ ကျနော်တို့ ဆရာကြီးရဲ့ ဂူရှေ့၊ ရွှေတိဂုံဘုရားလမ်းပေါ် ကျင်းပနေတာကို ကျောပေးထားတဲ့ တပ်မတော် ငွေစာရင်းလား၊ မှတ်တမ်းရုံးလား မမှတ်မိတော့တဲ့ ၀င်းကြီးထဲက၊ ကားလမ်းမနဲ့ ကပ်လျက် နှစ်ထပ်ပျဉ်ထောင်တန်းလျားကြီးပေါ်ကနေ မှန်ဘီလူးအဖြူရောင် အကြီးစား တပ်ထားတဲ့ ကင်မရာနဲ့ စိမ်ပြေနပြေ ရိုက်နေတာ တွေ့ရတယ်။ ခဏနေတော့ အဲဒီရုံးထဲက စစ်ကားတစီး ဆင်းလာပါတယ်။ ကျနော်တို့က သူ့ အပေါက်ကို ပိတ်ကာပြီး တရားပွဲ လုပ်နေတာဆိုတော့၊ သူ တဖြေးဖြေး ဘီးလှိမ့်ဆင်းလာတဲ့ ကားဟာကျနော်တို့ ၀ိုင်းထဲကို ရောက်လာတယ်။ ကျောင်းသား တချို့က စစ်ကားကို ချမယ်နှက်မယ်၊ လုပ်ကြသေးတယ်။
သူ့မှာ ပြဿနာရှာချင်လို့ ကိုယ့်ဝိုင်းထဲ ၀င်လာတာဆိုရင်၊ သူဆင်တဲ့အကွက် တည့်တည့်နင်း ဖြစ်မှာစိုးလို့ အော်နေဟစ်နေတဲ့ ကျောင်းသား အချို့ကို ဖြောင့်ဖျပြီး၊ ပြဿနာကောင် စစ်ကားကို ထွက်ဖို့ လမ်းပေါက်ဖွင့်ပေးလိုက်ပါတယ်။ စစ်ကားဟာ စစ်သားတွေ လမ်းပိတ်ရပ်နေတဲ့ မြို့ထဲဖက်ကို ထွက် သွားပါတယ်။ သူတို့ ဟာ ကျနော်တို့ကို ကျောင်းကနေ ဆရာကြီးဂူအထိ တပေါက်ပဲ ပေးထားတာမို့ မြို့ထဲဖက် မသွားနိုင်အောင်လဲ ပိတ်ကာထားပါတယ်။
တရားပွဲပြီးတော့ ကျောင်းသားတချို့က မိဘပြည်သူတွေကိုလဲ အသိပေးတဲ့ အနေနဲ့ မြို့ထဲကို လှည့်လည်မယ်လို့ အစထောင်လာပါတယ်။ ကျနော်တို့က ဆရာကြီးရဲ့ မွေးနေ့ အနှစ်၁၀၀ ပြည့် ကျင်းပ ဂါရ၀ပြုဖို့ လာတာမို့ ကျောင်းကိုပဲ ပြန်ဖို့ အစီစဉ်ရှိကြောင်း၊ ထကြွနေတဲ့ ကျောင်းသားတချို့ကို ဖျောင်းဖျ ထိမ်းသိမ်းလာခဲ့နိုင်ပါတယ်။ လာရာလမ်းအတိုင်းပဲ ပြန်ခဲ့တာမို့ ကျောင်းကို ချောမောစွာပဲ ပြန်ရောက်ပါ တယ်။
အဓိပတိလမ်းကို ပြန်ရောက်တော့ ကျနော်တို့ရဲ့ ဆရာတွေ ဆရာမတွေဟာ ဘွဲ့နှင်းသဘင် အဆောက် အဦးကြီးရဲ့ လှေခါးရင်းမှာထိုင်နေကြတယ်။ ဘွဲ့နှင်းသဘင်ခမ်းမကြီးထဲ မ၀င်ကြဖို့ မေတ္တာရပ်ကြပါတယ်။ ကျနော်တို့ရဲ့ ရူပဗေဒဆရာကြီး ဦးလွှမ်းမိုးကိုတော့ ကောင်းကောင်း မှတ်မိနေပါ တယ်။ ဆရာတွေက ၀တ္တရားအရသာ ကာနေပုံရတယ်။ မျက်နှာတွေက မကောင်းကြပါဘူး။ ကျနော်တို့ ကလဲ ဆရာတွေကို အနူးအညွတ် တောင်းပန်ခဲ့ပါတယ်။ ကိုဝင်းမြင့် (၀င်းမင်းထွေး) က ရှေ့က ဦးဆောင် ထွက်လာတော့ ဆရာတွေလဲ အသာတကြည်ပဲ လမ်းဖယ်ပေးလိုက်ကြတယ်။
ဘွဲ့နှင်းသဘင်ခန်းမကြီးရဲ့ ဘာဂျာတံခါးကြီးကို အောက်ခြေကနေ ဆွဲပြီး လှန်ဖွင့် လိုက်ပါတယ်။ သပိတ်ဘူမိနက်သန် (ဦးသန့်အရေးအခင်း၊ ရွှေတိဂုံအရေးအခင်း၊ ယခု မှိုင်း) ဘွဲ့နှင်းသဘင်ခန်းမကို သိမ်းပိုက်နိုင်ခဲ့တယ်။ ဒါပေမယ့် ရန်သူက သူ့ရဲ့ လက်နက်တခုဖြစ်တဲ့ ကျောင်းတွေပိတ်လိုက်ပြီ ဆိုတာနဲ့ ဖြိုခွဲလိုက်တာ သပိတ်စခန်းမှာ တဖြေးဖြေးလူနဲ လာတယ်။
လေးငါးရက်လွန်မြောက်လာတော့ အင်းယားလမ်းဘက်၊ စီးပွါးရေးတက္ကသိုလ်နောက်ဘက်ကို စစ်ကားတွေ ရောက်လာတယ်။ ဘွဲ့နှင်းသဘင်က ရွှေ့ရမယ်။ ခြေရာဖျောက်တဲ့လူလဲ ဖျောက်ရမယ်။ ကျနော်တို့ သိမ်းထားတဲ့ ကားနှစ်စီးရှိတယ်။ တစုက တက္ကသိုလ်ပုံနှိပ်တိုက်က သိမ်းထားတဲ့ ကားလေး ပေါ်မှာ စာကူးစက်တွေ ဘာတွေ တင်ပြီး စက်မှုတက္ကသိုလ်ဘက်ရောက်သွားတယ်။
ကိုမှိုင်းတို့ အစုက သိမ်းထားတဲ့ ဒေါ့ဂျစ်ကားကြီးနဲ့ ဆရာကြီးမြေးတွေ ကျောင်းတက်နေတဲ့ ဟံသာဝတီအ၀ိုင်းထိပ်က အထက ကျောင်းကိုရွှေ့မယ်ဆိုပြီး ချီတက်ကြတယ်။ နောက်မှ သူတို့ ပြန်ပြော ပြတာ။ ဒေါ့ဂျစ်ကားမှာကလဲ ခွပ်ဒေါင်းအလံက တလူလူလွင့်လို့။
ရဲဝိုင်ယာလက်ကားက သူတို့နောက် က လိုက်လာတယ်။ လိုက်တမ်းပြေးတမ်း ကစားတုန်း သူတို့ ကားပေါ်က ကြဲချတဲ့ စာရွက်တွေက နောက်ကလိုက်လာတဲ့ ၀ိုင်ယာလက်ကား မှန်မှာ သွားကပ်ရော။ အသံလွှင့်ရုံရှေ့မှာ ထောက်လှမ်းရေးတွေ ကားရပ်ပြီး ကားမှန်က စက္ကူတွေ ဆင်းဖယ်နေတုန်း ဒေါ့ဂျစ်ကားမောင်းသူက ကြောက်ကြောက်နဲ့ ကားကို ကြံတောသုသန်ထဲ မောင်းပြေးပြီး၊ သင်္ချိုင်းထဲမှာ ကားရပ်ပြီး ထွက်ပြေးသွားတယ်။ ကားပေါ်မှာ ပါလာတဲ့ သူတွေလဲ လွတ်ရာ ကျွတ်ရာ ထွက်ပြေးကြရတယ်။ မွတ်နားတို့က ကြံတောထဲမှာပဲ မိသွားတယ်။ ကိုမှိုင်းတို့သုံးယောက် (ကိုမှိုင်း၊ ဗိုလင်း၊ ကိုဝင်းမြင့်)က ဆင်မလိုက်မှာ သွားမိတယ်။ မလှမြိုင်တို့က အိမ်တအိမ်ကနေ သံရုံးတခုကို ခိုလှုံဖို့အသွားမှာ မိသွားတယ်။
ကြိုတင် ရှောင်တိမ်းနိုင်သူတွေထဲက တချို့ လွတ်မြောက်တဲ့နယ်မြေ၊ ပန်ဆန်းကို ရောက်သွား တယ်။ ကျနော်ကိုတော့ ဧပြီလ ၁၀ ရက်နေ့မှာ အိမ်မှာ လာဖမ်းတယ်။ မိသွားတဲ့သူတွေကို အတွဲလိုက် ထောင် ၉နှစ်၊ ၇ နှစ်၊ ၅နှစ် စီ ချလိုက်တယ်။ ကျနော်တို့က နှစ် နှစ်နေပြီး ၁၉၇၈ ဧပြီမှာ အရေးအခင်း ကျောင်းသားတွေကို လွှတ်ပေးတဲ့ နိုင်ငံတော်ကောင်စီ လွတ်ငြိမ်းခွင့်နဲ့ လွတ်ပီး၊ ကျန်တဲ့လူတွေက ၂/၈၀ နိုင်ငံတော်ကောင်စီ အထွေထွေ လွတ်ငြိမ်းချမ်းသာခွင့်မှာ လွတ်ကြတယ်။
မှိုင်းရာပြည့်ဟာ ၇၀ခုနှစ်လွန် ကျောင်းသားအရေးအခင်းတွေရဲ့ နောက်ဆုံးအရေးအခင်းပါပဲ။

Saturday, March 22, 2008

မတ်လသမိုင်းရဲ့ ဂန္ထ၀င်ပန်းရိုင်းများ
အမျိုးသားနိုင်ငံရေးတပ်ပေါင်းစုမှထုတ်ဝေသည်။


တပြည်သား
နယ်ချဲ့အစွန်းရန်ကို.......

တကယ့်တကယ်
တွန်းလှန်ဖို့အရေးကလဲ
မဝေးတော့ပြီမို့......

အရေးကြီးလျင်ဖြင့်
သွေးစည်းပြီး
သွေးနီးရာဆိုသည့်အတိုင်း.......

ကိုင်း ထထကြွကြွနှင့်
ဝိုင်းကြပေရော့.......။

ဒါ.....ဆရာကြီး
ဒေါက်တာသခင်ကိုယ်တော်မှိုင်း.... ရဲ့
စည်းလုံးညီညွတ်ရေးစကား
တိုင်းရင်းသားပြည်ထောင်စုကြီးရဲ့ 'ဓါး' ပေါ့....။



ပန်းသစ်တွေအားကြောင့်
မိုးမှောင်ကင်းစင်
ကောင်းကင်ကြီး ကြည်လင်တော့မယ်။

ရှင်ပြန်ထမြောက်
ထာဝရတောက်ထိန်
ဒီမိုကရေစီအလင်းအိမ်။

အချိန်ပန်းနု
လူထုရင်ခွင်
နေမ၀င်ကြောင်း
အလင်းဒေါင်းသံ
ကောင်းကင်ပျံပဟေ့
သွေးစည်းနေ့။

နယ်ချဲ့ညစ်စုတ်
ဖက်ဆစ်ယုတ်ကို
စည်းစည်းလုံးလုံးတိုက်ကာထုတ်
သွေးပုတ်တွေသန့်စင်
ကြည်လင်ခြင်းအမွန်
ခေတ်ဆိုးနွံအိုင်ထဲကတက်
ပြည်သူတွေရဲ့အသဲနဲ့အသက်ဟာ
ယုံကြည်ချက်ပဲ။

ရာသီဆိုးတွေကို ချွေ
ကြွေစေတာဘယ်သူလဲ
ဖန်ဆင်းရှင် ငါ ပြည်သူတွေပဲ.....။

ဖိနှိပ်မှုငှက်ဆိုး
စည်းလုံးညီညွတ်မှုရဲ့ချွန်ထက်တဲ့လှံနဲ့ထိုး
နယ်ချဲ့လူဆိုးဟာ ပို့လိုးပက်လက်နဲ့
အသက်ထွက်ခဲ့ပါရောလား။

နယ်ချဲ့ဆန့်ကျင်ရေး
အမျိုးသားလွတ်မြောက်ရေး
ဒီမိုကရေစီရေး
ညီညွတ်ရေး
ငြိမ်းချမ်းရေး
လွတ်လပ်ရေးတဲ့။

သွေးထဲကသမိုင်း
ဖခင်ဗိုလ်ချုပ်ရဲ့တော်လှန်တဲ့အသံလှိုင်း
တိုင်းတုန်အောင်မြည်ဟီး
ကမ္ဘာကြီးကိုတုန်ခါ
ဒီမှာ.....ဖတ်ကြည့်စမ်းပါ
.......ရဲဘော်တို့
အနီးကပ်ဆုံးရန်သူကိုတိုက်ကြလော့.....
ရဲရဲမိုက်မိုက်ထုသွန်း
တော်လှန်တဲ့မိန့်ခွန်းချို
ပြည်သူအတွက်ပျားရည်လို
နယ်ချဲ့အတွက်
မီးတောင်ထဲကချော်ရည်လိုဟေ့....။

ဒို့ဘိုး ဒို့ဘွား
ဒို့အဖိုး ဒို့အဖ
ဒို့အဖွား ဒို့အမေ
ဒို့မြေထဲက ထိမခံတော်လှန်စိတ်နဲ့
အိပ်ခြင်းမဲ့တဲ့ပြည်သူတွေ
နိုးကြားရဲဝံ့အသက်စွန့်ပေ
လွတ်လပ်ရေးရွှေ
သရဖူသစ်အာဏာအစစ်
နိုင်ငံတော်သစ်စေဖို့
တို့ဘိုးဘွားတွေရဲ့လမ်း
သွေးစည်းမှုဟာ 'တပွင့်ထဲသောပန်း'
တရောင်ထဲ 'အနီထဲကကြယ်ဖြူပွင့်'အလံ
လွှင့်ထူလိုက်ကြစမ်း.....။

တူညီကာစုစည်း
စည်းလုံးတဲ့ပြည်ထောင်စုဒီခရီးမှာ
ဒီမိုကရေစီမီးလျှံ
ပြည်သူတွေရဲ့ခြင်္သေ့မာန်နဲ့
နယ်ချဲ့ကိုတော်လှန်ချ
တိုက်ပွဲဝင်ခဲ့ကြတယ်.......။

ပန်းပွင့်တွေကလူထုရဲ့နှလုံးသား
သမုဒ္ဒရာကြီးတွေကလူထုရဲ့အား
ရိုးမကြီးတွေကလူထုရဲ့ဓါး.....။

ဒီရေမြင့်သစ်
အလင်းခေတ်မှာ
ချစ်တဲ့သက္ကရာဇ်
<၁၉၄၇ဖေဖောဝါရီ ၁၁>က
ပင်လုံမှာ
ရာဇ၀င်တွင်မဲ့စကားဗိုလ်ချုပ်က
ဟောဒီလိုပြောကြားသွားတယ်....။
ဗမာကတမျိုး ကရင်ကတဖုံ
ရှမ်း ကချင် ချင်းတို့ကတခြား
အကွဲကွဲအပြားပြား
လုပ်နေကြရင်အကျိုးရှိမှာ
မဟုတ်ဖူး၊ လုပ်ကြည့်မှလဲ
အကျိုးရှိကြောင်းသိနိုင်တယ်....။
ဒီစည်းလုံးညီညွတ်ရေးနိဒါန်းနဲ့
လွတ်လပ်ရေးအောင်ပန်းကို
ဆွတ်လှမ်းလို့ရခဲ့ပြီ။

သမိုင်းရဲ့တေး
သွေးနဲ့ရေးခဲ့
မွှေးတဝေေ၀အမေ့မြေ
ထာဝရသန္တိသုခနဲ့ငြိမ်းချမ်းစေဟေ့
ငြိမ်းချမ်းစေ.....။

ချွန်စေတဲ့ဒို့သမိုင်း
တွန်စေတဲ့ဒို့တိုင်း
လှိုင်းဂယက်ပွက်ပွက်လျံ
တိုင်းပြည်ကနုနု မုန်တိုင်းကထန်ထန်၊
သမိုင်းမီးလျှံ
တော်လှန်ရေးပုံရိပ်
အတိတ်ပန်းချီကားချပ်အင်ကြင်းလို
ပန်းနုရောင်ပျိုစိုကာကြွ
ရဲရှနေတဲ့ရုပ်ပုံလွှာ
သံမဏိအက္ခရာထိုး
အရေးတော်ပုံတန်ခိုးတော်
အရေးတော်စုံနဲ့အကျိုးဖော်
အမျိုးသားရေးအောင်လံတော်
သူ့ကျွန်ဘ၀မှာမပျော်ဘူးဟေ့နော်......။

၁၈၈၅
နိုဝင်ဘာ ၂၉
ထီးကျိုးလို့စည်ပေါက်
ပါတော်မူဂေါဝိန်တလျှောက်
ပြည်ကြီးယောက်ယက်ခတ်သွားတယ်။

၁၉၁၉
သွေးသစ်နိုးထ
ပထမဦး
ဟုမ္မရူးနဲ့
ဒီမိုကရေစီအရေးတော်ပုံကြီး......ပ။

၁၉၂၀
ဘွိုင်းကောက်
ဘွိုင်းကောက်နဲ့
တိုင်းတလျှောက်တုန်ခဲ့တယ်...။

၁၉၃၀
ပြည်တုန်အောင်ပျံတဲ့
'ဥုံအရဟံ
သစ္စာဂတိတွေနဲ့
ဂဠုန်သရဏံဂစ္ဆာမိ' .....

၁၉၃၈
၁၃၀၀ပြည့်အရေးတော်ပုံခေတ်
ရေနံမြေသမိုင်းသစ်
ခွပ်ဒေါင်းအလံနဲ့ကျောင်းထိပ်ပေါ်
နိုင်ငံတော်တခုလုံး
တော်လှန်ရေးမီးတောင်ကြီး ၀ုန်းကနဲပေါက်ကွဲ
ဒီမိုကရေစီ အလင်းလမ်း ဖောက်တဲ့ပွဲဟေ့.....။
'....မြင်းခွါတချက်ပေါက်ရင်
မီးဟုန်းဟုန်းတောက်စေ့မယ်....'
သခင်ဗဟိန်းရဲ့ရဲရဲတောက်စကား
အရေးတော်ပုံထဲကဖွားလာတယ်။

၁၉၄၅ မတ်လ ၂၇
ဖက်ဆစ်နွံဆိုး ရွက်ကြွေဆွေး
အနီထဲကကြယ်ဖြူပွင့်တော်လှန်ရေး
အောင်လံတလွင့်လွင့်နဲ့ အနာဂတ်တေး
မတ်လရဲ့ ခရေပွင့်မွှေးဝေေ၀တွေကြားမှာ
ရှင်သန်နေဆဲပါလားဟယ်...။

၁၉၄၇
ဖေဖော်ဝါရီ ၁၂
စည်းလုံးညီညွတ်ရေးသမုဒ္ဒရာသစ်
ငြိမ်းချမ်းရေးမြစ်ပေါ်မှာ
နေအလင်းထက်သာတဲ့ညီညွတ်ရေးအား
ဗိုလ်ချုပ်ရဲ့နှလုံးသား
ပြည်သူတွေသွေးစည်းမှုအားကြောင့်
လွတ်လပ်ရေးရန်ဆူးရန်ညှောင့်တွေရှင်း
နိုင်ငံတော်မနက်ခင်း
လင်းခဲ့ပြီ.....။

ဗိုလ်ချုပ်ရဲ့အသဲ သွေးရဲရဲက
ပြည်ထောင်စုပန်းတိုင်ကြီးအတွက်
ဟောဒီလို ဒီမိုကရေစီလမ်းကို
အပြီးအပိုင်ခိုင်ခိုင်ကြီးဖောက်
လူထုတံခါပေါက်ကိုရောက်စေရမယ်....
...... တကယ့်ဒီမိုကရေစီဆိုတာ
နိုင်ငံရေးသဘောတရားအရ
ပြည်သူတွေရဲ့အကျိုးအတွက်၊
ပြည်သူတွေကတင်မြောက်တဲ့
ပြည်သူတွေရဲ့အစိုးရဖြစ်ရုံနဲ့
မပြီးသေးဖူး၊ အဲဒီအစိုးရဟာ
ပြည်သူတွေရဲ့ လက်ငင်းစီးပွါရေး
အဆင့်အတန်းကို
အခွင့်အရေးတန်းတူရနိုင်တဲ့
အခြေအထိ၊ မြှင့်တင်နိုင်အောင်
ဆောင်ရွက်ပေးမှ
တကယ့်ဒီမိုကရေစီအထိ
တက်လှမ်းနိုင်မယ်
ဒါဖြင့် အဲဒီလိုဒီမိုကရေစီ
အဆင့်အတန်းရောက်အောင်
ဘယ်လိုအခြေခံတွေချရမလဲ....။
[၅] အပိုဒ်မှာ
တိုင်းသူပြည်သားတွေသာအာဏာပိုင်
အစစ်ဖြစ်တယ်။
ဆိုတဲ့ သဘောတရားကိုခိုင်ခိုင်မာမာ
ဖြစ်အောင်စီစဉ်တတ်ရမယ်။
အဲဒါနိုင်ငံတော်သစ်ရဲ့အနာဂတ်ရောင်ခြည်
ဒို့ဖခင်ဗိုလ်ချုပ်ပြောတဲ့ ရွှေဒီမိုကရေစီ......။

လာပြီလေ....
အမေ
ဒါ..အမေ့မြေ
မနက်ဖန်အလင်းတွေနဲ့
သမိုင်းသစ်တွေထုသွန်း
သွေးစွန်းတဲ့လွတ်လပ်ရေးမော်ကွန်းတိုင်
ခိုင်မာပန္နက်စိုက်ထူ
ပြည်သူလူထုရဲ့ ညီညွတ်မှု၊ သွေးစည်းမှု
ဒီပြည်ထောင်စုကြီးရဲ့ စည်းလုံးမှု
တိုင်းရင်းသားတွေရဲ့ ခွန်အားထုကြောင့်
လွတ်လပ်ရေးတဲ့သစ်ခဲ့ပြီ
လွတ်လပ်ရေးတဲ့ဖြစ်ခဲ့ပြီ
လွတ်လပ်ရေးတဲ့ချစ်ခဲ့ပြီ

ဗိုလ်ချုပ်မျှော်မှန်းတဲ့
သမိုင်းလမ်းထဲက ဒီမိုကရေစီအလင်းရောင်
ခေတ်အမှောင်ကိုခွင်း ကမ္ဘာလင်းအောင်
တေးတဘောင်တွေနဲ့ပြ
သွေးစည်းပီသ
စည်းလုံးညီညာလိုက်ကြတဲ့ ဒို့ပြည်သူ၊
ဘယ်သူမှ မကွဲ မခွဲမခွါ
စည်းလုံးစွာမျှော်ကိုး
ပြည်သူတွေရဲ့တော်လှန်တန်ခိုးနဲ့
အနာဂတ်ပန်းမိုးဝေ
ဒို့ပြည်ထောင်စုအလင်းမြေ
တွန်စေတဲ့ဒေါင်း
အောင်စည်အောင်မောင်းနဲ့
သွေးကောင်းပေါင်းစည်း
ဒီမြေကြီးမှာ
စီးဆင်းလာပြီ
ဒီမိုကရေစီ.........။

[အမျိုးသားနိုင်ငံရေးတပ်ပေါင်းစု National Politics Front မှ၊ ၁၉၈၉ တွင် ထုတ်ဝေခဲ့သည်။]

Friday, March 14, 2008

အဖော်
ရေးသူ-ကိုသက်

ဘ၀ခရီးဝယ်
မညည်းမညူ အတူလှမ်း
လက်ကမ်းလို့ တွဲခေါ်
ခရီးဖော်လဲ လိုအပ်တယ်။

အကောင်းအဆိုးကို
ကြောင်းကျိုးနဲ့ တွေးခေါ်ဖို့
တိုးတိုးဖော်လဲ ရှိသင့်တယ်။

သုတနဲ့ရသ
နှလုံးလှတဲ့ အလိမ္မာ
စာပေဆိုသော အဖော်လဲ
ဘ၀ထဲမှာ လိုတာပဲ။

ငိုတခါ ရယ်တလှည့်
လောကရဲ့ ဇာတ်ပွဲမှာ
ကြေကွဲတာတွေ ဖြေဖို့အဖော်
တရားတော်လဲ လိုသေးတယ်။

အဖော်မပါတဲ့ ခရီး
အထီးကျန်သွေ့ခြောက်
ရသပျောက်တဲ့ အလင်္ကာ
ကဗျာ မဆန်တော့ပါ။

ဘ၀ဆိုတဲ့ ဆည်းဆာ
သာယာတဲ့ ပန်းချီကား
အဖော်များနဲ့ ဆေးခြယ်ထား။ ။

[ရွှေခြံဂါမစာပေမှ ထုတ်ဝေတဲ့ ကိုသက်ရဲ့ ငြိမ်းချမ်းတဲ့ကမ္ဘာ ကဗျာစာအုပ်မှ ကူးယူဖော်ပြပါတယ်]

Tuesday, March 11, 2008

အမှတ်တရ ဆရာတင်မိုး (၁)
ရေးသူ-ကိုသက်



လေယာဉ်ထွက်ဖို့ စောသေးတယ်။ ကော်ဖီတခွက်နဲ့ လေဆိပ်ကော်ဖီဆိုင်မှာ ကျနော် အချိန်ဖြုန်း နေမိတယ်။ မြင်ကွင်းထဲမှာ ခရီးသည်တွေ ဥဒဟို လှုပ်ရှားသွားလာနေတယ်။ ထို့အတူ ကျနော့်ရဲ့ အတွေး မြင်ကွင်းထဲမှာလဲ ဒီနေရာရောက်လာတိုင်း အတိတ်ရဲ့ အရိပ်အချို့က ထင်ဟပ်လာတတ်ပြန်တယ် . . . ။

“ ဂရင်းကဒ် ရောက်လာရင် လွတ်လွတ်လပ်လပ် ခရီးသွားလို့ရပြီ . . . အဟွတ် . . . အဟွတ် . . . အဟွတ် ”
“ ဂရင်းကဒ်နဲ့ လျှောက်ရင် ခရီးသွားခွင့်လက်မှတ်က ၂-နှစ်တောင်ရတော့ ပြည်ပမှာ ကြာကြာ နေလို့လဲရတယ်”

ကျနော့်ရဲ့ ဂရင်းကဒ်ကို အပြန်ပြန် အလှန်လှန်ကြည့်ရင်း ဂရင်းကဒ်နဲ့ပတ်သက်တဲ့ ခံစားချက်တွေ၊ မျှော်မှန်းချက်တွေကို ဆရာတင်မိုးက ဖွင့်ဟနေတယ်။ လက်ထဲက စီးကရက်က အငွေ့တလူလူ တက်နေတယ်။




ဂရင်းကဒ်ကို ကြည့်နေတဲ့အကြည့် မခွာဘဲ ရှေ့မှာချထားတဲ့ ကော်ဖီခွက်ကို ဆရာက ကောက်ကိုင်ပြီး တဖြေးဖြေးသောက် ချလိုက်တယ်။ ပြီးတော့ စကားဆက်လာပြန်တယ်။

“ ဂရင်းကဒ်ရလို့ ဂျပန်သွားဖြစ်ရင် ဟိုမှာ ကြာကြာနေမယ်။ ဂျပန်မှတဆင့် ယိုးဒယား သွားမယ်။ ချင်းမိုင်မှာ နေမယ်။ အဲဒီ ကပြီးတော့ မဲဆောက်ဖက် ဆင်းမယ်။ ကလေးကျောင်းတွေမှာ ကလေးတွေကို မြန်မာစာ သင်ပေးမယ်။ မြန်မာအစားအစာ နဲ့ နီးစပ်တဲ့ ယိုးဒယားအစာတွေကို စားမယ်။ ပျင်းလို့ မြန်မာပြည်ကို လွမ်းတဲ့အခါ မဲဆောက်တံတားထိပ် သွားထိုင်ပြီး မြ၀တီမြို့ကို လှမ်းကြည့်မယ်။ ဒီလိုသာ နေရမယ်ဆိုရင် ယိုးဒယားမှာ အနည်းဆုံး သုံးနှစ်လောက်နေနိုင်မယ်ထင်တယ်။ ”

“ ဟား ဟား ဟား . . . ဆရာကြီးရာ ဖြစ်ပါ့မလား ”

ကျနော်နဲ့ ဆရာက အကြောင်းသိချင်းတွေ မဟုတ်လား။ ဆရာပြောပြောနေတဲ့ ဒါမျိုးအပြောတွေက ကျနော့်အဖို့မှာ ရိုးနေပြီ ဖြစ်လို့ ဟာသနှောတဲ့ သဘောနဲ့ ကျယ်လောင်စွာပဲ ကျနော် ရယ်လိုက်မိတယ်။ ဆရာက ကျနော့်ကို ကြည့်နေတယ်။

ဆရာက ကဗျာဆရာမို့ ကဗျာဆန်ဆန်တွေးပြီး ကာရန်ချိုချိုလေးတွေနဲ့ ဘ၀ကို ချိုမြိန်စွာ မြင်တတ် တွေးတတ် ပုံဖော်တတ်လေ့ ရှိတယ်။ နေရာတခုကို မရောက်ဖူးသေးသော်လဲ စိတ်ကူးနဲ့ပုံဖော်ကာ ပျော်ရွှင်စွာ နေကြည့်လေ့ရှိပုံရတယ်။ တကယ် လက်တွေ့ဝယ် နေရာတခုမှာ ဆရာ ကြာကြာ မနေနိုင်မှန်း ကျနော် တို့တွေအားလုံး သိတယ်။

မိုးမိုးနှင်းတို့ မိသားစုလေးထံမှာ နေတာ နည်းနည်းကြာသွားပြီဆိုရင် ကာလီဖိုးနီးယားက သမီး မိုးချိုသင်းတို့ထံ ဆရာ ပြန်လာချင်ပြီ။ ကာလီဖိုးနီးယားမှာ ကြာသွားပြီဆိုရင် ဆရာက အင်ဒီယားနားနဲ့ နယူးယောက်ဖက်ကို ခြေဦးလှည့်ချင်ပြန်ပြီ။ ထိုမှတဖန် ဂျပန်၊ ယိုးဒယားကို သွားဦးမယ်လေ။ တခါတရံ ကိုမောင်ရစ်၊ ကိုထိန်လင်း၊ ကိုကျော်အောင်လွင်တို့နဲ့ ၀ိုင်းဖွဲ့ပြီး စီဒီတွေ ထုတ်၊ အသံတွေလွှင့်၊ စာတွေရေးရင်း ဆန်ဖရန်စစ္စကိုမြို့မှာ တလ ကိုးသီတင်း နေတတ်သေးတယ်။

ကဗျာကို ကာရန်၊ ပုံစံ၊ အသံ အမျိုးမျိုးနဲ့ အပြောင်းအလဲလေးတွေ ရေးဖွဲ့တတ်သလို ဘ၀ခရီးကိုလည်း အစဉ်မငြီးရအောင် တနေရာပြီးတနေရာ ပျော်စရာဖြစ်အောင် ဆရာက ပြောင်းလဲနေတတ်ပြန်ပါတယ်။ အကယ်၍ ဆရာ ပေါ်မလာခဲ့ဘူးဆိုရင်လဲ ဆရာ့တပည့်တွေက ဆရာ့ကို “ဆရာ ကျနော်တို့ဆီ လာလည် ပါအုံး”လို့ ခေါ်ကြပါတယ်။

ဂရင်းကဒ် ရပြီးတဲ့နောက်မှာ ခရီးသွားလက်မှတ်ကို ဆရာ စောင့်မျှော်နေတာ ခုနစ်လလောက် ကြာသွားတယ်။ ခရီးသွားတဲ့ လက်မှတ် အိမ်သို့ ရောက်လာချိန်မှာ သူချစ်မြတ်နိုးတဲ့ အသိုင်းအ၀န်းလေးထဲက ဆရာ ထွက်ခွာသွားခဲ့ပါပြီ။ အပြာနုရောင် ခရီးသွားလက်မှတ် စာအုပ်လေးဟာ ဆရာ နောက်ဆုံးနေသွားခဲ့တဲ့ လောစ့်အိန်ဂျလိစ်မြို့က အိမ်မှာ ဆရာ့နဲ့အတူ ခရီးသွား ဖို့ရာ စောင့်ကြိုနေဆဲပင် ဖြစ်ပါတယ် . . . ။
အခုတလော ခရီးသွားရတာများတော့ လေဆိပ်ကို မကြာခဏ ရောက်ဖြစ်တယ်။ ဟိုစဉ်ကဆို ဆရာနဲ့ကျနော် ခရီးအတူတူ သွားတတ်တယ်။ ကျနော် တဦးတည်း သွားတဲ့အခါတွေမှာ ဆရာက လိုက်ပို့တတ်သလို ဆရာတဦးတည်း သွားတဲ့အခါများမှာလည်း ကျနော်နဲ့ ဆရာ့တပည့်၊ မိသားစုဝင်တွေက လိုက်ပို့တတ်စမြဲမို့ ဒီလေဆိပ်ကို ဖြတ်နေကြပါပဲ။

အခုတော့ ကျနော် တယောက်တည်းပါ။ နေရာဟောင်းမှာ တယောက်တည်း ပြန်ရောက်တဲ့အခါ အရိပ်တွေက အတိတ်တစ္ဆေပမာ ပြန်ပေါ်လာတယ်။ ထွက်ခွာရန် အချိန်နီးပြီမို့ လေယာဉ်ပေါ်သို့ ကျနော် ရောက်ခဲ့ပြီ။ ဆရာနဲ့ ပတ်သက်တဲ့ အတွေး အမြင်တို့ကား မပျောက်တတ်ချင်သေး။ ဆရာပြောပြဖူးတဲ့ သူ့ဘ၀ အပိုင်းအစတွေ တခုပြီးတခု ၀င်ရောက်လာပြန်တယ်။

“ ပုံစံ”

အင်းစိန်ထောင်ထဲသို့ ၀င်ရောက်လာသူအားလုံး ပုံစံဆိုတဲ့အသံကို ထောင်အ၀က အရာရှိပေါက်စက အော်လိုက်တာနဲ့အား လုံး ထိုင်ချလိုက်တယ်။ ဆရာတင်မိုးလည်း ဘုမသိ ဘမသိနဲ့ ရောထိုင်လိုက်တယ်။

ခဏအကြာ အဖေနာမည်နဲ့တွဲပြီး တဦးချင်းနာမည်ကို ခေါ်တယ်။ အုပ်စုခွဲပေးတယ်။ ဆရာအလှည့် ရောက်တော့ “ဘဂျမ်း” “ အဖ . . . ” လို့ ခေါ်လိုက်တော့ “ ဒီသူငယ်ကွာ . . . မယဉ်ကျေးလိုက်တာ၊ လူကြီးကို ဦးလေး ဘာလေး တပ်ခေါ်တာ မဟုတ်ဘူး ” လို့ တွေးမိပြီး ဆရာ့စိတ်ထဲမှာ ကသိကအောက် လေးဖြစ်သွား တယ်။

“ ကြီးမှမိုက်တဲ့ ကြီးမိုက်ကြီး . . . ဒီဘက်ကိုလာ ”

ထိုလူငယ်က အသံမာမာနဲ့ အော်ခေါ်လိုက်တော့ ဆရာလည်း သူ့အနားကဖြတ်ပြီး အတွင်းဘက်ကို ၀င်လိုက်ရတယ်။ ဖြတ်သွားစဉ်မှာ “ဆရာ . . . ဒါလေးတွေ ယူသွား၊ ကျနော့်နာမည် . . . ပါ၊ နောက်လိုရင်လဲ ပြောပါ။ ဒါတွေက ထောင်ထဲမှာ မရှိ မဖြစ် လိုအပ်တယ်၊ အလုပ်သဘောအရဖြစ်လို့ အော်ရတာ ကျနော့်ကို ခွင့်လွှတ်ပါဆရာ။ ဂုဏ်ယူပါတယ်ဆရာ” တဲ့။

ဆရာလည်း အရာရှိပေါက်စ လူငယ်က လက်သိပ်ထိုးပေးလိုက်တဲ့ ဆေးလိပ်နဲ့ ဆပ်ပြာခဲတွေကို ကြည့်ရင်း အံ့သြနေတယ်။ ဒီလူငယ်ဟာ ဆရာ့တပည့်ဖြစ်ဖူးခဲ့ကြောင်း နောင်တော့မှ သိရတယ်။ ထောင်ထဲမှာ ဆရာဆင်းရဲမှာ ကြောက်လို့ ထောင်ကျ သူတွေအတွက် အသုံးဝင်တဲ့ ဆေးလိပ်နဲ့ဆပ်ပြာကို ဆရာတဦး တည်းကိုသာပဲ တိတ်တဆိတ်ပေးလိုက်ခြင်း ဖြစ်ပါတယ်။

အဆိုးထဲက အကောင်းလေးတွေ မြင်ရလို့ ဆရာတင်မိုး အားတက်သွားတယ်။ ခဏပါပဲ၊ ထောင်ထဲမှာ နေရမဲ့အရေးတွေးပြီး ဆရာက မပျော်မရွှင်ဖြစ်နေတယ်။ နှေးကွေးတဲ့ခြေလှမ်းတွေနဲ့ သူနေရမဲ့အဆောင်ဘက်ဆီ လျှောက်လှမ်းနေစဉ်မှာ . . .

“ ဝေး . . . တို့ဆရာကြီး လာပြီဟေ့ ”

သံပြိုင်ကြိုဆိုတဲ့အသံ ထွက်ပေါ်လာလို့ ကြည့်လိုက်ရာ ဆရာနဲ့ရင်းနှီးတဲ့ စာအုပ်ထုတ်ဝေသူ သူဌေးတွေနဲ့ ကျောင်းသားလူ ငယ်တွေဖြစ်နေတယ်။ အံ့သြ၀မ်းသာ အခုမှပဲ စိတ်ဓာတ်ကျနေတဲ့ ဆရာတင်မိုးလည်း ပြုံးနိုင်တော့တယ်။

“ ဆရာ . . . ဘာမှမပူနဲ့၊ ကျနော်တို့ စားသလိုစား၊ ကျနော်တို့နဲ့ ပျော်ပျော်နေပါ ”

အစိုးရဌာနက ခိုးထုတ်လာတဲ့ စက္ကူနဲ့ဖလင် စတဲ့ပစ္စည်းတွေကို လက်ခံဝယ်ယူမှုနဲ့ အဖမ်းခံရလို့ ယာယီထောင်ကျနေကြတဲ့ သူဌေးအုပ်စုဖြစ်ပါတယ်။ ထောင်ထဲမှာ ဘဲကင်၊ ဟော်တယ်အစားအစာ၊ ရှန်ပိန်၊ ၀စ်စကီ၊ ငါးသုံးလုံး၊ မာဘိုလို စတဲ့ ဇိမ်ခံတဲ့ ပစ္စည်းတွေနဲ့ ထောင်ကျနေတဲ့သူဌေးတွေ ဆရာ့ကို ကောင်းကောင်းပြုစုကြတယ်။ ဆရာ သောက်နေတဲ့ဖက်ကြမ်းဆေးလိပ် အစား စီးကရက်ကို သူတို့က သောက်ခိုင်းတယ်။ ထောင်စာတွေအစား ဟော်တယ်စာတွေ ဆရာ့ကို စားခိုင်းတယ်။ ထောင်မှူးကို ရေများများ လောင်းထားတော့လည်း (ပိုက်ဆံပေးတာ) ထောင်ထဲမှာ သူဌေးလို နေလို့ရတယ်။
မကြာမီမှာ နောက်ပိုင်းက သူတို့မိသားစုတွေက ငွေနဲ့အလိုက်ကောင်းလို့ သူဌေးတွေ ထောင်က ထွက်သွားကြတယ်။ ဆရာတင်မိုးကတော့ ကျောင်းသားတွေနဲ့အတူ ထောင်ထဲမှာ ကျန်ရစ်ခဲ့တုန်းပါ။ နေသား ကျလာပြီဖြစ်လို့ ဆရာ့အနေထားက ယခင်ကလောက် ထောင်နဲ့ မစိမ်းတော့။ နေ့စဉ်ထောင်ထဲမှာ ကျောင်းသား တွေနဲ့ဆရာ တပူးတွဲတွဲဖြစ်နေတယ်။

ကျောင်းသားတွေက ဆရာ့ကို ရေချိုးပေးတယ်။ အ၀တ်လဲပေးတယ်။ မကောင်းသော်လဲ အဆင်အပြေဆုံးဖြစ်အောင် ဆရာ့ အတွက် အစားအသောက်ကို ဖန်တီးပေးရှာတယ်။ သူတို့တွေရတဲ့ ထောင်ဝင်စာတွေထဲက ဆရာ့ကို ဦးဦးဖျားဖျားကျွေးကြတယ်။ ဆရာကလဲ သူရတဲ့ ထောင်ဝင်စာကို ကလေးတွေလက်လဲ အပ်လိုက်တာ များပါတယ်။

တချို့ အရာရှိကြီးတွေ ထောင်ထဲရောက်တဲ့အခါ သူတို့ထောင်ဝင်စာထဲက အခြားလူတွေကို ခွဲဖဲ့ဝေငှ ကျွေးရ ပေးရမှာ စိုးရိမ်လို့ မမြင်ကွယ်ရာမှာ တယောက်တည်း တိတ်တိတ်လေးသွားပြီး စားနေတတ်တယ်။ ကျနော်တို့ ဆရာကတော့ ဝေဿန္တရာ လက်သစ်တဦးလို အတွယ်အတာမရှိဘဲ အတူတူစားဖို့ စီစဉ်ဖို့ကို ကျောင်းသားလေးတွေထံလွှဲပြီး တာဝန်ပေးလိုက်ပါတယ်။

အထက်တန်းကျောင်း မပြီးသေးတဲ့ ၈-တန်း၊ ၉-တန်း၊ ၁၀-တန်းအရွယ် ကျောင်းသားလူငယ်တွေကို ထောင်ထဲမှာပဲ ကိုယ့်နည်းကိုယ့်ဟန်နဲ့ ပညာသင်ပေးဖို့ ဆရာက စီစဉ်တိုက်တွန်းခဲ့တယ်။ နိုင်ငံရေးသမား ပညာတတ်တွေ၊ တက္ကသိုလ်ကျောင်းသားတွေက သူတို့ကို အထက်တန်းပညာတွေ ကူညီသင်ကြားပေးတယ်။ ဒီလိုနဲ့ ထောင်ထွက်တဲ့အခါ ပညာရေးကို ဆက်လက်လိုက်စားခဲ့လို့ ၁၀-တန်းအောင်သွားတဲ့ ထောင်ထွက် လူငယ်တွေ မနည်းတော့ပါ။

ထောင်ထဲမှာ ဆရာတင်မိုးနဲ့ တွဲတဲ့လူတွေဟာ အလွှာအသီးသီးကပါ။ ဆရာက ကျောင်းသားတွေနဲ့ အများဆုံးတွဲဖြစ်တယ်။

“ ဆရာကြီးက ကျောင်းသားတွေနဲ့ တပူးတွဲတွဲနဲ့ ဘာတွေလုပ်ဖို့ ကြံစည်နေတာလဲ ဆရာရဲ့ ”

ထောင်အရာရှိကြီးတဦးက ဆရာ့ကို မေးလာတယ်။

“ ထူးထူးခြားခြား လုပ်ဖို့တော့ မရှိပါဘူး၊ ထောင်ထဲရောက်တုန်းမှာ နရသိန် မဂ္ဂဇင်းထုတ်မလားလို့ စဉ်းစားနေတာဗျ ”

ဆရာက နောက်နောက်ပြောင်ပြောင်လေး ဖြေလိုက်လို့ အဲဒီအရာရှိကြီးက ကြောက်လန့်စွာ တောင်းပန်လာတယ်။

“ မလုပ်ပါနဲ့ ဆရာကြီးရယ်။ ကျနော်တို့တွေ အလုပ်ပြုတ်ကုန်ပါအုံးမယ် ”

ဆရာတင်မိုး ကွယ်လွန်သွားသော်လဲ ဆရာပြောပြသွားတဲ့ ဘ၀အစိတ်အပိုင်းလေးတွေက ကျနော့် ထံမှာ ရှင်သန်နေဆဲပင် ဖြစ်ပါတယ်။ ဆရာပြောသွားတဲ့ ထောင်တွင်းဇာတ်လမ်းသည်ပင် ပြောပြစရာ များစွာ အဖြစ် ရှိနေပါသေးတယ်။

ထောင်တွင်းမှာ ဆရာ့အတွက် ဖတ်စရာ သတင်းစာ၊ ဂျာနယ်၊ စာစောင်၊ မဂ္ဂဇင်း စတာတွေ ဘာမျှမရနိုင်ဘူး။ ဖတ်စရာလဲ မရှိ၊ ရေးစရာ စာရွက်ကလဲ နတ္ထိမို့ ပျင်းပျင်းရှိတာနဲ့ ထောင်အခန်းနံရံဖက်ကို လှည့်ပြီး ရှေးက ထောင်ကျဖူးသူတွေ ရေးသွား တဲ့ နံရံပေါ်က စာတန်းလေးတွေကို အပျင်းပြေ ဖတ်ကြည့်လိုက်ရာ . . .

ဆေးလိပ်လည်း တို
နေလည်း ညိုပြီ
ငါ့ကို ပြန်ပို့ကြပါလေ . . . ။

ယခင် ထောင်ကျခဲ့သူက အိမ်ပြန်ချင်တဲ့အလွမ်းကို ဆရာ့ကဗျာနဲ့ ဖြေသိမ့်ခဲ့ပုံရတယ်။ အဲသည်လူက ထောင်ထဲမှာ ပျင်းနေ ရှာတဲ့ဆရာ့ကို ဆရာရေးခဲ့တဲ့ ဧည့်သည်ကြီးကဗျာနဲ့ ဖြေသိမ့်သွားတယ်။ ဆရာကိုယ်တိုင် မျက်လုံးပြူးသွားရတယ်။
ဒါ့အပြင် ထောင်တွင်းက ဗေဒင်ဆရာက ဆရာတင်မိုးရဲ့ အနာဂတ်ကို နိမိတ်ဖတ်လိုက်သေးတယ်။ ဆရာ့ကို ဗေဒင်ဟောသူ က ထောင်ကျလာတဲ့ ရဟန်းတပါးဖြစ်ပါတယ်။

“ ဆရာက ထောင်ကထွက်ပြီးတဲ့နောက်မှာ နောက်ထပ်ထောင်ကျကိန်း ရှိနေသေးတယ်။ ဒါပေမဲ့ ပူပန်စရာ သိပ်မရှိပါဘူး။ ဆရာ လက်မတင်လေး လွတ်မြောက်သွားမယ်။ ပြီးတော့ ဆရာဟာ မိသားစုနဲ့ အဝေးကြီးမှာ နေရမယ်။ ”

ဆရာတင်မိုးက ဗေဒင်ကို မယုံကြည်တတ်သူဆိုတော့ ဘာတခွန်းမျှ ၀င်မမေးဘူး၊ နားထောင်နေတယ်။

“ ဆရာ့အနေနဲ့ ဆုတံဆိပ်တွေ ရကိန်းရှိတယ်။ ပိုက်ဆံလာဘ်လာဘတွေ ၀င်မယ်။ ၀င်မယ့်ငွေက မြန်မာငွေ မဟုတ်ဘူး ဆရာ၊ နိုင်ငံခြားငွေတွေ ၀င်မှာ။ ”

ထောင်တွင်းက ဗေဒင်ဆရာက သူသိမြင်သမျှ အတိအကျ ဟောဆိုနေပေမဲ့ ဆရာကတော့ အင်းမလုပ် အဲမလုပ်နဲ့ လက်ခံ ပုံမရဘူး။ ၀င်မယ့်ပိုက်ဆံက နိုင်ငံခြားငွေဆိုတော့ ပိုပြီးတော့ ယုံဖို့ဝေးသွားတာပေါ့။ မြန်မာနိုင်ငံက ထွက်ခွာပြီး နိုင်ငံခြားမှာ နေဖို့ကိစ္စကို ဆရာ ဘယ်တုန်းကမှ မစဉ်းစားဖြစ်ဘူး။ မြန်မာပြည်ကို သိပ်ချစ်တဲ့ စာဆိုက၀ိ ပညာရှိကြီး မဟုတ်လား။

ဒီအကြောင်း ကျနော့်ကို ပြောပြချိန်မှာ ဒီဗေဒင်ဆရာရဲ့ ဟောပြောချက်တွေ မှန်တဲ့အကြောင်း ဆရာက ထောက်ခံပြောဆို လာတယ်။ ဟုတ်ပါတယ်၊ ဆရာက မယုံသော်လဲ ဆရာ့ဘ၀ဖြစ်စဉ်တချို့နဲ့ လုံးဝကို တိုက်ဆိုင်နေပါတယ်။

ဆရာတင်မိုးဟာ ဗေဒင်ကို မယုံသလို ဓာတ်တွေ နတ်တွေ ဥုံဖွတွေ ယတြာတွေကိုလည်း ယုံလေ့မရှိပါဘူး။ ဆရာ ထောင် ကျချိန်မှာ ရန်ကုန်မြို့ပေါ်က နာမည်ကြီးဘုရားတွေရဲ့ ဂေါပကတချို့ငွေစားမှုနဲ့ ထောင်ထဲမှာ ရောက်နေတယ်။ စိတ်ဝင်စား စရာ ဘုရားလူကြီးများအကြောင်းကို အကြောင်းသိ ထောင်ကျနေသူများပြောလို့ ဆရာလည်း သိခဲ့ရတယ်။

ထောင်ထဲမှာ အသက်ကြီးတဲ့ပုဂ္ဂိုလ်တွေ ဘုရားဝတ်ပြုဖို့ အခွင့်ပေးတယ်။ ဘုရားနဲ့ဘာနဲ့ သီးသန့်လုပ် ပေးထားတယ်။ ဘုရား ၀တ်ပြုမလားလို့ ဆရာတင်မိုးတယောက် အနားကိုသွားကြည့်တယ်။ ဆီမန်း မန်းလိုက်၊ အဓိဌာန်ဝင်လိုက်၊ ယတြာချေလိုက် နဲ့ ဗျာများနေတဲ့ ဘုရားလူကြီးတွေနဲ့ ပြည့်နေတာမို့ နောက်ကြောင်း ပြန်လှည့်ခဲ့တယ် ပြောတယ်။

ဆရာက ခုတုံးလုပ်တာဆို ဘာကိုမှမကြိုက်ဘူး။ ကုသိုလ်ရချင်ရင် ရိုးရိုးလေး ကုသိုလ်ရအောင်လုပ်၊ တခုခုကို မျှော်ကိုးလို့ ကုသိုလ်ပြုတာမျိုးကို ဆရာ လက်မခံဘူး။ ကိုယ် ထောင်ကလွတ်ချင်လို့ ဘုရားကြည်ညိုတာမျိုး၊ ဘုရားကို ခုတုံးလုပ်တာမျိုး တွေ့ရင် ဆရာက ဝေးဝေးက ရှောင်တယ်။ အခုလည်း ဘုရားလူကြီးတွေ ဘုရားရှေ့မှာ အဖြစ်သည်းပြနေတာကို အမြင်ကပ် ပုံရတယ်။ ဆရာနဲ့ သက်တူ ရွယ်တူလောက် လူကြီးတွေပဲ။ အဝေးမှာပဲ ဆရာ နေလိုက်တော့တယ်။

မကြာပါဘူး၊ လွတ်ရက်မှာ မလွတ်တဲ့အတွက် ဘုရားလူကြီးတွေ ဘုရားကို ဒေါကန်၊ ရန်တွေ့နေ ကြတယ်။ ဒီလောက် ဘုရားတရား နေ့စဉ်မှန်မှန် လုပ်တာတောင် ထောင်က မလွတ်ရကောင်းလား ပေါ့လေ။ စိပ်နေတဲ့ ပုတီးတွေ လွှင့်ပစ်၊ ထိုင်ငိုသူကငို နဲ့ သူတို့အားထုတ်ထားတဲ့ တရားတွေ ဘယ်ဆီပျောက်ကုန်တယ် မသိဘူးတဲ့။

“ ရန်ဖြစ်လို့ ဆရာရေ . . . မနည်းကို ဆွဲလိုက်ရတယ် ”

ထောင်ကျ တပည့်တဦးက ဆရာ့ကို ပြောလာလို့ ဆရာက ပြန်မေးလိုက်တယ်။

“ ဘယ်သူတွေ ရန်ဖြစ်တာလဲဗျ ”

“ မပြောချင်ပါဘူးဆရာရယ်၊ ဘုရားလူကြီးတွေပေါ့ဗျာ၊ အဘိဓမ္မာဆွေးနွေးရင်း ထ ရန်ဖြစ်ကြတာ ဆရာ”
ဆရာ ထောင်ကျစဉ်က ရဟန်းတော်တွေလဲ ထောင်ထဲမှာ ရှိနေတယ်။ ဆရာတင်မိုးက ထောင်ကျရဟန်းတွေကို အလွန်အမင်း ကြည်ညိုတယ်။ ကောင်းကောင်းမွန်မွန် နေလို့ရပေမဲ့ ဒကာ၊ ဒကာမတွေ အတွက် အနစ်နာခံလို့တဲ့။ ငယ်စဉ်က ပါဠိစာပေကို ရွာကျောင်းမှာ သင်ယူခဲ့သူဆိုတော့ ရဟန်းသံဃာတော် များနဲ့ ဆုံတဲ့အခါ စာပေ၀ိုင်းဖြစ်ပြီး အဖွဲ့ကျသွားလေ့ရှိတယ်။

မဂ္ဂင်ကျောင်းဆရာတော်၊ မေဒိနီဆရာတော်တို့တွေလဲ ဆရာတင်မိုးနဲ့အတူ ထောင်ထဲမှာရှိနေတယ်။ ဆရာက စာသိပ်တော်တဲ့ မေဒိနီဆရာတော်နဲ့ သိပ်ရင်းနှီးတယ်။ မေဒိနီဆရာတော်ကြီးကလည်း ဦးတင်မိုးကို အထူးဂရုစိုက်တယ်။ ဆရာတင်မိုးကို ရေချိုးပေးဖို့နဲ့ ထမင်းကို ဂရုတစိုက်ကျွေးဖို့ လူငယ်လေးတွေကို ဆရာတော်က နှိုးဆော်တိုက်တွန်းပေးတတ်တယ်။

“ မြတ်ဘုရားနဲ့ တရားသံဃာ၊ တဂိုဏ်းတည်းထားတဲ့၊ အာစရိယ ဆရာ ”

“ ကဲ ကဲ ကဲ ဘုန်းပေးလိုက်ဦးမယ် ”

ဒီအသံက စစ်တုရင် ကစားတဲ့နေရာက ထွက်လာတဲ့အသံ ဖြစ်ပါတယ်။ ဆရာတင်မိုးက အနားမှာ ထိုင်ကြည့်နေတယ်။ မေဒိနီဆရာတော်က ကစားနေရင်းနဲ့ အကောင်လေးတကောင်ကို စားတော့မယ်ဆိုရင် လင်္ကာလေး တပုဒ်ကို အမြဲဆိုပြီး သူ့ကို စစ်တုရင် သင်ပေးတဲ့ဆရာကို ဂါရ၀ပြုတယ်။ ဘုန်းပေးတဲ့ ရဟန်း တော်များ အသုံးအနှုံးကို စားတဲ့နေရာမှာ သုံးပါတယ်။

ဆရာတော်က ကျားဘငြိမ်းထံမှာ ကျားနဲ့ စစ်တုရင်ပညာတွေ လက်ထပ်သင်ခဲ့တယ်။ ဆရာတော်ရဲ့ စစ်တုရင်ပညာ ဘယ် လောက်တော်သလဲဆို မြန်မာ့ချန်ပီယံအဆင့်လောက်နဲ့ စစ်တုရင်ကစားမှ လက်ညီတယ် လို့ ဆရာတင်မိုးပြောတယ်။

“ လူကြီးမင်း စီးနင်းလိုက်ပါလာတဲ့ လေယာဉ်ကြီးဟာ မကြာခင် ဒင်းဗားလေဆိပ်ကို ဆိုက်ရောက်ပါ တော့မယ် . . . ”

လေယာဉ်မယ်ရဲ့ ကြေညာသံ ထွက်ပေါ်လာတယ်။ မကြာမီ လေယာဉ်ပျံကြီးဟာ တကျွီကျွီနဲ့ ပြေးလမ်းပေါ်မှာ ပြေးလွှားနေ ပါပြီ။ တလမ်းလုံး ကျနော့်စိတ်ထဲ ရစ်ဝဲနေသော ဆရာတင်မိုးနဲ့ပတ်သက်တဲ့ အတွေးစတို့ ရပ်တန့်သွားတယ်။

အဆီအငေါ်မတည့် ပေါ်လာတတ်တဲ့ ဆရာတင်မိုး အကြောင်းတွေက များစွာပါပဲ။ ဆရာကလည်း ဗဟုသုတ ဟင်းလေးအိုး ကြီးဆိုတော့ စပ်မိလာတဲ့ကိစ္စတိုင်းမှာ အကြောင်းအရာက မရှားဘူး၊ ဆရာ ပြောပြလေ့ရှိတော့ တော်တော်များများကို မှတ် မိနေပါတယ်။ တချို့ဆို ဆရာ့ကို Google ကြီးလို့တောင် တင်စားလိုက်သေးတယ်။

ဆရာ မြတ်နိုးတဲ့ ပုထိုးစေတီနဲ့ မြန်မာပြည်ကိုလည်းကောင်း
ဆရာ လွမ်းတဲ့ အညာလမ်းနဲ့ တမာတန်းကိုလည်းကောင်း
ဆရာ ချစ်အပ်တဲ့ မြင့်မြတ်တဲ့အမွေ စာပေကိုလည်းကောင်း
ဆရာ ကျင့်အပ်တဲ့ အကျင့်မြတ်သိက္ခာ ဘာဝနာကိုလည်းကောင်း
ဆရာ ရပ်တည်တဲ့ တိုင်းပြည်ရဲ့ပါတီ ဒီမိုကရေစီကိုလည်းကောင်း
သမိုင်းကြောင်းတကွေ့မှာ မမေ့နိုင်စရာ ဘ၀မှတ်တမ်းတွေပါ ဆရာ . . . ။

တက္ကသိုလ်၊ ကော်ဖီ်၊ လဘက်ရည်ဆိုင်နဲ့ လေဆိပ်၊ သည်နေရာဟောင်းတွေ ရောက်တိုင်း လွယ်အိတ်တလုံးနဲ့ ဆရာ့ပုံရိပ် တွေ ထင်နေဆဲပါ ဆရာ။ ဆရာနဲ့ပတ်သက်တဲ့ လွမ်းတေးတွေ သီလို့ မဆုံးနိုင်သေးပါ ဆရာ။

မြန်မာပြည်နဲ့ မြန်မာစာပေကို အလွန်ချစ်မြတ်နိုးတဲ့ ဆရာရေ . . . စိတ်ချစွာနဲ့ ကောင်းမြတ်တဲ့ ဘ၀သစ်တခုဆီ ခရီးဆက်ပါ ဆရာ။ ဆရာ ခေါင်းချချင်တဲ့ မြန်မာပြည်မှာ ဒီမိုကရေစီရပြီးရင် ဆရာ့အရိုးပြာကို သယ်ဆောင်သွားမှာပါ ဆရာရယ် . . . ။

ကိုသက်

[ဥဒါန်းသစ် တွင်ဖော်ပြထားတဲ့ ဆောင်းပါးးကို စာရေးသူခွင့်ပြုချက်ဖြင့် ကူးယူဖော်ပြခြင်း ဖြစ်ပါတယ်]