Thursday, September 18, 2008

မြန်မာတွေပျင်းသလား- [စကားမာရသွန် ၂၉]
ရေးသူ- လူထုစိန်ဝင်း


{ ဆရာလူထုစိန်ဝင်း ရေးတဲ့ "ပြည်တွင်းဖြစ်နိုင်ငံခြားသား ကိုရွှေဗမာများသို့" ကို အသေ အချာ မဖတ်ပ၊ဲ စာပေအစာမကြေကြသူတွေအတွက် (တယောက်ဆိုရင် စော်ကားတယ်ဆိုပြီး တင်ထားတဲ့ ဆောင်းပါးကိုတောင် ဖြုတ်ခိုင်းသေးတာ) ချယ်ရီမဂ္ဂဇင်း အမှတ် ၅၀၊ ၁၉၉၉ က၊ ဆောင်းပါးကို ထပ်ဆင့် ဖော်ပြလိုက်ပါတယ်။ }

ဆရာဝန်။ ။ မြန်မာတွေ စည်းကမ်းမဲ့သလား ဆိုတဲ့ ပြဿနာကို အရင်တပတ်က ဆရာ ရှင်းပြတာ ကျွန်တော်တို့ ကြားခဲ့ရပါပြီ။ ဒီတပတ်တော့ 'မြန်မာတွေပျင်းသလား' ဆိုတဲ့ ကိစ္စကို ဆက်ပြီး ဆွေးနွေးချင်ပါတယ်ခင်ဗျာ။



ကျောင်းသူ။ ။ မြန်မာနိုင်ငံဟာ သယံဇာတတွေ အလျှံပယ်ပေါသလောက် လူဦးရေနည်းပါးတဲ့ တိုင်းပြည် ဖြစ်ပါလျက်နဲ့ ကျွန်မတို့ ချမ်းချမ်းသာသာ ဖြစ်မနေတာနဲ့ ပတ်သက်ပြီး လူတိုင်းလိုလိုက မြန်မာလူမျိုးဟာ သိပ်ပြီး ထထကြွကြွ မရှိဘူး။ အပျင်းထူတယ်လို့ ပြောတတ်ကြတယ်။ ကျွန်မအမြင်မှာလဲ ဟုတ်သလောက် ဟုတ်တယ်လို့ ထင်တယ်။ ရုံးတွေမှာဆို လူတွေဟာ အလုပ်လုပ်တာက နည်းနည်း၊ စုဝေးပြီး စကားဝိုင်းဖွဲ့နေတာတို့၊ ဂျာနယ်တွေ ဖတ်နေတာတို့က များများပဲ ဆရာ။ ပြီးတော့ လက်ဖက်ရည်ဆိုင်တွေမှာဆို ဘယ်နေရာက ဆိုင်ကြည့်ကြည့် လူတွေအမြဲစည်ကား နေတာပဲ တွေ့ရတယ်။ တခြားနိုင်ငံတွေမှာဆို နေ့လည်နေ့ခင်း ရုံးချိန် အလုပ်ချိန်တွေမှာ ဘီယာဆိုင်တွေမှာ ခြောက်ကပ်နေတတ်ပြီး ညဖက်ကျမှ ကြိတ်ကြိတ်တိုး စည်ကားကြတယ်လို့ ကြားဖူးပါတယ်။ ကျွန်မတို့ လူမျိုးကတော့ အလုပ်သိပ်မလုပ်ပဲ အလကားဖြုန်းပစ်နေတဲ့ အချိန်တွေက များလွန်းနေသလားဆရာ။

ဆရာ။ ။ အင်ဂျင်နီယာဆရာလေးက စင်္ကာပူပြန်ဆိုတော့ ဟိုကအတွေ့အကြုံလေး ပြောပြပါအုန်း။

အင်ဂျင်နီယာ။ ။ ဟိုရောက်တဲ့ မြန်မာတွေတော့ ပျင်းနေလို့ မဖြစ်တော့ အပျင်းထူ မနေကြပါဘူး ဆရာ။ အားလုံး အလုပ်ကို အရမ်းကြိုးစားလုပ်ကြပါတယ်။ အလဟသ အချိန်ဖြုန်းပစ်တာမျိုးလည်း မရှိကြပါဘူး။ ရသမျှ အချိန်ကို အိုတီ (အချိန်ပို) ဆင်းနိုင်ဖို့ လောက်သာ ကြိုးစားနေကြတာပါ။ ကျွန်တော်ဆိုရင် စက်ရုံထဲမှာပဲ အချိန်ကုန်နေခဲ့တာ များတယ်။ တလတခေါက်တောင် မြို့ထဲကို ထွက်မလည်ဖြစ်ပါဘူး။ ဂျပန်ရောက်သွားတဲ့ သူငယ်ချင်းတွေကတော့ သူတို့ဆီမှာ ပိုတောင် ဆိုးသေးတယ်တဲ့။ လူတယောက်ကို အလုပ်နှစ်မျိုးလောက် ပြေးလွှားလုပ်နေကြရတာဆိုတော့ တခါတလေမှာ ညအိပ်ရင်တောင် ဖိနပ်မချွတ်၊ အ၀တ်မလဲပဲ အိပ်ရတယ်တဲ့။ မနက်နှိုးစက်မြည်တာနဲ့ ၀ုန်းကနဲ အိပ်ရာကထပြီး အလုပ်ကို တန်းပြေးနိုင်အောင်တဲ့လေ။

ဆရာဝန်။ ။ နိုင်ငံခြားရောက်သွားတဲ့ အခါကျတော့ မြန်မာတွေအပျင်းမထူကြဘဲ မြန်မာပြည်မှာနေတော့ မြန်မာတွေ အပျင်းထူကြတယ်လို့ ဆိုရမယ့်သဘောလားဆရာ။

ဆရာ။ ။ ဆရာကတော့ မြန်မာတွေ အပျင်းထူတယ်ဆိုတဲ့ စကားကို လုံးလုံးလက်မခံ ပါ။ မြန်မာတွေ အပျင်းထူမထူကြည့်ချင်ရင် ကျေးလက်တောရွာလေးတခုကို ၁၀ ရက်လောက် ညအိပ်ညနေ သွားကြည့်ပါလို့သာ တိုက်တွန်းချင်တယ်။ ကျေးလက်က မြန်မာလယ်သမား တယောက် အလုပ်လုပ်ပုံမျိုး အလုပ်သိပ်ကြိုးစားတယ်လို့ နာမည်ကျော်တဲ့ ဂျပန်လူမျိုး တယောက် လုပ်နိုင်ပါ့မလားလို့ လက်တွေ့ ခေါ်ပြချင်တယ်။ မြန်မာတွေလို့ ပြောတော့မယ်ဆိုရင် ကိုယ့်ဘေးနား ပတ်ဝန်းကျင်မှာ မြင်တွေ့နေရတဲ့ လူတွေလောက်ကို ကြည့်ပြောလို့ ဘယ်ဖြစ်မလဲ။ မြန်မာလူမျိုးတွေရဲ့ ၈၀ ရာခိုင်နှုန်းဟာ ကျေးလက်တောရွာတွေမှာ နေကြတာပါ။ အဲဒီတော့ ၂၀ ရာနှုန်းလောက်သာရှိတဲ့ မြို့နေလူတန်းစား (တချို)ကို ကြည့်ပြီး ကောက်ချက်ချ ရင် မှန်ကန်တဲ့ ကောက်ချက် ဘယ်ဖြစ်တော့မှာလဲ။

ကျောင်းသူ။ ။ တောကလူတွေ အလုပ်လုပ်ပုံကို ပြောပြပါဆရာ။ တကယ်တော့ ကျွန်မလည်း ဘာမှမသိပါဘူး။

ဆရာ။ ။ တောကလယ်သမားတယောက်ဆိုတာ ရောင်နီမပျိုးခင် ကြက်ဦးတွန်တာနဲ့ နွားတရှဉ်းကိုဆွဲ၊ ထွန်တုံးကို ထမ်းပြီး လယ်ထဲဆင်းသွားရတာပါ။ ဒီအချိန်ဆိုတာ တချို့ မြို့ပေါ်က လူတန်းစားတွေ နိုက်ကလပ်ကနေ အိမ်ကိုပြန်ရောက်စလောက် သာရှိဦးမှာပေါ့။ လယ်ထဲရောက်တာနဲ့ သူ့ခမျာ နွားနှစ်ကောင်နဲ့အတူ ရုန်းပြီး ရွှံ့ထဲဗွက်ထဲမှာ အလုပ်လုပ်ရတယ် လေ။ ကျောပေါ်တည့်တည့် နေလုံးကြီး ရောက်တဲ့အချိန်ရောက်တော့မှ ထွန်တုံးကို ဖြုတ်ပြီး အိမ်သူလာပို့တဲ့ ထမင်းကို စား၊ နားရပါတယ်။ ဒါတောင် ကြာကြာမနားရပါဘူး။ ပြောင်းဖူးဖက် ဆေးလိပ်ကြီး တ၀က်လောက်ကျိုးသွားတာနဲ့ နေပူကြီးကျဲကျဲအောက်မှာ ကျောပြောင်ပြောင်နဲ့ လုပ်ငန်းဝင်ရတော့တာပါ။ အပေါ်က နေပူပူ၊ အောက်က ရေတကျိုက်ကျိုက်ဆူ ဆိုရမ လောက်ပါ။ ညနေဖက် နေစွယ်ကျိုးပြီး နေ၀င်ဖြိုးဖျအချိန်ရောက်မှ ထွန်တုံးထမ်းပြီး အိမ်ပြန်ရ တာပါ။ အိမ်ရောက်တော့လည်း နားရပြီမထင်နဲ့၊ နွားနှစ်ကောင်ကို စားကျင်းထဲမှာ အစာနယ်ကျွေးပြီးမှ သူ့ခမျာ ရေမိုးချိုးပြီး ထမင်းစားရပါတယ်။ ထမင်းစားပြီး ရေနွေးတကျိုက်၊ ဆေးတရှူလောက် သောက်ရှူပြီးတာနဲ့ အမှောင်ကြီး လုံးလုံးမရောက်ခင် အလင်းရောင်လေး ဆည်းဆာပြေးနေတုန်းမှာ နောက်နေ့ နွားတွေကျွေးဖို့ နွားစာစင်းရပါသေးတယ်။ ပဲဖတ်၊ နှမ်းဖတ် စိမ်ရပါသေးတယ်။ တနေ့တာ လုပ်စရာတွေ အားလုံးပြီးပြီဆိုတဲ့အချိန် ရောက်တော့ သက်ကြီးခေါင်းချချိန်လောက် ရောက်သွားပြီလေ။ အဲဒီအချိန်ရောက်မှ အိမ်ရှေ့တလင်းဘေးမှာ ခင်းထားတဲ့ ကွပ်ပစ်ပေါ်မှာ လယ်သမားခမျာ ကျောဆန့် အညောင်းဖြေရတော့တာပါ။ ဒီလိုလုပ်ရတာ တနေ့တရက် မဟုတ်ပါဘူး။ ကောက်ကြီးတက်၊ တလင်းသိမ်းတဲ့အချိန်ထိ ရက်ပေါင်းလပေါင်းများစွာ လုပ်ရတာပါ။ တလင်းသိမ်းပြီး၊ ဒိုင်သွားရောင်းပြီး၊ စက်ကြိတ်ပြီးတဲ့ အချိန်ကျမှ လုပ်ငန်းလက်စသတ်ပါတယ်။ အဲဒီလို လက်စသတ်ပြီးရင်တော့ တလကိုးသီတင်း နားခွင့်ရပါတယ်။ ဒါတောင် မြို့ကလူတွေ အားလပ်ခွင့်ယူပြီး နားသလို နားရတာ မဟုတ်ပါဘူး။ ထင်းခုတ်၊ ၀ါးခုတ် တောတက်ရတာတို့၊ ရေတိုက်ထွက်ရတာတို့ ရှိသေးတယ်။

ကျောင်းသူ။ ။ မလွယ်ဘူးနော်။ ကြားရတာနဲ့တောင် ပင်ပန်းလိုက်တာ။ မြို့ပေါ်က လူတွေကျတော့ နေ့တိုင်း အချိန်တွေ ဖြုန်းပစ်နေကြတာ နှမျောစရာကောင်းလိုက်တာ။ လက်ဖက်ရည်ဆိုင်တွေမှာ ဖြုန်းပစ်နေတဲ့ လုပ်အားအချိန်တွေကို သူများနိုင်ငံတွေမှာလို စစ်တမ်းကောက်ယူတာမျိုးသာ ရှိရင်၊ တနှစ်တနှစ်ကို ဒေါ်လာတွေ ဘီလျံနဲ့ချီပြီး ဆုံးရှုံးနေတယ် လို့ သိရမှာနော်ဆရာ။

ဆရာ။ ။ လက်ဖက်ရည်ဆိုင်ထိုင်တိုင်း အလကား အချိန်ဖြုန်းပစ်နေတယ်လို့တော့ မဆိုနိုင်ဘူးကွဲ့။ လက်ဖက်ရည်ဆိုင်ထိုင်တဲ့ သူတွေထဲမှာ "လုပ်စရာအလုပ်မရှိ" တဲ့အတွက် ထိုင်တဲ့လူမျိုး ရှိသလို၊ အလုပ်လုပ်ဖို့အတွက် လက်ဖက်ရည်ဆိုင်ထိုင်တဲ့ လူမျိုးတွေလည်း ရှိပါတယ်။ ဘာကိုမှ မလုပ်ချင်လို့ သက်သက်မဲ့ အချိန်လာဖြုန်းနေတယ်ဆိုတဲ့ လူစားမျိုး ကတော့ နည်းလိမ့်မယ် ထင်ပါတယ်ကွယ်။

ဆရာဝန်။ ။ ၈၀ ရာနှုန်းလောက်ရှိတဲ့ တောက လူတွေက မပျင်းကြဘူး။ ၂၀ ရာနှုန်း လောက်သာရှိတဲ့ မြို့က လူတွေ အပျင်းထူကြတယ်လို့ ဆိုရမလားဆရာ။

ဆရာ။ ။ ဒီလိုဆိုရင်လဲ မှန်ပါဘူး။ ဆရာလက်လှမ်းမီတဲ့ ကျောင်းသူကျောင်းသား ပတ်ဝန်းကျင်ကလေးကို ကြည့်လိုက်မယ်ဆိုရင်တောင်၊ မြန်မာနိုင်ငံက ကျောင်းသူကျောင်း သားတွေလောက် ကြိုးစားအားထုတ်မှု၊ ပြင်းထန်တာမျိုး ကမ္ဘာမှာတောင် မရှိဘူးလို့ ဆိုနိုင်မယ် ထင်ပါတယ်။

ကျောင်းသူ။ ။ ဟုတ်ရဲ့လားဆရာ။
ဆရာ။ ။ ဟုတ်ပါတယ်။ ဆရာဟာ ၀ါးလုံးခေါင်းထဲမှာ လသာနေတဲ့ လူစားမျိုး မဟုတ်ဘူးဆိုတာ မင်းတို့သိပါတယ်။ အခုကိစ္စက အခြေအနေအမှန်ကို ပြောပြတာပါ။ နမူနာအနေနဲ့ ၁၀ တန်းကျောင်းသူ ကျောင်းသားတယောက်ရဲ့ ကြိုးစားအားထုတ်ရမှုကို ကြည့်ကြရအောင်။ ရန်ကုန်မြို့က ၁၀ တန်းကျောင်းသားပေါ့လေ။ အဲဒီကလေးဟာ မနက် ၇ နာရီကနေ ၁၂ နာရီထိ ကျောင်းကြီးတက်ရတယ်။ ကျောင်းကြီးကနေ ၁ နာရီက ၅ နာရီထိ သင်တဲ့ ၀ိုင်းကျူရှင် ဆက်သွားရတယ်။ ၀ိုင်းကနေ အိမ်ပြန်ရောက်တော့ ထမင်းကလေး ကမန်းကတမ်း စားပြီးတာနဲ့ ၆ နာရီကနေ ၈ နာရီအထိ ဂိုက်နဲ့ စာကျက်ရတယ်။ ပြီးရင် ရေမိုးချိုး၊ ရေချိုးပြီးတော့ ကျောင်းကြီးကပေးတဲ့ အိမ်စာနဲ့ ၀ိုင်းကပေးတဲ့ အိမ်စာတွေ ရေးရ၊ တွက်ရပါတယ်။ အသာကလေး ည ၁၂ နာရီ ထိုးသွားတာပဲ။ မနက်ကျ ၆ နာရီ ထိုးတာနဲ့ အိပ်ရာက ထပြီး ကျောင်းပြေးရပြန်တယ်။ ဒီကလေးအတွက် တနေ့ ၈ နာရီ အိပ်ချိန် ဘယ်ရှိမလဲ။ ဒါက နှစ်စနော်။ နှစ်လယ်လောက်ရောက်တာနဲ့ ဒီကလေးတွေဟာ ည ၂ချက် ၃ နာရီထိ စာကျက်ကြရရှာတယ်။ ဆရာတို့ခေတ်တုန်းက သားသမီး စာမကျက်လို့ မိဘတွေက တဆူဆူ တပူပူ လုပ်ပြီးနေရတာ။ ဒီခေတ်ရောက်တော့ ကလေးတွေ စာကျက်ကြလွန်းလို့ မိဘတွေက ဟဲ့ အိပ်ကြတော့လို့ အနားက စောင့်ပြီးတော့ကို ပြောနေကြရတာ။ ဒါမျိုး တခြားနိုင်ငံတွေမှာ ကြားဘူးရဲ့လား။

ဆရာဝန်။ ။ ဒါက ၁၀ တန်းကျောင်းသားမဟုတ်ဘူးဆရာ။ ကျွန်တော်သမီး သူငယ်တန်း ကျောင်းသူလဲ ဆရာမ နှစ်ယောက်နဲ့ ကျူရှင်ယူနေရတာ။

ဆရာ။ ။ ဒီခေတ်ကလေးတွေအဖို့ အပျင်းထူဖို့ကို အချိန်မရရှာကြပါဘူး။ မိဘတွေက သနားယူရလောက်အောင်ကို ကြိုးစားနေကြတာပါကွယ်။ ဆရာ့အမြင်ပြောရရင် ဒီခေတ် ကလေးတွေဟာ သူတို့မိဘတွေထက်တောင် ပိုကြိုးစားကြ၊ ပိုလိမ္မာကြ၊ ပိုတော်ကြတယ်လို့ ပြောချင်တယ်။ ဆရာတို့တတွေတုန်းက ကိုးတန်း၊ ဆယ်တန်းအရွယ်မှာ လက်နှိပ်စက်တောင် ရိုက်တတ်ကြတာ မဟုတ်ဘူး။ ဒီခေတ်ကျတော့ ကိုးတန်း ၁၀ တန်း ကလေးတွေ အများကြီးဟာ ကွန်ပြူတာတောင် ရိုက်တတ်၊ ကိုင်တတ်နေကြပြီလေ။ ဘာသာစကားဖက် ကြည့်လဲ အင်္ဂလိပ်စကားပြောတတ်သူတွေ၊ ဂျပန်စကား၊ တရုတ်စကားပြောတတ်သူတွေ၊ ပြင်သစ်စကား၊ ဂျာမန်စကား၊ ယိုးဒယားစကား၊ ကိုးရီးယားစကား ပြောတတ်သူတွေ ပုံလို့။

အင်ဂျင်နီယာ။ ။ ဟုတ်တယ်နော်ဆရာ။ ဒီခေတ်မှာ ကွန်ပြူတာကျောင်းတွေ ကြည့်လဲ လူတွေ ကြိတ်ကြိတ်တိုး၊ ဘာသာစကားသင်တန်းတွေကြည့်လဲ လူတွေ ကြိတ်ကြိတ်တိုး၊ စီးပွါးရေးပညာသင်တန်းတွေလဲ ကြိတ်ကြိတ်တိုးချည်းပဲ။ ကလေးတွေ လွှတ်ကို ကြိုးစားနေကြတာ အားရစရာကြီးပါပဲ။

ဆရာ။ ။ အဲဒါကြောင့် မြန်မာတွေ ပျင်းတယ်၊ ပျင်းတယ်လို့ ပြောတဲ့အသံကြားတိုင်း သိပ်ကို ဒေါသ ထွက်မိတယ်။ မြန်မာလူမျိုးတွေကို လခနည်းနည်းပေးပြီး များများခိုင်းချင်တဲ့ နိုင်ငံခြားသားတွေရဲ့ သံယောင်လိုက်ပြီး ပြောတဲ့မြန်မာတွေဆို ပိုတောင် ဒေါသထွက်မိတယ်။
လူဦးရေရဲ့ ၈၀ ရာနှုန်းလောက်ရှိတဲ့ တောင်သူလယ်သမားတွေ ပျင်းကြသလား။
ကျန်တဲ့ လူဦးရေ ၂၀ ရာနှုန်းလောက်အနက် တ၀က်လောက်ရှိတဲ့ ကျောင်းသားအရွယ် ကလေးသူငယ်တွေ၊ သင်တန်းအမျိုးမျိုးမှာ အငမ်းမရ ပညာတွေ သင်နေကြတာ ပျင်းလို့လား။
ဆရာကတော့ ရဲရဲ ပြောဝံ့တယ်။ မြန်မာတွေ မပျင်းဘူး။ ဘယ်တုန်းကမှ မပျင်းခဲ့ကြဘူး။ အခုလည်း မြန်မာတွေ မပျင်းဘူး။ ဟေ့..... တို့ မြန်မာလူမျိုးတွေ မပျင်းဘူးကွ၊ မပျင်းဘူးကွလို့ ရဲရဲကြီးကို အော်ပြောလိုက်ချင်ပါတယ်။

လူထုစိန်ဝင်း
၆-၁-၉၉။

1 comment:

Anonymous said...

မပျင်းတဲ့အပြင် အလုပ်မှာခိုကပ်ခြင်းမရှိ ပေးသမျှတာဝန်တွေကို မမှိတ်မသုန်ထမ်းဆောင်တတ်တာ မြန်မာပါ။ ဒါကြောင့်လည်း သူတပါးနိုင်ငံမှာ မြန်မာဆိုရင် ထပ်ခန့်ဖို့ဝန်မလေးတာပါ။ ဖြတ်ထိုးဥာဏ်ကောင်းခြင်း ရှိတဲ့ ပစ္စည်းနဲ့ အကောင်းဆုံးဖြစ်အောင် ပြုလုပ်နိုင်ခြင်းစတဲ့ နာမည်ကောင်းတွေနဲ့ပါ။ မြန်မာဆိုရင် သိကြပါတယ်လေ။