Monday, December 29, 2008

ဗမာပြည်ကမောင်လူလှ
ရေးသူ-တင်မိုး

ငါတို့ကြားဖူးတာက-
တို့ရွာသားတွေ
မြို့တကာသွားပြီး
မော်တော်ကားတွေနဲ့
ဒေါ်လာစားတွေဟဲ့- တဲ့
ပျော်စရာစကားတွေ ကြားခဲ့ရသကိုးကွဲ့။



အမေရိက ငါရောက်တော့
အနောက်အရှေ့၊ တအောက်မေ့မေ့နဲ့
တယောက်တွေ့ နှစ်ယောက်တွေ့
မပျောက်သရွေ့ တွေ့ခဲ့ရ။

တချို့က-
လူပီပီ မအိပ်ရ
ဆူရှီလိပ်ရရှာသတဲ့။
တချို့က စက်ရုံမှာ
လက်ကုန် လုပ်ရရှာသတဲ့။
တချို့က-
ဘုရားကျောင်းက
တံခါးအပေါင်းကို စောင့်ရသတဲ့။
တချို့က-
နေ့ကျောင်းတက်
ညဖက်အလုပ်ဆင်း၊ ငုတ်တုတ်လင်းရသတဲ့။

နားရက်အားရက် မှတပါး
ကားတဖက်မောင်းပြီး
ကျောင်းကနေ အလုပ်ရုံ
အလုပ်ရုံကနေ ကျောင်း
ဆောင်းမှန်း နွေမှန်းမတွေးအား
နေ့လားညလား မမှတ်အား
ဗမာပြည်ကို မလွမ်းအား
နာရီပေါ်မှာ လမ်းသလားနေခဲ့ရသတဲ့။

ဖုန်းနဲ့ဆက် ဖက်စ်နဲ့ပြော
ခရီးဝေးရင်လဲ အီးမေးနဲ့ပြော
မောသမျှ ပြောပြရင်း
သောကတွေ ဖြေရရှာတယ်။
စားစရာလဲ မပူရ
နေစရာလဲ မပူရ
ဖြေစရာလဲ မပူရ
ဗမာပြည်သား မောင်လူလှမှာ
ဒီမိုကရေစီ ရ မရကိုပဲ
တ တတ မျှော်မှန်း
အပူခန်း ဖွင့်နေရရှာသတဲ့။

ခုတော့ဖြင့်- ဒုက္ခသည်ဘ၀အဆုံးသတ်
ဂရင်းကဒ်ကလေးလဲရ
အိမ်လှလှနဲ့ ဇိမ်မကျ တကျ နေနိုင်ပါရဲ့။
စပိန်မနဲ့လဲ ချစ်ခြင်းတူတူ မတူတူ
living together ဆိုလား
ဘာဆိုလား-တဲ့။
ဘာလိုလိုနဲ့
တ၀ါတောင် ဆိုတော့မယ်။
ဒီလို.... ဒီလို...
အချစ်တန်ခိုးပြပေမဲ့
စစ်အစိုးရကိုတော့ မုန်းမြဲမုန်း
နှလုံးသားထဲက လက်မခံ
အော့ကြောလန်လို့ ဆန္ဒပြရင်
ရှေ့ဆုံးက သူပါတာချည်းပါပဲ။

တနာရီ တမိနစ်မျှ
ဗမာပြည်ကို မချစ်တာမရှိ
အလွန့်အလွန် သစ္စာရှိပါသတဲ့။

ဗမာပြည်က မောင်လူလှတို့
နောင်မပူရစေဖို့
အောင်သူဘ၀ရောက်စေကြောင်း-
ကညာမဒီ အခြံအရံနဲ့
ဗမာပြည်အပြန် လှစေကြောင်း
ဆုတောင်းလိုက်ပါရဲ့ကွယ်။ ။

တင်မိုး
၀၇၊ ၁၃၊ ၂၀၀၀ ကြာသာပတေး ညနေခင်း၊
ဘော့စတွန် (Boston,MA)။

1 comment:

အိမ်လွမ်းသူ said...

ဆရာ့ကဗျာလေးက ကျွန်မတို့အကြောင်းတွေ ရေးထားသလိုပါဘဲ.. အခုလိုမျှဝေပေးတာ ကျေးဇူးပါဦးလေးရေ..