လေးတန်လေးဘက်၊ ရေပတ်လည်ဝိုင်း၊
ကျွန်းရိုင်းကလေး၊ ထွက်ပြေးစရာ၊
မရှိပါဘူး၊ ဘယ်မှာကြည့်ကြည့်၊
မြင်သည့်အရာ၊ ရေချည့်ပါပဲ၊
ဗမာပြည်မ၊ ဆိုတာကလဲ၊
မှုန်ပြပြတောင်၊ မြင်ယောင်နိုင်တာ၊
မဟုတ်ပါဘူး၊ မိုင်ပေါင်းရာကျော်ဝေးပါတယ်။
ဒါနဲ့တောင်မှ၊ စိတ်မချဘူး၊
သံဆူးကြိုးခတ်၊ နှစ်ထပ်ထပ်ရ၊
အားမရလို့၊ နေ့ညကင်းတွေချလိုက်သေး။
သဲပြင်ပေါ်မှာ၊ စိုက်ကြပျိုးကြ၊
ကိုယ်ထူကိုယ်ထ၊ စားသောက်ကြတဲ့၊
အာဂစေတနာပါပဲ။
ကိုယ့်ထင်းကိုယ်ခွေ၊ ကိုယ့်ရေကိုယ်ထမ်း၊
ကိုယ့်ဝမ်းကိုယ်ကျောင်း၊ မထောင်းတာလှ၊
ဆိုကြသော်လဲ၊ ပဲဟင်းရေကြဲ၊
ငပိနည်းနည်း၊ လက်သဲခွံလောက်၊
မလောက်မင၊ မ၀ရေစာ၊
ဆီမပါပျားမပါ၊ တခြားလဲဘာမှမပါတဲ့၊
အစာများနဲ့၊ အဟာရချို့ တဲ့၊
ကျန်းမာမဲ့ပြီး၊ ချည့်နဲ့နေသူတွေ၊
မြေကြီးပေါက်ကာ၊ လွှတိုက်ကာနဲ့၊
ဘယ်မှာသင့်တော်ပါမည်လဲ။
ဟိုမှာကြည့်စမ်း.....
မိုးကြီးထဲမှာ၊ ချွေးရဲသံရဲ
မီးရဲရဲနဲ့၊ မီးဆွဲမီးထုတ်၊
လုပ်နေလိုက်တာ၊ ပြည်ရွာ၏နား၊
ပြည်သားမျက်စိ၊ ပြည်၏ပါးစပ်၊
ဆိုတတ်ကြသည့်၊ အမှန်ကိုကြည့်၊
အရှိကိုရေး၊ သစ္စာလေးထား၊
မဖောက်ပြားသော၊ ပြည့်ရတနာ၊
သတင်းစာဆရာတယောက်လေ။ ။
ဖိုခွင်ထဲက၊ မိုးပြဲဒယ်ကြီး၊
ချွေးဒီးဒီးနဲ့၊ ကုန်းပြီးဂျိုးခြစ်နေသူက၊
ဘူမိဗေဒပညာရှင်တဲ့။ ။
သုံးဖာလုံမျှ၊ ရေတွင်းကနေ၊
ဖိုဝအရောက်၊ ကိုးခေါက်ဆယ်ခေါက်၊
ချွေးပေါက်ပေါက်နဲ့၊ ညွတ်ပဲ့ညွတ်ပဲ့၊
ရေထမ်းထည့်သူ၊ ဖြူဖြူသေးသေး၊
လူငယ်လေးက၊ ဆေးကောလိပ်ကကျောင်းတော်သား။ ။
တောင်ကုန်းထိပ်က၊ သစ်ပွပင်ကြီး၊
ခွတဲ့ပြီးတော့၊ ချွေးဒီးဒီးရွှဲ၊
လွှဆွဲနေသူ၊ ရှည်ရှည်လူက၊
အထက်တန်းပြကျောင်းဆရာ။ ။
ဆရာဝန်ကြီးက၊ ပင်လယ်စမှာ၊
ဗလာကိုယ်ထည်၊ လံကွတ်တီနဲ့၊
ထိုင်ချီထချီ၊ ဟိုသည်ရွှေ့ ကာ၊
ကျောက်ပိုးခွါလိုက်၊ ငကြွက်ရိုက်နဲ့၊
အားစိုက်ကြိုးပမ်းနေလျက်။ ။
ချဉ်ပေါင်ဝင်းထဲ၊ ပေါက်ပြားဆွဲပြီး၊
မြေကြီးပေါက်နေသူ၊ မျက်မှန်ထူထူ၊
ပုပုလူက၊ ကျော်ကြားလှတဲ့၊
စာရေးဆရာကြီးတယောက်ပေါ့။ ။
ရေလောင်းနေသူ၊ ပေါင်းသင်နေသူ၊
ကျန်လူတွေက၊ ဘ၀ထွေပြား၊
စစ်သားကျောင်းသား၊ အလုပ်သမားရုံးသမား၊
လူတန်းစားစုံ၊ အကုန်ပါပဲ၊
ကချင်ကရင်၊ တရုတ်ကုလား၊
လူမျိုးများလဲစုံပါတယ်၊
တိုင်းပြည်တပြည်လို့တောင်၊ ခေါ်နိုင်လောက်ပါတယ်။ ။
ညနေခင်းများ၊ ထမင်းစားရုံ၊
စုပြုံရောက်ပြီး၊ ဟိုကဒီက၊
ရှာဖွေရသော၊ ပရိုတိမ်းပေါတဲ့၊
စားမဲ့အစာတွေ၊ ဖုတ်ကြကင်ကြ၊
မီးမြှိုက်ကြနဲ့၊ သွားရေကျစရာကြီးပါလား။ ။
ဆားပဲပါတဲ့၊ ခရုပြုတ်ရေ၊
ဟင်းချိုရေလဲ၊ သောက်လို့ကောင်းတာပဲ။
ကျောက်ပိုးမီးဖုတ်၊ တထုတ်ထုတ်နဲ့၊
ကိုက်ဖဲ့မရ၊ မာကျောလှလဲ၊
ဝမ်းဝဘို့သာလိုရင်းပဲ။
ဝင်ကစွပ်မီးမြှိုက်၊ မွှေးလိုက်တာများ၊
မစားခင်က၊ သွားရေကျတယ်၊
ပြည်မကျန်ခဲ့၊ ချစ်တဲ့သူတောင်၊
ကျွေးချင်စိတ်တွေပေါ်လာသေး။ ။
ပုတ်သင်ညိုခြောက်၊ ပြာပူအောက်ဖုံး၊
အကြိုက်ဆုံးပဲ၊ ငရန့်ခြောက်နဲ့မလဲဘူး။ ။
ငကြွက်မီးဖုတ်လဲ၊ ပလုပ်ပလောင်း၊
စားလို့ကောင်းတာပဲ။
ငတ်နေကြတာပဲ၊ ဘာပဲစားစား၊
အသားဆိုရင်၊ ကောင်းတယ်ထင်မှာချည်းပါပဲ။ ။
အမေ့ရင်ခွင်က၊ နို့နံ့မစင်သေးတဲ့၊
ကျောင်းသားလေးတွေ......၊
မာကျူရီမီးရောင်အောက်မှာ၊ ကတ္တရာလမ်းမကြီးပေါ်မှာ၊
သွားကာလာကာ၊ စားကာသောက်ကာနေလာခဲ့သူတွေ......၊
ကလောင်ကိုင်ကာ၊ ဖောင်တိန်ကိုင်ကာနေလာခဲ့သူတွေ....၊
တခါမှမလုပ်ဖူးတာတွေလုပ်နေရလို့၊
ပင်ပမ်းကြတာလဲအမှန်ပါပဲ။ ။
လက်ဖ၀ါးတွေ၊ ပခုံးတွေပေါက်ပြဲပြီး၊
သွေးရဲသံရဲ၊ အသားမာစွဲကြတာလဲအမှန်ပါပဲ။
ငတ်စေပြတ်စေတော့ဆိုပို့လိုက်လို့၊
ငတ်ကြပြတ်ကြတာလဲအမှန်ပါပဲ။
ဒါတွေကြောင့်၊
စိတ်ဓါတ်ကျပြီး၊ နောင်တရမယ်ထင်သလား။
ဝေးပါသေးရဲ့ ၊
တေးတကြော်ကြော်၊ ကြွေးကြော်သံတွေတအော်အော်နဲ့၊
ပျော်နေကြပုံတွေကို၊
ငတ်ကြပြတ်ကြ၊ ပင်ပမ်းကြနဲ့၊
စိတ်ဓါတ်ကျမှာပဲ၊ ထင်တခွဲနဲ့၊
ပင်လယ်ထဲပို့လိုက်တဲ့၊ နေ၀င်းတို့များမြင်ရင်၊
ထိုင်တောင်ငိုမလားပဲ။ ။
ဘာဖြစ်သေးလဲ.......
တော်လှန်ရေးသမားတွေအဖို့တော့၊ ဘာမှမထူးပါဘူး၊
ပိုပိုဖိနှိပ်လေ၊ ပိုပိုမုန်းတီးပြတ်သားလာလေပေါ့။
သံကိုမီးတင်ပေးရင်၊ သံမဏိပဲဖြစ်လာမှာပေါ့။
နောက်ဆုံးတော့.......
ကွန်မြူနစ်ကို၊ အရင်းရှင်စနစ်ကမွေးထုတ်ပေးတယ်ဆိုတဲ့၊
အဆိုအမိန့်ဟာ၊
သိပ်မှန်ပါလားလို့ပဲ၊ ရေရွတ်မိတော့တယ်။ ။
ရန်ကြီးအောင်။
ဧပြီ ၃၀၊ ၁၉၆၉။
ကိုကိုးကျွန်းအကျဉ်းစခန်းရောက်စကာလ။
No comments:
Post a Comment