Friday, December 25, 2009

လူထုဦးလှ ရာပြည့် (၁၉၁၀-၂၀၁၀)


ဒီစာကို Select ပေးပြီးရေးပါ...

Summary

Rest of your post

Wednesday, December 23, 2009

မီဒီယာနဲ့ဂျင်ဒါ (ဒုတိယပိုင်း)
ရေးသူ- ဂျူး

ရှေးခေတ်က ယေဘူယျ မိန်းမတို့သည် စာမတတ်တာများသဖြင့် လက်ရေးကလည်း မလှဘူးဟု အဆိုရှိသည်။ မေရှင်၏ ပျို့မှာတမ်း သီချင်းတွင် မိန်းကလေးလက်ရေးသီရင် ခွင့်လွှတ်စေချင်ဟု ဖော်ပြထားသဖြင့် ကျွန်မ ကရုဏာ သက်မိရသည်။ သို့သော် ထိုအချိန်မျိုးမှာပင် ရှေးခေတ်က အမျိုးသမီးကဗျာဆရာမတွေထဲမှာ အလွန်နာမည်ကျော်ကြားသူတွေ ရှိခဲ့သည်။ ကျွန်မနှစ်သက်သဖြင့် ခဏခဏ ရွတ်မိသော ကဗျာတော်တော် များများသည် အမျိုးသမီးစာဆိုတော်တွေ၏ လက်ရာဖြစ်သည်။


တောင်ငူခေတ် စာပေအရေးအသား လက်ရာမဟုတ်သဖြင့် ဓါတုကလျာ ရေးတာမဟုတ်နိုင်ဘူးဟု စာပေပညာရှင်များ သံသယ ရှိကြရသော ကဗျာတပုဒ်ကို ကျွန်မ ယခုတိုင် ခဏခဏ ရွတ်ဆိုနေမိဆဲ ဖြစ်၏။ မဟာစေတီ အစချီသည့် ပိုဒ်စုံရတု ဖြစ်သည်။ ငယ်ငယ်ကတည်းက အလွမ်းကို နှစ်သက်သော ကျွန်မသည် ထိုကဗျာ၏ အချပိုဒ်ကို နှလုံးသားဖြင့် ခံစားနိုင်ခဲ့သည်။ ကလျာရွှေညီ၊ နန်းကေသီတို့၊ ဦးချီလက်စုံ၊ ရှိပဒုံဖြင့်၊ ခိုလှုံဖျဖျ၊ ခစားကြ၍၊ ဂီတသံအေး၊ ငြိမ့်လေးညင်းသွဲ့၊ နန်းဟန်ဖွဲ့လျက်၊ ကနွဲ့ကလျ၊ ဖြေဖျော်ကြလည်း၊ သောကကိန်းအောင်း၊ ပူလက်ဟောင်းကြောင့်၊ ပျော်ကြောင်းမမြင်၊ ပူကြွေးတင်လျက်၊ မရွှင်လျက်နှင့်၊ ရွှင်ယောင်ကျင့်သည်၊ ခုဖြင့်ဖြေခက်သည်တကား... တဲ့။ မိန်းမသား၏ အပူသောကကို ဖွင့်ထုတ်ဖော်ပြသည့် နေရာတွင် စကားလုံးတွေ ပြောင်မြောက်လှပါသည်။
နောက်ပြီး အိုင်ချင်းတွေကို ဆရာကြီး တက္ကသိုလ်ဘုန်းနိုင် စာအုပ်တွေ ကျေးဇူးဖြင့် မြည်းစမ်းခွင့် ရရာမှ နှစ်သက်စွဲလမ်းစွာ ရှာဖွေ ဖတ်ရှုမိသည်။ တောင်တွင်းရှင်ငြိမ်းမယ်၏ ရေလိုခန်းခြောက်ပါစေသား ဆိုသည့် စာသားပါဝင်သည့် အိုင်ချင်းကို ၀တ္ထုတွေထဲမှာ ကိုးကားကြတာကို ခဏခဏဖတ်ရပြီး ဖတ်ရသည့်တိုင်လည်း ရင်မှာ နင့်ရသည်။ နောက်ပြီး ဘယ်သူရေးသည်ဟု ကျွန်မမမှတ်မိတော့သော ဘီလူးမောင့်ကြောင့်စောင့် တော့တယ် အိုင်ချင်းတခု ရှိသေးသည်။ ထိုအိုင်ချင်းများသည် ထိုခေတ်က မိန်းကလေးတို့၏ လူမှုဘ၀အခြေအနေ နှင့် စိတ်ခံစားမှုကို လေ့လာခွင့်ရသည်။
မီဒီယာဖန်တီးသူ အမျိုးသမီးများထဲတွင် ပြဇာတ်ရေးဆရာမတွေ၊ ဇာတ်ညွှန်းရေးဆရာမတွေ ရှိသော်လည်း အမျိုးသမီး မီဒီယာပညာရှင်တွေ နည်းပါးသည်။ ရှေးခေတ်က အီနောင်ဇာတ်တို့ ဒေ၀ကုမ္မာဇာတ်တို့ လိုမျိုး နာမည်ကျော်ကြားသော အမျိုးသမီးပြဇာတ်တွေ ယခုခေတ်မှာ ရှားပါးသည်။ ဇာတ်သဘင်တွင် အမျိုးသမီးများသည် စာပေမှာလောက် နေရာမရကြသည်ကို တွေ့ရသည်။ ယနေ့ခေတ်မှာတော့ ဇာတ်သဘင်နှင့် စင်တင်ပြဇာတ် ဖန်တီးဖို့မှာ အကန့်အသတ်တွေ ရှိနေသည်မို့ အမျိုးသမီးတို့သည် ရုပ်ရှင်ဘက်သို့ တဟုန်တိုး ၀င်ရောက်လာသည်ကို သတိထားမိသည်။ အမျိုးသမီး ဒါရိုက်တာနှင့် ဇာတ်ညွှန်းရေးဆရာမများ ထိုးဖောက်လာ နိုင်ကြသည်ကို တွေ့ရ၏။ ရုပ်ရှင်ဇာတ်ကား ထုတ်လုပ်သူ အမျိုးသမီးတွေ ရှိသည်။ သူတို့၏ ဇာတ်ကားများသည် ငွေကြေးအရ အောင်မြင်သည်ကို တွေ့ရသည်။
အမျိုးသမီးအဆိုတော်တွေကတော့ အရင်ခေတ်ကတည်းက အမျိုးသားတွေနှင့် တန်းတူအောင်မြင်ခဲ့ကြ သည်မှာ အထင်အရှား ဖြစ်သည်။ ကျွန်မမေမေ အလွန်နှစ်သက်သော မကြည်အောင်၊ မေရှင်၊ မအေးမိနှင့် လေဘာတီမမြရင်တို့သည် ဓာတ်ပြားခေတ်မှာ ထင်ရှားသည်။ နောက်ပိုင်းခေတ်မှာလည်း မေလှမြိုင်၊ ထို့နောက် တင်တင်မြ၊ မာမာအေး၊ ချိုပြုံး မှ ရီရီသန့်အထိ အမျိုးသားပရိသတ်က လေးလေးစားစား နှစ်သက်ကြသော အဆိုတော်တွေပေါ့။ အမျိုးသမီးတို့၏ အနုပညာဖန်တီးနိုင်စွမ်းမှာ အမျိုးသားတွေနှင့် တန်းတူလိုက်နိုင်ပါသည်။ သူတို့ ရင်တွင်းက လာသည့်အသံသည် ကျွန်မတို့လို အမျိုးသမီးပရိသတ်အတွက် ကိုယ်စားပြုဖွင့်ဟ ဖော်ပေး လိုက်သလို ရှိသည်။ သူတို့၏ သီချင်းသံကို နားထောင်နေမိချိန်မှာ သူတို့သည် ကျွန်မပဲ ဖြစ်သည်။ လေဘာတီမမြရင်၏ တနာရီတည်းချစ် သီချင်း၊ ရွှေပြည်စိုး သီချင်း၊ မေလှမြိုင် ပြန်လည်သီဆိုသည့် မြခြေကျင်းမငွေမြိုင်၏ မြိုင် သီချင်းတို့ကို ကျွန်မ အလွန်စွဲမက်သည်။ ထိုသီချင်းတွေကို အမျိုးသမီးတွေ သီဆိုဖို့ အမျိုးသမီး၏ခံစားချက်ကို ငှားယူခံစားပြီး ရေးဖွဲ့ပေးသော အမျိုးသားတေးရေး ပညာရှင်များကို လေးစားချီးကျူးမိ ပါသည်။ ရွှေပြည်အေး၏ ရွှေဖူးစာသီချင်းကို ကြည်ကြည်ဌေး၏မူဖြင့် ခဏခဏ သီဆိုညည်းမိတိုင်း ဆရာရွှေပြည်အေးကို လေးစားမိသည်။ ကျေးဇူးလည်း တင်မိသည်။ အမျိုးသမီးတယောက်၏ ချစ်ဝေဒနာကို သူမို့ ပီပြင်အောင် ရေးဖွဲ့တတ်လေခြင်း။ အမျိုးသမီး ဂီတစာဆိုတွေထဲမှာ မိုးဒေ၀ါသီချင်းကို ရေးသည့် ဒေါ်စောမြအေးကြည်မှာ တခေတ်မှာတယောက် ဆိုရမှာပါ။
အသံမှာတော့ အမျိုးသမီးတွေက ညာသံမှာ pitch အမြင့်စားကို ရသည်ဟု ဆိုသည်။ ယနေ့ခေတ်မှာ အောင်မြင်ကျော်ကြားနေသည့် အယ်လ်ဆိုင်းဇီတို့၊ ဖြူဖြူကျော်သိန်းတို့သည် အသံကို လိုသလို ကစားနိုင်သည်ကို တွေ့ရသည်။
မီဒီယာထဲတွင် ပုံဖော်ခြင်းခံရသည့် အမျိုးသမီးတို့၏ နေရာကို လေ့လာကြည့်ရသည်မှာ အလွန်စိတ်ဝင် စားစရာ ကောင်းသည်။ ပုံနှိပ်မီဒီယာတွင် သခင်ဘသောင်း၏ ပန်းသာမစာဥသည် ထိုခေတ်က ရိုး, အ, ပြီး အကာအကွယ်မဲ့သည့် အမျိုးသမီးတွေကို ကိုယ်စားပြုသည်။ မှီငြမ်းသည့် ၀တ္ထုဖြစ်သော်လည်း ပန်းသာမစာဥ သည် တကယ့် မြန်မာအမျိုးသမီးတွေ၏ ဘ၀ဖြစ်၏။ ဂျာနယ်ကျော်မမလေး၏ သူမ နှင့် ရင်နင့်အောင်မွှေးကတော့ ကျွန်မတို့ကို နှလုံးသား နူးညံ့မြင့်မြတ်ပြီး ပြတ်သားသော မိန်းမတွေကို သိမြင်အောင် ပုံဖော်ပေးနိုင်ခဲ့သည်။ ကြည်အေး၏ အမျိုးသမီးဇာတ်ကောင် အများစုကတော့ စိတ်အင်အားပြင်းထန်ပြီး တော်လှန်စိတ်ရှိသော မိန်းမတွေ ဖြစ်သည်။ တမ်းတတတ်သည်နှင့် နွမ်းလျအိမ်ပြန်ထဲက အမျိုးသမီး ဇာတ်ကောင်နှစ်ယောက်သည် ကွဲပြားသော်လည်း သူ့နေရာနှင့်သူ စွမ်းသည့် ဇာတ်ကောင်တွေ ဖြစ်သည်။
တက္ကသိုလ်ဘုန်းနိုင်၏ ဇာတ်ကောင်အမျိုးသမီးတွေက မြင့်မြတ်သည့် နှလုံးသားပိုင်ရှင်တွေ ဖြစ်သည်။ ၀သန်လေချိန်မှန်ကူးထဲက စစ္စတာမမိုးသူ၊ ချစ်သောဤကမ္ဘာထဲက ဒေါက်နှင်းမောင်၏ အစ်မ မလေးသန့်၊ သူတို့သည် လေးစားထိုက်သူများ ဖြစ်သည်။
မီဒီယာထဲမှာ ဖော်ပြခံရတာခြင်းအတူတူ ထိုခေတ်က အမျိုးသမီးတွေထက် ယနေ့ခေတ် အမျိုးသမီးတွေ နေရာပိုကောင်းလာသည်ကို မတွေ့ရပါ။ တော်တော်များများသည် မီးဖိုချောင်အိမ်ထောင် ထိမ်းသိမ်းမှုနှင့် ဖက်ရှင် အမျိုးအစားအတွက်ပဲ ပုံဖော်ခံရသည်။ အမျိုးသမီးတို့သည် အခုအချိန်မှာ မီးဖိုချောင်ကနေ လွတ်ပြီးဟု မပြောနိုင်။ အမျိုးသမီးတို့သည် ပြင်ပလောကတွင် ကျင်လည်နေကြရပြီ မှန်သော်လည်း မီးဖိုချောင်ကနေ လွတ်လာတာ မဟုတ်။ မီးဖိုချောင်နှင့် အပြင်ငွေရှာသည့်အလုပ် နှစ်မျိုးကို တပြိုင်တည်း လုပ်လာရခြင်းဖြစ်သည်။
ရုပ်မြင်သံကြား ကြော်ငြာတွေသည် ဇာတ်လမ်းဖွဲ့ထားတာ မဟုတ်ပဲ နေ့စဉ်လူမှုဘ၀ကို ထင်ဟပ်ပြ နေခြင်း ဖြစ်သဖြင့် အမျိုးသမီးတို့၏နေရာကို မကွယ်မ၀ှက် အရှိကို အရှိအတိုင်း ပြနေသော မီဒီယာတွေ ဖြစ်၏။ ကြော်ငြာထဲတွင် အမျိုးသမီးတို့သည် အ၀တ်လျှော်ဆပ်ပြာ ကြော်ငြာခြင်း၊ ပန်းကန်ဆေးဆပ်ပြာ ကြော်ငြာခြင်း တို့အတွက် အသုံးပြုခံရပြီး၊ အမျိုးသားတို့ကတော့ လုပ်ငန်းခွင်တွင် အလုပ်များနေသည့် ပုဂ္ဂိုလ်အများအဖြစ် တွေ့မြင်ရသည်။ ခေါက်ဆွဲထုပ်ကြော်ငြာ၊ ဆီကြော်ငြာ၊ ငရုတ်သီးမှုန့် ကြော်ငြာတို့တွင် အမျိုးသားသရုပ်ဆောင် တွေကို မသုံးဘဲ ဘာဖြစ်လို့ အမျိုးသမီး သရုပ်ဆောင်တွေ သုံးသလဲ။ ဘာဖြစ်လို့လဲဆိုတော့ ဒါက မေးစရာမလို အောင် နားလည်ပြီးသား ကွဲပြားသည့် အခန်းကဏ္ဍတွေမို့ပါ။ မိန်းမသည် ချက်ပြုတ်ခြင်း၊ လျှော်ဖွတ်ခြင်းမှာ တာဝန်ယူနေကျ။ ပန်ကန်ဆေးသည့်ကြော်ငြာကို ခိုင်သင်းကြည်နှင့် မကြော်ငြာဘဲ ကျော်ရဲအောင်နှင့် ကြော်ငြာ ကြည့်ပါလား။ ပရိသတ် အိမ်ရှင်မတွေ ကိုယ်တိုင်က ရယ်မောကြလိမ့်မည်။ ပရိသတ် အမျိုးသမီးတွေ ကိုယ်တိုင်က 'ဒါ အူကြောင်ကြောင် ကိစ္စ' ဟု ဝေဖန်လိမ့်မည်။ အထာကျပြီးသား တာဝန်ခွဲဝေမှု အခန်းကဏ္ဍ မဟုတ်လား။ မီးဖိုချောင်မှာ တသမတ်တည်း နေရာယူနေရတာကို အမျိုးသမီးထုကိုယ်တိုင်က ကျေကျေနပ်နပ် လက်ခံထား သည်ပဲ။ ဒါကြောင့်လည်း မီဒီယာမှာ ဒီအတိုင်း တွေ့ရခြင်း ဖြစ်သည်။
ဗွီဒီယို၊ ရုပ်ရှင်ကားတွေထဲက အမျိုးသမီးတွေ၏ အခန်းကဏ္ဍကို ကြည့်ကြည့်လျှင် အလွန်စိတ်ဝင်စား စရာ ကောင်းပါသည်။ တီဗွီကြော်ငြာထဲက အမျိုးသမီးများနှင့် အမျိုးသား အခန်းကဏ္ဍကွဲပြားမှု၊ ဇာတ်လမ်းတွဲတွေထဲက အမျိုးသမီး အမျိုးသားအခန်းကဏ္ဍ ကွဲပြားမှု၊ သီချင်းတွေ ကဗျာတွေထဲမှ အမျိုးသမီး အမျိုးသားအခန်း ကဏ္ဍကွဲပြားမှုတို့သည် သတိထားကြည့်လျှင် ထင်ထင်ရှားရှား မြင်သာနေပါသည်။
မီဒယာတွေတွင် အမျိုးသမီးသည် အလှအပလည်း ဖြစ်သည်။ အမျိုးသမီးသည် မြင်သူကို စိတ်ကြည်နူးမှု သို့မဟုတ် စိတ်နှိုးဆွမှု ပေးစွမ်းသည့်အရာလည်း ဖြစ်သည်။ အမျိုးသမီးသည် ဦးဏှောက်အရည်အချင်းကို ဦးစားပေးသည့် အမျိုးအစား မဟုတ်။ ဖက်ရှင်အတွက် မျက်နှာချယ်သမှုဆိုင်ရာ အလှအပ ပစ္စည်းနှင့် ကရိယာတို့ အတွက် ကြော်ငြာပေးရသည့် အမျိုးအစားဖြစ်သည်။ လက်ဗ်တော့ ကွန်ပြူတာကို ကြော်ငြာလျှင်တောင် ကွန်ပြူတာကို သုံးစွဲနေသည့် ပုံရိပ်ထက် အလှပြသည့် ပုံရိပ်ကို တွေ့ရမည်။ တကယ်သုံးစွဲနေကြောင်း ကြော်ငြာလျှင်တော့ အမျိုးသားတွေကို သုံးပါလိမ့်မည်။ ကားကို ကြော်ငြာလျှင် ကားမောင်းသူမှာ အမျိုးသမီးတွေ မဟုတ်။ အမျိုးသားတွေ ဖြစ်သည်။ သို့သော် ကားကို အလှပြလိုလျှင်တော့ အမျိုးသမီး၏ အလှနှင့် ထပ်တူပြလိမ့်မည်။
တခါတခါတော့ မြန်မာ့ရုပ်မြင်သံကြားမှာ ပြသည့် ကြော်ငြာတခုတလေတွင် အမျိုးသမီးကို မြင်းပေါ်မှာ ထိုင်ပြတာ တွေ့ဖူးသည်။ ကားပေါ်မှာထိုင်လျက် ကော်ဖီမှာယူတာကို တွေ့ဖူးသည်။ သို့သော် ဆေးကြော်ငြာ အတွက် ကလေးကို ဆေးတိုက်သည့် ပြကွက်မျိုး၊ ကလေးနေမကောင်းလို့ ပြုစုသည့် ပြကွက်မျိုးတွင် အဖေထက် အမေကိုပဲ တွေ့ရတာ များသည်။ ထိုကြော်ငြာမျိုးတွင် ကလေးကို ပွေ့ချီထားသူသည် အမေမဟုတ်ပဲ အဖေဖြစ်နေ ခဲ့လျှင် တနည်းအားဖြင့် ရုပ်ရှင်မင်းသမီး မဟုတ်ဘဲ မင်းသားဖြစ်နေခဲ့လျှင် ကြည့်သူအတွက် နှာခေါင်းရှုံ့စရာ တောင် ဖြစ်သွားမလားမသိ။ ကလေးအမေက ဘယ်ရောက်နေလဲဟု ဝေဖန်စိတ်ဖြင့် ရေရွတ်မိကြမည်လား မသိ။ ကျွန်မတို့ မိန်းမတွေ၏ အခန်းကဏ္ဍက တကယ်ပဲ ပုံသေ ဖြစ်နေခဲ့ပါပြီ။ ဒါကို မီဒီယာတွင် ဖုံးဖိမရ တွေ့ရသည်။
မီဒီယာ၏ အစွမ်းသတ္တိမှာ အပြင်လောကကို ထင်ဟပ်ပြရုံပဲလား။ အခြေအနေကို မီးမောင်းထိုးပြရုံ လောက်ပဲလား။ နိုင်ငံတခု၏ အဆင့်အတန်းကို ယဉ်ကျေးမှုကို အလုပ်ခွဲခြားမှုကို ပြရုံပဲလား။ မဟုတ်နိုင်သေးပါ။ မီဒီယာသည် လောကပတ်ဝန်းကျင်ကို ပုံဖော်ဖို့လည်း အသုံးပြုနိုင်ပါသည်။ ပတ်ဝန်းကျင်ကို ပြုပြင်ပြောင်းလဲဖို့ မီဒီယာက တတ်စွမ်းပါလိမ့်မည်။ မီဒီယာ၏ အသုံးဝင်မှုသည် အကန့်အသတ်မရှိ။ မီဒီယာကို ဖန်တီးအမျိုးသမီး များသည် အမျိုးသားများထက် မကျော်လွန်လျှင်တောင် အမျိုးသားများနှင့် တန်းတူ လောကကို ပုံဖော်ဖို့ ပြောင်းလဲဖို့ တတ်စွမ်းနိုင်ကြပါသည်။
ရေချယ်ကာဆန် ဟူသည့် အမျိုးသမီး စာရေးဆရာမကြီး၏ တိတ်ဆိတ်သောစပရင်းရာသီ Silent Spring စာအုပ်သည် သဘာဝပတ်ဝန်းကျင်ကို ထိခိုက်စေသော လူ့အသက်ကို အန္တရာယ်ပြုသော ဒီဒီတီ ပိုးသတ်ဆေး၏ မကောင်းကျိုးတို့ကို ပီပြင်စွာ စနစ်တကျ ဖော်ထုတ်ပေးနိုင်ခဲ့သဖြင့် အမေရိကန်ပြည်ထောင်စုနှင့် အခြားဖွံ့ဖြိုးသောနိုင်ငံတို့တွင် ထိုပိုးသတ်ဆေးအသုံးကို ဥပဒေဖြင့် တားမြစ်လိုက်သည်အထိ ဖြစ်ခဲ့သည်။
စာအုပ်တအုပ်သည် ရုပ်ရှင်ကားတကားသည် လူ့ပတ်ဝန်းကျင်ကို ကောင်းကျိုးအတွက် ပုံပြောင်းအောင် တွန်းအားပေးသည့်နေရာတွင် အရေးကြီးသည့် အခန်းကဏ္ဍမှ ပါဝင်နိုင်၏။ နိုင်ငံတကာတွင် အမျိုးသမီးတို့၏ ဘ၀လူမှုရပ်တည်မှုတို့ကို ပြောင်းလဲဖို့ တွန်းအားပေးသည့်နေရာတွင် ဆီမွန်းဒီဘောဘွား၏ စာအုပ်နှင့်အတူ မာဂရက်မစ်ချယ်၏ စာအုပ်လည်း ပါသည်။
ယခုအခါ သူတို့ဆီတွင် အမျိုးသမီး ရဲအရာရှိတွေသည် အမျိုးသားတွေနှင့်အတူ လူဆိုးဖမ်းသည့် အလုပ်တွင် တန်းတူပါဝင်နေသည်။ ဘတ်စ်ကားမောင်းသူတွေ အမျိုးသမီးတွေ ဖြစ်သည်။ လေယာဉ်မောင်းသူ တွေ၊ လေထီးခုန်ဆင်းသူတွေ အမျိုးသမီးတွေ ပါလာသည်။ ဒါက အမျိုးသမီး အမျိုးသားဟူသည့် ဂျင်ဒါနှင့် မဆိုင်လှဘဲ ကိုယ်ခန္ဓာတည်ဆောက်ပုံနှင့် ကျန်းမာသန်စွမ်းမှုတို့ကသာ အဓိက ကျသင့်ပါသည်။ ဒါတွေကို ပြောင်းလဲဖို့ လိုအပ်သည်ဆိုလျှင် ထိုပြောင်းလဲမှုကို ဖြစ်ပေါ်အောင် မီဒီယာ၏တွန်းအားက အရေးပါသော နေရာမှာ ပါဝင်နေပါသည်။

ဂျူး။
[မြန်မာသစ်မဂ္ဂဇင်း၊ အမှတ် ၁၀၊ ဒီဇင်ဘာလ ၂၀၀၉ မှ ကူးယူဖော်ပြပါတယ်။]

မီဒီယာနှင့်ဂျင်ဒါ
ရေးသူ- ဂျူး


အမျိုးသမီးနှင့်မီဒီယာဟူသော စကားလုံးတွဲကို စဉ်းစားတိုင်း ကျွန်မအာရုံတွင် ပေါ်လာသော ကြော်ငြာလေးတခု ရှိသည်။ အဲဒါက နှစ်အနည်းငယ် ကြာမြင့်ခဲ့ပြီဖြစ်သော မြန်မာ့ရုပ်မြင်သံကြား ကြော်ငြာတခု ဖြစ်သည်။ ပန်းကန်အိုးခွက်ဆေးသည့် ဆပ်ပြာရည်တခုကို ကြော်ငြာခြင်းဖြစ်သည်။ ခိုင်သင်းကြည်က ပန်းကန်ဆေးပြသည်။ ခိုင်သင်းကြည် လှပါသည်။ ချစ်စရာ လည်းကောင်းပါသည်။ ပန်းကန်ကို ထိုဆပ်ပြာရည်ဖြင့် ဆေးပြသည့်အခါ တောက်ပပြောင်လက်သွားသည်ကို ပြသည်။ ဘယ်လောက်တောင် စင်ကြယ်သွားသလဲဆိုလျှင် ပန်းကန်ကို မင်းသမီးက လက်ညှိုးလေးဖြင့် ထောက် ခြစ်ကြည့်သည့်အခါ ဂျရစ် ဂျရစ်ဟု မြည်သွားသည့် ခံစားချက်ကို ကြည့်သူတွေထံမှာ ရလိုက်သည်။ အားလုံးပဲ တောက်ပြောင်သွားတာပဲတဲ့။ ကြော်ငြာက ပြောစရာ မရှိ၊ အပိုအလိုမရှိပါ။ ဂီတနှင့် ပုံရိပ်တွေက အဆင်ပြေချောမွေ့ပါသည်။ သို့သော် ကျွန်မက အဲဒီကြော်ငြာကို ကြည့်မိတိုင်း ဂျင်ဒါ (Gender) ခွဲခြားမှုကြောင့် အလေ့အထ ထုံးစံဖြစ်နေရသည့် ကျွန်မတို့နိုင်ငံ၏ ခံယူချက်ကို သတိထားမိသည်။


ခိုင်သင်းကြည်က ဘာဖြစ်လို့ ကြော်ငြာရတာလဲ။ လွင်မိုး သို့မဟုတ် ခန့်စည်သူ သို့မဟုတ် ကျော်ရဲအောင် မင်းသားတယောက်ယောက်ကို မသုံးဘဲ ဘာဖြစ်လို့ မင်းသမီးလေးကို ပန်းကန်ဆေးခိုင်းတာလဲ။ ဘာကြောင့်လဲ ဆိုတော့ မီးဖိုချောင်ကိစ္စက မိန်းမတွေ၏ကိစ္စအဖြစ် အားလုံးက မေးခွန်းမရှိ၊ သံသယမရှိ လက်ခံထားကြလို့ပဲပေါ့။ ခိုင်သင်းကြည်နေရာတွင် ကျော်ရဲအောင်ကို ပန်းကန်ဆေးခိုင်းကြည့်ပါလား။ ပရိသတ်၏ အမြင်ကိုက ရယ်စရာကြီး ဖြစ်သွားမှာပေါ့။ ယောက်ျားတယောက် ပန်းကန်ဆေးတာ ဟင်းချက်တာဟာ ရယ်စရာဟု အမျိုးသမီးပရိသတ်တွေ ကိုယ်တိုင် ခံယူထားမှာ သေချာပါသည်။ ဒါက ဂျင်ဒါ (Gender) အရ အလုပ်အကိုင်နှင့် အနေအထားကို ခွဲခြားပစ်မိလိုက်ကြခြင်း ဖြစ်သည်။
ကျွန်မတို့ မြန်မာအမျိုးသမီးတွေကို မီဒီယာမှာ အထူးသဖြင့် အစုအဝေးမီဒီယာ (Mass media) မှာ ဘယ်လိုအသုံးပြုနေသလဲ။ ဘယ်လို သဘောထားအမြင်တွေဖြင့် ဖော်ပြခံရနေသလဲ။ အရင် ကျွန်မ အမြဲ သတိထား လေ့လာမိတတ်၏။ ယခုတော့ ကျွန်မ မြန်မာ့ရုပ်မြင်သံကြားကို သိပ်မကြည့်ဖြစ်တော့ပါ။ သိပ်မကြည့်ဆို လုံးဝမကြည့်ဖြစ်သလောက်ရှိတာ နှစ်နှစ်လောက် ရှိပြီ။ ပျက်အစဉ် ပြင်ခဏ ဆိုသော မြန်မာစကားပုံ တခုကို မလိုက်နာမိလို့ ဖြစ်သည်။ ပစ္စည်းတခု ပျက်နေတာကို ဒီအတိုင်းပဲ ကြည့်နေလျှင် အစဉ်အမြဲ ပျက်နေမည်။ ပြင်လိုက်လျှင် ခဏကလေးတဲ့။ မေမေ ခဏခဏ ရေရွတ်သော စကားပုံမို့ ကျွန်မနှင့် ရင်းနှီးနေခဲ့တာ ငယ်ငယ်တုန်းကတည်းကပါပဲ။ သို့သော် ကျွန်မ၏ ရုပ်မြင်သံကြားစက်ကို ယုန်နားရွက်အင်တင်နာ လေးဖြင့် လိုင်းဖမ်းမမိတာကိုတော့ အခုထိ ဘာမှ ထပ်မလှုပ်ရှားဘဲ ပျက်အစဉ် နေ နေခဲ့တာ နှစ်နှစ်လောက် ရှိပြီ ထင်သည်။ ထို့ကြောင့် ကျွန်မ ရုပ်မြင်သံကြား အစီအစဉ်တွေကိုလည်း မသိတော့ပါ။ အခုအခါ ကျွန်မ၏စက်သည် ရုပ်ရှင်ကြည့်ပိတ်ကား မှန်သားပြင်တခုထက် မပိုတော့တာ ကြာပါပြီ။
တလောတုန်းက ပြည်တွင်း အန်ဂျီအို(N.G.O) အဖွဲ့အစည်းတခုက ကျွန်မကို မီဒီယာနှင့်ဂျင်ဒါ (Media and Gender) အကြောင်း ပြောပြပေးပါဟု တောင်းဆိုလာသဖြင့် ကျွန်မလည်း ဂျင်ဒါကို အမြဲ သတိထားလှုပ်ရှား ဆောင်ရွက်တတ်သူဖြစ်လို့ လက်ခံလိုက်ပါသည်။ မီဒီယာတွင် ကျွန်မ သတိထားမိခဲ့သော အမျိုးသမီး အမျိုးသား မတူညီသည့် ခံယူချက်၊ မတူညီသည့် ဝေစု မတူညီသည့် ဆက်ဆံခံရမှု ဒါတွေကို ကျွန်မထည့်ပြော ရှင်းပြခဲ့ရတာ ဖြစ်သည်။ ကျွန်၏ ရုပ်မြင်သံကြားဗဟုသုတသည် နှစ်နှစ်လောက် ဒိတ်အောက်နေပြီ ဆိုပါစို့။ ခေတ်နှင့် မလျော်ညီဘူး ဖြစ်နိုင်သည်။ နှစ်နှစ်ဆိုသော ကာလသည် မြန်မာ Mass media အတွင်း အပြောင်းအလဲတွေ ဖြစ်ဖို့ လုံလောက်သော ကြာမြင့်မှုကာလ ဖြစ်နေခဲ့လျှင်ပေါ့။ သို့မဟုတ် နှစ်နှစ်ကာလသည် မြန်မာမီဒီယာကို ကြီးမားသည့် အပြောင်းအလဲ ဖြစ်စေအောင် သက်ရောက်မှု မပေးနိုင်သေးဘူးဆိုရလျှင် ပြောသူနှင့် နားထောင်သူ ဟန်ချက်ညီမှာပေါ့။ ယခုအခါ ထိုပြောပွဲမှ အကြောင်းအရာများကိုပင် ဆောင်းပါးအဖြစ် ဖော်ပြလိုက်ခြင်း ဖြစ်ပါသည်။ ခေတ်မီသော မီဒီယာသုံးစွဲသူတို့ အနေဖြင့်တော့ အချိန်ကာလကို နှစ်နှစ်လောက် နောက်ပြန်ဆုတ်ပြီး ဖတ်ရှုမှ အဆင်ပြေမည် ထင်ပါသည်။
ဂျင်ဒါနှင့် မီဒီယာအကြောင်း မပြောခင် ဂျင်ဒါ (Gender) ဆိုသော စကားလုံးကို အရင်ရှင်းပြဖို့ လိုပါလိမ့်မည်။

ဂျင်ဒါဆိုတာ ဘာလဲ။
မိန်းမ ယောက်ျား အမျိုးအစားခွဲခြားဖို့ လိင် (sex) ဆိုသော စကားလုံးကို သတ်မှတ်ထားသည်။ တနည်းအားဖြင့်တော့ ဂျင်ဒါဆိုသည်မှာလည်း လိင် ဆိုသည့် စကားလုံးနှင့် ဆင်တူပါပဲ။ သို့သော် အဓိပ္ပါယ်သက်ရောက်မှု နည်းနည်းကွဲသည်။ sex ဆိုသည့် လိင်တွင် မိန်းမ ယောက်ျားကို ဇီဝဗေဒနည်းဖြင့် ခွဲခြားသတ်မှတ်သည်။ သဘာဝအတိုင်း လိင်ကွဲပြားမှုဖြစ်သည်။ အမျိုးသမီးမှာ ပါသည့် လိင်အင်္ဂါနှင့် အမျိုးသားမှာပါသည့် လိင်အင်္ဂါမတူ။ ထို့ကြောင့် ဆောင်ရွက်မှုတွေကလည်း မတူ။ အမျိုးသမီးက ကိုယ်ဝန်ဆောင်မည်။ ကလေးမွေးမည်။ နို့တိုက်မည်။ အမျိုးသားက ကိုယ်ဝန်မဆောင်နိုင်။ ကလေးမမွေးနိုင်။ နို့မတိုက်နိုင်။ ဒါက သဘာဝ မွေးကတည်းက ခွဲခြားပေးလိုက်သည့် လိင်ကွဲပြားမှု။
ဂျင်ဒါကျတော့ အဲသည်လိုမဟုတ်။ အနေအထိုင်၊ အမူအကျင့်၊ ယုံကြည်မှု၊ တာဝန်ခွဲဝေမှု၊ လူမှုဝန်းကျင်၏ အခန်းကဏ္ဍ စသည် စသည်ဖြင့် တဖြည်းဖြည်း သတ်မှတ်ခွဲခြားခံရသော ကွဲပြားမှုကို ဂျင်ဒါဟု ခေါ်ခြင်းဖြစ်သည်။ ယဉ်ကျေးမှု၊ ဘာသာရေး၊ လူမှုရေး တို့နှင့် ဆက်နွှယ် တွန်းအားပေးခံရခြင်းကြောင့် ကွဲပြားသွားသော သတ်မှတ်မှုများ ဖြစ်သည်။
မိန်းမက ကိုယ်ဝန်ဆောင်ပြီး ကလေးမွေးသည်။ ယောက်ျားကကိုယ်ဝန်မဆောင်၊ ကလေးမမွေး။ ဒါက လိင် (Sex) ဖြစ်သည်။ မိန်းမက မီးဖိုချောင်ထဲတွင် ချက်ပြုတ်သည်။ ယောက်ျားက အပြင်ထွက် စီးပွါးရှာသည်။ ဒါကျတော့ လိင်မဟုတ်တော့ဘဲ ဂျင်ဒါကြောင့် ကွဲပြားမှု ဖြစ်သွားသည်။ မိန်းကလေးတွေ သေစာ ရှင်စာ တတ်လျှင်တော်ပြီ။ ယောက်ျားလေးကတော့ ပညာတတ်မှ ဖြစ်မည်။ ဒါက လိင်ကွဲပြားမှု မဟုတ်တော့၊ ဂျင်ဒါ (Gender) ကွဲပြားမှု ဖြစ်သွားပြီ။ သဘာဝက ခွဲခြားပေးတာ မဟုတ်ဘဲ လူမှုရေးနယ်ပယ်၊ ဘာသာရေး နယ်ပယ်၊ ယဉ်ကျေးမှုနယ်ပယ်တို့က ခွဲခြားပေးမှုကြောင့် အခန်းကဏ္ဍတွေ တာဝန်ယူမှုတွေ ကွဲပြားသွားရတာကို ဂျင်ဒါကြောင့် ခွဲခြားဆက်ဆံခံရခြင်းဟု သတ်မှတ်ပါသည်။
ကျွန်မတို့ မြန်မာနိုင်ငံတွင် ဂျင်ဒါခွဲခြားခြင်းကြောင့် အမျိုးသမီးတွေ နစ်နာတာက အနည်းအကျဉ်းသာ ဖြစ်သည်ဟု ဆိုနိုင်သည်။ တချို့ နိုင်ငံတွေမှာတော့ ဂျင်ဒါခွဲခြားခံရမှုကြောင့် အသက်ဆုံးရှုံးသည်အထိ နစ်နာရတာတွေ ရှိပါသည်။ ဥပမာ တရုတ်နိုင်ငံတွင် ဟိုအရင်ကတည်းက မိန်းကလေးကို နှိမ်ချပြီး ယောက်ျားလေးကို မြှောက်စားသဖြင့် မိန်းကလေးမွေးသည့် မိဘတွေ မျက်နှာငယ်ရတာ မိန်းကလေးတွေ မျက်နှာငယ်ရတာ။ ခြေထောက်ကို သေးကွေးပြီး လမ်းလျှောက်ဖို့ မဖြစ်နိုင်လောက်အောင် ချိုးဖဲ့စည်းနှောင် ထားတာတွေ ရှိခဲ့သည်။ ထို့ကြောင့် ထိုခေတ်ကတည်းက မိန်းကလေးမွေးလျှင် မလိုချင်သဖြင့် ကလေးတွေကို သတ်ပစ်ခဲ့ကြသည်။ အခုခေတ်လို မိသားစုတခုတွင် ကလေးတယောက်သာ ယူရမည်ဟူသည့် စည်းမျဉ်းဥပဒေ ထုတ်လိုက်သည့်အခါ တယောက်တည်းသော ကလေးကို ယောက်ျားလေးသာ ဖြစ်ချင်ကြသည်က တကြောင်း၊ နည်းပညာတိုးတက်လာသဖြင့် ကိုယ်ဝန်ကို အာလ်ထရာဆောင်း ခေါ် တီဗွီဓာတ်မှန် ရိုက်ကြည့်လို့ ရသည်မို့ တကြောင်း၊ သန္ဓေသားက မိန်းကလေးမှန်းသိလျှင် ကိုယ်ဝန်ကို ဖျက်ချပစ်ကြသည်။ အိန္ဒိယနိုင်ငံတွင်လည်း မိန်းကလေးရှင်တွေက ယောက်ျားလေးကို တင်တောင်းရသည့် ဒိုဝီ ထုံးစံရှိသည်မို့ မိန်းကလေးတွေ မျက်နှာငယ်ရသည်။ ကျွန်မသာဆိုလျှင် ပိုက်ဆံမရှိလို့တကြောင်း ထိုအစဉ်အလာကို ချိုးဖောက်လို၍တကြောင်း တင်မတောင်း အိမ်ထောင်မပြုဘဲ နေပစ်လိုက်မှာပေါ့ဟု ပေါ့ပေါ့တွေးလို့ မရနိုင်ပါ။ အိမ်ထောင်မကျဘဲ နေသည့် မိန်းကလေးတွေကို တခုခုချို့ယွင်းနေသည့် အမျိုးအစားအဖြစ် မတူမတန် ခွဲခြားဆက်ဆံခံရသည့်အခါ မိသားစုလည်း မျက်နှာငယ်ရမည်။ မိန်းကလေးလည်း မျက်နှာငယ်ရမည်။ တော်တော် အနေရကြပ်သော အခြေအနေ ဖြစ်ပါလိမ့်မည်။
မြန်မာနိုင်ငံမှာတော့ အဲသည်လောက် သိသာထင်ရှားသော ချိုးနှိမ်မှုတွေ မရှိပါ။
မီဒီယာအကြောင်း အနည်းငယ် လေ့လာကြည့်ကြပါမည်။

မီဒီယာ
မီဒီယာတွင် ပုံနှိပ်မီဒီယာ၊ လေလှိုင်းမီဒီယာ၊ အီလက်ထရွန်းနစ်မီဒီယာဟု အကြမ်းဖျဉ်း ခွဲခြား သတ်မှတ် နိုင်သည်။
ပုံနှိပ်မီဒီယာတွင် ရှေးခေတ် ကျောက်ကိုထွင်းသော ကျောက်စာများမှ ပေရွက်ပေါ်မှာ စာတင်သော ပေစာခေတ်တို့ကိုပါ ထည့်သွင်းမည်ဆိုပါက လေ့လာရတာ ပိုပြီး ကျယ်ပြန့်လာနိုင်ပါသည်။
လေလှိုင်းမီဒီယာတွင် ရေဒီယိုဖြင့် အသံလွှင့်သော သတင်းများ၊ သုတ ရသ အကြောင်းအရာများ ပါဝင်ပါသည်။
အီလက်ထရောနစ်မီဒီယာတွင် မတ်စ်မီဒီယာခေါ်သော တီဗွီရုပ်မြင်သံကြားမှ အစပြုပြီး ဗွီဒီယို၊ ဖလင်၊ ဒီဗွီဒီပြသမှု အားလုံးပါဝင်ပါသည်။
ယနေ့ခေတ်တွင် မြန်မာနိုင်ငံတွင် လေလှိုင်းမီဒီယာ ဖွံ့ဖြိုးတိုးတက်နေပြီဟု ခေါ်နိုင်ပါသည်။ ရုပ်မြင် သံကြား ပေါ်ခါစက ရေဒီယိုလေလှိုင်းကို စွန့်ပယ်ကာ အသံပါမက ရုပ်ကိုပါ ရောင်စုံဖြင့်မြင်ရသော ရုပ်မြင်သံကြားကို ဖက်တွယ်ကြသည်။ ယခုအခါတွင်တော့ မြန်မာ့အသံဟုခေါ်သော အေအမ်လိုင်းပါမက ရန်ကုန် အက်ဖ်အမ်၊ မန္တလေးအက်ဖ်အမ် လိုင်းတို့ဖြင့်ပါ ပြည်သူလူထုကို ဆွဲဆောင်နိုင်နေပြီ။ လှိုင်းလတ် medium wave သာမက လှိုင်းတို short wave ဖြင့် တခြားနိုင်ငံက အသံလွှင့်ဌာနတို့ကို နားထောင်နိုင်သည်။ ထို့ကြောင့် လေလှိုင်းမီဒီယာသည်လည်း အရှိန်အဟုန်ဖြင့် ထိုးဖောက်လာနေပြီဟု ဆိုနိုင်ပါသည်။ ထိုအခါ ထိုမီဒီယာ၏ ကောင်းကျိုး ဆိုးကျိုးကို အလျင်အမြန် လက်ခံရသည်။ နိုင်ငံဖွံ့ဖြိုးတိုးတက်မှုအတွက် ဆောင်ရွက်လျှင်လည်း ပြည်သူအတွင်း ပျံ့နှံ့အောင် ထိထိရောက်ရောက် တွန်းအားပေးနိုင်မည်။ ထို့ပြင် လေလှိုင်းမီဒီယာ ရေဒီယို ထုတ်လွှင့်မှုသည် တခြားမီဒီယာနှင့်စာလျှင် ကုန်ကျစရိတ် သက်သာသည်။ ထိရောက်သည်။
ကောင်းပါပြီ။ ကျွန်မတို့ မီဒီယာမှ ဘာတွေကို ရရှိနေပါသလဲ။
သတင်းအချက်အလက်များ(information) ကို ရသည်။ တဦးနှင့်တဦး ဆက်သွယ်မှု (communication) ကို ရသည်။ ဖြေဖျော်မှု (entertainment) ကို ရသည်။ ကြော်ငြာ (advertisement) စိတ်ကူးစိတ်သန်း (idea) တွေ ရသည်။ ယဉ်ကျေးမှု (culture) ကို ရသည်။ ထို့အပြင် ကျွန်မတို့ မိရိုးဖလာ လက်ခံမှုတွေမှ အပ ဖြစ်သော တခြားတန်ဖိုးများ (value) ကို ရသည်။ ရတာတွေကတော့ အများကြီးပါပဲ။ လိုချင်သည် ဖြစ်စေ မလိုချင်သည် ဖြစ်စေ မီဒီယာက ကျွန်မတို့ကို နေ့စဉ်နှင့်အမျှ ထိုအရာတွေကို ပေးဝေနေခဲ့သည်။
မီဒီယာက ကျွန်မတို့ကို ဘယ်လို အကျိုးဆောင်ပေးပါသလဲ။
Diversion မူလပင်ကိုယ်အနေအထားမှ ခွဲထွက်မှုကို ပေးသည်။ အလုပ်ကြောင့် စိတ်ညစ်ရတာတွေ မိမိရင်ဆိုင်နေရသော ပြဿနာတွေမှ ရှောင်ဖယ်ဖို့ မီဒီယာက ကျွန်မတို့ကို အသာလေး ဆွဲဆောင်သွားသည်။ စိတ်ထွက်ပေါက်ရသွားသည်။
Personal relationship ပုဂ္ဂိုလ်ရေး ဆက်နွှယ်မှုကို ပေးသည်။ တဦးတည်း မဟုတ်သော အဖော်ပြု ပေးမှုကို ရသည်။ သီချင်းတပုဒ်ကို နားထောင်လျှင် ရုပ်မြင်သံကြားမှ တခုခုကို မြင်တွေ့ရလျှင် သတင်းတပုဒ်ကို မြင်တွေ့ နားထောင်ရလျှင် မိမိတဦးတည်း မဟုတ်ဘဲ ဘေးမှာ အဖော်တယောက် ရှိနေသလို ပြည့်စုံစေသည်။ ထို့အပြင် မီဒီယာမှ ရရှိသော ရသ သုတ သတင်းအချက်အလက် တခုခုကို ကိုယ်တဦးတည်း ခံယူသည် မဟုတ်ဘဲ ကိုယ့်အပေါင်းအဖော်များအတွင်း ချပြ ဆွေးနွေးကြခြင်းဖြင့် မိမိ၏ ပေါင်းသင်းဆက်ဆံရေးကိုပါ တိုးပွါး စေသည်။
Personal identity ပုဂ္ဂိုလ်ရေး တည်ရှိမှုကို ပေးသည်။ မိမိဘေးက လူမှုရေးကမ္ဘာမှ ခွဲထွက်ပြီး မိမိကိုယ်တိုင်၏ တည်ရှိမှုကို သတိရစေသည်။ ဆင်ခြင်သုံးသပ်စေသည်။
Surveillence မျက်ခြေမပြတ် ခေတ်မီသည်ဟူသော ကိုယ့်ကိုယ်ကို ကျေနပ်စိတ်ကို ရသည်။ သတင်းများကို စောင့်ကြည့်ခြင်း၊ နားထောင်ခြင်း၊ နိုင်ငံနှင့် ကမ္ဘာ၏ အဖြစ်အပျက်များကို ကိုယ်တိုင်မြင်တွေ့ သိရှိနေသလို ခံစားရခြင်း စသည့် စိတ်ခံစားချက်များကို ပေးသည်။
ဒါဖြင့် အမျိုးသမီးနှင့် မီဒီယာ ဘယ်လိုဆက်နွှယ်ပါသလဲ။
ဂျင်ဒါနှင့်မီဒီယာ၏ ဆက်စပ်မှု အကျိုးဆက်ကို သိလိုလျှင် အမျိုးသမီးနှင့်မီဒီယာကို အရင်လေ့လာကြည့် ရမည် ဖြစ်ပါသည်။
၁။ မီဒီယာဖန်တီးသူ သို့မဟုတ် မီဒီယာဖြင့် အသက်မွေးသူ အမျိုးသမီးများ (media person women)
၂။ မီဒီယာ၏ ပရိသတ်အမျိုးသမီးများ (audience women)
၃။ မီဒီယာထဲတွင် အသုံးချခံရသော အမျိုးသမီးများ (women in media) ဟူ၍ သုံးပိုင်း ခွဲခြားကြည့် ပါမည်။

၁။ မီဒီယာဖန်တီးသူ
မီဒီယာဖန်တီးသူ မီဒီယာဖြင့် အသက်မွေးသူ အမျိုးသမီးများမှာ ကျောက်စာရေးထွင်းသည့် ပုဂံခေတ် ကတည်းက အထင်အရှား ရှိခဲ့သည်။ ပုဂံခေတ်တွင် အမျိုးသမီးများ ဘုရားတည်ခြင်း၊ ကျောင်းဆောက်လှူဒါန်း ခြင်း၊ ကျောက်စာရေးထိုးခြင်း တို့ကို ပြုလုပ်ခဲ့ကြသည်။ မိန်းမသူကြီးများ၊ မိန်းမသူကြွယ်များအနက် နာမည်ကျော် သော ကျောက်စာ နှစ်မျိုးရှိခဲ့ပါသည်။ သိင်္ဃသူ့ သမီးကျောက်စာနှင့် ဖွားစောကျောက်စာ ဖြစ်သည်။ သိင်္ဃသူ့သမီး ကျောက်စာက ငြိမ်းချမ်းသည်။ အလိုရမက်ကင်းသည်။ တရားရှိသည်။ နှလုံးသိမ်မွေ့သည်။ ဖတ်ရသူကို ကြည်လင် အေးချမ်းစေသည်။ အချင်းချင်း အညှိုးအတေး အမျက်မရှိ ချစ်ခြင်းမျက်စိဖြင့်သာ ကြည့်သောသူများ ဖြစ်ကြပါ စေတဲ့။ ဖွားစောကျောက်စာကျတော့ အတ္တတွေ ပြည့်နေသည်။ မာန်မာနတွေ ပြည့်နေသည်။ ဘာပဲဖြစ်ဖြစ် ထိုကျောက်စာရေးထိုးသူ မီဒီယာအမျိုးသမီးနှစ်ဦးသည် မတူညီသော ဦးတည်ချက်တွေဖြင့် မီဒီယာကို ဖန်တီးခဲ့ကြသည်။ ကျွန်မတို့ နောင်လာနောက်သားတွေ လေ့လာစရာ ဖြစ်သည်။
ပေစာခေတ်တွင် အနောက်နန်မးတော် မမြလေးနှင့် သူ့သမီး လှိုင်ထိပ်ခေါင်တင်တို့သည် ထင်ရှားသော မီဒီယာအမျိုးသမီးများ ဖြစ်ခဲ့ကြသည်။ မိဖုယားနှင့် အိမ်ရှေ့စံ မိဖုယားတို့ ဖြစ်စေကာမူ ကဗျာလင်္ကာ ပြဇာတ်ရေးဖွဲ့ဖို့ ဆန္ဒပြင်းပြသဖြင့် ရေးဖွဲ့ခဲ့ကြသည်။ ယနေ့ခေတ်အထိ ကျွန်မတို့ ထိုစာတွေကို လေ့လာဖတ်ရှု ခံစားနေဆဲ ဖြစ်သည်။ မြန်မာအမျိုးသမီးတွေကို စာရေးသူအဖြစ် ပုဂံခေတ်ကတည်းက လက်ခံခဲ့ကြတာမို့ အင်းဝခေတ်၊ ကုန်းဘောင်ခေတ်မှာ လှိုင်ထိပ်ခေါင်တင်တို့ သားအမိကို မီဒီယာပါဆင် media person တွေအဖြစ် လက်ခံကြတာပေါ့။ မြန်မာနိုင်ငံတွင် အမျိုးသမီးအပေါ် ချိုးနှိမ်ခြင်း၊ တဆင့်နှိမ့်ထားခြင်း နည်းပါးသည့် ပြယုဂ်တခုပင် ဖြစ်သည်။
ထို့အတူ ကိုလိုနိခေတ်နှောင်းပိုင်းနှင့် ယနေ့ခေတ်တိုင်အောင် လူထုသတင်းစာမှ လူထုဒေါ်အမာသည် မြန်မာနိုင်ငံတွင် လေးစားထိုက်ဖွယ် ထင်ရှားသော အမျိုးသမီးမီဒီယာပြယုဂ်ဖြစ်သည်။ ကမ္ဘာက အသိအမှတ်ပြုရ လောက်အောင် မီဒီယာဖြင့် နိုင်ငံကို ပုံသွင်းသည့်နေရာတွင် ရှေ့ဆုံးက ပါဝင်ခဲ့သည်ဟု ဆိုရပါမည်။ ထို့နောက် အမျိုးသမီးစာရေးဆရာမသုံးဦးဖြစ်သည့် ခင်ဆွေဦး၊ ကလျာ(၀ိဇ္ဇာ-သိပ္ပံ)၊ မလေးလုံ တို့ တည်ထောင်သော စပယ်ဖြူမဂ္ဂဇင်း၊ ကလျာမဂ္ဂဇင်းနှင့် လုံမလေးမဂ္ဂဇင်းများ ပေါ်ပေါက်လာသည်။ အမျိုးသမီး မဂ္ဂဇင်းဆိုသော်လည်း ထိုသုံးမျိုးက ထူးခြားသည်။ ဖက်ရှင်အလှအပ၊ ချက်နည်းပြုတ်နည်း၊ ဇာထိုးပန်းထိုးတို့ကို ဦးစားပေးသည် မဟုတ်ဘဲ အတွေးအမြင်၊ နိုင်ငံတကာစာပေ အနုပညာနှင့် သုတရသတို့ကို ထည့်သွင်းဖော်ပြခြင်း ဖြစ်သည်။ ထိုမဂ္ဂဇင်းတို့သည် အမျိုးသမီးပရိသတ်အတွက်ချည်းမဟုတ် ဂျင်ဒါ တိမ်းညွတ်မှု မရှိသော လွတ်လပ်သည့် စာပေအနုပညာကို ထည့်သွင်းထုတ်ဝေခြင်း ဖြစ်ပါသည်။ ယနေ့မှာတော့ ခေတ်ပေါ် ဂျာနယ်၊ မဂ္ဂဇင်းတို့တွင် မီဒီယာအမျိုးသမီးများစွာ ပေါ်ထွက်လာနေသည်။ လေလှိုင်းမီဒီယာဖြစ်သော အက်ဖ်အမ်အစီအစဉ်တွေများစွာ ပေါ်ပေါက်လာသည်။ ရန်ကုန်စီးတီးအက်ဖ်အမ်၊ မန္တလေးစီးတီးအက်ဖ်အမ်၊ တောင်ကြီး ချယ်ရီ အက်ဖ်အမ် စသည် စသည်....။ သည်တော့ အမျိုးသမီးတွေ အပေါ်ထားသည့် သဘောထားကို လေ့လာစရာနေရာတွေ ပိုများလာပါ သည်။
ကျွန်မ တူတွေ တူမတွေ ငှားပြီးကြည့်နေသည့် မြန်မာကားတွေကို တခါတခါ အမှတ်မထင် ၀င်ကြည့်မိသည်။ ဒါရိုက်တာ ဘယ်သူမှန်း၊ ဇာတ်ညွှန်းဘယ်သူမှန်း မသိသော်လည်း ပြကွက်နှင့် အပြန်အလှန် စကားပြောခန်းများကို တွေ့ရုံဖြင့် ဒါက အမျိုးသားရေးသည့်ဝတ္ထုလား၊ အမျိုးသားဇာတ်ညွှန်ဆရာရေးသည့် ဇာတ်ညွှန်းလား ခန့်မှန်းကြည့်လို့ ရသည်။ တခါတခါ ကျွန်မက ကလေးတွေကို ၀င်ပြောမိသည်။ ကြည့်စမ်း။ ဒီလိုစကားမျိုး ဇာတ်ကောင်တွေကို ပြောခိုင်းတဲ့ ဇာတ်ညွှန်းဆရာဟာ ယောက်ျားပဲ ဖြစ်ရမယ်။ ဇာတ်ညွှန်းဘယ်သူ တဲ့လဲဟု မေးမိသည်။ တကယ်လည်း အဲဒါက မိန်းမရေးတာမဟုတ် မိန်းမရိုက်တာမဟုတ်။ ယောက်ျားတွေဟု တွေ့ရသည်။ တခါတလေ သူတို့ ဇာတ်ကားတွေထဲတွင် အမျိုးသမီးကို ပေးထားသည့်နေရာက အူကြောင်ကြောင် ပြောတိုင်းယုံသည့် ဦးဏှောက်ဥာဏ်သိပ်မထက်မြက်သည့် ရယ်စရာဖြစ်နေသည့် ဇာတ်ကောင်နေရာမျိုး ဖြစ်နေသည့်အခါ ကျွန်မ စိတ်အနှောင့်အယှက် ဖြစ်မိတတ်ပါသည်။
လွတ်လပ်သော မည်သည့်အနှောင်အဖွဲ့မှ ချည်နှောင်မထားသော အမျိုးသမီး မီဒီယာပါဆင်တွေကို စူးစမ်းလေ့လာကြည့်မည် ဆိုပါက မိန်းမစာရေးဆရာ၊ မိန်းမကဗျာဆရာ၊ မိန်းမဂျာနယ်လစ်၊ မိန်းမပြဇာတ်ရေး ဆရာ၊ မိန်းမရုပ်ရှင်ဒါရိုက်တာ၊ မိန်းမ အဆိုတော်နှင့်သီချင်းရေးပညာရှင် စသည်ဖြင့် အမျိုးအစား များစွာတွေ့ ရသည်။ သူတို့ဖန်တီးသော ရသ သုတ တို့သည် အမျိုးသား ဖန်တီးသည့် ရသ သုတ တို့နှင့် အနည်းငယ်တော့ ကွာခြားမည်။ သို့သော် ခွဲထွက်သော၊ အမျိုးစုံသော ဆောင်ရွက်မှုတို့ကို တွေ့ရသည်။ ဥပမာ ကဗျာဆရာမ မအိ၏ အသံအက်သွားသော ခေါင်းလောင်းလေး ကဗျာသည် မူလတန်းပြဆရာမတယောက်၏ ရင်မှ ဖြစ်ပေါ်သော ခံစားချက်ကို ရေးဖွဲ့ခြင်း ဖြစ်သည်။
ထိုနေရာတွင် ကျောင်းဆရာတယောက်ဆိုလျှင်ရော သည်ခံစားချက်အတိုင်း ထပ်တူထပ်မျှ ထွက်လာ မလား။ သံစူးပြီး မေးခိုင်ရောဂါပိုးဖြင့် သေဆုံးသွားသော ကျောင်းသားကလေး၏ဆရာသည် အသံအက်သွားသော ခေါင်းလောင်းကလေးကဗျာကို ဖန်တီးဖို့ စိတ်ကူးမိပါမလား။ ၀တ္ထုတပုဒ် ဖြစ်ချင်ဖြစ်သွားမည်။ စကားဝိုင်းမှာ ကြိတ်မနိုင်ခဲမရ ညည်းညူရေရွတ်မိကောင်း ရေရွတ်မိမည်။ အမျိုးမျိုး ဖြစ်နိုင်ပါသည်။ မီဒီယာထဲသို့ အမျိုးသမီးများ ၀င်ရောက်လာသည့်အခါ အမျိုးသမီးတို့၏ မူလက တိတ်ဆိတ်နေသော အသံတို့ကို ကိုယ်စားပြု ဖော်ထုတ်ပေး နိုင်၏။ ထို့ကြောင့် အလွန် အရေးကြီးသော ပြောင်းလဲမှုတို့ကို ဖြစ်ပေါ်စေပါသည်။


ဂျူး
ဒုတိယပိုင်း ဆက်လက်ဖော်ပြပါမည်။
[မြန်မာသစ်မဂ္ဂဇင်း၊ အမှတ် ၉၊ နိုဝင်ဘာလ၊ ၂၀၀၉ မှ ကူးယူဖော်ပြပါတယ်။]


Sunday, December 20, 2009

တမ်းတလို့လွမ်းရပါတယ်.... (၃)
ရေးသူ- မောင်အေးခိုင်


"All Boys Can Do Everything For Girls" တဲ့။ စက်မှုတက္ကသိုလ်ရောက်လို့ ဘယ်ဆရာ၊ ဘယ်ဆရာမမှ Lecture မပေးရခင်မှာ အရင်ဆုံးရလိုက်တဲ့ သင်ခန်းစာတခုကတော့ အဲဒီ စာတန်းတိုကလေးပါပဲ။ ဘယ်မှာ ရလိုက်တာလဲ။ Lecture ခန်းတခု ဖြစ်တဲ့ 1/2-5 ဆိုတဲ့ Theater Room မှာ ဖြစ်ပါတယ်။ ကျနော်တို့ စက်မှုတက္ကသိုလ်ရဲ့ အဆောင် (၁) လို့ခေါ်တဲ့ ၃ ထပ် အဆောက်အဦကြီးမှာ စာသင်ခန်းမကြီး ၆ ခု ရှိတယ်။ ရှေ့မျက်နှာစာ အောက်ဆုံးထပ်ရဲ့ ထောင့်နှစ်ထောင့်မှာ ဘယ်ဘက်ထောင့်က စာကြည့်တိုက်၊ ညာဘက်ထောင့်က ကျောင်းအုပ်ချုပ်ရေးရုံး။ သူတို့ ခေါင်းပေါ် ဒုတိယထပ်နဲ့ တတိယထပ်မှာ စာသင်ခန်းမကြီး ၄ ခု၊ တတိယထပ် အတွင်းဘက်ထောင့်တွေမှာ ၂ ခု၊ အားလုံးပေါင်း ၆ ခု ရှိတယ်။



လူတွေ အများကြီးတက်ရတဲ့ Lecture တွေဆိုရင် အဲဒီလို Theater တွေမှာ တက်ရတယ်။ Theater တွေမှာ အပေါ်အောက် မြှင့်တင်ဆွဲချလို့ ရတဲ့ နှစ်ထပ် စာသင်ပုန်းကြီးတွေရှိတယ်။ ထိုင်ခုံတွေက လှေခါးထစ်လို တဆင့်စီမြင့်တက်သွားတာဖြစ်ပြီး ဘေးလက်ရန်းမပါတဲ့ သစ်သားခုံတန်းရှည်ကြီးတွေ။ ဘေးနှစ်ဖက် ဘယ်နဲ့ညာ မှာ လေးယောက်စာ ထိုင်လို့ရတဲ့ ခုံတန်း၊ အလယ်တန်းခုံတန်းက ၁၀- ယောက် ၁၅-ယောက်လောက် ထိုင်နိုင်တယ်။ ဘေးတန်းနဲ့ အလယ်တန်း နှစ်ခုအကြားမှာ နောက်ဆုံးတန်း (အပေါ်ဆုံးဆင့်) အထိ တက်နိုင်တဲ့ လူသွားလမ်း ရှိတယ်။ ဒီခန်းမကြီးတွေက အောက်ဆုံးဆင့်မှာ တံခါးပေါက်တခု၊ အပေါ်ဆုံးဆင့်မှာ တံခါးပေါက် တခု၊ တံခါး နှစ်ပေါက်ရှိတယ်။ တချို့ကျောင်းသားတွေဆို ဆရာက ကျောင်းခေါ်ချိန်စာရင်း ကောက်ပြီးတာနဲ့ ဆရာအလစ်မှာ နောက်ပေါက်က ထွက်ကြတယ်။
ခုံတန်းတွေမှာ ခုံနံပါတ် အသီးသီး ရေးမှတ်ထားတယ်။ အတန်းလိုက်ကို အောက်ဆုံးဆင့်ကနေ အပေါ်ဆုံးဆင့်အထိ ဘေးဘက်နံရံမှာ အင်္ဂလိပ် အက္ခရာ A B C D ကို ဆေးနဲ့ မြင်သာထင်သာ ခပ်ကြီးကြီး ရေးထားပြီး ထိုင်ခုံမှာတော့ 1 2 3 4 စသည်ဖြင့် ရေးထားတယ်။ ခုံနံပါတ် မှတ်တော့ A1, B1, A2, C4... စသဖြင့်မှတ်တာ။
ကျနော် ပြောခဲ့တဲ့ ပထမဆုံးရတဲ့ သင်ခန်းစာဆိုတာ နံရံပေါ်က A B C D အမှတ်အသားတွေမှာ တစုံတယောက်က မြေဖြူခဲနဲ့ ထင်ထင် ရှားရှားကြီး ဖြည့်စွက် ရေးထားတာ။ A ရဲ့ ဘေးမှာ ll, B ရဲ့ဘေးမှာ oys, C ရဲ့ဘေးမှာ an, Dရဲ့ ဘေးမှာ o, အဲဒီလို ဥဏ်စွမ်းပြ၊ လက်စွမ်းပြ ဖြည့်စွက်ရေးထားတာမို့ စာသင်ခန်းမကို ၀င်ဝင်ချင်း ဆရာ မလာခင် မှာ ဦးစွာရရှိလိုက်တဲ့ သင်ခန်းစာပါ။ All Boys Can Do Everything For Girls တဲ့။
တခြား နံရံစာတွေလဲ ရှိတာပေါ့။ ဒါပေမယ့် မှတ်မှတ်ရရနဲ့ အမှတ်ရနေသေးတာ ဒီတခုပါပဲ။ နံရံစာတွေ များသလောက် မတော်တရော်၊ ညစ်ညစ်ညမ်းညမ်းတွေရေးတာ၊ မရှိသလောက်ပါပဲ။ အလွန်ဆုံး ကိုယ်သဘောကျ တဲ့ မိန်းကလေးတွေကို ချောကြောင်း လှကြောင်း မှတ်ချက်ပေးတဲ့စာပဲ၊ ဒါတောင် လူနာမည် မပါပဲ ခုံနံပါတ်သာ ဖော်ပြထားတဲ့ A9 က လှတယ်။ C12 က ယဉ်တယ်။ ဒီလောက်ပဲ။ ဘယ် Section ဘယ် နှစ်ခုနှစ်တောင် မပါတော့ ဘယ်သူမှန်း မသိနိုင်ပါဘူး။ သူပြောတဲ့ ခုံနံပါတ်ဟာ ကိုယ့်အတန်းကများ ဖြစ်မလား ကြည့်တော့လဲ မဖြစ်နိုင်တဲ့ ငါးဖေါင်ရိုးတို့ စည်ပိုင်းတို့ ဖြစ်နေပြန်ရော။
ခုံနံပါတ်တွေနဲ့ ပါတ်သက်လို့ ကျနော်တို့ကို ပထမနှစ်နဲ့ ဒုတိယနှစ်မှာ ရူပဗေဒဘာသာရပ်သင်တဲ့ ရူပဗေဒဌာန၊ ဌာနမှူးဆရာဦးလွှမ်းမိုးကတော့ ခုံနံပါတ် မှတ်မိတဲ့နေရာမှာ အံ့သြလောက်တယ်။ သူ့အတန်း၊ သူ့ဘာသာဟာ ကျောင်းခေါ်ချိန်စာရင်း ယူတဲ့အရာမှာ အတိကျဆုံး၊ အတင်းကျပ်ဆုံး။ ကျနော် ကြည်ညိုလေးစားတဲ့ လူထူးလူဆန်း လူ့ဂွစာ ဆရာကြီး ဦးလွှမ်းမိုးအကြောင်းကို ဒီနေရာမှာ နဲနဲရေးမှ ဖြစ်မယ်။ သူက ကျနော်တို့ ပထမနှစ်မှာ ရူပဗေဒရဲ့ အခန်းကဏ္ဍတခုဖြစ်တဲ့ မက္ကင်းနစ်နှင့်ဒြပ်တို့၏ဂုဏ်သတ္တိ ဘာသာကို သင်တယ်။
ကျနော်တို့ဆီမှာ စာသင်တန်း တခုနဲ့ တခုအကြား ခေါင်းလောင်းနှစ်ချက်တီးတယ်။ တချက်က ပထမ စာသင်ချိန်ပြီးတဲ့ ခေါင်းလောင်း၊ နောက်တချက်က ဒုတိယ စာသင်ချိန် စတဲ့ခေါင်းလောင်း။ ဆရာက အဆောင် ၄ မှာ ရှိတဲ့ သူ့အခန်းကနေ သူ့ lecture ခန်း 1/2-5 ကို လျှောက်ရတဲ့ ခြေလှမ်း၊ ကြာတဲ့အချိန် အတိအကျ သိတယ်။ သူလျှောက်လာလို့ စာသင်ခန်းမနား ရောက်တာနဲ့ ဒုတိယခေါင်းလောင်း ထိုးတယ်။ ခေါင်းလောင်းသံဆုံးတာနဲ့ သူအခန်းထဲက စားပွဲရှေ့ရောက်တာ ကွက်တိပဲ။
သူ့ ဥပဒေက သူဝင်ပြီး သူ့နောက်က ၀င်လာသူကို နောက်ကျသူလို့ မှတ်တယ်။ နောက်ကျ နှစ်ခါဆိုရင် ပျက်ကွက်တခါ သူယူတယ်။ နောက်မှ ၀င်လာသူဟာ ဘယ်ခုံမှာ ထိုင်လဲ သူကြည့်ထားလိုက်ပြီး သူ့စာရွက်မှာ တို့ထားလိုက်တယ်။ ဆိုပါတော့ ခုံနံပါတ် G9 ဒီခုံနံပါတ်ဟာ သူ့စာရင်းမှာ မောင်ဘယ်သူ၊ မဘယ်သူ ဆိုတာ ရှိပြီးသား။ ဒီတော့ နောက်ကျတာ ဘယ်သူဘယ်ဝါ ဆိုတာ သူသိလိုက်ပြီ။
သူက အတိအလင်း ကျေညာထားတယ်။ ငါက လူနံမည်သာ မသိတာ၊ ခုံနံပါတ်နဲ့ လူမျက်နှာကို ကောင်းကောင်း မှတ်မိတယ်တဲ့။ လူစား လာထိုင်ပေးလို့ မရဘူး။ ခုံနံပါတ် ပြောင်းထိုင်လို့ မရဘူး။ မယုံရင် စမ်းကြည့်လို့ စိမ်ခေါ်တယ်။ တခါတော့ ကျနော့် သူငယ်ချင်းတွေ လုပ်ကြည့်တယ်။ သူတခါတည်း တန်းပြောတာပဲ။ "G9 နဲ့ G12 နေရာလဲထိုင်ထားတယ်" တဲ့။ အံ့ရော။ ကျောင်းခေါ်ချိန် စာရင်းကိုလဲ သူ ကောက်ချင်တဲ့ အချိန်မှာ ကောက်လိုက်တာ။ တခါတလေ ကျောင်းသားတွေတောင် မသိလိုက်ဖူး။ ခုံနံပါတ် လွတ်ကို သူ အမှတ်တမဲ့ ကြည့်ထားလိုက်ပြီး သူဖာသာသူ စာရင်းတို့လိုက်တယ်။ တခါတလေ စ ၀င်ခါစမှာ တခါ ကောက်ပြီး၊ စာသင်ချိန်ပြီးခါနီးမှာ နောက်တခါ ထပ်ကောက်ချင် ကောက်သေးတာ။ ဆရာဦးလွှမ်းမိုး မကြာခဏပြောတဲ့ ဂန္ထ၀င်စကားတခု ကိုယ်မှတ်မိနေတယ်။ ငါ "ဂနှိပ်ဇီးနှိုး" ပေးပစ်မှာနော်တဲ့။ သူပြောတာက ဂရိတ်ဇီးရိုး (grade zero) ပြောတာ။ ဆရာ့အသံက နှခေါင်းသံ ပါနေတော့ တယောသံလေးလို ထွက်သွားရှာတယ်။
သင်္ချာဌာနကတော့ လွတ်လပ်တယ်။ ဆရာက ၀င်လာတာနဲ့ ကျောင်းခေါ်ချိန် လက်မှတ်ထိုးစာရွက် နှစ်ရွက် သုံးရွက်ကို ရှေ့ဆုံးခုံတန်းမှာ ချပေးလိုက်တယ်။ လက်မှတ် လက်ဆင့်ကမ်း ထိုးသွားရုံပဲ။ တချို့ဆို ဆိုင်း(Sign)ဆရာ၊ ဆိုင်းဝိဇ္ဇာလို့တောင် ဘွဲ့ရတယ်။ တယောက်တည်း လက်မှတ်ပေါင်းများစွာ ထိုးတာ။ တခါတလေ မလာတဲ့လူတယောက်ထဲကို လက်မှတ်ထိုး စာရွက်နှစ်ခုမှာ နှစ်ယောက်ထိုး ဖြစ်နေလို့ မတူတဲ့ လက်မှတ်နှစ်ခု ဖြစ်နေရော။ နောက်တနေ့မှာ ဆရာက သိလျက်နဲ့ ငေါ့တော့တော့ ပြောသေး။ လက်မှတ်ထိုး စာရွက်တခုမှာ တခါထိုးရင် ရပါပြီတဲ့။ ကဲကုလ (calculus) သင်တဲ့ ကျနော်တို့အခေါ် ဦးဖိုးပါကြီး (ဆရာဦးကျော်မြင့်) ဆိုရင် နောက်တနေ့မှာ လက်မှတ်မထိုးလိုက်ရဘူးလို့ သွားပြောတာ၊ မင်းကို ထိုးပေးမယ့်သူ မရှိဘူးလားတဲ့။
အင်္ဂလိပ်စာဌာနကျတော့လဲ ဆရာမတွေချည်းပဲ။ ဌာနမှူးကလဲ ဆရာမပဲ။ ဒေါ်ရင်ရင်မြတဲ့။ ဗိုလ်ဆန်ဆန် အသားဖြူဖြူ အရပ်ထောင်ထောင်မောင်းမောင်း၊ ရုပ်ချောချော။ သဘောလဲ ကောင်းတယ်။ ဆရာဆိုလို့ ဦးမျိုးဟန် တယောက်တည်း။ ဦးမျိုးဟန်ရဲ့ ဇနီးကလဲ အင်္ဂလိပ်စာဌာနက ဆရာမပဲ။ ဆရာနဲ့ ကျောင်းသားတွေနဲ့ အရမ်းခင်၊ အရမ်းအဆင်ပြေတာ။
ကျနော့်ဆရာတွေအကြောင်းပြောရင် ကျနော့်အချစ်ဆုံးဆရာ ပန်းပဲဆရာကြီး ဦးချစ်အကြောင်းက ပါမှ ဖြစ်မှာ။ ကျနော်တို့ ပထမနှစ်မှာ အလုပ်ရုံလက်တွေ့ခန်း ပထမ နှစ်ဝက်တန်းမှာ ပန်းပဲထုရတယ်။ ကိုယ်က ပထမနှစ် နှစ်ခါနေရတော့ သူ့သင်တန်းမှာ 'မောင်တင့်တယ်' နှစ်ခါဖြစ်တယ်။ ကျနော်က ကျောင်းရောက်ခါစ ပထမနှစ်မှာ ဆံရှည်ဂုတ်ဝဲ။ သူကို ရဲဒင်း (ပေါက်ဆိန်) အသေးကလေးတလက် လုပ်ခိုင်းဖူးတယ်။ ကျနော့ကို သူက လမ်းသရဲလို့ ချစ်စနိုးခေါ်တယ်။ အဲဒီတုန်းက ဦးချစ်နဲ့ သူ့မိန်းမက ကျောင်းကင်တင်းမှာ မုန့်ဟင်းခါးဆိုင် ထွက်တယ်။ တပိုင်တနိုင်ပဲ လုပ်တာမို့ ဟင်းရည်အိုးတအိုးဟာ ကြာကြာမခံဘူး။ အကုန်မြန်တယ်။ သူဆိုင်က ပထမတော့ လက်ရာအသင့်အတင့်၊ ငှက်ပျောပင်ဖတ် များများ၊ ဈေးကလဲ ချိုတယ်။၊ နောက်မှ လက်ရာကလဲ ကောင်းလာတယ်။ ငါးဖတ်လဲ ပိုထည့်လာတယ်။ ဈေးကလဲ အများနဲ့ တန်းတူ ဖြစ်လာတယ်။ လူချစ်လူခင် ပေါတော့ လက်ရာကောင်းကောင်း မကောင်းကောင်း ကိုယ်တို့တော့ စားတာပဲ။ ယောက်ျားလေးတွေ အားပေးတာ များတော့ သူ့ဆိုင်ကို မိန်းကလေးတွေ မလာသလောက်ပဲ။
တခါတလေ ကျနော်က သူ့ကို ဦးချစ်တီးခေါ်ပြီး ထွက်ပြေးရင် နောက်ကနေ မရအရ လိုက်ထုတာ။ သူက ကလေးတွေနဲ့ တရုန်းရုန်း လိုက်တမ်းပြေးတမ်းလုပ်နေလို့ သူ့မိန်းမရဲ့ ငေါက်သံ မကြာခဏ ကြားရတယ်။ ဆရာချစ်ကတော်က "ကိုချစ် ရှင်နော် မကြီးမငယ်နဲ့" ဆိုတာ မကြာခဏ ကြားရတဲ့အသံ။ သူ့ဆိုင်ရဲ့ မြေဖြူခဲနဲ့ ရေးထားတဲ့ "ဦးချစ် မုန့်ဟင်းခါး" သင်ပုန်းကို အတန်းထဲက မြေဖြူခဲ ယူလာပြီး 'ချစ်' ဘေးမှာ 'တီး' ထပ်ဖြည့်ရေးရင် ကျနော့် လက်ချက်မှန်းသိတော့ ကျနော့ကို မြင်တာနဲ့ လိုက်ထုတော့တာ။ လူက မဲမဲ ၀၀ ဗိုက်ရွှဲရွှဲနဲ့ နဖူးမှာ ထုံးတို့ပေးလိုက်ရင် တကယ့် ချစ်တီးကုလားကြီးလိုပဲ။ မှိုင်းရာပြည့် အရေးအခင်းမှာ ကျနော် ထောင်ကျသွားတယ် ကြားလို့ မျက်ရည်ကျတာ စက်မှုတက္ကသိုလ်မှာ သုံးယောက်ရှိတယ်။ ဆရာဦးချစ်ရယ်၊ ကျနော် ထမင်းစားနေကျ ဆိုင်က အဒေါ်ကြီးရယ်၊ ဆေးလိပ်ရောင်းတဲ့ အမေကြီးရယ်။
ထမင်းဆိုင်က အဒေါ်ကြီးဆိုရင် ကျနော့ ထောင်ဝင်စာမှာ ကျနော် စားနေကျ ငါးသလောက်ပေါင်း အရိုးနူးလေး ထည့်ပေးချင်လို့တဲ့။ သူငယ်ချင်းတွေကို အတန်တန် ပြောတယ်။ ကျနော်ထောင်က ပြန်ထွက်လာ တော့ သူတို့ သုံးဦးစလုံးကို ကျနော်သွားတွေ့တယ်။ ဦးချစ်နဲ့ ထမင်းဆိုင်က အဒေါ်ကြီးကတော့ ကျောင်းက ကင်တင်းမှာ သွားတွေ့တာ။ မျက်ရည်လေးတွေ စမ်းစမ်း စမ်းစမ်းနဲ့။ ဆေးလိပ်ဆိုင်က အမေကြီးကိုတော့ ဆိုင်မထွက်နိုင်တော့လို့ သူနေတဲ့ ကမာရွတ်လိုင်းပေါက်က အိမ်ကလေးမှာ သွားကန်တော့ရတာ။ အမေကြီးဆေးလိပ်ဆိုင်မှာ တခါတလေ ကျနော် အတန်းအားရင်၊ အမေကြီး ဆေးလိပ်ရောင်းတဲ့ ဘေးမှာ အတူထိုင်ဖြစ်တယ်။ အမေကြီးက ပြောတယ် "သား...... အိမ်က မုံ့ဖိုးတွေ ဘာတွေ မပါလာရင်၊ ဒီတိုင်း မနေနဲ့.. ဟောဒီ အမေ့ ပိုက်ဆံပုံးထဲက လာယူပြီး ၀ယ်စားနော်..." တဲ့။
ကိုယ်တို့ စက်မှုတက္ကသိုလ်ရောက်တဲ့နှစ်၊ စက်မှုတက္ကသိုလ်ရဲ့ မောင်မယ်သစ်လွင် ကြိုဆိုပွဲကြီးကို မမှတ်မိတော့ဘူး။ ဓါတုအင်ဂျင်နီယာက ကြိုတာကိုတော့ ခပ်ရေးရေး မှတ်မိတယ်။ ပါမောက္ခဦးခင်အောင်ကြည် မိတ်ဆက်မိန့်ခွန်း ပြောတယ်။ အကျွေးအမွေးက စက္ကူအိပ်ကလေးထဲမှာ လိမ္မော်သီးတလုံးနဲ့ စမူဆာ ထည့်ပြီး တယောက်တထုပ်စီ ဝေတယ် ထင်တာပဲ။
ကိုယ် စာမေးပွဲကျတဲ့ ဒုတိယနှစ် (ပထမနှစ်) မှာ စစ်ခေါင်းဆောင်ကြီး ဦးနေ၀င်းသမီး သီတာဝင်းက ဆေးတက္ကသိုလ် ဒုတိယနှစ်ကနေ အောင်ပြီး စက်မှုတက္ကသိုလ် ဓါတုအင်ဂျင်နီယာ တတိယနှစ်ကို ပြောင်းလာတယ်။ ထုံးစံ အသက်မွေးဝမ်းကျောင်း တက္ကသိုလ် တခုကနေ တခုကို ပြောင်းခွင့်မရှိပေမယ့်၊ စစ်ခေါင်းဆောင်ကြီးသမီးဆိုတော့ အိမ်တော်မှာ စက်မှုတက္ကသိုလ်က ဆရာတွေကို ခေါ်သင်တယ်။ ဆေးတက္ကသိုလ် ပထမနှစ်နဲ့ ဒုတိယနှစ်မှာ မသင်ခဲ့ရတဲ့ စာတွေကို စက်မှုတက္ကသိုလ် တတိယနှစ်မှာ တဆက်တည်းလိုက်နိုင်သွားဖို့ ဆရာဦးလင်းတို့က စက်မှု ပုံဆွဲဘာသာရပ်တွေကို အခြေခံနားလည်အောင် သွားသင်ပေးရတာ။ ဒါတင်ဘယ်ကမလဲ သီတာဝင်းရည်းစား (အဲဒီတုန်းက ရည်းစား) ကိုထွန်းဦးက သူ့မေဂျာ လျှပ်စစ်ကနေ သူ့ရည်းစားရှိတဲ့ ဓါတုကို ပြောင်းတော့ တခြားလူတွေကိုပါ ပြောင်းခွင့်ပြုရတာနဲ့ ဓါတု အင်ဂျင်နီယာအတန်းကို တခြားမေဂျာက ခုံနံပါတ်ထိပ်ပိုင်းက လူတော်တွေ ပြောင်းလာကြတယ်။ အဲဒီနှစ်က ဓါတုမှာ လူတော်တွေ ပြုံတိုးနေကြတာ။
သူရောက်လာတော့ ဓါတုအင်ဂျင်နီယာအသင်းဟာ မောင်မယ်သစ်လွင် ကြိုဆိုပွဲမှာ ဖြိုးေ၀၀င်း (သူ့ရဲ့ အမေတူ ဖအေကွဲ မောင်) တို့ရဲ့ လျှပ်စစ်ဂီတာ အဖွဲ့ကို စင်ပေါ်တင်တယ်။ ဒင်းတို့ တီးဝိုင်း အဖွဲနာမည်က CICADA ဆိုလား။ နံမည်တော့ အသေအချာ မမှတ်မိတော့ဘူး။ ဖြိုးေ၀၀င်းရယ်၊ သူရဲ့ သူငယ်ချင်းတွေဖြစ်တဲ့ ကိုကိုကျော် (ရဲမင်းကြီးတယောက်ရဲ့သား)၊ တင်ဦးသိန်း၊ မိုက်ကယ်လှ (ဗိုလ်ထွန်းလှ-တက္ကသိုလ်နေ၀င်း ရဲ့ သား)၊ ဖရက်ဒ် ချန်ထွန်း (ရှေ့နေဦးရဲထွန်း ညီ) တို့ ပါတယ်။ ဖရက်ဒ်ချန်ထွန်း က စက်မှုတက္ကသိုလ်က မဟုတ်ဘူး။ တခြားငနဲတွေ က ကိုယ်တို့ကျောင်းကဘဲ။ အဲဒိတုန်းက စက်မှုတက္ကသိုလ်မှာ အများစုက ဒီလို ဂီတတွေကို သရုပ်ပျက်တေးဂီတ လို့ပဲ မှတ်ယူထားတာမို့ တီးခတ်နေတဲ့ စင်ပေါ်ကို ငှက်ပျောခွံတွေ လိမ္မော်သီးခွံတွေနဲ့ ပစ်ပေါက်တာ ခံလိုက်ရ တယ်။ အနောက်တိုင်း သရုပ်ပျက်ဂီတကို ရှုံ့ချတဲ့ နံရံကပ် ကာတွန်းတွေ ကဗျာတွေ နောက်တနေ့မှာ ထွက်လာလို့ အာဏာပိုင်တွေက လိုက်ခွါပစ်ရတယ်။ တဆက်တည်း အဲဒီအပတ်မှာ အပတ်စဉ် ကြာသာပတေးနေ့မှာ ထွက်နေကျ စက်မှုသတင်းစဉ် စာစောင်လဲ မထွက်လိုက်ရဘူး။
နောက်တပတ်မှာ စစ်ဘုရင် သားတော်နဲ့ သမီးတော်ရဲ့ ပွဲကို အားကျမခံ လျှပ်စစ် အင်ဂျင်နီယာအသင်း က မောင်မယ်သစ်လွင်ကြိုဆိုပွဲမှာ စိန်ဗိုလ်တင့်ဆိုင်းဝိုင်းကို ငှားလာပြီး မှန်စီရွှေချဆိုင်းဝိုင်ကြီးနဲ့ မြိုင်မြိုင် ဆိုင်ဆိုင် အသုံးတော်ခံလိုက် ကြတယ်။ အာဏာပိုင်တွေကြားမှာ တော်တော် ဂယက်ရိုက်သွားတယ်။
တကယ်ပျော်တာ ကျနော်တို့ ကျောင်းရောက်တဲ့နှစ်က ၀ိဇ္ဇာသိပ္ပံတက္ကသိုလ်ရဲ့ မောင်မယ်သစ်လွင်ကြိုဆို ပွဲပဲ။ ဘွဲ့နှင်းသဘင် ခန်းမမှာ လုပ်တာ။ အရမ်းစည်တာပဲ။ ရန်ကုန်ဝိဇ္ဇာသိပ္ပံတက္ကသိုလ် အနုပညာအသင်းက ဘိလပ်ပြန် မောင်သောင်းဖေ ပြဇာတ်ကတယ်။ ဆရာဦးဖိုးကျော်မြင့် (မြန်စာဂုဏ်ကျော်မြင့်)၊ ကိုမောင်မောင်ကြီး (ငြိမ်းကျော်) တို့၊ ကိုကျော်ညွန့် (မောင်မင်းယာ) တို့၊ ဦးဖိုးလှမြင့် (မောင်ပန်းမွှေး) တို့၊ ကိုလှဌေး(အညာတမာ)တို့ ပါတယ်လို့ မှတ်မိနေတယ်။
အဲဒီတုန်းက စက်မှုကနေ ၀ိဇ္ဖာသိပ္ပံကိုသွားရင် ဆင်ရေတွင်းမှတ်တိုင်မှာ ဆင်းပြီး ရိုးမရိပ်သာက ဖြတ်ပြီး ကမာရွတ်ပါတီယူနစ်ရုံး ဘေးကနေထွက်ရင်၊ စီပွါးရေးတက္ကသိုလ်ရှေ့ကို ရောက်တယ်။ စံရိပ်ငြိမ် မှတ်တိုင်မှာ ဆင်းရင် စံရိပ်ငြိမ်ရွာထဲက ဖြတ်၊ ဂျဒ်ဆင်စင်တာ ဘေးကထွက်ရင် မာလာဆောင်ကို ပေါက်တယ်။
ဂျဒ်ဆင် ဘုရားရှိခိုးကျောင်း နောက်ကနေ တက္ကသိုလ် အပန်းဖြေရိပ်သာ(RC) ထဲက ဖြတ်သွား။ အထဲမှာ အမြဲတမ်း အက တိုက်နေသံတွေ၊ ဆိုင်းသံဗုံသံတွေ၊ စန္ဒယားသံတွေက တနှစ်ပတ်လုံး ပြတ်တယ်မှ မရှိပဲ။ ကျောင်းဖွင့်ခါစ စနေနေ့တွေဆိုရင် ဘာသာရပ်ဆိုင်ရာတွေရဲ့ မောင်မယ်သစ်လွင်ကြိုဆိုပွဲတွေ၊ တိုင်းရင်းသားအသင်းအဖွဲ့တွေရဲ့ မောင်မယ်သစ်လွင်ပွဲတွေ တခုမဟုတ် တခုက အပတ်တိုင်းရှိတယ်။ အားကစား ပြိုင်ပွဲတွေ၊ စာအုပ်ပြပွဲတွေ၊ ပန်းချီပြပွဲတွေလဲ အဲဒီမှာပဲ လုပ်ကြတယ်။ တခါတလေ ရှမ်းကျောင်းသူ ကျောင်းသား အသင်းက ရိုးရာအစားအစာ ရောင်းချပွဲတွေလဲ ရှိတယ်။
တက္ကသိုလ်ထဲက လက်ဘက်ရည်ဆိုင်တွေကတော့ ကိုယ် မထိုင်ဘူးတဲ့ဆိုင် မရှိသလောက်ပဲ။ အီကို ကင်တင်းဆိုရင် ဦးယမ်းဘီလူးဆိုင်မှာပဲ အထိုင်များတယ်။ ကိုယ့် အမျိုးသမီးက ဦးယမ်းဘီလူးဆိုင်က အအေးသောက်တယ်။ ကိုယ်ကတော့ အနားက ဆိုင်က လက်ဘက်ရည်ပဲ မှာသောက်တာ များတယ်။ မန္တလေးဆောင်ကင်တင်း၊ သိပ္ပံကင်တင်း၊ ဘီအိုစီကောလိပ်က ကင်တင်း၊ ဆေးတက္ကသိုလ် (၁) လိပ်ခုံးက ကင်တင်း၊ ရောက်တဲ့နေရာ လက်ဘက်ရည်ဆိုင် ထိုင်တာပဲ။ အသွားအလာ သိပ်မရှိတာ ပညာရေးတက္ကသိုလ်ပဲ။ အရောက်အပေါက် နည်းပါတယ်။ ငှက်ပျောပင်တွေကြားက ဦးချစ် လက်ဘက်ရည်ဆိုင် ကတော့ ထိုင်လို့ အကောင်းဆုံး။
အဲဒီတုန်းက ပထမနှစ်တွေအားလုံး မန္တလေးဆောင်မှာ တက်ကြရတယ်။ ကိုနေအုပ် (နေအုပ်စိန်ပေါလ်) က အင်္ဂလိပ်စာဌာနမှာ ကျူတာ။ ဆရာဦးဖိုးလှမြင့် (မောင်ပန်းမွှေး) က မြန်မာစာဌာနမှာ ကျူတာ။ သူက လူချင်းလဲခင်နေတော့ သူ့ အဟောအပြောကို နားထောင်ချင်တာနဲ့ သူစာသင်တဲ့ အတန်းမှာ မကြာခဏ သွားထိုင် ဖြစ်တယ်။ အဲဒီတုန်းက မောင်ပန်းမွှေးက အဆိုတော် The Beatles တွေလိုမျိုး ဆံပင်ပုံစံနဲ့။
၁၉၇၀ ခုနှစ် နွေကျောင်းပိတ်မှာ မိတ္ထီလာခရိုင် အသုံးလုံး။ မလိုက်ဖြစ်ခဲ့ဘူး။
၁၉၇၁ ခုနှစ်မှာ မုံရွာခရိုင်၊ မန္တလေးခရိုင်၊ မကွေးခရိုင်။ ကိုယ်က မုံရွာခရိုင်ကို လိုက်သွားတယ်။ မသွားခင် မှာ အသုံးလုံးကော်မတီက လူကြီးတွေ တရက်သင်တန်း လာပေးကြတယ်။ ရွာတွေရောက်ရင် ဘယ်လိုနေ ဘယ်လိုထိုင်၊ ဆောင်ရန် ရှောင်ရန်တွေပေါ့။
ရထားခ အသွားအပြန်စရိတ်ကို အစိုးရက တ၀က် ကိုယ်က တ၀က်ခံရတယ်။ ရထားခကို သွင်းပြီး၊ ဘယ်ခရိုင် ဘယ်မြို့နယ်သွားချင်တယ်ဆိုတာ စာရင်းပေးရတယ်။ မသွားခင် ကာကွယ်ဆေးတွေ ထိုးရတယ်။ ၀မ်းရောဂါတို့ ကျောက်ရောဂါတို့ ဖြစ်မှာပေါ့။ မမှတ်မိတော့ဘူး။ ကိုယ်ကတော့ မသွားခင် ရွာက ကြီးလေးကြီး (ကျောင်းထိုင်ဆရာတော်ကြီး၊ သူကြီး၊ ကျောင်းအုပ်ဆရာကြီး၊ ကာလသားကြီး) ကို စည်းရုံးဖို့၊ ဆရာတော်အတွက် လှူဖွယ်ပစ္စည်း နဲ့ လူပုဂ္ဂိုလ်တွေအတွက် စီးကရက်ကလေး၊ ဆေးဝါးလေး၊ ဘာလေး ၀ယ်သွားတယ်။ အသုံးလုံးကော်မတီက လူတွေက ကြီးလေးကြီးကို တည့်အောင်ပေါင်း၊ စည်းရုံး ဆိုတာကိုး။
ရန်ကုန်ဘူတာကြီးကနေ အထူးရထားနှစ်စင်း ထွက်တယ်။ တစင်းက မန္တလေးနဲ့ မုံရွာ၊ တစင်းက မကွေး။ မကွေးခရိုင်သွားတဲ့ အုပ်စုက ပထမတရက်၊ နောက်နေ့မှာ ကိုယ်တို့ မန္တလေးခရိုင် သွားမယ့်လူတွေ။ ဘူတာကြီး စင်္ကြန် (၃) မှာ အသုံးလုံးအထူးရထားတွဲကို တွဲထိုးပေးထားတယ်။ တက္ကသိုလ်/ ကောလိပ် အလိုက် စီးပွါးရေးတက္ကသိုလ်၊ ပညာရေးတက္ကသိုလ်၊ ၀ိဇ္ဇာသိပ္ပံတက္ကသိုလ်၊ စက်မှုတက္ကသိုလ်၊ တိမွေးကု၊ မော်လမြိုင်ကော်လိပ်... စသဖြင့် ကျောင်းသားဦးရေ အနည်းအများအလိုက် တွဲတွေမှာ မြေဖြူခဲနဲ့ ရေးပြီး စီစဉ်ထားပေးတာ။
ဝိဇ္ဇာသိပ္ပံက ၄ တွဲရဲ့ စတုတ္ထမြောက်တွဲက မီးမပါဘူး။ လူလည်တွေက စက်မှုကို ပေးထားတဲ့ အတွဲ တတွဲမှာ နေရာဝင်ယူနှင့်ပြီ။ (နောက်တော့မှ သိရတာ သူတို့ကို ခေါင်းဆောင်လာတဲ့ ဆရာက ကုလားဖန်ထိုးလိုက် တာ) ကိုယ်တို့ ဆရာဦးလင်းနဲ့ ကြို့ကုန်းက လာရတဲ့ ကျောင်းသူကျောင်းသားတွေက နောက်ကျရောက်လာတော့ စက်မှုက နှစ်တွဲဟာ ဆက်လျက် မဟုတ်ပဲ ကြားမှာ ၀/သ တတွဲ ၀င်ခံနေတယ်။ အသုံးလုံးကော်မတီတွေ မြေဖြူခဲနဲ့ လာရေးထားတဲ့ စက်မှုဆိုတဲ့တွဲမှာ ၀/သ တွေက အခန့်သား။ ကိုယ့်ဆရာတွေက ဘာမှမပြောပါဘူး။ စက်မှုတက္ကသိုလ် လုပ်အားပေးမှာ မိန်းကလေးက ၁၀ ယောက်ပဲ ပါတာ၊ မိန်းကလေးတွေ မီးလင်းတဲ့ တွဲမှာ စီး။ ကိုယ်တို့ကတော့ ၀/သ လို့ မြေဖြူခဲနဲ့ ရေးထားတဲ့ တွဲစုတ် မီးမှောင်မှောင်မှာပေါ့။
ရန်ကုန်ဘူတာကြီးက ညနေလောက်မှာ ရထားထွက်တယ်။ မန္တလေးကို မနက်အစောကြီး ရောက်သွားတယ်။ မန္တလေးဘူတာမှာ မန္တလေးဝိဇ္ဖာသိပံ္ပက စားပွဲခုံကြီးတွေ ခင်းပြီး မနက်စာ လက်ဘက်ရည်နဲ့ ဧည့်ခံတယ်။ ကိုယ်တို့ကတော့ မီးမလင်းတဲ့ ရထားတွဲမှာ မန္တလေးရမ်ကို သိမ်ကြီးဈေးက ၀ယ်လာတဲ့ ရွှေကြက် ပဲကြီးလှော်နဲ့ ခွက်လှည့် နှိပ်လာကြတာ မနက်လင်းတော့ ကောင်းကောင်းဆာနေပြီ။ မန်း ၀/သ က တည်ခင်းတဲ့ မနက်စာဟာ ပွဲကြီးပွဲကောင်းပေါ့။ ပြီးတော့ မေမြိုမြို့နယ်၊ ပုသိမ်ကြီးမြို့နယ်သွားမဲ့သူတွေက အာရ်တီဘီ ကားကြီးတွေနဲ့ မန္တလေး ဘူတာကနေ တက်သွားကြတယ်။ ကိုယ်တို့ ချောင်းဦး၊ မုံရွာ၊ ဘုတလင်၊ အရာတော် သွားမယ့်လူတွေက ရထားခေါင်းတွဲ လာချိတ်ပြီး၊ စားပြီးသောက်ပြီးတော့ မုံရွာကို ခရီးဆက်တယ်။
ချောင်းဦးကို ရောက်တော့ အတော်ရီရတယ်။ ချောင်းဦးမှာ ဆင်းမယ့် ကျနော်တို့ကလဲ ဆင်းဖို့အတွက်၊ အထုတ်တွေ အပိုးတွေပြင်၊ ချောင်းဦးဘူတာမှာ ကြိုဖို့စောင့်နေတဲ့ အသုံးလုံး ကော်မတီကလဲ မီးရထားကြီး လာတာမြင်လို့ အိုးစည်ဒိုးပတ်တွေ တီးတုန်းမှာပဲ မီးရထားကြီးဟာ ချောင်းဦးဘူတာမှာ မရပ်ပဲ ကျော်ထွက်သွား တယ်။ ကိုယ်တို့ ရထားပေါ်ကနေ မြင်လိုက်ရတာကတော့ အိုးစည်ဒိုးပတ်သမားတွေဟာ တီးနေရင်း ပါးစပ်တွေ အဟောင်းသားပွင့်ပြီး တီးမှုတ်တာတွေ ရပ်ကုန်တယ်။ ဦးရွှေရိုးကနေသူကလဲ ကနေရာက ဆန့်ငင် ဆန့်ငင်နဲ့ ရပ်သွားတယ်။ ကျနော်တို့ကို အုပ်ချုပ်လာတဲ့ ဆရာဦးလင်းက ရထားရဲ့ အရေးပေါ်ကြိုးကို ဆွဲလိုက်တော့မှ မီးရထားဟာ တော်တော်ဝေးဝေးရောက်သွားပြီး ရပ်သွားတယ်။ ရထားရပ်တော့ ခေါင်းတွဲက ဂါတ်ဗိုလ် ဆင်းလာပြီး မေးတယ်။ ဘာဖြစ်တာလဲတဲ့။ သူကလဲ ဘတ်စ်ကားတွေလို ဆင်းသူမပါဘူးထင်ပြီး အိုးစည် ဒိုးပတ်သမားတွေ မြင်တာနဲ့ မောင်းပြေးပုံရတယ်။
နောက်တော့ မီးရထားကြီး နောက်ပြန် ဆုတ်ပေးတယ်။ ချောင်းဦးဘူတာက ကြိုဆိုသူတွေလဲ မီးရထား နောက်ပြန် ခုတ်လာတာမြင်မှ သူတို့ ဒိုးပတ်ဝိုင်းက ပြန်လှုပ်ရှားရပြန်တယ်။ ဘူတာကနေ အိပ်ယာလိပ်တွေ၊ အ၀တ်အိပ်တွေကို ကားပေါ် တင်ပြီး ကားက သယ်သွားပေးတယ်။ လူတွေက အိုးစည်ဒိုးတွေနောက်က ချောင်းဦး အ ထ က ကို လမ်းလျှောက်ကြရတယ်။ အဲဒီနေ့မှာ ချောင်းဦးက ကျွေးတဲ့ မနက်စာ၊ ညစာဟာ တော်တော်စား ကောင်းတာပဲ။ ဟင်းကတော့ ညမနက် အတူတူပဲ။ ၀က်သားတုံးက လက်သီးဆုပ် လောက်ကြီးတယ်။ ချက်ထားတာ နူးမြေ့နေတာပဲ။ ပဲတီပင်ပေါက် ချဉ်ဖတ်နဲ့ ငရုတ်သီးထောင်း၊ ဟာ့.... အတော်လိုက်ဖက်တာ။
နေ့ခင်းမှာ သွားရမယ့် ရွာတွေကို နေရာချတော့ ကိုယ်က မုံရွာရောက်နေတယ်။ ဆရာလင်းက ပြောထားတယ်၊ "ဟေ့ကောင်.. မင်းဘယ်မှ လျှောက်သွားမနေနဲ့နော်" တဲ့။ ကိုယ်ကလဲ ဆရာနဲ့ ရင်းပြီးသား ဆိုတော့ အလစ်မှာ 'ရန်အောင်မန်း' ကားတက်စီးပြီး မုံရွာက သူငယ်ချင်းတွေနဲ့ ဘီယာ သောက်နေလိုက်တာ ကိုယ်ပြန် ရောက်တော့ ရွာတွေ နေရာချပြီးနေပြီ။ ပြန်လာတော့ ဦးလင်းက မေးတယ်။ "မင်းဘယ်သွားနေလဲ.. ငါမင်းကို လိုက်ရှာနေတာ" ဒါနဲ့ ကျနော့်မှာ 'ရွှေလှေ' ဆိုတဲ့ ရွာကို ရတယ်။ အောင်ကျော်စိုးရယ်၊ ဇေလွမ်းရယ်၊ ကိုယ်ရယ်။
မနက်ရောက်လို့ တကယ်သွားမှ သိလိုက်ရတာ 'ရွှေလှေ'က ချောင်းဦးနဲ့ အဝေးဆုံး၊ ချင်းတွင်းမြစ်ကမ်း ပေါ်မှာ။ လာခေါ်တဲ့ ရွှေလှေက မူလတန်း ကျောင်းအုပ်ဆရာကြီးက မနက် လေးနာရီလောက်ကတည်းက လာလောနေပြီ။ နွားတွေ နေပူမယ်၊ မြန်မြန်လုပ်၊ မြန်မြန်လုပ်တဲ့။ ကမန်းကတန်း မျက်နှာသစ်ပြီး ထလိုက်သွားရတာ။ ရွှေလှေနဲ့ တတန်းထဲ ချင်းတွင်းကမ်းပါးမှာ သတင်းစာဆရာကြီးဦးညိုမြရဲ့ ဇာတိရွာ 'အမြင့်' ရှိတယ်။ သူ့တောင်ဘက်ကို ဆင်းလာရင် 'တောကျောင်း'၊ 'ရွှေလှေ' ပြီးတော့ 'အနိမ့်' ရွာတွေပဲ။ ဒီရွာတွေကတော့ ချောင်းဦးနယ်တလွှားမှာ ထန်းပင်တွေက များလိုက်ပါဘိ လို့ ဆိုရမလောက်။
ဝ/သ တွေကတော့ သိတဲ့အတိုင်း ချောင်းဦး-မုံရွာ ကားလမ်းဘေးက လမ်းပန်းဆက်သွယ်ရေး ကောင်းတဲ့ ရွာတွေမှာ နေရာယူလို့ပေါ့။ မှတ်မှတ်ရရ ယခု အာရ်ဖက်အေမှာ အလုပ် လုပ်နေတဲ့ မစမ်းစမ်းတင်တို့က ခင်မွန်ရွာမှာ ကျတယ်။ 'ခင်မွန်ရွာသူ မပိုးဖြူ' ဆိုတဲ့ (ဦး) တင်မိုး ကဗျာစာအုပ် ကြော်ငြာကို ပုဂံစာအုပ်တိုက်ထုတ် စာအုပ်တွေမှာ တွေ့တွေ့နေတော့ ဒီရွာကို သတိပြုမိခဲ့တာ။
ကျနော်မှတ်မိတာ ကျနော်တို့ စက်မှုတက္ကသိုလ်က ကျောင်းသားတွေကို အုပ်ချုပ်လာသူက ဆရာဦးလင်း၊ ၀ိဇ္ဇာသိပ္ပံက ကျောင်းသားတွေကို အုပ်ချုပ်လာသူက ဓါတုဗေဒဌာနက ဆရာဦးလှမြင့်။ ဘာဖြစ်လို့ မှတ်မိနေသလဲ ဆိုတော့ အသုံးလုံးပြီးလို့ အပြန်မှာလဲ အလာတုန်းက မီးရထားတွဲ အဖြစ်မျိုး ကြုံရပြန်တယ်။ ချောင်းဦး အသုံးလုံးကော်မတီက ကားတွေစီစဉ်ပြီး မန္တလေးကို ပြန်ပို့ပေးတယ်။ ကားစုံအောင် မရောက်ခင်မှာ စက်မှုတက္ကသိုလ်လို့ စက္ကူကပ်ထားတဲ့ ကားတစီးကို စက္ကူခွါပြီး ၀ိဇ္ဇာသိပ္ပံပြောင်းကပ်တယ်။ ကျောင်းသားက ဘယ်ခွါရဲမှာလဲ။ အုပ်ချုပ်လာသူ ဆရာပေါ့။ အဲဒီမှာ ဆရာနှစ်ယောက် ထိုးမယ်ကြိတ်မယ်ဖြစ်လို့ ကျောင်းသားတွေ ၀ိုင်းဖျင်ရတယ်။ တကယ်ချ ကြရင်တော့ ဆရာဦးလင်းက နိုင်မှာ။ သူက ကျောင်းက ဂျူဒိုအသင်းမှာ နည်းပြဆရာ။ ဂျူဒိုကောင်းကောင်း တတ်တယ်။

မောင်အေးခိုင်
၁၂/၂/၀၉။

Thursday, December 17, 2009

အိုမင်းရင့်ရော်တော့ အမေ့မေ့အလျော့လျော့နဲ့ပါ
ရေးသူ- လူထုဒေါ်အမာ


အမေ့ကို တနေ့က လူငယ်တဦးက အမေ ဒီအသက်ဒီအရွယ်ထိအောင် စာတွေ ရေးသားနေတာကို ကျွန်တော်ဖြင့် အားကျလိုက်တာ။ ကျွန်တော်ဖြင့် အမေ့လို ရေးနိုင်ချင်လိုက်တာလို့ ပြောတော့ အမေက သူ့စကားကြောင့် ၀မ်းသာရမလိုလို စိတ်ကြီးဝင်ရမလိုလို ဖြစ်မိသေးတယ်။
ဒါပေမယ့် အမေက စာကို မနေနိုင်သေးလို့သာ ရေးနေတာပါ။ စာက လူချင်းတူတူ၊ သူချင်းမျှမျှ ထိုက်ထိုက်တန်တန် စာမျိုး မထွက်တော့ပါဘူး။ အမေအသက်က ကြီးလှပြီ ဟုတ်လား။ အဲဒီတော့ မေ့တာ လျော့တာတွေက သိတ်များလာပြီပေါ့။
အမေ ဒီဇင်ဘာလထဲတုန်းက သေကောင်ပေါင်းလဲဖြစ်လို့ ဆေးရုံတက်ခဲ့ရတဲ့အခါ အမေ့အသက်ကို သေမင်းလက်က ၀ိုင်းလုရတယ်။ ဆရာဝန်ကြီးတွေကို အမေက ကျေးဇူးတင်စကား ရေးသားခဲ့တယ်။ အဲဒီအထဲမှာ အမေဆေးရုံပေါ်တုန်းက ချောင်းကလည်း ဆိုးနေလို့ ရင်ခေါင်းအထူးကုဆရာဝန်ကြီး ဦးဝင်းနိုင်လည်း ကုပေးရ ရှာတယ်။ ဒါကို အမေက သူ့နာမည်မေ့ထားခဲ့မိလို့ အမေ့မှာ စိတ်မကောင်းလိုက်တာ။ အားနာလိုက်ရတာ။



သူက တခြားဆရာဝန်ဆိုရင်လည်း တော်သေးရဲ့။ ခုတော့ အိမ်ချင်းကပ်နေတဲ့ ဆရာဝန်ဖြစ်ပြီး၊ သူ့သားလေးနှစ်ယောက်က အမေတို့အိမ်ကို မိုးလင်းတာနဲ့ လာကစားကြတာ။ သူ့ဇနီးကဆိုရင် (မန္တလေးသူ၊ မန္တလေးသားများ) ဆိုတဲ့ အမေရေးသားတဲ့ စာအုပ်ထဲမှာပါတဲ့ မိုက်သူကြီးဦးမောင်ကြီးရဲ့ မြေးပါ။ ကိုယ်နဲ့ ဒီလောက်နီးစပ် ရင်းနှီးနေတာ ဖြစ်ပေမယ့် သူ့ကို မေ့ထားခဲ့တယ်လေ။
အဲဒီတော့ အမေပြောချင်တာကတော့ ငါ့သားတို့ သမီးတို့ လုပ်ချင်တာရှိရင် ငယ်ရွယ်တုန်းမှာ ပြီးမြောက်အောင် လုပ်ကြ။ အသက်ကြီးလာပြီဆိုရင် ၆၀ ကျော်လောက်က စပြီး ဇရာက ဖိစီးလာတယ်။ ငြင်းမရလောက်အောင် သိသာလာတာတွေက ဆံပင် စဖြူလာတယ်။ မျက်စိမှုန်လာတာတွေ ဖြစ်လာတယ် မဟုတ်လား။ နို့ပေမယ့် ကိုယ်က ဆံပင်လေးဆိုးလို့ မျက်မှန်လေးတပ်လို့ ဇရာကို အံတုပါတယ်။ အဲဒီလို တုသာတုတယ် ဇရာကတော့ မှန်မှန်ကြီး ၀င်လာတာပါပဲ။
မျက်စိတို့ ဆံပင်တို့သာမက နားကပါ အကြားချို့တဲ့လာတယ်။ လူရဲ့ သတိ၊ အမှတ်အသားကလဲ နည်းနည်းချင်း လျော့ပါးပျက်စီးလာတယ်။ အဲဒီချို့ယွင်းချက်တွေဟာ ရပ်တယ်မရှိ၊ နားတယ်မရှိ ကိုယ့်ခန္ဓာ ကိုယ်ထဲ မှန်မှန်ကြီး ၀င်လာတာပါပဲ။
လူက လူအိုလူမင်း ဖြစ်လာတာနဲ့အမျှ လွှင့်မပစ်ရသေးတာကလွဲလို့ ဘာကမှ ဟုတ်တိပတ်တိ မကောင်းတော့ပါဘူး။ ဒါကြောင့် အမေက သားတို့ သမီးတို့ကို လုပ်စရာရှိတာ အရွယ်ကောင်းတုန်း အရွယ်ရှိတုန်း မအိုမင်းခင် လုပ်ကြဖို့ ပြောရတာပါ။
လူဆိုတာ စကားပီနားကြား လူတယောက်ရယ်လို့ ဖြစ်လာတယ်ဆိုရင် ပညာရှာတဲ့အရွယ်မှာ ပညာကို မရ အရရှာတယ်။ ပြီးတော့ ဒီလူ့လောကမှာ ငါကြီးလာရင် ငါဘာဖြစ်ချင်တယ်။ ငါဘာလုပ်ချင်တယ်ဆိုတဲ့ စိတ်ကူးရည်မှန်းချက် ရှိရမယ်။ အဲဒီအတိုင်းလည်း မဖြစ်မနေ ကြိုးစား လုပ်ရတယ်။
လုပ်တဲ့အခါမှာ အခက်အခဲတွေတော့ ရှိမှာပေါ့။ ဒါပေမယ့် ဒီအခက်အခဲတွေကို ရင်ဆိုင်ရတယ်။ ကျော်လွှားရတယ်။ တိုက်ပွဲဝင်ရတယ်။ ရှုံးတဲ့အခါလဲ ရှုံးတယ်။ ကိုယ်က နိုင်တဲ့အခါလဲ နိုင်တယ်။ နို့ပေမယ့် ဘ၀ဆိုတာ ဒါပဲ။ ကိုယ်သွားချင်တဲ့ဆီ ရောက်အောင် ဒီလို ဒရွတ်သီနဲ့ သွားရတာပါပဲ။
ဘ၀ဆိုတာ တိုက်ပွဲလို့ ကြီးတဲ့လူတွေက ပြောလေ့ရှိတယ်။ သိပ်ဟုတ်တာပေါ့။ အမေတို့များ အသက်က ကြီးလို့ ထင်ပါရဲ့။ တိုက်ပွဲပေါင်းလဲ မရေမတွက်နိုင်ခဲ့ဘူး။ ကိုယ်ရှုံးနိမ့်ခဲ့တာတွေလဲ အများကြီးမှ အများကြီးပါ။ အခုနေ ပြန်စဉ်းစားရင် မှတ်တမ်းတင်လို့တောင် ကုန်မယ်မထင်ဘူး။ အမေအ့ကို တချို့က ခေါင်းမာတယ်လို့ ဆိုတယ်။ ဟုတ်လေသလားလို့ မပြောတတ်ဘူး။ နို့ပေမယ့် ခေါင်းမမာရင် ဖတ်ကနဲ ဖတ်ကနဲ လန်ကျတဲ့အခါ ပြန်မထနိုင်ရင် လူတကာက နင်းချေသွားလို့ လူ့နင်းပြားဘ၀နဲ့ပဲ ရှိတော့မှာပေါ့။
ငါ့သားတို့ သမီးတို့ အမေ ပြောချင်တာက ဘ၀ကို ရင်ဆိုင်တဲ့အခါ အဲဒီ တိုက်ပွဲကိုလည်း မင်းတို့ တွေ့ကြ ကြုံကြမှာ အမှန်ပဲ။ တိုက်ပွဲမှာ ကိုယ်က ရှုံးရရင်၊ ရှုံးရလေခြင်း မအောက်မေ့ပါနဲ့။ ငါလိုလူတွေ အများကြီး ဒီလိုရှုံးရာက လူလဲထရတာပဲလို့ သိလိုက်ပါ။ ပြီးတော့ ဆက်လျှောက်ပါ။ အမေဖြင့် အသက်ရှည်လွန်းလို့ တိုက်ပွဲတွေက ပိုများသလား။ ငါက ခေါင်းမာလို့ပဲ ပိုခံရသလားလို့ အောက်မေ့မိပါရဲ့။ ဒါပေမယ့်လည်း အဲဒါလည်း မဟုတ်ပါဘူး။ အမေ့လောက် အသက်မကြီးပေမယ့် အမေ့ထက်ပိုများတဲ့ တိုက်ပွဲတွေကို ရင်ဆိုင်နေရ၊ ကျော်လွှားနေရတဲ့လူတွေ အများကြီး ရှိတာပါ။ ဒါဟာ လူ့ဘ၀ပါပဲ။ ဒါ့ကြောင့် အမေက နောက်ဆုံးစကားအနေနဲ့ လုပ်စရာရှိတာတွေကို သတ္တိနဲ့ပဲ လုပ်ကြ။ ကိုယ်ကရှုံးရင်လဲ ပြန်ထကြ၊ ငယ်တုန်းရွယ်တုန်း ကိုယ့်မှာ အားမာန် အပြည့်ရှိတုန်း လူ့ဘ၀ရဲ့ အခက်အခဲမှန်သမျှကို ရင်ဆိုင်ကြ၊ ကျော်လွှားကြပါ။ ဒါဟာ ဘာမှ မဆန်းပါဘူး။ လူတိုင်းလူတိုင်းဟာ တမျိုးမဟုတ်တမျိုး ကြုံတွေ့နေကြရတာချည်းပါပဲ။ အဲ.... အိုလာရင် လူစွမ်းလူစ ပိုပိုပြီး တုံးလာတယ်။ နောက်ဆုံးကျတော့ အားလုံးကို လက်မြှောက်လိုက်ရတဲ့ဘ၀ ရောက်လာလိမ့်မယ်။ ဒါ့ကြောင့် အချိန်အရွယ်ရှိတုန်း လုပ်စရာရှိတာတွေကို လုပ်ကြပေရော့လို့ အမေပြောလိုက်ပါရစေ။

ဒေါ်အမာ။
[ပိတောက်ပွင့်သစ်မဂ္ဂဇင်း၊ အမှတ် ၂၈၊ နိုဝင်ဘာ၊ ၂၀၀၉ မှ ကူးယူဖော်ပြပါတယ်။]

သမိုင်းကောင်းတဲ့လူထု ပြည်သူချစ်တဲ့စာရေးဆရွာ
ရေးသူ- လူထုစိန်ဝင်း

"ဒီနှစ်နိုဝင်ဘာမှာ ဘာလုပ်ဦးမှာလဲ"
စက်တင်ဘာကုန်တာနဲ့ စာပေသမားတွေ မေးကြတဲ့ မေးခွန်းပါ။ လာသမျှလူတိုင်း မေးကြတာဖြစ်တယ်။ တောင်သမန်ကို လွမ်းရှာကြတာကိုး။
အမေလူထုဒေါ်အမာ အသက် ၇၀ ပြည့်တဲ့နေ့က စပြီး လူငယ်စာပေသမားတွေ စတင်လှုံ့ဆော်ကျင်းပ ခဲ့ကြတဲ့ တောင်သမန်အင်းစောင်းက မွေးနေ့အခမ်းအနားကို နှစ်ပေါင်းနှစ်ဆယ်ကျော် နှစ်စဉ်မပျက် တက်ခဲ့ကြတာ ဆိုတော့ လွမ်းသင့်တာပါ့လေ။ အမေမာက ဒါမျိုးတွေ မကြိုက်ပေမယ့် နိုင်ငံတနံတလျားက စာပေသမား လူငယ်လုံမငယ်တွေကို စုစုစည်းစည်းတွေ့ရတာကိုတော့ ကြည်နူးရှာတယ်။ ဒါ့ကြောင့် လူငယ်တွေ လုပ်ကြတာကို မတားမြစ်တော့ဘူး။ ဒီပွဲကို လူငယ်လေးတွေသာမက အမေ့ထက်တောင် နည်းနည်းပိုကြီးသေးတဲ့ ရန်ကုန် စာပေလောက စာအုပ်တိုက်ကြီးရဲ့ဖခင်ကြီး သခင်ခင်ညွန့်လို ပုဂ္ဂိုလ်မျိုးလည်း ကြိုးစားပြီး အရောက်လာလေ့ ရှိတယ်။ စာရေးဆရာတွေ စာနယ်ဇင်းသမားတွေသာမကဘူး၊ စစ်ကိုင်း၊ ရွှေဘို၊ မုံရွာ စတဲ့ ဒေသများက ကျောင်းသူ ကျောင်းသားအရွယ် ခပ်ငယ်ငယ်ကလေးတွေလည်း နှစ်စဉ်မပျက်မကွက် ရောက်လာကြတယ်။ ဆရာတော် သံဃာတော်များလည်း စကု၊ စလင်း၊ မင်းဘူးစတဲ့ ဒေသများက ရောက်လာကြတယ်။ ချင်းတောင်တန်းက သံဃာများလည်း နှစ်စဉ် လာလေ့ရှိတယ်။ နှစ်စဉ်နှစ်တိုင်း ရဟန်းရှင်လူ လေး၊ ငါး၊ ခြောက်ရာလောက် ရောက်ကြမြဲ ဖြစ်တယ်။
အမေက ပြည်သူချစ်သော စာရေးဆရာမကြီးတယောက် ဖြစ်တာကိုး။ အမေကလည်း ပြည်သူတွေကို ချစ်ပါတယ်။



အမေ့ဘ၀ တလျှောက်လုံးမှာ ခပ်ငယ်ငယ် ကောလိပ်ကျောင်းသူလေး ဘ၀ကတည်းကိုက ပြည်သူတွေနဲ့ တသားတည်းကျအောင် နေခဲ့တာပါ။ ကိုအောင်ဆန်းတို့၊ ကိုဘဟိန်းတို့နဲ့အတူ နယ်ချဲ့ဆန့်ကျင်ရေး သပိတ်တပ်ဦးမှာ ပါခဲ့တာပါ။ တချို့ ကျောင်းသားခေါင်းဆောင်တွေ သပိတ်လှန်ပြီး ကျောင်းပြန်ဝင်သွားကြပေမယ့် မန္တလေး မအမာကတော့ ရာသက်ပန်သပိတ်မှောက်ပြီး ကောလိပ်ကို ကျောခိုင်းခဲ့ပါတယ်။ အဲဒီနောက် သတင်းစာဆရာ မအမာ ဖြစ်လာတော့လည်း သူ့ကလောင်နဲ့ သူ့သတင်းစာဟာ တကယ့်ကို "ပြည်ကြီးပခုံး" "ပြည်ကြီးလက်ရုံး" ဖြစ်ပါတယ်။ တိုင်းပြည်နဲ့ လူမျိုး နစ်နာထိခိုက်စေမယ့် ကိစ္စမှန်သမျှမှာ အမုန်းခံ၊ အညှိုးအတေးခံပြီးတော့ကို ရဲရဲဝံ့ဝံ့ ထောက်ပြဝေဖန် ရေးသားခဲ့ပါတယ်။ အဲဒါကြောင့်လည်း မန္တလေးကထုတ်တဲ့ စောင်ရေသိပ်များလှတာ မဟုတ်တဲ့ "လူထု" သတင်းစာရဲ့ သြဇာဟာ တနိုင်ငံလုံးအထိ ညောင်းခဲ့တာ ဖြစ်ပါတယ်။ ဒီလို သမိုင်းကောင်းခဲ့လို့လဲ လူထုသတင်းစာဟာ ပြည်သူများရဲ့ အားပေးထောက်ခံမှုကို ရခဲ့တာပါ။
သတင်းစာသမားဘ၀မှာ မုန်တိုင်းတွေကို ဘယ်လိုခါးစည်းပြီး ကြံ့ကြံ့ခိုင်ခိုင် ရင်ဆိုင်ခဲ့ရသလဲဆိုတာ တနိုင်ငံလုံးက သိကြပါတယ်။ ဒါကြောင့်လဲ အခုလို "အမေ... အမေ" နဲ့ ချစ်နေကြတာပါ။ ချစ်ခင်လေးစားမှုဆိုတာ လုပ်ယူလို့ ရတာမျိုးမှ မဟုတ်တာ။ လူတွေရဲ့ ရင်ထဲက အလိုလို ဖြစ်လာကြတာလေ။
လူထုသတင်းစာကို စထုတ်တဲ့ (၁၉-၄-၄၆) နေ့ကနေ ရပ်ဆိုင်းသွားခဲ့ရတဲ့ (၇-၇-၆၇) နေ့အထိ တရက်မကျန် ပြန်လှန်ကြည့်ပြီးတော့ ဆိုခဲ့တဲ့ ပေတံနဲ့ တိုင်းကြည့်လိုက်မယ်ဆိုရင်....
၁၉၄၆- ၄၇- ၄၈ ကာလများ ရန်ကုန်မြို့ကြီး ဖက်ဆစ်ဂျပန်တို့ လက်အောက် ရှိနေဆဲကာလ မန္တလေးကို မဟာမိတ်တပ်တွေ သိမ်းပြီးပြီးချင်း ဦးလေးလှက ဆရာဦးကျော်ရင် (ပါမောက္ခချုပ်ဟောင်း-ကွယ်လွန်) နဲ့ လက်တွဲပြီး မြန်မာနိုင်ငံရဲ့ ပထမဆုံး ဖတပလ (ဖဆပလ) ဆိုင်းဘုတ်ကို တင်ခဲ့ပါတယ်။ ဦးလေးလှဟာ နောင်မှာ သူ့ကို ထောင်သွင်းအကျဉ်းချထားခဲ့တဲ့ ဖဆပလအဖွဲ့ကြီးကို စတင်တည်ထောင်ခဲ့သူလို့ ဆိုနိုင်ပါတယ်။ လူထုသတင်းစာဟာ ဖတပလ နဲ့အတူ လွတ်လပ်ရေးတိုက်ပွဲဝင် "ပြည်ကြီးလက်ရုံး" အဖြစ်ပါဝင်ခဲ့။
၁၉၄၉ ခု ဧပြီ ၂၄ ရက်..။ ဖဆပလ အစိုးရက သတင်းစာတိုက်ကို ဒိုင်းနမိုက်ဖြင့် ဖောက်ခွဲခဲ့။
၁၉၄၉ ခု နိုဝင်ဘာ ၁ ရက် သတင်းစာ ပြန်လည်ထုတ်ခဲ့။ ၁၉၅၃ ခုမှ ၁၉၅၆ ခုအထိ လူထုဦးလေးလှအား ဖဆပလ အစိုးရက ပုဒ်မ (၅) ဖြင့် ရန်ကုန်ထောင်ကြီးမှာ ချုပ်နှောင်ထားခဲ့။ ၁၉၅၆ ခု မေလ (၁၀) ရက်မှ အောက်တိုဘာ (၁) ရက်အထိ လူထုသတင်းစာအယ်ဒီတာချုပ် ဆရာကြီးရွှေဥဒေါင်းအား ပုဒ်မ (၅) ဖြင့် ဖမ်းဆီး ထားခဲ့။
၁၂-၃-၁၉၅၉... သတင်းစာချိတ်ပိတ်ခံရ။
၁၀-၅-၁၉၆၀.... သတင်းစာပြန်ထွက်။
၇-၇-၁၉၆၇.... သတင်းစာရပ်စဲခံရ။
ဂျပန်ဖက်ဆစ်တို့ရဲ့ အဓမ္မ၀ါဒကို ပြည်သူတရပ်လုံးနှင့်အတူ တွန်းလှန်တိုက်ခိုက်ခဲ့ပေမယ့် အမေရိကန်က သူ့ရဲ့ အသစ်စက်စက် အနုမြူဗုံးလက်နက်ဆန်းကို အာရှတိုက်သား ဂျပန်လူမျိုးတွေအပေါ် စမ်းသပ်ဖောက်ခွဲခဲ့တဲ့ ရာဇ၀တ်မှုကြီးကို ဆန့်ကျင်ရှုတ်ချခဲ့ပါတယ်။
ကိုးရီးယားကျွန်းဆွယ်စစ်ပွဲကြီး ဖြစ်ပွါးလာတဲ့အခါလည်း အမေရိကန် နယ်ချဲ့လက်သစ်တွေက ကုလသမဂ္ဂအဖွဲ့ကို ခုတုံးလုပ်ပြီး ၀င်ရောက်စွက်ဖက် ချယ်လှယ်ခဲ့တာကို ဆန့်ကျင်ခဲ့ပါတယ်။
အမေရိကန်သမ္မတ ကနေဒီ လုပ်ကြံသတ်ဖြတ်ခံရတော့ နိုင်ငံရေးအရ လုပ်ကြံသတ်ဖြတ်မှုကို ရှုတ်ချခဲ့ပါတယ်။
အမေရိကန်နယ်ချဲ့ရဲ့ လက်ပါးစေအဖြစ် နိုင်ငံကို နှစ်ခြမ်းခွဲပစ်ခဲ့တဲ့ ငိုဒင်ဇင်း၊ ငိုဒင်နု ညီနောင်ရဲ့ လုပ်ရပ်တွေကို ဆန့်ကျင်ခဲ့ပေမယ့် သူတို့ညီနောင်ကို စီအိုင်အေက အာဏာသိမ်းပိုက်ပုံဏ္ဍာန် ဖန်တီးပြီး သတ်ဖြတ်ပစ်ခဲ့တဲ့ အမေရိကန်နယ်ချဲ့သမားကို အပြင်းအထန် ရှုတ်ချကန့်ကွက်ခဲ့ပါတယ်။
နယ်ချဲ့အရင်းရှင်စနစ်ကြီးကို ဆန့်ကျင်တိုက်ခိုက်ခဲ့တဲ့ ဆိုဗီယက်ပြည်ထောင်စုကြီးဖက်က တလျှောက် လုံး ထောက်ခံအားပေးလာခဲ့ပေမယ့် အဲဒီ ဆိုဗီယက်ကိုယ်တိုင်က နယ်ချဲ့လမ်းစဉ်ကို လိုက်ပြီး "ဆိုရှယ်နယ်ချဲ့" ဘ၀ကို ကူးပြောင်းသွားတော့လည်း ပြတ်ပြတ်သားသား ဆန့်ကျင်ဝေဖန်ခဲ့ပါတယ်။
ဘာတစ္စတာ အာဏာရှင်ရဲ့ နယ်ချဲ့လက်ဝေခံ အစိုးရကို တော်လှန်ပုန်ကန်ပြီး ကျူးဘားနိုင်ငံသစ်ကို ထူထောင်ခဲ့တဲ့ ကတ်စ်ထရိုကို ချီးကျူးထောက်ခံခဲ့ပေမယ့် ကိုယ့်နိုင်ငံကို ဆိုဗီယက်ရဲ့ လက်ဝေခံ ရုပ်သေးရုပ် အဖြစ် အရောက်ခံခဲ့တဲ့ ကတ်စ်ထရိုကိုတော့ ဝေဖန်ကန့်ကွက်ခဲ့ပါတယ်။
နယ်ချဲ့အမျိုးမျိုးရဲ့ လက်အောက်က လွတ်လပ်ရေးအတွက် တိုက်ပွဲဝင်ခဲ့ကြတဲ့ အာဖရိကနဲ့ လက်တင် အမေရိကတိုက်က နယ်ချဲ့ဆန့်ကျင်ရေးတိုက်ပွဲဝင်တွေကို ထောက်ခံခဲ့ပေမယ့် လွတ်လပ်ရေးရပြီးနောက် ဖိနှိပ်ချုပ်ချယ်ရေးဝါဒကို ကျင့်သုံးလာကြသူတွေကိုတော့ ဆန့်ကျင်ဝေဖန်ခဲ့ပါတယ်။
ဗြိတိသျှနယ်ချဲ့သမားတွေရဲ့ လက်အောက်က လွတ်မြောက်ရေးအတွက် ရဲရဲတောက် တိုက်ပွဲဝင်ခဲ့တဲ့ အစ္စရေးနိုင်ငံသားတွေကိုယ်တိုင်က ပါလက်စတိုင်းလူမျိုးတွေရဲ့ နယ်မြေကိုအဓမ္မသိမ်းယူခဲ့ပြီး ပါလက်စတိုင်း လူမျိုးတွေကို နိုင်ငံမဲ့လူမျိုးတွေ ဖြစ်အောင် လုပ်ခဲ့တာကိုတော့ ဆန့်ကျင်ခဲ့ပါတယ်။
နယ်ချဲ့ဆန့်ကျင်ရေးတိုက်ပွဲဝင် အိန္ဒိယခေါင်းဆောင်ကြီးနေရူးကို ထောက်ခံခဲ့ပေမယ့် အိမ်နီးချင်း နိုင်ငံလေးတွေ ဖြစ်ကြတဲ့ နီပေါ၊ ဆစ်ကင်၊ ဘူတန်နဲ့ သီဟိုနိုင်ငံတို့အပေါ် ဗိုလ်ကျလွှမ်းမိုးချင်တဲ့ နေရူးကိုတော့ ဆန့်ကျင်ဝေဖန်ခဲ့ပါတယ်။
အာရှလွှမ်းမိုးရေး ရည်ရွယ်ချက်နဲ့ လက်သစ်ကိုလိုနီနယ်ချဲ့သမားက ဖွဲ့စည်းထူထောင်ခဲ့တဲ့ ဆီးတိုး၊ စင်တိုး စတဲ့အဖွဲ့တွေမှာ တက်ကြွစွာ ပါဝင်ခဲ့ပြီး ပြည်တွင်းမှာလည်း အဓမ္မ၀ါဒကို ကျင့်သုံးခဲ့တဲ့ မာရှယ် အယွတ်ခန်ရဲ့ ပါကစ္စတန်နိုင်ငံကို ရှုတ်ချခဲ့ပေမယ့် ကက်ရ်ှမီးယားပြည်နယ်ကို အိန္ဒိယက သိမ်းပိုက်စိုးမိုးထားတဲ့ ကိစ္စမှာတော့ ပါကစ္စတန်နိုင်ငံဖက်က ထောက်ခံ ရပ်တည်ခဲ့ပါတယ်။
ကြားနေနိုင်ငံတခုဖြစ်တဲ့ လောနိုင်ငံရဲ့ ၀န်ကြီးချုပ် မင်းသားကြီး သုဝဏ္ဏဖူးမားကို စီအိုင်အေရဲ့ လက်သပ်မွေး စစ်ဗိုလ်တစုက ဖြုတ်ချ အာဏာသိမ်းခဲ့စဉ်က မင်းသားကြီးဖက်က ထောက်ခံအားပေးခဲ့ပေမယ့် အာဏာပြန်ရတဲ့အခါကျတော့ မင်းသားကြီးက သူ့ရဲ့ညီတော် မင်းသားကြီးသုဖာနုဝဏ်ရဲ့ ပသက်လောအဖွဲ့ကို ပြည်တွင်းစစ်ခင်းပြီး တိုက်ခိုက်ခဲ့တာကိုတော့ ကန့်ကွက်ရှုတ်ချခဲ့ပါတယ်။
အဲဒီအချက်တွေဟာ စာမျက်နှာတွေက ပြောဖြစ်နေတဲ့ လူထုသတင်းစာရဲ့ သမိုင်းပေါ့။
"နေသောင်းထောင် အရောင်မညှိုးသလိုပ
ပြေကောင်းအောင် ဆောင်မကိုးရယ်လို့
ရွှေဒေါင်းတောင် ကလောင်တမျိုးရယ်နှင့်
တောင်ရိုးမှာ ဆရာကြဲမပေါ့လို့...."
ကြွေးကြော်ခဲ့တဲ့ ကျေးဇူးရှင်ဆရာကြီးသခင်ကိုယ်တော်မှိုင်းရဲ့ ရှေ့ဆောင်လမ်းညွှန်မှုအတိုင်း မဖောက် မပြန်၊ မသွေမဖယ် ချွေးနဲ့သွေးနဲ့ ရေးခဲ့ကြတဲ့ သမိုင်းပါ။
ဒီလို သမိုင်းကောင်းပြီး တိုင်းပြည်နဲ့ လူမျိုးကို ချစ်တဲ့အတွက် တိုင်းပြည်နဲ့လူမျိုးက ပြန်ချစ်တာပါ။ ကျွန်တော်တို့တတွေ ဒါကို ကောင်းကောင်းသတိထားသင့်တယ်။ စာရေးဆရာဆိုတာ ပြည်သူစာဖတ်ပရိသတ် အားပေးမှ ရပ်တည်ချင်တာ ဖြစ်တယ်။ ပြည်သူကို မချစ်တဲ့ မငဲ့ကွက်တဲ့ စာရေးဆရာမျိုးကို ဘယ်ပြည်သူက ချစ်မှာ အားပေးမှာလဲ။ အမေမာလို ပြည်သူချစ်တာက အမေမာက ပြည်သူကို ချစ်လို့ ဖြစ်တယ်။ ကျွန်တော်တို့တတွေလည်း ပြည်သူချစ်တာ အားပေးတာ ခံယူချင်ရင် အမေမာလိုပဲ တသက်လုံး ပြည်သူဘက်က ရပ်ရပါလိမ့်မယ် ဆိုတဲ့အကြောင်း နှိုးဆော်လိုက်ရပါတယ်။

လူထုစိန်ဝင်း
[ပိတောက်ပွင့်သစ်မဂ္ဂဇင်း၊ အမှတ် ၂၈၊ နိုဝင်ဘာ၊ ၂၀၀၉ မှ ကူးယူဖော်ပြပါတယ်။]

Wednesday, December 16, 2009

သမိုင်းခေတ်ကြေးမုံပြင်ပေါ်က မဟာဗီယက်နမ်စစ်ပွဲနဲ့ အမေလူထုဒေါ်အမာ
ရေးသူ- နိုင်မြင့် (လူထုစာကြည့်တိုက်)


ကျွန်တော်တို့ရဲ့ သမိုင်းခေတ်မှာ ဗီယက်နမ်စစ်ပွဲဆိုတာ လူတိုင်းအတွက် သမိုင်းခေတ်ကြေးမုံပြင် ပေါ်ကနေ ထာဝစဉ် လွမ်းဆွတ်ထင်ဟပ်ပြနေမယ့် ၀မ်းနည်းကြေကွဲစရာ ဇာတ်လမ်းတပုဒ်ပဲ ဖြစ်ပါတယ်။
ဒီဖောက်ပြန်လွန်းတဲ့ ဖြစ်စဉ်ဖြစ်ရပ်တွေ မဖြစ်ပွါးခင် ကမ္ဘာကြီးက ရယူပိုင်ဆိုင်ထားတဲ့ အခြေအနေ တွေကို လေ့လာကြည့်တဲ့အခါ နိုင်ငံပေါင်း ၃၀ ကျော် ပါဝင်ပြီး ၆ နှစ်ကြာ ဆင်နွှဲခဲ့ကြတဲ့ ဒုတိယကမ္ဘာစစ်ကြီး (၁၉၃၉-၁၉၄၅) ကို တွေ့ရမှာ ဖြစ်ပါတယ်။ ဒီ ဒုတိယကမ္ဘာစစ်ကြီးဟာ ဂျပန်က ၁၉၄၅၊ သြဂုတ်လ ၁၄ ရက်နေ့မှာ ချွင်းချက်မရှိ လက်နက်ချကြောင်း ကြေညာလိုက်တဲ့အတွက် ပြီးဆုံးသွားခဲ့ပါတယ်။ ဒီချွင်းချက်မရှိ လက်နက်ချခြင်းရဲ့ ၀န်းကျင်မှာ ရှိတဲ့ ဖြစ်စဉ်တွေကို စေ့ငုကြည့်တဲ့အခါ သြဂုတ် ၆ ရက်နေ့မှာ 'ဟီရိုရှီးမား' ကို အမေရိကန်က အနုမြူဗုံးကျဲချတာ၊ သြဂုတ် ၈ ရက်နေ့မှာ ရုရှားက ဂျပန်ကို စစ်ကြေညာတိုက်တာ၊ သြဂုတ် ၉ ရက်နေ့မှာ 'နာဂါဆာကီ' ကို အမေရိကန်က အနုမြူဗုံးကျဲချတာ၊ သြဂုတ် ၁၁ ရက်နေ့မှာ တရုတ်က အထွေထွေ ထိုးစစ်စတင်ကြောင်း ကြေညာတာတွေကို တွေ့ရမှာ ဖြစ်ပြီး သြဂုတ်လ ၁၄ ရက်နေ့မှာ ဂျပန်က ချွင်းချက်မရှိ် လက်နက်ချကြောင်း ရေဒီယိုမှာ ကြေညာတာတွေကို တွေ့ရမှာ ဖြစ်ပါတယ်။



ကမ္ဘာ့နိုင်ငံကြီးတွေရဲ့ ဒုတိယကမ္ဘာစစ်ပြီး အခြေအနေတွေဟာ စစ်အေးတိုက်ပွဲ၊ ကိုးရီးယားစစ်ပွဲ၊ ဗီယက်နမ်စစ်ပွဲ၊ ဘက်မလိုက်လှုပ်ရှားမှု၊ စစ်အုပ်စုများ ဖွဲ့စည်းခြင်းစတဲ့ စနစ်နှစ်ရပ် တိုက်ပွဲတွေအဖြစ် ယနေ့တိုင် ထင်ဟပ်ဖော်ပြနေတာ တွေ့ရမှာ ဖြစ်ပါတယ်။
သို့ပေမယ့် ၁၉၄၅ ခုနှစ်အတွင်းမှာ ကမ္ဘာစစ်ကြီးတခု ပြီးဆုံးသွားတာမျိုး ရှိသလို၊ 'ယော်လ်တာကွန်ဖရင့်'၊ 'မော်စကိုကွန်ဖရင့်'၊ 'ဆန်ဖရန်စစ္စကိုကွန်ဖရင့်'၊ 'ဒမ်ဘာတန်အုခ်ကွန်ဖရင့်' စတဲ့ ကွန်ဖရင့်တွေ ကျင်းပပြီး၊ ကမ္ဘာ့ကုလသမဂ္ဂကြီးကို ဖွဲ့စည်းနိုင်တာမျိုး၊ လုံခြုံရေးကောင်စီမှာ အသုံးပြုမယ့် 'ယော်လ်တာဖော်မြူလာ' လို့ ခေါ်တဲ့ 'ဗီတို' အာဏာမဲကို အကြံပြုတင်ပြပြီး သဘောတူဆုံးဖြတ်တာမျိုးတွေ ပြုလုပ်နိုင်ခဲ့တာလည်း ရှိပါတယ်။ သို့ပေမယ့် ကိုးရီးယားကျွန်းဆွယ်၊ အင်ဒိုချိုင်းနားကျွန်းဆွယ်နဲ့ အရှေ့တောင်အာရှနိုင်ငံတွေမှာ ကိုလိုနီနယ်ချဲ့နိုင်ငံ ဟောင်းတွေက မိမိတို့ရဲ့ အပိုင်စား ကိုလိုနီနိုင်ငံတွေကို ပြန်လည်ရရှိရေးအတွက် ခြေသွက်တဲ့ လှုပ်ရှားမှုတွေကို လှုပ်ရှားလာကြသလို၊ ဒေသခံနိုင်ငံတွေရဲ့ အမျိုးသား လှုပ်ရှားမှုတွေကို တိုက်ပွဲသဏ္ဍန်အမျိုးမျိုးနဲ့ စတင်လှုပ်ရှား လာတာကိုလည်း တွေ့ရမှာ ဖြစ်ပါတယ်။
ဒီအခြေအနေမှာ ဗီယက်နမ်နိုင်ငံက ၁၉၄၅ သြဂုတ်လမှာ 'သြဂုတ်လတော်လှန်ရေး' ကို စတင်ဆင်နွှဲပြီး အင်ဒိုနီးရှားနိုင်ငံက လွတ်လပ်ရေး ကြေညာပါတယ်။ အဲဒီမှာ ဆူကာနိုက သမ္မတဖြစ်လာပါတယ်။ အင်ဒိုနီးရှား အမျိုးသားတပ်မတော်ကိုလည်း အဲဒီလမှာပဲ ဖွဲ့စည်းထူထောင်ပါတယ်။ သြဂုတ်လ ၃၁ ရက်နေ့ရောက်တော့ ဗီယက်နမ်က လွတ်လပ်ရေးကြေညာပြီး ဟိုချီမင်းက သမ္မတ ဖြစ်လာပါတယ်။ ၁၉၄၆ ရောက်တော့ ပြင်သစ်က 'ကိုချင်' (Cochin) ဒေသမှာ ဘုရင်ဟောင်း ဘိုဒိုင်းကို ခေါင်းဆောင်ထားပြီး ရုပ်သေးအစိုးရတရပ် ဖွဲ့ပေးပါတယ်။ ၁၉၄၇ ရောက်တော့ အမေရိကန်က သူ့ရဲ့ အရှေ့ဖျားစစ်ဌာနချုပ်ကို ဖိလစ်ပိုင်နိုင်ငံမှာ ထူထောင်လိုက်ပါတယ်။ အဲဒီနှစ် ဧပြီမှာ မလေးရှားနိုင်ငံမှာရှိတဲ့ ဗြိတိသျှကိုလိုနီရုံးက မလေးရှားကွန်မြူနစ်ပါတီကို မတရားအသင်း ကြေညာပါတယ်။ အဲဒီနှစ် ဧပြီ ၁၂ရက်နေ့မှာ အမေရိကန်က ထရူမင်ဝါဒ (Truman Doctrine) ကို ကြေညာပါတယ်။ ဒါက ကွန်မြူနစ် အဖျက်လုပ်ငန်းတွေကို ထိုးနှက်တိုက်ခိုက်ရာမှာ ငွေကြေးအရ ဂရိနိုင်ငံနဲ့ တူရကီနိုင်ငံကို ကူညီဖို့အတွက် သမ္မတက ကွန်ဂရက်မှာ တင်ပြရာက ပေါ်လာတဲ့ ၀ါဒပါ။ ဒီကိစ္စမှာ အမေရိကန် ဒေါ်လာသန်း ၄၀၀ အကူအညီပေးဖို့ ကွန်ဂရက်က သဘောတူတာ တွေ့ပါတယ်။ တဖက်က ငွေအားကြေးအားတွေနဲ့ လှုပ်ရှားလာတော့ တဖက်က တုန့်ပြန်လှုပ်ရှားလာတဲ့အတွက် စစ်အေးတိုက်ပွဲကြီး ဖြစ်လာတယ်လို့ ဆိုရမှာ ဖြစ်ပါတယ်။
၁၉၄၈ မှာ မြန်မာနိုင်ငံနဲ့ သီဟို (သီရိလင်္ကာ) နိုင်ငံက လည်းကောင်း၊ ၁၉၄၉ မှာ တရုပ်နိုင်ငံက လည်းကောင်း၊ ၁၉၅၀ မှာ အိန္ဒိယနိုင်ငံက လည်းကောင်း အသီးသီး လွတ်လပ်ရေး ကြေညာနိုင်ခဲ့ကြပါတယ်။ အဲဒီနှစ် ဖေဖော်ဝါရီမှာ အမေရိကန်အစိုးရက ဘိုဒိုင်းရုပ်သေးအစိုးရကို တရားဝင်အသိအမှတ်ပြုကြောင်း ကြေညာပါတယ်။ ဇွန် ၂၇ ရောက်တော့ အမေရိကန် စစ်မစ်ရှင်အဖွဲ့ကို တောင်ဗီယက်နမ် ဆေးဂုံမြို့သို့ စေလွှတ်ပါတယ်။ ၁၉၅၂ နှစ်မှာ အိုက်ဆင်ဟောင်ဝါက အမေရိကန် သမ္မတ ဖြစ်လာပါတယ်။ ၁၉၅၄ ခုနှစ်မှာ ပြင်သစ်တို့ရဲ့ ဒိုင်ဗင်ဖူးခံတပ်ကို ဗီယက်နမ်က စတင်တိုက်ခိုက်ပါတယ်။ အဲဒီနှစ် ဧပြီ ၂၆ မှာ ဂျနီဗာ ကွန်ဖရင့် စတင်ပါတယ်။ ၎င်းနှစ် မေလ ၇ ရက်မှာ မြောက်ဗီယက်နမ်ရှိ ဒိုင်ဗင်ဖူးတိုက်ပွဲမှာ ပြင်သစ်တွေ အထိနာ နေတဲ့အတွက် အမေရိကန်က အနုမြူဗုံးသုံးဖို့ စဉ်းစားခဲ့သေးတာ တွေ့ရပါတယ်။ ဗီယက်နမ်နဲ့ ပြင်သစ်တို့ ဖြစ်ကြတဲ့ အင်ဒိုချိုင်းနား ပထမစစ်ပွဲ (၁၉၄၆- ၁၉၅၄) အတွက်ပြုလုပ်တဲ့ ဂျနီဗာကွန်ဖရင့်မှာ သဘော တူညီချက်အရ ၁၇ မျဉ်းပြိုင်မှာ တောင်-မြောက် နှစ်နိုင်ငံ ယာယီပိုင်းခြားထားရေးကို သဘောတူညီ လက်ခံလိုက်ကြပါတယ်။ ဗီယက်နမ်၊ လော နဲ့ ကမ္ဘောဒီယားတို့ရဲ့ လွတ်လပ်ရေးကို ကွန်ဖရင့်မှာ သဘောတူညီတဲ့အတွက် လွတ်လပ်သွားကြပါပြီ။ သို့ပေမယ့် အမေရိကန်က ကွန်ဖရင့်သဘောတူညီချက်ကို လက်မှတ်မထိုးဘဲ တောင်ဗီယက်နမ် ဆေးဂုံအစိုးရကို စစ်ရေးအကူအညီတွေ တိုက်ရိုက်ပေးသွားမယ်လို့ သမ္မတအိုက်စင်ဟောင်ဝါက ကြေညာပါတယ်။
၁၉၅၅ မှာ အာရှ၊ အာဖရိက လွတ်လပ်တဲ့ နိုင်ငံတွေက 'ဘန်ဒေါင်းညီလာခံ' ကို ကျင်းပပါတယ်။ ငြိမ်းချမ်းစွာ အတူယှဉ်တွဲနေထိုင်ရေးမူတွေကို ချမှတ်ကြပါတယ်။ နယ်ချဲ့စနစ်ကို ဖွံ့ဖြိုးဆဲနိုင်ငံတွေက တပ်ပေါင်းစု သဏ္ဍာန်နဲ့ ရပ်ခံကြဖို့ ပြင်ဆင်ကြတဲ့ သဘောပါ။
၁၉၆၀ ခုနှစ်၊ နိုဝင်ဘာ ၈ ရက်နေ့မှာ ကနေဒီက အမေရိကန် သမ္မတ ဖြစ်လာပါတယ်။ ၁၉၆၁ ခုနှစ်၊ ဖေဖော်ဝါရီ ၁၅ မှာ တောင်ဗီယက်နမ် အမျိုးသားလွတ်မြောက်ရေးတပ်မတော်ကို ထူထောင်ပါတယ်။
ကွန်မြူနစ် မြောက်ဗီယက်နမ်နဲ့ ကွန်မြူနစ်မဟုတ်တဲ့ တောင်ဗီယက်နမ်တို့ တိုက်ကြတဲ့ ဒုတိယ အင်ဒိုချိုင်းနားစစ်ပွဲ သို့မဟုတ် ဗီယက်နမ်စစ်ပွဲ (၁၉၅၆-၁၉၇၅) အတွင်းကို အမေရိကန်က စစ်ရေး၊ စီးပွါးရေး အကူအညီတွေ တိုးမြှင့်ပေးပြီး ၀င်လာပါတယ်။ ပထမပိုင်းမှာ စစ်အကြံပေးတွေ စေလွှတ်ပြီး နောက်ပိုင်းမှာ စစ်တပ်နဲ့ ၀င်တိုက်ပေးတာ။ လေယာဉ်နဲ့ ဗုံးကြဲပေးတာတွေ လုပ်လာပါတယ်။ ဗီယက်နမ်စစ်ပွဲကို ကမ္ဘာ့ပြည်သူတွေ၊ အမေရိကန်ပြည်သူတွေနဲ့ အမေရိကန်ကျောင်းသားတွေက တဖက်က အပြင်းအထန် ဆန္ဒပြ ကန့်ကွက်ကြပြီး ဗီယက်နမ်းပြည်သူတွေက အသေခံ တိုက်ပွဲဝင်တဲ့အတွက် ၁၉၇၃ ခုနှစ်မှာ အမေရိကန်တပ်တွေ ပြန်ရုပ်သိမ်းသွားပြီး ၁၉၇၅ မှာ ဆေးဂုံမြို့ကို မြောက်ဗီယက်နမ်တပ်တွေ သိမ်းပိုက်လိုက်တဲ့အတွက် အမေရိကန် သမ္မတ ၄ ဆက်ကြာ တိုက်ရတဲ့ စစ်ပွဲဟာ ပြီးဆုံးသွားပါတယ်။ ဒီစစ်ပွဲမှာ အမေရိကန်စစ်သား ၅ သိန်း ပါဝင်တိုက်ခိုက်ခဲ့တာ တွေ့ရမှာ ဖြစ်ပြီး၊ စစ်ပွဲပြီးတော့ စာရင်းကောက်ကြည့်တဲ့အခါ ဗီယက်နမ်ပြည်သူ ၃ သန်း သေကြေပျက်စီးပြီး အမေရိကန်စစ်သား ၅ သောင်း သေဆုံးကြောင်း သိရပါတယ်။ ဒါဟာ ဗီယက်နမ်မှာလည်း အမေရိကန်ရဲ့ 'ဟီရိုရှီးမား' နေ့တနေ့ ရှိနေတယ်လို့ ဆိုရမှာ ဖြစ်ပါတယ်။
၁၉၆၂ မှာ လော စစ်မြေပြင်ကို ကိုယ်တိုင်သွားပြီး စာအုပ်တအုပ်ရေးခဲ့တဲ့ အမေရိကန် သတင်းစာ ဆရာမကြီး အင်နာလူဝီစထရောင်းက အမေရိကန်ရဲ့ အာရှရည်မှန်းချက်နဲ့ ပတ်သက်ပြီး ဤသို့ ရေးပါတယ်-
"ကိုးရီးယားစစ်ကို တိုက်ခြင်း။ ထိုင်ဝမ်ကို စစ်စခန်းလုပ်ခြင်း။ အင်ဒိုချိုင်းနားသို့ အမေရိကန်အမြန်ဆုံး ထွင်းဖောက်ဝင်ရောက်ခြင်းသည် တရုတ်ပြည်ကို စစ်ရေးဖြင့် ၀ိုင်းထား၍ တရုတ်ပြည်သစ်အား ချေမှုန်းပစ်ရေး အစီအစဉ်၏ တစိတ်တပိုင်းသာ ဖြစ်ပေသည်။ အမေရိကန်သည် တခြားအရှေ့တောင် အာရှနိုင်ငံတိုင်းသို့လည်း ထွင်းဖောက်ဝင်ရောက်ရန် ကြိုးစားလေသည်" ဟူ၍ ဖြစ်ပါတယ်။
ထိုနည်းတူစွာပဲ ၁၉၅၅ ခုနှစ်ရောက်တော့ အမေလူထုဒေါ်အမာက လူထုဂျာနယ်၊ အမှတ် ၁၈ မှာ ဆောင်းပါးတစောင် ရေးပါတယ်။ ဆောင်းပါးရဲ့ ခေါင်းစဉ်အမည်က 'ကျုပ်တို့အာရှ' ဖြစ်ပါတယ်။ ဒီဆောင်းပါးထဲမှာ ပါတဲ့ အမေမာရဲ့ ရေးသားချက်တချို့ကို ဖော်ပြရမယ်ဆိုရင်-
"ကျုပ်တို့၏ အာရှတိုက်ကြီးကို သနား ကရုဏာ သက်ရှာကြသည့် အမေရိကန် နယ်ချဲ့တို့၏ အသံမှာ နားဝင်ချိုလှပါသည်။ အမေရိကန်တွေသည် ကျုပ်တို့ အာရှတိုက်သားတွေကို တကယ်ချစ်ခင် ကြင်နာသူများ ဖြစ်ပါတယ်။ ကျုပ်တို့၏ 'လွတ်မြောက်ရေး' ကျုပ်တို့၏ 'ဒီမိုကရေစီရေး'၊ ကျုပ်တို့၏ 'ကြီးပွါးချမ်းသာရေး' များကို တကယ်ပင် လိုလားကြပါသည်။ သြော်... သာဓု၊ သာဓု၊ ကောင်းလေစွတကား၊ ကြောက်မက်ဖွယ်ကောင်း လှပေသော 'ကွန်မြူနစ် ဘေးဆိုး၊ ရန်ဆိုး၊ အန္တရာယ်ဆိုးကြီး' မှ လွတ်ကင်းစေချင် ကြသည်တကား။ သို့ကြောင့်လည်း အမေရိကန် ကျေးဇူးရှင် မိတ်ဆွေကြီးများက အရိုင်းအစိုင်း မသိနားမလည် ခေတ်မမှီရှာသည့် ကျောမွဲ အာရှတိုက်သားများကို ဗုံးမိုးရွာပေးလိုက်ပြီး သူတို့၏ ယဉ်ကျေးမှု အမျိုးမျိုးကို သင်ပြပေးရှာ ပေသည် တကား" ဟူ၍ ဖြစ်ပါတယ်။
ထိုအချိန် ကတည်းက အမေရိကန်ရဲ့ လုပ်ရပ်တွေကို ထေ့လုံးငေါ့လုံးတွေနဲ့ ဝေဖန်ရေးသားခဲ့ပြီး ၁၉၆၁ ခုနှစ် ရောက်တော့ လူထုသတင်းစာရဲ့ 'လှုပ်ရှားနေသော ကမ္ဘာ့ရေးရာများ' အခန်းမှာ အမေလူထုဒေါ်အမာဟာ အမေရိကန်ရဲ့ ဗီယက်နမ် စစ်ပွဲကို ဆက်လက်ဝေဖန် ထိုးနှက် ရေးသားခဲ့ပါတယ်။ ဒီအခန်းမှာ ၁၉၆၁ မှ ၁၉၆၇ ခုနှစ်အထိ ရေးသားခဲ့တဲ့ ဆောင်းပါးတွေထဲက အင်ဒိုချိုင်းနား ၃ နိုင်ငံနဲ့ ပတ်သက်တဲ့ ဆောင်းပါးတချို့ကို လက်လှမ်းမီ သလောက် စာရင်းပြုစု ဖော်ပြလိုက်ပါတယ်။
၁။ ဗီယက်နမ်မှာ မီးနီ ပြနေပြီ (၁၀၊ မေ၊ ၆၁)၊
၂။ ဗီယက်နမ်မီးကို မလောင်ခင်က တား (ရ၊ ဇွန်၊ ၆၁)၊
၃။ အရှေ့တောင်အာရှ တိုင်းရင်းသားများအတွက် စပါယ်ရှယ်လက်နက်ဆန်းများ (၂၂၊ သြဂုတ်၊ ၆၁)၊
၎။ တောင်ဗီယက်နမ်တွင် ၀င်တိုက်ရန် လမ်းရှာနေပြီ (၂၀၊ အောက်၊ ၆၁)။
၅။ အရှေ့တောင်အာရှ၌ အမေရိကန်က စစ်သစ်တရပ်ပြင်ပြီ (၇၊ အောက်၊ ၆၁)၊
၆။ တောင်ဗီယက်နမ်၌ ကျူးကျော်စွက်ဖက်နေသော အမေရိကန် (၂၁၊ အောက်၊ ၆၁)၊
၇။ အရှေ့တောင်အာရှ စစ်ပြင်မှုကြီးကို ဗမာက သတိပြုရမည် (၂၆၊ အောက်၊ ၆၁)၊
၈။ အာရှအရေး၌ ပို၍ စွက်ဖက်လာတဲ့ အမေရိကန် (၁၇၊ နို၊ ၆၁)၊
၉။ အရှေ့တောင်အာရှကို လောင်တိုက်သွင်းမည့် အမေရိကန်ကို ၀ိုင်းတားကြပါ (၂၄၊ နို၊ ၆၁)၊
၁၀။ ၇ နံပါတ် ရေတပ်၏ ခြိမ်းခြောက်မှု (၂၉၊ နို၊ ၆၁)၊
၁၁။ အရှေ့တောင်အာရှကို လောင်တိုက်သွင်းမည့် အမေရိကန် (၂၆၊ ဒီ၊ ၆၁)၊
၁၂။ လောပြည်သူ လည်ချောင်းသွေးနဲ့ ခြေဆေးတဲ့ အမေရိကန်နယ်ချဲ့သမား (၈၊ ဇန်၊ ၆၂)၊
၁၃။ လောပြည်၌ ပြည်တွင်းစစ်မီး ပြန်မွှေးလာပြန်ပြီ (၉၊ မေ၊ ၆၂)၊
၁၄။ လောထဲသို့ အမေရိကန်စစ်တပ်တွေ ၀င်ပြီ (၂၂၊ မေ၊ ၆၂)၊
၁၅။ လောပြည်သူတို့ ခါးတောင်းကျိုက်မဖြုတ်ကြနှင့်ဦး (၁၄၊ ဇွန်၊ ၆၂)၊
၁၆။ လော ဘာကြောင့် မင်းမဲ့တိုင်းပြည်ဖြစ်ရသနည်း (၂၀၊ ဧပြီ၊ ၆၂)၊
၁၇။ လော ကြားနေရေးကို တကယ်တမ်း အသိအမှတ်ပြုကြရမယ် (၂၃၊ ဇူ၊ ၆၂)၊
၁၈။ ကမ္ဘောဒီးယား ထောက်ခံချက်ကို ထောက်ခံရမည် (၃၁၊ သြ၊ ၆၂)၊
၁၉။ လောကငရဲနှင့်တူသော တောင်ဗီယက်နမ် (၆၊ ဇန်၊ ၆၃)၊
၂၀။ တောင်ဗီယက်နမ်တွင် အဆိပ်များ ကြဲဖြန့်မှုကြီး (၂၇၊ ဖေ၊ ၆၃)၊
၂၁။ တောင်ဗီယက်နမ်ပြည်သူတို့ ရှေ့သို့ တိုက်ပွဲဝင်ကြ (၆၊ စက်၊ ၆၃)၊
၂၂။ အရှေ့တောင်အာရှကား နယ်ချဲ့သမား၏ နေ၀င်ချိန်တည်း (၅၊ နို၊ ၆၃)၊
၂၃။ အရှေ့တောင်အာရှသို့ အမေရိကန်တပ်များ အလုံးအရင်းနဲ့ပို့ရေး လေ့ကျင့်ပြန်ဦးမယ်ဆိုခြင်း (၂၀၊ နို၊ ၆၃)၊
၂၄။ ကြားနေချင်ရှာသော ကမ္ဘောဒီးယား (၁၈၊ ဖေ၊ ၆၄)၊
၂၅။ တောင်ဗီယက်နမ်သို့ အမေရိကန်တပ်များ ပေးပို့ခြင်းကို ပြင်းထန်စွာ ရှုံ့ချကြပါ (၂၉၊ ဇူ၊ ၆၄)၊
၂၆။ ပိုဆိုးလာသော တောင်ဗီယက်နမ်အခြေအနေ (၁၅၊ စက်၊ ၆၄)၊
၂၇။ ဗီယက်နမ်အာဇာနည်ကလေး ငုယင်ဗန်ထရိုင်းအား အလေးပြုပါ၏ (၁၇၊ အောက်၊ ၆၄)၊
၂၈။ တောင်ဗီယက်နမ် အမျိုးသားရေးလွတ်မြောက်ရေးတပ်ဦး (၂၀၊ ဒီ၊ ၆၄)...... စသည်တို့ ဖြစ်ပါတယ်။
အထက်ဖော်ပြပါ ဗီယက်နမ်စစ်ကို ဆန့်ကျင်တဲ့ ဆောင်းပါးတွေထဲက အမေလူထုဒေါ်အမာရဲ့ ရေးသားချက်တချို့ကို ထပ်မံကောက်နှုတ် ဖော်ပြရမယ်ဆိုရင်-
'တောင်ဗီယက်နမ်၌ ၁၉၆၀ ခုနှစ် ဇန်န၀ါရီမှ ၁၀ လ အတွင်း ပြည်တွင်းစစ်ကြောင့် လူ ၂ သောင်း သေကျေပျက်စီးသည်ဟု သိရသည်။ သူပုန်ဘက်မှ ၁၂၅၈၉ ယောက် ကျဆုံးပြီး၊ အစိုးရဘက်မှ ၆၂၅၇ ယောက် သေဆုံးသည်။ ဒါ့ကြောင့် အမေရိကန်စွက်ဖက်မှုကို ဗမာပြည်သူအပါအ၀င် ပြည်သူတကာလည်း ၀ိုင်းဝန်း ကန့်ကွက်ကြရမည်'
'အမေရိကန် ၇ နံပါတ်ရေတပ်က အရှေ့တောင်အာရှကို ခြိမ်းခြောက်မှုမှာ ရွံ့ရှာစက်ဆုပ်ဖွယ်ကောင်း၍ ပြင်းထန်စွာ ရှုံ့ချလိုက်သည်'
'အမေရိကန်နယ်ချဲ့သမား၏ သွေးငတ်မှုကို အာရှပြည်သူတွေက ဘယ်တော့မှ ခွင့်မလွှတ်ဟုဆိုလျှင် အာရှပြည်သူတွေ၏ အဆိုးမဟုတ်ပေ'
'ကမ္ဘောဒီယားသည် ကွန်မြူနစ်များ၏ ခြေကုပ်စခန်းဖြစ်နေသောကြောင့် ဟူ၍ စွပ်စွဲသည့် ယိုးဒယား၏ စွပ်စွဲချက်မှာ အလကားစကားဖြစ်၍ ၂ပြားမတန်သည့် ဆင်ခြေဖြစ်သည်'
'ဗီယက်နမ်မျိုးချစ် ပျောက်ကြားတပ်သားများတွင် အမျိုးသမီးများ ပါဝင်လျက်ရှိသည် ဆိုခြင်းမှာ တော်လှန်ရေး သရဖူစိန်ပွင့်များနှယ် အလွန်တင့်တယ်ပါပေသည်'
အထက်ပါ အရေးအသားတွေနဲ့ ဗီယက်နမ်စစ်ပွဲကာလတလျှောက် နံနက်မိုးသောက် အလင်းရောက် တိုင်း အမေရိကန်နယ်ချဲ့သမားနဲ့ လူတန်းစားတိုက်ပွဲ ဆင်နွှဲခဲ့ရတဲ့ အမေလူထုဒေါ်အမာဟာ ကျွန်တော်တို့ရဲ့ သမိုင်း ခေတ်တလျှောက် နေ့ရက်တွေနဲ့အတူ လိုက်ပါလာသူမဟုတ်။ နေ့ရက်တွေနဲ့အတူ ချီတက်တိုက်ပွဲဝင်ခဲ့သူ နိုင်ငံတကာဝါဒီ ဗမာ့မိုးသောက်ကြယ်တပွင့် ဖြစ်ပါတယ်။ ပြီးတော့ အမေလူထုဒေါ်အမာဟာ စိတ်ကူးယဉ် မဟုတ်တဲ့၊ အချောင်သမားမဟုတ်တဲ့၊ ပြုပြင်ရေးမဟုတ်တဲ့၊ ခေါင်းဆောင်မှုရှိတဲ့၊ လွတ်လပ်မှုနဲ့ ဗဟိုချုပ်ကိုင်မှုရှိတဲ့၊ ဒီမိုကရေစီကို ယုံကြည်တဲ့၊ လူတန်းစားတိုက်ပွဲ သဘောတရားကို လက်ခံတဲ့၊ အနုပဋိလောမ ကမ္ဘာအမြင်ရှိတဲ့၊ ပစ္စည်းမဲ့ နိုင်ငံတကာတာဝန်ကို ထမ်းဆောင်တဲ့ ကျွန်တော်တို့ ခေတ်ရဲ့ စာရေးဆရာ၊ သတင်းစာဆရာ၊ အနုပညာရှင် အရာအထောင်ထဲမှာတော့ စံနမူနာ ကြယ်တပွင့် ဖြစ်တယ်လို့ ဆိုချင်ပါတယ်။
ဒါကြောင့် အမေမာ လျှောက်လှမ်းခဲ့တဲ့ နယ်ချဲ့ဆန့်ကျင်ရေးလမ်းကြောင်းအတိုင်း ကျွန်တော်တို့တတွေ လျှောက်လှမ်းရင်း နီရူဒါရဲ့ 'သစ်ခုတ်သမား နိုးကြားလော့' ဆိုတဲ့ ကဗျာထဲက အပိုဒ်တပိုဒ်နဲ့ အမေ့လမ်းစဉ်ကို ဂုဏ်ပြုလိုက်ပါတယ် အမေ......။
'အို..... အမေရိကတိုက်၊ သန့်စင်တဲ့ နယ်နမိတ်ကို ဖျက်ဆီးဖို့
သင့်အိမ်သည်တွေကို လက်နက်တပ်ဆင် ပေးရင်
ငါတို့ချစ်တဲ့ ဂီတနဲ့ စနစ်ကျမှုကို အုပ်စိုးဖို့
ရှိကာဂိုက သားသတ်သမားကို လွှတ်ပေးခဲ့ရင်
ငါတို့ဟာ လေနဲ့ ကျောက်တုံးတွေထဲက ထလာပြီး
သင့်ကို ကိုက်ဖြတ်ပစ်မယ်...။ ။'

ရည်ညွှန်း။
၁။ လူထုဂျာနယ်များ၊ လူထုသတင်းစာများ၊
၂။ South East Asia in International relation by M. Jankover. Prague. IOJ. 1982
၃။ A Dictionary of Politics by Elliott and Summerskill, London, Penguin, 1961.
၎။ 'သစ်ခုတ်သမား နိုးကြားလော့' ရေးသူ နီရူဒါ၊ ဘာသာပြန်သူ မြသန်းတင့်၊ ရန်ကုန်၊ စိတ်ကူးချိုချို၊ ၂၀၀၃။
၅။ 'ငွေနှင့်လက်နက်' ရေးသူ အန်နာလူဝီစတရောင်း၊ ဘာသာပြန်သူ လူထုဒေါ်အမာ၊ မန္တလေးကြီးပွါးရေး ပုံနှိပ်တိုက်၊ ၁၉၆၃။


နိုင်မြင့် (လူထုစာကြည့်တိုက်)
[ပိတောက်ပွင့်သစ်မဂ္ဂဇင်း၊ အမှတ် ၂၈၊ နိုဝင်ဘာ၊ ၂၀၀၉ မှ ကူးယူဖော်ပြပါတယ်။]




မြင့်မိုရ်တောင်လေးခမျာ တောင်ပူစာလေးဖြစ်သွားရှာ
ရေးသူ- ညီပုလေး

အင်းစိန်ဆိုတာ မန္တလေးမြို့နဲ့ အဝေးကြီး၊ သရက်ထောင်ဆိုတာကလည်း မနီးလေတော့ ထောင်ဝင်စာ မမျှော်ကောင်းတဲ့အထဲမှာ ကျွန်တော်လည်း ပါတယ်။ ကျန်ရစ်သူ မိသားစုခမျာ စိတ်ပန်း လူပန်း ငွေပန်းရှိကြ ရှာမယ်လေ။ သူတို့လည်း အစကတော့ ကြိုးစားလာကြပါရဲ့။ နောက်တော့ အကြောင်းအမျိုးမျိုးကြောင့် တဖြည်းဖြည်း အလာ ကျဲကျဲသွားကြတယ်။ ဒါဟာ သိပ်ကို သရုပ်မှန်တဲ့ သရုပ်မှန်ဝတ္ထုတပုဒ်ပဲ။
မိသားစုဝင်တွေ နေကောင်းရဲ့လားလို့ ကြိုးစားပြုံးပြရင်း ကျွန်တော်က မေးမယ်။ ၀င်းဝင်းကလည်း ကြိုးစားပြုံးပြရင်း နေကောင်းကြတယ်လို့ ဖြေမယ်။



ဦးလေးတွေ၊ အဒေါ်တွေ နှစ်ဖက်ဆွေမျိုး အသိုင်းအ၀ိုင်းတွေရဲ့ သာကြောင်းမာကြောင်း ဖြေမယ်။
တခါတလေလည်း ကျွန်တော်ဖြစ်ဖြစ်၊ ၀င်းဝင်းဖြစ်ဖြစ် မ၀ဘဲ ပိန်နေပေမယ့် ၀လာတယ်နော်လို့ မုသားစကားလှလှလေး ဆိုမိတဲ့အခါလည်း ရှိမယ်။ အိမ်က တကူးတကန့် ယူလာတဲ့ ပစ္စည်းတွေ၊ မိတ်ဆွေတွေက အားပေးကူညီလိုက်တဲ့ စားစရာတွေ ခြင်းထဲက ထုတ်ယူပြီးချိန်မှာ ထောင်ဝင်စာ တွေ့ချိန်ဟာ စေ့သွားပါလေရော။ နောက်တခါလာရင် ယူလာသင့်တဲ့ ပစ္စည်းတွေကို မှာလိုက်မိတဲ့အခါလည်းရှိ၊ စိတ်လှုပ်ရှားပြီး မမှာလိုက်တာတွေ လည်း ရှိတတ်တယ်။
ထောင်ဝင်စာတွေ့ချိန် ၁၅ မိနစ်ဟာ ခပ်သွက်သွက် လူငယ်တယောက်ရဲ့ လက်ဖျစ်တကွက်အတွက် ဘတ်စ်ကားအမျိုးမျိုး ကြုံရာ ကြုံသလိုစီးနင်းကြရ၊ ညအိပ်ညနေ ခရီးတွေကို ဖြတ်သန်းခဲ့ရတဲ့အပြင် အိမ်မှု တာဝန်တွေ၊ ဆိုင်အရောင်းအ၀ယ်တွေ ထားပစ်ခဲ့ကြရတာကလား။
နောက်ပိုင်းမှာ ကျွန်တော်ဟာ ထောင်ဝင်စာလာရင် လာတယ်လို့ မှတ်ဆိုတဲ့ အုပ်စုထဲ ရောက်မှန်းမသိ ရောက်သွားတော့တယ်။

xxxxxx xxxxx
တနေ့.....
ထောင်ဝင်စာ လာတတ်တဲ့ရက်တွေ တော်တော် ကျော်လွန်တဲ့တနေ့။ ထောင်ဝန်ထမ်းတယောက်က လာခေါ်တယ်။ ဒီ ၀န်ထမ်း ထောင်ဝင်စာတာဝန်ကျတဲ့ ၀န်ထမ်းလည်း မဟုတ်ပါဘူး။ ဘာများပါလိမ့်။ စိုးထိတ်မှု တွေ တသီတတန်းကြီးနဲ့ လိုက်လာခဲ့ရတယ်။
ခါတိုင်း ထောင်ဝင်စာ တွေ့နေကျ သံဆန်ခါနှစ်ထပ်ခြားထားတဲ့ (ဗဟိုကင်းရဲ့ အောက်ဖက်က) အခန်း လေးကို ကျော်လာခဲ့ပြီ။ အလွန်ခက်ခဲတဲ့ ပဟေဠိတပုဒ်ထက် အစဉ်းစား ကြပ်နေတယ်လေ။
ထောင်ပိုင်ကြီးရုံခန်းထဲကို ၀င်ရမယ်တဲ့။ ကာထားတဲ့ ခန်းဆီးအလှပ်မှာ မိသားစုတွေ စုံစုံလင်လင်ကြီး မမျှော်လင့်ဘဲ တွေ့လိုက်ရတယ်။ ဇနီးသည် ၀င်းဝင်း၊ သမီးကြီး လင်းလင်းမွန်၊ သားအောင်ဘာလေ၊ သမီးထွေး ရွှေပြည်စိုး အစ်မကြီး ပြီးတော့ အမေပါ ပါလာပါတကား။
ကိုယ့်ကိုကိုယ် ထောင်ဆယ်နှစ် ကျခံထားတဲ့ ဒေါင်ဒေါင်မြည် ယောက်ျားရင့်မကြီး စိတ်ဓါတ်ခိုင်မာလှပြီ ထင်နေတာ။ သက်ရွယ်ကြီးရင့်ပြီး မတွေ့ရတာ ကြာပြီဖြစ်တဲ့ မာတာအမေ့ကို တွေ့လိုက်ရတဲ့အခါ စိတ်တွေ နည်းနည်းတော့ တုန်လှုပ်ခါရမ်းသွားတယ်လေ။ နည်းနည်းတောင်မကပါဘူး။
အိမ်က ထောင်ဝင်စာလာရင်ပြောမယ်လို့ အချိန်ရတိုင်း စိတ်ကူးတည်ဆောက်ထားတဲ့ အလွမ်းရဲတိုက် ဟာ အမေ့ကို မြင်လိုက်တာနဲ့ တစစီ ပြိုကျသွားပါလေရော့လား။ အားလုံးကို ကြိုးစားပြုံးပြရင်း စကားတွေ ရှာမရ ဖြစ်နေတယ်။ ပြောချင်တဲ့ စကားတွေကို ၀မ်းသာဝမ်းနည်း လှိုင်းလုံးတွေက ဖုံးလွှမ်းသွားတယ်လေ။ ၀မ်းသာမှု လှိုင်းလုံးတွေ သူကပိုမြင့်တယ်။ ငါကပိုမြင့်တယ်နဲ့ ရင်ထဲမှာ အားပြိုင်နေလိုက်ကြတာ ၀မ်းနည်းမှု လှိုင်းလုံးကြီး ကျွန်တော့် တကိုယ်လုံး ၀ါးမျိုပစ်တော့မယ်လို့....။
သြော်... အမေနဲ့ မတွေ့ရတာ နှစ်ကာလတွေ ကြာခဲ့ပြီကော။ အမေ့ရင်ထဲမှာကော ဘယ်လိုနေရှာမှာ ပါလိမ့်။

xxxx xxxx

သမီးကြီးနဲ့ သမီးထွေးတို့ မော်တော်ကားမူးတတ်၊ စက်လှေမူးတတ်ကြလို့ သူတို့ခမျာ မျက်နှာလေးတွေ သိပ်မရွှင်ကြဘူး။ သူတို့ရဲ့ ဖခင်ဟာ ထောင်ပုံစံ အင်္ကျီအဖြူ၊ ပုဆိုးအဖြူ၊ ဆံပင်တိုနံ့နံ့နဲ့။ တော်တော် အကြည့်ရဆိုးတဲ့ ဖိုးသူတော်ရုပ် ပေါက်နေပါလိမ့်မယ်။
သားအောင်ဘာလေကတော့ ထောင်ပိုင်ကြီးရဲ့ ရုံးခန်းဆိုတာလည်း ဂရုမစိုက်၊ အနားမှာရော ခပ်လှမ်းလှမ်းမှာရော ရှိကြတဲ့ ထောင်အရာရှိ အကြပ်အရာခံတွေကိုလည်း ဖုတ်လေတဲ့ ငပိ ရှိတယ်လို့ မထင်။ ကလေးပီပီ ဆော့လိုက် ကစားလိုက်၊ မုန့်စားလိုက်နဲ့၊ အောင်ဘာလေရဲ့ စိတ်ဓာတ်ကို ချီးကျူးမိတယ်။
ကျွန်တော် သူတော်စင်လို ၀တ်စားနေခဲ့တဲ့ ကာလတွေမှာ အမေက တနှစ်ကို တကြိမ်၊ တချို့နှစ်တွေမှာ နှစ်ကြိမ်လောက်တော့ ကြိုးစားလာရှာတယ်။ အမေက သူ့သားလက်ကျန်လေးကို လာအားပေးနှစ်သိမ့်တာ ဖြစ်မယ်။ ဒီအတွက် အမေတို့ကို ကျေးဇူးတင်တယ်။
အမေ ကျွန်တော့်ဆီ လာတွေ့ခဲ့ဖူးသမျှမှာ ထောင်ပိုင်ကြီးရုံးခန်း ထောင်ပိုင်ကြီးရှေ့မှာ တွေ့ကြရတဲ့ အကြိမ်ဟာ မှတ်မှတ်ရရ ရှိလှတယ်။ အဲဒီနေ့က စကားစမြည် ပြောကြရင်း အမေက သူ့ခန္ဓာကိုယ်လေး သေးသေး လေးနဲ့ ထောင်ပိုင်ကြီး မမြင်အောင်ကွယ်ပြီး ပခုံးမှာ လွယ်ထားတဲ့ အိတ်ထဲကနေ စာအုပ်တအုပ် ကျွန်တော် မြင်သာအောင် အသာထုတ်ပြတယ်။ ကျွန်တော်နဲ့ အမေတို့ ထိုင်နေကြတာ ကိုးပေ ဆယ်ပေလောက်ပဲ ဝေးမှာပေါ့။
အခုလို အမေလုပ်ကိုင်နေတာကို ကြည့်ပြီး အစ်မကြီးနဲ့ ၀င်းဝင်းတို့က စိုးရိမ်ပူပန်ပြီး မျက်စိမျက်နှာ မကောင်းကြဘူး။
အမေကတော့ အဲ့ဒီအချိန်မှာ သူ့သားလက်ကျန်လေးကလွဲလို့ ဘယ်သူမှ အလေးမမူ၊ အမှုမထားတာ ဖြစ်နိုင်သလို၊ ကျွန်တော်ခံစားနေရတာတွေ အားလုံး ထပ်တူထပ်မျှ ခံစားနားလည်နိုင်ဆုံးပုဂ္ဂိုလ်ဟာ ဒီအခန်းထဲမှာ အမေတယောက်တည်းပဲ ဖြစ်လိမ့်မယ်။
စာပေဆိုင်ရာ စာအုပ်တအုပ်ပါလား။
စာအုပ်ကို မြင်လိုက်တာနဲ့ တပြိုင်နက် ကျွန်တော့်မျက်နှာမှာ အံ့သြမှုတွေနဲ့အတူ ၀မ်းသာမှု ပုံရိပ်တွေ လွှမ်းသွားမယ်ထင်ရဲ့။ မိုင်ပေါင်းရာချီပြီး ဝေးတဲ့ အမေ့အိမ်ကို ချက်ချင်း ပြန်ရောက်သွားသလိုပဲ။
ပေါက်ပြားတွေ ဂေါ်ပြားတွေကိုင်တဲ့ နှစ်ကိုးကိုးနှစ်စီ ငြိမ်းချမ်းမဟုတ်တော့ဘဲ ကလောင်ကိုင်တဲ့ ညီပုလေး တမဟုတ်ချင်း ပြန်ဖြစ်သွားတယ်။ မိခင်တယောက်ရဲ့ မေတ္တာစွမ်းအားဟာ လူတယောက်ကို အပြောင်းလဲကြီး ပြောင်းလဲစေပါကလား။
ဟို အရင်တခေါက် ဇနီးသည် ၀င်းဝင်းလာတုန်းက ကျွန်တော်ရေးခဲ့တဲ့ 'စပါးကြီးမြွေ' ဆိုတဲ့ ၀တ္ထုတပုဒ်ကို ဆရာမကြီး ဒေါ်ခင်ခင်ချောရဲ့ တပည့်မတယောက် အင်္ဂလိပ်ဘာသာကို ပြန်ဆိုတယ်လို့ ပြောသွားတာကို ပြန်အမှတ်ရမိတယ်။
အနုပညာစိတ်ပိုင်းဆိုင်ရာမှာ အားအင်ကုန်ခမ်းနွမ်းချည့်ပြီး ကိုယ့်ကိုကိုယ် စာရေးသူတယောက်လို့ မေ့မျောနေသူတယောက်ကို အမေက အသက်ပြန်ရှင်လာအောင် ပြုစုလိုက်တာလေလား။

xxxx xxxxx

နှစ်တွေ ကြာခဲ့ပေါ့.......။
အိမ်ပြန်ရောက်လို့ စာရေးစာပွဲ ထိုင်လိုက်တိုင်း ဒီအဖြစ်အပျက်နဲ့အတူ အမေ့ကျေးဇူးကို အောက်မေ့သတိရမိတယ်။
အမေကွယ်လွန်သွားခဲ့ပြီ.... ဒါပေမယ့် သတိရနေဆဲပါ။
အမေ့ကျေးဇူးတွေ အများကြီးထဲက ကျေးဇူးတခုကို မှတ်တမ်းပြုတာမျှသာ ဖြစ်ပါတယ်။

ညီပုလေး။
[ပိတောက်ပွင့်သစ်မဂ္ဂဇင်း၊ အမှတ် ၂၈၊ နိုဝင်ဘာ၊ ၂၀၀၉ မှ ကူးယူဖော်ပြပါတယ်။]


Friday, December 11, 2009

အမျိုးသားနိုင်ငံရေးသမားဘ၀ ဦးလှ (ဒုတိယပိုင်း)
ရေးသူ- ညွန့်အောင် (ရေစကြို)

(၄)
ဖဆပလ အထက်မြန်မာပြည်အဖွဲ့ချုပ် ဖွဲ့စည်းအောင်မြင်ပြီးရုံနဲ့ ဦးလှတို့ ကျွန်တော်တို့ တာဝန်က မပြီးသေးပါဘူး။ မြို့ရွာဒေသအားလုံး တောကြိုအုံကြား လှည်းနေလှေအောင်း မြင်းဇောင်းမကျန် ဖဆပလ အလံတော်အောက်မှာ တညီတညွတ်တည်း ဖွဲ့ဖွဲ့စည်းစည်းရှိနေအောင် နေရာအနှံ့ လှည့်လည်စည်းရုံးဖို့ လုပ်ငန်းတာဝန်တွေ ရှိနေပါသေးတယ်။ ဒီတာဝန်ကို အကောင်အထည်ဖော်ဖို့ ဦးလှနဲ့တကွ လူကြီးတွေရော ကျွန်တော်တို့ လူငယ်တွေပါ နေ့မနား ညမနား အလုပ်လုပ်ခဲ့ကြရတယ်။



ဒီတုန်းက အလုပ်လုပ်ခဲ့ကြပုံများကို စဉ်းစားရင်းနဲ့ ကျွန်တော်ရဲ့ လူငယ်ပီပီ စိတ်လှုပ်ရှားလွယ်ပုံနဲ့ ဦးလှရဲ့ သည်းခံတတ်ပြီး ဘယ်ကိစ္စမဆို ထစ်ခနဲရှိ သူတပါးအပြစ်ကိုသာ မမြင်တတ်ဘဲ ကိုယ့်ချို့ယွင်းချက် အားနည်းချက်ကို မြင်တတ် သိတတ်ပုံ အဖြစ်ကလေးကို သတိရမိတယ်။ အဲဒါက စစ်ကြီးမပြီးခင် မန္တလေးမြို့မှာ ပထမဆုံး ကပြခဲ့တဲ့ ရွှေမန်းသဘင်ပွဲ ပထမညမှာ ဖြစ်ပျက်ခဲ့တဲ့ အဖြစ်အပျက်ကလေးပါ။ အဲဒီအကြောင်း မိုးဂျာနယ် ၉၇ ခုနှစ် ဖေဖော်ဝါရီလထုတ်မှာ ကျွန်တော် ရေးခဲ့ဖူးပါတယ်။ ဖြစ်ပုံက ရွှေမန်းရဲ့ အော်ပရာကကွက် နောက်ဆုံးစခန်းသိမ်းမှာ မင်းသမီးလေးတွေကို ဖျတ်ခနဲဆို ယူနီယံဂျက်အလံ (အင်္ဂလိပ်နိုင်ငံတော်အလံ) လေးတွေကျလာပြီး ဖုံးသွားတဲ့ ပြကကွက်နဲ့ စခန်းသိမ်းခဲ့တဲ့ အဖြစ်ပါ။ ကျွန်တော်ကတော့ ယူနီယံဂျက်အလံတွေ မြင်လိုက်ရတာနဲ့ ရှူးကနဲ ဒေါသထွက် စိတ်လှုပ်ရှားသွားပြီး အော်ကျယ်ဟစ်တီး ပါးစပ်က ရေတော့ ရွတ်တော့တာပါဘဲ။ ကျွန်တော်ရဲ့ ရုပ်ပျက်ဆင်းပျက် ဖြစ်နေတဲ့ အပြုအမူကို ဦးလှက အိနြေ္ဒမပျက် "ကျနော်နဲ့ ကိုညွန့်အောင်တို့က မနက်အစောကြီး လုပ်စရာရှိနေလို့ နှစ်ပါးသွားတဲ့အထိ မကြည့်နိုင်တော့ဘူး။ ပြန်ပါဦးမယ်" လို့ ကျန်တဲ့ အမှုဆောင် လူကြီးများကို နှုတ်ဆက်ရင်း ကျွန်တော်ကို ပွဲကြည့်စင်ကနေ အပြင်ဘက်ကို ပ ထုတ်လာခဲ့တယ်။ အပြန်လမ်း မြင်းလှည်းပေါ်ရောက်တော့မှ "ကိုညွန့်အောင်ရေ ကျွန်တော်တို့ အများကြီး လိုသေးတာပဲ။ တကယ်ဆို ပွဲမပြခင်ကတည်းက ကိုတင်မောင် (ရွှေမန်း)- ကျွန်တော်တို့ ဖဆပလအဖွဲ့ကို ကြိုပြီး ဖိတ်ထားခဲ့တာပဲ။ ကျွန်တော်တို့က ကြိုမြင်ပြီး ရှင်းပြဆွေးနွေးထားသင့်တာပေါ့။ ကိစ္စမရှိပါဘူး။ ကိုတင်မောင်က သဘောကောင်းပါတယ်။ နက်ဖြန် သွားဆွေးနွေးကြတာပေါ့လို့ ပြောပါတယ်။ တကယ်လည်း နောက်တနေ့ သွားဆွေးနွေးကြတော့ ပြေလည်သွားတာပါပဲ" ဦးလှရဲ့ ဒီအကျင့် (အရည်အချင်း) ဟာ အလွန်ကောင်းလို့ အလွန် နမူနာယူသင့်တဲ့ အကျင့်ပါ။ လူတိုင်းမပြောနဲ့ တော်ရုံခေါင်းဆောင်ဆိုတဲ့ လူတွေတောင် ဒီအရည်အချင်းမျိုး မရှိတတ်ပါဘူး။
နောက်တမျိုး ရှိသေးတယ်။ ဦးလှတို့ ကျွန်တော်တို့ ရပ်ကွက်ကျေးရွာတွေအထိ ဖဆပလတွေ ဖွဲ့စည်းရေးနဲ့ အလုပ်ရှုပ်နေချိန်မှာပဲ အလုပ်ရှင် အလုပ်သမား ပဋိပက္ခအသွင်ဆောင်တဲ့ ပြသနာတခု ပေါ်လာတယ်။ ပြသနာက နဂါးဆေးပေါ့လိပ်ရုံ အလုပ်သမားတွေက ပိုင်ရှင်ကို ဆေးလိပ်လိပ်ခ တိုးပေးဖို့ တောင်းဆိုရာက မပြေလည်းဘဲ တင်းမာလာတဲ့ကိစ္စပါ။ ဒေါ်ဦးက ဖဆပလ အဖွဲ့မပေါ်ခင် စပြီးစည်းရုံးကြစဉ် ကတည်းက ဖဆပလကိုရော၊ ကွန်မြူနစ်ပါတီကိုပါ အဘက်ဘက်က ထောက်ခံ အားပေးနေသူ ဖြစ်တယ်။ ပြီးတော့ နဂါးဆေးလိပ်ခုံ အလုပ်သမားသမဂ္ဂ စပြီးဖွဲ့တော့လည်း ပိုင်ရှင် ဒေါ်ဦးကိုတိုင် လိုလိုလားလား အားပေးခွင့်ပြုခဲ့ တာပါ။ ဒီကြားထဲက ပြသနာပေါ်တာဆိုတော့ ဒါဟာ ကွန်မြူနစ်ပါတီက မြှောက်ပေးလို့ ဖြစ်ရတာလို့ စွပ်စွဲပြီး တင်းတင်းမာမာ ဆက်ဆံတော့တာပေါ့။
ဒီကြားထဲ မျက်နှာပူပြီး အနေရခက်တာက ကျွန်တော်ပဲ။ ကျွန်တော်က ဖဆပလမှာ အချိန်ပြည့် တာဝန်ယူနေရတော့ မိုးလင်းတာနဲ့ ၈၄ လမ်းရောက်၊ အချိန်တန်တော့ ဦးလှတို့ တိုက်မှာပဲ ထမင်းစားဆိုတော့ ဒေါ်ဦးတို့နဲ့ နေ့စဉ် မြင်တွေ့နေရတယ်။ အားလုံးသိတဲ့အတိုင်း ဒေါ်ဦးက ဦးလှဇနီး ဒေါ်အမာရဲ့ အစ်မကြီး။ ဒေါ်အမာတို့ မိဘဆွေမျိုး တအုံလုံးက ဖဆပလ အားပေးသူများ ဖြစ်ကြတော့ ၀င်လိုက်ထွက်လိုက် ခင်မင်နေကြ တာကိုး။ ခါတိုင်းလို နှုတ်ဆက်ရအခက်၊ မျက်နှာလွှဲရမှာ အခက်နဲ့ပေါ့။ ဒီတော့ ဒီကိစ္စ ကျွန်တော့်ရင်ထဲ ဘ၀င်မကျနိုင်ဘဲ ဦးလှရှေ့မှာ တညည်းညည်းတညူညူ လုပ်နေတော့ အစက ဘာတခွန်းမှ မပြောခဲ့ပေမယ့် အဲဒီနေ့ကတော့ "အင်း ကိုညွန့်အောင်လည်း ဒီကိစ္စ သခွပ်ပင်က မီးတကျည်ကျည် ဆိုတာလို ဖြစ်နေပြီ ထင်တယ်" လို့ ခပ်ညည်းညည်းလေး မှတ်ချက်ပြုလိုက်ပါတယ်။ အဓိပ္ပါယ်က အလွန်အရေးကြီးတဲ့ ကိစ္စအတွက် ကြံစည်စိတ်ကူး ပြောဆိုနေတုန်းမှာ ဘာမဟုတ်တဲ့ သာမန်ကိစ္စကလေးနဲ့ ဘေးကလာပြီး ပူညံပူညံ အနှောင့်အယှက် လာမပေးပါနဲ့ ဆိုတဲ့ သဘောပဲ။ အဲဒီမှာ ဇဝေဇ၀ါနဲ့ မရှင်းမရှင်း ဖြစ်နေတဲ့ ကျွန်တော်ခေါင်းထဲ ဥာဏ်အလင်းရောင်လေးပွင့်ပြီး အမြင်မှန် ၀င်လာခဲ့တယ်။ ဘုံရန်သူ နယ်ချဲ့သမားကို ရင်ဆိုင်ဖို့ တမျိုးသားလုံး ညီညွတ်အောင် လုံးပန်းနေရတဲ့အချိန်မျိုးမှာ ဘာမှ အရေးမကြီးတဲ့ အချင်ချင်း ကိစ္စကလေးအတွက်ကြောင့် အမျိုးသားညီညွတ်ရေးကို အနှောင့်အယှက်မလုပ်နဲ့ ဆိုတဲ့ သဘောပဲ။ နောက်ဆုံးမှာ အလုပ်ရှင် အလုပ်သမား ပဋိပက္ခကိစ္စကို နှစ်ဖက်စလုံး ကျေနပ်အောင် အနူးအညွတ် စေ့စပ်ဆွေးနွေးလိုက်တော့ အားလုံး ပြေလည် ပြီးပြတ်သွားတာပါပဲ။
ဒီကိစ္စမှာလည်း ဦးလှရဲ့ အမျိုးသားရေး ဦးတည်ချက်ကို သတိမချွတ်အောင် ထိန်းနိုင် ထိန်းတတ်တဲ့ အရည်အချင်းပဲ။ အလွန်လေးစားထိုက်ပါတယ်။ နောက်တခုက သူတပါးအပေါ် ငါသိ ငါတတ် ဆရာမလုပ်တတ်တဲ့ အကျင့်ဖြစ်တယ်။ ပညာရှိများလို တီးမှ မြည်တယ်။ မတီးဘဲ မမြည်ဘူး။ မြည်တယ်ဆိုတာတောင် ငါမြည်လိုက်တဲ့ အသံက တဘက်မှာ အကျိုးသက်ရောက်မလား ဆိုးကျိုးသက်ရောက်မလားဆိုတာ ချင့်ချိန်ပြီးမှ မြည်တယ်။ တီးတိုင်း မြည်လေ့မရှိဘူး။ ယခု နဂါးဆေးလိပ်ခုံ ပြသနာမှာလည်း စကတည်းက သိပေမယ့် ကျွန်တော်တို့ကို ဆရာမလုပ်ဘူး။ ဒီလို မဖြစ်သင့်ဘူး၊ ဒီလိုဖြစ်သင့်တယ်၊ အကြံလည်း မပေးဘူး။ ပေးပြန်ရင်လည်း မကောင်းတဲ့ အကြောင်းက ရှိနေတယ်။ အလုပ်ရှင် နဂါးဒေါ်ဦးဆိုတာ ဦးလှရဲ့ဇနီး ဒေါ်အမာရဲ့ အစ်မအရင်းဆိုတော့ သူ့မရီး ဖြစ်နေတာကိုး။ သူပြောလိုက်လို့ မတော် သူ့မရီးဘက်က ၀င်စွက်တယ်ဆိုတာမျိုး အမြင်လွဲလိုက်ရင် အကျိုးမဖြစ်ဘဲ အပြစ်ဖြစ်မှာလည်း သတိရှိပုံရတယ်။ ပြောပြန်တော့လည်း စကားပုံလေးနဲ့ သိမ်သိမ်မွေ့မွေ့ပဲ ထိရောက်အောင် ပြောတတ်တယ်။
အမျိုးသားရေးဦးတည်ချက်ကို မမေ့ဘူး။ မျက်ခြည်ပြတ် မခံဘူးဆိုလို့ အမျိုးသားညီညွတ်ရေးကို အားဖြစ်စေမယ့် အကြောင်းအချက်မှန်သမျှ မလွတ်တမ်း အသုံးချတတ်ပုံကိုလည်း ကျွန်တော် သတိရမိသေး တယ်။ အဲဒါက မန္တလေးနန်းတွင်းမှာ စခန်းချထားတဲ့ ဗြိတိသျှစစ်တပ် (၁၃၆) တပ်ဖွဲ့က တပ်ကြပ်ကြီး ( A.Mackenzee) အေ- မက္ကင်ဇီ ဆိုသူတယောက် ကျွန်တော်တို့ ကွန်မြူနစ်ပါတီရဲ့ ဘုံရိပ်သာအဖြစ် ခိုလှုံနေတဲ့ မဟာဝေယံဘုံသာကျောင်းတိုက်ကို ရောက်လာတယ်။ သူဟာ ဗြိတိသျှကွန်မြူနစ်ပါတီက ပါတီဝင်တဦး ဖြစ်ကြောင်း၊ ယခု တပါတ်အတွင်းမှာ စစ်တပ်က သူအားရက်ရကြောင်း၊ သူ့အားလပ်ရက်များမှာ ဒီက မြန်မာကွန်မြူနစ်ပါတီဝင်များနဲ့ တွေ့ဆုံပြီး သဘောတရားရေးရာများ ဆွေးနွေးလိုကြောင်း ပြောလာပါတယ်။ ကျွန်တော်တို့က သဘောတူလို့ နောက်နေ့နံနက်ကစပြီး နေ့စဉ် နံနက် ၇ နာရီကစပြီး နံနက်စာစားချိန်ထိ ဆွေးနွေးတယ်။ နံနက်စာကို ကျွန်တော်တို့နဲ့ အတူစားတယ်။ စားပြီး ပြန်တယ်။ အမှန်က ဆွေးနွေးတယ် ဆိုတာထက် သင်တန်းပေးတဲ့ သဘောလိုပါပဲ။ ဆွေးနွေးတဲ့ အကြောင်းအရာက 'အရင်းရှင်စနစ်၏ အမြင့်ဆုံးအဆင့် နယ်ချဲ့စနစ် ( Imperialism the Highest Stage of Capitalism)' ဆိုတဲ့ လီနင်ရေးတဲ့ စာအုပ်ကို သူယူလာပြီး အသေးစိတ်တော့မဟုတ်ပါဘူး၊ အခန်းအလိုက် အကျဉ်းရုံးပြီး သူက ရှင်းပြတာပါ။ ဒါကို တက်ရောက်တဲ့ ရဲဘော်၊ ရဲဘော်မတွေ (၁၀ ယောက်လောက်) က အင်္ဂလိပ်လို မတတ်တော့ ကိုဌေး (ဗကပ နိုင်ငံရေး ဦးဆောင်အဖွဲ့ဝင် ရဲဘော်ဌေး၊ တောတွင်းသေဆုံး) နဲ့ ကျွန်တော်က တလှည့်စီ စကားပြန် လုပ်ကြရပါတယ်။
ဒီဆွေးနွေးပွဲကြောင့် တပတ်လောက် ကျွန်တော် ဖဆပလရုံးကို နံနက်ပိုင်း လာနိုင်မှာ မဟုတ်ကြောင်း ဦးလှကို သွားပြီးပြောတော့ ဒီကိစ္စ သူစိတ်ဝင်စားတယ်။ သူလာပြီး ကြည့်ချင် လေ့လာချင်တယ်လို့ပြောပြီး နောက်နေ့ကျတော့ ၉နာရီလောက်မှာ ဦးလှရောက်လာပြီး ဘေးကနေ ထိုင်နားထောင်ပါတယ်။ ဒီဆွေးနွေးပွဲက ထူးဆန်းတော့ ဝေယံဘုံသာကျောင်းတိုက် ဆရာတော် ဦးကလျာဏ (ရဟန်းပျိုအဖွဲ့ချုပ် ဒုဥက္ကဌ) ကလည်း နေ့တိုင်းလို ဘေးနားမှာ ကြိမ်ကုလားထိုင်ကြီးတလုံးနဲ့ ထိုင်ပြီး ဆွေးနွေးပွဲ ပြီးတဲ့အထိ နားထောင်လေ့ရှိတယ်။ ဆွေးနွေးပွဲသင်တန်းပြီးတော့ ဦးလှနဲ့ ရဲဘော်မက္ကင်းဇီတို့ကို ကျွန်တော်တို့က မိတ်ဆက်ပေးပါတယ်။ သူတို့ နှစ်ယောက်ပြောကြတာ အဓိကအားဖြင့် ရဲဘော်မက္ကင်းဇီ ကွန်မြူနစ်ပါတီဝင် ဖြစ်ခဲ့တာ ဘယ်လောက်ကြာပြီလဲ။ စစ်ထဲဝင်တာ ဘယ်လောက်ကြာပြီလဲကစပြီး အင်္ဂလိပ်လူထုအခြေအနေ၊ ဗြိတိသျှကွန်မြူနစ်ပါတီရဲ့ မြန်မာပြည် ပေါ် သဘောထား စတာတွေပါပဲ။ ရဲဘော်မက္ကင်ဇီကလည်း အင်္ဂလန်အပါအ၀င် ဥရောပမှာ ပြည်သူတွေ နိုင်ငံရေးနိုးကြားလာပုံ၊ ဖောက်ပြန်ရေးသမားတွေ တဖြေးဖြေးသြဇာကျဆင်းလာမယ့် လက္ခဏာနဲ့ ဗြိတိသျှပါတီ ကတော့ ကိုလိုနီများကို လက်လွှတ်လော့။ မြန်မာပြည်ကို လက်လွှတ်လော့ဆိုတဲ့ သဘောထားဖြစ်ကြောင်း ပြောကြတယ်။
အဲဒီဆွေးနွေးပွဲကို လာကြည့်ပြီးတဲ့နောက်ပိုင်း ဦးလှအတွက် လူထုစစ်သဘောတရားနဲ့ လုံးဝ လွတ်လပ်ရေးအတွက် အမျိုးသားစည်းရုံးညီညွတ်ရေး တိုးပြီး ခိုင်မာလာအောင် တည်ဆောက်ရာမှာ လူထုကို ဟောစရာ၊ ပြောစရာ အားတက်ဖွယ်ရာ အချက်အလက်အသစ်တွေက အများကြီး တိုးလာတယ်။ ဖဆပလ အဖွဲ့ချုပ် အမှုဆောင်လူကြီးများကိုလည်း ကျွန်တော်တို့ရဲ့ လုံးဝလွတ်လပ်ရေးတိုက်ပွဲမှာ မိမိတို့ချည်းမဟုတ်ဘဲ ကမ္ဘာ့လူထုကြီးရဲ့ နိုးကြားတက်ကြွတဲ့ အထောက်အကူကို ရရှိမှာဖြစ်ကြောင်း အထူးသဖြင့် အင်္ဂလန် အင်္ဂလိပ် လူထုကြီးအတွင်းမှာပင် ကိုလိုနီစနစ် ဆန့်ကျင်တဲ့ အသိတွေ ပိုမိုကျယ်ပြန့်လာနေပြီး အင်္ဂလိပ်ကိုလိုနီဝါဒီ ဖောက်ပြန်ရေးသမားတွေ သြဇာကျဆင်းနေပြီဖြစ်ကြောင်း အားပါးတရ ရှင်းပြတဲ့အပြင် ရပ်ကွက်လူထု တရားပွဲ တွေမှာလည်း ပိုပြီး စုံစုံလင်လင် အားတက်သရော ရှင်းလင်းဟောပြောလေ့ရှိပါတယ်။
ဦးလှရဲ့ အဲဒီဟောပြောချက်တွေ မှန်ကန်ကြောင်း ခိုင်မာစေတဲ့ လက်တွေ့သာဓကအဖြစ် အင်္ဂလန်နိုင်ငံ အထွေထွေရွေးကောက်ပွဲမှာ ဖောက်ပြန်တဲ့ ကိုလိုနီဝါဒသမား မစ္စတာချာချီ ခေါင်းဆောင်တဲ့ ကွန်ဆာဗေးတစ်ပါတီ ရှုံးနိမ့်သွားပြီး မစ္စတာကလီမင့်အက်တလီ ခေါင်းဆောင်တဲ့ အလုပ်သမားပါတီ (လေဘာပါတီ) က အနိုင်ရရှိသွား ပြီ ဆိုတဲ့ သတင်းပါပဲ။ အမှုဆောင်လူကြီးတွေရော လူထုအတွင်းမှာပါ လေဘာပါတီ အနိုင်ရလို့ အင်္ဂလန်မှာ အလုပ်သမားအစိုးရ တက်လာပြီဆိုတဲ့ သတင်းဟာ ဧရာမ ၀မ်းသာစရာ သတင်းကောင်းတခု ဖြစ်ပါတယ်။ ဒါပေမယ့် လူထုကြီးရဲ့ ညီညွတ်မှုအင်အားကို မလျှော့ဖို့အပြင် တိုးပြီး စည်းလုံးညီညွတ်ဖို့၊ ဖဆပလအဖွဲ့ကြီးရဲ့ ခေါင်းဆောင်မှုနောက်မှာ သတိလျင်လျင်နဲ့ တက်တက်ကြွကြွ ရှိနေကြဖို့ ရှေးကထက် ပိုပြီး လိုအပ်ကြောင်း၊ အင်္ဂလန် အလုပ်သမားအစိုးရ တက်လာတာဟာ မြန်မာ့ လုံးဝလွတ်လပ်ရေးအတွက် အထောက်အပံ့ အလားအလာကောင်း တိုးလာခြင်းသာ ဖြစ်ကြောင်းကိုလည်း ဖိပြီး ဟောကြ ပြောကြရပါသေးတယ်။ ဒီစဉ်တုန်းက မန္တလေးမြို့ပေါ်နဲ့ အနီးနားတ၀ိုက်မှာ တနေရာမဟုတ် တနေရာမှာ ညစဉ် ဖဆပလတရားပွဲတွေ ခြိမ့်ခြိမ့်သဲနေခဲ့ တာကို အမှတ်ရမိပါသေးတယ်။
တရားပွဲတွေလို့ ဆိုလိုက်ပြန်တော့ အဲဒီတရားပွဲတွေကို အကြောင်းပြုပြီး ဦးလှကို ဂုဏ်ပြုမှတ်တမ်း တင်ချင်တဲ့ အရေးကြီးတဲ့ အချက်တခု ခေါင်းထဲ ပေါ်လာခဲ့ပြန်ပါတယ်။
အားလုံးသိကြတဲ့အတိုင်း အဲဒီခေတ်တုန်းက တရားပွဲတွေဆိုတာ အသံချဲ့စက် မသုံးနိုင်ကြသေးတော့ ဇာတ်ပွဲ လူပျက်တွေ (လူရွှင်တော်တွေ) ပြောသလို ကျုပ်မော်တော်ကားက လူမိုက်သလောက်ပြေးတယ်ဗျ ဆိုတဲ့အတိုင်း အားကုန်ကုန်းအော်ပြီး အော်နိုင် ဟစ်နိုင်ကာမှ ပရိသတ် တထောင်နှစ်ထောင်ကို ထိန်းနိုင်တယ်။ ဒါတောင် ပရိသတ်က ငြိမ်ပါဦးမှ။ ဦးလှက ကျွန်တော်တို့လို လက်သီးလက်မောင်းတန်းပြီး အသားကုန် အော်ဟစ် ဟောပြောတတ်တဲ့ အလေ့မရှိဘူး။ ပုံတိုပတ်စလေးတွေ တမျိုးမဟုတ် တမျိုးပြောပြီး ခပ်ရွှင်ရွှင် ခပ်အေးအေးပဲ ဟောတတ်တယ်။ ဒီတော့ ကျွန်တော်တို့တတွေ တရားပွဲတပွဲပြီးလို့ အိမ်ပြန်ရောက်ရင် လူကို ပက်လက်လန်အောင် နုန်းနေတတ်တယ်။ ဒါတွေကို ကြည့်ပြီး ဟိုး စောစောပိုင်းကတည်းက ကိုညွန့်အောင်ရေ အခုနေမှာ သတင်းစာဂျာနယ်ရှိဖို့ သိပ်လိုတယ်ဗျ။ နှုတ်တရာ စာတလုံးဆိုသလို သတင်းစာဂျာနယ်က ချောင်ကြိုချောင်ကြားထိ ရောက်နိုင်တယ် စသဖြင့် မကြာခဏ တတွတ်တွတ် ပြောတတ်တယ်။
တနေ့မှာ တနေ့ဆိုတာ မှတ်မှတ်ရရ အိန္ဒိယက ဖဆပလဖွင့်ပွဲအမီ ရောက်လာကြတဲ့ ကိုကျော်ရင် (ပါမောက္ခချုပ် ကွယ်လွန်) တို့ ကိုလှသောင်းတို့ လေထီးအဖွဲ့ အောက်မြန်မာပြည်ဘက် ခရီးမဆက်ခင် တညနေပိုင်းမှာ ဖြစ်ပါတယ်။ ကျွန်တော်တို့ ကိုကျော်ရင်တို့ ဦးလှတိုက်ရောက်တဲ့အခါ ကဆုန် နယုန် နွေရာသီမို့ တိုက်ရှေ့လမ်းဘေးမှာပဲ တန်းလျားတွေ စပွဲတွေနဲ့ ထိုင်ကြရတယ်။ အဲဒီမှာ ဦးလှက သူ သတင်းစာထုတ်ဖို့ စိုင်းပြင်းနေကြောင်း၊ စက္ကူ ပုံနှိပ်မင် အခြေအနေကြည့်ပြီး ပထမ ဂျာနယ်စ ထုတ်မယ်။ စက္ကူနဲ့မင် စိတ်ချရရင် သတင်းစာ တိုးထုတ်မယ်။ ဂျာနယ်နာမည် ဘယ်လိုပေးရမလဲ။ The People တလုံးတည်း 'လူထု' ဆိုပြီး ပေးရင်ကောင်းမလားလို့ သူ စိတ်ကူးမိကြောင်း အဲဒါ ထိုင်ပြီး အကြံပေးကြပါဦးလို့ ပြောလာပါတယ်။
အဲဒီမှာ ကျွန်တော်တို့ ၀ိုင်းပြီး လူထုအသံ၊ လူထုအောင်လံ၊ လူထုလမ်းညွှန် စသဖြင့် ကောင်းနိုးရာရာ တွဲပြီး ရေရွတ်ကြည့်ကြပါသေးတယ်။ နောက်ဆုံးမှာ လူထု ဆိုတဲ့စကားတလုံးတည်းက အကောင်းဆုံးပဲ။ ဖတ်၇တဲ့လူထုက ကြိုက်သလို ဖြည့်ပြီး အဓိပ္ပါယ်ဖော်နိုင်တယ်။ ပြီးတော့ 'ထု' ဆိုတဲ့ စကားလုံးက ထုထည်ကြီးမားမှု၊ ခိုင်မာမှု၊ ကြီးမားမှုကို ဖော်ပြရာရောက်တယ်ဆိုပြီး လူထုဆိုတာပဲ အားလုံးသဘောကြိုက် ညီကြပါတယ်။ ( People ဆိုတာကို ခုခေတ်မှာလို ပြည်သူလို့ မသုံးကြပါဘူး။ တရားပွဲတွေမှာလည်း ယခုလို လုပ်သားပြည်သူများခင်ဗျာ၊ မိဘပြည်သူများခင်ဗျာလို့ သုံးလေ့မရှိပါဘူး။ လူထုကြီးခင်ဗျာ၊ လူထုကြီးက ဆုံးဖြတ်ပေးကြပါခင်ဗျာ စသဖြင့် အာလုတ်သံပြုပြီး ပြောကြ ဟောကြပါတယ်။) အဲဒီတုန်းက စကားဝိုင်းမှာ ရယ်စရာ အဖြစ်ကလေးကိုတောင် မှတ်မိနေပါသေးတယ်။ ကျွန်တော်က လူထုစကားလုံးကို နှစ်သက်ပြီး တက်ကြွထက်သန်တဲ့ သဘောနဲ့ 'ထု' ဆိုတာကို ထဆင်ထူးနဲ့ မထုချင်ဘူး။ ဒဒွေးနဲ့ 'ဒု' လိုက်ရင် ပိုကောင်းမယ်လို့ ပြောလိုက်တော့ အားလုံးက ၀ိုင်းပြီး ကြံကြံဖန်ဖန် ကိုညွန့်အောင်ရာ ရေးတော့အမှန် ဖတ်တော့အသံတဲ့။ ထဆင်ထူးကို ဘယ်လိုဖတ်ဖတ် 'ဒု' ဆိုတဲ့ အသံပဲ ထွက်တာပါဆိုပြီး ရယ်ကြ ပျော်ကြရပါသေးတယ်။ မကြာပါဘူး။ လူထုဂျာနယ် စပြီးထွက်ပါတယ်။ ကျွန်တော်တို့တောင် လိုအပ်ချက်ကိုလည်းသိ၊ အားလည်းကျလို့ ကိုအောင်သူ (တိုင်းပို့ဆက်မန်နေဂျာ- ငြိမ်း) နဲ့ ကျွန်တော် အယ်ဒီတာလုပ်ပြီး ကြယ်နီဂျာနယ် ထုတ်ခဲ့ကြသေးတယ်။ အဲဒီတုန်းက စာနယ်ဇင်းတစောင် ရပ်တည်စွဲမြဲသွားနိုင်ဖို့ဆိုတာ မလွယ်ပါဘူး။ အစစ ရှားပါးတဲ့ခေတ်မို့ ဂျာနယ်တစောင် ပုံနှိပ်ပြီးဖြစ်အောင်လုပ်ရတာ မလွယ်သလို လမ်းပန်းဆက်သွယ်ရေး ခက်ခဲလို့ဖြန့်ချိရတာလည်း မလွယ်ဘူး။ တပတ်ထုတ်တဲ့ ဂျာနယ်ဖိုး နှစ်ပတ် သုံးပတ်နဲ့ အရင်းပြန်ရပြီး လည်ပတ်နိုင်ဖို့ ခက်ပါတယ်။ ဒါကြောင့် ကျွန်တော်တို့ ကြယ်နီဟာ တစောင်တည်းသာ ထုတ်နိုင်ပြီး ရပ်သွားခဲ့တယ်။ ဒါပေမယ့် ဦးလှရဲ့ လူထုဂျာနယ်က ရပ်မသွားတဲ့အပြင် သတင်းစာအဆင့်ထိတောင် တိုးမြှင့်ထုတ်ဝေနိုင်ခဲ့တယ်။ ဒီအချိန် ဒီကာလတွေမှာ ဦးလှနဲ့ ကျွန်တော်ဆိုတာ စားအတူ သွားအတူ တတွဲတွဲ လုပ်ခဲ့ကြတာ နေထွက်နေ၀င်လို့ ပြောရုံနဲ့တင် မလုံလောက်ဘူး။ နေ့ရောညပါလို့ ပြောမှ စကားက နီးစပ်မှာပါ။ ဦးလှဟာ စိတ်ရောကိုယ်ပါ စုံလုံးနှစ်ပြီး လုပ်ခဲ့တာ ကျွန်တော်အသိဆုံးပဲ။ Full devotion ပဲ။ လူထုဂျာနယ်၊ လူထုသတင်းစာ ထုတ်ရတာကိုက ဖဆပလရဲ့ အလုပ်ဖြစ်နေတယ်။ အမျိုးရေးလိုအပ်ချက်ကို ဖြည့်ဆည်းဖို့ ကြိုးပမ်းတာပဲ ဖြစ်နေတယ်။
ဒါတွေကို တွေးမိပြီး ဦးလှကို သူ ထုတ်ဝေသည့် လူထုသတင်းစာကို အစွဲပြုပြီး လူထုဦးလှဟု အများက သိကြသည်ဆိုတဲ့ အပြောအဆို အရေးအသားမျိုးတွေနဲ့ ကျွန်တော့်စိတ်ထဲမှာ သိပ်ပြီးဘ၀င်မကျခဲ့လှဘူး။ ပေါ့ဟာဟာလို ခံစားနေမိတယ်။ တကယ်တော့ သူတို့ပြောကြ ရေးကြတာကို မှားတယ်လို့ မဆိုလိုပါဘူး။ မပြည့်စုံတာပါ။ အမှန်ပြောရင် ဦးလှ ဆိုတဲ့ နာမည်ရဲ့ရှေ့က လူထုဆိုတဲ့ ၀ိသေသနပုဒ်ဟာ အမျိုးသားရေး လိုအပ်ချက်ကို ဖြည့်ဆည်းရာမှာ အရိုးသားဆုံး၊ အနိုးကြားဆုံးနဲ့ အကြိုးစားဆုံး လုံးပန်း အကောင်အထည်ဖော်ခဲ့ လို့ အမျိုးသား လုံးဝလွတ်မြောက်ရေး တိုက်ပွဲကြီးက ထိုက်ထိုက်တန်တန် ဂုဏ်ပြုချီးမြှင့်ခဲ့တဲ့ အမျိုးသားဂုဏ်ထူး ဆောင် ဘွဲ့တံဆိပ်ကြီး ဖြစ်တယ်လို့ ပြောမှ ရေးမှ ပြည့်စုံမှန်ကန်ပြီး လျော်ကန်သင့်မြတ်လိမ့်မယ်လို့ ကျွန်တော် သိမြင်ယုံကြည်နေမိပါတယ်။

(၅)
ဧပြီလကစပြီး လေးငါးလလောက် အမျိုးသားညီညွတ်ရေးအတွက် ကိုယ်ရောစိတ်ပါနှစ်ပြီး မနေမနား ကြိုးစားလုံးပန်းနေကြခိုက်မှာ ၀မ်းမြောက်စရာ အကောင်းဆုံး ကြားလိုက်ရတဲ့ သတင်းကတော့ သြဂုတ်လလယ် လောက်မှာ ဂျပန်က မဟာမိတ်တပ်များ ရှေ့မှောက်မှာ ချွင်းချက်မရှိ လက်နက်ချလိုက်လို့ ဒုတိယကမ္ဘာစစ်ကြီး ပြီးဆုံးသွားပြီ ဆိုတဲ့ သတင်းဖြစ်တယ်။ သုံးနှစ်လုံးလုံး စားမဖြောင့် သွားမဖြောင့် အိပ်မဖြောင့် နေမဖြောင့် ကျီးလန့်စာစား နေကြရတဲ့ဘ၀က လွတ်ပေါ့ဟဲ့၊ ကျွတ်ပေါ့ဟဲ့လို့ ခံစားလိုက်ကြရတဲ့အသိဟာ ဘယ့်ကလောက် လွတ်လပ်ပေါ့ပါးပြီး ၀မ်းသာစရာ ကောင်းမယ်ဆိုတာ အကျယ်ပြောစရာတောင် မလိုပါဘူး။ တချိန်တည်းမှာ သက်စွန့်ဆံဖျား ပုခုံးပေါ်ထမ်းထားကြရတဲ့ ဖက်ဆစ်ဂျပန်တော်လှန်ရေးကြီးလည်း တပါတည်း အောင်မြင်ပြီးစီး သွားတာမို့ ပျော်စရာတို့ရဲ့ အထွတ်အထိပ်ကို ရောက်သွားခဲ့ကြတာပါပဲ။
ယခုလို ပျော်စရာတွေ့ကြုံခဲ့ပြီးလို့ မကြာခင်မှာပဲ နောက်ထပ်ပျော်စရာ စိတ်အားတက်စရာ ကြုံလာရတာ ကတော့ ကျွန်တော်တို့ မျှော်လင့်မထားပဲ ဗိုလ်ချုပ်အောင်ဆန်း၊ သခင်သန်းထွန်း၊ ဦးကျော်ငြိမ်းနဲ့ ပျော်ဘွယ်ဦးမြတို့ လေးယောက် ဗြုန်းစားကြီး မန္တလေးကို ရောက်လာကြခြင်းပဲ ဖြစ်ပါတယ်။ ဦးလှကတော့ ဗိုလ်ချုပ်တို့ ရောက်တာနဲ့ဟန်ကျတာပဲဗျုိ့၊ မန္တလေးမှာ ဗိုလ်ချုပ်တို့ တရားပွဲတခုလောက် လုပ်လိုက်ရရင် သိပ်ကောင်းမယ်လို့ ပြောပါတယ်။ ဒါပေမယ့် သူမျှော်လင့်သလို တရားပွဲ မလုပ်နိုင်ပါဘူး။ ဗိုလ်ချုပ်တို့က လူသိရှင်ကြား တိုင်းခန်းလှည့်လည်လာတာမျိုး မဟုတ်ပါဘူး။ အဓိကကိစ္စက မန္တလေးမှာရှိတဲ့ ဖဆပလ အမှုဆောင်လူကြီးများနဲ့တွေ့ပြီး အရေးကြီးကိစ္စဆွေးနွေးဖို့နဲ့ သွားရင်းလာရင်းနဲ့ ရန်ကုန်-မန္တလေးလမ်းတလျှောက် ဖဆပလလူထုအခြေအနေကို လေ့လာဖို့ ဖြစ်ပါတယ်။ ဒါကြောင့်လည်း ရန်ကုန်က မန္တလေးကို မော်တော်ကားနဲ့ တမြို့ဝင် တမြို့ထွက် ထွက်လာခဲ့ကြတယ်လို့ ဆိုပါတယ်။ ဗိုလ်ချုပ်တို့ လေးယောက်စလုံး ဆရာကြီး ဦးရာဇတ်တိုက်မှာပဲ တည်းကြတယ်။ နောက်နေ့မနက်ကျတော့ ဆရာကြီးတိုက်မှာပဲ ကျွန်တော်တို့ ဖဆပလ အထက်မြန်မာပြည် အဖွဲ့ချုပ် အမှုဆောင်များအားလုံးနဲ့ တွေ့ကြပါတယ်။ တွေ့ဆုံဆွေးနွေးပွဲ အစအဆုံး ဗိုလ်ချုပ်ကပဲ တာဝန်ယူပြီး ပြောဆိုဆွေးနွေးပါတယ်။
စစချင်း ဗိုလ်ချုပ်က မန္တလေးမြို့နဲ့ အထက်ပိုင်းမြန်မာပြည် ဂျပန်အောက်က လွတ်လပ်ခြင်း၊ အထက်မြန်မာပြည်ကို ကိုယ်စားပြုပြီး ဖဆပလ အထက်မြန်မာနိုင်ငံအဖွဲ့ချုပ်ကို ကျယ်ကျယ်ပြန့်ပြန့် ဖွဲ့စည်း ဖော်ထုတ်နိုင်ခဲ့ကြတဲ့အတွက် အလွန်ဝမ်းသာအားရ ကျေနပ်မိကြောင်း၊ အချိန်ရလျင်ရချင်း ရန်ကုန်မှာ ဖဆပလဗဟိုအဖွဲ့ချုပ်ကို ဖွဲ့စည်းကြရာမှာ ရန်ကုန်မြို့နှင့် အနီးတ၀ိုက်သာ အဆက်အသွယ်ရပြီး ဖွဲ့စည်းခဲ့ကြရတဲ့ အတွက် ဗဟိုဦးစီးအဖွဲ့ဝင် ၃၆ ဦးနဲ့ အမြန်ဖွဲ့စည်းကြေညာခဲ့ရကြောင်း၊ အထက်မြန်မာပြည်က ခေါင်းဆောင်များ ကို မေ့ချန်ထားခဲ့သလိုဖြစ်၍ တောင်းပန်ပါကြောင်း၊ ယခု အထက်မြန်မာပြည် အဖွဲ့ချုပ်အမှုဆောင်များထဲက (၁၀) ဦးကို ဗဟိုဦးစီးအဖွဲ့ဝင်များအဖြစ် တိုးဖြည့်ကြဖို့ ရန်ကုန်အမှုဆောင်များနဲ့ ညှိနှိုင်းဆုံးဖြတ်ပြီး လာခဲ့ကြောင်း၊ ထို့ကြောင့် ယခုဆွေးနွေးပွဲပြီးလျှင် အထက်မြန်မာပြည်အမှုဆောင် အစည်းအဝေးထိုင်ပြီး ဗဟိုဦးစီးအဖွဲ့ဝင် (၁၀) ဦးရွေးချယ်ပြီး မိမိအား နက်ဖြန်နံနက်မှာ စာရင်းပေးကြစေလိုကြောင်း ပြောပါတယ်။
အဲဒီနောက် ဗိုလ်ချုပ်က ဆက်ပြီး ယခု ဖတပလ ဗဟိုအဖွဲ့ချုပ် ပေါ်လာပြီမို့ အထက်မြန်မာပြည်အဖွဲ့ချုပ် ဆိုပြီး ဆက်ရှိမယ်ဆိုရင် အောက်မြန်မာပြည်အဖွဲ့ချုပ်ဆိုပြီး ထပ်ဖွဲ့ရမလိုဖြစ်ကြောင်း၊ အရိုးအစဉ်အတိုင်း ဖဆပလ အဖွဲ့များကို ရပ်ကွက်ကျေးရွာ၊ မြို့နယ်၊ ခရိုင်၊ ဗဟိုဆိုပြီး ဖွဲ့ကြရမှာမို့ ယခုလက်ရှိ အထက်မြန်မာပြည် အဖွဲ့ချုပ်ကို မန္တလေးခရိုင် ဖဆပလအဖွဲ့ချုပ်အဖြစ် ပြောင်းလဲဖွဲ့စည်းဖို့ မေတ္တာရပ်ခံကြောင်း ပြောပါတယ်ဗျ။
အဲဒိနောက် မြန်မာ့မျိုးချစ်တပ်မတော်နဲ့ ပတ်သက်တဲ့ ကန္နီစာချုပ်အကြောင်း၊ အရှေ့တောင်အာရှ မဟာမိတ်တပ်ပေါင်းစု သေနာပတိမောင့်ဘက်တန်နဲ့ ဆွေးနွေးခဲ့တဲ့အကြောင်း၊ မြန်မာပြည်ကို ပြန်လာတော့မယ့် ဘုရင်ခံ ဆာဒေါ်မန်စမစ်နဲ့ အကြိုတွေ့ပြီးဆွေးနွေးခဲ့ပုံများ အကြောင်းတို့ကို ရှင်းလင်းပြောပြပါတယ်။
နောက်ပြီး စစ်ကြီးအတွင်းနဲ့ စစ်ကြီးအပြီး ကမ္ဘာအရပ်ရပ်က တိုင်းပြည်အသီးသီး အထူးသဖြင့် တိုင်းငယ် ပြည်ငယ်တို့ တိုးတက်ပြောင်းလဲလာပုံများ၊ မြန်မာပြည် လုံးဝလွတ်လပ်ရေးကြိုးပမ်းမှု သမိုင်းအဆင့်ဆင့် ပြောင်းလဲလာခဲ့ပုံနဲ့ လက်ရှိမြန်မာပြည်ရဲ့ အခြေအနေများ၊ လုံးဝလွတ်လပ်ရေးအတွက် ရှေးကထက်ပိုမို လမ်းပွင့် ပီပြင်လာပုံများအကြောင်းကို အကျယ်တ၀င့် ရှင်းပြပါတယ်။
နောက်ဆုံးအနေနဲ့ မိမိတို့ရဲ့ လက်ရှိအင်အားနဲ့ တိုင်းပြည်အခြေအနေများအရ ဘုရင်ခံ (ဒေါ်မန်စမစ်) ပြန်ရောက်လာရင် ဖဆပလအဖွဲ့ကို သူ့ရဲ့ ဘုရင်ခံအတိုင်ပင်ခံ အမှုဆောင်ကောင်စီအစိုးရထဲ ၀င်လုပ်ဖို့အတွက် ဖိတ်ခေါ်မှာ သေချာသလောက် ဖြစ်မယ်လို့ ထင်ကြောင်း၊ ဒါပေမယ့် ဘုရင်ခံအစိုးရအဖွဲ့မှာ ဖဆပလအဖွဲ့က ၀င်လုပ်မလုပ်ဆိုတာ အလွန်အရေးကြီးတဲ့ နိုင်ငံရေးကိစ္စဖြစ်လို့ မိမိတို့ အလုပ်အမှုဆောင်အဖွဲ့ တခုတည်း သဘောနဲ့ မဆုံးဖြတ်လိုကြောင်း၊ ဒီအတွက် ဖဆပလဗဟိုဦးစီးအဖွဲ့ အစည်းအဝေးခေါ်ပြီး ကျင်းပဖို့ မိမိတို့ အစီအစဉ်ရှိကြောင်း၊ ဗဟိုဦးစီးအဖွဲ့အစည်းအဝေးကို ယခု မိမိတို့ ရန်ကုန်ပြန်ရောက်ရောက်ချင်း အမြန်ကျင်းပ လိုကြောင်း၊ ဒါကြောင့် ယခု အထက်မြန်မာပြည်အဖွဲ့ချုပ်က ရွေးချယ်ပေးမယ့် ဗဟိုဦးစီးအဖွဲ့ဝင် ၁၀ ဦးကလည်း အဲဒီဗဟိုဦးစီးအဖွဲ့ အစည်းအဝေးကို မဖြစ်မနေ တက်ရောက်ကြစေလိုကြောင်း၊ ဘုရင်ခံအမှုဆောင် အစိုးရအဖွဲ့ထဲ ၀င်လုပ်သင့်- မလုပ်သင့် ဆိုတဲ့ပြသနာကိုလည်း အချင်းချင်း ညှိနှိုင်းဆွေးနွေးခဲ့ကြစေလိုကြောင်း ပြောပြီး ဗိုလ်ချုပ်က သူ့စကားကို နိဂုံးချုပ်ပါတယ်။ ဆွေးနွေးပွဲလဲ ပြီးဆုံးပါတယ်။
ညနေပိုင်းကျတော့ ဖဆပလအဖွဲ့ချုပ်ရုံးမှာ အထက်မြန်မာပြည်အဖွဲ့ချုပ် အမှုဆောင်အစည်းအဝေး ထိုင်ပြီး ဗဟိုဦးစီးအဖွဲ့ဝင် ၁၀ ဦးကို ရွေးပါတယ်။ ရွေးလိုက်တဲ့ ၁၀ ဦးက (၁) ဆရာကြီးဦးရာဇတ်၊ (၂) သခင်ထိပ်တင်ကိုယ်တော်ကြီး၊ (၃) အမရပူရ ဦးဘသီ (၄) မင်းဘူး ဦးမောင်မောင်၊ (၅) ရွှေပြည်ဦးဘတင်၊ (၆) နန္ဒ၀န် ဦးဘတင်၊ (၇) သခင်အေးမောင်လေး (အမ်အေဒေါ်အုန်း ခဲအို)၊ (၈) ဦးလှ၊ (၉) ကျွန်တော်တို့ ဖြစ်ကြပါတယ်။ နောက်တယောက်ကတော့ မမှတ်မိတော့ပါဘူး။ ဒါပေမယ့် ဗဟိုဦးစီးအဖွဲ့ အစည်းအဝေးတက်ဖို့ ရန်ကုန်သွားကြတော့ အဲဒီ ၉ ယောက်ထဲက ၇ ယောက်ပဲ လိုက်နိုင်ပါတယ်။ ဆရာကြီး ရွှေပြည်ဦးဘတင်နဲ့ နန္ဒ၀န် ဦးဘတင်နဲ့ နောက်တယောက်တို့က ကျန်းမာရေးအခြေအနေကြောင့် မလိုက်နိုင်ကြပါဘူး။
မန္တလေးခရိုင် ဖဆပလအဖြစ် အသွင်ပြောင်းတာကတော့ အထူးအထွေ မရှိပါဘူး။ ဆိုင်းဘုတ်ပြင်ရေး တာနဲ့ မူလက အထွေထွေအတွင်းရေးမှူးဆိုတဲ့အစား အတွင်းရေးမှူးလို့ ရိုးရိုးပြောင်းပြီး ခေါ်ဝေါ် သုံးနှုန်းလိုက်ကြ တာပါပဲ။
နောက်တနေ့မှာ ဗိုလ်ချုပ်တို့ကို ဗဟိုဦးစီးအဖွဲ့ဝင်စာရင်း ၁၀ ဦးစာရင်း ပေးအပ်လိုက်ပါတယ်။ ဗိုလ်ချုပ်တို့ လည်း နှစ်ညအိပ်လောက်နေပြီး ရန်ကုန်ပြန်သွားကြပါတယ်။
ဗဟိုဦးစီး အစည်းအဝေးက ဘယ်ရက်ရယ်လို့ သတ်မှတ်ချက်မရှိဘူး။ ဗိုလ်ချုပ်တို့ ရန်ကုန်ပြန်ရောက် ရောက်ချင်း အမြန်ကျင်းပချင်တယ်။ မန္တလေးက ဗဟိုဦးစီးအဖွဲ့ဝင်တွေ ရောက်တာနဲ့ ကျင်းပမယ်ဆိုတော့ ကျွန်တော်တို့လည်း ရန်ကုန်ချက်ချင်းဆင်းဖို့ စီစဉ်ကြတာပေါ့။ သိတဲ့အတိုင်း ဒီအချိန်က မန္တဘေး-ရန်ကုန် တိုက်ရိုက် မီးရထား၊ ကား မသွားနိုင်သေးပါဘူး။ တချို့မြို့တွေမှာ နီးရာတမြို့နဲ့ တမြို့ကြား အသွားအပြန် ပြေးဆွဲကြတာလောက်ပဲ ရှိတယ်။ ဒါကြောင့် ရန်ကုန် ဒါရိုက်ဆင်းနိုင်ဖို့က ကားရှာကြရတာပေါ့။
ထုံးစံအတိုင်း ဦးလှပဲ တာဝန်ခံပြီး ကားရှာတယ်။ နှစ်ရက်လောက်နေတော့ ကားရတယ်။ ဂျပန်တခေတ် လုံး ၀ှက်ထားတဲ့ ကားတဲ့။ ကုန်တင်တဲ့ လောရီကားပါ။ အမိုးမရှိဘူး။ ထိုင်ခုံမပါဘူး။ အင်ဂျင်ကတော့ ကောင်းတယ်လို့ သိရတယ်။ ကားရတော့ ဓါတ်ဆီရှာရပြန်တယ်။ ဓါတ်ဆီအလုံအလောက် မရဘူး။ ဒါပေမယ့် ကိစ္စမရှိ ရောက်ရာမြို့မှာ ရအောင်ရှာသွားမယ်လို့ ဦးလှက ပြောပါတယ်။ ဒီလိုနဲ့ လော်ရီကားကို ယာယီအမိုးကိုင်းတွေလုပ်၊ တာလပတ်နဲ့ ဖျာနဲ့စပ်ပြီးမိုး၊ ထိုင်ခုံမပါတော့ ကြမ်းပြင်မှာ အောက်က ဖျာကြမ်းခင်း၊ အပေါ်က သင်ဖျူးထပ်ခင်းပြီး ကြမ်းပေါ်မှာပဲ ထိုင်လိုက်ကြရတယ်။ တော်သလင်းနေမို့ လူကြီးတွေအဖို့တော့ မသက်သာလှဘူး။
အားလုံးသိတဲ့အတိုင်း ကလေးပါ ခိုင်းစရာဆိုသလိုပါပဲ။ ဒီခရီးမှာ ဦးလှနဲ့ ကျွန်တော်တို့က လူကြီးတွေ ဝေယျာဝစ္စကအစ လုပ်ကိုင်ပေးကြရတယ်။ ဦးလှနဲ့ ကျွန်တော်တို့ ဆိုရပေမယ့် ဦးလှရှေ့ဆောင် ကျွန်တော်က နောက်လိုက်ပါ။ ပထမနေ့ ညနေပိုင်းမှာ စထွက်တော့ ပျော်ဘွယ်ဦးမြတိုက် (လူမနေသေး) မှာ တည်းကြတယ်။ ဒိနောက် ပျဉ်းမနား၊ တောင်ငူ၊ ဖြူး၊ ညောင်လေးပင် စသဖြင့် နားလိုက် အိပ်လိုက် လုပ်သွားရတယ်။ ခရီးက ကြမ်းပေမယ့် လူကြီးတွေ မျက်နှာတောင် မညှိုးပါဘူး။ ပျော်လို့ ရွှင်လို့ပါပဲ။
ကျွန်တော်တို့ ရန်ကုန်ရောက်ပြီး နောက်နေ့မှာပဲ ဗဟိုဦးစီအဖွဲ့ အစည်းအဝေး ကျင်းပပါတယ်။ ကိုယ့်မင်း ကိုယ့်ချင်းလမ်း ဖဆပလအဖွဲ့ချုပ် (ယခု ပန်းချီပန်းပုကျောင်း) အဆောက်အဦ အောက်ထပ် လက်ဝဲဘက် (မြောက်ဘက်ခန်း) မှာ ပြုလုပ်ပါတယ်။ အခန်းက ကျဉ်းကျဉ်းမို့ အခန်းနဲ့ လူနဲ့ အပြည့်ပါပဲ။ ဦးစီးအဖွဲ့ဝင်များ အားလုံးက ကုလားထိုင် သုံးလေးတန်းလောက်နဲ့ အခန်းအလျားလိုက် ၀င်ပေါက်နားထိ တန်းစီပြီး ထိုင်ကြတယ်။ အလျားလိုက် မျက်နှာချင်းဆိုင်မှာပဲ ဗိုလ်ချုပ်နဲ့ သခင်သန်းထွန်းတို့က ထိုင်ကြတယ်။
အစည်းအဝေး စပြီဆိုတာနဲ့ ဗိုလ်ချုပ်အောင်ဆန်းထပြီး ဥက္ကဌမိန့်ခွန်း ခေါ်မလား၊ သဘာပတိ မိန့်ခွန်းခေါ်မလား ထပြီး ပြောတာပါပဲ။ အမှန်တော့ ကျွန်တော့်အမြင် မိန့်ခွန်းရယ် မဟုတ်ပါဘူး။ ကမ္ဘာအရပ်ရပ်က အခြေအနေတွေ၊ မြန်မာ့လွတ်လပ်ရေး သမိုင်းစဉ်အဖြစ်အပျက်တွေ၊ ကမ္ဘာရော မြန်မာမှာပါ ကျင့်သုံးကြတဲ့ နည်းဗျူဟာတွေကို အသေးစိတ် အတွေ့အကြုံ အမျိုးမျိုးကို စိတ်ရှည်လက်ရှည် ရှင်းပြပြီး လက်ရှိ မြန်မာ့လွတ်လပ်ရေးတိုက်ပွဲရဲ့ အင်အားအခြေအနေ အရပ်ရပ်ကို သုံးသပ်ပြီး ယခုနေ ဘုရင်ခံက သူ့အစိုးရအဖွဲ့ထဲ ၀င်လုပ်ကြပါလို့ ဖိတ်ခေါ်လာရင် ကျုပ်တို့ ဘာလုပ်ကြမလဲ၊ ဘာလုပ်သင့်ကြသလဲ ဆိုတာကို ဦးစီးအဖွဲ့ဝင်များ စဉ်းစားဆုံးဖြတ်ကြဖို့ တင်ပြသွားတာပါပဲ။ ဗိုလ်ချုပ်ရဲ့ ရှင်းလင်းပြောကြားတဲ့ မိန့်ခွန်းဟာနှစ်နာရီခွဲလောက် ကြာပါတယ်။ ဗိုလ်ချုပ်မိန့်ခွန်းပြောပြီးတော့ အစည်းအဝေး ခေတ္တနားပါတယ်။
အစည်းအဝေး ပြန်စလျှင်စချင်း ဦးသိန်းဖေမြင့်က ပထမဆုံး ထပါတယ်။ နေသူရိန် အစည်းအဝေး ဆုံးဖြတ်ချက်များဖြစ်တဲ့ ယာယီအမျိုးသားအစိုးရ ဖွဲ့စည်းရေး၊ တနှစ်အတွင်း ရွေးကောက်ပွဲ ကျင်းပပေးရေး၊ တိုင်းပြုပြည်ပြုလွှတ်တော် ခေါ်ဆိုရေး စတဲ့ မြန်မာအမျိုးသားတောင်းဆိုချက်များ အကောင်အထည်ဖော်ဖို့ ဖဆပလက ဘုရင်ခံအမှုဆောင် အစိုးရထဲ ၀င်ရောက်လုပ်ကိုင်ခြင်းဖြင့် ပိုပြီး အခွင့်လမ်းသာလာမှာ ဖြစ်ကြောင်းနဲ့ နည်းပရိယာယ် အမျိုးအမျိုးအနက် အတွင်းအပြင် ၀ိုင်းညှပ် ပူးသတ်တဲ့နည်းကို သုံးသင့်ကြောင်း အကြောင်းအကျိုး အချက်အလက်များ တင်ပြပြီး ပြောကြားသွားပါတယ်။
ဦးသိန်းဖေ ပြောပြီး ထိုင်လိုက်တာနဲ့ လူကြီး သုံးလေးယောက်လောက် တယောက်ပြီးတယောက် ကိုသိန်းဖေ ပြောတဲ့အတိုင်း၊ ကိုသိန်းဖေ ပြောတဲ့အတိုင်း ဆိုပြီး ထောက်ခံ ပြောဆိုသွားကြတယ်။ ဘယ်သူတွေ ဆိုတာတော့ မမှတ်မိတော့ပါဘူး။ သူတို့ ပြောဆိုထောက်ခံပြီး နောက်ထပ် ဘယ်သူမှ မထတော့ပါဘူး။ ဘေးချင်းယှဉ် လူချင်းနီးရာ နီးရာသာ ကျိတ်ကျိတ်ကလေး ပြောဆိုနေကြတာ အတော်ကြာသွားပါတယ်။
ဒီအချိန်မှာ ဦးချစ်မောင် (ဂျာနယ်ကျော်) က ထပြီး အခု လူကြီးမင်းများရဲ့ အခြေအနေကို ကြည့်ရတာ အားလုံးသဘောတူကြပြီ (ဘုရင်ခံအစိုးရအဖွဲ့ထဲ ၀င်လုပ်ဖို့) လို့ ထင်ပါတယ် ဆိုပြီး သူ့စကားကို ခဏရပ်ထား လိုက်ပါတယ်။ ဘယ်သူကမှ ဟုတ်တယ် မဟုတ်ဘူး မပြောကြပါဘူး။ ဟုတ်ပါတယ်ဆိုတဲ့ သဘောပါပဲ။ ခဏနေတော့မှ ဦးချစ်မောင်က အားလုံးသဘောတူကြတယ်ဆိုရင် သဘောတူရုံနဲ့ မပြီးပါဘူး။ ဘယ်ရည်ရွယ်ချက် နဲ့ ၀င်တယ်၊ အထဲဝင်သွားတဲ့ လူတွေကို အဖွဲ့ချုပ်က ဘယ်လိုမူတွေနဲ့ ချုပ်ကိုင်ထားရမယ်ဆိုတာ Instruments of instruction ရေးဆွဲထားဖို့ လိုပါလိမ့်မယ်လို့ ပြောတော့ အားလုံးလူကြီးတွေက ထိုင်ရာမထဘဲ ဟုတ်တယ် ဟုတ်တယ် ရေးဖို့ လိုတယ်လို့ ပြောကြတယ်။ ဒီတော့ ဗိုလ်ချုပ်က ဒါကို ရေးဆွဲဖို့ အဖွဲ့လေးဖွဲ့ပေးဖို့ လိုမယ်လို့ ပြောလိုက်တော့ ဦးချစ်မောင်၊ သခင်သန်းထွန်း၊ ဦးကျော်ငြိမ်း၊ ဦးဘချို(ဒီးဒုတ်) စသဖြင့်နာမည်တွေ အများကြီးပြောကြတော့ ဗိုလ်ချုပ်က မတ်တတ်ထပြီး တော်လောက်ပါပြီ။ သိတ်များဖို့ မလိုပါဘူး။ လေးငါးယောက်ဆို လုံလောက်ပါပြီ ပြောပြီး တဆက်တည်းပဲ ဒီကိစ္စကတော့ သိပ်အရေးကြီးတာဆိုတော့ သုံးလေးရက်အတွင်း ရေးပြီးကြစေလိုကြောင်း၊ ရေးပြီးပါက ကျွန်တော်တို့ အလုပ်အမှုဆောင်အဖွဲ့ကို ပေးဖို့နဲ့ ယခု ဗဟိုဦးစီးအဖွဲ့ရဲ့ သဘောထားကို သိရပြီးပြီဆိုတော့ ကိစ္စပေါ်တိုင်း ဦးစီးအဖွဲ့ အစည်းအဝေး ခေါ်နိုင်မှာ မဟုတ်လို့ နောက်ကိစ္စများ ဆက်လက်ဆောင်ရွက်သွားဖို့ကိစ္စတွေကို ကျွန်တော်တို့ အလုပ်အမှုဆောင်အဖွဲ့ကိုပဲ လွှဲအပ် တာဝန်ပေးခဲ့ဖို့ ဗဟိုဦးစီး အဖွဲ့လူကြီးများကို မေတ္တာရပ်ခံကြောင်း ပြောပါတယ်။ အားလုံးက သဘောတူကြလို့ ဗဟိုဦးစီအဖွဲ့ အစည်းအဝေးလဲ ဒီမှာတင် ပြီးဆုံးပါတယ်။

ဒုတိယပိုင်းပြီး။
တတိယပိုင်း ဆက်လက်ဖော်ပြပါမည်။
[မာယာစာဖတ်ပရိသတ်သို့ တောင်းပန်ချက်- 'ဦးညွန့်အောင်ရဲ့ အမျိုးသားနိုင်ငံရေးသမားဘ၀ ဦးလှ' ဆောင်းပါးဟာ အခန်း(၉) ခန်းနဲ့ ရေးသားဖွဲစည်းထားတဲ့ စာမျက်နှာ (၂၀) ရှိတဲ့ ဆောင်းပါးဖြစ်ပါ၍ မာယာအနေဖြင့် ၃ ပိုင်းခွဲပြီး ဖော်ပြမည်ဖြစ်ပါကြောင်း။]
{ကြီးပွါးရေးစာအုပ်တိုက်ထုတ် "နှစ် ၉၀ ပြည့် လူထုဦးလှ"၊ ပထမအကြိမ်၊ ၂၀၀၀ ပြည့် ဇွန်မှ ကူးယူဖော်ပြပါတယ်။ }


Wednesday, December 9, 2009

လေလွင့်သူရဲ့တိမ်
ရေးသူ- ဂျူး

[မာယာမဂ္ဂဇင်း၊ မတ်လ၊ ၁၉၉၈၊ အတွဲ ၃၊ အမှတ် ၁ မှာ ဖော်ပြခဲ့တဲ့ ကဗျာကို အင်တာနက်ပေါ်တင်ခြင်း ဖြစ်ပါတယ်။]


မုန်းတီးမှုများ
နေ့စဉ် စားသုံးရင်း
ခွန်အားသစ်တွေ ဖြစ်ခဲ့ပြီ။



နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းလုပြီ။

လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရား တ,ရင်း စိန်ခေါ်ခဲ့ရပြီ။

ဂုဏ်သိက္ခာတွေ ကြေမွပြီး
စီးထားတဲ့ ဖိနပ်အောက်
အမှန်တရားတွေ မှောက်ကျသွားတဲ့အခါ
ဘ၀ဆိုတာ ကောလဟလပါပဲ။

ရွှေရှာသူများ
ငွေရှာသူများ
နေရာယူသူများ
အားလုံးရဲ့နောက်မှာ
ငါ ......
လေဆာရောင်ခြည်သေနတ်နဲ့
လူသတ်ချင်တယ်။

ဒါပေမယ့်
ဘာတွေမှ တွေးမနေနဲ့
တိမ်တွေရဲ့ ကိစ္စ
ရာသီတွေရဲ့ ကိစ္စ
လောကကို မတောင်းဆိုလိုက်လေနဲ့
ဣနြေ္ဒကြီးတဲ့ ကောင်းကင်လို နေလိုက်ပေါ့။ ။

ဂျူး။

ကျမတော်တော်ညံ့ခဲ့ပါတယ်
ဟောပြောသူ- ဂျူး


ကြွရောက်လာကြတဲ့ ပါမောက္ခများ၊ ဆရာ ဆရာမများ၊ စာပေ၀ါသနာရှင်များ၊ ကျောင်းသူကျောင်းသား များကို အခုလို မျက်နှာချင်းဆိုင်ပြီးတော့ ရင်းနှီးစွာ စကားပြောခွင့်ရတဲ့အတွက် အထူးပဲ ကျေးဇူးတင် ၀မ်းမြောက်တယ်ဆိုတာ ပထမဦးစွာ ပြောကြားလိုပါတယ်။ (သြဘာသံများ)


ဒီကနေ့ည ကျမ ဟောပြောဖို့ ရွေးချယ်ထားတဲ့ခေါင်းစဉ်က 'ကျမ တော်တော်ညံ့ခဲ့ပါတယ်' ဆိုတဲ့ ခေါင်းစဉ် ဖြစ်ပါတယ်။ ဒီခေါင်းစဉ်ကို ကြားလိုက်ရတဲ့အခါမှာ ဒီစာပေဟောပြောပွဲကို တကူးတကန့် လာရောက်နားထောင်လိုတဲ့ ပရိသတ်အနေနဲ့ အံ့သြချင် အံ့သြမိမယ်။ စိတ်ပျက်လက်ပျက် ရီမိချင် ရီမိလိမ့်မယ်။ ဒီစာပေဟောပြောပွဲကို လာပြီးတော့ နားထောင်တာဟာ နင်တို့တွေ၊ ခင်ဗျားတို့တွေဆီက တော်တာတွေများ ကြားရမလား၊ အဲဒီမျှော်လင့်ချက်ကလေးနဲ့ လာပြီးနားထောင်တာ၊ ညံ့တာတွေတော့ ငါတို့ မကြားချင်ဘူး၊ စိတ်ပျက်လက်ပျက် ရီမိချင် ရီမိလိမ့်မယ်။ ကျမကလဲ ကျမ သိတ်တော်တဲ့အကြောင်းကို ပြောပြချင်ပါတယ်။ ဒါပေမယ့် ကံဆိုးချင်တော့ ကျမဟာ ဘ၀မှာ တခါမှ မတော်ခဲ့ဘူးသေးပါဘူး။ (အော်ဟစ်သံများ)

ဒီတော့ ကျမ ပြန်ကြည့်လိုက်တဲ့အခါမှာ ကိုယ့်ကိုယ်ကို ညံ့နေတာပဲတွေ့တော့ ကျမရဲ့ ပရိသတ်ရှေ့မှာ ကျမညံ့တဲ့အကြောင်းကိုပဲ ၀န်ခံတာဟာ ရိုးသားမှု အရှိဆုံး ဖြစ်လိမ့်မယ်လို့ ကျမ တွေးပါတယ်။ အဲ့ဒါကြောင့် အခုလို စင်မြင့်ပေါ် တက်လာပြီး တော့ ကျမညံ့တဲ့အကြောင်းတွေ ပြောရတာ ကျမ အများကြီး ၀မ်းလဲနည်းမိပါတယ်။ (လက်ခုပ်သံများ) ဒါပေမယ့် မတတ်နိုင်ပါဘူး၊ ကျမ ညံ့တဲ့အကြောင်းကတော့ ပြောရမှာပဲ။
ကျမကတော့ ညံ့တဲ့အကြောင်းတခုပဲ ပြောစရာ ရှိလို့ပါ။ ဒီတော့ အဲဒီလို စိတ်ပျက်နေတဲ့သူ၊ ဒေါသထွက် နေတဲ့ သူတွေအတွက် ကျမ အကြံကောင်းလေးတခုတော့ ပေးနိုင်ပါတယ်။ တော်တာတွေကို မြင်ချင် ကြားချင်ရင်တော့ စာပေဟောပြောပွဲကို လာစရာမလိုပါဘူး။ တော်တာတွေကို မြင်ချင်ကြားချင် ဂုဏ်ယူချင်တယ် ဆိုရင် မြန်မာ့ရုပ်မြင်သံကြားကို ကြည့်ကြပါ။ (အော်ဟစ် လက်ခုပ်သံများ) အခုအချိန်က စပြီးတော့ 'ဂျူး' ရဲ့ ညံ့ဖျင်းမှုတွေကို ၀န်ခံပါတော့မယ်ရှင်။

ကျမဟာ အများသိကြတဲ့အတိုင်း ဆရာဝန် စာရေးဆရာ ဖြစ်ပါတယ်။ (အော်ဟစ်သံများ) ကြွားတာ မဟုတ်ပါဘူး။ အဲ့ဒီတော့ ဆရာဝန်အလုပ်လဲ တပြိုင်နက်လုပ်တယ်။ စာရေးတဲ့အလုပ် လဲ တပြိုင်နက်လုပ်တယ် ဆိုတော့ ဘယ်အလုပ်မှာများ ကျမ ညံ့ပါသလဲလို့ မေးခဲ့ရင် ကျမ ဖြေချင်လို့ပါ။ ကျမဟာ အလုပ်နှစ်မျိုးစလုံးမှာ ညံ့ဖျင်းပါတယ်။ အဲ့ဒီတော့ ကျမ ညံ့ခဲ့တဲ့အကြောင်းတွေကို ပြောပြပါမယ်။ ကျမဟာ ငယ်ငယ်ကလေးကတည်းက ညံ့ပါတယ်။ ကျမ ငယ်ငယ်တုန်းက မြန်မာနိုင်ငံအကြောင်း ပထ၀ီဝင်ဘာသာမှာ သင်ရသော်လဲ မြန်မာနိုင်ငံရဲ့ စီးပွါးရေးအမြင် ဘာမှ မရှိခဲ့ပါဘူး။ (လက်ခုပ်သံများ) ကျမ တတိယတန်းအရွယ် လောက်မှာ မြန်မာ့ ပထ၀ီဝင်ဘာာသာကို သင်ရပါတယ်။ အဲ့ဒီမှာ မြန်မာနိုင်ငံရဲ့ သံယံဇာတတွေအကြောင်း စာသင်ရပါတယ်။ မြန်မာနိုင်ငံဟာ သယံဇာတ အလွန်ပေါများကြွယ်ဝတဲ့ နိုင်ငံဖြစ်ပါတယ်။ ဆန်စပါးတွေ ထွက်တယ်။ ကျွန်းသစ်တွေ ထွက်တယ်။ ရေနံတွေလဲ ထွက်ပါတယ်။ ရေနံထွက်တာလဲ ကျမ မျက်မြင်ကိုယ်တွေ့ ပါပဲ။ ကျမက ရေနံချောင်းသူ ဖြစ်ပါတယ်။

ရေနံချောင်းသူဆိုတော့ ကျမတို့ ရေနံမြေကနေ ဖြတ်သွားတဲ့အခါမှာ ရေနံတူးစင်ကြီးနဲ့ ရေနံတူးနေတာ တွေ၊ တူးပြီးသား ရေနံတွင်းတွေကနေ ပိုက်လုံးတွေနဲ့ မောင်းတံတွေနဲ့ စုပ်ယူပြီးတော့ ရေနံလှောင်ကန်ထဲ ထည့်နေတာတွေ ကျမ မျက်မြင်ကိုယ်တွေပါပဲ။ အဲ့ဒီ ရေနံလှောင်ကန်တွေထဲက များပြားလှတဲ့ ရေနံတွေ ဘယ်ရောက်သွားလဲဆိုတာတော့ ကျမက မမြင်ရဘူးပေါ့။ (လက်ခုပ်သံများ) ကျမ မြင်ရတာက ရေနံလှောင်ကန်ပဲ မြင်ရတာကိုး။ အဲ့ဒီတော့ အဲ့ဒါ ရေနံနဲ့ ပါတ်သက်တဲ့ အပိုင်းပါ။ နောက်ထပ် သံယံဇာတတွေ အများကြီး ထွက်တယ်လို့ သိရပါတယ်။ ဥပမာ တွင်းထွက်ပစ္စည်းတွေ၊ ကျောက်မီးသွေးလဲ ထွက်ပါတယ်။ ပတ္တမြား၊ နီလာ၊ ရွှေ၊ ရွှေကြောကြီးတွေလဲ မြန်မာနိုင်ငံမှာ အများကြီး ရှိပါတယ်။ ဒီတော့ ဒီ ရွှေ၊ ငွေ၊ ကျောက်သံပတ္တမြားတွေ အပြင် ကျောက်မီးသွေး၊ ခဲမဖြူတို့၊ အဖြိုက်နက်တို့ မြန်မာနိုင်ငံမှာ မထွက်တဲ့ တွင်းထွက်ဆိုတာ မရှိသလောက် အများကြီး ထွက်ခဲ့ပါတယ်။ နောက်ပြီးတော့ မြန်မာ့ပိုင်နက် ပင်လယ်ရေပြင်ဆိုတာ အများကြီး ရှိပါတယ်။ ပင်လယ်ပြင်ကထွက်တဲ့ ငါးပုစွန်တွေဟာ မြန်မာပြည်သူလူထု စားသုံးလို့တောင် မကုန်တဲ့အတွက် စည်သွတ်ဗူး တွေနဲ့ ဒါမှမဟုတ် ရေခဲရိုက်ပြီးတော့ နိုင်ငံခြားကိုတောင် တင်ပို့ရောင်းချလို့ ရပါတယ်တဲ့။ ဒီတော့ တတိယတန်း ကျောင်းသူ ကျမဟာ ကျမနိုင်ငံကို ကျမ တော်တော် ဂုဏ်ယူခဲ့ပါတယ်။ (လက်ခုပ်သံများ) သယံဇာတတွေ သိပ်များတာပဲပေါ့။ ဒါပေမယ့် တနေ့ကျတော့ ကျမက ကျောင်းစာအပြင် တခြားပြင်ပမဂ္ဂဇင်းတခုကို သွားဖတ်မိပါတယ်။ သွားဖတ်တော့ အဲဒီအချိန်မှာ ကျမ စာတော့ ဟုတ်တိပတ်တိ မဖတ်ဖူးသေးပါဘူး။ ဒါပေမယ့် ဆောင်းပါးတို့ ပုံပြင်တို့ဆိုရင် တကြောင်းစ နှစ်ကြောင်းစ ဖတ်တတ်နေပါပြီ။ အဲ့ဒီမှာ ကံဆိုးစွာနဲ့ စာကြောင်းလေးတကြောင်း သွားတွေ့ပါတယ်။ အဲ့ဒီ စာကြောင်းလေးကို ကျမ အခုထိ မမေ့နိုင်သေးပါဘူး။'မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံများတွင် တတိယမြောက် လိုက်ပါသည်တဲ့'။ (အော်ဟစ်သံများ၊ လက်ခုပ်သံများ)

အဲ့ဒီတော့ ကျမက ပထ၀ီ သင်ခါစ တတိယတန်းကျောင်းသူ အမြင်နဲ့ဆိုတော့ ကျမ ဒီလိုပဲ မြင်တာပေါ့။ တကယ်တမ်းတော့ နိုင်ငံတခု တိုးတက်ကြီးပွါးဖို့ သယံဇာတ ထွက်ရုံနဲ့တင် မလုံလောက်ပါဘူး။ (လက်ခုပ်သံများ) ဒါ ကျမရဲ့ အပြောမဟုတ် ပါဘူး။ ကမ္ဘာ့စီးပွါးရေး ပညာရှင်တွေပြောတဲ့ အပြောပါ။ သူတို့က ဘယ်လိုပြောသလဲဆိုတော့ နိုင်ငံတခု တိုးတက်ကြီးပွါးဖို့ အချက်ကြီး (၄)ချက် လိုပါတယ်တဲ့။ သယံဇာတ၊ သဘာဝသယံဇာတ (Natural Resource) လို့ခေါ်တဲ့ သဘာဝသယံဇာတတွေ ပေါများဖို့တဲ့။ နံပါတ် (၂)ကတော့ အစဉ်အဆက်က ကြီးပွါးခဲ့တဲ့၊ အစဉ်အဆက်က ရှိခဲ့တဲ့ အရင်းအနှီး၊ နံပါတ် (၃) က Technology လို့ခေါ်တဲ့ နည်းပညာအသစ်အဆန်းတွေ၊ နံပါတ် (၄) ကတော့ အဲ့ဒီနည်းပညာကို ကျွမ်းကျင်သူတွေ၊ အဲဒီ လေးမျိုးလုံး ရှိတဲ့ နိုင်ငံဟာ (သို့မဟုတ်) လေးမျိုးမှာ သုံးမျိုးလောက် ရှိတဲ့နိုင်ငံဟာ အဲ့ဒီ နိုင်ငံဟာ ချမ်းသာပါတယ်တဲ့။

အဲ့ဒီတော့ ကျမတို့ မြန်မာနိုင်ငံက (၁) သယံဇာတတွေတော့ ပေါများကြွယ်ဝပါတယ်။ နောက် နံပါတ် (၂) (၃) (၄) ရှိ မရှိတော့ ကျမ မသိပါဘူး။ (လက်ခုပ်သံများ) အဲ့ဒီတော့ ကျမ ညံ့တဲ့အကြောင်းက အဲ့ဒီက စ ပါတယ်။ နောက်ထပ် ကျမ ညံ့တဲ့အကြောင်းကို ပြောရရင်တော့မြန်မာနိုင်ငံရဲ့ နိုင်ငံရေးနဲ့ ပတ်သက်လို့ ကျမ ညံ့တာပါ။ နိုင်ငံရေးအမြင် ဘာမှ မရှိခဲ့တဲ့ ကျောင်းသူတယောက်အကြောင်း ကျမ ပြန်ပြောပါမယ်။ စတုတ္ထတန်း (ဒါမှမဟုတ်) ပဉ္စမတန်း အရွယ် လောက် ကလေးဘ၀မှာ ကျမတို့ နိုင်ငံမှာ အရေးအခင်းတခု ဖြစ်ခဲ့ပါတယ်။ အဲ့ဒီ အရေးအခင်းမှာ မြို့ကြီးတွေ၊ ရန်ကုန်၊ မန္တလေးတွေကနေ ပြီးတော့ စတင် ဖြစ်ပွါးခဲ့ပြီးတော့ ကျမတို့ဆီကို တဖြည်းဖြည်းနဲ့ ပျံ့နှံ့လာခဲ့ပါတယ်။ အဲ့ဒီ အရေးအခင်းကတော့ တရုတ်-ဗမာ အရေးအခင်းပါ။ တရုတ်တွေနဲ့ ဗမာတွေ ချကုန်ပြီးလို့ (ရီသံများ) ကျမတို့ ကြားရပါတယ်။

ကျမတို့ ရေနံချောင်းမှာ တရုတ်လူမျိုးတွေ အများကြီး ရှိပါတယ်။ ကျမတို့ ရေနံချောင်းက တရုတ်လူမျိုးတွေနဲ့ ဗမာလူမျိုးတွေတော့ မချကြပါဘူး။ ကျမတို့ အချင်းချင်းတော့ ခင်ခင်မင်မင်ပါပဲ။ ကျမတို့ ကျောင်းမှာ အတန်းထဲမှာ ကျမတို့နဲ့ စာပြိုင်ဖက် တရုတ်မလေး ၃ - ၄ ယောက် ရှိပါတယ်။ သူတို့နဲ့ ကျမတို့လဲ စာမေးဖော် မေးဖက် ရင်းရင်းနှီးနှီး ခင်ခင်မင်မင်ပါပဲ။ ဒါပေမယ့် မြန်မာနိုင်ငံမှာတော့ တရုတ်-ဗမာ အရေးအခင်း ဖြစ်နေပြီလို့ သိရပါတယ်။ ဒီတော့ ကျမတို့လဲ လက်ခံလိုက်ရုံပဲပေါ့။ တရုတ်တွေနဲ့ ဗမာတွေ ချကုန်ပြီ၊ ဒီလောက်ပဲ သဘောထားလိုက်ပါတယ်။ တရက်တော့ ကျမတို့ ကျောင်းတက်နေတဲ့အချိန်မှာ ဆရာမက ကျမတို့ကို ပြောပါတယ်။ တို့တတွေ မနက်ဖန် ရောက်လို့ရှိရင် ဒီမြို့ရဲ့ လမ်းတွေပေါ်မှာ ကျောင်းသားတွေ အားလုံးတန်းစီ လမ်းတလျှောက် ချီတက်ရမယ်တဲ့ (လက်ခုပ်သံများ) အဲဒီတော့ ကျမက ကျောင်းစာသင်တဲ့အချိန်မှာ အပြင်ထွက် ရမယ်ဆိုတော့ သိပ်ပျော်သွားပါတယ်။ (ရီသံများ) အဲ့ဒါနဲ့ပဲ ကျမတို့ တက်တက်ကြွကြွနဲ့ပဲ လိုက်ဖို့ စီစဉ်ပါတယ်။ ဆရာမက ပြောတယ်။ နင်တို့အားလုံး စည်းကမ်းရှိရှိ သေသေ၀ပ်ဝပ် ချီတက်ရမယ်နော်တဲ့။ နှစ်ယောက်တတွဲ တွဲလို့ရတယ်။ နင်တို့ ကြိုက်တဲ့လူနဲ့ နင်တို့ တွဲကြပါတဲ့။ အဲ့ဒါနဲ့ ကျမကလဲ ကျမရဲ့ လက်တွဲဖော်အဖြစ် တရုတ်မလေးကို ရွေးလိုက်ပါတယ်။ ကျမနဲ့ ကျမသူငယ်ချင်း တရုတ်မလေးဟာ တရုတ်ဗမာအရေးအခင်း မှန်ကန်ကြောင်း ထောက်ခံဖို့ မြို့ထဲမှာ ချီတက်လမ်းလျှောက်ခဲ့ပါတယ်။ (ရီသံများ လက်ခုပ်သံများ) အဲ့ဒီတော့ ကျမတို့က ၂ ယောက်တတွဲ လမ်းလျှောက် လမ်းတွေပေါ်မှာ ချီတက်ကြတယ်။ ရိုးရိုးတန်းတန်း ချီတက်ကြတာ မဟုတ်ဘူး။ ရှေ့က တယောက်က စာရွက်တွေနဲ့ တိုင်ပေးတယ်။ ကျမတို့က နောက်ကနေပြီး လိုက်အော်ရတယ်။ လိုက်အော်တော့လဲ တို့အရေး၊ တို့အရေး ပေါ့။ ရှေ့က ဘာအောသလဲတော့ ကျမတို့ ကောင်းကောင်း မကြားရဘူး။ (ရီသံများ) အဲ့ဒီလိုနဲ့ ရှေ့ကတယောက်က တိုင်ပေးလိုက်၊ ဘာမှမသိပဲ နောက်က တို့အရေး အော်လိုက်၊ အော်ရင်းနဲ့ပဲ လမ်းတကာကို ရောက်ခဲ့ပါတယ်။ အဲ့ဒီမှာ ကျမတို့ ကျောင်းသားတွေကို လမ်းလျှောက်ရတာ၊ အော်ရတာ မောရင် ရေသောက်ရအောင်၊ အအေးသောက်ရအောင် ဆိုပြီးတော့ အိမ်တွေကနေပြီး အိမ်ရှေ့မှာ စာပွဲလေးတွေ ခင်းပြီးတော့ ကျမတို့ကို အစားအစာတွေ ကျွေးမွေးပါတယ်။ ကျမတို့လဲ အလကားရတာမှန်သမျှ အကုန်စားပါတယ်။ (ရီသံများ) အကျင့်က ပါနေတာကိုး (ရီသံများ)
ဗမာက ကျွေးကျွေး၊ တရုတ်က ကျွေးကျွေး အကုန်စားပါတယ်။ (ရီသံများ) ဒီလိုနဲ့ပဲ နည်းနည်း နေမြင့်လာတဲ့အခါမှာ ကျမတို့ ကျောင်းကို ပြန်ရပါတယ်။ ကျောင်းရှေ့မှာ အင်မတန် ကျယ်ဝန်းတဲ့ မြေတလင်းပြင်ကြီး ရှိပါတယ်။ အဲ့ဒီမှာ အားလုံးစုရုံးပြီးတော့ အတန်းလိုက် အတန်းလိုက် ကိုယ့်လူစုနဲ့ကိုယ် စုရုံးကြပါတယ်။

အဲဒီမှာ ကျမတို့ ဆရာမက ဘာပြောလဲဆိုတော့၊ အော်... ကျမ မေ့နေလို့၊ ကျမတို့ လမ်းလျှောက်တဲ့ အခါမှာ ဒီအတိုင်း လက်လွတ်လျှောက်ရတာ မဟုတ်ဘူး။ 'ခေါင်း' ကြီးတွေကို ကြိုးနဲ့ ဆွဲပြီးတော့ ဒီ ခေါင်းကြီးတွေကတော့ ကျမတို့ ကျောင်းသားလေးတွေ ဆွဲနိုင်အောင်ပါ။ စက္ကူတွေနဲ့လဲ ခေါင်းပုံစံ ဖြစ်အောင် ရေးထားပါတယ်။ အဲ့ဒီထဲမှာလဲ ကျမတို့ မျက်စိရှေ့မှာ စက္ကူစုတ်တွေ ထည့်ထားတာ မြင်ရပါတယ်။ ဒါပေမယ့် အဲ့ဒီ စက္ကူစုတ်တွေကို ကျမတို့က စက္ကူစုတ်တွေလို့ မမှတ်ရဘူးတဲ့။ အဲဒီအထဲမှာ အလောင်းတွေ ပါတယ်လို့ မှတ်ရမယ်တဲ့။ အဲ့ဒီမှာမှ ကျမ ပထမဦးဆုံး နံမည်တခုကို ကြားဖူးပါတယ်။ အဲ့ဒီနာမည်ကတော့ မော်စီတုန်းတဲ့။ မော်စီတုန်းဆိုတဲ့နာမည်ကို အဲဒီအချိန်မှာမှ ပထမဦးဆုံး ကြားဖူးတာပါ။ မော်စီတုန်း ကျဆုံးပါစေ ပေါ့။ အဲ့ဒီလို ဆိုတယ်လို့ ကျမ ထင်ပါတယ်။ ဒီလိုနဲ့ ကျောင်းရှေ့ကို ပြန်ရောက်တော့ ကျမတို့ ဆရာမက အဲဒီ ခေါင်းကြီးကို မီးရှို့ရမယ်လို့ ပြောတယ်။ ဒီတော့ ကျမက သူများအော်ရင်သာ နောက်ကနေ တို့အရေး လိုက်အော်ရဲတာ။ ကျမကတော့ မီးရှို့ဖိုတော့ ကြောက်ပါတယ်။ ကြောက်တော့ ကျမက နောက်ဆုတ်တယ်။ အဲ့ဒီအချိန်မှာ ဆရာမက ကျမကို ရှေ့ထွက်ခိုင်းတယ်။ ကျမက အတန်းရဲ့ မော်နီတာ ဖြစ်ပါတယ်။ (ရီသံများ)

"တင်တင်ဝင်း နင်ရှေ့ထွက် နင်မီးရှို့ ရမယ်" လို့ ပြောတယ်။ အဲ့ဒီတော့ ကျမက မရှို့ရဲဘူးဆိုပြီး နောက်ကို ကပ်တယ်။ အဲဒီတော့ ကျမတို့ နှစ်ယောက်ရဲ့ အဖြစ်အပျက်ကို မကြည့်ရက်တဲ့ နည်းနည်းအသက်ကြီးတဲ့ ကျောင်းသူတယောက်က ကျမတို့နှစ်ယောက် ကိုယ်စား ဖြေရှင်းပေးလိုက်ပါတယ်။ သူပဲ ဆက်ပြီးတော့ မီးရှို့တယ်။ (ရီသံများ) ကျမဟာ ဒီလို နိုင်ငံရေးမရှိအောင် ညံ့တယ်ဆိုတာ ကျမ ၀န်ခံပါတယ်။ ဒါ ကျမရဲ့ စီးပွါးရေး ညံ့ဖျင်မှု၊ နိုင်ငံရေး ညံ့ဖျင်းမှုပါ။ ဒါပေမယ့် အဲဒီလိုသာ ညံ့တယ်။ ကျမက ဘာဖြစ်ချင်သလဲဆိုတော့ ကျမဘ၀မှာ အဖြစ်ချင်ဆုံး ဆန္ဒတခုက စာရေးဆရာ ဘ၀တခုပါပဲ။ စတုတ္ထတန်းအရွယ် ကတည်းက ကျမဟာ စာရေးဆရာတယောက် ဖြစ်ချင်ခဲ့ပါတယ်။ စာရေးဆရာဖြစ်ဖို့ ကျမကို တွန်းအားပေးတဲ့ အချက်တွေ အများကြီး ရှိပါတယ်။ အဲဒါကတော့ ကျမ ဖတ်ခဲ့တဲ့ စာအုပ်တွေပါပဲ။ ကျမဟာ ကျောင်းစာက လွဲပြီးတော့ အပြင်ဘက်စာပေတွေကို မဂ္ဂဇင်းတွေကို အများ ဖတ်ခဲ့ ပါတယ်။ ကျောင်းစာထက် ပိုပြီးတော့ ဖတ်ခဲ့ပါတယ်။ အဲ့ဒီတော့ ကျမ မှတ်မိသလောက်ပေါ့၊ ကျမ ဖတ်ခဲ့တဲ့ စာအုပ်တွေဟာ အများကြီးပါပဲ။ စာရေးဆရာကြီး တက္ကသိုလ်ဘုန်းနိုင်၊ စာရေးဆရာကြီး ဓူဝံ၊ ဆရာမကြီး ဒေါ်ခင်နှင်းယု၊ ဂျာနယ်ကျော်မမလေး၊ သူတို့ စာအုပ်တွေကို ကျမ ဖတ်ပါတယ်။ အဲ့ဒီမှာ ကျမဘ၀မှာ ပထမဦးဆုံး ဖတ်ဖူးတဲ့ စာအုပ်တအုပ်ကို အခုထိ မှတ်မိပါတယ်။ ဒါဟာ ကျမအတွက် ပထမဦးဆုံး ၀တ္ထုပါ။ အဲ့ဒါကတော့ စာရေးဆရာကြီးဓူဝံရဲ့ 'မာလာ' လို့ အမည်ရတဲ့ ၀တ္ထု ဖြစ်ပါတယ်။ 'မာလာ' ဟာ လက်သုံးလုံးလောက် ထူတဲ့ စာအုပ်ကြီးတအုပ်ပါ။ သူ့ အဲ့ဒီစာအုပ်ကို ကျမရဲ့ ကျမကိုယ်ပိုင်အမြင်နဲ့ ဖတ်ခဲ့တာတော့ မဟုတ်ပါဘူး။ အဲ့ဒီအချိန်တုန်းက ကျမက ကာတွန်းတွေပဲ ဖတ်ပါတယ်။ ကာတွန်းတောင်မှ ထူရင် မဖတ်ပါဘူး။ ခပ်ပါးပါးပဲ ဖတ်ပါတယ်။ တရက်ကျတော့ ကျမ စတုတ္ထတန်း စာမေးပွဲအပြီး ကျောင်းအားတဲ့ အချိန်မှာ ကျမ မေမေက စာအုပ်တအုပ် ယူလာပေးပါတယ်။

"သမီး ဒီဝတ္ထုကို ဖတ်စမ်း" လို့ ကျမကို ပြောပါတယ်။ အဲ့ဒီဝတ္ထုက 'မာလာ' ၀တ္ထုပါ။ ကျမက စာအုပ်ကြီးကို ကြည့်ပြီးတော့ လန့်သွားတယ်။ "အား စာအုပ်ကြီးက အထူကြီးပါလားမေမေ" လို့ ပြောတော့ "အေး ထူတော့ ထူတယ်၊ ဒါပေမယ့် သမီး စိတ်ဝင်စားမှာပါ" တဲ့။ သမီးတို့ မောင်နှမတွေဟာ စကားပြောရင် အင်မတန် ရိုင်းတယ်တဲ့။ ကိုကိုရယ်၊ ညီမလေးရယ် ဘယ်တော့မှ စကားမပြောဘူး၊ မောင်နှမအချင်းချင်း အကြီးနဲ့အငယ်ကို နင်, ငါ သုံးတယ်တဲ့။ အဲ့ဒါ မကောင်းဘူးတဲ့၊ ဒီတော့ သမီး ဒီစာအုပ်ကို ဖတ်တဲ့အခါမှာ ဖတ်ပြီးသွားရင် သမီး ယဉ်ကျေးသိမ်မွေ့လာလိမ့်မယ်။ ဒီစာအုပ်ထဲမှာ လူတွေဟာ စကားပြောရင် သိပ်ယဉ်ကျေးတာပဲတဲ့။ ဖတ်ကြည့်ပါတဲ့။ အဲ့ဒီတော့ ကျမကလဲ မေမေက ဖတ်ခိုင်းတယ်ဆိုရင် ငါဖတ်ဖို့ သင့်တာပေါ့။ ကိုယ့်ဖာသာကိုယ် တွေးပြီးတော့ မေ့မေ့ရှေ့မှာပဲ အဲ့ဒီစာအုပ်ကို ကျမ ဖွင့်ဖတ် လိုက်ပါတယ်။ စ ဖွင့်ဖွင့်ချင်းပဲ အဲ့ဒီစာအုပ်ကို ကျမ စိတ်ဝင်စားသွားတယ်။ သူက အခန်း(၁) အဖွင့်မှာ အကျဉ်းထောင်တခုရဲ့ မြင်ကွင်းနဲ့ စထားပါတယ်။ အဲ့ဒီ အကျဉ်းထောင်ထဲမှာ၊ အချုပ်ခန်းထဲမှာ၊ သံတိုင်တွေနောက်မှာ အကျဉ်းသား ၁၀ ယောက် အကျဉ်းကျ နေပါတယ်။ သူတို့ကတော့ တိုင်းပြည်ကို တော်လှန်ပုန်ကန်လို့ ချုပ်ထားတဲ့ အကျဉ်းသား တွေပါ။ တယောက်က ခေါင်းဆောင်၊ အဲ့ဒီခေါင်းဆောင်နာမည်က ဗိုလ်နန္ဒလို့ ခေါ်ပါတယ်။ သူ့ရဲ့ နောက်ပါက ၉ ယောက် ရှိပါတယ်။ သူတို့ ၁၀ ယောက်ကို ဒီကနေ့ ညနေ နေကွယ်လို့ ရှိရင် လည်ပင်းကို ကြိုးကွင်းစွပ်ပြီး၊ မသေမချင်း ကြိုးပေးသတ်ခံရဖို့ ဘုရင်က အမိန့် ချပြီးသားပါ။ ဒီတော့ သူတို့ အားလုံးဟာ ဒီကနေ့ ညနေမှာ သေမယ်ဆိုတာ သေချာနေတော့ တော်တော် ကြောက်ရွံ့တုန်လှုပ်နေပါတယ်။ တပည့်တွေဟာ ငိုတဲ့သူက ငိုနေကြတယ်။ နံရံကို လက်သီးနဲ့ထိုးပြီး အော်တဲ့သူက အော်နေကြတယ်။ နောက် ဒေါသတကြီး စကားပြောတဲ့သူက ပြောနေကြတယ်။ အဲ့ဒါတွေကို ကြည့်ပြီးတော့ သူတို့ရဲ့ခေါင်းဆောင် ဗိုလ်နန္ဒက တော်တော်စိတ်မကောင်း ဖြစ်တယ်။ "သူတို့ခမျာ ငါ့ရဲ့ ခေါင်းဆောင်မှုကို လိုက်ခဲ့တဲ့အတွက် သူတို့ဟာ ကြိုးပေးပြီး အသတ်ခံရတော့မှာပါလား၊ သူတို့တွေ အသေဖြောင့်အောင်၊ သေခြင်းတရားကို တည်တည်ငြိမ်ငြိမ် ရင်ဆိုင်နိုင် အောင် ငါ ကဗျာလင်္ကာတပုဒ် ရွတ်ပြမှ ဖြစ်မယ်" လို့ သူ့ဖာသာသူ တွေးပြီးတော့ သူ ကဗျာလင်္ကာတပုဒ် ရွတ်ပြပါတယ်။ အဲ့ဒီကဗျာကတော့ အနန္ဒသူရိယ အမတ်ကြီး ရေးစပ်ခဲ့တဲ့ အမျက်ဖြေ အလင်္ကာလို့ အမည်ရတဲ့ ကဗျာလေးတပုဒ်ပါ။ "သူတည်းတယောက်၊ ကောင်းဖိ်ု့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း" အဲ့ဒီကဗျာပါ။ သူက အဲ့ဒီကဗျာကို ရွတ်တဲ့အခါမှာ စာရေးဆရာက ဘယ်လိုဖွဲ့ထားသလဲဆိုတော့ ဗိုလ်နန္ဒသည် သူ၏ အောင်မြင်လှသော အသံဝါကြီးနဲ့ထိုကဗျာကို ရွတ်ဆို၏တဲ့။ အဲ့ဒီမှာ ကျမက နည်းနည်း ကလေး နားမလည်ဘူး ဖြစ်သွားတယ်။ ဗိုလ်နန္ဒကို ကျမသိတာက သူပုန်ဗိုလ်လို့ ကျမသိပါတယ်။ သူပုန်ဗိုလ် တယောက်ကို ဘာဖြစ်လို့ အဲ့ဒီလို ဖွဲ့သလဲ အောင်မြင်လှသော အသံဝါကြီးဆိုတာ သူပုန်ဗိုလ်ကို ဖွဲ့ရမယ့် စကားမဟုတ်ပါဘူး။ ဒါဟာ သူရဲကောင်းတွေ ဟီးရိုးတွေကိုသာ သုံးရမယ့် စကားပါ။ ဒီတော့ ကျမအမြင်မှာ သူပုန်ဗိုလ်ဆိုတာ လူဆိုးပဲ၊ လူဆိုးတယောက်ကို အောင်မြင်လှသော အသံဝါကြီးနဲ့လို့ ဖွဲ့တာဟာ နည်းလမ်း မကျဘူးလို့ ကျမရဲ့ စတုတ္ထတန်း အမြင်နဲ့ တွေးပါတယ်။ အဲ့ဒါနဲ့ မေမေ့ကို မေးမိတယ်။ မေမေလို့ ဗိုလ်နန္ဒဟာ ဘာလဲလို့၊ အဲ့ဒီလို မေးတော့ မေမေက ဇာတ်လိုက်တဲ့၊ (ရီသံများ) ကျမပိုပြီးတော့ နားမလည်ဘူး ဖြစ်သွားတယ်။ (ရီသံများ) သူပုန်ဗိုလ်လို့လဲ ပြောသေးတယ်၊ ဇာတ်လိုက်လို့လဲ ပြောသေးတယ်၊ ကျမ အဲ့ဒီမှာ အဲ့ဒီနှစ်ခုကို ယှဉ်ပြီး နားမလည်ဘူးပေါ့။ ကျမ အပြင်မှာ သူခိုးတွေ၊ ဓါးပြတွေ၊ သူပုန်တွေ၊ ခါးပိုက်နှိုက်တွေ၊ အဲ့ဒါတွေ အကုန်လုံးက လူဆိုးတွေ စာရင်းထဲမှာ ပါတယ်။ ဒီတော့ ဒီလူဆိုးတယောက်က ဘာဖြစ်လို့ ဇာတ်လိုက်ဖြစ်သလဲ ကျမက မေမေ့ကို ပြန်မေးတယ်။ မေမေလို့ မေမေ့ဥစ္စာက ဖြစ်နိုင်ပါ့မလား၊ သူပုန်က ဘယ်လိုလုပ်ပြီးတော့ ဇာတ်လိုက် ဖြစ်မလဲ၊ မဖြစ်နိုင်ဘူး ထင်တယ်လို့ ကျမကပြောတော့ မေမေက ဖြစ်နိုင်တာပေ့ါ သမီးရယ်တဲ့၊ တခါတခါကျတော့ တိုင်းပြည်ကို အုပ်ချုပ်မင်းလုပ်တဲ့ ရှင်ဘုရင်က ဆိုးနေရင်၊ ယုတ်မာနေရင်၊ ကောက်ကျစ်နေရင် သူပုန်ဆိုတာလဲ ဇာတ်လိုက် ဖြစ်တတ်ပါတယ်တဲ့။ (ရီသံများ၊ လက်ခုပ်သံများ)

အဲ့ဒီတော့မှ ကျမ ရေးရေးလေး သဘောပေါက်သွားပါတယ်။ ကျမ ဒီဝတ္ထုကို တော်တော် စိတ်ဝင်စားသွားပြီ၊ ဒါပေမယ့် ထပ်ပြီးတော့ မေးသေးတယ်၊ ဟုတ်ပါပြီလို့ အဲ့ဒါဆိုလို့ရှိရင် ဒီသူပုန်ဗိုလ်က ဇာတ်လိုက်ဖြစ်နေရတာ သူက ဘာဖြစ်လို့ သူပုန်ဘ၀ကို ဘာဖြစ်လို့ ရောက်သလဲ မေမေလို့ ကျမက ပြန်မေးတယ်။ ပြန်မေးတော့ မေမေကလည်း သူ့သမီးကို စာဖတ်စေချင်တော့ ရှင်းပြတယ်၊ သူ့ဘ၀တဲ့၊ သူကတော့ သူပုန်ဘယ်ဟုတ်မလဲ သမီးရယ်တဲ့၊ သူက ဘုရင့်သားတော် တပါးပါ၊ သူတက္ကသိုလ်ပြည်မှာ ပညာသွားသင်နေတုန်းက သူ့အဖေရဲ့ ထီးနန်းစည်းစိမ်ကို သူ့အဖေလက်အောက်က စစ်သူကြီးတပါးက တိုက်ခိုက်ပြီးတော့ သိမ်းယူထားတဲ့အတွက် သူဟာ ပြန်လာတဲ့အခါကျတော့ သူပုန်ဘ၀ကို ရောက်ရတာပါတဲ့။ (လက်ခုပ်သြဘာသံများ) အဲ့ဒီလို ပြောပါတယ်။ (လက်ခုပ်သံများ) အဲ့ဒီတော့ ကျမက ပိုပြီး စိတ်ဝင်စားသွားပါတယ်၊။ ဟုတ်ပါပြီမေမေ အဲ့ဒါဆိုရင် သမီး ဒီဝတ္ထုကို ဖတ်ပါတော့မယ်။ ဒါပေမယ့် သမီး ဒီဇာတ်လမ်းအဆုံးကို သိပ်သိချင်တာလို့၊ အဲ့ဒီ ဇာတ်လမ်းအဆုံးကိုတော့ သမီးကို ကြိုပြီးတော့ ပြောပါအုန်းလို့။ သူက သူ့အဖေရဲ့ ထီးနန်းစည်းစိမ်ကို ပြန်ရရဲ့လားလို့ ကျမ မေးလိုက်တယ်။ ကျမမေးလိုက်တော့ မေမေက ရတယ် သမီးတဲ့။ နောက်ဆုံးကျတော့ သူရသင့်တဲ့ သူ့အဖေရဲ့ စည်းစိမ်ကို သူပြန်ရသွားပါတယ်တဲ့။ အဲ့ဒီလို ကျမကို ပြောပါတယ်။ (ရီသံများ၊ လက်ခုပ်သံများ) အဲ့ဒါနဲ့ပဲ ကျမ ဒီဇာတ်လမ်းကို ကြိုက်လို့ ဒီဝတ္ထုကို ဖတ်ပါတယ်။ တကယ်လဲ မေမေပြောသလိုပဲ သူပုန်ဗိုလ်နန္ဒဟာ သူရသင့်ရထိုက်တဲ့ သူ့အဖေရဲ့ ဒီနန်းစည်းစိမ်ကို ပြန်ရသွားပါတယ်။ ဘယ်လိုနည်းနဲ့ သူထီးနန်းစည်းစိမ်ကို ပြန်ရသွားလဲ၊ အဲ့ဒါကို သိချင်ရင်တော့ ဓူဝံရဲ့ 'မာလာ' စာအုပ်ကို ဖတ်ကြည့်ပါ။ (လက်ခုပ်သံများ) အဲ့ဒါ ကျမရဲ့ စာရေးဆရာ ဖြစ်ချင်တဲ့စိတ်အစပါပဲ။

ကျမဟာ လူတွေကို စရိုက်အမျိုးမျိုး ရေးဖွဲ့ချင်တယ်။ လူဆိုးဆိုလဲ လူဆိုးစရိုက်၊ လူကောင်းဆိုရင်လဲ လူကောင်းစရိုက် အဲ့ဒီလို ရေးဖွဲ့တော့ ဇာတ်လမ်းတွေ ဆင်ချင်တယ်။ အမှန်တရားဟာ ရှေ့မှာ ရောက်သင့်တဲ့ အချိန်မှာရှေ့မှာ ရောက်ဖို့ ကျမက ထည့်ချင်တယ်။ အဲ့ဒီလို စိတ်လေးတွေဟာ ၀တ္ထုတွေ ဖတ်ရင်း ဖတ်ရင်းကနေပြီး ကျမကို ပိုပို ပိုပို တွန်းအားပေးလာတော့ ကျမဟာ စာရေးဆရာ ဖြစ်ချင်တဲ့ စိတ်တခုထဲနဲ့ ကျမဟာ ကြီးပြင်းခဲ့ ပါတယ်။ ဒါပေမယ့် ကျမ ဆယ်တန်းအောင်တဲ့အခါ ခြေချော် လက်ချော်နဲ့ ဂုဏ်ထူး ၅ ခု ရသွားပါတယ်။ အဲ့ဒီတော့ အဲဒီဂုဏ်ထူး ၅ ခုလေးကို ကျမက နှမျောပြီးတော့ ဆေးတက္ကသိုလ်ကို လိုက်ပါတယ်။ (ရီသံများ) ကျမတို့ ခေတ်တုန်းက ဂုဏ်ထူး ၆ ခုတွေ၊ ၅ ခုတွေ၊ ၄ ခုတွေ အများကြီးပါပဲ။ သူတို့တွေ အားလုံးဟာ ဆေးတက္ကသိုလ်ကိုဝင်ဖို့ပဲ အာရုံရှိကြပါတယ်။ ရူပဗေဒ၊ ဓါတုဗေဒတွေကို မ၀င်ကြပါဘူး။ မိဘတွေ ကိုယ်တိုင်ကလည်း ဆေးတက္ကသိုလ်ကို ၀င်စေချင်တယ်။ ကျမကိုယ်တိုင်ကလဲ ကျမရဲ့ မိဘတွေက ဆေးတက္ကသိုလ်ကို လိုက်ဖို့ ပြောလို့ ကျမကလဲ ဂုဏ်ထူးလေးကို အားနာလို့ ဆေးတက္ကသိုလ်ကို ၀င်ခဲ့ပါတယ်။ ၀င်ခဲ့တော့ ကျမဟာ ဆရာဝန်ဘ၀ကို လုံး၀၀ါသနာ မပါပဲ ရောက်ခဲ့တာဆိုတော့ အတန်းထဲမှာ ဆေးပညာကလွဲရင် အားလုံးကို စိတ်ဝင်စားပါတယ်။ (ရီသံများ)

ကျမ တနေ့တနေ့ ဖတ်တဲ့ စာတွေဟာ ဆေးပညာနဲ့ ဘာမှ မဆိုင်ပါဘူး။ ကျမတို့ ရေနံချောင်းမှာ စာကြည့်တိုက် ကောင်းကောင်း မရှိဘူး၊ ဆေးကျောင်း ရောက်တော့ မန္တလေးဆေးတက္ကသိုလ်မှာ အင်မတန် ကြီးမားတဲ့ စာကြည့်တိုက်ကြီးတခု ကျမသွားတွေ့တယ်။ အဲ့ဒီ စာကြည့်တိုက်ကြီးထဲမှာ ကျမ မဖတ်ဖူးတဲ့ စာအုပ်တွေ၊ ကြားဖူးပြီးတော့ မဖတ်ဖူးတာ၊ ကြားတောင် မကြားဖူးတာ၊ မြန်မာလို အင်္ဂလိပ်လို အစုံပါပဲ။ အဲ့ဒါကြီးကို ကျမ မြင်ပြီးတော့ ငါတော့ ဒီ ဆေးတက္ကသိုလ် ၇ နှစ် အတွင်း ဒီစာအုပ်တွေ ပြီးအောင်ဖတ်မှ ဖြစ်မယ်လို့ ဆုံးဖြတ်ပါတယ်။ အဲ့ဒီလိုနဲ့ ကျမ အပြင်စာတွေ ဖတ်ခဲ့တယ်။ အတန်းထဲမှာ စာသင်တဲ့အခါမှာ ကျမက နောက်ဆုံးကနေ မတ်တတ်ရပ်ပါတယ်။ ဆရာ စာမေးလွတ်အောင်လို့ပါ။ ရှေ့မှာ ရပ်လို့ရှိရင် ဆရာက လှမ်းလှမ်းပြီး စာမေးလို့ပါ။ စာသင်ရတဲ့အခါမှာလဲ ကျမ အားကျစိတ် လုံးဝမပေါ်ပါဘူး။ ကျမတို့ ကျောင်းမှာ ရောဂါနံမည်တွေ၊ ကုထုံးနာမည်တွေ အဲ့ဒါတွေ အားလုံးဟာ လူနံမည်တွေနဲ့ ချည်းပါပဲ။ ဥပမာ ရောဂါတခုခုကို တယောက်ယောက်က ရှာတွေ့သွားပြီဆိုရင် အဲ့ဒီလူရဲ့ နာမည်ကို ရှေ့မှာတပ်ပြီးတော့ နံမည်နဲ့ ရောဂါနံမည် ပေးပါတယ်။ ဥပမာ ကော့ ဆိုတဲ့သူက ရောဂါတခုကို ရှာဖွေတွေ့ခဲ့တယ်။ အဲ့ဒီ ကော့ ရှာတွေ့ခဲ့တဲ့ အဆုပ်ရောဂါကို ကော့ Lung ကော့ဒစိပေါ့။ ကော့ရဲ့ရောဂါလို့ နံမည် တပ်ပါတယ်။ နောက်ပြီး ပဲလော့ လို့ခေါ်တဲ့ ပြင်သစ်သမားတော်ကြီး တယောက်က ရှာတွေ့ခဲ့တဲ့ ရောဂါ၊ မွေးရာပါ နှလုံးရောဂါ၊ အဲ့ဒါဆိုလို့ ရှိရင် ပဲလော့တက်ထွာလော်ဂျီလို့ သူတို့က နံမည်ပေးပါတယ်။ ပဲလော့ ရှာတွေ့ခဲ့သော ရောဂါ၊ အဲ့ဒီလိုမျိုးတွေ ထောင်ပေါင်း၊ သောင်းပေါင်းများစွာ နေ့စဉ် ကျမတို့ စာကျက်ရပါတယ်။ အဲ့ဒီလို ကျက်နေတဲ့အခါမှာ ဒီနံမည်တွေကို ကျက်ပြီးတော့ ငါသူတို့ ဘ၀ကို အားကျလိုက်တာ ဆိုတဲ့စိတ်များ ၀င်ခဲ့မိသလားလို့ အခုနေ ကျမပြန်တွေးကြည့်တော့ ကျမ နည်းနည်းမှ အားကျစိတ် မ၀င်ခဲ့ပါဘူး။ တခါတခါ သူတို့ကို ငြိုတောင်ငြိုငြင် မိပါတယ်။ သူတို့ဟယ် ရှာလိုက် ဖွေလိုက်ကြတာ၊ တွေ့ပဲ တွေ့နိုင်လွန်းတယ်၊ သူတို့ ရှာပြီးတော့ တွေ့တော့ ငါတို့မှာ စာတွေ ကျက်လို့ကို မပြီးနိုင်တော့ဘူး။ (ရီသံများ၊ လက်ခုပ်သံများ) အဲ့ဒီလောက်ထိအောင် ကျမ မေတ္တာပို့ခဲ့ ပါတယ်။ ဒါ ကျမ ဆေးကျောင်းသူဘ၀ ညံ့ဖျင်းမှုတွေပါ။

ဒီလိုနဲ့ တနှစ်ပြီး တနှစ် ယက်ကန်ယက်ကန်နဲ့ စာမေးပွဲတွေ နီးတော့ စာလေးကျက်လိုက်၊ အောင်လိုက်၊ တခါတလေ တခါတည်းနဲ့ မအောင်လို့ နှစ်ခါပြန် ဖြေရပါတယ်။ ကျမတို့ ကျောင်းမှာတော့ ဆပ်ပလီမန်ထရီဆိုတာ ရှိပါတယ်။ ဆပ်ပလီမန်ထရီက စာမေးပွဲ ကျပြီးတော့ ကျတဲ့ဘာသာကိုပဲ ပြန်ဖြေရတာပါ။ တော်ပါသေးရဲ့ ဆပ်ပလီမန်ထရီသာ မရှိခဲ့ရင် ကျမ တတန်းနှစ်နှစ် လောက် နေရဖို့ အကြောင်းရှိပါတယ်။ အဲ့ဒီလိုနဲ့ ကျမ ဆရာဝန် ဖြစ်ပါတယ်။ ဆရာဝန်ဖြစ်လာတော့ ဒီလို ခပ်ညံ့ညံ့ ဆေးကျောင်းသူတယောက်က ဘယ်လိုဆရာဝန်မျိုးဖြစ်မလဲ။ တွေးကြည့်ရင်တော့ သဘောပေါက်နိုင်စရာ အကြောင်းရှိပါတယ်။

ဒါပေမယ့် ကျမရဲ့ ဆရာဝန်ဘ၀ကို ပိုပြီးတော့ ပုံပေါ်သွားအောင်၊ ကျောင်းသူကျောင်းသားတွေ ပိုပြီးတော့ နားလည်သွားအောင် ကျမ ကာတွန်းလေးတပုဒ်နဲ့ ဥပမာပေးချင်ပါတယ်။ အဲ့ဒီကာတွန်းလေးကို ရေးဆွဲတဲ့သူ ဘယ်သူလဲလို့ ကျမ မမှတ်မိတော့ပါဘူး။ ကျမညံ့တဲ့အထဲမှာ အဲ့ဒါလဲ ပါပါတယ်။ ကျမက ဆရာအော်ပီကျယ်ကို တောင် မေးကြည့်ပါသေးတယ်။ ကာတွန်းဟာ ကျမ အခုထိ သတိရနေသေးတယ်ဆရာလို့ ဆရာများ ဆွဲခဲ့ သလားလို့ ကျနော် မဆွဲခဲ့ ပါဘူးတဲ့။ ဒါပေမယ့် ကျမရင်ထဲမှာ အဲ့ဒီ ကာတွန်းလေးဟာ အခုချိန်ထိ နှစ်ပေါင်းများစွာ စွဲတင်ကျန်ရစ်ခဲ့ပါတယ်။ အော် ငါနဲ့ တူလိုက်လေခြင်း၊ အဲ့ဒီ ကာတွန်းအတွေးလေးကို ကျမ ပြောပြမယ်။ သူက တမျက်နှာ ကာတွန်းပါ။ မဂ္ဂဇင်းရဲ့ သရုပ်ဖော်ပုံ၊ မဂ္ဂဇင်းမှာ တမျက်နှာ ၄ ခု လောက်ပါတယ်။ တခါတလေ ၆ ခုလောက်ပါတယ်။ အခု ကျမကာတွန်း အကွက် ၆ ကွက်ပါတဲ့ ကာတွန်းပါ။ သူက ပထမဦးဆုံး အကွက်မှာ လူမမာတယောက် ကြမ်းပြင်ပေါ်မှာ ပက်လက်ကြီး စန့်စန့်ကြီး အိပ်နေတယ်၊ လူနာရဲ့ ဘေးနားလေးမှာ လူနာရဲ့ ဇနီးလို့ ထင်ရတဲ့ အမျိုးသမီးလေးက တယောက်၊ သူက ကျုံ့ကျုံ့လေးထိုင်ပြီးတော့ စိတ်ပူနေတဲ့ မျက်နှာလေးနဲ့ လူနာကို ကြည့်နေပါတယ်။ သူတို့နှစ်ယောက်ရဲ့ ဘေးနားမှာတော့ ဆရာဝန်တယောက် မတ်တတ်ရပ်နေပါတယ်။ အဲဒီဆရာဝန်က လူနာကို နားကြပ်ကလေး နားမှာထောက်ပြီး စမ်းသပ်နေပါတယ်၊ အဲဒါ ပထမဦးဆုံးအကွက်။ ဒုတိယအကွက်ကတော့ အဲဒီဆရာဝန်ကို ကာတွန်းဆရာက ပုံကြီးချဲ့ပြီး ဆွဲပါတယ်။ ဆရာဝန်ရဲ့ မျက်လုံးတွေကို အဓိက ထားတယ်။ ဆရာဝန်ရဲ့ မျက်လုံးက ဘာမှမသိတဲ့ အူကြောင်ကြောင် မျက်လုံးမျိုးပါ။ မျက်လုံးလေးက လည်နေတယ်။ ဆရာဝန်ရဲ့ ခေါင်းပေါ်မှာလဲ ကွက်ရှင်မတ်ပေါ့ မေးခွန်းလက္ခဏာလေးနဲ့၊ သူ့ရဲ့ဘေးနားမှာ ရှုပ်နေတဲ့ သပွတ်အူလို ပုံစံလေးနဲ့။ ဘာရောဂါပါလိမ့် သူတော်တော်ဦးဏှောက်ခြောက် နေပြီလို့ ကာတွန်းကြည့်တဲ့ပရိသတ် သိအောင် ကာတွန်းဆရာက ဆွဲထားပါတယ်။ အဲ့ဒါက ဒုတိယအကွက်။ နောက် တတိယအကွက်ရောက်တော့ ဆရာဝန်ကိုပဲ အသားပေးပြီး ဆွဲထားတယ်၊ ဆရာဝန်ရဲ့ မျက်ဝန်းမှာ စောစောက မြင်နေရတဲ့ အူကြောင်ကြောင် မျက်လုံးမရှိတော့ဘူး။ သူ့မျက်လုံးလေးတွေက တောက်နေတယ်။ သူ့ရဲ့ ခေါင်းပေါ်မှာလဲ စောစောက ကွက်ရှင်မတ်တွေ၊ သပွတ်အူတွေ မရှိတော့ပဲနဲ့ လင်းနေတဲ့ ဖန်သီးလေးတလုံးကို ခေါင်းပေါ်မှာ ဆွဲထားပါတယ်။ ဖန်သီးလေးဘေးမှာ အချောင်းချောင်းလေးတွေနဲ့ သူဘာရောဂါလဲဆိုတာ ရှာလို့ ရပြီဆိုတဲ့ အဓိပ္ပါယ်၊ ကျမတို့ သိစေပါတယ်။ နောက် စတုတ္ထကွက်မှာရောက်တော့ ဆရာဝန်က သူတပ်ထားတဲ့ နားကျပ်ကို ချွတ်ပြီး လူနာရှင် အမျိုးသမီးဘက်ကို လှည့်ပြီးတော့ စိတ်မကောင်းတဲ့ မျက်နှာလေးနဲ့ ကျနော် ၀မ်းနည်းပါတယ်၊ လူမမာဟာ အသက်မရှိတော့ပါဘူးတဲ့။ (ရီသံများ) အဲ့ဒီလို ပြောလိုက်ပါတယ်။ အဲ့ဒါက စတုတ္ထအကွက်ပေါ့။
နောက် ပဉ္စမအကွက်ကို ရောက်တော့ စောစောက ကြမ်းပြင်ပေါ်မှာ စန့်စန့်ကြီး အိပ်နေတဲ့ လူမမာဟာ ငေါက်ကနဲ ထထိုင်ပြီးတော့ ဆရာဝန်ကို ဒေါသတကြီး ပြစ်တင်ဆဲဆို ရန်တွေ့နေတဲ့ ပုံကို သရုပ်ဖော်ထားပါတယ်။ အဓိပ္ပါယ်က သူမသေသေးဘဲနဲ့ သေပြီ ပြောရသလားပေါ့။ (ရယ်သံများ)။
နောက် ဆုံးအကွက်ကျတော့မှ စောစောတုန်းက ကြမ်းပြင်ပေါ်မှာ ကျုံ့ကျုံ့လေးထိုင်ပြီး စိုးရိမ်ပူပန်တဲ့ မျက်နှာလေးနဲ့ သူ့ယောက်ျားကို ကြည့်နေတဲ့ လူမမာရှင်အမျိုးသမီးက သူ့ယောက်ျားဘက်ကို လက်ညှိုး ငေါက်ငေါက်ထိုးပြီးတော့ 'ရှင် ဆရာဝန်ထက် ပိုပြီးတော့ မသိချင်နဲ့' အဲ့ဒီလို ပြောလိုက်ပါတယ်။ (ရီသံများ၊ လက်ခုပ်သံများ)

အဲ့ဒီတော့ ကာတွန်းထဲက ဆရာဝန်လို ကျမဟာ၊ ကာတွန်းထဲက လူနာရှင်မိန်းမလို အများကြီး ကြုံတွေ့တဲ့အခါ ကျမရဲ့ဆေးခန်းဟာ လူနာတော်တော်များပါတယ်။ ရေနံချောင်းမြို့မှာ ဒေါက်တာ တင်တင်ဝင်း ဆိုတာ နံမည် တော်တော်ကြီးပါတယ်။ စောစောက ဒေါက်တာ တင်မောင်သန်းပြောသွားတဲ့ ပူဖောင်းလေးတွေလဲ ပါတာပေါ့။ အဲ့ဒီတော့ ဒါဟာ ကျမရဲ့ ဆရာဝန်ဘ၀ သရုပ်ပေါ်အောင် ကာတွန်းလေးနဲ့ ဥပမာ ပေးတာပါ။ ကျမရဲ့ ဆရာဝန်ဘ၀ကို ကျမ ထူးခြားတဲ့ အဖြစ်အပျက်ကလေးတခု ကျမပြောပြရင် ပိုပြီးတော့ သဘောပေါက် သွားမယ်လို့ ကျမ ထင်ပါတယ်။ ဒါဟာ ကျမလို ခပ်ညံ့ညံ့ဆရာဝန်တွေသာကြုံရမယ့် အချက်ပါ။ တော်တဲ့ ဆရာဝန်တွေ ဒါမျိုး လုံးဝ ကြုံရမှာ မဟုတ်ဘူး။ ဒါဟာ သေချာပါတယ်။ ကျမဟာ ဆရာဝန်ဖြစ်ပြီးတော့ ၃ လ လောက်အချိန်မှာ ကြုံရတဲ့ အဖြစ်ကလေးပါ။ ၃ လ ဆိုတော့ ဘာအတွေ့အကြုံမှ မရှိသေးပါဘူး။ စမ်းတ၀ါးဝါး ဆေးကုနေဆဲ၊ ကျောင်းစာနဲ့ ပြင်ပလောကနဲ့ကို ထင်ဟပ်ကြည့်နေဆဲ အချိန်ပါ။ အဲ့ဒီအချိန် တညနေ ကျမ ဆေးခန်းဖွင့်တဲ့အချိန်မှာ ကျမရဲ့ ဆေးခန်းထဲ လူနာနှစ်ယောက် ရှိပါတယ်။ တယောက်က ကျမ ကုလက်စ၊ တယောက်က သူ့အလှည့်ရောက်ဖို့ ထိုင်စောင့်နေတယ်။ အဲ့ဒီအချိန်မှာ အပြင်ဘက်ကနေ အမျိုးသမီးတယောက် ခပ်သုတ်သုတ် ဆေးခန်းထဲ ၀င်လာပါတယ်။ ဆရာမ ဆရာမ လူနာအရေးကြီးနေလို့ အိမ်ပင့်ချင်လို့ပါတဲ့။ အဲဒီလို ပြောပါတယ်။ ကျမက လူနာတယောက်ကို ဆေးကုလက်စဆိုတော့ ခဏစောင့်ပါဦး၊ ဒီက လူနာပြီးရင် လိုက်ခဲ့ပါ့မယ်ပြောတော့၊ ဟာ ဘယ်စောင်လို့ ဖြစ်မလဲဆရာမတဲ့၊ ဟိုမှာက အရေးကြီးတယ်တဲ့။ လူမမာက သတိ လစ်နေတာပါတဲ့။ သတိလစ်တယ်ဆိုတော့ အရေးကြီးပြီပေါ့၊ ကျမက ကုလက်စလူနာကို ဆေးတွေ ဘာတွေ ပေးပြီးတော့ စောင့်နေတဲ့ လူနာကို စောင့်များစောင့်နိုင်မလားလို့ ကျမအရေးကြီးတဲ့ လူနာနောက်ကို လိုက်ချင်လို့ပါလို့ ခွင့်တောင်းပါတယ်။ အဲ့ဒီ လူနာကလဲ သဘောကောင်းပါတယ်၊ လိုက်သွားပါဆရာမ ကျမ စောင့်ပါမယ်တဲ့။

အဲ့ဒါနဲ့ ကျမ ဆေးအိတ်ကို ပေးပြီးတော့ လူနာရှင် အမျိုးသမီးနောက် လိုက်သွားပါတယ်။ အဲ့ဒီအချိန်မှာ ကျမတို့ နွေရာသီပါ။ နွေရာသီမှာ ရေနံချောင်းမြို့မှာ တော်တော် ပူပါတယ်၊ ဘယ်လောက်ထိ ပူသလဲဆိုရင် နေ့လည် ၁၂ နာရီကနေ ညနေ ၄ နာရီကြားမှာ ရေလုံးဝ မချိုးရဘူးလို့ အာဏာပိုင်တွေက တားမြစ်ထားတဲ့အထိ ကျမတို့ ရေနံချောင်းက ပူပါတယ်။ ရေချိုးပြီးတော့ ဗြုန်းကနဲ လဲကျပြီး သေဆုံးသူတွေ အများကြီးပါပဲ။ အဲ့ဒါကြောင့် အာဏာနဲ့ တားမြစ်ထားတဲ့ အချိန်ပါ။ စေတနာနဲ့ အာဏာသုံးတာပါ။ တခါတခါ အာဏာဟာ စေတနာနဲ့လဲ သုံးတတ်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကျမက လူနာအိမ်ကို လိုက်သွားပါတယ်။ လမ်းမှာလဲ ကျမ စဉ်းစားနေတာပေါ့။ ရေချိုးရင် အန္တရာယ်ရှိတဲ့ အချိန်ပဲ။ မေးကြည့်တယ် ဘာဖြစ်တာလဲပြော ဆိုတော့၊ ကျမ အမကြီးပါတဲ့၊ ဈေးကနေ မကြာသေးခင်က ပြန်လာပါတယ်တဲ့။ ပူပူအိုက်အိုက်နဲ့ ဈေးက ပြန်ပြန်ချင်း ရေတန်းချိုးလိုက်ပါတယ်။ ရေချိုးပြီး ကတည်းက သတိလစ်သွားတာ အခုချိန်ထိ သတိပြန်လည် မလာပါဘူးတဲ့။ အဲ့ဒီတော့ ဒါဟာ ရေချိုးမှားလို့ အပူရှပ်တယ်ပေါ့။ ဒါဆိုရင် သာမိုမီတာ တိုင်းရမယ်။ စိတ်ထဲမှာ စွဲသွားတယ်။ လူနာအိမ်ရောက်တော့ လူနာက အမျိုးသမီးပါ။ ခပ်၀၀၊ ထွားထွား၊ အဲ့ဒီအမျိုးသမီးကို ကျမက ဘေးကနေ ကြည့်လိုက်တော့ သူ့ပုံစံက မလှုပ်မရှက် ပုံစံပါ။ အဲ့ဒါနဲ့ ကျမ သာမိုမီတာလေးကို ယူပြီးတော့ သူ့ပါးစပ်ကို တိုင်းဖို့ သူ့ပါးစပ်ကို ဖွင့်ပါတယ်။ သူ့ပါးစပ်က ဖွင့်လို့ မရဘူး။ သွားစိနေတယ်။ ကျမကလဲ ဘယ်ရမလဲ သွားစိနေတော့ သူ့ချိုင်းထဲ တိုင်းလိုက်တာပေါ့။ သာမိုမီတာနဲ့ ချိုင်းထဲတိုင်းတော့ အဖျား ရှိ မရှိပေါ့။ ကျမထင်သလောက် မဖျားဘူး။ ဒါနဲ့ ကျမက သွေးပေါင်ချိန် တွေ ဘာတွေ တိုင်းကြည့်သေးတယ်။ သွေးဖိအားက သိတ်ပြီတော့ များဘူး။ နောက်အဆုတ်ကို နားထောင်ကြည့် တော့ အဆုပ်မှာ အသက်ရှူသံ လုံးဝ မကြားရပါဘူး။ အဲ့ဒါလဲ ကျမက အားမလျှော့သေးဘူး။ နှလုံးကို ထောက်စမ်းကြည့် ပါတယ်။ နှလုံးကလဲ တချက်မှ မခုန်ပါဘူး။ အဲ့ဒီတော့ နားကြပ်လေးကိုချ လူမမာရှင်ဘက် လှည့်ပြီးတော့ ၀မ်းနည်းတဲ့ မျက်နှာလေးနဲ့ ပြောတော့မလို့ မပြောရသေးဘူး၊ ပြောမလို့ ရှိသေးတယ်။ ကျမရဲ့ ခေါင်းထဲမှာ အတွေးတချက် ၀င်လာပါတယ်။ အဲ့ဒါက ဘာလဲဆိုတော့ ကျမတို့ရဲ့ ဆရာ့ဆရာကြီးတွေက ကျမတို့ကို သင်ထားတာ ရှိပါတယ်။ လူမမာတယောက်ကို စမ်းသပ်ပြီးတဲ့အခါ သူသေပြီလို့ မပြောမီ နောက်ဆုံး စမ်းသပ်နည်းတွေနဲ့ စမ်းသပ်ရမယ်။ အဲဒီ နောက်ဆုံးနည်းတွေနဲ့ စမ်းသပ်ပြီးမှ လူနာသေပြီလို့ ခိုင်လုံမှသာ လူနာရှင်ကို အတည်ပြုပေးရမယ်လို့ ပြောတော့၊ ဟုတ်ပြီ အဲ့ဒါဆိုရင် လူနာတယောက် အသက်မရှူရုံ၊ နှလုံးမခုန်ရုံနဲ့၊ သေပြီလို့ ပြောလို့ မဖြစ်သေးဘူး။ နောက်ဆုံး စမ်းသပ်နည်းနဲ့ စမ်းသပ်ရဦးမယ်၊ အဲ့ဒီနည်းကို ရှာပါတယ်။ ဖြစ်ချင်တော့ နောက်ဆုံးစမ်းသပ်နည်းဟာ ဘာလဲလို့ ကျမ မမှတ်မိတော့ပါဘူး။ ကျမစဉ်းစားတယ်။ ငါ့ကို ဆရာကြီးတွေက သင်ပေးလိုက်တယ်၊ ဘာလဲ မသိဘူး၊ နောက်ဆုံးနည်း ရှိတယ်တဲ့။ စဉ်းစားတာ တော်တော်ကြာတယ်။ ဘေးကလူတွေကလဲ ကျမကို ငေးကြည့်လို့၊ ကျမလဲ စဉ်းစားရင်း စဉ်းစားရင်း အဖြေမပေါ်တော့ လူနာဆေးထိုးဖို့ လာချတဲ့ ရေနွေးဇလုံထဲကို ကျမ အပ်တွေထည့်၊ ပိုက်တွေထည့် ပိုက်ကလေးကို ရေနွေးစုပ်လိုက် ပြန်ထုတ်လိုက်၊ စုပ်လိုက် ပြန်ထုတ်လိုက်နဲ့ ခေါင်းထဲကတော့ သပွတ်အူတွေ တော်တော်များနေပြီ။ ငါဘာလုပ်မလဲလို့။ ကံကောင်းချင်တော့ ကျမ သတိရသွားပါတယ်။ ဇဝေဇ၀ါ မျက်လုံးတွေ အကုန်ဖျောက်ပြီး မျက်နှာထား ခပ်တည်တည်နဲ့ အဲ့ဒီအမျိုးသမီး ဆီကနေ ကျမကို လက်နှိပ်ဓါတ်မီးတခုပေးပါလို့ တောင်းလိုက်ပါတယ်။

ကဗျာကယာပဲ လက်နှိပ်ဓါတ်မီးထိုးပေးတယ်။ သူ့ဆီက လက်နှိပ်ဓါတ်မီးကို ယူပြီးတော့ လူမမာရဲ့ မျက်လုံးကို ဖွင့်ပြီးတော့ ကျမ မီးထိုးကြည့်ပါတယ်။ သာမန်လူတွေဟာ မျက်လုံးကို မီးရောင်နဲ့ လျှပ်တပြက် ထိုးလိုက်လို့ ရှိရင် အဲ့ဒီ မျက်လုံးသူငယ်အိမ်က မီးရောင်ကို တုံ့ပြန်တဲ့အနေနဲ့ သူငယ်အိမ် ကျယ်ရာကနေ ကျဉ်းသွားရပါတယ်။ ကျုံ့ဝင်သွားရပါတယ်။ အခု ကျမရဲ့ လူနာက လက်နှီပ်ဓါတ်မီးနဲ့ ထိုးလိုက်ပေမယ့် မျက်လုံးသူငယ်အိမ် ကျယ်မြဲကျယ်လျက်ပါ။ အဲ့ဒီတော့ ဒီတဖက် မသေချာသေးဘူး၊ နောက်တဖက် ထပ်ထိုးကြည့်ပါတယ်။ ထပ်ထိုးကြည့်တော့ နောက်တဖက်ကလဲ ကျယ်မြဲ ကျယ်လျက် နည်းနည်းမှကို မလှုပ်ပါဘူး။ သေချာပြီ ဆိုတော့မှ ကျမက လက်နှိပ်ဓါတ်မီးကို ချ၊ စိတ်မကောင်းတဲ့ မျက်နှာလေးနဲ့ လူမမာနားတော့ မနေရဲဘူး၊ ၀ုန်းဆို ထထိုင်ပြီး ဖက်လိုက်မှာစိုးလို့၊ လူနာရှင်ဘက်ကို ကပ်သွားပြီးတော့ ကျမ ပြောလိုက်ပါတယ်။ အမကြီးလို့ ပြောရမှာတော့ ကျမ ၀မ်းနည်းပါတယ်၊ အမကြီးရဲ့ လူမမာက အသက်မရှိတော့ ပါဘူးလို့၊ ကျမ ပြောလိုက်ပါတယ်။ အဲ့ဒီတော့ လူနာရှင် မိန်းမက ကျမ ထင်သားပဲ ဆရာမတဲ့။ အဲ့ဒီလို ပြောပါတယ်။ ကျမ တော်တော် ရှက်သွားတယ်။ ငါ့မှာတော့ ဒီလူနာ သေ မသေ စဉ်းစားလိုက်ရတာ၊ သူကတော့ ကြိုပြီးတော့ သိနေခဲ့ပါလား။ အဲ့ဒီအချိန်မှာ ကျမဟာ ထိုင်ရာကနေ ထပြီးတော့ ထွက်ပြေးသွားချင်လောက်အောင် ရှက်ပါတယ်။ ရှက်တာနဲ့အမျှ ဒေါသလဲထွက်။ ငါ့ကို ဒီလူနာ သေမှန်း သိလျက်နဲ့ သေနေတယ်လို့ ထင်နေလျက်သားနဲ့၊ ငါ့ဆေးခန်းကို ပိတ်ပြီး လာခဲ့ရအောင် ငါ့ကို ခေါ်တယ်။ ကျမဟာ ဒေါသနဲ့ ဟောက်ထည့်လိုက်တယ်။ လူနာသေတယ်လို့ ထင်လျက်သားနဲ့ ကျမကို ဘာဖြစ်လို့ လာခေါ်တာလဲ၊ ကျမမှာဖြင့် ဆေးခန်းလူနာတွေ ပစ်ထားခဲ့ရတာ၊ ရှင်အဓိပ္ပါယ်မရှိဘူး။ ဘာလို့ လာပင့်တာလဲ ဟောက်လိုက်တော့၊ လူနာရှင်အမျိုးသမီးက မျက်နှာလေး ချပြီး ပြောပါတယ်။ ဆရာမရယ် သေတယ်လို့တော့ ထင်ပါတယ်၊ ဒါပေမယ့် ဆရာမဆီက အတည်ပြုချက်လေး ယူချင်လို့ပါတဲ့။ (ရီသံများ) အဲ့ဒါ ကျမဘ၀ရဲ့ အင်မတန် ထူးခြားတဲ့ အဖြစ်အပျက်ကလေးတခုပါ။ ဒီတော့ ကျမဟာ ဆရာဝန်ဘ၀မှာလဲ ညံ့ဖျင်းတဲ့ ဆရာဝန်ပါ။

ဘယ်လောက် ညံ့ဖျင်းသလဲဆိုရင် ကျမ လူမမာတွေ အိမ်တွေ လိုက်သွားတယ်၊ ခလေးမွေးပေးရတယ်၊ ညှပ်နဲ့ ဆွဲမွေးပေးရတယ် ဆိုရင်ပဲ ကျမဟာ သားဖွါးမီးယပ်ပညာရှင်တွေလို ခံစားရပါတယ်။ ဘ၀င်မြင့်ခဲ့ပါတယ်။ အလုံး အကြိတ်လေးတွေ၊ အဆီလုံးလေးတွေ ခွဲစိတ်ရတာကိုပဲ ကျမဟာ ခွဲစိတ်ကုဆရာဝန်ကြီးလို ကျမ ဘ၀င်မြင့်ခဲ့တယ်။ အဲ့ဒီအချိန်မှာ ကျမတို့ နိုင်ငံရဲ့ ပြင်ဘက်မှာ ဆေးပညာနဲ့ ပါတ်သက်ပြီး ဘာတွေ တွေးထင်နေသလဲ၊ ဘာတွေ စီစဉ်နေကြသလဲ ကျမ မသိပါဘူး။
ဒိထက်ပိုညံ့တာတခုက ကျမတို့ ဆရာဝန် ဖြစ်တော့နောက်မှာ ကျမတို့နိုင်ငံရဲ့ ပြည်သူ့ ဆေးရုံတွေမှာ တာဝန်ထမ်းဆောင်ဖို့ လိုပါတယ်။ ပြည်သူ့ဆေးရုံ တွေမှာ တာဝန်ထမ်းဆောင်ဖို့က ဘွဲ့ရရုံနဲ့ မဖြစ်ပါဘူး။ ကျမတို့ တိုင်းပြည်တာဝန်ကို ထမ်းဆောင်ချင်တဲ့စိတ်ရှိရင် တိုင်းပြည်တာဝန်ကို ထမ်းဆောင်ဖို့ အခွင့်အရေးရအောင် စာမေးပွဲတွေ ဖြေရပါတယ်။ အဲ့ဒီက စာမေးပွဲတွေကတော့ ၀န်ထမ်းရွေးချယ်လေ့ကျင့်ရေးအဖွဲ့က ကျင်းပပေးတဲ့ စာမေးပွဲတွေပါ။ အဲ့ဒီ စာမေးပွဲတွေက ဖြေပြီးအောင်မှသာ ကျမတို့ဟာ တိုင်းပြည်တာဝန်ကို ထမ်းဆောင်ခွင့် ရှိပါတယ်။ ကျမဟာ ဘွဲ့ရရခြင်း တိုင်းပြည်ကို အင်မတန် အကျိုးပြုချင်ပါတယ်။ တိုင်းပြည်တာဝန်ကိုလဲ အင်မတန် ထမ်းဆောင်ချင်ပါတယ်။ အဲ့ဒါနဲ့ပဲ ကျမ စာမေးပွဲတွေ ဖြေပါတယ်။ ဖြေတိုင်း ဖြေတိုင်း ကျပါတယ်။ နောက်ဆုံးတကြိမ်မှာတော့ ရေးဖြေစာမေးပွဲ အောင်သွားတယ်။ အောင်သွားတော့ ကျမတို့ ကျက်ရတဲ့ စာတွေကလဲ နိုင်ငံရေးသိပ္ပံ ပါပါတယ်။ မြန်မာစာ ပါပါတယ်။ ဗဟုသုတ ပါပါတယ်။ ဆေးပညာတော့ မပါပါဘူး။ (ရီသံများ) အဲ့ဒီတော့ ကျမတို့ ရေးဖြေအောင်သွားတဲ့အခါ ကျမ ရန်ကုန်ကို လာပြီး နှုတ်ဖြေ ဖြေရပါတယ်။ နှုတ်ဖြေဖြေတော့ ကျမတို့ သူငယ်ချင်း သုံးလေးယောက် စုပြီး တအိမ်မှာ တည်းတယ်။ တည်းပြီးတော့ နောက်ဆုံးပေါ် ဂျာနယ်တွေ၊ ဆေးပညာနဲ့ ပတ်သက်တာတွေ ကျမတို့ အကုန်ဖတ်ပါတယ်။ အဲ့ဒီအချိန်တုန်းက (အိတ်စ်) ရောဂါ ကမ္ဘာမှာ လူသိခါစ၊ ရော့ဟဒ်ဆန်ကြောင့် အဲ့ဒီရောဂါကို လူတော်တော်များများက သိကုန်ကြပါပြီ။ ကျမတို့ ကျောင်းတုန်းက ဒီရောဂါဟာ မထင်ရှားသေးတဲ့အတွက် ကျမတို့ သိပ်စာမကျက်ရပါဘူး။ အဲ့ဒီအချိန်မှာ အိတ်စ်ရောဂါနဲ့ပတ်သက်တဲ့ နောက်ဆုံးပေါ်နည်းတွေ၊ ဖြစ်ပွါးတဲ့ အကြောင်းရင်းတွေ၊ ဆက်သွယ်မှုတွေ အားလုံးကို ကျမတို့ တညလုံး ဖတ်ရတယ်။ ဖတ်ပြီးတော့ နောက်တနေ့ ကျမတို့ အဆင်သင့်ပဲပေါ့။ ဆေးပညာနဲ့ ပတ်သက်လို့ ဘာမေးမေး အားလုံးရပြီလို့ ဆိုပြီး ရင်ကော့ပြီး စာမေးပွဲခန်းထဲ ၀င်သွားပါတယ်။ ၀င်သွားတော့ ကျမတို့ကို မေးလိုက်တဲ့ မေးခွန်းတွေက ကျမထင်ထားတဲ့ မေးခွန်းတွေ ဘာတခုမှ မမေးပါဘူး။ ကျမ မထင်မှတ်တဲ့ မေးခွန်းတွေပဲ မေးပါတယ်။ အဲ့ဒီ မေးခွန်းတွေဟာလဲ ကျမတခါမှ မကြားဘူးတဲ့ မေးခွန်းတွေပါ။ ဘာမေးခွန်းတွေလဲ ဆိုတာတော့ ကျမ မပြောတော့ပါဘူး။ မမှတ်မိလို့ပါ။ အဲ့ဒီမေးခွန်းတွေကို မေးပြီးတော့ ကျမကလဲ မဖြေနိုင်ပါဘူး။ ကျမကို ဆေးပညာနဲ့ ပတ်သက်တဲ့တာ မေးပါ။ ကျမ အကုန်ရပါတယ် ပြောတော့ အဲ့ဒါတွေ မမေးဘူးတဲ့၊ ငါတို့ မေးတဲ့ မေးခွန်းကိုပဲ ဖြေရမယ်တဲ့။ ကျမ စာမေးပွဲ ကျခဲ့ပါတယ်။ ကျမ အင်မတန် ထမ်းဆောင်ချင်တဲ့ တိုင်းပြည်တာဝန်ကို မထမ်းဆောင်ခဲ့ရပါ။ အဲ့ဒါ ကျမတို့ ဘွဲ့ရခါစ လွန်ခဲ့တဲ့ (၁၀) နှစ်ကပေါ့။ အခုအချိန်မှာတော့ အခြေအနေ တမျိုးပြောင်းသွားပါပြီ။

တိုင်းပြည်တာဝန်ကို ထမ်းဆောင်ဖို့ ဖိတ်ခေါ်လျက် ရှိပါတယ်။ မြို့နယ်ဆေးရုံတွေ၊ ကျေးလက်ကျန်းမာရေးဌာနတွေမှာ ဆရာဝန်တွေ လိုနေပါတယ်တဲ့။ အရင်တုန်းက တနှစ်တနှစ် အောင်ခဲ့တဲ့ ဆရာဝန်တွေ ငါးရာ ခုနှစ်ရာလောက် ရှိပါတယ်။ ခေါ်တဲ့ဆရာဝန်က ၁၅၀ လောက်ပဲ ရှိပါတယ်။ အခုတော့ တနှစ်တနှစ် ဘယ်လောက်အောင်သလဲတော့ မသိဘူး။ ခေါ်တဲ့သူတွေက အများကြီးပဲ။ ဖြေတဲ့သူတိုင်းကို အအောင်ပေးပါတယ်။ ဒါပေမယ့် ဖြေတဲ့သူ တဖြေးဖြေး နည်းသွားပါတယ်။ ကျမကိုယ်တိုင် အရင်တုန်းက တိုင်းပြည် တာဝန်ထမ်းဆောင်ချင်တဲ့ ကျမဟာ အခုအခြေအနေမှာ သွားပြီးတော့ ဖြေရင် အောင်မယ်ဆိုတာ ကျမ သိပါတယ်။ အခုတော့ ကျမ တိုင်းပြည်တာဝန် ထမ်းဆောင်ချင်တဲ့စိတ် မရှိတာလား၊ အသက်ကပဲ ကြီးသွားတာလား မသိပါဘူး။ စိတ်မ၀င်စားတော့ဘူး။ အခုတော့ ကျမဟာ ခပ်ညံ့ညံ့ ပြင်ပဆေးကု ဆရာဝန်ဘ၀နဲ့ပဲ ဆက်ပြီးတော့ နေထိုင်လျက် ရှိပါတယ်။ အဲ့ဒါက ကျမရဲ့ ဆရာဝန်ဘ၀ ညံ့ဖျင်းမှုတွေပါ။

ဆရာဝန်ဘ၀ ပြောပြီးတော့ စာရေးဆရာဘ၀ ညံ့ဖျင်းမှုတွေကို ၀န်ခံလိုပါတယ်။ ကျမ စာရေးဆရာအဖြစ် ဘာတွေညံ့သလဲ ဆိုတာကတော့ ကျမရဲ့ ၀တ္ထုဆောင်းပါးတွေကို ဖတ်တဲ့ ပရိသတ်တွေအနေနဲ့ ထူးပြီးတော့ ၀န်ခံစရာ မလိုလောက်အောင် သဘောပေါက်ပြီးသားလို့ ကျမ ယူဆပါတယ်။ ဒီတော့ ကျမစာရေးတာနဲ့ ပတ်သက်လို့ ကျမရဲ့ အရေးအသားတွေ၊ ဇာတ်လမ်းတည်ဆောက်ပုံတွေ၊ အတွေးအခေါ်တွေ ညံ့ဖျင်းတာကိုတော့ ကျမ မပြောတော့ပါဘူး။ ဒါပေမယ့် ရည်ရွယ်ချက်နဲ့ ပတ်သက်ပြီးတော့ ညံ့ဖျင်းတာကိုတော့ ကျမ ပြောလိုပါတယ်။ ကျမဟာ စာရေးဆရာ ဖြစ်လို့သာ ဖြစ်လာရတယ်၊ ဘာရည်ရွယ်ချက်မှ မရှိပါဘူး။ စာရေးဆရာ ဘာ့ကြောင့် ဖြစ်ချင်သလဲလို့ တယောက်ယောက်က မေးလိုက်တဲ့အခါမှာ ကျမ အိုးနင်းခွက်နင်း အမြဲဖြစ်တတ်ပါတယ်။ ဘာဖြေလို့ ဖြေရမှန်း မသိပါဘူး။ အဲ့ဒါဟာ ကျမရဲ့ ညံ့ဖျင်းမှုပါ။ အခုအချိန်ကျမှ ပြန်စဉ်းစားကြည့်ရတယ်။ အရင်တုန်းက ကျမ မသိပါဘူး။ အခုအချိန်လဲ ကျမ ဘာဖြစ်လို့ ပြန်စဉ်းစားမိသလဲဆိုတော့ ဆရာမကြီး ဒေါ်ခင်မျိုးချစ်ရေးတဲ့ ဆောင်းပါးတပုဒ် ဖတ်လိုက်ရလို့ပါ။ ဒေါ်ခင်မျိုးချစ်ကို အားလုံးသိကြမှာပါ။ အဲ့ဒီဆရာမကြီးက စာရေးတဲ့ ရည်ရွယ်ချက်နဲ့ ပတ်သက်လို့ ဆောင်းပါးတပုဒ် ရေးဖူးပါတယ်။ သူက ဘာကို ဥပမာပြသလဲဆိုတော့ ဖိလစ်ပိုင်အမျိုးသား အာဇာနည်ခေါင်းဆောင် ဒေါက်တာ ဟိုဆေးရီဇော်နဲ့ ဥပမာ ပြပါတယ်။ ဒေါက်တာ ရီဇော်ဟာ သူစာရေးတဲ့ အချိန်တုန်းက သူနိုင်ငံဟာ ကိုလိုနီနိုင်ငံပါ။ သူ့တိုင်းပြည် လွတ်လပ်ရေး မရသေးပါဘူး။ အဲဒီတော့ သူဟာ သူ့တိုင်းပြည်လွတ်လပ်ရေးရဖို့ ကျနော် စာ(၃)အုပ် ရေးပါမယ်တဲ့။ အဲ့ဒီစာ (၃) အုပ်ရေးပြီးတဲ့ အထိ ကျနော့်တိုင်းပြည်ဟာ လွတ်လပ်ရေး မရသေးဘူးဆိုရင် ကျနော် ကိုယ့်ကိုယ်ကို သတ်သေ ပစ်လိုက်မယ်တဲ့။ အဲ့ဒီ ရည်ရွယ်ချက်နဲ့ ကျေညာပြီး စာရေးတဲ့ သူတယောက်ပါ။ တကယ်လဲ သူစာအုပ် ရေးခဲ့ပါတယ်။ စာအုပ်နှစ်အုပ် ရေးပြီးတဲ့အခါမှာပဲ သူ့တိုင်းပြည်ဟာ လွတ်လပ်ရေး ရသွားပါတယ်။ သူကိုယ်တိုင်ကတော့ နယ်ချဲ့အစိုးရက သူပုန်ဆိုပြီး သတ်မှတ်ပြီးတော့ သေနတ်နဲ့ ပစ်သတ်ကွပ်မျက်တာကို ခံခဲ့ရပါတယ်။ သူဟာ သူရဲကောင်း ပီသစွာ ကျဆုံးသွားပါတယ်။ အဲဒီ ဒေါက်တာရီဇော်ရဲ့ ရည်ရွယ်ချက်ကို ဆရာမကြီး ဒေါ်ခင်မျိုးချစ်က ရေးပြလိုက်တဲ့အခါ ကျမ ကိုယ့်ကိုယ်ကို သိပ်ရှက်သွားပါတယ်။ ငါ ဘာရည်ရွယ်ချက်နဲ့ စာရေးတာလဲ။ သူများတွေများ ရည်ရွယ်ချက်က မွန်မြတ်လိုက်တာ။ မြင့်မြတ်လိုက်တာ၊ ငါ့မှာတော့ ဘာရည်ရွယ်ချက်မှ မရှိပါလား၊ ကျမရေးခဲ့တဲ့ ၀တ္ထုတွေ လေးငါးပုဒ်၊ လုံးချင်းစာအုပ်နဲ့ ၀တ္ထုတွေ ၃၀ ကျော်၊ ငါဘာကို ရေးတာလဲ၊ အဲ့ဒီတခါ ကျမ နည်းနည်းတော့ သဘောပေါက်လာပါတယ်။ ကျမဟာ ရည်ရွယ်ချက်တော့ ရှိခဲ့ဟန် တူပါတယ်။ ဘာရည်ရွယ်ချက် လဲ တွေးကြည့်တော့ ကျမ၀တ္ထုတွေထဲက ကျမ ပြန်ပြီးတော့ လေ့လာကြည့်ရသလောက်တော့ ကျမဟာ အမျိုးသမီးတယောက် ဖြစ်တာနဲ့အမျှ အမျိုးသမီးများရဲ့ ဂုဏ်သိက္ခာမြင့်မားရေး၊ တိုးတက်အောင်မြင်ရေး၊ ကိုယ်ကျင့်တရား မြင့်မြတ်ရေး အဲ့ဒါတွေကို ကျမ ဦးတည်ခဲ့ပုံရပါတယ်။ ကိုယ့်ဖာသာကိုယ် ပြန်ပြီးတော့ ဆင်ခြင်မိသလောက် ပြောရရင် ဒါတွေကြောင့် ရေးမိခဲ့တယ်နဲ့ တူပါတယ်။ ဒါတောင် အခုချိန်ထိ မသေချာသေးပါဘူး။ ဇဝေဇ၀ါ ဖြစ်တုန်းပါပဲ။ ဟုတ်မှဟုတ်ရဲ့လားလို့ ကျမကိုယ်ကျမ မသေချာသေးဘူး။ ဒါပေမယ့် ဒါ ထင်မြင်ချက်တခုပါ။ ကျမ အဲ့ဒီလို ရည်ရွယ်ချက်နဲ့ ရေးခဲ့မိတယ်လို့ ကျမ ကိုယ့်ဖာသာကိုယ်ပဲ ကောက်ချက်ချရပါတယ်။

ဒါက ရည်ရွယ်ချက်နဲ့ ပတ်သက်ပြီးတော့ ကျမ ညံ့တာ၊ နောက်တခုက ကျမတို့ဟာ ၀တ္ထုတပုဒ် ကဗျာတပုဒ် ရေးတဲ့အခါ ကိုယ့်ရဲ့စာကို စာဖတ်ပရိသတ် ဖတ်စေချင်တဲ့ ရည်ရွယ်ချက် ရှိပါတယ်။ စာဖတ်ပရိသတ်ဆီကို ပို့ချင်တဲ့ ဆန္ဒလေးတွေ အမြဲရှိပါတယ်။ ဒါ့ကြောင့် ကျမတို့ စာတွေ ရေးပါတယ်။ ကိုယ့်ကိုယ်ကို ဖတ်ဖို့ ရေးတာထက် သူတပါးဖတ်ဖို့ ရေးတာက ပိုပြီးတော့ များပါတယ်။ အဲ့ဒီတော့ ကျမဟာ ပရိသတ်အတွက် ရည်ရွယ်ပြီးတော့ ၀တ္ထုတွေ အများကြီး ရေးတယ်။ ဒါပေမယ့် ပရိသတ်ဆီကို ရည်ရွယ်သော်လည်း ပရိသတ်ဆီကို မရောက်ပဲ မမျှော်လင့်ပဲ ရေမြောင်းထဲကို ရောက်သွားခဲ့ရတဲ့ ၀တ္ထုလေးတွေ၊ ကဗျာလေးတွေ ရှိပါတယ်။ အယ်ဒီတာစာပွဲက ဆုတ်ဖြဲပြီးတော့ ရောက်တာ မဟုတ်ပါဘူး။ အယ်ဒီတာ စာပွဲကနေ ကျော်သွားပြီးမှ အကြောင်းကြောင်းကြောင့် ကျမရဲ့ ၀တ္ထုလေးတွေ ကဗျာလေးတွေ ရေမြောင်းထဲကို ရောက်သွားတာ ကျမ ခဏခဏ ကြုံရပါတယ်။ ဒါဟာ ကျမရဲ့ ညံ့ဖျင်းမှုတွေထဲမှာ ပါပါတယ်။ တကယ်တော့ ကျမတို့ဟာ စာဖတ်ပရိသတ်တွေဆီကို ပို့တဲ့အခါမှာ ပရိသတ်ဆီရောက်အောင် ကျမတို့ ရေးနိုင်ရပါမယ်။ ဘယ်လို အတားအဆီးပဲရှိရှိ ဘယ်လို အဖြတ်အတောက်ပဲ ရှိရှိ ဒါကို လှည့်ပတ်ပြီး ပို့နိုင်ရပါမယ်။ အရေးကြီးတာက ပန်းတိုင်ရောက်ဖို့ပဲ။ ဒါပေမယ့် ကျမတို့က အဲ့ဒီလို မပို့တတ်ဘူး။ ကျမက ပိုပြီးတော့ မပို့တတ်ဘူး။ အဲ့ဒီတော့ ကျမက ရည်ရွယ်ချက်နဲ့ ပရိသတ်ဆီကို ရောက်အောင် ပို့ပေးလိုက်ပေမယ့် တခါတခါကျတော့ ကံအကြောင်း မသင့်လို့ ပရိသတ်ဆီကို မရောက်တော့ပဲ ရေမြောင်းထဲကို ရောက်သွားတာ ကြုံရပါတယ်။ အဲ့ဒါဟာ ကျမရဲ့ ညံ့ဖျင်းမှုပါ။ ရေမြောင်းထဲကို ရောက်သွားတဲ့ ၀တ္ထုလေးတွေ အများကြီး ရှိပါတယ်။ ကဗျာလေးတွေ အများကြီး ရှိပါတယ်။ အဲ့ဒီထဲက ကျမ ကဗျာတပုဒ်အကြောင်း ပြောပြချင်ပါတယ်။ ကဗျာလေးက တိုတိုလေးပါ။

ကဗျာလေးခေါင်းစဉ်က 'လေလွင့်သူရဲ့တိမ်' လို့ အမည်ပေးထားပါတယ်။ လွန်ခဲ့တဲ့ (၈) နှစ်လောက်က ရေးထားတာပါ။ ကျမ အဲ့ဒီကဗျာကို ပရိသတ်ဆီပို့ဖို့ အခုအချိန်ထိ ၃ ကြိမ်တိတိ ပို့ပြီးပါပြီ။ ၃ ကြိမ်လုံးလုံး ရေမြောင်းထဲပဲ ရောက်သွားပါတယ်။ ဒီတော့ အဲဒီကဗျာလေး ဘာကြောင့် ရေမြောင်းထဲကို ရောက်သလဲဆိုတာ ၀ိုင်းပြီးတော့ ဆန်းစစ်ပေးပါလို့ ကျမ တောင်းပန်ချင်ပါတယ်။ ကျမ အဲ့ဒီကဗျာလေးကို ရွတ်ပြပါမယ်။ နဲနဲကြာပြီဆိုတော့ အလွတ်မရလို့ စာရွက်ကို ကြည့်ပြီးတော့ ရွတ်ပါမယ်။

မုန်းတီးသူများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

မုန်းတီးမှုတွေ စားရတယ်ဆိုတာ တခြား စားစရာ မရှိလို့ စားရတာပါ။ ကျမမှာက နေ့စဉ်နှင့်အမျှ မုန်းတီးမှုကို စားရပါတယ်။ တချို့ တချို့သော သူတွေ၊ ကံကောင်းတဲ့သူတွေကတော့ စားစရာတွေ အများကြီး ရှိမှာပေါ့။ အဟာရရှိတဲ့ အစားအစာတွေ အများကြီး စားတဲ့အခါမှာ သူတို့ရဲ့ ဗိုက်တွေကလဲ တဖြေးဖြေးနဲ့ ပိုပိုပြီး ပူလာပါတယ်။ (ရီသံ၊ လက်ခုပ်သံများ) အဲ့ဒီတော့ ဒီပရိသတ်ထဲမှာ ဗိုက်ပူသူ ရှိရင် (ရီသံများ) တချို့ကျတော့ ဘီယာသောက်လို့ ဗိုက်ပူတတ်ပါတယ်။ အဲ့ဒါတွေက တမျိုးပေါ့။ ကျမမှာတော့ သူများလို စားစရာ အဟာရလဲ သိတ်မရှိ၊ လူပုံကို ကြည့်လိုက်ပါ၊ လူပုံကလဲ ပိန်ပိန် ပုပု သေးသေးလေး၊ ဒါ အဟာရ မရှိလောက်ဖူးဆိုတာ သိလောက်ပါတယ်နော်။ ကျမတို့မှာက ဆန်စပါး။ ၀၀လင်လင် မစားရ။ တချို့တော့ ဆန်စပါးတင်မကဘူး၊ ဘိလပ်မြေတွေ ဘာတွေလဲ စားတတ်ကြတယ်လို့ ပြောပါတယ်။ (ရီသံများ) အဲ့ဒီတော့ ကျမက စားစရာ မရှိတော့ နေ့စဉ်နှင့်အမျှ ကိုယ့်ရဲ့ မုန်းတီးမှုကို ကိုယ့်အမုန်းတွေကို ပြန်ပြီး စားရင်း ကိုယ့်ကိုယ်ကို ခွန်အားဖြစ်အောင် နေခဲ့ရပါတယ်။ အဲ့ဒီအဓိပ္ပါယ်နဲ့ ကျမဟာ ကဗျာလေးကို အဲ့ဒီလို ရေးဖွဲ့ခဲ့ပါတယ်။

မုန်းတီးမှုများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းခဲ့ပြီ။

အဲ့ဒါကလဲ အဲ့ဒီကဗျာရေးတော့ ကျမက အသက် ၃၀ မို့လို့ နှစ် ၃၀ ကြာတဲ့ မီးလျှံများလို့ ရေးတာပါ။ (ရီသံများ)

လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရားတရင်း စိန်ခေါ်ခဲ့ရပြီ။

နာရီလွဲတာ၊ အချိန်လွဲတာတွေ လူ့ဘ၀မှာ အများကြီးပါပဲ။ ကျမတို့ မှန်းထားတာက တခြား၊ ဖြစ်သွားတာက တခြား၊ မှန်းထားတဲ့ အချိန်ကတခြား၊ ဖြစ်သွားတဲ့ အချိန်က တခြား၊ အဲ့ဒါတွေ အများကြီး ကြုံရပါတယ်။ အဲ့ဒီတော့ ကျမက အဲ့ဒီလို ရေးပါတယ်။ 'ဘုရားတရင်း စိမ်ခေါ်ခဲ့ရပြီ' ဆိုတာလဲ ကျမတို့က စိမ်ခေါ်တာတောင်မှ ရဲရဲတင်းတင်း စိမ်မခေါ်ရဲပါဘူး။ ဘုရားကို အာရုံပြုပြီးမှ စိမ်ခေါ်ရတာပါ (လက်ခုပ်သံများ) နောက်တပိုဒ် ကျမ ဆက်ရေးပါတယ်။

ဂုဏ်သိက္ခာတွေ ကြွေမွပြီး
စီးထားတဲ့ ဖိနပ်အောက်
အမှန်တရားတွေ မှောက်ကျသွားတဲ့အခါ
ဘ၀ဆိုတာ ကောလဟလပါပဲ။

(လက်ခုပ်သံများ) ဂုဏ်သိက္ခာလဲ မရှိဘူး၊ ကိုယ်စီးတဲ့ ဖိနပ်အောက် အမှန်တရားကို မှောက်ကျပစ်လိုက် တဲ့အခါ၊ မှောက်ချပစ်လိုက်တဲ့အခါ ဘ၀ဆိုတာ ကောလဟလ တခုထက် မပိုပါဘူး။ ဒီလိုဘ၀မျိုးကဖြင့် အားကျစရာ မရှိပါဘူး။ ဒီလိုဘ၀မျိုးကို မက်မောစရာ မရှိပါဘူး။ ကျမက အဲဒီလို ရေးပါတယ်။

ရွှေရှာသူများ
ငွေရှာသူများ
နေရာယူသူများ
အားလုံးရဲ့နောက်မှာ
ငါ....
လေဆာရောင်ခြည်သေနတ်နဲ့ လူသတ်ချင်တယ်။

(လက်ခုပ်သံများ) ဒါပေမယ့် ဆိုတာက ကိုယ်ဖြစ်ချင်တာတွေ၊ ကိုယ့်ဆန္ဒတွေ လုပ်လို့ မရဘူးဆိုတဲ့ အဓိပ္ပါယ်နဲ့ ဒါပေမယ့်ကို ခံထားပါတယ်။

ဒါပေမယ့်
ဘာတွေမှ တွေးမနေနဲ့။

တွေးနေရင်လဲ မောရုံပဲ။ ဘာတွေမှ တွေးမနေနဲ့တော့။

တိမ်တွေကိစ္စ
ရာသီတွေရဲ့ကိစ္စ
လောကကို မတောင်းဆိုလိုက်လေနဲ့
အိနြေ္ဒကြီးတဲ့ကောင်းကင်လို နေလိုက်ပေါ့။

ကောင်းကင်ဆိုတာကတော့ သူ့ရဲ့အောက်မှာ ဖြစ်နေသမျှ ဘာတွေပဲဖြစ်ဖြစ် အိနြေ္ဒတခွဲသားနဲ့ပဲ ငုံ့ကြည့်နေတတ်ပါတယ်။ ကျမတို့ဟာလဲ ဘာတွေကိုမှ၊ တိမ်တွေရဲ့ ကိစ္စ၊ ရာသီရဲ့ ကိစ္စရော လောကကို တောင်းဆိုလို့ မဖြစ်ပါဘူး။ တောင်းဆိုလို့ မရတဲ့အပိုင်းတွေ အများကြီး ရှိတော့ ကျမလဲ ဒီ အိနြေ္ဒကြီးတဲ့ ကောင်းကင်ကြီးလို နေလိုက်ပေါ့လို့ ကျမက အဓိပ္ပါယ်ရပါတယ်။ (လက်ခုပ်သံများ)

အဲ့ဒါ ကျမ ပရိသတ်ဆီ ရောက်အောင်ပို့ဖို့ ရည်ရွယ်ချက်နဲ့ ရေးသော်လဲ ပရိသတ်ဆီ သုံးကြိမ်တိုင် မရောက်ခဲ့တဲ့ ကဗျာလေးပါ။ ဒါ ဥပမာပါ။ နောက်ထပ် ဥပမာတွေကိုတော့ ကျမ ရွတ်မပြတော့ပါဘူး။ အဲ့ဒီတော့ အဲ့ဒါဟာ ကျမရဲ့ ညံ့ဖျင်းမှုတွေပါ။ ကျမ ညံ့ဖျင်းမှုတွေ အားလုံးကို ရှေ့ဆက်ပြောရရင် အများကြီးရှိပါတယ်။ ဒါပေမယ့် မပြောတော့ပါဘူး။ ဒီလောက်ဆိုရင် ပရိသတ် သဘောပေါက်ပါပြီ။ ဒီတော့ ကျမ ကိုယ့်ကိုယ်ကို ညံ့နေတာကို သိသွားပြီ။ ညံ့နေတာကနေ တော်အောင် လုပ်ချင်တယ်ဆိုတဲ့ ဆန္ဒရှိပါတယ်။ အဲ့တော့ ညံ့နေတာကနေ တော်အောင် ဘယ်လိုနည်းတွေနဲ့ ကျမ တော်တာ မတော်တာ အမြဲတမ်း စဉ်းစားပါတယ်။ ညံတာကလဲ ကျမတယောက်တည်း မဟုတ်ပါဘူး။ ကျမသူငယ်ချင်းဆရာဝန်တွေ သူတို့လဲ ညံ့ကြပါတယ်။ သူတို့ကို မေးကြည့်တဲ့အခါ သူတို့ကလဲ တော်ချင်တယ်လို့ ပြောကြပါတယ်။ အဲ့တော့ ကျမတို့ အားလုံးစုပြီး တော်အောင်လုပ်ကြဖို့ တမျိုးမျိုး ရှာမှဖြစ်မယ်။ ညံ့တာသိရင် သူတော်မှာပဲ၊ အဲ့တော့ ညံ့တဲ့အကြောင်းတွေကို ရှာရအောင်၊ ငါတို့ ဘာကြောင့် ညံ့သလဲ အဲ့လို ကျမတို့ မေးပါတယ်။ အဲ့တော့ ကျမတို့က လူငယ်တွေဆိုတော့ အမြဲတမ်းပဲ လူကြီးတွေကို ပုံချဖို့ စိတ်ထက်သန်တဲ့ လူတွေပါ။ ကျမတို့က လူကြီးတွေကို ပုံချတယ်။ ကျမတို့ ဘာကြောင့် ညံ့သလဲ၊ ကျမတို့ တော်အောင် လေ့ကျင့်မပေးနိုင်တဲ့ လူကြီးတွေ ညံ့လို့ ကျမတို့ တွေးပါတယ်။ (လက်ခုပ်သံများ)

အဲ့ဒါ ရာခိုင်နှုန်းပြည့်မှန်တဲ့ ကောက်ချက်တခုတော့ ဟုတ်ချင်မှ ဟုတ်မှာပေါ့။ ကျမဟာ လူငယ်ရဲ့ ကိုယ်စား ကျမ သွားပြီးတော့ ကောက်ချက်ချလိုက်တာပါ။ တကယ်တမ်းကတော့ ကျမတို့ဟာ ရာခိုင်နှုန်းပြည့် တော်အောင် မကြိုးစားနိုင်ရင်၊ ၈၀% တော်အောင် ကြိုးစားသင့်ပါတယ်။ ၈၀% မရရင် ၆၀%၊ ၆၀% မရရင် ၄၀% ရဖို့ ကျမတို့မှာ တာဝန် ရှိပါတယ်။ ဒါပေမယ့် ကျမတို့က ၄၀% ရတာကို ၁၀၀% မရလို့ ဆိုပြီး ညည်းညူပြီးတော့ စိတ်ပျက်လက်ပျက် နေခဲ့ကြလို့ အဲ့ဒီထက် ညံ့လာပါတယ်။ အဲ့တော့ အဲ့ဒါတွေကို သိသွားရင် ကျမတို့ တော်ကြမယ်။ တော်အောင်လုပ်ကြမယ် ဆိုပြီးတော့ ကျမတို့ဟာ တော်ဖို့ မျှော်လင့်ချက်ကလေး ကိုယ်စီနဲ့ အသက်ရှင်ဖို့ ဆုံးဖြတ်လိုက်ကြတယ်။ အဲ့ဒီနေရာမှာ ကျမတို့က မျှော်လင့်ချက်သာ ထားတယ်။ မျှော်လင့်ချက်ရဲ့ အဓိပ္ပါယ် အတိအကျကို ကျမတို့ အသေအချာ မသိပါဘူး။ အဲ့တော့ မျှော်လင့်ချက်နဲ့ ပတ်သက်ပြီးတော့ ကျမ ဖတ်ခဲ့ဖူးတဲ့ စာအုပ်ထဲက အကြောင်းအရာလေးကို ပြောရင်းနဲ့ နိဂုံးချုပ်ပေးပါမယ်။

ကျမဖတ်ဖူးတဲ့ စာအုပ်တအုပ် ရှိပါတယ်။ ကမ္ဘာကျော် စိတ်ပညာရှင် ဆရာကြီး အဲလစ်စတုန်းဆိုတာ ကြားဖူးကြမှာပါ။ ဂျမန်စိတ်ပညာရှင်ကြီးပါ။ အဲဒီ အဲလစ်စတုန်းက စာအုပ်တွေ အများကြီး ရေးပါတယ်။ သူရေးတဲ့ စာအုပ်တွေ အနက်က မျှော်လင့်ချက်နဲ့ ပတ်သက်ပြီး ရေးခဲ့တဲ့ စာအုပ်ပါ။ ခေါင်းစဉ်က 'Revolution of Hope' မျှော်လင့်ချက်၏တော်လှန်ရေး။ အဲ့လို ဘာသာပြန်လို့ ရမယ်ထင်ပါတယ်။ အဲ့ဒီ စာအုပ်ကို ကျမ သိတ်မကြာခင်က ဖတ်လိုက်ရပါတယ်။ လွန်ခဲ့တဲ့ နှစ်နှစ်လောက်ကပါ။ အဲ့ဒီတော့ ဒီစာအုပ်ကို ဖတ်တော့ စာအုပ်ထဲမှာက မျှော်လင့်ချက်နဲ့ ပတ်သက်ပြီးတော့ သူအဓိပ္ပါယ် ဖွင့်ဆိုတာက အင်မတန် သဘောကျဖို့ ကောင်းပါတယ်။ သူက မျှော်လင့်ချက်ဆိုတာ ဆန္ဒသက်သက်ကိုသာ ပြောတာ မဟုတ်ပါဘူး။

ကျမတို့ကတော့ မွေးကတည်းက ခုချိန်ထိ ထင်လာခဲ့တယ်။ ကျမတို့ ဖြစ်ချင်တဲ့ ဆန္ဒတွေဟာ ကျမတို့ မျှော်လင့်ချက်ပဲလို့ ကျမထင်ခဲ့တယ်။ ကျမဟာ သိန်း ၅၀ ကျော်လောက် ချမ်းသာတဲ့ သူဌေးမကြီး ဖြစ်ချင်တယ်။ ဖြစ်အောင်ကြိုးစားရင် ရမယ်ထင်တယ်။ ကျမဟာ လက်ညှိုးညွှန်ရာ ရေပွတ်တွေ အများကြီးပိုင်တဲ့ ဘ၀ ရောက်ချင်တယ်။
ဥပမာ ပြောတာပါ။ အဲ့ဒီလို ဘ၀မျိုးရောက်ချင်တယ်။ အဲ့ဒါဟာ ကျမရဲ့ ဆန္ဒ၊ ဒီဆန္ဒဟာ ကျမရဲ့ မျှော်လင့်ချက်ပဲလို့ ကျမ အဓိပ္ပါယ် ပေါက်ခဲ့တယ်။ ဆရာကြီး အဲလစ်စတုန်းက ဘာပြောသလဲ၊ မျှော်လင့်ချက် ဆိုတာ ဆန္ဒသက်သက်ကို ခေါ်တာ မဟုတ်ဘူးတဲ့။ မျှော်လင့်ချက်အတွက် ဆန္ဒမှာ ဆုံးဖြတ်ချက် တွဲပြီးပါရမယ်တဲ့။ ဆုံးဖြတ်ချက်မပါတဲ့ မျှော်လင့်ချက်၊ ဆုံးဖြတ်ချက်မပါတဲ့ ဆန္ဒဟာ မျှော်လင့်ချက်အရ မျှော်လင့်ချက် အသေကြီး ပဲတဲ့။ သူက Passive Hope လို့ ကျမတို့ကို ရှင်းပြပါတယ်။ Passive ဆိုတာ ကိုယ်တိုင်ပြုပြင် ဖန်တီးတာ မဟုတ်ပဲနဲ့ သူတပါးပြုပြင်ဖန်တီးတာကို စောင့်ပြီးနေတဲ့ သဘောတရားကို Passive လို့ ခေါ်ပါတယ်။ အဲ့ဒီတော့ သူက ဆုံးဖြတ်ချက်မပါတဲ့ မျှော်လင့်ချက်ဟာ မျှော်လင့်ချက် ဖြစ်ရင်တောင်မှ မျှော်လင့်ချက် အသေကြီးပဲတဲ့။ အဲဒီတော့ မျှော်လင့်ချက်အသေနဲ့ မျှော်လင့်ချက်အရှင် သူက ခွဲခြားပြတယ်။ အဲ့လို ခွဲခြားပြဖို့အတွက်လဲ သူက ကျမတို့ကို အင်မတန်ကောင်းတဲ့ ပုံဝတ္ထုကလေးတပုဒ်ကို ပြောပြပါတယ်။

အဲ့ဒီ ပုံဝတ္ထုလေးက သုံးလေးကြောင်းပဲ ရှိတဲ့ ပုံပြင်တိုကလေးပါ။ အဲ့ဒီ ပုံဝတ္ထုကလေးကို ရေးခဲ့ပါတယ်။ ခေါင်းစဉ်က 'တရားဥပဒေရှေ့မှောက်မှာ' တဲ့၊ အဲ့ဒီ ပုံဝတ္ထုထဲမှာ ဇာတ်လိုက် နှစ်ယောက်ပဲ ပါပါတယ်။ တယောက်က ခရီးသည်ကြီးတယောက်၊ အဲ့ဒီ ခရီးသည်ကြီးက သူ့လမ်းခရီးကနေပြီးတော့ တံခါးတခုရဲ့ ရှေ့ကို ရောက်လာပါတယ်။ အဲ့ဒီတံခါးကြီးက ဖွင့်ထားတဲ့ တံခါးကြီးပါ။ ပိတ်နေတဲ့ တံခါးကြီး မဟုတ်ပါဘူး။ ဖွင့်ထားတဲ့တံခါးဆိုတော့ ဖွင့်ထားတဲ့ တံခါးကြီးရဲ့ ဟိုဘက်မှာ သူဟာ အများကြီး သူမြင်ချင်တာတွေ အကုန်မြင်ရပါတယ်။ အဲ့ဒီဖက်မှာ အင်မတန် သာယာအေးချမ်းတဲ့ မြို့တော်ကြီးတခု ရှိပါတယ်။ သည်တံခါးကြီးက အဲ့ဒီမြို့တော်ကို ၀င်တဲ့ တံခါးကြီးပါ။ အဲ့ဒီတံခါးကြီးကနေ လှမ်းကြည့်လိုက်တဲ့အခါ ဟိုး မြို့တော်ထဲမှာ လူတွေ ပျော်ရွှင်နေကြတာ၊ သွားချင်တဲ့ နေရာတွေ သွားနေကြတာ၊ စကားတွေ ပြောနေကြတာ၊ ရေးချင်တာတွေ ရေးနေကြတာ၊ နားထောင်ချင်တာတွေ သူတို့ ကြားအောင် နားထောင်နေနိုင် ကြတာ၊ အဲဒါတွေ အားလုံးကို သူမြင်နေရတော့ အဲ့ဒီကို သိပ်သွားချင်တယ်။ အင်မတန် ပျော်ရွှင်တဲ့ နိုင်ငံကြီး တခုပဲ။ အဲ့ဒီတော့ ငါသွားချင်တယ်။ ခက်နေတာက တံခါးကြီးရဲ့ ရှေ့မှာ အစောင့်ကြီးတယောက် ရှိပါတယ်။ အဲ့ဒီ အစောင့်ကြီးက မတ်မတ်ရပ်ပြီးတော့ ခရီးသည်ကြီးဆီကို ကြည့်နေတယ်။ ခရီးသည်ကြီးက အစောင့်ကြီးဆီကို သွားပါတယ်။ "အစောင့်ကြီးခင်ဗျာ" တဲ့၊ "ကျနော် ဒီတံခါးကနေ ဖြတ်ပြီးတော့ ဟိုး မြို့တော်ကြီးဆီကို သွားချင် ပါတယ်။ ကျနော့်ကို ၀င်ခွင့်ပေးပါခင်ဗျာ" တဲ့။ အဲ့ဒီလို သူက ယဉ်ကျေးစွာ ခွင့်တောင်းလိုက်ပါတယ်။ ဒီတော့ အစောင့်ကြီးက ၀င်ခွင့်မပေးပါဘူးလို့ မျက်နှာထားတည်တည်နဲ့ ငြင်းလိုက်တယ်။ အဲ့ဒီတော့ ခရီးသည်ကြီးက ၀င်ခွင့်မပေးသေးဘူး ဆိုတော့ တချိန်မှာတော့ ငါ့ကို ၀င်ခွင့်ပေးမှာနဲ့တူတယ်ဆိုပြီး သူဟာ နောက်ပြန်ဆုတ်သွား တယ်။ ပြန်ပြီးတော့ ခပ်လှမ်းလှမ်းမှာ ထိုင်ပြီးတော့ စောင့်နေပါတယ်။ စိတ်ရှည်လက်ရှည်နဲ့ ၀င်ခွင့်ပေးတဲ့အထိ စောင့်တယ်။ သူတခါ မတ်တတ်ရပ်ပြီးတော့ အစောင့်ကြီးဆီကို ပြန်သွားပါတယ်။ "အစောင့်ကြီးခင်ဗျာ ကျနော် ဟို မြို့တော်ကြီးထဲကို ၀င်ချင်ပါပြီ၊ ကျနော့်ကို ဒီတံခါးကနေ ၀င်ခွင့်ပေးပါ" တဲ့။ အဲ့တော့ မနှစ်ကလိုပဲ အစောင့်ကြီးက မျက်နှာမာမာနဲ့ ၀င်ခွင့်မပေးဘူးလို့ ငြင်းလိုက်တယ်။ သူက မနှစ်ကလိုပဲ နောက်ပြန်ဆုတ်ပြီး ခပ်လှမ်းလှမ်းမှာပဲ ထိုင်စောင့်နေတယ်။ ငါ့ကို တချိန်ချိန်တော့ ၀င်ခွင့်ပေးမှာ ထင်ပါရဲ့၊ ဒါမှမဟုတ် တယောက်ယောက်ကပဲ ငါ့ကို ၀င်ထွက်ခွင့် လက်မှတ် တောင်ပေးမှာ ထင်ပါရဲ့၊ ဒါမှမဟုတ် တယောက်ယောက်ရဲ့ နောက်ကနေ ကပ်ပြီးလိုက်ရင် တော့ ငါ ဒီအထဲကို ၀င်ရလိမ့်မယ် ထင်ပါရဲ့။ သူဟာ တွေးပြီးတော့ သူ့နေရာမှာ ငြိမ်ပြီးတော့ ထိုင်နေပါတယ်။ အဲ့ဒီလို တစုံတယောက်က ပေးလာနိုးနဲ့ မျှော်လင့်ခဲ့တာ ရက်ကနေ လ၊ လကနေ နှစ်၊ နှစ်ပေါင်းများစွာ ကြာတဲ့အထိ သူက အဲ့ဒီနေရာမှာ ထိုင်ပြီး စောင့်ပါတယ်။ နောက်ဆုံး သူဟာ အဖိုးကြီးဘ၀နဲ့ တုန်တုန်ချိချိနဲ့ ထပြီးတော့ အစောင့်ကြီးဆီကို ထသွားပါတယ်။ သူသွားတဲ့အချိန်မှာ သူစဉ်းစားတယ်၊ ဒီတံခါးကြီးဟာ ဖွင့်ထား တာလဲ ဟုတ်တယ်၊ ဘယ်သူမှလဲ ၀င်ခွင့် လာမတောင်းကြဘူး၊ ငါတယောက်ပဲ ၀င်ခွင့်တောင်းတယ်၊ ဖြတ်ဆင်း သွားတဲ့ လူလဲ မမြင်ရဘူး၊ အဲ့ဒါ ထူးတော့ ထူးဆန်းတယ်၊ ငါ ဒီတခါ စမ်းကြည့်ဦးမှ ဖြစ်မယ်ဆိုပြီး

"အစောင့်ကြီးခင်ဗျာ၊ ကျနော် ဒီအရှေ့မှာ စောင့်လာခဲ့တာ ကျနော် ဒီအရှေ့မှာ စောင့်လာခဲ့တာ နှစ်ပေါင်းများစွာ ကြာခဲ့ပါပြီ ကျနော် အိုလဲ အိုနေပါပြီ၊ သေလဲ သေရပါတော့မယ် အခုအချိန်ထိ ကျနော် ၀င်ခွင့်မရသေးဘူး၊ ကျနော်ဒီရှေ့မှာ စောင့်နေသမျှ နှစ်တွေမှာလဲ ဒီတံခါးကြီးထဲကို ၀င်တဲ့သူရယ်လို့ တယောက်မှ မတွေ့သေးပါဘူး၊ ကျနော်တယောက်တည်းပဲ ဒီရှေ့မှာ ရှိတယ်၊ အဲဒါဟာ ဘာသဘောလဲ ခင်ဗျာ" တဲ့။ သူက အဲ့ဒီလို မေးလိုက်တော့ အစောင့်ကြီးက "ဟုတ်တယ် ခင်ဗျားက လွဲပြီးတော့ တယောက်မှ အထဲကို ၀င်ခွင့်မတောင်းသေးဘူး၊ ၀င်လို့လဲ မရသေးဘူး၊ ဘာကြောင့်လဲဆိုတော့ ဒီတံခါးဟာ ခင်ဗျားအတွက် ရည်ရွယ်ပြီး ဖွင့်ထားတဲ့ တံခါးဖြစ်လို့ပဲ၊ ဘယ်သူမှလဲ လာမမေးပါဘူး၊ အခုတော့ ကျနော် ဒီတံခါးကို ပိတ်ရပါတော့မယ်" တဲ့ ပြောပြီးတော့ သူ့ရှေ့မှာပဲ တံခါးကြီးကို ပိတ်လိုက်တယ်၊ ဒီတော့ ကပ်ဖကာရဲ့ အဲ့ဒီ ပုံဝတ္ထုလေးကို အဲလစ်စတုန်းက ကျမတို့ကို ရှင်းပြခဲ့တယ်၊ ဒီလူဟာ နှစ်ပေါင်းများစွာ ဒီထဲကို ၀င်ချင်တဲ့ စိတ်နဲ့ စောင့်ဆိုင်းနေခဲ့တာ အဲ့ဒါဟာ မျှော်လင့်ချက် မဟုတ်ဘူးတဲ့။ စောင့်ဆိုင်းမှုဆိုတာ ပါလာရင် ဒါဟာ ဆန္ဒပဲ ဖြစ်တယ်။ ဒါ မျှော်လင့်ချက် မဖြစ်နိုင်ဘူး၊ မျှော်လင့်ချက်ရယ်လို့ ပြောတဲ့အတွက် သူဟာ တံခါးထဲကို ၀င်ဖို့ ကြိုးစားသင့်တယ်။ ဒီတံခါးကို သူကိုယ်တိုင် ၀င်ဖို့ မကြိုးစားပဲ တစုံတယောက်ရဲ့ အမိန့်အာဏာ၊ တစုံတယောက်ရဲ့ အားကိုးမှုနဲ့ သူဝင်ဖို့ သူဟာ စောင့်နေခဲ့တာ။ ဒါကြောင့် သူဟာ ဒီတံခါးထဲကို ၀င်ခွင့် မရခဲ့ဘူး။

နောက်ဆုံးကြတော့ တံခါးကြီးက ပြန်ပိတ်သွားရပြီတဲ့။ ကမ္ဘာပေါ်မှာ လူတော်တော်များများဟာ ဒီလို စိတ်ထားမျိုး ရှိကြတယ်။ ကျနော်တို့တွေအားလုံးမှာ ဒီအဖိုးအိုလို စိတ်ထားမျိုး ရှိကြတယ်။ ဒါ မျှော်လင့်ချက်ပိုင်ရှင်တွေ မဟုတ်ဘူးလို့ အဲလစ်စတုန်းက ပြောပါတယ်။ ဒီတော့ ကျမတို့က အဲ့ဒီ ပုံဝတ္ထုကို ကြည့်ပြီးတဲ့အခါမှာ ကျမတို့ ညံ့နေတာတွေ တော်လာအောင် မျှော်လင့်ချက်ဆိုတာ စောင့်ဆိုင်းနေရုံနဲ့ မရဘူး၊ ကျမတို့ ကိုယ်တိုင် မဖြစ်ဖြစ်အောင် လုပ်မယ် ဆိုတဲ့ ဆုံးဖြတ်ချက် ပါဖို့ လိုပြီးလို့ ကျမ အဲ့လို တွေးပါတယ်၊ အဲ့ဒါနဲ့ အဲလစ်စတုန်းပြောသလို မျှော်လင့်ချက် အရှင်ဖြစ်အောင် ကျမတို့ နည်းလမ်းတွေ ရှာကြပါတယ်။ ဒီအစောင့်ကြီး ကျော်ပြီးတော့ အထဲကို ၀င်ဖို့ နည်းလမ်းတွေ၊ ဒါပေမယ့် ကျမ ဘာနည်းလမ်းမှာ မတွေ့သေးပါဘူး။ ခုချိန်ထိ တံခါးကြီးက ပွင့်နေဆဲပါ။ ဒါပေမယ့် ကျမ နည်းလမ်းမတွေ့သေးတဲ့အတွက် မတော်သေးပဲ ညံ့ဖျင်းတဲ့ လူတယောက် ဖြစ်နေပါတယ်၊ ဒါဟာ ကျမတယောက်တည်း မဟုတ်ပါဘူး၊ ကျမသူငယ်ချင်းတွေ အကုန်လုံး ဒီလိုပါပဲ။ ဆရာဝန်တွေ၊ တချို့ စာရေးဆရာတွေ ကျမလောက်နီးပါး ညံ့တဲ့လူတွေ ရှိပါလိမ့်မယ်။ ဒီတော့ ကျမတို့ အထဲကို ၀င်ဖို့ နည်းလမ်းတခုခုတော့ ရှိမယ်ဆိုပြီး ရှာကြပေမယ့် နည်းလမ်းမတွေ့ခဲ့တော့ ကိုယ်ကိုကိုယ် နည်းနည်းတော့ ဒေါသဖြစ်မိတယ်။ ဘေးက ကြည့်တဲ့ ပရိသတ်လဲ ဒီလောက်ညံ့ရသလားဆိုပြီး ဒေါသထွက်ချင် ထွက်ပါလိမ့်မယ်။ အမှန်အတိုင်း ၀န်ခံရရင်တော့ ကျမဟာ ဒီခရီးသည်ကြီးလို ဖြစ်နေဆဲပါ။ ဒီနေရာမှာ ကျမ စာနယ်ဇင်း သတင်းစာဆရာကြီး တယောက်ကို လူတယောက်မေးတဲ့ မေးခွန်းနဲ့ ကိုယ့်ကိုကိုယ် ဖြေသိမ့်ပါတယ်။ သူက နိုင်ငံကျော် စာနယ်ဇင်း သတင်းစာဆရာကြီးတယောက်ကို ဘာမေးသလဲ ဘာပြောသလဲဆိုတော့ "ခင်ဗျားတို့ သတင်းစာဆရာတွေဟာ ပြဿနာတွေကို ရှာနေကြတာပဲ၊ ပြဿနာတွေကို ရှာပြီး ဒီပြဿနာရဲ့ အဖြေကိုတော့ ပြည်သူတွေကို ချပြဖို့ သတိမရကြဘူး၊ ခင်ဗျားတို့ တော်တော်ညံ့တဲ့ လူတွေပဲ" လို့ သတင်းစာဆရာကြီးကို ဝေဖန်ပါတယ်။ ဒီတော့ သတင်းစာဆရာကြီးက ပြန်ပြောလိုက်ပါတယ်။ "ဟုတ်ကဲ့၊ ကျနော်ဟာ ပြဿနာရဲ့ အဖြေမသိလို့သာ သတင်းစာဆရာ လုပ်နေတာပါ၊ ပြဿနာရဲ့ အဖြေကိုသာ သိရင် နိုင်ငံရေးသမားပဲ လုပ်မှာပေါ့" တဲ့။ အဲ့ဒီလို သူက ဖြေတယ်၊ ဒီတော့ ကျမလဲ ဒီသတင်းစာဆရာကြီးလိုပဲ ဖြေရပါ လိမ့်မယ်။ ကျမဟာ စာရေးဆရာသာ ဖြစ်ပါတယ်၊ စာရေးဆရာ ဖြစ်တဲ့အတွက် ပြဿနာတွေ ရှာတယ်လို့ အဓိပ္ပါယ် သက်ရောက်ရင် သက်ရောက်သွားပါလိမ့်မယ်။ ကျမဟာ ပြဿနာတွေရဲ့ အဖြေကို မသိလို့သာ စာရေးဆရာ ဖြစ်နေတာပါ။ ပြဿနာတွေရဲ့ အဖြေကို သိရင် နိုင်ငံရေးသမား လုပ်မှာပေါ့။ အဲ့ဒီလိုဆိုရင် (လက်ခုပ်သံများ) အဲလို့သာဆိုရင် ကျမကို ခုလို ရန်ကုန် စက်မှုတက္ကသိုလ် စာပေဟောပြောပွဲ စင်မြင့်ပေါ်မှာ ကျမကို တွေ့ရမှာ မဟုတ်တော့ပါဘူး။ ကျေးဇူးတင်ပါတယ်ရှင်။ ။
(လက်ခုပ်သံများ)

ဂျူး
(၁၉၉၆ လောက်က ရန်ကုန်စက်မှုတက္ကသိုလ်မှာ ဟောပြောချက်ကို ဒေါင်းအိုးဝေ စာစောင်( ? ခုနှစ်) မှ ကူးယူ ဖော်ပြခြင်း ဖြစ်ပါတယ်။)
ကျေးဇူတင်ခြင်း- စာပိုဒ်အကျကို ဖြည့်ပေးတဲ့၊ စာဟောတဲ့ ခုနှစ်ကို ဖြည့်ပေးတဲ့၊ ကျောက်ဖြူ ဘလော့ဂါ ကို မာယာက ကျေးဇူးတင်ကြောင်း ပြောချင်ပါတယ်။