တစ္ဆေရေးသူ-ကြည်အေး

အိပ်လို့မရ
ညကြီးမင်းကြီး၊ ထပြီးထိုင်နေ
မွေ့ရာတွေလဲ၊ ကြေမွတွန့်လိပ်
သိပ်စိတ်ညစ်တယ်၊ သတိပြယ်လွင့်
ခိုတွယ်စရာအတည်မကျ။



အပြင်ဘက်မှာ
သစ်ရွက်တွေကြား၊ ကြယ်လေး,ငါးပွင့်
စကားပင်အို၊ ကန်ရေစိုစွတ်
ဟိုမှာလှုပ်လှုပ်၊ ငုတ်တုတ်လက်ကမ်း
စမ်းလျှောက်သွားနေ၊ မြက်ခြုံတွေထဲ
တစ္ဆေငါကိုယ်တိုင်ပါဘဲ။

ကုတင်ခြေရင်း
ပြေးနင်းရှပ်ရှပ်၊ မတ်တတ်ထလိုက်
ခန်းဝကိုလာ၊ ၀ယန္တာမှာ
သည်မှာတယောက်၊ တစ္ဆေချောက်လှန့်
ကြောက်ကြောက်နှင့်ကြည့်၊ မျက်နှာလှည့်စမ်း
တည့်တည့်လှမ်းမြင်၊ အော်ငိုချင်မိ
တဆင်ထဲဘဲသူနှင့်ငါ။

မြစ်နက်ထဲမှာ
ငါ-ရေနစ်မြုပ်၊ ချမ်းပြီးကုပ်နေ
ကုက္ကိုကိုင်းကြား၊ ငါနေနားလိုက်
ဘုရားရှေ့မှောက်၊ ဒူးထောက်ရောက်ပြန်။

မောပမ်းလျနှင့်
တယောက်သောငါ၊ ငါများစွာမှ
ထလာလွင့်ပါး၊ မောင့်အနားကို
စကားထွေရာ၊ ငိုသံပါနှင့်
ဘာမှမကြား၊ မောင့်အနားမှာ
"ထသွားစို့ဆို၊ မေ့ကိုအိပ်မက်
မမက်ဘူးလား"၊ တစ္ဆေဖျားယောင်း
မှုန်မွှား စိတ်ဝယ်အရိပ်ထင်။ ။

ကြည်အေး
တာရာမဂ္ဂဇင်း၊ အတွဲ ၃၊ အမှတ်၂၀၊ စက်တင်ဘာ ၁၉၄၉။